<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Облыста азаматтарды күзгі мерзімді әскери қызметке шақыру жұмыстары жалғасуда. Биылғы жылдың күзінде 750-ге жуық Сыр елінің жігіттері Отан алдындағы міндетін орындауға аттанады.
ҚР Ұлттық қауіпсіздік комитеті Шекара қызметіне 100-ге жуық азамат, ҚР Қарулы Күштері қатарына 350-ге жуық азамат әскерге жолданды. Қазіргі таңда ҚР Ұлттық Ұлан қызметіне 300-ге сарбаз аттандыруға жоспарлануда. Бұл туралы Өңірлік коммуникациялар қызметінде өткен баспасөз конференциясында Қызылорда облысының қорғаныс істері жөніндегі департаментінің тәрбие, идеологиялық және әскери-патриоттық жұмыстар басқармасының бастығы Алмат Жақыпов мәлімдеді.
<blockquote>
 «Азаматтарды жөнелту жұмыстары барлық санитарлық нормаларды сақтай отырып жүргізілуде. Барлық аудандық, қалалық шақыру пункттерінде және облыстық жиын пунктінде санитарлық посттар қойылды. Санитарлық постқа арнайы медициналық маманымен қамтамасыз етілген. Әскери бөлімдерге елімізді қорғауға қабілетті, денсаулығы мықты, дене бітімі шыныққан, сауаты жеткілікті, моральдік-іскерлік қабілеті жоғары азаматтар жөнелтілетін болады», – деді Алмат Алмасұлы.
</blockquote>
Айта кету керек, медициналық комиссиялар толығымен тәжірибелі дәрігерлермен, экспертті жұмыстарда тәжірибесі мол мамандармен толықтырылды. Медициналық комиссияларға медициналық құрал-жабдықтар аудандық, қалалық және облыстық бюджет есебінен қамтамасыз етілді. Шақырылушыларды аудан орталығынан облыстық жиын пунктіне дейін тасымалдау жергілікті бюджеттен қаржыландырылады. Командаларды ауданнан облысқа жеткізу барысында қауіпсіздік шаралары қамтамасыз етілген.

Қызылордадан тағы 750 азамат әскерге аттанбақ

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Бүгін жергілікті уақыт 11-30-да ҚР Президентінің жанындағы Орталық коммуникация қызметінде Қызылорда облысының әкімі Гүлшара Әбдіқалықованың қатысуымен брифинг өтеді.
Аймақ басшысы брифингте Мемлекет басшысының Қазақстан халқына Жолдауынан туындайтын негізгі міндеттерді орындау аясында Қызылорда облысының әлеуметтік-экономикалық дамуы туралы айтады.

Елордада Қызылорда облысы әкімінің қатысуымен брифинг өтеді

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қызылорда қаласында мүмкіндігі шектеулі жандарға әлеуметтік қолдау көрсететін «Тең қоғам» орталығы жұмысын бастады.
Салтанатты рәсімге қатысқан қала әкімінің міндетін атқарушы Бектас Нуридинов орталықтың жұмысына сәттілік тілеп, мүмкіндігі шектеулі жандардың құқығын қорғауға негізделген шаралар алдағы уақытта жалғасын табатынын жеткізді.
Орталық қызметі «Nur Otan» партиясының «Өзгерістер жолы: Әр азаматқа лайықты өмір!» атты 2025 жылға дейінгі жол картасы аясында мемлекеттік әлеуметтік тапсырыс шеңберінде «Тең қоғам» әлеуметтік жобасымен жүзеге асуда.
Қаладағы өмірлік қиын жағдайда жүрген, тәрбиеленуінде мүмкіндігі шектеулі балалары бар немесе өздері де сол санаттағы тұрмысы төмен көп балалы отбасылар орталық қызметіне жүгіне алады.
Орталықта заңгерлік кеңес беру, психологиялық көмек, әлеуметтік-тұрмыстық, кәсіпкерлікке баулу дағдыларын үйрету, бос уақыттарын тиімді үйлестіру жұмыстары жүзеге асады. Орталық Астана даңғылы №79 ғимаратта орналасқан.
<img src="https://kyzylorda-news.kz/wp-content/uploads/2021/11/258002147_2964136353853103_8465178036989410416_n.jpg" alt="" />
<img src="https://kyzylorda-news.kz/wp-content/uploads/2021/11/258137994_2964136977186374_1814540887421730414_n.jpg" alt="" />
<img src="https://kyzylorda-news.kz/wp-content/uploads/2021/11/258158251_2964137407186331_6919909490061314032_n.jpg" alt="" />
<img src="https://kyzylorda-news.kz/wp-content/uploads/2021/11/258235988_2964135847186487_7219202971590554111_n.jpg" alt="" />
<img src="https://kyzylorda-news.kz/wp-content/uploads/2021/11/258188938_2964136640519741_1669853386059038586_n.jpg" alt="" />

