<a href="https://kyzylorda-news.kz/">Kyzylorda-news.kz</a> Қызылорда қаласындағы «Достық» үйінде «Мемлекеттік рәміздер – тәуелсіздік символы» атты облыстық семинар өтті.Шараға Қазақстан Республикасы Мәдениет және ақпарат министрлігінің Архив, құжаттама және кітап ісі комитетінің Геральдикалық жұмыс басқармасының басшысы Гүлдана Аргенова, облыстық қоғамдық даму басқармасының басшысы Руслан Каюпов және облыстық мемлекеттік мекеме қызметкерлері қатысты.<img src="https://knadmin.beoblood.kz/uploads/seminar_b11a62226d.jpeg" alt="семинар.jpeg">Арнайы шақыртумен келген министрліктің Геральдикалық жұмыс басқармасының басшысы Гүлдана Мәлікқызы Мемлекеттік рәміздердің қолданылуы және орналастыру тәртібі туралы толыққанды баяндама жасап, қатысушылардың өзекті сұрақтарына жауап берді.Семинар барысында, Мемлекеттік рәміздердің ресми қолданылуы мен орналастырылуы Қазақстан Республикасының Конституциялық заңымен реттелетіні, рәміздерге қатысты жан-жақты талаптары кеңінен талқыланды.<img src="https://knadmin.beoblood.kz/uploads/seminar_3_d922508650.jpeg" alt="семинар.jpeg">Сонымен қатар, қазіргі ақпараттық кеңістікте Мемлекеттік рәміздерді талапқа сай орналастырмау немесе тозған рәміздерді уақытылы ауыстырмау жағдайлары қоғам назарынан тыс қалмайтыны айтылды.<img src="https://knadmin.beoblood.kz/uploads/seminar_2_8aa212ada2.jpeg" alt="семинар.jpeg">Айта кету қажет, жалпы облыс көлемінде облыстық қоғамдық даму басқармасы тарапынан Мемлекеттік рәміздердің заң талаптарына сәйкес қолданылуы және орналастыруына тоқсан сайын мониторнинг жүргізіліп келеді.Мониторинг топ құрамына Полиция департаменті, ҚР Сауда және интеграция министрлігінің Техникалық реттеу және метрология комитетінің Қызылорда облысы бойынша департаменті, аймақтағы ҮЕҰ, БАҚ өкілдері енгізілген.Фото: Қоғамдық даму басқармасы

«Мемлекеттік рәміздер – тәуелсіздік символы» атты облыстық семинар өтті

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаевтың қатысуымен қоғам қайраткері Алмагүл Божанованың 80 жылдығына арналған облыстық ғылыми-танымдық конференция өтті.<img src="https://knadmin.beoblood.kz/uploads/akimat_konferencziya_414739a8ea.jpeg" alt="акимат конференция......jpeg">Іс-шараға зиялы қауым, облыстық мәслихат депутаттары, басқармалар мен аумақтық департаменттердің басшылары, саяси партиялар мен үкіметтік емес ұйымдардың, бұқаралық ақпарат құралдарының өкілдері, Қорқыт ата атындағы Қызылорда университетінің профессор-оқытушылары, А.Божанованың туған-туыстары мен замандас әріптестері қатысты. Сонымен қатар, онлайн байланыс арқылы Қызылорда қаласы мен барлық аудан әкімдері қосылды.<img src="https://knadmin.beoblood.kz/uploads/akimat_konferencziya_0be2cde6b0.jpeg" alt="акимат конференция.jpeg">Конференцияда сөз алған облыс әкімі өңірдің әлеуметтік-экономикалық дамуына Алмагүл Божанқызының қосқан үлесін ерекше атап өтті.<blockquote>«Алмагүл Божанқызы – білімімен, халықшыл болмысымен, еліміздің дамуына зор үлесін қосқан заңғар тұлға. Еңбек жолын ұстаздық пен бала тәрбиесі ісінен бастап, қоғамдық-саяси қызметке дейін өрбіткен ол еңбекқорлықтың нағыз үлгісін көрсетті. Тереңөзек ауданын басқарып, Тәуелсіздік жылдарындағы әйелдер арасынан шыққан алғашқы әкім ретінде ел тарихында өзіндік ізін қалдырды.Бұл ел дамуындағы ең күрделі, жауапты уақыт еді. Осындай кезеңде ауданның әлеуметтік-экономикалық дамуына серпін беріп, негізгі көрсеткіштер бойынша алдыңғы қатарда болуына аянбай еңбек етті.Еліміздің жарқын болашағына бар күш-жігерін жұмсаған, туған жеріне адал қызмет еткен қайраткер тұлғаның есімі әрдайым ел жадында сақталады», – деді аймақ басшысы.</blockquote>Шарада Алмагүл Божанованың ауыл шаруашылығын, әлеуметтік саланы дамытуға, шағын және орта бизнесті қолдауға бағытталған жүйелі бастамалары кеңінен айтылды. Соның нәтижесінде бірқатар ауылдың өндірістік әлеуеті артып, даму үдерісі жалғасын тапқаны атап өтілді.<img src="https://knadmin.beoblood.kz/uploads/akimat_konferencziya_953226e484.jpeg" alt="акимат конференция.jpeg"> Ол облыстық мәслихат депутаты, хатшысы, «Нұр Отан» партиясы облыстық филиалы төрағасының орынбасары қызметтерінде нәтижелі еңбек етіп, өңірдің қоғамдық өміріне белсенді араласты. «Ұрпақтан-ұрпаққа» қоғамдық бірлестігінің негізін қалап, азаматтық қоғам институттарының дамуына елеулі үлес қосты.Жиында Қазақстанның Еңбек Ері Абзал Ералиев, қоғам қайраткерлері Нажмадин Мұсабаев, Әріп Хожбанов, «Ақмешіт ақшамы» газетінің бас редакторы Сәрсенкүл Бихожа және филология ғылымдарының кандидаты Айман Айтбаева оның ерен еңбегі мен ғибратты ғұмыры туралы естеліктерін бөлісті.Айта кетейік, Алмагүл Божанқызы «Құрмет», «Парасат» ордендерімен марапатталған, Қызылорда облысының құрметті азаматы атанған. «Ердің бағын жандырған ер Балдырған», «Сыр елім –жерұйығым» сынды онға жуық кітап шығарып, аймақ руханиятында да өзіндік қолтаңбасын қалдырды.Фото: Қызылорда облысы әкімінің баспасөз қызметі

