<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова «Транстелеком» АҚ «Қызылордатранстелеком» филиалының ақпаратты жинау және сақтау бойынша орталығының (Data center) ашылу рәсіміне қатысып, жұмысымен танысты.
Аймақ басшысы шараға қатысушыларды келе жатқан Конституция күнімен құттықтап, ҚР Тәуелсіздігі 30 жылдығы қарсаңында заманауи ақпараттық орталығы пайдалануға берілуінің маңызы зор екенін атап өтті.
<blockquote>
 «Ақпараттық технологиялар қарқынды дамыған шақта кез келген мемлекеттің тұрақтылығы экономикасына және цифрлық дамуына байланысты. Мемлекет басшысы Қасым-Жомарт Кемелұлы Тоқаев «Жаңа жағдайдағы Қазақстан: іс-қимыл кезеңі» атты Жолдауында «Цифрландыру – ұлттың бәсекеге қабілеттілігін арттырудың негізгі құралы. Қазір адамдар емес, мәліметтер «зыр жүгіруге» тиіс. Деректермен жұмыс істеуді жаңа деңгейге көтеру керек. Мәліметтер базасының бірыңғай жүйесімен қамтамасыз ету және оны әрі қарай дамыту – Үкіметтің басты міндетінің бірі» деп осы саладағы нақты бағытты айқындап берген болатын», – деді аймақ басшысы.
</blockquote>
Сондай-ақ, облыс әкімі мемлекеттік әріптестік аясында бұл орталық әкімшілік нысандары деректерінің үздіксіз жұмыс жасауына зор ықпалын тигізетінін, бизнес өкілдері үшін де жаңа мүмкіндіктер ашылатынын жеткізді.
Өз кезегінде «Транстелеком» АҚ басқарма төрағасы Елнар Адайбеков аймақ басшысына қолдау көрсеткені үшін алғысын білдіріп, орталықтың мүмкіндіктері мен инфрақұрылымын таныстырды. Орталықты пайдалануға беру арқылы аймақта икемді ІТ–инфрақұрылымдарды құру бойынша инновациялық шешімдерді ұйымдастырудың жаңа деңгейіне көшуге болады. DATA орталық «Цифрлы Қазақстан» мемлекеттік бағдарламасы аясында «Транстелеком» акционерлік қоғамы арқылы жүзеге асты. Жоба құны – 6 млрд. теңге. Орталықтың жалпы аумағы 1.4 гектар, құрылысы 2020 жылы басталып, барлық жабдықты пайдалануға беруді қоса алғанда 10 айда іске асырылып отыр. Нысанда 45 жаңа жұмыс орны ашылған.Орталықтың негізгі қызмет түрі – тапсырыс беруші серверінің жұмысына байланыс арналарын көп деңгейлі резервтеу, үздіксіз қуаттауды қамтамасыз ету және қажетті климаттық параметрлерді ұйымдастыру арқылы қолдау көрсету мақсатында клиенттік серверлерді «Транстелеком» АҚ арнайы алаңдарына орналастыру.
Айта кетейік, Деректерді өңдеу орталығының Қызылорда облысынан бөлек, көршілес Түркістан, Жамбыл облыстары мен Шымкент қаласына да техникалық қызмет көрсету мүмкіндігі бар.
<img src="https://kyzylorda-news.kz/wp-content/uploads/2021/08/240587771_3651241248312251_7588031048071853703_n.jpg" alt="" />
<img src="https://kyzylorda-news.kz/wp-content/uploads/2021/08/239494943_3651241288312247_3458090049156113751_n.jpg" alt="" />

Қызылорда облысының әкімі ақпаратты өңдеу орталығының ашылу рәсіміне қатысты

<a href="https://kyzylorda-news.kz/">Kyzylorda-news.kz</a>. Қазақстанда бір тәулікте 8 285 адам коронавирус індетінен емделіп шықты, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 835,
Алматы қаласы – 2 228,
Шымкент қаласы – 595,
Ақмола облысы – 278,
Ақтөбе облысы – 162,
Алматы облысы – 156,
Атырау облысы – 553,
Шығыс Қазақстан облысы – 132,
Жамбыл облысы – 847,
Батыс Қазақстан облысы – 55,
Қарағанды облысы – 1 208,
Қостанай облысы – 238,
Қызылорда облысы – 160,
Маңғыстау облысы – 231,
Павлодар облысы – 395,
Солтүстік Қазақстан облысы – 101,
Түркістан облысы – 111.
Қазақстан бойынша жазылғандар саны – 649 534.

