<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанның репродуктивті медицина қауымдастығының президенті, профессор Вячеслав Локшин болашақ аналарға COVID-19-ға қарсы екпені қай кезде алу қажеттігін айтты, деп хабарлайды ҚазАқпарат.
<blockquote>
 «Өткен бір жарым жыл ішінде біз COVID-19 науқастарының арасында жүкті әйелдер көп екенін көрдік. Вирустың «Ухань», «Британдық» сияқты алғашқы штамдарында жүкті әйелдер қатты ауырмаған еді. Дегенмен олардың арасында өлім, баланың шетінеуі және мерзімінен бұрын босану көп болған. Барған сайын вирус бейімделіп, жүкті әйелдерге қаттырақ әсер ете бастады. Әлемдегі акушер-гинекологтардың бәрі осылай деп дабыл қағуда. Вирустың кесірінен болашақ аналар пневмонияны да ауыр өткеретін болды. Бұл жүкті әйелдер арасындағы өлімнің өсуіне, жүктілік кезінде ауыр асқынуларға әкеліп отыр», – деген профессор жүктілік кезінде қан ұюының жоғарылауы, иммундық қорғаныстың төмендеуі, өкпе қозғалысының қиындауы сияқты өзгерістер жиі кездесіп жатқанын атады.
 «Аурудың алдын алудың бір жолы бар – жүктілікке дейін вакцина қабылдау керек. Яғни жүктіліктің басталуына үш-төрт апта қалғанда вакцианцияң толық крусын аяқтаған жөн. Бірақ бұл жасалмаса, жүктілік кезінде вакцина алу ұсынылады. Бүгінгі таңда әлемнің көптеген елдері органогенез аяқталған кезде 12-16 аптадан кейін жүкті әйелдерді вакцинациялап жатыр» – деді дәрігер.
</blockquote>
Оның мәліметі бойынша, әлемнің көптеген елдеріндегі жүкті еріктілерге жүргізілген зерттеулер вакцинаның ұрыққа және жүктілік ағымына теріс әсер етпейтінін көрсеткен.
<blockquote>
 «Өйткені, өлтірілген вирус немесе оның ағзада көбеймейтін бөлшектері бар. Бірақ антиденелер шығарылады, олар кейіннен баланы қорғайды. Сондықтан, жүкті әйелдерді вакцинациялау-ауыр вирустық инфекциядан қорғау үшін өте маңызды кезең», – деді Вячеслав Локшин.
</blockquote>

Болашақ аналардың COVID-19-ға қарсы екпені қашан алғаны дұрыс

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылордалық полиция қызметкерлері «ақшаңызды бағдарламаға салып, екі еселеп беремін» деп алаяқтық жасаған азаматшаны ұстады.
Қызылорда қалалық Полиция басқармасына 35 жастағы қала тұрғыны алаяқтың құрбаны болғанын айтып арызданған. Арызданушының сеніміне кіріп, ақшаңызды бағдарламаға салып екі еселеп беремін деп, ақшаны алдап алған. Күдікті жәбірленушіден жұмыс ақысы үшін 1 миллион теңге қаражатын алған. Алайда бүгінгі күнге дейін уәде етілген жұмыстары болмаған, не қаражаттарын кері қайтармаған.
Тәртіп сақшыларының жедел-іздестіру шаралары барысында 44 жастағы қала тұрғыны ұсталды. Аталған дерек бойынша Қазақстан Республикасының Қылмыстық Кодексінің 190-бабының 3,4-бөлігі бойынша сотқа дейінгі тергеп-тексеру амалдары жүргізілуде.

