<a href="https://kyzylorda-news.kz/">Kyzylorda-news.kz.</a> «АМАNAТ» партиясының 2025 жылға дейінгі «Өзгерістер жолы: әр азаматқа лайықты өмір!» сайлауалды бағдарламасын іске асыру бойынша жол картасын орындау мақсатында Жалағаш аудандық жұмыспен қамту және әлеуметтік бағдарламалар бөлімінің “Жалағаш аудандық отбасын қолдау орталығы” КММ 2023 жылдың тамыз айында құрылған болатын.Орталықтың теңгеріміне Жалағаш кентінің Конституция №5 көшесінде орналасқан 1978 жылы салынған екі этажды ғимарат және бір этажды ескі зертхана ғимаратын бу қазандығы ретінде берілген.Жалпы екі этажды ғимараттың ауқымы 3341,6 шаршы метр, қабырға материалы ақ қыш, ғимарат күрделі жөндеуді қажет етеді. Тозу құны 27,2 пайызды құрайды.Ондағы ең басты проблемалық мәселе ғимаратқа күрделі жөндеу жұмыстарын жүргізу және жылу қазандығын табиғи газ жүйесіне қосу. Орталықтың негізігі мақсаты жағдайы төмен отбасыларды толық сүйемелдеу, қиын жағдайдан шығару және қажет болған жағдайда әйелдердің уақытша тұру үшін орын беру болып табылады. Сонымен қатар қолайсыз өмірлік қиын жағдайларға тап болған, тұрмыстық зорлық-зомбылық құрбандары болған адамдарға көмек көрсету жұмыстарын ұйымдастырады. Ғимаратқа адамдар тұру үшін толық жағдай жасалмаған.Ғимараттың жылу қазандығыда сын көтермейді, 2023 жылы дизель отынды бу қазандығы сатып алып орнатылған. Алайда ғимарат әлеуметтік нысан болғандықтан және бюджет қаражатын үнемдеу мақсатында табиғи газ жүйесіне қосуды қажет етеді. Себебі: сұйық отын бағасының тұрақсыздығы және жыл сайын қымбаттауы, жылу беру маусымында жұмсалатын қаржы көлемін тиімді пайдалану және экологиялық таза табиғи газға ауыстыру қажеттілігі туындауда. Аталған жоба жүзеге асқан жағдайда жылу беру маусымы кезінде сұйық отынға жұмсалатын шығындар 6 есеге дейін азаюы күтілуде. Газге ауыстырылған уақытта жылына 440,0 теңге жұмсалады.&nbsp;Жоғарыда аталған проблемаларды шешу жолы ғимаратты күрделі жөндеуден өткізу және бу қазандығын газ желісіне қосу үшін 2024 жылға бюджет&nbsp; қаржысы есебінен ЖСҚ&nbsp; әзірлеуге 15,3млн тенге қаржы бөлу.

ЖСҚ әзірлеуге 15,3 млн теңге бөлінбек

<a href="https://kyzylorda-news.kz/">Kyzylorda-news.kz.</a> Біздің &nbsp;алдымыздағы ең басты мақсат – балаларымызға сапалы білім беру және балалардың қауіпсіздігін қамтамасыз ету. Ол үшін барлық қажетті жағдайларды жасауға міндеттіміз. &nbsp;Бала қауіпсіздігі мәселесінің маңызы зор. Әр ата-ана баласының қауіпсіз ортада өмір сүріп, дені сау, білім - білігі мол саналы ұрпақ болғанын қалайды. Ол үшін мектептегі қауіпсіздік шаралары сенімге селкеу түсірмейтіндей болуы қажет.Осы орайда кеше кәмелетке толмағандардың істері және олардың құқықтарын қорғау жөніндегі комиссия мүшелері аудан әкімінің орынбасары Самат Смағұлов, аудандық білім бөлімінің басшысы Гүлзира Абдазиева, аудандық төтенше жағдайлар бөлімінің басшысы Өмірбек Сақтабаевтар Жосалы кентіндегі білім беру ұйымдарын аралап, жоғары сынып оқушыларымен кездесті.Кездесулер барысында оқу жылы аяқталуына байланысты жазғы демалыс кезінде жасөспірімдердің бос уақытын тиімді ұйымдастыру және қауіпсіздігін қамтамасыз ету мәселелері қаралды.Сонымен қатар, кәмелетке толмағандар арасындағы құқық бұзушылықты болдырмау, топтық төбелес, суицидтің, кибербуллинг, лудомания, нашақорлықтың алдын алу, түнгі уақытта жалғыз жүру, әлеуметтік желідегі теріс ақпараттардың жастардың дамуына кері әсерін тигізу және тағы басқа өзекті мәселелер бағытында түсіндірме жұмыстары жүргізілді.Сондай-ақ, жазғы демалыс кезінде құқық бұзушылық жасаудан және құқық бұзушылық құрбаны болудан сақтану, жазғы суға шомылу маусымы кезінде барлық сақтық шараларын қатаң ұстану қажет екендігі және тек рұқсат етілген орындарда ғана ата-аналарымен түсу қажеттілігі айтылды. &nbsp;

