<a href="https://kyzylorda-news.kz/">Kyzylorda-news.kz</a>&nbsp; Бүгін ҚР Премьер-министрі Олжас Бектеновтің төрағалығымен өткен Үкімет отырысында ауылдық аумақтарды дамыту мәселелері қаралды.Мәжілістен кейінгі жиында облыс әкімі Нұрлыбек Нәлібаев берілген тапсырмаларды нақтылады.<blockquote>«Мемлекет басшысы Қасым-Жомарт Кемелұлы ауылдық жерлердің әлеуетін арттыруға баса назар аударып, ауыл-аймақтарды кешенді түрде өркендету аса маңызды екенін үнемі айтып келеді. Сондықтан, ауыл тұрғындарының тұрмысын жақсарту – басты мақсаттардың бірі. Ауылдық аумақтарды дамытудың тұжырымдамасына сәйкес облыста ауқымды жұмыстар жүргізілуде. Тұжырымдаманың басты мақсаты – ауылдың инфрақұрылымын дамыту, кәсіпкерлікті қолдау, кадрлармен қамтамасыз ету. Инфрақұрылым мәселелері «Ауыл - ел бесігі» жобасы шеңберінде шешілуде. Жобамен 372,1 мың тұрғыны бар 58 тіректі, 45 спутниктік, барлығы 103 ауылдық елді мекен қамтылады. Соңғы 5 жылда 69 елді мекенде құны 30 млрд. теңгеден асатын 443 жоба жүзеге асырылды. Осылайша облыс халқының 98 пайызы, ауылдық елді мекендердің 86 пайызы орталықтандырылған ауыз сумен қамтамасыз етілген. 194 шақырым электр желілері қайта жаңғыртылып, 35 ауылдық елді мекен газдандырылды», - деді аймақ басшысы.</blockquote>Айта кетейік, облыс халқының саны 841,8 мың адам болса, оның 53%-ы ауылда тұрады.Жиында «Адал адам – Адал еңбек – Адал табыс» тақырыбында өткен Ұлттық құрылтайдың үшінші отырысында Мемлекет басшысы тапсырған 4 ауқымды инфрақұрылымдық бастаманы жүзеге асыру барысы егжей-тегжейлі қаралып, тиісті міндеттер айқындалды. Сондай-ақ, ауылдық жерлерді дамытуға, ауыл тұрғындарының табысын арттыруға бағытталған бірқатар бағдарламаларды іске асыру мәселелері талқыланды.Аймақ басшысы қала және аудандардың әлеуетін ескере отырып, биылға барлық көздерден 517 млрд. теңге инвестиция тарту межесі қойылғанын еске салды. Осыған орай, облыс әкімінің жауапты орынбасарына бір апта ішінде аудан және қала бөлінісінде инвестиция көлемін ұлғайту мүмкіндігін қайта зерделеп, ұсыныс енгізу тапсырылды. Нұрлыбек Машбекұлы қала және аудан әкімдері жұмысының тиімділігі инвестиция тарту көрсеткішімен бағаланатынын ескертті.Фото: Қызылорда облысы әкімінің баспасөз қызметі

Ауылдық аумақтарды дамыту мәселелері қаралды 

<a href="https://kyzylorda-news.kz/">Kyzylorda-news.kz</a>&nbsp; Бүгін ҚР Премьер-министрі Олжас Бектеновтің төрағалығымен өткен Үкімет отырысында салықтық және кедендік әкімшілендіру, цифрландыру мәселелері көтеріліп, нақты тапсырмалар берілді.Мәжілістен кейін облыс әкімі Нұрлыбек Нәлібаев тапсырмаларды нақтылап, жауапты мекемелермен бірге атқарылатын жұмыс жоспарын айқындады.<blockquote>«Ұлттық Құрылтайда Мемлекет басшысы бюджетті оңтайландыру міндетін айқындап берді. Экономикалық өсімге әсер ететін басым бағыттарды ғана қаржыландыру қажеттігін атап өтті. Осы ретте, аймақта тиімді бюджет және салық саясатын жүргізу, өңірдің қаржы қазанына түсімдердің толыққанды түсуін, тиімді жоспарлануын әрі игерілуін сапалы және нәтижелі ұйымдастыру - басты міндетіміз. Өңіріміздің республикалық бюджеттен берілетін субвенцияға тәуелділігін төмендетудің бірден-бір жолы жергілікті бюджеттің салық базасын ұлғайту екендігі белгілі. Сондықтан, облыстық, аудандар мен Қызылорда қаласы бюджеттерінің кіріс көзінің тиімді жоспарлануына және орындалуына жауапкершілікпен қарап, тұрақты бақылау жүргізу қажет», - деді аймақ басшысы.</blockquote>Аталған мәселелер бойынша облыстық экономика және қаржы басқармасына Қызылорда қаласы, аудан әкімдерімен, мемлекеттік кірістер органдарымен бірлесіп, салықтар мен бюджет төлемдері бойынша резервтерді анықтау жөніндегі алгоритм шеңберінде жұмысты жандандыру тапсырылды. Елді мекендерде бақылау-кассалық машиналарын қолданбайтын субъектілерді анықтау үшін рейдтер жүргізілетін болады. Мұнан бөлек, мемлекеттік кірістер органдарында тіркелмеген салық салу нысандарын анықтау жөніндегі жұмысты күшейту қажет. Жеңілдетілген шартпен кредит, грант алатын шағын және орта кәсіпкерлік субъектілерінің салықты толық және мерзімінде төлеуіне бақылауды күшейту, жергілікті бюджетке түсімдердің қосымша көздерін қарастыру жөнінде тапсырмалар берілді.Фото: Қызылорда облысы әкімінің баспасөз қызметі

Салық базасын ұлғайту мәселелері қаралды 

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаевтың төрағалығымен өткен арнайы мәжілісте «Адал адам – Адал еңбек – Адал табыс» тақырыбындағы Ұлттық құрылтайдың үшінші отырысында Мемлекет басшысының 4 ауқымды инфрақұрылымдық бастамасын жүзеге асыру барысы қаралды.Аймақ басшысы тапсырмаларды мүлтіксіз орындау қатаң бақылауда болатынын ескертті.<blockquote>«Күні кеше Үкімет басшысының төрағалығымен өткен жиында Мемлекет басшысының ауқымды инфрақұрылымдық бастамаларын мерзімінде іске асыру тапсырылды. Бірінші, қолданыстағы жылу көздерін жөндеу және инженерлік желілерді модернизациялау. Жылумен қамту - облыстағы күрделі мәселенің бірі. Қолданыстағы жылу орталығының тозығы жетуіне байланысты түрік инвесторларымен бірлесіп, құны 215 млрд. теңге болатын жаңа жылу орталығының құрылысын бастадық. Нысан 2025 жылы іске қосылады. Ендігі кезекте тозығы жеткен жылу желілерін кезең-кезеңімен жаңғыртуымыз қажет. Екінші, елді мекендерді газдандыру деңгейін арттыру. Республика бойынша 1796 шақырым газ құбырларын жаңғырту арқылы 300 мыңнан астам тұрғыны бар 87 елді мекен газдандырылмақ. Бұл бағытқа республикалық бюджеттен 195 млрд. теңге қаралған. Облыстың елді мекендерін газдандыру мәсеселесін де шешуіміз қажет. Бірінші кезекте халық көп шоғырланған елді мекендерді газбен жабдықтауға басымдық беру керек», - деді Нұрлыбек Машбекұлы.</blockquote>Облыстық энергетика және тұрғын үй-коммуналдық шаруашылық басқармасына Қызылорда қаласы және аудандар әкімдерімен бірлесіп, республикалық бюджеттің нақтылануы және 2025 жылға бекітілуі кезінде осындай жобаларға қаржы тарту үшін тиісті министрлікпен жұмыс жүргізу тапсырылды.Мұнан бөлек, жиында тұрғын үй құрылысының көлемін ұлғайту тапсырмасына сәйкес 18 млн. шаршы метр үй салу туралы айтылды. Бұл мақсатқа республикалық бюджеттен 272 млрд. теңге қаралады.Сонымен қатар, Мемлекет басшысы Үкіметке сатып алу құқығымен жалға берілетін тұрғын үйлердің көлемін арттыруды тапсырды. Бүгінгі күні ипотекалық тұрғын үйге ауылдық жерде сұраныс аз болғандықтан, жалға берілетін тұрғын үй салу экономикалық жағынан тиімді. Министрліктен сұраныс болған жағдайда, ұсынатын өтінімдер тиісті құжаттарымен бірге дайын болуы қажет.Төртінші бастама - елдің жол желісін салу және жаңғырту. Мемлекет басшысы ел аумағында қосымша 2,5 мың шақырым жол салуды тапсырды. Бүгінде облыстың жергілікті маңызды автомобиль жолдарының жақсы және қанағаттанарлық жағдайы 87,5 пайызға жетті. Биыл бұл көрсеткішті 90 пайыздан асыру міндеті қойылған. Аймақ басшысы Үкіметтен бөлінетін қаржыны өңірге тарту бойынша тиісті жұмыстарды ұйымдастыруды тапсырды. Бұл шаралардың барлығы өңірге ауқымды инвестициялар тартуға қолайлы мүмкіндік бермек.Облыс әкімі Үкімет басшысының төрағалығымен өткен мәжілісте инвестиция тарту негізгі міндет болып бекітілгенін, қала және аудан әкімдері жұмысының тиімділігі инвестиция тарту көрсеткішімен бағаланатынын ескертті. Бірінші жартыжылдық қорытындысы бойынша нақты критерийлермен арнайы рейтинг нәтижесі шығарылмақ.Фото: Қызылорда облысы әкімінің баспасөз қызметі

