<a href="https://kyzylorda-news.kz/">Kyzylorda-news.kz</a> Қазақстанның барлық ірі қалаларында ескірген 3G технологиясын 4G-ге ауыстыру жүргізіліп жатыр. "Мобайл Телеком сервис" ЖШС басқарма төрағасы Александр Бабичев үкімет отырысында ұялы байланыс инфрақұрылымын дамыту бойынша жүргізіліп жатқан жұмыс&nbsp;туралы айтып берді. Бұл туралы&nbsp;<a href="https://stan.kz/kazakstan-kalalarinan-3g-zhogaladi-425114/">Stan.kz</a>&nbsp;ақпарат агенттігі хабарлайды.Оның айтуынша,&nbsp;бүгінде MT-С компаниясы 10 миллионнан астам тұтынушыға Tele2 және Altel брендтерімен ұялы байланыс қызметтерін ұсынады, оның 3 миллионнан астамы 5G желісін пайдаланады.<blockquote>"Дамыған инфрақұрылым мен клиенттеріміздің интернет тұтынуының жоғары деңгейінің нәтижесінде компания желісі елдің барлық мобильді интернет трафигінің 50%-дан астамына қызмет көрсетеді. Биыл MT-C компаниясы Қазақстандағы ең ірі жекешелендіру мәмілесінің нысанына айналды. Бұл – инвесторлардың сенімін арттырудағы және телеком саласының мемлекет үшін стратегиялық маңызын растаудағы маңызды қадам", – деді Александр Бабичев.</blockquote>Спикер сондай-ақ 2025 жылы ерекше белсенді болған 5000-нан астам жаңғырту және құрылыс жұмыстары жүргізілгенін, 2023–2025 жылдары инфрақұрылымға салынған жалпы инвестиция көлемі 240 млрд теңгеден асқанын атап өтті.Мобильді интернеттің сапасын жақсарту үшін 2025 жылдың соңына дейін барлық ірі қалаларда 3G желісін 4G желісімен толық ауыстыру аяқталады. Мобильді трафиктің жартысынан көбі қазірдің өзінде Қазақстан аумағында заманауи CDN мазмұнды жеткізу желілеріндегі кэшке жүктеледі.Фото: freepik.com

Қазақстан қалаларынан 3G жоғалады

<a href="https://kyzylorda-news.kz/">Kyzylorda-news.kz</a> &nbsp;Есболатовтар отбасындағы 5 баланы баспанамен қамту мәселесін Ақтөбе қаласы әкімдігі шешеді. Облыс әкімі Асхат Шахаров тапсырма <a href="https://kaz.inform.kz/news/aktobede-anasina-arasha-suragan-bes-bala-baspanamen-kamtiladi-5f2c9f/">берді.</a>Ақтөбе әкімдігінде балалар қауіпсіздігі, арнайы мекемелердің жауапкершілігі мәселесі қаралды.<blockquote>- Бес баланың тағдыры. Мәселені өздері жеткізіп отыр. Бес баланы орналастыру керек. Қалған мәселелерді біз қолға аламыз, одан бас тартпаймыз. Біз үшін ең маңыздысы - бес баланың болашағы. Егер заң бұзушылық болса, жауапқа тартылады. Балалардың тағдыры тікелей бақылауымда болады, - деді Ақтөбе облысының әкімі Асхат Шахаров.</blockquote>Облыс әкімінің баспасөз қызметі Ақтөбе қаласының әкімдігі бес балалы отбасыны баспанамен қамтамасыз ету мәселесін шешуі тиіс екенін хабарлады.Еске салсақ, Есболовтар отбасындағы 5 бала қазір өздерін қолдаған еріктінің үйінде тұрады. Ал анасы Жұлдыз Тлеуф өзінің жүйке ауруына шалдықпағанын растау үшін Алматыдағы емдеу орталығында тексеріліп жүр. Отбасының тұңғышы Құралай Есболатова осы жағдайға жеткізгендердің жауапқа тартылуын <a href="https://kaz.inform.kz/news/aktobede-br-uydn-5-balasi-anasina-arasha-suradi-61b8c5/">сұрады.</a>Фото: Видеодан алынған скрин