Қармақшы: Бала қауіпсіздігі басты назарда

<a href="https://kyzylorda-news.kz/">Kyzylorda-news.kz.</a> Мемлекеттен атаулы әлеуметтік көмекті алуға ниеттілердің жиынтық кірісін есептеу қағидалары өзгертіліп жатыр.&nbsp;Бұл туралы&nbsp;<a href="https://stan.kz/elimizde-endi-atauli-aleumettik-komekti-aluga-niettiler-400337/">Stan.kz</a>&nbsp;ақпарат агенттігі хабарлайды.Енді өнімді сатудан, тауарлық-материалдық құндылықтарды, мүлікті сатқаннан түскен кірістен бөлек, кәсіпкерлік қызметтен алынған табыс та есептелмек. Айлық кіріс&nbsp;салық аударымдарына байланысты саналады. Яғни&nbsp;декларациялаған таза табысы айларға бөлінеді.Егер орташа сома 25 АЕК, яғни 92 300 теңгеден төмен болса, осы сома отбасының жиынтық кірісі болып көрсетіледі.Сондай-ақ&nbsp;атаулы әлеуметтік көмекті тағайындау ережелері де өзгертіліп отыр. Соған сәйкес, мансап орталығы не әкім өтініш беруші жайлы мәліметтерді "электронды&nbsp;үкімет" порталынан сұрата алады. Платформада өтініш берушінің жеке куәлігі, босқын, қандас мәртебесі және шетел азаматы екенін растайтын құжат қолжетімді.Келесі бір түзету "кәсіпкерлік қызметті жүзеге асырушының мәртебесі" деп аталады. Бұрын бұл тармақ тек жеке кәсіпкерлікке қатысты еді. Бұдан бөлек&nbsp;"іздестіру есебіндегі адамның мәртебесі" жайлы ақпараттың жаңа түрі қосылып отыр.Фото: Stan.kz

Елімізде атаулы әлеуметтік көмектің табысы басқаша есептеледі

<a href="https://kyzylorda-news.kz/">Kyzylorda-news.kz.</a> &nbsp;Тұрғындардың қолында "тұрғындарға ақша қолға берілсін" сарынындағы плакаттарды көруге болады.Құлсары қаласының тұрғындары әкімдік ғимаратының алдына тағы да жиналды, деп хабарлайды KYN.KZ тілшісі.Жылыой ауданы әкімдігінің алдына жиналғандар қала басшысы Жұмабек Байрақбаев пен биліктегілерге тез арада суға кеткен үйлерді бағалап, қаржыны есепшоттарына салуды талап етіп жатыр.&nbsp;Тұрғындардың қолында "тұрғындарға ақша қолға берілсін" сарынындағы плакаттарды көруге болады. Өйткені көпшілік "мердігерлер үйді сапасыз салады" деп алаңдап отыр. Тұрғындар үй іргетасын өздері қалап, сапалы салғысы келеді.&nbsp;Еске сала кетейік, өткен айдағы апат салдарынан Жылыой ауданында 2920 үйді су басқан. Ал 2622 тұрғын үйге сараптама жүргізілді. Барлығы 3000-ға жуық өтініш түскен. Су тасқынынан зардап шеккен 3904 тұрғынға 100 пайыз біржолғы жәрдемақы берілді.Фото: kyn.kz

