<a href="https://kyzylorda-news.kz/">Kyzylorda-news.kz</a> Бүгін облыс әкімінің орынбасары Ардақ Зебешев облыс орталығындағы «Радуга» сауда желісі мен бірқатар әлеуметтік дүкендерді аралап, делдалдық схемаларды тексеру жөніндегі комиссияның көшпелі отырысын өткізді.Комиссияның көшпелі отырысында сауда сөрелеріндегі әлеуметтік маңызы бар азық-түлік тауарларының сапасы, бағасы және толық қамтамасыз етілуі талданып, сауда субъектілеріне сауда қызметін жүргізу заңнамаларының талаптары түсіндірілді. &nbsp;Жалпы бүгінгі күні «Радуга» сауда үйі әріптестік негізде өңірлік тұрақтандыру қорымен тығыз жұмыс жасауда, әлеуметтік маңызы бар азық-түлік тауарларын қол жетімді бағада сатылуы үйлестірілген.Алдағы уақытта әлеуметтік тауарлардың қатарын одан әрі ұлғайту жөнінде келіссөздер жүргізілді. Делдалдық комиссияның кезекті көшпелі отырыстары басқа да сауда нысандарында жалғастырылатын болады.&nbsp;

Азық-түлік бағасы бақылауда

<a href="https://kyzylorda-news.kz/">Kyzylorda-news.kz</a> &nbsp;Достық үйінде Өңірлік коммуникациялар қызметінің кезекті көшпелі баспасөз конференциясы өтті. «15 мамыр – Халықаралық отбасы күні» тақырыбына арналған жиында облыстық қоғамдық даму басқармасының басшысы Руслан Каюпов отбасы институтын нығайту бағытында өңірде атқарылып жатқан жұмыстарға кеңінен тоқталды.Спикердің айтуынша, 1993 жылы БҰҰ Бас Ассамблеясының шешімімен бекітілген Халықаралық отбасы күні қоғам назарын отбасы құндылықтарына аударуға бағытталған маңызды дата. Осыған орай аймақта жыл сайын ауқымды іс-шаралар ұйымдастырылып келеді. Биыл өңір бойынша 700-ге жуық мәдени-танымдық, тәрбиелік іс-шара өткізу жоспарланған.<blockquote>«Халқымыз қай заманда да отбасы дәстүрін берік ұстанып, қадірлей білген. Сондықтан отбасы институтын нығайту мемлекет саясатының басты бағыттарының бірі. Аймақта отбасы құндылықтарын дәріптеуге, жастарға сапалы тәрбие беруге ерекше көңіл бөлінуде», – деді Руслан Мұхамедәліұлы.Баспасөз конференциясында қайырымдылық акциялары, өмірлік қиын жағдайдағы отбасыларға қолдау көрсету, «Отбасы ағашы» акциясы, «Мерейлі отбасы-2026» ұлттық байқауы, балаларға арналған спорттық және тәрбиелік жобалар туралы айтылды. Сонымен қатар білім беру мекемелерінде психологтардың қатысуымен ата-аналармен кездесулер өткізіліп, отбасы тәрбиесінің маңызын арттыруға бағытталған жұмыстар жүргізілуде.«Өңірде ана мен баланы қорғау, көпбалалы отбасыларды әлеуметтік қолдау бағытындағы жұмыстар жүйелі түрде жалғасуда. Қазіргі таңда облыста 17 мыңнан астам «Алтын алқа» және «Күміс алқа» иелері, 48 мың көпбалалы отбасы бар. Мемлекеттік жәрдемақылар көлемі де жыл сайын артып келеді. Сондай-ақ аймақта жастардың сапалы білім алып, кәсіби дамуына жағдай жасалып келеді. Наурыз айында Қызылордада еліміздегі алғашқы «Құзыреттілік орталығы» пайдалануға берілген. Заманауи нысан техникалық және кәсіптік білім беру ұйымдары мен бизнес өкілдерінің ортақ алаңына айналып, халықаралық кәсіби жарыстарға мамандар даярлауға мүмкіндік беруде» – деді басқарма басшысы.</blockquote>Жиында балалар мен жастарға арналған жаңа әлеуметтік нысандар да таныстырылды. Ертең Президент саябағы аумағында 300 орындық балалар тынығу лагері ашылмақ. Лагерьде спорт кешені, бассейн, амфитеатр, ойын алаңдары мен киіз үйлер қарастырылған. Сонымен қатар Ботаникалық білім беру орталығы салынып, балалардың экологиялық танымын кеңейтуге мүмкіндік жасалмақ.Бұдан бөлек, «Қызылорда Арена» көпбейінді спорт кешенінің құрылысы қарқынды жүргізілуде. Жаңа кешенде олимпиадалық бассейн, 2500 орындық спорт залы және түрлі форумдар өткізуге арналған конференция залы болады. Нысанды биылғы тамыз айында пайдалануға беру жоспарланған.Жиында спикер «Мерейлі отбасы» ұлттық байқауына да кеңінен тоқталды.<blockquote>«2014 жылдан бері ұйымдастырылып келе жатқан жоба биыл 13-рет өткізілмек. Осы уақытқа дейін облыстан 3000-нан астам отбасы қатысқан. Былтыр барлық елді мекеннен 231 отбасы өтінім берген. Биыл конкурсқа құжат қабылдау 15 мамыр мен 15 маусым аралығында жүргізіледі. Бұл байқау отбасы құндылықтарын дәріптейтін бірегей жоба. Өнегелі отбасыларды насихаттау арқылы қоғамдағы татулық пен бірлікті нығайтуға ықпал етеді. Биыл да жерлестеріміз республикалық деңгейде жоғары нәтиже көрсетеді деп сенеміз», – деді спикер.</blockquote>Фото: Өңірлік коммуникациялар қызметі

