«AMANAT» партиясы Қызылорда облыстық филиалының төрағасы Жандос Базартай қоғамдық қабылдау өткізіп, азаматтардың жеке мәселелері бойынша өтініштерін тыңдады.Жеке қабылдауға келушілердің бірі көпбалалы ана 12 жыл бұрын баспанасының болмауына байланысты балаларын патронаттық қамқорлыққа бергенін айтып, қазіргі таңда тұрғын үйге кезекке тұра алмауына байланысты уақытша баспана алуға көмек сұрады.Аталған мәселе бойынша Қызылорда қаласының әкіміне жазбаша өтініші жолданып, қолданыстағы заңнама талаптарына сәйкес тиісті жұмыстар жүргізілетіні түсіндірілді. Сонымен қатар өтініш иесіне мәселенің қаралу барысы бақылауда болатыны жеткізілді.Қоғамдық қабылдау барысында филиал төрағасы әрбір тұрғынның мәселесі назардан тыс қалмайтынын атап өтіп, көтерілген өтініштер бойынша заң аясында тиісті жұмыстар жүргізілетінін айтты.

«AMANAT»:  Тұрғындардың өтініштерін тыңдады 

Қымбатты отандастар!Сіздерді Жеңіс күнімен шын жүректен құттықтаймын!Бүгін біз майдан даласында Отан үшін от кешіп, ерлік жасаған жауынгерлерге және тылда табанды еңбек еткен ардагерлерге шынайы ризашылық сезіммен тағзым етеміз. Қасіретті жылдардың барлық ауыртпалығын қайыспай көтеріп, Жеңіске жеткен аға буынға айрықша құрмет көрсетеміз.Еліміз ортақ Жеңіске өлшеусіз үлес қосты. Екінші дүниежүзілік соғыс кезінде миллиондаған отандасымыз жанқиярлықпен шайқасты, аянбай жұмыс істеп, әскерді керек-жарақпен қамтамасыз етті.Жүзден астам жерлесіміз «Даңқ» орденінің толық кавалері атанды, бес жүз адам Батыр атағын алды, ондаған мың азамат жауынгерлік ерлігі және қажырлы еңбегі үшін марапатталды.Біз аға буынның өшпес даңқын ешқашан ұмытпаймыз. Жаужүрек сардарлар мен сарбаздардың құрметіне мемориалдар орнатылды, кітаптар шығарылып, фильмдер түсірілді, сондай-ақ көшелерге, мектептерге, музейлерге, әуежайларға, әскери бөлімдер мен институттарға ел қорғаған ерлердің есімі беріліп жатыр.Қаһарман ардагерлеріміздің ерен ерлігінің мән-мағынасын өскелең ұрпақтың санасына сіңіру – бүгінгі буынның қасиетті парызы.Біз ержүрек майдангерлердің қайтпас қайсарлығы мен асқақ рухының арқасында дербес әрі бейбіт елде өмір сүріп келеміз, сондай-ақ, төл мәдениетімізді дамытып, қазіргі заманның игілігін сезініп отырмыз.Қазақстанды бүкіл әлем біледі және құрметтейді. Біз жаңа Конституция ережелеріне сәйкес Әділетті Қазақстанды құрып жатырмыз.Ата заңымыз ешкімді ұлтына, наным-сеніміне қарай бөліп-жармайды, барлық азаматтың құқықтары мен бостандықтарын бірдей қорғайды. &nbsp;Ұлы Жеңіс күні – ең алдымен, жауынгерлік ерлігі мен жігерлі еңбегінің арқасында мамыражай заманға жеткізген батырларымыздың есімін ел жадында жаңғырту күні. Бұл – ұлан-асыр тойға емес, мәнді әрі мағыналы ойға шақыратын мереке.Халқымыздың бейбіт өмірге және өсіп-өркендеуге ұмтылысының айқын көрінісі іспеттес көк байрағымыз әрдайым ашық аспан астында желбіресін!Ұлы Жеңіс күні құтты болсын!Фото: Ақорда

