<a href="https://kyzylorda-news.kz/">Kyzylorda-news.kz</a>.&nbsp;Биыл Семей ядролық полигонының жабылғанына 30 жыл. Осыған орай Қызылорда облыстық бюджеттен Семей ядролық сынақ полигонының зардабын жоюға қатысқан азаматтарға жыл сайын 30 айлық есептік көрсеткіш мөлшерінде біржолғы әлеуметтік көмек төленіп келеді. Бұл туралы бүгін Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Әбдукаримов мәлімдеді.
Биылғы жылдың тамыз айында Қызылорда облысы бойынша жергілікті бюджеттен 30 АЕК мөлшерінде (1 адамға – 87 510 теңге) барлығы 464 адамға 40 604,6 мың. теңге біржолғы әлеуметтік көмек төленді. Сонымен қатар, осы жылы 29 тамызда Семей ядролық полигонының жабылғанына 30 жыл толуына орай, аталған санаттағы азаматтарға облыстық бюджет есебінен қосымша 40 АЕК (116680 теңге) мөлшерінде біржолғы әлеуметтік көмек көрсету жоспарланған.
Айта кетейік, «Азаматтарға арналған үкімет» мемлекеттік корпорациясы» АҚ-ның Қызылорда облысы бойынша филиалы ұсынған тізімге сәйкес көмек алушылар саны 479 адамды, тиісінше қажетті қаржы көлемі 55890,0 мың теңгені құрады.

Қызылорда: Ядролық сынақтан зардап шеккендерге көмек көрсетілді

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында балалар арасында коронавирус инфекциясы деңдеп барады. Қазіргі таңда облыстық балалар ауруханасында 46 бала ем алып жатса, оның ішінде 1 жасқа толмаған 13 сәби індетпен күресуде. Ал 3 жасөспірім жан сақтау бөлімінде жатыр. Бұл туралы Өңірлік коммуникациялар қызметінде өткен баспасөз конференциясында көп бейінді облыстық балалар ауруханасының онкогематолог дәрігері Жанна Жандарбекова мәлімдеді.
<blockquote>
 «Коронавирусқа шалдыққан балалар саны күн санап көбейіп келеді. Облыстық балалар ауруханасына сәуір айынан бастап 158 бала келіп түсті. Бүгінгі күні толық емделіп шыққан балалар саны – 82. Осы орайда ата-аналарға айтарым, балаларыңызды барынша санитарлық талаптарды сақтауға шақырыңыздар. Індет жас талғамайды. Сондықтан балалармен көпшілікке жерге баруды азайтып, иммундық жүйені жақсартатын пайдалы тағамдарды көп тұтынған абзал», – деді сала маманы Жанна Исатайқызы.
</blockquote>

Covid-19: Қызылордада балалар арасында індет өршіп барады

<a href="https://kyzylorda-news.kz/">Kyzylorda-news.kz</a>.&nbsp;Биыл Қызылорда облысының әкімі мектеп бітіруші түлектердің жоғары оқу орнынан білім алуы үшін 100 грант тағайындады. Қызылорда қаласы мен аудандарда құрылған арнайы комиссия өтініш берген 138 үміткердің құжаттарын қарап, нәтижесінде барлығы 98 грант иегері анықталды. Бұл туралы бүгін Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Әбдукаримов мәлімдеді.
Әкімдік жанынан құрылған арнайы комиссияның шешімімен облыс әкімінің гранты еліміздегі үздік 4 жоғарғы оқу орнына бөлінді. Қорқыт ата атындағы Қызылорда университетіне – 67, «Нұр-Мүбарак» университетіне – 6, М.Оспанов атындағы Батыс Қазақстан мемлекеттік медицина университетіне – 11, С.Ж. Асфендияров атындағы Қазақ Ұлттық медицина университетіне – 16 түлек тегін білім алуына мүмкіндік алды. Әкім грантын иеленгендердің 57-і көп балалы отбасынан, 18-і тұрмысы төмен отбасынан, 11-і асыраушысынан айырылған отбасынан, 9-ы ата-анасының біреуі мүгедек, 1-і «Атамекен» балалар үйінің тәрбиеленушісі, 2-і мүгедек бала.
Сонымен қатар, тағайындалған гранттар бойынша білім беру саласының математика, орыс тілі мен әдебиеті, қазақ тілі мен әдебиеті, шет тілі, биология, денешынықтыру және спорт, бастауышта оқыту педагогикасы мен әдістемесі мамандықтарына – 38 грант, өнер саласы бойынша дәстүрлі музыка өнері, хореография мамандығына – 7 грант, ақпараттық қауіпсіздік жүйесіне – 2 грант, азық түлік өнімдерін өндіру технологиясына – 1 грант, инженерлік желілер мен жүйелерге – 5 грант, су ресурстары және суды пайдалануға – 1 грант, кадастр және жерге орналастыруға – 1 грант; журналистика және репортер ісіне – 10 грант, дінтанушы мамандығына – 6 грант, медицина саласы бойынша жалпы медицинаға – 27 грант тағайындалды.

