<a href="https://kyzylorda-news.kz/">Kyzylorda-news.kz</a> Әлеуметтік желілерде Армения Республикасының премьер-министрі Никол Пашинянның Қазақстанға қатысты мәлімдемелері туралы шындыққа сәйкес келмейтін ақпарат таралуда.Жүргізілген тексеру нәтижесінде аталған дәйексөздің бұрмаланғаны анықталды. Никол Пашинян мұндай сөздер айтпаған.Манипуляцияға Армения Үкіметі басшысының 3 қыркүйекте өткен брифингте журналистің сұрағына берген жауабы негіз болған. Ереванның шешімдеріне сыртқы ықпалдың болуы туралы болжамға түсініктеме бере отырып, Никол Пашинян:<blockquote>«Сіздердің алдарыңызда Армян КСР Коммунистік партиясы Орталық Комитетінің бірінші хатшысы тұрғандай әсер қалыптасады», - деп мәлімдеген.</blockquote>Осылайша, оның сөзі Арменияның мемлекеттік шешімдерді өз бетінше қабылдау мәселесіне қатысты болған. Бұл контексте Қазақстан туралы ешқандай сөз айтылмаған.Жалған ақпарат авторлары бастапқы жауаптағы жекелеген сөздерді өзгертіп, түпнұсқада болмаған сөз тіркестерін қосқан. Нәтижесінде мәлімдеменің бастапқы мәні өзгертіліп, ол Қазақстанға қарсы бағытталған пікір ретінде әдейі ұсынылған. Жауаптың түпнұсқалық мазмұны брифингтің бейнежазбасымен расталады. Толық жауап VERELQ жарияланымында берілген.Мұндай манипуляциялар теріс көңіл күй қалыптастыруға және Қазақстан мен Армения халықтары арасында жасанды түрде түсініспеушілік тудыруға бағытталған.Жалған ақпаратқа қарсы іс-қимыл орталығы әлеуметтік желі қолданушыларын тексерілмеген дәйексөздер мен жарияланымдарды таратпауға, ақпараттың бастапқы дереккөзіне, жарияланған күні мен &nbsp;мәнмәтініне назар аударуға шақырады. Сондай-ақ, бұған дейін жарияланған жалған жазбаларды өшіріп, тиісті теріске шығаруды жариялауды сұрайды.Естеріңізге сала кетейік, жалған ақпарат таратқаны үшін ҚР ӘҚБтК-нің 456-2-бабы бойынша әкімшілік жауапкершілік қарастырылған (250 АЕК-ке дейінгі айыппұл немесе заңда көзделген жағдайларда әкімшілік қамаққа алу).Қоғамдық тәртіпті бұзу немесе заңмен қорғалатын құқықтар мен мүдделерге елеулі зиян келтіру қаупін тудыратын көрінеу жалған ақпарат таратқаны үшін ҚР ҚК-нің 274-бабы бойынша қылмыстық жауаптылық (7 жылға дейінгі мерзімге бас бостандығынан айыру) қарастырылған.Ақпараттық манипуляциялардың құралына айналмаңыз. Ақпаратты жарияламас және таратпас бұрын оның шынайылығын тексеріңіз.<img src="https://knadmin.beoblood.kz/uploads/Whats_App_Image_2026_09_07_at_15_39_35_9af20a38aa.jpeg" alt="Фейк.jpeg">Сурет: pixabay.com

Пашинянның Қазақстанға қатысты мәлімдемелері туралы шындыққа сәйкес келмейтін ақпарат таралуда

