<a href="https://kyzylorda-news.kz/">Kyzylorda-news.kz.</a> Экономикалық ахуалды жақсартудағы берілген тапсырмалар өңірде толық іске асырылып жатыр. Ұсынған деректерге сүйенсек, өнеркәсіп өндірісінде өсім байқалады.
Биыл Қызылорда қаласында өнеркәсіп өнімінің көлемі 487 775,9 млн теңгені құрап, 2021 жылмен салыстырғанда 90,3 пайызға артқан. Ал кен өндіру өнеркәсібінде 2586,3 мың тонна мұнай өндіріліп, өткен жылмен салыстырғанда 88,2 пайызды құрады. Табиғи газ бойынша 354,7 млн текше метр өндірілді. Сонымен қатар өңдеуші өнеркәсіп саласында құны 37 510,7 млн теңгені құрайтын өнім өндірілген. Тиісінше, бұл жалпы өнеркәсіп өнімінің 7,7 пайызын құрайды.
Шағын және орта кәсіпкерлікті дамыту – елімізде алдыңғы орынға шығарылып отырған мәселелердің бірі. Сондықтан, шаһарда шағын және орта бизнесті дамыту мақсатында түрлі жобалар қолға алынды. Нәтижесінде шағын кәсіпкерлік саласында да оң теңденция қалыптасып келеді. Өзін-өзі жұмыспен қамтамасыз ететін азаматтар қатары да артқан. Бұған дәлел биылдың өзінде қала бойынша жұмыс істеп тұрған шағын және орта кәсіпкерлік субъектілерінің саны былтырғымен салыстырғанда 125,4 пайызға артқан. Дәлірек айтсақ, қалада 36 614 кәсіпкерлік субъектісі тіркелсе, оның ішінде жұмыс істеп тұрғандары – 28 357 нысан. Сондай-ақ, осы жылы «Қарапайым заттар экономикасын дамыту» бағдарламасы аясында құны 228 млн теңгені құрайтын 2 жоба қолдау тапты. Алдағы уақытта басқа жобалар да жоспарға сәйкес іске қосылатын болмақ.

Қызылорда: Өнеркәсіпте тұрақты өсу бар

<a href="https://kyzylorda-news.kz/">Kyzylorda-news.kz.</a> Еліміздегі ең маңызды әрі күрделі салалардың бірі – коммуналдық сала болып табылады. Өйткені аталған саланың жұмысы бүкіл халықтың тұрмыс-тіршілігінде маңызды рөл атқарады. Сондықтан да өңірдің бас шаһарында тұрғын үй-коммуналдық шаруашылығы басты назарда.
Бүгінгі таңда Қызылорда қаласында аса қажетті саналатын ауыз су және кәріз желілерін жүргізуге бюджеттен 3,2 млрд. теңге бөлінген. Қаралған қаржыға 8 жоба жүзеге асырылуда.
Ауқымды жобаның тағы бірі – «Бәйтерек» тұрғын ауданындағы тұрғын сектордың инженерлік-коммуникациялық инфрақұрылымы. Оның ішінде, «ұңғымалар бұрғылаумен су жинағыш құрылысын салу» жобасы. Республикалық бюджеттен бөлінген 1 млрд 195 млн теңгеге қуаттылығы 7200 текше метр болатын 7 дана ұңғыма, 3 дана резервуардың құрылысы басталған. Жобаны жүзеге асыру арқылы «Бәйтерек» және қосымша Шанхай, КБИ тұрғын аудандарында орналасқан жеке тұрғын үйлерді тұрақты қысымды сапалы ауыз сумен қамтамасыз ететін болады. &nbsp;
Сонымен қатар, газ желісі тартылмаған елді мекендердің бірі – Ақсуат ауылдық округі. Аталған округке 2022 жылы республикалық бюджеттен 2.4 млрд. теңге бөлініп, құрылыс жұмыстары жүргізілуде. Жалпы, газдандыру жобасының құны 4.8 млрд. теңгені құрайды. 2023 жылы аяқталуы жоспарланған бастамаға 1.9 млрд. теңге бөлініп, тұрғындар толықтай көгілдір отынның игілігін көретін болмақ.
<img src="https://knadmin.beoblood.kz/uploads/12_59ebd52a72.jpeg" alt="12.jpeg">

