Kyzylorda-news.kz. Қызылорда қаласында бір мезетте 1500 адам намаз оқи алатын «Нұр» мешіті ашылды.
Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Алла үйінің ашылуына қатысып, жаңа мешіттің ел игілігіне берілуімен құттықтады. Демеуші азаматтарға барша халық атынан алғыс білдіріп, имамға Құран Кәрім кітабын сыйға тартты.
«Мешіт – мұсылман қауымның Жаратушы Иемізге кіршіксіз құлшылық жасап, шынайы тәубеге келетін, жабырқаған жанына жұбаныш табатын, арман-тілегін Аллаға ақтарып, дұға тілейтін мінәжат үйі. Мешіт – діни дүниетанымын арттырып, рухани білімін дамытып, тәлім аламын дегендер үшін тәрбие ордасы.
Пайғамбарымыз Мұхаммед (оған Алланың салауаты мен сәлемі болсын): «Кім жер бетінде Алланың үйін салуға атсалысса, Алла Тағала ол кісіге жұмақтан орын дайындайды» деген. Құран Кәрімде: «Алла Тағаланың мешіттерін тек Аллаға және ақырет күніне иман еткен, намаз оқыған, зекетін берген және Алладан басқа ешкімнен қорықпайтындар ғана салады» («Тәубә» сүресі, 18-аят) делінген. Хақ Тағала игі іске үлес қосқан барша азаматтарға разы болсын» деді.
Салтанатты іс-шарадан кейін Бас мүфти жиналған жамағатқа уағыз айтып, жұма намазын жүргізді. Намаздан кейін Құран оқылып, дұға жасалды.
Жаңа мешітте намаз залдарынан бөлек дәріс сыныптары, Құран оқыту, неке қидыру және конференция залы бар. Ерекше сәулетпен салынған құлшылық үйі жергілікті жамағат пен демеуші азаматтардың көмегімен тұрғызылды.
<img src="https://kyzylorda-news.kz/wp-content/uploads/2021/09/fb_img_1632542999441.jpg" alt="" />
<img src="https://kyzylorda-news.kz/wp-content/uploads/2021/09/fb_img_1632542972575.jpg" alt="" />
<img src="https://kyzylorda-news.kz/wp-content/uploads/2021/09/fb_img_1632542979019.jpg" alt="" />
<img src="https://kyzylorda-news.kz/wp-content/uploads/2021/09/fb_img_1632542988684.jpg" alt="" />
<img src="https://kyzylorda-news.kz/wp-content/uploads/2021/09/fb_img_1632542997193.jpg" alt="" />

Қызылордада жаңа мешіт ашылды

*<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; «Қазгидромет» РМК Қызылорда облысы бойынша филиалы 25 қыркүйекке арналған ауа райы болжамын жариялады.*
Сенбі күні Қызылорда облысының орталығында&nbsp;шаңды дауыл күтіледі.
Жел оңтүстік-шығыстан соғады, күші&nbsp;түнде&nbsp;облыстың орталығында,&nbsp;күндіз&nbsp;облыстың басым бөлігінде 15-20 м/с сақталады. Төтенше өрт қаупі сақталады.

