<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Шиелі ауданына жұмыс сапарымен барып, Алмалы, Ақтоған ауылдық округтеріне газ қосу рәсіміне қатысты. Салтанатты шараға ҚР Парламенті Мәжілісінің депутаттары Мархабат Жайымбетов, Мұрат Әбенов, Мұрат Ергешбаев, облыстық ардагерлер кеңесінің төрағасы Серік Дүйсенбаев, еңбек ардагерлері келді.Аймақ басшысы «көгілдір отын» игілігіне кенелген Алмалы ауылдық округінің тұрғындарын құттықтап, елді мекендерді дамыту бағытындағы жоспарларды бөлісті.«Президентіміздің, Үкіметтің Сыр өңіріне жан-жақты қолдауының нәтижесінде аймағымызда бүгінгі күні ауқымды жобалар жүзеге асырылуда. Биылғы облыс бюджеті 650 млрд теңгеден асты. Оның ішінде, Шиелі ауданының бюджеті 15,8 млрд теңгеге жетті. Бұл ауқымды қаражат халықтың әл-ауқатын арттыруға, тұрмыс сапасын жақсартуға жұмсалуда. Бүгінде сырбойылықтардың 98,4 пайызы орталықтандырылған ауыз сумен қамтылған. Биыл 5 млрд 400 млн теңгенің 14 ауқымды жобасы жүзеге асырылады. Осылайша 2025 жылға қарай облыс тұрғындарын 100 пайыз ауыз сумен қамтамасыз етеміз. Сонымен қатар, 4 млрд теңгеге аймағымыздағы 12 елді мекенді газға қосу жоспарланған. Наурыз мерекесі қарсаңында Шиелі ауданының Бестам, Телікөл ауылдарына табиғи газ барды. Бүгіннен бастап Ақтоған және сіздердің ауылдарыңыз «көгілдір отын» қолданады», – деді Нұрлыбек Машбекұлы.Ауыл тұрғындарын ҚР Парламенті Мәжілісінің депутаты Мұрат Ергешбаев пен еңбек ардагері Абдрахман Мұсаймов құттықтады. Іс-шарада аудан дамуына үлес қосқан азаматтар мен ардагерлер облыс әкімінің Алғыс хатымен марапатталды.Сондай-ақ, бүгін газ қосу рәсімі Ақтоған ауылдық округінде де өтті. Рәсімнен кейін облыс әкімі газ қосылған үй иелеріне ізгі тілегін білдірді.Биыл Шиелі ауданында бірқатар инфрақұрылымдық жоба қолға алынбақ. Атап айтсақ, 3 млрд 250 мың теңгеге 21 шақырым жол жөндеуден өтеді. Оның ішінде, «Самара-Шымкент-Жөлек» жолы орташа жөнделеді. Аудандық маңызы бар «Шиелі-Қодаманов» жолындағы көпірді күрделі жөндеуге 311 млн теңге бөлініп, жұмыс жоспар бойынша жүруде.Халықпен кездесулерде электр желілерінің тозығы жеткені жайлы мәселе жиі көтеріледі. Осы орайда, Шиелі кентіндегі электр желілерін қайта құрылымдауға өткен жылы 100 млн теңге, биыл 619 млн теңге қаржы қаралып, тозығы жеткен трансформаторлар мен желілер ауыстырылуда. Жобалық құны 4,5 млрд теңге болатын Шиелі кентіндегі қосалқы станцияны қайта жаңғыртуға Ұлттық қор есебінен 1,5 млрд теңге бөлінген. «Ауыл – ел бесігі» жобасы аясында Бидайкөл, Жиделіарық, Ә.Тәжібаев ауылдарының сыртқы электрмен қамту желілерінің құрылысына республикалық бюджеттен 153 млн теңге қаралды.<img src="https://knadmin.beoblood.kz/uploads/437723794_733654462289134_1567636193228746574_n_cd11e730d4.jpg" alt="437723794_733654462289134_1567636193228746574_n.jpg"><img src="https://knadmin.beoblood.kz/uploads/437739902_733654708955776_6000304755287447878_n_bb915ae6e0.jpg" alt="437739902_733654708955776_6000304755287447878_n.jpg"><img src="https://knadmin.beoblood.kz/uploads/438059634_733654385622475_8997296095347244093_n_3d4d06b3c1.jpg" alt="438059634_733654385622475_8997296095347244093_n.jpg"><img src="https://knadmin.beoblood.kz/uploads/438093615_733654552289125_66537052417218464_n_f2eae1a7fd.jpg" alt="438093615_733654552289125_66537052417218464_n.jpg">Фото: Қызылорда облысы әкімінің баспасөз қызметі

