<a href="https://kyzylorda-news.kz/">Kyzylorda-news.kz</a> Аймақ басшысының қолдауымен аудандар мен қаладағы парктер, сквер-аллеялар жаңғыртудан өткізілуде. Сондай ауқымды жұмыстардың бірі – облыс орталығындағы Президент паркінде жүргізілуде.<img src="https://knadmin.beoblood.kz/uploads/1_Prezident_parkindegi_rylys_ar_yny_f64a7d3843.jpg" alt="1 Президент паркіндегі құрылыс қарқыны.jpg">&nbsp;Саябақты қайта жаңғыртуды қолға алған бас мердігер «Bi Global» ЖШС жоба бойынша 3 аллея, 6 субұрқақ, 5 амфитеатр, 7 балалар ойын алаңы, 4 спорт алаңы, 4 workout аймағы, 7 демалыс аймағы, 4 фудкорт, теннис үстелдері, айналмалы дөңгелек аттракцион, тамақтану ғимараттары, би алаңы, стритбол, вело, жүгіру жолақтары, сахна, саябақ ішіндегі сарқырама каналдары, канал үстінен көпірлер, шахмат, баскетбол, футбол алаңдары, арқан саябағы, модульдік- санитарлық ғимарат орналастыруда.<img src="https://knadmin.beoblood.kz/uploads/2_Prezident_parkindegi_rylys_ar_yny_91e1179db1.jpg" alt="2 Президент паркіндегі құрылыс қарқыны.jpg">Сонымен қатар, саябақ аумағында жылдың төрт мезгілінде үздіксіз жұмыс істейтін 300 орындық заманауи балалар тынығу лагері мен Ботаникалық білім беру орталығы, яғни қысқы бақ салынуда. Бұл жұмысты «Alem Qurylys AQ» ЖШС-гі жүргізуде. Лагерьде спорт блогы, іс-шараларға арналған event-аймақ, 4 тұрғын аумақ, қонақ үй үлгісіндегі шағын ғимарат, 5 дәстүрлі үлгідегі киіз үй, ашық бассейн, стадион, футбол алаңы, сахна және басқа да демалыс орындары болады. Сондай-ақ, Президент саябағы мен "Астана" шағын ауданын байланыстыру үшін Сырдария өзені үстінен жаяу жүргіншілер көпірі түседі.<img src="https://knadmin.beoblood.kz/uploads/3_Prezident_parkindegi_rylys_ar_yny_dc42c5ac59.jpg" alt="3Президент паркіндегі құрылыс қарқыны.jpg">Алдағы уақытта Президент саябағы қаланың ең көрікті орындарының біріне айналады.

Президент паркіндегі құрылыс қарқыны 

<a href="https://kyzylorda-news.kz/">Kyzylorda-news.kz</a> Қызылорда облысы бойынша Бәсекелестікті қорғау және дамыту агенттігінің департаменті мемлекеттік кәсіпорындардың қызметіне мониторинг жүргізу барысында заңнамаға қайшы әрекеттерді анықтады.Тексеру нәтижесімен «Көпбейінді облыстық аурухана» ШЖҚ КМК монополияға қарсы органның келісімінсіз, сондай-ақ өз жарғысында көзделмеген қызмет түрінен қаржы алғаны белгілі болды. Бұл әрекет Қазақстан Республикасының Кәсіпкерлік кодексі талаптарына қайшы болып табылады.Осыған байланысты Департамент тарапынан заңбұзушылықты жою жөнінде ресми нұсқама берілді. Кәсіпорынға белгіленген мерзім ішінде заңсыз қызметті тоқтатып, өз жұмысын заңнама талаптарына сәйкестендіру міндеттелді.Белгіленген уақыт аралығында «Көпбейінді облыстық аурухана» ШЖҚ КМК аталған нұсқаманы толық орындады. Нәтижесінде заңбұзушылық жойылып, кәсіпорын қызметі қолданыстағы құқықтық нормаларға сәйкестендірілді.Қызылорда облысы бойынша Бәсекелестікті қорғау және дамыту агенттігінің департаменті алдағы уақытта да мемлекеттік кәсіпорындардың қызметіне жүйелі түрде мониторинг жүргізуді жалғастырады. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Бұл жұмыстардың негізгі мақсаты – нарықта әділ бәсекелестікті қамтамасыз ету, заңдылықты сақтау және тұтынушылардың құқықтарын қорғау.&nbsp;ҚР Бәсекелестікті қорғау жәнедамыту агенттігінің &nbsp;Қызылордаоблысы бойынша департаменті&nbsp;Фото: Freepik

