<a href="https://kyzylorda-news.kz/">Kyzylorda-news.kz</a>&nbsp; Сіз Қазақстанда атом электр станциясын салуға келісесіз бе?

Сіз Қазақстанда атом электр станциясын салуға келісесіз бе?

<a href="https://kyzylorda-news.kz/">Kyzylorda-news.kz</a>&nbsp; Республикалық референдумға қатысуға құқығы бар азаматтарды тізімдерге енгізу.

Референдум: Әркімнің дауысы маңызды

Бүгінде Қазалы ауданында түрлі бағдарламаның игілігін көріп, ілім іздеп шетел асып жатқан жастар қатары қалыңдауда. Бұған дейін бергісі Стамбулда, арғысы, әлем астанасы Нью Иорк, Милан қалаларында оқыған қазалылық жаспен сұхбат құрып үлгердік. Ол – Қырғызстанның Бішкек қаласында медициналық академияда оқып жатқан, Бірлік ауылының тумасы Перизат Ізбасқанқызы. Талабы таудай арудың мақсатын айқын, болашағы жарқын.– Перизат, бүгінде Қырғызстан елінде медицина мамандығында білім алып жатырсыз. Аталмыш мамандықты көрші елде оқуыңызға не себеп болды?– Бұған дейін өзіміздің елде, Тараз қаласындағы медициналық колледжді төрт жыл оқып, тәмамдадым. Сонда жүріп, алдағы күндерге жоспар құрып, жоғары оқу орнын жалғастыруды ұйғардым. Ізденіс барысында, Бішкекте аталмыш, мамандықты тереңірек оқытатынын біліп, бағымды сынап көрдім. Тіпті, сондағы оқу орнына түсуді армандап та кеттім. Нәтижесінде, барлығы сәтті шығып, бүгінде төртінші курсымды аяқтағалы жатырмын.&nbsp;– Елден жырақта жүру қиынға соқпады ма? Жалпы, студенттік шағыңызда басыңыздан өткерген қиын да, қызықты оқиғаңызбен бөліссеңіз...– Әрине қиын. Бұрын "Қырғыз ағайындадың тілі, тіпті, көп сөзі біздікіне ұқсас келеді" дегенді естіп, тым оңай санайтын едік. Алайда, біз ойлағандай жеңіл болмай шықты. Ең бірінші, бетпе-бет кездескен мәселемнің бірі – тіл болды. Одан кейінгісі, мұндағылардың тілдік әдептілігі сәл дөрекілеу көрінеді. Бастапқыда, көңілге алып жүріп, әрбір сөздері ұрысып жатқандай жететін. Кейін оған да, бейімделіп кеттім. Ал, жалпы, қырғызстандықтар өте қонақжай, ақ көңіл келеді.Қызықты оқиғаға келер болсақ, жалпы, түркітілдер халық болған соң, ортақ сөздер көп болады. Дегенмен, кейбірінің мағынасы тым бөлек. Мәселен, Қырғыздарда "Сайқал" сөзі – әдемі, жылтыр деген мағынаны берсе, бізде – кербез дегенді білдіреді. Алайда, бұл сөз көбіне дөрекілікпен айтылатыны жасырын емес. Ал мұнда керісінше осы сөзбен азан шақырып, ат қою тым көп кездеседі екен. Сондай есімді алған группаласымыз болды.&nbsp;"Үш арсыздың бірі – күлкі" демекші, бастапқыда осындағы мән-мағынасын білмеген мен сабақ үстінде әлгі қыздың есімін естіген сайын күле беріппін. Сол үшін мұғалім сабақтан шығарып жіберген. Артынан группаласымнан кешірім сұрадым. Білместіктің салдарынан осындай оқиғаны бастан кешкенім бар.–"Қырғыз-Қазақ бір туған" деген екі &nbsp;елдің арасындағы достықты айшықтайтын жақсы тәмсіл бар. Осы орайда, Қырғыз ағайындардың бауырмалдығын қаншалықты сезіне алдыңыз?– Мен әу баста, Қырғызстанға оқуға түскелі жатырмын дегенде, көбісі, олардың қызуқандылығын айтқан. Бірақ, онда барғанымда жұрт айтқандай, қызуқанды адамды көрмедім. Керісінше, көршілеріміздің бізге деген құрметін, бауырмалдығын байқадым. Тіпті, олардың қонақжайлылығы жайлы сағаттап әңгіме айтуға да болады.– Қателеспесек, биыл оқу орнындағы соңғы курсыңыз. Бұдан әрі қандай жоспарыңыз бар? Өзге елде жоғары білім алған соң "Туған жеріме, еліме не бере аламын" деген ой туа ма?– Иә, биыл соңғы курсым. Мамандық бойынша жалпы медициналық дәрігер болып шығамын. Бізде жалпы практика дәрігері деп аталады. Яғни, толықтай бітірген соң әркім осы медицина саласындағы түрлі бағытты таңдай алады. Мәселен, бірі невропотолог, екіншісі, гинеколог деген секілді. Ал, мен кардиолог, жүрек ауруларының дәрігерін таңдап жатырмын.&nbsp;Әрине, әрбір жастың кеудесінде "еліме, жеріме қандай пайда тигіземін" деген сауал болуы тиіс. Тиісінше, менде де, дәл сондай ой болады. Алла қаласа, аман-есен тәмамдасам, Қазалыға қайтып, жергілікті жерде осы кардиолог дәрігері болуды діттеудемін. Солай пайдам тисе, бұдан артық бақыт жоқ деп білемін.– Өзіңізді үлгі тұтып, шетел асып ілім-білімді сонда алғысы келетін іні-сіңлілеріңізге қандай кеңес бере аласыз?– Мен мектеп қабырғасында жүргенімде біреу келіп, "Он жылдан соң медициналық академияда оқисың" деп айтса, сенбес едім. Себебі, жастардың арманы – Қазақстанның шекарасынан әрі аспайды. Яғни, қорқамыз, тіл білмейміз деген сынды басқа да, шектеулерді өзіміз қойып аламыз. Кейінгі буынға айтарым, шектеу, тек, сіздерің саналарыңызда. Қиялдай біл, қиялың арманыңа айналады. Армандай біл, арманың мақсатыңа айналады. Одан кейін әрекет ету керек, сонда ғана, көздегеніңе жетесің. Бастысы, қорықпау керек.– Сұхбатыңыз үшін рахмет!

