<a href="https://kyzylorda-news.kz/">Kyzylorda-news.kz</a>. 11 қыркүйек күні Қызылорда қалалық Полиция басқармасына төрт қала тұрғыны келіп, алаяқтың құрбаны болғанын айтып арызданған. Олардың айтуынша, белгісіз біреу шілде-тамыз айларында олардың сеніміне кіріп, жүргізуші куәлігін жасатып беремін деп ақшаларын алдап алған.
Күдікті жәбірленушілерден жұмыс ақысы үшін 60 мың және 200 мың теңге аралығында қаражатын алған. Алайда бүгінгі күнге дейін уәде етілген құжаттары да болмаған, не қаражаттарын кері қайтармаған.
Тәртіп сақшылары жедел-іздестіру шаралары барысында 39 жастағы қала тұрғынын ұстады.
<blockquote>
 «Белгілі болғандай, күдіктінің бірнеше жайтқа қатыстылығы анықталды. Жәбірленушілерге келтірілген жалпы материалдық шығын 450 мың теңге. Аталған дерек бойынша Қазақстан Республикасының Қылмыстық Кодексінің 190-бабының 3,4-бөлігі (Алаяқтық – екі немесе одан да көп адамға қатысты; бірнеше рет жасалған алаяқтық) бойынша сотқа дейінгі тергеп-тексеру амалдары жүргізілуде», – делінген полиция департаментінің хабарламасында.
</blockquote>

Қызылордада төрт адамды алдаған алаяқ ұсталды

<a href="https://kyzylorda-news.kz/">Kyzylorda-news.kz</a>. Қызылорда облысы бойынша ҚАЖ департаментіне қарасты мекемелерде&nbsp; жазасын өтеп жүрген орта білім жоқ&nbsp; 28 сотталған 2021-2022 оқу жылында орта білім алуға өтініш берді. Оларға қазіргі таңда кешкі мектеп мұғалімдері офлайн форматта білім беруде. &nbsp;Мекеменің&nbsp; ішкі күн тәртібіне сәйкестендіріп, сотталғандардың сабақ кестесі құрылып, оқу жоспарына сәйкес, білім алады. ЗК-169/4 мекемесінде 8 сотталған, ЗК-169/5 мекемесінде 20 сотталған азамат орта білім алып жатыр. Олар белгілі бір себептермен орта білім ала алмай қалған жастар.
<blockquote>
 «Өмір болған соң қиындығы мен қызығы қатар болады. Жас болдық, мектепте де оқымадым. Бірде барамын, бірде бармаймын. Сөйтіп жүріп жаза басып жаңылып істі болдым. Түзеу мекемесінде жазамды өтеп жатырмын. Жоғары білім алу үшін бірінші орта мектепті бітірген&nbsp; аттестатым болуы керек екендігін біліп, өтініш бердім. Кешкі мектеп мұғалімдері білім беріп жатыр. Бір жағынан жазамды өтеп, екенші жағынан білім алып, аттестат алсам, бостандыққа шыққан соң жоғарғы оқу орнына түсуіме мүмкіндігім бар» ,-дейді жазасын өтеуші. &nbsp;
</blockquote>
&nbsp;Мұның барлығы&nbsp; аяқтарын шалыс басқан жандарды түзу жолға қойып, бостандықта өз жолын табуға мүмкіндік жасау.
Ал&nbsp; &nbsp;ЗК-169/5 мекемесінде келісім-шарт негізінде Қызылорда политехникалық колледжі мен Қызылорда сервис және бизнес колледжі &nbsp;жұмыс істейді. 2020-2021 оқу жылында «тігінші», «ағаш ұстасы», «электр&nbsp; және газбен дәнекерлеуші» мамандықтары бойынша 70 жазасын өтеуші оқып, диплом алды. Осы колледждерде 2021-2022 оқу жылында 50 сотталған «Ағаш ұстасы және паркет жұмыстарының шебері», «Құрылыс және әрлеу жұмыстары» мамандықтары бойынша 10 ай білім алса, 25 сотталған&nbsp; «Техник-механик» мамандығы бойынша 1 жыл 10 ай білім алады.
<blockquote>
 «Колледжді тәмамдап, диплом алған сотталғандар мамандықтары бойынша мекеменің өндірістік аймағындағы тігін цехында жұмыс істеуге мүмкіндігі бар. Босатылған соң&nbsp; алған білімін кәдеге жаратып, мамандығы бойынша жұмыс жасауына да болады. Жуырда мекемеден тігінші мамандығын алып, бостандыққа шыққан азамат жеке кәсіпке бет бұрды. Білімін жетілдіріп, мемлекет тарапынан беріліп жатқан мүмкіндіктерді пайдаланып, жеке тігін цехын ашты. Түзеу мекемесінде алған мамандығы кәдесіне жарады. Сотталғандарды түзелу жолына түсіру үшін мекеме әкімшілігі жұмысқа орналастыру және білім беру жұмыстарын жүйелі жүргізіп отыр»,-дейді мекеме бастығының орынбасары әділет подполковнигі Ж.Ауешов.
</blockquote>

