<a href="https://kyzylorda-news.kz/">Kyzylorda-news.kz.</a> Аймақ бойынша аудандарды газдандыру кезең-кезеңімен іске асырылып жатқаны бесенеден белгілі. Өңірімізді кешенді газдандырудың алғашқы кезеңінде аудан орталықтары көгілдір отынға қол жеткізгені мәлім. Енді осы газдандырудың келесі кезеңі іске асып, соның аясында елді мекендерді табиғи газға қосу жұмыстары жүргізілуде екен. Бұл орайда ауданға қарасты Қалжан ахун ауылының тұрғындары көгілдір отынның игілігін көреді деп күтілуде. Бұл – елді мекен тұрғындары үшін жағымды жаңалық болып табылады.Аудан орталығы табиғи газға қосылғаннан кейін елді мекендерді газдандыру жұмыстарына басымдық берілу үстінде. Мысалы, Тереңөзек кентіне жақын орналасқан Қалжан ахун, С.Сейфуллин, А.Тоқмағамбетов және Шаған ауылдарына табиғи газ жеткізуге жұмыстар жүргізілуде. Соның негізінде бүгінгі таңда елді мекендерді газдандыруға байланысты жобалық-сметалық құжаттар дайындалған, сараптамадан өтіп, қаржысы шешілген ауыл бар.<blockquote>Өткен жылдың қорытындысымен облыста тұрғындардың газ тұтыну деңгейі 68 пайызға жеткен. Алдағы 3 жылға 2023-2025 жылдарға арналған жоспар бойынша 45 елді мекенді көгілдір отынмен қамту жоспарға кіргізліген. Нәтижесінде, 2025 жылдың соңына қарай газдандырылған елді мекендер саны 70-ке жетеді де күтілуде. Оның қатарында ауданға қарасты елді мекендер бар. Бұл жұмыстың бастамасы аудан басшысы Мұрат Нәлхожаұлының қолдауымен биыл іске асады. Ауылдарды табиғи газбен қамтамасыз ету Қалжан ахун елді мекенінен бастау алмақ. Аталған ауылды газдандырудың жалпы құны – 330 млн 586 мың теңге. Республикалық бюджеттен осының 298 млн теңге қаржысы бөлінсе, қалғаны облыстық бюджеттен қаралады деп күтілуде. Қазіргі таңда аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі тарапынан мердігер мекемені анықтау үшін мемлекеттік сатып алу жұмыстары жүргізілуде. Ауыл ішінде жүргізілетін газ құбырының жалпы ұзындығы 19,7 шақырымды құрайды, – дейді аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Нұржан Бисембаев.</blockquote>Әрине, газды елді мекенге жеткізу, көшелерде газ құбырларын жүргізу жұмыстары белгілі бір уақытты алады. Десе де ауыл халқының көгілдір отынның игілігін көретін күні алыс емес. Себебі, тиісті қаржысы бөлініп қойған, енді осы жұмыстарды сапалы атқаратын мамандар анықталуы қажет-ақ.Осы орайда ауданда газ тарату жұмыстарын үйлестіретін мекеме мамандары Қалжан ахун ауылының халқымен алдын ала кездесіп, қауіпсіздік шараларын, үйге табиғи газ орнатудың алғышарттарын түсіндірген.<blockquote>Жақында ауыл тұрғындарымен арнайы кездесу ұйымдастырдық. Елді мекенге табиғи газдың жеткізілетіні қуанышты жаңалық. Осыған байланысты біз маман ретінде табиғи газды орнату барысындағы қауіпсіздіктерді түсіндірдік. Алдымен кездесуге қатысқандарға газ құбырлары есіктің алдына дейін келетінін айттық. Одан әрі қарай үйге дейінгі газды монтаждау жұмыстарын осы салада өз қызметтерін көрсететін кәсіпкерлер арқылы жүзеге асатынын жеткіздік. Осы тұста, тұрғындарға алаяқтарға алданып қалмауды ескертеміз. Мұндай жағдайлар кездескен. Жұмысты сапасыз жүргізіп, қауіпсіздік талаптары сақталмайды. Оның жауапкершілігі жоғары. Сондықтан монтаждау жұмыстарын қай кәсіпкерге істетіп жатқанын «Қызылорда газдандыру жүйесі» коммуналдық мемлекеттік мекемесінің Тереңөзек кен¬ті өндірістік учаскесі мамандарына ескертіп отырса, тұрғындар алаяқтыққа тап болмайды. Сондай-ақ «каркас», яғни қамыс және ағаштан тұрғызылған үйге табиғи газ кіргізілмейтінін де атап өткен жөн. Үйдің құжаттары түгел болғаны да дұрыс, – дейді «Қызылорда газдандыру жүйесі» коммуналдық мемлекеттік мекемесінің Тереңөзек кенті өндірістік учас-кесінің директоры Еркебұлан Есенгелді.</blockquote>Негізінен, ауылға газ келетінін естіген жұрт¬шылықтың қуанышында шек жоқ. Табиғи газ біраз жұ¬мысты жеңілдететінін айтады елді мекен тұрғын¬дары.<blockquote>Жыл басында «Биыл ауылға газ келеді» деген жағымды жаңалықты естіп, қуанып жүрміз. Ауылымыз аудан орталығына жақын орналасқан. Тіршілігіміз де біте қайнасып жатыр. Тереңөзек кентіндегі табиғи газдың игілігін көріп отырған ағайындардың үйіне бар¬ғанда қызығатынбыз. Жып-жылы, тіпті біз секілді баллонмен газ тасып жүрген жоқ. Енді міне, осындай жақсы жағдай біздің ауылда да болмақ. Тек газдандыру жұмыстарының сапалы жүргізілгенін қалаймыз, – дейді ауыл тұрғыны Әбілда Байтөре.</blockquote>Биыл &nbsp;Қалжан ахун ауылы газдандырылатын болса, аудан орталығына жа¬қын С.Сейфуллин, А.Тоқмағанбетов елді ме-кендері де жуық уақытта табиғи газбен қам¬тамасыз етілуі тиіс. Ол үшін газдандыру жобаларын қаржыландыру мақсатында тиісті басқармаға бюджеттік өтінімдер ұсынылған. Ал Шаған елді мекенін газдандыру бойынша жобалық-сметалық құжаттама әзірленіп, бүгінгі таңда мемлекеттік сараптамадан өт¬кізі¬луде.&nbsp;&nbsp;

Елді мекендерге қашан көгілдір отын кіргізіледі?

