<a href="https://kyzylorda-news.kz/">Kyzylorda-news.kz</a>&nbsp;Қорқыт ата атындағы Қызылорда университетінде доцент, филология ғылымдарының кандидаты, «Ахмет Байтұрсынұлы» төсбелгісінің иегері Сара Бахтиярқызының 70 жасқа толуына арналған Ғылыми кеңестің салтанатты мәжілісі өтті.Салтанатты жиынды Ректордың міндетін атқарушы Дана Абдрашева ашып, университет ұжымы атынан мерейтой иесін құттықтап, адресат табыстады.Іс-шараға зиялы қауым өкілдері, университеттің профессор-оқытушылар құрамы, мерейтой иесінің әріптестері, шәкірттері мен туыстары қатысты.Іс-шара барысында Сара Бахтиярқызының өмір жолы мен ғылыми-педагогикалық қызметін қамтыған бейнеролик көрсетілді.Ғылыми кеңесте филология ғылымдарының кандидаты, тілтанушы ғалым Күлдірсін Сарышова мерейтой иесінің ғылыми және педагогикалық еңбектеріне арналған баяндама жасады. Сонымен қатар, «Amanat» партиясы Қызылорда облыстық филиалының төрағасы Жандос Базартай, университет кәсіподақ ұйымының төрағасы Айтжан Оразбақов, Ашық университеттің проректоры Бақытхан Жунайдұлы, И.Әбдікәрімов атындағы жоғары колледж директоры Абайбек Талғатұлы, Орда жоғары колледжінің директор орынбасары Алайдар Сануарұлы, шәкірті Самал Ілиясова және университеттің профессор-оқытушылары Сара Бахтиярқызына жылы лебіздерін арнады. Жиын соңында студенттер ұстаздарына арналған өлең шумақтарын оқып, мерейтой иесі өз алғысын білдірді.Сара Бахтиярқызы – саналы ғұмырын ұлт руханиятына, қазақ тілі мен әдебиетінің дамуына арнаған көрнекті ғалым, білікті ұстаз. Ол 1978 жылы еңбек жолын мектеп мұғалімі қызметінен бастап, 1993 жылдан бастап жоғары оқу орнында оқытушы, кейін кафедра меңгерушісі қызметтерін атқарған. Қазіргі уақытта Қорқыт ата атындағы Қызылорда университетінің Қазақ тілі мен әдебиеті кафедрасында доцент болып еңбек етеді. 2003 жылы «XX ғасыр басындағы қазақ поэзиясындағы көркемдік-стильдік ізденістер» тақырыбында кандидаттық диссертация қорғаған. Ғалымның «Балалар әдебиеті», «Ақпараттық оқыту технологиясы негізінде заң терминдерін оқыту жолдары» атты оқу құралдары, бір монографиясы және 70-тен астам ғылыми мақаласы жарық көрген.Ғылыми-зерттеу бағыты Абайтану мәселелеріне арналған. Ол Абайдың дүниетанымы, ұлы ақын мен Алаш қайраткерлері шығармашылығындағы рухани үндестік, Абай мен Пушкин арасындағы әдеби байланыс, сондай-ақ халық ауыз әдебиеті мен батырлар жырындағы көркемдік тұтастық жайында құнды еңбектер жазған.Ұзақ жылдар бойғы еңбегі үшін Сара Бахтиярқызы «Тәуелсіздіктің 25 жылдығы» медалімен, «Қорқыт ата атындағы Алтын медальмен», Қызылорда облысының «Құрмет грамотасымен», сондай-ақ «Үздік түлек», «Үздік ұстаз», «Үздік оқытушы» төсбелгілерімен марапатталған. Сонымен қатар университеттің 70 және 75 жылдық мерейтойлық медальдарының иегері.Салтанатты мәжіліс ұстаз еңбегіне көрсетілген құрметтің, ғылым мен білім саласындағы табандылық пен ізденістің айқын көрінісіне айналды.<img src="https://knadmin.beoblood.kz/uploads/korkyt_2_9bbdad5a14.jpeg" alt="коркыт 2.jpeg">

