<a href="https://kyzylorda-news.kz/">Kyzylorda-news.kz.</a>&nbsp;Сәуірде тұтыну бағаларының индексі айлық мәнде 0,9% құрады, тиісінше көрсеткіш наурыз деңгейінде сақталды. Индекс құрылымында азық-түлікке жатпайтын тауарлардың бағасы 1,3%-ға, азық-түлік тауарлары – 0,9%-ға, ақылы қызметтер – 0,4%-ға өсті.Азық-түлікке жатпайтын тауарлардың ішінде сәуірде бағаның ең жоғары өсімі дизель отынына – 16,1%, бензинге – 9,7% болды. Наурыз айымен салыстырғанда жуу және тазалау құралдары 1,4%, жеке гигиена құралдары 1,1%, ыдыс-аяқ 1%, тұрмыстық техника 0,9% өсті.Азық-түлік тауарлары арасында жеміс пен көкөніс бағасы едәуір өскен, сәуірде қырыққабат 4,7%, қызанақ 4,1%, жүзім 3%, алма 2,6%, алмұрт 2,4% қымбаттаған. Бағаның өсуі күрішке – 2,7%, салқындатылған сусындарға – 2,5%, рожкилерге, ультрапастерленген сүтке – әрқайсысы 2,4%-дан, салқындатылған балыққа – 2,2%, пастерленген сүт, макарон өнімдеріне – әрқайсысы 2,1%-дан байқалды. Бұл ретте қияр – 11,4%, қарақұмық жармасы – 3,7%, күнбағыс майы 2,6%-ға арзандады.Қызмет көрсету бойынша бағалардың өсуі жолаушылар әуе көлігінде байқалды, бір айдың ішінде ұшу қызметі 17,7% қымбаттады. Бағаның жоғарылауы шаштараз бен сұлулық салондарында – 1,5%, жерлеуге байланысты салт-жора жасау қызметтерінде – 1% тіркелді. Санаторий қызметтері – 1,1%, денсаулық сақтау қызметтері 0,9% қымбаттаған.Өңірлер арасында ең жоғары айлық инфляция Абай және Ұлытау облыстарында – әрқайсысында 1,4%-дан (орташа республикалық деңгейден 0,5 п.т. жоғары), ең төменгі Астана қаласында тіркелді – 0,5%.Өңірлер бойынша азық-түлік тауарлары бағасының ең жоғары өсімі Батыс Қазақстан облысында – 1,8%, азық-түлікке жатпайтын тауарлар бойынша Алматы облысында – 3%, ақылы қызметтерде Түркістан облысында – 2,3%.<img class="image_resized" style="width:auto;" src="https://new.stat.gov.kz/upload/medialibrary/eb5/93fligcbwh4ai4oc2al21kfua33ruy8a/1.PNG" alt="1.PNG"> &nbsp;Жылдық мәнде инфляция деңгейі қатарынан екінші ай баялауп келеді: 2023 жылғы сәуірде – 16,8%, 2023 ж. наурызда – 18,1%, 2023 ж. ақпанда – 21,3%. Жылдық мәнде азық-түлік тауарларының бағасы 17,9%, азық-түлікке жатпайтын тауарлар 18,2%, ақылы қызметтер 13,7% өсті.&nbsp;2022 жылғы сәуірмен салыстырғанда кеңсе тауарлары – 68,5%, кір сабын – 59,3%, шақпақ қант – 51,7%, ыдысты жууға арналған құралдар – 51,6%, қиярлар – 50,9%, балалар сабыны – 49,6%, күріш – 43,9%, кір жуу ұнтағы – 43%, дәретхана қағазы 42,7%-ға қымбаттады. Жылдық мәнде, керісінше, қырыққабат – 53,4%, сәбіз 19,2% арзандады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;<blockquote>«Инфляция деңгейін сипаттайтын тұтыну бағалары индексінің көрсеткіші ай сайын есептеледі. Тұтыну бағаларының индексін есептеу кезінде пайдаланылатын тауарлар мен қызметтер себеті 508 тауар мен қызметтен тұрады, мұнда 160 – азық-түлік тауарлары, 243 – азық-түлікке жатпайтын тауарлар және 105 – ақылы қызметтер. Бағаларды тіркеу барлық облыс орталығында, астанада және қалалар мен аудан орталықтарында әртүрлі меншік нысанындағы сауда және қызмет көрсету кәсіпорындарының іріктемелі желісі бойынша жүргізіледі», – деп түсіндіреді Бюроның баға статистикасы департаментінің директоры Қуанышбек Жақыпбекұлы.</blockquote>&nbsp;*2023 жылғы қаңтардан бастап, тұтыну бағаларының индексін есептегенде азық–түлік тауарларының үлесі – 41,8%, азық-түлікке жатпайтын тауарлар – 29,6%, ақылы қызметтер 28,6% құрады. &nbsp;

Жылдық инфляция 16,8%-ға дейін төмендеді

<a href="https://kyzylorda-news.kz/">Kyzylorda-news.kz.</a>&nbsp; Өткен аптада аудан әкімдігінде аудандық мәслихаттың кезектен тыс екінші сессиясы өтті. Жаңа депутаттық құрам сессия отырысында 2022 жылға арналған Арал ауданы бюджетінің атқарылуы жөніндегі жылдық есепті бекіту туралы мәселені қарады.Аталған мәселеге байланысты алдымен аудан әкімінің орынбасары Е.Әбішев, Қызылорда облысы бойынша тексеру комиссиясының мүшесі М.Сатлабаев, аудандық мәслихаттың депутаты, тұрақты комиссия төрағасы А.Сауяев баяндама жасаса, одан кейін 2022 жылға арналған Арал қаласы бюджетінің атқарылуы жөнінде Арал қаласының әкімі Е.Талекенов хабарлады.Мұнан бөлек 2022 жылға арналған бюджетінің атқарылуы жөнінде ауданға қарасты Сексеуіл, Жақсықылыш кенттері мен Аралқұм, Аманөткел, Атанши, Ақирек, Аққұм, Беларан, Бекбауыл, Бөген, Жетес би, Жіңішкеқұм, Сапақ, Райым, Мергенсай, Қамыстыбас, Қарақұм, Қосаман, Қосжар ауылдық округтерінің әкімдері мен Жаңақұрылыс, Сазды, Қаратерең, Құланды ауылдық округі әкімінің міндетін атқарушылар баяндады.Одан бөлек «Арал ауданы әкімдігі жанындағы терроризмге қарсы аудандық комиссияның құрамын бекіту туралы» Арал аудандық мәслихатының &nbsp;2019 жылғы 18 ақпандағы №225 шешіміне өзгерістер енгізу, Арал ауданы әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның, аудан әкімі жанындағы үкіметтік емес ұйымдармен өзара іс-қимыл және әріптестік жөніндегі аудандық кеңестің құрамын бекіту, «Арал ауданы әкімдігінің дербес құрамын келісу туралы» Арал аудандық мәслихатының &nbsp;2021 жылғы 22 шілдедегі №89 шешіміне өзгерістер енгізу туралы аудан әкімінің орынбасары К.Бержановтың, «Әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау Қағидаларын бекіту туралы» Арал аудандық мәслихатының 2021 жылғы 12 ақпандағы №13 шешіміне өзгеріс енгізу жайында аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Ғ.Тоғысованың, аудандық жер комиссиясының құрамын қалыптастыру және ережесін &nbsp;әзірлеу туралы аудандық ауыл шаруашылығы мен жер қатынастары бөлімінің басшысы Ж.Жұбановтың хабарламалары тыңдалса, Арал ауданы бойынша халық үшін тұрмыстық қатты қалдықтарды жинауға, тасымалдауға, сұрыптауға және көмуге арналған тарифтерді бекіту &nbsp;туралы аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Ш.Есжанов пен «Арал аудандық (аумақтық) сайлау комиссиясын сайлау туралы» аудандық мәслихатының 2019 жылғы 9 қаңтардағы №216 шешіміне толықтыру енгізу жайында аудандық мәслихаттың төрағасы Б.Турахметов сөз сөйледі. Сонымен қоса Б.Турахметов Арал аудандық мәслихатының 2023 жылға арналған жұмыс жоспарын бекіту, аудандық мәслихатының 2018 жылғы 13 наурыздағы «Арал аудандық мәслихат аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін жыл сайынғы бағалаудың әдістемесін бекіту туралы» №139 шешімінің күші жойылды деп тану, аудандық мәслихатының 2018 жылғы 13 наурыздағы «Арал аудандық мәслихат аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін жыл сайынғы бағалаудың әдістемесін бекіту туралы» №139 &nbsp;шешіміне өзгерістер енгізу туралы Арал аудандық мәслихатының 2022 жылғы 28 қыркүйектегі №307 шешімін жою мәселелері жайында сөз қозғады.Күн тәртібіндегі мәселелерді тыңдап, ортаға салған халық қалаулылары «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 7-бабының &nbsp;1-тармағына және 19-бабына &nbsp;сәйкес оң шешім қабылдады.