Алмагүл Божанованың 80 жылдығына арналған облыстық ғылыми-танымдық конференция өтті

<a href="https://kyzylorda-news.kz/">Kyzylorda-news.kz</a> &nbsp; Қазіргі таңда Әйтеке би кенті – Арал қаласы аралығындағы республикалық маңызы бар KAZ06 «Қарабұтақ – Қызылорда – Шымкент» автомобиль жолының іріктелген 10 км учаскесінде орташа жөндеу жұмыстары жүргізілуде. Мердігер мекеме – жергілікті «Арал Құрылыс» ЖШС.Жөндеу барысында жолдың жер төсемі қазылып, жол жабыны қайта қалпына келтірілуде. Қазіргі кезде көлік қозғалысы уақытша айналма жол арқылы ұйымдастырылған.Сонымен қатар, жолдың техникалық жағдайына байланысты км 1402–1433 аралығындағы 31 км учаскеде ақы алу уақытша тоқтатылған.<div class="raw-html-embed"><blockquote class="instagram-media" data-instgrm-captioned="" data-instgrm-permalink="https://www.instagram.com/reel/DYwqYOWt7v7/?utm_source=ig_embed&amp;utm_campaign=loading" data-instgrm-version="14" style=" background:#FFF; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);"><div style="padding:16px;"> <a href="https://www.instagram.com/reel/DYwqYOWt7v7/?utm_source=ig_embed&amp;utm_campaign=loading" style=" background:#FFFFFF; line-height:0; padding:0 0; text-align:center; text-decoration:none; width:100%;" target="_blank"> <div style=" display: flex; flex-direction: row; align-items: center;"> <div style="background-color: #F4F4F4; border-radius: 50%; flex-grow: 0; height: 40px; margin-right: 14px; width: 40px;"></div> <div style="display: flex; flex-direction: column; flex-grow: 1; justify-content: center;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 100px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 60px;"></div></div></div><div style="padding: 19% 0;"></div> <div style="display:block; height:50px; margin:0 auto 12px; width:50px;"><svg width="50px" height="50px" viewBox="0 0 60 60" version="1.1" xmlns="https://www.w3.org/2000/svg" xmlns:xlink="https://www.w3.org/1999/xlink"><g stroke="none" stroke-width="1" fill="none" fill-rule="evenodd"><g transform="translate(-511.000000, -20.000000)" fill="#000000"><g><path d="M556.869,30.41 C554.814,30.41 553.148,32.076 553.148,34.131 C553.148,36.186 554.814,37.852 556.869,37.852 C558.924,37.852 560.59,36.186 560.59,34.131 C560.59,32.076 558.924,30.41 556.869,30.41 M541,60.657 C535.114,60.657 530.342,55.887 530.342,50 C530.342,44.114 535.114,39.342 541,39.342 C546.887,39.342 551.658,44.114 551.658,50 C551.658,55.887 546.887,60.657 541,60.657 M541,33.886 C532.1,33.886 524.886,41.1 524.886,50 C524.886,58.899 532.1,66.113 541,66.113 C549.9,66.113 557.115,58.899 557.115,50 C557.115,41.1 549.9,33.886 541,33.886 M565.378,62.101 C565.244,65.022 564.756,66.606 564.346,67.663 C563.803,69.06 563.154,70.057 562.106,71.106 C561.058,72.155 560.06,72.803 558.662,73.347 C557.607,73.757 556.021,74.244 553.102,74.378 C549.944,74.521 548.997,74.552 541,74.552 C533.003,74.552 532.056,74.521 528.898,74.378 C525.979,74.244 524.393,73.757 523.338,73.347 C521.94,72.803 520.942,72.155 519.894,71.106 C518.846,70.057 518.197,69.06 517.654,67.663 C517.244,66.606 516.755,65.022 516.623,62.101 C516.479,58.943 516.448,57.996 516.448,50 C516.448,42.003 516.479,41.056 516.623,37.899 C516.755,34.978 517.244,33.391 517.654,32.338 C518.197,30.938 518.846,29.942 519.894,28.894 C520.942,27.846 521.94,27.196 523.338,26.654 C524.393,26.244 525.979,25.756 528.898,25.623 C532.057,25.479 533.004,25.448 541,25.448 C548.997,25.448 549.943,25.479 553.102,25.623 C556.021,25.756 557.607,26.244 558.662,26.654 C560.06,27.196 561.058,27.846 562.106,28.894 C563.154,29.942 563.803,30.938 564.346,32.338 C564.756,33.391 