<a href="https://kyzylorda-news.kz/">Kyzylorda-news.kz.</a> Жаз айларында орын алған дизель отынының тапшылығына байланысты ҚР Премьер-министрінің бірінші орынбасары Роман Склярдың төрағалығымен жедел штаб құрылып, пәрменді шаралар қабылданды.
Қызылорда облысы әкімінің орынбасары Серік Қожаниязовтың төрағалығымен жедел штаб құрылып, оның құрамына экономикалық тергеу, мемлекеттік кірістер, бәсекелестікті қорғау және дамыту департаменттері және т.б мүдделі органдардың басшылары енгізілді.
Ішкі нарықты әлеуметтік маңызы бар мұнай өнімдерімен қамтамасыз ету бойынша ҚР Энергетика министрінің бұйрығына сәйкес облыс аумағында бөлшек саудадағы мұнай өнімдерінің бағаларына күнделікті мониторинг жүргізілуде. Қазіргі таңда облыста 122 жанар-жағармай бекеттері жұмыс жасайды және келесідей мұнай өнімдерінің қорымен қамтамасыз етілген. АИ-92 маркалы бензині – 5 820,6 тонна, бұл 23 күнге дейін жеткілікті. Жазғы және қысқы дизель отыны – 5 438,7 тонна, бұл 22 күнге жеткілікті.
Биылғы жылдың 4 қазан айына дейінгі мониторинг мәліметтеріне сәйкес, облыста АИ-92 маркалы бензинінің орташа бағасы – 179,3 теңге, дизель отынының орташа бағасы – 228,1 теңгені құрап отыр.
Қазіргі уақытта әлеуметтік нысандарға сұйытылған отынды жеткізуші кәсіпкерлердің сұраныстарын бірінші кезекте қамтамасыз ету бойынша шаралар қабылдануда. Жалпы облыстағы жанар-жағармай нарығындағы жағдай тұрақты бақылануда.
<img src="https://knadmin.beoblood.kz/uploads/benzin_kaz_f03ae3545d.jpg" alt="benzin-kaz.jpg">

Қызылордада мұнай өнімдері нарығындағы ахуал тұрақты

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев пен аудандық мәслихат хатшысы Бақытжан Жарылқап Қазалы қаласындағы тұрғындарға жаңадан берілген 180 гектар аумаққа арнайы барып, бірқатар сала басшыларымен бірге тез арада халыққа көгілдір отын беру жағын талқылады.
Бүгінгі күні жаңа тұрғын кварталында орналасқан тұрғын үйлерге табиғи газға қосу үшін жұмыстар жүргізілуде.&nbsp;
Атап айтар болсақ, мердігер мекеме орын алған ақаулықтары қайта қалпына келтіріп, жоғарғы ауа қысымымен тексеріп сынау, үрлеп-тазалау жұмыстарын жүргізуде. Тексеру жұмыстары аяқталғаннан кейін «ҚазТрансГазАймақ» АҚ Қызылорда өндірістік филиалына пайдаланудағы газ желісіне қосу үшін ұсынылады.&nbsp;
Жаңа кварталда атқарылып жатқан жұмыстармен танысқан аудан әкімі Мұхтар Оразбаев бұл аймақтағы үйлерді табиғи отынға тез арада қосуды тиісті сала басшыларына тапсырды.
Мұнан соң Мұхтар Әуесұлы Әйтеке би кентінің 5 квартал аумағына барды.&nbsp;
Қазіргі таңда аудан орталығындағы бұрын инфрақұрылымы жүргізілген 210 гектар жер учаскесінен есепке алынбаған тұрғын үйлерді газбен және электрмен жабдықтау жұмыстары жүргізілуде.&nbsp;
Мердігер мекеме «Ремстрой» ЖШС келісім-шартқа сәйкес құрылыс-монтаж жұмыстарын бастап, белгіленген мерзімде аяқтауды жоспарлап отыр.
<img src="https://knadmin.beoblood.kz/uploads/b03d7c87_e289_4d5b_9fe1_962768949f51_8a76d2535a.jpg" alt="b03d7c87-e289-4d5b-9fe1-962768949f51.jpg">
<img src="https://knadmin.beoblood.kz/uploads/04_1fba4fd1b0.jpg" alt="04.jpg">
&nbsp;

