7 қыркүйек — соғыс ойыншықтарын жою күні<a href="https://kyzylorda-news.kz/">Kyzylorda-news.kz</a> Адамзат тарихына көз жүгіртсек, соғыс пен қақтығыс қаншама қайғы-қасірет әкелгенін көреміз. Бір елді екіншісі жауласа, бір әулеттен талай адам айырылды. Қаншама шаңырақтың оты өшіп, ұрпақтың тағдыры күйреді. Осыны көрген халық бейбіт өмірдің қадірін бәрінен артық бағалайды. Сол бейбітшілікті дәріптеу – ең алдымен бала тәрбиесінен басталады. Өйткені бүгінгі ойыншықпен ойнаған бүлдіршін – ертеңгі қоғамның мүшесі. Сол себепті жыл сайын 7 қыркүйек – Соғыс ойыншықтарын жою күні ретінде аталып өтеді. Бұл күн балаларға қару емес, достық пен мейірімділік сыйлайтын ойыншықты таңдай білуді еске салады.<h2 style="margin-left:0px;text-align:center;">Ойыннан от шықпасын…</h2>Әдетте біз ойыншықты тек ермек көзі деп ойлаймыз. Бірақ ойыншықтың да өз тілі бар. Ол балаға үнсіз тәрбие береді. Қуыршақ ойнаған қыз бала қамқорлықты үйренсе, құрылыс ойыншықтарын ермек көрген ұл бала ойлануға дағдыланады. Ал қолына мылтық пен пышақ ұстаған балаға «күшпен шешу» ойы еріксіз қалыптасуы мүмкін.Психологтар мұндай ойыншықтар баланың агрессиясын күшейтетінін айтады. «Жауды жою», «қарумен жеңу» секілді түсінік ойында қалыптасып, шынайы өмірге де әсер етуі ғажап емес. Бір-бірімен ойнап жүрген бүлдіршіндердің «сені аттым», «мен сені өлтірдім» деп айқайлауы осының дәлелі. Бұл – бейкүнә ойынның артында үнсіз қатердің жатқанын көрсетеді.Жас ұрпақтың санасына зорлықты ерлік ретінде сіңіру – болашақ қоғамға жасалған қастандықпен тең. Сондықтан әлемнің көптеген елдері балаларды бейбіт ойға жетелеп, 7 қыркүйекті ерекше күн ретінде белгілеген.<h2 style="margin-left:0px;text-align:center;">Қатігездікке бастайтын ермек</h2>Қазіргі дүкен сөрелеріне қарасаңыз, түрі қорқынышты құбыжықтар мен үрейлі кейіпкерлерге толы ойыншықтарды жиі кездестіресіз. Қызығы сол – балалар дәл осыларға құмар. Қолында қанжары бар монстр, көзі қып-қызыл робот немесе құбыжыққа ұқсайтын қуыршақ қазір сәнге айналып үлгерді.Тағы бір парадокс – мұндай ойыншықтардың бағасы арзан емес. Кейбірі қарапайым отбасының бір айлық табысына тең. Соған қарамастан, сұранысқа шек жоқ. Бұл – маркетингтің айласы. Өндірушілер балалардың қиялын жақсы жарнама арқылы баурап, ата-ананы қымбат ойыншық алуға итермелейді. Нәтижесінде бала бойына бірнеше қажетсіз қасиеттерді сіңіруі мүмкін.Әлемнің дамыған елдері бұл мәселені ертерек түсініп, «бейбіт ойыншық» өндірісін жолға қойған. Мысалы, Жапонияда ғылымға қызықтыратын құрылғылар, Еуропада шығармашылыққа жетелейтін ойындар кең тараған. Олар баланың ойлау қабілетін дамытып, төзімділікке үйретеді.Ал бізде әлі де әскерилердің автоматы немесе пышағы өтімді тауарлардың бірі. Бірақ таңдау ата-ананың қолында. Қарапайым конструктор, табиғатты танытатын үстел ойыны немесе сурет салуға арналған құрал – бір мылтықтан әлдеқайда пайдалы. Мұндай ойындар баланы қиялға жетелейді, білімге ынталандырады.Әрине, ойыншық – балалық шақтың ажырамас бөлігі. Бірақ балаға берер ең үлкен сыйлық – оның дамуына сеп болатын пайдалы дүние. Бір қымбат роботтың орнына сүйікті кітабын сыйлау – ой-өрісін кеңейтеді. Бір пластик мылтықтың орнына спорт үйірмесіне жазу – денсаулығын нығайтады.Музыкалық аспапқа баулу – құлақ пен қиялды шыңдайды, ал сурет салу құралдары – шығармашылыққа жетелейді. Мұндай дүниелер баланың тек уақытын қызыққа толтырып қоймай, оның болашағына салынған инвестицияға айналады. Бала өскенде ойыншықты емес, алған тәрбиесін ұмытпайды.7 қыркүйек – Соғыс ойыншықтарын жою күні бізге жай ғана атаулы күн болып көрінуі мүмкін. Бірақ оның мәні терең. Бұл күні әрбір ата-ананы «баламның қолындағы ойыншық қауіпсіз бе?» деген сұрақты мазалауы тиісҚорлан САРЫФото: freepik.com