"Үйдің ақшасы қолға берілсін": Құлсары халқы тағы әкімдік алдына қонбақ

<a href="https://kyzylorda-news.kz/">Kyzylorda-news.kz.</a> Айтыскер ақын Айнұр Тұрсынбаева екі қызы бар жалғыз басты анаға баспана сыйлады, - деп хабарлайды <a href="https://massaget.kz/basty-zhaalytar-438/107396/?fbclid=IwZXh0bgNhZW0CMTEAAR0vL94WssRS2ZDxTr7gfWKFS5mqfDkF6DilgzdQDTrRwxwpyzPuEu3_5mU_aem_AQ3bZl9kiWr7dj8fAnyxnKxc2dVNT1mkF13lHKbF3KnJJH8GQgzPTcZqFhELlVK1B-XZBrfYmE56K1arlwpQYvAm">Massaget.kz</a> тілшісі.Ол бұл туралы әлеуметтік желідегі парақшасында мәлімдеді. Пәтер кілтін табыстаған әйел бұған дейін ақынның үйінде аспаз болып жұмыс істеген.<blockquote>"Естеріңізде болса, менің Амина есімді аспаз қызым болған. Екі жыл бойы маған қызмет етіп, көмекші болып, ас пісірді, иманды, сабырлы қыз. Әлеуметтік желіде талай Амина дайындаған тамақтарды көрсеткен болатынбыз. Адамның басында әртүрлі сынақ болады ғой, Амина екі бөпесімен үйсіз қалып қалды. Ал үлкен қызының кішкене денсаулығы жоқ, маған хабарласып, екі қызымен бірге пәтер жалдауға көмектесуімді өтінді. Сол кезде бір-екі айға пәтер жалдап берген болатынмын. Кейін ойлана келе, оған "қазір саған бара жатырмын, бірге шай ішіп отырып, ойланамыз" дедім. Осы пәтерді Аминаға сыйлаймыз деп шештік. Бұл пәтердің сатылымда тұрғанына 5 ай болыпты, мен ойлаймын, адамға бұйырып тұрған нәрсе жүз жерден айналса да, қайта келеді. Міне, 5 ай бойы Аминаны күтіп тұрған ғой. Барлық қазаққа баспана жұғысты болсын", - дейді Айнұр Тұрсынбаева.&nbsp;</blockquote>

Айнұр Тұрсынбаева екі қызы бар жалғыз басты анаға баспана сыйлады

<a href="https://kyzylorda-news.kz/">Kyzylorda-news.kz.</a> Қазақстанда тұрақты тұруға рұқсат алу құқығын беретін инвесторларға арналған көпреттік виза және сұранысқа ие кәсіп иелері үшін виза енгізілген.Президент Қасым-Жомарт Тоқаев қазақ тілін және тарихын білмейтіндерге азаматтық бермеу, террористер мен педофилдердің Қазақстанға кіруіне тыйым салатын заңға қол қойды, деп хабарлайды Ақорда.<blockquote>“Мемлекет басшысы "Қазақстан Республикасының кейбір заңнамалық актілеріне халықтың көші-қоны және қылмыстық-атқару жүйесі салаларындағы заңнаманы жетілдіру мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды”, –&nbsp;делінген хабарламада.&nbsp;</blockquote>Жаңа заң бойынша:- қылмыстық-атқару жүйесі мекемелеріндегі, тергеу изоляторларындағы және уақытша ұстау изоляторларындағы бейнебақылау жүйелерін бүлдіргені үшін қылмыстық жауапкершілік белгіленген;- үкімет айқындаған өңірлерге қоныс аударатын адамдар үшін шаруа немесе фермер қожалығына жер учаскелерін беру көзделген;- қоныс аударушыларға және олардың отбасы мүшелеріне мемлекеттік қолдау ретінде көшуге субсидия, тұрғын үй жалдау, коммуналдық қызмет төлемдерінің шығындарына өтемақы, сондай-ақ экономикалық мобильділік сертификаттары секілді материалдық көмек көрсету көзделген;- Қазақстан азаматтығын беруден және қалпына келтіруден бас тарту үшін кәмелетке толмағандардың жыныстық тиіспеушілігіне қарсы қылмыстар жасау, қарапайым деңгейде мемлекеттік тілді білмеу, Қазақстан Конституциясының негіздерінен, ғылым және жоғары білім саласындағы уәкілетті орган айқындайтын деңгейде төл тарихымыздан хабардар болмау секілді қосымша негіздер қарастырылған;- Қазақстанда тұрақты тұруға рұқсат алу құқығын беретін инвесторларға арналған көпреттік виза және сұранысқа ие кәсіп иелері үшін виза енгізілген;- экстремистік немесе террористік ұйымға қатысы бар, қайтадан қылмыс жасаған, ұйымдасқан топтың (қылмыстық ұйымның) "серкесі" саналатын, кәмелетке толмағандардың жыныстық тиіспеушілігіне қарсы қылмыстар жасаған, сондай-ақ Қазақстанда ауыр немесе аса ауыр қылмыс жасаған және халықаралық шарттар негізінде өз азаматтығы бар елге берілген адамдардың елімізге кіруіне тыйым салынады.Сонымен қатар заңда халықтың көші-қонына қатысты заңнаманы одан әрі жетілдіруге бағытталған басқа да түзетулер көзделген.

