<a href="https://kyzylorda-news.kz/">Kyzylorda-news.kz</a>. Республикалық басым бөлігінде антициклон әсерінен күн ашық болады, деп хабарлайды Қазгидромет.
Тек солтүстікте, шығыста және оңтүстік-шығыста атмосфералық ауа ағындарының өтуімен найзағай ойнап, жаңбыр жауады, оңтүстік-шығыста таулы аудандарда нөсер жаңбыржаууы ықтимал.
Республика бойынша кей жерлерде тұман, бұршақ, желдің күшеюі, оңтүстік-шығыста шаңды дауыл тұрады.
Алматы облысының кей жерлерінде бұршақ түсуі мүмкін, найзағай жарқылдап, желдің жылдамдығы 25 м/с жетеді.
Жамбыл облысының кей жерлерінде найзағай, бұршақ күтіледі, жел 15-20 м/с шаңды дауылмен күшейеді.
Солтүстік Қазақстан облысының кей жерлерінде найзағай, бұршақ, тұман түседі.
Қарағанды облысында жел 15-20 м/с күшейеді, түнде және таңертең кей жерлерде тұман болады.
Шығыс Қазақстан, күндіз Ақмола облыстарының кей жерлерінде найзағай жарқылдайды.
Түркістан облысының кей жерлерінде жел 15-20 м/с күшейеді.
Күндіз Атырау облысының кей жерлерінде өте қатты ыстық сақталады, Маңғыстау, Батыс Қазақстан облыстарының басым бөлігінде, Қостанай, Ақтөбе облыстарының кей жерлерінде аптап ыстық болады.
Қызылорда, Түркістан, Маңғыстау, Атырау, Жамбыл, Ақтөбе, Батыс Қазақстан, Алматы облыстарының басым бөлігінде, Қарағанды облысының кей жерлерінде, Қостанай, Шығыс Қазақстан облыстарының оңтүстігінде, Ақмола облысының жекелеген аудандарында өрт қаупі сақталады.

16 тамызға арналған ауа райы

*<a href="https://kyzylorda-news.kz/">Kyzylorda-news.kz</a>.&nbsp; Бүгінгі күнге дейін Арал ауданына басқа аудандардан 12 513 тонна шөп және 555,1 тонна жем жеткізілді.*
Оның 483,9 тоннасы Болат Өтемұратовтың қорының есебінен және 71,2 тоннасы облыстың аудандарымен және басқа облыстардан әкелінген өнімдер болатын. Алдағы уақытта да бұл шаралар жалғасын табатын болады.
Сондай-ақ, қайырымдылық көмек ретінде Шымкент, Жамбыл, Ақтөбе облысы Ырғыз ауданы, Сырдария, Жалағаш, Қармақшы, Қазалы аудандарынан және Қазақстан Мұсылмандары Діни басқармасы қолдау көрсетіп, әлеуметтік жағдайы төмен 2 369 отбасыға 859,8 тонна шөп тегін үлестірілді.
Биылғы жылдың 21 тамыз күнінен бастап облыстық ауыл шаруашылығы басқармасының ұйымдастыруымен әр аптаның сенбі күні Арал ауданында жем-шөп сатылымы жәрмеңкесі өткізіледі.
Облыс бойынша шөп жинау науқаны қарқынды жүргізілуде.

