<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Биыл да құрғақшылық болуы мүмкін, су министрлігі ойдағыдай нәтиже бермеді. Президент Қасым-Жомарт Тоқаев Үкіметтің кеңейтілген отырысында осылай деді.&nbsp;</h4><blockquote><h4 style="margin-left:0px;">«Әсіресе, Түркістан және Қызылорда облыстарындағы жағдай мүшкіл, құрғақшылық қаупі аса жоғары. Соған қарамастан, осы аймақтарда тиісті жұмыс жүргізіліп жатқан жоқ. Сондықтан, суды көп қажет ететін дақылдарды азайтып, құрғақшылыққа төзімді дақылдарды көбейту керек, су үнемдейтін технологияны енгізу қажет. Ахуалды жақсарту үшін батыл әрекет жасау керек.</h4><h4 style="margin-left:0px;">Ең алдымен, су үнемдеу технологиясын кең ауқымда енгізген жөн. Шыны керек, біз суды тым орынсыз жұмсаймыз. «Судың да сұрауы бар». Бүкіл ел болып &nbsp;суды үнемдеп пайдалану мәдениетін қалыптастыруымыз керек. Көрші мемлекеттердің тәжірибесін зерттеп, тиімді тұстарын алу қажет.</h4><h4 style="margin-left:0px;">Елді сумен қамтамасыз ету – аса маңызды міндет, ұлттық қауіпсіздік мәселесі деуге болады. Өнеркәсіпте, агросекторда, коммуналдық шаруашылықта, жалпы, барлық салада суды тиімді пайдалану мәселесіне ерекше мән беру қажет», - деді Президент.</h4></blockquote>

Президент:  Қызылордада құрғақшылық қаупі жоғары, жағдай мүшкіл

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Мемлекеттік сатып алу және мемлекеттік қолдау шараларын ұсыну кезінде орта бизнеске басымдық берілуі керек. Бұл туралы Үкіметтің кеңейтілген отырысында Президент Қасым-Жомарт Тоқаев айтты.</h4><blockquote>«Микро және шағын кәсіпкерлік үшін еңбекақы төлеу қорынан бір реттік төлем жасауды енгізу ісі де аяқсыз қалды. Бұл норманың енгізілгеніне бір жылдан асты. Уәкілетті органдар жұмыстың табысты атқарылғаны туралы есеп берді. Ал бизнес өкілдері бұрынғысынша салық пен жарнаны бюджеттік емес қорларға жеке-жеке төлеуді жалғастырып жатыр. Бір жағынан, орта бизнеске нақты қолдау көрсету мәселесіне айрықша мән беру керек. Мысалы, көп жағдайда бизнесті қолдан ұсақтап жатады», - деді Қасым-Жомарт Тоқаев.</blockquote>Президенттің айтуынша, кәсіпкерлерді тиісті санатқа бөлу әдістемесі дұрыс жолға қойылмаған.<blockquote>«Мемлекеттік сатып алу және мемлекеттік қолдау шараларын ұсыну кезінде орта бизнеске басымдық берілуі керек. Осы мәселелерді міндетті түрде шешу қажет. Бизнеске әкімшілік қысым көрсетуді азайту керек, соның ішінде реттеу қағидатын қолдану арқылы ықпал етуді доғарған жөн. Тоқетерін айтсақ, осы салаға сапалы өзгеріс жасау керек», - деді Мемлекет басшысы.&nbsp;</blockquote>&nbsp;Дереккөз: Казинформ