Ақтөбеде анасына араша сұраған бес бала баспанамен қамтылады  

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев іс-шараға қатысушыларды зауыттың ашылуымен құттықтап, бұл еліміздегі машина жасау саласын дамыту бағытындағы өте маңызды қадам екеніне назар аударды.Мемлекет басшысы осыдан екі жыл бұрын Қостанайға сапары кезінде KIA Sportage автокөлігінің өндірісі іске қосылғанын еске салды. Бүгін KIA Motors корпорациясымен жасалған келісімге сәйкес зауыт ашылды.Қасым-Жомарт Тоқаев KIA Corporation президенті Хо-сунг Сонгқа және компанияға шынайы ризашылығын білдіріп, ауқымды жұмыс атқарылғанын, нәтижесінде өзара тиімді және жемісті байланыс нығая түскенін атап өтті.<blockquote>– Жалпы, бүгінгі айтулы оқиға Қазақстан мен Корея арасындағы стратегиялық серіктестік пен табысты қарым-қатынастың жарқын көрінісі екені анық. Корея Республикасы – Қазақстанның Азиядағы сенімді әріптесі. Біз ынтымақтастығымызды күшейте түсуге мүдделіміз. Қазір Қазақстанда Кореяның 800-ден астам компаниясы табысты жұмыс істеп жатыр. Соның ішінде автокөлік жасау саласын өзара тиімді ықпалдастық көзі деп айтуға толық негіз бар. Бүгін ашылып жатқан бірегей зауыт – соның айқын дәлелі. КІА корпорациясы автомобиль шығаратын әлемдегі 10 ірі компанияның қатарына кіреді. Сондай-ақ КІА – Қазақстан азаматтары ең көп сатып алатын үш көлік маркасының бірі. KIA брендінің атауы «көтеріліп келе жатқан» және «Азия» деген екі иероглифтен құралуының символдық мәні бар. Шын мәнінде, компания Азияның жаңа экономикалық өрлеуі мен гүлденуінің жарқын көрінісіне айналды. KIA – келешектің корпорациясы. Кәсіпорын шығаратын автокөліктерде озық технология, тартымды дизайн және жоғары деңгейдегі сенімділік үйлесім тапқан, – деді Президент.</blockquote>Қасым-Жомарт Тоқаев KIA компаниясы әлеуметтік жауапкершілік аясында адам капиталын дамытуға белсенді түрде инвестиция салып келе жатқанына тоқталды.<blockquote>– Әлемдік автоалпауыт еліміздегі зауытты іске қоспай тұрып, Қазақстан және Корея университеттерімен, колледждерімен ұзақ мерзімді ынтымақтастықты жолға қоя бастады. Бұдан бөлек, білікті кадрларды даярлау үшін компания корпоративтік оқу орталығын ашуды жоспарлап отыр. KIA осы арқылы қызметкерлерге қамқорлық – ұйым мәдениетінің маңызды бөлшегі екенін көрсетеді. Бұл шынайы құрмет пен ниеттестік ортасын қалыптастырады. Жұмысшы мамандарға дәл осындай қарым-қатынас қоғамда еңбекқорлық пен әлеуметтік әділдік құндылықтарының орнығуына септігін тигізеді. Зауытта өндіріс локализациясына екпін қойылып отыр. Бұл шығарылатын өнімдегі қазақстандық үлесті едәуір арттыруға мүмкіндік береді. Сарапшылардың есебінше, автозауыттағы әрбір жұмыс орны логистика, сервис, инфрақұрылым салаларында жанама түрде бес-алты адамды жұмыспен қамтуға ықпал етеді. Бұл – жай ғана өндіріс желісінің кеңеюі емес, толық өнеркәсіп кластерін қалыптастыру үшін жасалған зор қадам. Мұндай жүйеде шағын және орта бизнес тұрақты дамуға мүмкіндік алады. Өндірісті ұйымдастырудың осындай кешенді тәсілі Қостанай облысының ғана емес, тұтас еліміздің индустриялық әлеуетін күшейтеді. KIA зауыты қазақстандық автоөнеркәсіптің өркендеуіне тың серпін беретініне сенімдімін. Жаңа кәсіпорынның жұмысы отандық автопарктің жаңаруына септігін тигізеді. Ол қалалар мен күре жолдардағы жол қозғалысы қауіпсіздігіне оң әсер етеді, – деді Мемлекет басшысы.</blockquote>Президент мемлекеттің машина жасау саласына баса мән беретінін жеткізді.<blockquote>– Былтыр осы салаға 290 миллиард теңгеден астам инвестиция тартылды. Бұл – алдыңғы жылмен салыстырғанда екі жарым есе көп. Осы үрдіс биыл да жалғасуда. Жыл басынан бері осы салаға 178 миллиард теңге қаражат салынды. Инвесторлар Қазақстанға зор қызығушылық танытып отыр. Ауқымды шаралардың нәтижесінде бұл бағытта бірқатар табысқа қол жеткіздік. Өткен жылы елімізде 145 мыңнан астам көлік шығарылды. Астана, Алматы, Семей, Орал, Көкшетау, Қостанай және Саран қалаларында автокөлік өндірісіне қатысты кәсіпорындар жұмыс істеп тұр. Он мыңнан астам азаматымыз осы салада еңбек етеді. Оның жартысына жуығы – жастар. Ал Қостанайдағы зауытта бір жарым мың адам жұмыс істейтін болады. Жұмысшылар жаңа дағдыларды игеріп, білікті маман ретінде қалыптасады. Алдағы уақытта кәсіпорын инженерлердің нағыз шеберханасы болады деп сенемін, – деді Қасым-Жомарт Тоқаев.</blockquote>Президент жақында Үкіметке экономикалық ахуалды тұрақтандыру үшін нақты шаралар әзірлеу туралы тапсырма беріліп, осыған байланысты бірқатар маңызды шешім қабылданғанын айтты.<blockquote>– Соған сәйкес енді азаматтарға автокөлікті лизингпен алу мүмкіндігі ұсынылады. Соның арқасында автокөліктер халыққа мейлінше қолжетімді бола түспек. Елімізде KIA Qazaqstan зауытының іске қосылуы осы саланы технологиялық тұрғыдан жаңғыртуға зор серпін берері сөзсіз. Кәсіпорын болашақта басқа да жаңа көлік түрлерін шығарады деп сенемін. Осылайша, әлемдік озық талаптарға сай көліктерімізді сыртқы нарыққа, яғни шетелге шығаруға мүмкіндік болмақ. Қазақстан жаһандық автокөлік өнеркәсібінің дамуына бар күш-жігерін салуға дайын, – деді Президент.</blockquote>Мемлекет басшысы Қасым-Жомарт Тоқаев KIA Corporation президенті Хо-сунг Сонгты ІІ дәрежелі «Достық» орденімен марапаттады.<blockquote>– Біз Сіздің қазақ-корей ынтымақтастығының дамуына, қос халықтың арасындағы достықтың нығаюына қосқан үлесіңізді жоғары бағалаймыз. Шын мәнінде, еліміздің автокөлік саласын дамытуға сіңірген еңбегіңіз мол, – деді Президент.</blockquote>KIA Qazaqstan зауытын салу туралы шешім 2023 жылы қабылданды. Кәсіпорын Қостанай қаласының индустриялық аймағындағы 62,95 гектар аумақта орналасқан. Зауыт жылына 70 мың көлік өндіре алады. Инвестиция көлемі – 131,5 миллиард теңге. Кәсіпорында 1500 жұмыс орны ашылған. Ал оның өнімі Қазақстанға, Орталық Азия және ЕАЭО елдерінің нарықтарына шығарылады.Фото: Ақорда