Қазалылық жас шет елде білім алудың мүмкіндіктеріне тоқталды

Kyzylorda-news.kz. Smart News басылымының хабарлауынша, күні кеше продюсер Баян Мақсатқызының 50 жас мерейтойына Ресейден арнайы келген атақты әнші Валерий Меладзенің отбасында қайғылы жағдай орын алыпты. Бұл туралы отандық продюсер Жан Мұқанов жазды.&nbsp;<blockquote>«Баян Мақсатқызының мерейтойына арналған мерекелік кеште Валерий Меладзе өнер көрсетті.</blockquote><blockquote>&nbsp;Бәрі жоғары деңгейде ұйымдастырылған. Бірақ мен бүгін ол туралы емес, әншінің кәсіби деңгейі жөнінде айтқым келіп отыр.&nbsp;</blockquote><blockquote>Тойға келіп, ән айтуына 2 сағат қалғанда Меладзе әкесінің қайтыс болғанын естіпті. Асқар тауынан айырылу кімге оңай тиер дейсің? Бірақ соған қарамастан әртіс өзінің қайғысын ешкімге білдірмей, түк болмағандай өнер көрсетіп шықты. Ол өз командасын да, тыңдармандарын да өз қайғысын айтып, шаршатқан жоқ.&nbsp;Тек «Чужестранец» әнін айтқан кезде көзінде мұң барын байқадым. «Бәлкім жол жүріп келіп, шаршаған шығар» деп ойлағам. Сөйтсем әкесінен айырылған екен. Валерий Меладзе, сіз мықты әртіссіз! Әкеңіздің қазасы қайырлы болсын!» деп жазды Жан Мұқанов.&nbsp;&nbsp;</blockquote>Айта кетейік, Валерий Меладзенің Алматы қаласында жоспарланған концерттері кейінге шегерілді. Бұл туралы әншінің концертін ұйымдастырушылар хабарлады.&nbsp; «Отбасылық жағдайға байланысты Меладзенің қаңтар айындағы концерттері ақпан айына ауыстырылды: 20-қаңтардан 2-ақпанға, 23-қаңтардан 4-ақпанға және 25-қаңтардан 6- ақпанға шегерілді» деп жазды олар. &nbsp;

«Баянның тойында әкесінің қазасын естіді»: Валерий Меладзенің Алматыдағы концерттері кейінге шегерілді

