<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда тоғыз банк таратылу процесінде тұр. Бұл туралы Қаржы нарығын реттеу және дамыту агенттігі хабарлады.
Агенттік лицензиялары кері қайтарып алынған банктерді тарату өндірісінің &nbsp;тәртібі, процесі және қазіргі жай-күйі туралы мәлімет берді.
<blockquote>
 «Қазіргі уақытта 9 банк – Валют-транзит банк, Қазинвестбанк, Delta Bank, Эксимбанк Қазақстан, Астана Банкі, Qazaq Banki, Tengri Bank, AsiaCredit Bank және Capital Bank Kazakhstan таратылу сатысында», – делінген хабарламада.
</blockquote>
Банктерді тарату тәртібі мен процесі
Банк қызметін тоқтату кезіндегі негізгі мақсат – кредиторлардың талаптарын қанағаттандыру, олармен есеп айырысуды қамтамасыз ету және банктің барлық операциясын аяқтау, деп атап өтті агенттік.
Банк кредиторларының талаптары банктер туралы заңда белгіленген кезекпен қанағаттандырылады:
<ul>
<li>бірінші кезекте, еңбекақы төлеу мен жеке тұлғалар бойынша талаптар қанағаттандырылады.</li>
<li>екінші кезекте, жеке тұлғалардың депозиттері бойынша кепілдік берілген сома шегінде “Қазақстанның депозиттерге кепілдік беру қоры” АҚ алдында есеп айырысу.</li>
<li>үшінші кезекте, банк мүлкінің кепілімен қамтамасыз етілген міндеттемелер бойынша есеп айырысу.</li>
<li>төртінші кезекте, үлестес тұлғалар болып табылмайтын жеке тұлғалардың ҚДКҚ кепілдік берілген сомасынан асатын депозиттері бойынша, сондай-ақ зейнетақы активтерінің есебінен жүзеге асырылған депозиттер бойынша және “өмірді сақтандыру” саласы бойынша жүзеге асырылған сақтандыру ұйымдарының депозиттері бойынша есеп айырысуы.</li>
<li>бесінші кезекте, коммерциялық емес ұйымдардың жекелеген санаттар (қайырымдылық ұйымдары, соғыс ардагерлері, мүгедектер қоғамдары) алдында есеп айырысуы.</li>
<li>алтыншы кезекте, үлестес емес заңды тұлғалардың депозиттері бойынша есеп айырысу.</li>
<li>жетінші кезекте, салықтар, алымдар және бюджетке төленетін басқа да міндетті төлемдер бойынша есеп айырысу, республикалық бюджет қаражаты және Ұлттық қордың қаражаты есебінен берілген қарыздар.</li>
<li>сегізінші кезекте, қалған кезектерге кірмеген басқа кредиторлар алдында есеп айырысу.</li>
<li>тоғызыншы кезекте, үлестес жеке және заңды тұлғалардың депозиттері бойынша есеп айырысу.</li>
<li>оныншы кезекте, реттелген борыш және мерзімсіз қаржы құралдары бойынша есеп айырысу.</li>
</ul>
Тарату өндірісін жедел аяқтау және кредиторлардың талаптарын өтеу мақсатында агенттік банктің тарату комиссиясын тағайындайды.
Тарату комиссиясы таратылатын банктің атынан әрекет етеді және өз құзыретіне кіретін мәселелер бойынша дербес шешім қабылдай алады: кредиторлар реестрін қалыптастыру, мүлікті сату бойынша сауда-саттықты ұйымдастыру, берешекті сот тәртібімен өндіріп алу.
Таратылатын банктің активтері:
<ul>
<li>банктің меншікті мүлкінен;</li>
<li>заңды және жеке тұлғаларға берілген қарыздардан;</li>
<li>ақшадан;</li>
<li>бағалы қағаздардан;</li>
<li>жылжымалы және жылжымайтын мүліктен тұрады.</li>
</ul>
Таратылатын банктің үйлері мен ғимараттары, өзге жылжымайтын мүлік объектілері, көліктері құнына қарамастан, сондай-ақ таратылатын банктің мүлкінің біреуінің бағалау құны 100 АЕК-тен асатын өзге мүлкі жария сауда-саттық (аукцион) арқылы ғана сатылады.
Банктердің мүлкін сату туралы ақпарат таратылатын банктің сайтында жарияланады.
<blockquote>
 «Қазіргі уақытта барлық таратылатын банк кредиторларының талаптарын қанағаттандыру дәрежесі әртүрлі сатыда», – деді агенттік.
</blockquote>
<a href="https://m.sputnik.kz/economy/20211022/18474326/qazaqstan-togyz-bank-taratylady.html?fbclid=IwAR17dW3czeiZ0UniK0lDgkW1WZX3TXtLMKd6LKDjNvAtSWk0Pr6hEJLdnIw">Sputnik.kz</a>