«Жас болдық, мектепте де оқымадым»: Түзеу мекемелерінде 103 жазасын өтеуші білім алуда

<a href="https://kyzylorda-news.kz/">Kyzylorda-news.kz</a>. Бүгінде Қорқыт Ата атындағы Қызылорда университетінде академиялық ұтқырлық бағдарламасы сәтті жүзеге асырылуда. Бағдарлама арқылы білім алушылар белгілі бір академиялық кезеңге оқуға немесе зерттеу жұмыстарын жүргізуге өзге ЖОО баруына мүмкіндіктер бар. Осы арқылы білім алушылар мен оқытушылар ғылыми және білім беру саласында халықаралық деңгейде тәжірибе жинақтайды.
<blockquote>
 «Биыл шектеу шаралары бар елдерді қоспағанда, білім алушылардың шетелдік академиялық ұтқырлығы мен тағылымдамаларына рұқсат етілген. «Шетел тілі: екі шетел тілі» мамандығы бойынша 2 білім алушы қос диплом бағдарламасы негізінде Корея Республикасының Кангнам университетіне оқуға жіберілді. Білім алушылардың оқу ақысы және жатақхана төлемақысы екі жақты келісімшарт негізінде Кангнам университетінің гранты есебінен жүзеге асады», – деді халықаралық байланыс бөлімінің басшысы Бекзат Ырза.
</blockquote>
Сонымен қатар, биылғы жылдың 4 қазан күні 9 білім алушы академиялық ұтқырлық бағдарламасы бойынша Польша Республикасының Лодзь университетіне оқуға жіберіледі. Сондай-ақ, Бельгия Корольдігінің Ховест қолданбалы ғылымдар университетіне 2 магистрант, Словения еліне 2 білім алушы оқуға жолдама алды. Барлық шығындар мен шәкіртақысы Еуропа Одағының Эразмус+ бағдарламасы аясында қолдау тапты. Жалпы шет елде оқуға ниет білдірушілер жыл сайын артып келеді.
Қазіргі таңда университет АҚШ, Ұлыбритания, Түркия, Франция, Италия, Германия, Индонезия, Сингапур, Колумбия елдерінің жоғарғы оқу орындарымен байланыс орнатуда. Шет елде тәжірибе алмасуға ниет білдіргендер үшін ең алдымен қойылатын талап – ағылшын тілінің деңгейі. Білім алушылардың тіл деңгейін көтеру мақсатында университетте TOEFL тест орталығы жұмыс істейді.

Университетте халықаралық байланыс деңгейі жоғары

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 4 123 адам коронавирус індетінен емделіп шықты, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 509,
Алматы қаласы – 1 203,
Шымкент қаласы – 24,
Ақмола облысы – 241,
Алматы облысы – 412,
Атырау облысы – 411,
Шығыс Қазақстан облысы – 58,
Жамбыл облысы – 35,
Батыс Қазақстан облысы – 141,
Қарағанды облысы – 354,
Қостанай облысы – 170,
Қызылорда облысы – 114,
Маңғыстау облысы – 178,
Павлодар облысы – 232,
Солтүстік Қазақстан облысы – 21,
Түркістан облысы – 20.
Қазақстан бойынша жазылғандар саны – 770 558.

