<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Биыл 188,1 мың гектар жерге ауыл шаруашылығы дақылдары орналастырылды. Күрiштің көлемі 83,6 мың гектарды құрап отыр.
Сондай-ақ су тапшылығына байланысты, сыр маржанының көлемі өткен жылмен салыстырғанда 5,9 мың гектарға дейін азайтылып, орнына суды аз қажет ететін картоп, көкөніс, бақша дақылдары егіліпді. Олардың көлемі өткен жылмен салыстырғанда 9,8 мың гектарға дейін артқан. Бұл туралы Өңірлік коммуникациялар қызметінде өткен баспасөз конференциясында облыстық ауыл шаруашылығы басқармасының басшысы Талғат Дүйсебаев мәлімдеді.
<blockquote>
 «Күзгі егін жинау науқаны оңтайлы мерзімінде атқарылуда. Қазіргі таңда, облыста күріштен басқа дәндік дақылдарды (күздік бидай, жаздық бидай, арпа, сұлы, дән жүгері) және майлы дақылдардан мақсары мен сояны, картоп, көкөніс, бақша, дақылдарын жинау жұмыстары толығымен аяқталды. Бұл саланы қолдауға осы жылы барлығы 4,1 млрд. теңге мемлекеттен қаржы бөлінді. 40,3 мың гектар жерге егілген жоңышқадан 228,4 мың тонна ескі жоңышқа, 17,8 мың тонна жаңа жоңышқа өнім жиналынды. Сүрлемдік жүгеріден 7,1 мың тонна өнім алынса, мал азықтық асқабақ толық жиналып 1,5 мың тонна өнім алынды. Сүрлем дайындау жұмыстары әлі де жалғасуда», – деді Талғат Тұрсынұлы.
</blockquote>
Аймақта күрішке орақ салу жұмыстары 26 тамыздан басталды. Бүгінгі күні күріштің 78103 гектарына (93,5%), орақ салынып, оның 70344 гектары (90,1%) бастырылды. Әр гектарынан орташа 55,8 центнерден өнім алынуда. Күзгі егін жинау науқанын 10 қазаннан кешіктірмей аяқтау жоспарлануда.

Талғат Дүйсебаев: Күзгі егін жинау науқаны оңтайлы мерзімінде атқарылуда

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Бүгін Қызылорда облысының әкімі Гүлшара Әбдіқалықованың төрағалығымен облыс әкімдігі жанындағы мемлекеттік рәміздер жөніндегі комиссияның 2021 жылғы қорытынды отырысы өткізілді.
Жиынға облыстық мәслихат хатшысы Наурызбай Байқадамов, облыс әкімінің орынбасары Серік Ахмет, Қызылорда қаласының әкімі Ғанибек Қазантаев, облыстық басқармалар мен департамент басшылары және онлайн-режимде аудан әкімдері қатысты.Аймақ басшысы мемлекеттік рәміздердің ел абыройын қалыптастыру бағытында маңызы зор екенін атап өтіп, Тәуелсіздіктің 30 жылдығы қарсаңында мемлекеттік рәміздерге деген құрмет ерекше болуы керек екенін ескертті.
<blockquote>
 «Мемлекеттік рәміздерімізге құрметпен қарауды қалыптастыруда ең алдымен Өздеріңіз үлгі болыңыздар. Мемлекет Басшысы Қасым-Жомарт Кемелұлы Тоқаев «Егемен еліміздің бейбіт аспанында желбіреген көк туымыз бүгінгі күннің баға жетпес байлығы» – деген болатын. Мемлекеттік рәміздерге құрмет көрсетуді барша азамат қасиетті борышы ретінде ұғынуы тиіс. Сондықтан, бұл бағыттағы идеологиялық жұмыстарға аса мән беріңіздер», – деді облыс әкімі.
</blockquote>
Жиында облыстық ішкі саясат басқармасының басшысы Мира Қазбекова өңірдегі мемлекеттік мекемелердегі тәуелсіздік нышандары – Елтаңба мен Тудың жай-күйін саралап, атқарылған жұмыстарды тізбеледі. Ведомствоаралық инспекциялық топ 23 тамыз – 17 қыркүйек аралығында зерделеу жұмыстарын жүргізіп, нәтижесінде Қызылорда қаласы мен аудандардағы 263 мемлекеттік мекемелердің бәрінде Қазақстан Республикасының Мемлекеттік Елтаңбасы латын графикасындағы «QAZAQSTAN» жазуымен толық ауыстырылғанын анықтады. Сондай-ақ, 12 мекемеде кемшілік анықталып, 9-ы дер кезінде қалпына келтірілсе, 3 мекемеге әкімшілік хаттама толтырылды, мекеме басшыларына қатысты тәртіптік шара қолданылған.
Сондай-ақ, комиссия отырысында облыстық денсаулық сақтау және білім басқармаларының басшылары мен Қазалы және Қармақшы аудандарының әкімдері мемлекеттік рәміздердің жай-күйін бақылау және маңыздылығын насихаттау бойынша атқарылған жұмыстарды баяндады.
Жиынды қорытындылаған облыс әкімі облыстық басқарма басшылары, Қызылорда қаласы және аудан әкімдері, аумақтық департаменттер мен инспекциялар, барлық мемлекеттік мекеме басшыларына өздеріне қарасты мекемелерде мемлекеттік рәміздердің талапқа сай орналасуын тұрақты бақылауға алды тапсырды. Ал, облыстық ішкі саясат басқармасының басшысына облыстық инспекциялық топтың тексеру қорытындысымен аудандық әкімдіктердің, облыстық басқармалар мен аумақтық департаменттердің атқарған жұмыстарын 1 ай мерзімде баяндауды тапсырды. Сонымен қатар, барлық мекеме басшыларына арнайы инспекциялық топ құрып, қарасты мекемелерде 1 желтоқсанға дейін мемлекеттік рәміздердің қолданылуына рейд жүргізугі міндеттеді.