Аралға 12 513 тонна шөп жеткізілді

Kyzylorda-news.kz. Лионель Месси “Барселонамен” қоштасу баспасөз мәслихатында көз жасын сүрткен беторамал Mercado Libre сайтында сатылымға шықты, деп хабарлайды Tengrinews.kz.
Лоттың бастапқы құны – 1 миллион аргентиналық песо (10 298 АҚШ доллары). Сатушы орамалда спортшының көз жасы бар дейді. Бұл, сатушының пікірінше, болашақта оны клондауға мүмкіндік береді.
<img src="https://kyzylorda-news.kz/wp-content/uploads/2021/08/46f5836dc74abebfc364a10e45acdf22.png" alt="" />
Бұған дейін “Пари Сен-Жермен” аргентиналық шабуылшы Лионель Месси клубқа ауысқаннан кейін өзінің ресми сайтында оның тегі жазылған футболкаларға сатылым ашты. Бір сағатта 250 мың футболка сатылды.
Лионель Месси “Барселонада” 2000 жылдан бері өнер көрсетті, 2003 жылы негізгі құрамда ойнай бастады. Оның қанжығасында Испания чемпионатында 10 жеңіс, Испания Кубогы мен Суперкубоғында 7-ден, Чемпиондар Лигасында 4, Еуропа Суперкубогында 3 және клубтық Әлем чемпионатында 3 жеңіс бар. Биыл тамызда аргентиналық шабуылшы Лионель Месси ресми түрде Францияның “Пари Сен-Жермен” футбол клубына ауысты.

Месси жасын сүрткен беторамал 10 мың долларға сатылмақ

<a href="https://kyzylorda-news.kz/">Kyzylorda-news.kz</a>.&nbsp;Солтүстік Қазақстан облысының дәрігерлері соңғы кезде өңірде жүкті әйелдердің коронавирус жұқтыру көрсеткішінің өсуіне алаңдаулы.
Пандемия басталғалы бері облыста 517 әйел коронавирус жұқтырған.
Мамандардың айтуынша, жүкті әйелдерде сырқат ағымы ауыр өтеді. Кейде дәрігерлер жүктілікті үзуге мәжбүр болады.
Коронавирус салдарынан нәрестелер көп жағдайда уақытынан ерте дүниеге келеді. Сондықтан түрлі патологиямен туады. Кесарь тілігі жасалған 15 әйелдің 12-сінің баласы уақытынан ерте туды.
Қазір оның төртеуі жансақтау бөлімінде. Небәрі 700 грамм салмақпен дүниеге келген нәресте шетінеп кетті.
Жүкті әйелдерді дерттен сақтау үшін айналасындағылардың вакцина алуы маңызды.
<blockquote>
 “Жүкті әйелдер вакциналау тізіміне енбеген осал топтағы жандар. Олар коронавирустық инфекцияның алдында дәрменсіз. Жүкті әйелдің денсаулығын сақтау және сәбиінің денсаулығына нұқсан келтірмеу қоғамның санасына байланысты болып тұр. Жүктілер мен балаларды оларға инфекциясыз қауіпсіз орта қалыптастыру арқылы ғана қорғай аламыз”, – дейді Солтүстік Қазақстан облыстық денсаулық сақтау басқармасының басшысы Құмар Күсемісов.
</blockquote>
<a href="https://sputnik.kz/densauly/20210814/17862301/Uaytynan-erte-tuady-drgerler-COVID-t-zhkt-yelderge-ser-turaly-aytty.html">Sputnik.kz</a>

Дәрігерлер коронавирустың жүкті әйелдерге әсері туралы айтты

Kyzylorda-news.kz. Қазақстанда өткен тәулікте 6240 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 1719, Алматы қаласы – 827, Шымкент қаласы – 567, Ақмола облысы – 256, Ақтөбе облысы – 120, Алматы облысы – 149, Атырау облысы – 81, Шығыс Қазақстан облысы – 191, Батыс Қазақстан облысы – 35, Қарағанды облысы – 1179, Қостанай облысы – 81, Қызылорда облысы – 213, Маңғыстау облысы – 295, Павлодар облысы – 261, Солтүстік Қазақстан облысы – 76, Түркістан облысы – 190.
Қазақстан бойынша жазылғандар саны – 566613.

Қызылордада 213 адам дерттен айықты

Kyzylorda-news.kz. Қазақстанда өткен тәулікте 7427 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 950, Алматы қаласы – 1511, Шымкент қаласы – 572, Ақмола облысы – 280, Ақтөбе облысы – 440, Алматы облысы – 360, Атырау облысы – 552, Шығыс Қазақстан облысы – 150, Жамбыл облысы – 178, Батыс Қазақстан облысы – 147, Қарағанды облысы – 1098, Қостанай облысы – 274, Қызылорда облысы – 139, Маңғыстау облысы – 173, Павлодар облысы – 315, Солтүстік Қазақстан облысы – 170, Түркістан облысы – 118.
Жалпы ел бойынша ауырғандар саны 687259.