Отбасы құндылығы – қоғамның берік тірегі

<a href="https://kyzylorda-news.kz/">Kyzylorda-news.kz</a> Синоптиктер Қазақстанда 2026 жылдың жазына арналған ауа райы болжамын ұсынды. Маусым мен тамыз аралығында аптап ыстықпен қоса жаңбыр, найзағай, бұршақ пен қатты жел болжануда. Бұл туралы <a href="https://stan.kz/-434477/">Stan.kz </a>ақпарат агенттігі хабарлайды.&nbsp;Маусым: +45°С-қа дейінгі аптап ыстық, найзағай мен түнгі ызғарМаусым айында елдің басым бөлігінде ауа температурасы климаттық нормадан 1–2 градусқа жоғары болады. Шығыс пен солтүстік-батыс өңірлерде көрсеткіш көпжылдық орташа мәнге жақын сақталады.Күндізгі температура +15 +20 градустан +30 +38 градусқа дейін өзгереді. Оңтүстік өңірлерде кей күндері ауа +40 +45 градусқа дейін ысуы мүмкін. Ал салқындау кезеңдерде нөсер жаңбыр, найзағай, бұршақ және қатты жел болады. Солтүстік, шығыс және таулы аймақтарда түнде ызғар болуы мүмкін.Шілде: Қалыпты жылы ауа райы мен жауын-шашын аз боладыШілде айы орташа деңгейде ыстық болады. Елдің басым бөлігінде температура климаттық нормаға сәйкес келеді. Көп өңірде +18 +24°, оңтүстікте +25 +30°, таулы аймақтарда +9 +17° болады.Оңтүстік өңірлерде ыстық ауа райы сақталса, шығыс пен оңтүстік-шығыстың таулы аудандарында ауа райы салыстырмалы түрде салқын болады. Жауын-шашын әр өңірде әркелкі түседі.Тамыз: Көп өңірде аптап ыстық боладыТамыз айында ел аумағының едәуір бөлігінде температура нормадан 1–2 градусқа жоғары болады. Оңтүстік-шығыста көрсеткіштер көпжылдық орташа деңгейде сақталады. Ең қатты ыстық орталық және батыс өңірлерде байқалуы мүмкін.Жаздағы жауын-шашын: Кей өңірлерде құрғақшылықЖалпы жазда жауын-шашын мөлшері қалыпты деңгейде болады. Алайда кей аймақтарда жауын-шашынның тапшылығы байқалуы мүмкін.<ul><li style="text-align:justify;">Маусымда – оңтүстік-батыс, солтүстік және орталықта;</li><li style="text-align:justify;">Шілдеде – батыс, оңтүстік және оңтүстік-шығыста;</li><li style="text-align:justify;">Тамызда – оңтүстік-батыс, орталық және шығыстың кей аудандарында құрғақшылық қаупі бар.</li></ul>Фото: freepik.com