Қызылордада «Тең қоғам» орталығы ашылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 2029 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 206,
Алматы қаласы – 158,
Шымкент қаласы – 47,
Ақмола облысы – 121,
Ақтөбе облысы – 35,
Алматы облысы – 125,
Атырау облысы – 28,
Шығыс Қазақстан облысы – 346,
Жамбыл облысы – 11,
Батыс Қазақстан облысы – 166,
Қарағанды облысы – 144,
Қостанай облысы – 299,
Қызылорда облысы – 19,
Маңғыстау облысы – 5,
Павлодар облысы – 199,
Солтүстік Қазақстан облысы – 107,
Түркістан облысы – 13.
Қазақстан бойынша жазылғандар саны – 921 199.

Қызылордада 19 науқас коронавирустан жазылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1083 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 125,
Алматы қаласы – 128,
Шымкент қаласы – 20,
Ақмола облысы – 72,
Ақтөбе облысы – 20,
Алматы облысы – 49,
Атырау облысы – 28,
Шығыс Қазақстан облысы – 77,
Жамбыл облысы – 11,
Батыс Қазақстан облысы – 25,
Қарағанды облысы – 115,
Қостанай облысы – 110,
Қызылорда облысы – 15,
Маңғыстау облысы – 5,
Павлодар облысы – 118,
Солтүстік Қазақстан облысы – 143,
Түркістан облысы – 22.
Жалпы ел бойынша ауырғандар саны – 960 609.

Тағы 15 қызылордалықтан коронавирус анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Солтүстік батыс циклоның ықпалымен Қазақстанның оңтүстігі мен шығысында қар жауып, жел күшейеді, солтүстікте, шығыста жаяу бұрқасын соғып, оңтүстікте көктайғақ, тұман болады, деп хабарлайды Қазгидромет.
Тек Атырау облысында күн жауын-шашынсыз болады.
Түнде Түркістан облысының басым бөлігінде жел 15-20 м/с жылдамдықпен соғып, солтүстігінде, батысында, таулы, тау бөктеріндегі аудандарда екпіні 23-28, тау шатқалдарында 30 м/с және одан да жоғары болады. Күндіз елдің солтүстігінде, таулы аудандарда 15-20 м/с жаяу бұрқасын болады, оңтүстікте тұман түседі.
Шығыс Қазақстан облысында жел секундына 15-20 метр, батыс, солтүстік жартысында 23-28, кейде 30 м/с және одан жоғары жылдамдықпен жел соғып, бұрқасындатады, жолдарда көктайғақ болады.
Қарағанды облысының басым бөлігінде бұрқасын, көктайғақ болады, жел секундына 15-20 метр жылдамдықпен соғады, түнде облыстың шығысында екпіні 23-28 м/с жел болады.
Жамбыл облысының солтүстігінде және таулы аудандарында тұман түсіп, көктайғақ, жаяу бұрқасын болады, оңтүстік-батысында, солтүстік-шығысында және таулы аудандарда желдің күші секундына 15-20 мтерге жетеді, түнде екпіні 23-28 м/с, түнде басым бөлігінде, күндіз оңтүстікте, Павлодар облысының орталығында желдің күші 15-20 м/с болып жаяу бұрқасын соғады.
Солтүстік Қазақстан облысының солтүстігінде, шығысында жаяу бұрқасын, түнде және таңертең оңтүстік батысында тұман, түнде солтүстігінде, шығысында, күндіз облыстың басым бөлігінде желдің жылдамдығы 15-20 м/с жетеді.
Қостанай облысының шығысында, оңтүстік-шығысында желдің жылдамдығы 15-20 м/с, түнде және таңертең жаяу бұрқасын болады.
Түнде Қызылорда облысының орталығында жел 15-20 м/с-қа дейін күшейеді.
Түнде Ақтөбе облысының солтүстігінде, оңтүстік-шығысында жаяу бұрқасын болады, жел 18 м/с-қа дейін күшейеді.
Түнде Батыс Қазақстан облысының солтүстік-шығысында, шығысында көктайғақ, солтүстігінде тұман түседі.
Маңғыстау облысының батысы мен солтүстік шығысында көктайғақ, солтүстігінде тұман түседі.
Атырау облысының солтүстігінде тұман түседі. Түнде және таңертең Алматы облысының шығысында, таулы аудандарында тұман, көктайғақ болады, түнде жел 15-20 м/с жылдамдықпен соғады.