Президент қол қойды: қазақ тілін және тарихын білмейтіндерге Қазақстан азаматтығы берілмейді

<a href="https://kyzylorda-news.kz/">Kyzylorda-news.kz.</a> «Отан отбасынан басталады»&nbsp; демекші, әр отбасының береке-бірлігі,&nbsp; әр сәбидің болашағы оның өмірге деген көзқарасы жанұясында, ата-анасынан алған тәрбиесімен қалыптасады. Бәріңізге мәлім, жыл сайын 15 мамыр – Халықаралық отбасы күнін атап өтудеміз. Бұл жаңа отау көтерген жас шаңырақтың іргесін бекітіп, үлгілі отбасын көрсететін айтулы күн. Осынау мерейлі күннің аясында Шиелі аудандық көпбейінді орталық аурухананың перзентхана бөлімінде 6 сәби дүниеге келді.Осыны ескерген Шиелі аудандық қоғамдық бөлімі мен «Жастар ресурстық орталығы» КММ-нің мамандары «Отбасы күні» мерекесіне орай сәбилі болған аяулы аналарды құттықтауды да назардан тыс қалдырмады. Нақтырақ айтар болсақ, Шиелі ауданы әкімінің орынбасары Болатбек Ысмағұлов, Шиелі аудандық әйелдер кеңесінің төрайымы Нәйла Палымбетова, Шиелі аудандық көпбейінді орталық ауруханасының бас дәрігерінің емдеу-ісі жөніндегі орынбасары Бақтыгүл Мұсағалиева мен Шиелі аудандық қоғамдық даму бөлімінің басшысы Кенжехан Есенбаев және Жастар ресурстық орталығының директоры Ержан Әбдешов 6 анаға перзентханаға барып, Шиелі ауданы әкімінің құттықтауын жеткізді.&nbsp;<blockquote>– Дүниеге сәбидің келуі – өмірдің бір ғанибет ғажабы. Шаңырақтарыңызды қуанышқа бөлеп, дүниеге келген сәбидің бауы берік, өмір жасы ұзақ болсын. Ер жетіп, сіздердің қолқанаттарыңыз ғана емес, ел тізгінін ұстар азамат болып өсе берсін, – деді Шиелі аудан әкімінің орынбасары Болатбек Ысмағұлов.</blockquote>Ал Шиелі көпбейінді орталық ауруханасының бас дәрігерінің емдеу ісі жөніндегі орынбасары Бақтыгүл Мұсағалиева жаңа туылған нәрестелердің де жағдайы жақсы екенін жеткізді.<blockquote>– Еліміз&nbsp; мерекені ұлықтап, атап өтіп жатқан тұста&nbsp; өмірге дені сау ұрпақ келіп, халық санының толыға түсуі бізді де шаттықа бөлеп жатыр. Қазіргі уақытта кішкентай шақалақтардың және аналардың денсаулықтары бірқалыпты. Аналардың бәрі сәтті босанды. Шыр етіп, дүниеге келген нәрестенің үнін есту анаға да, дәрігерге де үлкен бақыт. Міне, осындай бақытты сәтті бастан кешіріп, бауыр еті – балаларыңызды қолдарыңызға алғандарыңызға қуаныштымыз, – деді ол.</blockquote>Айта кетейік, шежірелі өлкеде жылына екі мыңға жуық нәресте өмірге келеді. Сондай-ақ бөлімде бөбектерге барынша көмек қолын созып, күтім жасайтын қызметкерлердің де еңбегі өлшеусіз. Мақалаға тұздық болсын, төрт айдың ішінде Шиелі ауданында 530 шақалақ жарық дүние есігін ашқан. Яғни, Шиелі ауданындағы аналар демографияның өсуіне өзіндік үлестерін қосуда.