Ғалым-ұстаз Сара Бахтиярқызының 70 жылдығына арналған Ғылыми кеңес өтті

<a href="https://kyzylorda-news.kz/">Kyzylorda-news.kz</a> Қармақшы ауданы,&nbsp;Жосалы кентіндегі №250 мектеп-лицейінде Мемлекет басшысы Қасым-Жомарт Тоқаевтың «Әділетті Қазақстан: Заң мен тәртіп, экономикалық өсім, қоғамдық оптимизм» атты Қазақстан халқына Жолдауында белгіленген «Заң мен Тәртіп» қағидатын іске асыру аясында құқық бұзушылықтың алдын алу, балалардың қауіпсіздігін қамтамасыз ету және құқықтық тәрбиені күшейту мәселелеріне арналған кеңейтілген жиын өтті.Жиынға&nbsp;Қармақшы&nbsp;ауданының&nbsp;әкімі, аудандық мәслихат төрағасы, құқық қорғау органдарының басшылары, мекеме, бөлім басшылары, ардагерлер кеңесінің төрағасы, әйелдер кеңесінің төрайымы, ата-атаналар комитетінің төрағалары, аудандық білім бөлімі, мектеп директорлары және жоғарғы сынып оқушылары қатысты.Жиын барысында қоғамдық тәртіпті қамтамасыз ету, азаматтардың қауіпсіздігін сақтау, құқық бұзушылықтың алдын алу, сондай-ақ жастар арасында құқықтық мәдениетті қалыптастыру мәселелері қаралды. Отбасы мен білім беру ұйымдарының өзара ынтымақтастығын күшейту, жастарға әлеуметтік қолдау көрсету және қоғамдық, цифрлық қауіпсіздік шараларын жетілдіру қажеттігі атап өтілді.Сонымен қатар, ауданда жүзеге асырылып жатқан «Қылмыссыз өңір – кемел келешек кепілі» жобасы аясында атқарылған жұмыстардың нәтижелері таныстырылды. Аталған жобаның қоғамдағы құқық бұзушылық деңгейін төмендетуге, салауатты өмір салтын насихаттауға және жастар тәрбиесін нығайтуға оң әсер еткені айтылды.Күн тәртібіне сәйкес аудандық прокуратура, полиция бөлімі және аудандық білім бөлімі басшылары 2025 жылы атқарылған шаралар туралы баяндама жасап, алдағы кезеңге арналған жұмыс бағыттарын ұсынды. Сондай-ақ аудандық мәслихат төрағасы, ардагерлер кеңесі және ата-аналар комитетінің өкілдері өз пікірлерін білдірді.Жиын қорытындысында қоғамдық тәртіп пен азаматтардың қауіпсіздігін қамтамасыз ету барлық мүдделі тараптардың бірлескен әрекетін талап ететіні атап өтілді. Заң мен тәртіп қағидатын сақтау әр азаматтың жауапкершілігі екені айтылып, құқық бұзушылықтың алдын алу бағытындағы жұмысты жүйелі түрде жалғастыру қажеттігі көрсетілді.