Мемлекет басшысы телекөпір арқылы KIA Qazaqstan автомобиль зауытын ашты

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қаласындағы Достық үйінің мәжіліс залында облыста этномедиация мен медиацияны дамыту бойынша ғылыми және әлеуметтік жобалар байқауы өз жұмысын бастады.Байқау Қызылорда облыстық Қазақстан халқы Ассамблеясының бастамасымен және Қызылорда облыстық қоғамдық даму басқармасының «Қоғамдық келісім» КММ-нің ұйымдастыруымен өтуде.Іс-шараны ашқан «Қоғамдық келісім» КММ бөлім басшысы Шахизат Абдраманова қатысушыларды құттықтап, медиация институтын дамыту мен татуласу мәдениетін қоғамда қалыптастырудың маңыздылығына тоқталды.Сондай-ақ облыстық Қазақстан халқы Ассамблеясы жанындағы Этномедиация орталығының төрағасы, психолог-медиатор Жанна Мирамбекқызы сөз сөйлеп, қатысушыларға сәттілік тілеп, жобалар қоғамдағы келісім мен бірлікті нығайтуға бағытталған маңызды бастама екенін атап өтті.Байқаудың басты мақсаты – медиация және этномедиация институттарын насихаттау, соттан тыс татуласу тетіктерін жетілдіру, сондай-ақ елдегі қоғамдық келісім мен жалпыұлттық бірлікті нығайту болып табылады.Жоба қатысушылары өздерінің ғылыми және әлеуметтік бастамаларын таныстырып, медиация мәдениетін дамытудың жаңа тәсілдері мен тиімді ұсыныстарын ұсынбақ.