Қызылорда облысы әкімінің 98 грант иегері анықталды

<a href="https://kyzylorda-news.kz/">Kyzylorda-news.kz</a>. 2021-2022 оқу жылында білім беру ұйымдарында коронавирустық инфекцияның алдын алу жөніндегі санитариялық-эпидемияға қарсы және санитариялық-профилактикалық іс-шараларды жүргізу туралы Қызылорда облысының бас мемлекеттік санитариялық дәрігері Динара Жанабергенованың қаулысы жарияланды
«Халық денсаулығы және денсаулық сақтау жүйесі туралы» 2020 жылғы 7 шілдедегі Қазақстан Республикасы Кодексінің 104-бабының 2-тармағына сәйкес барлық меншік нысанындағы және ведомстволық бағыныстағы білім беру ұйымдарында білім алушылар арасында COVID-19 коронавирустық инфекциясының (бұдан әрі – COVID-19) таралуының алдын алу мақсатында ҚАУЛЫ ЕТЕМІН:
1. 2021-2022 оқу жылында барлық меншік нысанындағы және ведомстволық бағыныстағы білім беру ұйымдарында штаттық форматта оқуға рұқсат етілсін.
2. Барлық деңгейдегі&nbsp;әкімдіктерге, Қызылорда облысының білім басқармасына, барлық меншік нысанындағы және ведомстволық бағыныстағы білім беру ұйымдарының басшыларына:
1) 2021-2022 оқу жылында штаттық форматта барлық меншік нысанындағы және ведомстволық бағыныстағы білім беру ұйымдарында мынадай:
– Қазақстан Республикасының Бас мемлекеттік санитариялық дәрігерінің 25.08.2021ж. «2021-2022 оқу жылында білім беру ұйымдарында коронавирустық инфекцияның алдын алу жөніндегі санитариялық-эпидемияға қарсы және санитариялық-профилактикалық іс-шараларды жүргізу туралы» №36 қаулысының&nbsp; 1, 2 және 3-қосымшаларының талаптарында көзделген санитариялық-эпидемияға қарсы іс-шараларды сақтауды;
– педагогтар мен персоналдың 100% вакцинациялануы (тұрақты медициналық қарсы көрсетілімдері бар адамдарды, COVID-19 ауырып сауыққан адамдарды сауыққаннан кейін 3 ай ішінде қоспағанда);
– ұйымға кіру кезінде «Ashyq» қосымшасын енгізу (педагогтарды, персоналды, ата-аналарды (заңды өкілдерді), 18 және одан жоғары жастағы білім алатын келушілерді QR-код (check-in) бойынша тіркеу);
– маска режимін сақтау;
– рециркуляторлардың, санитайзерлердің, тері антисептиктерінің, дезинфекциялау және жуу құралдарының жеткілікті санымен қамтамасыз ету;
– үй-жайларды жинау және дезинфекциялау жиілігін арттыру;
– үй-жайларды ылғалды жинау және дезинфекциялау, үй-жайлардың ауасын желдету және зарарсыздандыру режиміне қойылатын талаптарды сақтау;
– педагогтардың, персоналдың және білім алушылардың күнделікті «кіру» сүзгісі (байланыссыз термометрмен термометрия);
– бұқаралық іс-шараларды өткізуге тыйым салу (мәдени, тәрбие, сыныптан тыс және ата-аналар жиналыстары және т. б.);
– мектепке дейінгі және орта білім беру ұйымдарында топтар мен сыныптарды біріктіре отырып іс-шаралар өткізуге тыйым салу;
– зертханалық, практикалық сабақтарды қоспағанда, кабинеттік оқыту жүйесін болдырмау;
– бастауыш, орта және жоғары сынып оқушыларын бөлек ұстау (сабақтың басталу уақыты бойынша ең жоғары мүмкіндікті ескере отырып) жағдайларында оқытуды;
2) асханадағы ауа рециркуляторларының қондырғыларын қамтамасыз ете отырып, тамақтануды ұйымдастыруды бақылауды күшейтуді;
3) бөгде адамдардың кіруіне тыйым сала отырып, COVID-19-ға қарсы вакцинация алған (18 жасқа толмаған, сондай-ақ тұрақты медициналық қарсы көрсетілімдері бар және соңғы 3 ай ішінде COVID-19 ауырып сауыққан студенттерді жатақханаға орналастыруға жол беріледі) студенттерді жатақханаға орналастыруды;
4) оқу орны бойынша аумақтық медициналық ұйымдардың егу пункттерінде (жылжымалы егу пункттерін немесе көшпелі егу бригадаларын қоса алғанда) COVID-19-ға қарсы вакцинациялаудың толық курсын (екінші компонентпен) аяқтамаған студенттерге вакцинация жүргізуді ұйымдастыруды;
5) шетелдік студенттерді:
– тұрғылықты елдің уәкілетті органымен расталған COVID-19-ға қарсы вакцинациялаудың толық курсы;
– Қазақстан Республикасының Мемлекеттік шекарасынан өткеннен кейін 3 тәуліктен кешіктірмей ПТР әдісімен алынған COVID-19-ға тестілеудің теріс нәтиже бар болған жағдайда күндізгі оқу форматына жіберуді;