Қызылордада 139 адам коронавирус жұқтырды

Kyzylorda-news.kz. Қызылорда облысы әкімінің орынбасары Балжан Шаменова Саяхат мөлтек ауданындағы 348 орынға шақталған “Ұлағат білім ордасы” жеке мектебінің құрылыс алаңына барды.
“Nur Otan” партиясының жол картасы аясында бой көтеріп жатқан білім нысанының сапасына баса назар аударған облыс әкімінің орынбасары кемшіліктер орын алмас үшін білім басқармасының басшысына барлық талаптарға сай болуын қадағалауды тапсырды.
<blockquote>
 «Қоғамдық көлік схемасы оқушылар мен ата-аналары үшін тиімді болу керек. Себебі оқушылардың қауіпсіздігін назарға алуға тиіспіз. Сонымен бірге, жаңа оқу жылының қарсаңында уақытылы пайдалануға беруіміз қажет», — деді Балжан Мөрәліқызы.
</blockquote>
Еске сала кетейік, Саяхат мөлтек ауданының тұрғындары осыған дейін мектеп тапшылығының зардабын тартып келген болатын. Тұрғындар қажеттілігін қамтамасыз ету мақсатында мемлекеттік-жекеменшік әріптестік жүйесі негізінде заман талабына лайықталып салынып жатқан бұл мектеп жаңа оқу жылында пайдалануға беріледі деп жоспарлануда.

Балжан Шәменова: Оқушылардың қауіпсіздігін назарға алуға тиіспіз

Kyzylorda-news.kz. Қазақстанда қатаң шектеулер енгізіліп жатса да, той тыйылар емес. Тіпті жұлдыздардың қатысуымен де мерекелік шаралар жиі ұйымдастырылатын болған. Айыппұл салынса да оңай төлеп, еркін жүретіндер көп. Енді тұрғындар ондай кештің өтетінін алдын ала хабарласа, сыйақы берілуі мүмкін, деп хабарлайды&nbsp;<a href="https://stan.kz/">Stan.kz</a>.
Қуандық Рахым тойда өнер көрсеткен сәтін бірнеше уақыт өткен соң бөлісіп отырмын деп жариялайды. Ал сол тойдағы жас жұбайлар нақты датасын көрсетіп бөліскен. Алматының бас санитар дәрігерінің орынбасары Сәдуақас Байғабылов мониторингтік топтар заң бұзушылықты көбіне осылай анықтайтынын айтады. Енді жауаптылар денсаулық сақтау министрлігіне арнайы ұсыныс жолдамақ екен.
<blockquote>
 “Пандемия кезінде мерекелік шараларды ұйымдастыратындар азаймай тұр. Тіпті ондай жерлерде әншілердің де жүретінін көрдік. Оларға заң бойынша айыппұл салынып жатыр. Біз қазір той мен адам көп жиналатын шаралар туралы хабарлаған адамға сыйақы беру мәселесін де қарастырып жатырмыз”, – деді Алматы қаласы санитариялық-эпидемиологиялық бақылау департаменті басшысының орынбасары Садуақас Байғабылов.
</blockquote>
Карантин талаптарын сақтамағандар туралы хабарлаймын дейтіндер экранда көрсетілген нөмірлерге хабарласса болады. Сонымен қатар колл орталық та жұмыс істейді екен. Еліміздің кез келген тұрғыны жергілікті әкімдік сайтынан мониторингтік топтың нөмірін таба алады.
<blockquote>
 “Тұрғындар бізге хабарлап, қай жерде мерекелік іс- шаралар өтеді соны айтып отырса, біз жедел түрде мониторингтік топ сонда барады”, – деді Алматы қаласы мониторингтік топ мүшесі Ертай Әлімов.
</blockquote>
Бұл мәселе бойынша тұрғындардың пікірін білген едік. Азаматтардың ойы екіге бөлінді.Үкімет коронавирустың таралмауы үшін түрлі шаралар енгізіп, қатаң шектеулер қабылдап жатыр. Тіпті санитарлық талаптарды сақтауға шақыратын бейнероликтер де көптеп таратылуда. Жалпы үкімет бұл бағытта қолдан келгенше жұмыс жүргізіп-ақ жатыр.