COVID-19: Қызылордада 114 адам індеттен айықты

<a href="https://kyzylorda-news.kz/">Kyzylorda-news.kz</a>. Қазақстанда коронавирусқа қатысты 14 қыркүйек 23:59-дағы эпидемиологиялық жағдай бойынша ПТР арқылы 2 930 адам коронавируспен ауырғаны расталды, деп хабарлайды <a href="https://www.coronavirus2020.kz/kz">coronavirus2020.kz</a>.
Жалпы ел бойынша ауырғандар саны 848 318.
Аймақтар бойынша:
Нұр-Сұлтан қаласы – 326,
Алматы қаласы – 612,
Шымкент қаласы – 128,
Ақмола облысы – 185,
Ақтөбе облысы – 150,
Алматы облысы – 240,
Атырау облысы – 93,
Шығыс Қазақстан облысы – 140,
Жамбыл облысы – 46,
Батыс Қазақстан облысы – 88,
Қарағанды облысы – 340,
Қостанай облысы – 147,
Қызылорда облысы – 69,
Маңғыстау облысы – 70,
Павлодар облысы – 184,
Солтүстік Қазақстан облысы – 78,
Түркістан облысы – 34.

69 қызылордалық коронавирус жұқтырды

<a href="https://kyzylorda-news.kz/">Kyzylorda-news.kz</a>. ҚР басым бөлігінде, антициклонның әсерінен күн жауын-шашынсыз болады. Атмосфералық фронталды бөліктердің өтуімен Қазақстан Республиканың солтүстік, солтүстік-батыс, батыс және оңтүстігінде жаңбыр жауып, найзағай ойнайды, деп хабарлайды Қазгидромет.
Күндіз республиканың солтүстік, солтүстік-батыс, батыс, оңтүстік-шығыс, оңтүстік-батысында жел күшейеді.
Күндіз Батыс Қазақстан облысының басым бөлігінде желдің жылдамдығы секундына 15-20 метрге жетеді.
Күндіз Ақмола облысының батысында, Қостанай облысының солтүстік-батысында найзағай ойнап, желдің дылдамдығы секундына 15-20 метрге жетеді.
Түнде Қызылорда облысының солтүстігінде найзағай ойнап, күндіз желдің жылдамдығы секундына 15-20 метрге жетеді. Күндіз Солтүстік Қазақстан облысының оңтүстігінде, Жамбыл облысының солтүстік-шығыс, оңтүстік-батысында жел 15-20 м/с жылдамдықпен ұйтқиды.
Түнде Қарағанды, Шығыс Қазақстан облыстарының солтүстік-шығысында 3 градус үсік жүреді.
Алматы, Жамбыл, Түркістан, Қызылорда, Маңғыстау, Атырау, Ақтөбе облыстарының басым бөлігінде, Қостанай, Қарағанды облыстарының солтүстік-батыс және батысында, Батыс Қазақстан облысының солтүстік-шығыс және оңтүстігінде, Шығыс Қазақстан облысының оңтүстігінде, Павлодар облысының орталығында, Ақмола облысының солтүстік-батысында төтенше өрт қауіпі сақталады.

Сәрсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазгидромет 15 қыркүйекте Қазақстанның бірнеше өңірінде ауа райына байланысты ескерту жариялады.
Күндіз&nbsp;Қостанай облысының&nbsp;солтүстік-батысында найзағай, оңтүстік-батыстан жел, күші 15-20 м/с күтіледі.
Ақмола облысының&nbsp;батысында найзағай күтіледі. Оңтүстік-батыстан жел соғады, облыстың солтүстік-батысында екпіні 15-20 м/с күтіледі.
Батыс Қазақстан&nbsp;облысында жел оңтүстік-батыстан, батыстан соғады, күндіз екпіні 15-20 м/с жетеді.
15 қыркүйекте т үнде&nbsp;Шығыс Қазақстан&nbsp;облысының солтүстік-шығысында 3 градус үсік сақталады. Бесқарағай ауданында төтенше өрт қауіпі күтіледі.
Күндіз 15 қыркүйекте&nbsp;Солтүстік Қазақстан&nbsp;облысының оңтүстігінде оңтүстік-батыстан жел соғады, екпіні 15-20 м/с күтіледі.
Түнде&nbsp;Қарағанды облысының&nbsp;солтүстік-шығысында 2 градус үсік жүреді. Облыстың батысында төтенше өрт қаупі сақталады.

