<a href="https://kyzylorda-news.kz/">Kyzylorda-news.kz.</a> Кілем тоқу – халық қолөнері, көркем өнер шығармаларының ең көне түрі. Кілемді ата-бабаларымыз әсемдік үшін, сондай-ақ киіз үйдің жылылығын сақтау үшін қолданған. Бүгінде қолөнер шеберлері көбейіп кәсіп ашып көпшілікке өз туындыларын ұсынуда.Ондай қолөнер шебері Сыр өңірінде де бар. Кілем тоқып, кәсіп жасап, көпке үлгі болып отырған қолөнер шебері Сырдария ауданына қарасты Айдарлы ауылында тұратын Роза Әлбатырова. &nbsp;Бүгінде жасы жетпістен асқан қолөнер шебері халқымыздың ғасырдан ғасырға созылған құндылығын жас ұрпаққа дәріптеп келеді. Өзі кілем тоқуды алты жасында әжесі мен анасынан үйренген. Қазір де сол әдетінен жаңылған жоқ. Қолынан шыққан дүниелерге қарапайым халық оң бағасын беріп жатады. Шебердің кілемі 1 млн теңгеге дейін сатылады. Оған шетелдік азаматтардың қызығушылығы зор. Олар арнайы тапсырыспен алдыратын көрінеді. &nbsp;Шебер кілем тоқу өнер ғана емес, адамды еңбекке баулу, үйге жылулық сыйлау екендігін айтады. Әсіресе, ұмытылып бара жатқан қазақ өнерін жастарға насихаттап көрсету үлкен құндылық дейді.<blockquote>− Қазір базарға барсаң, кілемнің неше түрін кездестіруге болады. Десе олардың арасында өзіміздің кілемнің жоқтығы қынжылтады. Бұл дүние үйге жылулық пен сұлулық сыйлайды емес пе? Сондықтан бұны кейінгі жастарға насихаттау керек. Кезінде үлкендер біз ес білген шақтан қолөнердің қыр-сырын үйрететін. Қазір барлығы дайын. Ешкім қиналғысы келмейтін болды. Кілемнің түрі көп. Иран, Түркия елдерінен келген кілемдер көздің жауын алады. Олардың бағасы да қымбат», — дейді қолөнер шебері.</blockquote>Қазір ауылда қолөнер шебері үйренемін деген қыз-келіншектерге ақыл-кеңесін береді. Әйелдердің басын қосып, ұлттық дәстүрді жаңғыртуға белсене атсалысып келеді. Алайда Роза апа кілем тоқу, киіз басу тірлігінен бүгінгі халықтың алшақтап бара жатқандығына қынжылады.<blockquote>− Бұрын ауылда қыз-келіншектер жиі бас қосып, кілем тоқып, киіз басатын. Бір-бірінің үйіне барып киіз басып көмектесу болатын. Бұл үлгі, елдің ауызбіршілігі еді. Өкініштісі, осы тірліктен көз жазып қалдық. Қазақстан Шеберлер одағының мүшесі болдым. Ашығын айтқанда, біз түкті кілемнің қадірін білмейміз. Көп елде қолдан тоқылған кілемдер жоғары бағаланады. Жыл сайын Астанадағы ұлттық өнімдер жәрмеңкеге шақырып тұрады. Сол жиынның бірінде итальяндық келіншек мен тоқыған кілемге тапсырыс беріп, біреуін сатып алды. Қазір 2×3 көлемді түкті кілем 600 мың теңге тұрады. Оның ішіне жіптің бағасы мен әйелдердің еңбегін қосыңыз. Екі айға жуық уақыт жұмсаймыз, — деді Р. Әлбатырова.</blockquote>Қолөнер шебері қазір жіп иіретін әйелдердің де жоқ екенін тілге тиек етті. Қазіргі күні олар &nbsp;дайын жіпті Алматыдан сатып алуға мәжбүр. Жалпы, өте жұмсақ болуына байланысты кілем тоқуға меринос қойдың жүнінен иірілген жіп жарамайды. Айтуынша, жіп иіретін арнайы құрылғы Ресейде бар.<blockquote>− Қазір елімізде малдан қырқылған жүн ешбір кәдеге жарамай жатыр. Қадірін білмей жатқанымыз шын. Қайсыбір кезеңде қойды үш рет тоғытып, содан кейін барып жүні қырқылатын. Қазір ұстап алады да айдалада топырақтың үстінде қырқа салады. Оны тазалау да мүмкін емес, жарамсыз, табиғи суға жуылмағасын иісі де кетпейді. Бұрын жүннің қиқымы да қалмайтын. Қай кезде де табиғи, таза, қолдан жасалған бұйымға сұраныс жоғары. Жіп мәселесі шешілсе, тапсырыс та көп болады, — дейді кілемші.</blockquote>Қолөнер шебері шәкірт тәрбиелеуге баса назар аударып келеді. Соның бірі — өзінің немересі Ақмарал. &nbsp;Ол М. Мәметова атындағы педагогикалық жоғары колледжін бітіріп, ауылда үйірме ашыпты. Ал 3 жасынан кілем тоқуды үйреніп келе жатқан Қырмызы атты немересі әжесінің жанынан бір елі қалмайды. Өзінің қызығушылығы да жоғары. Жалпы қазақы құндылықты дәріптеп, кейінгі ұрпаққа насихаттап жүрген қолөнер шеберінің ісі көпке үлгі.

Қазақ кілемдері ұлтымыздың көрнекті мүлкі

<a href="https://kyzylorda-news.kz/">Kyzylorda-news.kz</a> &nbsp;Қазақстанның әрбір азаматы тұрғын үй салу үшін мемлекеттен 10 сотық жерді тегін алуға құқылы. Әрине, ол үшін алдымен тұрғылықты жеріңіз бойынша кезекке тұруыңыз керек. Сол кезекті реттілігіңіз бойынша жер алуға мүмкіндігінің туады. Ал кезекке eGov порталында арқылы тұруға болады. Біз бүгін тегін жер алудың заңдылықтар мен тиімді жолдары туралы ақпарат беретін боламыз.Қазақстан Республикасының Жер кодексіне сәйкес, кез келген азамат мемлекеттен 10 сотық жер ала алады. Кезекке тұру тәртібі бұрыннан қалыптасқан. Тек бұған дейін адамдар жазбаша түрде, әкімдіктің тізімінде тұратын. Қазір сол тізім электронды нұсқаға көшті. Кезек кей жағдайда жылжымай қалуы мүмкін. Себебі біріншіден, егер қорда жер жоқ болса, екіншіден, қорда жер бар болғанымен, ол жерге су құбырлары, тоқ, газ, жол сияқты инфрақұрылым тартылмаған болса жер беру уақытша тоқтайды.Арал қаласы бойынша жер учаскесін алу үшін 7823&nbsp;азаматтардың өтініші арнайы есепке алынды. ҚР Жер Кодексінің 41-1-бабына сәйкес азаматтарға қолжетімді болу мақсатында жер кезектілігінің тізімі&nbsp;қала әкімдігі&nbsp;ғимаратының 1 қабатында орналасқан.&nbsp;Қала әкімі Батыржан Ұзақов тұрғын үй салу мақсатындағы жер телімін беру жұмыстары талапқа сай жүргізіліп жатқандығын айтады.&nbsp;<blockquote>–&nbsp;2008-2009 &nbsp;жылдары жер кезектілігіне 730 өтініш алынған болса, 2022 жылы 230 өтініш иесіне жер учаскесі табысталды. 2023 жылдың тамыз айында Арал қаласының&nbsp;су және электр желісі жүргізілген аймақтарынан дайын болған жер учаскелерінің санына&nbsp;қарай 500 өтініштің тізімі жасақталып, аудандық құрылыс, сәулет және қала құрылысы бөліміне жолданды. Ағымдағы жылдың соңғы төрт ай мерзімінде, дайын болған алаңдардан 262 өтініш иесіне жер учаскесі&nbsp;табысталса,&nbsp;4&nbsp;өтініш мерзімі бойынша қаралуда. Қалған жер алуға өтініш түсірмеген 214 азаматтар үшін аудан әкімдігін белгілей отырып, Арал қаласының «фейсбук» әлеуметтік желі парақшасына бірнеше рет «хабарландырулар» берілді. Бұдан бөлек, аталған жұмыстар Арал қаласының №6 және №8 мөлтек аудандарында жалғасын табуда. Аймақтар бойынша электр және су желісін жүргізуге қаражат бөлініп, құрылыс жұмыстары аяқталды. Бұл аймақтардан қосымша 661 азаматтарға жер учаскесін беру жоспарланып отыр. Аталған аймақтардан жер учаскесін бөліп беру схемасының дайын болуына орай ағымдағы жылдың сәуір айынан бастап жер учаскелерін табыстау жұмыстары жүргізілуде, – дейді ол.&nbsp;</blockquote>Айта кететін бір жайт, бір тұлға жер мен баспана кезегіне қатар тұра алады. Себебі екеуі екі түрлі кезек. Бірақ, егер адамның атында баспана бар болса, онда жер берілмеуі мүмкін. Осыны ескеру керек. Әкімдіктегі жер қатынастары басқармасында осыған қатысты арнайы комиссия болады. Сол комиссия өтінішті қарайды. Яғни, өтініш беруші кісіге жер берілуі қажет пе, қажет емес пе? Бұл кісінің атында мүлік бар ма, жоқ па? Бәрі зерттеледі. Егер иелігінде мүлкі бар, жағдайы жақсы болса, комиссия шешімімен жер беруден бас тартылуы мүмкін. Комиссия шешімі негізінде әкімдік жерді беруден бас тарту туралы қаулы шығарады.&nbsp;Егер атыңызда жеріңіз не үйіңіз болмаса онда сіз жер алуға толық құқылысыз. Ол үшін тек портал арқылы кезекке тұрсаңыз болды. Бүгін, ертең болмаса да кезектілікке сай болашақта тегін жер еншілейсіз. Олай болса, уақыты босқа кетірмей, тіркелуді тап қазір жүзеге асырыңыз.&nbsp;

Арал қаласы бойынша жер учаскесін алу үшін қанша адамның өтініші есепке алынған?