Қазақстанда 9 банк таратылады

<a href="https://kyzylorda-news.kz/ru/obshestvo/">Kyzylorda-news.kz</a>. Еліміз жыл басынан бері 23 млн тонна көмір экспорттады, деп хабарлайды «Хабар 24».
Біріккен Корольдік, Корея, Үндістан. Бұл – қазақстандық көмірді пайдаланатын жаңа мемлекеттер тізімі. Англия, Марокко, Болгария сынды жаңа бағыттар да бар. Біріккен Корольдікке 192 мың тоннаға жуық көмір жөнелтілген. Елімізде 34 млрд тоннаға жуық қатты отын бар. Осылайша, еліміз үздік ондыққа кіріп отыр.
Дегенмен 2060 жылға қарай көмірді мүлде пайдаланбай кетуіміз мүмкін. Қазір тиісті доктрина жобасы әзірленіп жатыр. Елде 130 көмір кәсіпорны мен ондағы 30 мың шахтердің көңілі алаң. Десе де олар өндіріс қарқынын жылдан-жылға үдете бермек. Өйткені Түркия, Польша, Өзбекстан, Швейцария, Қытай сынды мемлекеттер тапсырыс көлемін ұлғайтқан. Тау-кен өндіруші кәсіпорындары республикалық қауымдастығының атқарушы директоры Николай Радостовец тасымал жағынан кедергілер барын айтып қалды.
<blockquote>
 «Бұл біз үшін күрделі мәселе. Көмір экспортын көбейтеміз бе? Тасымал жағынан қиындық болмай ма? Сұрақ көп. Сол себепті Үкіметтен көмек сұраймыз. Біз темір жол саласындағы жеке операторларды тарту керек деп ойлаймыз. Бұл қосымша локоматив, қосымша вагондар келеді. Біздің тәжірибемізге сүйенсек, сол жеке тасымалдаушылар қандай елдерде сұраныс бар екенін көрсетіп те отырады. Пандемия кезінде біз жұмыс бағытын өзгерттік. Бірқатар көмір өндіруші компаниялар Еуропада тұтыну көлемі азайғанын көріп, қазақстандық логистикалық бағыттарға ойысқан еді. Бірақ бізден дұрыс жауап болмай тұр. Сондықтан Үкімет инфрақұрылымды кеңейту жайын ойлау керек», – дейді Тау-кен өндіруші кәсіпорындары қауымдастығының атқарушы директоры Николай Радостовец.
</blockquote>

Қазақстан жыл басынан бері 23 млн тонна көмір экспорттады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;ҚР Экология, геология және табиғи ресурстар министрі Серікқали Брекешев екі өзеннің – Жайық және Сырдарияның экологиялық жағдайы туралы айтты.
<blockquote>
 “Жайықтың жағдайы өте күрделі. Біз бұл мәселені бақылауда ұстаймыз, бірақ оңай болмайды. Біріншіден, су аздығы. Жыл бойы су аз. Бұған көптеген факторлар әсер етуде. Қазір біздің мамандар ресейлік мамандармен бірге жұмыс жүргізуде. Таяу уақытта біз Жайық өзенінің су тапшылығы проблемалары бойынша бір шешім табамыз”, – деді Экология министрлігінің басшысы Сенат отырысында.
</blockquote>
Оның айтуынша, зерттеу жұмыстарына қажетті қаражат Білім министрлігімен бірлесіп, мақсатты қаржыландыру бағдарламасы аясында бөлінеді.
<blockquote>
 “Сырдария және басқа да шекаралас өзендер бойынша жұмыстар жүргізілуде. Бірақ шешім тек қазақстандық тарапқа ғана байланысты емес. Егер Сырдария туралы айтатын болсақ, онда бұл Өзбекстан, Тәжікстан және Қырғызстанмен де байланысты. Мен жуырда ғана Тәжікстанда болдым, онда Тәжікстанның су ресурстары министрімен, Өзбекстанның су ресурстары министрімен кездестім, жақын арада – қарашадан кешіктірмей осы жағдай бойынша тағы да келіссөздер жүргіземіз деп келістік”, – деп қосты Брекешев.
</blockquote>
Бұған дейін Экология, геология және табиғи ресурстар министрлігіне қарасты Трансшекаралық өзендер департаментінде Оралдың экологиялық жағдайы туралы айтылған болатын. Бұл мәселе бойынша экологтар да сөз сөйледі. Олар өзеннің таяз болуы экологиялық апат қаупін төндіреді деп санайды.