Мемлекет басшысы қазақстандықтарды Жеңіс күнімен құттықтады

<a href="https://kyzylorda-news.kz/">Kyzylorda-news.kz</a> Елімізде газдың көтерме бағасын жоғарылату қарастырылып жатыр. Бұл жөнінде ҚР Премьер-министрінің орынбасары – Ұлттық экономика министрі Серік Жұманғарин мәлімдеді.Оның сөзінше, Қазақстандағы газ қорының дәлелденген көлемін ескерсек, инвесторларға қазіргідей құн пайда әкелмейді.<blockquote>– Мұндай көтерме баға үшін жеке субъектілер газ кен орындарын игеруге бармайды. Өйткені, оларға тиімсіз, - деді Серік Жұманғарин.</blockquote>Оның айтуынша, бағаны өсірудегі себеп – инвесторларды ынталандыру және сол арқылы өндіріс көлемін ұлғайтып, ішкі нарықты қамтамасыз ету.<blockquote>– Көтерме бағаның бүгінгіден жоғары болуы салаға инвесторларды тартады. Сондықтан биыл газ құнын өсіруге мәжбүрміз, - деді вице-премьер.</blockquote>Сонымен бірге, ол ішкі нарықта жеткіліксіз болса, газды сырттан импорттауға тура келетінін атап өтті. Ондай жағдайда баға бәрібір де қымбаттайды.ҚР Премьер-министрінің орынбасары – Ұлттық экономика министрінің мәлімдеуінше, энергетикалық кеңестің шешімі бойынша, 1 шілдеден бастап газдың көтерме бағасы 33%-ға артады. Салдарынан инфляция 0,16–0,2%-ға өседі.Бұл шаралар ұзақ мерзімді энергетикалық тұрақтылықты қамтамасыз етуге және аталған секторды дамытуға бағытталған.Фото: ҚР Үкіметі

Газдың көтерме бағасы өзгереді – Серік Жұманғарин

<a href="https://kyzylorda-news.kz/">Kyzylorda-news.kz</a> Дүниежүзілік денсаулық сақтау ұйымы MV Hondius круиз кемесіндегі бірнеше жолаушыдан анықталған хантавирусқа қатысты мәлімдеме жасады, – деп хабарлайды <a href="https://kaz.nur.kz/world/2374205-kruiz-kemesinde-taragan-sirek-kezdesetin-virus-ddsu-okilderi-tagy-malimdeme-zhasady/">Kaz.Nur.kz</a>CNN мәліметіне сүйенсек, Дүниежүзілік денсаулық сақтау ұйымы (ДДСҰ) MV Hondius круиз кемесінде хантавирус инфекциясының сегіз жағдайы анықталғанын, оның ішінде үш расталған және бес күмәнді жағдай анықталғанын хабарлады.Бұған дейін Әулие Елена аралына кемеден 12 елдің азаматы түскен, сол елдердің билігі қауіп жөнінде және олармен байланыста болған адамдарды анықтау қажеттілігі туралы хабардар етілді. Қазіргі уақытта бірнеше елдің денсаулық сақтау органдары індетті тоқтату үшін бар күшін салуда. ДДСҰ мәліметі бойынша, вирустың инкубациялық кезеңі алты апта.Кемедегі қалған жолаушылар Испанияның Канар аралдарына бет алды, ол жаққа кеменің келе жатқаны көпшіліктің назарын аударды.Кемеден ауыр халде эвакуацияланған екі жолаушы емделу үшін Нидерландыға жетті. Медицина қызметкерлерінің айтуынша, қазіргі уақытта ауру белгісі жоқ үшінші эвакуацияланған адамға да медициналық көмек көрсетілуде.Эвакуацияланған жолаушылардың арасында Ұлыбритания азаматы, 65 жастағы Германия азаматы және 41 жастағы нидерландылық экипаж мүшесі бар.Guardian-ның ДДСҰ бас директоры Тедрос Адханом Гебрейесуске сілтеме жасай отырып хабарлауынша, адамдар әдетте хантавирусты кеміргіштерден немесе олардың зәрі, нәжісі немесе сілекейі арқылы жұқтыратынын атап өтті.<blockquote>"Бұл жағдайда біз Латын Америкасында кездесетін және адамдар арасында шектеулі түрде таралуы мүмкін жалғыз белгілі вирус түрі Анд хантавирусы туралы айтып отырмыз", - деді ол.</blockquote>ДДСҰ басшысы бұрынғы індеттерде вирустың адамнан адамға жұғуы отбасы мүшелері, жақын серіктестер және медицина қызметкерлері арасындағы тығыз және ұзақ мерзімді қарым-қатынаспен байланысты болғанын атап өтті.<blockquote>"Қазіргі жағдайда да дәл осылай болып жатқан сияқты", - дейді ол.</blockquote>Оның сөзінше, круиз кемесіндегі оқиға алаңдатарлық жағдай болған, бірақ қоғамдық денсаулыққа төнетін қауіп өте төмен.<blockquote>"Бұл алаңдатарлық жағдай болғанына қарамастан, ДДСҰ қоғамдық денсаулыққа төнетін қауіпті төмен деп бағалайды", - деді ұйым басшысы.</blockquote>MV Hondius кемесі. Фото: AFP via Getty Images