Қызылордада тұрғын алаяққа алданып, ақшасынан айырылды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Биыл облыс бойынша республикалық бюджеттен 247 531 адамға зейнетақы мен арнаулы әлеуметтік жәрдемақы төленген. Бұл аталған жәрдемақыны тағайындауға қатысты 17 мемлекеттік қызмет түрі бойынша іс-макеттері бекітілді. Өңірлік коммуникациялар қызметінде өткен баспасөз конференциясында еңбек, әлеуметтік қорғау және көші-қон комитетінің облыс бойынша департаментінің бастығы Ертілеу Жалғасбаев әлеуметтік қызметтер мен заңнаманың сақталуын бақылауда атқарылған жұмыстарды саралады.
<blockquote>
 «Биыл 2360 іс бойынша зейнетақы және жәрдемақы тағайындаудан бас тарту туралы шешім қабылданып, 1203-і толықтыруға кері қайтарылған. Олардың басым бөлігі зейнетақы төлемдері мен көпбалалы отбасыларға берілетін жәрдемақылар. Сондай-ақ бізге 30 946 адам мүгедектігі бойынша тіркелген. Мүгедектерді жеке оңалту бағдарламасына сәйкес 45,7 пайызға жуық азаматқа және әлеуметтік бөлігі бойынша 2,8 пайыз кәсіптік бөлігі бойынша оңалту шаралары әзірленді. Аталған кезеңде мүгедектердің жеке оңалту бағдарламаларының техникалық қосымша құралдарымен қамтамасыз етуде 73,6 пайыз орындалды», – деді Ертілеу Шынтасұлы.
</blockquote>
Департаменттің биылғы профилактикалық бақылау жүргізудің тізіміне сәйкес мүмкіндігі шектеулі азаматтарға арналған нысандарға тексеру шаралары жүргізілген.
<blockquote>
 «Профилактикалық бақылау жүргізілген нысандар мен мүгедектердің жеке оңалту бағдарламаларының орындалуы тексерілді. Нәтижесінде 124 заңбұзушылық анықталып, оларды жою туралы 22 ұйғарым берілді. Жоспардан тыс тексеру 10 субъекті бойынша жүргізіліп, 13 заңбұзушылық анықталды. Алдағы уақытта қалған 40 заңбұзушылық жойылмақ. Сонымен қатар департаментпен жеке және заңды тұлғалардың 847 өтініші қаралды. Қаралған өтініштердің көпшілігі зейнетақы және әлеуметтік қамсыздандыру саласы бойынша және медициналық – әлеуметтік сараптама жүргізу саласы бойынша қамтылған. Облыста 2021-2025 жылдар аралығында 1294 бейімделетін нысандар белгіленген. Биылғы жылы бейімдеуге жататын 208 әлеуметтік инфрақұрылым нысандарының мүгедектігі бар адамдардың барлық санаттарына толық сәйкестендірілген. Қалған 50 нысан бойынша бейімдеу жұмыстары жүргізілуде», – деді сала басшысы Ертілеу Жалғасбаев.
</blockquote>

Ертілеу Жалғасбаев: Бақылау жүргізу барысында 124 заңбұзушылық анықталды

<a href="https://kyzylorda-news.kz/ru/obshestvo/">Kyzylorda-news.kz</a>. «Кальмар ойыны» сериалынан кейін балалар ондағы эпизодтарды қайталауда. Әлем ұстаздары осылай деп дабыл қағуда. Балалар ойын ойнап, жеңілгендерді кемсітіп, қорлап, тіпті соққыға жығып, қатыгез жазалауда, деп хабарлайды <a href="https://stan.kz/">Stan.kz</a>.
Ал қиялы қатты дамыған балалар сценарийден шығып, кинодағыдан да қауіпті жазаларды ойлап табуда.&nbsp;
Психолог әрі психотерапевт Галина Салтанованың айтуынша, бұл ойынды тоқтатпаса, оның соңы орны толмас өкінішке апаруы мүмкін.&nbsp;
<blockquote>
 «Балалардың психикасы толық қалыптасып бітпеген. Олар образды түрде, көз алдына картинаны елестетіп ойланады. Ал ол ойлары алдымен санасына, кейін бейсанасына жазылады», –&nbsp;дейді психолог.&nbsp;
</blockquote>
Салтанованың пікірінше, «Кальмар ойыны» балалар үшін қауіпті. Бұл ойын әлсіз адамның көзін жоюға жетелейді.&nbsp;
<blockquote>
 _«Ойын –&nbsp;балалық кезеңнің жетекші қызметі. Ойын ойнау арқылы біз рөлдерді танып-білеміз. Бұрын балалар анасы мен қызы, дүкенші, құтқарушы, полицей сынды ойындарды ойнайтын. Енді балалар қаскөйді сомдайды.&nbsp;Бұл қоғам үшін қауіпті», –&nbsp;деді Галина Салтанова._
</blockquote>
Психологтың айтуынша, елімізде «Кальмар ойынына» тез арада шектеу қою керек. &nbsp;
<blockquote>
 _«Кальмар ойыны» өте қауіпті. Белгісіз адамдардың мектепке басып кіріп, оқушыларды атып тастағанын хикаялардан білеміз. Ата-аналар баланың теледидардан, ғаламтордан қандай контент қарап отырғанын қатаң бақылауы керек», – дейді психолог._
</blockquote>
Бұл ойынды ойнаған баланың психикасына сіңіп, болашақта ол сыртқа шығып, адам шошырлық жайттарға апаруы мүмкін.&nbsp;
<blockquote>
 _«Жүйке-жүйесі әлсіз қабылдағыш балалар әлсіз болудан қорқатын болады», –&nbsp;деді Салтанова._&nbsp;
</blockquote>
Айта кетейік, «Кальмар ойыны» жақында ғана ел арасында кеңінен танымал болған Netflix-тегі сериал. Хикаяда қарызға батқан адамдар біртүрлі ойынға қатысуға келіседі. Жеңімпаз қомақты қаржыға ие болса, жеңілгендер өледі. Сериал әлемнің 90 елінде ең көп қаралған 10 туындының ішінде көш бастады.