Мемлекет басшысының бастамаларын іске асыру мәселелері қаралды

Жаңақорған – жаңа жобалар аймағы

<a href="https://kyzylorda-news.kz/">Kyzylorda-news.kz</a> Күнделікті өмірде су мен жарықсыз ешбір істің бітпейтіні анық. Оның ішінде, жарықтың тұрмыста адамдар үшін пайдасы зор. Жалпы қауіпті мамандықты меңгерген электр жүйесінің қызметкерлері әркез басын қатерге тігіп жатады. Үнемі аптап ыстықта, қарлы боранда, желдің өтінде жүретін олардың қызметі көп жағдайда көзге көріне бермейді. Осы ретте, тәулік бойы өлшеусіз еңбегімен ел-халықтың алғысын арқалап жүрген азаматтардың жұмысын саралау мақсатында Тереңөзек аудандық электр торабының бастығы Нұрлыбек Кәкіммен сұхбаттасқан едік.– Нұрлыбек Балғабайұлы, ең алдымен өзіңіз жетекшілік ететін бөлім жөнінде кеңінен мағлұмат беріп өтсеңіз.– Қазіргі уақытта аудандық электр торабында 54 маман мен қызметкер жұмыс жасайды. Біздің саланың адам өміріне қауіптілігі жоғары екені даусыз. Осы күні аудандық электр торабында 5 бағытта жасақталған бөлімдер қызметтік бөліністі жүзеге асырады. Мәселен, электр энергиясының есептеу бөлімінде 1 инженер, 1 техник, 1 оператор, 6 электромонтер, 3 бақылаушы, оперативті диспечер тобында 5 электромонтері, оперативті шұғыл бригадасында 5 электромонтері мен 5 жүргізуші бар. Ал кезекші электромонтері бөлімінде 5 қызметкер, №1 және №2 тарату тобында 5 қызметкерден еңбек етеді. Сала мамандарының біліктілігін арттырып, электр жүйесінің қызметін жақсартуға әрқашан күш сала береміз. Бірлескен жұмыстардың арқасында аудан халқын жарықпен қамтамасыз етуге мүдделіміз. Бөлім мамандары 4 автокөлікпен қамтамасыз етілген. Өткен жылы жаңа көліктің иегері атандық. Қазіргі уақытта жаңа автокөлік кәдемізге жарап тұр. Өзге де техникалық базаны Қызылорда қаласынан алдыртып, жұмыс барысын ұтымды үйлестіреміз. Күнделікті жұмыс тоқтамау үшін техникаға күтімді үздіксіз жүргіземіз.– Аудан көлемінде электр торабының қызмет көрсететін теңгеріміндегі электр қондырғылар, жоғары кернеу әуе желілері хақында айтып бересіз бе?– Жалпы, 35/10 кВ болатын қосалқы станция – 7 дана, 35/0,4 кВ болатын қосалқы станция – 1 дана, 10 кВ болатын (РП-10 кВ) – 2 дана бар. Сонымен қатар К(ТП)Н-10/0,4 кВ 10/0,4 кВ қосалқы станциясы 133 дананы, тұтынушы есебінен қосалқы станциясында 95 дананы құрайтынын айта кетейін. Сырдария ауданының негізгі қорек көзі 35 кВ «Жалағаш-Тереңөзек» әуе желісінен тұтынады. 35 кВ әуе желісінің ұзындығы 160,9 шақырым болып есептеледі. 10 кВ әуе желісіне 243,707 шақырым, 0,4 кВ әуе желісіне 244,568 шақырымды құрайды.– Электр желілеріне күрделі және ағымдағы жөндеу жұмыстары қандай бағытта жүргізілді? Алдағы жылдарға жоспарланған межеге тоқталасыз ба?– Осыдан 2 жыл бұрын аудан әкімдігі, аудандық тұрғын-үй коммуналдық шаруашылық, жолаушылар көлігі және автомобиль жолдары бөлімі және электр торабы бөлімімен бірлесіп тозығы жеткен электр желілерін жаңалауға байланысты ортақ жоба әзірлеген болатынбыз. Өз кезегінде өткен жылы Аманкелді, Айдарлы, Жетікөл, Қоғалыкөл ауылдарында электр желілері жаңартылды. 2023-2024 жылдары Шаған ауылы және 2024 жылы Қалжан ахун ауылының электр желісі мен қондыр­ғыларын жаңарту іске асырылып, ел игілігіне қызмет ететін болады. Бұдан бөлек, Асқар Тоқмағамбетов, Нағи Ілиясов, Шіркейлі, Сәкен Сейфуллин, Тереңөзек кентіндегі электр желілерінің тозу көрсеткіштеріне сәйкес толықтай жаңарту жоспарда бар.Өткен жылы бөлім мамандары күрделі жөндеу жұмыстарын жүргізді. Мәселен, 10 кВ әуе желілері бойынша Тереңөзек кентінде 10 бағана, 1,8 шақырым сым, 0,4 кВ әуе желілері бойын­ша Асқар Тоқмағамбетов ауылында 49 бағана 7,5 шақырым сым, Сәкен Сейфуллин ауылында – 19 бағана, 2,7 шақырым сым ауысты. Нағи Ілиясов ауылында 700 метр заманауи СИП4х35 сымы тартылды. Тереңөзек кентіндегі Азатбақыт Әлиакбаров көшесінің бойындағы көпқабатты тұрғын үйлердің 13 электр есептегіш құралы орнатылған жәшігі ауыстырылды. Тереңөзек кентінде 10 кВ әуе желілері бойынша 8 бағана және 0,4 кВ әуе желілері бойын­ша 10 бағана 2,7 шақырым сым жаңаланды. Биыл ағымдағы және күрделі жұмыстар бөлім тарапынан жүргізіле береді. Бұл ретте, 2024 жылы бекітілген жылдық өндірістік жоспар бойынша аудан көлемінде 35/10 кВ және 10/0,4 кВ қосалқы станциялардың оқшаулағыштарын тазалау, контактілерін керу жұмыстары 2 мәрте жасалады. Қосымша тазалау жұмыстары жүргізілетін мезетте аудан тұрғындарына электр желісінің ажыратылатыны жөнінде әлеуметтік желілер арқылы хабарланатын болады. Сонымен қатар жыл көлемінде тұрғын үйлерде орналастырылған электр есептегіш құралдары ұдайы тексеруден өткізіледі. Біздің мақсатымыз – жергілікті тұрғындарды электр желілерімен тұрақты әрі сапалы қамтамасыз ету.– Сала мамандарының еңбегін ерекше бағалаймыз. Аудан аумағында дауылды ескерту кезінде қызметкерлер күшейтілген режимде жұмыс жасайтын шығар?– Иә, әрине, ауа райының қолайсыздығынан туындайтын апаттық жағдайларда, алдын алу мақсатында сала маман­дарынан қосымша жұмыс тобы жасақталып, электр желісін қалпына келтіру жүзеге асырылады. Осындайда көпшіліктен түсіністік танытуды сұраймыз. Мамандарымыз 12 сағаттан ауысымдық кезекшілікке түсіп отырады. Тәжірибесі толысқан аға буын өкілдері жастарды барынша тәрбиелеп келеді. Кәсіби біліктілігін шыңдауға көмектеседі. Қызметкерлер арнайы оқытудан өтеді. Жыл көлемінде бірнеше мәрте емтихан тапсырады. Бұл ретте, электр мамандығын бітірген мамандарды біздің бөлімде жұмыс жасауға шақырамыз.– Сұхбатыңызға рақмет!&nbsp;&nbsp;

