<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаевтың Жарлығымен 2025 жыл – Жұмысшы мамандықтар жылы болып жарияланды. Бұл бастама жастарды еңбекке баулып, жұмысшы мамандықтарының маңызын арттыруды көздейді.Осы бағытта Қызылорда қаласындағы мектеп оқушылары құрылыс индустриясының алдыңғы қатарлы кәсіпорындарының бірі – «КСМ KZ-2022» ЖШС темір-бетон зауытына экскурсия жасады.Кәсіпорын 200-ден астам темірбетон бұйымдарын шығарады. Олардың қатарында:<ul><li style="text-align:justify;">көпбөлімді жабын және таспалық фундамент тақталары;</li><li style="text-align:justify;">қабырға блоктары;</li><li style="text-align:justify;">темір-бетон маңдайшалар;</li><li style="text-align:justify;">дөңгелек темір-бетон шеңберлері;</li><li style="text-align:justify;">жол жиегіндегі тас тақталар;</li><li style="text-align:justify;">су жүретін лотоктар мен резервуар қабырғалары бар.</li></ul>Бұл өнімдер аймақтағы тұрғын үй, көпір және гидротехникалық нысандар құрылысында кеңінен қолданылады.Зауыттың техникалық базасы жылдан жылға жаңарып келеді. Құрылғылардың басым бөлігі Ресейден жеткізілген. Еңбек ұжымының 30%-ын технолог, инженер, краншы сияқты мамандықтарда еңбек ететін қыз-келіншектер құрайды. Олар ер азаматтармен иық тірестіре жұмыс атқарып жүр.Ішкі нарықты толық қамтып отырған бұл зауыт – өңірдің ірі әрі сенімді өндіріс орындарының бірі. Кәсіпорын алдағы уақытта да өнім көлемін арттыруға мүдделі.Осындай экскурсиялар – оқушыларға нақты өндірісті көрсетіп, жұмысшы мамандықтарына деген қызығушылықты арттырудың тамаша тәсілі.<img src="https://knadmin.beoblood.kz/uploads/Kyzylordinskie_studenty_posetili_zavod_zhelezobetonnyh_izdelij_1_f689349361.jpg" alt="Кызылординские студенты посетили завод железобетонных изделий 1.jpg">

Қызылордалық оқушылар темір-бетон зауытына экскурсия жасады

<a href="https://kyzylorda-news.kz/">Kyzylorda-news.kz</a> Республика күніне және Қызылорда қаласының Қазақ АКСР-не астана болғанына 100 жыл толуына орай, облыс әкімінің қолдауымен Швейцарияның Женева, Берн қалаларында Сыр өнерпаздарының концерті өтті.Концертке Швейцариядағы шетелдік елшіліктердің басшылары мен қызметкерлері, зиялы қауым өкілдері, Женева және Берн қалаларындағы қазақ диаспорасы, білім алушы студенттер мен жергілікті тұрғындар қатысты.&nbsp;Мереке аясында облыста ауқымды мәдени-көпшілік шаралар ұйымдастырылғаны белгілі, енді оның легі шетелде де жалғасуда.Бұл концерттің мақсаты &nbsp;– қазақ мәдениетін, ұлттық өнерді, Сыр өңірінің жыраулық дәстүрін әлемге таныту. Оған ұлттық музыканың жауһарларын төрткүл дүниеге паш еткен халық аспаптар, «Томирис» би ансамбльдері, айтыскер ақын, үш дүркін «Алтын домбыра» иегері М.Ниязов, «Құрмет» орденінің иегері Ү.Медеуова, қазақ эстрадасының жарық жұлдызы Қ.Мейрамбек, Мәдениет саласының үздіктері А.Шағдатов, М.Мақұлбеков, дәстүрлі орындаушылар Ә.Қуаңбаев, Т.Өтенова, айтыскер-ақын Б.Орынбасар, Халықаралық және республикалық конкурстардың лауреаттары М.Аманжолов, А.Шадаев, А.Махамбетжан, А.Әбді, А.Төреғали және М.Жантөре, А.Шүкіров, Ж.Жұмабек, Ж.Қайыпберген, Н.Рүстемұлы, З.Нысанбаев, Т.Аяпова қатысып, өнер көрсетті.&nbsp;Гастрольдік сапар аясында көрерменге концерттік бағдарламамен қатар, қазақтың ұлттық тағамдары, ұлттық нақышта жасалған сый-сияпат ұсынылды. Жұртшылық таным мен тағылымға толы кеш сыйлағаны үшін сырбойылық өнерпаздарға алғыс білдірді.Айта кетейік, осы жылы Наурыз мерекесінің тарихи және мәдени маңызын түсіндіру, әлем жұртшылығына таныстыру мақсатында Испания, Финляндия, Эстония мемлекеттерінде Сыр өнерпаздарының концерті өткен болатын.<img src="https://knadmin.beoblood.kz/uploads/Shvejczariya_Respublika_k_ni_2_1f852ec073.jpg" alt="Швейцария Республика күні 2.jpg">