Қазақстанда тойдың өтетінін алдын ала хабарлаған адамға сыйақы тағайындалмақ

Kyzylorda-news.kz. Спорт күні – Қазақстан Республикасының Тұңғыш Президенті Нұрсұлтан Назарбаевтың 2003 жылдың 15 қарашасындағы Жарлығына сәйкес тамыз айының үшінші жексенбісінде атап өтіледі.
Спорт саласы Қазақстанда кең қолдауға ие. Елде спорттың дамуына бұқаралық спорт қозғалысын кеңейтуге, спорттағы жетістіктерді ынталандыруға бағытталған саясат ықпал етуде.
Қазақстандық спортшылар соңғы онжылдықтарда халықаралық жарыстарда, Олимпиада ойындарында үздік нәтижелерді көрсетіп келеді. Мемлекеттің өзі беделді халықаралық жарыстарды өткізетін орынға айналуда.
Жақында ҚР Мемлекеттік хатшысы Қырымбек Көшербаев еліміздің спорт саласына кезек күттірмес реформаның қажеттігін алға тартты.
Былтыр елімізде Дене шынықтыру және бұқаралық спортты дамыту жөніндегі 2020-2025 жылға арналған кешенді жоспары әзірленді. Бұл жоспарда мүдделі мемлекеттік органдардың, жергілікті атқарушы органдардың ұсыныстары толық ескерілiп, ҚР Премьер-Министрімен бекітілді.
Кешенді жоспар 34 тармақ пен 5 негізгі бағыттан тұрады: нормативтік-құқықтық қамтамасыз ету, мектеп және студенттік спорт, спорт желілерін кеңейту, салауатты өмір салтын насихаттау және кеңінен тарату, спорттық-бұқаралық іс-шаралары.
Жақында Премьер-Министрдің орынбасары Е. Тоғжанов елімізде бұқаралық және балалар спортын дамытудың қазіргі проблемалары мен перспективалары жөнінде арнайы кеңес өткізді.
Биыл халықтың спортпен шұғылдануын кемінде 35% нәтижеге жеткізе отырып (бүгінгі күні – 31,6%), нысаналы көрсеткіштерді қайта қарау тапсырылды. Ол үшін әкімдіктерге мемлекеттік спорттық тапсырыс көлемін ұлғайту, қосымша балалар, жасөспірімдер клубтарын, балалар-жеткіншектер спорт клубтарын ашу, мектеп және студенттер спорт лигаларының жұмысын қайта бастау есебінен балаларға арналған тегін спорт секцияларын кеңейту жүктелді. Сондай-ақ Қостанай, Атырау және Маңғыстау облыстарында спорт мектеп-интернаттарының болмауына байланысты осы өңірлердің әкімдіктеріне олардың құрылысын бастау мәселесін шешу тапсырылды.
Спорт нысандарының толық жүктелуіне ерекше назар аудару мәселесіне екпін қойылды.
<a href="https://www.inform.kz/kz/bugin-kazakstanda-sport-kuni_a3824008">ҚазАқпарат</a>