Этномедиация мен медиацияны дамытуға бағытталған жобалар байқауы басталды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен "Руханият" орталығында мәжіліс өтіп, онда бірқатар азаматтар марапатталды. Атап айтқанда, аудан басшысы қазан айының 17-18 күндері облыс орталығында өткен «Алтын күз – 2025» салтанатты іс-шарасы аясында ауданның ауыл шаруашылығы өнімдерінің жәрмеңкесін жоғары деңгейде ұйымдастыруға атсалысқан сала мамандарын облыс және аудан әкімінің Алғыс хатымен марапаттады.<img src="https://knadmin.beoblood.kz/uploads/Marapat_Syrdariya_3_cf316650a0.jpg" alt="Марапат Сырдария 3.jpg"><blockquote>– Өздеріңіз білесіздер, қазан айының 17-18 күндері Қызылорда қаласының астана болғанына 100 жыл толуына орай және «Алтын күз» мерекесі аясында ауқымды &nbsp;іс-шаралар өткізілді. Айтулы іс-шараларға Абай облысының делегаттары арнайы қатысып, Сыр өңірінің дамуына жоғары бағаларын берді. Облыс әкімі Нұрлыбек Машбекұлы Нәлібаев «Өнер» орталығында өткен «Алтын күз» салтанатты іс-шарасында жыл бойына ауыл шаруашылығында атқарылған жұмыстарға, агросаланың алдағы бағыт-бағдарына тоқталып, қамбаны толтырып, береке мен бірліктің үлгісін көрсеткен еңбек адамдарын құттықтады. Аудан диқандарының жылдағы дәстүрмен еңбектің үлгісін көрсеткенінің нәтижесінде Сырдария ауданы «Егін шаруашылығы бойынша Озат аудан» атанып, аймақ басшысы арнайы марапаттады. Бұл – барлығымыздың жетістігіміз, бірлесе атқарған жұмыстардың нәтижесі. «Алтын күз» салтанатты іс-шарасы аясында Қызылорда қаласында ауыл шаруашылығы өнімдерінің жәрмеңкесі ұйымдастырылды. Облыс орталығындағы «Мәңгілік алау» жанында өткізілген аудан жәрмеңкесі жоғары дәрежеде ұйымдастырылып, сол аумақтағы қала тұрғындары ризашылығын білдірді. Бұл осы жиынға қатысып отырған барлығымыздың бірлесе атқарған жұмыстарға берілген баға деп есептеймін. Ауыл шаруашылығы жәрмеңкесін жоғары деңгейде ұйымдастыруда жауапкершілік танытып, атсалысқан баршаңызға шынайы алғысымды білдіремін, – деді Берік Әбдіғаппарұлы.</blockquote>Марапаттау рәсімінен соң аудан әкімі алдағы ауданда өткізілетін «Алтын күз – 2025» іс-шарасын да жоғары деңгейде өткізу жөнінде тапсырмалар жүктеді.<img src="https://knadmin.beoblood.kz/uploads/Marapat_Syrdariya_2_b4145c1124.jpg" alt="Марапат Сырдария 2.jpg">

