Фото: &nbsp;ашық дереккөзKyzylorda-news.kz. Британдық ғалымдар чат-боттарға жеке ақпаратты бермеу керек екенін айтты. Бұл туралы Bugin.kz хабарлайды.Оксфорд университетінің (Ұлыбритания) информатика профессоры Майкл Вулдридждің айтуынша, CHatGPT сияқты чат-боттар "өте дәл" және пайдаланушы сұраған сұрауларды орындайды. Осылайша, бот болашақта басқа пайдаланушылардың сұрақтарына жауап беру үшін тұтынушылардың жеке мәліметтерін пайдалана алады.Сондықтан Вулдридж чат-боттардың қауіпті екенін ескертті. Соған сәйкес, қызмет жинаған барлық ақпарат сақталады және чат-боттың келесі буынына беріледі. Оның айтуынша, жүйеге кездейсоқ жүктелген құпия ақпаратты жою мүмкін емес.

Ғалымдар чатта не жазу адамға қауіп төндіретінін айтты

Фото: Дамир ЕрубаевKyzylorda-news.kz. Мәжілістің Халықаралық істер, қорғаныс және қауіпсіздік комитетінің төрайымы Айгүл Құспан Jibek Joly телеарнасына берген сұхбатында әскери қызметтегі ер адамдардың бала күтіміне байланысты демалысқа шығуын ұятсыздыққа балады, &nbsp;деп хабарлады Қазақпарат.&nbsp;<blockquote>«Ер офицерлердің декретке шығуына рұқсат беретін заң 2014 жылы қабылданған болатын. Бірінші жылдары олар ұялды. Үшеу-төртеуі ғана декретке шығатын. Ал қазір 600 ер офицер рахаттанып декретте жүр. Өйткені олардың қызметі жүріп жатады, шені өсе береді. Балаға бәрібір әйелдері қарайды. Одан қалса әжесі, бала күтушілер бар. Ал офицер басқа бір жұмыста істеп жүр. Мысалы, такси айдаса да декрет ақшасымен қосқанда көп ақша табады. Бұл енді кішкене ұятсыздау нәрсе деп ойлаймын. Сондай-ақ, ол қауіпті», — деді Айгүл Құспан.</blockquote>Оның айтуынша, Қорғаныс министрлігі ер офицерлерді бала күтімі бойынша демалысқа жіберуге рұқсат беретін шешімдердің күшін жоюға ынталы.<blockquote>«Қорғаныс министрлігі қазір шырылдап жүр. Мүмкін бұл норманы қайта қарайтын шығар. Бірақ бұл шешім — біздікі емес, халықаралық норма. Халықаралық еңбек ұйымы деген ұйым бар, Женевада отырады. Солар „Ер адам мен әйелдің құқығы бірдей. Баламен отыруға екеуінің де құқығы бар. Әскери адам болсын, жай азамат болсын“ дейді. Қазақ қоғамында бұл кішкене ерсі нәрсе», — деді депутат.</blockquote>

Офицерлер рахаттанып декретте жүр, ал баласына бәрібір әйелі қарап отыр - депутат

Фото:dalanews.kz.Kyzylorda-news.kz. Ресейлік тележүргізуші Тина Канделаки Telegram арнасында Қазақстан туралы кезекті жазбасын бөлісті, деп хабарлайды Dalanews.kz.Канделаки орыс тілінің ығысуына байланысты жазбасына үн қатқан қазақстандықтарға тағы да жауап қайтарды. Кезекті жазбасында ол “мәңгүрт” сөзіне ерекше тоқталып, қаңтар оқиғасы кезінде Ресейдің Қазақстанға көмектескенін мәлімдеді.<blockquote>“Құрметті қазақтар, сіздерде “мәңгу” деген қарапайым бірақ кең мағыналы ұғым бар. Бұдан белгілі мәңгүрт бейнесі шығады. Ол – жадысынан, болмысынан, санасынан айырылған адам. Өзіңізді және өткеннің еншісінде қалған тарихи оқиға мен тарихи атауларды ұмыту – жай ғана сауатсыздық емес, сонымен қатар қауіпті әрекет” – деп жазды ол.</blockquote>Тележүргізуші өткенді еске алмау “Борат” фильміне қошемет көрсетумен бірдей екенін еске салды.<blockquote>“Фильмге Қазақстаннан басқа кім тыйым салды? Ресей мен Парсы шығанағы елдері. Ал Батыс елдері ше? Қазақтарға мән бермеді. Олар үшін қазақтар кім? Жауабы фильмнен анық көрініс табады. Қазақстан екі жыл бұрын жойылып кете жаздады. Сол кезде көмекке келген көрші жақсы ма, әлде жанып жатқан қала ма?“– деп жазды Канделаки.</blockquote>Ол 2022 жылы Қаңтар оқиғасы кезінде ҰҚШҰ әскерінің Қазақстанға баруын мысалға келтірді. Оның айтуынша, егер «көршілерінің көмегі» болмаса, Қазақстан өмір сүруін тоқтатар еді.Еске сала кетейік, күні кеше ресейлік тележүргізуші Тина Канделаки Қазақстан орыс тілін мемлекеттік деңгейде ығыстырып жатыр деп Telegram арнасына жазба жариялаған еді. Оған қазақстандық белгілі тұлғалар мен қарапайым халық наразылығын білдірді.