Гүлшара Әбдіқалықова мемлекеттік рәміздердің жағдайын қатаң бақылауды тапсырды

*<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда қаласына биыл жылу жоспардан ерте беріледі. Бұл туралы қала әкімдігінің баспасөз орталығында өткен брифингте қала әкімінің орынбасары Елмұрат Рахматуллаев хабарлады.*
<blockquote>
 «Биыл сыртқы ауа температурасының күрт төмендеуіне байланысты қала әкімінің шешімімен жылу қазан айының 10-ы күні беріледі. Ал, жылу қазандықтары бөлек «Арай», «Ипподром», «Сырдария», «Астана» және «Сол жағалау» тұрғын аудандарындағы көпқабатты тұрғын үйлерге жылу бүгіннен бастап толығымен беріледі», – деді қала әкімінің орынбасары.
</blockquote>
Биылғы жылы магистралдық және кварталаралық жылу құбырларына гидравликалық сынақ жұмыстары жүргізіліп, нәтижесінде магистралдық құбырларда 5 ақау және кварталаралық құбырларда 147 ақау орын алған. Бекітілген жөндеу кестесіне сәйкес аталған ақаулар толығымен қалпына келтірілді.Сондай-ақ, мамандармен жүргізілген зерттеу жұмыстарының нәтижелерімен, проблемалық 20 көп қабатты тұрғын үй анықталып отыр.
Аталған көпқабатты үйлерде орын алған ақауларды қайта қалпына келтіру жұмыстары жүргізілуде және жылумен мерзімінде толық қамтамасыз етіледі. Қаладағы көпқабатты тұрғын үйлерді жылумен үздіксіз қамтамасыз ету мақсатында жауапкершілігі шектеулі 4 серіктестік және 13 пәтер иелері кооперативтері жұмыстарын атқаруда.
<blockquote>
 «Қызылорда жылу электр орталығы» мекемесіндегі бөлім басшысы Хасанғали Иманғалиев «14 қыркүйектен бастап магистралдық және кварталаралық жылу құбырларына қорытынды гидравликалық сынақ жұмыстары толығымен жүргізіліп, жылу желілеріндегі желілік су салқын айналымға қойылды. Ендігі ретте, тұрғындардың жылу жүйесіне 176 млн. теңгеге жуық қарызы бар. Оны өндіру үшін мекеме тарапынан тиісті жұмыстар атқарылуда», – деді Елмұрат Рахматуллаев.
</blockquote>
Үйішілік жылыту жүйесінде авариялық жағдай орын алса, “109” номеріне немесе өз аумағы бойынша басқару орындарына (ПИК) хабарласуға болады. Сонымен бірге, 2021-2022 жылдарға арналған жылу беру маусымы кезеңінде Қызылорда қаласына қажет етілетін қатты отын көлемі шамамен 37000 тоннаны құрайтынын және көмір қорының тұрғындарды қамтуға толық жеткілікті екені де аталып өтті. Жалпы, 740 көпқабатты тұрғын үйлердің 350-де жылу есептегіш құралдары орнатылған.