Қызылордада коммуналдық саланың көкжиегі кеңеюде

<a href="https://kyzylorda-news.kz/">Kyzylorda-news.kz.</a> 2022 жылдың басынан бері Қызылорда облысында туристер саны 20% - ға артты, деп хабарлайды облыс әкімінің баспасөз қызметі.
Оларды құрғақ Арал теңізінің түбімен серуендеу, Қамбаштың емдік сулары, әйгілі Көк-Арал, «Барсакелмес» қорығы және ежелгі қалашықтар қызықтырады. Оларды Арал ауданының өнеркәсіптік нысандары қызықтырады. Туристерге ыңғайлы болу үшін Қамбаш көліне кірме жолдар жөнделді. Онда 100 орындық автотұрақ салынды. Арал ауданында жол талғамайтын көліктердегі сафари мен түйелермен серуендеуді қамтитын экожобалар әзірленуде.
<blockquote>«Бізде 9 балық өңдеу зауыты бар, жақын және алыс шетелдерден келген туристерді олардың өндірістік қуаты мен жұмыс процесі қызықтырады. &nbsp;Келушілер арасында Камбаш көлі үлкен сұранысқа ие. Нысан Қазақстанның үздік 50 туристік орнына кірді. Жыл сайын бұл демалыс аймағына 100 мыңға жуық қонақ келеді», - дейді Арал ауданының кәсіпкерлік, өнеркәсіп және туризм бөлімінің маманы Данияр Қаржаубаев.</blockquote>
Медициналық және экотуризм дамуда. 2022 жылдың басынан бастап аймаққа 50 мыңнан астам қонақ келді, олардың 20 мыңы медициналық мекемелерге, қалғандары «экологиялық» және «ғарыштық» экскурсияларға келді.&nbsp; Соңғы бағыт – жоғары сұранысқа ие бағыттардың бірі, бірақ шешілмеген мәселелер бар.
<blockquote>«Шетелдік туристер үшін Байқоңырға бару және құжаттарды тексеру 55 күнді алады. Біз ресейлік әріптестермен осы мерзімді 15-20 күнге дейін қысқартуды пысықтап жатырмыз. Сонымен қатар, қазақстандық турфирмалар үшін ғарыш айлағына кіру мүмкіндігі шектеулі. Бұл мәселе екі елдің Үкіметі деңгейінде қаралатын болады», - дейді облыстық кәсіпкерлік және өнеркәсіп басқармасының бөлім басшысы Мұхтар Жетілгенов.&nbsp;</blockquote><img src="https://knadmin.beoblood.kz/uploads/kishi_aral_kaz_f206266908.jpeg" alt="kishi-aral-kaz.jpeg">

Сыр өңірінде туристерге сафари-турлар мен түйемен серуендеу ұсынылмақ

<a href="https://kyzylorda-news.kz/">Kyzylorda-news.kz.</a> Бүгін Үкімет отырысында Қазақстан Республикасының 2022 жылдың қаңтар-қыркүйек айындағы әлеуметтік-экономикалық дамуының қорытындысы және республикалық бюджеттің атқарылуы мәселесі қаралды. Жиынға тиісті сала басшылары мен онлайн режимде өңір әкімдері қатысты.
Ұлттық экономика министрі Әлібек Қуантыров есепті кезеңде республика экономикасының өсу қарқыны 2,8%-ды құрағанын баяндады. Салалар арасында ауыл шаруашылығы 6,9%-ға, ақпарат және байланыс 6,7%, құрылыс 5,1%, көлік және қоймалау 4,8%, өңдеу өнеркәсібі 4,6%, сауда 4,3% және тау-кен өнеркәсібі 0,1% оң динамиканы көрсетті.
Министр өз баяндамасында Қызылорда облысы негізгі капиталға салынған инвестиция бойынша жоғары өсім көрсеткенін атап өтті. Есепті кезеңде инвестиция тарту көлемі 24%-ға жоғарылаған өңіріміз республика бойынша көш басында.
<blockquote>«Өңірлер арасында ең жоғары көрсеткіш Қызылорда, Алматы және Ақмола облыстары мен Алматы, Шымкент қалаларында байқалуда», - деді Әлібек Қуаңтыров.</blockquote>
Есепті кезеңде өңірде құрылыс жұмыстарының көлемі 35,1%-ға, инвестиция тарту - 24,%-ға, пайдалануға берілген тұрғын үйлер көлемі - 3,5 %-ға және сауда көлемі - 2,3%-ға артты. Бұл жүйелі жұмыстың нәтижесі.
Премьер-Министр шағын және орта бизнесті дамыту үшін қолайлы жағдай жасау, кәсіпкерлік бастамаларды қолдау, жаңа жұмыс орындарын құруды ынталандыру бойынша нақты шараларды пысықтауды, сондай-ақ бюджеттен қаржыландырылатын инвестициялық және инфрақұрылымдық жобалар бойынша қаражатты толық әрі тиімді игеруді қамтамасыз етуді тапсырды.
Үкімет тапсырмаларын орындау бойынша облыс әкімі Нұрлыбек Нәлібаев жиын өткізіп, аймақта мұнай өндірісі азаю салдарынан төмендеген өнеркәсіп саласынан бөлек макроэкономикалық бойынша өсім қалыптасқанын атап өтті.
Биыл 9 ай ішінде 3 млн.тонна мұнай өндіріліп, өткен жылдың ұқсас кезеңімен салыстырғанда 191,8 мың тоннаға азайған. Дегенмен, өңдеу өнеркәсібінде өсім 8,6 пайызды құрады. Жыл аяғына дейін облыстың ірі кәсіпорындарымен өндіріс көлемін арттыру межесі бар.
Уран өңдеумен айналысатын «Байкен- У» ЖШС-і 15%-ға, ас тұзын өндіретін «Аралтұз» АҚ-ы 50%-ға және мұнай саласына қажетті полиэтиленді құбырлар шығаратын «КНК Кемикал» ЖШС-і – 60%-ға арттыру жоспарлануда.
Өңдеу саласын дамытуға бағытталған Индустрияландыру бағдарламасының 3-ші бесжылдығы аясында өңірде жалпы құны 654 млрд. теңге болатын 46 жоба бойынша жұмыс жүргізілуде.
Облыс әкімі өндеу өнеркәсібі бойынша қала әкімі Асылбек Шәменовке кәсіпкерлік және өнеркәсіп басқармасы мен статистика департаментімен бірлесіп жыл қорытындысы бойынша межелі көрсеткіштерге жету үшін жұмыс жүргізу тапсырылды.
Сондай-ақ, ауыл шаруашылығы өнімінің нақты көлемі бойынша Жалағаш ауданының әкімі Асқарбек Есжановқа да тиісті тапсырма берілді.
Жиын соңында аймақ басшысы қала, аудан әкімдері мен басқарма басшыларына барлық индикаторлық көрсеткіштерді жоғары деңгейде ұстап тұруды және кәсіпкерлік нысандар ашу арқылы халық табысын көбейту, жаңа жобаларды дамытып, инвестиция тарту қарқынын әлі де күшейту қажет екенін алға тартып, бірқатар нақты тапсырмалар берді.
<img src="https://knadmin.beoblood.kz/uploads/311568310_404768518511065_7684623514297874251_n_6c324d1e44.jpg" alt="311568310_404768518511065_7684623514297874251_n.jpg">