Kyzylorda-news.kz. Жексенбі күні облыс әкімі Нұрлыбек Нәлібаев «Қорқыт ата» әуежайы терминалының құрылыс барысымен танысты.Алдымен аймақ басшысы әуежай аумағын абаттандыру, көгалдандыру жұмыстарын саралап, кіреберіс жол салу мәселесін талқылады.&nbsp;Құрылыс жұмыстары 2023 жылдың ақпанынан басталған болатын. Терминал аумағын абаттандыру және көгалдандыруға жарияланған мемлекеттік сатып алу конкурсының жеңімпаздары анықталып, тиісті жұмыстар басталды.Қазіргі уақытта әуежайдың жаңа терминалының негізгі құрылыс жұмыстары 91% орындалған. Оның ішінде, әрлеу жұмыстарының 87,3%-ы жасалған, инженерлік желілер толығымен жүргізілген, электр желілерін тарту &nbsp;89,7% біткен. Құрылысқа пайдаланылған материалдар жоғары сапалы, орнатылатын құрал- жабдықтардың барлығы Еуропа елдерінен әкелінген.Мердігер компания өкілі терминалдың құрылыс жұмыстары &nbsp;мамыр айында толық аяқталатынын баяндады. Облыс әкімі абаттандыру, көгалдандыру кезінде егілетін ағаштар, гүлдер жергілікті климатқа бейімделген болуы керектігін ескертті. Сонымен қатар жол сапасына баса мән берілуі тиіс.Жерлесіміз, меценат "Болат Өтемұратовтың қоры" өңірде халықаралық стандарттарға сай заманауи терминал салуда. Қазіргі &nbsp;әуежай жылына 137 мың адамға қызмет көрсетсе, жаңа терминал іске қосылғаннан кейін 220 мың жолаушыны қабылдай алады. Ал жүк тасымалдау көлемі 150 тоннадан 240 тоннаға дейін ұлғаяды. Құны 25 миллион долларды, алаңы 7500 шаршы метрді құрайтын терминалда телескопиялық трап екі қабатты болады. Жолаушыларға, оның ішінде қозғалыс қабілеті шектеулі азаматтарға ыңғайлы болу үшін эскалаторлар мен лифттер қарастырылмақ. Жылдам әрі жайлы қызмет көрсету үшін өзін-өзі тіркеу бағандары, жүкті беру және өңдеу автоматтандырылады.Облыс әкімі өңірдің негізгі әуе қақпасы заманауи &nbsp;талаптарға сай болуы керектігін айтты. Бұл ретте әуежай басшысына қор өкілдерімен бірлесіп, &nbsp;құрылысқа қажетті жұмысты үйлестіріп, уақытылы аяқтауды тапсырды.Жаңа терминал құрылысы аймақ басшысының тұрақты бақылауында.<img src="https://knadmin.beoblood.kz/uploads/IMG_20240121_WA_0015_9e23f6969e.jpg" alt="IMG-20240121-WA0015.jpg"><img src="https://knadmin.beoblood.kz/uploads/IMG_20240121_WA_0011_67b59ec26f.jpg" alt="IMG-20240121-WA0011.jpg"><img src="https://knadmin.beoblood.kz/uploads/IMG_20240121_WA_0013_213c2733d1.jpg" alt="IMG-20240121-WA0013.jpg"><img src="https://knadmin.beoblood.kz/uploads/IMG_20240121_WA_0012_fcef7c6f9a.jpg" alt="IMG-20240121-WA0012.jpg">