6) (қол қойылған хабардар етілген келісімі болған кезде рұқсат етілетін, тұрақты медициналық қарсы көрсетілімдері бар адамдарды, COVID-19-мен ауырып сауыққан адамдарды сауыққаннан кейін 3 ай ішінде қоспағанда) медициналық колледждер мен жоғары оқу орындарының білім алушыларына клиникалық базаларға, резидентура базаларына, денсаулық сақтау саласындағы білім беру ұйымдарының клиникаларына вакцинациялау паспортымен расталған COVID-19-ға қарсы вакцинациялаудың толық курсы бар болған кезде &nbsp;кіруіне рұқсат етуді;
7) педагогтарға, персоналға, ата-аналарға (заңды өкілдерге), келушілерге, студенттерге мектепке дейінгі және орта білім беру ұйымдарына, колледждерге, интернаттар мен жатақханаларды, асханалар мен буфеттерді қоса алғанда жоғары оқу орындарына QR-код (check-in) бойынша «Ashyq» қосымшасы арқылы, оның ішінде басқа платформалар (мысалы, EGOV mobile, Аitu,Kaspi.kz, Halyk Bank, Sberbank.kz, сайт www.ashyq.kz платформасындағы аналог) арқылы тіркелу кезінде кіруге рұқсат етуді қамтамасыз етсін;
8) мектепке дейінгі және орта білім беру ұйымдарына, колледждерге, асханалар мен буфеттерді қоса алғанда, жоғары оқу орындарына:
– респираторлық инфекция белгілері бар адамдарға (жөтел, мұрынның бітелуі, дене температурасы 37 градустан жоғары);
– QR-код бойынша тіркеу кезінде «сары» және «қызыл» мәртебесі бар адамдарға («Птр-зерттеулердің бірыңғай интеграциялық порталы» және «COVID-19 бақылау орталығы» ақпараттық жүйелерінде тіркелген, COVID-19-ға ПТР-тестілеудің оң нәтижесі бар, «инфекция жұқтырған» мәртебесі бар пациент ретінде немесе COVID-19-бен ауыратын пациентпен байланыс ретінде;
– COVID-19-ға қарсы вакцинациясы жоқ педагогтар мен персоналға (тұрақты медициналық қарсы көрсетілімдері бар, ауырып жазылған адамдарды сауыққаннан кейін 3 ай ішінде қоспағанда) кіруге рұқсат етілмейді.
3. Қала, аудандардың Бас мемлекеттік санитариялық дәрігерлеріне:
1) карантинді енгізуге сараланған тәсілді:
– сыныпта (топта) COVID-19 ауруының 1 жағдайы тіркелген кезде –сынып (топ) 14 күн бойы үй карантиніне оқшаулауға жатады;
– бір ауысымның 30%-дан астам сыныптарында COVID-19 ауруының жағдайлары 1 инкубациялық кезеңде Орта білім беру ұйымында тіркелген кезде-ауысым 14 күн бойы үй карантиніне оқшаулануға жатады;
– колледждерде, жоғары оқу орындарында COVID-19 ауруының 1 инкубациялық кезеңінде бір ағын топтарының 30%-дан астамы тіркелген кезде – ағын 14 күн бойы үй карантиніне оқшаулануға жатады;
2) Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті Қызылорда облысының санитариялық-эпидемиологиялық бақылау департаментімен келісу бойынша барлық білім алушыларды қашықтықтан оқыту форматына ауыстыра отырып, орта орта білім беру ұйымдарына, колледжге, жоғары оқу орнына карантин енгізу мәселесін шешуді;
3) оқу процесі басталар алдында барлық мектепке дейінгі және орта білім беру ұйымдарына, колледждерге және жоғары оқу орындарына Қазақстан Республикасының Бас мемлекеттік санитариялық дәрігерінің 25.08.2021ж. «2021-2022 оқу жылында білім беру ұйымдарында коронавирустық инфекцияның алдын алу жөніндегі санитариялық-эпидемияға қарсы және санитариялық-профилактикалық іс-шараларды жүргізу туралы» №36 қаулысында көзделген санитариялық-профилактикалық іс-шараларды жүргізуге қаулылар шығаруды;
4) халықтың санитариялық-эпидемиологиялық саламаттылығы саласындағы мемлекеттік орган лауазымды адамдарын білім беру ұйымдарының білім алушылары, педагогтары мен персоналы арасында COVID-19 ауруы жағдайы туралы уақтылы хабардар етуге (шұғыл хабарлама/ақпарат алған кезден бастап 24 сағат ішінде), сондай-ақ олардың арасында COVID-19 ауруымен ауыратындарға жақын қарым-қатынас жасайтын адамдарды анықтауға:
– осы білім беру ұйымына қызмет көрсететін медициналық-санитариялық алғашқы көмек ұйымына;
– білім беру басқармасына;
– білім беру ұйымдарына жауапты етіп айқындауды қамтамасыз етуді.
4. Меншік нысанына қарамастан жеке және заңды тұлғалар Қазақстан Республикасының Бас мемлекеттік санитариялық дәрігерінің 25.08.2021ж. «2021-2022 оқу жылында білім беру ұйымдарында коронавирустық инфекцияның алдын алу жөніндегі санитариялық-эпидемияға қарсы және санитариялық-профилактикалық іс-шараларды жүргізу туралы» №36 қаулысы талаптарын қатаң сақтасын.
5. Осы Қаулының орындалуын бақылауды өзіме қалдырамын.
6. Осы Қаулы қол қойған күннен бастап күшіне енеді.

