Баба қарғысын арқалаған жігіт өмірін садақа таратумен тауыса ма?
Үлкен мешіттің қарсы бетіндегі кішігірім азық-түлік дүкенінде жұма сайын орта жастан асқан жігіт ағасы намаздан шыққан жамағатқа&nbsp;садақа таратады. Әр жұмада мешіттің орнын ауыстырып тұрады.
Садақа тарату тәсілі қызық. Кассаның қасында тұрып, жарлы-жабықай мен қариялар сатып алғысы келген азық-түліктің бағасын толығымен өз қалтасынан төлейді. Мән-жай сұрағандарға: «Садақам қабыл болсын деп бата берсеңіз жеткілікті» деумен шектеледі.
Ұзынқұлақтан естіп, арнайы барып тілдеспекке бел шештім. Алғашында айтқысы келмеді. Құпиясы өзгеге тағлым болардай өнеге болсын деп қиылдым. Біраз ойланып, аты-жөнін ешкімге айтпайтыныма уәде алып, айтуға көнді:
«Сауапты істі жарнамалауға болмайды. Садақаны жарнама үшін емес, сауап үшін істеймін. Мені бір қалталы алпауыт деп ойлап қалмаңыз. Орта деңгейде тұрмысым бар, қарапайым жанмын. Жұма сайын он адамға садақа таратуымның сыры – үлкен бабам арқалаған қарғыстың өтеуін өтеп келемін.
Маған дейін әкем, атам, бабам өтеген. Қарғыстың қаһарына көп адам сенбейтіні үлкен қате. Қарғыс бар. Үлкен әлім молданың айтуынша: «Жүйелі қарғыс алты атадан өтіп, жетінші ұрпақта түгесіледі» екен.
Әкемнен естігенім: сонау жиырмасыншы ғасыр басында Кеңес үкіметі құрған қызыл әскер елге келіп, үлкен бабам «бәлшебек» болады. Оның заңы бойынша кедей бостандық алып, байлардың малын «кәмпескелеп», өздерін итжеккенге айдағаны тарихтан белгілі.
Бабаларым сіңірі шыққан кедей әулетінен болыпты. Үлкен бабам ауылға қызыл әскер келген кезде қылшылдаған жігіт болса керек. Ол байдың жүйрік жоғасын тартып мініп, көңілі есіреді.
Бірде ауылға келген орыстың қызыл әскерімен араққа сылқия тояды. Есінен тана мас болып, бәлшебек қолына ұстатқан винтовкамен жеті атасынан бері қызметшісі болып келе жатқан байдың жалғыз ұлын қинап өлтіреді.
Көз ашқалы өзіне бұйрық беріп келе жатқан байдың зар илегенін көріп, одан бетер желігеді. Байдың алты ауылға аты шыққан оң босағада отырған сұлу бойжеткен қызы бар екен. Үлкен бабамның сұлу қызда ойы болса керек. Сіңірі шыққан кедейге қай бай қызын берсін?
Үкімет берген еркіндікті асыра сілтеген үлкен бабам, әлгі бойжеткенді әкесінің көз алдында зорлайды. Қорлыққа шыдамаған сұлу бойжеткен өз шашына асылып өліпті. Ол аздай байдың күллі малын тартып алып, әйелі екеуін итжеккенге айдатады.
Қорлыққа күйінген бай итжеккенге айдалып бара жатып, үлкен бабама қолын теріс қарата жайып тұрып: «Көгерме, көктеме. Ұрпағың өспесін. Жеті ұрпағыңа дейін қарғысым атсын?!.» – деп қарғапты. Жүйелі қарғыс болса керек, сол қарғыстан әулетіміз шынымен өспеді.
Байды қорлаған үлкен бабамызға шынымен қарғыс тиеді. Тоғыз ұлының сегізін қара жерге беріп, әупіріммен жалғыз ұлы қалады. Содан бері әулетіміздегі әйелдер бір етек бала туғанмен, жалқыдан артық тұрақтамайды. Оның өзі қырық беске толғанда қайтыс болады. Қырық алтыға өткені жоқ.