<a href="https://kyzylorda-news.kz/">Kyzylorda-news.kz.</a>&nbsp; Қаланың сәулеті мен ажарын айшықтап тұратын басты бейнелі көріністі осы жолдың жайы екені жасырын емес. Сән-салтанатынан бөлек, қатынастың қолайлылығы мен тұрғындардың қауіпсіздігі және көлік қозғалысының икемділігі де жайлы жолдың көмегінен болары анық. Олай болса, аудандағы қала көшелерінің жолдары мәселесі төңірегінде істеліп жатқан жұмыстарға тоқтала өтейік.Ел көріп, біліп отыр. Тұрғындардың өтінішін орындау мақсатында биыл қала көшелерінің жолдарын жаңарту бағытындағы жұмыстар басталып кетті. Нақтырақ тоқталар болсақ, Ә.Сатаев, Төле би, С.Мұқанов, Ж.Тәжімбет, Ә.Жұбаниязов пен Б.Майлин, Ғ.Мүсірепов көшелерін асфальттау жұмыстары басталып кетті. Республикалық және облыстық бюджеттен қаржыландырылатын бұл жоба көше тұрғындарына үлкен қуаныш сыйлады. Мұны тас жол төселгелі жатқан көшелердің тұрғындарының сөзінен анық аңғарамыз.<blockquote>«Адам болған үстіне бола түссе дейді ғой. Бізде де жолы жаңарған көшелерді көргенде «бізге де осындай жол салынса» деп қызыға қарайтынбыз. Былтыр осы біз тұратын көшелер асфальтталады дегенді естігенде қуанғанымызды жасырмаймыз. Бірақ биыл қар кетіп, жер икемге келе бастағаннан көшелерді тегістеп, жұмыстың басталғаны шаттығымызды еселеп тастады. Қуануға себеп те жоқ емес. Қыс кетіп, қар ерігенде, жаңбыр көп жауған кездерде көшенің басынан аяғына қарай өту мұң болатын. Ортаға жиналған судан көлік қатынасы болмайтын. Тіпті өз көліктерін үйіне жеткізе алмай, көшеге қойып кететін кездер де болады. Енді міне осы қиындықтың бәрі артта қалды. Істеліп жатқан бұл жұмыс үшін бірінші кезекте аудан басшысына алғысымыз шексіз. Халықтың пікірімен санасып, қолайлы жағдай жасап отырған атқарушы биліктің жұмысын оң бағалаймыз», – дейді.</blockquote>Айта кетейік, «Арал жолдары» және «Арал құрылысы» мекемелеріне тапсырылған жұмыс ауқымды. Жоғарыда аталған 6 көшеге толықтай асфальт төселсе, Б.Майлин, Ғ.Мүсірепов көшелеріндегі жолдың жанынан жаяу жүргіншілер жолы да салынатын болады. Бұл жұмыстар жыл көлемінде толықтай аяқталып, халық игілігіне берілмек.&nbsp;<blockquote>«Жол – ол өмір» деген шетелдіктердің сөзін еске түсірер болсақ, біздегі сапалы жол жақсы өмірдің айғағы болмақ. Сондықтан мердігерлер де бірінші кезекте тұрғындарға жайлы өмірді қамтамасыз етуді ойлап, сапаға мән берсе дейміз.</blockquote>

Аралда 7 көше асфальтталады

<a href="https://kyzylorda-news.kz/">Kyzylorda-news.kz.</a>&nbsp; Қай кезде де, төрт түлікпен айналысатын шаруаның табысы ортайған емес. Мәселен, Сырдария ауданына қарасты Айдарлы ауылында ірі қараның ішіндегі төресі саналатын түйені өсіруге ден қойған Руслан Шайхсламов деген жас кәсіпкер тұрады. Түйекеш &nbsp;жігіт мемлекеттік грант арқылы 2 боталы түйе алып, ауылдағы ағайынды шұбатпен қамтамасыз етіп отыр.Айдарлылық жас кәсіпкер өткен жылы &nbsp;«2021-2025 жылдарға арналған кәсіпкерлікті дамыту жөніндегі ұлттық жоба шеңберінде грантқа қол жеткізген. Жалпы, жобасын мал шаруашылығына арнаған белсенді жас осыған дейін төрт түлікті бағумен айналысқан. Руслан Шайхсламов 4 ағайынды. Түйе бағу ісін ілгерілетуге оның бауырлары қолғабыс етеді. Күніне 2 рет сауылатын түйе сүті – дертке шипа. Осы күні біршама ауыл тұрғынының сұранысын қанағаттандыру мақсатында жас кәсіпкер төл басын көбейтуге барын салуда. Бұл ретте жеке кәсіпкер тұтынушыға түйе сүтін нарық бағамы бойынша 1000 теңгеден &nbsp;сатуда.<blockquote>Осы кезге дейін сан түрлі жұмыс істеген болатынмын. Вахталық жұмыспен күнкөріс деңгейін жақсартуға тырысқаным рас. Бос уақытымда ірі қара мен уақ малды бағумен айналысқан едім. Жалпы, мал шаруашылығы – отбасының берекесін келтіріп, табысты еселеуге таптырмас мүмкіндік. «2021-2025 жылдарға арналған кәсіпкерлікті дамыту жөніндегі ұлттық жоба» аясында 1 225 200 теңге грант иегері атанып, түйе бағудың қыр-сырына қанықтым. Айрықша күтімді қажет етпейтін ойсылқараның төлі Айдарлы ауылының &nbsp;ауа райына төзімді болып келеді. Осы уақытта түйені бураға түсіру қолға алынуда. Алдағы уақытта кәсібімді &nbsp;барынша кеңейту ойда бар, – дейді жас кәсіпкер.</blockquote>Жастайынан еңбекпен есейген Руслан Шайхсламов – көпбалалы әке. Зайыбы Жәмила Сейдіуәлиева екеуі осыдан 8 жыл бұрын шаңырақ көтерген. Қазіргі таңда ерлі-зайыпты 4 перзентті тәрбиелеп отыр. Үнемі үй шаруасын дөңгелетіп әкететін Жәмила Құдай қосқан қосағына тілеулестік білдіріп отырады. Қара жұмыстан қашпайтын жас кәсіпкер жүздеген ірі қараны бағатын түйекешке айналғысы келеді. Ол &nbsp;үшін аянбай еңбек ететін Рекең кәсібін кеңейте беруді мақсат етіп қойғандығын жақсы білеміз.&nbsp;Негізінен, әуелден қолға үйретілген қазақ түйесі шөлге төзімді болады. Бота анасын 18 ай еміп, жетіледі. Түйенің өмір сүру ұзақтығы 30-35 жасты құрайды. Елімізде қолға үйретілген айыр өркешті түйе жиі кездеседі. Түйе сүтінің майлылығы сиыр сүтінен едәуір жоғары болады екен. Түйенің шудасы өте қымбатқа бағаланған. Бұл ретте түйе бағуды қолға алған жас кәсіпкер оның пайдасын барлық жағынан көрмек. Мәселен, мамық жүнін тоқыма өндірушіге, еті мен сүтін халыққа ұсынуға болады. Түйе жүнінің 85 пайызы бағалы әрі таза болып табылады. &nbsp;<blockquote>Айдарлы ауылында 1627 тұрғын бар. Ынтымағы жарасқан ауылда жұртшылық мал шаруашылығымен тұрақты түрде шұғылданады. Біз кәсіпкерлік саласын өркендетуге күш салып келеміз. Бүгінде ауылымызда 118 жеке кәсіпкер бар. Өткен жылы 13 адам «2021-2025 жылдарға арналған кәсіпкерлікті дамыту жөніндегі ұлттық жоба» бойынша грант ұтып алды. Руслан секілді жастар кәсіп ашуға ниеттенсе, әрқашан қолдауға дайынбыз. Бірнеше ай көлемінде түйе баққан жас кәсіпкердің еңбегі жемісті болсын, – дейді Айдарлы ауылының әкімі Айбол Ержанов. &nbsp;</blockquote>