Балаларды бейбітшілкке бейімдейік

<a href="https://kyzylorda-news.kz/">Kyzylorda-news.kz</a> Сенат депутаты Геннадий Шиповских онлайн-казиноларды жарнамалайтын блогерлерге жазаны күшейтуді сұрап,&nbsp;депутаттық сауал жолдады. Бұл туралы&nbsp;<a href="http://stan.kz/">Stan.kz</a>&nbsp;ақпарат&nbsp;агенттігі хабарлады.&nbsp;Депутаттың айтуынша, соңғы екі жарым жылда елімізде 205 астыртын казино жабылып, 224 тұлға қылмыстық жауапкершілікке тартылған. Блогерлердің заңсыз қызметтерді ілгерілетуге қатысуы ерекше алаңдаушылық туғызады.Тек биылғы жылдың өзінде 34 блогердің онлайн-казиноларды жарнамалағаны анықталған.&nbsp;Олардың ішінде кейбірі бірнеше рет әкімшілік жазаға тартылса да, заңсыз әрекетін жалғастырып келеді. Себебі қарапайым айыппұлдар оларды тоқтатуға жеткіліксіз, заңсыз жарнамадан түсетін миллиондаған пайда төленген әкімшілік жазадан әлдеқайда асып түседі.<blockquote>«Әлеуметтік желілер кеңістігінде кейбір блогерлердің заңсыз жеңіл ақша табу үрдісі күрт көбейіп кетті. Әсіресе, олардың онлайн-казино, жалған ұтыстар, яғни гивтар, курстар және күмәнді қаржы айналымдарын насихаттауы кеңінен етек алып отыр. Бұл құбылыс халықтың әлеуметтік-экономикалық әл-ауқатына айтарлықтай зиян тигізіп, жастар арасында құмар ойынға тәуелділік, отбасылық дағдарыс және көлеңкелі қаржы айналымының өсуіне әкелуде», –&nbsp;дейді&nbsp;депутат.</blockquote>Геннадий Шиповских мұндай блогерлерді қылмыстық жауапкершілікке тартуды ұсынды.<blockquote>«Қазір заңсыз онлайн-казино және күмәнді гивтерді жарнамалаған блогерлерге қолданылып жатқан әкімшілік айыппұлдардан бөлек, қылмыстық жауапкершілік тетігін толыққанды іске қосуды ұсынамыз. Әлеуметтік желілерде жиі ұйымдастырылатын ұтыс ойындары мен гивтердің заңдылығын тексеру үшін арнайы мониторинг жүйесін енгізу керек. Заңсыз жарнаманы таратушылармен қатар, осы қызметке делдалдық жасап отырған төлем ұйымдары мен жарнамалық агенттіктердің қызметіне мониторинг жүргізу керек», –&nbsp;деді Геннадий Шиповских.</blockquote>Фото: senate.parlam.kz