<a href="https://kyzylorda-news.kz/">Kyzylorda-news.kz</a> "Заң мен тәртіп" қағидатын іске асыру, жазасын өтеушілердің бос уақытын тиімді ұйымдастыру және ұлттық құндылықтарды дәріптеу мақсатында Қызылорда облысы бойынша ҚАЖ департаментіне қарасты №37 мекемеде ұлттық спорт түрлерінен жарыс өтті.Іс-шара Қызылорда облысының дене шынықтыру, спорт және туризм басқармасымен бірлесіп ұйымдастырылды. Оған 40-қа жуық жазасын өтеуші қатысып, асық ату, ләңгі тебу және садақ атудан өзара бақ сынады. Сонымен қатар қатысушылар атқа міну өнерінен тәжірибе жинақтады. Ұлттық спорт түрлері арқылы қатысушылардың ептілігі, шапшаңдығы, мергендігі мен төзімділігі сыналды. Жазасын өтеушілер жарыс барысында белсенділік танытып, спортқа деген қызығушылықтарын көрсетті.<blockquote>– Ұлттық спорт – халқымыздың салт-дәстүрі мен мәдениетінің ажырамас бөлігі. Мұндай іс-шаралар жазасын өтеушілердің бос уақытын тиімді өткізуімен қатар, олардың бойында тәртіп, жауапкершілік пен төзімділік қасиеттерін қалыптастыруға ықпал етеді. Спорт адамды өзін-өзі тәрбиелеуге, мақсатқа ұмтылуға және салауатты өмір салтын ұстануға жетелейді, – деді №37 мекеме бастығының орынбасары Жеңіс Ернияз.&nbsp;</blockquote>Іс-шараға қатысушылар да өз әсерлерімен бөлісті. Олардың айтуынша, ұлттық ойындардан өздерін сынап көрумен қатар, атқа міну өнерімен танысу ерекше әсер қалдырған. Мұндай спорттық және тәрбиелік шаралар жазасын өтеушілердің бос уақытын тиімді ұйымдастырып қана қоймай, олардың оң көзқарасын қалыптастыруға және қоғамға қайта бейімделуіне бағытталған.<img src="https://knadmin.beoblood.kz/uploads/Whats_App_Image_2026_09_07_at_12_17_05_b72f1edcc4.jpeg" alt="ҚАЖ.jpeg">

Қызылордада жазасын өтеушілер ұлттық спорт түрлерінен сынға түсті

Бүгін облыс әкімі Мұрат Ергешбаев Сырдария ауданына жұмыс сапары кезінде «Шіркейлі», «Қоғалыкөл» ауылдарының тұрғындарымен кездесті.Кездесуде елді мекендердің инфрақұрылымын дамыту, ауыл шаруашылығы, кәсіпкерлік және халықтың тұрмыс сапасын арттыру бағытында атқарылып жатқан жұмыстар талқыланды. Айтылған ұсыныс-пікірлер бойынша жауапты сала басшыларына тиісті тапсырмалар берілді. ​ Тұрғындар көтерген мәселенің ең негізгісі – табиғи газ. «Шіркейліге» газ жеткізу үшін биылға 400 млн теңге бөлінген, 47,5 шақырым газ құбырын тарту және 4 газ реттеу пунктін орнату жоспарланған. Жоба толық іске асқан кезде 523 үйдегі 2 689 тұрғын табиғи газ пайдаланады.«Қоғалыкөл» ауылын газдандыру жобасына 1,3 млрд теңге жоспарланса, биыл 320 млн теңге бөлінген. Мердігер мемлекеттік тапсырыс аясында анықталады, 40,2 шақырым газ құбырын жүргізу және 4 газ реттеу пунктін орнату көзделген.&nbsp; Нәтижесінде 410 үйдің 2 506 тұрғыны «көгілдір отын» игілігіне қол жеткізеді.Сырдария ауданында әлеуметтік-экономикалық көрсеткіштер бойынша оң динамика қалыптасқан. Қаңтар-шілде айларында негізгі капиталға 46 млрд 530 млн теңге инвестиция тартылды, 13 148 шаршы метр тұрғын үй пайдалануға берілді .Шағын және орта кәсіпкерлік саласында да өсім бар. Тамыздың 1-індегі мәліметке қарағанда, 2 356 кәсіпкерлік субъектісі тіркелген. Оның 156-сы заңды тұлға, 1 024-і жеке кәсіпкер және 1 174 шаруа және фермер қожалығы бар.Биыл Сырдария ауданының шаруашылықтары жалпы 32 354 гектарға егін, &nbsp;142 гектарға картоп, 180 гектарға &nbsp;көкөніс, 368 гектарға бақша, 19 950 гектарға күріш екті. Бүгінде күріштіктің 3288 гектары орылды, 2114 гектары бастырылды. Егін орағына 843 техника қатысуда.Суды үнемдеу және тиімді пайдалану мақсатында жаңбырлатып суару әдісімен 1150 гектарға жоңышқа егіліп, 1500 гектар жер лазермен тегістелді.