Қызылорда Көп бейінді облыстық ауруханасы монополияға қарсы орган нұсқамасын орындады

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясының Қызылорда қалалық филиалы халықпен тығыз байланыста болып, ел дамуына бағытталған саяси бастамаларды насихаттауда жүйелі жұмыстар атқарып келеді. Осы орайда қалалық филиалдың Атқарушы хатшысы, облыстық мәслихат депутаты Гүлшат Мұсаева «Жібек жолы» бастауыш партия ұйымында болып, ҚР Президентінің Қазақстан халқына арнаған Жолдауы бойынша түсіндірме жұмыстарын жүргізді.Кездесуде Атқарушы хатшы Жолдауда айқындалған басым бағыттарға кеңінен тоқталды. Әсіресе, ел экономикасын әртараптандыру, әлеуметтік әділеттілікті қамтамасыз ету, білім мен ғылымды дамыту, денсаулық сақтау саласын жетілдіру, аймақтық инфрақұрылымды нығайту, жасанды интеллекті дамыған озық елдің қатарына кіру мәселелері жан-жақты баяндалды.Жиынға қатысқан партия мүшелері Жолдауда көрсетілген бағыттар бойынша өз ойларын ортаға салып, ұсыныстарын білдірді. Талқылау барысында бастауыш партия ұйымдарының негізгі міндеті – ел Президентінің саяси бағытын қолдау, оның мән-мағынасын тұрғындарға кеңінен түсіндіру екендігі айтылды.Өз кезегінде Гүлшат Мұсаева: «Жолдау – мемлекет дамуының стратегиялық бағдары. Әрбір партия мүшесі осы құжаттағы міндеттерді орындауға үлес қосып, халықпен тығыз қарым-қатынаста болуы тиіс. Бұл – біздің ортақ жауапкершілігіміз», – деп атап өтті.

«Жібек жолы» бастауыш ұйымында Президент Жолдауынан туындайтын міндеттер талқыланды