Бейсенбіге арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>. Жуырда Түркияның Ыстамбұл қаласында каратэ-додан әлем чемпионаты өтті. Байрақты бәсекеде Қорқыт ата атындағы Қызылорда университетінің студенттері бақ сынап, жеңіс тұғырынан көрінді.
<blockquote>
 «Қорқыт ата атындағы Қызылорда университетінде 7 халықаралық дәрежедегі спорт шебері, 32 ҚР спорт шебері, 33 ҚР Ұлттық құрама командасының мүшелері білім алады. Тәуелсіздіктің 30 жылдығына арналған ҚР XI жазғы Универсиадасында Қорқыт ата атындағы Қызылорда университеті жалпы командалық есепте бестікке кірді. Нәтижесінде, біздің қоржынымызда 11 алтын, 10 күміс, 25 қола медаль бар. Спорттың командалық түрлері бойынша тоғызқұмалақтан – 1 орын, армрестлинг, шахмат, волейбол, шағын футболдан – 3 орын иеленді. Атап айтсақ, Алишершарип Қонысбек 60 кг салмақта, Дамир Камал 67кг салмақта, Бақдаулет Кубаш 76 кг салмақта, Асемгүл Ердәулет 50 кг салмақ дәрежесінде қарсыластарынан оза шауып, Әлем чемпионатында алтын медальға ие болды. Спортшыларды тартысты додаға дайындауда жаттықтырушылары Нұрбол Тойшыбаев пен Нұржан Ақпанбеттің еңбегі зор», – деді Қорқыт ата атындағы Қызылорда университтетінің проректоры Жандос Базартай.
</blockquote>
Әлем чемпионатында жүлделі орындарға ие болған өрендерде бұл доданың маңыздылығына тоқталып, қолдау білдірген барлық жерлестерге өз алғыстарын жеткізді.
<blockquote>
 Әлемдік дода әрине оңай болған жоқ. Біз осы жарысқа тыңғылықты дайындалып, еліміздің абыройын асқақтатуға барымызды салдық. Осы орайда Қорқыт ата университетінің басшылығына және барлық қолдау білдірген жандарға алғысымызды білдіреміз, – деді әлем чемпионатының жүлдегерлері.
</blockquote>

