<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облысы бойынша ҚАЖ департаментіне қарасты ЗК-169/4 мекемесінің әкімшілігі сотталғандарды жұмыспен қамтуда көптеген игі шараларды жүзеге асыруда. Мекемеде жазасын өтеп жүрген азаматтарды жұмыспен қамту, жаңа жұмыс көздерін ашу мақсатында жеке кәсіпкерлермен әріптестік қарым-қатынас орнатылуда. Соның нәтижесінде мекемедегіжазасын өтеушілердің 77,7 пайызы жұмыспен қамтылған.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Жуырда мекеменің сотталғандарды жұмыспен қамту қызметкерлері 3 сотталғанды&nbsp;Қызылорда қаласындағы «Сыр жиһазы» кәсіпорнына жұмысқа орналастырды.
Цехта жұмысшылармен қатар бас бостандығынан айырылғандар да ағаштан түрлі бұйымдар, есік, терезе, жиһаздар жасайды.&nbsp;
Жазасын өтеуші Бақытбектің айтуынша, мамандығы ағаш ұстасы болған соң, онымен жұмыс жасау қиындық тудырмаған.
<blockquote>
 «Бала күнімде әкемнің жанында жүріп, үйренгенім көп болды. Жалпы ағаштан түйін түйіп, ерекше бұйым дайындау шыдамдылықты, төзімділікті талап етеді. Айлық жалақымыз да уақытылы», – дейді сотталған азамат.
</blockquote>
Мекеме бастығының міндетін атқарушы әділет подполковнигі Айбол Махашевтің айтуынша, қазіргі таңда 30 кәсіпкерлік нысанда келісім-шарт негізінде сотталғандар жұмыспен қамтылған. Олардың айлық табысының 50 пайызы мемелекетке, жеке тұлғаға келтірген шығындарын төлейді. Ал қалған бөлігін өздеріне, отбасыларына жаратады. Алдағы уақытта жазасын өтеушілерді көбірек еңбекке тартып, 100 пайыз жұмыспен қамту&nbsp;жоспарланған.

Қызылордада 30 кәсіпкерлік нысанда сотталғандар жұмыс жасайды

<a href="https://kyzylorda-news.kz/ru/obshestvo/">Kyzylorda-news.kz</a>. Тұрғын үй иелеріне тіркелген азаматтар мен тіркеуден шығарылған тұрғындар туралы SMS-хабарламалар жолдайтын жаңа сервисті енгізілді. Бұл туралы Өңірлік коммуникациялар қызметінің ақпарат алаңында «Азаматтарға арналған үкімет» мемлекеттік корпорациясының Қызылорда облысы бойынша филиалы директорының орынбасары Рахат Жайсаңбаев мәлімдеді.
<blockquote>
 «Енді азаматтар ХҚО арқылы тіркелген кезде тұрғын үй иесі өз телефонына тіркелген адамның деректері көрсетілген хабарлама алады. Егер баспана иесі үйінде тұратын адамды тіркеуден шығарғысы келсе, екінші тарапқа да тіркеуден шығарылғаны туралы хабарлама барады. Аталған жаңа сервис ақылы түрде тіркеуді ұсынатын делдалдарға қарсы күресте көмектеседі. Азаматтарды тұрғылықты жері бойынша eGov порталы арқылы да онлайн тіркеуге немесе тіркеуден шығаруға болады. Ол үшін тұрғын үй иесі мен тіркелген адамның электрондық цифрлық қолтаңбасы болуы керек»,- Рахат Бахытұлы.
</blockquote>