Нұрлыбек Кәкім: Біздің мақсатымыз – жергілікті тұрғындарды электр желілерімен тұрақты әрі сапалы қамтамасыз ету

<a href="https://kyzylorda-news.kz/">Kyzylorda-news.kz</a> «Алыс жүрсең де жолмен жүр» немесе «Жолдың жайын жүрген білер» деген халықтың ұрпағымыз ғой. Сол себепті де жол мәселесіне келгенде қызығушылық танытып жататынымыз жасырын емес. Қызылорда облысындағы жолдың сапасын, өткен жылы оның қанша шақырымы жөнделгенін, қанша көшеге асфальт төселгенін және биыл атқарылатын жұмыстың ауқымын білу мақсатында Қызылорда облысының жолаушылар көлігі және автомобиль жолдары басқармасына хабарласқан едік.&nbsp;&nbsp; Тиісті басқарманың берген мәліметіне сүйенсек, Қызылорда облысы аумағында жергілікті маңызы бар автомобиль жолдарының жалпы ұзындығы &nbsp;3418,5 шақырымды құрайды. Тарқатып айтар болсақ, оның 1014,5 шақырымы республикалық болса, 555 шақырымы облыстық та, 1849 &nbsp;шақырымы аудандық маңызы бар автомобиль жолдары. Қызылорда облысының жолаушылар көлігі және автомобиль жолдары басқармасының басшысы Жәнібек Шәкімбайұлы Сыздықовтың сөзінше, өткен жылы атқарылған істің ауқымы аз емес көрінеді.<blockquote> – 2023 жылы жол инфрақұрылымын дамытуға республикалық және облыстық бюджеттен барлығы 38 млрд теңге бөлініп, ұзындығы 603 шақырымды құрайтын автомобиль жолдары, көшелер және көпір өткелдері жөндеуден өткізілді, – деді басқарма басшысы.</blockquote> Қызылорда облысының жолаушылар көлігі және автомобиль жолдары басқармасының баспасөз қызметі ұсынған ақпаратқа сенсек, 2023 жылы &nbsp;«Қуатты өңірлер – ел дамуының драйвері» ұлттық жобасы аясында ұзындығы 49,2 шақырымды құрайтын облыстық және аудандық маңызы бар автомобиль жолдарына құрылыс және қайта жаңғырту жұмыстары жүргізілген. Бұдан бөлек «Жалпы сипаттағы трансферттер» бағдарламасы аясында ұзындығы 188 шақырым болатын облыстық және аудандық маңызы бар автомобиль жолдары күрделі және орташа жөндеуден өткізілген. Сонымен қатар «Өңірлерді дамыту» бағдарламасы аясында ұзындығы 10 шақырым болатын Қызылорда қаласындағы 2 көше мен 2 көпір жөнделген. «Кіші қалаларды дамыту» бағдарламасы аясында ұзындығы 13 шақырымды құрайтын 9 көшеге жөндеу жұмыстары жүргізілді. &nbsp;Сондай-ақ облыстық бюджеттен қаржы бөлініп, 175 шақырымды құрайтын Қызылорда қаласы мен аудандарға қарасты елді мекендердің көшелері жөнделді. Атқарылған жұмыстың нәтижесінде индикаторлық көрсеткіш жақсарған.<blockquote> – 2023 жылдың қорытындысымен облыстық және аудандық маңызы бар автомобиль жолдарының жақсы және қанағаттанарлық индикаторлық көрсеткішінің үлесі 87,5%-ға жеткізілді, – Жәнібек Шәкімбайұлы.</blockquote> Басқармадағылар биылғы жұмыс жоспарымен де бөлісті. 2024 жылы жол инфрақұрылымын дамытуға республикалық және облыстық бюджеттен барлығы 27 млрд теңге бөлініп, ұзындығы 247 шақырымды құрайтын автомобиль жолдары, көшелер және көпір өткелдерін жөндеуден өткізу жоспарланған. Тарқатып айтқанда, «Қуатты өңірлер – ел дамуының драйвері» ұлттық жобасы аясында ұзындығы 33,5 шақырым болатын облыстық және аудандық маңызы бар автомобиль жолдарына құрылыс және қайта жаңғырту жұмыстарын жүргізу жоспарланыпты. Ал &nbsp;«Жалпы сипаттағы трансферттер» бағдарламасы аясында ұзындығы 57,9 шақырымды құрайтын облыстық және аудандық маңызы бар автомобиль жолдарына күрделі және орташа жөндеуден өткізу жоспарға енген. Жол жағдайын жақсартуға қатысты бағдарламаның бірі «Өңірлерді дамыту» деп аталады. Бұл бағдарлама бойынша ұзындығы 22,2 шақырымдық Қызылорда қаласының көшесі мен &nbsp;көпірді жөндеу де назарға іліккен. Бұдан бөлек «Кіші қалаларды дамыту» бағдарламасы аясында ұзындығы 2,4 шақрымды құрайтын көшені жөндеу де жоспарда тұр екен.&nbsp;Басқармадағылар бұл жұмыспен тоқмейілсімей облыстық бюджеттің қаржысына 54,4 шақырым болатын Қызылорда қаласы мен аудандарға қарасты елді мекендердің көшелерін жөндеуді де қаперге алған. &nbsp;<blockquote> – Осы ретте, мемлекеттік бағдарламалар аясында облыстағы жол саласын дамытуға республикалық бюджетке 55,6 млрд теңгені құрайтын 88 жоба ұсынылды. 2024 жылға нақтыланған 48 жобаның 17,1 млрд теңгесі қолдау тауып, облыстық және аудандық маңызы бар автомобиль жолдарының жақсы және қанағаттанарлық индикаторлық көрсеткішінің үлесі 92%-ға жеткізу межеленген, – деді Қызылорда облысының жолаушылар көлігі және автомобиль жолдары басқармасының басшысы Жәнібек Сыздықов.</blockquote> Қызылорда облысы бойынша облыстық, аудандық маңызы бар автомобиль жолдарын күрделі және орташа жөндеуден өткізу үшін &nbsp;8 жоба дайын көрінеді. Ұзындығы 116 шақырым екенін айта кетейік. &nbsp;Сонымен бірге &nbsp;2 көпірді күрделі жөндеу үшін жобасы дайын болса, 3 көпірдің күрделі жөндеу жұмыстарына жобалық-сметалық құжаттары әзірленіп жатыр екен. &nbsp; Жолдың жайын қаузап мақала жазған соң Қызылордадан Ақтөбеге дейінгі автобанның мәселесін қоса кеткенді жөн санадық. Өйткені осы екі аралықтағы жол жайы талайды толғандырып жүр. Батыс Қытай-Батыс Еуропа автобанының осы бөлігі тар екенін, ерсілі-қарсылы жүйіткіген көліктердің сыймай, тіпті бір-біріне соқтығысып жатқанын журналистер де, әлеуметтік желі қолданушылары да жазып келеді. Бұл мәселемен Мемлекет басшысы Қасым-Жомарт Тоқаев та жақсы таныс. Өткен жылы өңірімізге сапармен келгенде облыс әкімі Нұрлыбек Нәлібаев Президент Қасым-Жомарт Тоқаевқа осы жолдың жай-күйін түгел мәлім еткен болатын. Мемлекет басшысы сол жерде бірден Үкімет басшысының орынбасарына мәселені мүмкіндігінше тез шешуді тапсырды. Жұрттың ендігі тілегі Президент пәрмені орындалып, халық үлкен жолдың игілігін ертерек көрсе екенке саяды.&nbsp; Әзиз ЖҰМАДІЛДӘҰЛЫ &nbsp;

