<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмахановтың төрағалығымен аудандық прокуратурадағы кадрлық өзгерістердің орын алуына байланысты арнайы мәжіліс өтті. Жиында аудан басшысы ауданда прокуратура органдарымен бірлесе атқарылған оң нәтижелі жұмыстар жайында айтып өтті.Мұнан кейін, аудандық прокуратурадағы кадрлық өзгерістерді таныстыру үшін ауданға арнайы жұмыс сапарымен келген Қызылорда облысы прокурорының орынбасары Сарпеков Мәди Нәбиұлына берді.Облыс прокурорының орынбасары Мәди Сарпеков Қазалы ауданының прокуроры лауазымына жаңадан тағайындалған Бекпанов Мадияр Ертарғынұлын аудан активіне таныстырды.Жиында аудан әкімі Алмасбек Әбілқасымұлы бұған дейін Қазалы ауданының прокуроры қызметін 3 жылдан астам уақыт бойы атқарып келген Дарын Елтайұлының еңбегіне тоқталып, қызмет барысында көрсеткен жоғары кәсіби деңгейі, заңдылық пен әділдікті сақтауға қосқан зор үлесі үшін облыстың ең жоғары марапаты – «Қызылорда облысының Құрмет Грамотасы» мен облыс әкімі Нұрлыбек Машбекұлы Нәлібаевтың «Алғыс хатын» табыстады.Мәжілісте аудандық мәслихат төрағасы Ғазиз Әліш пен аудандық ардагерлер кеңесінің төрағасы Оразғали Бекпанов құттықтау сөз сөйлеп, жаңадан тағайындалған аудан прокуроры Мадияр Ертарғынұлының жұмысына сәттілік тіледі.Бекпанов Мадияр Ертарғынұлы - 1980 жылы Арал ауданында дүниеге келген. Еңбек жолын 2003 жылы Қазалы ауданы прокурорының көмекшісі болып бастаған. Мұнан соң Қазалы ауданы прокурорының аға көмекшісі, Қызылорда облыстық прокуратурасының анықтау және тергеу заңдылығын қадағалау бойынша Басқармасының прокуроры, Қазалы ауданы прокурорының орынбасары, Қармақшы ауданы прокурорының орынбасары, Жалағаш ауданының прокуроры болып қызмет етті. 2020 жылдан бастап бүгінгі күнге дейін Арал ауданының прокуроры қызметін атқарып келді.

Қазалы ауданына жаңа прокурор тағайындалды

<a href="https://kyzylorda-news.kz/">Kyzylorda-news.kz</a> Аймақта 9-шы желтоқсан – Халықаралық сыбайлас жемқорлыққа қарсы күрес күні аясында бір емес, бір-бірін толықтырып, қоғамдағы құқықтық мәдениетті көтеруге бағытталған бірнеше маңызды іс-шара өтті. Солардың бірі А.Тоқмағамбетов мәдениет үйінде өткен «Адалдық пен заңдылық: қоғамның сенімді кепілі» атты кең көлемді форум. &nbsp;Іс-шараның мақсаты – елдегі заң үстемдігін нығайту, сыбайлас жемқорлыққа қарсы мәдениетті қалыптастыру, мемлекеттік органдардың ашықтығын арттыру және азаматтардың құқықтық сауаттылығын көтеру.Форумға қала әкімінің орынбасары Ділмұхамед Абызов, ҚР Мемлекеттік қызмет істер агенттігінің Қызылорда облысы бойынша департаменті басшысының орынбасары Мира Бейбітова, Қорқыт ата атындағы Қызылорда университетінің комплаенс офицері Әлібек Жаппасбаев, сондай-ақ жастар ұйымдарының жетекшілері, БАҚ өкілдері, үкіметтік емес ұйым мүшелері және мемлекеттік қызметшілер қатысты.&nbsp;Іс-шарада жыл бойы белсенді жұмыс жүргізген мамандар түрлі аталымдар бойынша марапатталды. Форумда айтылған ой-пікірлер мен ұсыныстар әділдік қағидаттарын нығайтуға, азаматтық белсенділікті арттыруға және жастардың бастамаларын қолдауға бағытталған маңызды қадам болмақ.