Тұрғын үйге тіркеудегі жаңа қызмет делдалдарға қарсы күресте көмектеседі

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысының әкімі Гүлшара Әбдіқалықова әкімдік жанындағы құқық бұзушылық профилактикасы жөніндегі ведомствоаралық комиссия отырысын өткізді.
Жиынға облыс әкімінің орынбасарлары, құқық қорғау органдарының басшылары және жауапты салалық басқарма басшылары қатысты. Сонымен бірге онлайн селекторлық режимде қала, аудан әкімдері қосылды.
Күн тәртібінде 2 мәселе қаралды. Алғашқысы кәмелетке толмағандар мен жастар арасындағы құқық бұзушылық профилактикасы бағытына арналды. Облыстық білім басқармасының басшысы Ақзира Қасымова өткен жылдың қорытындысы бойынша кәмелетке толмағандар арасында жасалған қылмыс саны 2019-шы жылмен салыстырғанда 33 пайызға, мектеп оқушыларының қылмысқа қатысу көрсеткіші 64,5 пайызға, колледж студенттерімен жасалған қылмыс көлемі 48,1 пайызға төмендегенін жеткізді. Ал, жыл басынан бері аталған контингент бойынша қылмыс саны 18,2 пайызға азайған.
Жиында аймақ басшысы жасалған қылмыстардың ішінде қасақана ауыр дене жарақатын салу қылмысының өсуі, кәмелетке толмағандармен өз-өзіне қол жұмсау фактілерінің азаймай тұрғанын алға тартып, бұл мәселеге тиянақты түрде мән беру керектігін қаперге салды. Әсіресе, қылмыстың жасалу себебіне талдау жасап, суицидке баратын және олардың құрбаны болатын тұлғалардың әлеуметтік портретін жасау мен оқушылар арасында психологиялық қолдау шараларын үйлестіру керектігін қадап айтты. Сондай-ақ, тәуекел топтағы балалармен жұмысты үйлестіріп, интернеттегі қылмысты жасырын қолдаушыларға қарсы кешенді жоспар құруды жүктеді. 
Отырыста облыстық ішкі саясат басқармасының басшысы Мира Қазбекова жастар арасындағы криминогендік ахуал туралы есеп берді. Жастар арасында құқықбұзушылықтың алдын алуға арналған арнайы облыстық іс-шаралар жоспары бекітілген. Жоспар аясында жергілікті құқық қорғау органдарымен бірлесіп, қала және аудандарда «Жасөспірім» жедел профилактикалық іс-шарасы, «Түнгі қаладағы балалар», «Stop Қылмыс!» түнгі рейтік шаралары ұйымдастырылып, құқықтық, психологиялық кеңестер, түсіндірме жұмыстары жүргізілген. 
Облыс әкімі «NEET» санатындағы жастармен адресті түрде жұмысты үйлестіріп, әрбір мәселеге кешенді түрде қарау қажеттігін еске салды.
<blockquote>
 «Биыл қылмыстық жауапкершілікке тартылған 339 жас азаматтың 92 %-ын (312-сі) «NEET» санатындағы жастар құрайды. Бұл, осы санаттағы азаматтарға қатысты қабылданып жатқан профилактикалық шаралардың әлі де болса жеткіліксіз екендігін көрсетеді», – деді өңір басшысы.
</blockquote>
Күн тәртібіндегі бірінші мәселені қорытындылған облыс әкімі жауапты салалық басқарма басшыларына нақты тапсырма берді. Білім беру мекемелерін жеке күзет қызметімен қорғау мәселесін пысықтап, бюджетке ұсыныс енгізуді, «педагог-психолог» мамандарының қызметін күшейтуді және 1 қарашаға дейін кәмелетке толмағандар арасында өзін-өзіне қол жұмсаудың алдын алу бойынша арнайы жоспар бекітуді міндеттеді.
Отырысқа қаралған екінші мәселе құқық қорғау саласын цифрландыруға арналды. Облыстық полиция департаменті бастығының міндетін атқарушы Шамшадин Амитов саладағы атқарылған шаруаларды тізбеледі. 
Комиссия отырысында аймақ басшысы бейнебақылау тетіктерінің жұмысын жандандыру және жастар арасындағы қылмысты ұйымдастыруға мүдделі топтарды анықтау мәселелеріне ерекше назар аударуды міндетті. 
Жиынды қорытындылаған өңір басшысы аталған саладағы олқылықтарды жоюды және жоспардағы міндеттерді уақытында аяқтауды тапсырды. Оның ішінде, автоматтандырылған бейнетіркегіш құрылғылары мен жаңа технологиялар енгізу есебінен құқық бұзушылық профилактикасының тиімділігі көтеруді, цифрландыру бағытында облыстық бюджеттен бөлінген қаржылардың мақсатты, әрі мерзімінде игерілуі қамтамасыз етіп, Цифрлық технологиялар басқармасымен бірлесе, заманауи талаптарға сай жаңа технологиялардың жобаларын ұсыну алдында, олардың іске қосудан кейінгі болжамы мен тиімділігі зерттеуді міндеттеді.
Аймақ басшысы аталған мәселелер келесі жылдың бірінші тоқсанында комиссия отырысында қаралатынын ескертті.
<img src="https://kyzylorda-news.kz/wp-content/uploads/2021/10/zhass.jpg" alt="" />
<img src="https://kyzylorda-news.kz/wp-content/uploads/2021/10/akimat2.jpg" alt="" />
<img src="https://kyzylorda-news.kz/wp-content/uploads/2021/10/akimat3.jpg" alt="" />
<img src="https://kyzylorda-news.kz/wp-content/uploads/2021/10/akimat4.jpg" alt="" />