«Шіркейлі» және «Қоғалыкөл» ауылдарына табиғи газ жеткізіледі 

<a href="https://kyzylorda-news.kz/">Kyzylorda-news.kz</a> Жаңақорған ауданында пробация есебіндегі азаматтарға жасанды интеллект технологияларын меңгеруге мүмкіндік берілді.Жаңақорған аудандық жастар ресурстық орталығының ұйымдастыруымен цифрлық сауаттылықты арттыруға бағытталған екі күндік оқыту курсы өтті. Оған аудандағы пробация қызметінің есебінде тұрған үш азамат қатысты.&nbsp;Курс барысында қатысушылар жасанды интеллект құралдарын пайдалану, мәтіндік және медиа контент әзірлеу, нейрожелілермен жұмыс істеу қағидаттары және заманауи цифрлық технологияларды күнделікті өмірде тиімді қолдану жолдарымен танысты.&nbsp;Сонымен қатар жасанды интеллекттің білім беру, еңбек, шығармашылық және ақпарат іздеу салаларындағы мүмкіндіктерін түсіндірді. Қатысушылар алған теориялық білімдерін тәжірибе жүзінде сынап көрді. Оқу курсын сәтті аяқтаған пробация есебіндегі азаматтарға сертификат табысталды.<blockquote>– Қазіргі таңда жасанды интеллект арқылы көптеген дүниені жасауға болады. Осы курс барысында оның құралдарын дұрыс пайдалануды үйреніп, өзіме қажетті жаңа білім алдым. Бұрын білмеген көптеген мүмкіндіктермен таныстым. Осындай пайдалы курсты ұйымдастырған Жастар ресурстық орталығына және бізге мүмкіндік берген пробация қызметкерлеріне алғысымды білдіремін. Алған білімімді алдағы уақытта күнделікті өмірде және жұмыс барысында пайдалануға тырысамын, – деді курс қатысушысы.</blockquote>Мұндай оқыту курстары пробация есебіндегі азаматтардың жаңа білім мен дағдыларды меңгеруіне, еңбек нарығына бейімделуіне және қоғамға қайта бейімделуіне ықпал етеді.<img src="https://knadmin.beoblood.kz/uploads/Whats_App_Image_2026_09_02_at_17_00_57_1_ff2ea63b6c.jpeg" alt="ҚАЖ.jpeg">

Жаңақорған: Пробация есебіндегі азаматтар жасанды интеллект курсына қатысты

<a href="https://kyzylorda-news.kz/">Kyzylorda-news.kz</a> Қылмыстық-атқару жүйесі департаментіне қарасты №68 мекемесінде жазасын өтеуші азаматтардың бос уақытын тиімді ұйымдастыру, олардың бойындағы жағымды қасиеттерді қалыптастыру, шығармашылық қабілеттерін дамыту және қоғамға қайта бейімделуіне ықпал ету мақсатында тәрбиелік мәні зор спорттық және шығармашылық іс-шаралар ұйымдастырылды. Аталған іс-шара «Асыл мұра – Орда» қоғамдық қорының директоры Айжан Айтмамбетовамен бірлесе отырып, мекеменің тәрбие бөлімінің бастығы Азат Батырбековтың ұйымдастыруымен өтті.Іс-шараға оқшауланған аймақта қалдырылған сотталған азаматтар белсенді түрде қатысып, өздерінің спорттық шеберліктері мен шығармашылық қабілеттерін ортаға салды. Бағдарлама аясында гір тасын көтеру, мәнерлеп оқу және сурет салу бағыттары бойынша сайыстар өтті.Спорттық сайыста қатысушылар күш пен төзімділіктерін сынап, ширақтық пен жігер танытса, шығармашылық бағыттарда өздерінің ой-өрісін, өнерге деген қызығушылығын және эстетикалық талғамын көрсете білді. Әсіресе, мәнерлеп оқу мен сурет салу арқылы қатысушылардың ішкі жан дүниесін шығармашылық тұрғыда жеткізуіне мүмкіндік берілдіСайыс қорытындысы бойынша үздік нәтиже көрсеткен қатысушылар анықталып, жеңімпаздар арнайы сыйлықтармен марапатталды. Жеңімпаздарға спорттық үлгідегі кроссовки, трико, қалпақ және туфли табысталды.Сыйлықтарды мекеменің тәрбие жұмысы жөніндегі орынбасары, әділет майоры М. Тұрымбетов табыстады. Іс-шара соңында қатысушыларға белсенділіктері үшін алғыс айтылып, осындай тәрбиелік, спорттық және шығармашылық бағыттағы жұмыстар алдағы уақытта да жалғасын табатыны атап өтілді.Осындай игі бастамалар сотталған азаматтардың қоғамға қайта оралуына қажетті дағдыларын қалыптастырып, олардың тәртіпке, еңбекке, спортқа және шығармашылыққа деген қызығушылығын арттыруға септігін тигізеді. Ең бастысы – әр адамның өз өмірін өзгертуге және жаңа бастама жасауға мүмкіндігі бар екенін көрсету.<img src="https://knadmin.beoblood.kz/uploads/Whats_App_Image_2026_09_07_at_11_12_52_1_897eed6852.jpeg" alt="ҚАЖ.jpeg">