Қаңтарда Қазақстанды Путин құтқарып қалды – Қанделаки

Kyzylorda-news.kz. &nbsp;2023 жыл Сыр мәдениеті үшін толағай табыстарға толы жыл болды. Мәселен, былтыр облыста 2 мәдени нысан ел игілігіне беріліп, өз қызметін бастады. Соның бірі - отбасылық құндылықтарды айшықтайтын, жас ұрпаққа рухани-адамгершілік тәрбие беруге бағытталған "Анаға тағзым" орталығы мен жас жұбайлардың салтанатты неке қидыруына арналған "Отбасы орталығы" ашылды.Бұдан бөлек, аймақ басшысының бастамасымен көпфункционалды 1000 орындық «Өнер» орталығының құрылысы қарқынды жүргізілуде. Бұл орталық та жақын күндері өнер сүйер қауымның игілігіне пайдалануға беріледі. Жыл бойы атқарылған жүйелі жұмыстарды Өңірлік коммуникациялар қызметінің ұйымдастыруымен өткен көшпелі брифингте облыстық мәдениет, архивтер және құжаттама басқармасының басшысы Мира Қазбекова баяндады.<blockquote>- 2023 жылы Сыр мәдениетінің тарихында алтын әріппен жазылатын айтулы оқиғалар көп болды. Аймақ басшысының қолдауымен бірнеше мәдени нысандар ашылып, ел игілігіне берілді. Тағы бір айтулы жаңалық Арқа төрінде &nbsp;Астана қаласының 25 жылдығы мен Қызылорда облысының 85 жылдығына арналған Сыр өлкесінің өнер күндері жоғары деңгейде өтті. Биыл да мәдениет мәртебесін асқақтататын айшықты шаралары мен байырқалы бастамалар жалғасын табады. Жеті ауданда типтік үлгідегі «Руханият» орталықтары салынады және елді мекендерде мәдени-спорттық кешендердің жобасы әзірленуде. Әйтеке бидің 380 жылдығына арналған «Әділ сөздің алдаспаны» атты тұңғыш республикалық командалық айтысы да биыл &nbsp;Сыр өңірінде өткізіледі. Одан бөлек, &nbsp;сәуір айында Алматы қаласында Қызылорда облысының өнер күндері өтеді деп жоспарлануда. «Тұран» облыстық рухани-мәдени, шығармашылық фестивалі және композитор, Қазақстанның еңбек сіңірген қайраткері Рамазан Таймановтың шығармашылығына арналған «Сыр Ана» республикалық әншілер конкурсы басталады. Сондай-ақ, Байқоңыр қаласында мемлекеттік және ұлттық мерекелерді өткізу жоспарымызда бар. Бұдан бөлек, Қазақстанның еңбек сіңірген әртісі Мәдина Ералиеваның 70 жылдығына арналған «Ақбаян» республикалық әншілер конкурсы ұйымдастырылады, - деді басқарма басшысы.</blockquote>

