<a href="https://kyzylorda-news.kz/">Kyzylorda-news.kz</a> Жасанды интеллект – XXI ғасырдың ең ірі технологиялық жетістіктерінің бірі. Бұрын тек қиял-ғажайып фильмдер мен ғылыми фантастикада ғана суреттелетін ақылды машиналар бүгінде шынайы өмірдің бір бөлігіне айналды. Қазіргі таңда біз күнделікті өмірде жасанды интеллектінің қызметін байқамай-ақ пайдаланып жүрміз: смартфондағы дауыс көмекшілері, интернеттегі іздеу жүйелері, әлеуметтік желідегі ұсыныстар, онлайн аудармашылар – мұның барлығы ЖИ технологиясына негізделген. Осыған байланысты қоғамда «Жасанды интеллект – мүмкіндік пе, әлде қауіп пе?» деген заңды сұрақ туындайды.Бір жағынан алғанда, жасанды интеллект – адамзат үшін зор мүмкіндік. Ол өндіріс пен бизнесте өнімділікті арттырып, уақыт пен шығынды үнемдеуге жол ашады. Кәсіпорындар үлкен көлемдегі деректерді талдау арқылы болашақтағы өзгерістерді алдын ала болжай алады. Қаржы саласында ЖИ тәуекелдерді есептеп, шешім қабылдауды жеңілдетеді. Сонымен қатар жаңа мамандықтар пайда болуда: бағдарламашылар, деректер талдаушылары, киберқауіпсіздік мамандары – бұлардың барлығы цифрлық дәуірдің сұранысына сай қалыптасқан кәсіптер. Мысалы, Google іздеу жүйесі қолданушының сұранысын саралап, ең қажетті ақпаратты секундтар ішінде ұсынады, ал OpenAI әзірлеген заманауи жүйелер мәтін жазып, сұрақтарға жауап беріп, тіпті күрделі есептерді шығара алады. Бұл – технологияның адам еңбегін жеңілдетуге бағытталғанының дәлелі.Жасанды интеллект білім беру мен медицина саласында да үлкен жетістіктерге жетті. Білім беру платформалары әр оқушының қабілетіне қарай жеке оқу бағдарламасын ұсына алады. Мысалы, Duolingo қосымшасы қолданушының деңгейін анықтап, соған сәйкес тапсырмалар береді. Ал медицинада ЖИ ауруларды ерте кезеңде анықтап, диагноз қою дәлдігін арттыруға көмектеседі. Кейбір зерттеулер бойынша, жасанды интеллект рентген немесе томография нәтижелерін сараптауда жоғары дәлдік көрсете алады. Бұл адам өмірін сақтап қалуға ықпал ететін маңызды қадам.Алайда жасанды интеллектінің қауіптері де жоқ емес. Ең басты алаңдаушылық – жұмыссыздық мәселесі. Автоматтандыру нәтижесінде көптеген қарапайым және қайталанатын жұмыстарды роботтар атқаруы мүмкін. Бұл еңбек нарығына әсер етіп, кейбір мамандықтардың жойылуына әкелуі ықтимал. Сонымен қатар жеке деректердің қауіпсіздігі мәселесі де өзекті. Әлеуметтік желілер мен онлайн платформалар қолданушылар туралы орасан зор ақпарат жинайды. Мысалы, Facebook компаниясы бірнеше рет деректердің қауіпсіздігіне байланысты сынға ұшыраған. Егер ақпарат дұрыс қорғалмаса, бұл қоғамға үлкен зиян келтіруі мүмкін.Тағы бір маңызды мәселе – этика және бақылау. Егер жасанды интеллект жүйелері бұрмаланған деректерге сүйенсе, олардың шешімдері әділетсіз болуы ықтимал. Сондай-ақ автономды қару-жарақ жүйелері сияқты әскери мақсаттағы қолдану түрлері адамзат үшін қауіпті болуы мүмкін. Кейбір ғалымдар болашақта жасанды интеллект адам ақылынан асып түсіп, бақылаудан шығып кетуі мүмкін деген болжам айтады. Сондықтан ЖИ-ді дамыту барысында қауіпсіздік, жауапкершілік және халықаралық бақылау тетіктері аса маңызды.Қорыта айтқанда, жасанды интеллект – әрі мүмкіндік, әрі қауіп. Ол адамзат өмірін жеңілдетіп, ғылым мен техниканы жаңа деңгейге көтереді, бірақ сонымен бірге әлеуметтік, экономикалық және этикалық мәселелерді туындатады. Барлығы оны қалай және қандай мақсатта қолданатынымызға байланысты. Егер жасанды интеллект адам игілігі үшін, жауапкершілікпен және бақылаумен дамытылса, ол – адамзат өркениетінің жарқын болашағына жол ашатын мүмкіндік. Ал егер немқұрайлы қарасақ, ол күрделі қауіпке айналуы мүмкін. Сондықтан бүгінгі басты міндет – технологияны емес, оны басқару мәдениетін дамыту.&nbsp;Аяжан МахамбетәліҚорқыт ата атындағы Қызылорда университетінің 4-курс студентіФото: freepik.com