Күн суытып, үсік жүреді

<a href="https://kyzylorda-news.kz/">Kyzylorda-news.kz</a>. Цифрлық даму, инновациялар және аэроғарыш өнеркәсібі министрі Бағдат Мусин қазақстандықтардың барлық жеке дерегі Ресейге қолжетімді болады деген ақпаратқа түсініктеме берді, деп хабарлайды&nbsp;<a href="https://sputnik.kz/">Sputnik Қазақстан</a>.
Соңғы кезде желіде&nbsp;<a href="http://egov.kz/cms/kk">eGov.kz</a>&nbsp;порталы ресейлік мамандардың қолына өтетінін туралы ақпарат қызу талқыланып жатыр. Соған байланысты Мусин Қазақстанда көптеген мекеме негізі шетелде қаланған платформа бойынша жұмыс істейтінін айтты. Алайда бұл жасап шығарушы тарап барлық ақпаратқа қол жеткізе алады дегенді білдірмейді.
“Егов порталы тек қана Қазақстанға тиесілі және ешкімге берілмейді! “Қазақстандықтардың барлық дерегі Ресей Федерациясына қолжетімді болады” деген түсінік қисынсыз. Электрондық үкіметте біреу біреуге ақпарат береді деген сұрақтың туындамауы да керек”, – деп&nbsp;<a href="https://www.facebook.com/BagdatMussin">жазды</a>&nbsp;Мусин.
Министрдің сөзінше, eGov-тағы база не жүйеге ешкім ешқашан қол жеткізе алмайды.
<blockquote>
 “Өткен айда басталған талдау қазақстандық мемлекеттік секторда 400+ ақпараттық жүйе бар екенін көрсетті. Бұл мемлекеттік жылжымайтын мүлік базасы сияқты ірі базалардан бастап, олимпиада жүлдегерлері тіркелген шағын базаларға дейінгі аралықты қамтиды. Біздің қазіргі міндетіміз – әртүрлі технологияларда жазылған жүздеген жүйенің орнына барлық дерек бірыңғай платформада жинақталған және түсінікті болатын ондаған жүйеге өту”, – дейді ол.
</blockquote>
Қазір eGov-ты ескі жүйеден шығарып, орнына сапалы заманауи технологиямен жабдықталған платформаны орнату міндеті тұр. Министрдің сөзінше, халық үшін де, экономика үшін де жақсы нәтижеге қол жеткізу үшін цифрландырудың жан-жақтан құралған моделінің орнына тұтас платформаға өтетін кез келді.
“IT саласындағы кез келген шешім, әсіресе халықаралық шешім кибер қалқан мен азаматтардың мүддесін қорғау жөніндегі уәкілетті органдардың ұсынысын ескеріп қабылданады. Қазақстан тарапы бағдарламалық қамтамасыз ету мен техникалық қолдауды талап ететін вендор сияқты болуы керек деген талап қойып отырмыз. Сбер қолжетімді болып, барлық компоненттің бастапқы кодын көрсетеді және барлығын Қазақстандағы серверлерге орналастырады”, – дейді министр Мусин.
Ал бұл жұмысқа бөлінген 500 миллион теңгенің барлығы Сбер-ге жұмсалмайды.
<blockquote>
 “Меморандум деген келісімшарт емес. Үкімет цифрлық трансформация мүмкіндігін қарастыратын меморандумға қол қойды, оның бағалау құны шамамен 500 миллион теңге. Аталған соманың бір бөлігі жергілікті IT нарығына инвестицияланады. Бұл қаражатты қазақстандық компаниялар платформалық тәсілді енгізу бойынша жұмсайды. Соманың бір бөлігі инфрақұрылымдық шешімдерге кетсе, бір бөлігі ғана Сбер-ден шешімнің өзін сатып алуға жұмсалады”, – деп түсіндірді ол.
</blockquote>
Платформалық модельді енгізуге Қазақстанның IT компаниялары міндетті түрде қатысады.
Платформалық модельді енгізудің таныстырылымы мен талқылауы қоғам белсенділері мен IT нарық өкілдірінен тұратын сараптамалық комиссияның қатысуымен өтеді.
Ал Сбер платформаның қалай жұмыс істейтінін көрсетеді, мамандарды оқытады. Содан кейін ғана платформада жұмыс істеу басталады. Бұл жобаны іске асыруға қазақстандық IT компаниялар жұмылдырылады.
3 қыркүйекте Шығыс экономикалық форумы аясында Қазақстанның премьер-министрі Асқар Мамин мен Сбербанк басқармасының төрағасы Герман Греф ынтымақтастық туралы меморандумға қол қойды. Құжатқа сәйкес, ресейлік компания Қазақстанның мемлекеттік секторын цифрландыру жөніндегі жобаларды іске асыруға қатысады.
Әрі қарай оқу:&nbsp;<a href="https://sputnik.kz/society/20210914/18122278/Bagdat-Musin-eGovkz-Resey.html">https://sputnik.kz/society/20210914/18122278/Bagdat-Musin-eGovkz-Resey.html</a>