Круиз кемесінде тараған сирек кездесетін вирус: ДДСҰ өкілдері тағы мәлімдеме жасады

<a href="https://kyzylorda-news.kz/">Kyzylorda-news.kz</a> Қармақшы ауданындағы дене шынықтыру-сауықтыру кешенінде Даулет Сламовты еске алуға арналған 2013–2014 және 2015–2016 жылдары туған кіші жасөспірімдер арасындағы облыстық ашық дзюдо турнирі ұйымдастырылды.Жас ұрпақты салауатты өмір салтына баулу және отансүйгіштік қасиеттерді қалыптастыру мақсатында өткізілген спорттық шараға облыстың әр өңірінен келген 300-ге жуық жас спортшы қатысып, татами төрінде өзара бақ сынады.Сламов Даулет Пайзылдаұлы - жастайынан спортқа ерекше қызығушылық танытқан. Өзінің қысқа ғұмырында спортқа жанашыр болып, кейінгі ұрпаққа қолдау көрсетіп, демеушілік жасаған азамат ретінде ел есінде қалды. Оның қайырымдылығы мен азаматтық болмысы бүгінгі жас буынға үлгі.<img src="https://knadmin.beoblood.kz/uploads/arma_shy_dzyudo_turniri_2_364e42f05a.jpg" alt="Қармақшы дзюдо турнирі 2.jpg">Салтанатты ашылу рәсімінде аудан әкімінің орынбасары Диас Молдабаев сөз сөйлеп, қатысушыларға сәттілік тіледі:.«Осындай тағылымды шаралар арқылы жастарымыздың бойында өткенге құрмет секілді тәрбиелік мәні зор ұғымдар қалыптасатыны сөзсіз. Құрметті қатысушылар! Қазіргі өркениетпен үндескен заманда спорттың қоғамымызда алар орны ерекше екендігі белгілі. Осы тұрғыда толағай батырларды түлеткен топырағы құтты Қармақшы мекенінде Сіздердің арнайы қатысуларыңыз – елге, туған жерге құрмет деп білеміз. Сондықтан да бүгінгі байрақты бәсекеде озып шыққан жастарымыз ертеңгі күні елдің абыройын қорғап, көк туымызды әлем алдында желбіретеді деп күтеміз»,-деді Диас Асылбекұлы.Сонымен қатар әулеттің үлкені Тұрар Арыстанұлы да ізгі тілегін білдіріп, батасын берді. Мәдени бағдарлама аясында жыр-арнау айтылып, әндер орындалды.Шара барысында татамиге шыққан жас дзюдошылар өзара салмақ дәрежесінде белдесу өткізіп, көрермен қауымға тартысты ойын көрсетті.Жарыс қорытындысы бойынша жеңімпаздар мен жүлдегерлер арнайы дипломдармен, медальдармен және бағалы сыйлықтармен марапатталды.&nbsp;

