<a href="https://kyzylorda-news.kz/ru/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен Қазалы ауданының даму жоспарын қарау жөніндегі кеңес өтті. Оған аудан әкімі Мұхтар Оразбаев, орынбасарлары және облыстық басқарма басшылары қатысты.Аймақ басшысы Қазалы ауданының әлеуметтік-экономикалық дамуындағы өткен жылы байқалған оң динамиканы атап өтті.<blockquote>«Негізгі макроэкономикалық көрсеткіштер бойынша Қазалы ауданының өсу динамикасы тұрақты. Негізгі капиталға салынған инвестициялар 22,5 млрд. теңгені құрап, 107,5% болды, бюджет қаражатына тәуелділік төмендеген. Бюджет қаржысы 99,9% игерілген. Қазалы аудандар бөлінісінде 2-орынға тұрақтады. Өз кірісі 2022 жылы 2,1 млрд. теңге болса, 2023 жылы 2,6 млрд. теңгеге өскен. Жүйелі жұмыстардың қарқыны биыл да төмендемеуі тиіс», – деді Нұрлыбек Машбекұлы.</blockquote>М.Оразбаев алдағы уақытта жүзеге асырылатын жобалар туралы баяндады. Ауданның 2024 жылғы бюджеті 11,1 млрд. теңге, оның 2,6 млрд. теңгесі – өз кірістері, қалған 8,5 млрд. теңгесі – субвенция және трансферттер. Қазалылықтардың өмір сүру сапасын арттырып, қолайлы орта қалыптастыру үшін биыл 17 нысанның құрылысы жаңадан басталады. Бұл жобаларға 2,3 млрд. теңге қаржы бөлінді.Кеңесте облыстық басқарма басшылары ауданның даму жоспарына қатысты ұсыныс-пікірлерін айтты. Мемлекеттік бағдарламаларды іске асыру, негізгі экономикалық индикаторларға қол жеткізу, нысандар құрылысын салу, инфрақұрылымды дамыту мәселелері талқыға түсті.Жиын қорытындысымен аудан әкіміне биылға межеленген көрсеткіштерді орындау тапсырылды. Тұрғындардың өтініш-пікірлеріне назар аударып, кері байланыс орнату қажеттігі ескертілді. Жобалардың тиімділігі мен маңыздылығы терең зерделенуі тиіс.Сондай-ақ, облыстық басқарма басшыларына «Ауыл – ел бесігі» жобасын іске асыру, аудандық маңызы бар жолдарды жөндеу және салу, инфрақұрылым желілерін әрі қарай дамыту бойынша міндеттер қойылды.

Мұхтар Оразбаев жүзеге асырылатын жобаларды баяндады

<a href="https://kyzylorda-news.kz/ru">Kyzylorda-news.kz</a> Мәжіліс депутаты Жұлдыз Сүлейменова Премьер-министрдің орынбасары Тамара Дүйсеноваға жолдаған депутаттық сауалында мектепте ауыр жұмыстарды істейтін қызметкерлердің жалақасы көтеруді ұсынды, деп хабарлайды <a href="https://baq.kz/deputat-eden-zhuushylar-men-elektrikterdin-zhalaqysyn-koteru-usyndy-322547/">BAQ.KZ тілшісі.</a> Депутат атап өткендей, жыл сайын Үкімет азаматтық қызметшілердің жалақысында біліктілік санаттарына қолданылатын коэффициенттерді арттыру қарастырып, жалақыларын өсіріп келеді.Бірақ мекемелердің қызметін еден жуушы, аула тазалаушы, сантехник, плотник, электрик секілді қарапайым еңбек адамдарының күнделікті ауыр жұмыстарынсыз жүзеге асыру мүмкін емес болса да бүгінде осы аталған жұмысшылар азаматтық қызметшілер реестірінде жоқ. Сондықтан Үкімет тарапынан азаматтық қызметшінің айлығын арттырғанда, осы еңбегі ауыр жұмысшылардың мүддесі ескерілмей келеді.Әсіресе, денсаулық сақтау, оқу-ағарту саласындағы ең ауыр жұмыстарды атқаратын жұмысшылардың айлық жалақысы төмен. Мысалы, мектептердегі еден жуушы – 82 856 теңге, электрик 81 575 теңге, аула сыпырушы – 79 317 теңге. Бүгінгі таңда, тек орта білім саласында 216 мыңнан астам осы санаттағы жұмысшылар бар, олардың 254 мыңы қолына тиетін айлық жалақысы 74 мың теңгеден 85 мың теңге аралығында, - деді Жұлдыз Сүлейменова.Депутаттар білім беру, денсаулық сақтау мекемелеріндегі орта және кіші буын мамандары мен қызметшілердің еңбекақысын кемінде екі есеге көтеру қажет деп санайды.<blockquote>Атқаратын жұмысының күрделілігіне және ауырлығына әрі ерекшелігіне қарай лайықты жалақы тағайындалуы тиіс деп есептейміз. Себебі, жалақы әлеуметтік жағдайды, күнкөріс деңгейін, денсаулығына және балаларын өсіп-жетілдіруге жеткілікті болуы шарт. Әлеуметтік әділдік заманында жұмысы ауыр, еңбегі адал жұмысшылардың жалақысы артуы қажет, - деп айтты мәжілісмен.</blockquote>Депутат мынадай ұсыныстарды енгізді:Оқу-ағарту министрлігі 2016 ж. 29 қаңтардағы № 123 Қазақстан Республикасы Білім және ғылым министрі бұйрығымен бекітілген Білім және ғылым саласындағы азаматтық қызметшілер лауазымдарының тізілімін қайта қарап, еден жуушы, плотник, сантехник, аула тазалаушы, электрик санатындағы жұмысшылардың осы тізілімге енгізілуін қарастырсын. Оқу-ағарту министрлігі Ұлттық экономика министрлігімен бірлесе отырып, республикалық бюджетті нақтылау кезеңінде аталған жұмысшылардың базалық лауазымдық жалақысын инфляцияға және жұмыстардың күрделілігіне сәйкес ұлғайтуды қарастырсын. Оқу-ағарту министрлігі Қаржы министрлігімен бірлесе отырып, еден жуушы, плотник, сантехник, аула тазалаушы, электрик санатындағы жұмысшылардың еңбек демалысына төленетін төлем мөлшеріне сауықтыру жәрдемақысы қосу мүмкіндігін қарастырып, республикалық бюджеттен шығындарын есептесін.Фото: Нұрболат Нұржаубай

