<a href="https://kyzylorda-news.kz/">Kyzylorda-news.kz</a>.&nbsp; Қазақстанда бірнеше салада жалдамалы жұмысшылар 1 миллионнан артық жалақы алады, деп хабарлайды <a href="https://paryz.kz/kazakhstan-news/36525-kazakstanda-1-mln-tenge-zhalaky-kandai-mamandarga-tolenedi?fbclid=IwAR0pITcIl0Z-ZXbvkHUuAGWy6fg6VvgDpl3jD942Z_BD1oQMAsOl8XeoLUs">Paryz.kz</a>.2023 жылдың қорытындысы бойынша экономиканың 6 саласында жоғары жалақы тіркелген. Олар:теңіз жүк тасымалы;қаржы және сақтандыру қызметі;міндетті әлеуметтік сақтандыру;әуе тасымалы;сақтандыру және зейнетақымен қамсыздандыру;бас компания мен басқару бойынша кеңес беру.Мәселен, былтыр соңғы төрт айдың ішінде әлеуметтік сақтандыру саласында жалақының көлемі бірден 48,3 пайызға артып, 1,6 миллион теңгеге жеткен.Ал миллиондап ақша алатын мамандықтардың ішінде сауда компаниясының басқарма төрағасы (5,8 млн), тасымалдау саласындағы инженер (5 млн), қаржы және сақтандыру компаниясының атқарушы директоры (4,8 млн), құрылыс саласындағы коммерциялық директор (4,7 млн), әуе көлігі мен халықаралық қатынастар бойынша маман (4,5 млн) мен мұнай саласындағы компанияның бас директоры (3,9 млн теңге) бар.Ең жоғары жалақы мұнай саласында тіркелген. Мәселен, мұнай өндіру компаниясының корпоративті хатшысы айына 2,2 млн теңге алады. Бұдан бөлек, ауызекі тілдің аудармашысы (1,8 млн), диспетчер-оператор (2 млн), маркетолог (1,5 млн) және сауда агенті (1,3 млн) жоғары жалақы алады. Олардың айлығы министрлермен бірдей болды. 2023 жылдың соңында министрлердің жалақысы 1,4 млн теңге, ал облыстық маңызы бар қалалардың басшылары 928,9 мың теңге алған.Фото: Нұрболат Нұржаубай

Қазақстанда 1 млн теңге жалақыны кімдер алады? 

<a href="https://kyzylorda-news.kz/">Kyzylorda-news.kz</a> Жетісу облысында кәсіпорынның бұрынғы директоры мемлекеттік субсидияларды жымқырғаны үшін сотталды, деп хабарлайды <a href="https://kaz.zakon.kz/kogam-tynysy/6038958-zhetsu-oblysynday-ksporynny-bryny-direktory-kmrge-blngen-100-million-tegen-rlap-ketken.html">Zakon.kz.</a>Жетісу облысының прокуратурасы берген мәліметке сай, сот үкімімен "Алакөлжылу" ШЖҚ МКК бұрынғы директоры 100 млн теңгеден астам бюджет қаражатын жымқырғаны үшін 7 жыл 6 айға бас бостандығынан айырылды."Қатты көмірді сатып алуға бөлінген қаражатты жымқыру коммуналдық кәсіпорын басшысымен аффилиирленген компания арқылы жасалған."Жетісу облысының прокуратурасыФото: freepik.com.