Қызылорда өңірі инвестиция тарту көрсеткіші бойынша республикада бірінші орында

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен Үкімет отырысында халықты жұмыспен қамту мәселесі қаралды. Жиынға тиісті сала басшылары мен онлайн режимде өңір әкімдері қатысты.
Еңбек және халықты әлеуметтік қорғау министрі Тамара Дүйсенова соңғы жылдары қазақстандық еңбек нарығында жұмыс күші айтарлықтай өскенін хабарлады. Мәселен, 2016-2020 жылдары бұл көрсеткіш орта есеппен 36,4 мың адамды құраса, 2021 жылы 76 мыңға жетті. Бұл жағдай ең алдымен 2000-шы жылдардан бастап дүниеге келген жастардың еңбек нарығына қосылуына байланысты.
Еңбек министрі халықты жұмыспен қамту, әсіресе тұрақты жұмыс орындарын құру көрсеткіші бойынша Қызылорда облысы аймақтар арасында нәтижелі жұмыспен үздіктер қатарында екенін жеткізді.
<blockquote>«Өңірлер бойынша Ұлттық жоба аясында жаңа жұмыс орындарын құру бойынша ең төменгі көрсеткіш Қостанай, Ақтөбе, Ақмола облыстарына тиесілі. Осыған орай, Қызылорда облысының өте жақсы нәтижеге қол жеткізгенін атап өткен жөн. Қызылорда облысындағы ең жоғары көрсеткіш – 88%, оның ішінде 84 пайызы зейнетақы аударымымен расталған», - деді Тамара Дүйсенова.</blockquote>
Жиында облыс әкімі Нұрлыбек Нәлібаев Үкімет басшысы Әлихан Смайыловқа өңірдегі өсім туралы баяндап, биыл өңірде 30 мыңнан аса жаңа жұмыс орнын құру жоспарланса, қазіргі таңда 21,8 мың жаңа жұмыс орны ашылғанын мәлімдеді.
<blockquote>«Ұлттық жобалар шеңберінде 3,2 мың адам жұмысқа орналастырылып, олардың зейнетақы аударымдары 84%-ды құрады. «Кәсіпкерлікті дамыту ұлттық жобасына» 41,2 мың адам қатысты. Оның ішінде, 9,2 мыңы бос жұмыс орынға, 12,9 мыңы субсидияланатын жұмыс орындарына орналастырылды. 2,3 мыңы қайтарымсыз грант алып, жеке кәсібін ашты. Қалған 16,8 мыңы онлайн курстар мен қысқа мерзімді оқу курстарына жолданған.&nbsp;Президентіміздің 10 мың адамға 100 жұмыс орнын құру тапсырмасына сәйкес биылғы жылы облыста 4587 жұмыс орнын құру жоспарланған. 9 айдың қорытындысымен 5 691 жұмыс орны ашылып, көрсеткіш 124,1 пайызға орындалды», - деді Н.Нәлібаев.</blockquote>Сондай-ақ, өңірде 100 мың жасты жұмыспен қамту тапсырмасына сәйкес келесі жылы аймақта 6 мыңға жуық жасты жұмыспен қамту жоспарлануда. Оның ішінде 3 мың азамат бос жұмыс орындарына орналасса, 3 мың адам жұмыспен қамтудың белсенді шараларына тартылмақ. Нәтижесімен, жастар арасындағы жұмыссыздық деңгейі 3,9%-ға дейін төмендейтін болады.Айта кетейік, жаңа жұмыс орындарын құру, жұмыспен қамту, қысқартудың алдын алу және жалақы көлемін 50%-ға дейін арттыру бағытында облыстағы 52 ірі және орта кәсіпорынмен меморандум жасалды.Жиын қорытындысымен облыс әкімі халықтың әл-ауқатын көтеру, тұрмыс сапасын жақсарту басты міндет екенін тілге тиек етіп, жұмыс орындарын тұрақты түрде ұстап тұруға басымдық берілетінін жеткізді. Бұл ретте жұмыспен қамтуды үйлестіру және әлеуметтік бағдарламалар басқармасына аудандар мен Қызылорда қаласының әкімдері бірлесіп, 10 мың адамға 100 жұмыс орынын құру бойынша жылдық жоспарды 100 пайыз орындауды тапсырды.<img src="https://knadmin.beoblood.kz/uploads/311572908_404755321845718_916847758158304163_n_d31174346a.jpg" alt="311572908_404755321845718_916847758158304163_n.jpg"><img src="https://knadmin.beoblood.kz/uploads/311569040_404755258512391_328753081120255416_n_232a418221.jpg" alt="311569040_404755258512391_328753081120255416_n.jpg">