Сенбіге арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>. Мемлекет басшысы өз Жолдауында әлеуметтік-еңбек саласы бойынша бірқатар атқарылуы тиіс тапсырмаларды атап өтті. Басымдық берген бағыттардың бірі − ең төменгі жалақы мөлшерін 42 500 теңгеден 60 мың теңгеге дейін арттыру. Облыста жыл басынан бері тоғыз мыңнан аса адам ең төменгі жалақы мөлшері бойынша қоғамдық жұмыспен қамтылғанын ескерсек, бұл аймақ азаматтарына үлкен қолдау болмақ.
Өңірлік коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева Жолдаудан туындайтын міндеттерді және алда атқарылар жұмыстарды баяндады.
<blockquote>
 “Ел Президенті биылғы Жолдауында көші-қон процестерінің еңбек нарығын күшейтуге әсерін атап өткен болатын. Осыған байланысты көші-қон саясатының жаңа тұжырымдамасын әзірлеу тапсырылды. “Еңбек” бағдарламасына қатысушыларға және олардың отбасы мүшелеріне 75 АЕК мөлшерінде материалдық көмек беріледі. Бұл көмектер қоныс аударған азаматтарға тұрғылықты жерге келгеннен кейін ғана беріледі. Жаңа бес жылдық кезеңге арналған жобада оңтүстіктен солтүстік өңірлерге ішкі ынтымақты арттыру үшін қолайлы жағдаймен қамтамасыз ету басты міндет болып саналады”, – деді Жанар Жұмабекқызы.
</blockquote>
Сонымен қатар “Еңбек” бағдарламасы аясындағы атқарылып жатқан жұмыстарды баяндады. Айтуынша көші-қон жұмыстары еңбек нарығына үлкен әсер етуде. Жалпы 2017 жылдан бері 730 отбасы солтүстік өңірлерге қоныс аударған. Ал биылғы жылы теріскейге 57 отбасы көшіп барды.
Келесі кезекте Жанар Дәулетбаева 2022 жылдың 1 қаңтарынан бастап “Еңбек” мемлекеттік бағдарламасы аясында азаматтарға 60 мың теңге көлемінде жалақы берілетіндігін атап өтіп, биылдан бастап іске қосылған жаңа жобаларға да тоқталды.
Бұл “Ұрпақтар сабақтастығы” және “Алғашқы жұмыс орны” деп аталатын жобалар. “Ұрпақтар сабақтастығы” бағдарламасы 18 айға ұйымдастырылса, екінші жоба ешқандай еңбек өтілімі жоқ жас мамандарға арналған. Ол екі жылға жоспарланған.
Жалпы халықты жұмыспен қамту бойынша статистикалық деректерге сүйенсек, осы жылы аймақтағы жұмыс күшінің саны – 344,1 мың адамды құрады. Жұмыспен қамту деңгейі – 61 пайыз. Сондай-ақ өңірде 22 475 жаңа жұмыс орындары ашылған. Оның 60 пайызы тұрақты жұмыс орындары. Жұмыспен қамтудың 2020-2021 жылдарға арналған жол картасы шеңберінде 1400 ге жуық жұмыс орнын ашуға мүмкіндік беретін 6 жоба мақұлданды. Жобаларды жүзеге асыру барысында 90 пайыз жұмысшы күші жергілікті жерден алынып, орташа есеппен 85 мың теңгеден жалақы төленді.

Жанар Дәулетбаева: «Еңбек» бағдарламасына қатысушыларға  материалдық көмек беріледі