"+45°С аптап ыстық болады": Қазақстанда жаз айларына арналған ауа райы болжамы жарияланды

<a href="https://kyzylorda-news.kz/">Kyzylorda-news.kz</a> Ұрпақ тәрбиесі мен ұлттық құндылықтардың алтын діңгегі - отбасы. Берік қоғамның негізі ретінде бұл ұғым 1993 жылдан бастап 15 мамыр – Халықаралық отбасы күні ретінде ресми түрде атап өтіліп келеді.Осыған орай бүгін Қармақшы ауданындағы «Руханият» орталығында аудан әкімінің тапсырмасымен «Бір шаңырақ астындағы шексіз махаббат» атты салтанатты кеш ұйымдастырылды.Отбасы құндылықтарын дәріптеп, жанұя институтының қоғамдағы маңызын насихаттау мақсатында өткізілген тағылымды шараға аудан әкімінің орынбасары Самат Қыдырбекұлы қатысып, айтулы мерекеге орай ізгі тілегін білдірді.Сондай-ақ мереке аясында ауданымыздың дамуына үлес қосып жүрген өнегелі отбасылар аудан әкімінің «Алғыс хатымен» марапатталды.&nbsp;Мерекелік шарада аудандық ардагерлер кеңесінің төрағасы Асқар Мереков жылы лебізін білдіріп, бірлік пен ұрпақ тәрбиесінің маңызын атап өтті.Татулық пен сыйластықты ту етіп, жас ұрпаққа өнеге болған - «Гаухар той» иегерлері де бүгінгі күннің маңыздылығын айтып, көрсетілген құрметке өз алғыстарын білдірді.&nbsp;Отбасы құндылықтарын ұлықтаған берекелі басқосуда ән мен жырдан шашу шашылып, аудан өнерпаздары тағылымды кешке ерекше көңіл-күй сыйлады.

Қармақшы: Отбасы күніне орай салтанатты кеш ұйымдастырылды

<a href="https://kyzylorda-news.kz/">Kyzylorda-news.kz</a> Астанада Мәжіліс депутаты Берік Бейсенғалиевтің төрағалығымен «AMANAT» партиясы жанындағы Өңірлік даму жөніндегі Республикалық кеңестің отырысы өтті.&nbsp;Отырыста бюджеттің IV деңгейін дамыту, ауылдық округтердің қаржылық дербестігін күшейту және жергілікті өзін-өзі басқару жүйесін жетілдіру мәселелері қаралды.Талқылау жұмысына партия Хатшысы Ержан Жылқыбаев, Парламент депутаттары, орталық мемлекеттік органдардың өкілдері, облыс әкімдерінің орынбасарлары, Кеңес мүшелері және партияның өңірлік филиалдарының өкілдері қатысты.Ержан Жылқыбаев Мемлекет басшысының тапсырмасына сәйкес ауылдарды дамыту, ауыл әкімдерінің өкілеттігін күшейту және елді мекендерді цифрландыру бағытында жүйелі жұмыс жүргізіліп жатқанын айтты. Сонымен қатар, партия Президент жанындағы Мемлекеттік басқару академиясымен бірлесіп жүзеге асырып жатқан «Әкімдер мектебі» жобасының маңыздылығына тоқталды.Жиынға бейнебайланыс арқылы өңірден облыс әкімінің бірінші орынбасары Данияр Жаналинов, партияның облыстық филиалының атқарушы хатшысы Ләйлә Төрешова, Өңірлік даму жөніндегі аймақтық кеңес төрағасының орынбасары Сәрсенкүл Бихожа және жауапты сала өкілдері қатысып, ауылдық округтердің қаржылық дербестігін арттыруға қатысты ұсыныстарын айтты.Отырыс қорытындысы бойынша жергілікті атқарушы органдарға жаңа Бюджет кодексін ескере отырып, даму жоспарларын жаңғырту тапсырылды.

