<a href="https://kyzylorda-news.kz/">Kyzylorda-news.kz</a>. Стресс — ағзаның қиын жағдайға қайтаратын жауабы. Бұл кезде адамның миы бүкіл ағзаға өте көп мөлшерде гормон бөліп, нәтижесінде жүрек қатты соға бастайды.
Мұндайда не істеу керек?
1.&nbsp;Жұдырығыңызды түйіңіз
Стресс кезінде отырып-тұру немесе тіпті жүгірген жақсы. Ал егер кеңседе немесе көлікте стреске түссеңіз, онда оң жұдырығыңызды бірнеше рет қысыңыз. Бұл қарапайым жаттығу логика мен ойлауға жауап беретін мидың сол жақ жарты шарын белсендіреді. Оң жұдырықты қысу эмоцияларды өшіруге және логикалық ойлауды бастауға көмектеседі.
2. Терең демалыңыз
Терең тыныс алу мен дем шығару біздің жүйке жүйемізді белсендіреді, оған денеде бәрі реттелгені туралы сигнал береді. Дұрыс тыныс алуды хатхе-йогада үйретеді, бірақ егер уақытыңыз болмаса, мына қарапайым жаттығуды орындап көріңіз: баяу дем алыңыз, 5-ке дейін санаңыз. Деміңізді екіге дейін ұстап, алты дегенде жіберңіз.
3. Тетрис ойнаңыз
Егер сіз ренжіген болсаңыз және тұнжыраған күйде жүрсеңіз,&nbsp;телефондағы ойындарды немесе тетрис ойнап көріңіз. Бұл әдіс қарапайым естілгенмен, жұмыс істейді. Доптар немесе кез келген басқа аркада ойыны миды алаңдатады, зейінді жинауға және мидың жұмыс жадына жауап беретін бөлігін қосуға мәжбүр етеді. Дәл осы әрекет эмоционалдылықты төмендетуге көмектеседі және сіз өзіңізді жақсы сезінесіз.
4. Табиғат бейнеленген суреттерге қараңыз
Табиғаттың әдемі көріністеріне қарасақ, миымыз тынышталады. Табиғатқа шығып, оны көзбен көруге мүмкіндік болса, тіпті жақсы. Стресті жеңудің тағы бір әдісі осы.
5.&nbsp;Өзіңізге тапсырма беріңіз
Кез келген істі орындау сізді стрестен алшақтатады. Өзіңізге оңай емес, бірақ орындауға болатын нәрсені таңдаңыз. Ми стресс күйінен тапсырманы орындауға ауысады және стресс баяу қалпына келеді.
Маңызды сәт: жаңа стресті тудырмас үшін тапсырма тым күрделі болмауы керек. Мысалы, торт пісіру, терезелер жуу немесе гүлдерді басқа ыдысқа ауыстыру сияқты тапсырмаларды орындаған пайдалы.&nbsp;
<a href="https://24.kz/kz/zha-aly-tar/bylu-manyzdy/item/491222-stresti-birneshe-minut-ishinde-zhe-udi-5-arapajym-disi">Хабар 24</a>

Стресті бірнеше минут ішінде жеңудің 5 қарапайым әдісі

<a href="https://kyzylorda-news.kz/">Kyzylorda-news.kz</a>. Хирург, гепатолог, медицина ғылымдарының кандидаты Дмитрий Монахов «Бесінші арнаға» берген сұхбатында күндізгі ұйқышылдық қауіпті патологияның белгісі екенін айтты, деп хабарлайды&nbsp;<a href="https://stan.kz/">Stan.kz</a>.
Маманның айтуынша, күндізгі ұйқышылдық пен түндегі ұйқысыздық бауырдың ауыруын себебі болуы мүмкін.&nbsp;
<blockquote>
 «Бұл белгілі астеновегетативті синдром: әлсіздік, летаргия, шаршау», — деді ол.
</blockquote>
Бұнымен қоса, бауырда мәселелер болса терінің сарғаюы және көз ақуызы құрылымының бұзылуы, жүрек айну, құсу және оң жақ гипохондриядағы ауырлық сияқты белгілер болатыны айтылды.&nbsp;
Сондай-ақ, дәрігер бауырды дұрыс қалыпта сақтау үшін Жерорта теңізі диетасын ұстануға, омега-3 және полиқанықпаған май қышқылдарын тұтынуға, денеге физикалық белсенділік беруге кеңес берді.