Нұрлыбек Нәлібаев «Қорқыт ата» әуежайы терминалының құрылыс барысымен танысты

Фото: скиншотKyzylorda-news.kz. Әлеуметтік желіде осыдан бес күн бұрын Ұлытау ауданында болған оқиға қызу талқыланып жатыр. Ресми мекеме мен ауыл жігіттерінің қақын қорғағандар оқиғаға екі түрлі баға береді, деп хабарлайды Ulysmedia.kz.Әлеуметтік желіге тараған видеода бір жігіт түнде телефонының бейнекамерасын алып шығып, киік тушалары үйілген көп көліктің жанына барады. Өзі тікелей эфирге шыққанын айтқан жігіт Охотзопром (болжам бойынша) қызметкерлерімен төбелесіп қала жаздайды. Онымен келген тағы бір жігіттің расында да төбелесіп жатқанын байқауға болады. Видеода былапыт сөздер айтылады.Экология және табиғи ресурстар министрлігі не дейді?Министрліктің баспасөз қызметінің мәліметіне қарағанда, 2024 жылдың 16 қаңтарында сағат таңғы 05:00-де Ұлытау облысының Ұлытау ауданындағы Қызылжар ауылының маңында белгісіз бес адам көлікпен мас күйде келіп, «Охотзоопром» инспекторы Самат Оспановпен төбелесіп, қызметтік «Сайга» қаруын тартып алған. Сонымен қатар, сондағы қызметкерлердің кілтін тартып алып, белгісіз бағытта кетіп қалған.<blockquote>«Аталған факт Ұлытау облыстық полиция департаментіне, облыстық прокуратураға хабарланды. Іздестіру шаралары барысында құқық қорғау органдары 4 адамды ұстады. Олардың үстінен қылмыстық іс қозғалды. Тергеу жүргізіліп жатыр. Қару мен көліктің кілті Оспановқа қайтарылды», - дейді министрлік.</blockquote>Полицияның позициясыҰлытау облысының полиция департаментінің ресми сайтында Жаңаарқа ауданының аумағында криминалдық полиция Қызылжар кентінің төрт тұрғынын ұстағанын хабарлайды. Күдіктілер «Охотзоопром» мекемесінің қызметкерлерінің заңды талаптарына бағынбай, оларға қарсылық танытып, күшін қолданып, оқиға орынынан қашып кеткен деп жазады полиция.<blockquote>«Қызметшілерге қатысты күш қолданды деген күдіктілердің төртеуі де ұсталып, уақытша ұстау изоляторына қамауға алынды. Олар жануарлар дүниесін қорғау жөніндегі мемлекеттік инспекторға, жануарлар дүниесін қорғау жөніндегі мамандандырылған ұйымның инспекторына, қорықшыға қатысты күш қолдану қаупі үшін 12 жылға дейін бас бостандығынан айыру түріндегі ең жоғары жазамен қылмыстық жауапкершілік көзделген, — деп атап өтті Ұлытау облысы ПД бастығының орынбасары Сафуан Жампейсов.</blockquote>«Олар ақбөкенді қырып жатқанының үстінен түскен»Агросарапшы Алмасбек Садырбаев ауыл жігіттері жазықсыз қамалды деп есептейді.<blockquote>«Жағдай былай: ол жерде ауылдың төрт азаматы заңбұзушылық болып жатқанының үстінен түседі. «Охотзоопромның» қызметкерлері ондаған, жүздеген буаз киік малын, ақбөкенді қырып жатқанының үстінен түседі. Соны тоқтатуға әрекет жасады. Сол жерде төбелес болады. Сол төбелестен кейін заңды бұзып, ақбөкендерді қырып жатқандарға ештеңе болмайды да, «соны тоқтатыңдар» деп араласқан төрт азамат қазір абақтыда жатыр», - дейді ол.</blockquote>Агросарапшы «сонда біздің елімізде мемлекеттік қызметкерлерге, полицияларға заң жүрмей ме? Үкімет жүз мыңдап киікті қырып жатқанда халық үндемей отырды. Ал соны тоқтатпақ болған жігіттерді соттамақ па?» деп пікір білдіреді.

Ұлытауда ауыл жігіттерінің Охотзоопром қызметкерлерімен төбелесі үлкен дауға ұласты

Фото: ru.freepik.comKyzylorda-news.kz. Кез келген адам психологиялық немесе физикалық зорлық-зомбылыққа тап болуы мүмкін. Десе де психолог Алина Малинина қандай адамдар жиі абьюзерге жолығатынын айтты, - деп хабарлайды Massaget.kz тілшісі "Passion"-ге сілтеме жасап.Маманның айтуынша, кей адамдар абьюзердің ықпалына ерекше бейім. Абьюзерлердің құрбанына жиі өзін-өзі бағалауы төмен адамдар айналады. Олар өз сезімдерін, денсаулығын және өмірін құнсыздандырады.Сондай-ақ абьюзерлік қарым-қатынасты отбасыда өскен және оны көріп жрген адамдар құрбанға айналуы мүмкін. Себебі олар үшін мұндай қарым-қатынас қалыпты және оның жалғыз мүмкін түрі ретінде қабылдануы мүмкін. Оған қоса, жиі үрей және мазасыздық сезетіндер зорлық-зомбылыққа тап болуы мүмкін<blockquote>"Үрей және мазасыздық сезімі де агрессордың құрбанға шабуыл жасауына ықпал етеді. Құрбан сондай-ақ қорқыныш себебінен өз жағдайымен бөліспейді және мұндай қарым-қатынасты тоқтату үшін ешқандай әрекет жасамайды. Егер адам өзін бала кезінен кінәлі сезінетін болса, ол қазір тап болған жағдайдың дұрыс еместігін түсінбеуі және өзіне деген әрекетті қалыпты санауы мүмкін", - дейді психолог.</blockquote>

Қандай адамдар абьюзерге жолығады? 