Бағдат Мусин eGov.kz Ресейдің қолына өтеді деген ақпаратқа түсініктеме берді

<a href="https://kyzylorda-news.kz/">Kyzylorda-news.kz</a>. «Қазақстан Республикасының Ауылдық елді мекендерінің мемлекеттік органдарын кең жолақты интернетке қолжетімділігін қамтамасыз ету» Жол картасы аясында мемлекеттік-жеке әріптестік негізінде Қызылорда облысы бойынша 73 ауылдық елді мекен талшықты-оптикалық байланыс желісі арқылы қосылған.
Оның ішінде 72 мектеп, 64 әкімдік, 69 фельдшерлік-амбулаториялық пункт ғаламтор байланысымен қамтамасыз етілген.
Бүгінгі таңда 230 ауылдық елді мекеннің 201-і, немесе 87% кең жолақты интернетпен қамтылған. 
«Қауіпсіз мектеп» жобасы бойынша 2020 жылы қала мен аудандардың 63 мектебінде бейнебақылау камераларын орнату бойынша жұмыстың бірінші кезеңі аяқталды және Қызылорда облысы Полиция департаментінің Жедел басқару орталығымен интеграция жүргізілді. Сондай-ақ, 2021 жылға (II кезең) қаланың 35 мектебін бейнебақылау камераларымен қамтамасыз ету үшін қаражат бөлінді. 7 стационарлық жылдамдық өлшегішті сатып алу қолға алынуда.
Шұғыл қызметтерді бірыңғай диспетчерлік қызметке біріктіру есебінен 112 шақыруларды тіркеу және бригадаларға беру уақыты 28%-ға қысқартылды. Жауап беру уақыты 102 қызметі бойынша 5 минутқа дейін, 103-те 15-тен 10 минутқа дейін қысқарды, шақыруларға қызмет көрсетуді бақылау тиімділігі 20%-ға артты, жалған шақырулар саны 40% – ға азайды.
109 бірыңғай байланыс орталығын құру өтініштерді тіркеу уақытын және жауапты коммуналдық қызметтердің кері байланысын қысқартты. Тұрғынға ондаған коммуналдық нөмірлердің орнына 109 нөмірін білу жеткілікті. Сондай-ақ, қалалық коммуналдық қызметтердің сапасы да айтарлықтай жақсарды.