Депутат онлайн-казиноларды жарнамалайтын блогерлерге жазаны күшейтуді ұсынды

<a href="https://kyzylorda-news.kz/">Kyzylorda-news.kz</a> «Қазақстандағы орыс қауымдастығы: бірлік, келісім және мәдени мұраға 30 жыл» Қазақстан халқы Ассамблеясының 30 жылдығына орай Қызылорда қаласында орыс қауымдастығының онкүндігі басталды. Достық үйінде өткен салтанатты шара аясында «Қазақстандағы орыс қауымдастығы: бірлік, келісім және мәдени мұраға 30 жыл» атты дөңгелек үстел ұйымдастырылды.Жиынға этномәдени бірлестіктердің өкілдері, ҚХА ардагерлері, жастар ұйымдары мен бұқаралық ақпарат құралдарының өкілдері қатысты.Кездесудің ашылуында облыстық қоғамдық даму басқармасы басшысының орынбасары Артур Қамбаров сөз сөйлеп, Қазақстандағы этностардың мәдени, рухани және қоғамдық өмірдегі рөліне тоқталды.<blockquote>– «Орыс қауымдастығы – халқымыздың тарихымен біте қайнасқан, ел дамуының әр кезеңінде өзіндік із қалдырған маңызды этнос. Олар тәуелсіздік жылдарынан бастап білім беру, мәдениет және қайырымдылық саласында айтарлықтай белсенділік танытып келеді. Бүгінгі онкүндік – сол ортақ құндылықтарды дәріптейтін игі бастама», – деді ол.</blockquote>Шара барысында қатысушылар қауымдастықтың этносаралық татулықты нығайтуға, мәдени дәстүрлерді сақтауға қосқан үлесін сөз етті. Сондай-ақ алғашқы төраға Владимир Толоконниковтің еңбектері еске алынып, ұйымның қалыптасу тарихына шолу жасалды.2007 жылы құрылған орыс қауымдастығы бүгінде түрлі мәдени, ағартушылық және әлеуметтік жобаларды жүзеге асырып, өңірдегі этномәдени орталықтармен тығыз байланыс орнатып келеді. Көрермендерге арнайы әзірленген бейнероликтер ұсынылып, қауымдастық белсенділері мен серіктестеріне құрмет грамоталары табысталды.Жиын соңында шығармашылық ұжымдар өнер көрсетіп, фотокөрме ұйымдастырылды. Кеш қонақтары орыс этносының әндерін тыңдап, мерекелік көңіл-күйге бөленді.Қауымдастық төрағасы Наталья Мишукова қатысушыларға алғыс айтып, онкүндікке арналған іс-шаралар легі туралы БАҚ өкілдеріне сұхбат берді.

Орыс қауымдастығының онкүндігі басталды

<a href="https://kyzylorda-news.kz/">Kyzylorda-news.kz</a> Еңбек және халықты әлеуметтік қорғау министрі Светлана Жақыпова Мемлекет басшысының тапсырмаларын іске асыру шеңберінде азаматтардың жұмыс күші тапшылығы бар өңірлерге ерікті түрде қоныс аударуын ынталандыру шаралары туралы айтып берді. &nbsp;Бұл туралы <a href="https://kaz.inform.kz/news/45mln-tenge-zhumis-kush-tapshi-onrlerge-koshkenderge-sertifikat-berled-1ddcbc/">kaz.inform.kz </a>хабарлады.&nbsp;<blockquote>– Ерікті түрде қоныс аударуға жәрдемдесу шеңберінде жаңа қолдау шаралары енгізілді. Қоныс аударушыларға тұрғын үй сатып алу үшін экономикалық мобильділік сертификаты беріледі. Бұл шамамен 4,5 млн теңге. Соңғы үш жылда 6 мың отбасы еңбек күші тапшылығы бар өңірлерге қоныс аударды. Олардың жартысынан көбі сертификат алды. Қабылдаушы өңірлерде жеке мобильді сүйемелдеу жүйесі жұмыс істейді, – деді Светлана Жақыпова.</blockquote>Министрдің мәлімдеуінше, биыл 6 мыңнан астам адам аталған қызметті алған.<blockquote>– Қоныс аударушылар үшін ауыл шаруашылығы мақсатында берілетін жер учаскелерін конкурстан тыс тәртіппен алу құқығы, сондай-ақ материалдық көмекті есепке алу үшін ашық шоттардан өндіріп алу үшін тыйым салуды көздейтін түзетулер қабылданды. Көшу кезінде материалдық көмекке жүгінудің электронды форматы енгізілді. Жаңа механизм іске асырылған сәттен бастап, «қандас» мәртебесін 13 мың этникалық қазақ алды. Бұдан басқа біз шетелдік жұмыс күшін тарту квотасын төмендету саясатын дәйекті түрде жүргізіп келеміз. Соңғы 5 жылда тартылған шетелдік жұмысшылар саны 25 мыңнан 17 мыңға дейін төмендеді. Әлеуметтік әділеттілік қағидатын белгілеу, оңтайландыру бойынша жүргізіліп жатқан барлық жұмыс мемлекет пен қолдауға мұқтаж азаматтар мүддесі теңгерімін қамтамасыз етуге және көрсетілетін қызметтің сапасын арттыруға бағытталған, — дейді ведомство басшысы.</blockquote>Фото: Үкімет