&nbsp;Фото: pixabayKyzylorda-news.kz. &nbsp;2024 жылы Юпитер 1 мамырда Тоқтыдан Торпақ белгісіне ауысады. Осы сәтті некеге тұру үшін пайдаланып қалыңыз.Жасыл Айдаһар жылы кібісе жылы. Десе де әдеттегідей биыл да көптеген жұп шаңырақ көтеруді жоспарлайтыны анық. 2024 жылы отбасы құру үшін қандай күндер қолайлы? Биылғы жылға арналған жоспарды астролог Пандит Рахул Шастри жасап көрді.2024 жылдың қолайлы және қолайсыз күндеріАңыз бойынша кібісе жылы қыздар жігіттерге бас тарту құқығынсыз ұсыныстар жасаған екен. Алайда көп жағдайда шешімді біржақты қабылдау некенің сәтсіздігіне әкеп соқтырады екен. Сол себепті кібісе жылы үйлену тойын жасамаған жөн деген түсінік қалыптасқан. Ғылым мен дінде мұндай жылдары некеге тұруға тыйым салынбаған, сондықтан 2024 жылы үйлену тойынан бас тартудың қажеті жоқ. Керісінше, биыл үйлену тойын өткізуге қолайлы күндер бар.Олар төмендегі күндер:Халықаралық құшақтасу күні - 21 қаңтар. Ғашықтар күні - 14 ақпан. Дүниежүзілік сүйісу күні - 6 шілде. Десе де тәуекелге бел буып, 29 ақпанда некеге тұруыңызға болады. Алайда үйлену күнін төрт жылда бір рет атап өтуге тура келгендіктен бұл күнді сіз ерекше етіп өткізу мүмкіндігіңіз арта түседі. Ешкім шаңырағын шайқалтқысы келмейді, сондықтан мамыр айында үйлену тойлары сирек кездеседі. Бірақ жылдың басқа кезеңдерінде үйлену тойына арналған фотосессияларды жасау қолайлы болады. Сонымен 2024 жылы қай айда үйленген жөн?&nbsp;Келесі кезеңдер некеге тұру үшін ең сәтті болмақ:Қыс - желтоқсан және ақпан. Жаз - маусым-тамыз. Күз - қыркүйек және қараша. 2024 жылы қай күндері үйленбеу керек? Келесі астрологиялық құбылыстар некеге тұру үшін сәтсіз болып саналады:Айдың тұтылатын күндері - 25 наурыз және 18 қыркүйек. Күннің тұтылатын күндері - 8 сәуір және 2 қазан. Ретро Меркурий күндері - 1-2 қаңтар, 1-25 сәуір, 5-28 тамыз, сондай-ақ 26 қараша мен 15 желтоқсан аралығы. 2024 жылы ретроградты Шолпан күндері болмайды. Махаббат планетасы жыл бойы тікелей қозғалыста болады, осыған орай ол ғашықтарға махаббат пен келісімге жол ашады. Православие христиандарының шіркеу күнтізбесі бойынша төрт ауыз бекіту тұту кезінде - Рождество, Ұлы, Петр және Успен күндері үйлену тойын жасамаған жөн. Сонымен бірге, сейсенбі, бейсенбі және сенбі күндері, сондай-ақ 2024 жылға арналған шіркеу күнтізбесінде атап өтілетін негізгі мерекелер қарсаңында және күндерінде неке қиюға кеңес берілмейді. Христиан діні бойынша үйленуге қолайлы күндерге 12 мамыр, 21 маусым және 4 қараша және 14 қазан сәтті күн болып саналады.2024 жылы жұлдыз жорамалға сәйкес жайлы және жайсыз күндер2024 жылы әрбір жұлдыз белгісінің кез келген бастамасы үшін өзінің сәтті күндері болады. 2024 жылы мұндай күндерге қай күндер сәйкес келеді? Қалыңдық пен күйеу жігіттің жұлдыз белгісін ескере отырып, екеуіне де ыңғайлы болған жағдайда таңдап, үйлену күндерін мына айларға қойған дұрыс:Тоқтылар - желтоқсан. Торпақтар - қаңтар, қазан. Егіздер – мамыр айының басы. Шаяндар - қаңтар, тамыз. Арыстандар - шілде және желтоқсан айлары. Бикештер - мамыр және қыркүйек айының ортасы. Таразылар - маусымның аяғы мен барлық шілде айы. Сарышаяндар - наурыз, шілде және қазан айлары. Мергендер - наурыз және қыркүйек айлары. Тауешкілер - сәуір және қараша айлары. Суқұйғыштар - мамыр және қазан айлары. Балықтар - қазан және желтоқсан айының ортасы. Жаз мезгіліндегі күннің ең ұзақ күні (20 маусым) — тілектердің орындалу және бақытты болуға әкелетін күн. Сондықтан некені тіркеу органдарына осы күні баруды жоспарлаңыз. Brides үйлену журналының мәліметі бойынша Юпитердің басқа белгіге өтетін күн табысты болып саналады. 