«Заң мен тәртіп» қағидатын іске асыру мәселелері талқыланды

<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасы Қорғаныс министрлігінің делегациясы инспекциялық сапармен Голан жоталарындағы БҰҰ Күштерінің бөлінген аймақты бақылау жөніндегі миссия орындалатын өңірге барды. Сапарды ҚР Қарулы күштері Құрлық әскерлерінің бас қолбасшысы генерал-майор Мереке Көшекбаев басқарды.Сапар барысында миссия қолбасшылығымен кездесу өтіп, оның шеңберінде Біріккен Ұлттар Ұйымының бөлінген аймақты бақылау мандатын іске асыру мәселелері, өңірдегі ахуал мен қазақстандық контингенттің қызметі талқыланды.Миссия басшысы және БҰҰ бөлінген аймақты бақылау жөніндегі күштерінің қолбасшысы генерал-майор Анита Асма қазақстандық бітімгерлердің қойылған міндеттерді сапалы орындағаны үшін алғысын білдіріп, олардың іс-қимылын, кәсібилігін, тәртібі мен үйлесімді әрекетін жоғары бағалады.Қазақстандық ұлттық контингент жедел әрекет ету бөлімшесінің функцияларын орындап, мобильді патрульдеуді жүзеге асырады, жедел әрекет ету топтарының дайындығын, медициналық эвакуациялауды және инженер-саперлердің ілесіп жүруін қамтамасыз етеді. Одан басқа бақылау бекеттерінде де міндеттер орындайды.Миссияға қатыса бастағаннан бері ұлттық контингент 675, оның ішінде 500-ден аса патрульдеуді, жаттығу іс-шараларын өткізуді, жарылыс қаупі бар заттарды залалсыздандыру операцияларын, лектерді алып жүруді және уақытша бақылау бекеттерін қоюды орындады.Қазіргі уақытта Голан жоталарында 139 қазақстандық бітімгер қызмет етіп жүр.

БҰҰ миссиясының басшысы қазақстандық бітімгерлердің даярлығын жоғары бағалады

<a href="https://kyzylorda-news.kz/">Kyzylorda-news.kz</a> &nbsp;Жаңақорған ауданы әкімдігінің мәжіліс залында аудан әкімі Мажит Самитовтың төрағалығымен аудандық сәулет, қала құрылысы және құрылыс бөлімінің басшысы Ахметов Орман Айтмағанбетұлын зейнеткерлік демалысқа шығарып салуға арналған салтанатты жиын өтті.Аудан әкімі Орман Айтмағанбетұлының 1985 жылдан бері 40 жылдан астам еңбек еткенін, оның ішінде мемлекеттік қызметте 30 жылға жуық жұмыс жасап, түрлі салаларда басшылық қызметтер атқарғанын атап өтті. Ол Жаңақорған ауданының тұрғын үй-коммуналдық шаруашылығы, жолаушылар көлігі және автомобиль жолдары, кәсіпкерлік, өнеркәсіп және туризм бөлімдерін, сондай-ақ 2017 жылдан бері сәулет, қала құрылысы және құрылыс бөлімін абыроймен басқарып, ауданның әлеуметтік-экономикалық дамуына елеулі үлес қосты.Салтанатты жиында ауданның дамуына қосқан еңбегі үшін Орман Айтмағанбетұлы ауданның ең жоғары марапаты – «Құрмет грамотасымен», сондай-ақ «Қызмет» салалық кәсіподағының «Еңбек озаты» медалімен марапатталып, ұлттық дәстүрге сай шапан жабылды.Жиынға аудандық мәслихат төрағасы Жарқынбек Ғалымжан ардагерлер және қоғамдық кеңес төрағалары, аудан әкімінің орынбасарлары мен бөлім басшылары қатысып, әріптесіне жүрекжарды лебіздерін білдірді.Кездесу соңында аудан әкімі Орман Айтмағанбетұлына зор денсаулық, отбасына амандық, ұзақ ғұмыр тілеп, зейнеттің игілігін көруіне тілектестігін жеткізді.