Бүгін Қазақстанда &#8211; спорт күні

Kyzylorda-news.kz. 15 тамызда республиканың басым бөлігінде антициклонның әсерінен күн ашық болады, тек шығысында және оңтүстік-шығысында ауа ағындарының өтуіне байланысты жаңбыр жауады, деп хабарлайды Қазгидромет.
Сондай-ақ жексенбіде кей жерлерде тұман түсіп, жел күшейеді, оңтүстікте шаңды дауыл, оңтүстік-шығыста бұршақ жауады.
Алматы облысының кей жерлерінде найзағай, бұршақ күтіледі, жел 18-23 м/с күшейеді.
Жамбыл облысының кей жерлерінде найзағай жарқылдайды, бұршақ жаууы мүмкін, желдің жылдамдығы 15-20 м/с жетеді.
Шығыс Қазақстан облысының кей жерлерінде найзағай, жел 15-20 м/с күшейеді.
Қарағанды, Солтүстік Қазақстан, Павлодар облыстарының кей жерлерінде түнде және таңертең тұман түсуі ықтимал, Қарағанды облысының кей жерлерінде жел 15-20 м/с күшейеді.
Түркістан, Қызылорда, күндіз Батыс Қазақстан облыстарының кей жерлерінде жел 15-20 м/с күшейеді, Қызылорда облысының кей жерлерінде шаңды дауыл соғады.
Күндіз Атырау облысының кей жерлерінде қатты ыстық күтіледі, Маңғыстау, Батыс Қазақстан облыстарының кей жерлерінде аптап ыстық сақталады.
Қызылорда, Түркістан, Маңғыстау, Атырау, Жамбыл, Ақтөбе, Батыс Қазақстан, Алматы облыстарының басым бөлігінде, Қарағанды облысының кей жерлерінде, Қостанай, Шығыс Қазақстан облыстарының оңтүстігінде, Ақмола облысының жекелеген аудандарында өрт қаупі сақталады.

15 тамызда күн ашық болады

*<a href="https://kyzylorda-news.kz/">Kyzylorda-news.kz</a>.&nbsp; Бүгін аймақ басшысы Гүлшара Әбдіқалықова генерал Хон Бом Доның сүйегін Корей тарапына табыстау рәсімінен кейін облыстық мекемелер үйінде Корея Республикасы делегациясы өкілдерімен кездесті.*
Кездесуде қос тарап өзара байланысты дамытуға бағытталған маңызды мәселелерді талқыға салды. Облыс әкімі Корея делегациясының сапары екі ел арасындағы достық қарым-қатынастардың айқын көрсеткіші екенін айтып, табысты және жемісті жобалар жүзеге асырылатынына сенім білдірді.
<blockquote>
 “Қасиетті Сыр еліне қош келдіңіздер! Бүгінгі кездесу – Мемлекет басшысы Қасым-Жомарт Кемелұлының 2021 жылғы 17 тамыздағы Корея Республикасына мемлекеттік сапарымен тікелей байланысты. Президенттің мемлекеттік сапары аясында генерал Хон Бом Доның сүйегін табыстау рәсімін өтетін болады. Бұл сапар екі ел арасындағы экономикалық, мәдени-гуманитарлық, туристік байланыстарды одан әрі нығайтуға оң ықпал жасайды деп сенеміз. Сондай-ақ, Қазақстан Республикасы Тәуелсіздігінің 30 жылдығын мерекелеу қарсаңында тарихи сипатқа ие болады”, – деді Гүлшара Әбдіқалықова.
</blockquote>
Қазақстан мен Корея Республикасы 1992 жылдан бастап дипломатиялық қарым-қатынаста. Жүргізілген талдау нәтижелері Корей елінен негізінен автокөліктер, медициналық құрал-жабдықтар, косметикалық тауарлар импортталатынын байқатты.
Президент Қасым-Жомарт Кемелұлы Тоқаевтың мемлекеттік сапары аясында ынтымақтастық бағытында бірқатар бірлескен жобалар жүзеге асырылу жоспарлануда. Оның ішінде Қызылорда облысының әкімдігі тарапынан Сыр елінің бренді саналатын күріш дақылын суды үнемдеп өсіру үшін ақылды технологиялар, тамшылатып суару технологияларын қолдану, білім, денсаулық сақтау салаларындағы өзара іс-қимылды кеңейту, туризм саласын дамыту және инвестициялық жобаларды жүзеге асыру бағытында ұсыныстар айтылды.
Аймақ басшысы Қызылорда облысының әкімдігі инвесторларға мемлекеттік қолдау шараларын көрсетуге дайын екенін жеткізіп, алдағы уақытта екі жақты тиімді байланыс орнатуға мүдделі екенін тілге тиек етті.
Корея Республикасының патриоттар және ардагерлер жөніндегі министрі Хван Ги Чхоль екіжақты ынтымақтастықты орнатуда Корея мемлекеті тарапынан қолдау көрсетілетінін айтып, кездесу үшін алғысын білдірді.
<img src="https://kyzylorda-news.kz/wp-content/uploads/2021/08/fb_img_1628950246979.jpg" alt="" />