<a href="https://kyzylorda-news.kz/">Kyzylorda-news.kz</a> АҚШ президенті Дональд Трамп Құрама Штаттар аумағында қытайлық TikTok әлеуметтік желісін бұғаттауды 16 желтоқсанға дейін кейінге шегерді, деп <a href="https://kaz.inform.kz/news/tramp-tiktok-ti-bugattau-merzmn-16-zheltoksanga-deyn-uzartti-47f7b4/">хабарлайды</a> ТАСС.Америкалық көшбасшының атқарушы жарлығы Ақ үй сайтында жарияланды.Құжатта көрсетілгендей, аталған шегеру «2025 жылдың 16 желтоқсанына дейін ұзартылды». Осы уақыт аралығында АҚШ билігі TikTok-ты елде тыйым салынған платформаға айналдыратын заңда көзделген шараларды қабылдамауы тиіс, егер оның қытайлық бас компаниясы ByteDance оны сатпаса.Трамп сейсенбі күні бұған дейін «өте ірі компаниялар тобы» TikTok-ты сатып алғысы келетінін айтқан болатын. Оның сөзінше, қытайлық тараппен бұл жөнінде келісім жасалған. Сондай-ақ америкалық көшбасшы 19 қыркүйекке жоспарланған ҚХР төрағасы Си&nbsp;Цзиньпинмен телефон арқылы әңгімеде мәміле шарттарын түпкілікті бекітетінін атап өтті.АҚШ қаржы министрі Скотт Бессент дүйсенбі күні Мадридте қытайлық ресми тұлғалармен кеңесуден кейін, келісім аясында әлеуметтік желі америкалық бизнес иелігіне өтетінін мәлімдеді.The New York Post газетінің хабарлауынша, американдық қолданушылар үшін TikTok жұмысын қамтамасыз ететін, шамамен $50&nbsp;млрд деп бағаланатын жаңа америкалық компания құрылады. Басылым нақтылағандай, жаңа компанияның негізгі акционерлері Трампты қолдайтын миллиардер Джефф Ясс пен инвестициялық компания General Atlantic жетекшісі Билл Форд болады. Ал&nbsp;ByteDance жаңа компаниядан 19,9% үлеске ие&nbsp;болады. Келісімде Oracle компаниясының басшысы Ларри Эллисон маңызды рөл ойнайды, ол&nbsp;жаңа компанияға бұлтты қызметтерді ұсынумен айналысады.TikTok-ты сату немесе Құрама Штаттар аумағындағы қызметін тоқтатуға міндеттейтін заңды 2024 жылы АҚШ-тың 46-шы президенті Джо Байден қол қойған болатын.Трамп бұл платформаға «жылы қарайтынын», себебі оның пайдаланушыларының дауыстары президенттік сайлаудағы жеңісіне ықпал еткенін айтқан еді. 2025 жылғы 20 қаңтардағы инаугурациясынан кейін ол АҚШ-та TikTok-қа тыйымды кейінге қалдыру туралы жарлыққа қол қойды. Кейін бұл мерзімді бірнеше рет ұзартқан болатын.Фото: Нұрболат Нұржаубай

Трамп TikTok-ты бұғаттау мерзімін 16 желтоқсанға дейін ұзартты

<a href="https://kyzylorda-news.kz/">Kyzylorda-news.kz</a> &nbsp;ҚР Еңбек және халықты әлеуметтік қорғау министрі Светлана Жақыпова Қызылорда облысына жұмыс сапарымен келіп, Мемлекет басшысының жолдауымен біріңғай цифрлық платформаны енгізуге қатысты тапсырмасын орындау мақсатында мәжіліс өткізді.Мәжіліске салалық басқарма басшылары мен оған қарасты мекемелердің директорлары, Қызылорда қаласы мен аудан әкімдері, әлеуметтік салаға жауапты орынбасарлары мен тиісті мамандар қатысты.Министр Бірыңғай цифрлық платформаны енгізу бойынша өңірде атқарылған жұмыстарды тыңдап, әлеуметтік қолдау шараларының бизнес-процестерін цифрландыру бағытындағы мемлекеттік қолдау шараларын бөлудің жаңа моделін талқылады.Жиында облыс әкімінің бірінші орынбасары Данияр Жаналинов сөз алып, аймақта әлеуметтік сала бойынша атқарылып жатқан жұмыстарға тоқталды.<blockquote>- Мемлекет басшысы Жолдауынан туындайтын міндеттердің бірі - әлеуметтік көмекті тек шын мұқтаждарға бағыттау және әлеуметтік тұрғыдан осал топтағы азаматтарға бөлінетін әлеуметтік қолдауларды біріңғай цифрлық платформа арқылы біріздендіру болып табылады. Біздің мақсатмыз - әрбір азаматтың әлеуметтік әл-ауқатын арттырып, қоғамдағы отбасылық құндылықтарды нығайту. 1 қыркүйектегі жағдай бойынша облыс бюджетінің көлемі 829,2 млрд теңгені құрайды.Әлеуметтік салаға жұмсалған жалпы шығыстың 477,5 млрд теңгесі бөлінді, бұл жалпы бюджет шығыстарының 58 пайызын құрайды. Әлеуметтік салаға жұмсалған шығыстар құрылымында білім саласы ең үлкен үлеске ие.Әлеуметтік көмек пен әлеуметтік қамсыздандыруға 53,6 млрд теңге, мәдениет және спорт саласына 52,9 млрд теңге, денсаулық сақтау саласы 35,8 млрд теңгеге қаржыландырылды. Осылайша, өңірдің жүргізіліп жатқан бюджет саясатының әлеуметтік бағытын растайтын әлеуметтік міндеттемелердің басымдығы сақталады,- деді Данияр Еренғалиұлы.</blockquote>Айта кету керек, енді отбасының әл-ауқат деңгейі 23 әлеуметтік-демографиялық және экономикалық критерийлер бойынша анықталатын болады. Қосымша қолдау шараларына өтініш білдірген барлық отбасылар 6 санатқа жіктеледі. Шешім отбасының цифрлық картасы арқылы жиналған объективті деректер негізінде автоматты түрде қабылданады.