Құрметті зейнет демалысына шығарып салды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев аудандық мәслихат төрағасы Ержан Әжікеновпен бірге аудандық мәдениет бөлімінің жұмысымен танысты және сала қызметкерлеріне Конституциялық реформалар жөнінде атап өтті.<blockquote>– Мемлекет басшысы Қасым-Жомарт Кемелұлы Тоқаевтың халыққа арнаған Жолдауындағы бастамалар Конституциялық реформаны жүзеге асыруға негіз болып, жаңа Ата Заң жобасы әзірленді. Онда биліктің құрылымдарын қайта қарауды, адам құқықтарын күшейтуді, мемлекеттік басқарудың жаңа институттарын енгізу мәселелері қамтылған. Ата Заңымыздың жаңа мәтінінің негізгі мәні ретінде білім мен ғылым, мәдениет пен инновация қарастырылған. Бұл бастама қоғамның барлық саласын қамтиды және демократиялық принциптерді нығайтуды көздейді, – деді Берік Әбдіғаппарұлы.</blockquote>Жуырда ғана аудандық мәдениет бөлімі күрделі жөндеуден өткен жаңа нысанға көшкен болатын. Аудан басшысы бөлім жұмысымен танысып, сала жұмысын жетілдіруге қатысты тапсырмалар берді.Фото: Сырдария ауданы әкімінің баспасөз қызметі

Аудан әкімі мәдениет саласы қызметкерлеріне Конституциялық реформалар жөнінде атап өтті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев ҚР Сыртқы істер министрінің орынбасары Әлібек Қуантыровпен кездесті. Кездесуде аймақтың әлеуметтік-экономикалық дамуы және инвестициялық жобаларды жүзеге асыру мәселелері талқыланды.<blockquote>«Мемлекет басшысының тапсырмасына сәйкес, өңірімізде қолайлы инвестициялық климат қалыптасып, ірі инвестициялық жобалар жүзеге асуда.Бұл ретте, Сыртқы істер министрлігінің Инвестиция комитеті және «Қазақ инвест» ұлттық компаниясы тарапынан шетелдік инвесторларды тартуға, инвестициялық келісімшарт жасауға белсенді қолдау көрсетілгенін ерекше атап өтемін.Осындай қолдаудың арқасында бүгінде түркиялық «Акса энерджи», германиялық «Медал груп», оңтүстік кореялық «Уиз ю», испандық «Рока груп», швейцариялық «Харвест агро» сияқты ірі инвесторлар өңірде өз жобаларын жүзеге асыруда.Сонымен қатар, суару жабдықтары мен механикалық суару жүйелерін өндіретін америкалық «Рейнке» компаниясымен келіссөз жүргізіліп, жақын арада кездесу жоспарланған.Өткен жылы 9 инвестор инвестициялық келісімшартқа және 1 инвестор инвестициялық келісімге қол қойды», – деді Н.Нәлібаев.</blockquote>Былтыр өңірге 631,4 млрд. теңге инвестиция тарту межесі бекітілген. Индустриялық және инфрақұрылымдық жобалардың есебінен 774,5 млрд. теңге инвестиция тартылып, индикатор 143,1 млрд. теңгеге артық орындалды. Тікелей шетелдік инвестиция тарту көрсеткіші бойынша 280 млн. АҚШ доллар межесі бекітілген. 2025 жылдың 9 айында 205,7 млн. АҚШ доллар тартылып, өсім 19,1 пайызды құрады.Экономиканы әртараптандыру мақсатында 2026-2029 жылдары аймақта құны 1 трлн 900 млрд теңгеге жуық 48 инвестициялық жоба іске асырылып, 10,3 мың жаңа жұмыс орны ашылады. Биыл 100 млрд теңгенің 21 жобасы жоспарланған.Өз кезегінде Әлібек Қуантыров өзара ынтымақтастықты жалғастырудың және өңірдің бәсекеге қабілеттілігін арттыру үшін бірлесіп жұмыс жасаудың маңызын атап өтті.Фото: Қызылорда облысы әкімнің баспасөз қызметі