Швейцарияда Республика күніне арналған мерекелік концерт өтті

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының мобильді қоғамдық қабылдау тобы Қазалы ауданында болып, көшпелі қабылдау өткізді. Іс-шара барысында партия өкілдері Қазалы қаласы мен Ғ.Мұратбаев ауылының тұрғындарымен кездесіп, олардың өзекті мәселелерін тыңдап, өтініштері мен ұсыныстарына назар аударды.Қабылдауға партияның облыстық филиалының атқарушы хатшысы Ләйлә Төрешова, облыстық мәслихат депутаты Мақсұт Нәлібаев, сондай-ақ облыстық денсаулық сақтау, жұмыспен қамтуды үйлестіру және әлеуметтік бағдарламалар, табиғи ресурстар және табиғат пайдалануды реттеу басқармаларының басшылары мен мамандары және заңгерлер қатысты. Бұдан бөлек, аудандық партия филиалының төрағасы Ғазиз Әліш, аудан әкімінің орынбасары Дәурен Тілеумбетов, Атқарушы хатшы Нұрғиса Жалғасбаев және дербес бөлімдер мен мекеме басшылары да қатысып, тұрғындардың сұрақтарына жауап берді.Партияның облыстық филиалының Атқарушы хатшысы Ләйлә Төрешова қабылдаудың негізгі мақсатына тоқталды.<blockquote>«Көшпелі қоғамдық қабылдаудың басты мақсаты – ауыл тұрғындарымен тікелей байланыс орнатып, олардың күнделікті өмірде кездесетін өзекті мәселелерін тыңдап, шешу жолдарын қарастыру. Бүгінгі қабылдау барысында көтерілген мәселелер назарға алынып, тиісті мемлекеттік органдармен бірлесіп шешілуі бойынша қажетті жұмыстар жүргізілетін болады. Өйткені біз, партия мүшелері, халықтың өтініш-тілегін орындауды өзіміздің басты міндетіміз деп санаймыз», – деді Ләйлә Төрешова.</blockquote>Қазалы қаласында өткен қабылдау кезінде тұрғындар тарапынан бірқатар өзекті мәселелер көтерілді. Атап айтқанда, көше жолдарын жөндеу, аяқ су мәселесін шешу мақсатында жаңа су насостарын орнату, тұрақты жұмысқа орналасу, денсаулық сақтау саласындағы мәселелер, көпбалалы аналарға әлеуметтік жеңілдіктер мен көмектер алу, сондай-ақ жаңа жанармай бекеттерін ашу туралы ұсыныстар айтылды. Сонымен қатар, заңгерлік кеңес алу бойынша да сұрақтар түсті.Ал Ғ.Мұратбаев ауылының тұрғындары үшін ең өзекті мәселе жаңа мектеп салу қажеттігі болып отыр. Сондай-ақ жайылымдық жердің азаюы, ауыл ішілік жолдарды жөндеу, жаңа инженерлік инфрақұрылымы бар аймаққа жол салу, бұлақ қазу және «Дипломмен ауылға» жобасы аясында тұрғын үй алу мәселелері де қозғалды.Партия өкілдері әрбір өтініш бойынша нақты түсініктеме беріп, қосымша зерделеуді қажет ететін мәселелерді бақылауға алды. Сондай-ақ қаржыландыру мүмкіндіктері мен бюджет шеңберінде кезең-кезеңімен жүзеге асырылатын жобалар жөнінде кеңінен ақпарат берілді. Көтерілген барлық мәселелердің назардан тыс қалмайтыны атап өтілді.<img src="https://knadmin.beoblood.kz/uploads/Amanat_k_shpeli_abyldau_2_304bcb0cce.jpg" alt="Аманат көшпелі қабылдау 2.jpg">