4,5 млн теңге: жұмыс күші тапшы өңірлерге көшкендерге сертификат беріледі   

<a href="https://kyzylorda-news.kz/">Kyzylorda-news.kz</a> &nbsp;Ақордада өткен салтанатты жиында Президент Қасым-Жомарт Тоқаев мұнай-газ кешені ел экономикасының аса маңызды саласы екенін атап өтті.<blockquote>– Сіздер осы салада адал еңбек етіп, мемлекетіміздің дамуына мол үлес қосып келесіздер. Бұл нағыз еңбек адамдарына тән қасиет деп санаймын. Жалпы, еліміздегі мұнай-газ өнеркәсібінің өзіндік дәстүрі, бай тарихы бар. Осы саланың қалыптасып, өркендеуіне бірнеше буын өкілдері зор еңбек сіңірді. Сіздерді аға буынның лайықты ізбасары деуге болады. Қазір мұнай-газ саласында екі жүз мыңнан астам адам жұмыс істейді. Сіздердің табанды еңбектеріңіздің арқасында Қазақстанымыз өркендеп, көркеюде. Мен мұны жоғары бағалаймын. Бәріңізге шынайы ризашылығымды білдіремін, – деді Қасым-Жомарт Тоқаев.</blockquote>Фото: Ақорда

Мемлекет басшысы мұнай-газ саласының қызметкерлерін кәсіби мерекесімен құттықтады

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» мемлекеттік корпорациясы Қазақстан Республикасы Конституциясының 30 жылдығына орай өткен #ATAZAN_AZAMAT_KZ республикалық челленджінің аяқталғанын хабарлайды. Бұл бастама «Ата Заң – тәуелсіздік тірегі» ұлттық іс-шаралар жоспары аясында еліміздің барлық халыққа қызмет көрсету орталықтарында жүзеге асырылды.Акция барысында аймақтық халыққа қызмет көрсету орталықтарында 16 жасқа толған азаматтарға жеке куәліктер салтанатты түрде табысталды. Бұл қадам олардың ресми түрде елдің азаматтық өміріне қадам басқанын білдіріп, әрбір азаматтың құқықтық мәртебесінің маңызын айқындады.Сонымен қатар, Астанада «Азаматтарға арналған үкімет» мемлекеттік корпорациясы алаңында Конституциялық Сот пен Ішкі істер министрлігінің өкілдерінің қатысуымен жасөспірімдерге, сондай-ақ, Қазақстан Республикасы азаматтығын алғандарғақұжаттарды табыстау рәсімі өтті.Аймақтарда челлендждің ХҚКО филиалдарының мемлекеттік органдар және қоғам өкілдерімен бірлесе ұйымдастырылуы оның ауқымын кеңейте түсті.Маңыздысы, челлендж өткен аралықта ел бойынша 229 азамат алғашқы жеке куәлікке ие болды, сондай-ақ,онлайн-өтініш арқылы 310 құжат табысталды.Осылайша, #ATAZAN_AZAMAT_KZ челленджі Конституцияның 30 жылдығына арналған іс-шаралар кешенінің бір бөлігіне айналды. Бастаманың жүзеге асырылуы азаматтық жауапкершілік пен патриотизм құндылықтарын нығайтуға ықпал етіп, құқықтық мәдениеттің дамуына және тұрақты мемлекеттің қалыптасуына жастардың қосар үлесін айқындады.