Аймақ басшысы Сыртқы істер министрінің орынбасарымен кездесті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев, ҚР Сыртқы істер министрінің орынбасары Әлібек Қуантыров, «Қазақ Инвест» ұлттық компаниясы департамент директорының орынбасары Марат Есенов, Бас прокуратураның қоғамдық мүдделерді қорғау қызметі бастығының орынбасары Ризат Смағұловтың бейнебайланыс арқылы қатысуымен өңірлік инвестициялық штаб отырысы өтті. Оған облыс әкімінің орынбасарлары, құқық қорғау органдары мен басқарма басшылары, штаб мүшелері, бизнес өкілдері, селекторлық режимде қала, аудан әкімдері қатысты.Аймақ басшысы инвестиция тарту бойынша өңірде атқарылған жұмыстарға тоқталды.<blockquote>«Мемлекет басшымыздың бұған дейінгі ауқымды саяси реформаларының жалғасы ретінде Конституциялық, Парламенттік және мемлекеттік басқару жүйесіндегі реформалар туралы бастамалар көтерілді.Өткен аптада Астана қаласында Конституциялық реформа жөніндегі комиссия отырыстарында Ата Заңға енгізілетін түзетулер талқыланып, жаңа Конституция жобасы ұсынылды.Өзгерістер негізінен биліктің құрылымдарын қайта қарауды, адам құқықтарын күшейтуді, мемлекеттік басқарудың жаңа институттарын енгізуді қамтыды. Негізгі заңның құқықтық мәртебесінің күшеюі реттеуші ортаның болжамдылығы мен тұрақтылығын арттырады. Бұл инвесторлар үшін аса маңызды. Өйткені тұрақты конституциялық негіз құқықтық өзгерістердің кенеттен туындау тәуекелдерін төмендетіп, заң үстемдігін нығайтады.Заң үстемдігі – ұзақ мерзімді инвестициялар үшін шешуші фактор. Мемлекет басшымыздың тапсырмасына сәйкес сапалы инвестициялар ағынын арттыру, қосылған құны жоғары серпінді жобаларды жүзеге асыруды қамтамасыз етуіміз қажет», – деді Н.Нәлібаев.</blockquote><figure class="image"><img src="https://knadmin.beoblood.kz/uploads/Nalibaev_32cc7e9155.jpg" alt="акимат "></figure>Басқосуда Әлібек Қуантыров, Ризат Смағұлов инвестиция тартудың жаңа тәсілдері мен Инвестициялық омбудсменнің рөлі туралы айтты. Инвесторлар құқығын қорғауда аймақта атқарылған шаралар туралы Қызылорда облысының прокуроры Ризабек Ожаров, өңірдің инвестициялық ахуалы, жаңа жобаларды іске асыру барысы туралы облыс әкімінің орынбасары Ардақ Зебешев баяндама жасады.Жиын соңында облыс әкімі сала басшыларына тапсырмалар жүктеді. Қазақстан Республикасының инвестициялық саясатының 2029 жылға дейінгі тұжырымдамасына сәйкес, аймақта арнайы өңірлік инвестициялық штаб құрылған. Бүгінде Қызылорда облысында қолайлы инвестициялық климат қалыптасып, ірі инвестициялық жобалар жүзеге асуда. Өткен жылдың қорытындысымен &nbsp;774 млрд 468 млн теңге инвестиция тартылып, өсім 10,6 пайыз болды. Жоспар 22,7 пайызға артығымен орындалды. Сыр өңірі индикатордың орындалуы бойынша алдыңғы орынға шықты.Жеке инвестиция үлесі 72 пайыз, тоғыз айдың қорытындысымен 205 млн. АҚШ долларынан астам тікелей шетелдік инвестиция тартылып, өсім 19,1 пайызды құрады.Өткен жылы 300 млрд. теңгеден астам қаржыға 27 инвестициялық жоба іске қосылды. Экономиканы әртараптандыру мақсатында 2026-2029 жылдары аймақта 1 трлн. 900 млрд. теңгеге 48 инвестициялық жоба іске асырылып, 10 308 жаңа жұмыс орны ашылады. Биыл 100 млрд. теңгенің 21 жобасын іске қосу жоспарланған.<figure class="image"><img src="https://knadmin.beoblood.kz/uploads/akimat_prokuror_R_Izabek_Ozharov_e636598718.jpg" alt="акимат прокурор РИзабек Ожаров.jpg"></figure>