Күретамырға қан жүгірсін десек,  жолдың жайын жақсарту керек

Суды үнемдеу жұмыстары қарқынды жүргізілмек

&nbsp;&nbsp; <a href="https://kyzylorda-news.kz/">Kyzylorda-news.kz</a> &nbsp;&nbsp;Бүгін Қазақстан Премьер-Министрі Олжас Бектенов 15 наурызда өткен «Адал адам – Адал еңбек – Адал табыс» атты Ұлттық құрылтайдың үшінші отырысында Мемлекет басшысы Қасым-Жомарт Тоқаевтың елімізде тұрмыс сапасын жақсарту жөніндегі тапсырмаларын орындау бойынша кеңес өткізді. &nbsp;Құрылтайда Президент тұрғын үй коммуналдық шаруашылығы инфрақұрылымын жөндеу және жаңғырту мәселесі бойынша қолданыстағы 55 жылу көзін жөндеуді және кемінде 6,5 мың шақырым инженерлік желілерді жаңғыртуды тапсырды.&nbsp; Үкімет басшысының ресми сайтындағы ақпаратқа сүйенсек, бұл мақсаттарға 650 млрд теңге инвестиция тартылатын болады.Азаматтардың баспаналы болуын қамтамасыз ету бойынша қойылған міндеттерді шешу үшін Үкімет кезекте тұрғандар, оның ішінде халықтың әлеуметтік осал санаттары үшін сатып алу құқығымен жалға берілетін тұрғын үй көлемін 4 есе ұлғайтуды жоспарлап отыр. Ол үшін қосымша 272 млрд теңге бөлінеді. Мемлекет басшысының тапсырмасы бойынша Отбасы банк 300 млрд теңге сомасына ипотекалық қарыздар беретін жаңа бағдарламаны іске қосады. Жаңа бағдарламаға жұмыс істейтін жастар, жас отбасылар, тұрғын үй төлемдерін алушылар, банк салымшылары, моноқалалардың, аудан орталықтары мен ауылдық елді мекендердің тұрғындары, оның ішінде ақша жинау бойынша міндеттемесі жоқ тұрғын үй кезегінде тұрғандар қатыса алады. Бірінші жылы жаңа бағдарлама есебінен қосымша 12 мың баспанаға мұқтаж отбасын үймен қамтамасыз ету жоспарланып отыр. Жалпы биыл рекордтық 18 млн шаршы метр тұрғын үй салынады, бұл бұрынғы жоспарланған жылдық көрсеткіштен 2,5 млн шаршы метрге артық.Еліміздің жол желісін дамыту бойынша Президент айтқан 12 мың шақырым автомобиль жолдарын реттеу үшін Үкімет ағымдағы жұмыстардан бөлек, қосымша 2,5 мың шақырым жолды жөндеу жұмыстарын жоспарлап отыр. Бұл мақсаттарды іске асыру үшін шамамен 1 трлн теңге инвестиция бағытталатын болады. Бұл жай-күйі жақсы және қанағаттанарлық республикалық жолдардың үлесін 93%-ға дейін арттыруға, сондай-ақ қосымша 24 мың жұмыс орнын құруға мүмкіндік береді.Елді мекендерді газдандыру деңгейін арттыру мақсатында Мемлекет басшысы кемінде 1,7 мың шақырым желіні жаңғырту міндетін қойды. Бұл 300 мыңнан астам азаматқа көгілдір отынды қолжетімді етеді. Осыған байланысты Үкімет биыл жоспарланған 46 елді мекеннің орнына 87 елді мекенді газдандырмақ. Осылайша, 63 мыңнан астам адам жеделдетілген шаралармен газбен қамтамасыз етілетін болады, яғни қамту іс жүзінде 2 есеге ұлғайтылды. Бұл мақсаттарға 195 млрд теңге бөлінетін болады.Үкімет басшысы биыл 1 сәуірге дейінгі мерзімде жобаларды қаржыландыру кестесін уақтылы ұсынуды тапсырды. Кесте сондай-ақ жобалардың әрі қарай іске асырылуын күнделікті бақылауды да көздейтін болады.<blockquote>«Біз Президенттің ауқымды инфрақұрылымдық бастамаларының уақтылы іске асырылуын қамтамасыз етуге тиіспіз. Әрбір министрге және әкімге, ұлттық компаниялардың басшылығына жұмысты күнделікті бақылауға алуды тапсырамын. Тұрғындар нақты өзгерістерді көруі қажет. Толық қайтарыммен жұмыс істеу және жоғары нәтиже тиімділіктің көрсеткіші болмақ», — деді Олжас Бектенов.</blockquote>Сонымен қатар кеңесте өңдеу өнеркәсібін, транзиттік дәліздерді, кәсіпкерлікті және IT-технологияларды одан әрі дамыту жөніндегі шаралар қаралды. Негізгі міндет – жаңа жұмыс орындары, озық технологиялар мен құзыреттер трансферті, ірі өндірістерді локализациялау, жоғары деңгейде өңделген өнім шығаратын кластер құру және т.б. түріндегі мультипликативтік әсер беретін жаңа инвестициялық жобалар.Биыл жоспарланған кемінде 70 жоба пайдалануға берілмек. Өңдеу өнеркәсібін дамыту мақсатында отандық кәсіпорындардың жүктемесін орта есеппен 65%-ға дейін арттыру бойынша қосымша шаралар әзірленетін болады.Транзиттік дәліздерді дамыту және көліктің барлық түрімен жүк тасымалдау көлемін ұлғайту үшін жаңа теміржолдардың, логистикалық орталықтар мен қоймалардың құрылысы жалғасатын болады. Мәселен, жүктерді теміржол көлігімен тасымалдау көлемін 450 млн тоннаға дейін, автомобиль көлігімен тасымалдау көлемін 316 млн тоннаға дейін, сондай-ақ транзиттік тасымалдарды 30 млн тоннаға дейін, оның ішінде Транскаспий халықаралық көлік бағыты бойынша жүктерді тасымалдау көлемін 4,2 млн тоннаға жеткізу жоспарланып отыр.Үкімет отандық бизнесті қолдауды жалғастырады. АӨК дамытуға қосымша 240 млрд теңге бағытталатын болады. ШОБ жобаларын субсидиялауға 320 млрд теңгеге дейін бағытталады. Инвесторлар тарту мақсатында 12 арнайы экономикалық және индустриялық аймақ қажетті инфрақұрылыммен қамту жоспарланған. Бұл мақсаттарға 160 млрд теңге бағытталады. Сондай-ақ «өнеркәсіптік ипотека» тетігі бойынша жалпы сомасы 30 млрд теңгеге 8 жаңа шағын өнеркәсіптік аймақты құру жұмыстары жеделдетілетін болады.Ақпарат және байланыс қызметтері саласында кемінде 10% деңгейінен кем емес өсім күтіледі және ол IT-қызметтер экспортын $600 млн-ға дейін ұлғайту есебінен қамтамасыз етілетін болады.<img src="https://knadmin.beoblood.kz/uploads/431946545_711559477831966_8921167722667785961_n_1_2cb5b52d3f.jpg" alt="431946545_711559477831966_8921167722667785961_n (1).jpg"><img src="https://knadmin.beoblood.kz/uploads/431946545_711559477831966_8921167722667785961_n_3358aeb34a.jpg" alt="431946545_711559477831966_8921167722667785961_n.jpg"><img src="https://knadmin.beoblood.kz/uploads/432061644_711559467831967_8504778995800992143_n_dac00fa7e9.jpg" alt="432061644_711559467831967_8504778995800992143_n.jpg"><img src="https://knadmin.beoblood.kz/uploads/432744269_711559457831968_120207497931527229_n_71ad283710.jpg" alt="432744269_711559457831968_120207497931527229_n.jpg">Фото: primeminister.kz