Мектептерде көпшілік іс-шаралар ұйымдастыруға тыйым салынады &#8211; Жаңа қаулы шықты

<a href="https://kyzylorda-news.kz/">Kyzylorda-news.kz</a>.&nbsp;Сырдария ауданында халықты баспанамен қамтамасыз ету күн тәртібінен түскен емес. Бүгінде барлығы 538 азамат тұрғын үй кезегінде тұр. Бұл туралы бүгін Өңірлік коммуникациялар қызметінде өткен баспасөз конференциясында Сырдария ауданының әкімі Мұрат Ергешбаев мәлімдеді.
<blockquote>
 «2021 жылы республикалық бюджеттен 11 елді мекенде 33 тұрғын үй яғни Айдарлы, Аманкелді, Бесарық, Ақжарма, А.Тоқмағамбетов, Қалжан ахун, Қоғалыкөл, Н.Ілиясов, Шаған, Шіркейлі, С.Сейфуллин елді мекендерінде құрылысын жалғастыру және аз қамтылған көпбалалы отбасыларына 10 тұрғын-жайын сатып алуға қаржы бөлініп отыр», – деді аудан әкімі.
</blockquote>
Жалпы, биыл мемлекет есебінен сырдариялық 43 отбасы баспаналы болады деген жоспар бар. Айта кету керек, соңғы жылдары жеке тұрғын үй секторында 329 жер учаскесі инженерлік инфрақұрылыммен қамтамасыз етілді. Қуаныштысы, бұл тұрғындардың қоныс тойын тойлауына тікелей әсер етуде.

Сырдарияда биыл 43 отбасы баспаналы болады

<a href="https://kyzylorda-news.kz/">Kyzylorda-news.kz</a>.&nbsp;Аралдағы каналдарға дариядан су құйылып жатыр.
Қамыстыбас ауылының әкімі Нұржау Ділмағанбетов айтуынша, қазір Аманөткел елді мекеніндегі Бұрмақұлақ (Тоспай) жүйесі іске қосылып Қамбашқа, көлдерге қарай дариядан су құйыла бастады.
<blockquote>
 «Қамбаш көлін суландыру мақсатында бөгет бөгелді. Қазіргі уақытта су келіп жатыр. Ал қанша құйылып жатқаны 1-2 күнде жиектен көрінеді», -деді Қамыстыбас ауылының әкімі Нұржау Ділмағанбетов.
</blockquote>
<a href="https://exk.kz/kk/author/652"></a>
<img src="https://kyzylorda-news.kz/wp-content/uploads/2021/08/240707000_2277944862340652_7265433461793668500_n.jpg" alt="" />