Адалдық пен заңдылық қоғамның сенімді кепілі

<a href="https://kyzylorda-news.kz/">Kyzylorda-news.kz</a> Қала әкімі Нұржан Ахатов тұрғындарды қабылдап, мәселелері бойынша сұрақтарына жауап берді. Тұрғындар тарапынан қойылған сауалдар тұрғын үй кезегі, жер, әлеуметтік көмек алу бағыттарын қамтыды.&nbsp;Мәселелерге сала басшыларының талқылауымен заң аясында жауаптар берілді. Хаттамаға енгізілген сауалдардың бірқатары жедел шешімін тапса, кейбірі уақыт талабын қажет етеді.&nbsp;Айта кету керек, жыл басынан бері өткізілген жеке қабылдауда 200-ге жуық азаматтың мәселесі сараланды.

Тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Бахыт Жаханов Тереңөзек кентіндегі теміржол вокзалы ғимаратын қайта жаңғырту жұмыстарымен танысты.Сапар барысында облыс әкімінің орынбасары құрылыс жұмыстарының сапасын назарда ұстау қажеттігін атап өтіп, мердігер мекемеге нысанның құрылысын одан әрі жеделдету, мерзімінде аяқтау, аумақты абаттандыру және инженерлік инфрақұрылымдарды толық қамту бойынша нақты тапсырмалар жүктеді.Қазіргі таңда вокзал ғимаратының құрылысы қарқынды жүргізілуде. Құрылыс алаңында қажетті техника мен жұмыс күші жеткілікті, құрылысшылар ғимараттың қабырғасын қалау жұмыстарын аяқтауда.&nbsp;Аталған жоба аудан тұрғындары үшін маңызды болып табылады. Себебі аудан аумағынан өтетін 46 шақырымдық теміржол желісі халықтың еркін қатынауына мүмкіндік береді. Жаңа вокзалдың пайдалануға берілуі жолаушыларға қолайлы жағдай жасап, көрсетілетін қызмет сапасын арттыруға ықпал етеді. Бұл өз кезегінде Тереңөзек кентінің инфрақұрылымдық дамуына серпін бермек.<img src="https://knadmin.beoblood.kz/uploads/Syrdariya_temirzhol_2_684626cc27.jpg" alt="Сырдария теміржол 2.jpg">

Теміржол вокзалының қайта жаңғырту жұмыстарымен танысты

<a href="https://kyzylorda-news.kz/">Kyzylorda-news.kz</a> Мемлекет басшысы "Қазақстан Республикасындағы цифрландырудың кейбір мәселелері туралы" жарлыққа қол қойды, деп хабарлайды Ақордаға сілтеме жасаған <a href="https://kaz.nur.kz/politics/kazakhstan/2318957-toqaev-qazaqstan-respublikasyndagy-tsifrlandyrudyng-keibir-maseleleri-turaly-zharlyqqa-qol-qoidy/">KAZ.NUR.KZ.</a>Жарлыққа сәйкес, 2026 жылғы 1 қаңтардан бастап мемлекеттік органдар мен квазимемлекеттік сектор субъектілерінің жаңа ақпараттандыру объектілерін QazTech "электрондық үкіметі" ақпараттық-коммуникациялық платформасынан тыс құруға мораторий енгізіледі.Үкіметке мемлекеттік органдар мен квазимемлекеттік сектор субъектілерінің жаңа ақпараттандыру объектілерін QazTech платформасында әзірлеу мүмкін болмаған кезде әрбір нақты жағдайды президент жанындағы Қазақстан Республикасында цифрландыруды енгізу мәселелері жөніндегі комиссияның қарауына шығару тапсырылды.