Сәуір айында Алматы қаласында Қызылорда облысының өнер күндері өтеді

Kyzylorda-news.kz. Танымал коуч Роза Әшірбаева ажырасқан әйелдердің жай-күйі туралы айтты , - деп хабарлайды Massaget.kz.Оның сөзінше, қоғамда ажырасқан отбасындағы әйелді ғана сөгуге құмарлар бар.<blockquote>"Біздің қоғамда әйел "ажырасқан" деген атаққа ие болғысы келмейді. Ол туыс пен ортаң үшін өліммен тең. Бұл жүктің ауырлығын тек ажырасқан әйел біледі. Байқасаңыз, ажырасқан еркекті ешкім сөкпейді, ол кінәсіз, оның әйеліне отбасын сақтап қалмады дейді жұрт… Күйеуінен қорлық көріп жүрген әйелдің екі ғана жолы бар:</blockquote>1. Еркектің қорлығына шыдап, түбінде не оның қолынан, не денсаулығының нашарлауынан өлу;2. Ажырасудың жүгінен өліп барып тірілуге тырысу, өзі және туған балалары үшін өмір сүру;Еркектен қорлық көріп жүрген әйелде таңдау аз. Қайда барады ол? Кім оны түсінеді? Кім оны сөкпей қабылдайды? Егер сіз ажырасқан қазақ әйелін көрсеңіз біліңіз, ол жанын сақтап қалу үшін сөгістің аласапыран отына күйді. Оның жүрегі мәңгі жаралы. Ол енді еркекке сенбейді. Қазақ әйелі ажырасқысы келмейді, оны еркек ажырасуға итермелейді…", - деп жазды ол.Желі қолданушылары коучтың пікірін құптады."Толық келісемін, ешкім тұрмысқа ажырасамын деп шықпайды", "Өтеее орынды айтылған. Кейбір Имам-Ұстаздар ажырасқан әйелдер дер астын сызып тұрып, екінші сорт ретінде қарап тек Әйелге ақыл айтады. Соған итермелеген еркексымақты назарларына да ілмейді және әдемілеп ақтап алады. Өкінішке орай...", "Дәл тауып айтылған сөздер", "Дұрыс айтасыз", - дейді олар.

"Ажырасқан еркекті ешкім сөкпейді": Танымал коуч қазақтың дертін ашық сынады

Kyzylorda-news.kz. Облыс әкімінің бастамасымен жуырда Қызылорда облысының 7 ауданында музей, кітапхана, архив, неке қию залы, ардагерлер және аналар, жастар орталықтары сынды бірқатар тарихи-мәдени, рухани ұйымдарды біріктіретін типтік үлгідегі «Руханият» орталықтары салынбақ. Ғимараттың құны шамамен *1,5*-1,8 млрд. теңгені құрайды.Барлық ұйымдарды бір ғимаратқа біріктіру арқылы бюджет қаржысы үнемделеді. Тағы бір пайдалы тұсы – ақсақалдар мен жастар бір-бірімен араласып, бірлескен жобаларды жүзеге асырады, жас буын үлкендердің ақылын тыңдап, тәжірибе алмасады. Мұндай орталықтардың бой көтергені бірнеше нысан салғанға қарағанда әлдеқайда тиімді. Әрқайсысын бөлек салғанда әрбіріне 1 млрд теңгеге жуық қаражат жұмсалады, әрі қарай оны күтіп-ұстауға да шығын кетеді. Бір ғимарат ішінде мәдени-көпшілік шаралар, концерттер, мерекелік кештер өткізу оны тұрғындар жиі келетін мәдениет ошағына айналдырады. Осылайша, Сыр өңірінде қай жағынан да ұтымды, бірегей жоба қолға алынбақ.Еске салсақ, өткен жылы өңірде &nbsp;150 орындық төрт клуб жаңадан салынып пайдалануға берілді. &nbsp;Қызылорда қаласында отбасылық құндылықтар мен салт-дәстүрді дәріптейтін «Анаға тағзым», «Отбасы» орталықтары қызметін бастады. Биыл облыс бойынша *17,0 млрд теңгеге 7000 орындық стадион, 2,7 млрд теңгеге үстел теннисы Орталығы, 6,8 млрд теңгеге Республикалық көпфункционалды спорт орталығы*, 4,8 млрд теңгеге 6 спорт кешені мен 4 ауылдық клуб құрылысы қолға алынады. Құны 3 млрд 700 млн теңгені құрайтын 1000 орындық Өнер орталығы жақын наурыз айында ашылады. Балалар мен жасөспірімдердің шығармашылығын шыңдау мақсатында Қызылорда қаласында «Шығармашылық академиясы» салынады.<img src="https://knadmin.beoblood.kz/uploads/FB_IMG_1705687090834_3b146293b3.jpg" alt="FB_IMG_1705687090834.jpg">