Қамбашқа су келді

<a href="https://kyzylorda-news.kz/">Kyzylorda-news.kz</a>. Биыл Қорқыт ата атындағы Қызылорда университетінде жаңа оқу жылы дәстүрлі форматта басталады. Оқу жылы 2-3-4 курс студенттері үшін 1 қыркүйектен, 1 курс және магистранттар үшін 6 қыркүйекте басталады. Бұл туралы Өңірлік коммуникациялар қызметінің ақпарат алаңында Қорқыт ата атындағы Қызылорда университетінің Басқарма Төрағасы – Ректоры Бейбіткүл Кәрімова баяндады.
Университетте аралас оқыту нысаны жоспарланған, дәрістер – онлайн түрде өтсе, семинар, зертханалық және қолданбалы сипаттағы практикалық сабақтар санитарлық режим мен әлеуметтік қашықтықты сақтай отырып күндізгі формата жүргізіледі.
<blockquote>
 «Қазіргі таңда университетте жалпы қызметкер саны – 838 болса, оның 497 профессор-оқытушылар құрайды. Жалпы білім алушылар контингенті 2019-2020 оқу жылында 5300 құраса, 2020-2021 оқу жылында 6242 өсіп, басталайын деп отырған жаңа оқу жылында 7000-нан асады деп күтілуде. Бұл дегеніміз университетіміздің имиджі арта түскендігінің белгісі», -Бейбіткүл Кәрімова.
</blockquote>
Бүгінде Қорқыт Ата атындағы Қызылорда университетінде білім беру бағдарламаларының саны – 126. Оның ішінде, бакалавриат бағдарламасы бойынша – 78, магистратура – 35 және докторантура – 13. Сонымен бірге, 95 білім бағдарламасы жаңартылып, ҚР БББ реестіріне енгізілді. Оған қоса, 7 инновациялық білім беру және 2 бірлескен білім беру бағдарламасы әзірленді. Бұнымен қатар, өткен оқу жылында университетте бірқатар жаңа бастамалар көтеріліп, көптеген жұмыстар атқарылды. Соның ең маңызды жаңалығының бірі – түлектерге өзіндік үлгідегі диплом беру. Биыл алғаш рет университет дипломдары 1500-нан астам түлекке табысталды.
<blockquote>
 «Биылғы оқу жылы да бірқатар өзгерістермен басталғалы отыр. Қазіргі уақытта оқу процесін дайындау жұмыстары аяқталды. Оқу форматын ескере отырып, сабақ кестесі жасалды. Дене шынықтыру сабақтарын қоспағанда, білім алушылар аудиторияда болған уақытта бетперде режимі сақталады. Оқу ғимараттары санитарлық талаптарды сақтауға қажетті дезинфекциялық тунельдер, қол термометрі, санитайзерлермен қамтамасыз етілген. Өңіріміздегі эпидемиологиялық жағдайды ескере отырып, оқытушылар мен студенттерге барлық сақтық шаралары туралы түсіндірме жұмыстары жүргізілуде. Нәтижесінде университет қызметкерлерінің 97 пайызы, білім алушылардың 79 пайызы екпе алды. Оқу ғимараттары мен жатақханаларға «Ашық» бағдарламасы арқылы ғана кіруге рұқсат етілген. Ғимараттарға «жасыл» немесе «көк» мәртебесі бар білім алушылар, «жасыл» мәртебесі бар педагогтер мен қызметкерлер кіре алады»,- деді Б.Кәрімова.
</blockquote>

Қорқыт ата атындағы Қызылорда университеті қызметкерлерінің 97 пайызы екпе алды

<a href="https://kyzylorda-news.kz/">Kyzylorda-news.kz</a>. Сырдария ауданы экономикасына тікелей ықпал жасайтын өнеркәсіп саласында оң динамика қалыптасты. Ауданның өнеркәсіп кәсіпорындарында өнім өндіру өткен жылмен салыстырғанда 48,3 пайызға артқан. Өнім көлемі негізінен тамақ өнімдерін өндіру есебінен яғни күріш ақтау кәсібі арқылы ұлғайды. Бұл туралы Өңірлік коммуникациялар қызметінде өткен баспасөз конференциясында Сырдария ауданының әкімі Мұрат Ергешбаев мәлімдеді.
Биыл аудан экономикасына 13 млрд. теңгеге жуық инвестиция тартылды. 1 млрд. теңгеге құрылыс жұмыстары атқарылып, 9 мың шаршы метрге жуық тұрғын үй салынды.
<blockquote>
 «Ауыл шаруашылығы саласы – аудан дамуының драйвері. Осы жылдың 1 тамызына ауыл шаруашылығының жалпы өнім көлемі 3,6 млрд. теңгені құрап, өткен жылдың осы кезеңімен салыстырғанда 1,6 пайызға ұлғайды. Биылғы жылы ауданымызда ауыл шаруашылығы тауар өндірушілері 32 мың 567 гектарға ауыл шаруашылығы дақылдарын орналастырды. Оның ішінде, негізгі дақыл – күріш 20 мың 542 гектар құрайды», – деді аудан әкімі.
</blockquote>
Сонымен қатар, экономиканы өркендетудің негізгі жолы – шағын және орта кәсіпкерлікті дамыту екені белгілі. Биыл 7 айда Сырдария ауданында мемлекеттік және өңірлік бағдарламалар аясында құны 2 млрд. теңгеге жуық 315 жобаға қаржылай қолдау көрсетіліп, жаңадан 324 жұмыс орны ашылды.