Қызылорда облысында өңірлік инвестициялық штаб отырысы өтті

<a href="https://kyzylorda-news.kz/">Kyzylorda-news.kz</a> Арал ауданында қоғамдық тәртіпті сақтау, заң талаптарының орындалуын бақылау мақсатында рейдтік жұмыстар жүргізілді. Іс-шараға аудандық экономика және қаржы бөлімі, тиісті бөлімдер мен мекемелердің өкілдері, білім беру ұйымдары, ата-аналар комитеті және полиция қызметкерлері қатысты.Рейд барысында дүкендер, кафе және компьютерлік ойын-сауық орталықтарында алкоголь өнімдері мен зиянды заттардың заңсыз сатылуы, сондай-ақ кәмелет жасқа толмағандарға қатысты талаптардың сақталуы тексерілді.Заң бұзушылықтардың алдын алу бағытындағы жұмыстар бұдан былай да жүйелі түрде жалғасатын болады.<img src="https://knadmin.beoblood.kz/uploads/FB_IMG_1770029608380_95aeb8dbc6.jpg" alt="FB_IMG_1770029608380.jpg">

Арал: Рейдтік іс-шаралар жалғасуда

<a href="https://kyzylorda-news.kz/">Kyzylorda-news.kz</a> Қалалық мәслихаттың кезектен тыс 48 сессиясы өтті. Күн тәртібінде «2026-2028 жылдарға арналған Қызылорда қаласының бюджетін бекіту туралы» мәселе қаралды. Сессия отырысына қатысқан қала әкімі Нұржан Ахатов биылғы жылы атқарылатын бірқатар жобаларға тоқталды.Биыл қала бюджеті 94 млрд. 200 млн. теңгемен бекітілген болатын. Оның көлемі облыстық бюджеттен бөлінген трансферттер арқылы 140 млрд. теңгеге жетті. Бұл қаржылар өзекті мәселелерді шешуге, тұрғындарымыздың өмір сүру сапасын арттыруға және инфрақұрылымдық жобаларды жүзеге асыруға бағытталуда. Яғни, жол-көлік инфрақұрылымын дамыту, тұрғын үй құрылыстары, ауыз су және кәріз су желелерін жаңғырту, газдандыру мен абаттандыру жұмыстары іске асырылатын болады.<blockquote>«Жақын күндері аймақ басшысының қолдауымен қаладағы жолдардың аясы кеңейтіліп, бірқатары 4 жолақтыға ауыстырылады. Ақжарма ауылдық округіне қарасты Талдыарал елдімекеніне қосымша скважина орнатылып, биологиялық тазарту станциясын жаңғырту мен автоматтандыру жұмысы аяқталады. Жаңадан су құбыры желілерінің құрылысы жүргізіледі. Қала мен елдімекендерді абаттандыруға екпін беріледі.Әрбір әлеуетті іс әлеумет үшін жасалады. Яғни, бұл тұрғындардың өмір сүру сапасын жақсартуға үлкен бетбұрыс десек, біз халықтың игілігі мен жайлы тұрмыс-тіршілігі үшін ауқымды жобаларды Өздеріңізбен бірге атқара береміз», – деді Нұржан Сәбитұлы.</blockquote>Халық қалаулылары күн тәртібіндегі мәселені жан-жақты талқылап, тиісті шешімдер қабылдады.