Министр: Қызылорда облысы тұрақты жұмыс орындарын құру көрсеткіші бойынша көш бастап тұр

<a href="https://kyzylorda-news.kz/">Kyzylorda-news.kz.</a> Қызылорда облысында газдандыру бағытында ілкімді істер атқарылуда. Бүгінде Қызылорда, Арал, Байқоңыр қалалары және 17 ауылдық елді мекен газдандыру желісіне қосылған.&nbsp;
2022 жылы 14 газбен жабдықтау жобаларын жүзеге асыруға 5,8 млрд теңге бөлінген. Оның ішінде, 4,3 млрд теңгесі республикалық, 542 млн теңгесі облыстық бюджеттен бөлінсе, «Ауыл – ел бесігі» бағдарламасы аясында – 795,0 млн теңге, «Жұмыспен қамту жол картасы» бағдарламасы аясында 257,0 млн теңге қаралған.
Жыл басынан бергі 9 айдың қорытындысы бойынша Қазалы қаласы, Шиелі ауданының Алғабас, Ақмая елді мекендерін газдандыру мен Тереңөзек кентіндегі газдандырылмай қалған көшелерге газ құбырын тарту жобалары аяқталып, пайдалануға берілді. Биылғы жылдың ІІ жартыжылдығында Қармақшы ауданындағы Төретам кенті мен Ақай ауылын, Арал ауданындағы Сексеуіл кентін газдандыру және Шиелі ауданындағы Тартоғай елді мекенінде АГТС орнату жобалары жүзеге асырылуда.&nbsp;
Ал, Қызылорда қаласына қарасты Наурыз және Махамбет елді мекендерінде 2021 жылы басталған &nbsp;газдандыру жобасының құрылыс жұмыстары 2023 жылға өтпелі жобалардың қатарында.&nbsp;
Сонымен қатар, аймақ басшысының тапсырмасымен 2022-2025 жылдар аралығында 42 ауылдық елді мекенді газ құбырына қосу жұмыстарын жалғастыру жоспарлануда.
Айта кету керек, облыс әкімі Нұрлыбек Нәлібаев БАҚ-на берген сұхбатында аудан орталықтары толықтай газға қосылғанын және облыстың газдандыру деңгейін биылғы жылы 68%-ға дейін жеткізу жоспарланғанын айтқан болатын.
Шынында, аймаққа қарасты ауылдық елді мекендерін газдандыру халықтың әлеуметтік ахуалын жақсартумен қатар, облыс экономикасына қосымша серпін беретіні анық.
<img src="https://knadmin.beoblood.kz/uploads/d32333e1_ea39_4954_9575_34d90dd73d9e_0bda6ef902.jpg" alt="d32333e1-ea39-4954-9575-34d90dd73d9e.jpg">
<img src="https://knadmin.beoblood.kz/uploads/691bb227_f469_4db9_8b97_53367806d188_dc8f62fe9f.jpg" alt="691bb227-f469-4db9-8b97-53367806d188.jpg">
&nbsp;