Сыр өңіріндегі 7 ауданда «Руханият» орталықтары салынады

Kyzylorda-news.kz. Оқушылардың қысқы каникулында Түркияда демалған екі қызылордалық мұғалімнің басы дауға қалды. Педагогтар шетелде жүріп, бірнеше мәрте трансвеститтер клубында көңіл көтерген. Мұғалімдердің бұл әрекетін ата-аналар әлеуметтік желілер арқылы көріп, ұстаздардың мектептен кетуін талап етіпті, деп хабарлайды Z<a href="https://zhasalash.kz/news/turkiyanin-transvestitter-klubinda-demalgan-kizilordalik-mugalmder-zhumistan-shigarildi-f7ba0c/">hasalash.kz</a> сайты.Бейәдеп қылық көрсеткен Қызылорда облысы, Қармақшы ауданына қарасты №250 мектептің ағылшын тілі пәнінің мұғалімдері. Шет тілін меңгерген мамандар Қызыл теңіз жағасында тынығу үшін мектеп әкімшілігін ескертіп, ақысыз демалыс алуды ұйғарыпты. Алайда кейін ұстаздардың Түркиядағы трансвеститтер клубында демалған видеолары әлеуметтік желілерде тарап кетіп, ата-аналардың наразылығын тудырған. Қарамағындағы қызметкерлердің мұндай әрекетке барғандығы мектеп басшылығын да есеңгіретіп тастаған көрінеді.<blockquote>“Екеуі де – ағылшын тілі пәнінің мұғалімдері, жас мамандар. Біреуінің “магистр” атағы да бар. Ұстаздардың әрекетін педагогикалық кеңесте талқыладық, жиналысқа әдейілеп тек әйел мұғалімдерді қатыстыруды жөн көрдім. Жиналыстан кейін ұстаздар өз еріктерімен жұмыстан кету туралы арыздарын жазды. Ол кісілер – тек ұстаз ғана емес, сонымен қатар әйел кісілер, бала тәрбиелеп отырған ана. Әріптестеріміздің мұндай әрекетке барғандары өте ұят болды”, – деп мәлімдеді мектеп директоры Гүлжахан Нарбаева.</blockquote>