Қызылордада бірыңғай цифрлық платформа енгізу мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев балалардың жол қауіпсіздігі бойынша шұғыл жиналыс өткізді. Оған құқық қорғау органдарының, облыстық басқармалармен департамент басшылары, қала және аудан әкімдері қатысты.Аймақ басшысы жеке балабақшаның тасымал көлігінің жол-көлік оқиғасына ұшырауы жауапты сала басшыларының жұмысты дұрыс үйлестірмеуінен болғанын қатаң сынға алып, тиісті шара қабылдауды тапсырды.<blockquote>«Бұған дейін жеке және мемлекеттік балабақшалардағы, мектептердегі тасымал мәселесі, балалардың жол қауіпсіздігі бойынша қала және аудан әкімдеріне, полиция департаментіне, білім басқармасына бірнеше рет тапсырмалар берген болатынмын.Дегенмен, жұмыс әлі күнге дейін өз деңгейінде дұрыс ұйымдастырылмады.Жеке балабақшалардың тасымал көліктерінде орын алып жатқан заңбұзушылықтар полиция органдары тарапынан бақылаудың жоқтығын көрсетеді.Қызылорда қаласы мен барлық ауданда ашылған Жедел басқару орталықтарының, әсіресе патрульдік полицияның жұмысын күшейту қажет. Балалардың қауіпсіздігіне қатысты жағдайды қатаң бақылауда ұстаңыздар!Өңіріміздегі барлық білім беру ұйымындағы тасымал мәселесін шұғыл түрде жан-жақты тексеріп, талаптарға сай келмейтіндерді анықтап, тиісті шаралар қабылдаңыздар.Жол қауіпсіздігін, оның ішінде білім беру ұйымдары аумағындағы қауіпсіздікті қатаң бақылауға алып, тұрақты түрде рейд ұйымдастырыңыздар», – деді Н. Нәлібаев.</blockquote>Жиналыста облыстық полиция департаментінің бастығы Серік Ергешов баяндама жасады.ІІМ бекіткен бұйрыққа сәйкес, балалар тасымалымен айналасатын көліктер екі есікті, ұстау құрылғысы және «Балалар тасымалы» деген жазуы бар, сары түсті жарқылдауық маякпен жабдықталған болуы тиіс.Осы бұйрықтың орындалуын тексеру барысында29 заңды тұлғаға қатысты ҚР ӘҚБтК-нің 474-бабымен әкімшілік хаттама рәсімделіп, 75 көлік айып алаңына қойылса, 58 көліктің мемлекеттік белгісі тәркіленді.Жыл басынан тасымалдау ережесін бұзған жүргізушілерге қатысты 800-ге жуық әкімшілік құқықбұзушылық анықталып, тиісті шаралар қабылданды. Рейд жыл аяғына дейін жалғады.Сондай-ақ, жиналыста білім, мәдениет, спорт басқармаларына, Қызылорда қаласы және аудан әкімдеріне балалардың қауіпсіздігін тек білім беру ұйымдарында ғана емес, спорттық, мәдени-көпшілік шараларға қатысқан кезде де қатаң бақылауға алу міндеттелді.Фото: Қызылорда облысы әкімінің баспасөз қызметі