"Алтын күз-2025" іс-шарасын өткізуге атсалысқан сала мамандары марапатталды

<a href="https://kyzylorda-news.kz/">Kyzylorda-news.kz</a> Қытайдың Тарбағатай аймағынан атпен жолға шыққан жас жұбайлар&nbsp;— Қуанбек Түсіпханұлы мен Жайна Еркінқызын Астана халқы ыстық ықыласпен күтіп алды.Олар Тарбағатай аймағына қарасты Сауан ауданынан 8 тамыз күні жолға шыққан болатын. 74 күнін ат&nbsp;үстінде өткізген жолаушылар қазақтың ұлан-ғайыр даласын ат&nbsp;тұяғымен дүбірлетіп, Сарыарқаға жетті. Сапардың жалпы аралығы&nbsp;— 2 500 шақырымнан асады.<blockquote>—&nbsp;Ойға алған үлкен арманымыз орындалды. Ерекше қуаныштымын! Әсерімді айтып жеткізе алмаймын. Бұл сапар&nbsp;— өмірімізде өшпестей орын алған ерекше естелік болып қалады,&nbsp;— дейді Қуанбек Түсіпханұлы.</blockquote>Саяхатшылар ат жалындағы алыс сапардың қиындығын жол бойындағы ыстық ықыласпен қарсы алып, көмек көрсеткен ақпейіл жандардың ізгі ниеті ұмыттырып жібергенін айтады.<blockquote>— Шекарадан өткелі жолдағы елдің ыстық ықыласы, пейілі, мейірі бізге тілекші болып, барын беріп, жоғымызды толықтап, жүгіріп жүрген ізгі ниеті бізді ерекше тебірентті. Тіпті орыс, түрік секілді өзге ұлт өкілдері де бізді естіп, алыстан іздеп келіп, азық-түлік беріп, көмектесіп жатыр. Жол бойы тілеулес болып, қолдау көрсеткен барша ағайынға алғысымыз шексіз. Бұл — бір отбасының емес, тұтас ұлтымыздың сапары болғандай. Сапардан алған әсеріміз өте керемет: әсем табиғат, қонақжай ел, жолдағы көрікті жерлерді көріп, білгенімізді түсіріп, әлеуметтік желіге жариялап отырдық. Артта қалған алыстағы ағайын да хабарласып, елдің ықыласына риза болып сәлем жолдап жатыр, — дейді жұбайлар.</blockquote>Күтіп алу шарасы аясында Дүниежүзі қазақтары қауымдастығының өкілдері жолаушыларды арнайы төсбелгімен марапаттап, алғыс хат табыс етті.Алыс жолды атпен бағындырып, Астанаға жеткен қандастарымызды күтіп алуға келген Мәжіліс депутаты Ерлан Саиров жастардың ісі елді береке-бірлікке шақырғанын атап өтті.<blockquote>— Бүгін қазақ әлемі үшін өте айтулы күн деп айтуға болады. Өйткені сонау арғы беттен Қуанбек пен Жайна қарындасымыз қазақтың қарашаңырағына ат терлетіп, елімізге деген сағынышын алып келіп отыр. Бізді бір қуантатыны — ат үстіндегі жұбайлар қазақ еліне кіргеннен бастап халқымыз бұл азаматтарға шын ықыласын, ізгі ниетін көрсетті. Бұл — ұлтымыздың ынтымағы мен бірлігінің жоғары деңгейде екенін көрсетеді. Сондықтан бұл ұзақ сапарды қазақ халқының ынтымағы мен достығының сапары болды деп айтуға толық негіз бар. Осындай игі шараны қолға алған жолаушы жұбайларға үлкен алғыс білдіреміз. Астанаға келген қадамдарыңыз құтты болсын! Әлемнің әр түкпіріндегі қандастарымыз қазақ еліне жинала берсін, — деді Ерлан Саиров.</blockquote>Фото: Ағыбай Аяпбергенов/ Kazinform

Атажұртқа атпен сапар шеккен қандастар Астанаға жетті

<a href="https://kyzylorda-news.kz/">Kyzylorda-news.kz</a> Бүгін ҚР Президенті Әкімшілігінің басшысы Айбек Дәдебайдың төрағалығымен қылмыстық атқару жүйесінің мәселелері талқыланған кеңес отырысы өтті.&nbsp;Оған облыс әкімі Нұрлыбек Нәлібаев селекторлық режим арқылы қатысты. Өңірде бас бостандығынан айыру орындарынан босатылғандарды қоғамға қайта бейімдеу, еңбекке тарту, пробация қызметін күшейту бағытында тиісті жұмыс атқарылуда.<img src="https://knadmin.beoblood.kz/uploads/Selektorly_otyrys_3_9067993e7a.jpg" alt="Селекторлық отырыс 3.jpg">Биылға жұмыспен қамту үшін бекітілген 92 квота түгел игерілді. Үкіметтік емес ұйымдар арқылы қайта әлеуметтендіруге қаржы бөлініп, жобалар іске асты. Жұмыссыз ретінде тіркелген 325 адамның 213-і тұрақты, 49-ы уақытша жұмысқа орналасты.«Бастау Бизнес» жобасымен 31 азаматқа 48,6 млн. теңге қайтарымсыз мемлекеттік грант берілді, 23 отбасы атаулы әлеуметтік көмек алып, 124 азаматқа қайырымдылық көмек көрсетілді. Жергілікті бюджеттен 184 азаматқа біржолғы әлеуметтік көмек төленді, басқа да қолдау көрсету жолға қойылған.<img src="https://knadmin.beoblood.kz/uploads/Selektorly_otyrys_2_844f4f350e.jpg" alt="Селекторлық отырыс 2.jpg">