Көрген қорлығынан үлкен бабамызды қарғаған кезде байдың жасы қырық бесте болса керек. Әулетімізде еркектің жасы қырық бестен аспауының сыры сонда деп ойлаймын. Үлкен бабамыз қырық беске келіп, көз жұмарының алдында үш күн сандырақтап, қиналып жатыпты.
Демі таусылар алдында ғана есін жиып: «Қолмен жасаған қиянатымнан жеті ұрпағым арқалайтын қарғыс алдым. Ұрпағым әр жұмада он адамға садақа жасасын. Әйтпесе, ұрпақсыз өтеді», – дегенді айтып үлгереді.
Мен – бесінші ұрпақпын. Анам он құрсақ көтерді. Ең кенжесі мен ғана тұрақтап қалдым. Әкем марқұм мені мойнына бұршақ салып, әулиелерге түнеп, құдайға жалбарынып жүріп тілеп алыпты.
Әкеме еріп жұма сайын он адамға садақа таратумен есейдім. Қырық бес жастағы әкем көз жұмарының алдында үлкен бабамның өсиетін маған аманаттады. Аманат арқалаудың жөні бар. Қарғыс арқалау – ең үлкен жаза екен.
Қарғыс арқалаған әулет болғандықтан, мектеп қабырғасынан аттап шыға үйленеміз. Өйткені, бала тұрақтап қалуы екіталай. Әулет үзілмесін деген амал. Мені әкем он жетімде үйлендірді.
Әйелім алғашында бірінен соң бірін түсік тастаумен болды. Әне-міне деп үміттеніп отырғанымызда түсік тастайды. Түсіктен көз ашпаған азапқа шыдаған әйелім айы-күні жетіп, өмірге жеті құрсақ келтірді.
Әр бала туған сайын үрейден көз ашпаймыз. Жалғыз ұлдан басқасын қара жерге бердім. Әр перзентімді жерге берген сайын он жылыммен қоштасамын. Жалғыз ұл болса да, тұяғым барына шүкір.
Өзімді тоқсанға жеткен қариядай сезінемін. Түсікті есепке алмаған күнде алты баланы жерге берген көз жасым – ғұмырымның алпыс жылына татығаны ғой. Балама: «Адам баласына, тіптен, қыбырлаған құмырсқаға да жамандық жасама, қарғысына қаласың», – деп отырамын.
Кезінде перзентім тұрақтамаған соң, мен де әкем сияқты бұршақ арқалап, әулие түнедім. Көз жасыма жалғыз ұл тұрақтап қалды. Баламның жасы он жетіде. Қазір жасым қырық үште. Екі жылым қалды.
Жанталаса малдың басын құрап, балама жұма сайынғы садақаға шамасы жетерліктей іс қалдырғалы отырмын. Құдай қаласа, менің немереммен жеті буынға кеткен қарғыс тыйылады деп үміттенемін».
Жантүршігерлік оқиғаны естіп, есім танардай үнсіз қалдым. Көз алдымда сұлу бойжеткеннің пәктігінің аяққа тапталуы. Жас жігіттің бейкүнә төгілген қаны. Атадан жалғасқан байлығына өшіккен кедейден қорлық көріп, әйелімен қосақтала итжеккенге айдалған байдың уға көмілген көз жасы.
Кезінде қолға тиген төбелдей билікке тасынған тәкаппарлықтың кесірі бес буынды азаппен буындырумен келеді. Қиянаттың сұрауы бар. Бейкүнә төгілген көз жастың ақыры жалған өмірде өтеусіз қалмасы һақ.
Әулет өтеп жатқан жаза естігенге ес жидырарлықтай ауыр. Тентек судың арбауында бір адам көрсеткен қиянаттан әулеттің бесінші буыны ұрпағы тұрақтамаудың азарын кешіп, баба алған қарғысын өтеумен келеді.
Мейлінше жақсылық жасайық. Жақсылық жасау қолдан келмесе, жеті буынға жетерлік қарғыс арқалататын қиянаттан қашық болайық.
Сая ҚАСЫМБЕК
<a href="https://informburo.kz/pikir/saya-kasymbek/zhmaday-br-sadaany-syry.html?fbclid=IwAR1UCB2kftSe9jwTKhJRXYDEwXx-dnXxMAN3--5uw3Zm66A-RvGlQXVOLxc">Informburo</a>