Бизнеске әкімшілік қысым көрсетуді азайту керек – Қасым-Жомарт Тоқаев

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев Үкіметтің кеңейтілген отырысында экономикаға жеткілікті қаражат салынбай жатқанын сынға алып, жаңа инвестициялық кезеңді бастау керегін айтты.&nbsp;</h4>Қасым-Жомарт Тоқаев өндіру саласындағы жобалардан түскен пайда қайтадан инвестиция ретінде экономикаға салынып жатқанын айтты.<blockquote>«Тікелей шетел инвестициясы, негізінен, осы қаражаттың есебінен қамтамасыз етіліп отыр. Негізгі капиталға салынған инвестицияның ішкі жалпы өнімге шаққандағы үлесі азайып барады. Бұл күрделі жағдай деуге болады. Себебі, экономикаға жеткілікті қаражат салынбай жатыр. Соның салдарынан, алдағы жылдары елдің даму қарқынын сақтап тұрудың өзі қиын болуы мүмкін», - деді Президент.</blockquote>Сондықтан, Президент ішкі және сыртқы инвестицияны айтарлықтай көбейту керегін атап өтті.<blockquote>«Бұл – жаңадан құрылған Инвестициялық штабтың негізгі міндеті. Штаб елге инвестиция тартуға қажетті біртұтас экожүйе қалыптастыруы керек. Даму институттарының жұмысын жандандырып, бизнес өкілдерімен тиімді диалог жүргізуге тиіс. Шетелдегі мекемелердің, орталық пен аймақтардың арасында тығыз байланыс орнату қажет. Ең бастысы, Инвестициялық штаб қажетті шешімді дер кезінде қабылдауы керек», - деді Мемлекет басшысы.</blockquote>

 Президент: Экономикаға жеткілікті қаражат салынбай жатыр 

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Өткен жыл Сыр өңірі үшін жемісті болды. Аймақ көшбасшылар қатарынан көрініп, қомақты инвестициялар тартылды. Бұл туралы облыс әкімі Нұрлыбек Нәлібаев облыстық мәслихаттың кезектен тыс ХІ сессиясында айтты.</h4>Аймақ басшысы өз баяндамасында 2023 жылдың негізгі жетістіктерін атап өтті.<blockquote>«Мемлекет басшысы мен Үкіметтің Сыр өңірін ерекше қолдауының арқасында аймақтың әлеуметтік-экономикалық дамуында оң тенденция сақталды. Экономиканың негізгі салаларындағы өсімнің нәтижесінде аймақтар арасында көшбасшылар қатарынан көріндік. 2023 жылдың тамыз айынан бері республикада алғашқы үштіктеміз. Барлық көздерден жарты триллионға жуық инвестициялар тартылды, оның 73 пайызы – жеке инвестициялар. Өңірдегі мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі көлемі өткен жылдың қыркүйек айынан бастап оң динамикаға шықты. Өсім өңдеу өнеркәсібі есебінен қалыптасты. Осы саланың өсу қарқыны бойынша 2022 жылы республикада 11-орында болсақ, өткен жылы 1-орыннан көріндік. Экономикалық тұрақтылықты сақтау оңай емес. Сондықтан бұл қарқынды одан әрі арттыруымыз қажет», – деді Нұрлыбек Машбекұлы.</blockquote>Жыл қорытындысымен облыстың өнеркәсіп өндірісі 3,6 пайыз (1024 млрд.теңге), өңдеу өнеркәсібі 33,5 пайыз (308 млрд.теңге), ауыл шаруашылығы 3,7 пайыз (224 млрд.теңге), құрылыс жұмыстарының көлемі 40,4 пайыз (183 млрд.теңге), тұрғын үй 8,4 пайыз (741 мың шаршы метр), сауда 4,7 пайыз (744 млрд.теңге), көлік және қоймалау көлемі 7,8 пайыз (286 млрд.теңге) артты.Былтыр аймақ бюджеті 609 млрд теңгені құрады. Оның ішінде облыстың даму бюджеті 2,5 есе артты. Биыл да салық түсімдерін арттырып, жаңа өндіріс орындарын ашу арқылы бюджет көлемі ұлғайтылмақ.Биыл 300 шақырымға жуық жолды жөндеу арқылы жақсы деңгейдегі жолдардың үлесі 92 пайызға жеткізілмек. Қызылорда қаласында Қорқыт ата әуежайының жаңа терминалы, заманауи үлгідегі автовокзал пайдалануға беріледі. Аймақ халқының 98,4 пайызы орталықтандырылған ауыз сумен қамтылған. Биыл 5,4 млрд. теңгеге 14 жоба жүзеге асырылады. Бұл жұмыстар 2025 жылы да жалғасын тауып, осылайша облыста ауыз су мәселесі түбегейлі шешіледі. Тұрғындарды газбен қамту көрсеткіші 75 пайыз, жыл соңына дейін 12 елді мекен газдандырылып, көрсеткіш 78 пайызға жеткізілмек.Облыста әлеуметтік салаға басымдық берілген. «Жайлы мектеп» ұлттық жобасы аясында 10 мектеп бой көтеруде, тағы 11 мектептің құрылысы басталады. Физика-математика бағытындағы 300 орындық жатақханасы бар 400 орындық мектеп-интернат ел игілігіне айналады. Өткен жылы «Ауылдық денсаулық сақтауды жаңғырту» ұлттық жобасы аясында 25 мыңнан астам тұрғынға қызмет көрсететін 15 дәрігерлік амбулатория ашылды, қалған 12-сі осы жылдың соңына дейін тапсырылады. Мамыр айында Қан орталығы өз қызметін бастайды. Облыс орталығында халықаралық стандарттарға сәйкес келетін, құны 20,9 млрд теңге болатын Орталық стадион және 6,8 млрд теңгеге жабық бассейні бар көпсалалы дене шынықтыру-сауықтыру кешені көпшілік қолданысына табысталмақ.<figure class="image"><img src="https://knadmin.beoblood.kz/uploads/419248464_688337030154211_4580152090410587878_n_5ca4c78207.jpg" alt="419248464_688337030154211_4580152090410587878_n.jpg"></figure>