Қазақстанда «Кальмар ойыны» сериалына тыйым салу ұсынылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазалы ауданындағы теміржол ауруханасының базасында ПТР зертханасы ашылды. Оның қуаты тәулігіне 200 сынақты құрайды. Зертхана Қазалы ауданымен қатар, көршілес Арал және Қармақшы аудандарының тұрғындарына қызмет көрсетеді.
Бүгін аудан әкімі Мұхтар Оразбаев ауруханаға арнайы барып, медицина қызметкерлерінің жұмысына сәттілік тіледі.
«Қазалы теміржол ауруханасы» ЖШС бас директоры, білікті маман Құбыл Ршымбетов аудан басшысын зертхана жұмысымен таныстырып, орталықтың тиімділіктерін тілге тиек етті.
Мекеме барлық талаптарға сай қажетті жабдықтармен қамтылған. Зертхана бөлмелерінде жөндеу жұмыстары жүргізілді, техника орнатылды, қажетті реактивтер сатып алынды. Зертхана қызметкерлері Алматы, Орал қаласындағы жетекші зертханалар базасында арнайы оқытудан өтті. Жобаның жалпы құны 60 млн теңгені құрайды.
Бұрын ПТР зерттеуге барлық биологиялық материалдар Қазалыдан Арал ауданы мен Қызылорда қаласына жіберілетін. Нәтижелер 2-3 күн аралығында шығатын. Жаңа ПТР зертхананың ашылуымен коронавирус инфекциясын тезірек анықтауға болады. Талдауды өңдеу орташа есеппен 5 сағатты құрайды. Сынақ қорытындысы бір тәулік ішінде беріледі.
<img src="https://kyzylorda-news.kz/wp-content/uploads/2021/10/ptrrr.jpg" alt="" />
<img src="https://kyzylorda-news.kz/wp-content/uploads/2021/10/ptrr.jpg" alt="" />

Қазалыда ПТР зертханасы ашылды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласындағы Достық үйінде мектептік медиацияны дамыту мақсатында оқушылар арасында ғылыми және әлеуметтік жобаларының байқауы өтті.
Іс-шара офлайн және онлайн форматта, санитарлық талапқа сай, оқушылардың қауіпсіздігі сақтала отырып өткізілді. Шараға өткізілген жобалардың арасынан іріктеліп 14 жоба қорғалды.
Байқау барысында қазылар алқасының шешімімен «Жаңашыл жоба» номинациясын П.Осипенко атындағы №8 орта мектептің 8 сынып оқушысы Салауат Абраимов иеленді. Сондай-ақ Т. Рысқұлов атындағы №222 орта мектебінің 11 сынып оқушысы Алтынай Төлепберген «Заманауи жоба» номинациясы бойынша марапатталды. Ал «Үздік жоба» номинациясын Ы.Алтынсарин атындағы №10 мектеп-лицейінің 10 сынып оқушысы Құралай Амангелді қанжығасына байлады.
Сайыс жеңімпаздардарын «Қоғамдық келісім» КММ-нің директоры Болатбек Айтбенбетов марапаттап, оларға бағалы сыйлықтар табыстады. Байқауға қатысушы оқушылар мен олардың жетекшілері арнайы Алғыс хаттармен марапатталды.
<img src="https://kyzylorda-news.kz/wp-content/uploads/2021/10/245045519_3048721082113718_8916269304272614073_n.jpg" alt="" />