Қызылордада биыл жылу ерте беріледі

**<a href="https://kyzylorda-news.kz/ru/obshestvo/">Kyzylorda-news.kz</a>. ҚР әрбір азаматы атын, тегін және әкесінің атын өзгертуге құқылы. Оған кез-келген себеп болуы мүмкін. Біреулер отбасылық жағдайына байланысты өзгертіп жатса, басқалары – жеке көңіл қалауымен.⠀ 
**⠀ 
Аты-жөніңізді, сонымен қатар азаматтық хал актілерінің жазбаларына өзгерістер енгізу қызметін eGov.kz электронды үкімет порталы арқылы рәсімдеп, уақытты үнемдеуге болады. Сондай-ақ, сіз бұл қызметті АХАЖ бөлімдері мен жергілікті әкімдіктер арқылы да рәсімдей аласыз.⠀ 
⠀ 
Қажетті құжаттар тізімі:⠀ 
– белгіленген үлгідегі өтініш;⠀ 
– жеке басын куәландыратын құжат;⠀ 
– 2 дана 3*4 өлшеміндегі фотосурет.⠀
Мелекеттік баж көлемі:⠀ 
– аты-жөнін өзгертуді тіркеу – 2 АЕК ⠀ 
– аты-жөнін өзгерту актісі жазбасын өзгертуге, толықтыруға, түзетуге және қалпына келтіруге куәлігі үшін – 0,5 АЕК. Қажет болған жағдайда АХАТ бөлімінің қызметкерлері қосымша құжаттар талап етуі мүмкін.⠀ 
⠀ 
Жеңілдігі бар жекелеген санаттағы азаматтар мемлекеттік баж төлемінен босатылады. ⠀ 
⠀ 
Қызмет көрсету мерзімі – 5 жұмыс күні.⠀ 
⠀

Аты-жөніңізді қалай өзгертуге болады?⠀

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қалалық Полиция басқармасы Ақсай полиция бөлімінің криминалдық полиция бөлімшесінің қызметкерлері жедел-іздестіру шараларын жүргізу барысында автокөліктерден ұрлық жасады деген күдікпен 36 жастағы қызылордалықты ұстады.
Тергеу барысында күдіктінің күндізгі уақытта тұрғын үйдің ауласында бейне-бақылау камераларының, дабылдың жоқтығын пайдаланып, «Ауди» маркалы автокөлігінің есігін кілт іріктеу арқылы ашып кіріп, ішінде тұрған әмиян ішінен ақшасы мен ұялы телефонын ұрлап кеткен.
Араға бір апта салып ол тағы бір көліктен ұрлық жасаған. Ер адам автокөліктің терезесін сындырып, зат салғыш ішіндегі әмиянын ұрлап кеткен.
Әдетте, қаскүнем дабыл жүйесі жабдықталмаған және иелері күзетілмеген тұрақтарда қалдырған көліктерді таңдаған. Ол ұрланған ақшаларды өз қажеттілігіне жұмсап, ұялы телефонды сатып жіберген. Бұрын әкімшілік істерге қатыстылығы бар күдікті өз кінәсін толықтай мойындады, оның осыған ұқсас тағы бір қылмысқа қатыстылығы анықталды. Аталған дерек бойынша қылмыстық іс қозғалып, іс сотқа жолданды.
Автокөліктердегі ұрлықтың алдын алу мақсатында Қызылорда қаласының Полиция басқармасы көлік құралын күзет дабыл жүйесімен жабдықтауды, бейнебақылау камераларымен қамтылған, жарық жерлерге немесе күзетілетін автотұрақтардың аумағында көліктерді тұраққа қоюды ұсынады.