2023 жылы Сыр өңіріне жарты триллионға жуық инвестиция тартылды

<a href="https://kyzylorda-news.kz/">Kyzylorda-news.kz.</a>&nbsp;&nbsp; Облыс әкімі Нұрлыбек Нәлібаевтың төрағалығымен аудандардың даму жоспарын қарау жөніндегі кеңес отырыстары жалғасуда. Бүгінгі кеңесте Шиелі ауданының алдағы даму бағыты, жүзеге асырылатын жобалар талқыланды. Аудан әкімі Нұржан Ахатов ұсынған әр жобаның тиімділігі талқыланып, жүзеге асыру жолдары қаралды.Аймақ басшысы жыл қорытындысында Шиелі ауданының әлеуметтік-экономикалық дамуында қандай өзгерістер болғанын, әр саланың жетістіктерін, мәселелерді атап өтті.<blockquote>«Негізгі макроэкономикалық көрсеткіштерді сараласақ, Шиелі ауданының өсу динамикасы тұрақты деңгейде сақталды. Негізгі капиталға салынған инвестициялар 47,9 млрд. теңгені құрады. Бюджет қаражаты 99,8 % игеріліп, Шиелі аудандар бөлінісінде 3-орынға тұрақтады. Өз кірісі 2022 жылы 4,5 млрд. теңге болса, 2023 жылы 5,4 млрд. теңгеге өскен. Бұған дейін атқарылған жұмыстарды әрі қарай да жүйелі жалғастыру керек», – деді Нұрлыбек Машбекұлы.</blockquote>Н.Ахатовтың айтуынша, Шиелі ауданының бюджеті 2024 жылға трансферттер мен кредиттерді қоса алғанда 14 млрд. 977 млн. теңге болып бекітілді. Өз кірістері – 4 млрд. 229 млн., субвенция – 4 млрд. 263 млн., трансферттер – 5 млрд. 635 млн., кредиттер – 850 млн. теңге. Барлық кірістерінің 28,2 пайызын өз кірістері, 29 пайызын субвенция, 37,6 пайызын трансферттер, 5,2 пайызын несиелер құрайды.Кеңесте ұсынылған жобалар жан-жақты талқыланып, облыстық басқарма басшылары пікір білдірді. Жүзеге асатын мемлекеттік бағдарламалар, құрылыс, инфрақұрылым, жол құрылысы, кәсіпкерлік салаларының ел игілігіне айналатын жобаларының маңызы зор. Айтылған мәселелер мен ұсыныстар хаттамаға түсіріліп, тиісті жұмыстар жүргізіледі.Жиынды қорытындылаған аймақ басшысы 2023 жылдың IV тоқсанында қоғамдық-саяси ахуалды зерделеу барысында тұрғындар тарапынан көтеріліп жүрген мәселелерді атап өтті. Мұнан бөлек, Қарғалы, Қоғалы ауылдық округтері тұрғындарының кентке қатынауы біраз жылдан бері шешімі табылмай келеді. Қалқымалы көпірдің қыс мезгіліндегі жай-күйіне байланысты жолаушылар айналма жолмен жүруге мәжбүр. Аудан әкіміне аталған мәселелерді қатаң бақылауға алып, тиісті шара қабылдау тапсырылды.