Қазақстанның ХҚКО-лары #ATAZAN_AZAMAT_KZ республикалық челленджіне қатысты

Мемлекет басшысының Жолдауын іске асыру: Қазақстандағы салалардың цифрлық трансформациясы нақты нәтижелер беруде

<a href="https://kyzylorda-news.kz/">Kyzylorda-news.kz</a> 5 қыркүйек – Қазақстан халқы тілдері күніне орай Қызылорда облыстық мемлекеттік архивінің ұйымдастыруымен «Тіл – достықтың тірегі» тақырыбында дөңгелек үстел өтті.Шараға «Ассамблея жастары» РҚБ облыстық филиалының төрағасы Елена Пак, облыстық қоғамдық даму басқармасының «Қоғамдық келісім» КММ аға сарапшысы Гүлзира Сәрсенбек, облыстық тілдерді оқыту орталығының ғылыми-әдістемелік бөлім басшысы, ф.ғ.м. Алтынай Орынбаева, М.Мәметова атындағы педагогикалық жоғары колледж оқытушысы Роза Махамбетәлиева, Т.Есетов атындағы №264 мектеп-лицейінің мұғалімдері, жоғары сынып оқушылары және архив қызметкерлері қатысты.Басқосудың мақсаты – мемлекеттік тілдің мәртебесін арттыру, жас ұрпақты тіл мәдениетін сақтауға баулу, рухани бірлікті нығайту.Жиында мемлекеттік тілдің қоғамдағы орны, жастарға тіл үйретудегі тәжірибелер, тіл саясатының өзекті мәселелері талқыланды. Сонымен қатар №264 мектеп-лицейі жанындағы «Жас домбырашылар» үйірмесі өнер көрсетіп, оқушылар тіл тақырыбында жыр-шумақтарын оқыды.Шара соңында архив қоры негізінде дайындалған «Тіл мәртебесі – ел мәртебесі» атты көрме мен «Ахмет. Ұлт ұстазы» бейнеролигі көпшілік назарына ұсынылды.

Қызылордада «Тіл – достықтың тірегі» атты дөңгелек үстел өтті

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев «AMANAT» партиясы облыстық филиалының қоғамдық қабылдау кестесіне сәйкес кезектілік тәртібімен жазылған азаматтарды қабылдады. Тұрғындар жұмысқа орналасу, тұрғын үй алу және денсаулық мәселелерін көтерді.Қабылдауға келіп ұсыныс-пікірін, өтінішін жеткізушілердің сауалдары назардан тыс қалмайды. Әрқайсысы толық зерттеліп, заң аясында қарастырылады. Кейбір сұрақтар бойынша түсіндірмені мамандар сол жерде берді, бірқатарының шешу жолдары көрсетілді.Қабылдауда болған «Ягодка» саяжайының тұрғыны, жалғызбасты ана саяжайдан алған жер теліміне баспана салу үшін іргетасын құйып беруді сұрады. Аймақ басшысы демеушілер есебінен құрылысты толық салуға көмек көрсетуді тапсырды.Қызылорда қаласының тұрғыны уақытша баспанамен қамтамасыз ету, немерелерін тегін балабақшаға орналастыру мәселесін қозғау үшін қабылдауға келген. Оған тұрғын үй, жер учаскесі тек заң аясында, белгіленген кезекке сәйкес берілетіні және міндетті түрде үй кезегіне тұру қажет екені түсіндірілді.Еске салайық, тұрғындар облыс әкімінің, орынбасарларының, жауапты сала басшыларының қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<img src="https://knadmin.beoblood.kz/uploads/1_T_r_yndardy_zheke_m_seleleri_ty_daldy_2e4025f64f.jpg" alt="1 Тұрғындардың жеке мәселелері тыңдалды.jpg">Фото: Қызылорда облысы әкімінің баспасөз қызметі