Арал: Мәслихаттың екінші сессиясында бюджет мәселесі қаралды

Аудан экономикасының даму әлеуеті жоғары

<a href="https://kyzylorda-news.kz/">Kyzylorda-news.kz.</a>&nbsp; Бұл тұралы Үкімет отырысында ҚР Индустрия және инфрақұрылымдық даму министрі Марат Қарабаев баяндады.ҚР Премьер-Министрі Әлихан Смайыловтың төрағалығымен өткен жиында қалалар мен ауылдық елді мекендерді сумен жабдықтау, орта мерзімді кезеңге арналған азық-түлік қауіпсіздігін қамтамасыз ету жоспарын іске асыру мәселелері қаралды.Ведомство басшысының айтуынша, қалалық елді мекендерді сумен қамту бойынша Қызылорда облысы 100% көрсеткішке қол жеткізген. Үздіктер қатарында Солтүстік Қазақстан, Маңғыстау, Атырау, Жетісу, Батыс Қазақстан, Ұлытау, Ақтөбе және Алматы облыстары бар. Сонымен қатар Қызылорда облысы ауылдық елді мекендерді ауыз сумен қамту бойынша 98,1% көрсеткішпен аймақтар арасында 5-ші орынға тұрақтаған.Үкімет отырысынан соң облыс әкімі Нұрлыбек Нәлібаев Премьер-Министр берген тапсырмаларды пысықтау мақсатында жиын өткізді. Аймақ басшысы Үкімет 2025 жылдың соңына дейін елді мекендерді 100 пайыз ауызсумен қамтамасыз ету міндетін қойғанын айтып, ауызсу жеткізілмеген ауылдарда тиісті жұмысты тез арада бастауды тапсырды.<blockquote>«Бүгінгі күні облыстағы 230 ауылдық елді мекеннің 198-і немесе тұрғындардың 98,1 пайызы орталықтандырылған су жүйесіне қосылған. Дегенмен, Арал, Қазалы, Қармақшы және Шиелі аудандарында барлығы 32 ауылдық елді мекенде ішкі су құбыры салынбаған. Бұл ауылдар тасымал арқылы немесе тікелей скважинадан ауызсу пайдалануда. Біз белгіленген уақыт – 2025 жылды күтпеуіміз керек. Ішкі су жүйелерін салу жоспарланған барлық елді мекендердің жобалау құжаттарын биыл аяқтау қажет», – деді Нұрлыбек Машбекұлы.</blockquote>Күн тәртібіндегі екінші мәселе – Қазақстан Республикасының азық-түлік қауіпсіздігін қамтамасыз етудің 2022 – 2024 жылдарға арналған жоспарының Сыр өңірінде іске асырылу барысы. Облыс әкімі аймақтың өнім өңдіру әлеуеті жоғары екенін, егін шаруашылығын әртараптандаруға бетбұрыс жасау қажеттігін атап өтті. Осыған орай, Қызылорда қаласы және аудан әкімдеріне көктемгі егін егу кезеңінде майлы, көкөніс, бақша, жем-шөп дақылдарының алқаптарын ұлғайту тапсырылды. Әртараптандыру арқылы азық-түлік түрлері мен өндірісін кеңейтіп, жергілікті ауыл шаруашылығы тауарөндірушілеріне «Байқоңыр» ӘКК» АҚ-мен бірлесіп, қаржылық заем беру керек. Сонымен қатар тиісті басшыларға көкөніс өнімдерін өндіріп, тұрақтандыру қорына өткізу жұмыстарын ұйымдастыру жүктелді.Мұнан бөлек, облыс диқандары өндірген өнімдерді сақтайтын қоймалардың қуаттылығын ұлғайту үшін оларды әр ауданда қажеттілікке қарай салу керек. Жиында ауыл шаруашылығы кешеніндегі инвестициялық салымдардың көлемін ұлғайту мақсатында азық-түлік өндірісіне инвесторлар тарту шараларын қабылдау міндеттелді. Сонымен қатар, облыстық кәсіпкерлік және өнеркәсіп басқармасына Қызылорда қаласындағы ет комбинаты, Жаңақорған мен Қармақшы аудандарындағы құс фабрикасы құрылыстарын 2023 жылдың соңына дейін аяқтау жөнінде тапсырма берілді.