Шиелі ауданының бюджеті 15 млрд теңгеге жуықтады

<a href="https://kyzylorda-news.kz/">Kyzylorda-news.kz.</a>&nbsp;&nbsp; Облыс әкімі Нұрлыбек Нәлібаевтың төрағалығымен Шиелі ауданының даму жоспары қаралған кеңесте аудан әкімі Нұржан Ахатов биыл 5 млрд. 635 млн. теңгенің 28 жобасына қаржы бөлінгенін айтты.Былтыр Шиелі ауданында халықпен кездесу кезінде аяқ су, электр желілері және жедел жәрдем көліктерінің ескілігі жөнінде мәселелер қозғалған еді. Аяқ суға байланысты депутаттар, шаруашылық төрағалары, өндіріс орындары басшыларымен бірлесіп, демеушілік арқылы біршама жұмыстар атқарылды.Табиғи ресурстар және табиғат пайдалануды реттеу басқармасы арқылы облыстық бюджеттен 6 млн. 200 мың теңге бөлініп, Шиелі кентіндегі «Базар арығы» каналын күрделі жөндеуді аяқтауға сараптама қорытындысы шыққан. Каналдың ұзындығы 8400 метр, 2016 жылы 2886 метріне темір-бетонды науа (лоток) салынған. Мұнан бөлек, 62 тік дренажды ұңғыманың бірінші кезекте іске қосуды қажет ететін 24-іне жоба-сметалық құжат дайындап, қаржыландыру ұсынылды.Шиелі кентіндегі электр желілерін қайта құрылымдаудың І кезеңіне былтыр 100 млн теңге, биыл 619 млн теңге қаржы қаралып, тозығы жеткен трансформаторлар мен желілер ауыстырылуда. Жоба толық аяқталғанда, аудан орталығының электр желілерінің 42 пайызы жаңаратын болады.Кенттің электр желілерін қайта құрылымдаудың ІІ кезеңін жүзеге асыру үшін демеушілікпен жоба-сметалық құжат әзірленіп, сараптамадан өткізілуде. Екі кезең толық біткенде 38 мың тұрғын электр энергиясын үздіксіз тұтынады. Сонымен қатар, қосалқы станцияны қайта жаңғыртуға Ұлттық қордан 1,5 млрд теңге бөлініп, мемлекеттік сатып алу жұмыстары жүргізілуде. «Ауыл – ел бесігі» жобасы аясында Бидайкөл, Жиделіарық, Ә.Тәжібаев ауылдарының сыртқы электрмен қамту желілерінің құрылысына республикалық бюджеттен 153 млн. теңге бөлінді.Мұнан бөлек, аудан әкімі 9 елді мекеннің (Алмалы, Бестам, Ақмая, Байсын, Тұрсынбай датқа, Бәйгеқұм, Жөлек, Ш.Қодаманов, Ы.Жақаев) электр желілерін жөндеуге демеушілер көмегімен жоба-сметалық құжат әзірленгенін айтты. Сараптамадан өткізілген жобаға қаржы бөлуді сұрады. Баяндама соңында ауданның өзекті мәселелерінің бірі ретінде арнайы автокөлікпен қамту жайын да қозғады.