Серікқали Брекешев: Сырдарияға қатысты қарашада тағы да келіссөз жүргізіледі

<a href="https://kyzylorda-news.kz/ru/obshestvo/">Kyzylorda-news.kz</a>. Мемлекет басшысы Қасым-Жомарт Тоқаев бүгін Қазақстан халқы ассамблеясы кеңесінің кеңейтілген отырысына қатысып, бірқатар мәлімдеме жасады.&nbsp;&nbsp;
Президент отбасылық жанжал ұлттық сипатқа ұласпауы керегін айтты.
<blockquote>
 “Статистика бойынша Түркістан облысында түрлі тұрмыстық жанжал аз емес. Шорнақ, Қарабұлақта болған оқиғалар туралы айттыңыз. Тұрмыстық деңгейде болса да, дәл осындай жағдайларға аса мән беру керек. Ең алдымен, мұндай оқиғалар ұлттық сипатқа ұласпауы қажет”, – деді Тоқаев.&nbsp;
</blockquote>
Сонымен қатар, ол Түркістан облысының әкімі Өмірзақ Шөкеевке өңірде “Достық үйін” ашуды тапсырды.&nbsp;
Сонымен қатар, Тоқаев қазақстандық мектеп түлектері қоғамға еніп, бәсекеге қабілетті болуы керегін мәлімдеді.&nbsp;
<blockquote>
 “Ол үшін&nbsp;мемлекеттік тілді де, ұлттық тілді де, орыс тілін де білу керек. Жалпы, біздің балаларымыз әртүрлі тілдерді қаншалықты көп білсе, соғұрлым олар үшін жақсы болады.
 Оларды тек бір тілмен шектеудің қажеті жоқ. Осылайша, әрекет ете отырып, біз олардың болашақ дамуы мен интеграциясын іс жүзінде шектейміз, ақыр соңында оларды жарқын болашаққа деген перспективадан айырамыз”, – деді Тоқаев.
</blockquote>
Президент Білім және ғылым министрлігі бүкіл әлемдегі көптілділік тәжірибесін мұқият зерттеп, оны Қазақстанға көшіруі тиіс екенін айтты.
Қасым-Жомарт Тоқаев барлық облыс пен қала әкіміне “Аналар кеңесінің” жұмысына жан-жақты көмектесуді тапсырып, заңсыз ерелеуіл ұйымдастыратын көпбалалы аналар туралы айтты.&nbsp;
<blockquote>
 “Шын мәнінде ана дегеніміз отбасының ұйықтысы. Ананың орны ерекше. Мұны бәріміз білеміз. Сондықтан біз қоғамымызда анаға деген құрметті өте жоғары қоюымыз керек. Сонымен қатар, аналар да қоғам алдында өз жауапкершілігін терең сезінуі керек.&nbsp;Кейбір көпбалалы аналар заңсыз ереуілге шығып, айғай-шу көтеріп, қоғамдық тәртіпті бұзып жатыр.&nbsp;
 Масылдық – қоғамдық әрі саяси өзекті мәселе. Біз бейбіт жиын туралы жақсы заң шығардық, кім не айтса да, бұл демократия жолында өте маңызды қадам. Ешкім бейбіт жиынға кедергі болмайды. Бәрі жазылған, ресми рұқсат алудың да керегі жоқ. Тек ескерту арқылы жиын өткізу қажет. Кей тұрғынымыз заң бұзуға болады деп ойлайды.&nbsp;Мұндай әрекеттерге құқықтық баға берілетінін ескертемін“, – деді Тоқаев.&nbsp;
</blockquote>
<a href="https://kaz.tengrinews.kz/">Tengrinews.kz</a>