Шұғыл жиналыста балалардың жол қауіпсіздігі мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;Жаңақорған ауданының әкімі Мажит Самитовтың төрағалығымен аудан активінің отырысы өтті. Жиында Мемлекет басшысы Қасым-Жомарт Тоқаевтың 2025 жылғы 8 қыркүйекте жариялаған Жолдауында айқындалған стратегиялық бағыттар бойынша атқарылатын жұмыстар пысықталды.Жиынға аудан прокуроры Дабыл Аянұлы, аудандық мәслихат төрағасы Ғалымжан Жарқынбек Ғалымжан, аудан әкімінің орынбасарлары, аудандық мәслихат депутаттары, қоғамдық кеңес мүшелері, мекеме және бөлім басшылары, кент, ауылдық округ әкімдері, ардагерлер кеңесі, әйелдер кеңесі, жастар мен үкіметтік емес ұйым жетекшілері, БАҚ өкілдері қатысты.Аудан басшысы өз сөзінде Президенттің Жолдауы — ел дамуына жаңа серпін беретін стратегиялық құжат екенін атап өтті. Ол құжатта белгіленген басым бағыттар мен маңызды міндеттерге тоқталып, олардың тиімді жүзеге асуы үшін барлық құзырлы органдар, мекемелер мен қоғамдық ұйымдар бірлесіп, жүйелі әрі үйлесімді жұмыс жүргізуі қажет екенін баса айтты.Мемлекет басшысы Жолдауда инвестиция тарту, агроөнеркәсіптік кешенді дамыту, көлік – логистика саласын жетілдіру мәселелеріне баса назар аударды. Сондай-ақ, Президент заманауи технологиялардың рөлін, жасанды интеллект пен цифрлық шешімдердің ел экономикасы мен қоғам өміріндегі маңызын ерекше атап өтті. Әлеуметтік әділеттілік, адами капиталды дамыту, білім беру, денсаулық сақтау, экология, өңірлік даму, цифрлық теңсіздікті жою сияқты өзекті мәселелер бойынша да нақты тапсырмалар берді.Жиында аудан әкімінің орынбасары Бақтияр Ахметов, аудандық ауыл шаруашылығы мен жер қатынастары бөлімінің басшысы Талғат Зейдалиев өз салаларын қамти отырып, баяндама жасады, Жолдау аясында іске асырылатын шаралар жоспарын таныстырды. Аудан әкімі Мажит Самитов әр бағыт бойынша нақты тапсырмалар жүктеді.Сондай-ақ, ауыл шаруашылығы саласының ардагері Әбутәліп Сүйіндіков егіс алқаптарына су үнемдеу технологиясын енгізудің тиімділігі, аудандық әйелдер кеңесінің төрайымы Ақмарал Маликова жаңа заманның сын-қатерлеріне дайын жас буынды қалыптастыруда ұлттық дәстүрлерімізді дәріптеп, бағыт-бағдар берудегі әйел- аналарға артылар жауапкершілік пен осы бағытта атқарылатын жұмыстар бойынша пікірлерімен бөлісті.Жиын қорытындысында Президенттің жолдауын іске асыру жөніндегі Жалпыұлттық жоспарға сай ауданда атқарылар жұмыстарды жүзеге асыруда табындылық пен жауапкершілік танытуға шақыра отырып, тиісті тапсырмалар жүктеді.Фото: Жаңақорған ауданы әкімдігі