Шиелі ауданында 28 жобаны жүзеге асыру ұсынылды

<a href="https://kyzylorda-news.kz/ru/">Kyzylorda-news.kz</a>&nbsp; Бүгін облыс әкімі Нұрлыбек Нәлібаевтың төрағалығымен Қармақшы ауданының даму жоспары қаралған кеңесте аудан әкімі Жандос Еркінбек бірқатар жаңа жобаны бастауға ұсыныс білдірді. Қазір жалпы құны 15,4 млрд. теңге болатын 41 жоба дайын. Оның ішінде, 11 жобаны бірінші кезекте қаржыландыру сұралды. Олар - Дүр Оңғар елді мекенін газдандыру, Тұрмағамбет ауылынан жаңадан 250 орындық мектеп салу, Қуандария және Дүр Оңғар елді мекендерінің электр желілерін жаңғырту және қосалқы станциясын кеңейту.Сонымен қатар, Жосалы кентіндегі Мырзағалиева көшесінен теміржол өткелін, Қуаңдария және Алдашбай ахун ауылдық округтерінен балабақша, Жосалы ауылдық округінен ауылдық клуб үйі мен спорт кешенінің біріккен ғимаратын, Төретам кенті мен Ақай ауылына айналма жол салу ұсынылды. Тұрғын үйге мұқтаж топтарға 92 үй сатып алу, Жосалы кентіндегі Тәуелсіздік ықшам ауданына су құбырын жеткізу де маңызды. Тірек және спутник елді мекендер қатарына енбеген Көмекбаев ауылдық округінің 2 көшесін, Алдашбай ахун ауылының 3 көшесін, Қармақшы ауылының 3 көшесін орташа жөндеу қажет етіледі.Аудан әкімі автомобиль жолына қатысты 15 жоба, көшелерді жарықтандыру бойынша құны 355,1 млн. теңге болатын 11 жоба дайын екенін айтты.Баяндама соңында Жандос Еркінбекұлы жаңадан жоба-сметалық құжат әзірлеуді қажет ететін бірқатар жобаны атап өтіп, жүзеге асыруды ұсынды.

Қармақшы ауданында 41 жобаны жүзеге асыру ұсынылды

<a href="https://kyzylorda-news.kz/ru/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен Қазалы ауданының даму жоспарын қарау жөніндегі кеңесте аудан әкімі Мұхтар Оразбаев халыққа қолайлы орта қалыптастыру мақсатында биыл 18 жаңа нысанның құрылысы салынатынын айтты. Бұл жобалар үшін 2,2 млрд. теңге қаржы қаралды.Оның ішінде «Ауыл – ел бесігі» бағдарламасы бойынша 10 жобаға 1,2 млрд. теңге, «Моно және шағын қалаларда инфрақұрылымды дамыту» бағдарламасы бойынша 2 жобаға 180 млн. теңге, «Газ объектілерін дамыту» бағдарламасы бойынша 2 жобаға 352 млн. теңге, «Кәсіпкерлікті дамыту» бағдарламасы бойынша 2 жобаға 169 млн. теңге, «Коммуналдық тұрғын үй қорынан осал топтарға тұрғын сатып алу» бағдарламасы бойынша 1 жобаға 266 млн. теңге, «Мемлекеттік ғимараттарды салу» бағдарламасы бойынша 1 жобаға 1,4 млн. теңге қаралды.Аталған жобалардан бөлек, сараптаманың оң қорытындысын алған 5 жобаның құжаты дайын. Олар – Әйтеке би кентіне салынатын тұрғын үйлерді инженерлік инфрақұрылыммен қамтамасыз ету, атап айтқанда, электрмен жабдықтау, жол салу, Қ.Пірімов ауылының жеке тұрғын үй секторының инженерлік инфрақұрылымы және Ү.Түктібаев ауылын электрмен жабдықтау жобасы.