Қызылордада ұрлық жасаған күдікті ұсталды

<a href="https://kyzylorda-news.kz/ru/obshestvo/">Kyzylorda-news.kz</a>. ҚР Білім және ғылым министрлігінің қолдауымен Қорқыт ата атындағы Қызылорда университетінің 10 студенті «Академиялық ұтқырлық» бағдарламасы бойынша Польша Республикасының Лодзь университетіне 2021-2022 оқу жылының бірінші академиялық кезеңіне оқуға барады.
Осы орайда, жолдама алған білім алушыларымызды құттықтап, оқуда сәттілік тілеп, еуропалық білім сапасының маңыздылығы мен қоса беріліп отырған жаһандық мүмкіндіктер туралы айттық.
Сонымен қатар бүгінгі таңда университетіміздің білім алушылары Словенияның University of Ljubljana, Бельгияның Howest University of Applied Sciences және Корея Республикасының Каннам университеттерінде академиялық ұтқырлық және қос диплом бағдарламалары арқылы білім алуда.

Қорқыт ата атындағы Қызылорда университетінің 10 студенті шетелге оқуға барады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазалы ауданының дамуына үлес қосып, сан түрлі салада тұрақты қызмет еткен еңбек ардагерлері қырыққа жуық ел билеген хан-сұлтандар жерленген, тарихи жәдігерлер көптеп сақталған Түркістан қаласына саяхаттауды жалғастыруда.
Ел тәуелсіздігінің 30 жылдығына орай аудан әкімі Мұхтар Оразбаевтың қолдауымен жүзеге асып жатқан бастамаға ел ағалары дән риза. Қазақ руханиятының астанасына айналған киелі мекенге көш тартқан қарияларымыздың төртінші тобы аспан астындағы мұражайға татитын тарихи қаланың қасиетті орындарын аралап, Қожа Ахмет Яссауи кесенесіне барып тәу етіп қайтты.
Сондай-ақ олар облыс атанғалы дамудың даңғыл жолына түсіп, көркіне көз тоймайтын әсем шаһарға айналған Түркістан қаласындағы танымал орталық «Керуен-сарай» көпфункционалды туристік кешенінде аралады.
<img src="https://kyzylorda-news.kz/wp-content/uploads/2021/10/244616093_3172799466274312_4534891859312948818_n.jpg" alt="" />
<img src="https://kyzylorda-news.kz/wp-content/uploads/2021/10/244629606_3172799349607657_340339162856611651_n.jpg" alt="" />