TikTok, арандатушылар, көпбалалы аналар. Тоқаев ҚХА отырысында  бірқатар мәлімдеме жасады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазақстан БҰҰ-на 1992 жылдың наурыз айында мүше болды. Содан бері еліміздің сыртқы байланысы нығайып, инвестиция тарту мәселесі жолға қойылды. Жыл сайын Мемлекет басшысы Қазақстан халқына Жолдауында шетелдік және отандық инвесторларды тарту міндетін жүктеуде. Осы турасында Өңірлік коммуникациялар қызметінде өткен брифингте Қызылорда облыстық индустриялық-инновациялық даму басқармасы басшысының орынбасары Жанар Берденова еліміздің шет мемлекеттермен сыртқы байланысы туралы баяндады.
<blockquote>
 «Мемлекет басшысы 2025 жылы жалпы ішкі өңірлік өнім көлемін 30 пайызға жеткізу керектігі туралы міндет жүктеді. Осы мақсатта Үкімет тарапынан өңірлерге қойылған арнайы тапсырмалар бар. Облыс алдағы бес жыл ішінде 5 триллион қаржы инвестиция тарту міндеті көзделді. Сондай -ақ, биыл өңірге 186 млрд.теңгеден аса инвестиция тартылды. Бұл өткен жылмен салыстырғанда 0,1 пайызға артқанын білдіреді. Облыста өңдеу өнеркәсібі саласында 40-қа жуық экспорттаушы кәсіпорындар жұмыс жасайды. Осы жылы өңірімізге Литва Республикасының Елшілігі делегациясы, мамырда айында Өзбекстан Республикасының Бас консулы, қыркүйекте Корея Республикасының Бас консулының іс сапары ұйымдастырылған болатын. Сондай-ақ, Қызылорда қаласы және Франция Республикасының Ножан-сюр-Марн қаласы арасында бауырластық байланыстар орнату туралы келісімге қол қойылды. Бұл Қазақстан мен Франция арасында саяси және мәдени саласындағы ынтымақтастық пен тарихи байланыстардың айқын көрсеткіші. Алдағы уақытта экономикалық даму сипаты біздің өңірге ұқсас Корея Республикасының Чоллабук-до провинциясымен меморандум жасақтау көзделуде. Осындай іс шаралар шет мемлекеттермен өзара ынтымақтастың одан әрі нығаюына және сауда-экономикалық байланыстардың дамуына зор серпін беретіні сөзсіз», – деді Жанар Серікқызы.
</blockquote>

Қызылордада 40-қа жуық экспорттаушы кәсіпорындар жұмыс жасайды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1719 адам коронавирустан жазылып кетті, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 66,
Алматы қаласы – 387,
Шымкент қаласы – 45,
Ақмола облысы – 76,
Ақтөбе облысы – 6,
Алматы облысы – 111,
Атырау облысы – 63,
Шығыс Қазақстан облысы – 224,
Жамбыл облысы – 11,
Батыс Қазақстан облысы – 7,
Қарағанды облысы – 152,
Қостанай облысы – 235,
Қызылорда облысы – 25,
Маңғыстау облысы – 53,
Павлодар облысы – 98,
Солтүстік Қазақстан облысы – 97,
Түркістан облысы – 63.
Қазақстан бойынша жазылғандар саны – 867961.

Қызылордада тағы 25 адам коронавирустан жазылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1742 адамның коронавируспен ауырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 178,
Алматы қаласы – 292,
Шымкент қаласы – 41,
Ақмола облысы – 143,
Ақтөбе облысы – 46,
Алматы облысы – 89,
Атырау облысы – 44,
Шығыс Қазақстан облысы – 105,
Жамбыл облысы – 35,
Батыс Қазақстан облысы – 52,
Қарағанды облысы – 139,
Қостанай облысы – 128,
Қызылорда облысы – 38,
Маңғыстау облысы – 9,
Павлодар облысы – 202,
Солтүстік Қазақстан облысы – 159,
Түркістан облысы – 42.
Жалпы ел бойынша ауырғандар саны 924802.

Қызылордада 38 адамнан коронавирус анықталды

<a href="https://kyzylorda-news.kz/ru/obshestvo/">Kyzylorda-news.kz</a>. ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссия 22 қазандағы жағдай бойынша Қазақстан өңірлеріндегі эпидемиологиялық ахуалды бағалау матрицасын жариялады.
«Қызыл» аймақта: Нұр-Сұлтан, Алматы қалалары, Қостанай, Павлодар, Ақмола, Солтүстік Қазақстан облыстары.
«Сары» аймақта: Атырау, Қарағанды, Қызылорда, Шығыс Қазақстан облыстары.
«Жасыл» аймақта: Шымкент қаласы, Алматы, Ақтөбе, Батыс Қазақстан, Түркістан, Жамбыл, Маңғыстау облыстары.
Айта кетейік, кеше Алматы облысы «қызыл» аймақта, Қызылорда облысы «жасыл» аймақта болатын.