Мобильді қоғамдық қабылдау тобы Қазалы ауданында көшпелі қабылдау өткізді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Президент саябағындағы қайта жаңғырту жұмыстарының барысын көрді.Қазіргі таңда саябақ аумағында ауқымды абаттандыру және инфрақұрылымдық жобалар жүзеге асырылуда. Бас мердігер «Bi Global» ЖШС жобаға сәйкес 3 аллея, 6 субұрқақ, 5 амфитеатр, 7 балалар ойын алаңын, 4 спорт және 4 workout, 7 демалыс аймағын, 4 фудкорт, теннис үстелдерін, биіктігі 50 метр болатын айналмалы дөңгелек аттракцион, би алаңын, стритбол, вело және жүгіру жолақтарын, сахна, сарқырама каналдары мен олардың үстінен өтетін көпірлер, шахмат, баскетбол және футбол алаңдарын, арқан саябағы мен модульдік санитарлық нысандар орналастырмақ.<img src="https://knadmin.beoblood.kz/uploads/Prezident_sayaba_y_6a7e72e2fd.jpg" alt="Президент саябағы.jpg">Саябақта жылдың төрт мезгілінде үздіксіз жұмыс істейтін 300 орындық заманауи балалар тынығу лагері мен Ботаникалық білім беру орталығы (қысқы бақ) бой көтеріп келеді. Бұл нысандардың бас мердігері «Alem Qurylys AQ» ЖШС осы аумаққа спорт блогын, іс-шараларға арналған event-аймақ, тұрғын корпустар, қонақ үй үлгісіндегі шағын ғимараттар, дәстүрлі киіз үйлер, ашық бассейн, стадион, футбол алаңы және сахна салуды қарастырған.Сондай-ақ, Сырдария өзені үстінен Президент саябағы мен Астана шағын ауданын байланыстыратын жаяу жүргіншілер көпірі салынады.<img src="https://knadmin.beoblood.kz/uploads/Prezident_sayaba_y_2_882bbd61b4.jpg" alt="Президент саябағы 2.jpg"><img src="https://knadmin.beoblood.kz/uploads/Prezident_sayaba_y_3_8c1846f69c.jpg" alt="Президент саябағы 3.jpg">

Қызылордадағы Президент саябағы жаңа келбетке ие болады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев бір ауысымда 100 келушіге қызмет көрсететін емханасы бар 300 төсектік көпбейінді аурухана құрылысының барысымен танысты.Бас мердігер &nbsp;«Мелиоратор» серіктестігі қолға алған жобаның жалпы құны 36 млрд 416 млн теңге, құрылыс аумағы 47,9 мың шаршы метр. Нысан 10 блоктан, атап айтқанда, емхана, пансионат, конференц-зал, тамақтану, физиотерапия, қабылдау, әкімшілік, реанимация, химио және радиотерапия, сондай-ақ, операция бөлімдерінен тұрады. Заманауи талаптарға сай аурухананы 2026 жылы пайдалануға беру жоспарланған.Аймақ басшысы бұл өңірдің денсаулық сақтау саласын жаңа деңгейге көтеретін маңызды бастама екенін атап өтті.<blockquote>«Алдағы уақытта Мемлекет басшымыздың, Үкіметтің қолдауымен Қызылордада бірнеше медициналық нысан салынады. &nbsp;Осы аурухананың іске қосылуын халық күтуде. Жаңа көпбейінді медициналық орталық аймақ тұрғындарының денсаулығын қорғау ісіне тың серпін береді. Құрылыс жұмыстарының сапасы мен мерзімі қатаң бақылауда болады. Басты мақсат – халық игілігі үшін заманауи әрі қолжетімді емдеу орталығын уақытылы іске қосу», – деді Нұрлыбек Нәлібаев.</blockquote>Айта кетейік, Президент тапсырмасына сәйкес 12 облыста заманауи перинаталдық орталықтар салу көзделген. Қызылорда қаласында халықаралық тәжірибе мен жаңа медициналық технологиялар енгізілетін 200 төсектік заманауи перинаталдық орталық салу жоспарлануда. Нысанға 2,7 гектар жер учаскесі бөлінді. Алдағы жылы республикалық бюджет есебінен құрылысы басталады. Жоба құны 48,8 млрд теңге.Сонымен қатар, Сырдария өзенінің сол жағалауына орналасатын 500 келушіге арналған емхананың жоба-сметалық құжаттамасын әзірлеуге жергілікті бюджеттен 148 млн теңге қаралды. Қазіргі таңда құжаттама мемлекеттік сараптамаға ұсынылған, қорытындысы 15 қарашаға дейін алынбақ. Жобаның құны шамамен 14 млрд теңге, құрылыс келесі жылы басталады.<img src="https://knadmin.beoblood.kz/uploads/Mediczinaly_ortaly_43d728b071.jpg" alt="Медициналық орталық.jpg">