Президент Жолдауы – жаңа міндеттер мен жауапкершілік

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Қызылорда-Нан» ЖШС-ның нан-тоқаш, кондитерлік және макарон өнімдерін өндіру кешеніне, жаңа жылу-электр орталығына барды.Кешен жобасы 2 кезеңнен тұрады, өндіріс толық автоматтандырылған. Қазіргі уақытта 3 өндірістік цех іске қосылды. Алда 4 түрлі өнім шығаратын печенье цехы жұмысын бастайды.Өнімнің 30%-ы кәсіпорынның жеке сауда желісі арқылы, ал 70%-ы Қызылорда қаласы мен оған іргелес елді мекендерге жеткізіледі.Мемлекеттік қолдау аясында жобаға 5 гектар жер телімі бөлініп, қажетті инфрақұрылым, яғни су және кәріз желілері тартылды. «Қазақстан Халық банкінен» жеңілдікпен 1,2 млрд. теңге несие алған. Оның пайыздық мөлшерлемесі мемлекет тарапынан субсидиялануда.Екінші кезеңде ұн комбинатын салу жоспарланған. Қазір цехта 120 адам жұмыс істейді, алдағы уақытта оның саны 150-ге жетеді.Одан кейін аймақ басшысы жаңа жылу-электр орталығының құрылыс барысын тексерді. Мемлекет басшысының тікелей қолдауымен Қызылордада «Aksa Energy» түрік компаниясымен бірлесіп, қуаттылығы 240 мегаваттық жаңа жылу-электр орталығы салынуда.Жоба аясында 180 МВт-тық 2 газ турбиналық қондырғы (General Electric, АҚШ), 95 МВт-тық бу турбинасы (Doosan Skoda, Чехия), қуаттылығы сағатына 120 тоннаны құрайтын 2 бу қазандығы (AC BOILERS, Италия) мен сағатына 150 Гкал жылу өндіретін 4 жылу қазандығын (Mimsan, Түркия) салу жоспарланған.Бүгінде құрылыс жұмыстарының 80 пайызға жуығы аяқталды. Бюджет есебінен автоматтандырылған газ тарату станциясы мен 45 шақырым газ құбыры салынды. Биыл бірінші кезекте орталықтың 1 газ турбиналық қондырғысы мен 2 жылу қазандығы, 2026 жылы қалған қондырғылар қосылады.Фото: Қызылорда облысы әкімінің баспасөз қызметі

«Қызылорда-Нан» ЖШС кешенінде 3 цех іске қосылған

<a href="https://kyzylorda-news.kz/">Kyzylorda-news.kz</a> Қазақстан халқы Ассамблеясының «Jastar Generation – 2025» халықаралық жастар лагерінің қатысушылары Алматы қаласында бас қосты. Қызылорда облысынан өңірлік ҚХА «Ассамблея жастары» РҚБ өкілдігінің белсенділері, Ассамблея жастарының жетекшісі Елена Пак және Елена Павлова, Юлианна Ким қатысты.Алматыдағы ЮНЕСКО өңірлік кеңсесінің әлеуметтік-гуманитарлық бағдарламалар бөлімінің басшысы Мақсат Байбеков қатысушыларға инклюзивті даму үшін жастардың мүмкіндіктерін кеңейту және жаһандық теңсіздікті азайту мәселелері бойынша баяндама жасады. Қазақстан Республикасы Президенті жанындағы жастар саясаты жөніндегі кеңес пен әйелдер істері және отбасылық-демографиялық саясат жөніндегі ұлттық комиссияның мүшесі, «Ұлттық волонтерлік желі» қоғамдық бірлестігінің атқарушы директоры Татьяна Миронюк «Ассамблея» жастар қоғамдық ұйымының қызмет бағыттарына тоқталды.Блогер Арман Юсуповпен өткен мотивациялық кездесу және Шығыс Қазақстан облысы бойынша «Ассамблея жастары» РҚБ өкілдігінің төрағасы Равиль Юнусов өткізген «Этноквиз» шараларымен жастар лагеріндегі алғашқы күн аяқталды.