Сырдария: Өнеркәсіп кәсіпорындарында өнім өндіру 48,3 пайызға артқан

<a href="https://kyzylorda-news.kz/">Kyzylorda-news.kz</a>. ҚР Төтенше жағайлар министрлігі Жамбыл облысының Королевка кентіндегі әскери қоймада болған жарылыс туралы тың мәліметтер ұсынды, деп хабарлайды ҚазАқпарат.
Министрліктің баспасөз қызметі таратқан мәлімет бойынша, төтенше оқиға кезінде жалпы ауданы 697 шаршы метр болатын қойма ғимаратын жалын шарпыған.
<blockquote>
 «Жарықшақтардың ұшу радиусы 2 шақырымға дейін жетті. Қазіргі мәлімет бойынша, қоймада 500 тоннадан астам тротил сақталған. Тағы бір мәлімет бойынша ауруханаға&nbsp;<a href="https://www.inform.kz/kz/zhambyl-oblysyndagy-zharylystan-88-adam-zardap-shekken_a3829006">90-ға жуық</a>&nbsp;адам түскен. Оның 49-ы төтенше жағдайлар департаментінің қызметкерлері», – деп жаззылған ресми деректе.
</blockquote>
Айта кетейік, 26 тамыз күні сағат 19:00-де Жамбыл облысының Байзақ ауданында орналасқан әскери бөлім қоймаларының бірінен өрт шығып,&nbsp;<a href="https://www.inform.kz/kz/zhambyl-oblysynda-askeri-bolim-koymasynan-ort-shygyp-zharylys-boldy_a3828818">жарылыс</a>&nbsp;болды.
Соңғы ресми деректер бойынша, Жамбыл облысындағы жарылыстан&nbsp;<a href="https://www.inform.kz/kz/zhambyl-oblysyndagy-zharylystan-4-askeri-kyzmetshi-kaza-tapty_a3828996">4 әскери қызметші</a>&nbsp;қаза тапқан.
<blockquote>
 «Ең алдымен осы апатта, өрт сөндіру барысында қаза тапқан 4 әскери қызметшінің жақын туыстарына көңіл айтамыз және жарақаттанған қызметшілерге тезірек сауығып кетулерін тілейміз», – деді ҚР Қорғаныс министрі Жамбыл өңірлік коммуникациялар қызметінде өткен баспасөз мәслихатында.
</blockquote>
Жамбыл облысы әкімінің баспасөз қызметі ауруханада жарылыстан зардап шеккен 27 адам жатқанын хабарлады. Оның&nbsp;<a href="https://www.inform.kz/kz/zhambyldagy-zharylys-auruhanadagy-27-adamnyn-altauynyn-zhagdayy-auyr_a3828995">алтауының</a>&nbsp;жағдайы ауыр. Жалпы ауруханаға&nbsp;<a href="https://www.inform.kz/kz/zhambyl-oblysyndagy-zharylystan-88-adam-zardap-shekken_a3829006">88 адам</a>&nbsp;жүгінген.
Президент&nbsp;<a href="https://www.inform.kz/kz/kasym-zhomart-tokaev-zhambyl-oblysyndagy-zharylys-turaly-zhagday-bakylauda_a3828893">Қасым-Жомарт Тоқаев</a>&nbsp;Twitter-де Жамбыл облысындағы жағдай бақылауға алынған жазған болатын.

ТЖМ: Жарылыс болған қоймада 500 тоннадан астам тротил болған

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова жұмыс сапарымен Қармақшы ауданына барды.
Аймақ басшысы алдымен Жаңажол ауылдық округіндегі орталық алаңның салтанатты ашылу рәсіміне қатысты. Орталық алаңның құрылысын «Жаңажол» ЖШС жеке қаражат есебінен жүргізген. Жоба құны 250 млн.теңгені құрайды. Бұл жерде арка, стела, су бұрғақ, балалар ойын және спорт алаңы, сауда дүңгіршегі орналасқан.Мұнан соң облыс әкімі аудан орталығында орналасқан ҚР Мемлекеттік рәміздер алаңының ашылу рәсіміне қатысып, тұрғындарға құттықтау лебізін жеткізді.
<blockquote>
 «Биыл Тәуелсіздігіміздің 30 жылдық мерейтойын атап өтудеміз. «Біз тәуелсіздікке аңсап, зарығып жеттік. Енді сол тәуелсіздіктің қасиетті белгілерін де ерекше қадірлеуіміз, қастерлеуіміз керек» – деп Тұңғыш-Президент Елбасы Нұрсұлтан Әбішұлы Назарбаев баса айтқан болатын. Сондықтан, бүгін киелі Қармақшы жерінде көк байрағымызды биікке көтеріп, «Мемлекеттік Рәміздер алаңы» ашылып отыр. Тәуелсіздігіміз баянды, бірлігіміз бекем болсын! Көк туымыз көкте мәңгі желбірей берсін», – деді Гүлшара Әбдіқалықова.
</blockquote>
Аймақ басшысы салтанатты шарада өнер көрсеткен, халықаралық және республикалық жыршылар байқауларының жүлдегері, Елбасы қолынан домбыра алған жас өнерпаз Арай Оңғарқызына сый сияпат жасады.Айта кетейік, Рәміздер алаңының құрылысын жүргізген бас мердігер мекеме «SILK ROAD CONSTRUCTION» ЖШС. Құрылыс жұмыстары ағымдағы жылдың мамыр айында басталып, тамыз айында пайдалануға берілді.
<img src="https://kyzylorda-news.kz/wp-content/uploads/2021/08/karmakshyyyyy.jpg" alt="" />
<img src="https://kyzylorda-news.kz/wp-content/uploads/2021/08/karmakshyy.jpg" alt="" />
<img src="https://kyzylorda-news.kz/wp-content/uploads/2021/08/karmakshyyyy.jpg" alt="" />