Сыр елінде 2025 жылға дейін 42 ауыл көгілдер отынға қосылмақ

<a href="https://kyzylorda-news.kz/">Kyzylorda-news.kz.</a>&nbsp; Аудан әкімі Мұрат Ергешбаев Қалжан Ахун, С. Сейфуллин, А. Тоқмағамбетов және Тереңөзек кенті әкімдерінің елді мекендердің әлеуметтік-экономикалық дамуы, 9 айда атқарылған жұмыстарға және проблемалық мәселелерге талдау жасау мақсатында есебін тыңдады.
Сырдария ауданына қарасты аталған елді мекендердегі кәсіпкерлікті дамытудағы жобалар мен оған қатысушылар мәселесі көтерілді. Ауылдарда шағын және орта бизнесті дамыту бұл ең алдымен жұмыссыздардың санын азайтып, жаңа жұмыс орындарын ашуға сеп болады.
<blockquote>«Ауыл әкімдері ауылдың әр азаматы мен олардың проблемаларын жете білуі керек. Ол елдің тыныс-тіршілігі мен дамуы тікелей ауыл әкіміне байланысты. Әрбір кәсіп ашамын, жаңа жобаларым бар деген ауыл тұрғынын сүйемелдеп, қаржы институттары мен бизнес орталықтар арқылы қолдау білдіру керек. Мемлекеттік бағдарламаларды түсіндіру, кепілдік немесе құжаттарын сәйкестендіру бойынша көмектер берілу керек. Бұл жұмыссыздықты жеңудің бірден бір жолы. Ал ауылдағы жұмыссыздықты азайту мен кәсіпкерлікті дамыту ауыл әкімінің басты көрсеткіші болуы керек»,- деді Мұрат Нәлхожаұлы.</blockquote>
Сонымен қатар, аталған ауылдардағы қоғамдық-саяси ахуал мен басқа да көрсеткіштер талқыланып, проблемалық мәселелерді шешу талқыланды.
Айта кету керек, Мемлекет басшысының Жолдауынан туындайтын шешілуі тиіс бірінші кезектегі мәселелерге қатысты ауданда бірқатар мәселелер республикалық және облыстық бюджеттен қолдаулар табылып келер жылға атқарылуы тиіс жұмыстардың тізбесіне енгізуде.
Газдандыру мәселесі бойынша Қалжан Ахун ауылы мен С.Сейфуллин ауылы мемлекеттік сараптамадан өтіп, қаржыландыру үшін өтінім тиісті министрлікке жолданған. Қазіргі таңда Қалжан Ахун ауылы қолдау тапты, Сәкен ауылы қайта қаралуда. Ал, А. Тоқмағамбетов ауылының газ мәселесі сараптамада жатыр. Сараптама аяқталғаннан кейін тиісті ұсыныс беріледі. Медицина саласы бойынша А. Тоқмағамбетов, Қалжан Ахун ауылдарының дәрігерлік амбулаториясының ғимаратына күрделі жөндеу жүргізу жоспарланып отыр. С. Сейфуллин ауылы биыл жаяу жүргіншілер жолы салынып ел игілігіне берілді. Қазіргі таңда бұл ауылдардағы шаруашылықтар егіндерін жинап болды. Ендігі кезекте осы жұмыстарды жалғастырып, бірінші кезекте шешілуі тиіс шараларды қолға алынуда.
<img src="https://knadmin.beoblood.kz/uploads/310739964_1220102608552629_7106491246274859479_n_fc17989907.jpg" alt="310739964_1220102608552629_7106491246274859479_n.jpg">
<img src="https://knadmin.beoblood.kz/uploads/310832602_1220102551885968_8097525726832571411_n_20423685b4.jpg" alt="310832602_1220102551885968_8097525726832571411_n.jpg">