Қызылордада заманауи медициналық орталық бой көтеруде

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Достық үйі» жаңа ғимаратының құрылыс алаңына барды. Бас мердігер «Астана Сервис LTD» серіктестігі құны 3 млрд 545 млн теңге болатын жобаны жүзеге асыруға сәуір айында кірісті. Жыл соңына дейін құрылысын аяқтап, пайдалануға беру жоспарланған.Үш қабатты ғимараттың жалпы ауданы 3912,29 шаршы метр, бірінші қабатта &nbsp;ашық кеңістік форматында түрлі форумдар, лекциялар, көрмелер мен концерттер өткізуге арналған көпфункционалды залдар орналасады. Ал екінші және үшінші қабаттарда облыстық этномәдени бірлестіктер мен қоғамдық ұйымдарға арналған кеңселер мен қызметтік бөлмелер қарастырылған.Айта кетейік, 2022 жылдан бері облыс аумағында жаңадан 15 мәдениет нысаны салынды. Барлық 7 ауданда 11 млрд 500 млн теңгеге «Руханият орталықтары» бой көтерді. Сондай-ақ «Саутс Ойл» компаниясының демеушілігімен музыкалық колледждің жаңа ғимараты, облыстық тарихи-өлкетану музейі пайдалануға берілді.Өткен жылы мәдениет саласының қызметкерлеріне арналып алғаш рет көпқабатты тұрғын үй салынып, 40 қызметтік пәтер табысталды. Бұл мәдениет қызметкерлерін қолдау бағытындағы маңызды әлеуметтік бастамалардың бірі болды.<img src="https://knadmin.beoblood.kz/uploads/Dosty_ji_imaraty_a49661a632.jpg" alt="Достық үйі ғимараты.jpg">