Қармақшыда жаңа Рәміздер мен орталық алаңы ашылды

<a href="https://kyzylorda-news.kz/">Kyzylorda-news.kz</a>.&nbsp;Қазақстан қорғаныс министрі Нұрлан Ермекбаев отставкаға кетуді ұйғарғанын айтты.
Ермекбаев бұл шешімін <a href="https://www.azattyq.org/a/kazakhstan-defense-minister-nurlan-yermekbaev-will-resigns/31430602.html?fbclid=IwAR30d_26sP9GF2-uA7fqMJOdfdC7S5pgYxaSbFdfWnONYqky8PFCT3_Cn7c">Азаттыққа</a> Жамбыл облысы Байзақ ауданындағы әскери бөлімдегі жарылыстан 4 әскери қаза тауып, ондаған адам жараланғанын, бірнеше кісінің хабар-ошарсыз кеткенін хабарлаған баспасөз мәслихатынан кейін мәлімдеді.

Нұрлан Ермекбаев: Отставкаға кету туралы шешім қабылдадым

<a href="https://kyzylorda-news.kz/">Kyzylorda-news.kz</a>. Сыр диқандары егінге орақ салды. Қызу еңбекті алғаш болып Жалағаш ауданының шаруалары бастады. Облыс әкімі Гүлшара Әбдіқалықова егінге алғашқы орақ салу рәсіміне қатысты.Салтанатты шараға ҚР Парламенті Сенатының депутаттары М.Бахтиярұлы мен А.Шәріпбайқызы, Мәжіліс депутаты Б.Кесебаева және шаруашылық басшылары қатысты. Облыс әкімі Сыр диқандарының еңбегін ерекше атап өтіп, ақжарма тілегін білдірді.
<blockquote>
 «Биыл Ел Тәуелсіздігінің 30 жылдық мерекесімен атақты диқан, дала академигі, ақ күріштің атасы Ыбырай Жақаевтың 130 жылдық мерейтойы қатар келіп отыр. Сондықтан, биыл жиналатын ел астығына облыс егіншілері барынша үлес қосады деп сенемін. Ел несібесін төкпей-шашпай жинап алуымыз қажет. Қамбаларыңыз астыққа толсын, қырмандарыңыз тасысын. Еліміз тыныш болып, ырыс-несібеміз молая берсін», – деді облыс әкімі.
</blockquote>
Сондай-ақ, игі шара барысында облыс әкімі «ТАҢ ЛТД» серіктестігінің жүгері дақылы егілген егіс алқабына барып, ауылшаруашылығы саласындағы әртараптандыру бағытында мамандармен пікір алмасты.
Биыл өңірде ауыл шаруашылығы дақылдары 188,1 мың гектар жерге орналастырылды. Ал, негізгі дақыл күріштің көлемі 83,6 мың гектар. Су тапшылығына байланысты күріш көлемі өткен жылмен салыстырғанда 5,9 мың гектарға дейін азайып, оның орнына суды аз қажет ететін мал азықтық және майлы дақылдармен қатар картоп, көкөніс, бақша дақылдары егілді. Егіс көлемі өткен жылмен салыстырғанда 9,8 мың гектарға дейін артып, жалпы егіс сәйкесінше 3,9 мың гектарға ұлғайды.
Егілген күріштен жоғары өнім алу мақсатында күріштікке 100 пайыз жоғары репродукциялы тұқымдар себілді және 71,9 мың гектар егіс тыңайтқыштармен қоректендірілсе, 69,2 мың гектары арам шөптерге қарсы өңделді.
Сонымен қатар, күріш танаптарынан су тарту шаралары атқарылуда, бүгінгі күнге дейін бекітілген кестеге сәйкес 67,6 мың гектар немесе жалпы күріш егісінің 80,9 пайызының суы байланды. Қазір облыста бидай, арпа, сұлы дақылдарын жинау аяқталса, мақсары картоп, көкөніс, бақша, жүгері дақылдарын жинау жұмыстары жалғасуда. Бұдан бөлек, ескі жоңышқа дақылының ІІ орымы мен жаңа жоңышқаны жинау жұмыстары жүруде. Алдағы егін жинау науқаны кезеңінде ауа-райы болжамы қолайлы болады деп болжанып отыр. Осыған сәйкес облыста егін жинау науқанын 10 қазанда аяқтау жоспарлануда.
Жалағаш ауданына жұмыс сапарымен барған аймақ басшысы Таң ауылдық округіндегі атқарылған жобалармен де танысты. Оның бірі – ет өңдеу цехы. 2019 жылдан бері жұмыс істеп келе жатқан шағын өндіріс орнында күніне 5 мүйізді ірі қара сойылады. Цехтың жұмысын көрген өңір басшысы өнімнің қауіпсіздігі мен сапасына назар аударуды тапсырды.
Мұнан соң, облыс әкімі орташа жөндеуден өткен Орынбай жырау көшесін көрді. Мамыр айында басталған асфальт төсеу жұмыстары шілде айында аяқталған. Ұзындығы бір шақырымнан асады. Елді-мекенде барлығы 14 көше болса, оның 8-і қалыпқа келтірілген. Қалған көшелер жыл соңына дейін жаңарады.
Орынбай жырау көшесінде орналасқан №118 орта мектеп ғимараты да күрделі жөндеуден өтті. Білім мекемесінің есік терезелері, едені толық ауыстырылды. Су, кәріз, электр жүйелері жаңартылды, ішкі әжетхана жүргізілді. Мектеп ауыл оқушыларын қабылдауға дайын.
Аймақ басшысы оқу процесіне әзірлікті тағы бір пысықтап, санитарлық-дезинфекциялық шараларды толық орындауды тапсырды.
<img src="https://kyzylorda-news.kz/wp-content/uploads/2021/08/zh.jpg" alt="" />
<img src="https://kyzylorda-news.kz/wp-content/uploads/2021/08/k.jpg" alt="" />
<img src="https://kyzylorda-news.kz/wp-content/uploads/2021/08/shh.jpg" alt="" />
<img src="https://kyzylorda-news.kz/wp-content/uploads/2021/08/o.jpg" alt="" />
<img src="https://kyzylorda-news.kz/wp-content/uploads/2021/08/mektep.jpg" alt="" />
<img src="https://kyzylorda-news.kz/wp-content/uploads/2021/08/mm.jpg" alt="" />
<img src="https://kyzylorda-news.kz/wp-content/uploads/2021/08/240781192_3651509458285430_6050498937036009350_n.jpg" alt="" />
<img src="https://kyzylorda-news.kz/wp-content/uploads/2021/08/c.jpg" alt="" />