Қазалы ауданы ардагерлерінің келесі легі Түркістан қаласына барды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазалы ауданында белгілі ғалым, медицина ғылымдарының докторы, профессор, профилактикалық медицина академиясының академигі Бегалы Әйтбембеттің ескерткіш бюсті ашылды.
Ескерткіш-бюсттың ашылу салтанатына аудан әкімі Мұхтар Оразбаев, аудандық мәслихат хатшысы Бақытжан Жарылқап, Қызылорда облысы мен Қазалы ауданының құрметті азаматы Самұрат Имандосов, Бегалы Нұрманұлының жұбайы Кемал Ақанбайқызы мен інісі Бек Ерқанатов, аудандық ардагерлер кеңесінің төрағасы Оразғали Бекбанов, Бақыткүл Әлішева басшылық жасайтын Қазалы ауданаралық ауруханасының қызметкерлері және ғалымның ағайындары қатысты.
Қазалы ауданаралық ауруханасының ауласында өткен ашылу салтанатында аудан әкімі Мұхтар Оразбаев құттықтау сөз сөйлеп, атақты жерлесіміздің есімін абыроймен алып жүруге тілектес екенін жеткізді.
<blockquote>
 «Саналы өмірі мен еңбек жолында Қазақстан Республикасының, сондай-ақ өзінің туған жерінің тұрғындарына қолдан келген кеңесін беріп, емдеуін үзген жоқ, елге қажетті маман дайындаудан жалықпады. Бегалы – Қазақстан Республикасы медицинасының көрнекті кәсіби ұйымдастырушысы, ғалым, жоғары санатты дәрігер, терапевт, гигиенист, профпатолог, психиатр. Бегалы Нұрманұлы барлық уақытта белсенді және ісіне адал ғылыми-зерттеуші болды. Ол 220 ғылыми еңбек жариялады, екі рационализаторлық ұсыныс пен жаңалық ендірді, медицина саласында 8 монография мен оқулық жариялады. Медицина саласындағы ұйымдастырушылық және ғылыми жетістіктері үшін Бегалы Әйтбембет «Ерен еңбегі үшін» медалін тағынып, «Қазақстанның еңбегі сіңген қайраткері» атағын иеленді. «КСРО Денсаулық сақтау үздігі», «Денсаулық сақтау ісіне қосқан үлесі үшін», «Қазақстан денсаулық сақтау ісінің үздігі», «Өмір үшін қызмет» төсбелгілері мен КСРО және ҚР Денсаулық сақтау министрінің көптеген Алғыс хаттары, Құрмет грамоталарын алды. Қазалы ауданының «Құрметті азаматы» атанып, «Қазалы қаласының 150 жылдығы» медалімен марапатталды», -деді Мұхтар Оразбаев.
</blockquote>
Салтанатты шараға қатысқан Қызылорда облысы мен Қазалы ауданының құрметті азаматы Самұрат Имандосов, медицина саласының ардагері Орақ Кеубасов, Бегалы Нұрманұлының жұбайы Кемал Ақанбайқызы мен інісі Бек Ерқанатов ескерткіш бюстының ашылуымен құттықтап, өнегелі өмірі, жарқын істері, өшпес іздері туралы айтып берді.
Айта кетейік, Бегалы Нұрманұлы – елімізде ғана емес, шетелдерге де танымал ұйымдастырушы-ғалым. Оның ғылыми байланыстары мен жарияланымдары, білім беру орталықтарында жасаған баяндамалары АҚШ, Италия, Дания, Франция, Ресей, Латвия, Литва тәрізді елдерге де жақсы таныс.
Білікті профессордың жетекшілігімен Арал өңіріндегі экологиялық жағдаяттың салдарынан бауыр ауруларының қабыну себептеріне арналған ғылыми-зерттеу жұмыстары жүргізілді. Оның ғылыми мектебінің арқасында күріш өсіру барысында қарбамат тыңайтқыштардың зияны жайлы, бауыр ауруын болжаудың және емдеудің амалдарын қарастыру, жергілікті тұрғындардың асқазан-ішек сырқаттарына арналған бір докторлық және бес кандидаттық диссертация қорғалды. Сонымен қатар осы өңірдің экологиялық жағдайына сипаттама дайындалды.
<img src="https://kyzylorda-news.kz/wp-content/uploads/2021/10/244561292_3172162913004634_4446057739110128910_n.jpg" alt="" />
<img src="https://kyzylorda-news.kz/wp-content/uploads/2021/10/244608972_3172164246337834_7984165050983141338_n.jpg" alt="" />