Жазасын өтеуші азаматтар спорттық іс-шарада бақ сынады

<a href="https://kyzylorda-news.kz/">Kyzylorda-news.kz</a> Астана мен Алматы ақша айырбастау орындарында шетелдік валюта бағамы ұсынылды, – деп хабарлайды <a href="https://kaz.inform.kz/news/bugng-dollar-bagami-kanday-8b0fdbce">Қазақпарат.</a>Kurs.kz мәліметінше, қазіргі уақытта елорданың ақша айырбастау пункттерінде:<ul><li style="text-align:justify;">доллар 453,00 теңгеден сатып алынады, 460,00 теңгеден сатылады;</li><li style="text-align:justify;">еуро: сатып алу&nbsp;— 525,00 теңге, сату&nbsp;— 535,01 теңге;</li><li style="text-align:justify;">рубль: сатып алу&nbsp;— 5,00 теңге, сату&nbsp;— 5,27 теңге;</li><li style="text-align:justify;">юань 68,59 теңгеден сатып алынады, 72,55 теңгеден сатылады.</li></ul>Алматының ақша айырбастау пункттерінде:<ul><li style="text-align:justify;">доллар: сатып алу&nbsp;— 455,58 теңге, сату&nbsp;— 457,90 теңге;</li><li style="text-align:justify;">еуро: сатып алу&nbsp;— 528,13 теңге, сату&nbsp;— 532,54 теңге;</li><li style="text-align:justify;">рубль 5,15&nbsp;— 5,27 теңге аралығында саудаланады.</li><li style="text-align:justify;">юань 68,32&nbsp;— 70,66 теңге аралығында саудаланып жатыр.</li></ul>Сурет: &nbsp;freepik.com

Бүгінгі доллар бағамы қандай?

<a href="https://kyzylorda-news.kz/">Kyzylorda-news.kz</a> Президенттің баспасөз хатшысы Айбек Смадияр мемлекет басшысы Қасым-Жомарт Тоқаев Дүниежүзілік көшпенділер ойындарының барысын жіті бақылап отырғанын айтты, деп хабарлайды <a href="https://kaz.nur.kz/politics/kazakhstan/2423508-duniezhuzilik-koshpendiler-oiyndary-toqaev-zhengiske-ules-qosqan-barsha-azamattyng-engbegi-elenetinin-aitty/">KAZ.NUR.KZ.</a>Айбек Смадиярдың сөзінше, президент Қасым-Жомарт Тоқаев өзге елдер басшыларымен бірге ашылу салтанатына қатысқан Дүниежүзілік көшпенділер ойындарының барысын жіті бақылап отыр."Мемлекет басшысы туризм және спорт министрі Ербол Мырзабосынов арқылы Қазақстан атынан Ойынға қатысушыларға ізгі сәлемін жолдап, достық пен әділдік рухында өтіп жатқан жарыстарда жарқын жеңіс тіледі.<blockquote>– Мемлекет басшысы бапкерлер мен чемпиондарға ризашылығын білдірді, сондай-ақ ұлттық құраманың ортақ табысына үлес қосқан барша азаматтың еңбегі еленетінін атап өтті", - деп жазды президенттің баспасөз хатшысы Telegram-дағы арнасында.</blockquote>Сурет: Ақорда