Мұрат Ергешбаев ауыл әкімдерінің есебін тыңдады

<a href="https://kyzylorda-news.kz/">Kyzylorda-news.kz.</a> Шиелі ауданында биыл 30074, 4 гектар жерге ауыл шаруашылығы дақылы егілді. Таратып айтқанда, күздік бидай 1649, жаздық бидай 456, тары 280, арпа 50, дән жүгері 110, соя 150, жаңа жоңышқа 3400, ескі жоңышқа 6147,8 мал жемдік асқабақ 137,6, жемдік жүгері 60, күнбағыс 15, картоп 1198,1, көкөніс 1769,05, бақша дақылдары 2408, мақсары 1494 гектар жерге егілсе, өңірдің басты брендіне айналған күріш 10 750 гектар жерге себілді.&nbsp;
Бүгінде ауданның ауыл шаруашылық дақылдарын жинау жұмысы толығымен аяқталған. Егілген 10 750 сыр маржаны толық орылып бітіп, оның 9670 гектары бастырылуда. Орта есеппен әр гектардан 55 центнер өнім жиналды.
<blockquote>«Байырғылар «Жұмыла көтерген жүк жеңіл» деп бекер айтпаса керек-ті. Сол айтқандай, бір жеңнен қол, бір жағадан бас шығара білген сала еңбеккерлерінің маңдай терінің арқасында меже орындалды. Айта кету керек, қазан айының 23-і күні сағат 08:00-де орталық стадионда ауыл шаруашылығы өнімдерінің жәрмеңкесі өтеді. Жалпы жәрмеңкеде 78 тонна өнім болады деп жоспарлануда. Көлік саны шамамен – 24. Берекелі жәрмеңкеде сатылатын өнімдер нарық бағасынан 10-15 процентке төмен сатылатын болады, – дейі аудандық ауыл шаруашылығы бөлімінің басшысы М.Әшірбеков.</blockquote>
<img src="https://knadmin.beoblood.kz/uploads/1665376306_04d3cbe9_db5b_4d05_84f3_9d98694e712d_4707491e13.jpg" alt="1665376306_04d3cbe9-db5b-4d05-84f3-9d98694e712d.jpg">

Шиелі ауданында әр гектардан 55 центнер өнім жиналды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысына қағаз шығару нарығындағы кәсіпорындардың бірі «KZ Recycling» серіктестігі директорының бірінші орынбасары Қ. Исабаев бастаған делегация іссапармен келді. Іссапар мақсаты - күріш сабанын пайдалану арқылы целлюлоза шығару жобасын іске асыру мүмкіндігін қарастырып, күріш өсіретін шаруашылық жұмыстарымен танысу.
Облыс әкімінің бірінші орынбасары Серік Қожаниязов делегация мүшелерін қабылдап, жобаның іске асыру мүмкіндіктерін тиісті салалық басқарма өкілдерімен талқылады. Нәтижесінде жобаны іске асыру орны ретінде Қызылорда қаласы, Сырдария және Жалағаш аудандарын қарастыру ұсынылды.
Сапар барысында делегация мүшелері Қызылорда қаласындағы индустриялық аймақ және ағынды суларды биологиялық тазарту станциясының жұмысымен танысты. Одан әрі қарай, Жалағаш ауданының әкімі Асқарбек Есжановтың қабылдауында болып, ауданның өндірісті орналастыру мүмкіндіктерін талқылап, қолайлы орындарын аралады.
Сонымен қатар, Сырдария ауданындағы Нағи Ілиясов ауылына барып, «Мағжан и К» серіктестігінің қырман жұмысымен және күріш алқаптарымен танысты.
Сондай-ақ, делегация мүшелеріне Қорқыт ата атындағы Қызылорда университетінің инженерлік бейінді зертханасының жұмысы таныстырылды.
Әкімдік өз кезегінде аталған жобаны іске асыру үшін тиімді орынды анықтауға және қолданыстағы заңнама аясында жаң-жақты қолдау көрсетуге дайын екендігін жеткізді.
<img src="https://knadmin.beoblood.kz/uploads/310976416_1280652072695987_7977977394655392465_n_8304728f41.jpg" alt="310976416_1280652072695987_7977977394655392465_n.jpg">
<img src="https://knadmin.beoblood.kz/uploads/311004012_1280652032695991_2754495906548077648_n_03a82369e3.jpg" alt="311004012_1280652032695991_2754495906548077648_n.jpg">
<img src="https://knadmin.beoblood.kz/uploads/310978802_1280652039362657_2912128206984546972_n_695c650f45.jpg" alt="310978802_1280652039362657_2912128206984546972_n.jpg">