*<a href="https://kyzylorda-news.kz/ru/obshestvo/">Kyzylorda-news.kz</a>. 2021 жылдың қыркүйек айының 15-30 күндері аралығында Арал ауданы әкімдігінің қолдауымен, «Аудандық мәдениет үйі» КМҚК ұйымдастыруымен Арал ауданының логатипін өзгерту мақсатында республикалық онлайн байқау жарияланып отыр.*
Байқаудың мақсаты
Арал ауданының жаңа логотипін өзгертуде Аралдың брендін қалыптастырып, Қазақстанға таныту және ғаламтор желісінде өзіне тән оң имиджін көтеру болып табылады.
Байқаудың шарттары
Байқауға дизайнерлер, суретшілер және кез келген ынталы әлеуметтік желі қолданушылары қатыса алады. Байқауға қатысушылар Арал ауданының логатипін өзгертуге қатысты өзінің қолмен жасаған авторлық жұмысын А4 форматта түрлі-түсті карандаш, гуашь, акварель пайдалана отырыпсурет салады. Және салған суретін CorelDRAW және Photoshop программаларына түсіріп, JPEG форматында сақтап, Facebook әлеуметтік желісінде аудандық мәдениет үйінің әлеуметтік парақшасына сілтеме жасай отырып, авторлық жұмысына видео нұсқа арқылы қысқаша түсіндірме жасап салуы тиіс.
1. Арал ауданының логатипі – атап айтқанда, ғасырлық тарихы бар Арал қаласын дәріптеу әрі тақырыпты ашу, қолданыстағы (бекітілген) логотипті негізге ала отырып, түсі мен шрифттер бекітілген логотипке сәйкес келуі, авторлық құқықтарға сәйкес болуы секілді талаптар қойылады.
Байқаудың қазылар құрамы
Байқау жеңімпазын білікті суретшілер мен дизайнерлерден, БАҚ өкілдерінен, мемлекеттік мекемелер және үкіметтік емес ұйым мүшелерінен құралған арнайы комиссия анықтайды. Қазылар алқасының шешімі түпкілікті және қайта қарауға жатпайды.
Марапаттау
Байқауға қатысушы талапкерлер арасынан бір ғана жеңімпаз анықталады. Арнайы диплом және екі жүз мың теңге (200 000 тг.) қаржылай сыйлықпен марапатталады. Байқаудың қорытындысы 2021 жылдың қазан айының бірінші он күндігінде жарияланады.
Байланыс ақпараттары
Байқауға 2021 жылдың қыркүйек айының 15-30 күндері аралығында жарияланған материалдар қабылданады. Қатысушы жұмысын аral_rdk@mail.ru электронды поштасына немесе Facebook әлеуметтік парақшасында «Арал аудандық мәдениет» КМҚК үйінің әлеуметтік парақшасына «Арал Аудандық Мәдениет Үйі» сілтеме жасай отырып жолдауы тиіс.
Байланыс телефондары: Аудандық мәдениет үйі 2-18-37
Байқауға жауапты: Гүлбану Матығұлова тел: 8775 238 41 55

Жүлде қоры 200 мың: Арал ауданының логотипіне байқау жарияланды

<a href="https://kyzylorda-news.kz/ru/obshestvo/">Kyzylorda-news.kz</a>. «Қазақстан тұрғын үй компаниясы» АҚ 1 қазаннан бастап қаржыландыру лимитінің асып кетуіне байланысты “Орда” ипотекалық бағдарламасы бойынша қарыз беруді уақытша <a href="https://sputnik.kz/society/20210924/18225499/ipoteka-bagdarlama-toqtatu.html">тоқтатады.</a>
Жыл сайын «Орда» бағдарламасы жоспарлы түрде 13,8 миллиард теңгеге қаржыландырылады. Оны “Қазақстан тұрғын үй компаниясы” АҚ өз қаражаты есебінен жүзеге асырады.
2018 жылдың қазанынан 2021 жылдың 1 қыркүйегіне дейін “Орда” бағдарламасы бойынша 70 миллиард теңгеден астам сомаға 5 271 өтінім түскен. Оның ішінде 49,4 миллиард теңгеге 3 838 өтінім мақұлданды.
Еске салсақ, «Орда» ипотекалық кредиттеу бағдарламасы 2018 жылдың қазанында басталды. Бұл бағдарлама бойынша жылдық 12% (табысты толық растау) және 14% (табысты ішінара растау) мөлшерлемемен жаңа және қолданыстағы үйлерді сатып алуға ипотекалық қарыз беріліп келді. Бастапқы жарна тұрғын үй құнының 30%-і немесе оны қосымша кепілмен алмастыру мүмкіндігі бар еді. Кредит мерзімі – 20 жылға дейін.
Қарыз сомасы Нұр-Сұлтан мен Алматы қалалары үшін 1 миллионнан 65 миллион теңгеге дейін, ал басқа өңірлер үшін 1-ден 45 миллион теңгеге дейін.
Өтінім қабылдау және қарызға одан әрі қызмет көрсету серіктес-банктер – “Еуразия банкі”, First Heartland Jýsan Bank, “Банк ЦентрКредит” арқылы жүргізілді.