Үкімет Президент бастамаларын орындауға кірісті

&nbsp;<a href="https://kyzylorda-news.kz/">Kyzylorda-news.kz</a> &nbsp;Құрылысшылардың еңбек ізі мыңдаған тұрғын үй мен қызмет көрсету ғимаратында, мектеп пен балабақша, аурухана-емханада, мыңдаған шақырым жол жүйесінде сайрап жатыр. Ел қуанышына айналған түрлі сан салалы кешен мен көрікті үйлер бір күнде біте қоймайды. Оған құрыш қолды құрылысшылар жаздың аптабы мен қыстың суығына қарамай, тер төгіп келеді. &nbsp;Бұл елдің әлеуметтік-экономикалық деңгейінің өсу белгісін білдіреді.Былтыр облыстың 85 жылдық мерейтойында Сыр құрылысшылары көтеріңкі көрсеткіш тарту етті. Мерейлі мереке қарсаңында Қызылорда облысы экономикалық өсу қарқыны бойынша республикада үздік үштікке шықты. Үкімет отырысында Ұлттық экономиканың экс-министрі Әлібек Қуантыров &nbsp;аймақтың абыройын асқақтатып атап айтты. «Жыл басынан бері облыс тұрғын үйді пайдалануға беру бойынша 3-орында, өңдеу өнеркәсібінің өсу қарқыны бойынша 4, ал құрылыс секторындағы жоғары өсімді қамтамасыз еткен өңірлер арасында 5-орында. Барлық экономикалық даму көрсеткішін есепке алғанда, Сыр өңірі алғашқы үштікте» деп тоқталған болатын.Облыстың 85 жылдық тарихында құрылыс саласы құр алақан емес, олардың озық ісі облыс шежіресінде ойып орын алады.Тағылымды тарихОблыстың алғашқы құрылыс мекемесі ҚазССР Халық комиссарлары кеңесінің 1944 жылғы 10 мамырдағы қаулысына сәйкес Еңбекшілер депутаттарының Қызылорда облыстық советі атқару комитетінің арнайы шешімімен құрылды. Алдымен Архитектура істері жөніндегі облыстық бөлім, онда 3 штаттық бірлік болды. Мекемеге облысқа қарасты бір қаланың, ауданға бағынатын екі қаланың, төрт аудан орталығының және алты қала типтес қыстақтың құрылыстарына басшылық және бақылау жасау жұмыстары жүктелді.Бұл мекеме бірнеше рет қайта құрылымдаудан өтті. Функциясы мен міндеттеріне қарай &nbsp;қызмет ету ауқымы бірте-бірте кеңейіп, заман талабына сай жаңартылып отырды. Жаңа үлгідегі құрылымдық өзгерістер жасалды. Өзіне бағынысты құрылыс нысандарына техникалық қадағалау жасайтын мемлекеттік мекеме де жұмыс жасады.Облыстық құрылыс басқармасының негізі 1996 жылы қаланды. Ол кезде облыстық сәулет, құрылыс және тұрғын үй-коммуналдық шаруашылық басқармасы деп аталды. Ал 2005 жылы сәулет, қала құрылысы және құрылыс басқармасы, бір жылдан кейін құрылыс департаменті, 2008 жылдың ақпан айынан облыстық құрылыс басқармасы болды.2015 жылдың басында «Қызылорда облысының құрылыс, сәулет және қала құрылысы басқармасы» мемлекеттік мекемесі болып қайта құрылғаны белгілі. Алдағы жылы осы мекеменің құрылғанына 80 жыл толғалы отыр.Мекемеге 1996-2023 жылдар аралығында көптеген білікті азамат басшылық жасады. Қазіргі күні іргелі мекеме өңірдегі құрылыс индустриясының дамуына жетекшілік етіп, сәулетті құрылыс нысандарының салынуына ықпал етіп келеді.Мемлекет басшысы Қызылорда облысына жұмыс сапарында темірбетон бұйымдары зауыты өніміне жоғары баға берген болатын. Бұл жергілікті кәсіпкерліктің кең өрісін көрсетті. «Құрылыс-көлік компаниясы» ЖШС биыл құны 2,6 миллиард теңге болатын жобаны іске қосты. Комбинат күніне 200 текше метр темірбетон бұйымдарын өндіреді.2023 - жетістікке толы жылҚұрылыс индустриясы – экономиканың негізгі іргетасы. Кез келген елдің экономикалық күш-қуаты мен әлеуметтік тұрақтылығы осы саланың дамуына тікелей байланысты. Бүгінде өңірде құрылыс индустриясы қарқынды дамып, ел экономикасының, оның ішінде тұрғындардың әлеуметтік әлеуетінің артуына айрықша ықпал етіп келеді.Ауқымды саланы алға жылжытуда құрылысшылар қауымының еңбегі ерен. Миллиардтаған теңгенің ірі жобалары құрылысшылардың табандылығының арқасында жүзеге асырылуда.2022 жылы аймақ басшысының бастамасымен әлеуметтік нысандар құрылысына мемлекеттік бюджеттен 5,2 млрд теңге бөлінді. Бұл қаражатқа 25 әлеуметтік нысан құрылысын жүргізу жоспарланып, жыл соңына дейін 12 нысан пайдалануға берілді.Қаржыландырудың барлық көзі есебінен 683,2 мың шаршы метр тұрғын үйге иелері қоныстанды. Облыс бойынша жалпы ауданы 124,9 мың шаршы метрді құрайтын 1764 пәтерлік 41 тұрғын үй салынды.Былтыр инженерлік желі бойынша 38 жобаның құрылысы жүргізілді. Оған 4,9 млрд теңге қаржы бөлінді. 8 жобаның құрылысы аяқталып, 53,8 шақырым инженерлік желі пайдалануға берілді. Оның ішінде жеке тұрғын үй құрылысы бойынша 886 жер учаскесі 44,1 шақырым электр желісімен қамтамасыз етілді. Облыстық басқарма арқылы 53 құрылыс нысанының жоба-сметалық құжаты әзірленіп, сараптаманың оң қорытындысы алынды. Жобалардың жалпы құны 71,9 млрд теңгені құрап отыр.Демеушілердің қолдауымен 189,2 млн теңгеге 8 құрылыс нысанының – 5 мектеп, 1 өнер мектебі, 1 мемлекеттік орган ғимаратының және сыртқы инженерлік желінің жоба-сметалық құжаттамалары әзірленді. Бұл нысандардың жалпы сметалық құны 9,4 млрд теңгені құрайды.