Қызылордада 160 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда коронавирусқа қатысты 26 тамыз 23:59-дағы эпидемиологиялық жағдай бойынша ПТР арқылы 6 452 адамның коронавируспен ауырғаны расталды, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 617,
Алматы қаласы – 1 561,
Шымкент қаласы – 275,
Ақмола облысы – 261,
Ақтөбе облысы – 452,
Алматы облысы – 390,
Атырау облысы – 317,
Шығыс Қазақстан облысы – 172,
Жамбыл облысы – 187,
Батыс Қазақстан облысы – 130,
Қарағанды облысы – 832,
Қостанай облысы – 262,
Қызылорда облысы – 206,
Маңғыстау облысы – 200,
Павлодар облысы – 342,
Солтүстік Қазақстан облысы – 169,
Түркістан облысы – 79.
Жалпы ел бойынша ауырғандар саны 767 701.

Қызылордада 206 адамнан коронавирус анықталды

<a href="https://kyzylorda-news.kz/">Kyzylorda-news.kz</a>.Қазақстан аумағының басым бөлігінде күн жауын-шашынсыз болады, деп хабарлайды Қазгидромет.
Тек атмосфералық фронталды бөліктердің өтуіне байланысты солтүстікте, солтүстік-батыста, таулы аудандардың оңтүстік-шығысында және оңтүстігінде жаңбыр жауып, найзағай ойнайды. Республика бойынша жел күшейіп, солтүстікте, таулы аудандардың оңтүстік-шығысында бұршақ жауады.
Түркістан, күндіз Жамбыл, Алматы облыстарының таулы аудандарында, Батыс Қазақстан облысының оңтүстік-батысында, Қостанай облысының солтүстігінде, Солтүстік Қазақстан облысының солтүстік-батысында найзағай ойнап, найзағай кезінде жел 15-20 м/с-қа дейін күшейеді. Күндіз Жамбыл облысының таулы аудандарында, Солтүстік Қазақстан облысының солтүстік-батысында, солтүстік-шығысында бұршақ жауады.
Күндіз Алматы, Атырау, Ақтөбе облыстарының басым бөлігінде, Қостанай, Батыс Қазақстан, Маңғыстау облыстарының оңтүстігінде аптап ыстық болады.
Маңғыстау, Атырау, Батыс Қазақстан, Ақтөбе, Қызылорда, Түркістан, Жамбыл, Алматы облыстарында, Қостанай, Шығыс Қазақстан облыстарының оңтүстігінде, Қарағанды облысының оңтүстік-батысында, Ақмола облысының оңтүстігінде, солтүстік-батысында төтенше өрт қаупі сақталады.

Ауа райы: Қызылордада күн ыстық

Kyzylorda-news.kz. Жамбыл облысының Байзақ ауданында орналасқан әскери бөлім қоймасынан өрт шығып, жарылыс болды. Бұл туралы ҚР Қорғаныс министрлігінің баспасөз қызметі мәлімдеді.
<blockquote>
 «Бүгін сағат шамамен 19:00-де Жамбыл облысының Байзақ ауданында орналасқан әскери бөлім қоймаларының бірінен өрт шықты. Өрт салдарынан белгісіз заттың жарылысы орын алды. Өртті сөндіруге бөлімнің шынжыр табанды өрт сөндіру машинасы мен өрт сөндіру командасы жұмылдырылған. Оларға Жамбыл облыстық ТЖД өрт сөндіру бөлімшелері көмек көрсетуде. Өрт ошағын жою жалғасып жатыр. Өрттің неден шыққаны анықталу үстінде», – делінген министрлік таратқан ақпаратта.
</blockquote>
Ведомство мәліметінше, оқиға орнына ҚР Қорғаныс министрінің орынбасары генерал лейтенант Руслан Шпекбаев бастаған Қорғаныс министрлігінің комиссиясы жіберілді.