Дүниежүзілік көшпенділер ойындары: Президент жеңіске үлес қосқан барша азаматтың еңбегі еленетінін айтты

<a href="https://kyzylorda-news.kz/">Kyzylorda-news.kz</a> Қорқыт Ата атындағы Қызылорда университетінде «Қазақстан Республикасының Қылмыстық-процестік құқығы» дәрісханасының салтанатты ашылу рәсімі өтті.Жаңа дәрісхананың ашылу рәсіміне Қызылорда облысының прокуроры Ожаров Ризабек Кәрімұлы, Полиция департаментінің бастығы Ергешов Серік Жүрсінбайұлы, университет ректоры Байқадамов Наурызбай Сейтқалиұлы, «Құрмет» орденінің иегері, ҚР ІІМ-нің «Құрметті ардагері», Қызылорда қаласының құрметті азаматы Рахимов Тастемір Сауранбайұлы, II дәрежелі &nbsp;“Айбын” орденінің иегері, Ішкі істер органдарының құрметті ардагері, заң ғылымдарының кандидаты Отарбаев Ғанибек Сырмағанбетұлы, Қызылорда облысы Полиция департаменті Ардагерлер кеңесінің төрағасы Шаймағамбетов Әмірбек Бердібекұлы, құқық қорғау органдарының сала ардагерлері, профессор-оқытушылар, студенттер және бұқаралық ақпарат құралдарының өкілдері қатысты. &nbsp;Дәрісхана студенттердің қылмыстық-процестік құқық саласындағы теориялық білімін тереңдетіп, құқық қорғау органдарының практикалық қызметімен танысуына мүмкіндік береді. Сонымен қатар мұнда болашақ заңгерлердің кәсіби дағдыларын қалыптастыруға бағытталған дәрістер, практикалық сабақтар және кездесулер өткізу жоспарланған.Салтанатты шара барысында арнайы дәрісхананың лентасын қию рәсімі өтті. Лентаны Ожаров Ризабек Кәрімұлы, Ергешов Серік Жүрсінбайұлы, Байқадамов Наурызбай Сейтқалиұлы және Рахимов Тастемір Сауранбайұлы кесті. Сонымен қатар тараптар өзара ынтымақтастықты одан әрі дамыту мақсатында меморандумға қол қойды. Аталған рәсім өзара серіктестіктің жаңа кезеңін айқындаған маңызды қадам болды.&nbsp;Іс-шара аясында «Заң мен тәртіп» тақырыбында кітап көрмесі ұйымдастырылды. Көрмеде құқықтық сауаттылықты арттыруға, заңдылық пен қоғамдық тәртіпті насихаттауға бағытталған әдебиеттер көпшілік назарына ұсынылды.Кітап көрмесінің ашылу барысында Қызылорда облысы Полиция департаментінің бастығы С.Ергешов сөз сөйлеп, студенттерге заң мен тәртіптің қоғамдағы маңызы, құқық қорғау саласының жауапкершілігі және жастардың құқықтық мәдениетін қалыптастыру жөнінде ой бөлісті. Сонымен қатар университет кітапханасының қорын толықтыру мақсатында бірқатар кітаптарды сыйға тартты. Бұл бастама білім алушылардың құқықтық білімін жетілдіруге және кітап оқуға деген қызығушылығын арттыруға бағытталған маңызды қадам. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;Университет ректоры Байқадамов Наурызбай Сейтқалиұлы Полиция департаментінің бастығы Ергешов Серік Жүрсінбайұлына «Қорқыт Ата университетінің Алтын медалін» табыстады.Сондай-ақ құқық қорғау органдарында табысты қызмет атқарып жүрген Полиция департаментінің қызметкерлері Мұратова Салтанат Амангелдіқызы, Смаилов Әділхан Мұратбекұлы, Жандуллаев Батырхан Сәкенұлы, Байменов Дәулетхан Бахытханұлы &nbsp;«Қорқыт Ата университетінің Үздік түлегі» медалімен марапатталды. Марапаттау рәсімі құқық қорғау саласында қызмет етіп жүрген университет түлектерінің кәсіби жетістіктерін атап өтіп, олардың еңбегіне көрсетілген құрметтің белгісі.Аталған шара білім беру мен құқық қорғау органдары арасындағы өзара байланысты нығайтып, болашақ заңгерлердің кәсіби даярлығын жетілдіруге бағытталған маңызды бастамалардың бірі болды.