Қызылордада «Достық үйінің» жаңа ғимараты салынуда

<a href="https://kyzylorda-news.kz/">Kyzylorda-news.kz</a> Ұлттық мереке – Республика күні қарсаңында Қазақстан Республикасының Президенті Қасым-Жомарт Тоқаевтың Жарлығымен еліміздің әлеуметтік-экономикалық, мәдени-рухани дамуына, халықтар арасындағы достық пен ынтымақтастықты нығайтуға елеулі үлес қосқан және белсенді қоғамдық қызмет атқарған бірқатар азамат мемлекеттік наградалармен марапатталды. Олардың қатарында еңбек ардагерлері, жұмысшылар, өндіріс, бизнес, білім беру, ғылым, денсаулық сақтау салаларының өкілдері, әскерилер, құқық қорғау органдарының қызметкерлері, спортшылар, мәдениет және өнер қайраткерлері бар.Өндірісті өркендетуге және агроөнеркәсіп кешенін дамытуға зор үлес қосқаны үшін Солтүстік Қазақстан облысындағы «Мәмбетов және К» КС механизаторы М.Қаражұмановқа, тау-кен саласындағы айтулы жетістігі және ұзақ жылғы еңбегі үшін Қарағанды облысындағы «Qarmet» АҚ «Шахтинская» шахтасының учаске бастығы С.Чернобайға «Қазақстанның Еңбек Ері» атағы берілді.Павлодар облысындағы «Галицкое» ЖШС директоры А.Касицин «Отан» орденімен марапатталды.«Бақыршық тау-кен өндіру кәсіпорны» ЖШС басқарма төрағасы К.Исаев, Қазақстан журналистикасының ардагері С.Харченко І дәрежелі «Барыс» орденімен; «Ақтоғай» су электр стансасының директоры Т.Баймолдаев, Ұлттық ғылым академиясының академигі О.Сәбден, еңбек ардагері Е.Тәжиев, «Алматы әуендері» концерттік оркестрінің бас дирижері М.Серкебаев және басқалар ІІ дәрежелі «Барыс» орденімен; К.Байсейітова атындағы Қазақ ұлттық өнер университетінің профессорлары А.Алматов пен Н.Измаилов, «Ақсайгазсервис» АҚ холдингі компаниялар тобы директорлар кеңесінің төрағасы Т.Шектебаев, ақын Ә.Беркенова және басқалар ІІІ дәрежелі «Барыс» орденімен наградталды.Еліміздің рухани кемелденуіне және зияткерлік әлеуетінің дамуына елеулі үлес қосқаны үшін белгілі ғалымдарға, мәдениет қайраткерлеріне және өндіріс саласының өкілдеріне «Парасат» ордені берілді. Олардың қатарында «Ильинское» ЖШС директоры А.Бурлев, ақын Ғ.Жайлыбай, «Мұнай-газ кешені ардагерлері» РҚБ кеңесінің мүшесі Т.Хасанов, Қазақстан журналистикасының ардагері Е.Брусиловская, Шығыс Қазақстан облыстық ауруханасының бөлім меңгерушісі М.Башабаев және басқалары бар.Бейбітшілікті, халықтар арасындағы достық пен ынтымақтастықты нығайтуға қосқан үлесі үшін «Social theater-Camogli» (Италия) театрының көркемдік жетекшісі Аквавива Джузеппе ІІ дәрежелі «Достық» орденіне лайық деп танылды.«Құрмет» орденімен марапатталғандардың қатарында Астанадағы № 3 қалалық балалар ауруханасының бас дәрігері М.Абдуов, «Құмқұдық» ЖШС бас инженері Б.Айтжан, «QazaqGaz Aimaq» Алматы өндірістік филиалының слесарі Г.Жасыбаева, Ұлттық ядролық орталықтың лаборанты Ю.Карягин, Орталық мемлекеттік архивтің директоры С.Шілдебай, актриса Г.Дусматова, «Альтернатива» өзекті зерттеулер орталығының директоры А.Чеботарев және басқалары бар.Ұлт бірлігін нығайту және қоғамдық келісімді қамтамасыз ету жолындағы жемісті еңбегі үшін «Ел бірлігі» орденімен «Ахыска» түрік этномәдени орталығының Шымкент қаласы филиалының төрағасы Л.Асанов, Павлодар облысы бойынша орыс, славян және казак ұйымдары қауымдастығының төрағасы В.Берковский, «Возрождение» Қазақстан немістері бірлестігі қамқоршылар кеңесінің төрағасы Е.Больгерт, «Таң» татар-башқұрт этномәдени орталығының төрағасы Р.Валиев, «Дустлик» өзбек этномәдени бірлестіктерінің қауымдастығы төрағасының орынбасары А.Исматуллаев марапатталды.Өнеркәсіп, көлік, құрылыс, ауыл шаруашылығы және басқа да өндірістік салалардың еңбеккерлері III дәрежелі «Еңбек Даңқы» орденінің кавалері атанды.«Қазақстанның еңбек сіңірген қайраткері» құрметті атағы мәдениет саласының көрнекті өкілдері З.Алтынбаеваға, Ә.Алтынбекке, Н.Жмеренецкаяға, Б.Қажыбаевқа, белгілі кәсіпкер, қоғам қайраткері И.Сауэрге және тағы да басқаларға берілді.«Қазақстанның халық жазушысы» атағына ақын М.Айтқожа, жазушы Ғ.Қабышұлы, «Қазақстанның халық әртісі» атағына музыка, театр және кино өнерінің көрнекті қайраткерлері Б.Әбділманов, М.Өтекешова, А.Жайымов, Т.Жанқұл, Ш.Жанысбекова, Б.Ибраев, К.Қазақбаева, Р.Машурова лайық деп танылды.Денсаулық сақтау және ғылым саласының бірқатар өкілі «Қазақстанның еңбек сіңірген дәрігері» және «Қазақстанның еңбек сіңірген ғылым және техника қайраткері» құрметті атақтарына ие болды.«Қазақстан Республикасының гидрогеологиялық карталар атласының» құрастырушылары М.Әбсәметовке, Р.Аязбаевқа, Е.Көлдеевке, Е.Мұртазинге, В.Смолярға, сондай-ақ түсті металлургиядағы экологиялық қауіпсіздік жөніндегі зерттеулердің авторлары Б.Кенжәлиевке, В.Володинге, Е.Оспановқа, С.Требуховқа, А.Шахаловқа Қазақстан Республикасының әл-Фараби атындағы ғылым мен техника саласындағы Мемлекеттік сыйлығы берілді.Сонымен қатар белгілі археолог З.Самашев, тарихшы М.-А.Сыдықназаров Қазақстан Республикасының А.Байтұрсынұлы атындағы гуманитарлық ғылымдар саласындағы Мемлекеттік сыйлығының лауреаты атанды.Әскери және қызметтік борышын үлгілі атқарғаны, заңдылық пен құқықтық тәртіпті қамтамасыз ету, ұлттық қауіпсіздікті нығайту кезінде көрсеткен ерлігі мен жанқиярлығы үшін әскери қызметшілер мен құқық қорғау органдары өкілдерінің бір тобы ІІ дәрежелі «Даңқ» орденімен, I, ІІ, ІІІ дәрежелі «Айбын» орденімен, «Ерлігі үшін» және «Жауынгерлік ерлігі үшін» медальдарымен марапатталды.Айта кетерлік жайт, Жұмысшы мамандықтары жылына орай Республика күні қарсаңында еңбек әулеттерінің 138 өкілі, өнеркәсіп, көлік, құрылыс, ауыл шаруашылығы және басқа да салалардың 500-ге жуық жұмысшысы мен еңбеккері, шағын және орта бизнестің 200-ге жуық өкілі, 130-дан астам ұстаз бен ғалым, 100-ден аса медицина қызметкері және күнделікті еңбегімен ел дамуына үлес қосып жүрген басқа да азаматтар мемлекеттік наградаларға ие болды.Фото ortcom.kz