«Жасанды интеллект – мүмкіндік пе, қауіп пе?»

<a href="https://kyzylorda-news.kz/">Kyzylorda-news.kz</a> Астанада ҚР Премьер-министрінің орынбасары – Мәдениет және ақпарат министрі Аида Балаеваның төрағалығымен ҚР Еңбек және халықты әлеуметтік қорғау министрлігінің кеңейтілген алқа отырысы өтті. Іс-шараға ҚР Еңбек және халықты әлеуметтік қорғау министрі Асқарбек Ертаев, Парламент депутаттары, орталық және жергілікті мемлекеттік органдар өкілдері, министрлікке қарасты ұйымдар, әлеуметтік серіктестер қатысты.Премьер-министрдің орынбасары Мемлекет басшысы әлеуметтік салаға ерекше көңіл бөлетінін атап өтті. Азаматтардың жағдайы мен елдің тұрақты дамуы жаңа Конституция жобасының негізгі өзегіне айналғаны айтылды.Отырыста басты мәселелердің бірі халықты жұмыспен қамту тақырыбы болды. 2025 жылдың қорытындысы бойынша елде 2,9 млн сапалы жұмыс орны сақталды. 2026 жылы өңірлік жұмыспен қамту карталары аясында 547,7 мың адамды жұмысқа орналастыру жоспарланып отыр.<blockquote>Жиында жұмыс орнындағы адам қауіпсіздігі мен қорғалуы да қаралды. «Цифрландыру жағдайында ыңғайлы әрі түсінікті коммуникация құралдарын енгізу маңызды», – деп есептейді Аида Балаева.</blockquote>Сонымен қатар, тараптардың кепілдіктерін, құқықтары мен міндеттерін айқындайтын еңбек шартын әзірлеу тапсырылды.Ведомствоның басым міндеттерінің бірі – мүгедектігі бар адамдарды кешенді әлеуметтік қорғау. Оларды жұмыспен қамту тәсілдерін жетілдіру, техникалық қажет құралдарымен қамтамасыз ету және инфрақұрылым нысандарының қолжетімділігін арттыру мәселелері өзекті екені айтылды. Сондай-ақ, мүгедектігі бар балаларды дамыту мен әлеуметтендіруге ерекше назар аударылды.Мүгедектікті тағайындау рәсімінің ашықтығын қамтамасыз ету мақсатында Премьер-министрдің орынбасары Денсаулық сақтау министрлігі мен Еңбек және халықты әлеуметтік қорғау министрлігінің ақпараттық жүйелерін біріктіруді тапсырды. Мемлекет басшысы жариялаған «Цифрландыру және жасанды интеллект жылы» аясында министрлік алдында әлеуметтік-еңбек саласын технологиялық тұрғыда жаңғырту бойынша ауқымды міндет тұрғаны сөз етілді.Отырыста министр Асқарбек Ертаев баяндама жасап, ведомство жұмысының нәтижелерін қорытындылап, алдағы кезеңге арналған негізгі міндеттерді белгіледі.

2026 жылы Қазақстанда жарты миллионнан астам адамды жұмыспен қамту жоспарланған

<a href="https://kyzylorda-news.kz/">Kyzylorda-news.kz</a> Әр адам өмірде бақытты болғысы келеді. Бірақ бақыт ұғымын әркім әртүрлі түсінеді. Біреу үшін бақыт – денсаулық, енді біреу үшін – отбасы, табыс немесе сүйікті ісімен айналысу. Сондықтан бақыттың нақты өлшемі жоқ, ол адамның өмірге деген көзқарасына байланысты.Кей адамдар бақытты байлықтан іздейді. Алайда материалдық дүниелер уақытша болуы мүмкін. Ал шынайы бақыт адамның жан тыныштығынан, жақындарының амандығынан және өмірдегі қарапайым қуаныштардан табылады.Отбасы – бақыттың басты негіздерінің бірі. Ата-ананың амандығы, туған-туыстың жанында болуы адамға ерекше қуаныш сыйлайды. Сонымен қатар адамның сүйікті ісімен айналысуы да оның өміріне мағына береді.Бақыт туралы терең ой айтқан ақындардың бірі – Фариза Оңғарсынова. Ол өз өлеңдерінде өмірдің қадірін білу, адамгершілік пен қарапайым қуаныштарды бағалау туралы жиі жазған. Ақын адамның бақыты өз қолында екенін шығармалары арқылы жеткізеді.Қазіргі жастар кейде бақытты алыс жерден іздейді. Бірақ кейде бақыт отбасыңның жанында болу, достарыңмен күлу немесе мақсатыңа бір қадам жақындаудың өзінде жатады. Ең бастысы – қолда барды бағалай білу.Бақытқа жету үшін адам өз өміріне жауапкершілікпен қарауы керек. Еңбек ету, білім алу, жақсы қарым-қатынас орнату – мұның барлығы бақытты өмір сүруге көмектеседі.Бақыт – адамның ішкі сезімі. Ол байлықпен өлшенбейді. Шынайы бақыт – денсаулық, отбасы, достық және өмірдің әр сәтін бағалай білуде.Назым Әбілхай,Қорқыт ата атындағы Қызылорда университетінің 4-курс студентіФото: Freepik

Бақыт деген не?

<a href="https://kyzylorda-news.kz/">Kyzylorda-news.kz</a> «Әділетті және прогрессивті Қазақстанның Халықтық Конституциясы үшін!» аумақтық коалициясының мүшелері Сырдария ауданының мәдениет саласы өкілдерімен кездесті.Кездесуге аумақтық коалиция жетекшісі Ержан Әжікенов бастаған коалиция мүшелері Ақтөре Ибрагимұлы, Жанна Сәркеева, Жадыра Бағдатқызы, Нұржан Сейтжан қатысты. Жиында мәдениет саласының өкілдеріне референдум аясында атқарылып жатқан жұмыстарды таныстырып, жаңа Конституциядағы мәдени құндылықтарды ілгерілету мәселелерін жан-жақты талқылады.Коалиция жетекшісі Ержан Әжікенов жаңартылған Ата заңда адами капиталға ерекше мән берілетінін, ал мәдениет пен тарихи мұра конституциялық қағидаттар деңгейінде бекітілетінін атап өтті.Ержан Ертарғынұлы өз сөзінде Жаңа Конституция жобасының преамбуласында мәдени және адамгершілік құндылықтарға ерекше мәртебе берілгенін және алғаш рет Конституцияда мәдениет пен білім мемлекет құндылығының негізі ретінде бекітілгенін айтты.Сондай-ақ коалиция өкілі Жанна Сәркеева Конституциялық деңгейде тарихи-мәдени мұраны сақтау, ұлттық мәдениетті қолдау, зияткерлік меншікті қорғау және көркем шығармашылық еркіндігін қамтамасыз ету нормалары бекітілгенін айтып өтті.Кездесуде мәдениет саласының өкілі Жеңісбек Төрәлиев мәдениет пен өнер саласы отансүйгіштік қасиетін, тарихқа құрметті және мемлекет болашағына деген жауапкершілікті қалыптастыратынын атап өтті. Конституция алдағы ондаған жылдың даму бағытын айқындайды. Онда адамгершілік, руханият және мәдени мұра мәселелерінің бекітілуі мемлекеттің кемел әрі прогрессивті қоғамды жан-жақты дамытуға бағыт алғанын көрсетеді, – деді өз сөзінде.15 наурызда мәдениет саласының қызметкерлері өз конституциялық құқығын жүзеге асырып, жаңа Ата заңға дауыс беретіндерін жеткізді.

Мәдениет пен тарихи мұра Конституциялық қағидаттар деңгейінде бекітілмек

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтің төрағалығымен мәжіліс өтті. Жиында көктемгі егіс жұмыстарына дайындық және аймақ басшысы тарапынан белгіленген қосымша мәселелер қаралып, атқарылуы тиіс нақты тапсырмалар жүктелді.Биыл бекітілген жоспарға сәйкес 42 178 гектар жерге ауыл шаруашылығы дақылдарын орналастыру көзделіп отыр. Оның ішінде 16 800 гектар алқапқа күріш егу жоспарланған.Мәжілісте аудан әкімі Мемлекет басшысы тарапынан еліміздің азық-түлік қауіпсіздігін қамтамасыз ету және экономиканы әртараптандыру мақсатында аграрлық секторды дамытуға айрықша мән беріліп отырғанын атап өтті.<blockquote>«Ауданның егін шаруашылығындағы негізгі бағыт – суармалы егіншілік, оның ішінде күріш өндірісі екені белгілі. Алайда соңғы жылдары өңірде су тапшылығы мәселесі өзекті болып отыр. Биыл да вегетациялық кезеңнің күрделі өту қаупі жоғары. Осыған байланысты көктемгі егіс жұмыстарына дайындықты мұқият пысықтап, болжанған егіс көлемдерін агротехникалық талаптарға сәйкес және белгіленген мерзімде орналастыру қажет. Сонымен қатар, күріш дақылын артық егу мен ауыспалы егіс тәртібін бұзу жағдайларының алдын алу мақсатында шаруашылық құрылымдары арасында түсіндіру жұмыстарын жүргізіп, суды аз қажет ететін дақылдардың егіс көлемін арттыруды одан әрі жалғастыруымыз тиіс», – деді А.Ибраимов.</blockquote>Сондай-ақ, жиында вегетациялық кезеңге дайындық, егінді әртараптандыру, сондай-ақ цифрлық технологияларды ауыл шаруашылығына кеңінен енгізу мәселелері талқыланды. Бұдан бөлек, ауыспалы егіс тәртібін сақтамаған және белгіленген межеден артық егін еккен шаруашылықтарға вегетациялық кезеңде су берілмейтіні ескертілді.Жиын қорытындысымен жауапты сала басшыларына нақты міндеттер жүктеліп, хаттамалық тапсырмалар берілді.

Вегетациялық кезеңге дайындық мәселелері талқыланды

<a href="https://kyzylorda-news.kz/">Kyzylorda-news.kz</a> Ағымдағы жылдың 20 ақпан күні Қызылорда облысының қоғамдық даму басқармасының ұйымдастыруымен «Заң мен тәртіп қағидаты» аясында «Тәртіп пен жауапкершілік – мемлекеттік қызметтің негізі» тақырыбында ашық диктант өтті.Аталған шараның негізгі мақсаты – мемлекеттік қызметшілер арасында мемлекеттік тілдің қолданылу аясын кеңейту, тілдік сауаттылықты арттыру, қызметтік жауапкершілік пен тәртіп мәдениетін нығайту, сондай-ақ қазақ тілінің мәртебесін көтеру болды.Іс-шараға облыстық басқармалар, департаменттер мен инспекциялардан 100-ден аса мемлекеттік қызметші қатысты. Қатысушылардың білім деңгейін жетілдірумен қатар, олардың кәсіби және азаматтық жауапкершілігін арттыруға ерекше назар аударылды.Шараның ашылуында басқарма басшысының орынбасары У. Ибраев сөз сөйлеп, «Заң мен тәртіп» қағидатының маңыздылығына тоқталды. Сонымен қатар, мемлекеттік тілдің мәртебесін арттырудағы және қызметтік тәртіпті нығайтудағы мұндай бастамалардың рөліне ерекше назар аударып, қатысушыларға сәттілік тіледі.Ашық диктант мемлекеттік қызметшілердің тілдік мәдениетін дамытуға және кәсіби жауапкершілігін арттыруға оң әсерін тигізді. Осы бағыттағы жұмыстар алдағы уақытта да жүйелі түрде жалғастырылатын болады.

Тәртіп пен жауапкершілік – мемлекеттік қызметтің негізі

<a href="https://kyzylorda-news.kz/">Kyzylorda-news.kz</a>&nbsp; Бүгін «Әділетті және Прогрессивті Қазақстанның Халықтық Конституциясы үшін!» жалпыұлттық коалициясының мүшелері Шиелі ауданында болып, Алмалы ауылының тұрғындарымен кездесті. Жиынға Қазақстан Республикасы Парламенті Сенатының депутаттары Нұртөре Жүсіп пен Руслан Рүстемов, өңірлік коалиция жетекшісінің орынбасары Мұрат Тлеумбетов, аумақтық коалиция жетекшісі Мұрат Тұрабаев және коалиция мүшелері қатысты.Кездесу барысында спикерлер жаңа Конституция жобасының негізгі басымдықтарын кеңінен түсіндірді. Сенат депутаты Нұртөре Жүсіп өз сөзінде құжаттың стратегиялық маңызына тоқталды.<blockquote>«Жаңа Конституция жобасында адам құқықтары мен бостандықтарын қорғау тетіктерін күшейту, заң үстемдігін қамтамасыз ету, мемлекеттік басқару жүйесін жетілдіру, Парламенттің рөлін арттыру, жергілікті өзін-өзі басқару институттарын дамыту және әлеуметтік әділеттілік қағидаттарын нығайту мәселелері жан-жақты қамтылған. Бұл реформалар – ел дамуы үшін аса маңызды стратегиялық қадам», – деді ол.</blockquote>Сонымен қатар, мемлекет пен қоғам арасындағы сенімді нығайту – басты мақсаттардың бірі екені атап өтілді. Жаңа өзгерістер азаматтардың шешім қабылдау процесіне қатысу мүмкіндігін кеңейтіп, ашық әрі жауапты басқару жүйесін қалыптастыруға бағытталғаны айтылды.Кездесу барысында Алмалы ауылының тұрғындары әлеуметтік, инфрақұрылымдық және құқықтық мәселелер бойынша өз сауалдарын қойып, ұсыныстарын білдірді. Коалиция мүшелері әрбір сұраққа нақты жауап беріп, көтерілген мәселелердің назарға алынатынын жеткізді.Жиын соңында коалиция өкілдері тұрғындарды ел болашағы мен тұрақты дамуына негіз болатын Ата заң жобасын қолдауға шақырды.

Алмалы тұрғындарын Ата заң жобасын қолдауға шақырды

ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде көктемгі егінге дайындық мәселелері қаралды. Оған облыс әкімі Нұрлыбек Нәлібаев селекторлық режим арқылы қатысып, баяндама жасады.<blockquote>«Биыл Қызылорда облысында 185 800 гектарға ауыл шаруашылығы дақылдарын егу жоспарланған. Мемлекет басшысының суды көп қажет ететін дақылдар көлемін оңтайландыру тапсырмасына сәйкес, күріш көлемі өткен жылмен салыстырғанда 10 900 гектарға азайтылды. Осылайша, соңғы төрт жылда күріш көлемі 19 мың гектарға немесе 21%-ға қысқарды. Оның орнына егісті әртараптандыру мақсатында суды аз қажет ететін дақылдар егу көзделуде. Су ресурстарын тиімді пайдалану, шығынды азайту үшін үнемдеу технологиялары кеңінен енгізілуде. Өткен жылы тамшылатып, жаңбырлатып суару әдісімен 8 100 гектар егін &nbsp;егілсе, биыл 16 700 гектарға жеткізу межеленген. Оған қоса 60 мың гектар күріш алқаптары лазерлік тегістеуден өткізілді. Биыл бұл көрсеткіш 65 мың гектарға жеткізіледі. Бүгінде шаруашылықтар тұқыммен 100 пайыз қамтамасыз етілді. Қажетті 65 600 тонна тыңайтқыштың 18 500 тоннасы сатып алынды. Егін егуге қатысатын 3975 ауыл шаруашылығы техникасының 90 пайызы жөндеуден өткізілді. Қалғаны 1 наурызға дейін толық дайын болады. Энергетика министрлігі көктемгі егіске 10 100 тонна дизель бөлді. Ол шаруаларға кестеге сәйкес таратылады. Ерте егілетін дақылдар наурыз айының бірінші онкүндігінде себіледі, күріш егісі сәуір айының үшінші онкүндігінде басталады. Жоспарланған егіс көлемі Мемлекетаралық су шаруашылығын үйлестіру комиссиясы отырысынан кейін қайта нақтыланады», – деді аймақ басшысы.</blockquote>Үкімет отырысынан кейінгі мәжілісте осы және өзге де мәселелер жан-жақты талқыланып, жауапты сала басшыларына тапсырмалар жүктелді.Қазіргі таңда су ресурстарының тапшылығы жаһандық деңгейдегі ең өзекті мәселелердің біріне айналғаны белгілі. Мемлекет басшысы су ресурстарын тиімді пайдалану, үнемдеу технологияларын енгізу және су жүйелерін цифрландыру жұмыстарына ерекше мән береді.<blockquote>«Су лимитіне сәйкес жоспарланған көлемнен артық бірде-бір гектар жерге егін егілмеуі тиіс. Бұл мәселені қатаң бақылауға алу қажет, себебі ол Үкіметтің ерекше назарында. Судың магистральді және шаруашылықаралық каналдар арқылы егіс алқаптарына жеткізілуіне, ауыспалы егіс тәртібінің сақталуына тұрақты мониторинг ұйымдастырылсын», – деді Н.Нәлібаев.&nbsp;</blockquote>Аймақ басшысы көктемгі мұз жүру кезінде су алу қаупі бар тұстардағы қауіпсіздік шараларын күшейтуді, Қармақшы, Қазалы және Арал аудандарының әкімдіктеріне облыстық төтенше жағдайлар департаментімен және «Қазсушар» Қызылорда филиалымен бірлесіп, өзен арнасына тәулік бойы кезекшілік ұйымдастыруды, мұздың өту барысын тұрақты бақылауды тапсырды.

Көктемгі егін жұмыстарына дайындық мәселелері қаралды

24 ақпан күні Қазалы аграрлы - техникалық колледжінде жаңа Конституция жобасын түсіндіру мақсатында &nbsp;кездесуі өтті.Кездесуге Қазалы аудандық мәслихат депутаттары – Әбіл Күншығар Әбілұлы мен Кәдір Ардақ Нартайұлы арнайы спикер ретінде қатысып, конституциялық реформаның басты бағыттарын баяндады. Сонымен қатар оқу орнының ұстаздары, техникалық қызметкерлері мен студент жастар белсенді түрде қатысып, пікір алмасты.Жиын барысында жаңа Конституция жобасында көзделген негізгі өзгерістер, азаматтардың құқықтары мен бостандықтарын нығайту тетіктері, қоғам мен мемлекет арасындағы жауапкершілік қағидаттары түсіндірілді. Қазалы аграрлы - техникалық колледжінің оқу-ісі жөніндегі орынбасары Баекеева Шәрбану Толыбайқызы білім беру саласына қатысты конституциялық кепілдіктер, сондай-ақ референдумның ел болашағы үшін маңызын айтты.Спикерлер педагогтер мен студент жастарды 15 наурызда өтетін референдумға белсенді қатысып, азаматтық жауапкершілік танытуға шақырды. Кездесу ашық форматта өтіп, белсенді студенттер өздерін толғандырған сұрақтарын қойып, жауаптар алды.Айта кету керек, осындай ақпараттық-түсіндіру жұмыстары алдағы уақытта да ауданның әртүрлі сала қызметкерлері мен тұрғындары арасында жүйелі түрде жалғасын тауып, конституциялық реформаларды кеңінен насихаттауға бағыттала бермек.<img src="https://knadmin.beoblood.kz/uploads/IMG_20260224_WA_0044_93b155bcce.jpg" alt="IMG-20260224-WA0044.jpg">

Жаңа Конституция жобасы түсіндірілді

<a href="https://kyzylorda-news.kz/">Kyzylorda-news.kz</a> Қазақстан Республикасы Премьер-министрінің орынбасары А.Балаеваның төрағалығымен Еңбек және халықты әлеуметтік қорғау министрілігінің 2025 жылдың қорытындылары және 2026 жылға арналған міндеттер мен басым бағыттар белгіленген кеңейтілген алқа мәжілісі өтті.Алқа мәжілісінде ведомство басшысы А.Ертаев халықтың әлеуметтік қорғалуына назар аударып, сапалы жұмыс орындарын ашу, еңбек ұтқырлығын арттыру, еңбекті қорғау және еңбек қауіпсізідігі жүйесін нығайту, әлеуметтік-еңбек саласын цифрландыру министрліктің стратегиялық бағыты ретінде айқындалғанын атап өтіп, бірқатар нақты тапсырмалар жүктеді.&nbsp; Атап өту керек, биыл Мемлекеттік еңбек инспекциясы комитетімен аумақтық департаменттерінің 2026 жылға арналған жұмыс жоспары бекітілді.Жұмыс жоспарда негізінен өндіріс орындарында жұмыс істейтін азаматтардың қауіпсіздігін қамтамасыз ету, еңбек қатынастарын цифрландыру, Бірыңғай цифрлық платформаны қалыптастыру бойынша әлеуметтік сала мекемелерінің (денсаулық сақтау, мәдениет және спорт, әлеуметтік қорғау мекемелері) штаттық кестелеріне сәйкес деректерді толық енгізуді аяқтау жұмыстары бар.Сонымен қатар еңбек тәуекелдер картасындағы болжамды тәуекелі бар кәсіпорындармен жұмыс жүргізу, «Парыз» жұмыс берушілер конфедерациясымен, салалық кәсіподақтармен және «Атамекен» өңірлік &nbsp;кәсіпкерлер палатасымен ынтымақтастықты арттыру міндеті тұр.&nbsp;Жалпы, үстіміздегі жылы министрлік және комитетпен жүктелген басым бағыттар мен жоспарлы міндеттердің орындалуын қамтамасыз ету негізгі жұмыстарымыздың бірі болмақ.Б.Жұмағұл,ҚР Еңбек және халықты әлеуметтік қорғау&nbsp;министрілігі Мемлекеттік еңбек инспекциясы&nbsp;комитетінің Қызылорда облысы бойынша&nbsp;департаментінің басшысы

Алқа мәжілісінде бірқатар міндеттер нақтыланды 

<a href="https://kyzylorda-news.kz/">Kyzylorda-news.kz</a> Талсуат ауылдық округінде ел болашағына бейжай қарамайтын азаматтардың басын қосқан мазмұнды кездесу өтті. Ауыл тұрғындары жаңа Конституция жобасын талқылап, ашық форматта пікір алмасты. Кездесуге «Әділетті және Прогрессивті Қазақстанның Халықтық Конституциясы» үшін құрылған жалпыұлттық коалицияның өңірлік филиалы мүшелері Серік Дүйсенбаев, Ибадулла Құттықожаев, Мейрамбек Есжанов, Ержан Искендер және Дәурен Сейтжанов қатысып, Ата заң жобасындағы өзгертілген нормалардың маңызын кеңінен түсіндірді.Облыстық коалиция мүшесі Серік Әбішұлы өз сөзінде бұл бастаманың түпкі мақсаты – әділетті қоғам қалыптастыру екенін атап өтті.<img src="https://knadmin.beoblood.kz/uploads/FB_IMG_1771928395251_0ca12cc469.jpg" alt="FB_IMG_1771928395251.jpg"><blockquote>«Біз заң үстемдігі орныққан, халық үні ескерілетін мемлекет құруды көздейміз. Жаңа Конституция жобасы осы стратегиялық бағыттың берік құқықтық негізін қалайды. Құжатта азаматтардың құқықтары мен бостандықтарын қорғау тетіктері күшейтіліп, билік тармақтарының тепе-теңдігі мен жауапкершілігі айқындала түскен. Бұл – еліміздің ұзақ мерзімді дамуына бағытталған нақты қадам», – деді ол.</blockquote>Сонымен қатар, жаңа заң жобасында әлеуметтік әділеттілік, еңбек адамының мүддесін қорғау, білім мен денсаулық сақтау салаларының қолжетімділігін арттыру, мемлекеттік басқарудың ашықтығы мен тиімділігін күшейту мәселелері жөнінде пікірін жеткізді. &nbsp;Қалалық коалиция жетекшісі Ибадулла Құттықожаев референдумның тарихи маңыздылығына тоқталды.<blockquote>«Референдум – халықтың тікелей ерік білдіруінің айқын көрінісі. Бұл науқан әр азаматқа ел тағдырына қатысты шешім қабылдауға мүмкіндік береді. Жаңа Конституция заңнаманы жаңғыртып, оны заман талабына сай жетілдіруге жол ашады. Құжаттың ана тілімізде, түсінікті түрде ұсынылуы – құқықтық мәдениетті арттырудың маңызды қадамы», – деді ол.</blockquote>Жиында айтылғандай, жаңа Конституция жобасы – қоғам сұранысынан туындаған, кең талқылаудан өткен маңызды бастама. Ол азаматтардың мемлекет басқару ісіне қатысу мүмкіндігін кеңейтіп, әділ әрі жауапты басқару моделін орнықтыруға бағытталған.Кездесу соңында тұрғындар 15 наурыз күні өтетін республикалық референдумға белсенді қатысуға шақырылды. Себебі ел болашағына қатысты таңдау жасау – әрбір азаматтың жауапкершілігі.<img src="https://knadmin.beoblood.kz/uploads/FB_IMG_1771928401195_40883be916.jpg" alt="FB_IMG_1771928401195.jpg">

Талсуат тұрғындарымен Ата заң жобасын талқылады 

<a href="https://kyzylorda-news.kz/">Kyzylorda-news.kz</a> Жалағаш ауданына жұмыс сапарымен ҚР Парламенті Сенатының депутаттары Нұртөре Жүсіп, Руслан Рүстемов, сондай-ақ облыстық мәслихат төрағасы Мұрат Тлеумбетов келіп, еңбек ұжымдарымен кездесу өткізді.Кездесуде жаңа Конституция жобасының мазмұны мен негізгі бағыттары жан-жақты түсіндірілді. Сенаторлар елімізде жүзеге асырылып жатқан саяси жаңғыру үдерістеріне тоқталып, конституциялық реформаның басты мақсатын атап өтті.Сондай-ақ заң үстемдігін қамтамасыз ету, азаматтардың құқықтары мен бостандықтарын қорғауды күшейту, қоғамда заң мен тәртіп қағидаттарын нығайту, мемлекеттік басқару жүйесінің ашықтығы мен тиімділігін арттыру реформалардың басым бағыттары екенін жеткізді.Кездесу соңында сенаторлар еңбек ұжымдарының ұсыныс-пікірлеріне жауап берді.

Қазақстан және Қызылорда облысының жаңалықтары: Қоғам