Шиеліде 6 шақалақ дүние есігін ашты

<a href="https://kyzylorda-news.kz/">Kyzylorda-news.kz.</a> Құлсары тұрғындары Махамбет даңғылындағы аудан әкімшілігі ғимаратының алдындағы алаңнан кетпей, тағы бір түнді әкімдік ғимаратында өткізуді жоспарлап отыр. Бұл туралы &nbsp;Ақ Жайық басылымы хабарлайды.16 мамыр күні түнгі 12:00-ден кейін қалада интернет үзіліп, кейін мүлдем жоғалып кетті. Бес сағат интернет болмаған. Құлсарының кейбір аудандарында жарық жоқ. Барлық жерде полиция патрульдері жүр. Жақын жердегі автобуста әскери қызметкерлер отыр.Наразылар халық сұраған өтемақыны төлесін деген сынды жазуы бар плакаттарды ұстаған. Олар билік барлық талаптарды орындамайынша, алаңнан кетпейміз дейді.<blockquote>“Жұмыс жүріп жатыр, бағалау нәтижелері 100-ге жуық үйге жіберілді. Заң бойынша қаражат шаршы метрге бөлінеді. 15 мамырда су тасқынынан зардап шеккендерді бағалау басталды. Бұл жұмыс бір аптада аяқталады деп отырмыз. Енді бір шаршы метрдің орташа бағасы 200-ден 240 мыңға дейін болады деп шешілді. Бұл – жақсы баға", – деді Атырау облысының әкімі Серік Шәпкенов.</blockquote>Алайда жұрт бір ауыздан шаршы метріне 400 мың теңге деп ұрандата бастады.<blockquote>“Мені 197 шаршы метр үйім 13 миллион теңгеге бағаланды. Ал барлық тұрмыстық заттар – жиһаздар, тұрмыстық техника 600 мың теңгеге бағаланды. Мұның бәрі қалай бағаланды? Тоңазытқыштың өзі 300 мың теңге тұрады. Сондай-ақ кір жуғыш машина, газ плитасы, кондиционер... Осының бәрі шынымен 600 мың теңге тұра ма?”, – деді тұрғын.</blockquote>Облыс әкімін жан-жақтан қоршап алған бірнеше адам онымен жеке сөйлесуді ұйғарды. Әйелдердің бірі микрофонды алып, биліктің ұсынылған өтемақы туралы шешімін қолдауға тырысып, оны "жеткілікті сома" деп атады. Алайда ол сөзін айтып үлгермей жатып, төбелес басталып кете жаздады. Әскерилер зейнеткерді ашулы әйелдерден қорғауға мәжбүр болды.<blockquote>“Біз бүкіл Қазақстан үшін донор өңір емеспіз бе? Шынымен Атырау облысындағы мұнай бағасы шығынымызды өтей алмай жатыр ма? Осы өңірдің ресурстарына тек Астана салынды ма? Түркістан ше? Миллиардтаған сыйлықтарымыз есіңізде ме? Ал осының бәрі нашар экология, лас ауа? Апатқа ұшыраған шағын қала тұрғындарының шығынын өтей алмайсыз ба? Мүмкін бізді де ойлайтын кез келген шығар? Бізге бұл ақшаны беріңіз, сонда біз аяғымыздан тұрып, бұрынғы өмірімізді сүреміз, бізге басқа ештеңе керек емес!” – деп айқайлады құлсарылықтар.</blockquote>Шерушілер Теңіз кенішіне баратын жолды жабуға дайын екенін ескертті.Фото: Ақ Жайық

Әкімдіктің ұсынысына келіспеген құлсарылықтар Теңізге баратын жолды жабатындарын мәлімдеді

<a href="https://kyzylorda-news.kz/">Kyzylorda-news.kz.</a> Қазгидромет мамандары 17 мамыр, жұмаға арналған ауа райы болжамын ұсынды.&nbsp;Оңтүстік циклоны және соған байланысты атмосфералық фронттар Қазақстан территориясының басым бөлігіне әсерін сақтайды.Салдарынан найзағай ойнап, жаңбыр жауады. Әсіресе оңтүстік-шығыста, оңтүстік-батыста қатты жаңбыр, бұршақ және дауыл болжанады.Республика бойынша жел күшейеді, түнгі және таңертеңгі сағаттарда елдің солтүстігінде, шығысы мен орталығында тұман түседі.Қызылорда облысының солтүстігінде, шығысында, орталығында, Батыс Қазақстан облысының оңтүстік-батысында, Жетісу облысының шығысында жоғары өрт қаупі бар.&nbsp;&nbsp;

17 мамырда ауа райы қандай болады

<a href="https://kyzylorda-news.kz/">Kyzylorda-news.kz.</a>Қызылорда облысында асфальт-бетон шығаратын 11 зауыт белгіленген талаптарға сай болмай шықты. Бұл деректер сала мамандарының зерделеуі барысында анықталды, деп хабарлайды <a href="https://kaz.inform.kz/news/kizilordada-asfalt-beton-shigaratin-11-zauit-talapka-say-emes-a33e57/">ҚазАқпарат</a>.Облыста асфальт-бетон шығаратын 24 зауыт бар.Бұл бағытта «Жол активтерінің ұлттық сапа орталығы» РМК Қызылорда облыстық филиалының мамандары ішінара зерделеу жұмысын жүргізді.&nbsp;Тексеру барысында 11 кәсіпорынның жұмысы белгіленген талаптарға сай болмай шықты.Көп жағдайда асфальт-бетон әзірлеу технологиясы нормативтік стандартқа сәйкес емес екені анықталды.Арнайы қондырғыларда сертификат болмауы, құрылыс материалдарының сапасын қадағаламау секілді бірқатар өрескел олқылықтарға жол берілген.&nbsp;<blockquote>«Тексеру барысында кейбір зауыттарда қарапайым талаптың өзі сақталмағаны нақтыланды. Соның салдарынан аталған кәсіпорындардан шығатын асфальт жабындылары сапалы болмайды деуге негіз&nbsp;бар. Ал&nbsp;ол&nbsp;аймақ жолдарына төселетінін ескеруіміз керек. Сондықтан жергілікті әкімдікке олқылық анықталған асфальт-бетон зауыттары бойынша ұсыныс берілді»,&nbsp;— дейді «Жол активтерінің ұлттық сапа орталығы» РМК Қызылорда облыстық филиалының директоры Ерболат Көштаев.</blockquote>Фото: «Жол активтерінің ұлттық сапа орталығы» РМК Қызылорда облыстық филиалы