Қызылорда облысы сумен қамту көрсеткіші бойынша республикада алдыңғы қатарда

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданы бойынша &nbsp;көктемгі егін жұмыстарына дайындық барысы туралы аудандық ауыл шаруашылығы және жер қатынастары бөлімінің басшысы Нұрбол Жұмабеков әңгімелейді.– Нұрбол Баянәліұлы, биылғы жылы көктемгі егіс науқанына дайындық барысы қалай ұйымдастырылуда. Сырдариялықтар өткен жылы егіс көлемін азайтқаны белгілі. Биыл егіс көлемі артады ма?– Иә, өткен жылы су тапшылығына байланысты ауыл шаруашылығы дақылдарын орналастыру 33098 гектарға жүргізілсе, биыл аудан бойынша жалпы 33919 гектарға, яғни 752 га артық жерге ауыл шаруашылығы дақылдарын орналастыру межеленіп отыр.&nbsp; Оның ішінде: негізгі дақыл күріш 21885 гектар (2022 ж – 20728 га, 1157 га артық), жаздық бидай 1681 гектар (2022 ж – 2119 га, 438 га кем), &nbsp;мақсары 250 гектар (2022 ж – 359 га, 109 га кем), сүрлемдік жүгері 80 гектар (2022 ж – 42 га, 38 га артық), жаңа жоңышқа 1828 гектар (2022 ж – 2113 га, 285 га кем), картоп, көкөніс бақша барлығы – 1124 гектар, (картоп 477 гектар (2022 ж – 398 га, 79 га артық), көкөніс 232 гектар (2022 ж – 209 га, 23 га артық), бақша 415 гектар (2022 ж – 412 га, 3 га артық), ескі жоңышқа 7071 гектарды (2022 ж – 6696 га, 375 га артық) &nbsp;құрап отыр.&nbsp; Бүгінгі күні ауыл шаруашылығы құрылымдарында жалпы –3706 гектар ақ егіс егілді. Оның ішінде 180 га мақсары, 1683 га жаздық бидай, 15 га арпа, 1828га жаңа жоңышқа &nbsp;орналастырылды. Сондай-ақ, негізгі дақыл күріштің 7537 гектары егіліп, 5285 гектары суға бастырылды. Биылғы жылдың күріш егісіне қажетті 10010 тонна минералдық тыңайтқыштар толық &nbsp;сатып алынды. Оның ішінде аммоний сульфаты 5913 тонна, карбамид 2483 тонна, аммофос 1279 тонна, басқада түрлерінен 335 тонна. Ауыл шаруашылығы құрылымдарының сұранысы бойынша арамшөптерге қарсы қолданатын гербицидтердің барлық қажетті көлемі 16500 литрді құрап отыр. 2023 жылы мемлекеттік жер қорларынан 1800 гектар, шаруашылық құрылымдары жерлерінен 1000 гектар жер саяқ шегіртке дернәсілдеріне қарсы өңдеу жұмыстары болжанып отыр.– Дала жұмыстарына қатысатын техникалардың жай-күйі қандай? Қажетті дизель отынының қоры жеткілікті ме?– Көктемгі дала жұмыстарына жүргізуге барлығы – 758 дана, оның ішінде 360 трактор, 201 трактор тіркемесі, 87 соқа, 47 дән сепкіш, 63 жүк көліктері – ауыл шаруашылығы техникалары қатысуда. Көктемгі егіс және дала жұмыстарын жүргізу үшін қажетті дизель отыны 2879 тоннаның 1700 тоннасы (әр литрі 212 теңге «Жібек жолы ЛТД» ЖШС) шаруашылық құрылымдарына жеткізілді. Наурыз айы – 1294 тонна, &nbsp; сәуір айы – 1236 тонна, мамыр айы – 349 тонна.– Егіске келетін су жолдары, яғни каналдардың жай-күйі қандай?– Қашыртқылар, каналдарды тазалау, гидротехникалық құрылыстарды жөндеу жұмыстары бойынша шаруашылықаралық каналдардың 141740 текшеметр, (100,0%) ішкі су жолдарының 188500 текшеметр (100,0 %) топырақ шығарылып, 15 дана (100,0%) гидробекеттері, 35 дана (100,0%) су тартатын қондырғылары жөнделді. Бүгінгі күнге «Шіркейлі» каналымен 52,0 текше метр, «Айтек» каналымен 19,0 текше метр, Елтай каналымен 2,7 текше метр, Соркөл каналымен 0,5 текше метр &nbsp;егіске су жіберілуде.&nbsp; Шаруашылық құрылымдарында – 35 дана, «Қазсушар» РМК Қызылорда филиалында – 13 дана, ауылдық округтерде – 30 дана, аудан бойынша барлығы – 78 дана насос қондырғыларын каналдар мен қашыртқылар бойына орналастырып, егіске су алынатын болады. 2023 жылы елді мекендерді экологиялық аяқ сумен қамтамасыз ету мақсатында «А.Тоқмағанбетов а/о орналасқан «Қашыртқы» (3,8 км), Аманкелді а/о орналасқан «Хозцентр» (2,2 км), Жетікөл а/о орналасқан «Жыңғылдыкөл» (6,5 км) &nbsp;каналдарын механикалық тазалау жұмыстарын жүргізу жоспарлануда.&nbsp;2023 жылы 6 каналға ЖСҚ әзірлеу үшін облыстық бюджеттен &nbsp; &nbsp;8,3 млн. теңге және елді мекендерді аяқ сумен қамтамасыз ету мақсатында 4 дана насос қондырғыларын алу үшін облыстық бюджеттен 52,0 млн. теңге қаржы бөлінді. Нақты айтқанда Тереңөзек кенті «Айтбай арық» каналы – 1,2 млн теңге, С.Сейфуллин ауылдық округі «Құрымбек» каналы – 0,5 млн теңге, Шаған ауылдық округі «Жиделі арық» каналы –2,6 млн теңге, Аманкелді ауылдық округі «Баржық» каналы –1,6 млн теңге, Ақжарма ауылдық округі «Ақжарма», «Дәулет-арық» каналдары &nbsp;–2,4 млн теңге. Көктемгі егін орналастыруға дайындық жұмыстары толығымен бақылауға алынып, қадағалануда.– Аудан тұрғындары егін егуге жер бөлу туралы ұсыныс айтқан болатын. Бұл мәселе қалай шешімін тапты, биыл жер бөлінді ме?– Азық-түлік қауіпсіздігін қамтамасыз ету мақсатында тұрғындардың өзін-өзі әлеуметтік маңызы бар картоп, көкөніс, бақша өнімдерімен қамтамасыз ету мақсатында 2022 жылы 210 гектар қосымша жер ашылып берілсе, биылғы жылы 105 гектар қосымша жер ашылып, барлығы – 315 гектарға жер ашу жоспарлануда. Бүгінгі күні 315 гектар жер анықталып, 178 гектар жер дайындалды. Кент және ауылдық округтер бойынша бүгінгі күні 799 адам егін егуге ынталы болып отыр. Алайда бүгінгі күнге бекітілген жоспардан Ақжарма ауылдық округі 10 гектарға, Тереңөзек кенті 9 гектарға, С.Сейфуллин ауылдық округі 6 гектарға аз ұсынып отыр.&nbsp; Бұл өз кезегінде облыс әкімдігінің егіс көлемін 50 пайызға ұлғайту жөнінде берген тапсырмасын орындауға кері әсерін тигізеді. Осы орайда, кент және ауылдық округ әкімдеріне тұрғындарды &nbsp; &nbsp; &nbsp; өзін-өзі әлеуметтік маңызы бар картоп, көкөніс, бақша өнімдерімен қамтамасыз ету үшін демеушілерді немесе елді мекендегі шаруашылықтарды қарастыра отырып жаңадан ашылатын жер көлемін &nbsp; 50 пайызға ұлғайтуды, егін егуге ынталандыру үшін әлеуметтік желіге (фейсбук) жариялау сұралған болатын. Алайда, бүгін күнге дейін қосымша жер ашуға байланысты Тереңөзек кенті (жариялаған күні 31.01.2023ж), Айдарлы ауылдық округі (жариялаған күні 01.02.2023ж), Іңкәрдария ауылдық округі (жариялаған күні 04.05.2023ж) &nbsp;ғана әлеуметті желіге жариялаған. Қалған ауылдық округтерде әлеуметтік желіге жарияланбаған. Осы жұмыстарды жандандыруды сұраймын. &nbsp;Қосымша Тереңөзек кентінің халқымен кездесуінде халыққа жер ашып беру жөнінде көтерілген ұсынысы бойынша бөлім тарапынан Тереңөзек кентінде «Көлбай» учаскесінен 2 гектар нақтыланып, бүгінгі күнге қоршау жұмыстары жүргізілуде. Содан кейін жерді дайындап, Тереңөзек кентіндегі ынталы отбасыларына бөлініп берілетін болады. Тереңөзек кенті әкімдігі тарапынан насос қондырғысы мен сумен қамтамасыз етуге атсалысуда. Сондай-ақ, «Байқоңыр» әлеуметтік-кәсіпкерлік корпорациясы акционерлік қоғамының сұранысына сәйкес күзгі өнімнен Іңкәрдария ауылдық округіндегі «Қожеке батыр» шаруа қожалығы 10 тонна картоп, &nbsp; 10 тонна сәбіз және «Досыбай» шаруа қожалығы 15 тонна картоп, 15 тонна сәбіз өнімдерін өткізу үшін форвардтық шарттар жасауға келіссөздер жүргізілуде.&nbsp;– Әңгімеңізге рақмет! &nbsp;