Жаңашыл жобалар жетістікке жетелейді

<a href="https://kyzylorda-news.kz/">Kyzylorda-news.kz</a> Облыстық мәслихат төрағасы Мұрат Тлеумбетовтің қатысуымен Конституциялық реформаларға арналған кездесу өтті. Оған Қазақстанның Еңбек ері, Конституциялық реформа жөніндегі комиссияның мүшесі Имамзада Шағыртаев, облыстық қоғамдық кеңес мүшелері, бизнес-қоғамдастықтар, үкіметтік емес ұйымдарының өкілдері қатысты.Алдымен облыстық мәслихат төрағасы еліміздің келешегі, демократиялық, әлеуметтік, құқықтық мемлекет ретінде орнығуы ең алдымен Ата Заңның мазмұны мен маңызына тікелей байланысты екенін атап өтіп, бірқатар маңызды өзгерістерге тоқталды.<blockquote>- 2026 жылғы 21 қаңтарда Конституциялық комиссия құрылды. Осы комиссия құрамында Сыр өңірінен облыс әкімі Нұрлыбек Машбекұлы Нәлібаевтың болуы – аймаққа деген сенімнің, атқарылып жатқан жүйелі жұмыстың және оның нәтижесінің жоғары бағалануының айқын көрінісі. Сонымен қатар, комиссия құрамына Қазақстанның Еңбек ері Шағыртаев Имамзада Қуанышбайұлы және облыстық мәслихат төрағасы ретінде мен де қосылдым. Бұл өзгерістер өз кезегінде халық пен билік арасындағы байланысты нығайтып, мемлекеттік басқарудың тиімділігін арттыруға бағытталған. Жаңа Конституция – бұл жай ғана заң емес. Бұл – әділетті қоғамға, ашық мемлекетке бастайтын жол. Жалпы алғанда, ұлттық құндылықтар мен елдің идеялық бағдарын Конституцияның кіріспесінде бекіту, адамның ең жоғары құндылық ретіндегі мәртебесін нақтылау, және неке мен отбасы институтының Ата Заң деңгейінде қорғалатыны қуантады. Бұл конституциялық реформа Қазақстанның тұрақты дамуына, құқық үстемдігіне және әділетті қоғам құруға берік негіз қалайды, - деді мәслихат төрағасы Мұрат Тлеумбетов.</blockquote>Жиында сөз алған Қазақстанның Еңбек ері, Қызылорда облысының Құрметті азаматы, Конституциялық реформа жөніндегі комиссияның мүшесі Имамзада Шағыртаев, Қызылорда облыстық Қоғамдық кеңесінің төрағасы Сұлтанбек Тәуіпбаев конституциялық реформалардың маңыздылығын атап өтіп, олардың қоғам өміріне оң ықпалын тигізетінін, азаматтар құқықтарының күшейетінін және мемлекеттік басқарудың ашықтығы мен тиімділігін қамтамасыз ететінін жеткізді.Жиын соңында облыстық мәслихат төрағасы Мұрат Тлеумбетов жаңа Конституцияның елдің бірлігі мен тұрақтылығын, азаматтардың құқықтары мен бостандықтарын нығайтуға бағытталғанын атап өтіп, аталған реформаларға қолдау білдіру – әрбір азаматтың ортақ жауапкершілігі екенін жеткізді.<img src="https://knadmin.beoblood.kz/uploads/Konstitucziyaly_reforma_kezdesu_2_d436dfd3e5.jpg" alt="Конституциялық реформа кездесу 2.jpg">