2024 жылы Юпитер 1 мамырда Тоқтыдан Торпақ белгісіне ауысады. Осы сәтті некеге тұру үшін пайдаланып қалыңыз.2024 жылы қытайлық үйлену күнтізбесі үйлену жылы мен күнін қалыңдық пен күйеу жұлдыз жорамалына, Юэ Дэ немесе Тянь Де жұлдыздарының сәйкестігіне байланысты жоспарлайды. Brides мәліметтеріне сәйкес, 8 тамыздағы қытай жұлдыз жорамалы күнтізбесі бойынша - шексіздікті бейнелейтін екі сегіздіктің тіркесімі болып табылады.Бұл Арыстан белгісіне қақпа ашылатын, молшылық пен өркендеуге апаратын, осы жылдың үйленуге арналған ең сәтті күні болмақ. Сонымен қатар, әр айдың кез-келген сегізінші күні де биылғы жылы шаңырақ құруға қолайлы күн болмақ. Астролог Пандит Рахул Шастри 2024 жылы Вива Мухуратқа сүйенуді ұсынады— үйлену тойын өткізу қолайлы болатын, жылдың әр айындағы сәтті күндердің тізімі.Нумерология және Ай күнтізбесі бойынша үйлену тойын жасауға ең жайлы күндер2024 жылы үйлену тойына қолайлы күндерді қалай таңдауға болады? Жаңа отбасының дүниеге келуі - өмірдегі ең маңызды міндеттердің бірі және оны барынша ыңғайлы күні жасаған дұрыс. Almanac басылымы ұсынған Ай күнтізбесі бойынша үйлену күнін таңдауға болады. 2024 жылы барлық жаңа Ай туған күндер мен Айдың толған күндері некеге тұруға жайсыз күндер болып саналады. Мұндай күндерді Гриффита обсерваториясы жасаған 2024 жылғы ай күнтізбесі арқылы бақылауға болады.Жаңа жылда үйленуге қолайлы және Күн, Ай, жыл сандарының үйлесімінің арқасында оңай есте қалатын күндер баршылық. Жұма, сенбі және жексенбіге сәйкес келетін күндерді қарастырыңыз: Қаңтар - 12, 20, 21. Наурыз - 3, 23, 24 және 30. Мамыр - 4, 5 және 24. Маусым - 2, 14 және 22. Шілде - 7, 14, 20 және 27. Тамыз - 2, 18 және 24. Қыркүйек - 2, 14, 20, 22 және 29. Қазан - 4, 11 және 20. Қараша - 1, 2, 10, 22 және 24. Желтоқсан - 1, 14, 20 және 22. 2024 жылы нумерология бойынша үйлену үшін жайлы күндерді таңдаған дұрыс. Аталған ғылым бойынша, 2 және 4 сандары шаңырақ көтеруге ең қолайлы күндер болмақ. Екі саны – жұптарға сезімдерін мәңгі сақтауға көмектессе, ал төрт саны тұрақтылық пен үйлесімділіктің символы болып табылады. Үйлену күнінде неғұрлым екі және төрт сандары көп болса, соғұрлым жақсы болады. Төмендегі қолайлы күндерде некеге тұру және болашағаңызды жоспарлау мүмкіндігін жіберіп алмаңыз:2, 4 және 24 ақпан. 2024 жылдың 2, 4, 20 және 24 сәуірі. 2024 жылдың табысты күндері ресми некеге тұру үшін табысты күндер болмақ. Айдаһар жылы барынша қолдауға ие болатын қолдайтын сандар 1, 2 және 7, сондай-ақ олардың тіркесімдері. Осындай күні үйлену тойын жоспарлағанда, жыл иесінің қолдауына ие болыңыз және шаңырағыңызды берік ете түсіңіз. 13, 16 және 31 үйлену күндері үйлену тойларын жоспарлаудың қажеті жоқ, себебі 1, 3 және 6 сандарының тіркесімі карма саны болып саналады және алдау қаупін тудырады.2024 жылы некеге тұру үшін әдемі және жайлы күндер жеткілікті болады. Мерекеге қолайлы күнді таңдағанда, сарапшылардың кеңестері мен өзіңіздің жүрек қалауына сүйеніңіз. Бұл сіздің шаңырағыңыздың берік, керегесі кең болуына мүмкіндік береді.