Гүлшара Әбдіқалықова Корея Республикасының делегация өкілдерімен кездесті

*<a href="https://kyzylorda-news.kz/">Kyzylorda-news.kz</a>.&nbsp; Бүгін Корея Республикасы ресми делегациясы жұмыс сапарымен Сыр еліне келді.*
Корея Республикасының патриоттар және ардагерлер жөніндегі министрі Хван Ги Чхоль бастаған делегацияны облыс әкімі Гүлшара Әбдіқалықова, облыс әкімінің орынбасары Серік Ахмет, Қызылорда қаласы әкімінің міндетін атқарушысы Бектас Нуридинов және Қызылорда облысының кәріс этномәдени бірлестігінің жетекшісі Елена Ким күтіп алды.
Шетелдік делегация құрамында Корея Республикасының патриоттар және ардагерлер жөніндегі министрі Хван Ги Чхоль, Корея Республикасының Қазақстан Республикасындағы Төтенше және Өкілетті Елшісі Ку Хонг Сок, «Генерал Хон Бом До мемориалы» қорының Төрағасы У Вон Шик, актёр Чо Вон Джун және басқа да сала қызметкерлері бар.
Жұмыс сапардың басты мақсаты өткен ғасырдың басында жапон басқыншыларына қарсы корей партизандық қозғалысының батыры болған, генерал Хон Бом Доның сүйегін туған жеріне алып кету және екі ел арасындағы ынтымақтастықты дамыту бағытында бірлескен жобаларды талқылау.
Күтіп алу салтанатты шарасынан кейін шетелдік қонақтармен мен облыс басшылығы «Хон Бом До» мемориалдық кешеніне жол жүрді. Мемориалдық кешенде генерал Хон Бом Доның сүйегін Корей тарапына табыстау рәсімі өтті. Одан кейін Хон Бом До атындағы қордың төрағасы У Вон-шик генералдың өмірбаянын, өткен жолын елге жеткізді.
Хон Бом До 1868 жылы кедей шаруа отбасында дүниеге келген. Корей патриоты, жапон басқыншыларына қарсы қарулы күрестің бастаушыларының бірі. 1907 жылы Капсана ауданында аңшылардан партизандар отрядын құрды. 1918-1922 жылдары өткен Кеңес Қиыр Шығыстағы Азамат соғысына қатысты. 1919 жылдан бастап Маньчжурияда жапон колонизаторларына қарсы әрекет еткен «Тәуелсіздік армиясының» көрнекті ұйымдастырушысы болды. Азаматтық соғыс аяқталғаннан кейін Хон Бом До Кеңес Одағы аумағында өмір сүріп, 1937 жылы Қызылорда қаласына күштеп жер аударылды. Өмірінің соңғы жылдары Хон Бом До Қызылордадағы корей театрында күзетші болып жұмыс істеді. Генерал Хон Бом До 1943 жылы 25 қазанда Қызылорда қаласында 75 жасында қайтыс болды.
Шарада облыс әкімі Гүлшара Әбдіқалықова ұлт азаттық көтерілісінің батыры, генерал Хон Бом Доның сүйегін туған жеріне қайтару екі ел арасындағы татулықты одан әрі нығайта түсетінін айтты.
<blockquote>
 “Биыл ел Тәуелсіздігіне мерейлі 30 жылдығында Сыр елінде көптеген игі шаралар атқарылуда. Мемлекетаралық деңгейдегі шаралар да көрініс табуда. Осы ретте, біздің республикамыздың тәуелсіздігін алғашқы болып мойындаған елдердің бірі – Корей мемлекетімен достық байланыс нық орнығып, ұлттық мүдде тоғысқан ізгі істер қолға алынғаны белгілі. Ел Президенті Қасым-Жомарт Кемелұлы Тоқаев Корея Президенті Мун Чже Иннің Қызылордада жерленген генерал Хон Бом Доның сүйегін тарихи отанына қайтару туралы сауалына қатысты оң шешім қабылдады. Ел басына күн туғанда қазақ халқы корейлерді құшақ жая қарсы алып, бауырына тартып, қол ұшын берді. Соның арқасында Қазақстанға жер аударылған корейлер аман қалып, бүгінгі күні тәуелсіз елімізді дамытуға зор үлес қосуда. Қазақ халқында «Достықта шекара жоқ» деген жақсы сөз бар. Қазақстан және Корей мемлекеттерінің арасындағы ынтымақ пен достық қарым-қатынастың мықтылығы да осындай ұлы тұлғаларымен байланысты болмақ”, – деді аймақ басшысы.
</blockquote>
Мұнан кейін сөз Корея Республикасының патриоттар мен ардагерлер жөніндегі министрі Хван Ги Чхольге берілді.
Министр генерал Хон Бом Доның ерлігіне тоқталып, қазақ еліне көрсетілген құрмет үшін алғысын жеткізді. Сонымен қатар, «Қазақстан кәрістері Ассоциациясы» қоғамдық бірлестігінің жетекшісі Сергей Огайға, Қызылорда облысының Корей этно-мәдени бірлестігінің төрайымы Елена Кимге Алғыс хат табыстады.
Жергілікті корей халқының рәсімі бойынша еске алу шарасынан кейін Хон Бом Дон қабіріндегі сүйек қалдықтарын Қазақстандық құрмет қарауылының қатысуымен ресми шығарып салу рәсімі өтті.
Ертең Корея делегациясын Хон Бом Дон қабіріндегі сүйек қалдықтарымен туған жеріне ресми шығарып салу салтанатты шарасы өтеді деп жоспарлануда.
<img src="https://kyzylorda-news.kz/wp-content/uploads/2021/08/fb_img_1628949178272.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628949160809.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628949170955.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628949181177.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628949273272.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628949268338.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628949281171.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628949288993.jpg" alt="" />