Болашақ заңгерлерге арналған жаңа дәрісхана ашылды 

<a href="https://kyzylorda-news.kz/">Kyzylorda-news.kz</a> VI Дүниежүзілік көшпенділер ойындарының алтыншы жарыс күнінде Қазақстан құрамасы ел қоржынына кезекті жүлделерін салып, алтын медаль санын 32-ге жеткізді. Бұл туралы Stan.kz ақпарат агенттігі хабарлайды.6 қыркүйекте&nbsp;спортшылар көкпар, көкбөрі, тоғызқұмалақ, мангала және овари бойынша жүлделерге таласты.Зияткерлік спорт түрлерінен жарыстар Ойындардың алғашқы күнінен басталып, бүгін шешуші кезеңдер өтті. Тоғызқұмалақтан Қазақстан құрамасы жоғары нәтиже көрсетіп, 4 алтын және 2 күміс медаль жеңіп алды.Мангала жарысында да ел спортшылары сәтті өнер көрсетті. Қазақстан құрамасының мүшелері 2 алтын, 2 күміс және 1 қола медаль иеленді.Африка халықтарының дәстүрлі зияткерлік ойыны – овариден де қазақстандық спортшылар жүлдесіз қалмады.Көкбөріден өткен финалдық кездесуде Қазақстан мен Қырғызстан құрамалары өзара сынға түсті. Қырғызстанда кеңінен дамыған және елдің дәстүрлі ұлттық спорт түрлерінің бірі саналатын көкбөріден қырғыз құрамасы шешуші ойында басым түсіп, алтын медаль иеленді. Қазақстан құрамасы күміс жүлдегер атанды.Осылайша, VI Дүниежүзілік көшпенділер ойындарында Қазақстан құрамасының еншісіндегі алтын медаль саны 32-ге жетті.Сурет: Туризм және спорт министрлігі

Қазақстан құрамасы Көшпенділер ойындарында 32 алтын медаль жеңді

<a href="https://kyzylorda-news.kz/">Kyzylorda-news.kz</a> Шағын футболдан БАҚ өкілдері арасындағы “Almaty CUP” республикалық турнирі өтті. Чемпиондар кубогы сарапқа салынған жарысқа 9 команда қатысты. Олардың арасында Қызылорда журналистерінен құралған Ақмешіт командасы да бар.&nbsp;Жарыс “Қайрат” футбол академиясының алаңында ұйымдастырылды. Атырау, Қызылорда, Шымкент, Тараз, Алматы, Талдықорған, Семей облыстарынан келген командалар екі топқа бөлініп, кубокты сарапқа салды.&nbsp;Жартылай финалда Шымкент пен Семей, Қызылорда мен Тараз командалары кездесті. Ақтық сында Ақмешіт командасы Семейге 0-1 есебімен есе жіберіп, екінші орынды еншіледі. Ал, үшінші орынды Шымкент командасы қанағат тұтты.Ақмешіт командасының капитаны, Ұлттық арнаның Қызылордадағы меншікті тілшісі Әділбек Жақанов турнирдің “Үздік сұрмергені” номинациясын иеленді.