Биыл Қазалы ауданында 18 жаңа нысан салынады

<a href="https://kyzylorda-news.kz/ru/">Kyzylorda-news.kz</a> Облыс әкімі Нұрлыбек Нәлібаев «ҚазАвтоЖол» ҰК» АҚ Басқарма төрағасы Дархан Иманшаевпен кездесті.Нұрлыбек Машбекұлы өңірде жол инфрақұрылымының дамуы басты назарда екенін, Мемлекет басшысының тапсырмаларын орындауда бірлесіп жұмыс жасаудың маңызын атап өтті.<blockquote>«Мемлекет басшысы Қасым-Жомарт Кемелұлы аймаққа жұмыс сапары кезінде «Батыс Еуропа – Батыс Қытай» халықаралық дәлізінің Ақтөбе қаласына дейінгі аумағын І санатқа ауыстыру жөнінде тапсырма берді. Республикалық маңызы бар «Самара-Шымкент» автомобиль жолының 810 шақырымы облыс аумағында, Қызылорда қаласынан Ақтөбе облысының шекарасына дейін 566 шақырым. Бұл бағытта 5 аудан мен Байқоңыр қаласы, 119 елді мекен орналасқан. Жол-көлік оқиғалары жылдан жылға көбейіп, зардап шеккендердің саны артуда. Өткен жылы 56 жол-көлік оқиғасы тіркеліп, салдарынан 79 адам дене жарақатын алған, 40 адам қаза тапқан. Өңір халқы үшін аталған жобаның өмірлік маңызы бар. Оның іске асырылуы әлеуметтік-экономикалық дамуға септігін тигізеді. Мемлекет басшысының қолдауымен «Қызылорда-Жезқазған» республикалық маңызы бар автомобиль жолы қайта жаңғыртудан өтуде. Өткен жылы 104 шақырымы аяқталды, осы жылға межеленген жоспардың үдесінен шығуды қамтамасыз етуіміз қажет», – деді аймақ басшысы.</blockquote>Өз кезегінде, «ҚазАвтоЖол» ҰК» АҚ Басқарма төрағасы аталған мәселелерге қолдау білдіріп, шешу жолдары қарастырылатынын жеткізді.Қызылорда облысының аумағындағы автомобиль жолының ұзындығы – 3 418,5 шақырым. Оның 1 014,5 шақырымы – республикалық, 555 шақырымы – облыстық, 1 849 шақырымы – аудандық маңызы бар жол. Былтыр 38,5 млрд. теңге бөлініп, 671 шақырым жол, көшелер және көпір өткелдері жөндеуден өтті. Нәтижесінде облыстағы жақсы жағдайдағы жолдың үлесі 87,5 пайызға жетті. Бүгінде 230 шақырым жолды жөндеуге және жол-көлік инфрақұрылымын дамытуға республикалық және жергілікті бюджеттен 26,1 млрд теңге қаралуда. Айта кетейік, 2024 жылға облыстағы жол саласын дамыту үшін республикалық бюджетке 61,1 млрд теңгенің 101 жобасы ұсынылды.

Облыс әкімі «Қазавтожол» мекемесінің басшысымен кездесті

<a href="https://kyzylorda-news.kz/ru/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен Қазалы ауданының даму жоспарын қарау жөніндегі кеңес өтті. Оған аудан әкімі Мұхтар Оразбаев, орынбасарлары және облыстық басқарма басшылары қатысты.Аймақ басшысы Қазалы ауданының әлеуметтік-экономикалық дамуындағы өткен жылы байқалған оң динамиканы атап өтті.<blockquote>«Негізгі макроэкономикалық көрсеткіштер бойынша Қазалы ауданының өсу динамикасы тұрақты. Негізгі капиталға салынған инвестициялар 22,5 млрд. теңгені құрап, 107,5% болды, бюджет қаражатына тәуелділік төмендеген. Бюджет қаржысы 99,9% игерілген. Қазалы аудандар бөлінісінде 2-орынға тұрақтады. Өз кірісі 2022 жылы 2,1 млрд. теңге болса, 2023 жылы 2,6 млрд. теңгеге өскен. Жүйелі жұмыстардың қарқыны биыл да төмендемеуі тиіс», – деді Нұрлыбек Машбекұлы.</blockquote>М.Оразбаев алдағы уақытта жүзеге асырылатын жобалар туралы баяндады. Ауданның 2024 жылғы бюджеті 11,1 млрд. теңге, оның 2,6 млрд. теңгесі – өз кірістері, қалған 8,5 млрд. теңгесі – субвенция және трансферттер. Қазалылықтардың өмір сүру сапасын арттырып, қолайлы орта қалыптастыру үшін биыл 17 нысанның құрылысы жаңадан басталады. Бұл жобаларға 2,3 млрд. теңге қаржы бөлінді.Кеңесте облыстық басқарма басшылары ауданның даму жоспарына қатысты ұсыныс-пікірлерін айтты. Мемлекеттік бағдарламаларды іске асыру, негізгі экономикалық индикаторларға қол жеткізу, нысандар құрылысын салу, инфрақұрылымды дамыту мәселелері талқыға түсті.Жиын қорытындысымен аудан әкіміне биылға межеленген көрсеткіштерді орындау тапсырылды. Тұрғындардың өтініш-пікірлеріне назар аударып, кері байланыс орнату қажеттігі ескертілді. Жобалардың тиімділігі мен маңыздылығы терең зерделенуі тиіс.Сондай-ақ, облыстық басқарма басшыларына «Ауыл – ел бесігі» жобасын іске асыру, аудандық маңызы бар жолдарды жөндеу және салу, инфрақұрылым желілерін әрі қарай дамыту бойынша міндеттер қойылды.