Жұмадағы бір садақаның сыры

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қытайдың Шэньчжэнь қаласының тұрғыны смартфонды тым көп қолданғанына байланысты оның сол көзін соқыр етті, деп хабарлайды&nbsp;<a href="https://stan.kz/tuni-boyi-telefonmen-oyin-oynagan-kiz-sokir-bolip-kaldi-324251/">Stan.kz</a>&nbsp;ақпарат агенттігі.
Қыз түні бойы ұялы телефонында ойнады. Келесі күні таңертең оянып, тағы да смартфонын алды, бірақ бес минуттан кейін ол сол көзімен ештеңе көре алмайтынын түсінді.
Қытайлық әйел ауруханаға түсті. Оның дәрігері Цю Ваньцзян оның көз торында қанның ұйығанын, оны көруге кедергі келтіргенін хабарлады.
Науқасқа Вальсальва ретинопатиясы диагнозы қойылды. Дәрігер көздің физикалық кернеуі қан тамырларының жыртылуына әкелгенін түсіндірді.
Лазерді қолдана отырып, дәрігерлер көз торында кішкене тесік жасады, бұл артық қанның кетуіне көмектесті. Процедурадан кейін қытайлық әйел қалпына келіп, көру қабілеті қайта оралды.

Түні бойы телефонмен ойын ойнаған қыз соқыр болып қалды

<a href="https://kyzylorda-news.kz/">Kyzylorda-news.kz.</a> Әлемдегі ең алғашқы бағдаршамның қашан және қай жерде орнатылғанын білесіз бе? Ол осыдан тура 105 жыл бұрын, яғни 1914 жылы 5 шілдеде Американың Кливленд қаласында орнатылған. Алайда ол жартылай ғана автоматтандырылғандықтан, бағдаршамды жанындағы арнайы күркеде отырған полицей басқарған екен.&nbsp;<a href="https://stan.kz/bagdarsham-turali-kizikti-derekter-324124/">Stan.kz</a>&nbsp;бағдаршам туралы қызықты деректерді ұсынады.&nbsp;
Жол қозғалысын реттеудің түрлі әдістері бұрын да қолданылған. Кейбірі бағдаршам 1968 жылы Лондонда ойлап табылды деген пікірде. Алайда құрылымы бойынша заманауи бағдаршамдарға ұқсамайтын бұл құрылғылар қолданыста қала алмаған. Оған аса үлкен әрі күрделі болуы себеп. Сонымен қатар қауіпсіз болмаған. Тіпті, мұндай бағдаршамдардың бірі жарылып кетіп, жанында тұрған полицей айтарлықтай ауыр жарақаттаныпты. Сондықтан қазір біз көріп жүрген бағдаршамдар 1914 жылы Джеймс Хог ойлап тапқан бағдаршамның жалғасы болып табылады.&nbsp;
Сол уақытта жаңа өнертабыс бірнеше жылға ұмыт болған. Сеьебі жол қозғалысы бағдаршамды қажет ететіндей айтарлықтай күрделі болмады. Тек арада 6 жыл өткеннен кейін Детройттағы трафик артып, жол қозғалысын реттеу үшін тиімді құрылғы қажет болғанда Хогтың бағдаршамы еске түскен. Сонда Вудворд және Мичиган көшелерінің қиылысына екінші бағдаршам орнатылды. Оның біріншісінен айырмашылығы – сары түстің қосылуы. Алғашқы бағдаршамда тек қызыл және жасыл түстер болған. 1923 жылы Гаррэт Морган автоматтандырылған алғашқы бағдаршамды ұсынып, ол 5 тамызда патенттелді.&nbsp;
Бағдаршамдар әлем бойынша тез тарады. Ресейде алғашқы бағдаршам 1930 жылы Ленинград және Мәскеуде пайда болды.&nbsp;
Ал кейбір елдерге бағдаршам өзгертілген түрде жеткен. Мысалы, Жапионяда ондаған жылдар бойы жасылдың орнына көк түсіп қолданылып келді. Мұнда бағдаршамдардың дәстүрлі түріне ауыстырылғанына қаншама уақыт өтсе де, «көк түс жанғанда жүр, қызыл белгісіне тоқта» деген аксиома әлі де туристерді таңғалдыруда.&nbsp;
Бағдаршам туралы қызықты деректер:
<ul>
<li>Лондонда бағдаршамға арналған ең үлкен ескерткіш орнатылған.&nbsp;</li>
<li>Мегаполис тұрғыны орташа есеппен өмірінің шамамен 6 айын бағдаршамның жасыл белгісін күтумен өткізеді.&nbsp;</li>
<li>2005 жылдан бері Рио-Де-Жанейрода түнгі уақытта бағдаршамның қызыл белгісіне назар аудармауға ресми түрде рұқсат етілген. Бұл жүргінші тоқтаған жағдайда оны тонап кету қатерінің артуымен байланысты.</li>
<li>ҚХДР астанасы Пхеньянда тек 2010 жылы бағдаршамдар жаппай тарай бастаған. Оған дейін аталған құрылғыны жол қозғалысын реттеуші қыздар алмастырған.&nbsp;</li>
<li>Берлинде 13 белгісі бар бағдаршам бар. Арнайы дайындығы жоқ адамдарға оның белгілерін түсіну мүмкін емес. Сондықтан жанында отырған полицей бағдаршамның жол қозғалысына қатысушылардан не талап ететінін түсіндіріп отырады.&nbsp;</li>
</ul>
Жүзден аса жыл ішінде бағдаршамдар айтарлықтай өзгеріп, жоғарытехнологиялы және қуатты үнемдейтін түрге жетті. Олардың кейбірін интеллектуалды көлік жүйесіне қосуда. Бұл бағдаршам қозғалыс трафигіне байланысты жұмысн тәртібін өздегінен өзгерте алуы үшін жасалған.&nbsp;
Жол қауіпсіздігін қамтамасыз етуге қатысты технологиялар мұнан әрі де деми бермек. Кореялық дизайнер Ханьюн Ли бағдаршамдарды голограммалармен толықтыру туралы идея ұсынды. Оның идеясына сәйкес, жаяу жүргіншілер жолдан өтіп бара жатқанда, жүргізушілер жолдан өтіп бара жатқан адамдар бейнеленген үлкен қызыл голограмманы көруі тиіс.&nbsp;
Мұндай технология қолданысқа сіңіп кете ала ма, әлде одан да тиімді құрылғы ойлап табыла ма, оны уақыт көрсетеді. Алайда барлық бағдаршамның атасы 105 жыл бұрын Кливлендте орнатылған алғашқы бағдаршам болып қала береді.