Қызылордада күріш сабанынан целлюлоза шығару жобасы қарастырылып жатыр

<a href="https://kyzylorda-news.kz/">Kyzylorda-news.kz.</a> Қызылорда облысында өңдеу өнеркәсібін дамыту мақсатында құрылысы басталған шыны зауыты қазан айының ішінде алғашқы өнімін шығарады деп жоспарлануда. Бұл ретте облыс әкімі Нұрлыбек Нәлібаевтың тапсырмасы негізінде осыған дейін арнайы штаб құрылды.&nbsp;
Туындаған мәселелер шұғыл шешіліп, инвесторларға көмек көрсетілді. Нәтижесінде өндіріске қажетті газ, су, электр желілері тартылды. Балқыту пеші қосылып, қазірдің өзінде 1450 градус температураға жетті.
Алдағы уақытта шыны зауытының айналасында жаңа өнім түрлерін шығаратын 8 ілеспе кәсіпорын ашу көзделді. Мұнда шыны-талшықты, композиттік материалдар, айна, смартфондармен планшеттерге арналған ультражұқа шыны жобалары да шығарыла бастайды. Өндірісте жергілікті шикізат Аралдың кварц құмы қолданылады.
Облыс әкімі жұмыс процесін бақылап, бірінші орынбасары Серік Қожаниязовқа және шетелдік компания өкілдеріне өндіріс орнының алғашқы өнімін шығару жұмыстары іркіліссіз және уақытылы басталуы қажет екенін тапсырды.&nbsp;
Айта кетейік, тамыз айында өткен селекторлық жиында аймақ басшысы Нұрлыбек Нәлібаев шыны зауытында өнім шығаруды жеделдету және жаңа өндіріс көздерін ашу бағытында өңірге инвестиция тарту жұмыстарын жандандыру қажет екенін айтқан болатын.
<img src="https://knadmin.beoblood.kz/uploads/shyny1_b229993ac3.jpg" alt="шыны1.jpg">

Қызылорда: Шыны зауытындағы балқыту пеші 1450 градус температураға жетті

<a href="https://kyzylorda-news.kz/">Kyzylorda-news.kz.</a>&nbsp; Жаңақорған ауданында биыл егілген 6072 гектар күріш дақылын жинау жұмыстары 3 қазан күні толығымен аяқталды.
Жыл сайын қайталанып жүрген су тапшылығының алдын алу мақсатында аудан әкімдігі мен сала мамандары тарапынан жүргізілген түсіндірме жұмыстарының нәтижесінде диқандар сыр маржанын егуді және суға бастыруды ерте көктемнен қолға алып вегетациялық кезеңнің соңына қарай орын алуы мүмкін су жетпей қалу қауіпін сейілтті. Осылайша толық пісімге ілінген күріш дақылының өткен жылмен салыстырғанда өнімділігі артып қазіргі таңда орташа есеппен әр гектардан 54 центнерден сыр маржаны алынды.&nbsp;
Биылғы жылы Сырдария өзенінінің төменгі ағысына жіберілген су көлемі жеткілікті деңгейде болып барлық егістің вегетациялық кезеңі толық қамтамасыз етілді. Бұл үшін Сырдария өзенімен шекаралас болып табылатын көрші елдермен мемлекетаралық келісімдерді жүйелі жүргізген облыстық және республикалық деңгейдегі басшылық өкілдеріне диқан қауымның алғысы шексіз.&nbsp;
Сонымен қатар 26 тамыздан басталған күріш жинау науқаны қарсаңында 10-11 қыркүйекте Елордада ұйымдастырылған Қызылорда облысының ауылшаруашылығы өнімдерінің жәрмеңкесінде Жаңақорған ауданынан "Нұрбол И" шаруа қожалығынан жеткізілген күріштің сапалы "Лидер" тұқымы тұтынушылардың үлкен сұранысына ие болды.
<img class="image_resized" style="width:66.65%;" src="https://knadmin.beoblood.kz/uploads/ris_6fcf29c3bf.jpg" alt="ris.jpg">
&nbsp;