Депутаттар жалақыны көтеруді сұрайды

<a href="https://kyzylorda-news.kz/ru">Kyzylorda-news.kz.</a>&nbsp; Облыс әкімі Нұрлыбек Нәлібаевтың төрағалығымен өткен Арал ауданының даму жоспарын қарау жөніндегі кеңесте аудан әкімі Аманжол Оңғарбаев атқарылатын жұмыстарды баяндап, бірнеше жобаны жүзеге асыруды ұсынды. Оның айтуынша, биыл ауданда 14 құрылыс жүргізіліп, 54 жоба-сметалық құжаттама әзірленуде және бірінші кезекте жоба әзірлеуді қажет ететін 35 бағыт анықталған. Бұдан бөлек, демеушілік есебінен 120 млн. теңгеге жуық қаржыға 30 жоба дайындалуда. Олар – 24 әлеуметтік нысанды газдандыру, 3 абаттандыру жобасы және «Ерімбетжаға», «Тастүбек» елді мекендерін ауыз суға қосу, теміржол вокзалы ғимаратын қайта жаңғырту.«Хан» елді мекені тұсындағы қалқымалы көпірді 328 млн. теңгеге қайта жаңғырту 2022 жылы басталды. Қазір қайта түзетулер жасалуына байланысты мемлекеттік сараптамадан өткізілуде. Аудан тұрғындары үшін маңызды жобаға түзетулер енгізіліп, жол мәселесі толық шешілген. Қалқымалы көпір мердігер мекеме есебінен 80-85 пайыз аяқталған.«Нұрлы жол» мемлекеттік бағдарламасы аясында 5 жоба жүзеге асырылады, яғни, «Қызылжар-Шөмішкөл», «Самара-Шымкент-Бекбауыл», «Аққұлақ елді мекеніне кіреберіс», «Самара-Шымкент-Қамыстыбас-Аманөткел-Жаңақұрылыс», «Қаратерең-Жаңақұрылыс» автомобиль жолдары салынуда.Моно және шағын қалаларды дамыту бағдарламасы негізінде өткен жылы басталған теміржол үстінен өтетін аспалы көпірдің құрылысы жалғасын тапты. Биылға республикалық және облыстық бюджеттен қосымша 1,7 млрд. теңге бөлінді. Алайда, жобалаушы автор тарапынан ескерілмеген жұмыстарға байланысты қайта есептемелер жүргізу үшін жоба-сметалық құжаттамаға түзетулер мен толықтырулар енгізілуде. Алдын ала болжам бойынша шамамен 800 млн. теңге қаржыға қажеттілік туындауы ықтимал.Сексеуіл кентіндегі 40 орындық аурухана құрылысы 2019 жылы басталған, қазір қабырғасын қалау 90% біткен. Былтыр «Көктем» елді мекеніндегі медициналық бекет салынып, бүгінде пайдалануға беруге құжаттары әзірленуде.Сексеуіл кентін «көгілдір отынға» қосу 2022 жылы басталды. Жұмысты жалғастыруға биыл облыстық бюджеттен 88,1 млн. теңге бөлінді. Толық аяқтау үшін республикалық бюджеттен 290,1 млн. теңге және Ұлттық қордан 436,1 млн. теңге қажет етіледі. Сондай-ақ, өткен жылы басталған Арал қаласындағы №4 шағын ауданға газ желісін тартуды жалғастыруға республикалық бюджеттен 310,8 млн. теңге, облыстық бюджеттен 30 млн. теңге қажет.<img src="https://knadmin.beoblood.kz/uploads/417453264_685533097101271_6068368979644531255_n_49916cc50a.jpg" alt="417453264_685533097101271_6068368979644531255_n.jpg"><img src="https://knadmin.beoblood.kz/uploads/417464129_685533337101247_3184106540989321538_n_12b78f9782.jpg" alt="417464129_685533337101247_3184106540989321538_n.jpg">