Қармақшы ауданында дзюдо турнирі өтті

<a href="https://kyzylorda-news.kz/">Kyzylorda-news.kz</a> Қазақстан Республикасы Президенті жанындағы Орталық коммуникациялар қызметінде 2026 жылғы «Тәуелсіздік ұрпақтары» грантын тағайындау конкурсының басталуына орай брифинг өтті.Іс-шараға ҚР Мәдениет және ақпарат министрлігінің Жастар және отбасы істері комитетінің төрағасы Қайрат Қамбаров, конкурстық комиссия мүшесі Ғайни Есембекова және 2025 жылғы грант иегері Айжан Өмірбаева қатысты.Жиында 2021 жылдан бері Мемлекет басшысы Қасым-Жомарт Тоқаевтың бастамасымен шығармашыл жастарды қолдау мақсатында жыл сайын «Тәуелсіздік ұрпақтары» гранты бөлініп келетіні атап өтілді.2026 жылы республикалық деңгейде әрқайсысы 3 млн теңгеден 30 грант беріледі.Грантқа Қазақстан Республикасының 14 пен 35 жас аралығындағы (34 жасты қоса алғанда) азаматтары үміткер бола алады.Грант конкурстық негізде келесі 6 бағыт бойынша жобаларды іске асыру үшін беріледі:<ul><li style="text-align:justify;">«Ғылым» – жаңа ғылыми жобаларды және зерттеулерді іске асыруға арналған;</li><li style="text-align:justify;">«Мәдениет» – Қазақстанның мәдени мұрасын насихаттауға, ұлттық дәстүр мен өнерді ілгерілетуге бағытталған жобаларды іске асыруға арналған;</li><li style="text-align:justify;">«Ақпараттық технологиялар» – жаңа IT шешімдер мен жобаларды, оның ішінде жаңадан басталған стартап жобаларды іске асыруға және әзірлеуге арналған;</li><li style="text-align:justify;">«Бизнес» – жаңа бизнес-идеяларды іске асыруға арналған;</li><li style="text-align:justify;">«Медиа» – жаңа медиа жобаларды, оның ішінде жастар үшін танымдық, пайдалы, қызықты контент құру жөніндегі жобаларды іске асыруға арналған;</li><li style="text-align:justify;">«Волонтерлік» – өзекті, әлеуметтік проблемаларды шешуге бағытталған волонтерлік жобаларды (бастамаларды) іске асыруға арналған.</li></ul>Үміткерлердің конкурстық өтінімдері 2026 жылғы 21 сәуірден 21 маусым аралығында (21 маусым күні сағат 24:00-ге дейін) қабылданады.Конкурсқа қатысу үшін қажетті құжаттар тізімі (мемлекеттік және (немесе) орыс тілдерінде):<ul><li style="text-align:justify;">Конкурстық өтінім: <a href="https://forms.gle/8Edm9PwoqQZQyw287">https://forms.gle/8Edm9PwoqQZQyw287</a></li><li style="text-align:justify;">2-қосымша сәйкес нысан бойынша жобаның сипаттамасы (PDF форматы);</li><li style="text-align:justify;">Жоба бойынша (60 секундтан аспайтын) бейнематериал немесе (10 слайдтан аспайтын) презентация;</li><li style="text-align:justify;">3-қосымша сәйкес нысан бойынша шығындар сметасының жобасы (PDF форматы);</li><li style="text-align:justify;">Зияткерлік меншік туралы мәлімет (бар болса, PDF форматы);</li><li style="text-align:justify;">Жеке куәлік немесе туу туралы куәліктің көшірмесі (PDF форматы).</li></ul>Анықтама үшін байланыс телефондары:<ul><li style="text-align:justify;">8 (7172) 74-12-78, 8 777-114-66-82</li><li style="text-align:justify;">E-mail: t.urpaqtary2026@gmail.com</li><li style="text-align:justify;">(жұмыс күндері сағат 9:00-ден 18:30-ға дейін)</li></ul>