Жамбыл облысында әскери бөлім қоймасынан өрт шығып, жарылыс болды

<a href="https://kyzylorda-news.kz/">Kyzylorda-news.kz</a>.&nbsp;Сырдария ауданында жақсы және қанағаттанарлық жағдайдағы аудандық маңызы бар автомобиль жолдарының үлесі 92 пайызды құрайды.
Аудан әкімі Мұрат Ергешбаевтың айтуынша, биыл аудан бойынша автомобиль жолдарын жөндеу жұмыстарына республикалық және жергілікті бюджеттен барлығы 888 млн. теңге бөлінген. Оның ішінде, аудандық маңыздағы автомобиль жолдарын жөндеуге 5 жобаға 419 млн. теңге бөлініп, тиісті жөндеу жұмыстары жоспарға сәйкес атқарылуда.
Мәселен, «Тереңөзек – Жалағаш» жолының орташа жөндеуіне, Н.Ілиясов ауылына кіре-беріс жолды күрделі жөндеуге, Қоғалыкөл-Шіркейлі жалғайтын 6 км жолға, Іңкәрдария ауылы бағытына қарай баратын жол мен А.Тоқмағамбетов ауылының кіре беріс жолын жөндеуге қаржы бөлініп, жұмыстары басталған.

Сырдария: Жол жөндеу жұмыстарына 888 млн теңге бөлінді

<a href="https://kyzylorda-news.kz/">Kyzylorda-news.kz</a>.&nbsp;Алматы облысы Қаратал ауданындағы А.С. Пушкин атындағы орта мектептің директоры Дархан Жұмахан карантин кезінде жөндеу жұмысы соңына дейін аяқталмаған кабинеттер мен еденді мектеп мұғалімдеріне жуғызып, кабинеттегі стендке ақша жинамақ болған. Мектеп мұғалімдері бұл жағдайға наразылық білдіріп, “ushtobeqz” ресми парақшасына жазған, деп хабарлайды <a href="https://stan.kz/">Stan.kz</a>.
Аты-жөнін атамауды өтінген қызметкер “Директор педагогтердің кәсіби міндетіне кірмейтін жұмыстарды істетіп, ақша жинады” дейді.
<blockquote>
 “Дархан Жұмаханұлы карантин кезінде, мектептің күрделі жұмысы бітпегеніне қарамастан мұғалімдерді мектептің дәліздері мен кабинеттерін жуып-шаюға шақырды. Ол мектепке мұғалімдерге кіруге рұқсат жоқ. Себебі мектеп күрделі жөндеуден кейін арнайы комиссиямен қабылдап алынған жоқ. Сонымен қатар мектептің барлық стендтеріне ақша бөлінді деп жиналыста айтқан болатын, бірақ мұғалімдер мен дене шынықтыру пәні мұғалімдерінен стендке деп ақша жинап алды. Мұғалімдер бар шындықты айтуға қорқады. Өйткені жұмысынан айырылып қаламынба деп ойлайды. Бұл директор ешқандай педагогикалық мәдениетті білмейді. Мұғалімдермен қарым-қатынас дұрыс орната алмайды. Жұмысқа дипломы жоқ мұғалімдерді қабылдады. Өзі жұмысқа қабылдаған дене шынықтыру пәнінің мұғалімдері жарты жылдан астам жұмысқа келген жоқ. Бұл директордың заңсыз әрекеттері көп”,- деді педагог.
</blockquote>
Алматы облысының білім саласында сапаны қамтамасыз ету департаменті бұл іске қатысты түсіндірме берді.&nbsp;
<blockquote>
 “Ағымдағы жылдың 23 тамызында Алматы облысының білім саласында сапаны қамтамасыз ету Департаментінде Қазақстан Республикасының “Педагог мәртебесі туралы” Заңы талаптарының педагогтерді кәсіптік міндеттерімен байланысты емес жұмыс түрлеріне тарту жағынан бұзылу фактісі қаралды. Қаралу нәтижесі бойынша Қаратал ауданы Пушкин атындағы орта мектебінің басшысы Жұмаханұлы Дархан Қазақстан Республикасы “Әкімшілік құқықбұзушылық туралы” Кодексінің 409-бабының 7-3 бөлігі 1-тармағы бойынша әкімшілік құқықбұзушылық жасағаны үшін кінәлі деп танылды”, – деді департаменттің баспасөз қызметі.
</blockquote>
Мектеп басшысының тек “сөгіспен” ғана құтылып кеткеніне мұғалімдер наразы екенін айтты.&nbsp;&nbsp;
<blockquote>
 “Директорға бар болғаны сөгіс берген. Неге мұндай істі жауапты органдар дұрыстап тексермейді?! Ол кісінің заң бұзушылық әрекеттері жетіп артылады. Біздегі әрбір педагог аты-жөнімізді ашып айтуға қорқамыз, ертең жұмысымыздан айырылып қалсақ, бала-шағамызды кім асырайды?! Онсызда осы шудан кейін директор мектепке келіп, өкпесін айтып ренжіді. Біздегі білім басқармасынан бір-екі адам келді де, бәрін жылы жауып қоя салды. Біз әділеттіліктің орнайтынына сенбейтін болдық”,- деді наразы мұғалімдердің атынан сөйлеп тұрмын деген ұстаз.
</blockquote>
<img src="https://kyzylorda-news.kz/wp-content/uploads/2021/08/news_full1629977964694d055b63ca4f4056725f0fd97867e5.jpg" alt="" />