Қылмыстық атқару жүйесінің мәселелері қаралды

<a href="https://kyzylorda-news.kz/">Kyzylorda-news.kz</a> &nbsp;Қорғаныс министрлігінде әскери қызметшілерді баспанамен қамтамасыз ету және «Әскери баспана» жеңілдетілген ипотекалық несиелеу бағдарламасын қайта жандандыру мәселесіне арналған жиын өтті. Оған ведомство басшысы авиация генерал-лейтенанты Дәурен Қосанов пен «Отбасы банк» басқарма төрағасы Ләззат Ибрагимова қатысты. Бұл туралы ведомствоның <a href="https://kaz.inform.kz/news/askeri-baspana-zhenldetlgen-ipotekasi-kayta-zhandanadi-4af32a/">баспасөз қызметі</a> мәлім етті.Министр жеке құрамның әлеуметтік әл-ауқаты Қорғаныс министрлігі жұмысының басым бағыттарының бірі екенін атап өтті.Сондай-ақ, ол «Отбасы банк» мобильді қосымшасының жұмысына қатысты мәселелерді жедел шешкені үшін Ләззат Ибрагимоваға алғысын білдіріп, оның қызметін тезірек қалпына келтіруге үміт артты.Кездесу барысында министр «Баспана.кз» сайтында жарияланған жаңа талаптарға да назар аударды. Олар әскери қызметшілер үшін жалдамалы тұрғын үй рәсімдеуде қосымша қиындықтар туғызып отыр.&nbsp;Кездесудің негізгі тақырыптарының бірі «Әскери баспана» бағдарламасын қайта іске қосу болды. Дәурен Қосанов бастапқы жарна мен несие бойынша пайыздық мөлшерлемені төмендету мүмкіндігін қарастыруды ұсынды.– Әскери қызметшілер үшін жеңілдетілген ипотекалық несиелерге нақты қолжетімділік маңызды. Қазіргі уақытта ондай мүмкіндік жоқ, ал тұрғын үй бағасының өсуінен бастапқы жарна жинау іс жүзінде мүмкін емес, – деп атап өтті Қорғаныс министрі.Министрдің айтуынша, 15 мыңнан астам әскери қызметші отбасы тұрғын үй төлемдері жүйесі мен ипотекалық бағдарламалар, соның ішінде «Әскери баспана» арқылы тұрғын үй жағдайын жақсартқан.Сондай-ақ, ол бұрынғыдай екінші деңгейлі нарықтан баспана сатып алу мүмкіндігін қайтаруды ұсынды. Себебі көптеген әскери қызметшілер жөндеуден өткен, инфрақұрылымы дамыған, қызмет орнына жақын орналасқан пәтерлерді қалайды.Кездесу қорытындысы бойынша тараптар әскери қызметшілер үшін өзекті тұрғын үй мәселелерін бірлесе шешуге дайын екендігін растады.Еске сала кетейік, Премьер-министр Мемлекет басшысының азаматтар мүддесі үшін экономикалық реформалар бағдарламасын жүзеге асыруды ретке келтіру жөніндегі тапсырмаларын орындау мәселелері бойынша кеңес өткізгенде сұранысқа ие «Әскери баспана» бағдарламасы қайта іске қосылатынын, ол жыл сайын кемінде жеті мың әскери қызметшінің отбасына жаңа үйден бөлек, қайталама нарықтан да пәтер сатып алуға мүмкіндік беретінін айтқан болатын.Фото: Қорғаныс министрлігі

«Әскери баспана» жеңілдетілген ипотекасы қайта жанданады

<a href="https://kyzylorda-news.kz/">Kyzylorda-news.kz</a> Қызылорда облыстық Қазақстан халқы Ассамблеясының ұйымдастыруымен және «Қоғамдық келісім» КММ қолдауымен ҚХА 30 жылдығы аясында «Тамырлас» жобасы бойынша этнос өкілдері арасында өңіраралық «Достық әуендері» атты патриоттық әндер байқауы өтті.Шараның негізгі мақсаты – ел бірлігі мен патриоттық рухты дәріптеу, этнос өкілдері арасындағы достық пен мәдени байланыстарды нығайту, сондай-ақ дарынды жастарға шығармашылық қолдау көрсету.Байқаудың ашылуында «Қоғамдық келісім» КММ директорының орынбасары Руслан Құрманов сөз сөйлеп, қатысушыларға сәттілік тіледі.— Бұл байқау – ел бірлігінің, достықтың жарқын көрінісі. Ән арқылы Отанға деген сүйіспеншілікті жеткізу – үлкен рухани күш, – деді ол өз сөзінде.Әділқазылар алқасының құрамында мәдениет саласының өкілдері мен өнер мамандары болды:• Қалымбетова Күлән Жантемірқызы – төраға;• Ысқақова Рауза Сейдоллақызы;• Молдабергенов Бекзат Рысбекұлы.Байқауға өңірдің түрлі этнос өкілдері қатысып, туған жер мен елге деген сүйіспеншілікті жырлаған патриоттық әндерін орындады.Олардың қатарында Қасымбай Айдана, Хайруллаева Шахриза, Бондаренко Виолетта, Қуантқанов Дәулеткерей, Қолдасбай Сұлтанханым, Сарманбек Саят, Рзманов Руслан және Бақытбек Дәулетбек пен Рысбек Жанұзақ сынды өнерпаздар бар.Байқау қорытындысы бойынша жүлделі бірінші орынды түрік этносының өкілі, Байқоңыр қаласынан келген Руслан Рзманов (100 мың теңге), екінші орынды Арал ауданынан келген Дәулеткерей Қуантқанов (80 мың теңге), үшінші орынды Қызылорда қаласынан қатысқан Айдана Қасымбай (60 мың теңге) жеңіп алды.Жеңімпаздар ақшалай сертификаттар және алғыс хаттармен марапатталды.Фото: Ассамблея Қызылорда