Қазақстан және Қызылорда облысының жаңалықтары: Қоғам

16 тамызға арналған ауа райы

Аралға 12 513 тонна шөп жеткізілді

Месси жасын сүрткен беторамал 10 мың долларға сатылмақ

Дәрігерлер коронавирустың жүкті әйелдерге әсері туралы айтты

Қызылордада 213 адам дерттен айықты

Қызылордада 139 адам коронавирус жұқтырды

Балжан Шәменова: Оқушылардың қауіпсіздігін назарға алуға тиіспіз

Қазақстанда тойдың өтетінін алдын ала хабарлаған адамға сыйақы тағайындалмақ

Бүгін Қазақстанда – спорт күні

15 тамызда күн ашық болады

Гүлшара Әбдіқалықова Корея Республикасының делегация өкілдерімен кездесті

Хон Бом Доның сүйегі корей елінің өкілдеріне табысталды

Қазақстан және Қызылорда облысының жаңалықтары: Қоғам

16 тамызға арналған ауа райы

Аралға 12 513 тонна шөп жеткізілді

Месси жасын сүрткен беторамал 10 мың долларға сатылмақ

Дәрігерлер коронавирустың жүкті әйелдерге әсері туралы айтты

Қызылордада 213 адам дерттен айықты

Қызылордада 139 адам коронавирус жұқтырды

Балжан Шәменова: Оқушылардың қауіпсіздігін назарға алуға тиіспіз

Қазақстанда тойдың өтетінін алдын ала хабарлаған адамға сыйақы тағайындалмақ

Бүгін Қазақстанда &#8211; спорт күні

15 тамызда күн ашық болады

Гүлшара Әбдіқалықова Корея Республикасының делегация өкілдерімен кездесті

Хон Бом Доның сүйегі корей елінің өкілдеріне табысталды

Бүгін Қазақстанда – спорт күні