Құрылыстағы толымды істер&nbsp;Облыс құрылыс саласында өткен жылдың 9 айының өзі нәтижелі жетістікке толы болды. Әлеумeттік нысандар құрылысына мемлекеттік бюджеттен 20,3 млрд теңге бөлінді. Бұл қаражатқа 40 әлеуметтік нысанның құрылысы жүргізілуде. «Жайлы мектеп» ұлттық жобасы шеңберінде 10 білім беру объектісін салуға республикалық бюджеттен 19,6 млрд теңге бөлініп, құрылысы басталды.«Қуатты өңірлер – ел дамуының драйвері» ұлттық жобасы аясында тұрғын үй құрылысын қаржыландырудың барлық көзі есебінен 692,3 мың шаршы метр тұрғын үй пайдалануға беру жоспарлануда. Оның ішінде, мемлекет қаражаты есебінен 37,4 мың шаршы метр және жекелеген қаржы есебінен 654,9 мың шаршы метр. Мемлекеттік бюджеттен жалпы ауданы 37,4 мың шаршы метр құрайтын 592 пәтерлік 15 тұрғын үйдің құрылысын жыл соңына дейін аяқтап, пайдалануға берілетін болады. Халықтың әлеуметтік жағынан осал топтары үшін сатып алынатын тұрғын үйлер бойынша 1000 пәтер сатып алу жоспарлануда.Сонымен бірге, облыстық бюджет қаржысы есебінен 79 пәтер сатып алынады. Оның ішінде жалғыз тұрғынжайы Қазақстан Республикасының заңнамасында айқындалған тәртіппен апаттық жағдайда деп танылған азаматтарға 34 пәтер, аз қамтылған көпбалалы отбасыларға 45 пәтер. Жыл соңына дейін кезекте тұрған 1671 отбасына тұрғын үй беріліп, кезек біршама азаяды.Өткен жылдың 8 айда қаржыландырудың барлық көзі есебінен 546,9 мың шаршы метр тұрғын үй пайдалануға беріліп, жоспар 119,8% орындалды. Осы аталған индикаторлық көрсеткішке қол жеткізу бойынша жыл басында аудандар бөлінісіндегі жоспар бекітіліп берілді. Сонымен қатар, басқарма арқылы аудан әкімдіктеріне жоспарланған көрсеткіштерге 100% қол жеткізу бойынша түсіндірме жұмыстары үнемі жүргізілуде.Мемлекет өз азаматтарының баспанамен қамтылуына мүдделі. Тұрғын үй құрылысы – тек мақсат ғана емес, ел экономикасының өрлеуіне серпін беретін зор күш. Тұрғын үй құрылысы бойынша облыс көлемінде жалпы алаңы 546 872 шаршы метрді құрайтын 2 634 тұрғын үй пайдалануға берілді. Бұл – өткен жылдың тиісті кезеңімен салыстырғанда 119,8 пайызға жоғары көрсеткіш.Ауқымды жобалар жүзеге асырылудаОблыстың шежірелі тарихы бүгінде өз жалғасын табуда. Аймақтың құрылыс саласында 126,4 пайыз өсім бар. Өңір қазір қарқынды құрылыс алаңына айналды. Жаңа жобалар жүзеге асырылып, ауқымды инвестициялар тартылып, экономиканың негізгі секторында серпінді қадамдар жасалуда.Аймақ басшысы әлеуметтік маңызы бар бастамаларға жергілікті меценаттарды көптеп тартып, ауқымды жобаларды жүзеге асыруға қаржы бөлінді. Жыл соңына дейін құны 3,7 миллиард теңге болатын 1000 орындық «Өнер орталығын» пайдалануға беру жоспарлануда. Емханасы мен онкологиялық бөлімшесі бар 300 орындық көпбейінді аурухананың құрылысы жүргізіліп жатыр. «Ауылдық денсаулық сақтауды жаңғырту» ұлттық жобасы аясында елді мекендерде 27 медициналық-амбулаториялық нысан салынуда.Өңірде бірқатар спорт және әлеуметтік-мәдени нысан бой көтереді. Атап айтқанда, жуырда 7 мың орындық Орталық стадионның, жабық бассейні бар көпсалалы денешынықтыру-сауықтыру кешенінің құрылысы басталады. Аудандарда 11 денешынықтыру кешенін салу үшін жергілікті бюджеттен 2,6 миллиард теңге бөлінген.Құны 1,6 миллиард теңгені құрайтын заманауи үлгідегі «Отбасы орталығы» да есігін айқара ашты. Белгілі кәсіпкер, меценат Марат Дүйсенбаевтың демеушілігімен құны 1,7 миллиард теңгені құрайтын «Анаға тағзым» орталығы жұмысын бастады. Аудандар мен шағын ауылдарда да жаңа нысандардың құрылысы тұрақты жүргізілуде. Бүгінгі таңда 200 орындық «Оқушылар үйі» мен 50 орындық «Өнер мектебі», «Балықшылар ескерткіші» мен аллея пайдалануға берілді. Заманауи үлгідегі демалыс саябағы ел игілігіне ұсынылды. Сонымен қатар, «Еңбекшілер аллеясы» бой көтерді.Облыс орталығында сметалық құны 20 млрд теңгені құрайтын «Қорқыт ата» әуежайының жаңа терминалының құрылысы басталды. Терминал құрылысын Болат Өтемұратовтың қоры қаржыландырған. «ҚазГерМұнай» бірлескен кәсіпорнымен жасалған келісімнің нәтижесінде облыс орталығында заманауи үлгідегі «Оқушылар сарайы» бой көтермек.2022 жылы тамыз айында құны 2 млрд 700 млн теңгені құрайтын «Қан орталығының» іргетасы қаланды. Нысан жылына 5000-10000 адамға қызмет көрсетеді. Орталықтың салынуы – аймақтың денсаулық сақтау саласы үшін маңызды әрі ұтымды шешім, тұрғындардың денсаулығын сақтау және қорғау бағытындағы нақты іс-шараның бірі. Ол 2024 жылдың басында пайдалануға берілмек. Сондай-ақ, 300 орындық жатақханасы бар 400 орындық физика-математика бағытындағы мектеп-интернат құрылысы да қарқынды жүргізілуде. Жалпы 8 млрд теңгеге салынатын жаңа мектеп оқушыларға сапалы білім беруге қажетті заманауи жабдықтармен қамтамасыз етіледі.Тоқсан ауыз сөздің тобықтай түйіні, облыстың 85 жылдық мерейтойына сала толымды жетістіктермен жетіп отыр. Бүгінде Сыр өңірі құрылыс саласында табысты өңірлердің біріне айналып отыр. Облыс басшылығы осы мақсатта ірі компаниялар, шетелдердегі шағын және орта бизнес өкілдерімен келіссөздер жүргізуде. Бұл орайда да ойластырылып отырған жарқын жобалар аз емес. Демек, өңірдің сәулетін арттыруға бағытталған жұмыстар алдағы уақытта да жалғасын таба бермек.&nbsp;