Қызылордада асфальт-бетон шығаратын 11 зауыт талапқа сай емес

<a href="https://kyzylorda-news.kz/">Kyzylorda-news.kz.</a> Бүгінгі таңда мектеп оқушыларының салауатты тамақтануы – Қазақстан азаматтарының денсаулық жағдайын және болашағын анықтайтын шартсыз ұлттық басымдылық. Балалардың денсаулығын сақтау және нығайту бойынша негізгі бағыттардың бірі – мектеп тағамын дұрыс ұйымдастыру.Балалар мен жасөспірімдердің денсаулығын сақтау мен нығайтудағы өзекті мәселелердің бірі – оларды сандық және сапалық тұрғыдан физиологиялық және гигиеналық талаптарға жауап беретін толыққұнды тағаммен қамтамасыз ету.&nbsp;Оқудың бірінші күнінен балалардың дұрыс тамақтануын ұйымдастыру – мықты денсаулықтың, көтеріңкі көңілдің және жақсы үлгерімнің кепілі.Осыған сәйкес оқушыларды ыстық тамақпен қамту ауданымызда біржолға қойылған. Жалағаш ауданында 3 986 оқушы бір мезгілдік ыстық тамақпен қамтылып, көрсеткіш 56,4 пайызды құрады.&nbsp;Жалағаш ауданындағы мектеп асханаларының материалдық-техникалық жай күйіне келетін болсақ аудандық білім беру мекемесіне қарасты&nbsp; жалпы білім беретін 20 мектеп бар, оның 5-і аудан орталығында, 15-сі елді-мекендерде орналасқан. Осы мектеп асханаларының 19-ы типтік жобадағы асхана болса, 1-де (№119 мектеп) буфет қарастырылған. Мектеп оқушыларын бір мезгілдік ыстық тамақпен қамту жеке кәсіпкерлердің (9 кәсіпкер) меншігінде.&nbsp; &nbsp; &nbsp;Жалағаш ауданы мектеп асханаларын өткен жылмен салыстырғанда&nbsp; санитарлық-гигиеналық, технологиялық жабдықтармен жабдықталуына, ыстық тамақтың сапалы&nbsp; ұйымдастырылуына көңіл бөлініп, қаржы бөлуде. Дегенмен, кезек күттірмейтін, қаржы бөлуді қажет ететін жағдайлар да жеткілікті. Атап айтатын болсақ типтік жобадағы асханалардың кейбіреуінде технологиялық жабдықтары істен шыққан, жарамсыз. Электрлік тапа, плита, духовка, ет тартқыш, дайын, шикі тағамдар дайындайтын үстелдер саны жеткіліксіз, санын көбейтуді қажет етеді. Кейбір мектеп асханаларында оқушылардың тамақтары үй жағдайында пайдаланатын газ плиталарда дайындалады.&nbsp;Ағымдағы жылы Жалағаш ауданы мектеп асханаларында санитариялық қағидалары талаптарының сақталуы барысына аудан прокурорының қаулысы негізінде тексеру жүргізілді. Тексеру барысында мектеп асханаларында&nbsp; өңдеу ағымдылығының сақталмауы (қажетті бөлмелер жеткіліксіз), материалдық-техникалық жағдайы санитариялық қағидаларының талаптарына сай келмеуі анықталды. Мектеп асханаларын жалға алушы кәсіпкер тек ас дайындау бөлігі мен азық түлік сақтау қоймасын ғана жалға алып жұмыс жүргізуде. Асханаларда шикі тағамды өңдеуден дайын асқа дейінгі процесстер бір бөлмеде жүргізіліп, ас дайындау технологиясының бұзылуына жол беруде. Бұл, тамақтану орындарында тағамнан улану жағдайларына әкелуі әбден мүмкін.&nbsp;Сонымен қатар, Жалағаш ауданы мектеп асханаларында балалардың тамағы үшін пайдалануға жол берілмейтін тағам өнімдерін (пицца, тәтті шоколад, чупа чупс, фритюрде қуырылған пирожки, гамбургерлер) сатып, жарамдылық мерзімдері өтіп кеткен тағамдардың (шырын, печенье) асхана қоймасында сақталу фактілері орын алған. Барлық асханаларда теңдей анықталған кемшілік аспазшылардың тәуліктік сынамалардың алыну, сақталуы реттілігіне (2-ші тағам жеке жеке алынуы, 48 сағат сақталуы)&nbsp;мән бермейтіндігі байқалды. Жұмыс барысында асхана қызметкерлерінің жеке бас гигиена ережесін сақтамауы, асхана ас үй жабдықтарының дұрыс жуылмауы және&nbsp; тез бұзылатын тағам өнімдерінің арнайы термометрмен қамтылған тоңазытқышта сақталмауы анықталды.&nbsp;Жалпы Жалағаш ауданы мектепте бірілетін ас мәзір, тағамның құнарлылығы, порциясы, тамақтану рационы баланың физиологиялық жағдайына сәйкес тағайынған.&nbsp; Тексеру кезінде кейбір асханаларда оқушыларға ыстық тамақ беруде бір баланың порциясының санитариялық ереже талаптарына сай келмеуі, екінші тағамға қосылып берілетін соустың орнына қалыпты жағдайдағы кетчуп және асылған сәбіздің берілуі анықталды. Асхананы тексеруде&nbsp;анықталған кемшіліктің бірі&nbsp;мектеп асханасында шығарған өнімдерін (дайын тағам, шайынды)&nbsp; бақылау мақсатында өндірістік бақылаумен қамтылмауы болып отыр.&nbsp; &nbsp; &nbsp;Жоғарыда аталған жағдайларды болдырмау мақсатында асханаларды санитариялық қағидалардың талаптарына сәйкестендіруді, асхана аспазшыларының біліктілігін арттыруды, оқушылардың денсаулығына зиянды тағамдарын сатуға тыйым салынуды, мәзірді әзірлеу кезінде витаминді-минералдық кешенмен байытылған тағам өнімдерін көздеуді және мектеп асханаларының өндірістік бақылаумен қамтылуын Сіздің назарыңызға ұсына отырып, оң шешімін табуға&nbsp; ықпал жасауыңызды сұраймын.