Жаңақорған ауданында әр гектардан 54 центнер күріш жиналды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев бірқатар әлеуметтік және өндірістік нысанды аралады.
Алдымен аймақ басшысы «Қорқыт ата» әуежайының инфрақұрылым мәселелері мен жаңадан салынатын терминалдың жобасы бойынша cала мамандарымен пікірлесті.
Бұған дейін облыс әкімі демеушілерді тарта отырып, 70 млн.теңге қаражатқа әуежайдың ескі терминалын ішкі және сыртқы әрлеу жұмыстарын жүргізді, нәтижесінде әуежай алаңы жаңарып, ауласы тазаланып, қалыпқа келді. Меценат Болат Өтемұратовтың қоры өңірде халықаралық стандарттарға сай заманауи терминал салуға ниет білдірді. Бұған дейін де облыс әкімі Сыр еліне келген қор өкілдерімен екіжақты кездесулер өткізіп, ортақ жобаны пысықтап, талқылады.
Қазіргі күні әуежай жылына 137 мың адамға қызмет көрсетсе, жаңа терминал қосылғаннан кейін шамамен 220 мың жолаушыны қабылдай алады. Ал, жүк тасымалдау көлемі 150 тоннадан 240 тоннаға дейін ұлғаяды.
Құны 12 млрд. теңгені, алаңы 7500 шаршы метрді құрайтын әуежайда телескопиялық трап екіқабатты болады, ал жолаушыларға, оның ішінде қозғалыс қабілеті шектеулі азаматтарға ыңғайлы болу үшін эскалаторлар мен лифттер қарастырылмақ. Жылдам әрі жайлы қызмет көрсету өзін-өзі тіркеу бағандары мен жүктерді беру және өңдейтін автоматтандырылған жүйемен жабдықталады. Терминал 2024 жылы аяқталмақ.
Облыс әкімі әуежай өңірдің негізгі қақпасы және оның заманауи сипатқа ие болуы тиіс әрі халыққа қолайлы қызмет етуі қажет деді. Бұл ретте орынбасары М.Жайымбетовке, қала әкімі А.Шәменовке, жауапты басқарма және әуежай басшысына әуежайды күтіп ұстау және тазалығына ұдайы мән беруді жүктеді. Сондай-ақ, қор өкілдерімен бірге терминал құрылысына қажетті жұмысты үйлестіріп, уақытылы аяқтауды тапсырды. Мұнан бөлек, қаладағы кәсіпкерлік және әлеуметтік нысандардың қасбеттерін әрлеп, аумағын тазалау жұмыстарын міндеттеді.
Нұрлыбек Нәлібаев Нартай Бекежанов атындағы Қызылорда облыстық музыкалық драма театрының жөндеу жұмыстарын көрді.
Өнер ордасы Сыр өңірінде 1960 жылдан бері жұмыс жасауда. Дегенмен, театр ғимараты ескіргендіктен жөндеуді қажет етті. Аймақ басшысының тікелей қолдауымен театрдың қасбетіне жөңдеу жұмыстарын жүргізу басталды. Демеушілер есебінен ғимараттың ішкі жұмыстары да заманауи талапқа сай қайта жаңарады.
Облыс әкімі киелі өнер шаңырағы қаланың басты мәдени нысаны болғандықтан, орынбасары Н.Сақтағановқа, жауапты басқарма басшысы мен мердігер компания өкіліне қысқа уақыт ішінде жөңдеу жұмыстарын уақытылы әрі сапалы орындау қажет екенін еске салды. Сондай-ақ, театр аумағын таза әрі жинақы ұстауды тапсырды.
Айта кетейік, облыс орталығында 1000 орынға арналған көпфункционалды Өнер орталығы салынуда. Құны 3,7 млрд.теңге екі қабатты өнер орталығының құрылысы шамамен келер жылдың соңында ел игілігіне берілмек.
Әрі қарай облыс әкімі шыны зауытындағы өндірісті іске қосуға дайындық барысын саралады. Аймақта өңдеу өнеркәсібін дамыту мақсатында құрылысы басталған зауыт қазан айының ішінде алғашқы өнімін шығарады деп жоспарлануда. Бұл ретте облыс әкімінің тапсырмасы негізінде осыған дейін арнайы штаб құрылды. Туындаған мәселелер шұғыл шешіліп, инвесторларға көмек көрсетілді. Нәтижесінде өндіріске қажетті газ, су, электр &nbsp;желілері тартылып, теміржол тұйығын жеткізу құжаттары әзірленуде. Балқыту пеші қосылып, қазірдің өзінде 1450 градус температураға жетті.
Алдағы уақытта шыны зауытының айналасында жаңа өнім түрлерін шығаратын 8 ілеспе кәсіпорын ашу көзделді. Мұнда шыны-талшықты, композиттік материалдар, айна, смартфондармен планшеттерге арналған ультражұқа шыны жобалары да шығарыла бастайды.
Өндірісте жергілікті шикізат Аралдың кварц құмы қолданылады.
Облыс әкімі жұмыс процесін бақылап, бірінші орынбасары Серік Қожаниязовқа және шетелдік компания өкілдеріне өндіріс орнының алғашқы өнімін шығару жұмыстары іркіліссіз және уақытылы басталуы қажет екенін тапсырды.
<img src="https://knadmin.beoblood.kz/uploads/ajmak1_2cfca7dc2c.jpg" alt="аймак1.jpg"><img src="https://knadmin.beoblood.kz/uploads/Bekezhanov_5c2c72a957.jpg" alt="Бекежанов.jpg"><img src="https://knadmin.beoblood.kz/uploads/orda_43768b17b6.jpg" alt="орда.jpg"><img src="https://knadmin.beoblood.kz/uploads/orda1_566cdd5488.jpg" alt="орда1.jpg"><img src="https://knadmin.beoblood.kz/uploads/zauyt_9a6551cb07.jpg" alt="зауыт.jpg"><img src="https://knadmin.beoblood.kz/uploads/ajmak_035c176991.jpg" alt="аймак.jpg"><img src="https://knadmin.beoblood.kz/uploads/shyny_4a185dc993.jpg" alt="шыны.jpg">

Қазақстан және Қызылорда облысының жаңалықтары: Экономика