Ауылдық округтердің қаржылық дербестігін арттыру мәселесі республикалық кеңесте талқыланды

<a href="https://kyzylorda-news.kz/">Kyzylorda-news.kz</a> Қазіргі таңда киберқауіпсіздік мәселесі өзекті. Бұл туралы Өңірлік коммуникациялар қызметінің ақпарат алаңында Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті Қызылорда облысы бойынша департаментінің қылмыстық саладағы құқықтық ақпаратты қалыптастыру бөлімінің бастығы Жукашев Естай, аталған департаменттің азаматтық және әкімшілік салалардағы құқықтық ақпаратты қалыптастыру бөлімінің аға прокуроры Тілеужан Ғалымжан, сонымен қатар, &nbsp; облыстық полиция департаменті Әкімшілік полиция басқармасының бастығы Манатов Мұратбек баяндады.<blockquote>– Цифрлық технологиялардың дамуы халықтың өмірін жеңілдеткенімен, қылмыстың жаңа түрлерінің көбеюіне де әсер еткен. Қазіргі таңда әлеуметтік желілер мен интернет платформалар тек байланыс құралы ғана емес, сауда-саттық жүргізілетін негізгі алаңдардың біріне айналған. Осы мүмкіндікті пайдаланған алаяқтар түрлі айла-тәсілдерге көшуде. Бүгінде SMS-код арқылы қорқытып несие рәсімдету, жалған инвестициялық ұсыныстар ұсыну, мессенджерлерде таныстарының атынан хабарлама жіберіп ақша сұрау, сондай-ақ онлайн сауда барысында алдын ала төлем жасатып алдау секілді интернет-алаяқтық түрлері жиі кездеседі,- деді Естай Толыбайұлы.</blockquote>Жиында интернет-алаяқтық қылмыстарының пайда болу себептері мен оның алдын алу шаралары кеңінен талқыланды.<blockquote>– Интернет-алаяқтық қылмыстарының ашылу деңгейі артқан. Ғаламтор кеңістігіне жүргізілген мониторинг барысында заңсыз белгілері бар көптеген сайттар мен сілтемелер анықталып, оларды бұғаттау жұмыстары қолға алынған. Ең бастысы - қарапайым қауіпсіздік ережелерін сақтау. SMS-кодтарды ешкімге бермеу керек. Белгісіз адамдардың ұсынысымен түрлі қосымшаларды жүктеуге болмайды. Күмәнді қоңырау түскен жағдайда бірден байланысты үзіп, банктің ресми нөміріне хабарласқан жөн,- Ғалымжан Бауыржанұлы.</blockquote>Сонымен қатар спикер киберқылмыстың кең таралған тәсілдері - жалған қоңыраулар, мессенджерлер мен фишингтік сайттар арқылы жасалатын алаяқтық схемалар жөнінде түсіндірді.