Сырдарияда жас кәсіпкер түйе шаруашылығын дамытуда 

<a href="https://kyzylorda-news.kz/">Kyzylorda-news.kz.</a> Тереңөзек кентіне қарасты жаңа қоныстану аймағының ең шеткі көшесінде тұратын тұрғындар қуанышы еселенуде. Аталған көше даңғайыр күрішші, Ұлы Отан соғысының ардагері онсегіздік Бақтияр Жақыповтың есімімен аталады. Бүгінде көшеге ауыз су, газ келіп тұр. Жарық жүргізіп, асфальт төсеу жөнінде бірнеше жылдан бері тұрғындар өтініш айтып келе жатқан болатын. Жақында Бақтияр Жақыпов көшесі жарықтандырылды.&nbsp;<blockquote>Шын мәнінде, аудан көлемінде ілкімді істер жалғасын табуда. Оның ішінде, Тереңөзек кентінің тазалығы, көшелерінің жөнделуі, тұрғын үйлердің жаңаша қалыпқа келтірілуі көңілге медеу сыйлайды. Мәселен, өзіміз тұратын көшеге жақында &nbsp;самаладай жарық берілген болатын. Аталған мәселенің шешімін тапқанына дән ризамыз. Осыған дейін жергілікті тұрғындар көшеде жарық болмауына бірнеше мәрте алаңдаушылық білдірген еді. Себебі, көшенің қараңғы болуы мектепке қатынайтын балалар мен егде кісілердің жүріп-тұруына кедергі келтіретін. Бұл ретте, мәселенің шешім тапқанына көше тұрғындары ерекше қуанып, іс басында жүрген азаматтарға шынайы алғыстарын білдіруде. Ендігі кезекте, көпшіліктің толғандыратын мәселесі көшеге асфальт төсеу екенін сөз басында айтқан болатынбыз. Барлығымызда аталған мәселе биыл жүзеге асса деген үміт &nbsp;басым. Кент көшелері күннен-күнге көркейіп, онда тұратын адамдардың қуанышты жүзін көру қандай бақыт, – &nbsp;дейді ардагер журналист Шаһарбек Нұрсейітов.&nbsp;</blockquote>Алдағы уақытта мұндай жұмыстар аудан бойынша атқарылатын болады. &nbsp;

Тереңөзекте көше жарықтандырылды 

Бюджет: Қаржы саласындағы өзгерістер

<a href="https://kyzylorda-news.kz/">Kyzylorda-news.kz.</a>&nbsp; Аудан әкімі Серік Сермағамбетовтің төрағалығымен өткен салалық мәжіліске қала, кент және ауылдық округ әкімдері мен дербес бөлім басшылары қатысты.Мәжілістің күн тәртібінде 3 мәселе қаралды. Ең әуелі аудан бойынша салық түсімдерінің орындалуы туралы аудандық экономика және қаржы бөлімінің басшысы Төлеген Рашев баяндама жасады.Өткен жыл қорытындысымен дербес бюджеттің кірістері 109,3 пайызға орындалған. Дербес бюджетті барынша қосымша кіріс көздерімен ұлғайтып, жергілікті мәселелерді шешу жолдарын қарастыруды ұсынды.Екінші мәселе көктемгі дала жұмыстары бойынша атқарылып жатқан жұмыстар жайында аудандық ауыл шаруашылығы мен жер қатынастары бөлімінің басшысы Жәнібек Жұбанов хабарлады.Баяндамада Жәнібек Жұбанов өңірімізде егін шаруашылығын дамыту мақсатында биылғы жылға 1500 гектар егіс егу жоспарланып, тиісті жұмыстар басталғандығын жеткізді. Сондай-ақ азаматтардың табысын арттыру және өз өзімізді азық-түлік өнімдерімен қамтамасыз ету мақсатында әрбір ауылда жеке азаматтардың бақша өнімдерін өндіруге жағдай жасау жөнінде облыс әкімінің берген тапсырмасына сәйкес, аудан көлемінде орналасқан дақылдарын орналастыру бөлінісінің іс-шара жоспары бекітіліп, тиісті тапсырмалар берілгендігін де атап өтті. 2023 жылға жоспарланған егін шаруашылығын дамытуға берілген жоспарды жеке және шаруа қожалық иелеріне қолдау көрсете отырып орындалуына ықпал жасауды ұсынды.Жиында қозғалған тағы бір мәселе «Ауылдарды дамыту» мемлекеттік бағдарламасына ұсынылатын жобалар туралы аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Шерхан Есжанов баяндады.2023 жылы аудан көлемінде «Ауылдарды дамыту» бағдарламасы аясында 33 жоба іске асырылады деп күтілуде. Атап айтсақ, елді мекен көшелерінің автомобиль жолдарын жаңғырту бойынша 19 жоба және абаттандыру жұмыстары бойынша - 14 жоба. Сондай-ақ 2023-2024 жылдары қаржыландыру үшін облыстық, аудандық бюджеттік комиссияға 70 жоба ұсынылды. Баяндамада Шерхан Есжанов мемлекеттік бағдарламалардың өзгеруіне байланысты, аталған жобаларды іске асыру барысында, қала, кент, ауылдық округ әкімдерін тығыз байланыста жұмыс жасауға шақырды.&nbsp;Мәжілісте аудан әкімі көтерілген мәселелерге жеке-жеке тоқталып, жауапты тұлғаларға тиісті тапсырмалар берді.Салық түсімдері бойынша барлық қала, кент және ауылдық округтерге аудандық кірістер басқармасымен бірлесе отырып, салық салу базасын ұлғайту мақсатында әрбір елді мекендердегі тұрғын үйлердің, ғимараттардың, мүлік, жер салықтарына түгендеу жұмыстарын жүргізуді, елді мекендегі тіркелмей кәсіп жасап отырған жеке тұлғаларды тіркетіп, жан-жақты жұмыс жүргізуді тапсырылды.Сондай-ақ аудан басшысы көктемгі дала жұмыстарын барынша жандандырып, 2023 жылға бекітілген көрсеткіштерге қол жеткізу үшін егіс көлемін, тұқыммен қамтамасыз етілуі мен жер жырту жұмыстарын қысқа мерзімде аяқтауды және 2023 жылдың егін орналастыру бойынша жеке, заңды, шаруа қожалықтарының егетін егіс көлемін нақтылап, бекітілген межеге сәйкес орындалуын қатаң бақылауға алуды міндеттеді.Мұнымен қоса, Серік Сағитжанұлы ауылдардың дамуына жағдай жасау мемлекеттік саясаттың аса маңызды стратегиялық мақсаттарының бірі екенін айтып, қала, кент және ауылдық округ әкімдеріне ауыл тұрғындарының өмір сүру сапасын жақсарту және ауылдардың инфрақұрылымын дамыту бойынша атқарылатын шараларды жандандыруды тапсырды.<figure class="image"><img src="https://knadmin.beoblood.kz/uploads/cfa97844_3894_4510_ac09_fb96171a3a08_7bf7bb9c3c.jpg" alt="cfa97844-3894-4510-ac09-fb96171a3a08.jpg"></figure>