1 қазаннан бастап «Орда» ипотекалық бағдарламасы тоқтатылады

<a href="https://kyzylorda-news.kz/ru/obshestvo/">Kyzylorda-news.kz</a>. Темiр жол – ел экономикасының өзегi, мемлекетiмiздiң қуатты жүйесi. Бiр ғасырдан астам тарихы бар Қазалы теміржол мекемелерінің бүгiнгi тынысы жыл санап жақсарып келедi.
Бүгін Қазалы ауданының әкімі Мұхтар Оразбаев Қазалы вагон пайдалану депосының мәжіліс залында бірқатар теміржол мекемелерінің басшыларымен кездесті.
Аудан басшысымен кездесуге келген теміржолшыларды Қазалы вагон пайдалану депосының директоры, аудандық мәслихат депутаты Арғын Орынбаев таныстырып, жұмысына сәттілік тіледі. 
Өз кезегінде аудан әкімі Мұхтар Оразбаев «Теміржол торабы – ел экономикасының күретамыры» екенін айтып, теміржолшылардың қазынаны толтырудағы еңбектерін атап өтті.
<blockquote>
 «Аудан көлемінде теміржол саласы бойынша 15-тен аса мекеме-кәсіпорындар жұмыс жасайды.Өңдеу өнеркәсібінің басым бөлігі осы теміржол мекемелерінің еншісінде. Теміржол саласының қызметкерлерімен бірлесіп жұмыс жасаудың арқасында оң нәтижелерге қол жеткізілді. Мұны біз биылғы жылы ауданда атқарылған жұмыстардан анық көре аламыз», – деген аудан басшысыжыл соңына дейін өңдеу өнеркәсібі бойынша көрсеткіштерімізді төмен түсірмей, өз дәрежесінде сақтап қалуға жұмыстар жасалу қажеттігін жеткізді. 
 Сонымен қатар,алдағы уақытта да ауданның әлеуметтік-экономикалық көрсеткіштерін көтеру бағытындағы жұмыстарды бірлесе атқаруға шақырды.
</blockquote>
Басқосуда Қазалы теміржол станциясының бастығы Серік БоранқұловжәнеҚазалы вагон пайдалану депосының директоры Арғын Орынбаевауданның әлеуметтік-экономикалық көрсеткіштерін өсіру бағытындағы жұмыстарды одан әрі жалғастыратынын жеткізді. Ал, Қазалы локомотив жөндеу зауытының өндірістік-техникалық бөлімінің жетекші инженері Жамбыл Қанай аудан басшысының жұмыстарына сәттілік тіледі.

Мұхтар Оразбаев теміржолшылармен кездесті

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін − ядролық қаруды толық жою үшін күрестің халықаралық күні. Осы датаға орай Өңірлік коммуникациялар қызметінде баспасөз конференциясы өтті. Брифингте Қорқыт ата атындағы Қызылорда университетінің тарих ғылымдарының докторы Дастан Сәтбай ядролық сынақ алаңдарының жабылуы мен егемен еліміздің ядросыз аймақ құрудағы маңызды қадамдарына шолу жасады.
Дастан Яхияұлы Қазақстан тұңғыш рет 1989 жылы ақпан айының соныңда ядролық сынаққа қарсы қозғалысты бастағанын айтып, ядролық сынақтардың ауыр зардабы әлі күнге ұмытылмағанын атап өтті.
Одан әрі тарихи деректерге кеңінен тоқталып «Тарихқа шолу жасасақ, Семей полигоны КСРО ядролық сынақ полигондарының басты және аса маңызды стратегиялық нысаны болғанын көреміз.
<blockquote>
 “Семей-Невада” ядролық қозғалысы басталғаннан кейін аз уақыттың ішінде батыс еуропаның көптеген елдерінде біздің еліміз өз таңдауын жасады. Түрлі елдердің парламенттері өз сессияларында «Невада-Семей» қозғалысының ұрандарын талқылап жатты. Радиациялық сәулелердің зардаптары жайлы дәрігерлер мен ғалымдардың ашық әңгіме қозғауға батылдары жетті. Көпшіліктің қысымымен Семей полигонындағы сынақтар саны азая бастаған еді. Тұңғыш рет СССР Үкіметі ядролық қаруды сынауға тыйым салу туралы мораторий жасағаны да осы тұс. Ал Қазақстан Республикасының егемендігі туралы Декларацияда ел аумағы ядросыз аймақ деп жарияланды. Ендігі кезекте полигон және оның төңірегіндегі елді мекендердің аянышты жағдайы тұңғыш әлемнің барлық елдерін алаңдатқан болатын. Әлем де дүр сілкінді. Бұл қозғалыстың басты ерекшелігі − жалпыхалықтық сипат алды десек те болады. Ядролық қарудан бас тарту арқылы Қазақстан бейбітшілік пен ынтымақтастық, сенім мен өзара түсінушіліктің жаңа заманауи үлгісін әлемге паш етті”, – деді.
</blockquote>