Тұрғындардың жеке мәселелері тыңдалды

<a href="https://kyzylorda-news.kz/">Kyzylorda-news.kz</a> Мемлекет басшысы Екінші дүниежүзілік соғыстағы және жапон басқыншылығына қарсы күрестегі Жеңістің 80 жылдығына орай Бейжіңдегі Тяньаньмэнь алаңында өткен әскери парадты тамашалады.Қасым-Жомарт Тоқаев және ҚХР Төрағасы Си Цзиньпинмен бірге мінберде Еуропа, Азия, Африка, Латын Америкасы елдерінің жиырмадан астам мемлекет, сондай-ақ үкімет басшылары болды.Парадқа &nbsp;10 мыңнан астам жауынгерді қамтыған Қытай халық азаттық армиясының 45 әскери құрылымы қатысты.Салтанатты шеруде құрлықта, теңізде және әуеде қолданылатын стратегиялық жаңа қару-жарақ түрлері алғаш рет көрсетілді.&nbsp;Сонымен қатар 4-ші буын қаруының жаңа түрлері, ұшқышсыз ұшатын және ұшқышсыз аппараттарға қарсы қолданатын қорғаныс техникалары, бағытталған энергия қаруы мен басқа да ұрыс құралдары таныстырылды.

Президент Қасым-Жомарт Тоқаев Екінші дүниежүзілік соғыстағы Жеңістің 80 жылдығына арналған әскери парадқа барды

<a href="https://kyzylorda-news.kz/">Kyzylorda-news.kz</a> Қызылорда облысы бойынша көліктік бақылау инспекциясы 2025 жылдың алғашқы жартыжылдығында көлік саласында бірқатар нәтижелерге қол жеткізді. Автомобиль, теміржол және су көліктерін бақылау бағытында заң бұзушылықтар анықталып, айыппұлдар өндірілді, сонымен бірге заңсыз тасымалдаумен күрес күшейтілді. Сондай-ақ, көлік қауіпсіздігін қамтамасыз ету және көрсетілетін мемлекеттік қызметтердің сапасын арттыру бойынша жүйелі шаралар атқарылды. Бұл туралы бүгін Өңірлік коммуникациялар қызметінің ақпарат алаңында Қызылорда облысы бойынша көліктік бақылау инспекциясы басшысының орынбасары Бақытжан Бекмұратов мәлімдеді.<blockquote>- Мемлекет басшысы Қасым-Жомарт Тоқаев өзінің Жолдауында еліміздің әлеуметтік-экономикалық дамуы үшін көлік саласының маңыздылығына ерекше тоқталған болатын. Осы орайда, Қызылорда облысы бойынша көліктік бақылау инспекциясы заңдылықты қамтамасыз ету, азаматтардың қауіпсіздігін қорғау, сондай-ақ мемлекеттік бюджетке түсетін түсімдерді толық әрі уақытылы орындау бағытында жүйелі жұмыс жүргізіп келеді. Ағымдағы жылдың алғашқы жартыжылдығында инспекция мамандары көлік саласының үш бағыты - автомобиль, теміржол және су көлігін бақылау жұмыстарын атқарды. Автомобиль жолдарының ұзындығы облыс бойынша 3418 шақырымды құрайды. Бұл жолдарда біздің 12 маман екі жылжымалы көліктік бақылау бекеті арқылы тәулік сайын тексерулер жүргізіп келеді. Алты айда 422 құқық бұзушылық анықталып, 23,6 миллион теңге айыппұл салынды. Сонымен бірге, автокөлік құралдарының жүріп өтуіне