<a href="https://kyzylorda-news.kz/">Kyzylorda-news.kz.</a> &nbsp;Қызылорда қаласындағы 37 мекемесінде мерзім соңымен &nbsp;сотталған азамат бостандыққа шықты."Қақпа алдында кездесу» аясында жаза мерзімінің аяқталуына байланысты жазасын өтеушінің денсаулық жағдайы, білім деңгейі, жұмыспен қамтылуын, тұрғылықты жерінің болуы, сондай-ақ оған көрсетілетін әлеуметтік-құқықтық көмектің көлемін анықтау үшін қажетті мәліметтер, жеке тұлғасын зерттеу жұмыстары жүргізілді.Іс-шараға Қызылорда қалалық пробация қызметі, Қылмыстық жазасын өтеген адамдарды әлеуметтік бейімдеу оңалту орталығының мамандары, САӘПТЖЖБ-нің босатылатын сотталғандардың тұрмыстық және жұмысқа орналастыру жөніндегі инспекторы әділет аға лейтенанты Ж.Арыстанова қатысты.&nbsp;Босатылушы сотталған азаматқа босатылғанннан кейінгі тұрмыстық және құқықтары мен міндеттері, босатылғаннан кейінгі жұмысқа орналасуы үшін керекті құжаттар тізімі, жұмыспен қамту бөлімінің мекенжайы көрсетілген жадынама берілді.<blockquote>- Мұндай іс-шаралардың мақсаты – сотталғандарға қоғамға бейімделуге, жұмыс табуға және ұзақ жылдар бойы бас бостандығынан айырылғаннан кейін дұрыс жолды таңдауға көмектесу, бас бостандығынан айыру орындарынан босатылған азаматтарға қолдау көрсету. Ер адам жол көлік оқиғасын үшін &nbsp;1 жыл мерзімге бас бостандығынан айырылған. Қақпа алдынан оны бауыры &nbsp;қарсы алды. “Қақпа алдындағы кездесу” әлеуметтік жобасы бас бостандығынан айыру орындарынан босағандарды дұрыс жолға бағыттауға көмектеседі және бұл осы санаттағы адамдар арасында қайталама қылмыс деңгейін төмендетуге бағытталған негізгі жолдардың бірі",-дейді әділет аға лейтенанты &nbsp;Жадыра Арыстанова.</blockquote>

Қызылордадағы қауіпсіздігі барынша төмен мекемесінде  қақпа алдындағы кездесу өтті

<a href="https://kyzylorda-news.kz/">Kyzylorda-news.kz</a> Қызылорда облыстық Әбділда Тәжібаев атындағы облыстық кітапханада «Менің жетістігім – тәуелсіздігімнің жетістігі» атты өзге ұлт өкілдерінің жастарымен кездесу кеші ұйымдастырылды.Қазақстан – құшағы ыстық, құлашы кең байтақ өлке. Бүгінде қазақ жерінде 124 этнос өкілі қоныстанған. Ұлты өзге болса да, ниеті оң, тілегі бір.&nbsp;Олар бiр атаның баласындай ырыс пен ынтымақта өмiр сүрiп келе жатқандығы бұл сөзiмiзге айғақ. Осыншама ұлт пен ұлыстың өкiлi бiрге тұрып, бiрге жасап, бiр мақсатқа жұмылып өмiр сүрiп келе жатқандығы Елбасымыздың дана саясатының нәтижесi болса керек. Алматының өзiнде ғана 30-дан астам түрлi ұлттардың мәдени орталықтары бар. Олар Қазақстан халқы ассамблеясының үлкен шаңырағы астына топтасқан.Қазақ жеріне өзге ұлт өкілдері Ресейдегі 1861 жылғы реформа бойынша алғаш қоныстана бастады. Сол тұста патша үкіметі алып империядағы әлеуметтік шиеленісті бәсеңдету және отарлау саясатын белсенді жүргізу үшін орыс шаруаларын қазақ жеріне қоныс аудартты.XIX ғасырда қазақ жеріне ұйғырлар мен дүнгендердің көшіп келуі де тарихи оқиғаға баланды. Цинь империясының Құлжа аймағынан Жетісу өңіріне 45 мың ұйғыр мен 5 мың дүнген қоныстанды.Сондай-ақ украин, беларусь, поляк, болгар шаруалары қазақ даласына Столыпин реформасы тұсында да көп көшіп келді. І Дүниежүзілік соғыс қарсаңында Қазақстанда 60-қа жуық этнос өкілдері өмір сүрді.Ал Кеңес Одағы тұсында өзге ұлт өкілдері сталиндік қуғын-сүргін саясатының кесірінен қазақ жеріне күштеп қоныс аударылды. Мұның зардабы өлшеусіз еді, оны басынан өткізгендер ешқашан ұмытпайды. Өйткені жүздеген мың халық, оның ішінде қарттар, әйелдер мен балалар мал таситын немесе тауар таситын вагондармен жеткізілді. Қандай да бір наразылық білдіргендер қатаң жазаланды. Қоныстанушылар сол кезде бос қалған мешіттерге, ат қораларға, шошқа қораларға, қоймаларға орналастырылды.Осы тұста ешбір дүние-мүліксіз көшіп келген халықтар тек қазақ халқының көмегінің арқасында ғана аман қалды. Аштық пен қуғын-сүргін қасіретін көрсе де, кеңпейіл халқымыз қолындағы соңғы нанымен бөлісіп, тағдыр тәлкегіне түскендерге көмегін аямады. Осылайша Қазақстан зорлықпен көшіп келген өзге ұлт өкілдерінің екінші отанына айналды.&nbsp;Бүгінде Қазақстан этникалық біртектілікті сақтай отырып, көпэтносты елдің үлгісін әлемге паш етті.Көп ұлтты халқымыздың тыныштығы мен бірлігін нығайтуды мақсат еткен шараға «Қоғамдық келісім» КММ-нің директор орынбасары Д.Омаров, Ассамблея жастарының жетекшісі Е.Пак, Ж.Нұрманов атындағы №198-ші мектептің мұғалімдері А.Шалагин, О.Шегай, А.Ким және облыстық филармония әншісі О.Сим қатысты.Шара барысында қонақтар өз жетістіктерімен бөлісіп, көпке ой салды.&nbsp;Қорлан САРЫ Фото: aqmeshit-zhastary.kz