Конституциялық реформаның жай-күйін талқылады

<a href="https://kyzylorda-news.kz/">Kyzylorda-news.kz</a> Облыстық мәслихат төрағасы Мұрат Тлеумбетовтің қатысуымен Конституциялық реформаларға арналған кездесу өтті.Жиынға облыстық мәслихат депутаттары, аудандық мәслихат төрағалары мен депутаттары қатысты.Жиынды ашқан облыстық мәслихат төрағасы Мұрат Тлеумбетов жаңа Конституцияның мән-маңызына тоқталып, оның қоғам мен мемлекет үшін қаншалықты маңызды екенін атап өтті.<blockquote>- Бастапқыда парламенттік реформа аясында Ата Заңның шамамен 40 бабына өзгерістер енгізу көзделгенімен, талқылау барысында реформаның ауқымы әлдеқайда кең екені айқындалды. Конституцияда Әділеттілік, Заң мен Тәртіп, бірлік пен келісім, тәуелсіздік пен аумақтық тұтастық өзгермейтін құндылықтар ретінде бекітіліп, білім мен ғылымға, адами капиталға, цифрландыруға айрықша мән берілген. Отбасы институты, неке, әйелдердің құқықтары, зайырлы мемлекет қағидаттары Ата Заң деңгейінде қорғалып, азаматтардың цифрлық ортадағы құқықтары алғаш рет нақты айқындалды. Сонымен қатар, жаңа Парламент – Құрылтайдың құрылуы, Халық кеңесі мен вице-президент институтының енгізілуі халық пен билік арасындағы байланысты күшейтіп, «Еститін мемлекет» қағидатын іске асыруға жол ашады. Сондықтан да, Президентіміздің бастамасымен қолға алынған Саяси-конституциялық реформа ел дамуының жаңа тарихи кезеңінің бастауы болады деп сенеміз, - деді мәслихат төрағасы Мұрат Тлеумбетов.</blockquote>Сондай-ақ, жиын барысында облыстық мәслихат депутаты Мақсұт Нәлібаев, онлайн байланыс арқылы қатысқан Қармақшы аудандық мәслихат төрағасы Әділ Қошалақов сөз алып, Конституциялық реформалардың елдің саяси жүйесін жаңғыртудағы және азаматтардың құқықтары мен бостандықтарын кеңейтудегі мән-маңызына тоқталды.Жиын соңында облыстық мәслихат төрағасы Мұрат Тлеумбетов аталған реформаларға қолдау білдіру – әрбір азаматтың ортақ жауапкершілігі екенін айтып, алдағы кезеңде де қоғаммен ашық диалог жалғаса беретіндігін жеткізді.

Облыстық мәслихат төрағасы конституциялық реформаларға арналған кездесу өткізді

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлының Сыр өңіріне деген айрықша қолдауының арқасында, облыс әкімі Нұрлыбек Машбекұлының басшылығымен Қазалы ауданында айтулы істер, жарқын жобалар жүзеге асып келеді. Бүгінде Қазалы ауданының экономикасының барлық саласында тұрақты өсім қалыптасып, даму көрсеткіштері ілгеріледі.2025 жылға арналған аудан бюджетінің кірестері 18,9 млрд. теңге болып бекітіліп, 21,6 млрд. теңгеге нақтыланды. Оның ішінде, өз кірістеріміз 3,1 млрд. теңгеге бекітілсе, нақтыланған жоспар 4,1 млрд. теңге, нақты 4,5 млрд. теңгеге орындалып, бекітілген бюджеттен 1,4 млрд. теңге қосымша түсім қамтамасыз етіліп, 43,9% ұлғайды.&nbsp;2026 жылға арналған аудан бюджетінің көлемі 13,6 млрд. теңге болып бекітілді. Оның ішінде, өз кірістеріміздің жоспары 4,2 млрд. теңге.Ауданның әлеуметтік-экономикалық дамуында 2025 жылдың 12 айында оң тенденция сақталды.&nbsp;Өнеркәсіп өндірісі – 112,3 (32 млрд. 863 млн.теңге), өңдеу өнеркәсібі – 112,8 (28 млрд. 863 млн. теңге), сауда – 101,1 (16 млрд. 181,8 млн. теңге), ауыл шаруашылығы – 103,6 (30 млрд. 869,4 млн.теңге), негізгі капиталға тартылған инвестиция – 105,1 (29 млрд. 681 млн.теңге), құрылыс жұмыстарының көлемі – 145,6 (20 млрд. 726 млн.теңге), тұрғын үй құрылысы – 105,7 (67 093 ш.м.) пайызға артты.

Қазақстан және Қызылорда облысының жаңалықтары: Қоғам