Қызылордалық спортшылар әлем чемпионатынан жүлделі оралды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қазіргі таңда МӘМС жүйесі арқылы көптеген медициналық қызметтерді алу оңай болды. Біздің елімізде онкологиялық және жүрек-қан тамырлары ауруларының айтарлықтай жоғары көрсеткіштерін, сондай-ақ коронавирустық инфекцияның болуын ескере отырып, компьютерлік және магниттік-резонанстық томография қызметтерінің қолжетімділігі мәселесі өзектілігін жоғалтпайды.
Әлеуметтік медициналық сақтандыру қоры биыл осы қызметтерге өнім берушілердің саны тиісінше 26% – ға және 21% – ға артқандығын атап өтті. Демек, бұл азаматтарда диагностикадан өтуге көбірек мүмкіндіктің пайда болғандығын көрсетеді.
Өнім берушілердің көптігі- қол жетімділіктің артуы
Міндетті әлеуметтік медициналық сақтандыру жүйесін енгізгенге дейін КТ және МРТ қызметтерін ұсыну тұрақты қаржыландырылмайтын бағыттардың бірі болды. Өз аймағының ауруханасында немесе емханасында кезекте тұрған азаматтар КТ немесе МРТ-дан өту мүмкіндігін кейде бірнеше айлар бойы күтті.
Жағдай қалай өзгерді? Егер 2020 – жылы КТ бойынша Әлеуметтік медициналық сақтандыру қорының өнім берушілері 135 медициналық ұйым болса, биыл 190 медициналық ұйым бар. Өткен жылы МРТ-ның 95 өнім берушісі болды, ал осы жылы – 121 медициналық ұйым осы диагностика бойынша қызмет көрсетеді. &nbsp;Бұл үрдіс алдағы жылдары да жалғасады, өйткені Қор оларды нарыққа жақындату және жеке өнім берушілер үшін тартымды ету мақсатында &nbsp;төлем тарифтерін көтеруді қолдайды. Қазір көптеген елді мекендерде КТ/МРТ жеке кабинеттері ашылуда, олардың кейбіреулері қызметтерге деген жоғары сұранысты ескере отырып, тәулік бойы жұмыс істейді.
Атырау, Түркістан, Павлодар облыстары мен Шымкент қаласында КТ өнім берушілерінің саны айтарлықтай өсті. Ақмола және Павлодар облыстарында МРТ өнім берушілерінің саны артты.
Өнім берушілердің көпшілігі ірі өңірлерде халық санының өсуіне байланысты байқалады: Алматыда МӘМС жүйесі бойынша КТ қызметтері бойынша 19 медициналық ұйым және МРТ бойынша 16 медициналық ұйым, Нұр-Сұлтанда – тиісінше 17 және 11 медициналық ұйым, Түркістан облысында – тиісінше 15 және 12 медициналық ұйым, Шымкентте – тиісінше 13 және 11 медициналық ұйым,Алматы облысында – тиісінше 16 және 5 медициналық ұйым жұмыс жасайды.&nbsp;
Айта кетейік, өңірде қажетті медициналық қызметтердің қолжетімділігін қамтамасыз ету жергілікті атқарушы органдардың құзыретіне кіреді, сондықтан өңір ішіндегі қандай да бір ауданда жабдықталудың мониторингі мен өнім берушілердің қатысуы бойынша қажетті жұмысты денсаулық сақтау басқармалары жүргізеді.
Қаржыландыру сұраныстың өсуіне мүмкіндік береді
&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Биылғы жылы КТ және МРТ қызметтеріне жасалған шарттардың сомасы 2 есеге жуық өсті. Егер 2020 жылы бүкіл ел бойынша шарттардың сомасы шамамен 706 млн теңгені құраса, 2021 жылғы 1 – қарашадағы жағдай бойынша шарттар 1,4 млрд теңгеге дерлік жасалды.
Ағымдағы жылдың 10 айының қорытындысына сүйенетін болсақ КТ және МРТ-ға тиесілі &nbsp;медициналық сақтандыру бойынша 46,9 мыңға жуық қызмет көрсетілді, яғни емдеуші дәрігердің жолдамасы бойынша жоспарлы түрде.
Жалпы, ел бойынша көрсетілген қызметтер сомасы 2021 жылдың қаңтар-қазан айлары аралығында шамамен 907 млн теңгені құрады.
Салыстыру үшін, өткен жылдың ұқсас кезеңінде жалпы құны 207,5 млн теңге болатын КТ/МРТ бойынша барлығы 11,4 мың қызмет көрсетілді. Осылайша, көрсетілген қызметтер көлемі 4 еседен астам өсті.
МӘМС арқылы томографиядан қалай тегін өтуге болады?
Науқасқа кез-келген диагностикалық процедураны емдеуші дәрігер тағайындайды. Ол науқастың жағдайын, шағымдарын, аурудың белгілерін зерттейді. Тиісті көрсеткіштер болған кезде дәрігер КТ немесе МРТ жүргізуге жолдама бере алады. Бұл қызметті жоспарлы түрде алу үшін пациентте МӘМС жүйесінде «Сақтандырылған» мәртебесінің болуы тиіс.
Егер КТ/МРТ қызметтерін алуға қатысты сұрақтарыңыз болса немесе сіз олардың көрсеткіштеріне қол жеткізе алмасаңыз, онда өз емханаңыздағы Пациентті қолдау қызметіне хабарласуыңызға болады. Сондай-ақ, ұзақ күтуге байланысты өз аймағыңызда томографиядан өту мүмкіндігі болмаған жағдайда, сіз өз аймағыңыздың Денсаулық сақтау басқармасынан жағдайды нақтылай аласыз. Егер мәселені сол жерде шешу мүмкін болмаса, онда Әлеуметтік медициналық сақтандыру қорына өзіңізге ыңғайлы тәсілмен өтініш беріңіз: Ресми fms.kz сайты, 1406 байланыс орталығы, Telegram-дағы 24/7 Qoldau және SaqtandyryBot мобильді қосымшасы.