Трансвеститтер клубына барған қызылордалық мұғалімдердің басы дауға қалды

Фото: championat.comKyzylorda-news.kz. Артық салматқан арылу адамзат баласы үшін әрқашан өзекті. Алайда кейбір адамдар салмақ жоғалту кезінде қателіктерге бой алдырып жатады. Аз жесем тез арықтаймын деген түсінік пен калорияны күрт азайту дұрыс емес. Диетолог Виктория Гончар артық салмақтан арылу кезіндегі ең қауіпті диеталарды атады, - деп хабарлайды&nbsp;Massaget.kz.&nbsp;Калорияны шектен тыс азайтуТөмен калориялы диеталар "күніне 900 калория" сияқты тамақтану жоспарын ғана емес, сонымен қатар көптеген моно-диеталарды қамтиды: қарақұмық, айран, күріш, қияр және т.б. Әдетте, бұл диеталар калорияны жеткіліксіз тұтынуға әкеліп соқтырады.Сонымен қатар, біз негізгі метаболизмді талап ететін калориядан аз тұтынатын кез келген диетаны дене ауыр стресс ретінде қабылдайды. Ораза өмірдің күрт нашарлауына, ұйқының бұзылуына, көңіл-күйдің өзгеруіне және тіпті депрессиялық жағдайлардың дамуына әкеледі.Салмақ жоғалту әсері байқалмайды Мұндай диеталар салмақ жоғалту тиімділігі жағынан да зиянды. Иә, алғашқы апталарда артық майлар шынымен кетеді. Бірақ мұның барлығы артық сұйықтықтан құтылу есебінен болады. Содан кейін салмақ жоғалту жылдамдығы айтарлықтай төмендейді. Өйткені дене метаболизмді баяулатады және май тінін сақтау үшін күресе бастайды.Нәтижелердің болмауы және тұрақты аштық сіздің әл-ауқатыңызды нашарлатадыү Бұл ерте ме, кеш пе ағзаның бұзылуына және артық тамақтануға әкеледі. Нәтижесінде адам жоғалған килограммдарын тез қалпына келтіріп қана қоймайды, сонымен қатар метаболизмнің бұзылуына байланысты одан да көп салмақ қосып алады.Сол себепті диетаның калория мөлшері күніне кемінде 1200 ккал болуы керек. Ал тұрақты нәтиже үшін салмақ жоғалтудың орташа жылдамдығы айына 3-4 килограммнан аспауы керек екенін есте ұстаған жөн.Протеин диетасы Протеин диетасы - бұл ақуыздың үлесін көбейту және бір мезгілде көмірсуларды, әдетте күніне 20-40 грамға дейін азайтуды қамтитын диетаның өте танымал түрі. Принциптің мәні денені энергияның балама көзіне, майларға көшуге мәжбүрлеу және сол арқылы май тінінің азаюын жеделдету.Дегенмен ақуыз диетасы ағзаның жұмысында бірқатар асқынулар мен бұзылуларға алып келеді. Сондықтан сіз оған қажетті емтихандардан өткеннен кейін дәрігердің қадағалауымен ғана жүгіне аласыз. Диетаның бұл түрі &nbsp;2-3 аптадан аспауы тиіс.Бауырға жүктемені арттыру Көмірсулардың жеткіліксіз мөлшерімен ақуыздың артық болуы бауырға, бүйрекке және асқазан-ішек жолына жүктемені айтарлықтай арттырады. Май тінінің жылдам ыдырауы және ақуыздың ыдырау өнімдерін ағзадан шығаруы бүйрек жеткіліксіздігінің, холелитиаздың, стеатоздың (майлы бауыр) және тіпті стеатогепатиттің даму қаупін арттырады.Протеин диетасы көбінесе ішектің бұзылуымен бірге жүреді: іш қату, ішекте тағамның шірік процестерінің күшеюі аясында газдың пайда болуының жоғарылауы секілді салдары бар. Ақуызға бай диетаның тағы бір кесапаты - кетоз. Бұл жағдайда адам үнемі әлсіздікке ұшырайды, ұйқысыздықтан зардап шегеді, летаргиялық күйде бола бастайды. Кетоздың айқын симптомы ауыздан ацетонның жағымсыз иісі шығады.Жануарлар текті тағамдардан бас тарту Бүгінгі таңда вегетариандық қоғам кеңейді. Олар жануар текті тағамдарды мүлде жемейді. Медициналық тұрғыдан алғанда, бұл диета жемістерге, көкөністерге, дәнді дақылдарға және басқа да өсімдік тағамдарына баса назар аударылады. Адам рационнан ет өнімдерін алып тастайды. Бірақ сүт және ашытылған сүт өнімдерін, жұмыртқаны, кейде тіпті балықты тұтынады. Бұл - пескатаризм деп аталады. Тамақтанудың бұл түрі толығымен дененің қажеттіліктерін қанағаттандыруға мүмкіндік береді.Ал вегетариандық – ақуыз бен аминқышқылдарының тапшылығына апаратын жол. &nbsp;Мұнда кез келген жануар текті тағамға тыйым салынады. Бұл жағдайда адам ағзасының барлық тіндері мен мүшелерінің жасушаларының құрылысы, гормондардың қалыпты өндірісі және иммундық жүйенің жұмыс істеуі үшін өмірлік маңызы бар белок пен аминқышқылдарының жетіспеушілігіне тап болады. Өкінішке орай, адамзат әлі жануар ақуызын толық ауыстыруды ойлап тапқан жоқ.&nbsp;