Арал ауданында 120 млн. теңгеге жуық қаржыға 30 жоба дайындалуда

<a href="https://kyzylorda-news.kz/ru">Kyzylorda-news.kz.</a> &nbsp;Бүгін облыс әкімі Нұрлыбек Нәлібаевтың төрағалығымен өткен мәжілістің күн тәртібінде Арал ауданының даму жоспары талқыланды. Мәжіліске аудан әкімі Аманжол Оңғарбаев, орынбасарлары және облыстық басқарма басшылары қатысты.Аймақ басшысы былтыр ауданның әлеуметтік-экономикалық дамуында оң динамика тіркелгенін атап өтті.<blockquote>«Өткен жылы аудандар мен Қызылорда қаласы бөлінісіндегі негізгі макроэкономикалық көрсеткіштер бойынша Арал ауданының өсу динамикасы тұрақты деңгейде сақталды. Негізгі капиталға салынған инвестициялар 24,3 млрд. теңгені немесе 148% құрап, бюджет қаражатына деген тәуелділіктің төмендегені байқалады. Бюджет 98,2% игерілді. Ауданның өз кірісі 2022 жылы 3 млрд. теңге болса, 2023 жылы 3,2 млрд. теңгеге өскен. Бұл бағыттағы жұмыстарды биыл да жүйелі түрде жалғастыру қажет», – деді Нұрлыбек Машбекұлы.</blockquote><img src="https://knadmin.beoblood.kz/uploads/417451773_685532973767950_6586620218689874934_n_5607302d58.jpg" alt="417451773_685532973767950_6586620218689874934_n.jpg">Арал ауданының әкімі жүзеге асырылатын және алдағы уақытта іске асыруға ұсынылатын жобаларды баяндады. Аудан бюджеті 2024 жылға трансферттер мен кредиттерді қоса алғанда 15,2 млрд. теңге болып бекітілді. Өткен жылмен салыстырғанда 770,1 млн. теңгеге артық немесе 105,3% құрайды. Бюджеттің барлық кірістерінің 21,8 пайызын өз кірістері, 27,7 пайызын субвенция, 49 пайызын трансферттер, 1,5 пайызын несиелер құрайды. Осы жылға арналған өз түсімдері 3,3 млрд. теңге, оның 2,8 млрд. теңгесі немесе 84,1 пайызы аудан бюджетінің, қалған 527,4 млн. теңгесі немесе 15,9 пайызы дербес бюджеттердің түсімдері.Мұнан бөлек, жиында облыстық басқарма басшылары ауданның дамуына қатысты өз салалары бойынша хабарлама жасап, ұсыныстарын жеткізді. Жобалар мен салынатын нысандар, мемлекеттік бағдарламаларды жүзеге асыру және негізгі экономикалық индикаторларға қол жеткізудің жолдары талқыланды.Жиын қорытындысымен аудан әкіміне биылға межеленген көрсеткіштерді орындау тапсырылды. Сондай-ақ, облыстық басқарма басшыларына «Ауыл – ел бесігі» жобасын іске асыру, аудандық маңызы бар жолдарды жөндеу және салу, Мемлекет басшысының 2021-2025 жылдары Арал теңізінің құрғаған ұлтанына 1,1 млн гектар сексеуіл екпелерін егуді ұлғайту жөніндегі тапсырмасын орындау, тұрғындардың әлеуметтік жағдайын жақсарту бойынша міндеттер жүктелді.<img src="https://knadmin.beoblood.kz/uploads/417452820_685530823768165_2886392794120186833_n_0bf71ddfec.jpg" alt="417452820_685530823768165_2886392794120186833_n.jpg">

Нұрлыбек Нәлібаев: Арал ауданының өсу динамикасы тұрақты

<a href="https://kyzylorda-news.kz/ru">Kyzylorda-news.kz.</a> ҚР Премьер-министрі Әлихан Смайыловтың төрағалығымен өткен Үкімет отырысында шағын және орта бизнесті одан әрі қолдау тетіктері талқыланды.Үкімет басшысы отандық кәсіпкерлерді қолдауда ауқымды жұмыс жүргізілгенін атап өтті. Қабылданған шаралардың арқасында шағын және орта бизнестің жалпы ішкі өніміндегі үлесі 36,5%-ға дейін өсті. Ал 2030 жылға қарай бұл көрсеткіш 40%-ға дейін артуы керек. Үкімет басшысы биылдан бастап бақылау мен қадағалау салаларында тәуекелдерді басқарудың автоматтандырылған жүйесі іске қосылғанын айтты. Оның нәтижесінде бизнесті жоспарлы тексеру мен кәсіпкерлерді жауапқа тарту біршама қысқарады.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, саланы дамыту бойынша алдағы мақсат-міндеттерді белгіледі.<blockquote>«Мемлекет басшысы өз Жолдауында «Қазіргі ең басты міндет – еліміздің мықты өнеркәсіптік негізін қалыптастыру және экономикамыз өзімізді толық қамтамасыз ете алатын жағдайға жету. Сондықтан өңдеу саласын жедел дамытуға баса мән беруіміз қажет» деп атап өткен болатын.Жүйелі жұмыстар өңірдің өнеркәсіп саласындағы көрсеткіштерінің оң динамикасын қалыптастырды. Мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі көлемінде өткен жылдың қыркүйек айынан бастап өсім қалыптасты. Өңдеу өнеркәсібі саласындағы өсім бойынша 2022 жылы республикада 11-орында болсақ, өткен жылды 1-орынмен қорытындыладық», – деді аймақ басшысы.</blockquote>Дегенмен, кейбір көрсеткіштер бойынша жұмыс қарқыны төмен. Мәселен, орта кәсіпкерлікті дамытудың, ауылдық жерде бизнес-жобаларды қолдаудың жай-күйі қанағаттанарлық емес. Жиында облыстық кәсіпкерлік және өнеркәсіп басқармасына Қызылорда қаласы және аудан әкімдіктерімен бірлесіп, шағын және орта кәсіпкерліктің негізгі макроэкономикалық көрсеткіштерінің сапалы және мерзімінде орындалуын қамтамасыз ету тапсырылды. Мұнан бөлек, басқарма экономикадағы орта кәсіпкерліктің үлесін арттыруға, өңдеу өнеркәсібіне бағытталған инвестициялық жобалар пулына енгізілген жобалардың санын көбейту үшін ұсыныс беруге жауапты болмақ. Облыс аумағындағы индустриялық аймақтарға инвестиция тарту арқылы жаңа жобаларды орналастыру бойынша да міндет қойылды.Облыстық ауыл шаруашылығы және жер қатынастары басқармасына «Ауыл аманаты» жобасы бойынша «Мемлекеттік сатып алу» заңына сәйкес сенім білдірген өкілді анықтап, құжаттар қабылдау тапсырылды.