«Менің жетістігім – тәуелсіздігімнің жетістігі» атты кеш өтті

<a href="https://kyzylorda-news.kz/">Kyzylorda-news.kz</a> Халықаралық Отбасы күніне орай Қызылорда облыстық тарихи-өлкетану музейінде психолог мамандардың, «Отбасы орталығы», «Айтбай» мешітінің имамы және «ORDA» жоғары колледжінің «Атамекен» тарих және «Туризм» үйірме мүшелерінің қатысуымен «Отбасын бұзу мода ма, мәжбүрлік пе?» тақырыбында ток-шоу болып өтті.&nbsp;Шара барысында бүгінгі күні етек алып бара жатқан отбасын бұзушылыққа, отбасындағы ата-аналар жауапкершілігіне, ата-ана мен бала арасындағы отбасылық тәрбиеге, отбасылық құндылықтарға байланысты әңгіме өрбіді.10 айда Мемлекеттік корпорация 103 мыңнан астам некені тіркеді, оның ішінде 2024 жылдың басынан бері 40 мың жаңа отбасы пайда болды. Неке саны бойынша көшбасшылар – Алматы, Астана және Шымкент. Сондай-ақ, 2023 жылдың шілдесінен бастап еліміздің 328 мың жаңа азаматының тууы тіркелді. Қазір "Азаматтарға арналған үкімет" Астанада, Қарағандыда, Алматыда және Қостанайда некелерді салтанатты түрде тіркеуді жүргізуде және бұл қызметті басқа қалаларда енгізуді жоспарлап отыр.2023 жылы АХАТ органдары Қазақстан Республикасында 120,8 мың некені тіркеді, бұл өткен жылмен салыстырғанда 5,9% - ға аз. Некенің жалпы коэффициенті 6,07 құрады (1000 адамға). Көбінесе Астана қаласында некеге тұрды, неке коэффициенті 1000 адамға 7,46, ал ең төменгі деңгей Түркістан облысында 1000 адамға 5,55 болды. Отбасын құрушылардың ішінен алғаш рет 7 78,2%-ы және әйелдердің 79,4%-ы үйленді, ажырасқаннан кейін некені тіркеу үлесі ерлерде 20,4%, әйелдерде 18,9% – құрады. Қалалық жерлерде 80 мың неке (66,2%), ауылдық жерлерде 40,8 мың неке (33,8%) тіркелді. Бірінші некеге тұрудың орташа жасы ерлер үшін 27,8 жас, әйелдер үшін 25,2 жас болды. Құрылған барлық некелердің 82,3%-ы моно-этникалық, қалған 17,7% - ы этносаралық болды. Ажырасуға келетін болсақ, олардың саны 2022 жылмен салыстырғанда 9,6%-ға азайып, 40,2 мың ажырасуды құрады. Қалалық жерде 29,4 мың ажырасу тіркелген (73,1%), ауылдық – 10,8 мың ажырасу (26,9%). Ажырасудың жалпы коэффициенті 2,02 құрады (1000 адамға). Ажырасудың ең жоғары деңгейі ШҚО – да атап өтілді, коэффициенті 1000 адамға 3,14, Түркістан облысында ең төмен-1000 адамға 0,89. Осылайша, 2023 жылы 1000 некеге 333 ажырасу қажет болды (347– 2022 ж.). Неке ұзақтығы бойынша ажырасулардың ең көп үлесі (34,9%) некеде 1-4 жыл өмір сүрген отбасылар арасында, ажырасулардың 26,7% – ы 5-9 жыл бірге өмір сүргендер арасында болды.&nbsp;Қазақстанда ажырасу көрсеткіші 2024 жылдың басында 1000 адамға шаққанда 4,6-ны құрады. Қазақстан ажырасу көрсеткіші бойынша рейтингте 105 елдің ішінде 2-орынды иеленді.2023 жылы Қазақстанда 120,9 мың жұп неке қиды, бұл 2022 жылға қарағанда 6%-ға аз. Бұл ең төменгі көрсеткіш екенін айта кеткен жөн. Бұған дейін 2008 жылы халық саны 16 миллион адамға жетпесе де, ресми түрде 135 мыңнан астам жұп неке қиған болатын.&nbsp;Өңірлер бойынша отбасы құрғандар саны жөнінен Алматы алда тұр: 2023 жылы 13,1 мың жұп некелесті және бұл 2022 жылға қарағанда 4%-ға аз. Одан кейінгі орында – Түркістан облысы (11,8 мың) және Астана (10,4 мың. Ең аз неке Ұлытау облысында тіркелген – 1,5 мың жұп.Ажырасу жөнінен де Алматы бірінші орында: 2023 жылы – 2,3 мың, 2022 бір жылға қарағанда 2,1%-ға аз. Одан кейінгі орында – Қарағанды ​​облысы (1,5 мың) мен Астана (1,5 мың). Ең аз ажырасу да Ұлытау облысында тіркелді – небәрі 198.2024 жылғы 4 наурызда жаңартылған Petrelli Previtera мәліметі бойынша, Қазақстан ажырасу көрсеткіші бойынша әлемде Мальдив аралдарынан кейінгі екінші орында тұр: 1000 адамға шаққанда 4,6. Сарапшылар еліміздегі ажырасудың негізгі себебі деп туыстарының араға түсуін (61%), моральдық шектеулердің болмауын (41%), ажырасу процесінің жеңіл болуын (25%) атап өтті. Сондай-ақ қазіргі замандағы қазақстандық әйелдер мен ерлерге сәйкес келмейтін қатал гендерлік рөлдердің сақталуы және некеге деген көзқарастың өзгеруі де проблемалардың қатарында.Ажырасу көрсеткіші жоғары болғанымен қазақстандықтар неке институтын әлі де жоғары бағалайды. Зерттеулер жастардың 82,5%-ы болашақта отбасылы болатынына сенеді.Ажырасудың себептері көп. Бірақ басты себептері не деген сауалға нақты жауап табу қиын. Біз осы сауалға жауап табу үшін отандық психологтардың әр уақыттарда келтірген деректерін, пікірлерін ой таразысына салып көрдік, шама-шарқымызша зерттеп-зерделедік. Қорыта келе ел ішінде жиі кездесетін бірқатар себептерді іріктеп алдық.Бір перзенттің болмауы. Адамның отбасы құрғандағы басты мақсаты - ұрпақ өсіру, артына із қалдыру, бала тәрбиелеу, оның қызығын көру. Бұл қазақ ұлтына тән мінез, тән қалау. Оның үстіне, ұлттық мінезіміз бен менталитетіміз бөлек. Сондықтан біздің елде «балалы үй - базар, баласыз үй - қу мазар» саналады. Міне, осыдан келіп не үшін жаңа жанұя құрған жұптың бірінің бедеулігі ажырасуға себеп болатынын түсіну қиын емес.Түсінбеушілік немесе мінездің жараспауы. Түсінбеушілік неден туындайды? Ол екі жастың асығыс отбасын құру туралы шешім қабылдауынан, бір-бірін жете танып-білмеуінен туындайды. Оған себеп - үйленгенге дейін көңіл қосып, қазіргі тілмен айтқанда жүріп жүргенде өздерінің шынайы бет-бейнесін, мінезін көрсетпеуі, өздерінің болашақ жары қандай болғанын қалайтынын ашық жеткізбеуі.Нәпсіқұмарлықтың кесірі. Ер адамдарда араққа, құмар ойындарына, нашаға, одан қалса жүріс жүруге әуестік басым. Бұлар - әйелдің сабырын түбі бір тауысатын жаман әдеттер. Ішімдікке салынған ер адам дүние мүлкін саудалап, үйден берекені қашырады. Бұдан кейін әйелдің ажырсудан басқа амалы қалмайды. Алайда, осындай жағдайлар ішінара әйелдер арасында да кездеседі. Бұл отбасы екі жаққа бөліп тынады.&nbsp;Тұрмыс тауқыметі. «Ажырасуларыңызға не себеп болды?» деген сұраққа әйелдердің көбі: «Күйеуім табыс таппады, жатыпішер, жалқау», - деп жауап беретіні түрлі сауалнамалардан мәлім. Егер, ер адам отбасын құруға, бір жанұяны асырауға дайын болмай, соқыр сезіммен, желікпен үйленер болса, оның ақыры - ажырасуға соқтырып жатады. Себебі, әйел жаратылысынан ер адамнан қамқорлық пен мейірім күтеді. Арқа сүйер ер-азамат іздейді. Сол сенім үдесінен шыға білу ләзім.Осы аталған алты себептен бөлек те көптеген себептер бар. Олардың қатарына кінәсін мойындамау, тәкаппарлық, қырсықтық, кекшілдік, ата-енелердің қытымырлығы, өз қалауымен қосылмау, алып-қашу салдары, екі жастың арасына үшінші біреудің от салуы, орынсыз өсек-аяңның кесірі, бір-біріне сенбеу сынды себептерді атауға болады.Ажырасулардың ең төмен көрсеткіші Үндістан, Мозамбик және Кения сияқты елдерде тіркелген. Әрине, бұл елдерде некелескендердің бәрі бақытты деген сөз емес. Құқық қорғау саласының нашар екенін, қағазбастылықтың көп екенін және қоғамдық нормалардың қатаң екенін білдіреді.&nbsp;Шарада көкейтесті сұрақтар қойылып, ойлар ортаға салынды. Өзекті тақырыпта ұйымдастырылған шараның студент жастарға берері мол болды.Студенттердің шараға белсенді қатысуын қамтамасыз еткен – «Атамекен» тарих үйірмесінің жетекшісі Жусупова Бота Мәлікқызы және «Туризм» үйірмесінің жетекшісі Қосбармақова Гүбану Советқызы.&nbsp;&nbsp;Қорлан САРЫ Фото: parovarim.com