Қызылордада мектептік медиация жобалар байқауы өтті

<a href="https://kyzylorda-news.kz/ru/obshestvo/">Kyzylorda-news.kz</a>. Үкімет 2022 жылдың демалыс күндерін ауыстыру туралы қаулы қабылдады, деп хабарлайды&nbsp;<a href="https://sputnik.kz/">Sputnik Қазақстан</a>.
Қаулыға премьер-министр Асқар Мамин қол қойды.
Соған сәйкес,&nbsp;жұмыс уақытын ұтымды пайдалану мақсатында&nbsp;сенбі күнгі екі демалыс дүйсенбіге ауыстырылып отыр.
Атап айтқанда:
<ul>
<li>5 наурыздағы сенбіден 7 наурыздағы дүйсенбіге;</li>
<li>27 тамыздағы сенбіден 2022 жылғы 29 тамыздағы дүйсенбіге ауыстырылды.</li>
</ul>
Сенбі күнгі демалыс ауыстырылғаннан кейін қазақстандықтар 8 наурыз және 30 тамыздағы мерекелік даталармен бірге екі күн қатарынан демалады.
Қаулы ресми түрде жарияланған он күннен кейін қолданысқа енгізіледі.

2022 жылдың демалыс күндері ауыстырылды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында шағын және орта бизнес нысандарының қатары жыл санап артып келеді. Мемлекеттің қолдауын тиімді пайдаланған қызылордалық кәсіпкерлер өз істерін бастап, жұмыссыздар санын азайтуға үлес қосуда.
Шағын және орта бизнесті дамыту бойынша жұмыстар Қызылорда облысында жүйелі түрде жүргізілуде. Кәсіпкерлікті қолдау мен жобаларды жүзеге асыру нәтижесінде бірқатар нысандар ашылып, бизнес өкілдерінің саны артып келеді. Осыған орай, жеке кәсібін ашып, тұрғындарды сапалы өнімдермен қамтамасыз етіп отырған кәсіпкерлердің бірі – Бибігүл Қожантай.
Кәсібін 2019 жылы ашқан кәсіпкер бүгінде жартылай фабрикат өндірісімен айналысып келеді. Алдағы уақытта «Қызылорда өңірлік инвестициялық орталығы» микроқаржы ұйымынан өндіріске қажетті жабдықтар мен жүк автокөлігін алу үшін жеңілдетілген несие алуды жоспарлауда.
Кәсіпкердің басты мақсаты – облыс тұрғындарына сапалы өнімдер өндіру арқылы, кәсіпкерлік саласының дамуына өз үлесін қосу.
Қазіргі таңда, аталған кәсіпорын 10-15 адамды жұмыспен қамтып отыр. Мұнда күніне 150 келі өнім өндіріледі. Тұтынушылардың сұранысына орай алдағы уақытта өнім түрлерін көбейту де жоспарланған.

Қызылорда: Мемлекет қолдауы кәсіпкерлер қатарын көбейтуде

<a href="https://kyzylorda-news.kz/ru/obshestvo/">Kyzylorda-news.kz</a>. «Спайс» пен «мефедронның» 1 грамы үшін де қылмыстық жауапкершілік енгізілді. Бұрын қылмыстық іс 50 грамнан ғана басталатын, деп хабарлайды ҚазАқпарат.
Ішкі істер министрлігінің ақпарат алаңында өткен брифингте Есірткі қылмысына қарсы іс-қимыл департаментінің басқарма бастығы Берікхан Нұрғалиев есірткі саудасына қатысты қылмыстардың жазасы қалай қатаңдатылғанын баяндады.
<blockquote>
 «Жақында ғана синтетикалық есірткінің тағы 11, прекурсор 17 жаңа түрінің айналымы үшін қылмыстық жауапкершілік енгізілген Үкіметтің қаулысы күшіне енеді. Сондай-ақ, «пиралерон» (жылдамдық), мефедрон (меф) және синтетикалық каннабиноидтың (спайс) заңсыз айналымы үшін қылмыстық жауапкершілік күшейтілді. Бұрын қылмыстық іс қозғау үшін тәркіленген есірткі заттың мөлшері&nbsp;50 грамм&nbsp;болуы керек болса, енді бір грамнан басталатын болды. Маусым айында Үкімет адам өмірі мен денсаулығына зияны күшті заттардың тізімін бекітті. Оның қатарына қазақстандық жастар мен жасөспірімдер «эйфория эффектісі» үшін қолднауы мүмкін бірқатар медициналық препарат енгізілді. Қолданыстағы заңнама бойынша медициналық препараттар мен өзге де заттарды қолдану арқылы еліктіргіш притондар ұйымдастыру және ұстау фактісі үшін қылмыстық жауапкершілік қарастырылған. заңсыз айналымы үшін жауапкершілікті көздейтін заң жобасын әзірлеуге кірістік. Қылмыстық кодекстің 310-бабы осы мәселеге арналған. Сондай-ақ, әсері күшті заттардың контарабандасы бойынша Қылмыстық кодекстің 286-бабы қарастырылған. Қазір Парламентпен және мүдделі мемлекеттік органдармен бірге әсері күшті заттардың заңсыз айналымы үшін жауапкершілікті көздейтін заң жобасын әзірленіп жатыр. Оның ішінде аталмыш заттарды медицинадан тыс пайдалану, сақтау және тарату әрекеттері де қамтылған», – деді Берікхан Нұрғалиев.
</blockquote>