Бағдаршам туралы қызықты деректер

<a href="https://kyzylorda-news.kz/">Kyzylorda-news.kz.</a> Ресейлік диетологтар картоп пен сәбізді қандай сырқатпен ауыратын адамдарға жеуге болмайтынын мәлімдеді. Олардың сөзінше, қант диабетіне шалдыққан жандар аталмыш көкөніс түрін күнделікті тамақ рациоынан азайтуы тиіс екен деп жазады&nbsp;&nbsp;<a href="https://life.ru/t/%D0%BD%D0%BE%D0%B2%D0%BE%D1%81%D1%82%D0%B8/1254472/diietologh_rasskazala_komu_nie_stoit_iest_kartofiel_i_morkov">life.ru</a>-ға сілтеме жасап.
Ресейлік диетолог Елена Соломатинаның айтуыеша, қатты көкөністерді шикі күйінде жегенде сақ болу керек екен. Мәселен тұрып асқазан және ішек ауруларына әкеп соқтыратын көрінеді. Тұрып тұқымдас көкөністердің ішінде денсаулыққа ең пайдалысы – шалғам дейді олар.
<blockquote>
 Ал картоп пен сәбіз сияқты құрамында крахмал көп көкөністерді қант диабетіне шалдыққан адамдар жиі пайдаланбауы тиіс екен. Себебі артық крахмал диабетпен сырқат жандардың қанындағы қант мөлшерін көтереді.
</blockquote>
Ал бұл өз кезегінде адамдардың өмір жасының қысқаруына әкеп соқтырады. Сонымен бірге картоптан артық салмағы бар адамдар да бас тартқан жөн.&nbsp;Сәбіз керісінше толық адамдарда жақсы қорытылып, денсаулықтарын дәрумендермен байыта түседі екен.
Диетологтың сөзінше картопты пеште пісірсе, оның құрамындағы калий сақталып, ол қан қысымының азаюы мен жүрек жұмысының жақсаруына септігін тигізетін көрінеді.
Маман сондай-ақ атеросклероз бен ішек обырына шалдыққан жандар аталған көкөністерді шикі күйінде жеуі керек деген пікір айтқан.
Себебі олар ағзадағы токсиндер, эндотоксин мен холестериннің шығарылуына көмектеседі.

Картоп пен сәбізді кімдерге жеуге болмайды?

<a href="https://kyzylorda-news.kz/">Kyzylorda-news.kz</a>. Шамамен 10 аптадан асқан үйсіз күшік&nbsp;АҚШ-тың Миссури штатындағы Mac’s Mission жануарлар үйіне келді, деп жазады <a href="https://stan.kz/mandayina-kyyrik-bitken-kushik-tudi-mamandar-kyyrikti-k-324259/">Stan.kz</a>.
Бұл жануарлар үйі&nbsp;ауру, ақаумен туған жануарларға&nbsp;көмектесеті орын. Күшіктің&nbsp;маңдайына құйрық бітіп туған. Нарвал тұқымдасына жататын теңіз жануарының басына&nbsp;ұзын мүйіз өскен. Соның құрметіне күшікті Нарвал деп атады. Ветеринарлар Нарвалды тексеріп, қосымша құйрықтың зияны жоқ&nbsp;және оны алып тастаудың қажеті жоқ деген қорытындыға келді.&nbsp;
Күшіктің фотосы әлеуметтік желілерге кең тарады. Mac’s Mission компаниясының&nbsp;&nbsp;жетекшісі Рошель Штеффеннің айтуынша, Нарвал өзін жақсы сезінеді және бірнеше сағат ойнайды. Рентгенде күшіктің маңдайындағы екінші құйрық (ол біріншіге қарағанда шамамен үш есе қысқа) сүйек пен бұлшықет тінімен бас сүйегіне қосылмағанын көрсетті: Нарваль кішкентай құйрығымен&nbsp;шыбындарды ұшырып тастай алмайды немесе оны тарта алмайды.
Күшікті баспанадан шығару әлі мүмкін емес: Mac’s Mission қызметкерлері құйрық болашақта оған қиындық тудырмайтындығына көз жеткізу үшін оны асырауды ұйғарды.