Гүлшара Әбдіқалықова: «NEET» санатындағы жастарға қатысты профилактикалық шаралар әлі де жеткіліксіз

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазақстанда&nbsp;өткен тәулікте 2804 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 636,
Алматы қаласы – 566,
Шымкент қаласы – 56,
Ақмола облысы – 128,
Ақтөбе облысы – 221,
Алматы облысы – 194,
Атырау облысы – 25,
Шығыс Қазақстан облысы – 201,
Жамбыл облысы – 87,
Батыс Қазақстан облысы – 105,
Қарағанды облысы – 140,
Қостанай облысы – 183,
Қызылорда облысы – 40,
Маңғыстау облысы – 11,
Павлодар облысы – 85,
Солтүстік Қазақстан облысы – 94,
Түркістан облысы – 32.
Қазақстан бойынша жазылғандар саны – 841255.

Қызылордада 40 адам коронавирустан жазылды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазақстанда өткен тәулікте 1896 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 297,
Алматы қаласы – 412,
Шымкент қаласы – 55,
Ақмола облысы – 43,
Ақтөбе облысы – 51,
Алматы облысы – 174,
Атырау облысы – 35,
Шығыс Қазақстан облысы – 125,
Жамбыл облысы – 41,
Батыс Қазақстан облысы – 53,
Қарағанды облысы – 157,
Қостанай облысы – 96,
Қызылорда облысы – 36,
Маңғыстау облысы – 12,
Павлодар облысы – 153,
Солтүстік Қазақстан облысы – 118,
Түркістан облысы – 38.
Жалпы ел бойынша ауырғандар саны 900121.

Өткен тәулікте 36 қызылордалық коронавирус жұқтырды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазақстанның басым бөлігінде 8 қазанда солтүстік-батыс антициклонының әсерінен, күн негізінен жауын-шашынсыз болады. Тек еліміздің шығысында, оңтүстік және оңтүстік-шығысының таулы аудандарында ғана қар және қар аралас жаңбыр жауады, деп хабарлайды Қазгидромет.
Республикамыздың оңтүстік және оңтүстік-шығысында жел күшейеді, оңтүстікте – шаңды дауыл тұрып, түнде және таңертең оңтүстік және оңтүстік-шығыста, солтүстік-батыс және орталықта тұман түседі.
Түнде Жамбыл облысының таулы аудандарында, күндіз облыстың батысында тұман, оңтүстік-батыста, солтүстік-шығыс және таулы аудандарда желдің жылдамдығы секундына 15-20 мтерге жетіп, екпіні 23-28 м/с болады.
Түнде және таңертең Алматы облысының таулы және тау бөктерлі аудандарында тұман түседі, күндіз Алакөл көлдері аумағында – желдің күші 15-20 м/с-қа жетеді.
Түркістан облысының солтүстігінде, батыс және таулы аудандарында желдің жылдамдығы секундына 15-20 метр болады, екпіні 25 м/с-ке жетеді.
Қызылорда облысының орталығында және оңтүстігінде желдің жылдамдығы секундына 15-20 мтерге жетеді, екпіні 23 м/с болуы ықтимал, облыстың орталығында шаңды дауыл тұрады.
Қостанай, Қарағанды облыстарының солтүстігінде, түнде және таңертең Ақтөбе облысының солтүстігінде және солтүстік-шығысында, Солтүстік Қазақстан облысының оңтүстік-батысында тұман күтіледі.