«Jastar generation – 2025» халықаралық жастар лагері

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбектің төрағалығымен өткен жиналыста Мемлекет басшысы Қасым-Жомарт Тоқаевтың Қазақстан халқына арнаған Жолдауынан туындайтын міндеттер мен жол жүру және жаяу жүргіншілердің қауіпсіздігін қамтамасыз ету мәселелері қаралды.Жиында аудан басшысы Үкімет пен облыс деңгейінде өткен мәжілістердің қорытындыларын атап өтіп, алдағы кезеңде жүзеге асырылатын нақты шараларды белгіледі.<blockquote>– Мемлекет басшысының Жолдауы – біздің нақты іс-қимылымыздың негізі. Осы аптада актив жиынын ұйымдастырып, барлық салалар бойынша тапсырмаларды нақтылап алуға тиіспіз, – деді аудан әкімі.</blockquote>Жиында жол-көлік оқиғаларының алдын алу, жол белгілерін орнату, қауіпсіздік шараларын күшейту мәселелері жан-жақты қаралды. Аудан бойынша бүгінде 1740 дана жол белгісі орнатылса, биылғы жылы аудандық бюджеттен тиісті қаржы бөлініп, қосымша 353 дана жол белгісі алынған.<blockquote>– Білім беру ұйымдарының маңында қауіпсіздік талаптарын толық сақтауға тиіспіз. Бұл – балалардың амандығы. Барлық тиісті жол белгілері мен жолақтар белгіленіп, жылдамдықты шектеу және «Балалар» белгілері орнатылсын, – деді Жандос Еркінбек.</blockquote>Аудан әкімі Жосалы кентіндегі бағдаршамдарды орнату, сондай-ақ Ақжар–Көмекбаев бағытындағы аудандық маңыздағы автожолдың жөндеу жұмыстарының созылып кеткеніне тоқталып, тиісті басшыларға нақты мерзім белгіледі. Сондай-ақ кейбір жол-көлік оқиғаларының ауыл шаруашылығы техникалары мен иесіз жүрген малдардың қатысуымен орын алатынын атап өткен аудан басшысы, кент және ауылдық округ әкімдеріне жол бойында қауіпсіздік талаптарын түсіндіру жұмыстарын күшейтуді тапсырды.Қорытындылай келе, аудан әкімі Жандос Еркінбек жолаушылар мен жаяу жүргіншілердің қауіпсіздігін қамтамасыз ету, Мемлекет басшысының Жолдауынан туындайтын міндеттерді жүйелі жүзеге асыру бойынша жауапты сала басшыларына нақты тапсырмалар жүктеді.

Жолдауда туындайтын міндеттер мен қауіпсіздік мәселелері пысықталды

<a href="https://kyzylorda-news.kz/">Kyzylorda-news.kz</a> «Қолданбалы этносаяси зерттеулер институтының» ұйымдастыруымен 2025 жылдың 15-19 қыркүйек аралығында Қызылорда қаласында этномедиаторларды даярлау бойынша семинар-тренинг бастау алды.5 күндік іс-шараның мақсаты – этномедиаторларды даярлау, қақтығыс алдындағы және қақтығыстан кейінгі кезеңдерде сауатты әрекет етуге қабілетті, оларды оқшаулаудың әртүрлі деңгейлеріндегі этномедиаторлар пулын қалыптастыру.Семинар-тренингте Шымкент қаласы, Түркістан және Қызылорда облыстарынан жергілікті атқарушы, құқық қорғау органдары, «Қоғамдық келісім», этномәдени бірлестіктердің өкілдері, білім беру мекемелерінің қызметкерлері, медиаторлар және басқада мүдделі тұлағалар қатысады.<img src="https://knadmin.beoblood.kz/uploads/1_Etnomediatorlardy_dayarlau_bojynsha_seminar_trening_bastau_aldy_a460160b4a.jpg" alt="1 Этномедиаторларды даярлау бойынша семинар-тренинг бастау алды.jpg">Семинардың ашылуында облыстық қоғамдық даму басқармасы басшысының орынбасары – облыстық Қазақстан халқы Ассамблея хатшылығының меңгерушісі Артур Қамбаров сөз сөйлеп, Қазақстан халқы Ассамблеясының 30 жылдығы және даулардың барлығын этномедиация жолымен заң аясында шешуіне тоқталды.«Ассамблея ширек ғасырдан аса уақыт ішінде елімізде тұратын этностар арасындағы татулық пен бірлікті нығайтуда елеулі рөл атқарды. Бүгінгі таңда өңірімізде 30-дан астам этнос өкілдері тату-тәтті өмір сүруде. Аймақта қоғамдық-саяси және этносаралық ахуал тұрақты деңдейде.<img src="https://knadmin.beoblood.kz/uploads/2_Etnomediatorlardy_dayarlau_bojynsha_seminar_trening_bastau_aldy_e9304de38d.jpg" alt="2 Этномедиаторларды даярлау бойынша семинар-тренинг бастау алды.jpg">Дегенмен, қоғамда орын алатын тұрғындар арасындағы тұрмыстық жанжалды этносаралық дауға ұластырып, қолдан резонанстық мәселелер туындататын фактілердің болуы заңдылық. Біз бұған жол бермеуіміз керек», - деді ол.Семинарды жүргізуге ҚР Мәдениет және ақпарат министрлігі жанындағы «Қолданбалы этносаяси зерттеулер институтының» Этномедиация Орталығының директоры Луиза Узарова, ҚР Мәдениет және ақпарат министрлігі жанындағы «Қолданбалы этносаяси зерттеулер институтының» Этномедиация Орталығының директоры орынбасары Фарида Мұсатаева арнайы келіп қатысуда.