Қызылордада 201 ауыл кең жолақты интернетпен қамтылған

<a href="https://kyzylorda-news.kz/">Kyzylorda-news.kz</a>. Қазіргі кезде адамдардың үнемі шаршап жүруі, энергиясының сарқылып, ештеңеге зауқы болмауы сынды белгілердің бірсарынды өмір салдарынан екенін мамандар жиі айтады. Психолог Ермек Нұрымов күнделікті қайталанатын күйбең тіршіліктің адам жүйкесіне әсер етпей қоймайтынын алға тартады. Практик маман бұл күйден шығудың бірнеше жолын атады, деп жазады <a href="https://kaz.nur.kz/society/1931790-birsaryndy-omirden-zalyqqanda-ne-isteuge-bolady-belgili-psixolog-kenes-berdi/">KAZ.NUR.KZ</a>.
Эмоционалды интеллектті дамыту коучы Ермек Нұрымов күнделікті қарбалас өмірдің жүйке жүйесіне әсерінен адамдарда болатын эмоционалды күйіну синдромы туралы айтып берді. Психологтың сөзінше, бұл көбінесе қым-қуыт тіршілігі қайнаған қалалық жерде тұратын адамдар мен төрт қабырғадан басқа ештеңе көрмейтін үй шаруасындағы әйелдерде жиі кездесетінін жеткізді.
<blockquote>
 «Бірінші кезекте адамның психологиялық жүйке жүйесіне күнделікті қайталанатын – жұмысқа барып-келу, автобуспен жүру, кептелісте тұру секілді сәттер әсер етеді. Мұндай бірсарынды өмір адамды мең-зең еткізіп, есіңді әрең жинайтын дәрежеге жеткізеді», – дейді психолог.
</blockquote>
Ермек Нұрымов бірсарынды өмірге өзгеріс енгізбеу – эмоционалды күйіну синдромына шалдықтыратынын айтып, оның басты белгілерін атап өтті.
<blockquote>
 «Шаршап жүресіз, энергияңыз сарқылып, түкке құлшынысыңыз болмай қалады, бас ауруы, ұйқысыздық жиі мазалауы мүмкін, айналадағы адамдармен, әсіресе, бірге тұратын жандармен жиі сөзге келіп қалу, пессимизм белгілері айқын көрінеді. Бұл синдром ағзамызда кей аурулардың пайда болуына ықпал етеді. Әдетте көбі өзінің эмоционалды жағдайын жеңілдету үшін ішімдікке үйір болып, темекі шегетін болса, оның мөлшерін тіпті асырып жатады. Алайда, одан жағдай ушықпаса, түзелмесі анық», – дейді ол.
</blockquote>
Психолог жалығудан туындайтын мәселеден өмірге өзгеріс енгізіп, өзіне ұнайтын іспен айналысу арқылы жеңіл түрде арылуға болатынын айтады.
<blockquote>
 «Қажет болса, ұжымы да, процесі де көңіліңізге қонбайтын жұмыстан кетіңіз. Онда қалуға қандай себеп көріп тұрсыз? Өзіңізді неге қинайсыз? Мұндай қадамнан қорқудың түк қажеті жоқ. Жапония халқы тіпті әр үш жыл сайын жұмысын ауыстырып отыруға дағдыланған. Үй шаруасындағы келіншектерде де эмоционалды күйінуге жиі ұшырайды. Себеп- 24/7 төрт қабырғадан басқа ештеңе көрмеу, бітпейтін үйдің тірлігінен жалығу. Ара-тұра өзіңізге уақыт арнау арқылы күйеуіңіз бен ата-енеңізге де, бала-шағаңызға да пайдаңызды тигізесіз. Жақсы демалыстан кейін көңіл-күйіңіз әжептеуір көтеріліп қалады. Ал жақсы көңіл күй – қуат. Сеніңіз, бұрынғыдан да өнімдірек іс атқаратын боласыз», – дейді психолог эмоционалды күйіну синдромына шалдыққан жандарға кеңес ретінде.
</blockquote>
Психолог маман бірсарынды өмірді өзгертуге бетбұрыс жасауға шақырды. Оның сөзінше жақсы көңіл-күйде жүруге талаптану арқылы эмоционалдық күйіну жағдайынан оңай шығуға болады.
<blockquote>
 «Таңертеңнен бастап жақсы көңіл-күймен жүру, тіпті біреу сіздің көңіл-күйіңізді түсіруге әрекет етсе де, оның жүзіне шынайы күлімсіреп қарау, күнделікті бір адамды болса да шын көңілмен қуанту, түс уақытында 30 минут болса да көз шырымын алып, демалып алу да кешке дейін көңіл-күйіңіздің бірқалыпты жүруіне көмектеседі. Таңертең тұрғанда медитация жасау немесе жақсы бір кітап оқу, кешке келгенде тұзды ваннаға шайыну немесе сергітетін шай ішу, күнделікті өмірге жоспар құру, демалыс күндері саябаққа немесе табиғат аясына шығу бойыңызға қуат, көңіліңізге демеу болары сөзсіз», – дейді маман.
</blockquote>
<img src="https://kyzylorda-news.kz/wp-content/uploads/2021/09/psiholog.jpg" alt="" />