Қазақстан және Қызылорда облысының жаңалықтары: Қоғам

Қызылорда: Ядролық сынақтан зардап шеккендерге көмек көрсетілді

Covid-19: Қызылордада балалар арасында індет өршіп барады

Қызылорда облысы әкімінің 98 грант иегері анықталды

Мектептерде көпшілік іс-шаралар ұйымдастыруға тыйым салынады – Жаңа қаулы шықты

Сырдарияда биыл 43 отбасы баспаналы болады

Қамбашқа су келді

Қорқыт ата атындағы Қызылорда университеті қызметкерлерінің 97 пайызы екпе алды

Сырдария: Өнеркәсіп кәсіпорындарында өнім өндіру 48,3 пайызға артқан

ТЖМ: Жарылыс болған қоймада 500 тоннадан астам тротил болған

Қармақшыда жаңа Рәміздер мен орталық алаңы ашылды

Нұрлан Ермекбаев: Отставкаға кету туралы шешім қабылдадым

Гүлшара Әбдіқалықова: Ел несібесін төкпей-шашпай жинап алуымыз қажет

Қазақстан және Қызылорда облысының жаңалықтары: Қоғам

Қызылорда: Ядролық сынақтан зардап шеккендерге көмек көрсетілді

Covid-19: Қызылордада балалар арасында індет өршіп барады

Қызылорда облысы әкімінің 98 грант иегері анықталды

Мектептерде көпшілік іс-шаралар ұйымдастыруға тыйым салынады &#8211; Жаңа қаулы шықты

Сырдарияда биыл 43 отбасы баспаналы болады

Қамбашқа су келді

Қорқыт ата атындағы Қызылорда университеті қызметкерлерінің 97 пайызы екпе алды

Сырдария: Өнеркәсіп кәсіпорындарында өнім өндіру 48,3 пайызға артқан

ТЖМ: Жарылыс болған қоймада 500 тоннадан астам тротил болған

Қармақшыда жаңа Рәміздер мен орталық алаңы ашылды

Нұрлан Ермекбаев: Отставкаға кету туралы шешім қабылдадым

Гүлшара Әбдіқалықова: Ел несібесін төкпей-шашпай жинап алуымыз қажет

Мектептерде көпшілік іс-шаралар ұйымдастыруға тыйым салынады – Жаңа қаулы шықты