<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Қызылорда облысына жұмыс сапарымен келген «ҚазМұнайГаз» ҰК» АҚ Басқарма төрағасы Мағзұм Мырзағалиевпен бірге өңірдегі мұнай кен орындарын аралады.Нұрлыбек Нәлібаев пен Мағзұм Мырзағалиев Ақшабұлақ кен орнында болып, «Торғай-Палеозой» жобасының жүзеге асырылу барысымен танысты. Еске салсақ, «Торғай Палеозой» барлау алаңында 5 мың метрден астам тереңдікте көмірсутек шикізатына геологиялық барлау жұмыстарын жүргізу жоспарлануда. Қазіргі таңда Қызылорда облысында мұнай өндіру технологияларын жетілдіру және жаңа кен орындарын барлау-іздестіру жұмыстары қолға алынбақ.Республикалық бюджет есебінен Шу-Сарысу және Арал бассейндерінде геологиялық-геофизикалық зерттеу жұмыстары жүргізілуде, Сырдария шөгінді бассейнді зерттеуге республикалық бюджеттен қаражат бөлу сұратылды.«ҚазМұнайГаз» ҰК» АҚ Басқарма төрағасы Мағзұм Мырзағалиев мұнай компанияларындағы жұмысшылардың әлеуметтік жағдайы мен жаңа кен орындарын барлау бойынша өңірде атқарылып жатқан жұмыстарға оң бағасын берді.Әрі қарай облыс әкімі мен ұлттық компания басшысы Құмкөл кен орнындағы мұнай барлау жұмыстарының негізін салған қайраткер Мұрат Саламатовтың ескерткіш бюстіне гүл шоқтарын қойып, кен орнындағы өндірістік нысандардың жұмысымен танысты.Айта кетейік, өңірдегі жұмыс сапары аясында Мағзұм Мырзағалиев Т.Есетов атындағы №264 мектеп-лицейінде Қызылорда облысының мектептеріне «National Geographic» журналына жазылуға сертификаттар табыстады. Ғылым әлемінде танымал басылым география, табиғат, тарих, ғылым және мәдениет туралы ақпараттық-танымдық материалдарды қамтиды және оқушылардың ақыл-ой қабілеттерін дамытуға әрі жалпы эрудициясын арттыруға мүмкіндік береді.<figure class="image"><img src="https://knadmin.beoblood.kz/uploads/329296182_715679033390576_6719550867621761068_n_2abcf3958f.jpg" alt="329296182_715679033390576_6719550867621761068_n.jpg"></figure>&nbsp;<figure class="image"><img src="https://knadmin.beoblood.kz/uploads/327122604_1231590737772991_8381135226011524423_n_5f2b713ce0.jpg" alt="327122604_1231590737772991_8381135226011524423_n.jpg"></figure>&nbsp;<figure class="image"><img src="https://knadmin.beoblood.kz/uploads/329723799_6021905301260013_2704314766106984551_n_2c839ec727.jpg" alt="329723799_6021905301260013_2704314766106984551_n.jpg"></figure>

Қызылорда облысында жаңа кен орындарын барлау-іздестіру жұмыстары жүргізіледі

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен Үкімет отырысында әлеуметтік маңызы бар азық-түлік тауарларының қоры мен бағасын реттеу және тұрғын үй-коммуналдық инфрақұрылымды дамыту жөніндегі шаралар талқыланды.Жиында министрлер мен бірқатар өңір әкімдері аталған мәселелер бойынша атқарылған жұмыстарды баяндады.Үкімет басшысы сатып алу-сату кезіндегі тауарлар көлемі мен бағасын ерекше бақылауға алуды тапсырып,өңірлерде құрылыс маусымын уақытылы бастау үшін тиісті жер учаскелерін алдын ала бөлу, жобалық құжаттаманы әзірлеу және қажетті инфрақұрылымды жүргізу маңызды екенін атап өтті.Үкімет басшысының тапсырмаларын орындау бағытында облыс әкімі Нұрлыбек Нәлібаев облыстық ауыл шаруашылығы және жер қатынастары басқармасына тұрақтандыру қорының қаражатына толығымен облыстың және өзге өңірлердің тауарөндірушілерінен тікелей өніммен қамту мәселесін қолға алуды тапсырды. «Байқоңыр» әлеуметтік кәсіпкерлік корпорациясы» АҚ өндіруші кәсіпорындар және ауыл шаруашылығы құрылымдарымен тікелей келісім жасай отырып, сатып алынған өнімдерді әлеуметтік дүкендерден бөлек басқа да ірі сауда орталықтары арқылы сатылуын үйлестіру тауар интервенцияларын жүргізу және дебиторлық қарыздарды өндіру жүктелді. Мұнан бөлек, облыстық кәсіпкерлік және өнеркәсіп басқармасы делдалдық схемаларды қысқарту бойынша тиісті жұмыстарды жүргізіп, баға үстемесін қадағалау бойынша міндет қойылды.Ал, күн тәртібіндегі екінші мәселе бойынша Қызылорда қаласы және аудан әкімдеріне 2023 жылы пайдалануға берілетін тұрғын үйді уақытылы аяқтап, Арал және Қазалы аудандарының орталықтарында кәріздік тазарту станцияларының құрылыс құжаттарын келісу жұмыстарын жүргізу жөнінде тапсырма берілді.