«Тәуелсіздік ұрпақтары» грантын тағайындау конкурсы басталмақ

<a href="https://kyzylorda-news.kz/">Kyzylorda-news.kz</a> Облыстық ардагерлер кеңесінің жоспарына сәйкес Сырдария аудандық «Руханият орталығында» 7 мамыр – Отан қорғаушылар күні мен 9 мамыр – Ұлы Жеңістің 81 жылдығына орай тағылымды іс-шара өтті.«Ерліктің ерен тұлғасы» атты мерекелік концерттік бағдарлама Ұлы Отан соғысының ардагері, Сырдария ауданының Құрметті азаматы Яхия Тасыровқа құрмет көрсету мақсатында ұйымдастырылды.Іс-шара аясында орталық алаңда мерекелік безендірулер жасалып, жас сарбаздарды Отан алдындағы борышын өтеуге салтанатты түрде шығарып салу рәсімі өтті. Сонымен қатар, соғыс және еңбек ардагерлері, ауған соғысы ардагерлері, Чернобыль апатына қатысушылар мен Семей сынақ алаңында қызмет еткен азаматтар арнайы құрметпен қарсы алынды.Руханият орталығы жанындағы музейде Ұлы Отан соғысына арналған тарихи көрме ұйымдастырылып, Яхия Тасыровтың өмір жолынан сыр шертетін фотокөрме көпшілік назарына ұсынылды. Келушілер үшін танымдық алаңдар мен әскери-патриоттық жарыстар өткізіліп, жастардың бойына отансүйгіштік рух дарытылды.Тағылымды кеш барысында ардагермен «Сыр-сұхбат» кездесуі ұйымдастырылып, оның өмірі мен ерлігі өскелең ұрпаққа үлгі ретінде насихатталды.Кештің негізгі бөлігі – мерекелік концерттік бағдарлама жоғары деңгейде ұйымдастырылды. Салтанатты жиында Сырдария ауданының әкімі Сәрменбаев Берік Әбдіғаппарұлы сөз сөйлеп, бірқатар азаматтарды марапаттады.Облыстық ардагерлер кеңесі төрағасының орынбасарлары Жұмабек Төлешұлы мен Күлай Ермағанбетқызы игі лебіздерін білдіріп, &nbsp;соғыс ардагері Яхия Тасыровты «Ардагерлер ұйымы» республикалық бірлестігінің «Құрмет белгісі» &nbsp;марапатын салтанатты түрде табыс етті.&nbsp;Сонымен қатар, Қызылорда облысының қорғаныс істері жөніндегі департаментінің бастығы, подполковник Жасұлан Бөгенбайұлы ізгі тілегін білдіріп, ардагерге деген құрметін жеткізді.Кеш барысында патриоттық әндер шырқалып, соғыс жылдарының рухын бейнелейтін қойылымдар мен әсерлі өнер көрсетілімдері көрерменге ұсынылды.Бұл тағылымды шара – ерлікке тағзым, батырларға құрмет көрсетудің жарқын көрінісі болды.