Қазалыда Бегалы Әйтбембетке арналған ескерткіш бюст ашылды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласы әкімінің тапсырмасына сәйкес «Қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі» коммуналдық мемлекеттік мекемесінің басшысы Бауыржан Оспанов қоғамдық көлік тасымалдаушыларына уақыт жиілігін қалыпқа келтіру бойынша түсіндірме жұмыстарын жүргізді.
Алдымен № 11 бағыттың соңғы аялдамасы Теміржол вокзалына барды. Бағыт бригадирі № 11 бағыт бойынша шағым жоқ екенін және автобустар жаңа екендігін айтты. Бұдан кейін, осы маңайдағы № 5 және № 4 қоғамдық көліктердің тасымалдаушылармен кездесіп, ой-пікірлерін тыңдап, жылдамдықты асырмай, уақыт жиілігін қалыпқа келтіру қажеттілігін тапсырды.
Сондай-ақ, Бауыржан Әліпбайұлы ескі базар және «Жайна» сауда үйі маңайындағы аялдамада жолаушылардың қоғамдық көлікке қатысты шағымдарын тыңдап, аталған мәселелер бойынша жұмыс жүргізілетіндігін атады.
<blockquote>
 «Пандемия салдарынан өткен жылы көптеген сала қызметкерлері қашықтықтан жұмыс жасап, білім беру ұйымдарының мұғалімдері мен оқушы, студенттердің қашықтықтан оқытылуына байланысты жолаушылар ағыны азайып, тасымалдаушылардың табыс көзі төмендеген болатын. Осы ретте, жолаушылар тасымалымен айналысатын кәсіпкерлер автобустарын сатып басқа кәсіп көзіне ауысуына байланысты қала көлемінде қатынайтын қалаішілік қоғамдық көліктердің саны азайып, қазіргі таңда №9, 20, 22 бағытты автобустармен толықтыру мүмкін болмай отыр. Қазіргі таңда, қоғамдық көлік санын көбейту мақсатында 67 дана автобустар алуға облыстық бюджетке өтінім жолданғандығын, алдағы уақытта, қажетті қаражат қаралған жағдайда тиісті жұмыстар кезең-кезеңімен жүргізілетін болады деді»,- қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі» коммуналдық мемлекеттік мекемесінің басшысы Бауыржан Оспанов.
</blockquote>

Бауыржан Оспанов: Қазіргі таңда үш бағытты автобуспен толықтыру мүмкін болмай отыр

<a href="https://kyzylorda-news.kz/ru/obshestvo/">Kyzylorda-news.kz</a>. Мәжіліс көрнекі ақпарат мәселелері туралы заң жобасын екінші оқылымда мақұлдады, деп хабарлайды&nbsp;<a href="https://sputnik.kz/">Sputnik Қазақстан</a>.
Депутат Берік Әбдіғалиұлының айтуынша, заң жобасының мақсаты – сыртқы жарнамалар мен әртүрлі маңдайшаларда, басқа да реквизиттер мен көрнекі ақпараттардың мемлекеттік тілде дұрыс жазылуы және мәтіндердің түпнұсқалы аудармасы бойынша қосымша талаптар белгілеу.
<blockquote>
 «Бүгінгі күні мемлекеттік тілдің мәселесі бәрімізді алаңдатады. Соның ішінде сайлаушылар жиі көтеретін көрнекі ақпараттағы қазақ тілінде жазылатын мәтіннің сауатсыздығы, ал кейбірінде тіпті қазақ тіліндегі мәтіннің болмауы. Осыны ескере отырып, нақты талаптар енгізілді», – деді Берік Әбдіғалиұлы.
</blockquote>
Заң жобасына мынадай түзетулер енгізілді:
– әкімшілік аумақтардың, елді мекендердің, сондай-ақ басқа да географиялық объектілердің дәстүрлі тарихи қалыптасқан қазақ атауларын тек мемлекеттік тілде жазу;
– мемлекеттік емес ұйымдардың бланкілері мен маңдайшаларын мемлекеттік тілде, қажет болған кезде ғана орыс тілінде жазу;
– жол белгілеріндегі жазбаны мемлекеттік тілде жазу;
– хабарландыруды, жарнаманы, прескуранттарды, баға көрсеткіштерін, ас мәзірін, нұсқағыштар мен басқа да көрнекі ақпаратты мемлекеттік тілде, қажет болған кезде орыс немесе басқа тілде көрсету.
Сондай-ақ «Халық денсаулығы және денсаулық сақтау жүйесі туралы» кодексіне дәрілік заттар мен медициналық бұйымдар нұсқаулықтарының, таңбалаудың, стикерлердің барлық мәтіні «Тілдер туралы» заң талаптарына сәйкес түпнұсқалық мағынасы мен орфографияны сақтай отырып, жазылу жөнінде толықтырулар енгізілді.
Депутаттың айтуынша, бірқатар ұсыныс әлі де пысықталып, қайта қарауды талап етеді.
<blockquote>
 «Бұл түзетулер қоғамда, БАҚ-та, әлеуметтік желілерде жиі көтеріліп жүрген қазақ тілі мәртебесі мәселелерін шешуге бір қадам жақындатады деген үмітіміз бар», – деді ол.
</blockquote>
Мәжілісмендер заң жобасы әрбір азаматтың, әсіресе кәсіпкерлердің жауапкершілігін күшейтуге мүмкіндік береді деп санайды.
Парламенттің төменгі палатасы заң жобасын екінші оқылымда мақұлдап, сенатқа жолдады.