"Мораторий енгізіледі": Тоқаев цифрландырудың кейбір мәселелері туралы жарлыққа қол қойды

<a href="https://kyzylorda-news.kz/">Kyzylorda-news.kz</a> Жаңақорған ауданы әкімінің міндетін атқарушы Бектас Нуридиновтың төрағалығымен жиын өтті. Күн тәртібінде «Мерзімді әскери қызметке шақыру» және «Міндетті әлеуметтік медициналық сақтандыру» мәселелері қаралды.Алғашқы мәселе бойынша аудандық Қорғаныс істері жөніндегі бөлімінің бастығы Жолдасбек Әбдібекұлы 2025 жылғы күзгі мерзімді әскери қызметке шақыру науқанының жүргізілу барысы жөнінде баяндама жасады. Аталған мәселеге байланысты Бектас Балғабайұлы әскерге шақыру жоспарының толық әрі уақытылы орындалуын қамтамасыз етуді тапсырды.Күн тәртібіндегі екінші мәселе – міндетті әлеуметтік медициналық сақтандыру жүйесінің ауданымызда іске асу жағдайы болды. Бұл бағыттағы атқарылып жатқан жұмыстар туралы аудандық емхананың бас дәрігері Марат Ршымбетов баяндады.Бұл мәселеге қатысты Марат Құбылұлына сақтандыру жүйесінде мәртебесі анықталмаған және сақтандырылмаған тұрғындар санының артуына байланысты тиісті шараларды күшейту жүктелді. Атап айтқанда, кент және ауылдық округтер бойынша сақтандырылмаған азаматтардың нақты тізімін қалыптастырып, жергілікті әкімдермен бірлесіп, олардың мәртебесін өзектендіру мен сақтандыру жүйесіне қатысуын қамтамасыз ету жұмыстарын ұйымдастыруды тапсырды.<img src="https://knadmin.beoblood.kz/uploads/zekti_m_seleler_araldy_69b1c8e910.jpg" alt="Өзекті мәселелер қаралды.jpg">

Өзекті мәселелер қаралды

<a href="https://kyzylorda-news.kz/">Kyzylorda-news.kz</a> Биыл аймақ басшысының қолдауымен қаладағы 20 аулаға заманауи балалардың ойын және спорт алаңдары салынуда. Оған жергілікті бюджеттен &nbsp;1,3 млрд.теңге бөлінді. Жұмыстарды «Еңбек РГП» мердігер мекемесі жүргізуде.Қала әкімінің тапсырмасына сәйкес, құрылыс жұмыстарының сапалы және мерзімінде орындалуы күнделікті қадағалануда.<img src="https://knadmin.beoblood.kz/uploads/Zha_a_ala_3_4cc0b69639.jpg" alt="Жаңа алаң 3.jpg">Бүгін қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Дархан Бақтияров нысандарды аралап, жұмыстың орындалу барысын көрді.&nbsp;Айта кету керек, жаңа ойын алаңдарының салынуымен қатар, басқа да аумақтардағы осындай орындар қайта жаңғыртылып, тазалығы жүргізіліп отырады.<img src="https://knadmin.beoblood.kz/uploads/Zha_a_ala_2_80943fb971.jpg" alt="Жаңа алаң 2.jpg">