байланысты алым жоспары 26 пайызға артығымен орындалып, республикалық бюджетке 212 миллион теңгеден астам қаражат түсті. Бұл - тек облыс үшін ғана емес, тұтас ел экономикасы үшін маңызды көрсеткіш. Жүк тасымалы саласында да нақты жұмыстар атқарылды. Шиелі мен Жаңақорған аудандарында тас тасымалдаушыларға қатысты 297 әкімшілік іс қозғалды, оның ішінде артық салмақпен жүру деректеріне байланысты 57 іс бойынша жауапкершілікке тарту шаралары қабылданды. Алдағы уақытта Самара–Шымкент тас жолының Бірқазан елді мекені маңына автоматтандырылған өлшеу станциясын орнату жоспарланып отыр. Бұл заманауи құрал көліктердің артық салмақпен қозғалысын автоматты түрде тіркеп, заң бұзушылықтың алдын алуға мүмкіндік береді. Сонымен қатар, жолаушыларды заңсыз тасымалдаумен күрес ерекше назарда тұр. Жергілікті полиция қызметі, әкімдік, кірістер департаменті және өзге де мемлекеттік органдармен бірлескен «Заңсыз тасымалдаушы» акциясы тұрақты түрде өткізілді. Осы іс-шара барысында 90-нан астам көлік тексеріліп, 16 тасымалдаушы әкімшілік жауапкершілікке тартылды. Жолаушыларды лицензиясыз тасымалдаған фактілер бойынша әкімшілік сот шешімдері шығарылып, айыппұлдар салынды. Бұл жұмыстар заңсыз қызметтің азаюына ықпал етуде. Техникалық байқау орталықтарының жұмысына да бақылау күшейтілді. Облыста 43 орталық тіркелген, қазіргі таңда 44 стационарлық және 9 мобильді желі қызмет көрсетуде. Су көлігі саласында 1300-ден астам шағын көлемді кеме тіркелген. Биылғы жарты жылда 79 кеме тексеріліп, 34 құқық бұзушыға айыппұл салынды. Әсіресе Арал және Қазалы аудандарында балық аулау мақсатында пайдаланылатын кемелердің қауіпсіздігіне ерекше көңіл бөлінуде. Бұл бағытта төтенше жағдайлар департаментімен бірлескен бақылау және түсіндіру жұмыстары тұрақты жүргізіліп келеді. Мемлекеттік қызмет көрсету сапасы да бақылауда. 2025 жылдың алты айында көлік саласы бойынша 3229 мемлекеттік қызмет көрсетілді. Оның ішінде кейбір өтінімдердің кері қайтарылуына құжаттардың толық болмауы немесе төлемнің жасалмауы себеп болды. Бүгінде барлық қызмет түрлері электронды форматта көрсетіледі, бұл ашықтық пен қолжетімділікті қамтамасыз етеді. Қорыта айтқанда, Қызылорда облысы бойынша көліктік бақылау инспекциясы заңдылықты сақтау, көлік қозғалысы қауіпсіздігін арттыру және халыққа сапалы қызмет көрсету бағытында жоспарлы әрі нәтижелі жұмыстарды жалғастырып келеді. Алдағы уақытта да бұл жұмыстарды күшейтіп, көлік саласының тұрақты дамуына барынша үлес қосатын боламыз, -деді Бақытжан Алтынбекұлы.</blockquote>Фото: Қызылорда облысының Өңірлік коммуникациялар қызметі