Қазалыда жаңа аумақтарға табиғи газ жүргізіліп жатыр  

<a href="https://kyzylorda-news.kz/">Kyzylorda-news.kz.</a> «Атамекен» Ұлттық Кәсіпкерлер Палатасының ұйымдастыруымен 8 қазан күні «Қазақстанның үздік тауары» республикалық көрме-байқауы өтеді.&nbsp;
Шараны Астана қаласындағы ЕХРО» халықаралық көрме орталығында сағат 10.00-18.00 аралығында тамашалауға болады. Көрмеге 153 өңірлік байқау жеңімпаздары қатысады деп күтілуде. Соның ішінде 9-ы қызылордалық кәсіпкер.
Республикалық көрме-байқау 3 номинация бойынша өтеді. Олар «Өндірістік мақсаттағы үздік тауарлар», «Халық тұтынатын үздік тауарлар», «Үздік азық-түлік тауарлары».
«Үздік азық-түлік тауарлары» номинациясы бойынша 3 қызылордалық компания байқауға қатысады.
«Асыл дән LTD» ЖШС&nbsp;
Серіктестік күріштің Лидер, Янтарь, Элита, Баракат сорттарын, сонымен бірге күріш ұнын, күріш жармасын, күріш тарысын, күріш қауызын және тағы да басқа да өнімдерді өндірумен айналысады. Компания 2013 жылы құрылған. 30 адамды жұмыспен қамтып отыр.
Серіктестіктің өнімдері полипропилен және полиэтилен қаптарда 25 келі, 10 келі, 5 келі, 3 келі, 800 грамм қаптамаларда ұсынылады. Сондай-ақ, компания шаруа қожалықтарымен бірлесіп күріш егеді.
Компанияның тәулігіне 100 тоннаға дейін дайын өнім шығаратын зауыты, шығарылатын өнімнің сапасын және өңдеудің барлық процесін бақылайтын зертханасы, автотаразы, шикізат пен дайын өнімді сақтауға арналған қоймалары бар. Өнімдерін экспортқа шығарып жатыр.
«ҚАРАШАЛАҢ» сервистік дайындау орталығы» ЖШС&nbsp;
Орталық балық өнімдерін қайта өңдеумен айналысады. Жылына 3000 тоннаға дейін өнім өндіреді. 2015 жылдан бері нарықта қызмет көрсетіп келеді. 40 адамды тұрақты жұмыспен қамтыған. &nbsp;
Компанияның балық еті мен фаршын дайындауға арналған, талапқа сай арнайы зауыты бар. Компания 2017 жылдан бастап өнімдерін Европа елдеріне, атап айтқанда Польша, Германия, Нидерландыға экспортқа шығарып жатыр.
2020 жылы серіктестік базасында «балықты, шаян тәрізділерді және моллюскілерді өңдеу және консервілеу» жобасы іске қосылды.
«Аруана-Агролидер» ЖШС&nbsp;
Серіктестік 2019 жылы құрылды. Компанияның негізгі бағыты түйе, ірі қара мал өсіру, бұқтырылған сиыр, жылқы, қой етін терең өңдеу арқылы өндіру, консервілеу, сәбіз, асқабақ шырыны мен пюре өндіру, сондай-ақ ет, сүт және жүн өңдеу. Барлық өнімдері «Ұлттық сараптама орталығының» зерттеуінен өткен, стандарттарға сай келеді. Өнімдерін Қызылорда қаласындағы «Қызылорда» оптомаркеті, «Аль-Асад» СҮ, «Ажар City» СҮ-нен алуға болады.
Сонымен қатар алдағы сенбі күні өтетін көрме-байқауға «Өндірістік мақсаттағы үздік тауарлар» номинациясы бойынша цемент өнімдерін шығаратын «Компания Гежуба Шиели Цемент» ЖШС, мұнай өндірісіне арналған қондырғылар шығаратын «Новомет-Казахстан» &nbsp;ЖШС, поливинилхлорид және төменгі қысымды полиэтилен құбырларын шығаратын «Казахстанская &nbsp;Нефтехимическая Компания Кемикал» ЖШС-нің Қызылорда филиалы, «Халық тұтынатын үздік тауарлар» номинациясы бойынша ұлттық киімдер тігумен айналысатын жеке кәсіпкер «Aiman Abdi», құрғақ құрылыс қоспаларын шығаратын «ВЕГА-Пром» ЖШС, жиһаз дайындайтын «Алис трейд Казахстан» ЖШС қатысады деп жоспарланып отыр.&nbsp; <img src="https://knadmin.beoblood.kz/uploads/kurish_fdd57b2fb2.jpg" alt="куриш.jpg">

Қызылордадан «Қазақстанның үздік тауары» республикалық көрме-байқауына 9 компания қатысады

<a href="https://kyzylorda-news.kz/">Kyzylorda-news.kz.</a> Қызылорда облысынан шыққан өнімдердің біршамасы әлемнің 20 мемлекетіне экспортталды.
Қызылорда облысында статистикаға сәйкес биылғы жылдың 1 тамызына дейін аймақта 32,2 млн. долларды құрайтын 60 мың тонна ауыл шаруашылығы өнімдері, оның ішінде күріш, балық өнімдері, бидай қалдығы, қамыс экспортталған. Бұл көрсеткіш өткен жылдың сәйкесті кезеңімен салыстырғанда 157 пайызды құрап отыр.
Сыр өңірінің өнімдері әлемнің 20 мемлекетіне экспортталды. Барлық экспортталған өнімнің 91,4 пайызын құрайтын облыстың негізгі дақылы - күріш өнімі. Өңірдің негізгі дақылы Ресей, Беларусь, Қырғызстан, Әзірбайжан, Өзбекстан, Моңғол мемлекеті, Тәжікстан, Түркмения, Украина, Грузия, Литва, Түркия және Ирак елдеріне экспортталып отыр.
Жыл басынан бері 54,8 мың тонна күріш өнімі экспортталып, былтырғы жылдың сәйкесті кезеңімен салыстырғанда 148,6 пайызға артты.
Сондай-ақ, облыстан Ресей, Әзербайжан, Польша, Грузия, Венгрия, Литва, Германия, Чехия, Нидерланды және Австрия мемлекеттеріне 2 051,5 тонна &nbsp;балық, Германия, Дания және Нидерланды мемлекеттеріне 1 921,7 тонна &nbsp;қамыс, Ресей, Өзбекстан және Тәжікстанға 1046,8 тонна бидай қалдығы және Ресей мемлекетіне 120,0 тонна қызанақ жөнелтілді.&nbsp;
<img src="https://knadmin.beoblood.kz/uploads/balyk_eeddb6dd63.jpg" alt="балык.jpg">

Қызылорданың өнімдері әлемнің 20 мемлекетіне экспортталды 

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев арнайы жиында бірқатар аудандар мен Қызылорда қаласының 8 ай ішіндегі әлеуметтік-экономикалық дамуы қорытындылары мен қоғамдық-саяси ахуал барысын саралады.
Басқосуға облыстық мәслихат хатшысы, құқық қорғау органдары басшыларының орынбасарлары мен жауапты мамандар қатысты.
Жиында Жалағаш, Сырдария, Жаңақорған, Шиелі ауданының әкімі мен Қызылорда қаласының әкімі мемлекеттік бағдарламалар шеңберінде орындалған жұмыстарды тізбеледі.
Оның ішінде елді мекендерге қажетті инфрақұрылым жүргізу, тұрғын үймен қамтамасыз ету және жаңа жұмыс орын ашу, денсаулық, білім саласындағы іргелі істерді баяндады.
Әкімдердің жұмысын саралаған аймақ басшысы халық жиі тұтынатын ауыл шаруашылығы өнімдерінің қажетті қорын әзірлеу, жәрмеңкелер ұйымдастыруды тапсырды. Сондай-ақ, мектеп, аурухана, мәдениет үйлері мен спорт нысандарында жылу процесінің үздіксіз берілуін міндеттеді. Әсіресе, қаладағы көпқабатты тұрғын үйлердің жылу беру маусымына дайындығы іркіліссіз болу қажет деді. Мұнан өзге, көмір қорының тапшылығын болдырмауды қатаң бақылауға алуды жүктеді. Ал, қала әкіміне қоғамдық көліктердің қозғалысын реттеу және жаңа автобустар алу мәселесін уақыт оздырмай шешу қажет екенін алға тартты.
Отырыс барысында өңір басшысының тапсырмасы негізінде әкім орынбасарлары мен құқық қорғау органдары басшыларының орынбасарлары өткізген қоғамдық кездесулердің нәтижелері сөз болды. Тұрғындар тарапынан жолданған сауалдар барысы сараланды.
Бұл ретте Нұрлыбек Нәлібаев ашықтық мәселесіне арнайы тоқталды. Қоғаммен сындарлы диалог орнату кез келген түйткілді проблеманы шешуге жол ашады. Бұл ретте аймақ басшысы әкімдерге халықтың мұң-мұқтажын тыңдап, реті келсе шешуге ықпал жасау қажет деді.
<blockquote class="wp-block-quote">«Осыған дейін барлық ауданда менің тапсырмам негізінде орынбасарларым мен құқық қорғау органдарының басшылары қоғамдық кездесулер мен жеке қабылдаулар өткізді. Біраз мәселелердің түйіні тарқатылды, халық көкейде жүрген сауалдарына жауап алды. Сондықтан, мұндай кездесулерді тағы да ұйымдастыру қажет деп санаймын. 10 қазаннан бастап орынбасарларым, құқық қорғау саласы басшылардың орынбасарлары 1 күн бойы 1 ауданда ашық есік күндерін өткізіп, халықпен пікірлесетін болады. Мұндай тәжірибені ай сайын қолға алуды тапсырамын»,-деді Н.Нәлібаев.</blockquote>
Айта кетейік, облыс әкімінің алдағы халықпен кездесуінде де құқық қорғау органдарының басшылары қатысады.
<div class="wp-block-image"><figure class="aligncenter size-full"><img loading="lazy" width="2048" height="1618" src="https://kyzylorda-news.kz/wp-content/uploads/2022/09/309885531_395638352757415_7644723562510030049_n.jpg" alt="" class="wp-image-168282" srcset="https://kyzylorda-news.kz/wp-content/uploads/2022/09/309885531_395638352757415_7644723562510030049_n.jpg 2048w, https://kyzylorda-news.kz/wp-content/uploads/2022/09/309885531_395638352757415_7644723562510030049_n-768x607.jpg 768w, https://kyzylorda-news.kz/wp-content/uploads/2022/09/309885531_395638352757415_7644723562510030049_n-1536x1214.jpg 1536w" sizes="(max-width: 2048px) 100vw, 2048px" /></figure></div>

Нұрлыбек Нәлібаев: Аудан, ауыл әкімдері халықпен ұдайы кездесуі қажет

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қармақшы ауданы Т.Көмекбаев ауылындағы су қабылдайтын құрылғыны қайта құру&nbsp;жұмыстарына қаржы бөлініп, мемлекеттік сатып алу қорытындысымен «Корпорация Әлем Құрылыс» ЖШС-мен келісім-шарт жасалған. Бүгінгі күнге құрылыс жұмыстары басталып, су мұнарасы, резервуар демонтаж жүргізілген және 1-ші көтерме насос станциясына жаңғырту жұмыстары жүргізілуде.
Ауылдықтар ауыз су жүйесіне күрделі жөндеу жұмыстары&nbsp; жүріп жатқанына қуанып жатыр. Басталған жұмыстар толық аяқталған соң қысы жазы үздіксіз су болады, электр жарығы өшіп қалса да су қоймасындағы жиналған су халыққа беріле береді.
<blockquote class="wp-block-quote">«Су өмір нәрі деген сөз рас айтылған ғой. Бір сәт үйімізде су ақпай қалса тіршілік тоқтап қалғандай боламыз. Бұл бізге, шалғай ауылға аудан басшылығы тарапынан жасалып жатырған үлкен қамқорлық деп білеміз. Басшылыққа үлкен алғысымызды айтамыз. Мердігер компания да уақытпен санаспай жұмыс істеп жатыр, оларға да алғысымыз шексіз. Осы жұмыстарын аяғына дейін жеткізіп, ауыз судың тұрақты болуы үшін тиісті мекемелердің дұрыс жұмыс жасауын ел болып тілеп отырмыз», &#8212; деді Т.Көмекбаев ауылдық округінің ардагерлер кеңесінің төрағасы Сақтапберген Қосбаев.</blockquote>
Сонымен қатар ауданға қарасты Алдашбай Ахун ауылындағы су қабылдайтын құрылғыны қайта құру жұмыстарына қаржы бөлініп, мемлекеттік сатып алу қорытындысымен «Асанас-Дар» ЖШС-мен келісім-шарт жасалған. Құрылыс жұмыстары басталып кетті. Ал, Қармақшы ауылындағы су қабылдайтын құрылғыны қайта құру жұмысының құрылысын «Теплоэнергострой» ЖШС жүргізіп жатыр.
<blockquote class="wp-block-quote">«Қармақшы ауданына қарасты ауылдардан бөлек орналасқан Қармақшы ауылына биылғы жылға жақсы жаңалық ауыл тұрғындары ауыз су резервуары салынатынына қуанышты. Орталықта жиырма бес метр кубтық ауыз су башнясын пайдаланып келген тұрғындар алдағы уақытта бас жүз метр куб болатын ауыз су резервуарын және елу метр куб болатын жаңа башня салынатын болып қазіргі таңда жұмысы басталып кетті. Тұрғындар үйлеріне заман талабына сәйкес орнатқан су ысыту құрылғыларын күндіз-түні пайдаланса, таза сумен жеткілікті қамтылып тұратындығы. Жаз мезгілінде кейде ауыз суды көп пайдаланатын уақытта су жетпей қалатын. Жыл көлемінде ауыз су тұрақты берілуіне тұрғындардың тілегін жеткізген аудан әкімдігіне, облыс басшылығына ел тұрғындары атынан алғысымызды білдіреміз», &#8212; дейді Қармақшы ауылы ардагерлер кеңесінің мүшесі Қ.Айтымбетов.</blockquote>
<div class="wp-block-image"><figure class="aligncenter size-full"><img loading="lazy" width="641" height="393" src="https://kyzylorda-news.kz/wp-content/uploads/2022/09/podacha.jpg" alt="" class="wp-image-168220"/></figure></div>

Қармақшы ауданында су қабылдайтын құрылғылардың құрылысы жанданып жатыр

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Облыс әкімі Нұрлыбек Нәлібаев Арал, Қазалы, Қармақшы аудандарының 8 ай ішіндегі әлеуметтік-экономикалық дамуы мен қоғамдық-саяси ахуалын талдауға арналған жиын өткізді.
Басқосуға облыстық мәслихат хатшысы, құқық қорғау органдары басшыларының орынбасарлары мен жауапты сала мамандары қатысты.
Жиында Арал ауданының әкімі Серік Сермағанбетов, Қазалы ауданының әкімі Мұхтар Оразбаев, Қармақшы ауданының әкімі Әділбек Ерсұлтанов ауданда өндіріс орындарын көбейту, тұрғын үймен қамтамасыз ету, инфрақұрылым жүргізу мәселесі, денсаулық, білім салалалары, жылу маусымына дайындық барысы сынды өзекті сұрақтарға қатысты баяндама жасады.
Аудан әкімдерінің жұмысын саралаған аймақ басшысы қоғамдық-саяси ахуалды тұрақты түрде ұстау, түйткілді мәселелерді алдын ала шешуде іс-қимыл жоспарын уақытылы орындау қажет екенін ескертті. Сондай-ақ, алдағы жылу беру маусымына дайындықты күшейтіп, қоймаларда көмір мен сұйық отынның қажетті мөлшері болуын қамтамасыз етуді тапсырды.
<blockquote class="wp-block-quote">«Бүгінгі күні басты міндет жылу маусымына дайындық барысын пысықтау. Әлеуметтік нысандардың бу қазандықтары сақадай сай болу қажет. Көмір қорының жеткілікті болуын қатаң бақылауға алуды тапсырамын. Мемлекеттік бағдарламалар аясында орындалуға тиіс жобалар мен нысандар салуды уақытылы аяқтауларыңыз керек. Халықпен жиі кездесулер өткізіп, ортақ мәселелерді оңтайлы шешудің жолдарын қарастырыңыздар. Кәсіп ашуға ынталы азаматтарды қолдай отырып, жұмыспен қамту шараларын ұдайы жүргізіңіздер», &#8212; деді Н.Нәлібаев.</blockquote>
<div class="wp-block-image"><figure class="aligncenter size-full"><img loading="lazy" width="1600" height="1129" src="https://kyzylorda-news.kz/wp-content/uploads/2022/09/309975509_394788939509023_999796692323818454_n.jpg" alt="" class="wp-image-168102" srcset="https://kyzylorda-news.kz/wp-content/uploads/2022/09/309975509_394788939509023_999796692323818454_n.jpg 1600w, https://kyzylorda-news.kz/wp-content/uploads/2022/09/309975509_394788939509023_999796692323818454_n-768x542.jpg 768w, https://kyzylorda-news.kz/wp-content/uploads/2022/09/309975509_394788939509023_999796692323818454_n-1536x1084.jpg 1536w" sizes="(max-width: 1600px) 100vw, 1600px" /></figure></div>
Айта кету керек, аймақ басшысы Нұрлыбек Нәлібаевтың тапсырмасы негізінде барлық ауданда облыс әкімінің орынбасарлары мен құқық қорғау органдарының басшыларымен бірлескен қоғамдық кездесулер мен жеке қабылдаулар өткізілді.
Облыс әкімі тұрғындар тарапынан көтерілген мәселелерге уақытылы әрі сапалы жауап беру, проблемалық сұрақтарды алдын ала шешу үшін тиімділігін танытқан мұндай кездесулерді қазан айында да ұйымдастыру қажет екенін тапсырды.
<div class="wp-block-image"><figure class="aligncenter size-full"><img loading="lazy" width="1600" height="1128" src="https://kyzylorda-news.kz/wp-content/uploads/2022/09/309197914_394789159509001_8167923848977442687_n.jpg" alt="" class="wp-image-168100" srcset="https://kyzylorda-news.kz/wp-content/uploads/2022/09/309197914_394789159509001_8167923848977442687_n.jpg 1600w, https://kyzylorda-news.kz/wp-content/uploads/2022/09/309197914_394789159509001_8167923848977442687_n-768x541.jpg 768w, https://kyzylorda-news.kz/wp-content/uploads/2022/09/309197914_394789159509001_8167923848977442687_n-1536x1083.jpg 1536w" sizes="(max-width: 1600px) 100vw, 1600px" /></figure></div>
<figure class="wp-block-image"><img alt=""/></figure>

Нұрлыбек Нәлібаев: Халықпен жиі кездесіп, мәселелерді оңтайлы шешу жолдарын қарастырыңыздар

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Сыр өңірінде соңғы 3 ай ішінде Түркия мемлекетінің ірі компанияларымен бірлескен жобалар аясы кеңеюде.
Екіжақты ынтымақтастық нәтижесінде аймақта инвестициялық жаңа өндіріс орындары мен нысандар салынбақ.
Аймақта «Акса энерджи» компаниясы ТМД елдерінде теңдесі жоқ заманауи жылу электр орталығының құрылысын салуға ниет білдірді. Облыс әкімі Нұрлыбек Нәлібаев түрік инвесторы Коркут Озтуркпен кездесіп, ортақ келісім аясында нысанның құрылыс капсуласын салу рәсіміне қатысты.
Құны 215 млрд.теңгені құрайтын жобаның қуаттылығы 240 мегаватқа жетеді. Жылу электр орталығы 2025 жылы ел игілігіне беріледі.
Өткен сенбіде облыс әкімі Нұрлыбек Нәлібаевтың шақыртуымен Қызылорда өңіріне Түркияның KOÇ Holding компаниясының өкілі Өзгур Бурак Акколь және отандық «Orbis Kazakhstan» компаниясының басшысы Сухраб Әбдіғаппурұлы Махмудов арнайы келді.
Тараптар арасында Жаңақорған ауданында қызанақ пастасын шығаратын зауыт мәселесі талқыланды.
Құны 13,5 млрд.теңгені құрайтын жоба жылына 24 мың тонна томат пастасын дайындауға мүмкіндігі бар. Жобаны қос компания тең көлемде қаржыландырады. Зауыт іске қосылғанда 154 жұмыс орны ашылады.
Ынтымақтастықты одан әрі нығайту бағытында аймақ басшысы Нұрлыбек Нәлібаевтың тапсырмасы негізінде облыс әкімінің бірінші орынбасары Серік Қожаниязов Түркия мемлекетіне арнайы барып, бірқатар компания өкілдерімен келіссөздер жүргізді.
Түрік кәсіпкерлері аталған қос жобадан бөлек, аймақта өндірісте және сауда орындарында пайдаланатын қағаз қапшықтары мен қағаздан жасалатын ыдыстарды шығару жобаларын жүзеге асыруға ынталы екендігін білдірді.
Айта кетейік, өңірге инвестициялық жобалар тарту – әкімдіктің басым бағыттарының бірі. Тың жобалар арқылы халықтың тұрмыс сапасын жақсартуға және жаңа жұмыс орындарын ашуға мүмкіндік туады.
<div class="wp-block-image"><figure class="aligncenter size-full"><img loading="lazy" width="897" height="720" src="https://kyzylorda-news.kz/wp-content/uploads/2022/09/akimat.jpeg" alt="" class="wp-image-167956" srcset="https://kyzylorda-news.kz/wp-content/uploads/2022/09/akimat.jpeg 897w, https://kyzylorda-news.kz/wp-content/uploads/2022/09/akimat-768x616.jpeg 768w" sizes="(max-width: 897px) 100vw, 897px" /></figure></div>

Екіжақты ынтымақтастық: Сыр елінде Түрік компаниялары жаңа жобаларды іске асырады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Сыр өңірінде түрік компанияларымен бірлескен жобалар аясы кеңеюде. Екіжақты мүдделестік нәтижесінде аймақта жаңа өндіріс орындары мен нысандар салынбақ.
Облыс әкімінің шақыртуымен сенбі күні Қызылорда өңіріне Түркияның KOÇ Holding компаниясының өкілі Өзгур Бурак Ақколь және отандық «Orbis Kazakhstan» компаниясының басшысы Сухраб Әбдіғаппурұлы Махмудов арнайы келді.
Аймақ басшысының іссапарда болуына байланысты кездесуге облыс әкімінің міндетін атқарушы Мархабат Жайымбетов инвесторлармен бірге Жаңақорған ауданында қызанақ пастасын шығаратын зауыт мәселесін талқылады.
Облыс экономикасын әртараптандыру бағытындағы ірі жобаларды индустрияландыру бағдарламасы аясында «Қызылорда – Агроплюс» серіктестігінің томат пастасын өндіру жобасы іске асырылуда.
Қызанақ пастасын шығаратын зауыт салу мақсатында биылғы жылы Жаңақорған ауданында 30 гектар жер телімі белгіленді.
Құны 13,5 млрд.теңгені құрайтын жоба жылына 24 мың тонна томат пастасын дайындауға мүмкіндігі бар. Жобаны қос компания тең көлемде қаржыландырады. Зауыт іске қосылғанда 154 жұмыс орны ашылады. Өндірісті толық жүзеге асыру 2025 жылға дейін жоспарлануда. 
Мархабат Жайымбетов зауыт салу мәселесіне қатысты әкімдік тарапынан қажетті қолдау шаралары жүргізілетінін қаперге салып, бұл жобаның аймақ үшін маңыздылығына тоқталды.
Кездесу барысында зауыттың құрылыс жұмыстарын жүргізу мақсатында нысанның құрылысына инфрақұрылыммен (сумен, газ, электрмен) жабдықтау жобалық-сметалық құжаттаманы жасау мәселелері талқыланды.
Әлемнің 13 елінде қызанақ өнімін өндірумен айналысатын түрік елінің «KOÇ Holding» компаниясымен бірлесіп, биылғы жылы тәжірибеден өткізу үшін тамшылатып суару арқылы 10 гектар жерге қызанақ дақылы егілді. Қызанақ егістігіне суармалы су Сырдария өзенінен 2 шақырым жерден су құбырымен насос қондырғылары арқылы қамтамасыз етілді. Қазіргі таңда қызанақтардың шығымдылығы жақсы.
Мұнан бөлек, ҚР Ауыл шаруашылығы министрлігі, Қызылорда облысының әкімдігі мен «KOÇ Holding» түрік компаниясы және отандық «Orbis Kazakhstan» компаниясының араларында атқарылатын шаралар мен мерзімдері көрсетіліп, төртжақты Жол картасы әзірленіп, бекітілді.
Айту керек, қызанақ пастасын өндіретін зауыт құрылысын келер жылдан бастау жоспарланды. Еске салайық, биыл түрік инвесторларының қолдауымен республиканың тек екі аймағында ТМД елдерінде теңдесі жоқ заманауи жылу электр орталығының құрылысы салынбақ. Алғашқысы Сыр елінде бастау алып, аймақ жұрты жылу электр орталығының капсула салу рәсіміне куә болды.
<div class="wp-block-image"><figure class="aligncenter size-full"><img loading="lazy" width="768" height="1024" src="https://kyzylorda-news.kz/wp-content/uploads/2022/09/308927590_392516093069641_869746790068024925_n.jpg" alt="" class="wp-image-167612"/></figure></div>

Сыр өңірінде жылына 24 мың тонна қызанақ пастасын дайындайтын зауыт салынады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бүгін қала әкімінің орынбасары Жанмұрат Сейіловтің төрағалығымен өткен жиналыста «Қызылорда облысының 2022-2024 жылдарға арналған салықтар мен бюджетке төленетін төлемдер бойынша қосымша резервтерді анықтау алгоритмінің» сапалы орындалуы талқыланды.
Алгоритм негізінде жергілікті бюджеттің кіріс бөлігін ұлғайту, қосымша кіріс көздерін табу мақсатында салалар бойынша талдау және камералдық бақылау жұмыстары жүргізіледі.
<blockquote class="wp-block-quote">«Мәжіліске қатысушы мекемелерге Алгоритммен бекітілген іс-шараларды сапалы әрі мерзімінде орындауды және жауапкершілікпен қарауды тапсырамын. Бұл өз кезегінде кіріс көздерінің ұлғаюын қамтамасыз етіп, шешімін табуды қажет ететін жобалардың жүзеге асырылуына септігін тигізеді, &#8212; деді Жанмұрат Жақсымұратұлы.</blockquote>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/306759610_3186116221655114_2208656023633670150_n.jpg" alt="" class="wp-image-167303" srcset="https://kyzylorda-news.kz/wp-content/uploads/2022/09/306759610_3186116221655114_2208656023633670150_n.jpg 1280w, https://kyzylorda-news.kz/wp-content/uploads/2022/09/306759610_3186116221655114_2208656023633670150_n-768x512.jpg 768w" sizes="(max-width: 1280px) 100vw, 1280px" /></figure></div>
Жиында Қызылорда қаласы бойынша Мемлекеттік кірістер басқарамасының басшысы Берік Ниеталиев салық базасын ұлғайту және бюджет жоспарының орындалуы туралы хабарлама жасап, ұсыныстарын білдірді.
Айта кету керек, мәжіліске дербес бөлім басшылары, кент және ауылдық округ әкімдері, басқа да салық базасын ұлғайту бойынша тиісті жұмыстарды жүргізуге мүдделі мемлекеттік органдардың басшылары мен жауапты тұлғалар қатысты.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/307461005_3186116414988428_2382807297103549654_n.jpg" alt="" class="wp-image-167305" srcset="https://kyzylorda-news.kz/wp-content/uploads/2022/09/307461005_3186116414988428_2382807297103549654_n.jpg 1280w, https://kyzylorda-news.kz/wp-content/uploads/2022/09/307461005_3186116414988428_2382807297103549654_n-768x512.jpg 768w" sizes="(max-width: 1280px) 100vw, 1280px" /></figure></div>