Өңірде интернет қауіпсіздігіне қатысты түсіндіру жұмыстары күшейтілуде

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы бауырластық байланыс және рухани ынтымақтастық нышаны ретінде Түркістанда бой көтерген мешітпен танысты. Құлшылық үйінің орталық залында Құран оқылды.&nbsp;Мешіт Өзбекстан Президентінің Түркістан тұрғындары мен барша қазақстандықтарға тартуы ретінде салынған. Ғимаратта дәстүрлі ислам элементтері заманауи құрылыс технологияларымен үйлесім тапқан. Қасбеті мен ішкі аумағы ұлттық ою-өрнекпен және мұсылман каллиграфиясымен безендірілген. Мұнаралардың биіктігі – 61 метр.Ғибадат орны жаңа инженерлік желілермен жабдықталған. Сондай-ақ абаттандырылған аумақта жарықтандыру жүйелері, демалыс аймақтары, субұрқақтар бар.<img src="https://knadmin.beoblood.kz/uploads/Prezidenty_Kazahstana_i_Uzbekistana_posetili_novuyu_mechet_Turkestana1_5ac6a9f8f9.jpg" alt="Президенты Казахстана и Узбекистана посетили новую мечеть Туркестана1.jpg">

Қасым-Жомарт Тоқаев Өзбекстан Президентімен Түркістандағы жаңа мешітті аралады

<a href="https://kyzylorda-news.kz/">Kyzylorda-news.kz</a> Кездесуде Президент Қасым-Жомарт Тоқаев БҰҰ-ның арнаулы мекемесі саналатын Дүниежүзілік метеорология ұйымы климат, ауа райы, су ресурстары және табиғи апаттардың қатерін азайту бағытындағы жаһандық ынтымақтастықты ілгерілетуде негізгі рөл атқаратынын атап өтті.Мемлекет басшысы мен Ұйым жетекшісі Қазақстан үшін стратегиялық мәнге ие климат мәселелеріне ерекше назар аударды. Атап айтқанда, ерте хабарлау жүйесін дамыту, метеорологиялық инфрақұрылымды жаңғырту және ғылыми деректер алмасу өте маңызды.Президент Қазақстан тарапының БАӘ Ұлттық метеорология орталығымен өзара байланысты арттыруға дайын екенін растады.Бұдан бөлек, өңірлік және жаһандық деңгейдегі су қауіпсіздігі мен су ресурстарын басқару мәселелерін шешудің өзектілігіне мән берілді. Бұл ретте Қазақстанның БҰҰ аясында Халықаралық су ұйымын құру жөніндегі бастамасының маңызы айрықша.Түркістан облысы БАӘ Ұлттық метеорология орталығымен бірге су қоймаларын толтыру және ауыл шаруашылығы жерлеріне су жеткізу мақсатында жауын-шашынды жасанды жолмен шақыратын бастаманы жүзеге асырады. Аталған жоба биыл 17 мамырда іске қосылады.Осылайша, Қазақстан өңірде жасанды жаңбыр технологиясын пайдаланған алғашқы ел болмақ.<img src="https://knadmin.beoblood.kz/uploads/Whats_App_Image_2026_05_15_at_15_10_09_1_63a70bffab.jpeg" alt="Президент қабылдау 2.jpeg">