Дәрігер диетаның ең қауіпті түрлерін атады

Фото: Stan.kz.Kyzylorda-news.kz. Белгілі абайтанушы Омар Жәлел алаяқтарға алданып қалды. Олар атақ алып береміз деп ақша сұраған. Құжат жинауға керек деген қаражатты да аударып үлгерген. Бұл туралы Stan.kz ақпарат агенттігі хабарлайды.Әдебиет өкілі ұсынған ақша мен атаққа қызығып қалғанын жасырмайды.<blockquote>“Бұл ашкөздік дегенді қойсайшы: “Сізді қоғам қайраткері деген атаққа ұсынайық деп едік” деп хабарласты Алқа Шаяхмет қарындасым. “7 миллион теңге аласыз. Ешкімге айтпаңыз. Ешкім білмесін. Өзім коммисияның мүшесімін. Алла қаласа Тәуелсіздік күнінің қарсаңында алып қаларсыз” деді “жанашыр” қарындасым. Содан ашкөздігім оянып, белгісіз бір рақат сезімі билеп “құжат жинауға керек” деген сомасын басқа бір орыс тілді әйелдің атына аударып та жібердім. Тәуелсіздік күні де келіп жетті: атақ та жоқ, ақша да жоқ. Отырған сол дәметкеннен алқымым ісіп. “Енді не болды, қарындасым?” деп хабарлассам, “жылдың соңына дейін күтіңіз” дейді. Үмітсіз шайтан деп, отырмын енді күтіп. Бір мен ғана емес, қасымда “Дарын” сыйлығынан үміткер тағы екі адам бар: олар 5 миллионнан аламыз деп күткен екен”, – дейді абайтанушы.</blockquote>Желі қолданушыларының пікірі екіге жарылды. Бірі Омар Жәлелді қолдаса, енді бірі атақты ақша сатып алатынын сынап жатыр. “Атақ аламын деп ақша бергеніңіз үлкен ақымақтық екен сіздікі. Ол әншейін қағаз, ешкімге керегі жоқ төсбелі қалады әр жерде. Атақты халықтан сұраңыз, халық мойындаса еш жерде қалмайсыз” дейді бір оқырман. “Абай мен Шәкәрімнің шәкірті атақтан құр қалған емес. Ақша беріп, атақ алмай-ақ қойыңыз” дейді кезекті желі қолданушысы.

Омар Жәлел атақ алу үшін ақша беріп, алданып қалды

Kyzylorda-news.kz. Қазығұрт аудандық полициясына бір топ жергілікті тұрғындар хабарласып, олардың атына белгісіз біреу несие рәсімдегенін мәлімдеген. Бұл туралы Stan.kz ақпарат агенттігі хабарлайды.Аталған факті "Алаяқтық" бабы бойынша тіркелді. Күдікті 31 жастағы ер адам болып шықты. ол банк қызметкері бола тұра клиенттердің құжаттарын пайдаланып, 70 мыңнан 1 миллион теңгеге дейін несие рәсімдеген.<blockquote>"Ер адам 47 адамды алдады деген күдікке ілінді. Келтірілген жалпы шығын шамамен 21 миллион теңгені құрады. Қазіргі уақытта күдікті қамауға алынды. Сотқа дейінгі тергеу амалдары жүргізілуде", - делінген хабарламада.</blockquote>

Банк қызметкері тұрғындардың атынан 21 миллион теңге несие рәсімдеген

Kyzylorda-news.kz. Қызылорда қаласында құр қаңқасы қалған целлюлоза-картон зауыты ескі ғимараты тез арада бұзылады, деп хабарлайды <a href="https://kaz.inform.kz/">Kazinform.&nbsp;</a>Ескі зауыттың қаңқасы тұрғындарға қауіп төндіріп, қаланың сәулеттік келбетіне нұқсан келтіріп отыр. Халық арасында ЦКЗ аталып кеткен зауыттың жерін құрылыс нысанын салу мақсатында 2004 жылы жалға алу құқығымен жеке кәсіпкер иемденген.Осы уақыт аралығында кәсіпкер жерді нысаналы мақсатында пайдаланбаған. Құрылыс алаңын қоршауға бағытталған қандай да бір шараларды қабылдамаған. Осыған байланысты кәсіп иесіне ескерту жасалды.<blockquote>«Бұл мәселе қала әкімдігінің бақылауында болады. Алдағы күндері жер иесімен зауыт қаңқасын сүру бойынша жұмыстар жүргізіледі», - деп мәлім етті Қызылорда қалалық әкімдігінен.</blockquote>

Қызылордада тұрғындарға қауіп төндірген зауыт ғимараты бұзылатын болды

Kyzylorda-news.kz. Атмосфералық фронтальды бөліктердің өтуіне байланысты 14 қаңтарда еліміздің басым бөлігінде ауа райы құбылмалы болады.«Қазгидромет» РМК мәліметіне сәйкес, республиканың солтүстігі мен шығысында қалың қар жауады. Еліміздің оңтүстігі мен оңтүстік-шығысындағы таулы аймақтарда қатты жауын-шашын (жаңбыр, қар) жауады. Тек батыста күн райы жауын-шашынсыз болады деп болжанып отыр.Еліміз бойынша тұман түсіп, көктайғақ, бұрқасын болады, жел тұрады.Күндіз Солтүстік Қазақстан облысының оңтүстігі мен шығысында екпіні 30 м/с күшті жел болады.

Қазақстан және Қызылорда облысының жаңалықтары: Инфографика