565.244,34.978 565.378,37.899 C565.522,41.056 565.552,42.003 565.552,50 C565.552,57.996 565.522,58.943 565.378,62.101 M570.82,37.631 C570.674,34.438 570.167,32.258 569.425,30.349 C568.659,28.377 567.633,26.702 565.965,25.035 C564.297,23.368 562.623,22.342 560.652,21.575 C558.743,20.834 556.562,20.326 553.369,20.18 C550.169,20.033 549.148,20 541,20 C532.853,20 531.831,20.033 528.631,20.18 C525.438,20.326 523.257,20.834 521.349,21.575 C519.376,22.342 517.703,23.368 516.035,25.035 C514.368,26.702 513.342,28.377 512.574,30.349 C511.834,32.258 511.326,34.438 511.181,37.631 C511.035,40.831 511,41.851 511,50 C511,58.147 511.035,59.17 511.181,62.369 C511.326,65.562 511.834,67.743 512.574,69.651 C513.342,71.625 514.368,73.296 516.035,74.965 C517.703,76.634 519.376,77.658 521.349,78.425 C523.257,79.167 525.438,79.673 528.631,79.82 C531.831,79.965 532.853,80.001 541,80.001 C549.148,80.001 550.169,79.965 553.369,79.82 C556.562,79.673 558.743,79.167 560.652,78.425 C562.623,77.658 564.297,76.634 565.965,74.965 C567.633,73.296 568.659,71.625 569.425,69.651 C570.167,67.743 570.674,65.562 570.82,62.369 C570.966,59.17 571,58.147 571,50 C571,41.851 570.966,40.831 570.82,37.631"></path></g></g></g></svg></div><div style="padding-top: 8px;"> <div style=" color:#3897f0; font-family:Arial,sans-serif; font-size:14px; font-style:normal; font-weight:550; line-height:18px;">Посмотреть эту публикацию в Instagram</div></div><div style="padding: 12.5% 0;"></div> <div style="display: flex; flex-direction: row; margin-bottom: 14px; align-items: center;"><div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(0px) translateY(7px);"></div> <div style="background-color: #F4F4F4; height: 12.5px; transform: rotate(-45deg) translateX(3px) translateY(1px); width: 12.5px; flex-grow: 0; margin-right: 14px; margin-left: 2px;"></div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(9px) translateY(-18px);"></div></div><div style="margin-left: 8px;"> <div style=" background-color: #F4F4F4; border-radius: 50%; flex-grow: 0; height: 20px; width: 20px;"></div> <div style=" width: 0; height: 0; border-top: 2px solid transparent; border-left: 6px solid #f4f4f4; border-bottom: 2px solid transparent; transform: translateX(16px) translateY(-4px) rotate(30deg)"></div></div><div style="margin-left: auto;"> <div style=" width: 0px; border-top: 8px solid #F4F4F4; border-right: 8px solid transparent; transform: translateY(16px);"></div> <div style=" background-color: #F4F4F4; flex-grow: 0; height: 12px; width: 16px; transform: translateY(-4px);"></div> <div style=" width: 0; height: 0; border-top: 8px solid #F4F4F4; border-left: 8px solid transparent; transform: translateY(-4px) translateX(8px);"></div></div></div> <div style="display: flex; flex-direction: column; flex-grow: 1; justify-content: center; margin-bottom: 24px;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 224px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 144px;"></div></div></a><p style=" color:#c9c8cd; font-family:Arial,sans-serif; font-size:14px; line-height:17px; margin-bottom:0; margin-top:8px; overflow:hidden; padding:8px 0 7px; text-align:center; text-overflow:ellipsis; white-space:nowrap;"><a href="https://www.instagram.com/reel/DYwqYOWt7v7/?utm_source=ig_embed&amp;utm_campaign=loading" style=" color:#c9c8cd; font-family:Arial,sans-serif; font-size:14px; font-style:normal; font-weight:normal; line-height:17px; text-decoration:none;" target="_blank">Публикация от QYZYLORDANEWS (@qyzylordanews)</a></div></blockquote>
<script async="" src="//www.instagram.com/embed.js"></script></div>Фото: Freepik