Президент бір топ азаматты мемлекеттік наградалармен марапаттады

<a href="https://kyzylorda-news.kz/">Kyzylorda-news.kz</a> Литвалық ерлі-зайыптылар 9 айлық бүлдіршінін алып, Польшаның ең биік тауына шыққан. Алайда кейін таудан сәбимен түсе алмай гидтен көмек сұраған. Бұл туралы <a href="https://stan.kz/omirin-katerge-tikti-9-aylik-sabiimen-tauga-shikkan-alp-425274/">Stan.kz</a> ақпарат агенттігі Тopnews.ru порталына сілтеме жасап хабарлайды.&nbsp;Гид Шимон Стох бұл оқиғаны әлеуметтік желіде жазды. Оның айтуынша, өрге көтеріліп бара жатып, "кенгуру" сөмкесінде сәбиін арқалап келе жатқан отбасыны көрген. Төмен түсу кезінде ата-аналар одан арнайы аяқ киімге арналған құрал беріп, баспалдақтан бірге түсуге көмектесуін сұраған.Бірақ гид бұл қауіпті деп санап, бас тартқан. Ол құтқарушыларды шақыруды ұсынғанымен, ерлі-зайыптылар туристік сақтандырулары жоқ екенін айтып, келіспеген. Ақырында гид баланы алып, өз күшімен төмен түсіріп берген.<blockquote>"Олар құтқару ақысын төлемеу үшін баласының өмірін қатерге тіккендей болды", – деді ол.</blockquote>Бұл оқиға мен видеоны көрген желі қолданушылары ата-аналарды жауапсыздық танытты деп сынға алды. Кейіннен литвалықтар өз нұсқасын жариялап, жағдайды түсіндірді.Олардың айтуынша, олармен баламен алғаш рет тауға шыққан. Бірақ өздері көп жылдан бері альпинизммен айналысады және толық дайын болған. Қажетті құрал-жабдық пен сақтандырулары бар екен. Сондай-ақ, олар гид өз еркімен көмектесемін деп баланы уақытша алып, бірнеше метрден кейін қайта қайтарғанын алға тартты.&nbsp;