Бизнесті жоспарлы тексеру мен кәсіпкерлерді жауапқа тарту біршама қысқарады

<a href="https://kyzylorda-news.kz/ru">Kyzylorda-news.kz.</a>&nbsp; Ғылым және жоғары білім саласындағы сапаны қамтамасыз ету комитетінің төрағасы Әділет Тойбаев еліміздегі университет оқытушыларының жалақысы соңғы үш жылда қанша теңгеге өскенін мәлімдеді. Бұл туралы <a href="https://stan.kz/426-min-tenge-kazakstanda-universitet-okitushilarinin-z-394591/">Stan.kz </a>ақпарат агенттігі хабарлайды.Комитет төрағасы Әділет Тойбаев университет оқытушыларының жалақысы жыл сайын өсіп жатқанын атап өтті.“Соңғы үш жылда еліміздегі оқытушылардың жалақысы өсті: 2021 жылы жалақы орташа есеппен 222 549 теңгені, 2022 жылы – 369 357 теңгені, ал 2023 жылы – 426 472 теңгеге жетті. Бұл шаралар оқытушылардың әлеуметтік мәртебесін көтеруге, олардың кәсіби өсуін ынталандыруға және біліктілігін арттыруға бағытталған”, - деп айтты комитет басшысы.Еске салайық, бұған дейін Қазақстанда педагогикалық дипломы жоқ мамандарға да мектептерде сабақ өтуге рұқсат берілетіні туралы хабарлаған едік.Фото: Нұрболат Нұржаубай

"426 мың теңге": Қазақстанда университет оқытушыларының жалақысы өсті

Фото: облыс әкімінің баспасөз қызметі&nbsp;<a href="https://kyzylorda-news.kz/ru">Kyzylorda-news.kz.</a> ҚР Премьер-министрі Әлихан Смайыловтың төрағалығымен өткен Үкімет отырысында еліміздің су ресурстарын басқару жүйесін дамытудың 2024-2030 жылдарға арналған тұжырымдамасы, шағын және орта бизнесті қолдау шаралары талқыланды.Жиынға селекторлық режимде қатысқан облыс әкімі Нұрлыбек Нәлібаев Үкімет басшысына суармалы суды үнемдеу жұмыстары туралы баяндады.<blockquote>«Қазақстан Республикасының су ресурстарын басқару жүйесін дамытудың 2024-2030 жылдарға арналған тұжырымдамасын қолдаймыз. Су тапшылығына байланысты биыл күріш көлемі өткен жылмен салыстырғанда 12%-ға немесе 5 мың гектарға қысқарады. Бұл бағытта ауыл шаруашылығы құрылымдарына түсіндірме жұмыстары жүргізілді. Егістікті әртараптандыруға басымдық беріліп, атыздар лазерлік тегістелуде. Бүгінде күріш алқаптарының 55 пайызы тегістелген, осы жылы бұл көрсеткішті 68 пайызға жеткіземіз. Тәжірибе көрсеткендей, лазерлік тегістелген жерде суды 15 пайызға дейін үнемдеуге мүмкіндік бар. Бұдан бөлек, күріштің қысқа мерзімде пісіп-жетілетін, өнімділігі жоғары жаңа сорттары өндіріске енгізілуде. Қазір Украина ғалымдарымен бірлесіп, «Виконт», «Премиум», «Маршал» сорттары жергілікті ауа-райына бейімделіп, аудандастырылуда. Өткен жылы Ресейдің «Яхонт», «Патриот» жаңа сорттары тәжірибе ретінде 71 гектар жерге егіліп, жақсы нәтиже көрсетті. Бұл сорттардың өнімділігі қолданыстағы сорттарға қарағанда 10 центнерге жоғары, вегетациялық кезеңі 10-15 күнге қысқа, суды 20 пайызға дейін аз қажет етеді», – деді аймақ басшысы.</blockquote>Нұрлыбек Машбекұлы облыстағы егістік жердің 60 пайызын суландыратын «Сол жаға» магистралды каналына суды бөлу және есепке алуды автоматтандыру жұмыстары басталғанын айтты. Бүгінде Австралиялық «Rubicon Water» компаниясының тәжірибесін енгізу үшін жоба-сметалық құжаттар әзірленуде. Жаңа технологиялар көкөніс, бақша, картоп, мал азықтық және жүгері дақылдарын егуге де пайдаланылуда. Бұл бағытта биылдан бастап 5 жоба жүзеге асырылмақ. Жобалар толық қуатына жеткенде 9 мың гектарды қамтиды. Шиелі ауданында қытайлық «Бо Ян» компаниясымен бірлесіп, 3 мың гектарға тамшылатып суару әдісімен жүгері өсіру жобасы басталды. 2030 жылға дейін су үнемдеу технологияларын қолдануды 50 мың гектарға дейін ұлғайту межеленген.Үкімет жиынынан кейін облыс әкімі Нұрлыбек Нәлібаев арнайы мәжіліс өткізіп, күн тәртібіндегі мәселелер бойынша тапсырма берді. Облыстық табиғи ресурстар және табиғат пайдалануды реттеу, ауыл шаруашылығы және жер қатынастары басқармаларына «Қазсушар» мекемесінің Қызылорда филиалымен бірлесіп, Су саласын дамытудың 2024-2026 жылдарға арналған кешенді жоспары жобасына облыстың су шаруашылығы мәселелерін енгізуді салалық министрлікпен пысықтау тапсырылды. Сондай-ақ, биылдан бастап Қазақстан Республикасы төрағалық ететін Халықаралық Аралды Құтқару қоры атқарушы комитетінің отырысын өңірде өткізу ұсынылды.Күн тәртібіндегі екінші мәселе бойынша облыстық кәсіпкерлік және өнеркәсіп басқармасына шағын және орта кәсіпкерліктің негізгі макроэкономикалық көрсеткіштерінің сапалы және мерзімінде орындалуын қамтамасыз ету, жаңа өндірістерді дамытудың, жұмыс орындарын ашудың тиімді жолдарын қарастыру жөнінде тапсырмалар берілді.<img src="https://knadmin.beoblood.kz/uploads/417464817_684903270497587_8291598829286191469_n_f293189d9d.jpg" alt="417464817_684903270497587_8291598829286191469_n.jpg">