Директор мұғалімдерден ақша жинап, еден жуғызған

<a href="https://kyzylorda-news.kz/">Kyzylorda-news.kz</a>. Арал ауданында субсидияға өтінім тапсыру бойынша түсіндірме жұмыстары жүргізілді
Бүгін Арал ауданына облыстық ауыл шаруашылығы басқармасының мал шаруашылығын дамыту бөлімінің басшысы Арыстан Омаров арнайы жұмыс сапарымен барды.
Сапар аясында ауыл шаруашылығы малдарының мал азығына жұмсалған шығындарына өтелетін субсидияға өтінім тапсыру бойынша ауданның ауыл шаруашылығы құрылымдарына түсіндіру жұмыстарын жүргізу мақсатында жиын өткізді.
Жиын барысында ірі малдардың аналық саны 30 бастан және қой малының аналығы 200 бастан кем болмауы және де мүйізді ірі қараның аналығының 1 басына 15 мың теңге, жылқы, түйе малдарының аналығының 1 басына 10 мың теңге, қой малының аналық 1 басына 2,5 мың теңге төленетініне тоқталды.
Бұдан бөлек Арал аудандық ауыл шаруашылығы бөлімінде шаруалардың есебінде тұрған мал бастарын ақпараттық жүйеге тіркеу бойынша практикалық оқыту жұмыстары ұйымдастырылды.

Аралда субсидияға өтінім тапсыру бойынша түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz</a>. Қызылордада жаңа оқу жылы қарсаңында мектеп аумағындағы жол белгілері қайта қалыпқа келтірілді.
Жаңа оқу жылының қарсанында Қызылорда қаласы көлеміндегі барлық білім беру ұйымдарының айналасында жол қозғалысы қауіпсіздігін қамтамасыз ету және жаяу жүргіншілердің қатысуымен, оның ішінде, жас өспірімдердің қатысуымен орын алатын жол-көлік оқиғаларының алдын алу мақсатында Қызылорда ОПД Әкімшілік полиция басқармасының жол-техникалық инспекция бөлімінің қызметкерлері жол қозғалысын реттеудің техникалық құралдарына тексеру жұмыстарын жүргізді.
Нәтижесінде, анықталған кемшіліктер бойынша жолданған нұсқама негізінде, қала аумағында орналасқан 54 мектептің аумағында 38 дана жол белгілері қайта қалпына келтіріліп, 450 шаршы метр жаяу жүргіншілер өтпесінің таңбалары жаңартылып және 4 мектеп алдарында орнатылған көліктердің жылдамдығын мәжбүрлеп азайтуға арналған жасанды тегіс-еместік қондырғылары қайта қалпына келтірілді.
Сонымен қатар мектептер аумағына оқушы-балалардың назарын аудару үшін «мультфильм кейіпкерлерімен» бейнеленген «Жолда абай болыңыздар!» мәтінімен ақпараттық стендтер орнатылып, ата-аналарға балаларыңызда жарық шағылыстыратын элементтердің бар болуын қамтамасыз ету мәтінінде брошюралар таратылды.