Маңдайына құйрық біткен ерекше күшік туды

Қазір әзіл саласында жүрген адамдардың көбі КВН-нен, яғни Жайдарманнан шыққан. Олардың кейбірі өнер жолын жалғаса, ендігі бірі басқа саланы таңдаған. Жайдарман түлектерінің ішінен режиссер, актер тіпті мемлекеттік қызметкерді де кездестіруге болады. Tengrinews.kz тілшісі қазақ КВН-і түлектерінің қазір немен айналысып жүргенін анықтады.
Ерлан Айтбаев
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-erlan-1.jpg" alt="" />
&nbsp;“Жайдарман” сахнасында “Ералаш” лақапатымен танылған актер “Көз тимесін” құрамасында өнер көрсеткен. “Нысана” әзіл-ысқақ театрында да еңбек еткен. Бүгінде ол – мемлекеттік қызметкер. Айтбаев Nur Otan партиясының Шымкент қаласындағы филиалында қызмет етеді. © instagram.com/aitbaev1986
Мемлекеттік қызметті таңдауы себебін әзілкеш Instagram желісіндегі парақшасында былай деп түсіндірген:
“…Елімді дамыған елу мемлекеттің қатарына қосқысы келетін партиямен бірге жүріп, атсалысқым келді. Өйткені, мен балаларымның бақытты өмір сүргенін қалаймын. Ал бақыт дегенің, менің түсінігімде, ол отбасымның тыныштығы, Отанымның гүлденгені, өркениетті елдермен иық тіресе жүргені. “Нұр Отан” осы бағытты ұстанып келеді.
Менің қалауым партияның мүддесімен астарласып жатыр. Сол себепті де мен “Нұр Отанда” қызмет етемін”, – дейді жазбасында Айтбаев.
Шапағат Орынбаев
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-shapagat.jpeg" alt="" />
Шапағат Орынбаев – “Көз тимесін” командасының мүшесі. Бүгінде ол – режиссер. Шапағаттың сөзінше, ол 2009 жылдан бері кино саласында екен. Осы уақытқа дейін 13 толықметраж фильм түсірген. Кинодағы режиссерлік дебюті – “25 теңге” фильмі. Бұл фильмде басты рөлде жайдарманшылар ойнаған. Одан бөлек Шапағат актерлік қырын да үнемі шыңдап отырады екен.
“Кино саласында жүргеніме 10 жылдай болды. Өнердемін, алдағы уақытта да осы салада боламын. Жалпы режиссураны Шымкент қаласында оқыдым, одан кейін Болгарияда жалғастырдым”, – дейді Шапағат.
Айбек Байназаров
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-ajbek.jpg" alt="" />
Айбек Байназаров та “Көз тимесін” командасының мүшесі. Бүгінде АҮВА лақапатымен белгілі әнші. Бір кездері оны сырт келбетіне қарап “қазақтың Майкл Джексоны” деп атап кеткен. Бүгінде ол өнер әлемінен алыс кетпеген. Өнер жолында жүрген Айбек бүгінде көптеген ән жазып, бейнеклип түсіріп үлгерген.
Марат Достаев
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-marat.jpg" alt="" />
Достаев та Қазақстан КВН одағының тұңғыш чемпионы “Көз тимесін” командасының мүшесі болған. Марат – ұмыт бола қоймаған ардагер жайдарманшы. Себебі ол өнер әлемінде жүрген танымал тұлғалардың бірі. Ол комедиялық фильмдерде бой көрсетіп жүрген актер. Достаев Жайдарманда жас командаларға қазылық етіп жүрді.&nbsp;
Дәнекер Оразбай
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-daneker.jpg" alt="" />
&nbsp;Дәнекер Оразбай – “Өзіміздің жігіттер” КВН командасының мүшесі болған. Бір кездері “Нысана” әзіл-ысқақ театрында өнер көрсеткен актер бүгінде отандық комедиялық сериалдарға жиі түсіп жүр. Көрерменнің көбі Дәнекер “Техас” командасында ойнаған деп ойлайды. Себебі кейіннен ол Нысана театрында сол командадағы жігіттермен бірге өнер көрсеткен. Актер – екі ұл, екі қыздың әкесі.
Тұрсынбек Қабатов
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-twrsynbek.jpg" alt="" />
2006 жылғы чемпион “Аграрка сарбаздары” командасының капитаны. Команда астананың атынан шыққан. Сондай-ақ актер Нұрлан Қоянбаев, Құмар Лұқманов, Ярослав Мелехин, Нұрдәулет Шертім, Санат Шапашовтармен бірге ресейлік КВН ойындарында да өнер көрсеткені белгілі.
&nbsp;Бүгінде Қабатовты телевизия саласында жиі көруге болады. Ол “ӘзілMan”, “Көңілді тапқырлар алаңы” секілді шоулардың авторы. Сонымен қатар, ол елімізге танымал “Әзіл әлемі” театрының директоры.&nbsp;
Нұрбол Айтулов
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-nwrbol.jpg" alt="" />
Отандық комедиялық сериалдарда бой көрсетіп жүрген актер – “Техас” құрама командасының мүшесі. Актер 2007 жылы құрылған “Нысана” әзіл-ысқақ театрының мүшесі болған.&nbsp;
Парасат Ибраев
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-parasat.jpg" alt="" />
Ерекше биімен көрерменді тәнті еткен – “Құлсары” командасының капитаны. Бүгінде ол фильммейкер әрі клипмейкер. Ибраевтың Instagram желісіндегі парақшасына қарап оның қанжығасында бірнеше өнер жұлдызының бейнеклипі барын аңғаруға болады.
Ибраев бүгінде әнші Ерке Есмаханның 100 миллионнан аса қаралым жинаған “Қайда?” атты әніне түсірілген бейнеклипке режиссерлік еткен. Сонымен қатар, ол бірқатар қазақстандық әншімен жұмыс істейді.

Бұрынғы танымал жайдарманшылар қазір немен айналысып жүр?

<a href="https://kyzylorda-news.kz/">Kyzylorda-news.kz.</a> Ғалымдар адамдарға ықылық тигенде олардың денсаулықтарында не өзгеретінін болжады. Олардың пайымдауынша, ықылық тию әсіресе сәби денсаулығына пайдалы екен. Себебі ықылық арқылы олардың ми жұмысы жақсаратын көрінеді, деп хабарлайды&nbsp;&nbsp;<a href="https://ria.ru/20191112/1560839449.html">Риа Новости</a>.
Британияның Лондон университеттік колледжі ғалымдары ықылық тигенде, сәбилердің ми жұмысы жақсаратынын айтқан. Зерттеушілердің сөзінше ықылық сәбиге ана құрсағында жатқанда, тоғыз айдан бастап тиеді екен.
<blockquote>
 Әсіресе ықылық шала туған нәрестелерде ұзағынан тиеді. Оларға он бес минут бойы тоқтамастан ықылық тиюі мүмкін.
</blockquote>
Зерттеу 30-42 апта аралығындағы сәбилерге, олардың миын сканерлеу арқылы жүргізілген.
<blockquote>
 Сол сәтте олар ықылық тиген сайын, шақалақтардың миы белсенді түрде жұмыс істейтіндігін байқаған. Сонымен бірге олар ықылық арқылы сәбилердің тыныс алу жүйесі де қалыптасатынын дәлелдеген.
</blockquote>
Ғалым Кимберли Уайхедтің айтуынша, ықылық адам өміріндегі құрсақта жатқаннан бастап дамитын, ми жұмысына оң әсер беретін, қалыпты құбылыс екен.