2024 жылы тұрмысқа шығу және үйлену тойын өткізуге қандай күндер қолайлы? 

Kyzylorda-news.kz. Былтыр Қазақстанда тұрмыстық зорлықтан 69 әйел, 7 бала қайтыс болған, - деп хабарлайды Tengrinews.kz тілшісі.Бұл туралы Сенат депутаты Жанна Асанова мәлімдеді.<blockquote>"2023 жылы Қазақстанда тұрмыстық зорлық-зомбылықтан 69 әйел, 7 бала қайтыс болған. Тұрмыстық зорлық дерегі бойынша 99 мыңнан аса хабар түскен. Балаларға қарсы 2452 қылмыс жасалған. Бірнеше резонанс тудырған жағдай болды", - дейді депутат.</blockquote>Оның сөзінше, сенат депутаттары үкіметке осы проблемаға қатысты сауал жолдаған. Бүгінде құжат дайын, енді ол Мәжіліс талқылауына жіберіледі.<blockquote>"Заң жобасы мыналарды қамтиды: зорлық-зомбылықты криминализациялау, яғни ұрып-соғу және денсаулыққа жеңіл зиян келтіру үшін қылмыстық жауапкершілік (қазір олар ҚР ӘҚБтК-де); оларды жария айыптаудың қылмыстық құқық бұзушылық санатына жатқызу; балаларға қатысты зорлық-зомбылықтың барлық нысандары үшін жазаны қатаңдату және тараптардың татуласуын болдырмау", - дейді Жанна Асанова.</blockquote>

Былтыр Қазақстанда тұрмыстық зорлықтан 69 әйел қайтыс болған

Фото: ашық дереккөзKyzylorda-news.kz. Қарағанды облысы Приозерск қаласының прокуратурасы әлеуметтік желіде тараған жергілікті полиция бастығы мен мейрамхана әкімшісінің әңгімесі түсірілген видеоға түсініктеме берді. Бұл туралы Stan.kz ақпарат агенттігі хабарлайды.Видеодан полиция қызметкерінің телефон арқылы мейрамхана әкімшісіне дөрекі түрде жаңа жыл түні жұмыс істеуге тыйым салғанын көруге болады. Тапсырыс алып қойғанын, жаңа жыл түні жұмыс істеуден басқа амалы жоғын айтқан кәсіпкерге полиция бастығы мейрамханада тексеру жүргізіп, біржола жауып тастайтынын айтып қорқытады.Прократураның тексеру нәтижесінде Конституцияның кәсіпкерлік қызметпен айналысу еркіндігіне кепілдік берілетіні туралы бабының талаптарын бұзу фактісі анықталған.“Аталған факті бойынша Қарағанды облысының прокуратурасы қадағалау актісін енгізді. Нәтижесінде тәртіптік комиссия Приозерск қаласы полиция бөлімінің бастығын атқаратын қызметінен босату туралы шешім қабылдады. Қазіргі уақытта тиісті материалдар ҚР ІІМ-ге жолданды”, – делінген хабарламада.Сонымен қатар, аталған полиция бөлімінің 5 лауазымды тұлғасы қатаң тәртіптік жауапкершілікке тартылды.