"Өмірін қатерге тікті": 9 айлық сәбиімен тауға шыққан альпинистер сынға қалды

<a href="https://kyzylorda-news.kz/">Kyzylorda-news.kz</a> Ақтөбе облысында «AMANAT» партиясы жанындағы партиялық бақылау комитетінің көшпелі отырысы өтті.&nbsp;Онда партияның «Халықпен бірге!» сайлауалды бағдарламасын орындау жөніндегі Жол картасын іске асыру барысы талқыланды.&nbsp;Көшпелі отырысқа өңірден бейнебайланыс режимінде партияның облыстық филиалы жанындағы партиялық бақылау комиссиясының төрағасы Нұркен Бақытбекұлы, партиялық бақылау инспекторы Алтынбек Жарылқасынов, &nbsp;облыстық экономика және қаржы басқармасы басшысының орынбасары Дастан Баймаханов қатысты.&nbsp;Комитет отырысынан соң аймақтық комиссия мүшелері өңірде атқарылып жатқан жұмыстарды пысықтады. Жол карта орындалысына жасалған талдау бойынша биылға жоспарланған 110 тармақтың 32 пайызы нақты орындалған. Қалған тармақтар бойынша жұмыс істеліп жатыр.&nbsp;Орындалған жұмыстардың бірқатарын атап өтер болсақ, Қармақшы ауданының ІІІ-Интернационал және Дүр Оңғар ауылдарында 2 спорт кешені салынды. «Келешек мектептері» ұлттық жобасы аясында 3300 орындық 5 мектеп пайдалануға берілді. 2 елді мекен табиғи газға қосылса, «Жер аманаты» жобасы бойынша биылға жоспарланған 60,0 мың гектардың бүгінге 51 мың гектары қайтарылған.Кеңес мүшелері қалған тармақтардың орындалысы төңірегінде ойларын ортаға салып, жұмыс барысына партиялық мониторингтерді күшейту қажеттігіне тоқталды.<img src="https://knadmin.beoblood.kz/uploads/Amanat_k_shpeli_otyrys_3_fcdedade23.jpg" alt="Аманат көшпелі отырыс 3.jpg">

«AMANAT» партиясы жанындағы партиялық бақылау комитетінің көшпелі отырысы өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Қызылорда Арена» көпфункционалды спорт кешенінің құрылыс барысын көрді. Жобаның бас мердігері «Aspan holding», бас жобалаушысы «Жоба», техникалық қадағалаушысы «Строй-Проф» серіктестіктері.Ғимарат 2252 көрерменге арналған, 9 блоктан тұрады. Онда олимпиадалық стандарттарға сай бассейн, футзал, баскетбол және волейбол алаңдары, 150 орындық конференц-зал қарастырылған. Кешен құрылысын 2026 жылдың желтоқсан айында аяқтау жоспарланған.<img src="https://knadmin.beoblood.kz/uploads/yzylorda_arena_2_394ca75962.jpg" alt="Қызылорда арена 2.jpg">Өңірде салауатты өмір салтын ұстанатын азаматтардың спорт &nbsp;инфрақұрылымына қолжетімділігі жыл өткен сайын артып келеді. Жаңадан салынған спорт кешендерінде, спорт және ойын алаңдарында, жаяу және веложүргіншілерге арналған жолдарда дене шынықтыратын, күнделікті жаттығу жасайтын, жүгіретін және велосипедпен серуендейтіндер көбейген. &nbsp;&nbsp; Айта кетейік, 4 қазан күні сол жағалауда халықаралық стандарттарға сәйкес келетін 11 мың орындық Орталық стадион ашылды. Спорт нысаны УЕФА талаптарына сай, материалдық-техникалық базасы соңғы үлгідегі заманауи құралдармен жабдықталған. Жаңа ғимараттың жалпы аумағы 20 мың шаршы метр, жасыл алаңнан бөлек, бокс, күрестің үш түрінің, атап айтқанда, дзюдо, грек-рим, еркін күрес, фитнес, спорттық гимнастика, таеквондо және ауыр атлетика залдары қамтылған. Спорт залдары келушілерге жыл он екі ай сапалы қызмет етеді.Ойыншыларға қолайсыздық тудырмау үшін футбол алаңының астыңғы қабатына жылу желісі жүргізілген. Жасанды көгалдың астына 2 см болатын шокпад (shockpad) амортизациялық төсемі қапталды. Бұл технология «Astana Arena» және «Kaysar Arena» стадиондарына ғана енгізілген. Барлық талапқа сай келетіндіктен, халықаралық дәрежедегі ауқымды ойындарды өткізуге толық мүмкіндік бар.&nbsp;Өңірде спортты дамытуда ауқымды жұмыс атқарылып келеді. Соңғы үш жылда 20 спорт кешені ашылды. Биыл «Ауыл – ел бесігі» бағдарламасы аясында елді мекендерде тағы 6 спорт кешені салынып, пайдалануға беріледі.&nbsp;«Қазақстан халқына» қорының демеушілігімен 2 млрд. 900 млн. теңгеге мүмкіндігі шектеулі жандарға арналған дене шынықтыру-сауықтыру кешені салынуда. Биыл қордың қолдауымен Шиелі, Жалағаш аудандарында жаңа спорт кешендері салынып, салауатты өмір салтын ұстанатын тұрғындар игілігіне айналды.<img src="https://knadmin.beoblood.kz/uploads/yzylorda_arena_6b7ca577e0.jpg" alt="Қызылорда арена.jpg">