Ықылықтың сәби денсаулығына пайдасы анықталды

Халықаралық студенттер күні
Прагада 1939 жылғы 17 қарашада неміс-фашист басқыншылары атып өлтірген чех патриот-студенттерін мәңгі есте қалдыру үшін Прагада 1946 жылы өткен Дүниежүзілік студенттер конгресінде бекітілді.
1837 жылы&nbsp;17-24 қараша күндері Исатай мен Махамбет бастаған көтерілісшілер Жасқұста хан жасағымен шайқасты.
1993 жылы&nbsp;Гейдар Әлиев атындағы «Әзербайжан-Қазақстан» достық қоғамы құрылды. Қоғам Қазақстан мен Әзербайжанның екіжақты өзара қатынастарының дамуында маңызды рөл атқарып, Астана мен Баку қалалары арасында достық байланысты нығайту ісіне үлесін қосып отыр.
2014 жылы&nbsp;Алматыда ҚР Мәдениет және спорт министрлігінде ҚР Президенті Нұрсұлтан Назарбаевтың бастамасымен «Мәдени мұра» бағдарламасы аясында қазақ фольклорының 100 томдық «Балабар сөзінің» таныстырылымы өтті.
2017 жылы&nbsp;Голливудтағы Hollywood Music in Media Awards байқауында Димаш Құдайбергеннің орындауындағы ән «Moonlight Blade» бейнеойынына үздік саундтрек ретінде жеңіске жетті.

17 қараша: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 17 қарашаға арналған жұлдыз-жорамалы.
Тоқты
Қолдан келер іспен айналысыңыз. Аспандағы айға қол созудың қажеті жоқ. Үйде ұсақ-түйек істі атқарып, қаржылық мәселені біржақты етіңіз. Үйге зат сатып алудың немесе артық ақша жинаудың қажеті жоқ.
Торпақ
Бүгінгі күн махаббатыңызды мойындап, романтикалық кеш ұйымдастыруға өте ыңғайлы. Балаларыңыздың тәрбиесіне мән беріп, көңіл бөліңіз. Жақындарыңыз бен сүйікті адамыңызға сыйлық жасап, көңілін аулаңыз.
Егіздер
Бүгін күн – демалыс. Сондықтан өзіңізге толық демалыс сыйлаңыз. Бассейнге барыңыз, массаж қабылдаңыз. Салқын су ағзаңызды жақсартып, денсаулығыңызға оң әсерін тигізеді. Көптеген аурудың алдын алады. &nbsp;
Шаян
Өзгелерден қулығыңызды асырамын деп ойламаңыз. Өйткені оның барлығы өзіңізге зиянын тигізуі мүмкін. Бұл сіздің беделіңізге сын болатынын жұлдыздар ескертеді.
Арыстан
Бүгін орын алатын оқиғалардың барлығы сізге оң әсерін тигізетін болады. Сіз бүгін лауазымды тұлғалардың немесе әріптестеріңіздің көмегіне жүгіне аласыз. Бірақ қолұшын созған жандарды ұмытпаңыз. &nbsp;
Бикеш
Бүгін сіз шынайысыз. Сондай-ақ кез келген қиын тапсырманы оңай орындай аласыз. Достарыңызға көмек көрсетуден қашпаңыз. Бүгінгі күн жолға шығуға және ақпараттар легін жинауға қолайлы болмақ.
Таразы
Жұмыс барысында танысқан жандармен қолға алған істі жүзеге асыратын боласыз. Қызметіңізді жоғарылатуға немесе қаржылай қолдайтын жандардардан көмек алуға толық мүмкіндігіңіз бар. Тамақты талғап жеңіз.
Сарышаян
Бүгін ұсақ-түйек тірліктің барлығын бітіресіз. Сізді біреулер алдап соққысы келеді. Майда-шүйденің барлығына мән беріңіз. Тіпті қарызға берген ақшаның өзін санап алғаныңыз жөн.
Мерген
Әріптестеріңізбен және достарыңызбен дауласпаңыз. Бұл жақсы әдет емес. Бүгін өте ашушаң боласыз. Ол сөзіңізден де, ісіңізден де байқалады. Ұстамды болуға тырысыңыз. Сабырлылық танытыңыз.
Тауешкі
Бүгін күш-қуатыңыз мол. Белсенділік таныту өз пайдасын әкелмесе, зиянын тигізбейді. Көлік жүргізетін болсаңыз, жолда абай болыңыз. Бүгін сізге көбіне нәзікжандар көп көмегін тигізетін болады.
Суқұйғыш
Өз кемшіліктеріңізді ойлап бас қатырмаңыз, өз-өзіңізге сенімді болыңыз. Әділеттілік және тектілігіңізді сақтаңыз. Сонда ғана жұмысыңыз да, жеке кәсібіңіз де алға қарай жылжиды. Бүгінгі күн жоба немесе жоспар құруға өте ыңғайлы.
Балықтар
Серіктестермен немесе басқа да кездесулер сіз үшін тиімді болмақ. Бұл кездесуге таянақты түрде дайындалар болсаңыз, көп жетістікке жетесіз. Айтар ойыңызды жинақтап, нақты нені ұсынатыныңызды алдын ала дайындап алыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Журналист бір салаға терең бойлап, сол тақырып төңірегінде көп ізденсе, онда оның ақпараты мәнді әрі құнды болмақ. Бүгінде бізге жетіспейтін осы – салалық журналистика. Сондықтан журналистикаға бет бұрған әрбір жас өзін осы бағытқа бейімдегені жөн. Бүгін белгілі журналист Серік Жанболат Сыр журналистеріне осындай ой айтты.
Облыстық ішкі саясат басқармасының тапсырысымен, «Ұшқыр жебе» қоғамдық қорының үйлестіруімен өткен осы шарада&nbsp;Қазақстан Журналистері академиясының академигі Серік Мейрамбекұлы бұдан бөлек қызылордалық әріптестеріне «Ақпарат газетін шығару жолдары» мен «Сараптама бағдарламасын қалай ұйымдастыру керек?» деген мәселелерді де кеңінен қозғады. 
&nbsp;Аймақтағы БАҚ саласының өкілдері осы семинарда облыстық «Сыр бойы» газетінің журналисті Жолдасбек Ақсақаловтың да дәрісін тыңдады. Жолдасбек Ақсақалов жас журналистерге қазақ журналистикасының кешегісі мен бүгінгісі жайлы айтып, журналистің фактіні алу тәртібі мен оны өңдеу жолдарын түсіндірді. Шара соңында қатысушылар қос қаламгерге сауалдарын қойып, өз мамандықтарын жетілдіру жолдарын жан-жақты талқыға салды.
<img src="https://kyzylorda-news.kz/wp-content/uploads/2019/11/serik-zhanbolat-2.jpg" alt="" />
<img src="https://kyzylorda-news.kz/wp-content/uploads/2019/11/serik-zhanbolat-3.jpg" alt="" />