Телефон арқылы кәсіпкерді қорқытқан полиция бастығы қызметінен кетті

Фото: kapital.kz.&nbsp;Kyzylorda-news.kz. ТМД елдері ішінде ең қымбат такси Қазақстанда ғана, деп хабарлайды energyprom.kz.&nbsp;2023 жылдың қаңтар-желтоқсан айларында Қазақстанда такси қызметін ұсынатын компаниялардың кірісі бір жылда 17%-ға өсіп, 5,9 млрд теңге болған. Осы кезеңде такси қызметін 47,4 миллион адам пайдаланған, бұл бір жыл бұрынғыдан 2 пайызға аз. Жолаушылар айналымы бір жылда 44%-ға төмендеп, 1,4 млрд теңге болды.Өткен жылдың қаңтар-қараша айларында такси саласындағы негізгі капиталға салынған инвестиция бір жыл бұрынғы 495,1 миллион теңгемен салыстырғанда 751,9 миллион теңгеге жетті. Құндық мәндегі инвестицияның жылдық өсімі 51,8% болды. Инвестициялардың ең көп көлемі Алматыға түсті: 360,6 млн теңге, бұл бір жыл бұрынғыдан 6,9 есе көп. Аймақтар үлесі еліміздің 48 пайызын құрады.2023 жылдың желтоқсан айында такси тарифтері өткен жылдың желтоқсанымен салыстырғанда 9,1%-ға өскен. Өңірлер бойынша бағаның өсуін Алматы қаласының тұрғындары қатты сезінді, себебі бір жылда 30,3%-ға көтерілді. Көшбасшылыққа қарсы екінші және үшінші орындарды Ақтөбе және Абай облыстары иеленді: онда 22,1% және 17%.Такси қызметі құнының бір жылдағы ең аз өсімі Маңғыстау облысында, онда 1,2% болды. Тағы үш облыста – Алматы, Шығыс Қазақстан және Батыс Қазақстанда баға бір жыл бұрынғы деңгейде қалды.Биылғы жылдың 15 қаңтарындағы жағдаймен Numbeo деректерінше стандартты тариф бойынша 1 шақырым такси қызметінің ең жоғары бағасы Швейцарияда (4,63 доллар), Люксембургте (3,29 доллар) және Кувейтте (3,25 доллар) тіркелді.Қазақстанда такси қызметінің құны 0,61 доллар, бұл ТМД елдері арасындағы ең жоғары көрсеткіш. Салыстармалы түрде алсақ: Әзірбайжанда стандартты тариф бойынша 1 шақырымға таксимен жүру 0,59 доллар, Ресейде - 0,34 доллар, Украинада - 0,32 доллар, Беларусьте - 0,31 доллар, Армения мен Өзбекстанда - 0,3 доллар тұрады.

Ең қымбат такси қызметі Қазақстанда, ол тағы 9%-ға қымбаттады

Фото: Stan.kzKyzylorda-news.kz. Экономика бойынша Нобель сыйлығының лауреаты Пол Кругман Қытай жапондық дефляцияны және жастар арасындағы жоғары жұмыссыздықты бастан кешіп жатқанын айтты. Бұл туралы Stan.kz ақпарат агенттігі The New York Times басылымына сілтеме жасап хабарлайды.Экономисттің айтуынша, кейбір сарапшылар Қытайда коронавирусқа байланысты қойылған шектеулер жойылғаннан кейін "экономикалық серпіліс" болатынын болжаған. Алайда Қытайдың 5,2 пайызға өскен жалпы ішкі өнімнен басқа, барлық экономикалық көрсеткіштері артта қалған.<blockquote>"Басқа аспектілерде Қытай экономикасы құлдырап кеткен сияқты. Тіпті ресми статистика Қытайдың жапондық үлгідегі дефляцияны және жастар арасындағы жоғары жұмыссыздықты бастан өткеріп жатқанын айтады. Мұны толықтай дағдарыс дей алмаймыз. Дегенмен Қытай тоқырау мен түңілу дәуіріне қадам басуда", - дейді Кругман.</blockquote>Экономист келтірген себептердің бірі Қытай көшбасшысы Си Цзиньпиннің "нашар көшбасшылығы" болды. Бұған, сонымен қатар, "қаржылық қуғын-сүргін" "болуы мүмкін төтенше жағдайлар үшін отбасылардан жинақ жинауға мәжбүр ететін әлсіз әлеуметтік қорғау жүйесі" себеп. "Инвестициялардың өте жоғары қарқыны, егер 2000-шы жылдардың басындаболды. Қытайдың еңбекке жарамды халық саны шамамен 2010 жылы ең жоғары деңгейге жетті. Содан бері азайып келеді. Кейбір салаларда технологиялық мүмкіндіктер болғанымен. Жалпы өнімділік тоқырауда", - деп жазды Нобель сыйлығының лауреаты.Кругман оқиғалардың дамуының ең қорқынышты сценарийін Қытай билігінің "әскери авантюризммен айналысу арқылы ішкі қиындықтардан алшақтату" ықтимал екенін атады. Сонымен қатар Қытайдағы экономикалық құлдырау өзге елдерге де әсер етуі мүмкін екенін ескерте кетті.

Қазақстан және Қызылорда облысының жаңалықтары: Инфографика