Этномедиаторларды даярлау бойынша семинар-тренинг бастау алды

<a href="https://kyzylorda-news.kz/">Kyzylorda-news.kz</a> Премьер-министр Олжас Бектеновтің төрағалығымен Мемлекет басшысының Қазақстан халқына Жолдауын іске асыру, жол жүру және жаяу жүргіншілердің қауіпсіздігін қамтамасыз ету мәселелері қаралған Үкімет отырысы өтті. Оған облыс әкімі Нұрлыбек Нәлібаев селекторлық режимде қатысты.Үкімет отырысынан кейінгі жиналыста аймақ басшысы жауапты сала басшыларына бірқатар міндет жүктеді.<blockquote>«Президентіміздің Жолдауынан туындайтын тапсырмаларды іске асыру жөніндегі Жалпыұлттық іс-шаралар жоспарының жобасы мақұлданды. Аталған құжат негізінде Өңірлік жоспарды әзірлеп, бекітуіміз қажет. Бұл жұмыстарға барлық басқарма, қала, аудан әкімдіктері, аумақтық департаменттер мен инспекциялар, өңірлік жоғары оқу орындары жұмылдырылуы керек. Облыстық экономика және қаржы басқармасы Президентіміздің Жолдауындағы тапсырмаларды өңірлік жоспарға енгізіңіздер. Облыстағы, яғни Түркістан облысының шекарасынан Ақтөбеге дейінгі аралықтағы демалыс орындары мен жол бойындағы сервистік нысандарды, автомобиль жолдары мен теміржол бойындағы нысандарды, туристік аймақтарды, олардың қасбеттерін, аумағының санитарлық тазалығын талапқа сәйкестендіріп, қатаң бақылаңыздар. Жаңадан салынып жатқан тұрғын үйлердің сапасына қатысты ешқандай мәселе болмауы тиіс», – деді Н.Нәлібаев.</blockquote>Сонымен қатар, жол қауіпсіздігін, қоғамдық тәртіпті қамтамасыз ету, бейнебақылау камералары мен стационарлық жылдамдық өлшегіш құрылғыларын орнату, опто-талшықты желілер тартуды толық аяқтап, қараша айында іске қосу міндеттелді.Айта кетейік, биыл өңіріміздегі жол инфрақұрылымын дамытуға республикалық, облыстық, аудандық бюджеттен қаржы бөлініп, 329 шақырым автомобиль жолдары, көшелер мен көпір өткелдері жөндеуден өтуде. Бұл жұмыстардан соң жақсы жағдайдағы жолдардың үлесі 95 пайызға жетеді.

Қазақстан және Қызылорда облысының жаңалықтары: Қоғам