Серік Жанболат Сыр журналистерімен жүздесті

Төтенше жағдайлар комитеті пешті дұрыс пайдаланудың 6 ережесін ұсынды, деп жазады <a href="https://sn.kz/sn-akparat-agyny/61892-gazdan-ulanbau-ushin-peshti-durys-paidalanudyn-6-erezhesi">Sn.kz</a>.
ҚР ІІМ ТЖК азаматтардың тұрғын үйлерде газдан уланбауының алдын алу үшін тұрғындарға пешті ретке келтіруді және оны &nbsp;пайдалану ережелерінің талаптарын қатаң сақтауды ұсынды, деп хабарлайды&nbsp;Елорда Инфо.&nbsp;
Жұртшылықты от жаққанда қажетті талаптарды қатаң сақтауға шақырған Төтенше жағдайлар комитеті пешті дұрыс пайдаланудың 6 ережесін ұсынды.
1.Пешті жағу үшін тез тұтанатын және жанғыш сұйықтықтарды пайдалануға қатаң тыйым салынады. &nbsp;
2.Пештің үстінде және оған жақын жерде отын, киім және басқа да жанғыш материалдарды кептіруге жол берілмейді.
3.Қатты суық кезінде оттың жануы күшейгенде пештің әрі қарай қызуына жол бермеңіз, оған жапсарлас құрылыс құрылымын мұқият бақылау қажет.
4.Пешті қараусыз қалдырмаңыз, әсіресе, балаларға бақылау жасатпаңыз.
5.Түтін каналының жабылуы тұрғындардың улы газбен улануына әкеліп соқтыруы мүмкін болғандықтан, тосқауылдың жай-күйіне назар аударыңыз.
6.Мұржаны міндетті түрде 3 айда бір реттен кем емес және тартым нашарлаған жағдайда дереу тазалаңыз.