Есірткіге байланысты қылмыстық жауапкершілік күшейтілді

<a href="https://kyzylorda-news.kz/">Kyzylorda-news.kz.</a> Мемлекет басшысы биылғы жылы Қазақстан халқына арналған Жолдауында еліміздегі эпидемиологиялық жағдайға байланысты денсаулық сақтау жүйесінің тиімділігін арттыру мәселесіне тоқталып өтті.
Президент Қасым-Жомарт Тоқаев Жолдауда «Коронавирусқа қатысы жоқ ауруларға байланысты ахуалды нашарлатып ал¬мауымыз керек. Пандемия кезінде жоспарлы скри¬нингтер мен ота жасау кейінге қалып жатыр. Бұрыннан бар стандартты екпелер көптеген балаларға салынбай қалуда. Әрине, бұған жол беруге болмайды. Медицина саласына қомақты қаржы құю керек. Бұл қаражат инфрақұрылымға, маман даярлауға және халықты дәрі-дәрмекпен қамтамасыз етуге жұмсалуға тиіс» деген болатын.
Президент тапсырмасына сәйкес, қазіргі таңда аймақта денсаулық сақтау саласы бойынша ілкім істер атқарылып келеді. Әлемді әбігерге түсірген пандемияның салдарынан қаншама адам ажал құшты. Осы орайда облыста өлім-жітімнің алдын алу мақсатында оттегі стансасы жұмысын бастады. Пандемияға байланысты арнайы фильтр аппараты жұмыс жасауда. Бұл індеттен екі өкпесі қысылған сырқат жандарға демеу болды.
Жалпы, Сыр өңірінде медицина саласы қарқынды дамып келеді. Еліміз Тәуелсіздігін алған алғашқы жылдары облыстық консультативтік диагностикалық орталық ашылды. Орталықтың ашылуы аймақтағы денсаулық сақтау саласының ілгерілеуіне көп септігін тигізді. 1998 жылы облыс орталығында көп салалы медициналық кешен бой көтеріп, сырбойылықтарға есігін айқара ашты. Заман талабына сай жабдықталған медициналық ұйым 20 жылдан астам уақыттан бері Сыр жұртшылығы үшін күндіз-түні қалтқысыз қызмет етіп келеді.
Сонымен қатар балалар ауруханасы да жаңа, әрі кең ғимаратқа көшіп, ел ертеңі болған ұрпақтардың денсаулығын нығайтуға атсалысып, күрделі оталар жасалып келеді. Бүгінде толыққанды цифрландыру жүйесімен қамтылған бұл ауруханалардағы мамандар шет мемлекеттерден тәжірибеден өтіп, өз біліктіліктерін арттырып келеді. Соның арқасында дәрігерлер уақыт күттірмейтін күрделі оталарды өз өңірімізде жасап, халық алғысына бөленуде.
Тәуелсіздік алған жылдардан бері елімізде медицина саласы қарыштап дамыды. Оның бір дәлелі ретінде сала бойынша Сыр өңірінде атқарылған жұмыстардан аңғаруға болады.
Қоғамдық қабылдауларда, халықпен кездесулерде де салаға қатысты оң пікірлерді жиі естиміз және тұрғындардың көкейінде жүрген ұсыныс-пікірлерді, сан сауалдарды қалт жібермеуге тырысамыз. Кері байланыс – біздің басты мақсат.
Аманжол ОҢҒАРБАЕВ,
Қызылорда облыстық мәслихат депутаты,
«Nur Otan» партиясының мүшесі