Аймақ басшысы «Қызылорда Арена» көпфункционалды спорт кешенінің құрылыс барысын көрді

<a href="https://kyzylorda-news.kz/">Kyzylorda-news.kz</a> Қазақстандықтар енді ХҚКО&nbsp;мобильді қосымшасы арқылы алғашқы жүргізуші куәлігін алуға өтініш бере алады.&nbsp;Бұл туралы&nbsp;Stan.kz&nbsp;ақпарат агенттігі хабарлайды."Азаматтарға арналған үкімет" мемлекеттік корпорациясы процесс бар болғаны бірнеше минутты алатынын айтады. ХҚКО&nbsp;қолданбасы мемлекеттік дерекқорлармен байланысты, сондықтан барлық қажетті ақпарат автоматты түрде тексеріледі. Жүйе медициналық анықтаманың, автомектепті бітіргені туралы куәліктің болуын және емтиханға қатысуға ешқандай шектеу жоғын автоматты түрде растайды.<blockquote>"Өтінім берілгеннен кейін теориялық және практикалық емтихандарды тапсыруға уақыт таңдалады. Лицензия алу үшін мемлекеттік баж емтихандарды сәтті тапсырғаннан кейін мамандандырылған ХҚКО операторына төленеді", – деп түсіндірді мемлекеттік корпорация.</blockquote>Бұл қызмет қазір қолжетімді. Пилоттық жоба 2026 жылдың 1 қыркүйегіне дейін жалғасады. Осы уақыт ішінде мамандар жаңа жүйенің қолайлылығы мен сұранысын бағалайды. Осы талдаудың негізінде оны біржолата жүзеге асыру туралы шешім қабылданады.Фото: egov.kz

Қазақстандықтар алғашқы жүргізуші куәлігін алуға өтінішті онлайн бере алады

<a href="https://kyzylorda-news.kz/">Kyzylorda-news.kz</a> Қармақшы ауданында «AMANAT» партиясы аудандық филиалының ұйымдастырумен «Таза бейсенбі» акциясы өтті.&nbsp;Акция мақсаты — тұрғындарды қоршаған ортаға жанашырлықпен қарауға, туған жердің тазалығына, көркеюіне үлес қосуға шақыру.Қармақшы аудандық мәслихатының депутаты, депутаттық фракция мүшесі Марат Асылов тазалық — тек қоқыс жинау емес, ол — мәдениет пен сана көрінісі екенін атап өтті.&nbsp;<blockquote>«Біз табиғатты аялау арқылы өзіміздің болашағымызға қамқорлық жасаймыз. Бүгінгідей игі шаралар адамдарды біріктіріп, қоғамда экологиялық жауапкершілікті күшейтеді. Әрбір азамат ар тазалығы мен табиғатқа деген жанашырлықты қатар ұстана білсе, біз нағыз таза, жайлы, өркендеген ортада өмір сүріп қана қоймай, болашақ ұрпақ алдындағы парызмызды өтейміз. Мемлекет басшысы айтқандай «Таза Қазақстан» бұл – бір күндік науқан емес. Бұл – біздің өмір салтымызға айналуы тиіс. «Таза бейсенбі» акциясы — осы қоршаған ортаға қамқорлық танытудың нақты көрінісі»,- деді Марат Асылов.</blockquote>Акция аясында Жосалы кентінің орталығындағы «Жастар саябағында» кең көлемде тазалық жұмыстары жүргізілді. Қураған шөптер шабылып, қоқыстардан тазарту жұмыстары ұйымдастырылды.&nbsp;Тазалыққа ауданның 50-ге жуық партия мүшелері мен ерікті жастар белсенді атсалысып, 500 кг астам, қоқыстар жинады.<img src="https://knadmin.beoblood.kz/uploads/Taza_bejsenbi_arma_shy_2_bae6362db1.jpg" alt="Таза бейсенбі Қармақшы 2.jpg">&nbsp;

Қазақстан және Қызылорда облысының жаңалықтары: Қоғам