Су тапшылығына байланысты биыл күріш көлемі 5 мың гектарға қысқарады

Фото: өңірлік коммуникациялар қызметі<a href="https://kyzylorda-news.kz/ru">Kyzylorda-news.kz.</a> Биыл Қармақшыда аймақ басшысының бастамасымен музей, кітапхана, мұрағат, неке қию залы, ардагерлер үйі мен жастар орталығының іргетасы қаланбақ. Сондай-ақ, азаматтық қоғам өкілдері мен тарихи, мәдени, рухани ұйымдарды біріктіретін типтік үлгідегі «Руханият орталығының» құрылысы жүргізіледі. Бұл туралы Өңірлік коммуникациялар қызметінің ақпарат алаңында Қармақшы ауданының әкімі Жандос Еркінбекұлы хабарлады.<blockquote>Соңғы жылдары ауданымызда құрылыс қарқынды жүруде. Биыл да аудандағы халықтың өмір сүру сапасын арттыру мақсатында әлеуметтік нысандар салынып, сапалы ауыз су және газбен қамту жұмыстары жүргізіледі. Одан бөлек, электр желілері қайта жаңғыртылмақ. Сондай-ақ, Байқоңыр қаласында көпқабатты 50 пәтерлі 5 тұрғын үйдің құрылысы жүргізіліп, абаттандыру және инженерлік жүйелер орнатылады. Ал Жосалы кентінде жаңадан ашылған "Тәуелсіздік" ықшам ауданының үйлеріне газ желілері жүргізіледі. Бұған қоса, осы жылы Дүр Оңғар ауылына да газ желісінің құрылысы басталады. Ауданымызда электр желілерді қайта жаңғырту мәселесі де күн тәртібінен түскен емес. Осыған сәйкес, биыл Көмекбаев, Ақтөбе, Иркөл елді мекендеріне республикалық бюджеттен тиісті қаржы бөлініп, ондағы электр желілері қайта жаңғыртылатын болады. Ал 6 елді мекеннің электр желілерін жаңарту бойынша жоба-сметалық құжаттар әзірленуде, - деді аудан басшысы.</blockquote>Қармақшы ауданының әлеуметтік-экономикалық әлеуеті қарқынды дамып келеді. Әсіресе, аудан қазынасы айтарлықтай артып, ілкімді істер жолға қойылмақ. Нақтыласақ, биыл Қармақшы ауданының бюджетіне 13 млрд теңгеден астам қаржы бөлініп, былтырғы жылмен салыстырғанда 22,5 пайызға артқан. Соның ішінде ауданның өз кірісіне 2 млрд теңгеден астам қаржы қарастырылды. Бұл аймақта макроэкономикалық көрсеткіште де оң динамика қалыптасып отыр. Мәселен, былтыр ауданға 15 млрд теңгеден астам инвестиция тартылып, 13,8 пайызға өсім қалыптасты.&nbsp;<blockquote>Өткен жылы ауданымызда көптеген ауқымды жобалар қолға алынып, игі бастамалар жүзеге асырылды. Атап айтсақ, өнеркәсіп саласының кәсіпорындарымен 4 млрд 787 млн теңгенің өнімі өндіріліп, өсім 4,9 есеге өсті. Ал өңдеу өнеркәсібінде 3 млрд 682 млн теңгенің өнімі өндірілді. Ауданымызда кәсіпкерлік саласы да серпінді дамып келеді. Сәйкесінше, тіркелген шағын және орта кәсіпкерлік субъектісі 4 081 бірлікті құрап, оның ішінде жұмыс жасап тұрған кәсіпкерлік санының үлесі 92,4 пайызды құрады. Сонымен қатар, мемлекеттік және өңірлік бағдарламалар шеңберінде 214 жоба несиелендірілді. Ал «Ауыл аманаты» бағдарламасы шеңберінде 45 жоба қаржыландырылды. Индустрияландыру бағдарламасы аясында жүзеге асырылып жатқан ірі жобаның бірі – «Қармақшы құс» фабрикасы былтыр іске қосылған болатын. Қараша айында алғашқы өнімі халыққа жол тартты. Бұл кәсіпорында 100 жаңа жұмыс орны ашылып, тәулігіне орта есеппен 8-10 тонна өнім өндірілуде. Сонымен қатар, өндіріс және өңдеу өнеркәсіпті дамыту мақсатында Жосалы кентіндегі «АНК-Дәулет» ЖШС газоблоктар өндіретін шағын зауыттың құрылысы басталды. Аталмыш жобаның жалпы құны – 200 млн теңге. Бұдан бөлек, аудандағы сауда саласын дамыту мақсатында 3 жоба қолға алынды, - деді Жандос Еркінбекұлы.</blockquote>Аудандық маңызы бар ұзындығы 6,5 шақырым болатын «Марал Ишан кесенесіне кіре беріс» автомобиль жолы салынатын болады. Қазіргі таңда құрылыс жұмыстарын жүргізу бойынша қажетті шаралар қабылдануда. Ал «Ауыл – Ел бесігі» бағдарламасы аясында 9 көшеге жөндеу жұмыстары жүргізілетін болады.