3986 оқушы ыстық тамақпен қамтылған

<a href="https://kyzylorda-news.kz/">Kyzylorda-news.kz.</a> Таяуда Шиелі ауданы әкімдігінің мәжіліс залында "Қазақстан Республикасындағы жергілікті мемлекеттік басқару және өзін-өзі басқару туралы" ҚР Заңының 11-бабына сәйкес Шиелі аудандық мәслихаттың кезекті 16-сессиясы өтті. Шиелі аудандық мәслихат төрағасы Айтбай Жандарбековтің төрағалығымен жүргізілген сессияға аудан әкімінің орынбасарлары, мәслихат аппараты, аудандық бөлім, мекеме басшылары, кент және ауылдық округ әкімдері мен БАҚ өкілдері қатысты.Келелі жиында күн тәртібінде бекітілген негізгі мәселелер қаралды. Ауылдық округ әкімдері 2023 жылға арналған ауылдық округ бюджетін атқару жөнінде баяндама жасады. Бюджеттің жалпы кіріс-шығыс көлемі, салық түсімдер болжамы талқыланып, бекітілген жоба негізінде шешімдер қабылданды. Сонымен қатар талқыланған өзекті тақырыптар&nbsp;– жол мәселесі, көшелерді жарықтандыру, тазалық, абаттандыру жұмыстары бойынша ұсыныстар айтылды.&nbsp;Шиелі аудандық мәслихат депутаттары ортаға салынған мәселелер бойынша пікір білдіріп, бөлім басшылары тарапынан тиісті жауаптар берілді.&nbsp;Бұдан бөлек кент әкімі Аманкелді Өмірәлі Шиелі кенті әкімінің есебі жөнінде хабарлама жасады. Жыл көлемінде кент аумағында атқарылған жұмыстармен таныстырып, әртүрлі саладағы өзгеріс пен өсім көрсеткіштерін баяндады.&nbsp;Өздеріңізге мәлім, биыл Шиелі кентінің ішінде кешенді жұмыстар жоспары құрылып, бүгінде үздіксіз жүргізіліп келеді. Мәселен, өңірдегі санитариялық тазалық жұмыстарын қамтамасыз ету мақсатында кент аумағы 3 аймаққа бөлінді.&nbsp;Бүгінде көшет отырғызу жұмыстары аяқталып, аудан орталығының басты көшелерінде 10 мыңға жуық жас өскін бой көтерді. Ал аллеялар мен скверлерге және орталық алаңға көшеттер мен гүлдер егіліп, күтіп-баптау жұмыстары әлі де жүргізіліп келеді.Жыл басында&nbsp;кент көшелерін, мөлтек аудандарын және теріскей бет көшелерді санитарлық тазалау мақсатында 90 млн теңге қаржы бөлінген. Бұл үшін орталықбөлігін санитарлық тазалау жұмыстарын жүргізуші мердігер&nbsp;– "Электро-Лидер" ЖШС-мен келісімшарт жасалды. Бүгінде екі аймақты тазалауға мемлекеттік сатып алу жұмыстары жүргізілуде. Сондай-ақ кент аумағында орналасқан тұрмыстық қатты қалдықтарды тастауға арналған орындардың, жәшіктердің ескіруіне байланысты 10 жерге тұрмыстық қатты қалдықтар тастауға арналған орындар, 100 дана контейнер мен 10 дана үлкен көлемді жабық контейнер сатып алынып, жаңалау жұмыстары жалғасып жатыр.Елді мекендердегі көшелерді жарықтандыру бағдарламасы аясында кент көшелеріне жарық бағаналары орнатылуда. Атап айтсақ, қазіргі таңда Яссауи, Әбдікәрімов, Абылайхан, Сейфуллин, Дәулеткерей, Жақаев, Байтұрсынов көшелерінің бойындағы жарықшам бағандарын ауыстыру, оларға монтаж, демонтаж жұмыстарын жүргізу жалғасып жатыр. Бұдан бөлек кенттегі 35 көшеге түнгі жарық бағандары орнатылмақ. Өтпелі кезеңмен жоспарланған жұмыстардың жалпы құны&nbsp;369 млн 500 мың теңгені құрайды. Бүгінде мемлекеттік сараптамадан өткізілуде. Аталған жұмыстар қаржыландыру көзіне сәйкес, 2024-2025 жылдар аралығында кезең-кезеңімен атқарылатын болады.