Биыл КТ, МРТ арқылы көрсетілген қызметтердің көлемі төрт есеге артты

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облысында «Тәуелсіздік белестері: көркем мәтіндердің рухани-әлеуметтік мәні мен тәрбиелік қуаты» тақырыбында республикалық ғылыми-тәжірибелік конференция өтті.
Қызылорда облысының ішкі саясат басқармасы «Қызылорда облысының тілдерді оқыту орталығы» КММ-нің ұйымдастыруымен өткен жиын Zoom платформасы арқылы өткізілді. Аталған конференцияға орталықтың тіл мамандары, ЖОО ғалымдары, тілшілер, әдебиетшілер, білім алушылар мен мектеп мұғалімдері қатысты.
Конференция мақсаты – Тәуелсіздік дәуіріндегі көркем әдебиеттің қол жеткізген жетістіктерін саралау, бағалау, зерделеу.
Ғылыми-тәжірибелік конференцияның кіріспе сөзін «Тіл – қазына» ұлттық ғылыми-практикалық орталығының бас директорының міндетін атқарушы Ербол Тілеш ашып беріп, конференция жұмысына сәттілік тіледі.
Конференция барысында М.Әуезов атындағы Әдебиет және өнер институтының бас ғылыми қызметкері, филология ғылымдарының докторы, профессор Гүлжаһан Орда «Ұлттық әдебиеттің тәуелсіздік тұсындағы табыстары» тақырыбында, М.Әуезов атындағы Әдебиет және өнер институтының аға ғылыми қызметкері, PhD докторы Ерқанат Хуатбекұлы «Жастар шығармасындағы көркемдік ізденістер» тақырыбында, Шәкәрім университеті, филология ғылымдарының кандидаты Айман Ақтан «Тәуелсіздік рухы: балалар әдебиетіндегі жаңа ізденістер» тақырыбында, Нұр-Сұлтан қаласы, «Тұран» университеті «Журналистика және аударма ісі» кафедрасының доценті, ф.ғ.к. Гүлжан Тулекова «Ы.Алтынсарин әңгімелерінің танымдық синопсисі» тақырыбында, Қорқыт Ата атындағы ҚУ оқу магистрі Әсем Пірімова «С.Елубайдың «Жалған дүние» романындағы ұлттық тіл мәселесі» тақырыбында баяндама оқыды.
<img src="https://kyzylorda-news.kz/wp-content/uploads/2021/11/whatsapp-image-2021-11-17-at-17.23.42-1.jpeg" alt="" />
<img src="https://kyzylorda-news.kz/wp-content/uploads/2021/11/whatsapp-image-2021-11-17-at-17.23.42.jpeg" alt="" />
<img src="https://kyzylorda-news.kz/wp-content/uploads/2021/11/whatsapp-image-2021-11-17-at-17.23.41-1.jpeg" alt="" />

Қызылордада «Тәуелсіздік белестері: көркем мәтіндердің рухани-әлеуметтік мәні мен тәрбиелік қуаты» атты конференция өтті