Көлік саласындағы бақылау-қадағалау жұмыстары нәтижелі жүргізілуде

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Қазақстан халқына арнаған «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында қоғамның басты құндылығы - халықтың тұрмыс сапасын жақсарту және әлеуметтік әділеттілікті қамтамасыз ету екенін атап өтті. Президент халықты әлеуметтік қолдау жүйесін жаңғыртуға, медициналық көмекті қолжетімді етуге, жұмыссыздықпен жүйелі күрес жүргізуге және мүмкіндігі шектеулі азаматтарды барынша қолдауға ерекше назар аударды. Бұл бағыттағы шаралар тек әлеуметтік тұрақтылықты нығайтып қана қоймай, аймақтардың даму көрсеткішіне де тікелей әсер етеді. Осы орайда Қызылорда облысында да ауқымды жұмыстар атқарылып келеді. Әлеуметтік медициналық сақтандыруды жетілдіру, жаңа жұмыс орындарын құру, аз қамтылған отбасыларға атаулы әлеуметтік көмек төлеу, мүгедектігі бар азаматтарды оңалтуға жағдай жасау, жастарға білім гранттарын бөлу секілді кешенді шаралар жүзеге асуда. Мемлекет басшысының тапсырмаларының орындалуы облыста нақты істермен айқындалып отыр. Бұл туралы Өңірлік коммуникациялар қызметінің ақпарат алаңында Қызылорда облысы әкімінің бірінші орынбасары Данияр Жаналинов мәлімдеді.<blockquote>- Мемлекет басшысы Қасым-Жомарт Кемелұлы Тоқаев өзінің Жолдауында халықты әлеуметтік қолдау жүйесін жаңғыртуға ерекше көңіл бөлді. Осы тапсырмалар аясында Қызылорда облысында да бірқатар кешенді жұмыстар іске асырылып жатыр. Алдымен денсаулық сақтау саласына тоқталсақ, өңірде «Әлеуметтік медициналық сақтандыру қоры» арқылы 124 медициналық ұйыммен келісім жасалды. Бұл халықтың медициналық қызметке қолжетімділігін арттырды. Биылғы жарты жылдықта медициналық ұйымдар көрсеткен қызмет толық көлемде төленді. Жұмыспен қамту саласында нақты нәтижелер бар. «2025 жылға арналған өңірлік жұмыспен қамту жол картасы» шеңберінде 46 мыңнан астам жұмыс орнын ашу жоспарланса, оның 27 мыңнан астамы құрылды. Соның ішінде 15 мыңнан астамы - тұрақты, 12 мыңнан астамы - уақытша жұмыс орындары. 7 мыңға жуық азамат бос жұмыс орындарына орналасты, 11 мыңнан астамы субсидияланатын жұмысқа жіберілді. Ал Мемлекет басшысының «10 мың адамға 100 жұмыс орнын құру» тапсырмасы бойынша облыста 7 мыңнан астам жұмыс орны ашылды. Әлеуметтік тұрғыда әлсіз топтарға ерекше көңіл бөлінуде. Жаңа бизнес-идеяларды дамытуға қайтарымсыз мемлекеттік гранттар беріліп жатыр. Биылдың өзінде 600-ден астам азамат осындай қолдауға ие болды. Сонымен бірге мүгедектігі бар жандарды қолдау бағытында нақты жұмыстар атқарылуда. Өңірде 27 мыңнан астам азаматтың 23 мыңнан астамы оңалтудың жеке бағдарламасына сәйкес техникалық құралдармен қамтамасыз етілді. Бұл көрсеткіш бойынша облыс республикада бірінші орында тұр. Инватакси қызметін пайдаланып жүрген тұрғындар саны да артып келеді. Қазір облыс көлемінде 67 арнайы көлік жұмыс істеп, 1500-ден астам азамат тасымал қызметін алды. Балалардың қауіпсіздігі мен денсаулығы үшін 200-ден астам мектепте ақпараттық сабақтар өткізіліп, ата-аналарға түсіндірме жадынамалар таратылды. Әлеуметтік нысандарды бейімдеу жұмыстары да жүйелі жүргізілуде. 2025 жылға дейін 360 әлеуметтік ғимаратты бейімдеу жоспарланған болса, оның 135-і қолжетімді етілді. Зейнетақы мен жәрдемақы алушылардың төлем көлемі де артты. Жыл басынан бері облыста 296 мыңнан астам азаматқа зейнетақы мен әлеуметтік төлемдер берілді. Атаулы әлеуметтік көмек 19 мыңнан астам отбасы мүшелеріне тағайындалып, 5 мыңнан астам балаға қосымша төлемдер төленді. Сонымен қатар 700-ден астам отбасы коммуналдық шығындарын жабуға тұрғын үй көмегін алды. Жекелеген санаттағы 8 мыңнан астам азаматқа жергілікті бюджет есебінен әлеуметтік төлемдер жүргізілді. Жастарға қолдау ретінде облыс әкімінің гранты тағайындалып, 100 талапкердің оқу ақысы төленіп, жолақысы мен тамағына қосымша жәрдем көрсетілуде. Оның 70 пайызы жұмысшы мамандықтарына бағытталған. Осының барлығы - Мемлекет басшысының тапсырмаларының жүйелі орындалып жатқанын көрсетеді. Халықты әлеуметтік қорғау бағытындағы жұмыстар алдағы уақытта да қарқынды жалғасатын болады,-деді Данияр Еренғалиұлы.</blockquote>Фото: Қызылорда облысының Өңірлік коммуникациялар қызметі

Қазақстан және Қызылорда облысының жаңалықтары: Қоғам