Мұхтар Оразбаев жүзеге асырылатын жобаларды баяндады

<a href="https://kyzylorda-news.kz/ru">Kyzylorda-news.kz</a> Мәжіліс депутаты Жұлдыз Сүлейменова Премьер-министрдің орынбасары Тамара Дүйсеноваға жолдаған депутаттық сауалында мектепте ауыр жұмыстарды істейтін қызметкерлердің жалақасы көтеруді ұсынды, деп хабарлайды <a href="https://baq.kz/deputat-eden-zhuushylar-men-elektrikterdin-zhalaqysyn-koteru-usyndy-322547/">BAQ.KZ тілшісі.</a> Депутат атап өткендей, жыл сайын Үкімет азаматтық қызметшілердің жалақысында біліктілік санаттарына қолданылатын коэффициенттерді арттыру қарастырып, жалақыларын өсіріп келеді.Бірақ мекемелердің қызметін еден жуушы, аула тазалаушы, сантехник, плотник, электрик секілді қарапайым еңбек адамдарының күнделікті ауыр жұмыстарынсыз жүзеге асыру мүмкін емес болса да бүгінде осы аталған жұмысшылар азаматтық қызметшілер реестірінде жоқ. Сондықтан Үкімет тарапынан азаматтық қызметшінің айлығын арттырғанда, осы еңбегі ауыр жұмысшылардың мүддесі ескерілмей келеді.Әсіресе, денсаулық сақтау, оқу-ағарту саласындағы ең ауыр жұмыстарды атқаратын жұмысшылардың айлық жалақысы төмен. Мысалы, мектептердегі еден жуушы – 82 856 теңге, электрик 81 575 теңге, аула сыпырушы – 79 317 теңге. Бүгінгі таңда, тек орта білім саласында 216 мыңнан астам осы санаттағы жұмысшылар бар, олардың 254 мыңы қолына тиетін айлық жалақысы 74 мың теңгеден 85 мың теңге аралығында, - деді Жұлдыз Сүлейменова.Депутаттар білім беру, денсаулық сақтау мекемелеріндегі орта және кіші буын мамандары мен қызметшілердің еңбекақысын кемінде екі есеге көтеру қажет деп санайды.<blockquote>Атқаратын жұмысының күрделілігіне және ауырлығына әрі ерекшелігіне қарай лайықты жалақы тағайындалуы тиіс деп есептейміз. Себебі, жалақы әлеуметтік жағдайды, күнкөріс деңгейін, денсаулығына және балаларын өсіп-жетілдіруге жеткілікті болуы шарт. Әлеуметтік әділдік заманында жұмысы ауыр, еңбегі адал жұмысшылардың жалақысы артуы қажет, - деп айтты мәжілісмен.</blockquote>Депутат мынадай ұсыныстарды енгізді:Оқу-ағарту министрлігі 2016 ж. 29 қаңтардағы № 123 Қазақстан Республикасы Білім және ғылым министрі бұйрығымен бекітілген Білім және ғылым саласындағы азаматтық қызметшілер лауазымдарының тізілімін қайта қарап, еден жуушы, плотник, сантехник, аула тазалаушы, электрик санатындағы жұмысшылардың осы тізілімге енгізілуін қарастырсын. Оқу-ағарту министрлігі Ұлттық экономика министрлігімен бірлесе отырып, республикалық бюджетті нақтылау кезеңінде аталған жұмысшылардың базалық лауазымдық жалақысын инфляцияға және жұмыстардың күрделілігіне сәйкес ұлғайтуды қарастырсын. Оқу-ағарту министрлігі Қаржы министрлігімен бірлесе отырып, еден жуушы, плотник, сантехник, аула тазалаушы, электрик санатындағы жұмысшылардың еңбек демалысына төленетін төлем мөлшеріне сауықтыру жәрдемақысы қосу мүмкіндігін қарастырып, республикалық бюджеттен шығындарын есептесін.Фото: Нұрболат Нұржаубай