Арал бағытындағы жолда жөндеу жұмыстары қарқынды жүргізілуде 

<a href="https://kyzylorda-news.kz/">Kyzylorda-news.kz</a> Қазақстандық ата-аналардың едәуір бөлігі балаларының гаджеттерін бақылау үшін арнайы бағдарламаларды пайдаланатынын айтқан, – деп хабарлайды <a href="https://kaz.inform.kz/news/kazakstandik-ata-analar-balalarinin-gadzhettern-kalay-bakilaydi-83642699">Қазақпарат.</a>Қазақстандық қоғамдық даму институты жүргізген зерттеу нәтижесіне сәйкес, сауалнамаға жауап бергендердің 43%-ы балалар құрылғыларын бақылауға мүмкіндік беретін түрлі бағдарламаларды қолданатынын мәлімдеген.Ал респонденттердің 14,8%-ы баланың орналасқан жерін бақылауға арналған арнайы құрылғылар пайдаланатынын көрсеткен.Сонымен қатар ата-аналардың 10,3%-ы мұндай бақылауды баланың жеке кеңістігіне араласу деп санайтынын айтып, бұл әрекетті құптамайтынын жеткізген.Тағы 10%-ы балалар гаджеттерін бақылауға уақыт таппайтынын мәлімдеген.Зерттеу барысында респонденттердің басым бөлігі – 58,9%-ы балалардың экран уақытын бақылауға қатысты сұраққа жауап беруден бас тартқан.Сарапшылардың пікірінше, зерттеу нәтижелері балалардың цифрлық қауіпсіздігі мен ата-аналық бақылау мәселесі Қазақстан отбасылары үшін өзекті тақырыптардың біріне айналғанын көрсетеді.Фото: freepik.com

Қазақстандық ата-аналар балаларының гаджеттерін қалай бақылайды?

<a href="https://kyzylorda-news.kz/">Kyzylorda-news.kz</a> Қазақстандағы мал басының саны негізгі санаттар бойынша өсіп жатыр. 2026 жылдың наурыз айының соңындағы жағдай бойынша ірі қара мал саны 9,2 миллионға жетті, бұл өткен жылмен салыстырғанда 2,9% көп. Сиыр саны 2,8% өсіп, 4,5 миллион басқа жетті. Қой саны 2,3% өсіп, 21,1 миллион басқа жетті, ал ешкі саны 2,1% өсіп, 2 миллион басқа жетті. Ең елеулі өсім жылқы саны бойынша тіркелді, бұл өткен жылмен салыстырғанда 7,1% өсіп, 4,8 миллион басқа жетті. Түйе саны 2% өсіп, 312 600 басқа жетті. Бұл туралы <a href="https://stan.kz/qurban-ait-qarsanynda-qazaqstanda-mal-bagasy-osti-434909/">Stan.kz</a> ақпарат агенттігі хабарлайды.Елдегі малдың көп бөлігі үй шаруашылықтарында және фермерлік шаруашылықтарда шоғырланған. 9,2 миллион ірі қара малдың 4,2 миллионнан астамы үй шаруашылықтарында, ал шамамен 4 миллионы жеке кәсіпкерлер мен шаруа қожалықтарында болды.21,1 миллион қойдың жартысынан көбі жеке шаруашылықтарда ұсталады. Ешкі шаруашылығында жеке шаруашылықтар басым, олардың жалпы саны 1,3 миллионнан асады.Ірі қара мал саны бойынша ең үлкен аймақ – Түркістан облысы, онда 1,2 миллион бас бар. Облыс сиыр (590 600), қой (4,7 миллион) және жылқы (509 600) бойынша да көш бастап тұр.Ешкі санының ең көп саны Жетісу облысында тіркелді, онда 232 000 бас бар. Түйе санының ең көп саны Маңғыстау облысында болды, онда 113 600 бас немесе елдегі жалпы санның үштен бір бөлігінен астамы бар.Биыл наурыз айында базарлардағы сиырдың орташа бағасы 489 300 теңге, бұқанікі 526 700 теңге және жылқынікі 581 300 теңге болды. Негізгі мал түрлерінің ішінде түйе ең қымбаты болды: еркек түйенің орташа бағасы 804 000 теңгеден асты, ал ұрғашы түйенің бағасы 782 000 теңге болды. Қойлар басына орта есеппен 77 200 теңгеден, қошқарлар 86 300 теңгеден және ешкілер 46 300 теңгеден сатылды. Құрбандыққа шалынатын жануарларға деген сұраныстың өсуі Құрбан айт қарсаңында нарыққа әсер етті.Сонымен қатар 2026 жылы Қазақстанда Қазақстан мұсылмандары діни басқармасы басқаратын арнайы платформа арқылы онлайн құрбандық шалу мүмкіндігі іске қосылды. Бұл жануарларды сатып алу мен ет таратудың дәстүрлі форматын ішінара өзгертуі мүмкін.Құрбандық шалу қызметінің бағасы таңдалған жануар мен аймаққа байланысты өзгереді. Осылайша ірі қара малдың бағасы 630 000 теңгеден 945 000 теңгеге дейін, қойдың бағасы 100 000 теңгеден 150 000 теңгеге дейін, ешкінің бағасы 55 000 теңгеден 100 000 теңгеге дейін, ал түйенің бағасы тапсырыс беруге болатын барлық аймақта біркелкі – 1,1 миллион теңге.Мал шаруашылығы өнімдерінің тірі салмақтағы құны барлық негізгі мал түрлері бойынша жыл сайын өсті. Ірі қара малдың бағасы өткен жылдың сәуірімен салыстырғанда 15,6%, жылқының бағасы 9%, қойдың бағасы 8,8% өсті.Ірі қара мал бағасының ең айтарлықтай өсуі Абай облысында тіркелді, бұл өткен жылмен салыстырғанда 42,1% көп. Қарағанды ​​(32,3%), Түркістан (30,3%) және Қостанай (28,8%) облыстарында да бағаның айтарлықтай өсуі байқалды.Жылқылар бағасының ең жоғары өсуі Абай (38,8%) және Маңғыстау (24,5%) аймақтарында, ал қойлар бағасының ең жоғары өсуі Абай (42%) және Атырау (28,7%) аймақтарында байқалды.Ірі қара мал бағасы 2023 жылдан 2025 жылға дейін жыл сайын 4%-дан 6%-ға дейін өссе, биыл бұл көрсеткіш 15,6%-ға дейін өсті. Қойлар мен жылқылар үшін де осындай үрдіс байқалады.Фото: Нұрболат Нұржаубай