Үкімет отырысында әлеуметтік маңызы бар азық-түлік тауарлары бағасын тұрақтандырудың жаңа тәсілдері қаралды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы бойынша экономикалық тергеп-тексеру департаменті 2022 жылдың қорытындысына арналған алқа мәжілісін өткізді.Департамент қызметінің негізгі бағыттары бойынша &nbsp;баяндамалар тыңдалып, 2022 жылдың қорытындысымен кемшіліктер мен сын назарға алынды.&nbsp;Департамент басшысының орынбасары А.Сәдуақасов департамент қызметінің жедел жұмыстары бойынша атқарылған істерге тоқталса, басқарма басшысы И.Құрақбаев ұйымдастыру және үйлестіру бағыты бойынша қорытынды жасады. Ал департамент басшысының орынбасары А. Жүсіпов тергеу бағытында жүзеге асырылған жұмыстарды саралады.Баяндамашылардың айтуынша, өткен жылы 41 қылмыстық құқықбұзушылық тіркелген. 2021 &nbsp;жылдан тергеуі жалғасып &nbsp;келе жатқан істерді есепке алғанда, жыл көлемінде 60 қылмыстық істің өндірісі жүргізілген. Оның 49-ы аяқталып, 32 іс сотқа жолданған. Аяқталған істер бойынша келтірілген залал сомасы 2,7 млрд.теңгені құрап отыр. Оның 1,5 млрд. теңгесі өндірілген. Сондай-ақ, бүгінгі күні департамен төрт жүйелі проблеманы тұрақты талдауға және бақылауға алып отыр. Олар: мұнай және мұнай өнімдерінің заңсыз айналымы, мұнай өнімдері бағасының негізсіз өсуі, экологиялық жағдайды жақсартуға бағытталған қаражаттың жымқырылуы, облыстың елді мекендерін ауыз сумен қамтамасыз етуге бөлінген бюджет қаражатының жымқырылуы және әртүрлі форматтағы қаржы пирамидаларына тосқауыл қою.Жиын соңында департамент басшысы Бақыт Қайшыбеков &nbsp;ағымдағы жылдың негізгі міндеттерін белгілеп, нақты тапсырмалар берді.Мәжілістің екінші бөлігінде, Қазақстан Республикасы Қаржылық мониторинг органдарының құрылған күні мерекесіне орай, бірқатар қызметкерлерге &nbsp;мерзімінен бұрын, атқарып отырған лауазымынан бір саты жоғары шендер мен «Мінсіз қызметі үшін» медальдері табыс етілді.Сонымен қатар, ҚР Бас прокуратурасы жанындағы құқыққорғау органдары Академиясын бітіріп қызметке кірген жас қызметкерлер адал қызмет етуге Ант берді.<figure class="image"><img src="https://knadmin.beoblood.kz/uploads/328505436_919809125881768_6298162989263335898_n_dc2730240d.jpg" alt="328505436_919809125881768_6298162989263335898_n.jpg"></figure>&nbsp;<figure class="image"><img src="https://knadmin.beoblood.kz/uploads/329134560_1257964315149736_4511728920753036197_n_1b616a9ed0.jpg" alt="329134560_1257964315149736_4511728920753036197_n.jpg"></figure>&nbsp;