Бірсарынды өмірден жалыққанда не істеуге болады: Белгілі психолог кеңес берді

<a href="https://kyzylorda-news.kz/">Kyzylorda-news.kz</a>. Оқу жылының басынан бері Білім және ғылым саласында сапаны қамтамасыз ету комитетіне азаматтардан 70-ке жуық өтініш келіп түскен. Осыған байланысты білім саласында сапаны қамтамасыз ету департаментінің қызметкерлері шара қабылдады, деп хабарлайды <a href="https://lenta.inform.kz/kz/saryagashta-mugalimderge-gol-f-alanyn-tazalatyp-koygan-mektep-direktory-zhumystan-kuyldy_a3836150">ҚазАқпарат</a>.
Мәселен, Түркістан облысы Сарыағаш ауданы Б. Омаров атындағы №50 мектеп мұғалімдері мектеп директорының міндетін атқарушы оларды курорттық аймақта гольф алаңын тазалау жұмысына тартқанын айтып шағымданды.
Мәселенің мән-жайы анықталғаннан кейін лауазымды тұлға қызметінен босатылды.
Түркістан облысында балабақша тәрбиешісі қызметінен заңсыз босатылған, алайда әкімдіктің білім басқармасы оның құқығын қалпына келтіру бойынша шара қабылдамаған.
Білім саласында сапаны қамтамасыз ету жөніндегі аумақтық департаменті қызметкерлерінің араласуынан кейін ғана тәрбиеші бұрынғы жұмысына қайтып оралды.
Атырау облысында педагогикалық этика ережелерін бұзғаны үшін Қ. Ахмедияров атындағы орта мектептің мұғалімі жұмысынан босатылды.
Алматы облысында департамент қызметкерлері мұғалімнің өтінішінен кейін шара қабылдады.
Өтініште мұғалім білім ұйымдарында ақша жинау және оларға тән емес функцияларға тарту фактілері туралы хабарлаған.
Мәселе қаралғаннан кейін Текелі қаласындағы №6 орта мектебінің директорын қызметінен босату туралы шешім қабылданып, осыған ұқсас фактілер расталды.
Сонымен қатар Текелі қаласы әкімдігінің білім бөлімі басшысының м.а. тәртіптік жауапкершілікке тарту ұсынылды.
Педагогтердің құқықтары мен заңды мүдделерінің ең көп бұзылуы Түркістан және Алматы облыстарында байқалады.
Сонымен қатар әлеуметтік желілерде иммунизациялау шаралары бойынша тізім жасау туралы құжат жарияланды.
Мұндай ақпаратты жинау жөніндегі бұйрық ҚР БҒМ-мен қарастырылмаған.
Аудандық білім бөлімінің басшысы тәртіптік жауапкершілікке тартылды.
Айта кетейік, ҚР Білім және ғылым министрінің тапсырмасы бойынша әр облыста педагогикалық әдеп жөніндегі комиссиялар құрылды, олар педагогтердің құқықтарын бұзу бойынша өтініштер мен фактілерді жедел қарайды.

Мұғалімдерге гольф алаңын тазалатып қойған мектеп директоры жұмыстан қуылды

<a href="https://kyzylorda-news.kz/">Kyzylorda-news.kz</a>. Қазіргі таңда Қызылорда облысында балық шар­уа­­­­­шылығы саласының алатын орны зор. Өз кезегінде елде балықты қорғауға арналған ауқымды жобалар жүзеге асырылып, өсімін арттыру мақсатында жүйелі жұмыстар атқарылуда.
Облыс аумағында суармалы жерлердің көп бөлігі Сырдария өзенінен келетіндіктен, балық шабақтары күріштік алқаптар мен қашыртқы каналдарда өсіп, жетіледі. Жаз аяқталған соң, егістіктерге жіберілетін су тоқтатылады. Бұл жағдай балық шабақтарының бөлектенген суларда қалып, қырылу қауіпін туындатады.
Осы жағдайлардың алдын-алу мақсатында жыл сайын басқармаға қарасты орман және жануарлар дүниесін қорғау жөніндегі мемлекеттік мекемелері жергілікті жердегі табиғат пайдаланушылармен бірлесіп «Шабақ құтқару» іс-шарасын жүргізіп келеді.
«Қазалы орман және жануарлар дүниесін қорғау жөніндегі мемлекеттік мекемесінің» қызметкерлері табиғат пайдаланушылармен бірлесіп күріштік алқаптардың қашыртқы каналдарынан 20 000 дана балық шабақтарын құтқарып, жергілікті жердегі «Қашқансу» су айдынына жіберді.
Облыс аумағында балық шабақтарын құтқару акциясы қарқынды түрде жүргізілетін болады.
<img src="https://kyzylorda-news.kz/wp-content/uploads/2021/09/241795003_1058186048270210_1957645903247498498_n.jpg" alt="" />
<img src="https://kyzylorda-news.kz/wp-content/uploads/2021/09/241780358_1058186148270200_4769073165751747459_n.jpg" alt="" />

Қазақстан және Қызылорда облысының жаңалықтары: Қоғам