Сырдария ауданында тағылымды іс-шара өтті

<a href="https://kyzylorda-news.kz/">Kyzylorda-news.kz</a> Екінші дүниежүзілік соғыс - адамзат тарихындағы ең ауыр кезеңдердің бірі. Бұл зұлмат жылдары Қазақстаннан 1 миллион 200 мыңнан астам азамат майдан даласына аттанып, туған жерін қорғау жолында жан аямай күресті. Солардың қатарында Сыр өңірінен шыққан 70 мыңға жуық жауынгер болды. Өкінішке қарай, олардың тең жартысына жуығы туған топырағына қайта оралмады. Балалықтың бал дәмін татып үлгермеген бозбалалардың қыршын кеткен тағдыры - тарихтың жүрек сыздатар шындығы.Майдандағы шайқастар қаншалықты ауыр болса, тылдағы еңбек те сондай жанқиярлықты талап етті. Ер-азаматтар соғысқа аттанғанда, елде қалған қарттар, әйелдер мен балалар бар күш-жігерін Отан үшін жұмсады. Олар күн-түн демей еңбек етіп, майдандағы жауынгерлерге азық-түлік, киім-кешек, қару-жарақ жеткізілуіне өз үлестерін қосты. Бұл – ел бірлігінің, қайсар рухтың айқын көрінісі еді.Жыл сайын келетін бұл мереке-батыр бабалар рухына тағзым жасап, олардың ерлігіне құрмет білдіретін ерекше күн. Осы орайда «AMANAT» партиясы Қызылорда облыстық филиалының төрағасы Жандос Базартай ардагерлерді арнайы құттықтап, олардың хал-жағдайын сұрап, батасын алды.&nbsp;<img src="https://knadmin.beoblood.kz/uploads/rpa_zhadynda_y_ly_erlik_2_292d67b53a.jpg" alt="Ұрпақ жадындағы ұлы ерлік 2.jpg">Алдымен төраға Сырдария ауданында тұратын Ұлы Отан соғысының ардагері, 104 жастағы Яхия Тасыров ақсақалдың шаңырағында болып, майдангерге құрмет көрсетті. Ғасыр жасаған қарияның өмір жолы-бүгінгі ұрпақ үшін ерлік пен табандылықтың жарқын үлгісі.Сондай-ақ Қызылорда қаласында бірнеше тыл және еңбек ардагерлерімен жүздесу өтті. Олардың қатарында жоғары санатты математик ұстаз, Қадыр Әмзеұлы, ардагер-журналист Қайырбек Мырзахметұлы және медицина саласының ардагері Байсерке Райымқұлов бар. Олар ел дамуына, ұрпақ тәрбиесіне өлшеусіз үлес қосқан тұлғалар.Ардагерлерге құрмет көрсету тек мерекелік шара ғана емес, бұл-ұрпақ сабақтастығының, тарихқа деген тағзымның белгісі. Өткенді ұмытпай, ерлікті дәріптеу – болашаққа бағытталған нық қадам. Батырлардың ерлігі - мәңгілік, ал олардың рухына деген құрмет-әр жүректе сақталуы тиіс.<img src="https://knadmin.beoblood.kz/uploads/rpa_zhadynda_y_ly_erlik_3_fa7f027d26.jpg" alt="Ұрпақ жадындағы ұлы ерлік 3.jpg">