Сырдарияда биыл 21885 гектар жерге күріш егіледі

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданының Таң ауылында егін егу науқанының басталуына орай «Дала күні» семинар-кеңесі өтті. Ауданға жұмыс сапарымен барған облыс әкімі Нұрлыбек Нәлібаев ауыл шаруашылығы саласында атқарылған жұмыстарды пысықтап, семинар-кеңеске қатысты.Алдымен аймақ басшысы «Таң» ЖШС ет өнімдері цехының жұмысымен танысты. Цехта күніне 5 ірі қара мал сойылып, ет өнімдері шығарылады.Әрі қарай Нұрлыбек Машбекұлы «Дала күні» семинар-кеңесі аясында ұйымдастырылған ауыл шаруашылығы техникаларының және өнімдерінің көрмесін тамашалады. Жабдықтаушы мекеме өкілдерімен пікір алмасты.Облыс әкімі шараға жиналған қонақтармен бірге танапқа алғашқы дән себу рәсімін өткізді. Шаруашылық үздіктерін «Еңбек ардагері» медалімен, «Ауыл шаруашылығы саласының үздігі» төсбелгісімен және облыстың ең жоғары наградасы – «Қызылорда облысының Құрмет Грамотасымен», облыс әкімінің Алғыс хатымен марапаттады.Іс-шарада Қызылорда облысының Құрметті азаматы Жарылқасын Шәріпов бата берді.Егіс алқабындағы «Дала күні» семинар-кеңесінің пленарлық мәжілісінде аймақ басшысы аграрлық саланы өркендетудің біздің өңір үшін өмірлік маңыздылығын атап өтті. Шаруалар қол жеткізген айтарлықтай жетістіктерге тоқталды.<blockquote>«Мемлекет басшысы еліміздің әлеуметтік-экономикалық даму мәселелері жөніндегі кеңейтілген кеңесте азық-түлік инфляциясын тұрақтандыру үшін Үкіметтің алдында агроөнеркәсіп кешенінің тұрақты өсімін қалыптастыру міндеті тұрғанын атап өтті. Осы міндетті орындаудың бірден-бір жолы – жергілікті жерде өндірілетін өнім көлемін арттыру. Биыл облыста 195,6 мың гектарға егін егуді межелеп отырмыз. Оның ішінде негізгі дақыл – күріш 83,9 мың гектарға себіледі.Сонымен қатар, әлеуметтік маңызы бар картоп, көкөніс, бақша өнімдерін егу үшін 5 500 жергілікті тұрғынға қосымша 3 300 гектар жер дайындау жұмыстары жүргізілуде», – деді облыс әкімі.</blockquote>Бүгінде «Шардара» су қоймасында 5,03 млрд. текше метр, «Көксарай» су реттегішінде 1,79 млрд. текше метр су бар. «Арал-Сырдария» бассейндік инспекциясының мәліметіне қарағанда, 2023 жылдың вегетациялық кезеңіне 3,8 млрд.текше метр су пайдалану лимиті белгіленген, бұл былтырғы жылмен салыстырғанда 200 млн. текше метрге артық.Душанбе қаласында өтетін Мемлекетаралық су шаруашылығын үйлестіру комиссиясының (Қазақстан, Қырғызстан, Өзбекстан, Тәжікстан, Түркменстан елдері кіреді) кезекті отырысында су пайдалану маусымындағы Сырдария өзенінің сулылығы болжамына сәйкес Шардара су қоймасына түсетін көлем нақтыланады. Болжам нақтыланған соң су лимиттері қайта белгіленеді.Биылғы қыс-көктем айларында Нарын-Сырдария каскадындағы қоймалардан төменгі ағысқа жіберілген мол судың арқасында каналдар мен көлдер жүйелері, шабындықтар суландырылды, Арал теңізінің суы 18,5 млрд. текше метрден 20,140 млрд. текше метрге көбейді.Коммуналдық меншікке алынған 226 су шаруашылығы нысанын тазалау, жөндеу жұмыстары кезең-кезеңімен атқарылуда. Биыл облыстық бюджет есебінен елді мекендерді аяқ сумен қамтамасыз ету үшін 78 шақырым болатын 7 каналды тазалау, (226,0 млн.теңге) елді мекендерге 21 дана насос қондырғысын жеткізіп беру (301,4 млн.теңге) және 27 каналға (111,7млн.теңге) жоба-сметалық құжат әзірлеу жұмыстары жүргізіледі.Сонымен бірге, шаруашылықаралық каналдардың 68,0%-ы, ішкі шаруашылықаралық каналдардың 79,0%-ы тазалаланды. Су құрылыстарының шаруашылықаралық каналдарының 48,0 %-на, ішкі шаруашылық каналдардың 70 %-на және насос қондырғылардың 83%-на, гидробекеттердің 88%-на жөндеу жұмыстары жүргізілді.«Жасыл Қазақстан» ұлттық жобасы шеңберінде 2025 жылға қарай 16 магистралды және шаруашылық каналын цифрландыру жоспарланған. «Қазсушар» РМК Қызылорда филиалы оның 5-не (2 магистралды, 3 шаруашылықаралық канал) жоба-сметалық құжаттама әзірлеп, мемсараптама қорытындысы алынды.Суды тиімді пайдалану мақсатында облыс әкімдігі мен Австралияның «Rubicon Global» компаниясы арасында аймақтың суландыру жүйелерін автоматтандыру, цифрландыру жобасын іске асыру туралы меморандумға қол қойылды. Меморандум республикалық меншіктегі Қызылорда солжаға магистральды каналы бойындағы (облыстағы 60% егіс келемі орналасқан) аумақтардың суландыру жүйесін жаңғыртуды көздейді. Қазіргі таңда «Rubicon Global» компаниясы Қызылорда сол жаға магистральды (Шіркейлі) каналына зерттеу жұмыстарын жүргізіп, жобасын ұсынды.Жиында жауапты мекеме басшылары мен шаруа қожалықтарының иелері қолға алынған жұмыстарды, өзекті мәселелерді ортаға салды. Мәжілісті қорытындылаған аймақ басшысы ауыл шаруашылығы экспортының үлесін арттыру, шаруашылықтарды қажетті жанар-жағармаймен қамту және егілген өнімді мұқият баптап, уақытылы жинап алу бойынша тапсырма берді.

Сыр өңірінде егін егу науқаны басталды

<a href="https://kyzylorda-news.kz/">Kyzylorda-news.kz.</a> Сырдария аудандық Қоғамдық кеңесінің төрағасы Марат Еспенбетовтің төрағалығымен Қоғамдық кеңестің кезекті отырысы өткізілген болатын. Қоғамдық кеңес отыры күн тәртібінде негізгі 5 мәселе қаралды.Алғашқы мәселе бойынша Сырдария ауданының әкімі Берік Сәрменбаев кеңес мүшелеріне есеп берді. Аудан басшысы өз есебінде ауданды дамыту бағытында атқарылған жұмыстарды баяндады. Оның ішінде әр салаға жеке-жеке тоқталып, ауылдарда да атқарылған жұмыстар жөнінде хабарлама жасады.<blockquote>Баршаңызға мәлім, 2022 жыл Сырдария ауданы үшін бірлік пен ынтымаққа толағай табысты жыл бола білді. Ауданымызда барлық маңызды сала бойынша дамудың оң динамикасына қол жеткізіліп, әлеуметтік-экономикалық дамуы жолын-да көптеген нәтижелі жұмыстар атқарылды. 2022 жылға арналған аудандық бюджет 13,1 млрд теңгені құрады. Жыл қорытындысымен облыс бойынша барлық көрсеткіш бойынша Сырдария ауданы алдыңғы қатардан көрінді. Аудан экономикасына тікелей ықпал ететін өнеркәсіп саласында оң динамика қалыптасты, – деді аудан әкімі.</blockquote>Екінші мәселе бойынша Сырдария аудандық мәслихатының төрағасы Ержан Әжікеновтің есебі тыңдалды. Мәслихат төр¬ағасы аудандық мәслихатының және мәслихат депутаттарының атқарған жұмыстарын баяндады.<blockquote>&nbsp;Өздеріңіз білетіндей, мәслихаттың негізгі жұмыс нысаны сессия болып табылады. Сессиялардың ұйымдастырылуы мен өткізілуі туралы айтар болсам, былтыр Сырдария аудандық мәслихатының барлығы 12 сессиясы өткізілді. Оның 4-і кезекті, 8-і заңдылыққа және аудан әкімінің ұсынысына сәйкес шақырылған кезектен тыс сессиялар болды. Сессияларға аудандық мәслихат депутаттарымен қатар аудан әкімі, аудан әкімінің орынбасарлары, меншік нысанына қарамастан барлық мекеме, бөлім басшылары, кент және ауыл әкімдері қатысты. Ал аталған сессияларда 64 шешім қабылданып, 26 шешім жал¬пыға бірдей маңызы бар азаматтардың құқықтары мен бостандықтарына қатысты болғандықтан Әділет органдарынан тіркеуден өтіп, жергілікті бұқаралық ақпарат құралында жарияланды. Сессиялар барысында 2022-2024 жылдарға арналған аудандық бюджетке 6 рет өзгерістер мен толықтырулар, 4-ші деңгейдегі бюджетке 4 рет өзгерістер енгізілді. Аудандық мәс¬лихат депутаттары тарапынан құзырлы органдарға 7 депутаттық сауал жолданды. Депутаттық сауалдардың бірде-бірі назардан тыс қалған жоқ. Сайлаушылардың талап-тілектерін ескере отырып, аудандық мәслихат депутаттары тарапынан жергілікті атқарушы органдар назарына берілген ұсыныстардың облыс, аудан әкімдігінің қолдауымен басым бөлігі шешімін тапты, – деді мәслихат төрағасы.</blockquote>Үшінші мәселеде Сырдария аудандық Қоғамдық кеңесінің төрағасы Маратбек Еспенбетовтің есебі тыңдалды. Кеңес төрағасы Қоғамдық кеңестің басты міндеті халық пен билік арасына дә¬некер болу, аудандағы өзекті мәселелердің шешілуіне атсалысу, сондай-ақ азаматтардың ұсыныс-пікірлерін, талап-тілектерін тыңдау болып табылатын айтты.<blockquote>&nbsp;Сырдария аудандық Қоғамдық кеңесі Қазақстан Республикасының «Қоғамдық кеңестер туралы» Заңына сәйкес жұмыс жасайды. Аталған заң талаптарына сай 2022 жылғы 9 наурыздағы Сырдария аудандық мәслихатының №124 шешімімен Қоғамдық кеңестің құрамы бекітілген. Оған өздеріңіз құжат тапсырып, мүше болып сайландыңыздар. Осы ретте Сіздерге қоғам белсендісі болып, ашық азаматтық ұстанымдарыңызды ортаға салып, ауданымызды дамытуға ынталы болғандарыңыз үшін алғысымды айтамын. Бүгінде Сырдария аудандық қоғамдық кеңесінің 14 мүшесі бар және маңызды салалар бойынша үш комитет құрылып, жұмыс жасауда. Қоғамдық кеңес құрамы мен жұмыс жоспары бекітілген күннен бастап бүгінгі күнге дейін 19 отырысы өткізіліп, 68 мәселе талқыланған. Байқағандарыңыздай, біз бір айда бірнеше рет кездесіп, бас қосып, ел мүддесі жолында мәселелерді жан-жақты кеңінен талқылағанбыз, – деді Кеңес төрағасы.</blockquote>Мұнан кейін ауданның бюджеті мен даму жоспарындағы индикаторлардың орындалуы туралы аудандық экономика және қаржы бөлімінің басшысы Ерлан Ахетов хабарлама жасады. Бөлім басшысы бюджеттің кірістері мен шығыстары туралы толыққанды ақпарат берді. Бұл бойынша Қоғамдық кеңес мүшесі Ақтөре Ибрагимұлы сөз сөйлеп, баяндамада барлық сала қамтылғанын, сондықтан алдағы сессияда депутаттар тарапынан қолдау болатынын жеткізді.Қоғамдық кеңес отырысының қорытындысында Кеңес мүшелерінің атынан аудандық Қоғамдық кеңес мүшесі Мұса Келдібаев сөз сөйлеп, атқарылған жұмыстарды жоғары бағалап, сәттілік тіледі.Айтылған ұсыныс-пікірлерді хаттамалап, тиісті ұсыныстар енгізу, жұмысты үйлестіру Сырдария аудандық Қоғамдық кеңесінің хатшысы Жандос Әбубəкіровке тапсырылды.&nbsp;

Сырдария ауданының бюджеті сараланды

<a href="https://kyzylorda-news.kz/">Kyzylorda-news.kz.</a> Депутат Руслан Рүстемов Сенат отырысында Қызылорда облысынан шетелге көбірек мұнай сатуға рұқсат беруді ұсынды.<blockquote>«2017 жылдан бері Энергетика министрлігі Қызылорда облысына мұнай экспорты квотасын ұлғайту мәселесі «Кенкияқ-Атырау» реверсі жобасы іске қосылғаннан кейін ғана техникалық мүмкін болады деген ұстанымда болып келді», – деді Руслан Рустемов Сенат отырысында Үкімет басшысы Әлихан Смайыловтың атына сауал жолдай отырып.</blockquote>Оның айтуынша, аталған жоба Қызылорда облысындағы жер қойнауын пайдаланушылардың ішкі нарыққа мұнай жеткізу жүктемесін 80%-дан 50%-ға дейін төмендетуге мүмкіндік беруі тиіс еді.<blockquote>«Алайда, 2021 жылы аталған реверс қолданысқа берілгенімен, Энергетика министрлігі Қызылорда облысында мұнай көлемінің сарқылуына байланысты квотаны ұлғайтудың мүмкіндігі жоқ екендігін айтып отыр. Аталған мәселе Үкімет тарапынан егжей-тегжейлі қаралып, қолдау тапқан жағдайда Қызылорда облысындағы бірқатар өзекті әлеуметтік проблеманың шешімі табылатыны анық», – дейді халық қалаулысы.</blockquote>Депутат келтірген деректерге сәйкес, Қызылорда облысының мұнай өндіруші компаниялары өнімнің 80%-ын ішкі нарыққа сатады, 20%-ы ғана экспортқа кетеді.Сенатордың пікірінше, ішкі нарықтағы мұнай баррелінің құны әлемдік бағадан 2,5 есе төмен. Демек, мұнайшылар айтарлықтай сомадан қағылып отыр.&nbsp;&nbsp;&nbsp;&nbsp;

Қызылорда мұнайы экспортына квотаны ұлғайту ұсынылды

<a href="https://kyzylorda-news.kz/">Kyzylorda-news.kz.</a> Облыста бірқатар шаруалар мемлекеттен берілетін субсидияны ала алмай отыр. Оған себеп – Ауыл шаруашылығы министрлігі «Qoldau» орнына ашқан жаңа gosagro.kz порталы толық іске қосылмаған.Министрлік портал ақпанның басында іске қосылды деп ресми ақпарат таратып, осы уақытқа дейін жүйе қалыпты жұмыс істеп тұр, барлық мәселе шешілген деп сендірумен келеді. Бірақ нақты жағдай өте мүшкіл. Жақында ғана облыстық кәсіпкерлер палатасы алаңында өткен жиында gosagro.kz порталы арқылы үш айда субсидияға қатысты бар болғаны 20 өтінім ғана қабылданғаны айтылды. Осылайша облыс фермерлері тиісті төлемдерді ала алмай отыр. Портал жұмысына қатысты шаруалар мен қаржы институттарынан көптеген шағым түсуде.Өткен сәрсенбіде еліміздің әлеуметтік-экономикалық даму мәселелері жөніндегі кеңейтілген кеңесте Мемлекет басшысы Қасым-Жомарт Тоқаев субсидия беру жүйесі сын көтермейтінін айтқан еді. «Субсидия алған кейбір пысықайлар өндірісті өркендетудің орнына бюджет қаржысын қалтасына басып, шалқып өмір сүрген. Ал қарапайым шаруалар үшін субсидия алу – қияметтің қиыны»&nbsp; деді Президент. Сондай-ақ, субсидия беру жүйесі өте күрделі және қажетті мәлімет көпшілікке қолжетімді емес екенін айтып, субсидия бөлуді реттейтін жаңа цифрлық жүйе бұл түйткілді шеше алмай тұрғанын сынға алды.Субсидия қаржысы – фермерлердің, бизнес ұйымдары мен жұмыс орындарының қалыпты өнімді тірлігінің кепілдігі. Бірақ елімізде биыл шаруалар шамамен 256 млрд теңге көлеміндегі тиісті төлемін ала алмай, жүйенің дұрыс істемеуі салдарынан 40 мың фермер субсидиясыз қалуы мүмкін.Оған қоса министрлік дерегінше, жаңадан қосылған gosagro.kz жүйесі 60 млрд теңге сомасында 1,8 мың өтінімді немесе қаржыландыру көлемінің 37 пайызын кері қайтарып үлгерген. Қалыптасқан тәжірибеге сай мұндай өтінімдер 1 пайыздан аспауы тиіс болса, бұл да портал жұмысының толыққанды жетілмегенін көрсетеді.Сондай-ақ, бүгінде несиелер бойынша пайыздық мөлшерлемені субсидиялау – ең өзекті мәселелердің бірі. Бұған қатысты министрлік өкілдері бұған дейін қолданыста болған Qoldau.kz платформасындағы деректерді осы жылдың наурызының соңына дейін ала алмағанын айтады. Соның салдарынан министрлік былтырғы өтінімдерді төлей алмай жатыр-мыс.Ауыл шаруашылығы министрлігі қалай ақталса да, зардабын фермерлер көріп жатыр. Облыста 22 пайыздық несие алған шаруашылықтар оның 6 пайызын төлеп, қалған 16 пайызын мемлекет субсидиялауы керек. Ал қазіргідей жағдайда шаруа пайыздық мөлшерлемені толығымен өзі төлеуге мәжбүр.Мысалы «Сырдария-1» несие серіктестігі» ЖШС-на қарасты 200 шаруашылық қаңтардан бері жалпы сомасы 100 млн теңгеден астам субсидия ала алмай отыр. Бұл қаржы мал шаруашылығы, өсімдік шаруашылығы, техника секілді шаруалар қажетін өтеуі керек болған. «Сырдария-1» несие серіктестігі» ЖШС мониторинг маманы Мағжан Мырзағұловтың айтуынша, облыстағы барлық несие серіктестіктеріндегі жағдай осындай деуге болады.<blockquote>– Біраз шаруа мемлекет тарапынан берілетін пайыздық мөлшерлеменің субсидиясын жыл басынан бері ала алмай отыр. Нәтижесінде несиелерін жоғары пайызбен жабуға мәжбүр. Кей кәсіпкерлер несие тарихын бұзып алғанын да айтуда. Бастапқы екі айын төлеп, одан кейінгі айларда төлем жасай алмаған шаруалар көп. Бұл алдағы уақытта олардың несие алуын да қиындатады. Оған қоса, мысалы күріш шаруашылықтары субсидияны көктемгі егін жұмыстары үшін алады, сондықтан алдағы айдан кешікпеуі керек, – дейді Мағжан Мырзағұлов.</blockquote>Сондай-ақ, кеше Ауыл шаруашылығы министрлігі Алматы, Жетісу, Жамбыл, Қызылорда және Түркістан облыстары фермерлерінен арзандатылған тыңайтқыштарды алу мүмкіндігінің жоқтығы туралы көптеген өтініштер түсіп жатқанын хабарлады. Министрлік мұның себебін фермерлерге gosagro.kz порталында өтініш беруге мүмкіндік бермейтін егістік картасы мен агрохимиялық картограмманың болуымен түсіндіреді.Бұрын Qoldau жүйесінде фермерлер егістіктерді өздері енгізген деректер негізінде цифрландырған. Әрі деректердің дұрыстығы тексерілмеді және қандай да бір форматты-логистикалық бақылау болмады.Қазір gosagro.kz порталында субсидияларды алу үшін жердің ғарыштық мониторингінің деректері негізге алынады. Бұл ретте фермер ауыспалы егісті және оның егістіктерінің шекараларын анықтаған кезде параметрлерді қолмен енгізу, яғни көзбен белгілеу мүмкіндігі алынып тасталады. Сонымен қатар, деректер учаскелер бойынша сәйкес келмеген жағдайда, олар «Қазақстан Ғарыш Сапары» ҰК» АҚ-да түзетілуі мүмкін.Gosagro.kz порталындағы деректерге сәйкес, жоғарыда аталған бес облыстың фермерлері 23,5 млрд теңгеге тыңайтқыштарды сатып алуды субсидиялауға 837 өтінім берген. Оның ішінде 350 өтінімді тиісті өңірлердің ауыл шаруашылығы басқармалары қабылдамады, 47 өтінім мақұлданды.Әкімдіктердің ақпараты бойынша мемлекеттік қолдаудан бас тартудың негізгі себебі – агрохимиялық картограммалардың болмауы. Бұл талап 2023 жылы 1 қаңтарда күшіне енген, биылға дейін мұндай талаптар болған жоқ. Мәселені шешу үшін министрлік ережелерге түзетулер енгізіп, агрохимиялық картограммаларды қолдану талабы алынып тасталды. Түзетулер 24 сәуірде күшіне енді.Егер тез арада портал жұмысы реттелмесе, азық-түлік өнімдерін өндіруде іркіліс тудырып, олардың бірқатарының тапшылыққа айналуымен қатар, бағасының да өсуіне алып келеді. Мәселенің осындай деңгейде ушығуы Парламент Мәжілісінде өткен «дөңгелек үстел» барысында да айтылды.Кейбір халық қалаулылары мәселе аталған мемлекеттік порталды жасаушылар мен бұрынғы портал иелерінің арасындағы келіспеушіліктен туындап отыр деген де пікір айтты. Құзырлы орын шаруалардың қамын ойласа ортақ мәмілеге келіп, бұрынғы жүйеге енгізілген мәліметтерді алып, сол бойынша ауыл шаруашылығына қажет қаржының бөлінуін тездетуі керек.

Субсидия: Жаңа портал іске қосылмады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың өзінің Жолдауында елімізде агроөнеркәсіп кешенінде атқарылатын міндеттер мен алдағы жоспарлар нақтыланды. Бұл орайда Сыр өңірінің ауыл шаруашылығында жүзеге асырылатын жұмыстар баршылық. Өңір экономикасында аграрлық саланың алатын орны айрықша екені белгілі. Жергілікті тұрғындардың елеулі бөлігі – жерден несібе терген қарапайым еңбек адамдары. Сондықтан аталған сала әрдайым мемлекет қолдауына ие болып, бұл бағытта нақты қамқорлық көрсетіліп келеді. Өңірдің аграрлық саласы заман талабына бейімделіп, алыс және жақын шетелге шығатын экспорт өнімдеріне ден қойды. Суды ысырапсыз пайдалану жүйесін жолға қою мақсатында әртараптандыру шаралары қолға алынды.Бүгінгі таңда аймақтың ауыл шаруашылығы саласы тұрақты дамып келеді. Әсіресе егін, мал шаруашылығы мен экспорт және инвестициялық жобалар бойынша өсім бар.&nbsp; Қызылорда облысының ауыл шаруашылығы және жер қатынастары саласында 2023 жылдың қаңтар-наурыз айларында атқарылған жұмыстарға тоқтала кетсек...Саланың негізгі көрсеткіштеріБиыл қаңтар-наурыз айларында статистиканың алдын-ала мәліметі бойынша 17 030,1 млн теңгенің өнімі өндіріліп, 2022 жылдың сәйкесті кезеңімен салыстырғанда нақты көлем индексі 101,7 пайызды құрады&nbsp; Ауыл шаруашылығы негізгі қорына ағымдағы жылдың қаңтар-ақпан айларында 966,9 млн теңге инвестиция салынып, өткен жылдың сәйкесті кезеңімен салыстырғанда 13,2 есе артты.Көктемгі дала жұмыстарына дайындықБиылғы жылы облыс бойынша 195,6 мың гектарға ауыл шаруашылығы дақылдарын орналастыру болжанған. Анықтама ретінде: дәндi дақылдар – 96,4 мың га, майлы дақылдар – 5,7 мың га, мал азықтық дақылдар – 73,7 мың га, қант қызылшасы 7 га, картоп, көкөнiс, бақша – 19,8 мың гектар.&nbsp; Негізгі дақыл күрiштің көлемі 83,9 мың гектарды құрайды. Ауыл шаруашылығы құрылымдары биылғы жылдың егісі үшін өткен жылдың күз айларында 4,8 мың га күздік бидай егуді және 41,2 мың га сүдігер айдауды қамтамасыз етті. Өткен жылмен салыстырғанда жалпы егіс көлемін 7,0 мың гектарға, күріштің көлемін 5,3 мың гектарға, мал азықтық дақылдарды 2,3 мың гектарға, картоп, көкөніс, бақшаның көлемдерін 222 гектарға ұлғайу межеленуде. &nbsp;Вегетация кезеңіне cу лимиті белгіленгеннен кейін егістің көлемдері қайта нақтыланатын болады.&nbsp; Сонымен қатар, облыста азық-түлік қауіпсіздігін қамтамасыз ету мақсатында жергілікті тұрғындарды өзін-өзі әлеуметтік маңызы бар картоп, көкөніс, бақша өнімдерімен қамтамасыз ету мақсатында Қызылорда қаласы мен аудан әкімдеріне тиісті тапсырма берілді.&nbsp; Бүгінде Қызылорда қаласы мен аудандар бойынша 6 485 мың жергілікті тұрғындарға егін егуге ынта берілетін барлығы 3 255,4 мың гектар егістік жерлер нақтыланды. Осы нақтыланған егістік жерлерге егін егуге ынта білдірген облыстың 137 кент және ауылдық елді мекендерде тұратын 4 311 отбасыларының тізімдері жасалынды. Қазіргі таңда, егісті суаруға қажетті насос қондырғылары, тұқымдар, егістікті қоршау жұмыстары жүргізілуде. Бүгінде көктемгі дала жұмыстарына дайындық жұмыстары белгіленген оспарға сәйкес атқарылуда.Тұқым дайындауОблыстың шаруашылық құрылымдары қажетті тұқымдық материалдарымен толық қамтамасыз етілген. Құйылған 21,6 мың тонна күріш тұқымының бүгінде толық көлемі тазаланды. Қажетті 61,2 мың тонна минералдық тыңайтқыштардың 57,5 мың тоннасы сатып алынды. Шаруашылықтар минералдық тыңайтқыштарды жеткізуші мекемелермен келісім-шарт жасау арқылы сатып алып жатыр. Сонымен қатар, басқарма тарапынан отандық минералды тыңайтқыш өндіруші зауыттарға («КазФосфат», «КазАзот») қажетті тыңайтқыш көлемінің айлар бөлінісіндегі қажеттілік кестесі жолданды.Негізінде тыңайтқыштардың биылғы бағасы өткен жылығы бағамен салыстырғанда 12-20% аралығында арзандап отыр.&nbsp; Сол сияқты, егінге қажетті 80,7 мың литр гербицидтердің бүгінгі күнге 14,6 мың литрі (18,0%) гербицид сатып алынды.Техникалардың дайындығы мен жанар-жағармаймен қамтылуыКөктемгі егіс егу науқанына қатысатын барлығы 3 979 бірлік ауыл шаруашылығы техникаларының (1993 трактор, 478 соқа, 252 тұқым сепкіш, 323 жүк көлігі және 933 трактор тіркемелері) бүгінгі күнге толық жөндеуден өткізілді.&nbsp; Облысқа биылғы көктемгі дала және егіс жұмыстарын жүргізуге барлығы 12,1 мың тонна (ақпан – 7,5 мың тн, наурыз – 1,1 мың тн, сәуір – 1,1 мың тн, мамыр – 1,3 тн, маусым – 1,1 тн) арзандатылған дизель отыны бөлініп, оның ақпан-наурыз айларына бөлінген 8,6 мың тоннасына жергілікті операторлар арқылы 100%-ға қаржысы төленіп, 8,4 мың тоннасы облысқа жеткізіліп, бүгінгі таңда оның 3,8 мың тоннасы шаруашылықтарға 1 литрін 212 теңгеден таратуда.&nbsp; Сонымен қатар, сәуір айына бөлінген 1,1 мың тонна дизель отынына жергілікті операторлар 100 пайызға ресурс ұстаушы мекемемен келісім-шарт жасап, қаржы толық аударылды.Қаржыландыру бойыншаОблыста 2023 жылы межеленген егіс көлемдеріне және аудандар бойынша жинақталған мәліметке сәйкес, шаруашылықтардың көктемгі дала және егіс егу жұмыстарына қажетті орташа болжамдық қаржы көлемі 19,8 млрд теңгені құрап отыр.Егін егу барысыКөктемгі дала жұмыстарынан егісті егу жұмыстары ағымдағы жылдың 15 наурызынан басталды. Облыста күріштен басқа 36,6 мың гектарға ерте егілетін дақылдардың &nbsp;бүгінгі күнге барлығы 29,5 мың гектары егіліп, (оның ішінде 4,4 мың гектар жаздық бидай, 4,4 мың гектар мақсары, 20,1 мың гектар жаңа жоңышқа дақылдары, 380 га арпа, 64 га соя, 85 гектарға қант құмайы, 5 гектарға күнбағыс дақылдары егілді) 46,3 мың гектар ескі жоңышқа мен 5,8 мың гектар күздік бидай күтімге алынды (46,3 мың га ескі жоңышқаның бүгінгі таңда 45,0 мың га тырмаланып, 18,3 мың га суғарылды, 5,8 мың га күздік бидайдың 3,2 мың га тырмаланып, 4,8 мың га тыңайтқышпен үстеп қоректендірілді, 4,2 га суғарылды). Негізгі дақылы күріш егу жұмыстары ағымдағы жылы сәуір айының үшінші онкүндігінде басталып кетті. Көктемгі дала және егін егу жұмыстары жалғасуда. Көктемгі дала және егін егу жұмыстарының атқарылу барысы тұрақты бақылауда.Мал шаруашылығы саласында оң динамика қалыптастыӨңірде төрт түлікті түлетіп, ата кәсіпті өрістету жұмыстары да жүйелі жүргізіліп келеді. Бүгінде мал шаруашылығымен айналысушы ағайынның саны артуда. Оған әрине осы сала бойынша қабылданған бағдарламалар мен мемлекет көмегінінің септігі мол. Мал шаруашылығы саласында оң динамика қалыптасып, мал басы тұрақты өсіп, өндірілген өнім көлемі артуда.&nbsp; Облыс бойынша 2023 жылдың 1 сәуіріне 400,0 мың бас мүйізді ірі қара, 795,2 мың бас қой мен ешкі, 220,9 мың бас жылқы, 60,2 мың бас түйе және 123,7 мың бас құс тіркелген. Мал басын былтырғы жылдың сәйкес кезеңімен салыстырғанда мүйізді ірі қара – 6,5%-ға, қой мен ешкі – 9,5%-ға, жылқы 14,6%-ға, түйе 6,5%-ға, құс 0,8%-ға көбейген. Есепті кезеңде 8,9 мың тонна ет (тірі салмақта), 18,2 мың тонна сүт және 1,0 млн дана жұмыртқа өндіріліп, 2022 жылдың сәйкес кезеңімен салыстырғанда ет өндірісі 2,4%-ға, сүт өндірісі 0,9%-ға, артты.Өнімдер әлемнің 18 мемлекетіне экспортталадыСтатистикаға сәйкес 2023 жылдың 1 наурызына облыстан 6,8 млн долларды құрайтын 10,5 мың тонна ауыл шаруашылығы өнімдері (күріш, балық өнімдері, қамыс, күнбағыс тұқымы, көкөніс) экспортталып, өткен жылдың сәйкесті кезеңімен салыстырғанда 99,6 пайызды құрап отыр. Өнімдер әлемнің 18 мемлекетіне экспортталды. Барлық экспортталған өнімнің 83,9 пайызын құрайтын облыстың негізгі дақылы – күріш өнімі, Ресей, Беларусь, Қырғызстан, Әзірбайжан, Өзбекстан, Тәжікстан, Украина, Түркменстан, Грузия және Моңғолия мемлекеттеріне экспортталып отыр. Есепті кезеңге 8 813,9 тонна күріш өнімі экспортталып, былтырғы жылдың сәйкесті кезеңімен салыстырғанда 72,3 пайызды құрады. Сондай-ақ, облыстан Ресей, Польша, Литва, Германия, Франция және Австрия мемлекеттеріне 431,8 тонна &nbsp;балық, Германия, Дания, Нидерланды және Польша мемлекеттеріне 750,0 тонна қамыс және Қытай мемлекетіне 176,0 тонна күнбағыс тұқымы, 325,7 тонна көкөніс экспортталды.16 инвестициялық жобалар жүзеге аспақАгроөнеркәсіптік кешен саласындағы 2022-2026 жылдары іске асырылатын инвестициялық жобалардың жол картасында құны 55,9 млрд теңгені құрайтын 28 инвестициялық жобалар қамтылған.&nbsp; Бұл жобалардың жүзеге асырылуы нәтижесінде 894 жаңа жұмыс орны ашылады. Ағымдағы жылы жалпы құны 602,0 млн теңгені құрайтын 16 инвестициялық жобаны жүзеге асыру жоспарлануда.&nbsp;

Аймақтың ауыл шаруашылығы саласы тұрақты дамып келеді

<a href="https://kyzylorda-news.kz/">Kyzylorda-news.kz.</a>&nbsp; Бүгін Жаңақорған ауданының «Бірлік» және «Қыраш» елді мекендеріне газ құбырын қосу рәсімі өтті. Алдағы уақытта тағы да 5 ауылға «көгілдір отын» кіргізу жоспарда бар.Іс-шараға облыс әкімі Нұрлыбек Нәлібаев қатысып, ауыл тұрғындарын құттықтады.<blockquote>«Мемлекет басшысы Қасым-Жомарт Кемелұлы: «Аса маңызды мәселелердің бірі – ауылды кешенді түрде дамыту. Ауылдарға нақты қолдау көрсетіп, заманауи инфрақұрылымды дамытуымыз керек» деген болатын. Президентіміз бен Үкіметтің Сыр өңірін ерекше қолдауының арқасында аймағымызда ауқымды жобалар жүзеге асуда. Өткен жылы 14 газдандыру жобасын жүзеге асыруға 8,7 млрд.теңге бөлініп, игерілді. Нәтижесінде 6 ауылды газға қостық. Осылайша өңірдің газдандыру деңгейі 70 пайызға жетті. Бұл – 26 елді мекен, 583 мыңға жуық тұрғын табиғи газбен қамтылды деген сөз. Биылға республикалық бюджеттен 7,4 млрд. теңге бөлініп, 2022 жылы басталған 7 жоба жалғасты және 12 жаңа жобаның құрылысы басталады. Оның ішінде, Жаңақорған ауданынының «Жайылма», «Шалқия», «Құттықожа», «Төменарық», «Кейден» ауылдарына «көгілдір отын» кіргізу жұмыстары басталады. Бұдан бөлек, өткен жылы құны 3,4 млрд. теңгені құрайтын Жаңақорған кентіндегі 10/0,4 кВ электржелілік жүйені жаңғырту жұмыстары қолға алынған. Соның арқасында кенттегі 70 шақырымға жуық электр желісі жаңарып, қосымша жаңадан 23 трансформатор орнатылады», – деді аймақ басшысы.</blockquote>Ауыл тұрғындарын қоғам қайраткері Бекмырза Еламанов құттықтады, «Ақүйік» ауылдық округінің ардагерлер кеңесінің төрағасы Сәулебек Бейсенбаев алғыс білдіріп, бата берді.Айта кетейік, «Ақүйік» ауылдық округіндегі «Бірлік» ауылына газ құбырын «Gas Energy Construction» ЖШС жүргізді. Жоба республикалық және облыстық бюджеттен қаржыландырылды, оны іске асыру нәтижесінде 440 тұрғын үй мен 5 әлеуметтік нысан газдандырылды.Мұнан әрі облыс әкімі «Қыраш» ауылын газға қосу рәсіміне қатысты. Бұл елді мекенде 124 тұрғын үй мен 6 әлеуметтік нысан «көгілдір отынға» қосылды.Салтанатты іс-шарада аймақ басшысы ауыл тұрғындарын құттықтады. Қоғам қайраткері Ибрагим Әбибуллаев сөз сөйлеп, ауылдық округтің қоғамдық кеңес төрағасы Сұлтанхан Ақылбеков бата берді. Әрі қарай Нұрлыбек Машбекұлы «Қыраш» ауылының имамы Әбдімәлік Шахановтың үйіне барып, газ тұтынған тұрғындардың қуанышына куә болды.Еске салсақ, биыл Мемлекет басшысының қолдауымен ауылдық жерлерде әлеуметтік нысандардың құрылысы қарқынды жүруде. Атап айтқанда, «Жайлы мектеп» ұлттық жобасы аясында алдағы 3 жылда облыста 15 100 орынға арналған құны 100 млрд. теңгеден асатын 21 мектептің құрылысы жүргізіледі. Биыл 10 мектептің құрылысы басталады. Оның 2-уі Жаңақорған ауданы орталығынан салынады.«Ауылда денсаулық сақтауды жаңғырту» ұлттық жобасы аясында 2023-2024 жылдары облыста 27 денсаулық сақтау нысаны салынады. Биыл дәрігерлік амбулаторияның құрылысы «Қаратөбе» ауылында, келесі жылы «Талап», Әбдіғаппар ауылдарында басталады. Ал, 2025 жылға қарай Жаңақорған ауданаралық ауруханасын «көпбейінді аурухана» деңгейіне жеткізу жұмыстары жүргізілуде.Мұнан бөлек, «Жайылма», «Өзгент» ауылдарында 150 орындық клуб, «Ақжол» ауылында денешынықтыру-сауықтыру кешенінің құрылысы жүргізілуде. Нысандар биыл шілде айында пайдалануға берілмек.<figure class="image"><img src="https://knadmin.beoblood.kz/uploads/343080553_612315317585852_2371794560092636744_n_59bb441df3.jpg" alt="343080553_612315317585852_2371794560092636744_n.jpg"></figure>&nbsp;<figure class="image"><img src="https://knadmin.beoblood.kz/uploads/343209360_205516472227596_1657189067818441419_n_3000ccd516.jpg" alt="343209360_205516472227596_1657189067818441419_n.jpg"></figure>

Жаңақорған ауданында 2 ауыл табиғи газға қосылды

<a href="https://kyzylorda-news.kz/">Kyzylorda-news.kz.</a>&nbsp; Арал ауданының әкімі Серік Сермағамбетовтың төрағалығымен өткен аудан активінің отырысында Мемлекет басшысы айқындаған экономикалық дамудың сегіз бағыты бойынша мақсат-міндеттер талқыланды.Аудан басшысы Ел Президентінің кеңесте берген тапсырмаларының мән-маңызы айрықша екендігін және тұрғындар алдағы реформалардан зор үміт күтетіндігін айтты. Осы ретте атқарылатын жұмыстардың дені халық өмірінің сапасын арттыру, жаңа жұмыс орындарын құру, тұрғындар табысын арттыру, инфрақұрылымды одан әрі дамыту, адами капиталға баса назар аудару нақты мақсат екенідігін атап өтті.Жиында аудан әкімінің орынбасарлары сегіз бағыт бойынша атқарылып жатқан негізгі жұмыстардың барысына және алдағы жоспарларға тоқталды.<blockquote>Аудан басшысы «-Мемлекет басшысы халықтың ай сайын жұмсайтын қаржысының тең жартысынан көбі азық-түлік алуға кететіндігін және соңғы 15 жылда азық-түлік бағасы шарықтау шегіне жеткендігін айтты. Аудандағы азық-түлік инфляциясының басты себептерінің бірі ауылшаруашылығы саласындағы өндірілетін өнімнің жоқтығынан. Яғни, көтерме саудаға тәуелділік. Азық-түлік бағасын тұрақтандыру үшін алдымен, делдалдық схемаларды анықтап, халықтың негізгі тұтынатын тауарларын «өндірушіден - тұтынушыға» қағидаты негізінде ауданға жеткізілуін үйлестіру керек. Биыл Жол картасы аясында 1500 гектарға егін егуді жоспарлап отырмыз. Меже толық орындалуы тиіс. Себебі бұл өз кезегінде бағаны тұрақтандыруға мүмкіндік береді. Аудан халқын жыл көлемінде ауыл шаруашылығы өнімдерімен қамтамасыз ету үшін жылыжайларды салу жобаларына басымдық беру қажет. Сондай-ақ, Мемлекет басшысы инфляция өскен сайын халықтың нақты табысы құнсызданып жатқандығын және несиені ең алдымен пайда әкелетін бизнеске, яғни тиімді жобаларға беру қажеттігін айтты. Осы ретте, индустрияландыру картасына енгізілген, 1352 адамды жұмыспен қамтитын 7 жобаның іске асырылуын жеделдету қажет. 2022 жылы 1,9 млрд. теңгені құрайтын 142 жоба несиелендіріліп, 107 жұмыс орны ашылды. Биыл жыл басынан 572,1 млн. теңгені құрайтын 66 жоба қаржыландырылып, 68 жұмыс орны құрылды. Аталған жұмыстар әлі де жандануы тиіс» - деді.</blockquote>Мұнан бөлек, аудан әкімі сала басшылары мен қала, кент, ауылдық округ әкімдеріне 2023-2027 жылдарға арналған ауылдық аумақтарды дамыту Тұжырымдамасы шеңберінде әлеуметтік, инженерлік инфрақұрылымды жақсарту жобаларын жүзеге асыру үшін аудандағы тірек елді мекендердің санын арттыруды тапсырды. Коммуналдық инфрақұрылымды одан әрі дамыту бойынша қарқынды жұмыстар жүргізіліп, жаңа мөлтек аудандар бой көтеруде. Қазірде жобаларды жүзеге асыру арқылы кезекте тұрған 1856 азаматқа жер учаскесін табыстау жоспарланғандығын айтып, аталмыш жерлердің толық игерілуін қамтамасыз етуді жүктеді. Сондай-ақ, міндетті әлеуметтік медициналық сақтандыру жүйесінің ашықтығын қамтамасыз ету, білім сапасын көтеру және зорлық-зомбылықтың алдын алу, кәмелет жасына толмағандар арасында құқық бұзушылықтарды жою, жұмыссыздық деңгейін төмендету бойынша да бірқатар нақты міндеттер жүктелді.Ауылдық аумақтардың өмір сүру сапасын және табысын арттыру бойынша «Ауыл аманаты» бағдарламасы шеңберінде бірнеше жобалар ұсыну қажеттігі және халықты ақпараттандыруға басты назар аудару тапсырылды.<figure class="image"><img src="https://knadmin.beoblood.kz/uploads/343324390_179618941677494_5798511949238569308_n_1d9c5bdf67.jpg" alt="343324390_179618941677494_5798511949238569308_n.jpg"></figure>

Қазақстан және Қызылорда облысының жаңалықтары: Экономика