26 қыркүйек − Ядролық қаруды толық жою үшін күрестің халықаралық күні

*<a href="https://kyzylorda-news.kz/ru/obshestvo/">Kyzylorda-news.kz</a>. АҚШ президенті Джо Байден Корнель университетінің профессоры Сәуле Омарованы ақша айналымын бақылау басқармасының (Office of the Comptroller of the Currency, OCC) басшысы қызметіне тағайындауды жоспарлап отыр. Бұл басқарма Америкадағы банк секторының негізгі реттеушісі болып саналады. Бұл туралы <a href="https://sputnik.kz/world/20210924/18222657/Saule-Omarova-Aqsh.html">Sputnik</a> хабарлады.*
Тағайындау жұмысымен таныс үш бірдей адам Сәуле Омарованың бір апта ішінде басқарма жұмысына тартылатынын растады. Алайда Ақ үй ақпаратты ресме түрде нақтылаған жоқ. Қазақстанның тумасы Сәуле Омарова осы қызметке тағайындалса, АҚШ тарихында алғаш рет банк секторының негізгі реттеушісін әйел адам басқарады.
<blockquote>
 “Ақша айналымын бақылау басқармасы елдің ірі кредиторларын бақылайды. Олардың ішінде JPMorgan Chase &amp; Co., Bank of America Corp. және Citigroup Inc. бар. Корнель университетінің заң факультетінде дәріс беріп жүрген Омарова таңдалса, Уолл-стритке оңай болмайды. Қатты бақылау мен қатаң ережелер енгізіледі деген болжам бар”, – дейді мақала авторы. 
 Профессор Сәуле Омарова криптовалютаның қарсыласы болып саналады. Ол өзінің ғылыми жұмысында криптовалютаның банк саласына қандай қауіп төндіретінін жан-жақты көрсеткен.
</blockquote>
Айта кетері, биыл тамыз айының басында АҚШ қаржы министрлігі валюталық бақылау басқармасының басшысы қызметіне Сәуле Омарованың кандидатурасы ұсынылғаны туралы ақпарат таратқан. Оған дейін осы қызметке үміткер екі адам болды. Алайда Демократиялық партияның ішінде өзара тартыс басталды. Ақ үй екі кандидатурадан да бас тартып, профессор Сәуле Омарованы қарастыруға кірісті.
Джордж Буш кезінде Сәуле Омарова қаржы министрлігінің реттеу саясаты бойынша арнайы кеңесшісі болған. Davis Polk &amp; Wardwell заңгерлік фирмасында бес жыл жұмыс істеп шықты.
Сәуле Омарова Корнель университетінде жұмыс істейді. Банк құқығы бойынша профессор дәрежесі бар. Мәскеу мемлекеттік университетінде (1989), Висконсин университінде (1999) және Солүстік-Батыс университінде (2001) оқыған. Заң ғылымдарының докторы. Қазақ, орыс және ағылшын тілін біледі.