Ұрпақ жадындағы ұлы ерлік

Қызылорда қаласында денсаулық сақтау жүйесін дамытуға бағытталған ауқымды жобалар кезең-кезеңімен жүзеге асырылуда. Мемлекет басшысының қолдауымен, &nbsp;Нұрлыбек Машбекұлының бастамасымен қолға алынған маңызды медициналық нысандар құрылысын қаржыландыру мәселесі толық шешімін тапқан. Бұл &nbsp;өңір тұрғындарының сапалы әрі заманауи медициналық қызметке қолжетімділігін арттырады. Бүгін Қызылорда қаласының әкімі Нұржан Ахатов медициналық нысандардың құрылыс барысымен танысты.Сол жағалаудағы 500 орындық жаңа емхана - көпсалалы мекеме. Амбулаториялық-емханалық, диагностикалық және күндізгі стационарлық қызмет көрсетеді. Мұнда жалпы тәжірибелік және акушерлік-гинекологиялық тіркеу, педиатрия, мамандандырылған және шұғыл медициналық көмек, профилактика және мектеп медицинасы бөлімдері қарастырылған. Сонымен қатар 50 төсектік күндізгі стационар, дәріхана, орталық стерилизация бөлімі, кір жуу орны, медициналық қалдықтарды сақтау аймағы, оқу кабинеттері, 50 орындық аудитория, 200 орындық конференц-зал және инженерлік-техникалық инфрақұрылыммен қамтамасыз етіледі.Бұдан бөлек, Қызылордада бір ауысымда 100 келушіге қызмет көрсететін емханасы бар 300 төсектік көпбейінді аурухана құрылысы жүргізілуде. Заманауи талаптарға сай жобаланған бұл нысан диагностиканың, емдеудің озық технологияларымен жабдықталып, халықаралық стандарттарға сәйкес медициналық қызмет көрсетуді көздейді. Жобаға «Мелиоратор» серіктестігі жауапты. Құрылысына 36 млрд 416 млн теңге қаралған кешен 57 мың шаршы метр аумақта орналасқан, 10 блоктан тұрады. Тарқатып айтсақ, емхана, пансионат, конференц-зал, асхана, физиотерапия, қабылдау, әкімшілік, реанимация, химиотерапия және радиотерапия, операциялық бөлімдер.Президент саябағы аумағындағы 200 орындық жаңа перинаталдық орталықтың құрылысы да қарқынды жүргізілуде. Оған 48 млрд 500 млн теңге бөлінген. Орталықта ана мен балаға мамандандырылған медициналық көмек көрсетіледі. &nbsp;Қабылдау, стационар, диагностикалық, операциялық, реанимациялық және әкімшілік бөлімдермен қатар, зертхана, ас блогы қарастырылған.Титов шағын ауданының 40 мыңнан астам тұрғынына қызмет көрсететін №5 қалалық емхана да жаңадан салынуда. Бір ауысымда 400 келушіні қабылдайтын бұл нысанға 9 млрд 823 млн теңге қаралған, жалпы аумағы 9 мың шаршы метр. Емхана заманауи медициналық технологиялармен толық жабдықталады.<img src="https://knadmin.beoblood.kz/uploads/FB_IMG_1778234182144_1e32159f35.jpg" alt="FB_IMG_1778234182144.jpg">

Медициналық нысандардың құрылысы қарқынды 

<a href="https://kyzylorda-news.kz/">Kyzylorda-news.kz</a>&nbsp; Президент Қасым-Жомарт Тоқаевтың тапсырмасы бойынша Премьер-министр Қызылорда облысы мәслихаты депутаттарының жиналысына қатысты.Жиын барысында Мемлекет басшысының Қызылорда облысының әкімі лауазымына екі кандидатты: Ардақ Зебешев және Мұрат Ергешбаевты ұсыну туралы хаты оқылды.Ашық дауыс беру нәтижесі бойынша 81% депутат Мұрат Ергешбаевтың кандидатурасын қолдады. 19% депутат Ардақ Зебешевке дауыс берді.ҚР Президентінің тиісті Жарлығымен Қызылорда облысының әкімі болып Мұрат Ергешбаев тағайындалды.

Мемлекет басшысының тапсырмасы бойынша Олжас Бектенов Қызылорда облысының активіне өңірдің жаңа әкімін таныстырды