Қызылордада «Достық әуендері» патриоттық әндер байқауы өтті

<a href="https://kyzylorda-news.kz/">Kyzylorda-news.kz</a> &nbsp;Қаржылық мониторинг агенттігі төрағасының орынбасары Жеңіс Елемесов лотерея өткізген блогерлер үшін қылмыстық жауапкершілік енгізілетінін <a href="https://kaz.inform.kz/news/blogerlerdn-lotereya-otkzu-kilmistik-sanatka-auistiriladi-c1d134/">хабарлады.</a>– Иә қаралып жатыр (қылмыстық жауапкершілік енгізу). Бұл мәселе бойынша қазір басқа органдардан ұсыныс жиналып жатыр. Содан кейін Үкіметтің қарауына және Мәжіліске шығарамыз. Қаржы пирамидаларына жарнама жасағанға қылмыстық жауапкершілік енгіздік. Бұл жерде де сондай қылмыстық жауапкершілік қарастырып жатырмыз, – деді Қаржылық мониторинг агенттігі төрағасының орынбасары Жеңіс Елемесов Сенат кулуарында.

Блогерлердің лотерея өткізуі қылмыстық санатқа ауыстырылады   

“AMANAT” партиясы алаңында облыстық жұмыспен қамтуды үйлестіру және әлеуметтік бағдарламалар басқармасына қарасты Отбасын қолдау орталықтары мамандарымен «Қарызсыз қоғам» жобасы шеңберінде азаматтарға қолдау көрсетуге бағытталған пилоттық жоба механизмдері талқыланды.<blockquote>Атап өту керек, жалпы пилоттық жоба Қарағанды өңірінде бастау алып, өз нәтижесін көрсетті. Бүгінгі күні тағы бірқатар өңірлер бастап жатыр. Бұл әрбір өңір үшін банктер мен микроқаржы ұйымдары алдында 90 күннен астам берешегі бар азаматтарға тікелей нақты қолдау көрсетуге үлкен көмек, - дейді «Қарызсыз қоғам» партиялық жобасының Қызылорда облысы бойынша өкілі Балдырған Мамен. &nbsp;</blockquote>Бүгінгі күні азаматтарды оқыту тек онлайн түрде жүргізілуде. Мәселесі бар азаматтармен сөйлесу, оларға жан-жақты кеңес беру бағытында көптеген қиындар кездесуде. Мысалы қаржы ұйымдары мен отбасын қолдау орталықтары мамандары өз жеке телефондары арқылы қиындыққа тап болған азаматтарға хабарласқанда қоғамда болып жатқан алаяқтық фактілерге орай олар мамандарына нақты сенбейді. Екіншіден, қанша мыңдаған адамға қоңырау шалып отыру ол мамандарға да шығын. &nbsp;Онан қалды WhatsApp мессенджері арқылы күні -түні мазалау, сонымен қатар көрсетілген көмектерді кейбір азаматтардың мойындамауы сынды мәселелер кездесеті. Яғни бір азамат бірнеше көмек түрлерін алып мәселесі шешілсе де, тізімде сақталып тұра беру сынды проблемалар кезігуде. Ал осы пилоттық жоба механизімі БИТРИКС бағдарламасы арқылы жүргізетін болсақ, бұл ең біріншіден тек тікелей өзіміздің өңір азаматтарына қолдау көрсетуге және мәселесі шешілген соң оларды тізімінен айырып отыруға, сонымен қатар азаматтарға көрсетілген көмектердің осы базада сақталуына ықпал етеді.Жиынға облыстық барлық аудандарындағы отбасын қолдау орталықтары мамандары онлайн қатысты. Оларға &nbsp;пилоттық жобаның механизмдері жан-жақты таныстырылып, алдағы міндеттер пысықталды.&nbsp;