Ақмешіт командасы республикалық турнирде жүлдегер атанды

Қазақстанда жыл сайын 5 қыркүйек – Қазақстан халқы тілдері күні ретінде аталып өтеді. Бұл дата қазақ тіл білімі мен әдебиеттану ғылымдарының негізін қалаған ұлт ұстазы, ағартушы Ахмет Байтұрсынұлының туған күнімен орайлас келеді. Тіл мерекесі мемлекеттік тілдің мәртебесін арттырып қана қоймай, еліміздегі барша этностың тілдеріне құрмет көрсетуге, тіл мәдениетін дамытуға үндейтін маңызды қоғамдық мәні бар күн.Осыған орай Қызылорда облысының қоғамдық даму басқармасының ұйымдастыруымен Қазақстан халқы тілдері күнін атап өтуге арналған облыстық іс-шаралар жоспары бекітіліп, онкүндік жарияланды. Мерекелік шаралар 2 қыркүйек күні «Тілді сүю - талбесіктен» акциясымен бастау алды.Онкүндік аясындағы негізгі шаралардың бірі Достық үйінде ұйымдастырылған «Тіл. Бірлік. Болашақ.» атты облыстық форум.&nbsp;Форум жұмысына облыс әкімінің орынбасары Мейрамбек Шермағанбет, зиялы қауым өкілдері, тіл жанашырлары, тіл мамандары, аудандық және қалалық мәдениет және тілдерді дамыту бөлімдерінің басшылары, мемлекеттік тілге жауапты қызметкерлер, жоғары және арнаулы орта оқу орындарының басшылары, «Халықаралық «Қазақ тілі» қоғамы» қоғамдық бірлестігінің өкілдері, этномәдени бірлестіктер, жастар және бұқаралық ақпарат құралдарының өкілдері қатысты.Форумды облыстық қоғамдық даму басқармасының басшысы Руслан Каюпов жүргізді. Облыс әкімінің орынбасары Мейрамбек Шермағанбет жиынға қатысушыларды тіл мерекесімен құттықтап, форум жұмысына сәттілік тіледі.<blockquote>«Мемлекеттік тіл халқымыздың рухани тұтастығын айқындайтын басты құндылықтардың бірі. Оның қолданыс аясын кеңейту тек белгілі бір салаға жүктелетін міндет емес. Бұл мемлекеттік органдардан бастап, білім беру, мәдениет, ақпарат, бизнес және қоғамдық ортаға дейінгі барлық бағытты қамтитын ортақ жұмыс. Тілдің дамуы ең алдымен оның қолданысына байланысты. Қазақ тілінде сапалы контенттің көбеюі, мемлекеттік тілдегі қызметтердің қолжетімді болуы, жастардың қазақ тілін заманауи технологиялармен қатар меңгеруі тілдің өміршеңдігін қамтамасыз ететін негізгі бағыттар. Әсіресе жасанды интеллект пен цифрлық технологиялар дәуірінде қазақ тілінің мүмкіндігін кеңейтуге ерекше назар аудару қажет», – деді Мейрамбек Зинабдинұлы.</blockquote>Бүгінде мемлекеттік тілдің қоғам өміріндегі орны жаңа мазмұнмен толығып келеді. Бұл ретте қазақ тілінің тек тұрмыстық қарым-қатынас құралы ғана емес, ғылым мен білімнің, мәдениет пен өнердің, экономика мен технологияның тіліне айналуы маңызды.Осы бағыттар форум барысында кеңінен талқыланды. Мемлекеттік тілдің медиа саласындағы орны мен рөлі туралы облыстық «Сыр бойы» газетінің бас редакторы Қ. Шарабидинов баяндама жасады. Ал Қорқыт Ата атындағы Қызылорда университетінің Жасанды интеллект институтының директоры Н. Құлмырзаев заманауи технологиялар мен цифрлық кеңістіктегі қазақ тілінің мүмкіндіктеріне тоқталды. М.Мәметова атындағы Қызылорда педагогикалық жоғары колледжінің директоры Ж. Тоғанова жастар тәрбиесіндегі тілдің маңызына назар аударса, Халықаралық «Қазақ тілі» қоғамы» қоғамдық бірлестігінің Қызылорда облыстық филиалының төрағасы А. Жүнісов тілдерді дамыту бағытындағы өзекті мәселелерді ортаға салды.Баяндамалардан кейін форум қатысушылары өз ұсыныс-пікірлерін білдірді. Басқосуда қазақ тілін Қазақстанның қоғамдық өмірінде толыққанды орныққан, ғылым мен білімде, мәдениет пен өнерде, экономика мен технологияда еркін қолданылатын заманауи мемлекеттік тіл деңгейіне көтеру қажеттігі айтылды.Форум соңында тілдерді дамытуға үлес қосып жүрген бірқатар тіл жанашырлары мен сала мамандарына Қазақстан Республикасы Ғылым және жоғары білім министрлігінің Құрмет грамотасы мен Алғыс хаты, сондай-ақ облыс әкімінің Алғыс хаты табысталды.<img src="https://knadmin.beoblood.kz/uploads/FB_IMG_1788668187734_16f735bc18.jpg" alt="FB_IMG_1788668187734.jpg">