Қызылорда қайтадан «сары» аймаққа өтті

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында қазіргі таңда сауда саласында жалпы құны 718 млн. теңгені құрайтын 13 инвестициялық жоба іске асырылып, 214 жұмыс орны құрылды. Бұл туралы Өңірлік коммуникация қызметінде Қызылорда облыстық кәсіпкерлік және туризм басқармасының басшысы Фердоуси Қожабергенов айтты.
Басқарма басшысының айтуынша, бүгінде электрондық сауда саласында да өсім байқалады. Өткен жылдың қорытындысы бойынша облыстың электрондық сауда көлемі 1,5 млрд. теңгені құрап, 2019 жылмен салыстырғанда 4 есеге өсіп, 366 млн. теңгені құрады.
Сонымен қатар келер жылға жалпы шағын орта кәсіпкерлік субъектілерінің 2000-нан аса жобасына жеңілдетілген несие, 1500-ден аса жобасына мемлекеттік гранттар беру жоспарлануда.

Қызылордада 2 мыңнан астам жобаға жеңілдетілген несие беріледі

<a href="https://kyzylorda-news.kz/ru/obshestvo/">Kyzylorda-news.kz</a>. ҚР Мемлекеттік хатшысы Қырымбек Көшербаевтың төрағалығымен Жамбыл Жабаевтың 175 жылдығын атап өту жөніндегі мемлекеттік комиссияның кезекті отырысы өтті. Жиынға Мәдениет және спорт министрі Ақтоты Райымқұлова, Ақпарат және қоғамдық даму министрі Аида Балаева, Білім және ғылым министрі Асхат Аймағамбетов және барлық облыс пен республикалық маңызы бар қала әкімдері қатысты.
Мемлекеттік хатшы өз сөзінде Жамбыл Жабаевтың 175 жылдығы елдігімізді айшықтап, бірлігімізді көрсететін айтулы оқиға екенін, алдағы жоспарланған іс-шараларды жоғары деңгейде өткізу қажеттігін айтты.
<blockquote>
 – Ақынның мерейтойы жас ұрпақты тәрбиелейтін, ұлтымызды ұйыстыратын, жұртшылыққа ой салатын тағылымы мол, тәлімі зор, тәрбиелік мәні бай шара болуы тиіс, – деді Қырымбек Көшербаев.
</blockquote>
Комиссия отырысында Мәдениет және спорт министрі Ақтоты Райымқұлова, Ақпарат және қоғамдық даму министрі Аида Балаева, Білім және ғылым министрі Асхат Аймағамбетов сонымен қатар, Алматы облысының әкімі Амандық Баталов пен Жамбыл облысының әкімі Бердібек Сапарбаев ақын мерейтойын атап өтуге қатысты жоспардың орындалу барысы жөнінде баяндады.
Жиын соңында Мемлекеттік хатшы Жамбыл Жабаевтың 175 жылдық мерейтойын дайындау және өткізу жөніндегі жалпы республикалық жоспарды орындау жөніндегі жұмысты жалғастыруды және белгіленген іс-шаралардың сапалы өткізілуін қамтамасыз етуді тапсырды.
Айта кетейік, Қызылорда облысында ақын, жыр алыбы Жамбыл Жабаевтың 175 жылдық мерейтойын ұйымдастыру және өткізу жөніндегі өңірлік іс- шаралар жоспары бекітіліп, жыл көлемінде 130 іс-шара өткізілді. Оның ішінде 100-і онлайн, 30-ы офлайн форматта ұйымдастырылды.
Мәдениет ұйымдарында ғасыр жасаған тұлғаның шығармашылығын насихаттауға бағытталған шаралар ағымдағы жылдың ақпан айында Ә.Тәжібаев атындағы облыстық әмбебап ғылыми кітапханасында «Жыры әлемді шарлаған – Жамбыл» атты кең көлемді кітап көрмесімен ашылып, жыл көлемінде «Ұлы даланың жыршысы» тақырыптарында кітап көрмелері, «Әлемге аян жырлары», «Жырлансын, Жамбыл жырлары», «Тыңда, дала Жамбылды», «Жыр алыбы – Жамбыл» атты дәстүрлі орындаушылардың концерттері мен жыршы-термешілердің фестивалі, «Жүз жасаған бәйтерек» атты облыстық эссе жазу байқауы мен ақын өлеңдерін мәнерлеп оқудан сайыстар, «Жамбыл – ғасыр ақыны», «Ұлы дала Жамбылы» атты әдеби кештер мен дөңгелек үстелдер ұйымдастырылды.
Сыр елі жыршы-жырауларының қатысуымен өткен «Жырлансын, Жамбыл жырлары» атты жыр кешінде Жамбыл жырлары cыр мақамдары арқылы дәріптелді.
Сондай-ақ, «Жүз жыл жырлаған жүрек» атты Алматы облысындағы Ж.Жабаевтың әдеби-мемориалды музейінің Қызылорда қаласында жылжымалы көрмесі ұйымдастырылып, облыс жұртшылығы ақынның ұстап-тұтқан жеке заттары мен шапанын, домбырасын, кітаптарын көруге мүмкіндік алды. Шараға ақынның немересі мен шөбересі қатысты.
Сонымен қатар, білім беру ұйымдарында «Жамбыл Жабаев–Ұлы Даланың алып жыршысы» атты оқушылар айтысы, «Жамбыл болып менде сөйлейін, Жамбыл боп өлең өрейін» атты жыр мүшәйрасы, «Жыр алыбы – Жамбыл» тақырыбында көркемсөз оқу шеберлерінің байқауы, «Жамбыл мұраларын жаңаша бағалау–ұлттық рухани жаңғырудың өзекті мәселесі» тақырыбында онлайн форматта республикалық ғылыми-тәжірибелік конференция өткізілді.
Ел Тәуелсіздігінің 30 жылдығы мен Жамбыл Жабаевтың 175 жылдығына орай 2021 жылдың қазан айында Тараз қаласында өткен «Көне Тараз күмбірі» атты республикалық фольклорлық ансамбльдер конкурсында Қорқыт ата атындағы Қызылорда университетінің «Дидар» халықтық фольклорлық-этнографиялық ансамблі жүлделі үшінші орынды иеленіп, аймақ мерейін асқақтатты.
Бүгінде облыс бойынша Ж.Жабаевтың есімі берілген 2 мектеп, 30 көше бар. 2021 жылдың 27 ақпаны күні ақынның туған күні қарсаңында аталған білім ұйымдарында іс-шаралар өткізіліп, мектеп оқушылары жыр алыбының жалынды жырларын дәріптеді.
Ақынның өмір жолы мен шығармашылығын насихаттау жұмыстары алдағы уақытта да жалғасын таппақ.