Қызылордалық жастар жаңа форматта ток-шоу ұйымдастырды

<a href="https://kyzylorda-news.kz/">Kyzylorda-news.kz.</a>&nbsp; Президент Қасым-Жомарт Кемелұлы Тоқаев 2023 жылғы 1 қыркүйекте Қазақстан халқына арнаған Жолдауында еліміздегі маңызды проблемалардың бірі су тапшылығы мәселесі екенін мәлімдеді. Ол суды үнемдеу технологияларын қолға алуды тапсырды.<blockquote>“Су ресурсы еліміздегі өзекті мәселелердің бірі. Әсіресе, судың сапасы және оның халыққа қолжетімді болуы аса маңызды болып тұр. Жыл өткен сайын халқымыздың саны да, экономикамыз да өседі. Бұл – қалыпты құбылыс. Сол себепті 2040 жылдарға қарай Қазақстандағы су тапшылығы 12-15 миллиард текше метрге жетуі мүмкін. Жалпы, біз – трансшекаралық су көздеріне тәуелді елміз. Еуразия құрлығындағы өзендер мен каналдар – баршамызға ортақ табиғат байлығы. Осы су көздері біздің халықтарымызды, экономикамызды жақындастырады. Сондықтан көршілес әрі достас елдермен бұл мәселе бойынша әрдайым өзара түсіністікке және келісімге келу керек. Жан-жақты ойластырылған су саясатын жүргізу, трансшекаралық суларды пайдалану мәселелерін шешу – Үкіметтің алдында тұрған аса маңызды міндеттер”, – деген болатын Президент.</blockquote>Бүгінгі таңда таза ауыз су мә­селесі адамзат баласы үшін өзекті болып отыр. Дүниежүзінде миллиардтаған халық таза ауыз суға қол жеткізе алмай келеді. Десе де елімізде бұл бағытта жұмыстар жасалуда.Біздің өңірде де &nbsp;тұрғындарды таза ауыз сумен қамтамасыз ету бағытында нәтижелі жұмыстар атқарылып келеді. Аймақ халқының басым бөлігі таза ауыз суға қол жеткізіп отыр. Елді мекендерді үздіксіз және сапалы ауыз сумен қамтамасыз ету мәселесі облыс әкімі Нұрлыбек Нәлібаевтың жіті бақылауында.Бүгінде облысқа қарасты Қызылорда, Байқоңыр, Арал, Қазалы қалалары орталықтандырылған ауыз сумен толықтай қамтамасыз етілген. Ал, елді мекендердің 98,4 пайызы орталықтандырылған ауыз су жүйесіне қосылған. Сондай-ақ, облыстағы ауыз су жүйесі мен оның сапасы жақсарту бағытында игі істер жүзеге асуда.Қызылорда облысының энергетика және тұрғын үй-коммуналдық шаруашылық басқармасы басшысының орынбасары Бауыржан Ізмағамбетовтің айтуынша, қазір өңірдегі 4 қала мен 230 ауылдық елді мекеннің 204-і орталықтандырылған ауыз су жүйесіне қосылған. Ал, қалған 26 елді мекенді 2025 жылдың соңына дейін сапалы ауыз сумен қамту бойынша іс-шара жоспары бекітілген.<blockquote>− Су ресурстары комитеті арқылы Арал ауданының Абай, Тоқабай, Ақбасты елді мекендерін «Арал-Сарыбұлақ» топтық су құбырына қосу құрылыстары жүргізілуде. Биылғы жылға 2 жобаны іске асыру үшін 1,7 млрд теңге бөлінсе, ауыз сумен қамту және су бұру жобаларына республикалық бюджеттен 5,1 млрд теңге, облыстық бюджеттен 351 млн теңге қаржы бөлінген. Бүгінде жобалар бойынша құрылыс жұмыстары жүргізілуде,−деді басқарма басшысының орынбасары.</blockquote>Облыс орталығында қала тұтынушыларын үздіксіз ауыз сумен қамтамасыз етіп, кәріз суларын бұру және оны тазартуға баса назар аударылуда. Бұл бағытта «Қызылорда су жүйесі» кәсіпорнының теңгерімінде бірнеше ауыз су нысаны бар.<blockquote>−Тасбөгет кентінде орналасқан Бас су жинау кешені арқылы қаланың орталығы, Тасбөгет кенті, Саяхат, СПМК-70, «Сәулет», «Сырдария», «Ипподром» мен теміржол ауданы, қаланың шеткі бөліктері ауыз сумен қамтылады. Ауыз су сапасын кәсіпорынның базалық зертхана мамандары күнделікті тексеріп бақылайды. Оны қалалық санитарлық-эпидемиологиялық басқармасы қадағалайды. Ал, «Арай» су алу құрылымына 2013 жылы қайта жаңғырту жүргізіліп, Қызылжарма кен орнынан 13 ауыз су ұңғымасы пайдалануға берілген. Бұл су алу құрылымы, қазіргі таңда «Арай», «Арай-2», «Арай-3» тұрғын ауданы мен қаламыздың сол жағалауын ауыз сумен қамтамасыз етеді. Кәсіпорын теңгеріміндегі су алу құрылымдарының таза су жинау резервуарлары мен қалалық ауыз су жүйелеріне жылына 2 мәрте жоспарлы жуу, шаю және залалсыздандыру жұмыстары жүргізіледі. Қазіргі уақытта жоспардан тыс тазарту, жуу, шаю және залалсыздандыру қолға алынып отыр», − деді Қызылорда су жүйесі МКК директоры Бауыржан Әбдіқаппарұлы.</blockquote>«Арал» салынып жатқан кәсіпорындардың бірлескен дирекциясы филиалы да осы бағытта ауқымды жұмыстар атқарып келеді. Аталған мекеме 2017 жылдың 1 маусымынан бастап еліміздің Ауыл шаруашылығы министрлігінің Су ресурстары комитеті және Қаржы министрлігінің Мемлекеттік мүлік және жекешелендіру комитетінің қолдауымен облыс бойынша ауыз сумен қамтамасыз ететін бірыңғай оператор ретінде жұмыс жасайды.«Арал» салынып жатқан кәсіпорындардың бірлескен дирекциясы филиалы 6 топтық су құбырлары арқылы Қызылорда облысына қарасты 130 елді мекенді тұрақты түрде сапалы ауыз сумен қамтамасыз етіп келеді. Мұндағы барлық топтық су құбырлары бойынша халық саны 332 095 адамды құрайды. Ауыз судың сапасын бақылау барысында 2023 жылы оқшау су жүйелері бойынша 11 665 сынама алынып микробиологиялық және химиялық тексеру анализдері жасалды.<blockquote>−Ауыз су сапасының нормадан ауытқушылық көрсеткіштері 2023 жылы Жалағаш ауданы бойынша орын алып, ұңғымаларға су сорғыту, гипохлорид кальцийімен залалсыздандыру жұмыстарын жүргізу арқылы қалпына келтірілді», − деді «Арал» СЖКБД филиалы директорының орынбасары Ержан Әмиша.</blockquote>Жалпы мемлекет басшысының тапсырмасына орай еліміздің барлық елді мекенінде таза су қолжетімді болуға тиіс. Ел Президенті Қ.Тоқаев өз Жолдауында 5 жылдың ішінде қалалар мен ауылдарды 100 пайыз сумен қамтамасыз етуді тапсырған болатын. Мемлекет басшысының халықты таза ауыз сумен қамту мәселесіне ерекше көңіл бөлуі түсінікті. Өйткені ауыз судың сапасы ел тұғындарының денсаулығына тікелей әсер етеді. Жалпы, осыған дейін елімізде халықты таза әрі сапалы ауыз сумен қамтамасыз ету мақсатында 2002-2010 жылдарға арналған «Ауыз су» бағдарламасы, одан соң 2011-2020 жылдарға арналған «Ақ бұлақ» бағдарламасы жүзеге асырылды. Ал 2021 жылдан бастап бұл мәселе «Қуатты өңірлер – ел дамуының драйвері» ұлттық жобасының аясында шешімін тауып келеді. Бұл тұрғыда алдағы уақытта өңірде атқарылар жұмыстар легі жалғасын табады.Мейрамгүл ДАУЫЛБАЙҚЫЗЫ

Өңірде таза ауыз сумен қамтамасыз ету жұмыстары қарқынды жүруде

<a href="https://kyzylorda-news.kz/">Kyzylorda-news.kz.</a> &nbsp;IT саласы – болашағы зор мамандықтың бірі. Бүгінде елімізде бұл салаға айрықша көңіл бөлінуде. Мемлекет басшысы да 2025 жылға қарай кем дегенде 100 мың жоғары білікті IT-маманын дайындау міндетін қойып, тапсырма берген еді. Осы ретте ІT саласын дамыту үшін елімізде түрлі жобаларды кешенді түрде іске асыру жүргізіліп келеді. Мәселен, цифрлық даму министрлігі отандық, цифрлық даму министрлігі отандық IT саласын дамыту үшін 2021 жылдан 2023 жылға дейін 7,5 млрд теңге бөлген еді.&nbsp;Бұл&nbsp;IT мамандарына деген сұраныстың артқандығын көрсетеді.Бүгінде аймақта да &nbsp;ІТ саласын қолдауға үлкен басымдық берілген. Әсіресе, дәл осы саламен айналысам деген жастарға да мол мүмкіндік қарастырылған. Оны жыл өткен сайын салаға қызығушылық танытатын оқушылар мен студенттердің санының артқанынан аңғаруға болады. Олардың тың жобасы өз нәтижесін көрсетіп келеді.Мәселен, Қорқыт ата университеті Оңтүстік Корея елімен бірлесіп жасанды интеллект мектебін ашты. Студенттер осы бағытта жан-жақты білім алуды бастап кетті. Алдағы уақытта екі ел арасындағы бірлескен жұмыстар жалғасын табады.&nbsp;Жалпы, бүгінде университетке арнайы жасанды интеллект бойынша 100-ге жуық грант беру мәселесі қаралуда. Грант иегері атанған студенттер екі жыл көлемінде Оңтүстік Кореяда білім алу мүмкіндігі бар.Бұл – біздің &nbsp;Қызылорда облысының студенттеріне өте керекті әрі ыңғайлы жоба. Ол өз кезегінде жас мамандардың тың жобасын жарыққа шығаруына мол мүмкіндік береді. Одан бөлек, жаңа идеяларды танытатын «Kyzylorda Hub», ІТ park, «Astana Hub» және облыс әкімдігімен бірлескен түрде әртүрлі шаралар өтеді. Оның ішінде «Hackathon», «Pecha-Kucha» секілді шаралар бар. Былтыр жасанды интеллектті дамыту бағытында иннофест өткіздік. Сол фестивальде жасанды интеллекті қазақшаландырып, ерекше жоба дайындағандардың бірі – қызылордалық оқушы Асылжан Абдуллаевтың жобасына елімізден бөлек, шет мемлекеттерден де қызығушылық білдіруде. Ол жасанды интеллектті қазақша сөйлету үшін 300 мыңнан астам сөз бен 220 миллиардтан астам ақпаратты енгізген. Осылайша, жас өрен білімі мен тапқырлығының арқасында ерекше жобаны сәтті жүзеге асырды. Тіпті, оның жаңа жобасына америкалық ғалымдар қызығушылық білдірген. Биыл 1-3 ақпан аралығында Алматы қаласында «Digital Almaty 2024» атты халықаралық форумына Асылжан Абдуллаев өзінің жобасын алып барды. Форумға келген халықаралық мамандар мен IT бағытындағы компаниялардың барлығы Асылжанның жаңа жобасымен етене танысты. Қазір жасанды интеллект арқылы жаңа индустрияны дамытуға мүмкіндік туып отыр. Сол себепті ІТ саланы дұрыс дамыту ел экономикасына жаңа серпін әкелетіні сөзсіз, − дейді Қызылорда облысы әкімі аппаратының цифрлық технологиялар бөлімінің басшысы Сәбит Ибадулла.Қазір еңбек нарығында ІТ саласының мамандары үлкен сұранысқа ие болып отыр. Өйткені көптеген компания сауатты әрі мамандығын жақсы білетін бағдарламашылар мен әзірлеушілерге мұқтаж.&nbsp;Барлық салаға жаңашыл технологияның көмегі қажет. Сол себепті өңірде осы саланы дамыту бағытында бірнеше ауқымды жоба қолға алынды.<blockquote>− Бұл бағытта қала мен шалғайдағы елді мекендердің дарынды жастарын тартудамыз. Олардың тың жобасын одан әрі жетілдіруге өз үлесімізді қосамыз. Сол жұмыстардың арқасында өңірімізде сәтті жобалар жарыққа шықты. Жалпы, статистикалық мәліметке сүйенсек, ІТ бағытында ұйымдастырылатын жобаларға Қызылорда қаласына қарағанда, шалғай ауылдардағы жастар көбірек қатысып жатады. Әсіресе, Қармақшы, Арал, Қазалы аудандарының жастары өте белсенді,−деді «Kyzylorda Hub» бизнес-инкубаторының жетекшісі Жанарыс Түбекбаев.</blockquote>Ал «Grand master» бағдарламалау мектебінің директоры Алмат Қуанышбаевтың айтуынша, ІТ парк базасында 12 резидент бар. Олардың әрқайсысы ІТ саласы бойынша айына 2 рет іс-шара өткізеді.Мұндай шараларға &nbsp;ауылдық, аудандық мектептің және колледждің балалары онлайн түрде қатыстырады. &nbsp;Жалпы елімізде IT саласы бойынша жоғары оқу орындарында ғана емес, мектептен қабырғасынан бастап оқытылады.&nbsp;Бұл өз кезегінде жастардың ой өрісінің дамуына, анализ жасай алуға, шығармашылық қабілетін арттыруға септігін тигізеді.Мейрамгүл ДАУЫЛБАЙҚЫЗЫ &nbsp;

IT саласына сұраныс артуда

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев шағын қалаларды дамыту бағытында халықты баспанамен қамтуды басты назарға алған еді.&nbsp;"Еліміздің дамуындағы моноқалалардың рөлі өте зор. Өздеріңізге мәлім, Қазақстанда 89 қала бар. Соның 27-сі немесе 30 пайызы моноқалалар. Қазір моноқалалар экономикамызды дамытуға едәуір үлес қосып отыр. Олар өндірістік өнеркәсіп өнімдерінің 40 пайызға жуығын өндіреді"&nbsp; деген болатын Мемлекет басшысы өз сөзінде.&nbsp;Қазіргі уақытта халықтың басты мәселелерінің бірі баспаналы болу екені анық. Иә, ол ауыл не қала болсын, айырмашылық жоқ. Қазақ «Үйлі болсаң, күйлі боласың» деген тәмсіл сөзді бекер айтпаса керек-ті. Осы күні баспаналы бола алмай пәтерден-пәтерге көшіп, жұрттың қалтасын қомпитып жүрген қазақ көп. Олардың арасында «өз үйім өлең төсегім» деп армандап жүргендері қаншама?! Оған себеп, жиған аз-маз қаржысы шайлығынан ауыспай жүрген жандардың баспаналы болудың тиімді тетіктерін қарастыра алмауында.Елімізде баспаналы болудың тиімді жолдарын нұсқайтын түрлі мемлекеттік бағдарламалар бар. Олар «Отбасы банк» арқылы жүзеге асырылады. Әрине ол үшін әрекет жасау керек-ақ. Алдын ала банктен есепшот ашып, шама-шарқыңызға қарай табысыңыздың бір бөлігін «үйлі болсам» деген ниетпен жинақтасаңыз, банк тарапынан жылдық сыйақы еншілеп, қаражатыңыз әжептәуір өсім алады. Және белгілі бір шекті мөлшерлеме мен мерзімде тұрақты түрде жинақтап жүрсеңіз, онда қоныс тойды тойлаудың да оңтайлы сәті түсе қалады. Арал қаласында «Отбасы банктің» бөлімшесі жұмыс істейді. Ондағы мамандар сізге ақыл-кеңес беріп, қаражат жинақтаудың оңтайлы жолдарын көрсетіп береді. Бір қуантарлығы, үстіміздегі айдан бастап елімізде «Наурыз» тұрғын үй бағдарламасы іске қосылған болатын.&nbsp;<blockquote>– Қазақстанда «Наурыз» жаңа тұрғын үй бағдарламасы басталды. Оның іске қосылуын Атырауда өткен Ұлттық құрылтайда сөйлеген сөзінде Президенті Қасым-Жомарт Тоқаев жариялаған болатын. Аталған бағдарлама арқылы үйлі болу үшін «Отбасы банкіндегі» есепшотыңызда 1 миллион теңге болуы тиіс. Депозит мерзімі маңызды емес. Бұған қоса 20 пайыз бастапқы жарна болуы керек. Және тұрғын үйге кезекте тұрған азаматтардың әлеуметтік осал санаттары үшін кредит бойынша 7% мөлшерлеме, ал азаматтардың барлық санаттары үшін кредит бойынша 9% мөлшерлемемен ұсынылады. Несиенің мерзімі 19 жылға дейін. Бір ескеретіні, соңғы 5 жылда сізде де, сіздің отбасы мүшелеріңізде де меншігінде тұрғын үй&nbsp; болмауы тиіс. Бұған қоса соңғы 6 айдағы ресми кірісті растайсыз. Бұл бағдарлама арқылы Алматы, Астана, Шымкент және облыс орталықтарында бастапқы тұрғын үй сатып алуға болады. Моноқалалар мен ауылдарда жылына бөлінетін қаражаттың жалпы көлемінің 30% - нан аспайтын қайталама тұрғын үй сатып алуға мүмкіндік берілген, – дейді «Отбасы Банкі»-АҚ-ның Қызылорда облысы филиалы, Арал аудандық кеңес беру орталығының қаржылық кеңесші Үрлән Қуатбаева.</blockquote>Бағдарлама 8 жылға бағытталған. Жыл сайын «Наурыз» бағдарламасына 200 миллиард теңге бөлінеді. Жалпы осы уақыт ішінде Қазақстанның 68 000 азаматын өз тұрғын үйімен қамтамасыз ету жоспарлануда. Биылғы жылы қоныс тойын 12 мың қазақстандық тойлай алады.Атап өту керек, ақпарат көздерінің мәліметіне сүйенсек, аталған бағдарлама іске қосылған шақтан бастап 3 мыңнан астам қазақстандық өтініш білдірген. Өкінішке орай, өлшем шартына сәйкес келмеген көпшілігінің өтініші қанағаттандырылмапты. «Наурыз» бағдарламасы бойынша тұрғын үй алуға өтініштер маусым айының соңына дейін жалғасатын болады.&nbsp;Бұдан өзге де әр өңірдің халқына тиімді етіп жасалған тұрғын үй бағдарламасы бар. Бүгінгі Арал ауданы халқына оңтайлы бағдарламаға кеңінен тоқталып өткен «Отбасы Банкі» АҚ-ның Қызылорда облысы филиалы, Арал аудандық кеңес беру орталығының қаржылық кеңесшісі Үрлән Қуатбаева айтуынша, аудан бойынша да аталған банктен есепшот ашқан тұрғындар баршылық. Және қоныс тойын тойлағандардың да қарасы қалың екен. Демек, бұл тиімді бағдарлама арқылы да қоныс тойын тойлау бақыты аралдықтарға да бұйырады деген сөз.

«Наурыз» тұрғын үй бағдарламасы Аралда қалай жүріп жатыр?

<a href="https://kyzylorda-news.kz/">Kyzylorda-news.kz.</a> Биыл 1 наурыздан бастап еліміздің барлық өңірлерінде, республикалық маңызы бар қалаларда және Астанада &nbsp;өңірлік кадр резерві бастау алған болатын. Оған 35 жастан аспаған, жоғары білімді және 3 жылдан кем емес жалпы еңбек өтілі бар Қазақстан Республикасының азаматтары қатысты. Бұл туралы Қазақстан Республикасының Мемлекеттік қызмет істері агенттігінің Қызылорда облысы бойынша департаменті басшысының орынбасары Мирамкүл Бибітова баяндады.&nbsp;Жобаның мақсаты - жас басқарушылардың өңірлік пулдарын қалыптастыру және өңірлерді дамытуға талантты жастарды тарту.Іріктеуді Қызылорда облысының өңірлік Кадр комиссиясы жүзеге асырады. Іріктеу жүргізілетін салалық бағыттар айқындалған: индустрия және өнеркәсіп, экономика және қаржы, әлеуметтік сала, тұрғын-үй коммуналдық шаруашылық және инфрақұрылым, агроөнеркәсіптік кешен және жер қатынастары, цифрландыру, экология.Резервке іріктеу бес кезеңнен тұрады.Бірінші кезеңінде өңірлік кадрлық резервке 235 үміткердің құжаты қабылданды.Екінші кезең екі блокта өтті. Оның бірінші блогы - заңнаманы білуге арналған тестілеуге 226 үміткер тіркеліп, оның 220-сы тестілеу тапсырды, 6 үміткер тестілеу өтуден бас тартты. Екінші блок- жеке қасиеттерді бағалауға арналған тестілеуге 115 үміткер жіберіліп, оның 114-і тіркелді, ал 1 адам тестілеуге қатысудан бас тартты. Нәтижесінде 51 үміткер кадр резервінің келесі үшінші кезеңіне жіберілді. Бұл кезең «Құзыреттерді бағалау» осы жылдың 13-29 мамыр аралығында Астана қаласында Мемлекеттік басқару академиясының базасында оффлайн форматта өтеді. Аталған кезеңде кандидаттардың мінез-құлық индикаторларының жиынтығы арқылы &nbsp;белгілі бір құзыреттерді (белсенділік, қызметті басқару, мәселелерді талдау және шешу, көшбасшылық, сенімділік қасиеттерін) анықтайды.51 үміткердің басым бөлігін мемлекеттік қызметшілер, халыққа қызмет көрсету орталықтарының және жеке сектордың қызметкерлері мен мұғалімдер құрайды. Іріктеудің төртінші кезеңі - «Комиссиядағы құрылымдық сұхбатқа» әрбір кандидат өзінің таңдаған салалық бағытына сай әзірлеген жобасын презентациялайды. Презентация 5 слайдтан тұруы тиіс, қорғауға 5 минут уақыт беріледі. Комиссия үміткерлерді келесі критерийлерге сәйкес бағалайды:- аналитика; - білімнің тереңдігі; - қарым-қатынас дағдылары.Соңғы кезең - комиссия отырысында комиссияның шешім қабылдауы. Өңірлік резервке өңірімізде 25 &nbsp;адам алынады. Резервте болу мерзімі 2 жылды құрайды. Жерлестерімізге сәттілік тілей отырып, осы соңғы кезеңге дейін жетіп &nbsp;жеңімпаз атануына тілектеспіз! &nbsp;

Мирамкүл Бибітова: Өңірлік кадрлық резервке іріктеу аяқталуға жақын

<a href="https://kyzylorda-news.kz/">Kyzylorda-news.kz.</a> Бүгінде ауданның автомобиль жолдарының жалпы ұзындығы – 240,9 шақырымды құрайды. Оның 50 шақырым республикалық, 60,6 шақырымы облыстық, 130,3 шақырымы аудандық маңызы бар автомобиль жолдары. Аудандық маңызы бар автомобиль жолдарының 113,7 шақырымы немесе 87,3% жақсы және қанағаттанарлық жағдайда, 16,6 шақырымы&nbsp; немесе 12,7% қанағаттанарлықсыз жағдайда.Жалағаш ауданы бойынша ұзындығы 239,4 шақырымды құрайтын 222 көше бар. Оның 177,8 шақырымы немесе 74% қанағаттанарлық, 52,8 шқ немесе 26% қанағаттанарлықсыз жағдайда. 2024 жылға жол жөндеу бағытында құны 7млрд. 558,0млн.&nbsp;теңгені құрайтын 24 жобаны (5 жол, 93 көше, 1 көпір) қаржыландыру үшін облыстық жолаушылар көлігі және автомобиль жолдары басқармасына бюджеттік өтінімдер тапсырылды.Оның ішінде, 2024 жылға бекітілген облыстық бюджеттен&nbsp; жол жөндеу бағытында 1млрд 594,2млн.теңге қаралып, бірқатар жобалар қаржыландырылды. Мәселен, ұзындығы 3,7 шақырым құрайтын «Жаңақоныс-Таң» аудандық маңызы бар автомобиль жолын реконструкциялау жұмыстарына облыстық бюджеттен 287,6 млн.теңге қаралды.&nbsp;Одан бөлек, жалпы ұзындығы 2,0 шақырым құрайтын «Таң-Самұрат» аудандық маңызы бар автомобиль жолын реконструкциялауға 118,8 млн.теңге облыстық бюджеттен қаралып, қазіргі таңда мемлекеттік сатып алу рәсімдері жүргізілуде.&nbsp;Сондай-ақ ұзындығы 1,3 шақырым құрайтын «Самара-Шымкент-Жосалы-Жалағаш-М.Шаменов» аудандық маңызы бар автомобиль жолын күрделі жөндеу жұмыстарына облыстық бюджеттен 305,1 млн.теңге бөлінген болатын. Қазіргі таңда мемлекеттік сатып алу рәсімдері жүргізілуде.Жоба құны 403,2 млн.теңге құрайтын Бұқарбай батыр ауылының 11 көшесінің құралысы жұмыстарына 50,0 млн.теңге республикалық бюджеттен қаралып, конкурс нәтижесімен мердігер мекеме «Қыран» ЖШС жеңімпаз болып танылды. Бүгінгі күнге келісім шарт жасалды. Жетіспейтін қаржы 333,2 млн.теңге. Техникалық қадағалаушы «SD Проект Консалтинг» ЖШС, авторлық қадағалаушы «Мекен и К» ЖШС.Жалпы ұзындығы 4,0 шақырым құрайтын Есет батыр ауылының 5 көшесін күрделі жөндеу жұмыстарына облыстық бюджеттен 545,8 млн.теңге қаралып, конкурс нәтижесімен медігер мекеме «Ақтоған» ЖШС жеңімпаз болып танылды. Бүгінгі күнге келісім шарт жасалды. Техникалық қадағалаушы «SD Проект Консалтинг» ЖШС. Авторлық қадағалаушымен шарт бір көзден отырылады.Былтыр жалпы құны 457,1 млн.теңге құрайтын Аққұм ауылының 10 көшесін күрделі жөндеу жұмыстарына 147,0 млн.теңге бөлініп, 2 көшеге асфальт жабыны төселген болатын. Жоба 2024 жылға өтпелі. Биылғы жылы жобаны толық аяқтауға облыстық бюджеттен жетіспейтін 286,8 млн.теңге бөлінген. Мердігер мекеме «Ақтоған» ЖШС, техника қадағалаушы «Тұран құрылыс» ЖШС, авторлық қадағалаушы «Инженерные изыскания и К» ЖШС.Аудан бюджетінен бөлінген 17,0млн.теңгеге апатты деп танылған 2 көпірге қайта жаңғыртуға ЖСҚ әзірленуде. Толығырақ тоқталып өтсек, биыл «Самара-Шымкент-Мәдениет-Т.Жүргенов-Жаңаталап-Аққыр» аудандық маңызы бар автомобиль жолының бойындағы «Қорқытбай» каналының көпірін қайта жаңғырту жұмыстарына 7,5млн.теңге қаралып, жобалау-сметалық құжаттама әзірленуде. Жобалаушы мекеме «Проинсет» ЖШС.Одан бөлек, «Самара-Шымкент-Мәдениет-Т.Жүргенов-Жаңаталап-Аққыр» аудандық маңызы бар автомобиль жолының бойындағы «Пірман» каналының көпірін қайта жаңғырту жұмыстарына 8,4млн.теңге қаралып, мемлекеттік сатып алу рәсімдері жүргізілуде.Мұнан бөлек, биылғы жылы газдандыру бағытында 1 млрд 298 млн теңгені құрайтын 6 жобаны қаржыландыру үшін облыстық энергетика және тұрғын үй коммуналдық шаруашылық басқармасына бюджеттік өтінім тапсырылған.Оның ішінде, 2024 жылға бекітілген облыстық бюджеттен газдандыру бағытына 237 млн теңге қаралып, бірқатар жобалар қаржыландырылды. Атап айтқанда, жоба құны 684,1млн.теңге құрайтын М.Шаменов елді мекенін газдандыру жұмыстарына 2023 жылы облыстық бюджеттен 63.8млн теңге бөлініп, &nbsp;қаржы шегінде тиісті жұмыстары жүргізілген болатын.Биыл ұлттық қордан 100млн теңге, облыстық бюджеттен 4,5млн.теңге қаралып, бүгінгі күнге жоғары қысымды газ құбырын тарту жұмыстарының 80 пайызы орындалды. Мердігер мекеме «АЭS and Limited» ЖШС, техникалық қадағалаушы «Нұрай сервис» ЖШС, авторлық қадағалаушы «Жамбылагрогазпроект» ЖШС. Жоба құны 545,2млн.теңге құрайтын Ақсу елді мекенін газдандыру 2023 жылы облыстық бюджеттен 20,0млн теңге қаржы қаралып, жұмыстар атқарылған болатын.2024 жылға құрылыс монтаждау жұмыстарын жалғастыру үшін ұлттық қордан 100 млн теңге, облыстық бюджеттен 31,7млн теңге бөлініп, қазіргі таңда орта қысымды газ құбыры тартылуда. Мердігер мекеме «АЭS and Limited» ЖШС, техникалық қадағалаушы «Нұрай сервис» ЖШС, авторлық қадағалаушы «Прикаспийское управление строительства-Шымкент» ЖШС.&nbsp;Сонымен қатар, жоба құны 6,5 млн теңге құрайтын&nbsp;Жалағаш кентіндегі «Жалағаш аудандық ішкі саясат бөлімі» КММ-сі (Қазіргі кент әкімі аппаратының ғимараты) ғимаратын табиғи газға ауыстыру жолымен қазандықты қайта жаңғырту жұмыстарын жүргізуге аудандық бюджеттен қаржы толық бөлініп, құрылыс монтаждау жұмыстары жүргізілуде. Мердігер мекеме «Р и А - Сервис ЛТД» ЖШС, техникалық қадағалаушы «Раян и К» ЖШС, авторлық қадағалушы «СанжарПроектСервис» ЖШС.&nbsp;«Жалағаш аудандық жұмыспен қамту әлеуметтік бағдарламалар және азаматтық хал актілерін тіркеу бөлімі» КММ-сі ғимаратын табиғи газға ауыстыру жолымен қазандықты қайта жаңғырту жұмыстарын (жоба құны 19,4 млн теңге) бастау үшін аудандық бюджеттен 2,7 млн теңге бөлінді. Құрылыс монтаждау жұмыстары ақпан айында басталатын болады. Жобаны аяқтауға жетіспейтін қаржыға (15,7 млн теңге) облыстық энергетика және тұрғын үй-коммуналдық шарушалық басқармасына бюджеттік өтінім ұсынылды.Сонымен қатар, Жалағаш кентіндегі №123 мектеп-лицейін табиғи газға ауыстыру жолымен қазандықты реконструкциялау жұмыс жобасына жобалау-сметалық құжаттар әзірлеу үшін облыстық бюджеттен 3,528 мың теңге бөлінді. Жоба-сметалық құжаттар әзірленіп, мемлекеттік сараптама қорытындысы алынды. Жобаны қаржыландыру үшін бюджеттік өтінім облыстық энергетика және тұрғын үй-коммуналдық шаруашылық басқармасына ұсынылды. Жоба құны – 27,0 млн теңге.Жалағаш кентіндегі №246 орта мектепті табиғи газға ауыстыру жолымен қазандықты реконструкциялау жұмыс жобасына жобалау-сметалық құжаттар әзірлеу үшін облыстық бюджеттен 3,641 мың теңге бөлінді. Жоба-сметалық құжаттар әзірленіп, мемлекеттік сараптама қорытындысы алынды. Жобаны қаржыландыру үшін бюджеттік өтінім облыстық энергетика және тұрғын үй-коммуналдық шаруашылық басқармасына ұсынылды. Жоба құны-15, 4 млн. теңге.&nbsp;Елді мекендерді ауыз тумен қамту да күн тәртібінен түспеген өзекті мәселелердің бірі. Бүгінде бұл бағытта бірқатар жұмыстар атқарылды. Мәселен, Таң елді мекенін шаруашылық - ауыз сумен жабдықтау үшін жер асты суларын өндіруге арналған №2-Т барлау пайдалану ұңғымасын бұрғылап, салу жұмыстарына жобалау-сметалық құжаттарын әзірлеуге МСА конкурсы рәсімдері жүргізілуде. Сондай-ақ Бұқарбай батыр елді мекенінде 1 дана (50 м³ - 8,4 млн теңге), Жаңаталап елді мекенінде 1 дана (25 м³ - 4,99 млн теңге), су мұнарасын сатып алу үшін облыстық энергетика және ТКШ басқармасына бюджеттік өтінім ұсынылды.Мұнан бөлек, Таң елді мекеніндегі А. Мықтыбаев, С. Сейфуллин, Ш. Уалиханов, Қарасу көшелерін жарықтандыру жұмыстарына жобалау-сметалық құжаттар әзірленді. Жоба құны 114,3 млн. теңге. Жобаны қаржыландыру үшін бюджеттік өтінім облыстық энергетика және тұрғын үй-коммуналдық шаруашылық басқармасына ұсынылды. Одан бөлек, Қаракеткен елді-мекеніне аудандық маңыздағы кіре-беріс жолды жарықтандырудың құрылыс жұмыстарын жүргізуге жобалау-сметалық құжаттар әзірленді. Жоба құны 90,5 млн теңгені құрайды. Жобаны қаржыландыру үшін бюджеттік өтінім облыстық энергетика және тұрғын үй-коммуналдық шаруашылық басқармасына ұсынылды.Көппәтерлі тұрғын үйлерді күрделі жөндеуден өткізу бүгінде оң шешімін тапты. Бұған дейін. ауданда 27 көппәтерлі тұрғын үйлердің 26-на күрделі жөндеу жұмыстарын жүргізуді қажет еткен болатын. 2014-2023 жылдар аралығында 10 көппәтерлі тұрғын үйлерге күрделі жөндеу жұмыстары жүргізілген. Қазіргі таңда күрделі жөндеуді қажет ететін тұрғын үйлер саны – 16.&nbsp;Бүгінгі күнге күрделі жөндеу жұмыстарын қажет ететін 8 көппәтерлі тұрғын үйдің 2-не (Т.Үркімбаев көшесі №1, №2 үй) күрделі жөндеу жұмыстарын жүргізу үшін республикалық бюджеттен 5,8 млн теңге бөлінді. Қазіргі таңда күрделі жөндеу жұмыстарын жүргізуге көппәтерлі тұрғын үйлердің пәтер иелерінен келісім алынуда.