Құрбан айт қарсаңында құрбандық шалу қымбаттады

<a href="https://kyzylorda-news.kz/">Kyzylorda-news.kz</a> Астана қаласында Қазақстан Республикасы Президентінің Телерадиокешенінің құрылғанына 30 жыл толуына орай республикалық деректі кино апталығы ұйымдастырылып, ел руханиятына серпін берген тағылымды шара өтті.Ауқымды мәдени іс-шараға еліміздің әр өңірінен қоғам белсенділері, зиялы қауым өкілдері, журналистер мен өнерсүйер қауым қатысты.Аталған тағылымды кешке “AMANAT” партиясының Атқарушы хатшысы Кәрібек Даулет Жамаубайұлы да арнайы қатысып қайтты. Елорда төріндегі маңызды мәдени шара барысында Президент Телерадиокешенінің шығармашылық ұжымы түсірген бірнеше мазмұнды деректі фильм көрермен назарына ұсынылды.Әсіресе Арал тағдырына арналған деректі фильм көпшіліктің ерекше ықыласына ие болды. Фильмде теңіз тағдыры тек экологиялық мәселе ретінде ғана емес, халықтың өмірімен, тағдырымен, үмітімен астасқан үлкен тақырып ретінде көрсетілген. Шығармашылық топ фильмнің негізгі кейіпкері ретінде Арал өңірінің тумасы, балықшы Күнтуған Тұрғынбаевты таңдап, қарапайым адамның өмірі арқылы тұтас бір өңірдің тағдырын шебер бейнелей алған.Кештің ең әсерлі сәттерінің бірі – фильмнің басты кейіпкері Күнтуған Тұрғынбаевтың көрермендер арасында отыруы болды. Қаратерең ауылынан арнайы келген балықшы фильмді көпшілікпен бірге үлкен экраннан алғаш рет тамашалап, көрермендермен емен-жарқын әңгіме өрбітті.<blockquote>– Менің бүкіл ғұмырым осы Аралдың жағасында өтті. Теңіз – біздің өткеніміз, бүгініміз және болашағымыз. Президентіміздің Аралға деген жанашырлығы мен қамқорлығын халық ешқашан ұмытпайды. Бүгін осындай фильмнің түсіріліп, Аралдың ұмыт қалмағанын көру – біз үшін үлкен мәртебе, – деді Күнтуған Тұрғынбаев.</blockquote>Бүгінде Арал мәселесі тек бір өңірдің ғана емес, халықаралық деңгейдегі маңызды экологиялық тақырыптардың біріне айналған. Мемлекет басшысы Қасым-Жомарт Тоқаев бастамасымен Халықаралық Аралды құтқару қорының жұмысы жанданып, аймақ елдері арасында бірлескен жобалар жүзеге асырылуда. Соның нәтижесінде Солтүстік Аралға су келе бастады. Балық шаруашылығы қайта дамып, ауылдарда тіршілік жанданып келеді.Кино апталығы барысында көрсетілген туындылар көрерменге тек ақпарат ұсынып қана қоймай, ел тарихын, халық тағдырын, ұлттық құндылықтарды терең сезіндіре алды. Деректі кино – қоғамның шынайы келбетін көрсететін рухани айна екені тағы бір мәрте дәлелденді.&nbsp;

Арал туралы тағылымды туынды көрерменге жол тартты

<a href="https://kyzylorda-news.kz/">Kyzylorda-news.kz</a> Биылғы оқу жылы да аяқталып, мектеп бітіруші түлектердің алтын ұя білім ордасымен қоштасатын сәті де келіп жетті. Бұл күн – мектеп бітіруші түлектер үшін маңызды әрі есте қалатын жарқын сәттердің бірі.Бүгін Қазалы ауданындағы барлық мектептерде мектеп бітіруші түлектерге арналған салтанатты шаралар өтті. Әйтеке би кентіндегі Мұстафа Матаев атындағы №170 мектепте өткен мерекелік салтанатты кешке аудан әкімі Алмасбек Есмаханов қатысып, мектеп бітіруші жас түлектерге жарқын болашақ тілеп, қуанышымен бөлісті.<blockquote>– Бүгін аймағымызда 10 мыңнан аса жас түлек, ал Қазалы ауданында 1015 түлек он бір жыл бойы білім алған алтын ұя мектебімен қоштасып, үлкен өмірге жолдама алғалы тұр. Президентіміз Қасым - Жомарт Кемелұлы «Мектеп – білім мен тәлім - тәрбиенің киелі ордасы. Өскелең ұрпақты білімпаздыққа баулу қаншалықты маңызды болса, оларға дұрыс жол көрсету, бағдар беру де соншалықты маңызды. Біз жастардың адал әрі еңбекқор болып өсуіне ерекше мән беруіміз қажет» деген болатын. Жақында ғана Премьер-Министрдің бірінші орынбасары қызметіне тағайындалған Нұрлыбек Машбекұлы төрт жылдан астам уақыт облысымызды басқарған тұста, Мемлекет басшысының, Үкіметтің қолдауымен 200-ден астам әлеуметтік нысандар бой көтерсе, оның ішінде жаңа заманауи 45 білім беру нысандары ел игілігіне берілді. Қазалы ауданында «Келешек мектептері» ұлттық жобасы аясында Жанқожа батыр ауылында 300 орындық заманауи мектеп пайдалануға берілді. 9 мектепке жөндеу жұмыстары жүргізіліп, бірқатар білім ордалары жабдықталған кабинеттермен қамтамсыз етілді. Бұл жұмыстар – еліміздің кемел келешегіне салынған ең маңызды инвестиция. Аса жауапты әрі қастерлі міндетті абыроймен атқарып жүрген барша ұстаздар қауымына Сыр жұртшылығының және облыс әкімі Мұрат Нәлқожаұлының атынан зор ризашылығымды білдіремін. Барша жас түлектерге қанаттарыңыз талмай, бейбіт еліміздің көгінде шарықтап, ата - аналарыңыздың үмітін ақтауларыңызға тілектеспін. Әрдайым жолдарыңыз ашық болып, арман-мақсаттарыңызға жете беріңіздер, - деді аудан әкімі Алмасбек Әбілқасымұлы.</blockquote>Салтанатты іс-шарада мектептің ардагер ұстаздары мен ата-аналар да құттықтау сөз сөйлеп, бітіруші түлектерге батасын берді. Бұдан әрі жас түлектер мектеп алаңында вальс билеп, ән шырқап, естелік суретке түсіп, ұстаздарымен қоштасты.&nbsp;Дәл осындай жас түлектердің мектеп бітіру кештері аудан әкімінің орынбасарлары, кент, қала және ауылдық округ әкімдерінің қатысуымен барлық аудан мектептерінде өтті.Айта кетейік, биылғы оқу жылында ауданымызда 1015 түлек мектеп бітіргелі отыр. Оның ішінде 943 оқушы ҰБТ-ға ағымдағы жылдың 10 мамырынан бастап - 10 шілде аралығында бақ сынауда. Биыл ауданымызда мектеп бітіретін 1015 түлектің 99-ы «Алтын белгіге», 116-ы «Үздік аттестатқа» үміткер атанып отыр.&nbsp;

Қазалылық түлектер алтын ұя мектебімен қоштасты

<a href="https://kyzylorda-news.kz/">Kyzylorda-news.kz</a> Арал ауданында шығармашыл әрі креативті жастардың басын қосқан жайдарман ойындарының финалдық кезеңі өтті. Аталған шараны «Ауыл» партиясы Қызылорда облыстық филиалының «Ауыл жастары» жастар қанаты мен «Арал-АС» шығармашылық тобы ұйымдастырды.Көңілді тапқырлар додасына ауданның белсенді жастары қатысып, өз өнерлері мен тапқырлықтарын ортаға салды. Финалдық кезең барысында командалар қоғамдағы өзекті мәселелерді әзіл арқылы көтеріп, «Заң мен тәртіп», «Адал азамат» тақырыптары аясында мазмұнды қойылымдар көрсетті. Сонымен қатар, жастар ел бірлігі, қоғамдық жауапкершілік және адалдық құндылықтарын насихаттады.<img src="https://knadmin.beoblood.kz/uploads/IMG_8585_JPG_fff911f133.jpeg" alt="IMG_8585.JPG.jpeg">Шара аясында ауданның белсенді жастары мен команда жетекшілері «Ауыл» партиясының төрағасы, ҚР Парламенті Мәжілісінің депутаты Егізбаев Серік Рахметоллаұлы және «Ауыл» партиясы Қызылорда облыстық филиалының төрағасы, облыстық мәслихат депутаты Мұстафа Садық Шоңмұрынұлы атынан арнайы алғыс хаттармен марапатталды.Сонымен қатар, қатысушылар мен жеңімпаздарға алғыс хаттар, дипломдар және кубоктар табысталып, үздік құрамалар алдағы облыстық жайдарман чемпионатына жолдама алды.Аталған шара жастардың шығармашылық қабілетін шыңдап, олардың қоғамдық белсенділігін арттыруға бағытталған маңызды алаңға айналды.

Аралда жайдарман ойындарының финалдық кезеңі өтті

<a href="https://kyzylorda-news.kz/">Kyzylorda-news.kz</a> Бүгін 2015 жылы ел игілігіне берілген Б. Момынбаев атындағы № 278-ші IT мектеп-лицейінде соңғы қоңырау салтанаты өтіп, оған қатысқан қала әкімі Нұржан Ахатов ұстаздар мен оқушыларды оқу жылының аяқталуымен құттықтады. Биыл бітіретін алғашқы 61 жас түлекке алдағы мемлекеттік сынақтан сүрінбей өтіп, қалаған мамандықтарының иесі атануларына тілектестігін білдірді.<blockquote>«Биыл оқу жылын 1 - 11 сынып аралығындағы 80 621 оқушы аяқтаса, оның 4 436-ы мектеп түлектері. Ал, озат 409 оқушы «Алтын белгіге», 442 оқушы үздік аттестатқа үміткер. Міне, біздің білімді ұрпақтың деңгейі жыл санап өсіп келеді. Ел Президенті Қасым - Жомарт Кемелұлы өз Жолдауында: «Орта білімнің сапасы – табысты ұлт болудың тағы бір маңызды шарты» - деген болатын. Бұл бастама баршаға басты бағдар және кемел келешектің кілті – білімде екенін білдіреді. Бұл жолда ерен еңбегін сарп еткен ұстаздарға ризашылығым шексіз. Балалардың тәрбиесін тыңғылықты қадағалап, білімге дәріптеген ата-аналарға алғысымды білдіремін», – деді Нұржан Сәбитұлы.&nbsp;</blockquote><img src="https://knadmin.beoblood.kz/uploads/yzylorda_alasy_so_y_o_yrau_d9367ebbc9.jpg" alt="Қызылорда қаласы соңғы қоңырау.jpg">Іс-шараға қатысқан қоғам қайраткері Сайлаубай Әбіш түлектерге ақ батасын арнады. Айта кету керек, &nbsp;Президентіміздің, Үкіметтің ерекше қолдауымен Сыр өңірінде жасампаз жобалар жүзеге асуда. Осының ішінде өскелең ұрпаққа арнап салынған әлеуметтік нысандар жетерлік. &nbsp;Ел Президенті Қасым - Жомарт Кемелұлының «Баланың бәрі бірдей. Ауыл баласы мен қала баласының білім алу мүмкіндігі де бірдей болуы керек. «Келешек мектептері» жобасының негізгі мақсаты да – осы» деген болатын.Қазір қалада 5 жаңа дәуір мектебі ел игілігіне берілді. Жас ұрпақтың таным көкжиегін кеңейтіп, қажетті дағдыларға машықтануына «Оқушылар сарайы» салынды. Сол жағалаудан ашылған заманауи білім ордасы – Физика -математика бағытындағы мектеп - лицейі де өркениетке бастайтын өрелі білім ұясы. Мұнымен қоса, «Сыр жұлдыздары» шығармашылық және инновациялық академиясы балаларды қабылдауда.&nbsp;Жақында «AI-KERIM» оқу - сауықтыру орталығы ашылды. Бұл – жыл он екі ай үздіксіз жұмыс жасайтын 300 орындық заманауи балалар тынығу лагері. Оқушылар үшін аталған лагерь таптырмас тынығу орны болады.Биылғы жазғы демалыс кезеңінде 70 802 оқушының бос уақытын тиімді ұйымдастыру мақсатында мектеп жанынан жұмыс жасайтын 61 жазғы тынығу лагерінде 2815 оқушы қамтылса, 61 лагерьде 17904 оқушы демалады. Мұнан бөлек, қала сыртында орналасқан 2 лагерь мен орталықтарда 4 ауысымда 1 564 бала демалыс уақыттарын тиімді өткізеді.<img src="https://knadmin.beoblood.kz/uploads/yzylorda_alasy_so_y_o_yrau_2_641e4f6818.jpg" alt="Қызылорда қаласы соңғы қоңырау 2.jpg">

Соңғы қоңырау: Қала әкімі жас түлектерге сенім артатынын айтты

<a href="https://kyzylorda-news.kz/">Kyzylorda-news.kz</a> Бүгін Арал ауданындағы барлық білім ұяларында мектеп бітіру кештері өтті. Осы күн білім мен тәрбиенің қасиетті ордасында тағы бір оқу жылы қорытындыланып, жас түлектер үлкен өмірге қанат қағатын айтулы күн.Бұл күні түлектер он бір жыл білім алған алтын ұяларымен қоштасса, ұстаздар сүйікті шәкірттерін өмірге қанаттандырады. Болашақтың биік баспалдағына қадам басқан түлектер үшін алда қызықты да жауапты жолдар жатыр.Мемлекет басшысының тапсырмасымен «Келешек мектептері» ұлттық жобасы аясында салынған Сексеуіл кентіндегі №294 орта мектебі биыл алғаш рет өз түлектерін қияға ұшыруда. Бұл да тарихи сәт. Кең көлемде ұйымдастырылған осы шараға аудан әкімі Аманжол Оңғарбаев қатысып, бітіруші түлектерді мерекелерімен құттықтады.&nbsp;<img src="https://knadmin.beoblood.kz/uploads/Aral_audany_mektep_bitiru_keshi_2_6786863f8f.jpg" alt="Арал ауданы мектеп бітіру кеші 2.jpg">Іс-шара барысында мектеп бітіруші түлектердің ата-аналары атынан Ы.Лекерова мектеп басшылығы мен ұстаздарға ризашылығын білдіріп, түлектерге ақжарма тілегін жеткізді.Мұнан соң, қалыптасқан дәстүр бойынша түлектер ұстаз, мектеп жайлы әндерді шырқап, жүрекжарды ыстық ықыластарын білдірді. Шара соңында түлектер вальс ырғағында ілесіп, соңғы мектеп биін биледі. Осылайша №294 орта мектепті бітірген 28 түлек алға қойған арман-мақсаттың жетегімен үлкен өмірге қадам басуда.&nbsp;Айта кетейік, биыл аудан бойынша барлығы 1093 оқушы мектеп бітіріп жатыр. Олардың 76-і «Алтын белгіге» үміткер болса, 64 оқушы– «Үздік аттестатқа» ұсынылып отыр. Оның ішінде І лекке ҰБТ-ға 777 оқушы қатысуға өтініш берсе, ІІ лекке 774 оқушы қатысады деп жоспалануда.<img src="https://knadmin.beoblood.kz/uploads/Aral_audany_mektep_bitiru_keshi_3_6cfb953108.jpg" alt="Арал ауданы мектеп бітіру кеші 3.jpg">