Қызылордада Жамбыл Жабаевтың 175 жылдығына орай 130 іс-шара өткізілді

Туған күніңмен, Қызылорда!

<h4 id="kyzylordanewskzhttpskyzylordanewskzruobshestvo175"><a href="https://kyzylorda-news.kz/ru/obshestvo/">Kyzylorda-news.kz</a>. Қырымбек Көшербаев Жамбыл Жабаевтың 175 жылдығын атап өту жөніндегі Мемлекеттік комиссияның отырысын өткізді.</h4>
Мемлекеттік хатшы өз сөзінде Жамбыл Жабаевтың 175 жылдығы елдігімізді айшықтап, бірлігімізді көрсететін айтулы оқиға&nbsp;екенін, алдағы жоспарланған іс-шараларды жоғары деңгейде өткізу қажеттігін&nbsp;айтты.
<blockquote>
 Ақынның мерейтойы жас ұрпақты тәрбиелейтін, ұлтымызды ұйыстыратын, жұртшылыққа ой салатын тағылымы мол, тәлімі зор, тәрбиелік мәні бай іс-шара болуы тиіс, – деді Қырымбек Көшербаев.
</blockquote>
Комиссия отырысында Мәдениет және спорт министрі Ақтоты Райымқұлова, Ақпарат және қоғамдық даму министрі Аида Балаева, Білім және ғылым министрі Асхат Аймағамбетов, сонымен қатар, Алматы облысының әкімі Амандық Баталов пен Жамбыл облысының әкімі Бердібек Сапарбаев ақын мерейтойын атап өтуге қатысты жоспардың орындалу барысы жөнінде баяндады.
Жиын соңында Мемлекеттік хатшы Жамбыл Жабаевтың 175 жылдық мерейтойын дайындау және өткізу жөніндегі жалпы республикалық жоспарды орындау жөніндегі жұмысты жалғастыруды және белгіленген іс-шаралардың сапалы өткізілуін қамтамасыз етуді тапсырды.

Қазақстан және Қызылорда облысының жаңалықтары: Қоғам