Жаңа алаң – жаңғыртылған аула 

<a href="https://kyzylorda-news.kz/">Kyzylorda-news.kz</a> Мемлекет басшысының Жарлығына сәйкес, аудан әкімі мен ауылдық округ әкімдерінің халықпен кездесуі жалғасуда. Аудан әкімінің бастамасымен ауылдық округтердің әлеуметтік-экономикалық жағдайын жақсарту бағытындағы жұмыстар жүйелі жүргізіліп келеді. Биылғы жылы шалғайда орналасқан Тәйімбет Көмекбаев және Қуаңдария ауылдық округтерінде бірқатар маңызды көрсеткіштерге қол жеткізілді.Т.Көмекбаев ауылында тұрғындар негізінен мал шаруашылығымен және бақша өнімдерін егумен айналысады. Бұл бағытта бүгінде 5 шаруа қожалығы жұмыс жасап, ауыл экономикасының дамуына үлес қосып келеді. Ауыл халқын таза ауыз сумен қамтамасыз ету «ОДСП Арал» мекемесінің өндірістік бөлімшесі арқылы жүргізіліп, қазіргі уақытта ауыз су мәселесі толық шешілген.Инфрақұрылым мәселелері де назардан тыс қалған жоқ. Биыл Жаңақала және Балқы Базар көшелеріне жарықтандыру жұмыстары жүргізіліп, ұзындығы 10,3 шақырымды құрайтын 11 көшенің барлығы толық жарықтандырылды. Сонымен қатар, Тәуелсіздік және Балқы Базар көшелерін орташа жөндеуден өткізуге арналған жобалық-сметалық құжаттамалар демеушілік қолдауымен әзірленіп, сараптамадан өтуде. Жыл соңына дейін жобалар бюджетке ұсынылатын болады.Ауыл тұрғындары мәдениет саласында да жақсы жетістіктерге қол жеткізуде. &nbsp;«Аламан құрақ» жобасы аясында әлемдік рекордтар кітабына енсе, «Мерейлі отбасы» ұлттық конкурсында елді мекен азаматтары облыстық кезеңде бірінші орынды жеңіп алды.Қуаңдария ауылдық округінде де мал шаруашылығы мен бақша өнімдерін өсіру негізгі бағыт болып табылады. Сондай-ақ жастар мен тұрғындардың спортпен шұғылдануына жағдай жасау мақсатында ауылдағы спорт алаңының жанынан воркаут алаңы орнатылды.2023 жылдан бері облыс көлемінде өткізіліп келе жатқан елді мекендерді абаттандыруға бағытталған «Үлгілі елді мекен» конкурсында Қуаңдария ауылдық округі биыл үздік деп танылып, 15 млн теңге көлемінде сертификат табысталды. Сонымен қатар Қуаңдария және Жеңістің 40 жылдығы көшелеріне арналған жобалық-сметалық құжаттамалар дайындалып, сараптамадан өтсе, Гагарин көшесіне арналып әзірленген жоба да жыл соңына дейін сараптамаға енгізіледі.Ауыл маңындағы ұзындығы 15 шақырымды құрайтын Таңатар каналы 27 млн теңгеге тазартылып, су жеткізу мүмкіндігі жақсарды.Кездесуде Жандос Еркінбек әр тұрғынның көтерген мәселесіне заңға сәйкес жауап беріп өтті. Сондай-ақ жеке қабылдау да өткізіп, тиісті сала басшыларына тапсырмалар берді. Аудан бойынша ауылдық округтерді дамыту бағытында атқарылған жұмыстар алдағы уақытта да жалғасып, тұрғындардың ұсыныстары негізінде жаңа жобалар іске асырыла бермек.<img src="https://knadmin.beoblood.kz/uploads/arma_shy_zha_a_zhobalar_2_31b60dba6c.jpg" alt="Қармақшы жаңа жобалар 2.jpg">

Ауыл халқының тұрмысын жақсартуға бағытталған жобалар жалғасуда

<a href="https://kyzylorda-news.kz/">Kyzylorda-news.kz</a> Қазақтың ежелден келе жатқан бір асыл сөзі бар: «Дін – иманның тірегі, иман – адамдықтың жүрегі». Осы жүрекке жылу беріп, елдің еңсесін тіктеп келе жатқан қарашаңырақ – Қазақстан мұсылмандары діни басқармасы (ҚМДБ). 1990 жылы іргесі қаланған бұл қасиетті ұйым – халықты имандылыққа үндеуде, бірлік пен берекенің туын желбіретуде көшбасшы болып келеді.ҚМДБ-ның басты мақсаты – Құран мен Сүннетке сүйенген саф Ислам ілімін халқымыздың тілі мен танымына сай жеткізу. Мешіттерімізде әр жұма сайын айтылатын өнегелі уағыздар, жастарға арналған дәрістер, қайырымдылық бастамалар – бәрі де ел ішінде ізгілік шырағын маздату үшін жасалады. Жат ағымдардан қорғау, отбасы құндылықтарын дәріптеу, дәстүр мен дінді үйлестіре насихаттау – Басқарманың күнделікті қызметінің айнымас бағыты.Бүгінгі заманда ҚМДБ тек мінбер мен медреседе ғана емес, ақпарат айдынында да алда жүр. Әлеуметтік желілер, теле-радио бағдарламалар, кітаптар мен мақалалар арқылы халыққа дұрыс діни түсінік жеткізіліп, жүректерге иман нұры себілуде.Қорыта айтқанда, ҚМДБ – елдің рухани тұтастығының алтын арқауы және &nbsp;қазақ даласында имандылықтың шамшырағын жағып, бірлік пен татулықтың баянды болуына адал қызмет етіп келе жатқан киелі қарашаңырақ.Бахтияр Саламатов,&nbsp;Қазалы ауданы, Әйтеке би кенті&nbsp;“Қожаназар ишан” &nbsp;мешітінің имамыФото: egemen.kz