Жалағашта автомобиль жолдары жақсарып келеді

<a href="https://kyzylorda-news.kz/">Kyzylorda-news.kz.</a> &nbsp;Қазір адамдар бұрынғыдай емес, психологиялық білім алып, өзін түзеуге, өзгертуге бейімделіп келеді. Рас, қоғамда психолог кеңесіне жүгінгендер көбейді. Қазіргі уақытта білім беру жүйесінде психологиялық қызметке ерекше көңіл бөлінуде. Жеке тұлғаның өмірге құштарлығының артуы, болашағына сеніммен қарап, нақты шешімдер қабылдауы мектеп қабырғасынан бастап қаланады. Ал балаларға қатысты мектептегі мәселелерді шешу мен алдын алу үшін әр мектепте психолог жұмыс істейді. Соның бірі қармақшылық &nbsp;– Бағлан Нухиев.&nbsp;Кейіпкеріміз мектеп оқып жүргеннен-ақ психология саласына қызығушылығы оянады. Осылайша Қорқыт ата атындағы Қызылорда университетінің психология мамандығы бойынша оқуға түседі. Оны тәмамдаған соң Т.Көмекбаев атындағы №250 мектеп-лицейіне &nbsp;педагог-психолог болып жұмысқа орналасады. 2015-2016 жылдары ауданымыздағы аграрлы-техникалық колледжінде педагог-психолог болып жұмыс істесе, 2017 жылдан бері Ш.Уәлиханов атындағы №26 орта мектепте педагог-психолог болып еңбек етеді.&nbsp; "Мамандықтың жаманы жоқ. Алайда, оның қай-қайсысына да бейімділік пен икемділік қажет екені белгілі. Психолог мамандығы – күнелту, тамақ асыраудың жолы емес, үлкен өнер мен зор шеберлікті қажет ететін іс" деген екен Жүсіпбек Аймауытов. Біздің әңгімемізге арқау болып отырған кейіпкеріміз бұл саланы өзінің жан қалауымен таңдағанын айтады.&nbsp;<blockquote>– Негізінде әр адамның бала күнінде әр мамандыққа сәйкес өзіндік мінезі, қабілеті байқалып отырады. Сол сияқты менің де бала күнімнен әжем, анам осы салаға деген қабілетімді арттырып, яғни мақтау білдіріп отырды. "Сен үлкендермен жақсы тіл табысасың, кім-кімнің де көңілін тез табасың" деген сөздерді үнемі айтатын. Кейін келе өзіме де осы жас бүлдіршіндермен, балалардың қызықты мәселелерін тыңдап, солармен ішін ара шешу ұнайды. Үлкен өмір жолын таңдағанда да осы салаға қызығушылық таныттым. Айтқым келгені психология саласының ең бір негізгі мақсаты – әр адамның көңілінен шыға білу, жеңіл тіл табысу олардың ой түкпірінде жатқан мәселелерді анықтау. Сондықтан бойымдағы өз қабілеттеріме сене отырып осы мамандыққа келдім, – дейді Бағлан Иманшаұлы.</blockquote><figure class="image image_resized" style="width:75%;"><img src="https://knadmin.beoblood.kz/uploads/32e9a8cf_ee3a_4225_b48e_7bf077784437_06505088e4.jpg" alt="32e9a8cf-ee3a-4225-b48e-7bf077784437.jpg"><figcaption>Бағлан Нухиев</figcaption></figure>&nbsp;Психолог болу өзгелердің ешкімге айта алмайтын ішкі сырын, жанын жегі¬дей жеген мәселелерін ішінде сақтап жүретін үлкен жүректі талап ететін мамандық. Сырт қарағанда еш уайымсыз, қайғысыз балалықтың бақытты шағының қызығын көріп жүрген жасөспірімдердің жан дүниесіне үңіліп, ішкі сарайларын ашып, мазалап жүрген мәселелеріне ортақ¬тасуға бұл жанның септігі мол.&nbsp;<blockquote>– Мектеп психологы балалармен психологиялық қызметтің әдістемелік, диагностикалық, кеңес беру, коррекциялық (түзету жұмыстары), ағарту және профилактикалық бағыттар бойынша жұмыс жасаймыз. Топтық жеке тренингтер өткізіп, балаларға жағымды көңіл күй сыйлаймыз. Біз, психологтер, оқушылармен әрдайым бір толқында жүреміз. Қандай бағытты, көзқарасты ұстанбасын, білім алушыларды қабылдаймыз, көмек береміз. Балалар көбінесе құрдастары арасындағы проблемалар, &nbsp;ата-анасымен қарым-қатынас мәселелерін айтып келіп жатады. Тренинг, консультация, жоспар бойынша сабақтар сынып жетекші немесе әкімшіліктің сұранысы бойынша &nbsp;бүкіл сыныпқа өткізіледі. Мысалы, интернетке тәуелділік, буллинг, стресс, психикалық денсаулық туралы, бейімделу процесі секілді мәселе бойынша оқушылармен жүйелі жұмыстар жүргіземіз, – дейді ол. &nbsp;</blockquote>Психолог – үнемі ізденуді талап ететін, адам жанына араша бола алатын айырықша мамандық. Мұны осы қызметте тұрақты түрде жұмыс істеп келе жатқан тәжірибелі маманмен сөйлескен аз-кем уақытта түсіне түстік.&nbsp; &nbsp;&nbsp;Фото: reoveme.com

Бағлан Нухиев: Баламен тіл табысу маңызды 

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт&nbsp;Тоқаев&nbsp;зейнетақы&nbsp;жүйесін айтарлықтай өзгерту керегін атап өткен болатын. "Ең төменгі базалық&nbsp;зейнетақы&nbsp;мөлшерлемесін ең төменгі күнкөріс деңгейінің 70 пайызына, ал ең жоғарысын 120 пайызға дейін жеткізу қажет. Бұрын қабылданған шешімдермен бірге бұл 2025 жылға қарай жалпы&nbsp;зейнетақыны&nbsp;орта есеппен 27 пайызға арттыруға мүмкіндік береді", - деген еді мемлекет басшысы.Бүгінгі күні тұрғындардың көпшілігін “зейнетақы қорындағы қаржыны қалай алуға болады?” деген сұрақ мазалайды. Және оның заңдылықтары турасында көбі біле бермейді.&nbsp;<blockquote>– Қазақстаннан тыс жерлерге кеткен БЖЗҚ-да зейнетақы жинақтары бар шетелдіктер мен азаматтығы жоқ адамдар зейнетақы жинақтарын зейнет жасына толғанға дейін толық көлемде ала алады. Алу үшін олар Қорға өзі пошта арқылы не сенім білдірілген өкілі немесе заңды өкілі арқылы БЖЗҚ сайтынан білуге болатын құжаттар тізбегін ұсынулары қажет. Осыдан кейін зейнетақы төлемі он жұмыс күні ішінде біржола төленеді. Сондай-ақ, зейнетке еңбек сіңірген жылдары бойынша шыққан қазақстандықтар өздерінің барлық зейнетақы жинақтарын тұрғын үй жағдайларын жақсартуға және емделуге пайдалана алады. Еңбек сіңірген жылдары үшін зейнетақы төлемдерін алуға құқығы бар адамдардың толық тізбесі Әлеуметтік кодекстің 212-бабында айқындалған. Тұрғын үй жағдайларын жақсартуға арналған біржолғы зейнетақы төлемдерін пайдалану үшін еңбек сіңірген жылдары бойынша зейнеткерлер Отбасы банкіне немесе екінші деңгейдегі басқа банктерге, ал емделу ақысын төлеу үшін тек Отбасы банкіне жүгіне алады. Сондай-ақ, зейнетақы жинақтарының бір бөлігін тұрғын үй жағдайларын жақсартуға және емделуге ақы төлеу үшін БЖЗҚ-да міндетті зейнетақы жарналары есебінен қалыптастырылған зейнетақы жинақтары бар адамдар пайдалана алады. Тек мұндай адамдардың зейнетақы жинақтарының сомасы ең төменгі жеткіліктілік шегінен асатын болуы керек. БЖЗҚ-да жинақтары бар, қазіргі кезде зейнетақы төлемін алып жүрген зейнеткерлер. Олар тұрғын үйге және емделуге қалған сомасының 50 пайызына дейін пайдалана алады. Бірақ олардың жиынтық зейнетақысы бұрын алған жалақысының кемінде 40 пайызын құраған жағдайда ғана осы мүмкіндікке қол жеткізе алады,- дейді&nbsp;БЖЗҚ-ның Қызылорда облыстық филиалының Арал қаласындағы қызмет көрсету орталығының басшысы Ғалия Айболсынова.</blockquote>&nbsp;Әлеуметтік кодекстің ережелерінде БЖЗҚ-дан зейнетақы төлемдеріне негіз бола алатын жағдайлардың нақты тізбесі көрсетілген. Оның ішінде алушының қайтыс болуына байланысты жасалатын төлем де бар. Тиісінше, БЖЗҚ зейнетақы жинақтары сомасының есебін жүргізуді алушы немесе оның мұрагері осы соманы талап еткенге дейін жалғастыра береді. Сонымен қатар, Қазақстан Республикасының Азаматтық кодексіне сәйкес, егер өсиет бойынша және заң бойынша мұрагерлер болмаса, не мұрагерлердің ешқайсысының мұрагерлікке құқығы болмаса, олардың барлығы мұрадан бас тартса, мұра иесіз мүлік болып танылады және мұра ашылған жер бойынша коммуналдық меншікке өтеді.Сонымен бірге Қазақстан Республикасының Әлеуметтік кодексіне сәйкес Бірыңғай жинақтаушы зейнетақы қорына міндетті зейнетақы жарналарын төлеуден мүгедектігі мерзімсіз болып белгіленсе, бірінші және екінші топтағы мүгедектігі бар адамдар босатылады. Сонымен қатар, жұмыс берушіге жоғарыда аталған адамдардың өтініші негізінде БЖЗҚ-ға МЗЖ ұстап қалуға және аударуға рұқсат етіледі. Осылайша, мерзімсіз белгіленген бірінші немесе екінші топтағы мүгедектігі бар отандастарымыз жұмыс орны бойынша БЖЗҚ-ға МЗЖ ұстап қалуға келісім беру туралы өтініш беруге құқылы. Олар егер мүгедектігі мерзімсіз болып белгіленсе, БЖЗҚ-дан берілетін зейнетақы төлемдерін белгіленген кесте бойынша ай сайынғы зейнетақы төлемдері түрінде алуға құқылы.&nbsp;Тағы айта кетерлігі, салымшылардың зейнетақы шоттарындағы өздерінің жинақтарының жай-күйін үнемі қадағалап отырғаны жөн. Сонымен қатар қордағы жеке зейнетақы шоттарыңызға зейнетақы жарналарының түсуіне баса назар аударған жөн. Себебі кейде жұмыс беруші өзінің міндеттерін толық орындамайтын, немесе мүлде аударым жасамайтын жағдайлар да кездесті. Сондықтан шоттарыңыздағы жинақтарды назарда ұстап отырған жөн. Жеке зейнетақы шотыңыздын үзінді көшірме алу – салымшының заңмен бекітілген құқығы. Қазіргі таңда ақпаратты аудың ең ыңғайлы тәсілі сайттағы немесе БЖЗҚ ұялы қосымшасындағы жеке кабинет. Ол үшін жеке кабинетте бір рет тіркелу қажет. Мұны дерекқорына тіркелген телефон нөміріне келген СМС&nbsp; алу арқылы жасауға болады. Сондай-ақ, электрондық цифрлық қолтаңбаның көмегімен немесе БЖЗҚ-ның кез келген бөлімшесіне бару арқылы іске асыруға болады.<blockquote>– Зейнетақы жинақтарының бір бөлігін тұрғын үйге және емделуге пайдалану құқығына белгілі бір жеткілікті шегінен асатын жинақтары бар, зейнетақы төлемін алып жүрген зейнеткерлер БЖЗҚ-дағы зейнетақы жинақтарының қалған соммасының 50 пайыздан аспайтын шекте, сақтандыру компаниялармен өмірлік аннуитеттік төлемдерді қамтамасыз ететін зейнетақы аннуитеті шарттарын жасасқан тұлғалар пайдалануға құқылы. Еңбек сіңірген жылдары бойынша зейнеткерлер - оларға МЗЖ есебінен қалыптастырылған өздерінің зейнетақы жинақтарының барлық мөлшерін пайдалануға құқық берілді. Егер осы санаттағы азаматтардың біріне жататын кез келген адам зейнетақы жинақтарын шектеусіз пайдалана алады,-дейді&nbsp;Ғалия Айболсынова.</blockquote>

Қазақстан және Қызылорда облысының жаңалықтары: Қоғам