Мемлекет басшысы БҰҰ Дүниежүзілік метеорология ұйымының президентін қабылдады

<a href="https://kyzylorda-news.kz/">Kyzylorda-news.kz</a> Бүгін «Локоматив» құтқарушылар стадионында &nbsp;Қазақ КСР-нің еңбек сіңірген жаттықтырушысы, кәсіби футболшы, спорт шебері Тимур Сегізбаевты еске алуға арналған 2013 - 2014 жылғы жасөспірімдер арасындағы республикалық турнир алауын жақты. &nbsp;Жарысқа өңіріміздің әр ауданынан 10 команда келді.Турнирдің ашылу салтанатында қала әкімі Нұржан Ахатов, спорт ардагерлері, облыстық футбол федерациясының президенті жас аяқ допшыларға ақжарма тілектерін білдірді.<blockquote>- Тимур Санжарұлы қызылордалықтар үшін өшпес есім, аласармас тау тұлға. Ол жергілікті «Автомобилист» командасынан бастап, бүгінгі «Қайсар» клубының іргесі бекуіне ілкімді іс қосты. Кеңестік дәуірде ең алғаш Алматының «Урожай» атанған футбол командасы кейін «Қайрат» брендін иеленді. Бұл атауды екі мәрте Социалистік Еңбек Ері, даңғайыр диқан Ыбырай Жақаев өзінің батасын арнап, айдар таққан атауы болатын. &nbsp;Сондықтан Тимур Санжарұлының саналы ғұмырымен сабақтас «Қайрат» командасының атауы бізге әрқашан ыстық. Бүгінгі турнир қатысушыларына, аты аңызға айналған Тимур Санжарұлының ізбасарларына сәттілік тілеймін! - деді Нұржан Сәбитұлы. &nbsp;</blockquote>Спорт ардагерлері мен облыстық футбол федерациясының президенті Болат Көшербаев турнирге қатысушы жасөспірімдерге батасын берді.&nbsp;Соңғы жылдары шаһарымызда тұрғындардың спортпен шұғылдануына барлық жағдай жасалған. Әр аулаға спорттық алаңдар салынып, арнайы құрылғылар орнатылды. Еуропа стандарттарына сай келетін 11 000 орындық «Қайсар Аренада» қазір ел чемпионаттары өтуде. Футбол сүйер қауым үшін «Қайсар – Арена» стадионынан кейінгі ауқымды жоба – Еуропаның үздік футбол мектептері үлгісіндегі «Қайсар» футбол академиясының құрылысы басталып кетті.&nbsp;Академияда жас спортшыларға арналған жатақхана, мектеп, асхана және жеті жаттығу алаңы қарастырылады. Сонымен қатар, жаңашылдық әкелген заманауи теннис орталығында күнделікті жарыстар ұйымдастырылады. Ал, инклюзивті спорт мектебі болса, ерекше күтімді қажет ететін спортшыларға ең қолайлы ортаға айналды. Алдағы күндері салынып жатқан «Қызылорда Арена» спорт кешені пайдалануға беріледі.&nbsp;<img src="https://knadmin.beoblood.kz/uploads/Aya_dop_turniri_fc3a5eea54.jpg" alt="Аяқ доп турнирі.jpg">

Жасөспірімдер арасында республикалық турнир басталды

<a href="https://kyzylorda-news.kz/">Kyzylorda-news.kz</a> Қармақшы ауданы әкімі Жандос Еркінбектің қатысуымен өткен мәжілісте аудан әкімінің орынбасары Самат Смағұловтың құрылыс, сәулет және қала құрылысы, тұрғын үй-коммуналдық шаруашылығы, автомобиль жолдары мен жолаушылар көлігі салаларындағы атқарылып жатқан жұмыстар жөнінде баяндамасы тыңдалды.Жиында Байқоңыр қаласын сумен жабдықтау және сумен бұру жүйелерін реконструкциялау жобасының жүзеге асу барысы айтылды. Жоба аясында 94,6 шақырым су құбыры мен 84,6 шақырым кәріз желілерін жаңарту жоспарланған.Сонымен қатар Жосалы және Төретам кенттеріндегі теміржол вокзалдарына жүргізіліп жатқан күрделі жөндеу жұмыстарының барысы талқыланды. Бүгінде нысандарда ішкі әрлеу, шатыр жабу, инженерлік желілерді орнату және аумағын абаттандыру жұмыстары жүргізілуде.Мәжілісте аудандық маңызы бар «Төретам–Ақай» айналма жолын күрделі жөндеу жұмыстары да қаралды. Биыл жолдың қалған 1,8 шақырымына жөндеу жүргізіліп, қазіргі таңда ескі жол қабатын бұзу және жер тегістеу жұмыстары атқарылуда.Сондай-ақ Иіркөл және Төребай би ауылдарын табиғи газбен қамту жұмыстарының барысы баяндалды. Төребай би ауылында газ тарту жұмыстары 80 пайызға жуық аяқталып, 90-нан аса тұрғын үйге газ нүктелері орнатылса, Иіркөл ауылында газ құбырларын жүргізу жұмыстары 60 пайыз деңгейінде жүзеге асып отыр.Күн тәртібінде «Таза Қазақстан» республикалық акциясы аясында атқарылып жатқан санитарлық тазалық және абаттандыру жұмыстары да айтылды. Қазіргі таңда сенбілік жұмыстарына аудан бойынша барлық азаматтар мен арнайы техникалар жұмылдырылып, тазалық жұмыстары жүргізілуде.Жандос Еркінбек барлық жобаларды сапалы әрі белгіленген мерзімде аяқтауды, тұрғындарға қолайлы жағдай қалыптастыру бағытындағы жұмыстарды күшейтуді тапсырды.Фото: Қармақшы ауданы әкімінің баспасөз қызметі