ҚМДБ-ның рухани құндылықтарды насихаттаудағы рөлі

<a href="https://kyzylorda-news.kz/">Kyzylorda-news.kz</a> Қызылорда қаласының Достық үйінде облыстық Қазақстан халқы Ассамблеясы жанындағы «Ассамблея жастары» ұйымының қорытынды іс-шарасы өтті.Кездесуге «Қоғамдық келісім» КММ директор орынбасарлары, қызметкерлері және «Ассамблея жастары» ұйымының белсенділері қатысты.Шараның модераторы – ҚХА жанындағы «Ассамблея жастары» республикалық қоғамдық бірлестігінің Қызылорда облысы бойынша өкілділігінің төрайымы Елена Пак алғы сөзімен ашты, аймақтық «Ассамблея жастары» ұйымымен 2025 жылы атқарылған жұмыстар бойынша баяндамасы жасады.Одан кейін қатысушылар ҚХА жанындағы «Ассамблея жастары» республикалық қоғамдық бірлестігінің төрағасы Тимур Жұмырбаевтың бейнеқұттықтауы көрсетілді. Сонымен қатар, жыл басынан бері атқарылған жұмыстарға бейнешолу жасалды.<img src="https://knadmin.beoblood.kz/uploads/589912810_18100748833741788_3529878206495293430_n_0a674c3a88.jpg" alt="589912810_18100748833741788_3529878206495293430_n.jpg">«Қоғамдық келісім» КММ директор орынбасары Руслан Құрманов шараны қорытындылады. Жастар өздерінің ұсыныс-пікірлерімен бөлісті.Іс-шара барысында белсенді жастар Қазақстан Республикасы Президенті Әкімшілігінің Қазақстан халқы Ассамблеясы хатшылығының меңгерушісі, Қазақстан халқы Ассамблеясы Төрағасының орынбасары Марат Әзілхановтың, «Ассамблея жастары» Республикалық қоғамдық бірлестігінің төрағасы Тимур Жұмырбаевтың және «Қоғамдық келісім» КММ директоры Бақытжан Камаловтың Алғыс хаттарымен марапатталды.Қорытынды іс-шара «Бірлігіміз жарасқан» және «Менің Қазақстаным» әндерімен аяқтады.