Қызылордада 41 қылмыстық құқықбұзушылық тіркелген

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласында былтыр ауыл шарашылығы құрылымдарында 9036 гектарға ауыл шаруашылық дақылдары егіліп, 2 519,8 тонна ет, 3241 тонна сүт, 685 мың дана жұмыртқа өндірілді.<blockquote>«Мемлекеттік бағдарламалар да шаруа қожалықтарына мал басын көбейтуде өз жеңілдігін тигізуде. Мәселен, өткен жылы «2021-2025 жылдарға арналған кәсіпкерлікті дамыту жөніндегі ұлттық жоба» аясында кент, ауылдық округтер бойынша қаржы институттары арқылы - 25 жоба мақұлданып, 232,7 млн. теңге несиеге &nbsp;45 бас МІҚ, 616 бас уақ мал, 246 бас жылқы сатып алынды. Сонымен қатар, қала тұрғындарын көкөніс және бақша өнімдерімен қамтамасыз ету мақсатында Қарауылтөбе ауылдық округінен 10 гектар егістік жер бөлініп, ынта білдірген 70 тұрғын картоп, қияр, қызанақ, сәбіз, асқабақ, қауын-қарбыз &nbsp;дақылдарын егумен айналысты», - деді қалалық ауыл шаруашылығы бөлімінің басшысы Нұрбек Әзірбекұлы.</blockquote>Өткен жылы өнімдерді өндірудің жаңа технологиялары арқылы, яғни жаңбырлатып суару әдісімен Ақсуат ауылдық округінде «Алдан» шаруа қожалығымен 200 гектарға жаңа жоңышқа егілді. «Golden Bridge Turan» ЖШС-імен 6 гектар аумақтағы жылыжайдың 50 данасына күріш дақылы көшеттеп егу тәсілі арқылы орналастырылды. Сондай-ақ, тамшылатып суару технологиясымен &nbsp;Қарауылтөбе ауылдық округінде 3 гектар қызанақ және Қызылөзек ауылдық округінде 8 гектар картоп егілді. Ал, Ақсуат ауылдық округінде көлемі 2,2 гектар автоматтандырылған жылыжай кешеніне қаңтар айында егілген қияр өнімінен 246 тоннаға жуық өнім жиналды.Шағын жылыжай кешенін дамытуда Ақсуат пен Қызылжарма ауылдық округтерінен &nbsp;жаңадан жалпы көлемі 1300 шаршы метрді құрайтын 2 дана жылыжай кешені іске қосылды. Сонымен қатар, Ақсуат ауылдық округі мен Белкөл кентінен «Қызылорда өңірілік инвестиция орталығы» арқылы 13,0 млн. теңгеге 2 дана жылыжай кешені салынды. Бүгінде әлеуметтік маңызы бар азық-түлік тауарлары бағаларын тұрақтандыру мақсатында «Байқоңыр» ӘКК»-ы арқылы 5 сауда үйлерінде («Аль-Асад», «Ажар», «Қызылорда», «Мирас», «Анвар») әлеуметтік бұрыштар орналыстырылса, 37 әлеуметтік дүкен қызмет көрсетуде. Сонымен қатар, 2022 жылы қала әкімдігі және күріш өндірушілер мен негізгі ірі сауда орындары арасында үш жақты меморандум жасалып, қазіргі уақытта күріш «Қызылорда» Оптомаркетінде 370 теңгеден, «Анвар» Сауда үйінде 372 теңгеден, «Аль-Асад» және «Ажар Сити» сауда үйлерінде 373 теңгеден сатылуда.Осы орайда, ҚР Үкіметімен бекітілген 19 түрлі әлеуметтік маңызы бар азық-түлік тауарларына әр аптаның дүйсенбі күні қала әкімдігі мен &nbsp;ауыл шаруашылығы басқармасы, Статистика департаменті, «Байқоңыр» ӘКК»-ымен қала аумағындағы ірі сауда орындары мен супермаркеттерден ашылған әлеуметтік бұрыштарға мониторинг жұмыстары тұрақты жүргізілуде.&nbsp; &nbsp;

Былтыр Қызылорда қаласында 9036 гектар жерге ауыл шаруашылық дақылдары егілді

<a href="https://kyzylorda-news.kz/">Kyzylorda-news.kz.</a>&nbsp; Бұл туралы Өңірлік коммуникациялар қызметінде өтіп жатқан баспасөз мәслихатында Шиелі ауданының әкімі Нұржан Ахатов мәлімдеді.“Бүгінде Шиелі кенті және Ы.Жақаев, Бидайкөл, Байсын, Н.Бекежанов, Ш.Қодаманов, Ақмая, Алғабас ауылдары, яғни аудан халқының 68 пайызы көгілдір отынға қосылған” - деді Н.Ахатов.Алдағы уақытта Еңбекші, Жиделіарық, Алмалы және Ә.Тәжібаев елді мекендеріне газ жеткізілмек. Жобалар, бюджеттік өтінім тиісті министрлікке тапсырылды.Әкімнің айтуынша, Тартоғай (демеушілер есебінен), Майлытоғай елді мекендерінің (ішкі және сыртқы магистралды газ құбыры) жобалық сметалық құжаттары дайындалып жатыр.“Осы жобалар іске асқан жағдайда аудан халқының 85 пайызы газбен қамтылатын болады” - деді аудан басшысы.<figure class="image"><img src="https://knadmin.beoblood.kz/uploads/564f58e3_579f_4ef4_b73b_e36a43306cb8_a169687dc5.jpg" alt="564f58e3-579f-4ef4-b73b-e36a43306cb8.jpg"></figure>@qyzylordanews