Маман: Күндізгі ұйқышылдық қауіпті патологияның белгісі болуы мүмкін

*<a href="https://kyzylorda-news.kz/">Kyzylorda-news.kz</a>. Төрткүл дүниенің дүбірлі додасы – Жапониядағы жазғы Олимпиада бүгін аяқталады.*
Төртжылдықтың басты бәсекесінде Қазақстан 83-орыннан ғана көрінді. Шілденің 23-нен жалғасқан сайыста АҚШ алда келе жатыр. Ол қазір 38 алтын, 39 күміс және 33 қоламен жалпы есепте бірінші орынға шықты. 38 алтын, 31 күміс, 18 қола медалімен Қытай 2-ші орынға тұрақтады. Жарыстың қожайыны Жапония болса, 27 алтын, 12 күміс және 17 қола медальмен үздік үштікті түйіндеп тұр. Ал Қазақстандық құрамасы осы жолы айтарлықтай нәтиже көрсете алмады. Дегенмен, жерлестеріміз 8 қола жүлдені алып берді.
Абыроймен елге оралғандар қатарында дзюдошы Елдос Сметов, зіл теміршілер Игорь Сон мен Зульфия Чиншанло бар. Сондай-ақ былғары қолғап шеберлері Қамшыбек Қоңқабаев пен Сәкен Бибосынов, палуан Нұрислам Санаев және қос каратеші Дархан Исадилов пен Софья Берульцева елге қола жүлдемен оралады.
Токио Олимпиадасының жабылу салтанаты бүгін Нұр-Сұлтан уақытымен сағат 17:00-де өтеді.

Токио-2020: Олимпиада ойындары аяқталды

*<a href="https://kyzylorda-news.kz/">Kyzylorda-news.kz</a>. Бокстан ерлер арасында аса ауыр салмақта Олимпиада ойындарының жеңімпазы мен жүлдегерлеріне медальдар табысталды*.
91 келіден жоғары салмақта Қазақстан құрамасының мүшесі Қамшыбек Қоңқабаев қола жүлдеге ие болды.
Баходир Жалолов (Өзбекстан) Олимпиада чемпионы атанса, АҚШ спортшысы Ричард Торрез екінші орынды қанағат тұтты.
Дәл осы салмақ бойынша екінші қола жүлдені Ұлыбритания боксшысы Фрейзер Кларк иеленді.

Токио-2020: Қамшыбек Қоңқабаевқа қола жүлде табысталды

*<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова тамыздың екінші жексенбісі – құрылысшылар күні мерекесіне орай төл мереке иелерін құттықтады.*
Қадірлі сырбойылықтар! Құрметті құрылысшылар!Сіздерді кәсіби төл мерекелеріңіз – Құрылысшылар күнімен шын жүректен құттықтаймын!
Құрылыс – адамзат баласымен бірге келе жатқан жасампаз кәсіп. Бүгінде аймағымызда құрылыс саласы қарқынды дамып, ел экономикасының, оның ішінде тұрғындардың әлеуметтік жағдайының артуына айрықша ықпал етіп келеді. Ауқымды саланы алға жылжытуда құрылысшылардың еңбегі ерен.
Осыдан 200 жылдай бұрынғы Қамысқаладан бүгінгідей әсем де көрікті, түрлі әлеуметтік нысандары бой түзеген заманауи облыс орталығы болуы – құрылысшылар легінің мезгілдің ыстық-суығын елемей, күн-түн демей атқарған игі ісінің жемісі. Тіпті, былтырдан бері әлемді жаулаған пандемия індетіне қарамастан құрылыс саласы өз жұмысын тоқтатпай, ел игілігін еселеуде. Сыр жұртшылығы атынан бүгінгі кәсіби мерекелеріңізде барша құрылысшыларға алғысымды білдіремін!
Бүгінгі күні өңірімізде жоспарға сәйкес 644,7 мың шаршы метр тұрғын үйді пайдалануға беру, «Нұрлы жер» мемлекеттік бағдарламасы аясында жалпы ауданы 142,3 мың ш.м 2158 пәтерді құрайтын 105 тұрғын үйдің құрылысын жүргізу, жыл аяғына дейін жалпы ауданы 106,8 мың шаршы метр 1608 пәтерді құрайтын 94 тұрғын үйді қолданысқа беру, сондай-ақ, аз қамтылған көп балалы отбасылар үшін 342 жалға берілетін пәтерлерді сатып алу жоспарлануда.
Құрметті құрылыс саласының майталмандары!Құрылыс – бұл жай ғана мамандық емес, бұл жасампаздыққа құштарлық!
Аймақтың құрылыс саласындағы ауқымды жұмыстарды алға жылжытып, сапасының артуына құрылыс саласы ардагерлерінің өмірлік тәжірибелері де зор үлес қосуда. Олардың бірқатары әлі де құрылыс саласында еңбек етіп, «Ата өнері – балаға мұра» дегендей жастарға ақылшы болып, ұлағат көрсетуде.
Сіздерге мықты денсаулық, шаңырақтарыңызға шаттық, бақ-береке тілеймін!Жасампаз еңбектеріңіздің жемісін көріңіздер, Сыр құрылысшылары! Мерекелеріңіз құтты болсын!

Гүлшара Әбдіқалықова қызылордалық құрылысшыларды құттықтады

*<a href="https://kyzylorda-news.kz/">Kyzylorda-news.kz</a>. Қазақстанда 5 803 адам коронавирус инфекциясынан жазылды, деп хабарлайды coronavirus2020.kz.*
Аймақтар бойынша:
Нұр-Сұлтан қаласында – 2 042, Алматы қаласында – 1 176, Шымкент қаласында – 222, Ақмола облысында – 194, Ақтөбе облысында – 46, Алматы облысында – 359, Атырау облысында – 243, Шығыс Қазақстан облысында – 0, Жамбыл облысында – 0, Батыс Қазақстан облысында – 140, Қарағанды облысында – 938, Қостанай облысында – 57, Қызылорда облысында – 92, Маңғыстау облысында – 9, Павлодар облысында – 155, Солтүстік Қазақстан облысында – 27, Түркістан облысында – 103.
Елімізде барлығы 520 102 адам COVID-19-дан емделіп, сауығып шықты.

92 қызылордалық коронавирустан жазылды

*<a href="https://kyzylorda-news.kz/">Kyzylorda-news.kz</a>. Қазақстанда 7 тамыздағы эпидемиологиялық жағдай бойынша ПТР тестінің оң нәтижесі бар коронавирус инфекциясын жұқтырған 7 802 жағдай тіркелді, деп хабарлайды coronavirus2020.kz.*
Оның ішінде:
Нұр-Сұлтан қаласында – 1 496, Алматы қаласында – 1 516, Шымкент қаласында – 552, Ақмола облысында – 256, Ақтөбе облысында – 344, Алматы облысында – 350, Атырау облысында – 420, Шығыс Қазақстан облысында – 244, Жамбыл облысында – 200, Батыс Қазақстан облысында – 132, Қарағанды облысында – 1 050, Қостанай облысында – 220, Қызылорда облысында – 181, Маңғыстау облысында – 240, Павлодар облысында – 301, Солтүстік Қазақстан облысында – 158, Түркістан облысында – 142.
Елімізде коронавирус инфекциясын жұқтырғандар саны 634 214 жетті.

Қызылордада 181 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. 8 тамыз күні Солтүстік-батыс циклоны республиканың басым бөлігінде ауа райының тұрақсыз сипатына себепші болады. Кей жерлерде жаңбыр жауады, найзағай ойнайды, деп хабарлайды Қазгидромет.
Солтүстік және солтүстік-шығыста қатты жаңбыр, бұршақ жауады, дауыл болады.
Батыс және оңтүстік-батыс өңірлерге антициклон ауысады, соның әсерінен жауын-шашын жаумайды.
Республика бойынша кей жерлерде жел күшейеді, оңтүстікте шаңды дауыл соғады.
Ақмола, Павлодар, Қарағанды облыстарының кей жерлерінде найзағай, бұршақ, дауыл күтіледі. Жел екпіні – 15-20 м/с. Қарағанды облысында жел қарқыны 25 м/с дейін күшейеді.
Күндіз Жамбыл облысының таулы аймақтарында найзағай жарқылдайды, бұршақ жауады. Кей жерлерде жел жылдамдығы 15-20 м/с жетеді, шаңды дауыл тұрады.
Түркістан, Батыс Қазақстан, Қостанай, күндіз Қызылорда облыстарының кей жерлерінде жел екпіні – 15-20 м/с. Қызылорда, Түркістан облыстарының кей жерлерінде шаңды дауыл күтіледі.
Шығыс Қазақстан облысында күндіз кей жерлерде найзағай күтіледі, желдің күші 15-20 м/с жетеді.
Солтүстік Қазақстан облысының кей жерлерінде найзағай ойнайды, түнде және таңертең кей жерлерде тұман түседі.
Алматы облысының таулы аудандарында күн күркірейді. Күндіз Атырау облысының кей жерлерінде аптап ыстық болады.
Күндіз Маңғыстау, Батыс Қазақстан, Жамбыл, Қызылорда, Түркістан облыстарының басым бөлігінде, Қарағанды облысының кей жерлерінде, Ақтөбе облысының оңтүстігінде қатты ыстық сақталады, Маңғыстау, Батыс Қазақстан облыстарының оңтүстігінде өте қатты ыстық сақталады.
Қызылорда, Түркістан, Маңғыстау, Атырау, Жамбыл, Ақтөбе облыстарының басым бөлігінде, Қарағанды, Алматы, Батыс Қазақстан облыстарының кей жерлерінде, Қостанай, Шығыс Қазақстан облыстарының оңтүстігінде, Ақмола облысының жекелеген аудандарында төтенше өрт қаупі сақталады.

8 тамызға арналған ауа райы болжамы

<h4 id="kyzylordanewskzhttpskyzylordanewskznbsp"><a href="https://kyzylorda-news.kz/">Kyzylorda-news.kz</a>. Көптеген әйелді жүктілік кезінде шаш бояуға бола ма, жоқ па деген сұрақ мазалайды. Бірақ нақты жауапты таба алмай жатады. Осы сұрақ төңірегінде&nbsp;қазақстандық акушер-гинеколог Әйгерім Төреқұлова бірқатар кеңес берді.</h4>
<blockquote>
 «Иә, бұл сұрақ көптеген жүкті әйелді мазалайды. Әрине, әр әйел іштегі баласын жамандықтан барынша&nbsp;сақтап қалғысы келеді. Кейбір әйел үшін жүктілік күтпеген жаңалық болуы мүмкін. Сол себепті ол күнделікті істеп жүрген процедурасын жасар кезде екі ойлы болып қалады.», – дейді ол.
</blockquote>
Төреқұлова жүктілік кезінде тәуекелге барып, шаш бояуға бел буған әйелдерге маман ретінде өз кеңестерін беріп өтті.
<blockquote>
 «Егер мүмкіндік болса, жүктілікті жоспарламас бұрын шашты табиғи түске дейін келтіріп алған дұрыс. Кейбір жағдайда жүктіліктің 12 аптасына дейін шаш боямау керек деп жатады. Алайда кәсіби қауымдастықтар қазіргі бояулардың химиялық құрамы іштегі нәрестеге токсиндік әрекет етпейтінін айтады. Жалпы қандай жағдай болмасын, өз мастеріңізге жүкті екеніңізді ескертіңіз. Шашты жақсы желдетілетін ғимаратта арнайы мамандарға боятқан дұрыс. Сондай-ақ бояуды аз уақыт ұстау қажет. Көбірек отырсам, түсі қаныға түседі деп отыра бермеу керек. Бұдан бөлек шашты бас терісіне тимейтіндей етіп бояп беретін түрлерін таңдаған абзал. Бояудан кейін шашты мұқият жуу керек», – деп түсіндірді акушер.
</blockquote>
Оның сөзінше, аллергиялық әсерлер мен алдын ала сынамалар туралы ұмытпау керек. Егер аллергия пайда болса, бояуды бірден тоқтату керек.&nbsp;Шаштаразшыдан табиғи негіздегі бояулар туралы сұрастыру керек. Жүктілік шашыңыздың кәдімгі жағдайына, оның текстурасына әсер етуі мүмкін екенін ұмытпаған жөн.
<a href="https://baq.kz/news/othernews/zhukti-ayelderge-shash-boyauga-bola-ma/">baq.kz</a>

Жүкті әйелдерге шаш бояуға бола ма?

<a href="https://kyzylorda-news.kz/">Kyzylorda-news.kz</a>. Ресей диетологі Михаил Гинзбургтің айтуынша, қарбызды кейбір адамдар жемегі дұрыс, өйткені ауруын асқындырып жіберуі мүмкін.
Әсіресе диабетке, семіздікке, бүйрек ауруы, атеросклерозға шалдыққан адамдардың жемегені жөн. Себебі қарбыздың құрамында қант, фруктоза көп. Қорытылған қант ағзада майға айналады да, қан тамырының қабынуына себеп болады.
Сондықтан Гинзбург қарбызды аз-аздан жеген дұрыс дегенді алға тартады. Шамамен 200 грамдай жесе жеткілікті.
<blockquote>
 «Қарбыз – сулы көкөніс. Көп жесеңіз, ағзада су көбейіп кетуі мүмкін. Содан кей адамның қан қысымы көтеріледі», – деп түсіндірді диетолог.
</blockquote>
Ал қарбызды қай уақытта жеген дұрыс дегенге дәрігер «астан кейін десерт ретінде жесе болады» деп жауап берді.
Ресейдің тағы бір дәрігері, нутрициолог Мария Розанова қарбыздың дәнін көп жеуге болмайтынын айтады. Өйткені ол асқазан жұмысын бұзуы мүмкін.
<blockquote>
 «Қарбыздың дәнегін жұтып қойсаңыз, түк емес, әрине. Аздап жеуге де болады. Бірақ көп жеу дұрыс емес. Өйткені асқазанға түскен көп дәнек қоқыс сынды үйіліп қалып, ас қорыту жолына зиянын тигізу мүмкін. Одан бөлек, аяғы ауыр әйелдерге қарбыз дәнегін жеуге мүлде кеңес бермес едім. Өйткені дәнекте аллерген көп. Үш жасқа дейінгі балаға мүлде дәнек жегізбеңіз», – дейді тағамтанушы.
</blockquote>
<a href="https://massaget.kz/layfstayl/Zdorove/65841/">Massaget.kz</a>

Кімге қарбыз жеуге болмайды?

<a href="https://kyzylorda-news.kz/">Kyzylorda-news.kz</a>. Ғалымдар&nbsp;Nigella sativa&nbsp;гүлінде&nbsp;пайдалы заттар барын анықтады. Оны содана деп те атайды, деп хабарлайды&nbsp;<a href="https://stan.kz/">Stan.kz</a>.
Өсімдік Солтүстік Африка мен Батыс Азияда өседі.
Соданадағы тимохинон заты коронавирустың S ақуызымен байланысып, өкпе инфекциясының дамуына жол бермейді. Сондай-ақ&nbsp;ол&nbsp;ауыр науқастарда пайда болатын цитокиндік ауырсынуларды бұғаттай алады.
Тимохинон, сонымен қатар гипертонияны, жоғары холестеринді және қант диабетін емдеуге көмектеседі.
Сонымен қатар&nbsp;қабынуға қарсы әрекет ететін&nbsp;бұл өсімдік аллергиялық ринит және синусит, экзема және остеоартритпен ауыратын науқастарға көмектеседі.
Австралиялық ғалымдар кейбір халықтар ғасырлар бойы Nigella sativa тұқымын әртүрлі ауруларды, соның ішінде қабыну мен инфекцияны емдеудің дәстүрлі құралы ретінде қолданғанын анықтады.

Ғалымдар коронавирустан емдейтін гүл тапты

<a href="https://kyzylorda-news.kz/">Kyzylorda-news.kz</a>.&nbsp;AMarkets аналитикалық бөлімінің басшысы Артем Деев смартфон суға түсіп кеткеннен кейін телефонды қалпына келтіру жолдарын атады,&nbsp;деп хабарлайды «Хабар 24».
<blockquote>
 «Оны бірден қосуға болмайды, бұл қысқа тұйықталуға алып келуі мүмкін. Егер ол бұрын қосылған болса, смартфонды өшіріп, кептіру үшін батареяны, сондай-ақ SIM картаны алып тастау керек», – деді сарапшы.
</blockquote>
Құрылғыны, батареяны және SIM картаны кептіру үшін кем дегенде бір күн қажет. Одан кейін де телефон қосылмаса немесе сұрауларға жауап бермесе, сервистік көмек қажет болады.
Маман танымал халықтық әдістерден аулақ болуға және құрылғыны күрішке немесе тұзға салмауға кеңес берді. Смартфонды және оның бөлшектерін жылу батареясына қоймау керектігін де ескертті.

Қазақстан және Қызылорда облысының жаңалықтары: Қоғам