Елді мекендердің тарихи атауы тек қазақ тілінде жазылады – заң жобасы мақұлданды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Аймақта өнеркәсіп саласында өндірілген өнім көлемі артып келеді. Мәселен биыл бұл саладағы кіріс 621,2 млн. теңгені құрап, өткен жылмен салыстырғанда 2,9 есеге өскен. Өңірдегі қорғаныс өнеркәсібі саласында да серіпліс бар. Бүгін аталған сала қызметкерлерінің төл мерекесі. Бұл туралы Өңірлік коммуникациялар қызметінде өткен баспасөз конференциясында Қызылорда облыстық индустриялық даму басқармасының басшысы Ринат Сұлтангереев мәлімдеме жасады.
«Далатекс» ЖШС өз өнімдерін Ақтау, Түркістан қалаларына, «Жанзере» ЖК Шымкент, Атырау қалаларына өткізуде. Облысымыздың ірі жер қойнауын пайдаланушы мекемелерінің, «Қазатомпром» АҚ тапсырыстары да бойынша жұмыс жүргізілуде. Сонымен қатар, «Қарапайым заттар экономикасы» бағдарламасы аясында құны 37,8 млн.теңгені құрайтын 2 жоба мақұлданды және құны 30 млн.теңге болатын 1 жоба бойынша құжаттар жинақталуда. Аймақ бойынша 80-ге жуық жеңіл өнеркәсіп кәсіпорындары мен жеке кәсіпкерлер қажетті жеке қорғаныс құралдарымен қамтамасыз ету үшін тәулік бойы жұмыс жасады»,- деді Ринат Қалдыбекұлы.
Соңғы жылдары Жалағаш ауданында кәсіпкерлік аясы кеңейіп келеді. Соның бірі – «Серпін» индустриалды өндіріс аймағында орналасқан «Өркен Әлем» ЖШС-ның «Арнайы киім тігу шеберханасы». «Мұнда жалпы 65 адам жұмыс жасайды. Оның 42-сі әйел. Киім тігу шеберханасы бүгінде әскери қорғаныс киімдерінде өндіруде. Атап айтатын болсақ, брондыкеудеше, әйнекке қарсы қорғаныш костюмі, соққыға қарсы дулыға, қорғаныс қалқандарының жиынтығы, газтұтқыш (противогаз) тігілуде. Мемлекеттің қолдауымен кәсіби даярлықтан өтіп, жұмыс жасап келеміз. Кәсіп аясын кеңейтуге қолымыздан келгенше өз үлесімізді қосамыз»,-деді серіктестік директоры Жақсылық Өздембаев.

Қызылордада өнеркәсіп саласында өндірілген өнім көлемі артып келеді

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда 2 646 адам коронавирус инфекциясынан жазылып шықты, деп хабарлайды coronavirus2020.kz.
Нұр-Сұлтан қаласында – 356,
Алматы қаласында – 624,
Шымкент қаласында – 165,
Ақмола облысында – 133,
Ақтөбе облысында – 10,
Алматы облысында – 367,
Атырау облысында – 102,
Шығыс Қазақстан облысында – 233,
Жамбыл облысында – 21,
Батыс Қазақстан облысында – 105,
Қарағанды облысында – 164,
Қостанай облысында – 126,
Қызылорда облысында – 25,
Маңғыстау облысында – 25,
Павлодар облысында – 74,
Солтүстік Қазақстан облысында – 93,
Түркістан облысында – 23.
Елімізде барлығы 838 451 адам COVID-19-дан емделіп, сауығып шықты.

Қазақстан және Қызылорда облысының жаңалықтары: Қоғам