Құрылысы қарқынды – Қызылорда 

<a href="https://kyzylorda-news.kz/">Kyzylorda-news.kz</a>&nbsp; Өткен жылы облыс бойынша «Ауыл аманаты» бағдарламасына 3 миллиард теңге қаржы қаралған. Ауыл тұрғындары жоба аясында жеңілдетілген несие алып, кәсіптерін кеңейтетіндеріне ерекше қуанып отыр.«Ауыл аманаты» жобасы – ауылды дамытудың кепілі. Бұл жергілікті жұртшылықтың ауылда еңбек етіп, тұрақталуына бағытталған. Бұл жобаға тек ауыл тұрғындары, оның ішінде жұмыссыз азаматтар, өз-өзін жұмыспен қамтушылар, кәсібін енді бастағандар мен кәсіп иелері қатыса алады. Негізгі талаптар – осы. Несие берілген соң арнайы каникул да қарастырылған. Бұл бизнесті – дамытып алуға берілген жақсы мүмкіндік.<blockquote>&nbsp;Жалпы бағдарлама 5 бағыт бойынша қаржыландырылады. Атап айтқанда, өңдеу, егін шаруашылығы, кооперативтерді дамыту, мал және басқа да бағыттағы бизнес жобалар қамтылған. Оның ішінде 600 жобаға несие беру жоспарланып, 636 жаңа жұмыс орнын ашу көзделуде. Сенім білдірген өкіл ретінде мемлекеттік сатып алу заңына сәйкес «Байқоңыр» ӘКК» АҚ анықталып, «Ауыл аманаты» жобасы бойынша микрокредиттер алуға құжат қабылдау 20 шілдеде басталды. Бүгінгі таңда әкімдіктерден қаржыландыруға 2,8 млрд теңгені құрайтын 316 жобаның құжаты тапсырылып, несие комитеті 1026,5 млн теңгеге 130 жобаны мақұлдады, &nbsp;24 жоба бойынша 153,9 млн теңге несие берілді. Жалпы барлық аудандар және Қызылорда қаласы бойынша ауылдарды қамту мақсатында қаралған қаржы халық санына қарай тең бөлініп, әр ауданға өз лимиті қарастырылды. «Ауыл аманаты» жобасын өңірдің ерекшелігіне қарай тиімді және сапалы іске асыру мақсатында басымдық өндірістік жобаларға берілуде. Бұл ретте, жеке қосалқы шаруашылықтардың ынтасы өңдеуге, оның ішінде шағын цехтар, жылыжай өндірісін, омарта, балық және құс шаруашылығын дамытуға бағытталуда, – дейді облыстық ауыл шаруашылығы және жер қатынастары басқармасының бөлім басшысы Гүлмира Исабергенова.</blockquote>Ауылдағы ағайын банктен несие алуда көп кедергіге тап болатын. Себебі кепілге қоятын мүлкі жоқ не талапқа сай емес. Ал «Ауыл аманатының» басқалардан ерекшелігі әр қатысушының жағдайы, қаржылық мүмкіндігі жеке қаралады.Жоба Мемлекет басшысы Қасым-Жомарт Тоқаевтың 2023-2027 жылдарға арналған тұжырымдамасы негізінде бастау алды. Жаңа бағдарламаны ауыл тұрғындары арасында жан-жақты насихаттап, түсіндіру жұмыстары кеңінен жүргізілді. «Amanat» партиясы жанынан арнайы мобильді топ құрылып, еліміздің барлық өңірлерін аралап шықты. Оның ішінде ең шалғай ауыл тұрғындары да қамтылды. Бүгінгі күні кәсіп ашуға бел буған &nbsp;ауыл тұрғындары қажетті құрал-жабдықтарын алуда.&nbsp;«Ауыл аманаты» жобасы аясында кәсіп бастауға ниет еткен азаматтардың несие өтінімдерін қарау мақсатында бүгінгі күні өңірде «amanat» партиясы облыстық филиалы, «Байқоңыр» ӘКК» АҚ және түрлі сала мамандарынан арнайы комиссия құрылып, жұмыс жасауда.<blockquote>&nbsp;Комиссия отырыстарына 120-дан астам жоба ұсынылып, қаржыландырудың оң шешімі қабылданғаннан кейін тексерілетін болады. Сондай-ақ тәуелсіз бағалау туралы есептері сұратылып, мүліктері кепілге тіркелген соң, қаржыландыру жұмыстары жасалады. Ерекше айта кететін жайт, бағдарлама басталған сәттен алаяқтыққа жол берген бірқатар азамат кездесті. Осы орайда, бағдарламаға қатысушылардың тек ресми ақпаратқа жүгінуін сұраймыз, сонымен қатар бізге немесе «amanat» партияcының өңірдегі филиалдарына барып, нақты ақпарат пен кеңес алуына болады, – дейді «Байқоңыр» ӘКК» АҚ басқарушы директоры Мадали Әлішерұлы.</blockquote>Бағдарлама ең әуелі халық табысын арттыруға бағытталып отыр. Ауыл тұрғындары бұл бастамаға барынша мүдделілік танытуда. Олар өз кәсібін бастауға немесе шағын кәсіптерін кеңейтіп, талапқа сай дамыта алатынына сенімді.Фото: &nbsp;Нұрболат Нұржаубай