Арал ауданында мыңнан астам түлек мектеп бітіруде

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев қаланы көгалдандыру, жол құрылысы және су шаруашылығы нысандарындағы жұмыс барысымен танысты.«Қызылорда қаласының аумағын көгалдандыру және абаттандыру» жобасы жасыл желекті көбейтуге және инфрақұрылымды жақсартуға бағытталған.Өткен жылы 46 100 түп ағаш көшеті отырғызылды. Сонымен қатар, «KazStroyCapital» ЖШС «Қорқыт ата әуежайы» аумағына, орталық көшелер мен саябақтарға 779 мың біржылдық және 33,8 мың көпжылдық гүл көшетін егіп, 73,5 мың шаршы метр көгал төседі.«Hunter» технологиясына негізделген автоматты суару жүйесі, 45 шақырымнан астам құбыр тартылды. Ал биылға 51 900 көшет отырғызу және суару жүйесін кеңейту жоспарланған. Қазір қаладағы 27 субұрқақ іске қосылды.Жол-көлік инфрақұрылымын дамыту бағытындағы жобалар туралы айтсақ, қазіргі таңда Н.Назарбаев даңғылы, А. Иманов, Бозғұл-1, Наурыз және Ш.Есенов көшелерінде жұмыс қарқынды. Жоба аясында 5,5 шақырым жол қайта жаңғыртылып, жаяу жүргіншілер жолы, лотоктар мен жарықшамдар орнатылады.Сонымен қатар, Торайғыров көшесінен «Қызылорда – Құмкөл» автожолына дейін қайта жаңғыртылуда, 2,1 шақырымнан асатын көше бойында жаяу жүргінші жолы мен жарықтандыру жүйелері қарастырылған.Облыс әкімі «Қызылжарма» каналын науамен жабдықтаудың, "Бәйтерек" шағын ауданындағы Оңтүстік магистралды каналы арқылы өтетін көпір құрылысын көрді. Мұнда да инфрақұрылымды жаңғырту, жаяу жүргіншілер көпірлерін салу және жарықтандыру жүйелерін орнату жұмысы жүріп жатыр.Фото: Қызылорда облысы әкімінің баспасөз қызметі&nbsp;

Жобалар бағыты - қаланы көгалдандыру және инфрақұрылымды жақсарту

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев Жедел әрекет ету орталығының жұмысымен танысты.Орталық шұғыл жағдайлар мен коммуналдық мәселелерге қатысты өңір халқынан келіп түсетін өтініштерді жедел қабылдап, өңдеумен айналысады.Мекеме 2019 жылы құрылған және оның құрамына 112 – Бірыңғай кезекшілік-диспетчерлік қызметі мен 109 – Бірыңғай байланыс орталығы біріктірілген. Мұнда 75 қызметкер жұмыс істейді.Бүгінде «Көмек-112» және «Көмек-109» жүйелері толық іске қосылып, шұғыл қызметтермен және мемлекеттік деректер базаларымен біріктірілген. Соның нәтижесінде 101, 102, 103 және 112 нөмірлеріне түскен қоңыраулар бір орталықта қабылданып өңделеді. Жыл басынан бері «Көмек-112» жүйесіне 103 мыңнан астам хабарлама тіркелген.112 қызметі төтенше жағдайларға байланысты қоңырауларды қабылдап, жедел әрекет етуге мүмкіндік береді. Қазіргі уақытта жүйе жаңғыртылып жатыр. Бұл жаңарту арқылы қоңыраулар тезірек өңделіп, қателіктер азаяды. Сонымен қатар GPS арқылы оқиға орнына ең жақын құтқару қызметі немесе полиция экипажы автоматты түрде бағытталып, жұмыс тиімді үйлестіріледі.109 байланыс орталығы тұрғындардың коммуналдық және күнделікті мәселелерге қатысты өтініштерін қабылдайды. Азаматтар бір ғана 109 нөміріне хабарласып, түрлі қызметтер бойынша ақпарат алып, өтініш қалдыра алады. Жыл басынан бері бұл жүйеге 91 мыңнан астам өтініш түскен.Алдағы уақытта жүйеге жасанды интеллект технологиялары енгізіліп, өтініштерді автоматты түрде өңдеу, жүктемені азайту және қызмет көрсету сапасын арттыру жоспарланған.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам