<a href="https://kyzylorda-news.kz/">Kyzylorda-news.kz.</a>&nbsp; «Отандық өнім» деген ұғым пайда болғалы ел нарығында түрлі тауарлар сауда сөрелеріне шығарылып, өз тұтынушыларының лайықты алғысын алып келеді. Тіпті өзге елдерге экспортталып жатқан дайын өнімдер қаншама.&nbsp;&nbsp;Сауда нарығындағы қарқынды көшке соңғы жылдары Арал өнімдері де ілесіп келеді. Айталық, ас тұзы, балығы және сүт өнімдері. Бұл қатар уақыт өткен сайын толығып та келеді. Ал сол өнімдерді өзгелер мақтағанда төбеміз көкке жетердей қуанатынымыз тағы бар. Әдетте осы кезге дейін еліміздің әр аймағында көрме сөрелерінен орын тауып жатқан өнімдерді көргенде іштей қызығушылық болатыны рас. Бұл жолы Аралдың өнімдерін өзге аймақтағы көрмеден көргенде ерекше қуандық. Яғни, Шымкент қаласындағы «Көрме» көрме орталығында осы жылдың 20-21 наурызында Шымкент қаласы әкімдігінің ұйымдастыруымен республикалық тауар өндірушілерінің көрме-жәрмеңкесі өткізілді. Міне, сол көрмеде аралдық тауар өндірушілердің өнімдері көпшілік назарына ұсынылды.&nbsp;Көрмеде химиялық, машина жасау, тамақ, жеңіл, жиһаз өнеркәсібі, құрылыс материалдары мен агроөнеркәсіп кешенінің 100-ден астам кәсіпорны өз өнімдерін ұсынды.Олардың арасында Арал ауданы тарапынан «Аралтұз» АҚ-ның тұз өнімдері, «Aral Quartz» ЖШС-ның кварц құмы шикізаты, жеке кәсіпкер «Нысанбаев Жансеріктің» шыны талшықты пластик қайық өнімдері және жеке кәсіпкер «Жолмахан Нұрсұлудың» шұбат өнімдері бар.Көрменің басты мақсаты – отандық тауар өндірушілердің жоғары сапалы және бәсекеге қабілетті өнімдерімен кеңінен танысу, жаңа серіктестер іздеу және өзара тиімді келісімдер жасасу. Көрме отандық өндірушілерді насихаттауға бағытталған және кәсіпорындарды дамытуға, жаңа технологияларды енгізуге және импортты алмастыратын өнімдердің ассортиментін арттыруға ынталандыру болып табылады.Іскерлік байланыстарды орнату үшін әлеуетті тұтынушылар шақырылған. Қатарында мердігер компаниялар және әртүрлі саладағы жобалық ұйымдар, қонақ үй және мейрамхана бизнесінің өкілдері, сауда және дистрибьюторлық компаниялар және жергілікті атқарушы органдар бар. Барлығы да отандық өнімдердің кең көлемде қолдау тауып, әлемдік стандарттарға сай өнім қалыптастыруға ниетті.

Аралда жасалған:  Шымкент қаласында көрмеде көрсетілді                 

<a href="https://kyzylorda-news.kz/">Kyzylorda-news.kz.</a> &nbsp;Ғарышкерлер қаласы атанған Байқоңыр қаласының іргесіндегі Төретам кентінде де жеке кәсібін ашып, өз ісін дамытып, кәсібінен нәсіп тауып отырған жандар жетерлік. Басым бөлігі мемлекет тарапынан қаржылай қолдау алса, бірқатары барын салып өз игілігі жолында оны дамытуда.Отбасылық кәсібін дөңгелетемін деушілерге мүмкіндік көп. Тек кез келген істің тетігін тауып, мүмкіндікті тиімді пайдалана білсе болғаны. Осылай кәсібін дөңгелетіп отырған жандардың бірі Төретам кентінің тұрғыны, қайырымды істердің басы-қасынан табылатын жеке кәсіпкер, «Бақдәулет» мейрамханасының иесі Амангелді Жакешев. Төретам халқына етене таныс жеке кәсіпкердің ісіне көпшілік сүйсіне қарайды. Ол кәсіпкерлік әлемінде өзіндік қолтаңбасын қалдыруға қол жеткізіп, өз ісін дамытып жүрген белгілі кәсіп иесі. Заман талабына сай іскерліктің көзін тапқан жас кәсіпкердің кәсібі де сан салалы.Оның айтуынша, «Бақдәулет» мейрамханасы тұла бойы тұңғыш баласы Бақдәулеттің атымен аталған. Әуел баста бұл ғимаратты сауда үйі деп салып бастағанмен, кейін Бақдәулеттің тұсаукесер тойын жасамақ болып, тойхана іздестіреді. Тойдың көп болатын жаз айларында бұл өңірден кафе табу қиынға соғады. Сол кезде қаладағы кафемен келісіп, той жасайды. Содан «Неге өзіміз тойхана салмасқа?» деген кәсіпкердің өмірлік жары Айнұр Жарылқасынқызының идеясымен салынып жатқан құрылысты мейрамхана етуді ұйғарады. Мейрамхана 2016 жылы халықтың игілігіне пайдалануға беріліпті. Оның құрылыс жұмыстарына төрт жылға жуық уақыт кетіп, қаншама жұмысшының маңдай терінің арқасында хан сарайындай, сыйымдылығы 400 орындықты құрайтын зәулім ғимарат елдің сұранысын қанағаттандыруға жараған. Мейрамханада оннан астам адам тұрақты жұмыспен қамтылған.Байқоңыр өңірінің жұртшылығы тегіс білетіндей, «Бақдәулет» мейрамханасы біраз уақыттан бері халал мейрамханалардың қатарында. Бұл жайында ағамыздан сұрап білдік.<blockquote>«Өзім мұсылманның бес парызын өтеп жүрген соң «Халал» деген статусты алу көптен ойымда еді. Елімізге келген нәубет, яғни коронавирус жайлаған уақытта мейрамханалар есігі тарс жабылғаны белгілі. Қаншама жандар, жасы бар, кәрісі бар, аз ғана уақыттың ішінде өмірден өтіп кетті. Төтенше жағдай кезінде бізде жағдайға бой ұсынып тойханамызды жаптық. Осындай қысылтаяң шақта отбасылық кәсібіміз тоқтап қалмас үшін біріміз балалар киімі дүкенін, екіншіміз құрылыс заттарын сататын дүкен ашып, тірлік қылдық. Міне, осы карантиннен кейін, мына өмірдің қас-қағым сәт екенін түсініп, ғұмырымызда берген садақамыз адалынан болсын деген ниетте мейрамхананы «халал» деген статусқа қойған жайымыз бар», – дейді кейіпкеріміз.</blockquote>Кәсіп иесінің «Алина» дүкенін бастапқыда «Эврика» гипермаркетіне жалға берсе, содан соң олар сауда болмағасын жабылған-ды. Бүгінгі таңда дүкен электроника және тұрмыстық техника сататын «Sulpak» дүкендер желісіне жалға беріліп, өңір халқының сұранысын орындап, тұрғындардың көңілінен шығып жатқан жайы бар. Бұл «Sulpak» дүкендер желісі өзінде 30-ға тарта адамды жұмыспен қамтыған.А.Байділдаұлымен әңгімелесе отырып, кәсіптің көзін тапқан жан екен деген ойға келдік. Оған себеп, кентіміздегі бірнеше дүкен ғимараттарын жалға беріп және жекелеген кәсіпкерлердің кәсібінің жандануына ықпал етіп отырғаны да бізді сүйсінтті.<blockquote>«Бизнесті жалғыз адамның дамытуы қиынға соғады. Бұл жоба серіктестермен жұмыс істеуге, келісім жүргізуге, міндеттемелерді бөлуге, ең бастысы, қолда бар мүмкіндіктерді пайдалануға үйретеді. Жер бетіне адам болып келген соң, еңбек етіп қана қоймай, қасыңдағы бауырларыңды, отбасыңды бақытты ету саналы әр адамның міндеті. Шынайы көзбен қарасақ, еңбек етіп жатқан адам көп. Әркім өз деңгейі мен Алла берген ырзық-несібесімен нан тауып жеп жүр. Адам алдына қойған мақсатына тек еңбек арқылы жетеді. Еңбек адамды шынықтырады, шыңдайды. Сондықтан адам өмірінде еңбектенудің маңызы ерекше», – дейді ол.</blockquote>«Отбасы – алтын діңгек» демекші, адамның жеке басының алғашқы қалыптасуы отбасынан бастау алады. Баланың тәрбиелі болып өсуіне берекесі тасыған отбасының әсері мол. Отбасының әрбір мүшесі, ата мен әже, әке мен бала, ана мен қызы өзара сөйлесіп, берекебірлікте, сүйіспеншілікпен араласса, босағасы берік, шаңырағы биік отбасына айналмақ.Игі іске бастамашы болып отыратын Жакешевтер отбасы Төретам кентінің байырғы тұрғындары. Амангелді ағамыз Байділда Жакешев ақсақал мен абзал ана Күнім Мұқашева апаның отбасындағы жеті баланың бесіншісі. Көпбалалы отбасында дүниеге келіп, әкесі мен анасынан алған тәрбиесін бүгінде ол өз балаларына үлгі етіп айтып отырады. Немерелерінің қызығына тоймай өмір сүріп жатқан қос бәйтерегінің бірі сексеннің сеңгіріне шықса, бірі жетпістен асқан. Берекелі отбасының ұйытқысы болып отырған ардақты қариялар елдің сыйлысы. Ал Амангелді Байділдаұлы өзінің өмірлік жары, берекесі тасыған отбасының отанасы Айнұр Жарылқасынқызы екеуі құдай берген 4 баланың қамқоршы ата-анасы. Үлкені Бақдәулет 15 жаста, Алина 13 жаста, Али 11 жаста, Осман 9 жаста.Өткен жылдың 20 желтоқсанында «Балалар жылы» аясында есімі елге таныс кәсіпкердің идеясымен Төретам кенті тұрғындарының балаларына арналған «ALI KIDS PARK» атты балалар ойын-сауық орталығы ашылған болатын. Жалпы жоба құны 80 миллион. Мұнда үлкен сырғанақтар, құрғақ бассейндер, яғни балалар атракциондарының жеті түрі бар. Егер отбасымен келген жағдайда ойын орталығында 100 адамға арналған жайлы дәмхана қызмет көрсетеді. Сонымен қатар, көпбалалы отбасы балаларына жеңілдіктер бар. Мүмкіндігі шектеулі балаларға арнайы бір күн арналады деген жоспарлары да жоқ емес. Орталықта 15 адам тұрақты жұмыспен қамтылған.Кәсіпкермен әңгіме барысында кенттің арғы бетінде мемлекет тарапынан берілген жерге салынып жатқан мешіттің құрылысына осы Жакешевтер отбасының қаржылай қолдау білдіргенін аңғарып, риза болдық.Бүгінгі күндегі отбасылық бизнес – бүкіл әлемге таралған кәсіпкерліктің түрі. Мысалы, бірқатар Еуропа елдерінде, Жапонияда компаниялардың 70%-тен астамы отбасылық (туыстық) бизнес үлесіне жатады екен. Осылайша шағын кәсіпкерлік саласында еңбек етіп жүргендердің үлесі біршама артуда. Танымал компания-корпорациялардың тарихына көз жүгіртсек, алғашында отбасылық кәсіп ретінде бастау алғанын аңғаруға болады. Күллі әлемге танымал Samsung корпорациясы бір отбасының бизнесі екені осыған дәлел. XX ғасырдың 30-40 жылдары ауылдық жерде ашылған дүкеннің негізінде өркен жайған бұл отбасылық бизнес жылдар бойы тамырын кеңге жайып келеді. Компанияның атауы «үш жұлдыз» деген мағына береді. Үш жұлдыз яғни, үш арман бұл – үлкен, мықты және мәңгілік компания құру дегенді білдіреді. Компанияның ғасырға жуық уақытта тек қана қарыштап дамып келе жатқанына қарағанда, алға қойған арман-мақсаттары орындалды деуге болатын секілді.Бүгінгі күннің басты талабы – өз кәсібін ашып, еңбек ету, халықтың игілігі жолында қызмет жасау. қазір «алма піс, аузыма түс» деп жататын уақыт емес. Сонымен қатар, мемлекет кәсіп ашып, нәпақасын табуға ниеттілерді қашанда қолдап келе жатқандығы аян. Оны күнделікті өмірде көзімізбен көріп те, құлағымызбен естіп те жүрміз.Бүгінде қазақстандықтар отбасылық бизнес құруға ден қойды. Әлемнің дамыған елдерінде атадан балаға мұра болып қалатын кәсіп экономиканың негізгі қозғаушы күші болып табылады.Кәсіпкерлікте адал еңбегімен өз замандастарына үлгі болып жүрген бұл азаматтың кәсіптік идеясы өңір тұрғындарының көңілінен шығуда. Кәсіптің түбі нәсіп болатынын, жақсы бастама тек қана биіктерге жетелейтінін ол ешқашан есінен шығармайды. Мұндай істе әлбетте береке болатыны анық. &nbsp;

Байқоңырда отбасылық өркен жайған кәсіп бар

<a href="https://kyzylorda-news.kz/">Kyzylorda-news.kz.</a> Кешегі кеңестен кейін ел тоқырап, өндіріс тоқтап, еңбекақы мен зейнетақы көзден бұл-бұл ұшқан қиын кезеңдерде қой малы қазақтың берекесін сақтап, ақша орнына жүріп, азығы мен киімі болды. бірақ кейін келе елдің жағдайы түзеліп, осыдан бастап қой басын көбейту қолға алынды. Бүгінде қой шаруашылығы отандық агробизнестің негізгі бағыттарының біріне айналды. осы бір шаруашылықты дамыту үшін мемлекет тарапынан түрлі қолдаулар көрсетілуде.Мемлекет ұсынған бағдарламаны іске асырып, қайтарымсыз несие арқылы кәсібін дөңгелетіп жүрген жастардың қатары күн санап артып келеді. Мәселен былтырғы жылы «Ұлттық жоба» шеңберінде бизнес-жоспарды іске асыруға аудан бойынша 370 кәсіпкер қайтарымсыз грант ұтып алған. Солардың қатарында &nbsp;Қармақшы ауданы Алдашбай ахун ауылының тұрғыны Сара Жалғасбек осы жобаның игілігін көріп отырғандардың бірі. Ол Шопан ата түлігі қой шаруашылығын дамытып, көбейтуді жөн көрген. Дана қазақ «Мал өсірсең қой өсір, пайдасы оның көл көсір» деп қойдың бағасын бір-ақ ауыз сөзге сыйғызып айтқандай. Шынымен де қойдан келетін пайда көл-көсір. Қазақ үшін төрт түліктің қайсысы да қымбат. Дегенмен, қойдың өз орны, өз дәрежесі бар. Парықтай білсек, қой малы қазақтың дәстүрлі шаруашылығында жоғары бағаланған.Кәсіпкер Сара Жалғасбек бизнес-жоспарды іске асыру мақсатында былтыр жоба арқылы 30 бас қой алған. Жолдасының қолдауымен осы шаруашылыққа бет бұрып, мал басын көбейтуде.<blockquote>«Қой асырап, оны бағу маған таңсық дүние емес. Бала күнімде әкемнен көп үйренгенім бар. Өзім Жаңақорғанның қызымын. Ол жақта мал шаруашылығына көп көңіл бөледі. Ата-анам бұрыннан мал ұстаумен айналысып жүрген жандар. Үйімізде қора-қора қой болды. Әкемнің қасында жүріп мал жайғап, көмектесетінмін. Кейін оқуға түсіп, оны бітіріп, Қармақшы ауданы Алдашбай ахун ауылына тұрмысқа шықтым. Жолдасым жылқы шаруашылығымен айналысады. Уақыт өте ақылдаса келе қой бордақылауды қолға алдық. Мұнымен тек мен айналыспаймын. Қайын атам мен жолдасым қарайласып, бағуда. Бұйырса қой басы көбейіп, пайдасы болып жатса әрі қарай да жоспарымыз бар», – дейді ол.</blockquote>Кейіпкеріміздің негізгі бітірген мамандығы мұғалім. Қазір бала күтіміндегі демалыста жүргесін бос отырмай кәсіппен айналысуды қалапты. Кейін мамандығыммен жұмыс істесем, кәсібімді де тастамай жалғастырамын дейді. Қазір қой шаруашылығын көбейтумен айналы-сатындардың қарасы көбейгенімен, оның әрі қарайғы пайдасын көретіндердің саны аз. Шопан ата түлігінен келетін пайда мен ырысты бір сөзбен жеткізу мүмкін емес. Мәселен қойды жесең тамақ, кисе киім, дертке шипасы да бар. Оның әрбір мүшесі, терісі мен жүні, сүйегі, олардан жасалатын бұйымдар, заттар туралы жеке-жеке сөз етуге болады. Болашақ қой шаруашылығын кәсіп етемін деген ниеттілерге осы пайдасы жағын да ойлап, қолға алса деген ұсыныс біздікі. Себебі малда береке бар. Ал пайдасын біліп көзін тапқанға ол үлкен табыс. &nbsp;

Қармақшылық кәсіпкер мемлекеттік бағдарламамен көкжиегін кеңейтіп отыр

<a href="https://kyzylorda-news.kz/">Kyzylorda-news.kz.</a>&nbsp; Арал ауданының әкімі Серік Сермағамбетов өңір инвестициясы мен экономикасын ілгерілету бағытында бірнеше инвесторларды қабылады. Олардың қатарында отандық және шетелдік бизнес өкілдері бар. «Асыл-тас» ЖШС-і «МАРШАЛ ЭНЭРДЖИ ХОЛДИНГС ГОНКОНГ КО., ЛИМИТЕД» мекемесімен біріге отырып, байытылған темір концентратын өндіруді көздеп отыр.Айта кетейік, «Талдыеспе» кен орыны – 870 гектарды құрайды. Сексеуіл кентінен 50 км жерде орналасқан. «Асыл-тас 2017» ЖШС-не 2019 жылдың 24 желтоқсанында 6 жыл мерзімге №460-ЕL жер қойнауын барлауға рұқсат берілген.Алдын-ала зерттеу бойынша кен құрамының 30 пайызы темір қоспасынан құралады. Аталған жоба жүзеге асса, Арал ауданында жаңа жұмыс орындары ашылып, салық базасын кеңейтуге мүмкіндік туады.<figure class="image"><img src="https://knadmin.beoblood.kz/uploads/336095664_1270660393530535_3566538512541385371_n_5ff1046ab4.jpg" alt="336095664_1270660393530535_3566538512541385371_n.jpg"></figure>&nbsp;

Арал ауданының әкімі инвесторлармен кездесті

<a href="https://kyzylorda-news.kz/">Kyzylorda-news.kz.</a>Қармақшының Дүр Оңғар ауылында жеке кәсіппен айналысатындар қатары көбейіп келеді. Олардың дені мемлекеттің қолдауымен кәсіптерін кеңейтуде. Солардың бірі – Дархан Айманов.Жас кәсіпкер ауылдан «Айман» шағын сүт цехын ашып, отбасылық кәсібін дөңгелетуде. Мұнда ол ешқандай қоспасыз 5 түрлі сүт өнімін шығарады. Оның ішінде айран, ірімшік, кілегей, құрт, тіпті балмұздақ та бар. Жергілікті өнімге деген сұраныс та жоғары. Цех заманауи құрылғылармен жабдықталған. Мұнда тәулігіне 100 литр сүт өңдеуден өтеді. Мемлекеттің қолдауын тиімді пайдалана білген кәсіпкер, болашақта өнімдерінің көлемін ұлғайтуды көздеп отыр.&nbsp;<blockquote>«Бұл кәсіпті бастауыма түрткі болған – әкем. 2018 жылы оқу бітірген соң, ауылда екі жылдай жұмыссыз жүрдім. Арада пандемия басталып кетті. Бос жатқаннан пайда жоқ. Содан әкем ауданда мұндай кәсіпті ешкім қолға ала қоймағанын айтып, сүт цехын ашуды ұсынды. Бірінші жұмысты мал басын көбейтуден бастадым. Ол үшін «Микробизнес Қызылорда» бағдарламасы арқылы 3 млн несие алдым. Қайта орайы келіп, оны уақытынан бұрын өтеп тастадым. Содан соң сүт цехын ашу үшін өңірлік инвестиция орталығынан тағы да 10 млн теңге несие алдым. Оған Ресейдің Екатеринбург қаласынан сыйымдылығы 500 литр сүт өңдейтін 2 құрылғы алдырып, іске қостым. Алда өнім көлемін арттыратын тағы 1 құрылғы алуды жоспарлап отырмын», – дейді жас кәсіпкер.</blockquote>Бүгінде Жосалы, Төретам кенті мен жақын жатқан ауылдарды сүт өнімімен қамтамасыз еткен цех жаз айларында 250-300 литрге дейін өнім өндіреді. Сол аралықта құйма балмұздақтың да саудасы жүреді екен. Мұнда 1 литр айран 400 теңге, ал кілегей 650-700 теңгеден саудаланады. Шығын көлемі көбірек болғандықтан өнім нарық бағасынан сәл де болса қымбатырақ. Өйткені өнім қорабы мен жапсырмасына 65 теңге кетеді екен.&nbsp;Айтпақшы, цех шағын төрт бөлмеден тұрады. Бір сүт өңдейтін бөлме, ыдыс-аяқ жуатын орын, ағарғанды сақтайтын салқын бөлме және демалыс орны бар. Санитарлық талап қатаң сақталған. Кәсіпкер осында бір адамды жұмыспен қамтып отыр.<blockquote>«Сүт өндірудің пайдалы шаруа екендігін аңғарған соң уақытты созбай былтыр Қазалыдағы «РЗА» ЖШС-дан сүт бағытындағы 2 сиыр сатып алдым. Содан бері өнім көлемі артып, сапасы да жақсара бастады. Жергілікті сиыр күніне 5-6 литр сүт берсе, ал кейінгі асыл тұқымды сиырдың әрқайсысынан 10 литрден әрі сүт алуға болады. Бұған дейін өнімді қорамыздағы қарапайым 25 сиырдан алып келдім. Кейде шикізатты ауылдағы «Жаңажол» серіктестігіне қарасты шаруашылықтан нарықтағы бағамен сатып аламын. Сөйтіп үйдегі сиырлардың сүтін қосып бір күн қоямын. Цехта жұмыс таң атысымен басталады. Жиналған сүтті өңдеп, өнімімізді жасаймыз. Құрылғылар тоқты көп қажет ететіндіктен, қуаты таусылмай тұрып, барынша тез бітіріп алуға тырысамыз. Себебі ауылда жұмыс қызғанда жарықтың күші төмендеп кетеді. Әуелгіде тілін түсінбей, біршама қиындық туындады. Сүттің дәмін ойдағыдай келтіре алмаған да күндер болды. Ал қазір бәрі орнына келді», – деді ол.</blockquote>Кәсіп иесінің айтуынша, оған үйіндегілер отбасылық ұжым болып көмек көрсетеді. Әкесі Төлеу малдың жағдайын жасаса, анасы Зада күнделікті сиырын сауысады. Ал ағасы сүт өнімдерін дүкендерге жеткізіп жәрдемдеседі.&nbsp;<blockquote>«Бұл кәсіпті ашуды бірнеше жыл жоспарладық. Сүт цехының атауын ұлым атасының есімімен атауды жөн деп тапты. Ал енді өнімге келсек, сұраныс бар. Облысқа құрт жіберсек, аудан мен ауыл дүкендеріне айран, ірімшік, кілегей таратамыз. Кейде үйге дейін іздеп келетіндер бар. Балмұздақ көбіне ауыл ішінде саудаланады», – дейді кәсіпкердің анасы.</blockquote>Иә, бұл сүт цехының өзге сүт зауыттарынан ерекшелігі – ешқандай қоспасыз, жүз пайыз табиғи сүт өнімдерін өндіреді. Кәсіпкердің мақсаты белгілі – кәсібін кеңейту. Дархан Төлеуұлы алда кәсіпке қолдау білдіретін бағдарламаларға қатысып, тағы құрылғылар алып, қаймақ, йогурт шығаруды жоспарлап отыр.<figure class="image"><img src="https://knadmin.beoblood.kz/uploads/9c01f327_76b0_4dd7_9e75_cbf814441ef2_bdb402f5d5.jpg" alt="9c01f327-76b0-4dd7-9e75-cbf814441ef2.jpg"></figure>&nbsp;<figure class="image"><img src="https://knadmin.beoblood.kz/uploads/0570c86e_1142_4255_98ab_4a8e284c9938_61ce27b191.jpg" alt="0570c86e-1142-4255-98ab-4a8e284c9938.jpg"></figure>

Мемлекеттен көмек алған қармақшылық кәсіпкер 5 түрлі сүт өнімін шығарады

<a href="https://kyzylorda-news.kz/">Kyzylorda-news.kz.</a> &nbsp;Жердің тоңы жібіп, ауылдағы ағайын ақ егісті бастап кетті. Қыстай кетпенін мұзға қайраған диқандардың қырманды дәнге толтырудың қамына кіріскеніне де бірнеше аптаның жүзі болды. Күрежолдың бойында егіс алқабы бар жалағаштық «Байтабын» ЖШС ұжымы өткен аптада ақ егісті бастады.&nbsp;Жалағаш ауданына қарасты Бұқарбай батыр ауылындағы шаруашылық ұжымы көктемгі науқан жұмыстарын елден бұрын бастауды дәстүрге айналдырған. Есесіне ала жаздай күтіп баптаған егінді жауынға қалдырмай қырманға құйып алады. Биыл да шаруашылық ұжымының дала жұмысы әдеттегідей айналасынан бұрын басталды.&nbsp;«Батыр атындағы ауылда ақ егіс басталды» дегеннен шаруашылықтың егіс алқабына атбасын бұрдық. Үлкен жолдың бойында бізді тосқан «Нива» автокөлігі шаруашылыққа тиесілі екен. Аман-саулық сұрасып, егіс басына бір-ақ тарттық.&nbsp; Артында тіркемесі бар қос трактор алқапқа айтарлықтай сән беріп тұр. Бірі атыздың басынан соңына дейін тіркемеден тұқым тастаса, келесі механизатор оған жанаса кетеді. Бас-аяғы 20-30 минутта атыздан-атызға ауысқан қос механизатордың санаулы күнде ақ егісті сеуіп тастайтыны көрініп-ақ тұр. Оның үстіне биыл егілетін жоңышқаның көлемі де айтарлықтай көп емес.Былтыр шаруашылық 200 гектардан астам алқапқа жаңа жоңышқа сепкен. Биыл да оның көлемінде айтарлықтай айырмашылық жоқ. Бастысы, шаруашылық ұжымының ротацияны қатаң сақтайтыны көрініп-ақ тұр. Әлбетте күріштен тү¬сетін табыс жоңышқаға қарағанда айтарлықтай жоғары. Алайда төраға Болат Ділдабеков үшін өнімнің көлемінен сапасы маңызды. Тіпті әлі жерге дән түспей агроном Сұлтанбек Үсейіновты егіс басына қойғаны да сондықтан.&nbsp;Бұрын ауылдағы үлкендер пысықай біреуді сөз еткенде әңгімесін «оның білмейтіні жердің астында» деп бастайтын. Сұлтекең жердің астындағы дәннің де қай уақытта қалай пісіп-жетілетінін жетік біледі екен. Қазір ауыл шаруашылығы дақылдарының қайсысына қандай күтім қажет, ол жағы серіктестіктің бас агрономына таңсық емес. Бүгін олар 207 гектар алқапқа жаңа жоңышқаны бидаймен араластырып септі. Әзірге егіс басында 10-15 адам бар, негізгі жауапкершілік механизаторларға жүктелген. Брига¬дир Болат Жетпісбайұлы наурыздың аяғында жерді сүдігерлеуге кірісетінін айтады. Ол басшылық ете¬тін бригада биыл 500 гектар күріш пен 100 гектар жоңышқаның шығымына жауапты.&nbsp;Айта кетейік, былтыр шаруашылық 800 гектарға жуық алқаптан жоңышқа өнімін жиған. Оның 210 гектары жаңа жоңышқа болса, 580 гектар ескі жоңышқаны күтімге алған. Биыл да 207 гектарға жаңа жоңышқа егіп отыр. Сыр салысын былай қойғанда, жоңышқаның тұқымына дейін өздері дайындайды. Өнім өздерінен бөлек басқа да шаруашылықтарға сатылады екен. Мәселен, биыл дайындалған 10 тонна жоңышқа тұқымының өздері тек 4 тоннасын пайдаланып, қалғанын сатылымға шығарады. Жоңышқа сұрпының сапасы жоғары болса керек, тіпті басқа да облыстардан сұраныс болады екен. Оны дайындайтын германиялық аппарат 2018 жылы 48 млн теңгеге сатып алынған.Агроном Сұлтанбек Қабылбекұлы көктемде «Байтабын» ЖШС 500 тоннадай күріш пен 4 тонна жоңышқа тұқымын себетінін айтады. Ал қалғаны жергілікті шаруашылықтарға сатылады. «Байтабын» ЖШС былтыр 1 100 гектар алқапқа Сыр салысын сепкен. Сыр салысының әр гектарынан 70 центнерден орташа өнім жиса, диқан¬дардың алды әр гектардан 86 центнер астық алған.&nbsp; Былтыр аяқ судың мәселесі жергілікті шаруашылықтардың ешқайсысын айналып өткен жоқ. Уақыт өткен сайын мәселе күрделеніп келеді. Егер келер жылы мұндай мәселе қайталанбаса, «Байтабын» ЖШС 1390 гектарға күріш егетінін айтқан. Биыл мамандар су тапшылығы айтарлықтай қиын болмайды деп болжам жасады. Жақсы жаңалықтан құлағдар болған шаруашылық ұжымы биыл 1300 гектарға күріш егуді межелеп отыр.&nbsp;Шаруашылық бүгінде 107 адамды жұмыспен қамтиды. 3 өндіріс бригадасы биыл науқанды оң нәтижемен қорытындылауға ниетті. Техникадан да мәселе жоқ, төраға Болат Ділдабеков «ала жаздай бапталған өнім жауын-шашынға қалады» деп уайымдамайды. Себебі ол шаруашылық базасын толық заманауи соңғы үлгідегі техникалармен жарақтаған. Ал мұның еңбек өнімділігіне де оң әсері болатыны айтпаса да анық.Соңғы жылдары серіктестік егінді әртараптандыруға да басымдық берген. Былтыр ауыл халқына бақша салу үшін біршама жер ашып берген еді. Жергілікті тұрғындар қыстай тұтынатын картоп-сәбізін, қызылша, асқабын өздері өсіріп, жинап алды. Болат Ділдабеков ағамыз бұл жылдағы қалыптасқан дәстүр екенін айтады. Әрине шаруашылық қолға алған бұл бастаманың жергілікті халыққа тиімді екені айтпаса да белгілі. Ал биыл мақсары, соя секілді суды аз қажет ететін дақылдарға да басымдық беріледі екен.Шаруашылық өз кәсіптерінен бөлек ауылдың болашағы үшін де жарқын жобаларды жүзеге асырғанын аудан жұрты жақсы біледі. 100 млн теңгеден астам қаражатқа спорт кешенін салды. Бүгінде батыр атындағы ауылдың жастары оның игілігін көріп отыр. Одан бөлек бірнеше жылдан бері ауылда тұралаған интернет байланысына қатысты мәселені де түбегейлі шешіп берді. Үлкен балалар ойын алаңының өзі бүгінде ауыл балақайларына айтарлықтай базарлық болғаны көрініп-ақ тұр. Табысын жұртымен бөлісетін осындай ұжымның жұмысында береке болатынын «Байтабындықтардың» бүгінгі ты¬ныс-тіршілігі айқындап тұрғандай. Жұмысы жүйелі, мақсаты айқын.

Жалағаштық диқандар 1300 гектарға күріш екпек

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов Аманөткел ауылдық округіне қарасты Аққұлақ елді мекенінде болып, жол құрылысының барысымен танысып өтті.&nbsp;Ауыл тұрғындарының бірнеше жылдан бері көтеріп келе жатқан жол мәселесі биыл шешімін тауып жатыр. Яғни, жалпы ұзындығы 8 шақырымды құрайтын ауылға кіре беріс автомобиль жолының қаржысы республикалық бюджеттен қолдау тауып, жеңімпаз мердігер мекеме анықталған. Ал жобаның жалпы құны – 688,4 миллион теңгені құрайды. Бүнігі күні тиісті жұмыстарды атқаруға республикалық бюджеттен 205 миллион теңге қаржы бөлініп, аталған құрылысты «Строй Модуль – Астана» ЖШС жүргізеді.Аудан әкімі Серік Сағитжанұлы жауапты бөлімге құрылысты сапалы әрі уақытылы орындауды тапсырды. Мұнан кейін аудан әкімі Жаңақұрылыс ауылдық округіндегі 21&nbsp;шақырымды құрайтын «Самара-Шымкент-Қамыстыбас-Аманөткел-Жаңақұрылыс» автожолының құрылыс барысын бағамдады. Бұл нысанның жұмыстары 2021 жылы бастау алған болатын. Жобаның жалпы сомасы 1 млрд. 534 миллион теңгені құраса, тиісінше 2021 жылы 225 миллион теңге, 2022 жылы 680 миллион теңге бөлінсе қалған 458 миллион теңгесі биыл қаралған. Қазіргі уақытта жолдың астыңғы қабат жұмыстары толығымен аяқталып, бүгінде қалған жұмыстар жалғасуда. Ағымдағы жылы автожол пайдалануға берілмек.&nbsp;Кезекті жұмыс сапары барысында аудан әкімі Серік&nbsp;Сермағамбетов 2022-2024 жылдарға арналған «Ауыл шаруашылығын дамытудың Жол картасының» орындалуын саралады. Соған сәйкес бүгінде ауданда ілкімді істер атқарылып жатыр. Мәселен, 2022 жылы ауданда 704,2 гектар егін орналастырылса, биыл егін көлемін 1500 гектарға арттыру көзделуде. Аталған жол картасына орай Қамыстыбас пен Аралқұм ауылдық округтері әкімдіктері бірлесіп Қамыстыбас көлінен Тоқпай көлін толтыру бағытында жасалған каналдың жұмысымен танысты. Бұл гидронысан бюджеттен тыс қаржы көздерінен, яғни кәсіпкерлердің қолдауымен жүзеге асқан. Нәтижесінде Аралқұм ауылдық округі тұрғындарының егін шаруашылығымен және тоғанды балық шаруашылығымен айналысуына мүмкіндік туындап, тиісінше бекітілген жерлерді игеруге инвестор тарту көзделуде.Аудан әкімі ауыл тұрғындарымен кездесуде іске қосылған канал арқылы ендігі кезекте ауыл шаруашылығымен айналысатын шаруалардың саны артқанын жеткізді. Сондай-ақ диқаншылықпен айналысамын деушілерге мемлекеттік қолдаулар мен бағдарламалардың тиімділігін баяндап, баға тұрақтылығын қамтамасыз ету мақсатында жергілікті өнімнің маңыздылығын айтып, ауыл тұрғындарының бастамаларына сәттілік тіледі.&nbsp;

Арал ауданында жаңа жобалар басталды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың төрағалығымен әлеуметтік әріптестік пен әлеуметтік және еңбек қатынастарын реттеу жөніндегі өңірлік үшжақты комиссия отырысы өтті. Комиссия отырысында өңірдегі бірқатар кәсіпорындағы жұмысшылардың еңбек жағдайы туралы мәселе талқыланды.Кез келген мекемеде жұмыс ырғағы қалыпты, еңбек өнімді болуы үшін ұжым мүшелеріне лайықты жағдай жасалуы керек. Жеткілікті әрі уақытылы жалақы төлеу, әлеуметтік көтермелеу шараларын тұрақты жүзеге асыру өте маңызды.Жиында «Торғай Петролеум» АҚ, «АГМ-Табыс» ЖШС, «Қамқор Вагон» ЖШС секілді бірқатар кәсіпорын мен ұйым басшылары қазіргі жағдайларын баяндады.Облыс әкімі Нұрлыбек Машбекұлы кәсіпорын, мекеме, жауапты сала басшыларына бірінші кезекте жұмысшылардың әлеуметтік жағдайына баса көңіл бөлу керектігін ескертті.<blockquote>«Президентіміз Қасым-Жомарт Тоқаев еңбек адамын құрметтеу, өз ісін сапалы атқаратын адамдарды үнемі көтермелеу туралы айтты. Кез келген мекеменің тірегі – оның қызметкерлері. Сондықтан ұжым мүшелерінің еңбек жағдайларын жақсартуға барлық мүмкіндік көздерін қарастыру керек», – деді аймақ басшысы.</blockquote>Мәжілісте облыс әкімі көтерілген мәселелерге жеке-жеке тоқталып, жауапты тұлғаларға тиісті тапсырмалар берді.<figure class="image"><img src="https://knadmin.beoblood.kz/uploads/336657229_582129967285489_1255029566089554552_n_c7a1100df6.jpg" alt="336657229_582129967285489_1255029566089554552_n.jpg"></figure>&nbsp;<figure class="image"><img src="https://knadmin.beoblood.kz/uploads/336644452_911463873310119_6109005905633279229_n_34a9987e48.jpg" alt="336644452_911463873310119_6109005905633279229_n.jpg"></figure>

Еңбек жағдайын жақсарту мәселесі талқыланды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы құрылыс секторындағы жоғары өсу қарқыны бар аймақтар қатарында. Бұл туралы сейсенбіде Үкімет отырысында ҚР Ұлттық экономика министрі Әлібек Қуантыров хабарлады.<blockquote>&nbsp;Орындалған құрылыс жұмыстары бойынша Жетісу облысынан басқа барлық өңірлерде оң өсім тіркелді. Әсіресе, құрылыс-монтаждау жұмыстарының жоғары өсімі Жамбыл, Маңғыстау, Ақтөбе, Абай және Қызылорда облыстарында байқалды, – деді ведомство басшысы.</blockquote>Үкімет басшысы Әлихан Смайыловтың төрағалығымен өткен Үкімет отырысында 2023 жылғы қаңтар-ақпан айларындағы әлеуметтік-экономикалық даму қорытындылары, республикалық бюджеттің атқарылуы, «Жастар саясатын дамыту» тұжырымдамасы мен «Нашақорлыққа және есірткі бизнесіне қарсы күрес жөніндегі 2023-2025 жылдарға арналған кешенді жоспар» жобалары қаралды.Республикалық штаб отырысынан соң облыс әкімінің бірінші орынбасары Серік Қожаниязов ҚР Премьер-министрі берген тапсырмаларды пысықтау мақсатында жиын өткізді. Серік Салауатұлы Үкімет басшысының тапсырмаларын мұқият орындап, барлық әлеуметтік-экономикалық даму бағыттарында межелі көрсеткіштерге қол жеткізу қажеттігін атап өтті.&nbsp;&nbsp;

Қызылордада құрылыстың өсу қарқыны жоғары

<a href="https://kyzylorda-news.kz/">Kyzylorda-news.kz.</a> &nbsp;Қармақшыда кәсіпкерлік сала қарқынды дамып келеді. Айталық &nbsp;Нұрсұлтан Алтынбекұлы осыдан бірер жыл бұрын аудан орталығында жоқ тың кәсіптің түрі – кілем жуу орталығын ашқан болатын. Жұбайы да кәсіптің ауылынан алыс емес. Фаризаның тәтті торттар пісіріп, таптырыс қабылдап кәсібін дөңгеленткенне міне 6-7 жылдың жүзі болды. Қармақшыдағы ең дәмді әрі бағасы көлеміне сай торт жасайтын кондитерлер қатарында осы келіншек көш бастап тұр. Жарасымды жұптың аудан халқына көрсетіп жүрген сапалы қызметіне жерлестері дән риза. Жақында қос кәсіпкердің қонысында болып, олармен жақынырақ тілдескен едік.Сауда саласында қызмет еткен белгілі кәсіпкер Алтынбек Демесіновтің балалары да осы салаға бейім өсті. Шаңырақтың кенжесі Нұрсұлтан да дәулетті отбасынан шықтым деп қызмет таңдамады. Жалданып жұмыс та істеді, 18 жасынан базарда киім де сатты. Күш жігерім барда неге қамданбасқа деп үйінің ауласынан көлеңке жасап, қолдап кілем жуды. Жұмысбасты жандар уақыты болмаған соң қандай қызметті болса да ақысына істетуге бар. Аяқ астында жатқан соң төсеніш кірлемей тұрмайды. Жылына бір жууға тура келеді. Оны тазарту үшін жазды күтудің қажеті жоқ. Жыл он екі ай қызмет көрсететін Нұрсұлтанның «Нұр таза кілем» орталығына хабарлассаңыз бол¬ғаны өзі алып кетіп, небәрі 1 күнде жуып, кептіріп, дүкеннен әкелгендей етіп береді.Жұмыс барысы қалай жүретінін білмек үшін кілем жуу орталығын аралап көрдік. Іші кең, барлық қажетті техникаларын Түркиядан тапсырыспен алдырған. Бір бөлме кептіру құралдарымен жабдықталған. Жігіт¬терде бос уақыт жоқ, күнделікті жұмыстарын жасап жатыр. Жуылған кілемнің, енді жуылуға кезекте тұрғанын санауға саусақ жетпеді. Бұл – орталықтың қызметіне көптің көңілі толатынын аңғартады.<blockquote>«Осы техниканың барлығына 12 млн теңге жұмсадым. Тапсырыс жаман емес. Қыс, жаз деп мезгіл таңдамаймыз. Күніне 10-15 кілем жуамыз. 2021 жылы «Еңбек» мемлекеттік бағдарламасы аясында «Бастау Бизнес» кәсіпкерлік негіздері курсын аяқтадым. Соның арқасында «Кілем жуу орталығы» жобасын қорғап, 583 мың теңге мемлекеттік грант ұтып алдым. Грант қаражатына бизнес жоспарға сәйкес 2 дана кілем жуу құрылғысын алдым. Аудан орталығынан бөлек, ауылдық жерлерден тапсырыстар түсіп жатады. Арнайы көлікпен тасымал қызметін де ұйымдастырдық. Қосымша екі адамды жұмысқа алдым. Бізге келген тапсырыс еш уақытта кері қайтқан емес. Әр тапсырысқа мұқият қараймыз. Егер ойдағыдай жуып бермесек келесі жолы біздің орталыққа келмейтін болады. Ал біз істеген дүниеміз сапалы шыққанын қалаймыз. Барлығын тексеріп, қабылдап алады. Тұрғындардың дені ризашылығын білдіреді деп сеніммен айта аламын», &nbsp;дейді жас кәсіпкер Нұрсұлтан.</blockquote>Фаризаның да ас бөлмесінде торт пісіретін техникалардың түр-түрі, тоңазытқышында қажетті заттары толып тұр. Оның ұқыптылығы мен тазалығы жасаған тортының келбетінен-ақ көрініп тұрады. Бір өзі көмекшісіз үйдің тірлігін үлгертіп, жардың қас-қабағын бағып, атаның ас-ауқатын әзірлеп, баланың бабын тауып, кәсібін дөңгелетіп жүргеніне қайран қаласыз.<blockquote>«Алматы қаласынан жоғары оқу орнын бітірдім. Алайда мамандығыммен жұмыс істемедім. Шаңыраққа студент күнімде келін боп түстім. Маған ақша тап, жұмыс істе деген ешкім жоқ. Қол қусырып қарап отырғанға жаным қас. Әдепкіде той-томалаққа самса, бәліш, тоқаш, пирогтарға тапсырыс алып жүрдім. Кейін торт жасауға қызығып, офлайн, ақылы шеберлік сыныптарына қатыстым. Қызыл бархат тортының енді шығып жатқан кезі. Қызылордадан оқып келіп, қажетті құралдар алып, торт пісіруді 2017-2018 жылдары бастап кеттім. Содан бері мен өз қолымды тапқандаймын. Қазір бірнеше торттың түрін пісіремін. Өзім де сабақ өткізіп, біраз қыз-келіншекке білгенімді үйретіп жүрмін. 2 үлкен пешім, 4-5 миксерім бар. 2021 жылы мен де қайтарымсыз 583 мың теңгенің грантын жеңіп алдым. Оған қосымша тағы да заттар алып, кем-кетігімді толықтырдым. Алдағы уақытта кент орталығынан қаладағыдай кондитерлік дүкен ашуға ниеттеніп жатырмын», &nbsp;дейді ақылына көркі сай келіншек.</blockquote><blockquote>«Анам марқұм Фаризаны жақсы көретін. Бірақ көптен күткен келінінің шаңыраққа келгенін көре алмай кетті. Бірақ өзі қалаған келіні орнын жоқтатпай үйіміздің берекесін кіргізіп отыр. Әкемізге тек қызық, қуанышымызды көрсеткіміз келеді. Тұңғышымыз Абылай 2-сыныпта оқиды. Шерғазы балабақшаға барады. Сезіміміз 2 жаста. Келіспей қалатын кезіміз жоқ. Екеуміз тез ұғынамыз. Береке – бірлігі бар отбасында ғана болады. Өмір бойы бір-бірімізбен осылай сыйласып, сырласып өтсек арманымыз жоқ, – дейді Нұрсұлтан Алтынбекұлы.</blockquote>

Қармақшылық жігіт кәсібін жандандыруда

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының кәсіпкерлер палатасы аймақтан шығатын өнімдердің жинағын әзірлеуді қолға алды.Жинақта жергілікті тауарөндірушілер мен олардың өнімдері туралы барлық ақпаратты көрсету көзделуде. Жинаққа өнімін енгізгісі келген кәсіпкерлерді 1 сәуірге дейін Кәсіпкерлер палатасына ақпарат ұсынуын сұраймыз. Жинаққа енетін санаттар тізімі:«Ауыл шаруашылығы өнімдері, жеміс-көкөніс өнімдері»; «Ет өнімдері»; «Нан-тоқаш &nbsp;және ұн өнімдері»; «Майлар»; «Сүт, жұмыртқа өнімдері»; «Консервіленген өнімдер»; «Құрылыс материалдары және қоспалар»; «Жиһаз өнеркәсібі»; «Алкогольсіз сусындар»; «Жеңіл өнеркәсіп»; «Қолөнершілер өнімдері»; «Өндеу өнеркәсібі»; «Фармацевтика және химия»; «Алкогольді сусындар» және т.б. тауарлар.Барлық сұрақ бойынша Қызылорда қаласы, Қорқыт ата көшесі 123 мекенжайындағы «Бизнеске арналған үкімет» ғимаратының 3-қабат, №312 кабинетінде орналасқан Қызылорда облысы кәсіпкерлер палатасы Жобаларды сүйемелдеу бөлімінің сарапшысы Малика Тютебаеваға хабарласа аласыздар. Тел.: 8 /7242/ 40-09-81, +7 707 988 50 80, эл.адрес: project-support.kzo@atameken.kz. &nbsp; &nbsp;<figure class="image"><img src="https://knadmin.beoblood.kz/uploads/atameken_2_989b926563.jpg" alt="атамекен (2).jpg"></figure>&nbsp;<figure class="image"><img src="https://knadmin.beoblood.kz/uploads/atameken_1_b39575c6a2.jpg" alt="атамекен (1).jpg"></figure>

Қызылорда: Кәсіпкерлер палатасы аймақтан шығатын өнімдердің жинағын әзірлеуді қолға алды 

<a href="https://kyzylorda-news.kz/">Kyzylorda-news.kz.</a>&nbsp; Бүгін аймақ басшысы Нұрлыбек Нәлібаев ел ағаларымен бірге сол жағалауда бой көтерген 40 пәтерлі жаңа көпқабатты тұрғын үйді баспанасы апатты деп танылған тұрғындарға салтанатты түрде тарту етіп, қоныс тойымен құттықтады.<blockquote>- Кейінгі жылдары Сыр өңірінде тұрғын үй құрылысы қарқынды дамып, қала аумағы әлдеқайда ұлғайды.Мемлекет басшысы Қасым-Жомарт Кемелұлының Сыр еліне деген қолдауымен аймақта берекелі істер атқарылуда. Облыс орталығында қаланы көріктендіріп, ажарын айшықтай түсетін бірқатар зәулім ғимараттың іргетасы қаланып, әлеуметтік нысандарды салу сәтті жүзеге асуда.Осының алдында жерлесіміз Болат Өтемұратовтың қолдауымен салынатын «Қорқыт Ата» әуежайының жаңа жолаушылар терминалының іргетасын қалау рәсіміне қатыстық. Терминалдың құрылысы келер жылы аяқталып, ел игілігіне табысталатын болады, – деді аймақ басшысы Н.Нәлібаев.</blockquote>Биыл облыс орталығын көркейтуге қомақты қаражат бөлінуде. Атап айтқанда, Бейбарыс сұлтан көшесінің Назарбаев даңғылынан «Қызылорда-Құмкөл» трассасына дейінгі бөлігі қайта жаңғыртылып, кеңейтіліп, абаттандырылмақ. «Қазақстан темір жолы» басшылығы темір жол вокзалы ғимараты мен перронын қайта жаңғыртуға қаражат бөлмек. Сондай-ақ, жыл аяғына дейін Сырдарияның сол жағалауына инвестор қаржысына құны 800 млн. теңгені құрайтын жаңа автовокзал салу жоспарлануда.«ҚазГерМұнай» компаниясы басшылығымен келісім нәтижесінде қалада заманауи үлгідегі Оқушылар сарайының жобасы басталады. Құны 1,6 млрд. теңгені құрайтын Неке сарайы ғимараты шілде айында пайдалануға берілмек. Ал құны 3,7 млрд. теңге болатын 1000 орындық Өнер орталығы желтоқсан айында, сол жағалаудағы құны 2,7 млрд. теңгені құрайтын Қан орталығы 2024 жылы ел игілігіне табысталады.Іс-шарада «Құрмет» орденінің иегері, Қызылорда қаласы және Арал ауданының Құрметті азаматы Имамадин Оңғарбаев тұрғындарды қуанышымен құттықтады және Сырдария ауданының Құрметті азаматы Әбдіғаппар Әмiрғалиев жиылған қауымға ақ батасын берді.Қоныс той иелерінің атынан зейнеткер Әлима Әбішева алғыс білдіріп, жерлестерін Наурыз мерекесімен құттықтады.Анықтама үшін: аймақта өткен жылы 604,0 мың шаршы метр тұрғын үй, оның ішінде, бюджет қаржысы есебінен Қызылорда қаласында СПМК-70 тұрғын ауданында екі 40-пәтерлі және екі 50-пәтерлі кредиттік тұрғын үй пайдалануға берілді.Биыл қаржыландырудың барлық көзі есебінен 692 мың шаршы метр тұрғын үй пайдалануға берілмек. Тұрғын үй құрылысына облыстық бюджеттен 2,7 млрд.теңге қаржы бөлінді. Бұл қаржыға 982 пәтерлі 23 тұрғын үйдің құрылысы жүруде. Оның ішінде сатып алу құқығынсыз жалға берілетін 462 пәтерлі 12 тұрғын үй бар.Несиелік тұрғын үй құрылысы бойынша биыл Қызылорда қаласында 520 пәтерлі 11 тұрғын үйдің құрылысын жүргізіп, пайдалануға беру жоспарлануда.Бұдан бөлек, Сырдария өзенінің сол жағалауында 84 пәтерлі 7 қабатты 6 тұрғын үйдің құрылысы басталады деп күтілуде.<figure class="image"><img src="https://knadmin.beoblood.kz/uploads/335477186_205000565485595_7027590985598312355_n_c3f83b11da.jpg" alt="335477186_205000565485595_7027590985598312355_n.jpg"></figure>&nbsp;<figure class="image"><img src="https://knadmin.beoblood.kz/uploads/336049751_219081263987343_6375695556480834130_n_a8c9b5f90d.jpg" alt="336049751_219081263987343_6375695556480834130_n.jpg"></figure>&nbsp;<figure class="image"><img src="https://knadmin.beoblood.kz/uploads/336561752_588155279654628_4544117064243122696_n_ad9a0cd825.jpg" alt="336561752_588155279654628_4544117064243122696_n.jpg"></figure>&nbsp;<figure class="image"><img src="https://knadmin.beoblood.kz/uploads/335283596_223589940249632_3938366278640471821_n_9da17b5725.jpg" alt="335283596_223589940249632_3938366278640471821_n.jpg"></figure>

Қазақстан және Қызылорда облысының жаңалықтары: Экономика

Аралда жасалған: Шымкент қаласында көрмеде көрсетілді