Депутаттар жалақыны көтеруді сұрайды

<a href="https://kyzylorda-news.kz/ru">Kyzylorda-news.kz.</a>&nbsp; Облыс әкімі Нұрлыбек Нәлібаевтың төрағалығымен өткен Арал ауданының даму жоспарын қарау жөніндегі кеңесте аудан әкімі Аманжол Оңғарбаев атқарылатын жұмыстарды баяндап, бірнеше жобаны жүзеге асыруды ұсынды. Оның айтуынша, биыл ауданда 14 құрылыс жүргізіліп, 54 жоба-сметалық құжаттама әзірленуде және бірінші кезекте жоба әзірлеуді қажет ететін 35 бағыт анықталған. Бұдан бөлек, демеушілік есебінен 120 млн. теңгеге жуық қаржыға 30 жоба дайындалуда. Олар – 24 әлеуметтік нысанды газдандыру, 3 абаттандыру жобасы және «Ерімбетжаға», «Тастүбек» елді мекендерін ауыз суға қосу, теміржол вокзалы ғимаратын қайта жаңғырту.«Хан» елді мекені тұсындағы қалқымалы көпірді 328 млн. теңгеге қайта жаңғырту 2022 жылы басталды. Қазір қайта түзетулер жасалуына байланысты мемлекеттік сараптамадан өткізілуде. Аудан тұрғындары үшін маңызды жобаға түзетулер енгізіліп, жол мәселесі толық шешілген. Қалқымалы көпір мердігер мекеме есебінен 80-85 пайыз аяқталған.«Нұрлы жол» мемлекеттік бағдарламасы аясында 5 жоба жүзеге асырылады, яғни, «Қызылжар-Шөмішкөл», «Самара-Шымкент-Бекбауыл», «Аққұлақ елді мекеніне кіреберіс», «Самара-Шымкент-Қамыстыбас-Аманөткел-Жаңақұрылыс», «Қаратерең-Жаңақұрылыс» автомобиль жолдары салынуда.Моно және шағын қалаларды дамыту бағдарламасы негізінде өткен жылы басталған теміржол үстінен өтетін аспалы көпірдің құрылысы жалғасын тапты. Биылға республикалық және облыстық бюджеттен қосымша 1,7 млрд. теңге бөлінді. Алайда, жобалаушы автор тарапынан ескерілмеген жұмыстарға байланысты қайта есептемелер жүргізу үшін жоба-сметалық құжаттамаға түзетулер мен толықтырулар енгізілуде. Алдын ала болжам бойынша шамамен 800 млн. теңге қаржыға қажеттілік туындауы ықтимал.Сексеуіл кентіндегі 40 орындық аурухана құрылысы 2019 жылы басталған, қазір қабырғасын қалау 90% біткен. Былтыр «Көктем» елді мекеніндегі медициналық бекет салынып, бүгінде пайдалануға беруге құжаттары әзірленуде.Сексеуіл кентін «көгілдір отынға» қосу 2022 жылы басталды. Жұмысты жалғастыруға биыл облыстық бюджеттен 88,1 млн. теңге бөлінді. Толық аяқтау үшін республикалық бюджеттен 290,1 млн. теңге және Ұлттық қордан 436,1 млн. теңге қажет етіледі. Сондай-ақ, өткен жылы басталған Арал қаласындағы №4 шағын ауданға газ желісін тартуды жалғастыруға республикалық бюджеттен 310,8 млн. теңге, облыстық бюджеттен 30 млн. теңге қажет.<img src="https://knadmin.beoblood.kz/uploads/417453264_685533097101271_6068368979644531255_n_49916cc50a.jpg" alt="417453264_685533097101271_6068368979644531255_n.jpg"><img src="https://knadmin.beoblood.kz/uploads/417464129_685533337101247_3184106540989321538_n_12b78f9782.jpg" alt="417464129_685533337101247_3184106540989321538_n.jpg">

Қазақстан және Қызылорда облысының жаңалықтары: Экономика

Президент: Қызылордада құрғақшылық қаупі жоғары, жағдай мүшкіл