Қызылордада «Тіл.Бірлік.Болашақ» атты облыстық форум ұйымдастырылды 

Қызылорда қаласындағы «Евразия» спорт кешенінде Мемлекет басшысының «Заң мен тәртіп» қағидаты аясында «Адалдық өзіңнен басталады» тақырыбында шағын футболдан облыстық турнир өтті.Спорттық шараның негізгі мақсаты – қоғамда заңдылық пен құқықтық тәртіпті нығайту, азаматтардың құқықтық мәдениетін арттыру, адалдық пен жауапкершілік құндылықтарын кеңінен насихаттау және бұқаралық спортты дамыту.Турнирдің ашылу рәсіміне облыстық қоғамдық даму басқармасы басшысының орынбасары Дәурен Тлеумбетов қатысып, жарысқа қатысушыларға сәттілік тіледі.<img src="https://knadmin.beoblood.kz/uploads/FB_IMG_1788666784367_e507c06ccc.jpg" alt="FB_IMG_1788666784367.jpg">Өз сөзінде басқарма басшысының орынбасары &nbsp;«Заң мен тәртіп» қағидатының қоғамдық тұрақтылық пен қауіпсіздікті қамтамасыз етудегі маңызына тоқталып, заң талаптарын сақтау әр азаматтың күнделікті өміріндегі басты ұстанымдардың бірі болуы қажеттігін атап өтті.<blockquote>– «Заң мен тәртіп – қоғамдық тұрақтылық пен қауіпсіздіктің берік негізі. Бұл қағидатты орнықтыру мемлекеттік органдардың ғана емес, қоғамның әрбір мүшесінің ортақ міндеті. Заң талаптарын сақтау, белгіленген тәртіпті орындау, өзгенің құқықтары мен заңды мүдделерін құрметтеу – азаматтық жауапкершіліктің негізгі көрсеткіштері. Қоғамдық тәртіп адамның өзінен басталады. Әр азамат өз міндетін адал орындап, заң талаптарын сақтап, қоғамдық ортадағы жауапкершілігін сезінген жағдайда ғана ортақ тәртіп қалыптасады. Бүгінгі спорттық дода да осы құндылықтарды дәріптеуге мүмкіндік береді. Жарыс барысында әр команда спорттық әдеп пен өзара құрмет қағидаттарын сақтай отырып, жоғары деңгейде өнер көрсетеді деп сенемін», – деді Дәурен Оңғарбайұлы.</blockquote>Сондай-ақ, ашылу рәсіміне &nbsp;ауыр атлетикадан Қазақстан Республикасының еңбек сіңірген спорт шебері, Әлем чемпионатының екі дүркін күміс жүлдегері Алмас Өтешов те қатысып, турнирдің ашылуымен құттықтады. Танымал спортшы жарысқа қатысушыларға сәттілік тілеп, спорттың адамды тәртіпке, табандылыққа және жауапкершілікке тәрбиелейтінін атап өтті.<img src="https://knadmin.beoblood.kz/uploads/FB_IMG_1788666789763_00646a570b.jpg" alt="FB_IMG_1788666789763.jpg">Облыстық турнирге бұқаралық ақпарат құралдарының өкілдері, үкіметтік емес ұйымдар, мемлекеттік мекемелердің қызметкерлері және «Жастар Рухы» Жастар қанаты Қызылорда облыстық филиалының өкілдерінен құралған 8 команда қатысты.Жарыстың қорытынды марапаттау рәсімінде жеңімпаздар мен жүлдегерлерге дипломдар мен арнайы марапаттар табысталды. Марапаттарды облыстық қоғамдық даму басқармасы басшысының орынбасары Дәурен Тлеумбетов және Қазақстан Республикасы Мемлекеттік қызмет істері агенттігінің Қызылорда облысы бойынша департаменті басшысының орынбасары Нұржан Сүлейменов табыстады.Турнирдің қорытындысы бойынша жүлделі орындар сараланып, «Барыс» командасы I орынды иеленді. II орын «Нұр» командасына бұйырса, «Жастар Рухы» Жастар қанаты Қызылорда облыстық филиалының командасы III орыннан көрінді.<img src="https://knadmin.beoblood.kz/uploads/FB_IMG_1788666786702_14af3e1466.jpg" alt="FB_IMG_1788666786702.jpg">

Қазақстан және Қызылорда облысының жаңалықтары: Қоғам