<blockquote>Былтыр «Самара-Шымкент-Ақжар-Көмекбаев» аудандық маңыздағы автомобиль жолдарының 27 шақырымына орташа жөндеу басталып, 2023 жылға жоспарлаған 11 шақырымын жөндеу жұмыстары аяқталды. Биыл қалған 16 шақырымға жөндеу жұмыстары жалғасын табатын болады. Сонымен қатар, былтыр республикалық және облыстық бюджет есебінен аудандық маңыздағы «Қызылтам елді мекенінің кіре беріс» автомобиль жолын реконструкциялау жұмыстары басталып, 4,6 шақырым автомобиль жолына асфальт төселді. Ал «Ауыл-Ел бесігі» бағдарламасы аясында 5 елді мекеннің 21 көшесі орташа жөндеуден өтті, - деді Жандос Еркінбекұлы.</blockquote>Өңір - ауыл шаруашылығы саласына бейімделген аймақтардың бірі. Ауданда өткен жылы 26 288 гектар жерге егін егілсе, негізгі дақыл күріштің көлемі - 13 770 гектарды құрады. Нәтижесінде, күріштің әр гектарынан орта есеппен 60 центнер өнім жиналған. Биыл да ауданның ауыл шаруашылығын дамыту бағытында ауқымды жоспарлар жүзеге асырылмақ.&nbsp;<blockquote>Өздеріңіз білетіндей, ауданымыздың ауыл шаруашылығы саласы серпінді дамып келеді. Мәселен, былтыр Жаңажол ауылдық округінде “Жаңажол” ЖШС 5 гектар жерге тамшылатып суару әдісімен алма бағын отырғызды. Сондай-ақ, облыс әкімінің «Тұрғындардың өзін-өзі әлеуметтік маңызы бар картоп, көкөніс және бақша өнімдерімен қамтамасыз етуін қалыптастыру» туралы тапсырмасы негізінде 392 гектар бақшалық жер дайындалып, 881 отбасыға бөліп бердік. Егіске су жеткізу жұмыстары бойынша 520 млн м3 су алынды. Ал, су бөлу нүктесінен қашық орналасқан егістіктерге су жеткізу үшін ауданға қарасты ауыл шаруашылығы құрылымдарымен 24 дана насос қондырғылары пайдаланылды. Мал шаруашылығында да айтарлықтай өсім байқалды. Атап айтқанда, төрт түлік бойынша өсім орташа есеппен 5,9 пайызды құрады. Ауыл шаруашылығы саласындағы жақсы жаңалықтардың бірі - өткен жылы “Жаңажол” ЖШС облыстағы үздік шаруашылық атанды. Ал ауыл-аймақты көркейту-көгалдандыруға белсенді қатысатын елді мекендерді ынталандыру мақсатында ұйымдастырылатын “Үлгілі елді мекен” облыстық конкурсында Дүр Оңғар ауылы ІІ орынға ие болды, - деді Жандос Еркінбекұлы.</blockquote>Аудан келбетін айшықтап, даңқын асыратын - мәдениеті пен спорт саласы. Жүз жырау шыққан киелі Қармақшы өңірі өлмес өнердің өз адамдарын түлеткен аудан. Өткен жылы ауданның 95 жылдығы аясында 95 шара өткізіліп, кең көлемде атап өтілді.&nbsp;<blockquote>Ауданның 95 жылдық тарихын дәріптеу мақсатында «Құт қонған қасиетті Қармақшым» атты республикалық ақындар айтысы және "Қасиетті Мекен - Қармақшым" атты аймақтық жыршы-жыраулар фестивалі жоғары деңгейде өткізілді,- деді Жандос Еркінбекұлы.</blockquote>Брифингте аудан әкімі Жандос Еркінбек спорттағы жетістіктерге де тоқталып өтті.<blockquote>2023 жылы аудан спортшылары спорт түрлерінен жасөспірімдер, жастар және ересектер арасындағы Қазақстан Республикасының чемпионаттары мен Кубоктарында 18-алтын,15-күміс, 18-қола медальді жеңсе, Әлем біріншіліктерінде 4 алтын, 4-қола, Европа Кубогында 1-күміс медальді жеңіп алса, Азия чемпионатында 1-алтын, 1-күміс, 3-қола медальді жеңіп алды,- деді аудан әкімі</blockquote>

 «Ауыл – ел бесігі»: Қармақшы ауданында 9 көшеге жөндеу жүргізіледі

<a href="https://kyzylorda-news.kz/ru">Kyzylorda-news.kz.</a>&nbsp; Журналистердің &nbsp;АХҚО қызметкерлерінің орташа жалақысы шамамен қанша деген сауалына "Астана" халықаралық қаржы орталығының басшысы Ренат Бектұров жауап берді,-деп хабарлайды <a href="http://newsroom.kz/">Newsroom.kz</a>-АХҚО қызметкерлерінің орташа жалақысы тәжірбиесіне байланысты 300-600 мың теңгені құрайды. Ал, басшы құрам шамаммен 700-800 мың теңгеге дейін жалақы алады. Сондай-ақ, АХҚО басшысы Ренат Бектұров өзінің жалақысын бес баласы мен әйеліне жұмсайтынын және &nbsp;ипотекасы мен бірнеше тұтынушылық несиелері бар,-деді ол.Фото: Нұрболат Нұржаубай

Астана қаржы орталығының басшысының да несиесі бар екен

Фото: iaea.orgru<a href="https://kyzylorda-news.kz/ru">Kyzylorda-news.kz.</a> Қазақстан Ресейге электр қуатын неге арзанға сатып, кейін қымбатқа алады? Жауабы <a href="https://kaz.inform.kz/news/kazakstan-reseyge-elektr-kuatin-nege-arzanga-satip-keyn-kimbatka-aladi-kegos-zhauabi-9d6338/">Қазақпаратта.</a>«KEGOС» АҚ ұлттық электр желісі жүйелік қызметтер және дамыту жөніндегі басқарушы директоры Нұржан Керімқұловтың айтуынша, Ресейден импортталатын қуаттың негізгі бөлігін майнерлер тұтынады.<blockquote>«Бізде электр қуаты Ресейден майнерлер мен бірыңғай сатып алушы қажетілігіне қарай импорттайды. Майнерлер 2023 жылы 1 млрд 48 млн КВт\сағ қуат сатып алды. Бірыңғай сатып алушы 1 млрд 778 млн КВт\сағ қуат сатып алды. Бұл келісімшарттар коммерциялық болғандықтан бағасын білмейміз. Былтыр Ресейден 1 млрд 588 млн КВт\сағ қуат сатып алынып, 1 млрд 329 млн КВт\сағ қуаты сатылған. Бұл халықаралық ағындар арқылы жүрді. Орташа бағасы 1 КВт\сағ қуатқа – 19 теңге. Ал біз сататын баға 1 КВт\сағ қуатқа – 6,44 теңге. Бағада айырмашылық бар. Бірақ ол үкіметаралық келісімдер арқылы реттеледі», - деді ол.</blockquote>Компанияның басқарма төрағасы Нәби Айтжанов баға айырмашылығының неге 3 есегеу жуық екенін түсіндірді.<blockquote>«Біз Ресей Федерациясынан электр қуатын ең белсенді тұтынатын сағаттарда сатып аламыз. Ресейде де теңгерім нарығы бар. Яғни, электр қуатының тарифі сағаттарға жіктелген. Қауырт сағат деп отырғанымыз – таңғы және кешкі уақыт. Яғни, біз қауырт уақыттарда алғандықтан қымбатқа сатып аламыз. Иә, бәлкім бұл Қазақстан үшін жоғары тариф болып көрінетін шығар. Бірақ біз оны мәжбүрліктен аламыз. Өйткені біздегі генерация қажеттілігімізді толық жаба алмайды. Ал біз Ресейге сатқан кезде өзіміздегі басы артық қуатты жөнелтеміз. Мұндай профицит түнде пайда болады. Ресейге ол қуаттың қажеті шамалы. Бірақ біз оны жүйелердің өзара ықпалдастығы аясында жөнелтіп отырамыз. Баға айырмашылығы үлкен болып көрінеді, бірақ бұл айырмашылық теңгерім бағасынан туындап отыр», - деді компания басшысы.</blockquote>Нұржан Керімқұловтың айтуынша, кейінгі үш жылда Қазақстанға Ресейден импортталатын электр қуатының бағасы біртіндеп түсіп келеді.<blockquote>«2021 жылы біз 2023 жылғыдан қымбатқа сатып алаған едік. 2022 жылы 1 Кв\сағ қуатты 24,88 теңгеге сатып алдық. 2023 жылы 19,37 теңгеге сатып алғанбыз», - деді ол.</blockquote>

Қазақстан Ресейге электр қуатын неге арзанға сатып, кейін қымбатқа алады – KEGOС жауабы

<a href="https://kyzylorda-news.kz/ru">Kyzylorda-news.</a> Бүгін ҚР Үкіметінің агроөнеркәсіп кешені туралы кеңес отырысында Мемлекет басшысының ауыл шаруашылығының жалпы өнім көлемін екі есе ұлғайту жөніндегі тапсырмасын орындау бойынша қабылданатын және жоспарланған шаралар талқыланып, тиісті тапсырмалар берілді.Кеңес отырысында облыс әкімі Нұрлыбек Нәлібаев ҚР Премьер-министрі Әлихан Смайыловқа осы бағытта өңірде атқарылған жұмыстарды баяндады.<blockquote>«Ауыл шаруашылығы министрлігі ұсынған, Жол картасында қамтылған жаңа тәсілдерді толық қолдаймыз. Өңірде әртараптандыру бағытында биылдың өзінде күріш алқаптарын 5 мың 100 гектарға қысқартып, мал азығындық дақылдар мен көкөніс, бақша егісі көлемін көбейту жоспарлануда. 2028 жылға қарай күріш көлемі 72 мың 200 гектарға дейін оңтайландырылады. Су үнемдеу технологиясымен егілетін мал азығындық және жүгері, көкөніс, бақша дақылдарының көлемі 47 мың 300 гектарға ұлғаяды. Күріштің егіс көлемі азайғанмен, агротехнологияларды қатаң сақтау, минералды тыңайтқыштарды өз деңгейінде пайдалану, тұқым сапасын жақсарту, жаңа сорттарды өндіріске енгізу арқылы өнімділігін 20-25 пайызға дейін арттыруға толық мүмкіндік бар. Осының есебінен жыл сайын 450-460 мың тонна күріш өндіру көзделуде. Бұл еліміздің күрішке қажеттілігін толық қамтамасыз етеді және экспорттық әлеует сақталады. Егісті әртараптандыру, агротехнологияларды жақсарту шаралары жеңілдетілген несиелендіру, субсидиялау секілді мемлекеттік қаржылай қолдауды қажет етеді. Дайын жобаларымыз бар», – деді аймақ басшысы.</blockquote><img src="https://knadmin.beoblood.kz/uploads/417450672_681408464180401_5006879994299633400_n_44c48edcff.jpg" alt="417450672_681408464180401_5006879994299633400_n.jpg">Нұрлыбек Машбекұлы статистикалық мәліметтерді өзектендіру, мал басын арттыру, Жол картасында бекітілген индикативтерге қол жеткізу бағытындағы жұмыстарға тоқталды.Кеңес отырысынан кейін арнайы мәжіліс өткізген аймақ басшысы Қызылорда облысының өсіп-өркендеуіндегі аграрлық саланың орны мен маңызы туралы айтты.<blockquote>«Мемлекет тарапынан жыл сайын аграрлық саланы қолдауға қомақты қаржы бөлініп, ауыл шаруашылығының даму қарқынына оң әсерін тигізуде. Өткен жылғы 18,2 млрд. теңге биыл 6,7 млрд. теңгеге артып 24,9 млрд. теңгені құрады. Мемлекеттік қолдаудың арқасында ауыл шаруашылығында 220,9 млрд. теңгенің өнімі өндіріліп, өсім көрсеткіші 3,7 пайыз артты. Ауыл шаруашылығының негізгі қорына салынған инвестиция 19,7 пайыз, тамақ өнімдерін өндірудегі негізгі капиталға салынған инвестиция 14,3 пайыз өсті. Жалпы өнім бойынша жылдық жоспар 192,7 млрд. теңгені құраса, өткен жылдың қорытындысымен жоспардағыдан 31,3 млрд. теңгеге артық болды, облыс көрсеткіші республикада 2-орыннан көрінді», – деді аймақ басшысы.</blockquote>Мәжілісте жауапты басшыларға ауыл шаруашылығы саласына тартылатын инвестиция көлемін арттыру, суды үнемдейтін озық технологияларды енгізу, егін егуге ынталы отбасыларға жер учаскелерін дайындау міндеті жүктелді.Жиынды қорытындылай келе, аймақ басшысы ауыл шаруашылығы және жер қатынастары басқармасына, Қызылорда қаласы мен аудан әкімдеріне статистика департаментімен бірлесіп, саладағы барлық көрсеткіштерді нақты жағдайға келтіріп, өзектендіруді тапсырды. Жол картасындағы жоспарланған шаралардың мерзімінде орындалуы, инвестициялық жобаларға қайта талдау жүргізу, 2024-2028 жылдары жүзеге асырылатын жобалар пулын қалыптастыру аса маңызды. Сондықтан шағын несие және қаржы ұйымдарымен бірлесіп, инвестжобалардың қаржылық мәселесін шешуге ықпал жасау керек.<figure class="image"><img src="https://knadmin.beoblood.kz/uploads/417491702_681408647513716_542761308823944426_n_922a3207d8.jpg" alt="417491702_681408647513716_542761308823944426_n.jpg"></figure>

Қызылорда: Агроөнеркәсіп кешенін дамыту мәселелері қаралды

Фото: өңірлік коммуникациялар қызметі&nbsp;<a href="https://kyzylorda-news.kz/ru">Kyzylorda-news.kz.</a> Биыл өңірдегі шағын және орта кәсіпкерлік саласын дамыту бағытында ауқымды жоспарлар қолға алынды. Тиісінше, осы жылы өнеркәсіп өндірісі көлемін 101 пайызға, өңдеу өнеркәсібін 107 пайызға, сауда айналымын 104,5 пайызға, шағын және орта кәсіпкерліктің экономикадағы үлесін 23 пайызға жеткізу межеленіп отыр. Сондай-ақ, облыстың негізгі капиталына 517,5 млрд теңге инвестиция тарту жоспарлануда. Бұл туралы Өңірлік коммуникациялар қызметінде өткен брифингте облыстық кәсіпкерлік және өнеркәсіп басқармасының басшысы Дінмұхамед Әбсаттаров хабарлады.<blockquote>Облыста кәсіпкерлік және өнеркәсіп саласы айтарлықтай жанданып келеді. Мәселен, былтыр кәсібін тұрақты жүргізіп отырған кәсіпкерлер саны 67 180 бірлікті құрап, осы салада жұмыспен қамтылғандар саны 125 мың адамға жетті. Нәтижесінде, аталмыш саладағы өсім көрсеткіші 7,6 пайызды құрады. Сондай-ақ, кәсіпкерлік саласында 540,4 млрд теңгенің өнімі өндіріліп, бизнестің жалпы өңірлік үлесі 17,7 пайызды құрады. Өткен жылы аймақта мұнай өндіру көлемінің төмендеуіне қарамастан өнеркәсіп өндірісінің көлемі 3,6 пайызға, өңдеу өнеркәсібі 33,5 пайызға, сауда 4,7 пайызға, негізгі капиталға тартылған инвестиция 14,2 пайызға артты. Жалпы, индустрияландыру шараларының нәтижесінде өңдеу өнеркәсібінің өсу қарқыны бойынша біздің облыс республикада 1-ші орында, - деді басқарма басшысы.</blockquote>Былтыр облыста кәсіпкерлік және өнеркәсіп саласында 15 жоба жүзеге асырылды. Ал алдағы бесжылдықта өңірде 65 жоба іске асырылады деп жоспарлануда. Аймаққа инвестиция тарту бойынша Өзбекстан, Ресей, Моңғолия, Корея, Қытай мемлекеттерімен келісім нәтижесінде 3 инвестициялық жоба қолға алынды.

Қазақстан және Қызылорда облысының жаңалықтары: Экономика