Елді мекендерді абаттандыру және көгалдандыру бағдарламасы аясында кенттегі бірнеше көшеге жаяу жүргіншілер жолы орнатылса, Тәуелсіздік көшесінің бойына аллея салу жоспарланған. Эскиздік сызбасы әзірленген жобаның сметалық құжаттамасы жасақталуда. Аталған жұмыстар қаржыландыру көзіне сәйкес кезең-кезеңімен жүзеге аспақ.&nbsp;Сонымен қатар кенттің келбетін келістірер вокзал маңына тұғырлы сағат орнату, аудан әкімдігінің ауласына субұрқақ орнату жұмыстары жүргізілмек. Құрылыстардың мемлекеттік сатып алу жұмыстары аяқталды. Кеңес әскерлерінің Ауған жерінен шығарылғанына 35 жыл және Невада-Семей қозғалысының құрылғанына 35 жыл толуына орай белгі орнату, Н.Бекежанов көшесі бойында орналасқан қорымды қоршалау жұмыстары, кенттегі 4 жерге балалар ойын алаңы мен спорт алаңын орнату жобасы, "М.Шоқай" атындағы орталық алаңға ағымдағы жөндеу жүргізу жұмыстары жоспарланған. Бұған қоса кенттегі 10 көшеге гобо проекторлы жаяу жүргіншілер жолағын орналастыру ісі жуық арада бастау алмақ. Ал тозығы жетіп ескірген көше белгілерін ауыстыру жұмыстары жақында аяқталады.Бүгінде кент көшелерінің бойына жасыл желектерді тамшылатып суару жүйесін орналастыру қолға алынды. Сондай-ақ жоба бойынша ағаш егілген жасыл аумақтарды қорғау мақсатында оларды темір қоршаумен қоршалау жұмыстары жоспарланған. Ауданның көркіне айналған "Ы.Жақаев" саябағына күрделі жөндеу жұмыстары жүргізілмек. Жұмыс өтпелі кезеңге жоспарланған, қаржыландыру көзіне сәйкес кезең-кезеңімен атқарылатын болады.Күн тәртібіндегі өзекті тақырыптардың бірі&nbsp;– жол мәселесі екені белгілі. "Ауыл – ел бесігі" жобасы аясында облыстық бюджет тарапынан күрделі жол жөндеу жұмыстарына&nbsp;1 млрд 061 млн 289 мың теңге қаражат бөлінді. Қазірде кенттегі Тәуелсіздік көшесі күрделі жөндеу жұмыстарынан өтуде. Жоба аясына көшедегі жаяу жүргіншілер жолын жаңалау, автомобиль жолын күрделі жөндеу және түнгі жарық бағаналарын ауыстыру кіреді. Бұдан бөлек Дәулеткерей, М.Шоқай көшелерін күрделі жөндеу, А.Яссауи, Ш.Бәкіров көшелерін реконструкциялау жұмыстарының жоба сметалық құжаттамалары жасақталып, мемлекеттік сараптамадан өткізілді. Жұмыстар жоспар бойынша қаржыландыру көзіне сәйкес кезең-кезеңімен жүргізілетін болады.Аудандық мәслихаттың кезекті сессиясында осы және бірқатар мәселелер талқыланды. Кент көлемінде атқарылып жатқан жұмыстар жөнінде кент әкімі мен&nbsp;мердігер мекемелердің басшыларына сұрақтар қойылды. Кент әкімдігінің есебіне жақсы деген баға беріліп, аудан игілігіне бірлесіп атқарылатын сапалы жұмыстарды молайтуға шақырды.

Қазақстан және Қызылорда облысының жаңалықтары: Қоғам