Алгоритмді сапалы орындау кіріс көздерінің ұлғаюын қамтамасыз етеді     

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Аудан әкімі Серік Сермағамбетов бірқатар елді мекендерде болып, ондағы құрылыс жұмыстарының барысын бағамдады.
Ең алдымен Аманөткел ауылдық округінде орналасқан Хан елді мекені тұсындағы қалқымалы көпірді қайта жаңғырту жұмыстарын көрді. 2020 жылы аудандық бюджеттен бөлінген қаржыға көпірді қайта жаңғырту үшін жоба-сметалық құжаттамасы әзірленіп, мемлекеттік сараптамадан өткізілген болатын. Қазіргі таңда облыстық бюджеттен қаржы қаралып, тиісті жұмыстар басталуда. Атап айтар болсақ, аталған орынға пантомның темір-жабдықтары мен қайықтары жеткізілуде. Көпірге қайта жаңғырту жұмыстарын &#171;Жылу-ХХI&#187; ЖШС-і жүргізуде.
Мұнан соң, іссапар кезінде Серік Сағитжанұлы аудандық маңызы бар Бөген-Ақлақ бағытындағы жолдың жағдайымен танысты. Орташа жөндеу жұмыстарын жүргізіп жатқан мекеме &#171;СтройМодуль-Астана&#187; компаниясы. Жұмыс барысын толық бақылап шыққан аудан басшысы мердігерге сапалы әрі уақытылы аяқтау жөнінде тапсырма берді.
Қызылжар елдімекенінің кіре-беріс автомобиль жолы да биылғы бюджеттен жаңғыртылады. Ұзындығы 15 шақырымнан асатын жолды &#171;Аван құрылыс&#187; мекемесі жөндеуден өткізеді. Қазіргі таңда мердігерлер жол құрылысына қажетті материалдарды тасымалдау жұмыстарын жүргізуде.
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/09/308114235_3367103490284680_6050241701877757107_n.jpg" alt="" class="wp-image-166920" srcset="https://kyzylorda-news.kz/wp-content/uploads/2022/09/308114235_3367103490284680_6050241701877757107_n.jpg 2048w, https://kyzylorda-news.kz/wp-content/uploads/2022/09/308114235_3367103490284680_6050241701877757107_n-768x512.jpg 768w, https://kyzylorda-news.kz/wp-content/uploads/2022/09/308114235_3367103490284680_6050241701877757107_n-1536x1024.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/09/308059671_3367103393618023_9048576013864413595_n.jpg" alt="" class="wp-image-166921" srcset="https://kyzylorda-news.kz/wp-content/uploads/2022/09/308059671_3367103393618023_9048576013864413595_n.jpg 2048w, https://kyzylorda-news.kz/wp-content/uploads/2022/09/308059671_3367103393618023_9048576013864413595_n-768x512.jpg 768w, https://kyzylorda-news.kz/wp-content/uploads/2022/09/308059671_3367103393618023_9048576013864413595_n-1536x1024.jpg 1536w" sizes="(max-width: 2048px) 100vw, 2048px" /></figure></div>

Арал ауданы: Елді мекендерде құрылыс қарқынды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Аймақ басшысы Нұрлыбек Нәлібаев өңірге инвестиция тарту, әсіресе шетелдік инвесторлармен жұмысты күшейтуді тапсырған еді. Бұл ретте аймақта түрік компанияларымен бірлескен жобалар жандана бастады.
Қызылорда облысы әкімінің орынбасары Мархабат Жайымбетов түркиялық «Isiklar Holding» компаниясының бас директоры Ока Хусейнмен кездесті.
Іссапар аясында екі тарап өңірде қағаз қораптар жобасын іске асыру мәселелерін талқылады. Аталған компания Түркияда қағаз қораптарды өндіру және өнеркәсіп саласында жұмыс жасайтын, жылдық айналымы 250 млн. долларды құрайтын ірі компания.
Кездесу аясында түркиялық инвесторға өңірдің инвестициялық әлеуеті және жобаны жүзеге асыру мүмкіндігі бар өндірістік объектілер таныстырылды. Атап айтқанда, компания басшысы Қызылорда қаласындағы «Монтажспецстрой» ЖШС-не және «Дор Строй» ЖШС-не, Шиелі ауданындағы «Мия Шиелі» ЖШС-не барып, өндірістік объектілермен танысуды жоспарлауда.
Кездесу қорытындысымен облыс әкімінің орынбасары Мархабат Жайымбетов жобаны жүзеге асыру мақсатында әкімдік тарапынан жан-жақты қолдау көрсетілетінін және өңірде басқа да жобаларды жүзеге асыруға дайын екендігін жеткізді.
Айта кетейік, аймақта түріктің «Акса Энерджи» компаниясы қуаты 240 мегаватт болатын жаңа жылу электр орталығын салады. Сондай-ақ, Анадолы еліндегі тағы бір компания қызанақ өндіретін зауыт салуға ниетті.
<div class="wp-block-image"><figure class="aligncenter size-full"><img loading="lazy" width="915" height="852" src="https://kyzylorda-news.kz/wp-content/uploads/2022/09/zhajymbetov.jpg" alt="" class="wp-image-166732" srcset="https://kyzylorda-news.kz/wp-content/uploads/2022/09/zhajymbetov.jpg 915w, https://kyzylorda-news.kz/wp-content/uploads/2022/09/zhajymbetov-768x715.jpg 768w" sizes="(max-width: 915px) 100vw, 915px" /></figure></div>
<div class="wp-block-image"><figure class="aligncenter size-full"><img loading="lazy" width="958" height="850" src="https://kyzylorda-news.kz/wp-content/uploads/2022/09/308015219_388181020169815_2060992947012053456_n.jpg" alt="" class="wp-image-166733" srcset="https://kyzylorda-news.kz/wp-content/uploads/2022/09/308015219_388181020169815_2060992947012053456_n.jpg 958w, https://kyzylorda-news.kz/wp-content/uploads/2022/09/308015219_388181020169815_2060992947012053456_n-768x681.jpg 768w" sizes="(max-width: 958px) 100vw, 958px" /></figure></div>

Қазақстан және Қызылорда облысының жаңалықтары: Экономика