Көмірге бөлінген 100 миллион теңге ұрланған

<a href="https://kyzylorda-news.kz/">Kyzylorda-news.kz</a>.&nbsp;&nbsp; Қазақстан мобильді аударымдарға салық салу шарттарын қайта қарауы мүмкін. Бұл туралы <a href="https://stan.kz/kazakstanda-mobildi-audarimdarga-salik-salu-sharttari-k-395762/">Stan.kz</a> ақпарат агенттігі хабарлайды.Салық қызметкерлері үш ай ішінде 100 және одан да көп азаматтан 3 ең төменгі жалақыдан (255 мың теңге) асатын сомада өз шоттарына ақша түскен қазақстандықтардың мобильді аударымдарын ғана қадағалай алады.Премьер-министрдің орынбасары – Ұлттық экономика министрі Нұрлан Байбазаровтың айтуынша, енді тек үш ай қатарынан ай сайын 100 және одан да көп түрлі тұлғалардан ұялы байланыс арқылы ақша аударымдарын алған адамдар ғана тексеру критерийлерін жатады. Ал, Қаржы министрлігі мүдделі мемлекеттік органдармен бірлесіп мобильді аударымдарды бақылау критерийлерін&nbsp;қайта қарап жатыр."Тәуекел критерийлерін келесі редакцияда өзгерту туралы ұсыныс қарастырылуда: "Бір жеке тұлғаның банк шотына келесі үш айда ай сайын 100 және одан да көп түрлі тұлғалардан жалпы сомасы ең төменгі жалақының 3 мөлшерінен асатын ақшалай қаражаттың түсуі (1 қаңтардағы жағдай бойынша – 255 мың теңге). Кәсіпкерлік кодексінің 35-бабының 2-тармағының 2-тармақшасына сәйкес жеке кәсіпкерліктен ең төменгі жалақының 12 еселенген мөлшерінен асатын (шамамен 1 миллион теңге) жылдық табысы бар жеке тұлғалар дара кәсіпкер ретінде міндетті мемлекеттік тіркеуге жатады", – делінген хабарламада.Нұрлан Байбазаров жұмыс нәтижесі Қаржы министрлігіне хабарланатынын айтты.Фото:&nbsp;Нұрболат Нұржакбай

 Мобильді аударымдарға салық салу шарттары қайта қаралады

<a href="https://kyzylorda-news.kz/">Kyzylorda-news.kz</a>.&nbsp; &nbsp; ҚР Премьер-министрі Олжас Бектеновтің төрағалығымен өткен Үкімет отырысында «Жайлы мектеп» ұлттық жобасының жүзеге асырылу барысымен қатар, су тасқыны бойынша ахуал да талқыланды.Төтенше жағдайлар министрі Шыңғыс Әріновтің баяндауынша, бүгінде республикада жағдай тұрақты. Ведомство жергілікті атқарушы органдармен бірлесіп су тасқынына дайындық бойынша қажетті іс-шаралар кешенін өткізді.Үкімет отырысынан кейін облыс әкімі Нұрлыбек Нәлібаев берілген тапсырмаларға қатысты арнайы мәжіліс өткізді.«Биылғы 20 ақпандағы жағдай бойынша облыс аумағына секундына 200 текше метр су түсуде. Аралдан бастап Қызылорда қаласы аумағына дейін өзен арнасында мұз толықтай ұстасқан. Мұздың шеті Шиелі ауданының «Керкелмес» су бекеті тұсында. Жаңақорған ауданында өзен беті мұздан таза. Мұздың орташа қалыңдығы 10-28 см. «Қазгидромет» Қызылорда филиалының мәліметіне қарағанда, айдың үшінші онкүндігінде ауа температурасы 5 градустан 10 градусқа дейін, оңтүстік пен шығыста 17 градусқа дейін дейін жоғарылауы мүмкін. Ауа райы жылынысымен өзен арнасында мұз қозғалысы басталады. Кез келген уақытта мұз кептелісі салдарынан су деңгейі көтерілуі ықтимал. Қала, аудан әкімдері мен тиісті мекемелер дайындық шараларын күшейтуі керек», – деді аймақ басшысы.Айта кетейік, өткен аптада Төтенше жағдайлар министріШыңғыс Сайранұлының облысқа арнайы іссапары кезінде Сырдария өзенінің су шаруашылығы жағдайы мен су тасқынының алдын алу дайындығы таныстырылып, негізгі мәселелер талқыланды.Жиында өңірде су тасқынының алдын алудың бекітілген алгоритміне сәйкес шаралар қабылдау және мұз қозғалысы кезінде жеке құрамның күшейтілген режимге көшуін қамтамасыз ету тапсырылды. Қызылорда қаласы мен аудан әкімдері жергілікті азаматтық қорғау қызметтері күш-құралдарының үнемі дайындықта болуын қадағалуы тиіс. Өзен бойындағы қауіпті учаскелерге бақылауды күшейтіп, тәулік бойы кезекшілікті жалғастыру қажет. «Қазсушар» мекемесі Сырдария өзенімен келетін артық суды алу үшін барлық су таратушы каналдар мен «Қараөзек» су арнасын әзірлеуге жауапты. «Арал-Сырдария» бассейндік инспекциясы «Шардара» су қоймасынан Сырдария өзенінің төменгі ағысына түсетін судың бекітілген кестеге сәйкестігіне бақылау жасайтын болады.Мұнан бөлек, тиісті басқармаларға мол су келген жағдайда облыс аумағындағы көлдер жүйесіне су алуды ұйымдастыру, авариялық-құтқару қызметтері мен күш-құралдарының дайындығын үнемі әзірлікте ұстау және мұз жару жұмыстарын жүргізетін арнайы мердігер мекеменің дайын болуын қамтамасыз ету міндеттелді.Фото: Қызылорда облысы әкімінің баспасөз қызметі

Су тасқынының алдын алу шаралары пысықталды 

<a href="https://kyzylorda-news.kz/">Kyzylorda-news.kz</a>. Бүгін ҚР Премьер-министрі Олжас Бектеновтің төрағалығымен өткен мәжілісте 2024 жылдың қаңтар айындағы әлеуметтік-экономикалық даму қорытындылары және республикалық бюджеттің атқарылуы қаралды.Үкімет отырысында жаңадан тағайындалған Премьер-министрдің орынбасары – Ұлттық экономика министрі Нұрлан Байбазаров, Денсаулық сақтау министрі Ақмарал Әлназарова, Қаржы министрі Мәди Такиев және Төтенше жағдайлар министрі Шыңғыс Әрінов ант берді.Премьер-министрдің орынбасары – Ұлттық экономика министрі Нұрлан Байбазаровтың баяндауынша, есепті кезеңде Қазақстан экономикасының өсу қарқыны 3,9% құрады. Аймақтар арасында ең үлкен өсім Сыр өңірінде тіркелді.<blockquote>«Өңірлер арасында барлық 7 даму көрсеткіші бойынша 3 өңірде, яғни Қызылорда, Павлодар облыстары мен Астана қаласында үздік өсім тіркелді», – деді Н.Байбазаров.</blockquote>Бірінші айдың қорытындысын өткен жылдың қаңтар айымен салыстырғанда құрылыс саласындағы өсім 210,9%, тұрғын үйді пайдалануға беруде 127,3%, өңдеу өнеркәсібі саласы мен жеке инвестициялар бойынша 122,1% болды.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, мән-жайды нақтылап, тиісті тапсырмалар берді.Аймақ басшысы алғашқы ай қорытындысымен даму қарқыны баяулаған салаларда жұмысты жандандыруды тапсырып, бюджет қаражатын игере алмаған басшылар жауапкершілікке тартылатынын ескертті.<blockquote>«Бүгінгі Үкімет отырысының күн тәртібінде әлеуметтік-экономикалық даму қорытындылары мен республикалық бюджеттің игерілуі қаралды. Шағын және орта бизнес субъектілерінің саны өткен жылдың тиісті кезеңімен салыстырғанда 3,2 пайызға төмендеген. Былтыр кәсіпкерлік субъектілерінің саны 68 257 болса, биыл 66 061. Қызылорда қаласы мен барлық аудан әкімдеріне, облыстық бағдарлама әкімшілеріне ай сайын жоспарланған қаражатты толығымен игеруді қатаң тапсырамын. Қаржының игерілуі төмен болса, жұмыс сапасыз орындалса бірінші басшылардың жауапкершілігі қаралатын болады», – деді Нұрлыбек Машбекұлы.</blockquote><img src="https://knadmin.beoblood.kz/uploads/421082055_693077556346825_5775093096660626965_n_9cbabc2887.jpg" alt="421082055_693077556346825_5775093096660626965_n.jpg">

Қызылорда облысы қаңтар айының қорытындысы бойынша үздік аймақ атанды

<a href="https://kyzylorda-news.kz/">Kyzylorda-news.kz</a>&nbsp; Премьер-Министрдің орынбасары – Ұлттық экономика министрі Нұрлан Байбазаров Қазақстан экономикасын 6 пайыз өсімге шығару үшін қандай шаралар қабылданатынын айтты, - деп хабарлайды <a href="https://kaz.inform.kz/">Kazinform</a>.«Жылдың алғашқы айы төмен көрсеткішпен басталып отыр. Мұны мойындау керек. Ал&nbsp;алдымызда экономиканың кем дегенде 6 пайыз өсімін қамтамасыз ету міндеті тұр. Ол&nbsp;үшін қандай қосымша шаралар қабылданады?» деп сұрады Премьер-Министр Үкімет отырысында.Министр үш салаға баса мән берілетінін айтты.<blockquote>«Ең бірінші мемлекеттік шығыстарды толық игеруіміз керек. Оның ішінде баса назар аударатын сала — бюджеттік инвестицияны игеру және мемлекеттік сатып алуды толық қамтамасыз ету. Бұл жерде отандық тауар өндірушілерге баса назар аударуымыз қажет.&nbsp; Екіншіден, басты драйверлер — құрылыс, өңдеу өнеркәсібі мен көлік салаларындағы инвестициялық жобаларды қарқын жүзеге асыруымыз керек. Тағы бір резерв — орта және шағын бизнесті одан әрі дамыту. Бұл жерде мемлекеттік қолдау арқылы екінші деңгейлі банктердің 1 трлн теңгеден аса ақшасын жұмылдыру көзделіп отыр», — деді ол.</blockquote>Нұрлан Байбазаров негізгі капиталға салынатын инвестиция көлемін 22&nbsp;трлн теңгеден түсірмеуге талпынатынын айтты.<blockquote>«Сонымен қатар, „Бәйтерек“ және „Самұрық“ холдингтерінде іске асып жатқан ірі жобалар бар. Соларды игеруіміз керек. Оларда бос резерв ақша бар. Соны біз қарастырып жатқан жаңа жобаларға бағыттау керек. Бұл жерде үлкен жұмыс бар. Негізгі капиталға салынатын инвестиция 22 трлн теңгеден кем болмауы керек. Бұл жерде бізге көмектесетін тағы бір фактор — шетелден келетін тікелей инвестиция. Мұның деңгейін 25 млрд доллардан түсірмеуіміз керек. Осы айтылған салалардың бәрінде ойдағыдай жұмыс істесек, 6 пайыз өсімді қамтамасыз ете аламыз», — деді ведомство басшысы.&nbsp;</blockquote>Фото: Нұрболат Нұржаубай

Жаңа Үкімет экономика өсімін 6 пайызға жеткізу үшін не істемек

<h4 style="margin-left:0px;">Фото: облыс әкімінің баспасөз қызметі</h4><h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Биыл Қызылорда облысында күріш алқабының көлемі бес мың гектарға қысқарады. "Өнім азайып, кіріс тоқтайды" деп дабыл қаққан шаруалар су тапшылығының алдын алуға кіріскен, деп хабарлайды <a href="https://almaty.tv/kz/news/obschestvo/1455-su-tapshylygy-kyzylorda-oblysynda-kurish-alkabynyn-kolemi-kyskardy">Almaty.tv</a>.</h4>Күріш көлемін қысқартуға бірден-бір себеп – жыл өткен сайын Сырдария өзеніндегі судың сарқылуы. Ал көктем шыға тіршілік нәрінен тарығатын шаруалардан қазірден-ақ маза кетті.<blockquote>"Шардара" су қоймасына секундына 645 текше метр су түседі. Төменгі ағысқа 200 текше метр су жіберілуде. Оның 100 текше метрі "Көксарай" су реттегішіне жиналып, 100 текше метрі Қызылорда облысына жіберіледі. Арыспен қосқанда "Көктөбе" су бекетіне, яғни Қызылорда облысына секундына 180 текше метр су келіп түседі", – деді "Арал-Сырдария" бассейндік инспекциясы басшысының орынбасары Зейнулла Қазтоғанов.</blockquote>&nbsp;Биыл Сыр диқандары украиналық ғалымдармен бірлесіп, жаңа сұрыптарды жергілікті ауа райына бейімдеп жатыр. Былтыр мұндай тәжірибеден ресейлік өнім өткен. Өз кезегінде мұндай шаралар егістікті құрғақшылықтан құтқаруға сеп болады.<blockquote>"Сырдария өзеніндегі су тапшылығының алдын алу мақсатында 2022 жылы үкімет резервінен бөлінген 3,6 млрд теңге қаржыға 21 каналдың 225 шақырымы тазаланса, 1 дана гидротехникалық нысан жөндеуден өткізіліп, 133 дана насос қондырғысы сатып алынды, 52 ұңғыма бұрғыланды. Бұдан бөлек облыстық бюджеттен бөлінген қаржыға 141 каналдың 809 шақырымы тазаланып, 321 дана гидротехникалық нысан жөндеуден өткізілді. Осының арқасында, әрине су тапшылығы сезілгенімен судан қалған егіс көлемдері болған жоқ", – деді ауыл шаруашылығы және жер қатынастары басқармасының басшысы Талғат Дүйсебаев.</blockquote>Су тапшылығы сезілсе де, былтыр Қызылорда облысында негізгі дақыл күріш 89 мың гектарға жетіп, қамбаға жарты миллион тоннадан астам өнім құйылған. Шетелге 45 мың тонна күріш экспортталғаны тағы бар. Ал биылғы меже былтырғыдан 12 пайызға аз. Аз егіннен мол өнім алу агротехникалық шараларды күшейтуге әкеп тірейді.<blockquote>"Суды үнемдеуге септігін тигізетін дақылдарға көшудің бір қиыны олардың көпшілігі қолмен жасалады. Дақылдарды егуден бастап жинауға дейінгі аралықтағы мәселенің барлығын механикаландыруға көшкен жағдайда, диқандардың бетін бері қаратып, суды 2 немесе 3-4 есе аз пайдалануға мүмкіндік береді", – деді ауыл шаруашылығы ғылымдарының кандидаты Самалбек Қосанов.</blockquote>Аймақтағы алқаптың 60 пайызын суландыратын "Сол жаға" магистралды каналына су бөлу басталған. Тапшылықтың өнімге әсерін азайту үшін жергілікті шаруалар егісті әртараптандыруды қолға алмақ. Әрі жоспарға сай, күріш алқабының 55 пайызы лазерлік тегістеуден өтсе, тіршілік нәрін 15 процентке дейін үнемдеуге мүмкіндік туады.

Қызылорда облысында күріш алқабының көлемі қысқарды

<a href="https://kyzylorda-news.kz/">Kyzylorda-news.kz.</a>&nbsp; Жалағаш ауданының 45,1 пайызы көгілдір отынмен қамтамасыз етілген. Өңірде өткен жылы елді мекендер мен әлеуметтік нысандарды газдандыру бойынша 5 жоба қолға алынған еді. Соның нәтижесінде, екі жоба толық жүзеге асқан. Яғни, “Ауыл - ел бесігі” жобасы аясында “Наркескен” спорт клубы мен аудандық кітапхана ғимараты табиғи газға қосылған. Бұл туралы Жалағаш ауданының әкімі Ардақ Ибраимов Өңірлік коммуникациялар қызметінде өткен брифингте айтты.<blockquote>2023 жылы Жалағаш кентіне қарасты “Ақтерек” уческесіндегі жаңа тұрғын ауданын газбен жабдықтау жүйесінің құрылысына республикалық бюджеттен 603 млн теңге қаржы бөлініп, газ құбырын тарту жұмыстары толығымен аяқталды. Ал, бүгінгі таңда Ақсу, М.Шәменов елді мекендерін газдандыру жұмыстары қарқынды жүргізілуде. Осы жобалар жүзеге асқан уақытта аудан тұрғындарының 50 пайызы газбен қамтылатын болады. Біз елді мекендерді газдандыру жұмыстарын кезең-кезеңмен іске асыратын боламыз. Сонымен қатар, 2024 жылы Қаракеткен, Далдабай және Бұқарбай батыр елді мекендерін газдандыруға жоба-сметалық құжаттар әзірленетін болады, - деді Ардақ Әбдіғаппарұлы.</blockquote>Сондай-ақ, ауданның экономикалық өсуді қамтамасыз етуге және әлеуметтік проблемаларды шешуге бағытталған жұмыстар да жүйелі жүруде. Жергілікті бюджет есебінен ауданды абаттандыру бағытындағы жұмыстар іске асырылуда. Өткен жылы аудан бойынша абаттандыру жұмыстарына 119,6 млн теңге қаржы қаралып, 10 жоба сәтті жүзеге асты. Осының нәтижесінде, аудандағы 4 елді мекеннің көшелері жөнделді. Сонымен қатар, 5 елді мекенде балалар ойын алаңының құрылысы жүргізілді. Ал, осы жылы аудандық бюджет есебінен 3 елді мекенде жаңадан балалар ойын алаңы салынса, 2 әлеуметтік нысан газ отынына қосылмақ.Жалағаш ауданының әр саласында оң көрсеткіштер қалыптасып, экономикалық әлеуеті қарқынды дамуда. Мәселен, 2023 жылы ауданда өнеркәсіп өнімінің көлемі 100 пайызға, өңдеу өнеркәсібі 100,3 пайызға, инвестиция тарту көрсеткіші – 144,4 пайызға, бөлшек сауда көлемі 103,9 пайызға, ауыл шаруашылығының жалпы өнімі 103,9 пайызға, ал пайдалануға берілген тұрғын үйлер 104,9 пайызға ұлғайды. Сондай-ақ, былтыр 5,6 млрд теңгені құрайтын 40 жоба жүзеге асырылып, өз жұмыстарын бастады.&nbsp;<blockquote>-Жалағаш ауданында жыл көлемінде ілкімді істер жүзеге асырылып, нәтижелі жұмыстар орындалды. Соның ішінде, былтыр аудан бюджеті 10,8 млрд теңгені құрап, 99,9 пайызға атқарылды. Ал өз кірістеріміз 100,7 пайызды құрап отыр. Биыл аудан қазынасы 10,2 млрд теңге көлемінде бекітілді. Бұдан бөлек, аудан халқы мемлекеттік және өңірлік бағдарламалар арқылы шағын және орта кәсіпкерлікті бастауға және оны дамытуға айтарлықтай белсенділік танытуда. Соның нәтижесінде, өткен жылы шағын және орта кәсіпкерлік субъектілерінің саны 3001-ге жетті. Қазіргі таңда оның 95,2 пайызы нақты жұмыс істеуде. Ал қаржы институттары арқылы 206 жоба қаржыландырылып, нәтижесінде 207 жаңа жұмыс орны ашылды. Ауданымызда өндірістік жобаларға да басымдық берілуде. Атап айтқанда, былтыр өңдеу өнеркәсібіне бағытталған инвестициялық жобалар пулы аясында 2 жоба іске асырылды. Ауылдарды дамыту жұмыстары да назардан тыс қалған жоқ. Елді мекен инфрақұрылымы дамып, өндіріс орындары ашылып, көркейту-абаттандыру жұмыстары қарқынды жүргізілуде. Мәселен, «Ауыл Аманаты» жобасы аясында 22 жоба қаржыландырылды. Бұл жұмыстар биылғы жылы да жалғасын табады, - деді аудан әкімі.</blockquote>Жалағаш ауданы – ауыл шаруашылығы саласына бейімделген аймақтардың бірі. Мәсеелен, аудан бойынша 335 шаруашылықтың 200-ге жуығы егінмен, ал 136-ы мал шаруашылығымен айналысады. Аудандағы аграрлық саланы одан әрі дамыту бағытында биыл 36 504 гектар жерге егін егу жоспарлануда. Сонымен қатар, ауданда жеке тұрғындар тарапынан картоп, көкөніс, бақша дақылдарын орналастыруға жаңадан 500 гектар жер дайындалмақ.<blockquote>-Өздеріңізге белгілі, өткен жылы Мемлекет басшысының қолдауымен және Үкіметаралық келісімдер негізінде облыс бойынша қалыптасқан су тапшылығына қарамастан ауданда барлығы 37 079 гектар жерге егілген ауыл шаруашылығы өнімдері ысырапсыз толық жиналды. Соның ішінде, аудан диқандарының үлкен еңбегінің арқасында 19 800 гектар күріштің әр гектарынан 54,5 центнер өнім қамбаға құйылды. Егін шаруашылығымен бірге ауданда мал шаруашылығы да тұрақты дамуда. Атап айтқанда, 39 641 бас мүйізді ірі қара, 38 962 бас уақ мал, 21 819 бас жылқы, 761 бас түйе, 10 474 бас құс өсірілуде. Бұдан бөлек, жыл басынан бері мақсатына сай пайдаланылмаған не заңнаманы бұза отырып пайдаланылған 44 106 гектар жер учаскесі мемлекетке қайтарылды. Оның 619 гектары елді мекен тұрғындарының малдары жайылу үшін қалдырылды, - деді Ардақ Әбдіғаппарұлы.</blockquote>&nbsp;

Жалағаш ауданының 45,1 пайызына газ қосылған

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Ауыл шаруашылығы өнімін өңдеумен белсенді түрде айналысу керек, диқандарға жан-жақты қолдау көрсеткен жөн. Бұл туралы Президент Қасым-Жомарт Тоқаевтың төрағалығымен Үкіметтің кеңейтілген отырысында айтты.&nbsp;</h4><blockquote>«Мен былтырғы Жолдауымда осы салаға қатысты нақты тапсырма бердім. Үш жылда агроөнеркәсіп саласындағы өңделген өнімнің үлесін 70 пайызға жеткізу міндеті қойылды. Бұл бағытта ауыз толтырып айтарлықтай жұмыс жасалып жатқан жоқ», - деді Қасым-Жомарт Тоқаев.</blockquote>Президенттің пікірінше, қазіргі таңда тек шикізат өндірісіне ғана сеніп отыруға болмайды. Ауыл шаруашылығы өнімін өңдеумен белсенді түрде айналысу керек.<blockquote>«Үкімет осы мәселеге айрықша назар аударуға тиіс. Ауыл шаруашылығымен шұғылданам деушілер санын мейлінше көбейту керек. Дақыл түрін көбейтіп, егіннің шығымын арттырып жатқан диқандарға жан-жақты қолдау көрсеткен жөн. Сондай-ақ, бірыңғай жер салығын қолдану мәселесін қайта қарастыру қажет. Себебі, іс жүзіне келгенде, біраз түйткілдер бар. Негізгі талап – салық төлеуді жеңілдету ғана емес. Ең бастысы, шаруалар жерді тиімді пайдаланып, барынша мол өнім беруге ұмтылуы керек», - деді Мемлекет басшысы.</blockquote>Сонымен бірге, мемлекеттік қолдау шараларын «бір терезе» қағидасымен жүзеге асыру қажет, яғни салалық қаржы институттарының қызметін бір жерге біріктірген жөн. Аграрлық несие корпорациясының әлеуетін арттырып, оған әкімдіктердің ауыл шаруашылығын субсидиялау құзыретін беру қажет. Ол үшін агроөнеркәсіп кешені субъектілеріне жеңілдетілген несие және субсидия беру қызметтерін бірыңғай цифрлық платформаға біріктіру керек.<blockquote>«Жалпы, агроөнеркәсіп кешеніне ауқымды реформа жасалуға тиіс. Нақты айтқанда, жаңа технологияларды енгізіп, жерді және басқа ресурстарды ұтымды пайдаланып, жеңілдіктер мен субсидиялардың тиімділігін арттыру қажет. Мұның бәрі, түптеп келгенде, ауыл шаруашылығындағы еңбектің өнімділігін арттырады, яғни нақты нәтиже береді», - деді Қасым-Жомарт Тоқаев.</blockquote>Дереккөз: Казинформ

Ауыл шаруашылығымен шұғылданам деушілерді мейлінше көбейту керек

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Биыл да құрғақшылық болуы мүмкін, су министрлігі ойдағыдай нәтиже бермеді. Президент Қасым-Жомарт Тоқаев Үкіметтің кеңейтілген отырысында осылай деді.&nbsp;</h4><blockquote><h4 style="margin-left:0px;">«Әсіресе, Түркістан және Қызылорда облыстарындағы жағдай мүшкіл, құрғақшылық қаупі аса жоғары. Соған қарамастан, осы аймақтарда тиісті жұмыс жүргізіліп жатқан жоқ. Сондықтан, суды көп қажет ететін дақылдарды азайтып, құрғақшылыққа төзімді дақылдарды көбейту керек, су үнемдейтін технологияны енгізу қажет. Ахуалды жақсарту үшін батыл әрекет жасау керек.</h4><h4 style="margin-left:0px;">Ең алдымен, су үнемдеу технологиясын кең ауқымда енгізген жөн. Шыны керек, біз суды тым орынсыз жұмсаймыз. «Судың да сұрауы бар». Бүкіл ел болып &nbsp;суды үнемдеп пайдалану мәдениетін қалыптастыруымыз керек. Көрші мемлекеттердің тәжірибесін зерттеп, тиімді тұстарын алу қажет.</h4><h4 style="margin-left:0px;">Елді сумен қамтамасыз ету – аса маңызды міндет, ұлттық қауіпсіздік мәселесі деуге болады. Өнеркәсіпте, агросекторда, коммуналдық шаруашылықта, жалпы, барлық салада суды тиімді пайдалану мәселесіне ерекше мән беру қажет», - деді Президент.</h4></blockquote>

Президент:  Қызылордада құрғақшылық қаупі жоғары, жағдай мүшкіл

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Мемлекеттік сатып алу және мемлекеттік қолдау шараларын ұсыну кезінде орта бизнеске басымдық берілуі керек. Бұл туралы Үкіметтің кеңейтілген отырысында Президент Қасым-Жомарт Тоқаев айтты.</h4><blockquote>«Микро және шағын кәсіпкерлік үшін еңбекақы төлеу қорынан бір реттік төлем жасауды енгізу ісі де аяқсыз қалды. Бұл норманың енгізілгеніне бір жылдан асты. Уәкілетті органдар жұмыстың табысты атқарылғаны туралы есеп берді. Ал бизнес өкілдері бұрынғысынша салық пен жарнаны бюджеттік емес қорларға жеке-жеке төлеуді жалғастырып жатыр. Бір жағынан, орта бизнеске нақты қолдау көрсету мәселесіне айрықша мән беру керек. Мысалы, көп жағдайда бизнесті қолдан ұсақтап жатады», - деді Қасым-Жомарт Тоқаев.</blockquote>Президенттің айтуынша, кәсіпкерлерді тиісті санатқа бөлу әдістемесі дұрыс жолға қойылмаған.<blockquote>«Мемлекеттік сатып алу және мемлекеттік қолдау шараларын ұсыну кезінде орта бизнеске басымдық берілуі керек. Осы мәселелерді міндетті түрде шешу қажет. Бизнеске әкімшілік қысым көрсетуді азайту керек, соның ішінде реттеу қағидатын қолдану арқылы ықпал етуді доғарған жөн. Тоқетерін айтсақ, осы салаға сапалы өзгеріс жасау керек», - деді Мемлекет басшысы.&nbsp;</blockquote>&nbsp;Дереккөз: Казинформ

Бизнеске әкімшілік қысым көрсетуді азайту керек – Қасым-Жомарт Тоқаев

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев Үкіметтің кеңейтілген отырысында экономикаға жеткілікті қаражат салынбай жатқанын сынға алып, жаңа инвестициялық кезеңді бастау керегін айтты.&nbsp;</h4>Қасым-Жомарт Тоқаев өндіру саласындағы жобалардан түскен пайда қайтадан инвестиция ретінде экономикаға салынып жатқанын айтты.<blockquote>«Тікелей шетел инвестициясы, негізінен, осы қаражаттың есебінен қамтамасыз етіліп отыр. Негізгі капиталға салынған инвестицияның ішкі жалпы өнімге шаққандағы үлесі азайып барады. Бұл күрделі жағдай деуге болады. Себебі, экономикаға жеткілікті қаражат салынбай жатыр. Соның салдарынан, алдағы жылдары елдің даму қарқынын сақтап тұрудың өзі қиын болуы мүмкін», - деді Президент.</blockquote>Сондықтан, Президент ішкі және сыртқы инвестицияны айтарлықтай көбейту керегін атап өтті.<blockquote>«Бұл – жаңадан құрылған Инвестициялық штабтың негізгі міндеті. Штаб елге инвестиция тартуға қажетті біртұтас экожүйе қалыптастыруы керек. Даму институттарының жұмысын жандандырып, бизнес өкілдерімен тиімді диалог жүргізуге тиіс. Шетелдегі мекемелердің, орталық пен аймақтардың арасында тығыз байланыс орнату қажет. Ең бастысы, Инвестициялық штаб қажетті шешімді дер кезінде қабылдауы керек», - деді Мемлекет басшысы.</blockquote>

Қазақстан және Қызылорда облысының жаңалықтары: Экономика