Құрылыс және коммуналдық сала мәселесі қаралды

<a href="https://kyzylorda-news.kz/">Kyzylorda-news.kz</a> Облыстық қоғамдық даму басқармасының ұйымдастыруымен «Айбын-2026» облыстық әскери-патриоттық жастар жиыны өткізілді. Аталған іс-шара жас ұрпақтың бойында отансүйгіштік қасиетті қалыптастыруға, әскери-патриоттық тәрбиені дамытуға және ҚР Қарулы Күштерінің беделін арттыруға бағытталған маңызды дода болып табылады.«Айбын» әскери-патриоттық жиыны өңірде дәстүрлі түрде өткізіліп келеді және биыл ХІІ мәрте ұйымдастырылып отыр. Бұл – жастардың әскери дайындығын шыңдап қана қоймай, олардың рухани және азаматтық жауапкершілігін арттыратын бірегей жоба.2025 жылы Мемлекет басшысының қатысуымен өткен халықаралық «Айбын-2025» жиынында Қызылорда облысының командасы бақ сынаған 50 команда арасынан үздік нәтиже көрсетіп, жалпы есепте IV орынды иеленді.Жарысқа мектеп оқушыларынан құралған 9 команда, жалпы саны 120 жас сарбаз қатысты. Жарыс бағдарламасы 9 бағыт бойынша өткізілді. Барлық кезеңдер бойынша ең жоғары ұпай жинаған команда жеңімпаз атанып, Сыр өңірінің намысын халықаралық «Айбын-2026» жиынында қорғауға мүмкіндік алады.<img src="https://knadmin.beoblood.kz/uploads/Ajbyn_2026_skeri_patriotty_zhiynny_oblysty_keze_i_tkizildi1_667ca79b03.jpg" alt="«Айбын-2026» әскери-патриоттық жиынның облыстық кезеңі өткізілді1.jpg">Іс-шара барысында сөз алған облыстық қоғамдық даму басқармасының басшысы Руслан Каюпов жастарға сәттілік тілей отырып, әскери-патриоттық тәрбиенің маңыздылығын атап өтті.<blockquote>- Бүгінгі таңда әскери-патриоттық тәрбие – мемлекет саясатының маңызды бағыттарының бірі. Себебі елдің қорғаны да, болашағы да – білімді, тәртіпті, рухы биік, еңсесі тік, жігері мықты өрен жастар. Даңқты қолбасшы, Халық қаһарманы Бауыржан Момышұлы: «Отан үшін отқа түс — күймейсің» деген.Бұл нақыл сөздің мәні өте терең. Елге қызмет ету — әр азамат үшін қасиетті борыш. Нағыз патриоттық — тек сөзбен емес, іспен дәлелденетін ұлы қасиет.Бүгін сапта тұрған әрбір жас өрен өздерінің табандылығы мен жауапкершілігін, білім деңгейі мен әскери даярлығын жоғары деңгейде танытады деп сенемін. Осындай тағылымы мол іс-шаралар арқылы біз тек әскери машығы қалыптасқан жас буынды ғана емес, ел мүддесіне адал қызмет ететін, отансүйгіштік рухы жоғары, парасаты биік, жан-жақты дамыған азаматтарды тәрбиелеудің маңыздылығын тағы бір мәрте айқындай түсеміз. Бабы мен бағы келіскен өңіріміздің жас сарбаздарына жарқын жетістік тілеймін! – деді Руслан Мұхамедәліұлы.</blockquote>Сондай-ақ іс-шара барысында қатысушыларға «Қарулы Күштер ардагерлері» республикалық бірлестігінің төрағасы, сала ардагері Мыңділдә Ршауов бата беріп, ізгі тілегін жеткізді.Қызылорда облысының қорғаныс істері жөніндегі департаментінің бастығы, подполковник Жасұлан Шанкұлов жас сарбаздарға сәттілік тіледі.<img src="https://knadmin.beoblood.kz/uploads/Ajbyn_2026_skeri_patriotty_zhiynny_oblysty_keze_i_tkizildi2_0ced1d9a2c.jpg" alt="«Айбын-2026» әскери-патриоттық жиынның облыстық кезеңі өткізілді2.jpg">Жарыстың қорытындысы бойынша III орынды Жаңақорған ауданы, II орынды Арал ауданы иеленсе, I орынды Қызылорда қаласының командасы жеңіп алды. Жеңімпаздар мен жүлдегерлерге медальдар, кубоктар, дипломдар, Алғыс хаттар және қаржылай сыйлықтар табысталды.