Облыстық «Ассамблея жастары» ұйымының қорытынды іс-шара өтті

<a href="https://kyzylorda-news.kz/">Kyzylorda-news.kz</a> &nbsp;Облыс әкімінің бірінші орынбасары Данияр Жаналиновтың қатысуымен облыстық мәслихаттың кезекті XXVII сессиясы өтті. Мәслихат төрағасы Мұрат Тлеумбетов, депутаттар мен жауапты сала басшылары қатысқан сессияның күн тәртібінде 19 мәселе қаралды.Облыс әкімінің бірінші орынбасары аймақ экономикасын әртараптандыруға, тұрғындардың тұрмыс жағдайын жақсартуға бағытталған серпінді жобалар туралы айтып өтті.<blockquote>«Өткен 10 айдың қорытындысына қарағанда, аймақтың макроэкономикалық көрсеткіштерінің өсімі бар. Жалпы өңірлік өнім көлемі 3 трлн. теңгеден асады деп күтілуде.Соңғы үш жылда 1 триллион 600 млрд. теңге инвестиция тартылды. Президентіміздің, Үкіметтің ерекше қолдауымен облыс бюджеті 851 млрд. 300 млн. теңгеге жетіп, 2022 жылдан бері 233 пайызға өсті. Оның 56 пайызы әлеуметтік салаға бағытталды.Даму бюджетінің көлемі 2021 жылы 47 млрд. теңге болса, биыл 207 млрд. теңгеге жетіп, 4,4 есеге артты. Бұл қаражат аймағымыздың ең өзекті деген мәселелерін шешуге, тұрғындардың өмір сүру сапасын жақсартуға, жаңа инфрақұрылымдық жобаларды іске асыруға бағытталды.Биыл 2023-2025 жылдарға арналған жалпы сипаттағы трансферттердің қолданылу мерзімі аяқталады. Осыған байланысты, 2025 жылдың 8 желтоқсанында Мемлекет басшысы «Республикалық және облыстық бюджеттер, республикалық маңызы бар қалалар, астана бюджеттері арасындағы 2026-2028 жылдарға арналған жалпы сипаттағы трансферттердің көлемі туралы» және «2026-2028 жылдарға арналған республикалық бюджет туралы» заңдарға қол қойды.Осыған сәйкес алдағы үш жылдық кезеңге, яғни 2026-2028 жылдарға арналған бюджет параметрлері айқындалып, бүгінгі мәслихат сессиясында екі маңызды құжат «2026-2028 жылдарға арналған облыстық бюджет туралы» және «Облыстық және аудандық бюджеттер, облыстық маңызы бар қала бюджеті арасындағы 2026-2028 жылдарға арналған жалпы сипаттағы трансферттердің көлемі туралы» Қызылорда облыстық мәслихатының шешімдері бекітіледі», – деді Д. Жаналинов.</blockquote>Алдағы уақытта қаржыландырудың барлық көзінен халықтың әлеуметтік жағдайын жақсартуға, қала мен ауылдардың сәулеттік келбетін жаңартуға, заманауи ғимараттар салуға бағытталған жаңа жобалар жалғасады.Сессияда мәслихат депутаттары ұсыныстарын жеткізіп, қаралған маңызды құжаттардың өңір дамуындағы маңызын атап өтті.Фото: Қызылорда облысы әкімінің баспасөз қызметі

Облыстық мәслихаттың кезекті XXVII сессиясы өтті

<a href="https://kyzylorda-news.kz/">Kyzylorda-news.kz</a> &nbsp;ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде көлік-транзит саласын дамыту және цифрландыру мәселесі қаралды.Оған облыс әкімінің бірінші орынбасары Данияр Жаналинов селекторлық режим арқылы қатысып, осы және өзге де мәселелерге орай жауапты сала басшыларына нақты тапсырмалар жүктеді.<blockquote>«Жоспарланған жол сапалы салынып, жыл соңына дейін мерзімінде бітуі тиіс. Әсіресе асфальт төсеу кезіндегі жұмыс барысы қатаң бақылауда болсын.Қала, аудан әкімдерімен бірлесіп, мәдени-көпшілік іс-шаралар өтетін қоғамдық орындар мен нысандар тізімін нақтылап, өрт қауіпсіздігінің сақталуын қамтамасыз етіңіздер. Талапқа сай келмейтін пиротехникалық бұйымдарды пайдалануға жол бермеу керек. Оларды сақтайтын және сататын орындарға рейдтік жедел-профилактикалық шаралар ұйымдастырыңыздар.Мереке өтетін нысандарда өрт сөндіру және қоғамдық тәртіпті сақтау қызметтері кезекшілікке тұруы тиіс. Корпоративтік кештер өтетін мейрамхана иелеріне өрт қауіпсіздігіне қатысты түсіндірме жүргізіңіздер. Медициналық қызмет те күшейтілген режимде жұмыс істеуі қажет», – Данияр Еренғалиұлы.</blockquote>Облыс аумағынан 3 545 шақырым жергілікті маңызы бар жол өтеді, оның ішінде 1 024,5 шақырымы республикалық, 555 шақырымы облыстық, 1 965,5 шақырымы аудандық маңызы бар жолдар.Биыл жергілікті жол инфрақұрылымын дамытуға бюджеттен 46 млрд 644 млн теңге бөлінді. Бұл қаржыға 329 шақырым автожол жөнделіп, жақсы және қанағаттанарлық жағдайдағы жолдар үлесі 95 пайызға жеткізілмек. Сонымен қатар, 3 учаскеге автоматтандырылған өлшеу станциялары орнатылады.Облыс аумағынан 1051 шақырым теміржол желісі өтеді. «Қазақстан Темір Жолы» ұлттық компаниясына қарасты 8 теміржол вокзалы, 2 қызмет көрсету пункті бар.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам