<a href="https://kyzylorda-news.kz/">Kyzylorda-news.kz</a> Мемлекет басшысы Ұлттық құрылтайдың V отырысында қоғамда орын алып жатқан бірқатар мәселелерді қозғап, олардың шешу жолын нақтылау қажеттігін атап өтті.Соның бірі алдағы екі жылда елімізде 100-ден астам мәдениет нысаны жөнде­летінін жеткізді. Сондай-ақ, музей ісін да­мыту ма­ңызды міндеттердің бірі ретінде аталды. Бұл тұрғыда Қызылордада ашыл­ған жаңа тарихи-өлкетану музейі озық тәжірибе ретінде ба­ғаланды.Сонымен бірге Мемлекет басшысы Қы­зылорда қаласында жаңа драма театр мен заманауи кітапхана салу жоспарда бар екенін айтты. Аталған нысандардың құ­рылысы биыл басталатыны белгілі болды. Бұл жаңалыққа мәдениет саласының өкі­лі ретінде қатты қуандым. &nbsp;«Сыр елі – жыр елі» деген атау те­гін­нен-тегін телінбеген ғой, біздің өңіріміз ру­хани құнды дүниеге бай. Талай сүлейлер мен жыраулардың, ақын-жазушылардың, өнер май­талмандарының ордасы болған Сыр елі осы қасиетінен танбақ емес.Оның үстіне кейінгі жылдары аймағы­мыз­дың аты жақсы жағынан, толағай табыс­тармен, жетістіктермен шығып жатыр. Қала келбеті күн санап көркейіп, дамып келеді. Мұны Мемлекет басшысы да алқалы жиында айтып өтті.<blockquote>Президенттің дүйім елдің алдында: «Қазір Қызылорда облысында, әсіресе, әлеу­меттік салада жақсы жаңалық көп. Үш жылда осы аймақта 34 білім беру, 45 мәде­ниет және спорт нысаны салынды. Бұған қоса, 40 медицина нысаны ашылды. Менің тап­сыр­маммен Қызылордада 300 орынға ар­налған көпбейінді аурухананың құрылысы басталды. Көп ұзамай 500 орындық емхана және 200 орындық пер­зентхана салынады. Бір сөзбен айтқанда, Қызылорда облысы барлық салада қар­қынды дамуда. Облыстың жағдайы жалпы жақсы деп күмәнсіз айтуға болады. Бұл – әкім Нұрлыбек Нәлібаевтың белсенді, табанды жұмысының нәтижесі. Мен Сыр елі жұртшылығының бойынан туған жерге деген сүйіспеншілікті, қам­қор­лық пен жанашырлықты, нағыз отаншыл­дықты көре­мін. Облыс орталығымен қатар, әр ауылдың тазалығы көз тартады. Мысалы Нағи Ілиясов, Таң ауылдарын бүкіл елге үлгі ретінде үнемі айтып жүремін. Сіздер осы аймақпен қатар, күллі еліміздің дамуына үлес қосып келесіздер» дегенін естіп осы жердің азаматы ретінде төбеміз көкке жеткендей әсерде болдық.</blockquote><img src="https://knadmin.beoblood.kz/uploads/ajrat_Zh_limbetov_6cce9a0a94.jpg" alt="Қайрат Жәлімбетов.jpg">Қайрат ЖӘЛІМБЕТОВ,&nbsp;жалпы білім беретін кешкі мектеп директорыДереккөз: syrboyi.kzФото коллаж: kyzylorda-news.kz

Облыстың әлеуметтік саласы жағымды жаңалықтарға толы

<a href="https://kyzylorda-news.kz/">Kyzylorda-news.kz</a> Бүгін – еліміз үшін тарихи күн. Себебі, Алашқа ана болған қастерлі Сыр елінде Ұлттық құрылтайдың кезекті отырысы өтіп, Қызылодадағы келелі жиынға Мемлекет басшысы Қасым-Жомарт Кемелұлы Тоқаев арнайы қатысты. Еліміздің әлеуметтік-экономикалық, қоғамдық-саяси және рухани-мәдени дамуына тікелей әсер ететін өзекті мәселелер кеңінен талқыланып, ұтымды ұсыныстар айтылып, нақты шешімдер қабылданған Құрылтайда халықтың өмір сүру сапасын арттыруға, ұлт ұпайын түгендеуге қатысты жаңа бастамалар көтерілді, сәйкесінше жақсы жаңалықтар да көп болды. Соның бірі – өңірімізде жаңа кітапхана құрылысының жүргізілетіні туралы сүйінші хабар.Шын мәнінде, Президент жаһандану жағдайында еліміздің табысқа жетуінің басты факторы білім екенін түрлі алаңдарда үнемі айтып келеді. Аталған міндеттемелерді іс жүзінде жүзеге асырудың маңызды қадамдарының бірі – кітап оқу. Президентіміз Ұлттық құрылтайдың бұған дейінгі отырысында бұл мәселеге ерекше тоқталған болатын және бүгінгі тарихи жиында да айтып өтті. «...озық ойлы ұлт болудың ең төте жолы – кітап оқу. Сондықтан кітап оқу мәдениетін қоғамда барынша орнықтыруымыз керек» деді Президент.Аймағымызда Нұрлыбек Машбекұлының тікелей бастамасымен «Руханият» орталықтары ашылғаны белгілі. Бұл жоба кітапханалар жұмысын жаңа деңгейге көтерді. Бұрын тар, салқын, қолайсыз ғимаратта орналасқан кітапханалар жаңа ғимараттан орын алып, өз жұмысын жаңа заман талабына сай лайықтандырды деп айтуға толық негіз бар. Бүгінде кітапханалар 24/7, яғни оқырман қауым үшін уақытпен санаспай тәулік бойы жұмыс істеуде. Осы ретте «Адами капиталды дамыту» ұғымы туралы айтпай өту мүмкін емес. Адами капиталдың түп негізі – білімде. Ал, білімнің қайнар көзі – кітапта. Біз кітап оқу арқылы ой-өрісімізді кеңейтіп, жоспарларымызды жүйелеп, мақсатымызды айқындап, нақтылыққа қалыптасамыз. Сондықтан кітап оқуға көңіл бөлу, Президент атап өткендей кітап оқу мәдениетін қоғамда барынша орнықтыру – бәріміз үшін ортақ мақсат болуы қажет. Сонда ғана бәсекеге қабілетті ел боламыз, Әділетті, Таза Қазақстан құруымызға жол ашылады.Әрине, жасанды интеллект дәуірінде біз жаһандану үдерісінен қалып қоймауымыз керек. Ол үшін ғылыми жаңалықтар мен тұжырымдамалар топтастырылған кітаптарды оқуға, талдауға, терең түйсінуге ынталы болғанымыз жөн. Ал біз мұндай мүмкіндікті кітапханалардан табамыз. Сондықтан Мемлекет басшысының қолдауымен, тапсырмасымен аймағымызда бой көтеретін жаңа кітапхана – өңір руханиятын жаңа белеске бастап, әдеби ортаның қалыптасуы мен дамуына оң ықпал етеді деп сенемін. Барша оқырман қауымды сүйінші жаңалықпен шын жүректен құттықтап, Ұлттық құрылтай отырысында қабылданған шешімдерді жүзеге асыруға белсене атсалысуға шақырамын.&nbsp;Ақтөре ИБРАГИМҰЛЫ,ақын, Қазақстан Жазушылар және&nbsp;Журналистер одағының мүшесі,&nbsp;«Тұран» сыйлығының иегеріФото: freepik.com

Қызылордада жаңа кітапхана салынады

<a href="https://kyzylorda-news.kz/">Kyzylorda-news.kz</a> Медициналық сақтандыру қорының ақпараттық жүйесі 1 шілдеге дейін Денсаулық сақтау министрлігінің жүйесіне интеграциялануы керек. Премьер-министр Олжас Бектенов Үкімет отырысында осындай тапсырма берді.<blockquote>- Мемлекет басшысы Әлеуметтік медициналық сақтандыру қорын Қаржы министрлігінің қарамағына беру туралы Үкіметтің шешімін қолдады. Тиісті тексерулер басталып кетті. Кінәлі адамдар жауапқа тартылады. Медициналық сақтандыру қорының ақпараттық жүйесі осы жылдың 1 шілдесіне дейін Денсаулық сақтау министрлігінің жүйесіне интеграциялануға тиіс. Бұл қаражатты пайдаланудың ашықтығы мен тиімділігін қамтамасыз етеді, - деді ол.</blockquote>Премьер-министр Президент Қасым-Жомарт Тоқаевтың кешегі Ұлттық құрылтайда Үкіметке берген тапсырмалары тиісті деңгейде орындалуын тікелей өзі бақылайтынын ескертті.<blockquote>- Әріптестер, Мемлекет басшысының барлық тапсырмалары елімізді ауқымды жаңғыртудың бірыңғай ұзақмерзімді стратегиясымен үндесіп жатыр. Оларды жүзеге асыру барлық құрылымдардың нақты әрі үйлесімді жұмысына байланысты, - деді Үкімет басшысы.</blockquote>Фото: Үкімет

Бектенов медициналық сақтандыру қорындағы жемқорлық туралы: Кінәлілер жауапқа тартылады

<a href="https://kyzylorda-news.kz/">Kyzylorda-news.kz</a> Халықтың мұң-мұқтажын тыңдап, нақты іспен шешу – партия жұмысының басты қағидаларының бірі. Осы бағытта «AMANAT» партиясы жүйелі жұмыстарды жүзеге асырып келеді. Соның бір айқын дәлелі – жуырда оң шешімін тапқан тұрғынның әлеуметтік мәселесі.2025 жылдың 6 қарашасында «AMANAT» партиясы Шиелі аудандық филиалының қоғамдық қабылдау бөлмесінде аудандық мәслихат депутаты Дихан Әубәкіров кезекті жеке қабылдауы өтті. Қабылдау барысында аудан тұрғыны, зейнеткер азаматша өз үйіне газ жүйесін тарту мәселесі бойынша өтініш білдірді. Қарт кісінің айтуынша, тұрмыстық жағдайына байланысты бұл мәселені өз күшімен шешуге мүмкіндігі болмаған.Әлеуметтік маңызы жоғары бұл өтініш назардан тыс қалмай, фракция мүшесі Дихан Әубәкіров пен партияның аудандық филиалының Атқарушы хатшысы Жібек Баймұратованың тікелей бақылауына алынды. Мәселені жан-жақты зерделей келе, нақты шешу жолдары қарастырылып, тиісті жұмыстар қолға алынды.Нәтижесінде, партия өкілдерінің үйлестіруімен және зейнеткердің кезінде мектеп бітірген шәкірттері — бүгінгі таңда елдің әр саласында еңбек етіп жүрген түлектердің демеушілік қолдауымен қарияның үйіне газ құбыры толық тартылып, қажетті жабдықтар орнатылды. Бұл – бір ғана әлеуметтік мәселенің шешілуі емес, сонымен қатар адамгершілік пен елдік құндылықтардың көрінісі.Аталған игі іс партия мен халық арасындағы өзара сенімнің, бірліктің және ынтымақтастықтың айқын дәлелі болды. «AMANAT» партиясының басты ұстанымы – тұрғындардың өтінішін тыңдап қана қоймай, оны нақты нәтижеге жеткізу.&nbsp;<img src="https://knadmin.beoblood.kz/uploads/T_r_yn_tinishi_Amanat_cb40c8f893.jpg" alt="Тұрғын өтініші Аманат.jpg">Фото: Нұрболат Нұржаубай

Шиелілік тұрғынның өтініші оң шешімін тапты

<a href="https://kyzylorda-news.kz/">Kyzylorda-news.kz</a> Премьер-министрдің орынбасары – Мәдениет және ақпарат министрі Аида Балаева Үкімет отырысында Мемлекет басшысының Ұлттық құрылтайда берген тапсырмалары аясында бұқаралық ақпарат құралдары саласындағы заңнаманы жетілдіру жұмыстары жалғасып жатқанын айтты, деп хабарлайды <a href="https://baq.kz/qazaqstanda-balalardyn-aleumettik-zhelige-kiruine-shekteu-qoyyluy-mumkin-200029741/">BAQ.KZ</a> тілшісі.Оның сөзінше, Ұлттық құрылтай мүшелерінің ұсыныстарын ескере отырып, онлайн-платформалар мен масс-медиаға қатысты заңнамаға бірқатар өзгеріс әзірленді. Атап айтқанда, балалар мен жасөспірімдердің әлеуметтік желілерге қолжетімділігін шектеу мәселесі қарастырылып отыр.Мәдениет және ақпарат министрлігі әзірлеген өзгерістер тиісті сараптамадан өтіп, қоғамдық талқылауға шығарылған.Бұл нормаларды тиімді іске асыру мақсатында Оқу-ағарту министрлігі және Жасанды интеллект және цифрлық даму министрлігімен бірлесіп, пайдаланушылардың жасын тексеру тетіктерін әзірлеу, сондай-ақ қажет болған жағдайда жауапкершілік шараларын енгізу жоспарланып отыр, – деді Балаева Үкімет отырысында.Сонымен қатар халықтың медиасауаттылығын арттыруға және тәуелсіз бұқаралық ақпарат құралдарын қолдауға ерекше назар аударылады. Бұл бағытта салалық журналистиканы дамыту жөніндегі комиссия және басқа да тетіктер арқылы тиісті жұмыстар жүргізілуде.Бұдан бөлек, онлайн-платформалар мен БАҚ арасындағы жарнама бөлінісін реттеу, сондай-ақ кейбір тауар түрлерін жарнамалауға қойылған тыйымдарды ішінара алып тастау мүмкіндігі заңнамалық тұрғыда қарастырылмақ.Фото: Нурболат Нуржаубай

Қазақстанда балалардың әлеуметтік желіге кіруіне шектеу қойылуы мүмкін

<a href="https://kyzylorda-news.kz/">Kyzylorda-news.kz</a> Премьер-министрдің орынбасары – Мәдениет және ақпарат министрі Аида Балаева Үкімет отырысында Мемлекет басшысы Ұлттық құрылтайда білім саласын қаржыландыруға қатысты нақты тапсырма бергенін атап өтті, деп хабарлайды <a href="https://baq.kz/ukimet-bilim-salasyndagy-olqylyqtardy-zhoyuga-kiristi-200029736/">BAQ.KZ</a> тілшісі.Мемлекет басшысы білім және денсаулық сақтау саласын қаржыландыру мәселесін қайта қарауды тапсырып, саладағы негізгі мәселелер мен олқылықтарды атап өтті. Осыған байланысты нақты жұмыстар қолға алынады, - деді Балаева.Бүгінде білім беру саласында пилоттық режимде жекеменшік мектептерді цифрлық есепке алуды, негізгі процестерді автоматтандыруды және бюджеттеу жүйесімен синхрондауды көздейтін жаңа тетік енгізілді. Нәтижесінде 785 жекеменшік мектеп толық цифрландырылды.Бюджет қаражатын тиімді әрі мақсатты пайдалану үшін жаңа жекеменшік мектептерге мемлекеттік тапсырысты орналастыруға мораторий енгізіледі. Мемлекеттік қаржыландыру енді тек өңірдегі нақты қажеттілік бар жекеменшік мектептерге ғана бағытталады. Бұл ретте мемлекеттік мектептердің болмауы, үш ауысымды оқытуды жою және апатты мектептердің орнына жаңа білім беру нысандарының салынуы негізгі басымдық ретінде айқындалып отыр, - деп айтты Үкімет мүшесі отырыста.Оның айтуынша, білім саласына жекеменшік инвестицияны тарту үшін мемлекеттік тапсырыссыз, тек инвестициялық шығынды өтеу механизмі сақталды.Сонымен бірге Оқу-ағарту министрлігі мүдделі мемлекеттік органдармен бірлесіп, жекеменшік мектептерге лицензиядан кейінгі бақылау жүргізіледі. Бақылау аясында білім беру сапасының сақталуына, педагог кадрлармен қамтамасыз етілуіне және балалардың қауіпсіздігіне ерекше назар аударылады.Фото: Нұрболат Нұржаубай

Үкімет білім саласындағы олқылықтарды жоюға кірісті

<a href="https://kyzylorda-news.kz/">Kyzylorda-news.kz</a> Бүгінгі жастар мен жасөспірімдердің алдында тұрған ең өзекті мәселелердің бірі – есірткіге әуестік. &nbsp;Бұл тек қолдану ғана емес, оны тасымалдау мен таратуға да қатысы бар аса қауіпті қылмыс. Ресми деректерге сүйенсек, Қазақстанда есірткіге алғаш рет әуестенетіндердің едәуір бөлігі 14–18 жас аралығындағы жастар екен. Бұл көрсеткіш әрқайсымызды ойландыруы тиіс деп ойлаймын.Кейбіреулер «бір рет байқап көру ештеңе емес» деп ойлайды. Бірақ сол бір қадам адамды қайтар жолы жоқ соқпаққа түсіруі мүмкін. Есірткі – балдай тәтті у: сырттай қызық көрінгенімен, іштен жеп, өмірді улайды. Ал оны тасымалдау немесе біреуге жеткізу &nbsp;өз болашағыңды ғана емес, өзгенің де тағдырын құрдымға жіберу ғой. &nbsp;Ал қылмысқа қадам басу – қара түнекке өз еркіңмен енумен тең. Осы орайда ұлы Абайдың «Адам баласы – ақыл, ғылым, ар, мінезбен озбақ» деген сөзін жадымызда мәңгі сақтағанымыз абзал. &nbsp;Қорытындылай айтсам, біз – елдің ертеңіміз. Есірткіге қарсы тұру – өмірді, денсаулықты және болашақты таңдау екенін ұмытпайық. Денсаулық бар жерде – арман бар, үміт бар. Сондықтан мен салауатты өмір салтын таңдап, қауіпсіз ортада өмір сүруді таңдаймын.Диана Дүзелбаева,&nbsp;Қармақшы ауданыАлдашбай ахун ауылы«№111 орта мектебі» КММ9-сынып оқушысы

Болашағымды улағым келмейді

<a href="https://kyzylorda-news.kz/">Kyzylorda-news.kz</a> Инженерлік бағыттағы №290 «Келешек» мектебінде «Адал Азамат» біртұтас тәрбие бағдарламасы мен «Заң және тәртіп» айлығы аясында «Заң және тәртіп – басты бағдар» атты зияткерлік сайыс жоғары деңгейде ұйымдастырылып, мазмұнды түрде өтті.Аталған іс-шараның басты мақсаты – оқушылардың құқықтық сауаттылығын арттыру, заңға құрметпен қарау мәдениетін қалыптастыру, сондай-ақ жас ұрпақтың азаматтық жауапкершілігін нығайту болды. Сайыс барысында оқушылар құқық, заң, қоғамдық тәртіп тақырыптары бойынша білімдерін ортаға салып, өзара бақ сынасты.Сайысқа арнайы қонақ әрі әділқазы ретінде қала прокуратурасының бөлім прокуроры Оразалиева Асылжан Жолдасбекқызы және полиция лейтенанты Қаспаев Ербол қатысып, қатысушылардың білім деңгейіне әділ әрі кәсіби баға берді. Қазылар алқасы оқушылардың заңды білуі, ойлау қабілеті мен белсенділігін жоғары бағалады.Зияткерлік сайыс қорытындысы бойынша:1-орын – 9 «А» сыныбы, «Заңгер» тобы;2-орын – 9 «Б» сыныбы, «Құқық шамы» тобы;3-орын – 9 «Ә» сыныбы, «Ақиқат» тобы.Іс-шара оқушылар үшін танымдық әрі тәрбиелік маңызы зор іс-шараға айналып, заң мен тәртіптің қоғамдағы рөлін терең түсінуге мүмкіндік берді. Осындай зияткерлік сайыстар жас ұрпақтың құқықтық мәдениетін қалыптастыруға және саналы азамат болып өсуіне үлкен үлес қосатыны сөзсіз.<img src="https://knadmin.beoblood.kz/uploads/de6ba309_ff1f_4352_b2a9_de121304bfce_5f55aa649f.jpg" alt="de6ba309-ff1f-4352-b2a9-de121304bfce.jpg">Фото: pixabay.com

«Заң және тәртіп – басты бағдар» зияткерлік сайысы өтті

<a href="https://kyzylorda-news.kz/">Kyzylorda-news.kz</a> Отбасы банк жылжымайтын мүлікте үлесі бар тұрғын үй кезегінде тұрған азаматтарға жеңілдетілген ипотека рәсімдеуге және жалдамалы тұрғын үй алуға өтініш беруге рұқсат берді. Бұл туралы <a href="https://stan.kz/otbasi-bank-tyrgin-uy-kezeginde-tyrgan-azamattarga-kati-429139/">Stan.kz</a> ақпарат агенттігі хабарлайды.&nbsp;“Отбасы Банк” мәліметінше, өзгеріс биылғы жылдың ақпан айынан бастап күшіне енбек.Бұған дейін егер кезекте тұрған адамның жылжымайтын мүлікте тіпті кішкентай ғана үлесі болса, ол &nbsp;жеңілдетілген ипотека да, мемлекеттік тұрғын үй де ала алмайтын. Себебі талапқа сәйкес, үміткердің соңғы бес жыл ішінде жеке меншігінде тұрғын үйі болмауы тиіс еді. Мәселен, адамның &nbsp;өз баспанасы болмай, бірақ ата-анасының пәтерінде өте аз ғана үлесі болса мемлекеттік көмекті қолдана алмайтын.<blockquote>“Енді адамның тұрғын үйде үлесі болса, бірақ ол кезекте тұрса, мемлекеттік қолдауға ие бола алады. Яғни, жеңілдетілген ипотека немесе жалдамалы тұрғын үй алу мүмкіндігі бар. Бұл мәселе заң жүзінде толық реттелмеген еді. Бірақ Отбасы банк азаматтардың жағдайын түсініп, көптеген өтініштерді ескере отырып, үлестік меншігі бар кезекте тұрғандарды есепке алу туралы шешім қабылдады”, – делінген банк хабарласында.</blockquote>Фото: Отбасы банк

Отбасы банк маңызды өзгеріс енгізілетінін мәлімдеді

<a href="https://kyzylorda-news.kz/">Kyzylorda-news.kz</a> Күн ортасындағы кәдімгі телефон&nbsp;қоңырауы, мессенджердегі хабарлама немесе&nbsp;«ресми»&nbsp;SMS&nbsp;– әдетте&nbsp;қаржылық алаяқтық осылай басталады. Егде жастағы адамдар үшін мұндай&nbsp;әрекеттер үйреншікті,&nbsp;таныс болып көрінеді және сенім тудырады: бір кездері мұндай мәселелер&nbsp;шынымен де&nbsp;телефон арқылы шешілген.Осыны&nbsp;алаяқтар&nbsp;әккі&nbsp;пайдаланады. Олар күрделі жүйелерді бұзбайды, &nbsp;олардың негізгі қаруы&nbsp;—&nbsp;қорқыныш&nbsp;сезімін туғызу, асықтыру&nbsp;және&nbsp;олардың көңіл-күйлеріне қысым жасау.&nbsp;«Шотыңызға қауіп төнуде»&nbsp;немесе&nbsp;«туысқаныңыз &nbsp;қиын&nbsp;жағдайда» деген сөздер&nbsp;адамға&nbsp;ойлануға&nbsp;да мұрсат бермейді.&nbsp;Сондықтан қарт адамдарды қорғау — &nbsp;бұл тек цифрлық қауіпсіздік мәселесі ғана емес, сондай-ақ оларға қамқорлық таныту, назар аудару және дағдыға айналған іс-қимыл ережелері.Қарт адамдарды алдаудың кеңінен таралған схемалары«Банктен»&nbsp;немесе «қауіпсіздік қызметінен» түскен қоңыраулар &nbsp;&nbsp;Қарт адамға қоңырау шалып, өздерін банк қызметкерлеріміз деп таныстырады. Олар күдікті операциялар, шотты бұзу немесе кредит ресімдеу әрекеттері болғаны жөнінде хабарлайды. Әңгіме байсалды түрде, банктердің нақты атаулары мен таныс сөз тіркестерін қолдана отырып жүреді, бұл қарт адамдардың сенімдерін тудырып, күмәндануға негіздер болмау үшін жасалады.&nbsp;«Қаражатты қорғап қалу»&nbsp;деген сылтаумен адамды асықтырады: олар SMS-пен келген кодты, карта деректемелерін атауды немесе ақшаны «қауіпсіз шотқа» аударуды сұрайды. Мұның бәрі адамның бей-берекетін шығарып, асықтырып, оған ойлануға уақыт бермеу үшін жасалады.Есте сақтау маңызды: нағыз банктер ешқашан растау кодтарын, PIN немесе CVV сұрамайды және телефон арқылы ақша аударуды сұрамайды. Егер әңгіме күдік тудырса, оны дереу доғарып, банкке өзіңіз хабарласқаныңыз абзал. Сақтық пен ақпаратты тексеру - сіздің жинақ ақшаңызды қорғаудың кепілі.&nbsp;«Мемлекеттік органдардан»&nbsp;келетін хабарларҚарт адамға ХҚО-дан, зейнетақы қорынан, салық немесе полициядан хабарлама келеді. Онда зейнетақыны қайта есептеу, айыппұл немесе деректерді шұғыл растау қажеттілігі туралы айтылады. Мұндай сөздер алаңдаушылық тудырады және асығыс әрекет&nbsp;жасауға итермелейді.Хабарламадағы сілтеме жалған сайтқа апарады, ол сырт көзбен қарағанда ресми сайтқа ұқсайды. Оған дербес &nbsp;немесе банк деректерін енгізу арқылы адам оны алаяқтарға жібереді.Есте сақтау маңызды: мемлекеттік органдар дербес&nbsp;деректерді сұрамайды және SMS немесе мессенджерлер арқылы шұғыл әрекет етуді талап етпейді. Кез-келген күмән туындаған жағдайда ұйымға ресми байланыстар арқылы дербес хабарласқан дұрыс. Сақтық және ақпаратты тексеру сіздің жинағыңызды және дербес деректеріңізді қорғайды.«Туысқаныңыз қиын жағдайда»&nbsp;Алаяқтар жиі қарт адамдардың көңіл-күйлерін пайдаланады. Олар қоңырау шалып, ұлы, немересі немесе басқа жақын адамы апатқа ұшырағанын, ұсталғанын немесе шұғыл көмекке мұқтаж екенін хабарлайды. Әңгіме сенімді түрде және асығыс жүреді: адамды оның салдарымен &nbsp;қорқытады, біреуге қоңырау шалуға немесе ақпаратты тексеруге тыйым салады, бұл қарт адамға қатты күйзеліс болып, тез әрекет ету қажет деген &nbsp;ой тудырады. Эмоциялардың қысымымен алаяқтар дереу ақша аударуды немесе оны «курьерге» беруді талап етеді. Мұндай жағдайда тіпті ең сақ адам да сасқалақтап қалуы мүмкін.Есте сақтау маңызды: ешкімнің қауіп төндіріп &nbsp;қаражат аударуды талап етуге құқығы жоқ. Егер сізге осындай оқиғамен қоңырау шалса, әңгімені тоқтатып, жақын адамыңызбен өз бетіңізше байланысыңыз.Жалған инвестициялар және «кепілдік берілген кіріс»Қарт адам «сенімді» жобаға — кооперативке, криптовалютаға немесе «мемлекеттік бағдарламаға» жинақ салу туралы ұсыныс алады. Олар танымал брендтердің атын жамылып немесе Үкіметтің қолдауы бар деген желеумен тәуекелсіз, жоғары кіріс алуға уәде береді. Бір қарағанда қауіпсіз болып көрінеді, бірақ бұл алаяқтардың классикалық схемасы.Шындығында, мұндай ұсыныстардың артында әрдайым алдау тұрады. Ешқандай жоба тәуекелсіз пайдаға кепілдік бермейді, ал ресми бағдарламалар бейтаныс шоттарға ақша аударуды қажет етпейді. Кез келген инвестицияны жасамас бұрын, ақпаратты тексеру, оны туыстарымен талқылау немесе ресми дереккөздерге жүгіну маңызды.Мессенджерлердегі аккаунттарды қолды қылуЖалған сілтемелер арқылы алаяқтар қарт адамның WhatsApp немесе Telegram қосымшаларына кіре алады. Осыдан кейін олар оның туыстары мен таныстарына оның атынан шұғыл қарыз алуды талап етіп хат жаза бастайды.Есте сақтау маңызды: егер хабарлама күдікті болып көрінсе немесе талап етуге ұқсайтын болса, оны жіберген адамды дереу тексеріп алған дұрыс.<img src="https://knadmin.beoblood.kz/uploads/arzhyly_auipsizdik_a626bc71b8.png" alt="Қаржылық қауіпсіздік.png">Фото: fingramota.kz

Қарт адамдарды қаржы алаяқтарынан қалай қорғауға болады?

<a href="https://kyzylorda-news.kz/">Kyzylorda-news.kz</a> Қызылорда облысындағы ірі тұз өндіруші кәсіпорын — АҚ «Аралтұз» өзінің 100 жылдық мерейтойы аясында өндірістік персоналдың жалақысын арттырды.1 қаңтардан бастап өндіріс қызметкерлерінің жалақысы 10 пайызға өсті. Бұл шешім барлық бөлімшелерге қатысты және кәсіпорынның әлеуметтік жауапкершілік саласындағы ұзақмерзімді стратегиясының бір бөлігі болып табылады.Компанияда атап өткендей, жалақының көтерілуі еңбек жағдайларын тұрақтандыруға және жұмыс беруші мен ұжым арасындағы сенімді нығайтуға бағытталған.Сондай-ақ мерейтой аясында кәсіпорында 10 жылдан астам еңбек етіп келе жатқан қызметкерлер естелік медальдармен марапатталды. Марапаттар кәсібилік, адал еңбек және өндірістің дамуына қосқан үлес үшін табысталды.АҚ «Аралтұз» президенті Нұрлан Айтқазиннің айтуынша, кәсіпорынның тұрақтылығы қызметкерлерге деген көзқарасқа тікелей байланысты.<blockquote>– Қызметкер өзін құрметтелген және болашағына сенімді сезінген кезде, бұл бүкіл компанияның жұмысы мен келешегіне оң әсер етеді, – деді.</blockquote>Жүз жылдыққа орай іске асырылған бастамалар «Аралтұздың» Қызылорда облысындағы ірі жұмыс беруші әрі өңірдің әлеуметтік-экономикалық дамуына үлес қосып келе жатқан кәсіпорын екенін айқындай түседі.<img src="https://knadmin.beoblood.kz/uploads/IMG_20260120_WA_0112_0efe49bea3.jpg" alt="IMG-20260120-WA0112.jpg">

«Аралтұз» компаниясы қызметкерлерге әлеуметтік қолдауды күшейтуде

<a href="https://kyzylorda-news.kz/">Kyzylorda-news.kz</a> Президент Ұлттық құрылтайдың қызметіне белсене атсалысып, реформалардың табысты жүзеге асырылуына елеулі үлес қосқан бір топ азаматты мемлекеттік наградамен марапаттады, деп хабарлайды Ақорданың баспасөз қызметі.Елдің әлеуметтік-экономикалық және қоғамдық дамуына қосқан елеулі үлесі келесі азаматтар наградталды:I дәрежелі «Барыс» орденіменИмандосов Самұрат Жұманұлы&nbsp;— еңбек ардагері, Қызылорда облысыПеруашев Азат Тұрлыбекұлы&nbsp;— «Ақ жол» Қазақстан демократиялық партиясы» ҚБ төрағасы, Астана қаласы;<img src="https://knadmin.beoblood.kz/uploads/Nagrada_3_4f1bc1f3ed.jpg" alt="Награда 3.jpg">II дәрежелі «Барыс» орденіменАқылбай Серік Байсейітұлы&nbsp;— «Қазақстан заңгерлер одағы» РҚБ төрағасы, Астана қаласыКүлекеев Жақсыбек Әбдірахметұлы&nbsp;— «Қолданбалы экономиканы зерттеу орталығы» ЖШС ғылыми жетекшісі, Астана қаласыТұрлыханов Дәулет Болатұлы — Парламент Мәжілісінің депутаты;III дәрежелі «Барыс» орденіменБектұрғанов Серік Шыңғысұлы&nbsp;— «Тобыл» әлеуметтік-кәсіпкерлік корпорациясы» АҚ басқарма төрағасының орынбасары, Қостанай облысыДосжан Сәуле Мағазбекқызы&nbsp;— жазушы, Алматы қаласыЖаңбыршин Еділ Терекбайұлы&nbsp;— Парламент Мәжілісінің депутатыСабильянов Нұртай Салихұлы&nbsp;— Парламент Мәжілісінің депутатыУмарова Айман Муратовна — адвокат, Алматы қаласыІзбасов Максим Шафихұлы&nbsp;— Атырау облысы қоғамдық кеңесінің мүшесі;<img src="https://knadmin.beoblood.kz/uploads/Nagrada_4_2c703f7e71.jpg" alt="Награда 4.jpg">«Парасат» орденіменАңсат Сәби Әбдіқадырұлы&nbsp;— еңбек ардагері, Қызылорда облысыӘбенов Мұрат Абдуламитұлы&nbsp;— Парламент Мәжілісінің депутатыБикебаев Айдын Жолшыұлы&nbsp;— адвокат, Астана қаласыКенжеханұлы Рауан&nbsp;— «Халықаралық „Қазақ тілі“ қоғамы» ҚБ президенті, Астана қаласыКөшербаев Айтбай Көшербайұлы&nbsp;— еңбек ардагері, Қызылорда облысыҚұттықожаев Ибадулла Дүйсенбайұлы&nbsp;— Қызылорда қалалық мәслихатының депутатыПономарёв Сергей Михайлович&nbsp;— Парламент Мәжілісінің депутатыСайыров Ерлан Бияхметұлы&nbsp;— Парламент Мәжілісінің депутатыСатыбалды Азамат&nbsp;— актер, Алматы қаласыСахариянов Қанат Ақылбайұлы&nbsp;— «Media Holding „Atameken Business“ ЖШС бас директоры, Астана қаласыТалаева Тәттігүл Жақсыбайқызы&nbsp;— «Тандем» телерадиокомпаниясы» ЖШС бас директоры, Ақтөбе облысыТілеуімбетов Мұрат Жолкелдіұлы&nbsp;— Қызылорда облыстық мәслихатының төрағасыФазылжан Анар Мұратқызы&nbsp;— «А.Байтұрсынов атындағы Тіл білімі институты» РМК директоры, Алматы қаласы;«Ел&nbsp;бірлігі» орденіменДементьева Наталья Григорьевна&nbsp;— Парламент Мәжілісінің депутаты;<img src="https://knadmin.beoblood.kz/uploads/Nagrada_5_358e8cad85.jpg" alt="Награда 5.jpg">«Құрмет» орденіменАрыстанбеков Қайырбек Төлендіұлы&nbsp;— «Экономикалық саясат институты» мекемесінің президенті, Астана қаласыӘміртаев Азаматхан Сайлауұлы&nbsp;— «Қазақстанның „Байтақ“ жасылдар партиясы» ҚБ төрағасы, Астана қаласыӘскеров Эмин Халилұлы&nbsp;— «Green Tal» әлеуметтік шеберханасының басшысы, Астана қаласыБазартай Жандос Нұртайұлы&nbsp;— «Amanat» партиясы Қызылорда облыстық филиалының төрағасыБорашов Раббим Байбозұлы&nbsp;— Маңғыстау облысы қоғамдық кеңесінің мүшесіЖәлімбетов Қайрат Тыныштықұлы&nbsp;— «Қосымша білім беру оқу-әдістемелік орталығы» КММ директоры, Қызылорда облысыҚожахметова Ләззат Таймырқызы&nbsp;— Қарағанды облыстық мәслихатының депутатыМайгелдинов Қазыбек Өмірзақұлы&nbsp;— «Қытай зерттеушілері қауымдастығы» ҚҚ төрағасы, Астана қаласыСарыбай Серік Әбікенұлы&nbsp;— жазушы, Жетісу облысыСәдуақасов Серік Тельманұлы&nbsp;— Павлодар облысы қоғамдық кеңесінің мүшесіТау Сырымбек&nbsp;— кәсіпкер, Алматы қаласыТұрсынқожаев Қайсар Болатбайұлы&nbsp;— білім мәселелері жөніндегі сарапшы, Алматы қаласыШаталов Никита Сергеевич&nbsp;— Парламент Мәжілісінің депутаты;«Ерен еңбегі үшін» медаліменМатжани Нұрбек Сейілханұлы&nbsp;— журналист, Астана қаласыСұлтанхан Мейірбек Бектұрсынұлы&nbsp;— «Хабар» телеарнасының редакторы, жүргізушісі, Қызылорда облысы;«Шапағат» медаліменПак Елена Владимировна&nbsp;— «Ассамблея жастары» РҚБ Қызылорда облыстық филиалының төрағасы;«Қазақстанның еңбек сіңірген қайраткері» құрметті атағы берілсінБақтиярұлы Мұрат&nbsp;— қоғам қайраткері, Қызылорда облысыНұрмұхамедов Бөріхан Жолбарысұлы&nbsp;— саясаттанушы, Алматы қаласы.2. Осы Жарлық қол қойылған күнінен бастап қолданысқа енгізіледі.Фото: Ақорда

Қазақстан және Қызылорда облысының жаңалықтары: Қоғам