8 қазанға арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Мемлекеттік хатшы Қырымбек Көшербаев ҚР Президенті жанындағы Сыбайлас жемқорлыққа қарсы іс-қимыл мәселелері жөніндегі комиссияның отырысын өткізді, деп хабарлайды&nbsp;Ақорданың баспасөз қызметі.
ҚР Мемлекеттік хатшысы Қырымбек Көшербаевтың төрағалығымен Қазақстан Республикасы Президенті жанындағы Сыбайлас жемқорлыққа қарсы іс-қимыл мәселелері жөніндегі кезекті комиссия отырысы өтті. Жиында пандемиямен күресуге бөлінген қаражаттың тиімді жұмсалуы және денсаулық сақтау министрлігіндегі сыбайлас жемқорлыққа қарсы қабылданып жатқан шаралар жайы талқыланды.
Мемлекет басшысы Қасым-Жомарт Тоқаевтың тапсырмасымен әлемді жайлаған індетпен күресу үшін тиісті шаралар қолға алынып, бюджеттен ауқымды қаражат бөлінді. Бұл қаражат негізінен науқастарды емдеуге, ел азаматтарын қажетті дәрі-дәрмек, қорғаныш құралдарымен, медициналық құрал-жабықпен қамтуға және дәрігерлердің жалақысына үстемақы қосуға бағытталды.
ҚР Тұңғыш Президенті – Елбасы Н.Ә.Назарбаев отандастырымызды қабылданған шараларды қолдауға шақырды. Сондай-ақ коронавирус індетіне қарсы іс-қимыл мәселелері Қауіпсіздік кеңесінің отырысында қаралды.
Пандемияға қарсы қабылданған шаралар індеттің бетін қайтарғанымен, құқық қорғау және тиісті бақылаушы мекемелер бюджеттен бөлінген қаржының кейде тиімсіз пайдаланылғанын анықтады. Атап айтқанда, мұндай жағдай медициналық құрал-жабдықтарды сатып алу, емхана қызметкерлеріне үстемақы төлеу кезінде лауазымды тұлғалардың тарапынан орын алған.
Сонымен қатар Сыбайлас жемқорлыққа қарсы күрес агенттігі денсаулық сақтау министрлігі мен оған қарасты мекемелердегі мемлекеттік сатып алу кезіндегі сыбайлас жемқорлық тәуекелдерін анықтады. Ал Қаржылық мониторинг агенттігі дәрі-дәрмек пен ұрлықы өнімдерді алып-сату бойынша ауқымды жұмыс жүргізген. Қаржы министрлігі медицина қызметкерлеріне үстемақы төлеу барысында бірқатар заңсыздықтар орын алғанын әшкереледі.
Жиында коронавируспен күреске бөлінген қаржының тиімді жұмсалуы бойынша және сыбайлас жемқорлыққа қарсы қабылданған іс-қимыл шаралары жөнінде ҚР Денсаулық сақтау министрі А.Цой және бірқатар облыс әкімдері баяндама жасады.
Комиссия отырысында жауапты орган басшыларына жемқорлықты анықтап, алдын-алумен қатар, Мемлекет басшысының тұрмыстық жемқорлықты жою жөніндегі тапсырмасын орындау үшін тиісті шаралар қабылдау тапсырылды.
Жиын соңында Мемлекеттік хатшы көтерілген мәселелер бойынша нақты тапсырлар беріп, орындалуы қатаң бақылауға алынатынын жеткізді.

Медицина қызметкерлеріне үстемақы төлеу барысында бірқатар заңсыздықтар орын алған

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Еліміздің бірнеше өңірінде ауа райына байланысты ескерту жарияланды.
Түнде және таңертең 8 қазанда Қарағанды облысының солтүстігінде тұман күтіледі.
Түркістан облысының солтүстігінде, батысында және таулы аудандарында шығыстан соғатын желдің екпіні 15-20, кей жерлерде 25 м/с жетеді.
Қызылорда облысының орталығында күндіз шаңды дауыл күтіледі. Жел солтүстік-шығыстан, шығыстан соғады, облыстың орталығында және оңтүстігінде 15-20, екпіні 23 м/с сақталады.

Қызылордада ауа райына байланысты ескерту жарияланды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Сырдария ауданының әкімі Мұрат Ергешбаев спорт жаттықтырушыларымен кездесті.
Кездесуге аудандық дене шынықтыру және спорт бөлімі басшысының міндетін атқарушы А.Мешітбаева, №11 Сырдария ауданының олимпиадалық резервтің мамандандырылған балалар-жасөспірімдер мектебінің директоры Б.Есенов, Сырдария спорт клубының директоры Б.Ахметов, спорт саласының ардагерлері және спорт жаттықтырушылар қатысты.
Мемлекет басшысы Қасым-Жомарт Кемелұлы Тоқаев өз Жолдауында «Барлық жастағы ел азаматтары арасында бұқаралық спортты дамыту маңызды. Бұқаралық дене шынықтыруды өркендету ісі жаңа чемпиондар шыңына шығатын пирамидаға айналуы тиіс»- деп атап өтті.
Бүгінде ауданда түрлі деңгейдегі 130 спорт нысаны жұмыс жасауда. Аудан бойынша 11875 адам тұрақты түрде ,57 дене шынықтыру ұжымдарында спортпен шұғылдануда. Бұл аудан халқының 31 пайызын құрап отыр. Түрлі деңгейдегі жарыстардан спортшыларымыз жетістіктерге жетіп, аудан спортының дамуына өз үлестерін қосып келеді.
Аудан басшысы биылғы жылдың 27 қазанында басталатын «Алтын күз-2021» облыстық спартакиадасында спортшыларымыздың жоғары жетістіктерге жетіп, жеңіс тұғырынан көрінулеріне тілектестігін білдірді.
Кездесу барысында спорт саласының ардагерлері Бақытжан Абдулпаттаев пен Мектепхан Елеусінов ауданның спорт саласының дамуына, жан-жақты насихатталуына әлі де үлес қосатындарын айтты.
Аудан әкімі Мұрат Ергешбаев спорт жаттықтырушыларына бүгінгі айтылған ұсыныс-пікірлері назарға алынып, алдағы уақытта шешілу жолдары қарастырылатын айтты.

Сырдария ауданында 130 спорт нысан бар

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;ҚР Президенті Қасым-Жомарт Тоқаев ХIV KazEnergy Еуразиялық форумына қатысушыларға бейнеүндеу жасады, деп хабарлады Ақорданың баспасөз қызметі.
Мемлекет басшысы Дүниежүзілік энергетика апталығы мен ХIV KazEnergy Еуразиялық форумы аясында өткен «Әлемдік энергетикалық трилемма 2021 – компоненттер теңгерімі: энергетикалық аймақтар бойынша өзгерістер навигациясы» атты жаһандық пленарлық мәжілісте бейнеүндеу жасады.
Президент Орталық Азия аймағында алғаш рет өткізіліп отырған Дүниежүзілік энергетика апталығының ұйымдастырылуын қолдады.
<blockquote>
 «Осы аптада 90 елдің басшылары мен беделді тұлғалары Қазақстанда бас қосты. Глазгода өтетін Климаттың өзгеруі жөніндегі СОР26 конференциясының қарсаңында қол жеткізілген нәтижелер мен ортақ болашаққа қатысты көзқарастарымызды талқылау үшін жиналдық», – деді Қасым-Жомарт Тоқаев.
</blockquote>
Мемлекет басшысы осы бағыттағы ұлттық басымдықтар мен міндеттемелер туралы айта келіп, Қазақстан климаттың өзгеруіне қарсы күрес пен Париж келісімінің мақсаттары жолындағы жаһандық күш-жігерді толық қолдайтынын атап өтті.
Сонымен қатар президент әлемнің жаңа даму кезеңіне қадам басқаны туралы пікірін ортаға салды. Оның айтуынша, жаңа технологиялар қазба отын түрлерінен жаңартылатын қуат көздеріне, сутегі мен ядролық энергияға көшуді талап етеді.
<blockquote>
 «Мен үкіметке 2030 жылға қарай электр энергиясын өндіруде жаңартылатын және баламалы энергия көздерінің үлесін 15 пайызға жеткізуді тапсырдым. Қазіргі таңда 2000 МВт-қа жуық жаңартылатын қуат көздері пайдалануға берілді. Қазақстанның көздеген мақсатқа жету жолындағы бағыты дұрыс. Алайда көміртегі бейтараптығына қол жеткізу үшін тек жаңартылатын энергияға иек арту жеткіліксіз», – деді мемлекет басшысы.
</blockquote>
Қасым-Жомарт Тоқаев өзінің ұстанған саясатына сәйкес Үкіметтің энергия өндіру, энергияны үнемді пайдалану, цифрландыру және тұрақты экономикалық өсім сияқты негізгі бағыттарды ілгерілетуге ықпал ететін бірқатар ұлттық жобаларды әзірлеп жатқанын атап өтті.
<blockquote>
 «Бұл жобалар аса маңызды, өйткені олар миллиардтаған адамның бизнес жүргізуінің және күнделікті өмірінің «жаңа нормасына» айналады», – деді президент.
</blockquote>
Мемлекет басшысы сөзінің соңында Форумның пікірталас платформасының бірегейлігіне тоқталды. Осы ретте аталған жиын әлемнің жаһандық мақсатқа – климаттың өзгеруіне тосқауыл қоюға қол жеткізуіне септігін тигізетін қазіргі үрдістерді, болжамдар мен жоспарларды қарастыру үшін жетекші сарапшыларға жақсы мүмкіндік беретінін жеткізді.

Қасым-Жомарт Тоқаев бейнеүндеу жасады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Тәуелсіздіктің 30 жылдығына орай Шымкент қаласында республикалық «Күміс домбыра» жыр бәйгесі өтті. Аламан айтысқа еліміздің түкпір-түкпірінен жиналған суырып салма ақындар қатысты. Жастар арасында алғаш рет ұйымдастырылған өнер додасында Қорқыт Ата атындағы Қызылорда университетінің 4 курс студенті&nbsp; Бексұлтан Орынбасар жүлделі ІІ орынды жеңіп алды.
<blockquote>
 «Әрине қарсыластарым мықты болды. Бұл жерде біздің мақсатымыз &nbsp;сөз таластыру емес, тыңдарманның көңіл түкпіріне ой салу. Тәуелсіз елдің ұланы ретінде еліміздің жеткен жетістігі мен жастарға берілген мүмкіндіктерді жырладым. Нәтижесінде жүлдегерлер қатарынан көріндім. Кеңдігемен танылған байтақ елімді жырлаудан шаршамаймын», – деді Бексұлтан Орынбасар.
</blockquote>
Байқауға 30 үміткер өтініш берген. Оның 16-сы іріктеуге өтіп, 8 жұп бақ сынады. Жеңімпазға «Күміс домбыра» табысталып,&nbsp; қалған қатысушыларға арнайы алғыс хаттар мен ынталандыру сыйлықтары берілді.

Қызылордалық жас айтыскер өнер бәйгесінде жеңімпаз атанды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;2023 жылы елімізде жеке басты куәландыратын құжаттарды рәсімдеген кезде саусақ таңбасын алу енгізіледі. Бұл туралы Нұр-Сұлтан қалалық полиция департаменті Көші-қон қызметі басқармасының бастығы Арман Баймұхамбет айтты, деп хабарлайды ҚазАқпарат.
<blockquote>
 «Ішкі істер министрлігінің ақпараттық жүйесін Азаматтық хал актiлерi жазбаларымен интеграциялау арқылы жалған құжаттар ұсыну мүмкіндігі жойылатын болады. Сонымен қатар әкімшілік кедергілер де алынып басталады. Біз азаматтардан тегінің өзгергендігі, туған жері мен күні, ұлты және басқа да нақтылау мәліметтері туралы құжаттарды талап етпейтін боламыз», – деді басқарма басшысы.
</blockquote>
Оның атап өтуінше, 2023 жылдан бастап жеке басты куәландыратын құжаттарды алу немесе ауыстыру кезінде саусақтардың таңбасын алу енгізілетін болады. «Бұл да заңсыз құжат жасау тәуекелін айтарлықтай төмендететін болады», – деді Арман Баймұхамбет.

Қазақстан және Қызылорда облысының жаңалықтары: Қоғам