Пилоттық жоба азаматтардың мәселесін шешуге көмектеседі 

Сол жағалаудағы «Қайсар арена» &nbsp;стадионында Қызылорда қаласының астана болғанына 100 жыл толуына және Қала күніне арналған «Мерейлі мерекеңмен,Қызылорда» атты гала-концерт өтті.&nbsp;Оған Абай облысының әкімі Берік Уәли, Парламент Сенаты мен Мәжілісінің депутаттары, мемлекет және қоғам қайраткерлері, Қазақстанның Еңбек Ерлері, ғалымдар, өнер майталмандары, республиканың барлық өңірінен келген облыстық мәслихат төрағалары арнайы қатысты.Мереке бастауындағы астананы Орынбордан Ақмешітке көшіру және Киргиз АКСР-ның Қазақ АКСР деп өзгертілуі, &nbsp;қалаға Қызылорда атауының берілуі, Ақмешітке қарай бағыт алған «Қызыл паравоз», Алаш арыстарының бейнелері, тарих желісінен сабақталған &nbsp;көріністер сол дәуірді көпшіліктің көз алдына әкелгендей әсер қалдырды. Одан кейін &nbsp;экрандағы көріністер жаңарған, жаңғырған Қызылорданың бүгінгі жасампаз &nbsp;келбетіне ауысты. &nbsp;&nbsp;Аймақ басшысы Нұрлыбек Нәлібаев жұртшылықты мерейлі мерекемен құттықтады.<img src="https://knadmin.beoblood.kz/uploads/FB_IMG_1760767859169_a1bcdb1eeb.jpg" alt="FB_IMG_1760767859169.jpg"><blockquote>«Бір ғасыр бұрын Қазақ Республикасының алғашқы астанасы болған Қызылордада мемлекеттігіміздің негізі қаланды. Сол кезеңде қаламыз еліміздің саяси, мәдени-рухани орталығына айналды. Ұлттық өнер мен ғылымның, білім мен баспасөздің алтын қазығы осында қағылды. Шежірелі шаһарымыздың елдік асыл мұраты, жасампаз жолы қалыптасты. Ұлтымызға «қазақ» атауын қайтарып, азат ел болуды аңсаған асқақ арман орындалды. Тілегі мен мақсаты ортақ Алаш арыстары ұлт мүддесі үшін тәуелсіз ел болуға бірікті. «Отан – елдің анасы, Ел – ердің анасы! Сыр – Алаштың анасы!». Жүз жылда бірнеше кезеңді басынан өткерген Қызылорда бүгінгі күні Президентіміздің ерекше қолдауымен сәулетті де әсем қалаға айналып келеді. Сыр өңірі жасарып-жаңарып, өсіп-өркендеуде. Соңғы үш жылда аймақ экономикасына 1 триллион 600 млрд. теңгеге жуық инвестиция тартылды. Облыс бюджеті 851 млрд. 300 млн. теңгеге жетіп, 2022 жылдан бері 233 пайызға өсті. Бұл қаражат аймағымыздың ең өзекті деген мәселелерін шешуге, тұрғындарымыздың тұрмыс сапасын жақсартуға бағытталды. Ең ғажап қала – ол адамның бақытты болған жері. Баршамызды бақыт құшағына алған Қызылорда – біздің мақтанышымыз. Мерейлі мерекеде дендеріңізге саулық, отбасыларыңызға бақ-береке тілеймін! Егемен еліміздің еңсесі биік, Тәуелсіздігі тұғырлы болғай! Мереке құтты болсын, қадірлі жерлестер!», – деді Нұрлыбек Машбекұлы.</blockquote>Гала концертте эстрада әншілері &nbsp;Ж.Ысқақова, Г.Оразымбетова, М.Сәдуақасова, Ж.Төлебай «Біздің Қызылорда» әнін шырқады. Сондай-ақ, &nbsp;К.Әлімжан, Т.Төрәлі, О.Нұралиев, тағы басқа өнерпаздар көрерменге көтеріңкі көңіл-күй сыйлады.Сахна сәні, би қойылымдары мен бейнероликтер, арнайы дайындалған тақырыптық дрон шоу Қала күнінің мазмұнын байыта түсті. Салтанатты шараның шарықтау шегінде мереке аспанын мың бояулы отшашулар жарқыратты.<img src="https://knadmin.beoblood.kz/uploads/FB_IMG_1760767830939_d53bbcac6e.jpg" alt="FB_IMG_1760767830939.jpg">

Қазақстан және Қызылорда облысының жаңалықтары: Қоғам