АҚШ президенті қазақстандық Сәуле Омарованы басқарма басшысы қызметіне тағайындайды

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін аралдық ардагер Серік Өтебалиев веложорыққа аттанды. Зейнеткер бұл сапарын азаттықтың ақ таңы атқанына және Семей ядролық сынақ полигонының жабылуының 30 жылдығына арнап отыр.
500 шақырымды 4-5 күн аралығында жүріп өтуді мақсат етіп отырған ардагер жол бойындағы Қазалы, Қармақшы, Жалағаш, Сырдария аудандарына аялдап, Семей полигонынан зардап шеккен ардагерлерге арналған ескерткіштерге тағзым етеді. Жастарды Отансүйгіштікке шақырып, егемендіктің мән-маңызын насихаттайтын кездесулер өткізеді.
Қарт спортшының Тәуелсіздікке тартуына аралдықтар қолдау білдіріп, веложорықшыны салтанатты түрде шығарып салды.
Аталған шара Ауған соғысы мен Семей полигоны, Чернобыль апатының зардабын жоюға қатысқан ардагерлерге арналған ескерткіш тақтаға гүл шоқтарын қою рәсімінен басталды.
<blockquote>
 Шараға қатысқан аудан әкімі Серік Сермағамбетов: -«Биыл тұғыры биік, рухы асқақ мемлекетіміздің Тәуелсіздігіне 30 жыл. Тәуелсіздігіміздің алғашқы жемісі болған, қаншама адамның өміріне сансыз зардабын тигізген Семей ядролық сынақ полигонының жабылғанына да биыл 30 жыл толып отыр.
 «Осынау айтулы күндердің ел тарихындағы орнын, мән-маңызын насихаттау мақсатында жерлесіміз Семей сынақ полигонының зардабын жоюға қатысқан ардагер Өтебалиев Серік Сәдуақасұлы Арал қаласынан облыс орталығы Қызылорда қаласына дейінгі аралықты велосипедпен жүріп өтпекші. Бұл бастама аралдықтардың тәу етер Тәуелсіздігіміздің мерейлі 30 жылдығына арналған тартуы болмақ»- деп жылы лебізін білдіріп, салауатты өмір салтын насихаттау мен өскелең ұрпақты спортқа баулу мақсатында осындай игі бастама көтеріп отырған ардагер-спортшыға сәтті сапар тіледі.
</blockquote>
Одан соң абыз ақсақал, ардагер-журналист Шәкірат Дәрмағамбетов Серік Сәдуақасұлына ақ жол тілеп, батасын берді.
Енді елімізде Семей полигоны сынды қасіреті жағдайлар қайталанбасын. Біздің ұрпақтарымыздың бейбіт заманда өмір сүруін тілеймін. Қазіргі жастарды жаман әдеттерден аулақ болып, еңбек етуге, спортпен шұғылдануға, пайдалы істермен айналысуға шақырамын.»-деді веложорықшы.
Атап өтейік, бұған дейін ел Тәуелсіздігі мен Семей ядролық сынақ полигонының жабылғанына 25 жыл толуына орай Серік Сәдуақасұлы Арал-Қызылорда бағытында жаяу жүріспен 500 шақырым қашықтықты бағындырған болатын.
Ал, Семей полигонындағы алғашқы ядролық жарылысқа 70 жыл толуына орай қала ішінде «Қазақ жерінде енді қайтіп ядролық сынақ болмасын!» деген ұранмен 21 шақырым қашықтықты жүгіріп өтті.
<img src="https://kyzylorda-news.kz/wp-content/uploads/2021/09/242626699_3081033825558316_8756210053237834081_n.jpg" alt="" />
<img src="https://kyzylorda-news.kz/wp-content/uploads/2021/09/242796117_3081034108891621_7857084196196271319_n.jpg" alt="" />