Шиелі ауданы халқының 85 пайызы газбен қамтылады

<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР Премьер-Министрі Әлихан Смайыловтың төрағалығымен өткен Үкімет отырысында кәсіпкерлік қызметті «таза парақтан» реттеуді іске асыру барысы мен 2022 жылдың ІІ жартыжылдығы бойынша орталық және жергілікті атқарушы органдар басшыларының халықпен кездесу қорытындылары қаралды.Үкімет басшысы бизнеске әкімшілік жүктемені барынша азайту мақсатында қолданыстағы реттеуші актілердің бәріне ауқымды талдау жүргізілгенін атап өтіп, нәтижесінде 44 сала бойынша жаңа реттеуші саясаттың шарттарына сәйкес келмейтін 10 мыңнан астам талап анықталғанын атап өтті.Осыған байланысты Премьер-Министр бизнеске қойылатын артық талаптарды жою бойынша заңнамалық өзгерістердің уақытылы қабылдануын қамтамасыз ету, заңға тәуелді актілерге тиісті түзетулер енгізуді жылдамдату және І жартыжылдықтың соңына дейін мемлекеттік бақылау жүйесін автоматтандыру жұмысын аяқтау қажеттігін айтты.Селекторлық мәжілістен кейін Үкімет басшысының тапсырмаларын орындау бағытында облыс әкімі Нұрлыбек Нәлібаев жиын өткізіп, қолайлы бизнес климатты қалыптастыруда қабылданатын шешімдер мен рәсімдердің тиімділігін арттыруды қажет ететінін қаперге салды.<blockquote>«Өткен жылы кәсіпкерлік саласындағы өзекті, проблемалық мәселелерді талқылау, шешімін қарастыру үшін арнайы жұмысшы топ құрылды. Облыс әкімінің бірінші орынбасары Серік Қожаниязовқа өңірдегі кәсіпкерлік саласындағы өзекті мәселелерді құзырлы мемлекеттік органдармен және «Атамекен» кәсіпкерлер палатасымен осы жұмысшы топта бірлесе қарап, шешу бойынша шаралар қабылдауды тапсырамын. Өйткені, жергілікті жердегі кәсіпкерлердің ахуалы, олардың қызметін жүргізуге кедергі келтіретін жағдайлар сіздерге айқын көрінеді. Ал, облыстық кәсіпкерлік және өнеркәсіп басқармасы қала және аудан әкімдіктерімен бірлесіп, өзекті деген мәселелерді дер кезінде облыс, республика деңгейінде көтеріп, бизнес үшін қолайлы шешімін қарастыруға жұмыс жасау қажет», - деді аймақ басшысы.</blockquote>Үкімет отырысының күн тәртібіндегі екінші мәселе бойынша өткен жылдың ІІ жартыжылдығында халықпен кездесулердің қорытындысымен өңір тұрғындары тарапынан 1871 ұсыныс-тілек айтылғаны аталып өтілді. Нәтижесінде 1559 мәселе шешімін тапты, 312-сі бойынша жұмыстар жүргізілуде.Бұған дейін аймақ басшысы Президент Жарлығы аясында аймақтың барлық ауданы мен Қызылорда қаласында құқық қорғау органдары басшыларымен бірге халықпен кездесіп, кезектілік тәртібімен аудан, қала тұрғындарын жеке қабылдады. Былтырғы жыл көлемінде облыс әкімі мен құқық қорғау орган басшылары жалпы алғанда 1000-ға жуық азаматтың өтінішін тыңдап, ұсынысына құлақ асты.2022 жылы Қызылорда облысы бойынша барлық деңгейдегі әкімдердің халықпен 901 кездесуі өткізілді. Оның ішінде, облыс әкімі – 16 кездесу, Қызылорда қаласының әкімі – 36, аудан әкімдері – 411, кент, ауылдық округ әкімдері халықпен – 438 кездесу өткізді. Кездесулерге 61 418 адам (офлайн – 57 919, онлайн – 3499) қатысты.Тұрғындар тарапынан көтерілген мәселелерді шешуге өткен жылы облыстық бюджеттен 43,9 млрд. теңге қаржы бөлінді.Биылғы жылы осы мақсатта облыс бюджетінен 24,1 млрд. теңге бағытталуда.Мұнан бөлек, орталық атқарушы органдар тарапынан шешуді қажет ететін мәселелер тізбегі жасалып, тиісті құжаттамалары әзірленді.Нәтижесімен, бүгінде орталық атқарушы органдарға жалпы құны 120,4 млрд. теңгені құрайтын 230 жоба ұсынылып, биылғы жылы қаржыландыруға 78,2 млрд. теңге бюджеттік өтінім берілді.Барлық кездесулер Мемлекет басшысының Жарлығында көрсетілген талаптарды сақтай отырып, күнтізбелік кестеге сәйкес өткізілуі қажет екенін ескерткен аймақ басшысы қала және аудан әкімдеріне тұрғындармен кездесулердің нәтижесімен іс-қимыл жоспарын әзірлеп, халықты жиі толғандыратын сұрақтардың мерзімінде әрі сапалы орындалуына басымдық беруді тапсырды.<figure class="image"><img src="https://knadmin.beoblood.kz/uploads/326775636_1371977076946539_3078456036324109622_n_6aa57728a3.jpg" alt="326775636_1371977076946539_3078456036324109622_n.jpg"></figure>&nbsp;<figure class="image"><img src="https://knadmin.beoblood.kz/uploads/326762784_5561146464008200_5465636155849570902_n_fafd2d0257.jpg" alt="326762784_5561146464008200_5465636155849570902_n.jpg"></figure>

Кәсіпкерлерге қойылатын артық талаптардың күшін жою мәселелері қаралды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен Қызылорда қаласының даму перспективалары жөніндегі мәжіліс өтті.Жиында өңірге арнайы келген сарапшылар - Қазақстандық урбанистер қауымдастығының төрағасы Ерлан Аукенов, қауымдастықтың атқарушы директоры Мадияр Дәуірбаев және «ENVICON» жауапкершілігі шектеулі серіктестігінің директоры Роман Шнайдермен баяндама жасады.Аймақ басшысы қазіргі таңда облыс орталығы қарқынды дамып келетінін атап өтті. Халық саны да артуда. Сондықтан тұрғындар үшін жайлы орта қалыптастыру өте маңызды.<blockquote>«Бүгінгі отырыста алдынғы қатарлы мемлекеттердің қалаларды дамытудағы оң тәжірибелері таныстырылып, Қызылорда қаласының даму перспективалары талқыланатын болады. Өздеріңіз білетіндей, қазіргі таңда Қызылорда қаласы қарқынды өсіп келеді. Қала аумағы кеңейіп, жаңадан тұрғын аудандар бой көтеріп, халық саны да артуда.</blockquote><blockquote>Бұл, өз кезегінде, тұрғындардың өмір сүру сапасын арттыру мақсатында жайлы орта қалыптастыру, қала аумағын көркейтіп, көгалдандыру қажеттігін тудырады. Қазірде бұл бағытта көптеген жұмыстар атқарылуда. Алдағы уақытта жоспарларымыз да ауқымды. Қала аумағын дамытуда сала мамандарының пікірлері біз үшін өте маңызды», - деді облыс әкімі.</blockquote>Қазақстандық урбанистер қауымдастығының төрағасы Ерлан Аукенов еліміздегі қала дамыту тенденцияларын талдап, әлемдік урбанистиканың үздік тәжірибесін таныстырды. Атап айтқанда, қала келбетін әрлеп, қоғамдық кеңістіктерді жайлы әрі тұрғындар үшін қолайлы ету бойынша ұсыныстарын жеткізді.«ENVICON» жауапкершілігі шектеулі серіктестігінің директоры Роман Шнайдермен компания қызметі туралы баяндап, Қызылорда қаласын дамыту жөнінде пікірімен бөлісті.Жиын соңында облыс әкімі Нұрлыбек Нәлібаев айтылған ұсыныс-пікірлер назарға алынып, мұқият қарастырылатынын мәлімдеді.Айта кетейік, Қазақстандық урбанистер қауымдастығымен бүгінде Атырау, Ақтөбе, Ақтау, Павлодар, Шымкент, Тараз және басқа да қалаларды дамытуға бағытталған жобалар іске асырылуда.<img src="https://knadmin.beoblood.kz/uploads/328258869_867170281169745_1140299197095057131_n_e44ed58868.jpg" alt="328258869_867170281169745_1140299197095057131_n.jpg"><img src="https://knadmin.beoblood.kz/uploads/328232050_701883581427508_1988037039210021063_n_4a2381a258.jpg" alt="328232050_701883581427508_1988037039210021063_n.jpg"><img src="https://knadmin.beoblood.kz/uploads/326963572_551706980225083_1712860475464862868_n_3b04bf98ad.jpg" alt="326963572_551706980225083_1712860475464862868_n.jpg"><img src="https://knadmin.beoblood.kz/uploads/328231791_622417319890738_7319096862024642162_n_f04326f4a0.jpg" alt="328231791_622417319890738_7319096862024642162_n.jpg">

Қызылорда қаласының даму перспективалары талқыланды

<a href="https://kyzylorda-news.kz/">Kyzylorda-news.kz.</a> ҚР Премьер-Министрі Әлихан Смайыловтың төрағалығымен Инвестициялық штаб отырысы өтті. Онда жылдың қорытындысымен нысаналы көрсеткіштерге қол жеткізу мәселелері және 2023 жылғы міндеттер талқыланды.Аталмыш жиында инвестиция тарту бойынша Қызылорда облысы өңірлер арасында бірінші орында екені айтылды. 2022 жылы аймақтың негізгі капиталға салынған инвестиция индикаторының жоспары 373,5 млрд. теңгені құраса, нақты облыс 409,5 млрд. теңге қаражат тартып, жоспарды 9,6% артығымен орындады. Көрсеткіш 2021 жылмен салыстырғанда 106,7 млрд.теңгеге (26,8%-ға) өсті.Аймақ басшысы Нұрлыбек Машбекұлы биыл тартылған инвестиция көлемі 10%-дан кем емес өсім көрсетуі керектігін қаперге салып, Қызылорда қаласы мен аудандарға меже бекітуге және әрбір басқарма, аудан, қала әкімдіктерінен инвестициялық жоба бойынша жауаптыларды бекіту туралы ұсыныс әзірлеуді тапсырды.Мұнан бөлек, жиында су тасқынының алдын алу шаралары да айтылды. Премьер-Министр өңірлерге бұл бағыттағы жұмыстарды күшейтуді және қатаң бақылауда ұстауды тапсырды.<figure class="image"><img src="https://knadmin.beoblood.kz/uploads/326277254_672397808007434_4887799265208389320_n_baacc7915a.jpg" alt="326277254_672397808007434_4887799265208389320_n.jpg"></figure>

Қызылорда облысы инвестиция тартудан І орында

<a href="https://kyzylorda-news.kz/">Kyzylorda-news.kz.</a> Жалағаш ауданының әлеуметтік-экономикалық әлеуеті артып келеді. Өңірдің аграрлық аймағына айналған бұл ауданда биыл 3,2 млрд.теңгені құрайтын 25 инфрақұрылымдық жоба жүзеге асырылады. Сонымен қатар ауданға қарасты елдімекендерді газдандыру, электр желілерін тарту және әлеуметтік нысандардың құрылысына арналған жобалар қарастырылуда. Бұдан бөлек, 3 нысанның жоба-сметалық құжаттары әзірленіп, қазіргі таңда мемлекеттік сараптамадан өткізілуде.&nbsp;Бұл туралы Өңірлік коммуникациялар қызметінде өткен брифингте Жалағаш ауданының әкімі Асқарбек Есжанов мәлімдеді.<blockquote>«Ауданымызда былтыр серпінді жобалар жүзеге асып, толайым тірліктер атқарылды. Атап айтқанда, өнеркәсіп өнімін өндіру 166,7 пайызды құрап, 24 млрд.теңгенің өнімі өндірілді. Ал өңдеу өнеркәсібі шаруашылықтардың күріш ақтау есебінен 100,1 пайызға артты. Жалпы негізгі капиталға тартылған инвестиция көлемі 115,0 пайызды құрап отыр. Нәтижесінде, ауданға 11 млрд.839 млн.теңге көлемінде инвестиция тартылды. Аудандағы шағын және орта кәсіпкерлікті саласында да оң серпін бар. Былтырғы жылдың қорытындысымен кәсіпкерлік субъектілерінің саны - 3084 бірлікті құрап, 20,7 пайызға өсті. Осыған сәйкес, нақты жұмыс істеп тұрған кәсіпкерлік нысаны - 557 бірлікке артты. Одан бөлек, кәсіпкерлік саласын қолдауға арналған 446 жоба қаржыландырылып, 500-ге жуық азамат жұмыспен қамтылды. Сондай-ақ, биыл ақпан айында қызыл мия тамырын өңдеу зауыты іске қосылады. Бүгінде Қытай елінен қажетті газ қондырғысының жабдықтары әкелініп, нысанның жылу жүйесі табиғи газ отынына көшірілді. Қазіргі таңда бұл зауытта 15 адам тұрақты жұмыс істеп жатыр. Зауыт толық іске қосылса 60 адам тұрақты жұмысқа кіріседі», - деді аудан әкімі Асқарбек Есжанов.</blockquote>

Жалағаш ауданында қызыл мия тамырын өңдеу зауыты іске қосылады

<a href="https://asfalt-kachestvo.ru/news/asfalt-trotuarov.html">ФОТО</a><a href="https://kyzylorda-news.kz/">Kyzylorda-news.kz.</a> Қызылорда қаласының жол-инфрақұрылымын дамыту бағытында былтыр &nbsp;49 көшеге жол жөндеу жұмыстары жүргізіліп, ұзындығы 3,9 шақырым болатын Қойсары батыр көшесіне жаяу жүргіншілер жолы салынды. Ал, биылғы жылы бұл бағыттағы іргелі істер қатары ұлғайып, бюджеттің барлық түрлері мен мемлекеттік бағдарламалар арқылы 10 млрд. 246 млн. теңгеге 231 көше жөндеуден өткізілмек. Сонымен қатар, 690,0 млн. теңгеге 19 көшеге жаяу жүргіншілер жолы салынады.<blockquote>«Тұрғындар арасында жиі көтеріліп жүрген мәселелердің бірі – көпірлер құрылысы бойынша биыл ауқымды жобалар жүзеге асатын болады. Атап айтқанда, Ғ. Мұратбаев және Яссауи көшелерінің қиылысындағы теміржол арқылы өтетін жаяу жүргіншілер көпірі құрылысына 320,6 млн теңге бөлінді. Ал, өткен жылы басталған көпірлер құрылысын аяқтауға, яғни, Қызылжарма каналы арқылы «Бәйтерек» ықшам ауданына көлік пен жаяу жүргіншілерге арналған және Белкөл кентіндегі теміржол арқылы өтетін жаяу жүргіншілер көпірлерінің құрылысын аяқтауға 476 млн. теңге қаралып отыр, - деді қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жеңісбек Файзуллаев.</blockquote>Көркейту-көгалдандыру бағытында өткен жылы қаланы Сырдария өзенінен тәуелсіз аяқ сумен қамтамасыз ету үшін қала және қалаға қарасты ауылдық округтерде 31 дана техникалық аяқ су ұңғымаларын орнату жұмыстары жүргізілді. Техникалық ұңғыманың 11 данасы қалаға, ал қалғаны кент және ауылдық округтерде орнатылды. Бұдан бөлек, Сырдария өзенінің сол жағалауынан тереңдігі 80 м болатын 2 дана техникалық су жинау ұңғымасы пайдалануға берілді. &nbsp;<figure class="image"><img src="https://knadmin.beoblood.kz/uploads/327376993_1859034004462522_4189072920969634290_n_7e869856cc.jpg" alt="327376993_1859034004462522_4189072920969634290_n.jpg"></figure>

Қызылордада 690 млн теңгеге жаяу жүргіншілер жолы салынады

<a href="https://kyzylorda-news.kz/">Kyzylorda-news.kz.</a> Қызылорда қаласы тұрғындарының 100 пайызы орталықтандырылған ауыз су жүйелерімен толық қамтылған. Бүгінгі күні «Қызылорда су жүйесі» кәсіпорыны 84 548 тұтынушыға қызмет көрсеткен. Бұл туралы қала әкімдігінің баспасөз орталығында өткен брифингте «Қызылорда су жүйесі» МКК басшысының бірінші орынбасары Нұрлан Өтепов баяндады.2022 жылы ауыз су, кәріз жүйелеріне ағымдағы жөндеу жұмыстары толық орындалған. Атап айтқанда, кәріз су жүйелеріндегі 239 метр тозығы жеткен құбыр ауыстырылды, ауыз су жүйесіндегі тозығы жеткен 81 дана ашып-жабу ысырмалары және 6 дана кері клапандары, істен шыққан өрт гидранттарының 22-сі жаңартылды және тағы да басқа жұмыстар 103,5% пайызға орындалды.&nbsp;<blockquote>«Өткен жылы инвестициялық бағдарлама арқылы 3,7 шақырым ауыз су жүйесі мен 0,14 шақырым кәріз жүйелеріне күрделі жөндеу жұмыстары жүргізілсе, қалалық тұрғын үй коммуналдық шаруашылығы бөлімі арқылы 11 ұңғымаға күрделі жөндеу, қалалық құрылыс бөлімінің тапсырысымен 1,8 шақырым ауыз су жүйесіне, 5,5 шақырым кәріз жүйесіне және 2 бірлік КНС-на (Гарант, Агропромм) қайта жаңғырту жұмыстары атқарылған. Қазіргі таңда «Бәйтерек» тұрғын ауданын ауыз сумен тұрақты қамтамасыз ету үшін 7 ұңғымадан тұратын су алу құрылымының құрылысы жүргізілуде. Сонымен қатар, биыл 10,0 шақырым ауыз су жүйелері мен қолданыстағы &nbsp;12 бірлік КНС-на қайта жаңғырту жұмыстарын жүргізу жоспарланған. Бұдан бөлек, кәсіпорын 8 сектор бойынша тазалық қызметін, қоқыс &nbsp;шығару, полигон, &nbsp;297 көп қабатты тұрғын үйге ортақ меншікті күтіп ұстау және тұрғын үйлерді қайта жаңғырту қызметтерін атқарып келеді», - деді Нұрлан Кеңесұлы.</blockquote>Көппәтерлі тұрғын үйлерге кондоминиум объектісінің ортақ меншіктегі &nbsp;мүліктеріне күрделі жөндеудің &nbsp;жекелеген түрлері бойынша 2011-2022 жылдар &nbsp;аралығында 180 &nbsp;көп пәтерлі тұрғын үйлерге күрделі жөндеу жұмыстары жүргізілді. Биыл 12 көппәтерлі тұрғын үйге күрделі жөндеу жұмысын жүргізуге бюджеттік өтінім тапсырылды. &nbsp;<figure class="image"><img src="https://knadmin.beoblood.kz/uploads/1_9020ab933d.JPG" alt="1.JPG"></figure>

«Қызылорда су жүйесі» кәсіпорыны 84 548 тұтынушыға қызмет көрсеткен

<a href="https://kyzylorda-news.kz/">Kyzylorda-news.kz.</a> Қазалы ауданында өнеркәсіп өндірісінің көлемі – 20,2 млрд.теңгені құрап, былтырғымен салыстырғанда 23,6 пайызға артты. Өндіріс көлемінің басым бөлігін құрайтын өңдеу өнеркәсібінде 25,9 пайызға өсім қалыптасты. Ал аудандағы шағын және орта кәсіпкерлікпен айналысатын 6 мыңнан астам азамат 7,5 млрд.теңгенің өнімін өндіріп, көрсеткіш 2,8 пайызға өсті. Жалпы былтыр бұл ауданда жаңадан 25 кәсіпкерлік нысаны бой көтеріп, 47 адам тұрақты жұмыспен қамтылған. Бұл жөнінде Өңірлік коммуникациялар қызметінде өткен брифингте Қазалы ауданының әкімі Мұхтар Оразбаев мәлімдеді.<blockquote>«Жалпы былтыр Қазалы ауданында ауқымды жұмыстар атқарылып, әр салада жоғары көрсеткіштерге қол жеткіздік. Атап айтқанда, ауданның бюджет қазынасы 21,2 млрд.теңгеге бекітіліп, жыл соңында бюджет көлемі 22,6 млрд.теңгеге жетті. Сондай-ақ, ауданда өткен жылы 15,6 млрд.теңгеге жуық инвестиция тарту межеленген болатын. Бұл бағытта атқарылған жұмыстардың нәтижесінде негізгі капиталға тартылған инвестиция көлемі 17,6 млрд.теңгені құрап, 38,1 пайызға көбейді. Бұдан бөлек, жалпы құны 25,7 млрд.теңгені құрайтын 41 инвестициялық жоба дайындалды. Алдағы уақытта облыстық басқармалар арқылы тиісті орталық атқарушы органдарға ұсынылатын болады. Қазалыда құрылыс саласы да қарқынды дамып, әлеуметтік маңызы бар бірқатар нысандар ашылды. Атап айтқанда, былтыр жеке сектор есебінен тұрғын үй құрылысына 4,4 млрд.теңге көлемінде инвестиция тартылып, 54 022 шаршы метр тұрғын үй құрылысы салынды. Нәтижесінде, тұрғын үй қоры 1,8 пайызға көбейді. Сонымен қатар Мұратбаев ауылынан жаңадан ашылған аймақта салынатын тұрғын үйлерді ауыз сумен, газбен және электрмен жабдықтау үшін 251,4 млн.теңге бөлінді. Бұл бағытта тиісті жұмыстар істеледі», - деді аудан әкімі Мұхтар Оразбаев.</blockquote>Сонымен қатар Әйтеке би кентіндегі көлемі 180 гектар жер учаскесіндегі тұрғын үйлерге сервистік ауыз су желісінің құрылысы басталады. Бұған қоса, аудан орталығынан көлемі 600 гектар жер учаскесінен салынатын тұрғын үйлерді инженерлік инфрақұрылыммен қамтамасыз ету жобасын әзірлеу үшін аудандық бюджеттен 32,1 млн. теңге бөлініп, қазіргі таңда барлық тиісті құжаттары дайындалды. Ал биыл аудан орталығындағы 4 көп қабатты тұрғын үйге күрделі жөндеу жұмыстары жүргізіліп, талапқа сай жаңартылмақ.&nbsp;

Қазақстан және Қызылорда облысының жаңалықтары: Экономика