<a href="https://kyzylorda-news.kz/ru/obshestvo/">Kyzylorda-news.kz</a>. Сырдария ауданы бойынша 2620 шағын және орта кәсіпкерлік субъектісі тіркелген. Қазіргі таңда оның 2441-і жұмыс жасап тұр.
Биылғы жылдың 1 қарашасына Сырдария ауданында мемлекеттік және өңірлік бағдарламалар аясында құны 2,4 млрд. теңгені құрайтын 475 жобаға қаржылай қолдау көрсетілді.
Атап айтқанда, «Еңбек» нәтижелі жұмыспен қамту және жаппай кәсіпкерлікті дамыту» бағдарламасының екінші бағыты бойынша құны 285,6 млн.теңгенің 69 жобасы несилендірілді. Олардың басым бөлігі мал басын көбейту, бордақылау, монша ашу, қажетті техникаларды алу секілді жобаларды қамтиды.
Осы бағдарламаның екінші бағыты аясында Стартап жаңа бизнес идеяларды іске асыру мақсатында 237 адамға 138,3 млн.теңге көлемінде мемлекеттік қайтарымсыз грант берілді.
«Бизнестің жол картасы 2025» бағдарламасы арқылы екінші деңгейлі банктерден 76 кәсіпкерлік субъектісі 424,7 млн.теңге несие алып, жұмыстарын жасауда. Осы бағдарламаның қайтарымсыз грант беру тетігі бойынша 8 жобаға 23,0 млн. теңгеге қаржыландырылды.
«ҚазАгроҚаржы» АҚ-ның Қызылорда филиалы арқылы аудандағы 22 шаруа қожалығы құны 1134,6 млн. теңгеге 53 ауылшаруашылық техникалары мен құрал-жабдықтары алынды.

Сырдария ауданында 475 жобаға қаржылай қолдау көрсетілді

<a href="https://kyzylorda-news.kz/ru/obshestvo/">Kyzylorda-news.kz</a>. Жаңбырдан соң бірден суық ұрғасын Қызылорда көшелерін мұз басып қалды.
Қыстың ауылы алыс деп бейқам жүріп, дөңгелегін сайламаған жүргізушілер үшін қозғалыс қиынға түсті. Таңсәріден авто және жаяу жүргіншілер жолын тазалауға кіріскен коммуналдық мекеме қызметкерлері қала көшелерін қардан түгел тазартуға үлгірмей жатыр. Дегенмен, күшейтілген жұмыс кестесіне көшкен. Ал магистральды трасса бойындағы Арал мен Жаңақорған аудандарының аралығына уақытша бекеттер қойылды.
<blockquote>
 «Медицина қызметкерлері жүргізушілердің денсаулығын тексеріп, түсіндіру жұмыстары жүргізіліп, жадынамалар таратылды. Аталған тас жолда түн мезгілінде жол апаттары болып жатыр. Сол себептен біз түнгі мезгілде жүргізушілерді тоқтатып, шаршап келе жатқан болса демалуын сұрап жатырмыз», – дейді ДП жергілікті полиция қызметі басқармасының бастығы Бауыржан Ибраев.
</blockquote>
<a href="https://24.kz/kz/zha-aly-tar/o-am/item/510845-yzylordany-k-shelerin-m-z-rsady">Хабар 24</a>

Арал мен Жаңақорған аудандарының аралығына уақытша бекеттер қойылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстан құрамасы самбодан әлем чемпионатында сәтті өнер көрсетіп, 10 медаль жеңіп алды. Чемпионат Ташкентте өткен. Еліміз топтық есепте 4 орынды иеленді, деп хабарлайды&nbsp;<a href="https://stan.kz/">Stan.kz</a>.
54 келіге дейнігі салмақта Гүлдана Әлмұханбетова мен ерлер арасында 64 келіге дейінгі салмақ дәрежесінде Рахат Жаниет алтын медаль жеңіп, чемпион атанды.&nbsp;
Мади Райхан (98 келіге дейін салмақта), Ажар Саликова (65 келі салмақта) және Дилдаш Күрішбаева (72 келіге дейінгі салмақта) күміс медаль иеленді.&nbsp;
58 келіге дейінгі салмақта Болатбек Райымқұлов пен Нұркен Домбаев, 79 келіге дейінгі салмақта Айдын Дартаев, 64 келіге дейінгі салмақта Әділбек Сейісов және 88 келіге дейінгі салмақта Умар Янковский қола медаль жеңді.&nbsp;
Әлем чемпионатына 51 ел қатысқан. Спортшылар үш санат бойынша сайысқа түсіп, үздіктерді анықтады.

Қазақстан және Қызылорда облысының жаңалықтары: Қоғам