«Ауыл аманаты» - ауыл игілігі үшін

&nbsp;<a href="https://kyzylorda-news.kz/">Kyzylorda-news.kz</a> Қазақстанның Еңбек Ері Абзал Ерәлиев есімі Сыр елі үшін қадірлі. Экономика әлсіреп, қоғамдық қатынастар қалт-құлт етіп қалған кешегі қиын кезеңде күшін сарқып, күріш шаруашылығының дамуы үшін ерен іс тындырған азамат. Жердің берген байлығын туған жеріне төккен жомарт. Ел Президенті Қасым-Жомарт Тоқаев былтыр Қызылорда облысына келген сапарын &nbsp;Сырдария ауданының Н.Ілиясов ауылынан бастаған болатын. Осы бір сәт туралы жақынырақ білгіміз келген біз Абзал Жұмашұлына жолығып, бір-екі ауыз әңгімелескен едік.– Президентті ауылдың аузынан өзіңіз қарсы алдыңыз. Алғашқы сөз неден басталды?– Президент біздің ауылға өте жоғары көңіл-күйде келді. Облыс әкімімен бірге ауыл келбетімен танысып, еңбекшілермен жүздесті. Аман-саулықтан соң жанымдағылар мені шаруашылық құрылтайшысы деп таныстырған. «Абзалды білеміз, Еңбек Ері, Мәжілісте депутат болды» деді Президент жылы сөйлеп. Осы сөздің әсері болар, өзімді еркін ұстадым. Сосын шаруашылықтың тарихынан қысқаша мәлімет бердім. Бұл ауыл совхоз есебінде 1966 жылы тегіс жерден басталып салынған. Бірінші басшысы Кеңес Одағының батыры Нағи Ілиясов болса, одан кейін Социалистік Еңбек Ері Алдаберген Бисенов басшылық жасаған. Осы деректерді келтірдім.&nbsp; Ауылдың орталық саябағын аралап келеміз. Гүлмен көмкерілген субұрқақ, сол қанаттағы Биг-бен сағаты, мәдениет үйі, мектеп, Тағзым алаңы, музей, мешіт, мен осылардың жай-күйін таныстырып жатырмын. Ауылды абаттандыруға, ағаштарды күтіп баптауға, аяқсуға, т.б. жұмыстарға жылына 200 млн теңге көлемінде қаражат жұмсалады. Ауыл көшелеріне 35 мың түп ағаш егіп шығардық. Әдетте ағаш көшеттері ешқашан толық шықпайды, жүздің елу-алпысы бой алып кетпейді. Көп адам сол шығынды қалыпты деп есептейді. Олай емес, бір шыбықты да қисайтпай, қанша ексең, сонша шығаруға болады, тек еңбек керек. Негізі бұл шаруашылықты 2005 жылдан бастап толық басқаруға алдық. Бұрынғы инвесторлар қарызға батып, банкрот болған. Біз осы кезде «Мағжан» серіктестігін құрып, шаруашылықты сол қиыншылықтан алып шыққан едік. Қазір ауылда 480 отбасы тұрады. Шаруашылық 5 мың гектар жерге күріш егеді. Ауылдың 470 адамы егін саласында жұмыс істейді. Тағзым алаңының тұсына келген Президент әдеттегіден ұзағырақ аялдап қалды. Бұл ауылдан 195 азамат Отан соғысына аттанып, 132-сі қайта оралмаған. Осы Тағзым алаңына 48 млн теңге жұмсалған. Отан үшін отқа түскендердің есімі жазылған белгіден батырлардың рухы сезіліп тұрғандай болды ма, осы тұстан ешкім де бей-жай өтіп кетпейді. Мұнан соң Президентті ауыл стадионына бастап бардық. Бұл жерде спорттың жеті түрінен 144 бала жаттығады. Осы кезде балалар өз жаттығуларын жүргізіп жатқан. Президент үстел теннисіне аялдады. Мен – облыстық үстел теннисі федерациясының президентімін. Қасым-Жомарт Кемелұлы қолына ракетканы ұстап тұрып, балаларға аталық тілегін айтты. Стадионның үлкен алаңына шығып, жас спортшылармен суретке түсті. Стадионнан шыға бере қабырға экранынан Нағи ауылының дрон арқылы төбесінен түсірілген түнгі көрінісі көрсетілді. «Керемет екен!» деді Президент. Сол сәтте барлық көзі көрген нәрсеге бір-ақ баға бергендей болды. Мұнан соң «Еңбек аллеясына» бардық. Ол жерде шиелілік Гүлсім Дәрібаева, шағандық Айбек Уәлиев сөз сөйлеп, мемлекет тарапынан еңбек адамдарына көрсетіліп отырған қамқорлықтар үшін Президентке алғыс білдірді. «Қазіргі ең басты құндылық – еліміздің, халқымыздың татулығы» &nbsp;деді Президент. Ауыл келбетімен таныстыру сәтінде Президент мешітке қарап тұрып: «Жақсы салыныпты» деді. Сол кезде ескі мешітті бұзбай, музей етіп қойғанымызды айтып өткенмін. «Жөн болған, дұрыс» деп Президент сөзімді қоштады.– Президент нақты не деді?– Ол кісі көбіне тыңдады. Сөзді бөлген жоқ. Біздің айтқанымызды ықылас қойып тыңдауының өзі ризашылығын танытып тұрды. «Осындай ауылдарды көбейтуіміз керек. Бұл ауыл – басқа ауылдарға жақсы үлгі» деп баға берді. Қоштасар сәтте: «Жақсы, Абзал, табыс тілеймін» деді. *** Еңбек Ерінің сөзінен біз халық үшін жасалып жатқан қыруар жұмыстың лебін сездік. «Уа, нағилық халық, батыр бейнең алып, от жүректен – ода. Бәсің, биік бағаң, сөз таппаса саған, ақындығым ада. Жыр боп ескен елге, гүл боп өскен жерге, төккен маңдай терің. Бейнең нұрлы ақ таң, «Алтын Жұлдыз» таққан, Абзал деген ерің» деп өлең жазған едік, бір кезде.Ел Президенті сол батыр халықтың еңбегін бағалап, қасиетті мекеннен аса ризалықпен аттаныпты. Біз тарихи сәттің осы үйлесімін көпке жеткізгіміз келді.&nbsp;

Өрісі кеңге жайылған – Нағи ауылы

&nbsp;<a href="https://kyzylorda-news.kz/">Kyzylorda-news.kz</a> Заман күн санап жаңарып, түрлі техника мен технологиялар қолданысқа еніп жатқаны рас. Бірақ осынау техникалық жетістіктің бірі де электр энергиясы болмаса қауқарсыз қалатынын ойладыңыз ба?! Шындығына келсек, бір сәт жарық қуаты өшсе, жұмысымыз да кейінге қалып, қолымыз жіпсіз байланып қалады. Себебі ғаламды таң қылған небір техниканың өзі электр энергиясының қуатымен ғана жұмыс істей алады.Демек энергетик мамандардың қоғамдағы орны орасан. Тәуліктің мезгілімен, табиғаттың тосын мінезімен санаспай жұмыс істейтін мамандардың қызметі қауырт әрі қауіпті. Кез келген адамның бұл саланы таңдауға батылы жете бермейтіні анық. Біздің кейіпкеріміз Алмат Тұрғанбаев – қызығынан қиындығы мол саланың білікті маманы.– 2012 жылдан бастап электр маманы болып жұмыс істеймін. Теорияны тәжірибемен жалғастыра білу өте&nbsp;маңызды. Алған білімімізді жұмыс барысында қолданып келеміз. Үйренгеніміз көп, үйренеріміз қаншама?! Жас мамандармен қолдан келгенше білгенімізбен бөлісуге де, үйретуге де дайынбыз. Әрине аталған саланың қауіптілігі басым. Неге десеңіз, электр энергиясы көзге көрінбейді, иісі сезілмейді. Бей-жай қарауды және қателік жіберуді кешірмейді. Бір ғана қателік адам тағдырын шешуі мүмкін. Десе де мен өз мамандығымды мақтан тұтамын. Нағыз ер азаматқа тән сала деп ауыз толтырып айта аламын. Әрі күнделікті сұранысқа ие, – дейді кейіпкеріміз өз мамандығы турасында.Кейіпкеріміз &nbsp;Алмат Тұрғанбаев – Қызылорда электр тарату тораптары компаниясының электр маманы. Сырдария ауданының электр жарығымен қамтамасыз етілу барысына жауапты. Өз ісінің маманы жұмыстың қауырт екенін айтады. Әдетте күндіз болсын, түн болсын уақытпен санаспай жұмыс істейтін маман халықтың сұранысын қанағаттандыру үшін дауыл мен жаңбырда, ми қуырар ыстықта да қарап қалмайтындықтарын айтады. Әсіресе, қыстың қытымыр аязы мен дауылды күндері ақаудың көп орын алатыны белгілі. Сондайда қай жерден ақау кеткенін анықтап, дер кезінде жөндеу – сала мамандарының негізгі міндеті.– Заман талабына сәйкес электр жабдықтарының да жаңаша түрлері нарықта қолданысқа шығуда. Олардың өз кезегінде тиімді тұсымен қатар қауіпті жақтары да болады. Жұмыс барысында қауіппен бетпе бет келетін кезеңдер болатыны жасырын емес. Бастысы, қауіпсіздік талаптарын қатаң сақтау қажет және жұмысымыз қырағылықты талап етеді. Бізге жұмыс уақытында кез келген жағдайға дайын отыру керек. Бей-жай қарауға, шатасуға болмайды. Бір ғана қателік бүкіл жүйеге, адамға зақым келтіруі мүмкін. Халықтың ризалығы мен алғысы үшін, жайлы өмір сүруі үшін күндіз-түні жұмыс жасауға дайынмын. Себебі мен өз мамандығыммен мақтанамын, – дейді тәжірибелі маман.«Энергетика секторын дамытпай, Қазақстанның экономикасын қарқынды өсіру мүмкін емес» дейді мамандар. Осы ретте маңыздылығы жөнінен алдыңғы қатарда тұратын энергетика саласын жандандыру маңызды. Бұл туралы Мемлекет басшысы да айтып өткен еді. Нәтижесінде ауданымызда тозығы жеткен электр бағандарын жөндеу жұмыстары да жүргізілуде.&nbsp;Бұл ретте энергетика саласы мамандарының маңызы зор екені талас тудырмайды. Қай кезде де халық игілігі үшін аянбай еңбек ететін мамандық иелері үлкен сұранысқа ие.&nbsp;

Қазақстан және Қызылорда облысының жаңалықтары: Экономика