Ауылдарды дамыту: Аралда 70 жоба ұсынылды

<a href="https://kyzylorda-news.kz/">Kyzylorda-news.kz.</a> Төретам кентіндегі Жанқожа батыр көшесінің бұрылысындағы «Ақсеңгір» сауда орталығының алдынан үнемі ағылған халық пен ызғыған автокөлікті көресіз. Орталыққа сауда жасаушылардың бірі кіріп, бірі шығып жатады. Бұл жерде дүкендегі заттардың бағасы басқа дүкендерге қарағанда төмен. Әрі алатын затыңды өзің таңдап алатыныңның өзі жақсы. Төретам кентіндегі жеке кәсіпкер Әкімжан Қазиев басқаратын «Ақсеңгір» сауда орталығының бірнеше бөлімі бар. Бұл сауда орталығы төретамдықтар, байқоңырлықтар және ақайлықтар үшін негізгі сауда көзіне айналған нүкте десек те болады. Қашан да «Ақсеңгір» сауда орталығының алдына жолыңыз түсіп бара қалсаңыз, қызу сауда, кезекте тұрған халықты көресіз. Бұның бір сыры – сауда орталығындағы заттың бағасы халықтың қалтасы көтеретіндей болып отырғаны.Ең алдымен осы сауда орталығының иесі Әкімжан Жұмажанұлының өмір жолына тоқтала кетейік. Қай кезде көрсеңіз де үнемі көңілді жүретін ағамыз 1962 жылы қасиетті Арал топырағындағы Құмбазар деген жерде дүниеге келген. Кеңес дәуірі кезінде үкіметтің шаруашылық қызметтерінде әртүрлі жұмыстар істейді. Еліміз егемендік алған тұстағы нарық заманының қысылтаяң кезеңінде 1994 жылы тіршілік қамымен осы Байқоңыр өңіріне көшіп келеді. Келген жылдарда қаладағы орталық базарда бизнеспен айналысқан. Екі қолға бір жұмыс табылмай, көпшілік халыққа күнделікті тұтынатын қажетті заттар жетіспей, қат болып қалған кездер есте болар. Дәл осындай кезде сауданың көзін таба білгендердің күнкөрісі жақсара түскені де анық. Қазақтың «Алла берер жағын байламасын» деген сөзі осы сауда ісін қолға алып, нәтижесінде үлкен сауда орталығын ашқан Әкімжан Жұмажанұлына арналғандай. «Кең болсаң, кем болмайсың» деген сөзді осы орталық басшысы есінен әсте шығарған емес. Біз әңгімелесіп отырғанда күнделікті сауда жайымен немесе жеке шаруамен келген адамдарды жылы қабылдап, оларға қанағаттанарлықтай жауап беріп отырды. Бәзбіреулер секілді бастықпын деп жан-жағындағылардың апшысын қуыратын жан емес. Керісінше қызметкерлерінің жағдайын жасап, шешімін таппаған мәселенің күрмеуін тарқатуға тырысатын басшыға қалайша риза болмайсыз. Қабылдауға келушілерге айтар жауабы тек «иә, жарайды, болады». Басшының қарапайым болуы көпшілік қауым үшін күтпеген жағдай. Ал, қарапайым, сөзге тоқтайтын осындай басшы жұмысының алға өрлеуінің өзі сүйегінің асылдығында деп білемін. Ол ұзын бойлы, жасы алпысты алқымдаған бидай өңді келген кісі екен. Өзіне атбасын тіреп келген жандардың айтар сөзін тыңдап, тыңғылықты жауап беріп, тез арада шешім қабылдай білетін жан.«Ақсеңгір» сауда орталығының еншісінде бірнеше дүкен бар. Бірінде күнделікті тұтынатын азық-түлік тауарлары сатылса, екіншісінде көкөністер, жемістер саудаланады. Ал тағы бірінен шаруашылыққа керекті заттың бәрі табылады. Дүкендерде 15-тей адам жұмыс істейді. Осы орайда орталық жұмысының ыстық-суығына көніп, еңбек етіп жүрген жандарды сөз ете кеткенді жөн көрдік. Бизнесменнің тікелей көмекшісі, өзінің әйелі Бибігүл Тәжімбетова болса, Жанат Дінахметова мен Жадыра Әкімжанқызы сынды ұйымдастырушылары бар. Дүкенге келген тұтынушыға жылышырай танытып, сұрағанын тауып беретін сатушылардың орны бір бөлек. Орталықта Гүлнәр Қожахметова, Гаухар Қосмамбетова, Гуля Ералиева, Алма Нақыпова, Құттыбике Төлегенова, тағы басқалары жұмыс істейді.Сатушылар 15 күндік ауысым бойынша кезектесіп тұрады. Олардың барлығы дерлік медициналық қараудан мерзімінде өтеді. Жұмысқа алған кезде талапқа сай болуына аса мән беріледі. Сауда көзі тауарды көбінесе Түркістаннан алады. «Рахат», «Баян сұлу», «Прима», «Рошен», «Grad House» секілді фирмалардың жергілікті жердегі филиалдарымен тығыз байланыста.Кәсіпкер былтыр кәсібін кеңейту мақсатында жұбайы Бибігүл Қадырқызының бастамасымен және мемлекеттік бағдарламалардың қолдауының арқасында наубайхана ашқан болатын. Бүгінде жергілікті халыққа таңертеңгі 9-дан кешкі 18-ге дейін күнделікті демалыссыз жұмыс істеп тұрған наубайханада төрт адам тұрақты жұмыспен қамтылған.Мұнда күнделікті көмеш, таба нан, бөлке және 20-дан аса нан өнімдері дайындалады. Сұранысқа сай, наубайханада күнделікті сатылатын және тапсырыспен дайындалатын той дастарқанының сәнін ашатын түрлі тәттілер эклер, дәмді рулеттер пісіріп жүрген Гүлбаршын Отыншиева, Нұргүл Есмағамбетова, Шолпан Қуанбаева мен сатушы Алтынай Баекешовалардың еңбектері елеулі.<blockquote>«Бұл біздің отбасылық кәсібіміз болғандықтан келіншегім, балаларымның көмегімен істі жүргізіп отырмыз. Мемлекет тарапынан кәсіпкерлерге берілер көмек көп. Оны тек тиімді түрде пайдалану қажет», &nbsp;дейді жеке кәсіпкер.</blockquote>Мемлекеттік бағдарламалардың игілігін көріп, жергілікті мекеннің дамуына үлес қосып жатқан осындай жандардың қатары күн санап көбейіп келе жатқаны қуантады. Одан бөлек, «Байқоңыр Әлеуметтік Кәсіпкерлік корпорациясы АҚ» арқылы кәсіпкер 20 млн теңге несие алып, әлеуметтік дүкен ашқанын да айта кеткеніміз жөн.Өмір сүріп отырған ортасының жай-жапсарымен танысып, қоғамда өз орнын білдіріп отыру, кез келген мәселеге пікір білдіру белсенді азаматтың басты қағидасы. Себебі, ол жергілікті әкімшілік тарапынан болған сұраныс, өтініштерге дер кезінде жауап беріп, қаржылай көмек қолын созып отырады. Айтпақшы, өзінің жомарттығымен еленген ағаның біз білмейтін бір құпиясы бар екен. Ол өз жанынан өлең шығаратындығы. Ой толғамдары ерекше, жазған қолжазбаларын парақтағанымызда ұмытылып бара жатқан сөздерді қолдану көптеп кездеседі екен. Жазбаларының өзіндік стилі, мазмұны, мәні бар. Ол жігіттік шағында ақынжанды ағамыз «Қара мерген» ертегісінің желісінде өлең-жыр түрінде дастан жазыпты. Өлеңге, жырға құмар Әкімжан Жұмажанұлының «Сырдың құрақ жағасы» атты кітабы жарық көрген. Оған өлеңдер мен толғау, дастандар енген.Кәсіпкер бүгінде зайыбы Бибігүл Қадырқызы екеуі Әлия, Жадыра, Бақыткүл есімді үш қыз тәрбиелеп өсіріп, олардан немере сүйіп отырған ардақты ата мен әже. «Тәрбие – отбасынан басталады» дегенді ескерсек, ағамыз немересінің сабағына көмектесіп, оқу үлгерімін қадағалайды. Бос уақытын пайдалы өткізуіне сеп болып, өз пікірін білдіріп отыратын жайы бар.

Төретамдық кәсіпкер көкжиегін кеңейтіп отыр

<a href="https://kyzylorda-news.kz/">Kyzylorda-news.kz.</a> Дамыған елдерде экономиканың қозғаушы күші бизнес екені белгілі. Шағын және орта бизнес қарыштап, дамыса, халық кәсіппен шұғылдануға бейімделсе, мемлекеттің де өсіп өркен жаяры анық. Бүгінде Қармақшы ауданында бәсекеге қабілетті, жан-жақты кәсіпкерлердің қатары күн өткен сайын көбейіп келеді.Сондай кәсіп иесінің бірі – Нағашыбай Сатыпалдиев. Бұл жанды ауданда танымайтын адам кемде-кем. Талай адам ол кісінің фотоаппаратына суретке түсіп, шығарған суреті кімнің де болсын үйіндегі альбомында естелік болып сақтаулы тұрғаны анық. Тіпті әр мерекеде орталық алаңда түскен отбасылық суреттердің авторы бұл ағамыз.Иә, былтыр «Ерлан» фотосалоны кеңейіп, жаңа ғимартқа кірген болатын. Әкелі-балалылардың бизнесі незінде «Бизнестің жол картасы - 2025» мемлекеттік бағдарламасы арқылы «Фотосалонды кеңейту» жобасымен мемлекеттен 9.0 млн теңге қайтарымды несие алып ескі ғимаратты бұзып, қайта заманауи үлгідегі жаңа ғимарат негізінде кәсіптерін қайта жандандырып отыр. Іскер жігіттің қарап отырмай өз кәсібін ашуына «Бизнестің жол картасы-2025» бағдарламасының септігі тигенін айтады. Осыған дейін ескі ғимаратта жұмыс істеген олар бүгінде су жаңа фотосалонда халыққа қызмет көрсетіп келеді. «Ерлан» фотосалоны Жосалы кенті, Абай көшесінің бойында орналасқан. Мұнда суретке түсірумен бірге, компьютерлік безендіру, әрлеу, көшірме жасау, құжаттарды шығарып беру және канцеляриялық, мерекелік жиынтық тауарлар сату қызметтер ұсынылады.«Кезінде осы кәсіпті әкем бастаған. Отбасылық кәсіпті дамытып, жалғастырғым келді. Ескі ғимаратты бұзып, қайта салдым. Ағымдағы жылдың шілде - қараша айлары аралығында ғимараттың құрылысын жүргіздік. Қазіргі таңда сыртқы әрлеу жұмыстарын аяқтап, іске қостық. Көптен бергі арманы орындалды. Алдағы уақытта жоспарларымыз көп», дейді Ерлан Нағашыбаев.Жақында Нағашыбай Сатыпалдиевтің фосалонындағы ескі жәдігерлерді көріп сүйсіндік. Ол Нағашыбай ағаның осы кезге дейін қолданған фотоаппараттары екен. Бөлменің бір бұрышына қойылған сөредегі ескі фотоаппараттар сырттан келгендерді бір қарағанда қызықтырмай қоймайды. Мұнда сонау фотоаппараттың бастапқы кездегі түрінен бастап кезеңімен жинақталған. Бір қызығы солардың бәрі әлі күнге жұмыс істеп тұр. Ағамыздың рұқсатымен бір-екеуін қолға алып, ұстап көрдік. Салмағы да баршылық. Қызық көріп фотоаппаратының санын сұраған едік, «бұл жердегісі жартысы ғана» деп жауап берді.«Өзім ұстаған фотоаппараттарымның нақты саны есімде жоқ. Үйдегі сарайымда қорапқа салып жинап қойғандарым қаншама?! Жаңа ғимаратты жақында аштық. Көзімнің қарашығындай ұстап сақтаған фотоаппараттарымның бір парасын осында қоюды шештім. Бұлар менің ғұмырым десем де болады. Әрқайсысының атқаратын жұмысы бір болғанымен маркалары бөлек. Мәселен, мына «камера» деп аталатын фотоаппарат жиналмалы. Баяғы киноларды көрсеңіз үстіне жамылғы жауып суретке түсіріп жатады. Бұл солардың бірі. Қасындағысы кассетасы. Пленканы соған шақтап орналастырады. Одан кейінгілер «Зенит», «Киев-80», «ФЭД», «Пентагон», «Kodak», «Canon» әрі қарай кете береді. Соның ішінде көп қолданғаным «Зенит» фотоаппараты. Бұлар жақсы жасалған әрі ұзақ жұмыс істейді. Таза механикалық құрал. Байқасаңыз саусағымның ізінен жазулары өшіп қалған. Әлі күнге жұмыс істеп тұр. Ішінде пленкасы бар», &nbsp;деді Нағашыбай бірін таныстырып.Ағаның әр фотоаппараты өзіне қымбат екені көрініп тұр. Бұған дейін сұрап келген дерге ешқайсысын пұлдап та бермепті. Қолына ұстағанын ұқыптап алған орнына қайтадан салып қояды. Бүгінде мұндай өзі тұтынған дүнияны көзінің қарашығындай сақтайтындардың қатары сирек. Болғанның өзінде не сатып жібереді болмаса мұражайға өткізеді.Нағашыбай Сатыбалдиев бар ғұмырын фотограф саласына арнаған білікті маман. Бір сөзбен айтқанда, ауданға танымал фотограф болған Ясин Ұзақбаевтың ізін жалғағандардың бірі. Осы мамандыққа келуіне сол кісінің ықпалы тиіпті.«Ол кезде мектеп қабырғасындағы оқушымын. Бітіруіме де жақын қалған. Ол кісінің фотографиясы үйге жақын болатын. Мен қызығып барып жүргенімде бір күні «Нағашыбай, сен оқуды бітіргелі тұр екенсің, саған ақылым фотограф бол» деді. Содан қасында жүріп үйрендім. Фотогра- фиясын қабылдап алдым. Кейін ауданға Сағындық Назаров деген кісі келді. Ол Төретамда телестудиясында кореспондент болып жұмыс істейді екен. Бізге 6 айға жұмысқа келген. Сол кісіден көп нәрсе үйреніп, әрі қарай аяққа тұрып кеттім. Көптеген жерлерге шақыртумен баратынбыз. Ұмытпасам 1969 жылдан бастап осы саладан қол үзгенім жоқ. Қазір жеке кәсібім болған «Ерлан» фотосалоны әлі күнге халыққа қызмет көрсетіп келеді. Жақында жаңа ғимаратқа көштік. Бірақ осыдан кейін толық өз жұмысымды аяқтап, кәсібімді балам мен келініме тапсырып, бір сөзбен айтқанда демалысқа шығып жатқан жайым бар», &nbsp;деді ағамыз.Фотограф болу сырт көзге жеңіл жұмыс көрінгенімен, оның да өзіндік қыр-сыры бар. Оны кейіпкерімізбен сырла су барысында көзбен көріп, іштей ұғындық.

Қармақшылық кәсіпкер кәсібін жандандырды

<a href="https://kyzylorda-news.kz/">Kyzylorda-news.kz.</a> Арал ауданы әкімдігінде темір жол арқылы өтетін көпірдің құрылысын сапалы ұйымдастыру жөніндегі техникалық мәжілістің отырысы өтті. Оған аудандағы коммуналдық қызмет, дербес бөлім басшылары мен жоба жетекшілері, мердігер мекеме өкілдері қатысты.Жиында алдымен сөз алған аудан әкімі Серік Сермағамбетов тұрғындар үшін маңызды мәселеге айналған темір жол үстінен өтетін көпір құрылысын сапалы жүргізу мен уақытылы орындау басты талап екендігін айтты.<blockquote>Басқосуда сөз алған мердігер мекеме «Ритм» ЖШС-нің өкілі Евгений Усатов көпір құрылысына қажетті техникалардың Арал қаласына жеткізілгендігін баяндады. «Қазіргі таңда құрылысқа керек материалдар жеткізілу үстінде. Қажетті мамандар да жеткілікті. Бірер күннен соң алғашықы жұмыстарды «Жылқыаман Батыр» көшесі беткейінен басталатын болады» - деді жоба басшысы.</blockquote>Аудан әкімі құрылыс жұмыстарының тоқтаусыз жүруі үшін коммуналдық қызметтің басшылары мердігер мекемемен бірлесе отырып, жүйелі жұмыс жүргізуді тапсырды.<blockquote>«Көпір құрылысының сапалы жүргізілуі – бәрімізге ортақ міндет. Құрылыс жұмыстары белгіленген кестеге сай жүруі тиіс. Оған ел азаматтары бір кісідей жұмыла, жанашырлықпен қарауымыз керек. Сондай-ақ құрылыс кезінде күнделікті тыныс-тіршілікті қамтамасыз ететін коммуналдық қызметтің үздіксіз жұмыс жасауын ұдайы бақылауда ұстау қажет» - деді аудан әкімі.</blockquote>Жиын соңында аудан басшысы темір жол арқылы өтетін көпірдің құрылысына «Жұмыспен қамту орталығы» арқылы жергілікті азаматарды көптеп тарту қажеттігін тапсырды.<figure class="image"><img src="https://knadmin.beoblood.kz/uploads/338574054_1695562547527854_7034917915448062898_n_e6d78b241c.jpg" alt="338574054_1695562547527854_7034917915448062898_n.jpg"></figure>&nbsp;<figure class="image"><img src="https://knadmin.beoblood.kz/uploads/338360444_3474910792766498_5523773270731396611_n_2152f0bffa.jpg" alt="338360444_3474910792766498_5523773270731396611_n.jpg"></figure>

Серік Сермағамбетов: Көпір құрылысының сапалы жүргізілуі – бәрімізге ортақ міндет

<a href="https://kyzylorda-news.kz/">Kyzylorda-news.kz.</a>&nbsp; Арал ауданында Қазақстан Республикасының Президент әкімшілігінің мемлекеттік инспекторы Әлимұхаммед Құттымұратұлы жұмыс сапарымен болды. Іс-сапар барысында аудандағы атқарылып жатқан жұмыстармен танысып, жүзеге асу үстіндегі жаңа жобаларды көрді.&nbsp;Аудан әкімі Серік Сермағамбетов «Көкарал бөгетін сақтап қалу және Сырдария өзенінің атырауын қалпына келтіру» жобасы бойынша атқарылып жатқан жұмыстармен таныстырды. Онда аудан әкімі Мемлекет басшысының тапсырмасына сай Кіші Аралды сақтап қалу бойынша шұғыл шаралар қабылданғандығын, тиісінше «Көкарал бөгетін сақтап қалу және Сырдария өзенінің атырауын қалпына келтіру» жобасының өткен жылы бастау алғандығын айтты.&nbsp;Айта кетейік, жобаны бастауға былтыр 500 млн.теңге бөлінсе, биылға 1 млрд. 200млн. теңге қаралды. Соған сәйкес Тұщы, Сарытерең, Қарашалаң-1, Қарашалаң-2 каналдарына механикалық тазарту жұмыстарын жүргізу қолға алынған. Осыған орай, Бөген ауылдық округінде орналасқан «Сарытерең» каналын қазу өткен жылы басталып, бүгінде аталған жұмыстар аяқталды. Нәтижесінде 1500 гектардан аса шабындық аумақты суландыруға және теңіз суының тұщылану аумағының ұлғаюына септігін тигізбек.&nbsp;Әлимұхаммед Құттымұратұлының жұмыс сапары Көкарал бөгетінде жалғасты. Онда аудан әкімі соңғы 3 айдан аса уақыт ішінде теңізге 1 млрд. текше метрден аса су түскендігін жеткізді. Сондай-ақ аудандағы көлдер мен көлдер жүйесінің барлығы өз көлемінде толтырылғандығын айтты.&nbsp;Мұнан соң, аудан әкімі Президент әкімшілігінің мемлекеттік инспекторын «Ақлақ» су тоспасының жұмысымен таныстырды. 2003 жылы салынған гидро нысанға өткен жылы жөндеу жұмыстары жүргізілген. Бірнеше айға созылған құрылыс нәтижесінде бөгетке төнген қауіп толығымен сейілді. Бүгінгі таңда «Ақлақтан» Кіші Арал теңізіне қарай секундына 213 текше метр су түсуде.Қазақстан Республикасының Президент әкімшілігінің мемлекеттік инспекторы Әлимұхаммед Құттымұратұлы Арал ауданында басталған жаңа жобалармен танысты.&nbsp;Жыл басы Арал ауданы үшін жағымды жаңалықтармен басталды. Өңірде ұзақ жылдар бойы өзекті болып келген темір жол өткелі мәселесі шешіліп, тиісті қаражат республикалық бюджеттен бөлінген болатын. Аталған құрылыс жұмыстары барысымен аудан әкімі Серік Сермағамбетов таныстырды.&nbsp;Айта кетейік, көпірдің жалпы ұзындығы 940 метрді құрайды. Оған қоса жаяу жүргіншілер жолы да қарастырылған. Жобаның құны 3,2 млрд. теңгені құрайды. Құрылыс жұмыстары келесі жылы толығымен аяқталмақ.&nbsp;Мұнан соң, мемлекеттік инспектор «Арал сода» ЖШС-нің «Кальцийленген сода шығару зауытын салу» жобасымен танысты. Жобаның жалпы құны 146,4 млрд. теңгені құрайды. Жоба индустрияландыру бағдарламасы аясында жүзеге асуда. Нысан іске қосылғанда өңірдегі 700-ге жуық тұрғынды жұмыспен қамтуға мүмкіндік туады.&nbsp;Аудан әкімі Серік Сермағамбетов Мемлекеттік инспектор Әлимұхаммед Құттымұратұлын «Балықшылар аллеясын қайта жаңғырту» барысымен таныстырды. Аталған нысан 2022 жылы басталып, бөлінген қаржыға «Балықшылар монументі», су бұрқақ, балықшылар тақтасы жасалынған. Ал, биыл жаяу жүргіншілер жолы мен түнгі жарық шамдар қойылып, шамшырақ(маяк) орнатылатын болады. Тиісінше бұл жер Аралдықтардың серуендеп, демалатын орталығына айналмақ.&nbsp;Теңізді өлкеде атқарылып жатқан ілкімді істерге Әлимұхаммед Құттымұратұлы оң бағасын беріп, жүзеге асып жатқан жобаларға сәттілік тіледі.<figure class="image"><img src="https://knadmin.beoblood.kz/uploads/338182639_526980919383251_4640102257421911739_n_35cd1ec4a8.jpg" alt="338182639_526980919383251_4640102257421911739_n.jpg"></figure>&nbsp;<figure class="image"><img src="https://knadmin.beoblood.kz/uploads/338531496_1393667114741290_1237152786363588594_n_962d308d2a.jpg" alt="338531496_1393667114741290_1237152786363588594_n.jpg"></figure>&nbsp;<figure class="image"><img src="https://knadmin.beoblood.kz/uploads/338219127_228984276283008_781223968472136974_n_f66a214e3f.jpg" alt="338219127_228984276283008_781223968472136974_n.jpg"></figure>&nbsp;<figure class="image"><img src="https://knadmin.beoblood.kz/uploads/338237874_549761707147838_737159765676049037_n_fe797e0404.jpg" alt="338237874_549761707147838_737159765676049037_n.jpg"></figure>&nbsp;<figure class="image"><img src="https://knadmin.beoblood.kz/uploads/338237946_743099240862238_3580018890038700954_n_a88fbb8e3a.jpg" alt="338237946_743099240862238_3580018890038700954_n.jpg"></figure>&nbsp;<figure class="image"><img src="https://knadmin.beoblood.kz/uploads/337883749_3429778187306561_6790015071871179020_n_a8f0389c4d.jpg" alt="337883749_3429778187306561_6790015071871179020_n.jpg"></figure>

Арал ауданында жаңа жобалар басталды

<a href="https://kyzylorda-news.kz/">Kyzylorda-news.kz.</a> «Жол қадірін жүрген білер». Иә, қазіргідей өркениетке ұмтылған кезеңде жолдың сапалы болуы әрбір тұрғын үшін маңызды. Көше асфальттанып, оның бойы жарықтандырылса, халыққа қолайлысы да сол. Сондықтан жыл сайын жолды жөндеуге мемлекеттік қаржыдан тиісті қаражат бөлініп, барлығы жоспар бойынша кезектілігімен іске асуда.Аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің мәліметінше, аудандық маңызы бар автомобиль жолдарының жалпы ұзындығы – 107,5 шақырым. Өткен жылдың нәтижесімен оның жақсы және қанағаттанарлық жағдайы 98 пайызға жеткен. Ал елді мекендердің ішкі көше жолдарының жалпы ұзындығы 228 шақырымды құрайды. Оның 59 пайызы жақсы және қанағаттанарлық жағдайда. Яғни, 135 шақырымы асфальтталған. Қалған 93 шақырымы қиыршық тас пен құмды аралас жолдан құралған, яғни 40,8 пайызы қанағаттанарлықсыз болып табылады.Өткен жылы автомобиль жолдарын жөндеу бойынша 1,3 млрд теңге қаржы бөлініп, 23 жоба бойынша жұмыс жүргізілген. Оның 15 жобасы толық аяқталса, 7 жоба биылға өтпелі. Ал 1 жобаның жұмысы тоқтауына орай мердігер мекемеге міндеттеу бойыша сотқа талап-арыз беріліп, іс сотта қаралуда. Жалпы, былтыр кент және ауылішілік жолдар бойынша 20,8 шақырым, аудандық маңызы бар автомобиль жолдары бойынша 6,8 шақырым автомобиль жолдары орташа жөндеуден өткізілген. Нәтижесінде, осы көрсеткіш бойынша аудан облыста алдыңғы қатарда.Биыл да жол жөндеу үшін бірқатар жобалар жүзеге асады. Атап айтқанда, осы жылы елді мекендердің ішкі көшелерін және аудандық маңызы бар автомобиль жолдарын жөндеу бойынша 21 жоба қаралған. Оған тиісті қаржы көздерінен 942,2 млн теңге бөлініп отыр. Оның 11 жобасы «Ауыл – ел бесігі» бағдарламасымен іске асатын болса, қалған 10 жобасына облыстық бюджеттен қаржы қаралған.<blockquote>«Биыл аудан бойынша автомобиль жолдарына барлығы 27,6 шақырым асфальт жабындылары төселіп, орташа жөндеу жұмыстары жүргізілетін болады. Сонымен қатар осы жылы қосымша Іңкәрдария елді мекенінен 2 көше, Тереңөзек кентіндегі бұрынғы О.Мәлібаев аумақтарындағы 3 көшені орташа жөндеу жоспарлануда. Бүгінгі күні аудандық тұрғын үй коммуналдық шаруашылығы, жолаушылар көлігі және автомобиль жолдары бөлімі тарапынан аталған көшелер бойынша мердігер мекемені анықтау мақсатында мемлекеттік сатып алу жұмыстары жүргізілуде», – дейді аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Нұржан Бисембаев.</blockquote>Жоғарыда аталған 21 жоба ішінде Тереңөзек кенті бойынша Қ.Бөдеев, О.Мәлібаев, Д.Қонаев, Ә.Тоқмағамбетов, Ә.Тәжібаев, А.Әлиакбаров, Б.Момышұлы көшелерінің орташа жөндеу жұмыстары бар. Сондай-ақ Қалжан ахун ауылындағы Қайқы батыр, Шіркейлідегі Қ.Қожамжаров пен Бейбітшілік, Аманкелді елді мекеніндегі Жанкина, Жалмурзаева, Ағайдаров, Баймағамбетов, Қалымбетов, Айдарлы ауылындағы Қ.Сәтбаев, Жиренов, Жармахан, Жетікөлдегі Рахменше, Сахабаев, Көзейбаев, Бесарық ауылындағы М.Әуезов және С.Сейфуллин елді мекеніндегі көшелер де орташа жөндеуден өткізіледі. Оған қоса, биыл аудандық маңызы бар «Қызылорда-Қоғалыкөл-Шіркейлі» автожолының 5 шақырымы мен «Қызылорда-Жалағаш-Тереңөзек автожолының 0,8 шақырымы жөнделетін болады.Бұдан бөлек, тиісті бөліммен Тереңөзек кенті мен елді мекендердің 29 көшесінің орташа жөндеу жұмыстарына жобалық сметалық құжаттама дайындалған. Аталған жобаларды қаржыландыру мақсатында 840,3 млн теңгеге бюджеттік өтінім өткізілген. Бұл жобалар да қаржылық қолдау тапса, жолдар орташа жөндеуден өтеді. Нәтижесінде, аудандағы жолдар сапасы жақсаратыны сөзсіз.&nbsp;

Сырдария: Елді мекендердің 135 шақырым жолы асфальтталды

<a href="https://kyzylorda-news.kz/">Kyzylorda-news.kz.</a>&nbsp;Кәсіпкерлік саласы мен ауыл шаруашылығы саласы етене жақын. Қазіргі күні ауыл шаруашылығын дамыту бағытындағы кәсіп түрлеріне деген халықтың қызығушылығы жоғары. Ондай кәсіп түрлері мемлекет тарапына да қолдауға ие. Ауданда жылыжай шаруашылығы дамып келеді. Саралап қарасақ, бұл шаруашылық өміршең кәсіп түрі ретінде айы оңынан туып тұр. Ал біздің өңір тұрғындарының жылыжай шаруашылығын дамытуы көңілге қуаныш ұялатады. Біз тап осы жылыжай туралы бекер сөз қозғап отырған жоқпыз. Себебі Сексеуіл кентінің тұрғыны Ахметжан Боханов кенттен жылыжай құрылысын бастады.&nbsp;Ауыл шаруашылығы өнімдерін өндіру өз кезегінде азық-түлік бағасының тұрақтауына әкеліп соғады. Бұл импортқа тәуелділікті азайтады. Облыс әкімі Н.Нәлібаев та &nbsp;азық-түлікпен өз-өзімізді қамтамасыз етуіміз керектігін айтып, саланы дамытуды әркез назарға алып отырады. &nbsp;Осы ретте Сексеуіл кентінің тұрғыны, жеке кәсіпкер Ахметжан Боханов 240 шаршы метрді құрайтын жылыжайдың құрылыс жұмыстарын бастап кетті.&nbsp;<blockquote>Жылыжай салуды бұрыннан жоспарлап жүрдім. Оны жан-жақты зерттеп көрдім. Ақырында таптырмас табыс көзі екендігіне көзім жетті. Сосын өзімнің кәсібіме неге айналдырмасқа деген ой келді. «Атамекен» кәсіпкерлер палатасында оқу курсынан өтіп, сертификат алдым. Бизнес жоспар дайындадым. Осылай биылғы жылдың басында қайтарымсыз гранттық қаражат алуға өз жобамды ұсындым. Сәтін салып жылыжай саламын деген арманымды жүзеге асыру үшін маған мүмкіндік туып, грант жеңіп алдым, – дейді кәсіпкер. &nbsp;</blockquote>Қазіргі таңда өз ауласынан жылыжай құрылысын салып біткен. Енді өнім өсіруге дайындық жұмыстары басталып кеткендігін айтқан кәсіпкер негізінен жылыжайдың негізгі бағыты – көкөніс өсіру екендігін айтты. Соның ішінде голландиялық қияр тұқымының Авелла F1, Лоджейн F1, Северин және Туми F1 сорттарын егу.<blockquote>Бұл – біздің ең алғашқы бастамамыз. Егер сәтін салып оң нәтижеге қол жеткізіп жатсам, тағы да басқа өнім түрлерін өсіріп көрмекпін. Жылыжай құрылысын аса ыждағаттылықпен жасадық. Барынша қателік жібермеуге тырыстық. Біздің өңірдің табиғаты бау-бақшаға қолайсыз болса да жылыжай жер талғамайтын кәсіп түрі болған соң мұнда қыс, жаз демей өнім алуға мүмкіндік бар, – дейді Ахметжан.</blockquote>Кәсіпкерлікке ден қойып, жылыжай ісін қолға алған кәсіпкер жары Қарлығаш екеуі көпбалалы отбасы. Жылыжай жұмысының тасы өрге домалап, өнім молайса, бес баланың ырзық-несібесі арта түспек.&nbsp;<blockquote>Бұған дейін отбасын бағу үшін әртүрлі жұмыстар істеп, нәпақа тауып жүрдік. Ал енді қазір өзім кәсіпкерге айналдым. Бір түсінгенім, қазір еңбек етемін деген адамға қай жерде де несібе бұйырады екен. Мемлекеттің осындай қолдауы болғаны үшін қуаныштымын,– дейді ол.&nbsp;</blockquote>Расында қазір аудан халқының көбі кәсіпкерлікке ден қойып, өз қызығушылықтарынан туған дүниелерді кәсібіне айналдыруда. Сол арқылы халық қажетін өтеп, өздері де тәуір табыс тауып отыр. Ахметжан Бохановтың да жылыжайы жемісті болса қияр сортын сырттан тасымай, Сексеуілдің қиярын тұтынатын боламыз.

Қазақстан және Қызылорда облысының жаңалықтары: Экономика