Қызылордада мектеп жанындағы жол белгілері қайта қалыпқа келтірілді

<a href="https://kyzylorda-news.kz/">Kyzylorda-news.kz</a>.&nbsp;Дүниежүзілік денсаулық сақтау ұйымының басшысы осындай ескерту жасады, деп хабарлайды <a href="https://24.kz/kz/zha-aly-tar/lemde/item/494826-lemdi-koronavirusty-k-zgi-tol-yny-k-tip-t-r-dds">«Хабар 24»</a>.
Оның айтуынша, алдағы айларда жер бетіндегі вирус жұқтыру көрсеткіші одан сайын арта түседі. Оған коронавирустың жаңа түрлері түрткі болады. Жалпы күз мезгілі індеттің ең қиын кезеңі болуы мүмкін дейді ұйым басшысы. Осыған байланысты Тедрос Гебрейесус әлем халқын вакцина алып, сақтық шараларын сақтауға шақырды.

ДДСҰ: Әлемді коронавирустың күзгі толқыны күтіп тұр

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысы Полиция департаментінің Шиелі аудандық полиция бөлімінің&nbsp; патрульдік полиция тобының қызметкерлері мұқтаж жандарға қан тапсырды.
Барлық донорлар медициналық тексеруден өтті. Қарсы көрсетілімдер болмаған соң қан тапсыруға кірісті. Әр донордан 450 мл қан алынды. Процедураның өзі дайындықпен бірге 20 минуттан аспады.
<blockquote>
 «Бір донор-бір өмір» деп бекер айтылмаған және біздің іс-әрекеттеріміз біреудің анасы мен әкесінің, баласы мен ағасының өмірін сақтап қалуға көмектеседі деп үміттенеміз. Бұл қайырымдылық акция азаматтарға көмек беру ретінде жүргізілуде», – деді полиция капитаны Нұрбол Үсенбеков.
</blockquote>
Мұндай акция полиция қызметкерлері үшін дәстүрлі болып табылады және ерікті түрде өткізіледі.
<img src="https://kyzylorda-news.kz/wp-content/uploads/2021/08/img-20210826-wa0019.jpg" alt="" />
<img src="https://kyzylorda-news.kz/wp-content/uploads/2021/08/img-20210826-wa0015.jpg" alt="" />

Қызылордалық полицейлер мұқтаж  жандарға қан тапсырды

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университетінде «Рухани жаңғыру» бағдарламасының жұмыстары таныстырылды.
Бүгін ҚР Ақпарат және қоғамдық даму министрлігі, «Рухани жаңғыру» қазақстандық қоғамдық даму институты» КеАҚ «Рухани жаңғыру» орталығының басшысы Жанар Боқанова Сыр еліндегі жұмыс сапары барысында Қорқыт ата атындағы Қызылорда университетіндегі «Рухани жаңғыру» бағдарламасының жүзеге асырылу жұмыстарымен танысты.&nbsp;
Шарада «Рухани жаңғыру» бағдарламасы аясында жүзеге асырылған ғылыми жобалар мен арнайы шығарылған монографиялар, «Археология және этнография ғылыми зерттеу орталығы» іске асырған жобалардың көрме залы, «Қазақ тіліндегі 100 жаңа оқулық» жобасы аясында шығарылған кітаптар көрмесі, «Дидар» халықтық этно-фольк ансамблінің жаңа туындылары таныстырылды. Сонымен қатар,&nbsp; «Business start» жастар кәсіпкерлік орталығының жұмысы, қолөнер шеберлерінің туындылары мен «Робототехника»&nbsp; саласындағы соңғы құрылғылар көрсетілді.&nbsp;
Шара барысында жас спортшылармен кездесу, белсенді студенттермен сұқбат ұйымдастырылды.
<img src="https://kyzylorda-news.kz/wp-content/uploads/2021/08/3-20.jpg" alt="" />
<img src="https://kyzylorda-news.kz/wp-content/uploads/2021/08/2-20.jpg" alt="" />

Қазақстан және Қызылорда облысының жаңалықтары: Қоғам