Газдан уланбау үшін пешті дұрыс пайдаланудың 6 ережесі

<a href="https://kyzylorda-news.kz/">Kyzylorda-news.kz.</a> Қызылорданың байырғы атауы – Қамысқала екенін біреу білсе, біреу білмейтіні анық. Осы орайда алаштың анасы атанған өңірдің сіз білмейтін деректерін назарға ұсынамыз.
<ol>
<li>Қызылорда – Алаштың анасы атанған киелі мекен. Ақмешіттің топырағында қазақ зиялыларының ізі қалған. Бейімбет Майлин, Сәкен Сейфуллин, Сәбит Мұқанов, Ілияс Жансүгіров, Әбділда Тәжібаев, Сабыр Шәріпов, Қалмахан Әбдіқадыров, Асқар Тоқмағанбетовтың шығармалары Қызылордада жарық көрді.</li>
<li>Қызылорданың байырғы атауы – Қамысқала. Қаланың негізі 1817 жылы Қамысқала атты елді мекенде Қоқан хандығы салған Ақмешіт бекінісі болып қаланды.</li>
<li>Қызылорда аумағында ертеден қалған тарихи қорғандардың орындары көп. Ордакент, Сығанақ қалалары, Жалпақасар, Жетіасар, Құмқала, Шірік-Рабат асарларын құнды жәдігерлердің бірегейі десек те болады.</li>
<li>1925 жылдың 15 сәуірінде Ақмешіт қаласында бүкіл Қазақстан еңбекшілері өкілдерінің басын қосқан Қазақ АССР Кеңестерінің V съезінің ашылуы өтті. Бес күнге созылған съездің мақсаты – «қырғыз» халқының тарихи дұрыс атауын қалпына келтіру еді. Күллі қазақтың V съезі Кеңестердің «киргиз» деп келген атауын «қазақ» деп өзгертуге қаулы қабылдатты. Сонымен бірге, «Киргиз Республикасын» «Қазақ Республикасы» деп өзгертуге шешім шығарған еді.</li>
<li>Қазақ АКСР-інің астанасы болған Қызылорда қаласында 1926 жылдың 3 қазанынан бастап Қазақ радиосы өз хабарларын тұрақты түрде беріп тұрды.</li>
<li>Тұңғыш қазақ драма театрының шымылдығы Қызылордада түрілді. Қазақтың тұңғыш ұлттық театры Қызылордадағы орыс театрымен бір ғимаратта жұмыс істеді.</li>
<li>Қызылордадан атақты инженерлер, күрішшілер шыққан. Сырдың Балдырған Мұстапаева, Балапан Арзымбетова, Бексұлу Синаева, Райкүл Жалғасбаева, Рысты Өкшебаева, Нәзира Сейсенова есімді күрішші қыздары да дала еңбегінің ардақтылары.</li>
<li>Қазақтың алғашқы ғылыми-зерттеу, жер қыртысын зерттеу, мал дәрігерлік-бактериологиялық және де басқа институттары өз жұмысын осы қалада бастаған.</li>
<li>Қызылорда қаласында жерасты мешіті болған. Ұзақ жылдар бойы құпия сақталып келген ғибадатханада тұрғындар асыл дінімізді ұстануға қысым жасалған замандарда жасырын түрде құлшылық еткен көрінеді.</li>
<li>Сыр еліне қонаққа келген шетелдіктер Қорқыт ата кешеніне аялдамай қайтпайды. Әсіресе, түрік бауырлар мұнда жиі келіп тұрады.</li>
<li>Қорқыт Ата атындағы Қызылорда мемлекеттік университеті 1937 жылы Қиыр Шығыстағы Корей педагогикалық институтының Сыр бойына қоныс аударуы негізінде Қызылорда педагогикалық институты болып ашылған.</li>
<li>Қызылорданың жазы 45 °С ыстық болса, қыстағы суықтың температурасы сонша төмен болуы мүмкін. Бұл аймақтың климаты қатаң континенталды болып келеді.</li>
<li>Қызылорда – заманауи үлгідегі тұрғын үйлер көптеп салынып жатқан қала.</li>
<li>Сыр бойын күрішсіз елестету мүмкін емес. Өңіріміздің бренді – «Ақ маржан» күрішін танымал «Nestle» компаниясы өз өнімдеріне пайдалануды жоспарлап отыр екен. Жалпы күріш жинау науқаны аяқталған сәт қызылордалықтар үшін үлкен мереке. Берекелі күзде бұл шаһардан сабантой, жәрмеңкелердің түр-түрін көруге болады.</li>
<li>Арал балығы бүгінде Еуропа елдеріне экспортталады. Аралды тілге тиек еткенде «Аралтұз» жайлы айтпай кетуге болмас. Қызылорда аймағында орналасқан тұз өндіру зауытының 90 жылдан астам тарихы бар. Былтырғы жылдың өзінде тұз өндіру зауыты 147,4 мың тонна&nbsp;ас тұзын шығарды.</li>
<li>Қызылорда халқының 95%-ы қазақ тілінде сөйлейді. Бұл өңірді мекен еткен әрбір өзге ұлт өкілінің қарым-қатынас тілі – қазақ тілі.</li>
<li>Қызылордада өткен ғасырдың ортасында целлюлоза-картон зауыты жұмыс істеген.</li>
<li>Қызылорда аймағында орналасқан Байқоңыр ғарыш айлағы экватор жазығына жақын орналасқан.</li>
<li>Қызылорда облысы, Жаңақорған ауданындағы «Жаңақорған» шипайжайы алыс-жақын шетелдерге жақсы танылған. Жаңақор­ған­ның балшығы &nbsp;жер бетінде сирек кездеседі. Шипа­лы қа­сиеті өз алдына бөлек әңгіме. Шипажай аумағынан 1988 жылы табылған минералды судың құра­мы Кавказ­дағы әлемге әйгілі Железноводск қаласындағы мине­ралды судың құрамымен бірдей екені анықталған. Шипажайдың негізгі емдік қоры – Теріскен көлінің балшығы мен тұзды суы. &nbsp;</li>
<li>Сырдария өзенінің сол жағалауына Қызылорданың екінші бөлігі салынады деп жоспарланған. Қаланың архитектурасы бойынша жаңа қала ұлттық құндылықтарды насихаттайтын ғимараттардан тұратын болады.</li>
</ol>
<a href="https://el.kz/kz/news/cities/kizilorda_turali_siz_bilmeitin_20_derek">El.kz</a>

Қазақстан және Қызылорда облысының жаңалықтары: Қоғам