Аралдық веложорықшы облыс орталығына жол тартты

*<a href="https://kyzylorda-news.kz/ru/obshestvo/">Kyzylorda-news.kz</a>. Республика бойынша зауыт, фабрикасы бар қалаларға қарағанда, Қызылорда облысының ауасы әлдеқайда жақсы көрсеткішке ие. Бұл жайлы бізге Қазгидромет» РМК Қызылорда облыстық филиалының зертхана бастығы Гүлшат Әзілханқызы айтып берді. Жалпы аймақ халқы Арал теңізінің экологиялық ахуалы мен Байқоңыр ғарыш айлағының салдарынан қауіптеніп, ауа тазалығына жиі сенімсіздік білдіреді. Алайда білікті маман бұл пікірдің орынсыз екенін алға тартып, тұрғындарды алаңдамауға шақырды.*
<blockquote>
 «Биылғы жылдың жарты жылдық қорытындысына қарасақ, облыс ауа тазалығы бойынша бірінші деңгейде тұр. Бұл ластану көрсеткіші төмен деңгей болып есептеледі. Сондықтан жалпы өңірдің ауасын таза деп айтуға болады. Сондай-ақ қазір Air.kz мобильді қосымшасы іске қосылған. Қосымшаны телефонға жүктеу арқылы ауа құрамын кез келген уақытта бақылап отыруға болады. Бұл жердегі ақпарат барлық тұрғындар үшін қолжетімді», ‒ дейді Гүлшат Әмірәлиева.
</blockquote>

Мамандар Қызылорда облысының ауасы таза екенін айтты

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Облыс көлемінде биылғы жылдың сегіз айында жердің пайдаланылуы мен қорғалуын бақылау басқармасы ҚР жер заңдылықтарының сақталуына арнайы тексерістер жүргізген болатын. Тексеру барысында барлығы 10,71 гектар жер учаскелер қамтылды. Нәтижесінде, көлемі 7,10 гектар болатын жер учаскелерінде 51 заң бұзушылық деректері анықталды.
Бұл туралы Өңірлік коммуникациялар қызметінде өткен брифингте облыстық жердің пайдалануы мен қорғалуын бақылау басқармасы басшысының міндетін атқарушы Қанатбек Серікбаев мәлімдеді.
<blockquote>
 “Орын алған құқық бұзушылықтардың 33 дерегі бойынша әкімшілік жазалар қолданылған. Сондай-ақ, 18 дерек бойынша әкімшілік іс өндірісі қозғалмай заң бұзушылықты жою туралы нұсқамалар берілді. Бұдан бөлек, көлемі 28,89 гектар болатын 38 жер учаскелерінің жер салығының мөлшерін жоғарылату мақсатында тиісті жұмыстар атқарылған болатын. Жер учаскелерін пайдаланбаған және заңнаманы бұза отырып пайдаланған тұлғалар туралы мәліметтер Қызылорда облысы бойынша мемлекеттік кірістер департаментіне жолданды. Сондай-ақ, көлемі 48 056 гектарды құрайтын 178 жер учаскесі мемлекет меншігіне қайтарылды”,- деді Қанатбек Қуанышұлы.
</blockquote>

Жер учаскілерін заңсыз пайдаланғандар жазасыз қалмайды

Kyzylorda-news.kz. Қазгидромет 25-27 қыркүйек күндерге арналған ауа райы болжамын жариялады.
Демалыс күндері республиканың басым бөлігінде тұрақсыз ауа райы күтіледі. Бұған екі циклонның (солтүстік-батыс және оңтүстік) бірігуі ықпал етеді. Солтүстік аумақта және шығыста жаңбырдың арты қарға ұласады. Жел күшейіп, түнде және таңертең тұман күтіледі.
<blockquote>
 «Республиканың батысында ауа температурасы түнде 7-15 аралығында болса, күндіз 15-25-тен 10-20 градусқа дейін төмендейді. Солтүстік-батыста түнде минус 3 +5 градустан плюс 3-11 градусқа дейін жылынса, күндіз керісінше +13-23-тен +3-13 градусқа дейін салқындайды. Елдің солтүстігінде және орталығында түнде термометр 2-7 градусқа төмендейді. Ал республиканың шығысында 5 градус үсік жүріп, күндіз 7-17 градус жылы болады. Оңтүстікте және оңтүстік-шығыста ауа температурасы күндіз 18-25 градусқа дейін жоғарылайды», – делінген хабарламада.
</blockquote>

Қазақстан және Қызылорда облысының жаңалықтары: Қоғам