Қоғамдық қабылдауда медицина тақырыбы жиі көтеріледі

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазалы ауданының әкімі Мұхтар Оразбаев пен аудандық мәслихат хатшысы Бақытжан Жарылқап Әйтеке би кенті мен Қазалы қаласын аралап, құрылыс жұмыстарымен танысты.
Аудан басшысы алдымен Әйтеке би кенті мен Қазалы қаласының екі аралығындағы абаттандыру жұмыстарымен танысты.
Даңқты қолбасшы Жалаңтөс батырдың 445 жылдығына орай ауданда еңселі ескерткіш салынып жатыр. Қазіргі таңда ескерткіштің айналасы абаттандырылуда. Абаттандыру жұмыстарын Әбдімәлік Өтеулі басқаратын «Намыс құрылыс» серіктестігінің құрылысшылары жүргізуде. Бүгінгі күні абаттандыру жұмыстары қарқынды жүргізілуде. Ол үшін қажетті құрылыс материалдарының көп бөлігі осында жеткізілген.
Аудан әкімі Мұхтар Оразбаев тиісті сала басшылары мен «Намыс құрылыс» ЖШС директорына құрылыс жұмыстарын сапалы әрі уақытылы жүргізуді тапсырды.
Аудан басшысы мұнан соң қала мен кенттің екі аралығындағы көпірге арнайы барып, асфальттау жұмыстарымен танысты. Қазіргі таңда мердігер мекеме жолдың үстіне қара қиыршық тас төсеп жатыр. Осыған дейін аяқталуы тиісті жұмыс белгілі себептерге байланысты тоқтап қалған.
Мұхтар Әуесұлы тиісті сала басшылары мен мердігер мекеменің жауапты қызметкерлеріне көпір үстіндегі жолды жөндеу жұмыстарын тезірек аяқтауды тапсырды.
Аудан әкімі Мұхтар Оразбаев Қазалы қаласында газдандыру жұмыстарын жүргізіп жатқан мердігер мекеменің жауапты қызметкері Бауыржан Еркебаевпен кездесті.
Кездесуде жылдың аяғына дейін Қазалы қаласын газдандыру жұмыстарын аяқтап, тұрғын үйлерге табиғи отынды кіргізу жөнінде сөз болды.
Мердігер мекеменің жауапты қызметкері Бауыржан Еркебаев Қазалы қаласында құрылыс жұмыстары бітуге жақын қалғанын жеткізді. Қазіргі таңда көптеген көшелердің жұмысы аяқталып, газ желілерін ауа қысымымен үрлеп тазарту жұмыстары жүргізіліп жатыр.
Кездесу соңында аудан әкімі Мұхтар Оразбаев Қазалы қаласын газдандыру жұмыстарын биыл аяқтауға күш салу қажеттігін айтты.
<img src="https://kyzylorda-news.kz/wp-content/uploads/2021/10/p-1.jpg" alt="" />
<img src="https://kyzylorda-news.kz/wp-content/uploads/2021/10/w.jpg" alt="" />
<img src="https://kyzylorda-news.kz/wp-content/uploads/2021/10/a-1.jpg" alt="" />

Мұхтар Оразбаев: Құрылыстың сапасына мән беру қажет

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Денсаулық сақтау министрі Алексей Цой азаматтардың көп жағдайда жеке және діни себептермен, сонымен қатар вакцинаға сенбейтіндіктен вакцинациялаудан бас тартатынын мәлімдеді, деп хабарлайды&nbsp;<a href="https://stan.kz/">Stan.kz</a>.
Алексей Цой келтірген деректерге сәйкес, 2013 жылдан бері елімізде вакцинациялаудан 24 976 азамат бас тартқан.&nbsp;
<blockquote>
 «Олардың 58% жеке пікірлеріне байланысты, 23,2% діни себептермен, 12,8% вакцинаға сенбейтіндіктен, қалған 6% БАҚ-тағы теріс ақпараттар нәтижесінде бас тартқан», – деді Алексей Цой Парламент отырысында.&nbsp;
</blockquote>
2021 жылдың бірінші жарты жылдығынан бастап 3 417 адам вакцинадан бас тартқан. Олардың 197 түсіндірме жұмыстарынан кейін вакцина салдырған.
Ведомствоаралық комиссия мәліметі бойынша, елімізде коронавирусқа қарсы вакцинаның бірінші компонентін 7 859 131 адам, екінші компонентін 6 901 313 адам алған.

Қазақстан және Қызылорда облысының жаңалықтары: Қоғам