<a href="https://kyzylorda-news.kz/">Kyzylorda-news.kz</a> Қазалы ауданындағы «Жалаңтөс Баһадүр» атындағы орталық стадионда 7 мамыр – Отан қорғаушылар күніне орай оқушылар арасында аудандық әскери-патриоттық шара өтті.Шараның ашылуында аудан әкімі Алмасбек Есмаханов жиналған қауымды және жас сарбаздарды Отан қорғаушылар күнімен құттықтап, ізгі тілегін жеткізді. Сондай-ақ айтулы мерекенің маңызына тоқталды.Мұнан кейін ауданға арнайы жұмыс сапарымен келген «AMANAT» партиясы Қызылорда облыстық филиалының төрағасы Жандос Базартай құттықтау сөз сөйлеп, жиынға қатысушылар мен жас сарбаздарды мерекемен құттықтады.«Отан қорғаушылар күні – батыр бабалардың ерлік жолын дәріптеп, жас ұрпақтың бойына патриоттық рух сіңіретін тағылымы мол мереке. Бүгінгі шарада сап түзеген жас өрендердің жігері мен тәртібі олардың ел болашағына бейжай қарамайтын нағыз азамат болып қалыптасып келе жатқанын аңғартады. Осындай тәрбиелік мәні зор іс-шаралар жастардың Отанға деген сүйіспеншілігін арттырып, елге қызмет етуге үндейді. Баршаңызды мерекемен құттықтап, еліміздің мерейі үстем, Тәуелсіздігіміз тұғырлы болсын деп тілеймін», – деді Жандос Нұртайұлы.Мерекелік шара одан әрі жас ұландардың саптық шеруіне ұласты. Саптық байқауда аудан мектептерінің оқушыларынан жасақталған «Құрлық әскері», «Жас ұлан», «Әуе десанты», «Әскери-теңіз күштері» сынды түрлі взводтар өнер көрсетті.Саптық байқаудан кейін аудандық спорт мектебінің таэквондошылары қоян-қолтық ұрыстың әдіс-тәсілдерін паш етті. Бұдан бөлек, әскери-патриоттық шара барысында жас ұландар «АК-74» оқу қаруын шашып-жинау секілді өзге де әскери сайыс түрлері бойынша бақ сынады.Жас ұландарға әскери рух пен жігер сыйлаған шарада патриоттық әндер шырқалып, жас өрендердің Отанға және туған жерге деген сүйіспеншілігі арта түсті.

Отан қорғаушылар күніне орай әскери-патриоттық шара өтті

<a href="https://kyzylorda-news.kz/">Kyzylorda-news.kz</a> Қызылордадағы Достық үйінде 7 мамыр – Отан қорғаушылар күні мен 9 мамыр – Ұлы Жеңіс күніне арналған салтанатты мерекелік концерт өтті. Шараны Қызылорда облыстық татар қоғамдық-мәдени орталығы ұйымдастырды.Тағылымды кешке этномәдени бірлестік өкілдері, ардагерлер, қала тұрғындары мен өнер сүйер қауым қатысты. Концерт «Қазақстан» әнімен ашылып, «Жасмин» би тобы қазақ және татар халық билерін орындады. Кеш жүргізушілері Гатиятуллина Ляйсан мен Суровикина Арина қонақтарды үш тілде қарсы алып, бейбіт өмір мен Жеңістің маңызын атап өтті.<img src="https://knadmin.beoblood.kz/uploads/Dosty_jinde_merekelik_konczert_tti1_6a57a139af.jpg" alt="Достық үйінде мерекелік концерт өтті1.jpg">Шара барысында «Қоғамдық келісім және тіл орталығы» КММ басшылық құрамы және Татар орталығының төрағасы Галия Гизатуллина құттықтау сөз сөйлеп, ел бірлігі мен тыныштығының маңыздылығына тоқталды.Концертте патриоттық және соғыс жылдарындағы әндер орындалды. Атап айтқанда, Кылышбаева Айсараның «Отан», Тен Даная мен Булат Айсананың «Прадедушка», Кокшарова Гульюзумның «Журавли» әндері көрерменнің ыстық ықыласына бөленді. Сонымен қатар «Катюша», «Әниемә хат», «Молитва», «Жиңү Көне» және «День Победы» әндері кештің мазмұнын айшықтай түсті.Мерекелік кеш соңында барлық өнерпаздар сахнаға шығып, майдангерлердің суреттерін ұстаған балалар бейбіт өмір мен ұрпақтар сабақтастығын бейнелеген әсерлі көрініс ұсынды.&nbsp;

Қазақстан және Қызылорда облысының жаңалықтары: Қоғам

«AMANAT»: Тұрғындардың өтініштерін тыңдады