«Айбын-2026» әскери-патриоттық жиынның облыстық кезеңі өткізілді

<a href="https://kyzylorda-news.kz/">Kyzylorda-news.kz</a> Арал ауданы,&nbsp;Сексеуіл кентінде ауыл шаруашылығын дамытуға үлес қосып келе жатқан жеке кәсіпкер Боханов Ахметжан Мұздыбайұлы бірнеше жылдан бері жылыжай және егістік шаруашылығын табысты жүргізіп келеді.2021 жылдан бастап еңбек етіп келе жатқан кәсіпкер бүгінде көкөніс өнімдерін өсіруді жүйелі жолға қойып, жергілікті тұрғындарды сапалы әрі табиғи өніммен қамтамасыз етуде. Жылыжай кешенінде қияр мен қызанақ дақылдары өсіріліп, жыл он екі ай халық сұранысын өтеуге мүмкіндік жасалған. Заманауи тәсілдерді тиімді пайдалану арқылы өнім көлемі артып, көкөністердің сапасы да жоғары деңгейде сақталуда.Бұдан бөлек, жеке кәсіпкер жылыжай жанындағы бақшалық жеріне 250 түп алма, алмұрт, қара өрік жеміс талын және 150 түп терек талының көшетін отырғызған.Сонымен қатар, 2025 жылы 12 гектар жерге бақша және көкөніс дақылдары орналастырылып, мол өнім алынуда.Атап айтқанда, қауын, қарбыз және өзге де көкөніс түрлері егіліп, аудан және кент тұрғындарына нарық бағасынан 10–15 пайыз төмен бағада ұсынылды. Бұл бастама тұрғындардың әлеуметтік жағдайына оң әсерін тигізіп, жергілікті өнімге деген сұранысты арттыруда.Жылыжай шаруашылығы –ауыл экономикасын дамытуға, халықты тұрақты жұмыспен қамтуға және азық-түлік қауіпсіздігін қамтамасыз етуге бағытталған маңызды сала. Осы бағыттағы қажырлы еңбектің нәтижесінде Ахметжан Мұздыбайұлы «Үздік бақша дақылдарын орналастырушы» номинациясы бойынша облыс және аудан әкімдерінің Алғыс хатымен марапатталған.Бүгінде кәсіпкердің еңбегі көпке үлгі. Жергілікті ауыл шаруашылығын дамытуға бағытталған жүйелі жұмыстар алдағы уақытта да жалғасын тауып, өңірдің әлеуметтік-экономикалық дамуына серпін бермек.

Қазақстан және Қызылорда облысының жаңалықтары: Қоғам