Шиелі ауданында екі ауылдық округ газға қосылды

<a href="https://kyzylorda-news.kz/">Kyzylorda-news.kz</a>&nbsp;24 сәуір күні Қармақшы ауданындағы отбасын қолдау орталығында аудан әкімдігі мен аудандық прокуратурасы аудандық ардагерлер және әйелдер кеңесімен бірлесіп тұрмыстық зорлық-зомбылық және онымен күресу шараларын талқылады.Жиынға аудан Прокуроры Мейрамбек Маханбетжанов, аудан әкімінің орынбасары Самат Смағұлов және айдандық білім бөлімінің басшысы Гүлзира Абдазиева мен аудандық әйелдер кеңесінің төрайымы Гүлжауһар Раева, аудандық ардагерлер кеңесінің төрағасы Асқар Мерекеов, құқық қорғау органдары мен сала мамандары қатысты.Аталмыш кездесуде тұрмыстық зорлық-зомбылықтың алдын алу, жәбір көрген әйел азаматшаларға психологиялық және заңгерлік көмек көрсету, құқық бұзушылық жасауға бейім азаматтармен профилактикалық шаралар ұйымдастыру, отбасылық құндылықтарды насихаттау жұмыстары пысықталды.Сонымен қатар, тізімдегі адамдармен жеке жеке жұмыс жасау, маскүнемдікке салынып, отбасының шырқын бұзатындарға қатаң шаралар қабылдау қажет екендігі айтылды.Айта кететін жәйт, аудан Прокуратурасы мен аудандық ардагерлер, әйелдер кеңестерімен өңіріміздегі «Тұрмыстық зорлық-зомбылық» мәселесіне қатысты ықпалдасу және кеңесу тәртібінде атқаратын іс-шаралар бойынша меморандумға қол қойылған болатын.&nbsp;&nbsp;

Қармақшыда тұрмыстық зорлық-зомбылық және онымен күресу шаралары талқыланды

Қазалы ауданы бойынша ветеринария саласында атқарылған іс-шаралар ауқымды

<a href="https://kyzylorda-news.kz/">Kyzylorda-news.kz</a>Аймақ пен елді мекенде, әрбір салада жаңару мен жаңғыру жұмыстары үздіксіз атқарылып отыруы тиіс. Бұл – заман талабы. Олай болмаса, түбегейлі жетістікке жету мүмкіндігінің аясы тарыла түсерін өткен уақыт дәлелдеп қойған. Сондықтан қашанда көнені байытып, жаңаға ұмтылудың мәні зор. Ол үшін үнемі ізденіс, талмай еңбек ету қажет екені түсінікті. Сырдың маржаны атанған Шиелі бұл күндері тіпті құлпыра түскен.Бастысы, әр тұрғынның тазалыққа мән беріп, өз аулаларын, көшелерін қоқыстан арылтуы, мүмкіндігіне қарай ағаш көшеттерін молынан егіп, мекеме маңдарын гүлзарға айналдыруы шағын қалашықтың көркін аша түскен сыңайлы. Айтпақшы, аудан ардагерлерінің кіреберістегі көпір маңынан арнайы жер иемденіп, оған саялы ағаштар отырғызуы, оны өз күшімен күтіп-баптауы – өзгеге үлгі боларлық-ақ өнеге. Осы бір жағымды үрдіс басқа азаматтар мен түрлі құрылымдарға да оң әсер етіп, елді мекенді көркейту-көгалдандыру жұмысы Шиеліде кең өріс алғаны қуантады. Бұл қадам қоғамды ұйыстырып, ел бірлігін нығайта түсуге ықпал етері сөзсіз.Шиелідегі тағы бір сүйсінерлік жағдай жаңа құрлыстардың бой көтеріп, сәулеттендіру тұрғысындағы жұмыстардың қарқын алуы деп айтар едік. Мәселен, биылғы алғашқы тоқсанда құрылыс-монтаждау жұмыстарына республикалық және облыстық бюджеттерден қаржы қаралды. Бұларды атап айтып, көрсеткен де жөн болар. Тарата баяндасақ, төмендегіше:Шиелі кентіндегі 220/35/10 кВ «Шиелі» ҚС қайта жаңғыртуға Ұлттық қордан бөлінетін нысаналы трансферт есебінен қаржы қаралған. Облыстық мемлекеттік сатып алу басқармасы арқылы жұмыс жүргізілуде.Аудан орталығындағы О.Байымбетов көшесі мен атаусыз көше бойындағы 50 үйдің инфрақұрылымының жобалық құны 102,1 млн теңгені құрайды. Биылға жергілікті бюджет есебінен 103 млн теңге қаралды. Наурыз айында мемлекеттік сатып алу жұмыстары аяқталып, бас мердігері «РиА-Сервис ЛТД» ЖШС-мен келісім-шарт жасалды.Шиелі кентінде жобалық құны 363,2 млн теңге болатын спорт кешенінің құрылысы басталды.«Ауыл – ел бесігі» жобасы шеңберінде әлеуметтік және инженерлік инфрақұрылым жеткізу бойынша республикалық бюджет есебінен 50 млн теңге қаралды. Наурыз айында мемлекеттік сатып алу жұмыстары аяқталып, бас мердігері «Алтын Айдарлы» ЖШС-пен келісім-шарт жасалды. Авторлық қадағалаушы – «Гранд Тауэр Сервис» ЖШС, техникалық қадағалаушы – «МұнайГаз Инжиниринг» ЖШС.«Бестам» ауылында 150 орындық клубтың құрылысы қолға алынды. Жобалық құны – 460,6 млн теңге. Құрылысты «СК Дәнекер» ЖШС салады, «ПроектСервис» ЖШС авторлық, «ARTERIA» ЖШС техникалық қадағалаушы.Шиелі кентіндегі электр желілерін ауыстыру үшін жоба-сметалық құжаттама әзірленді. Жобалық құны 808 млн теңгені құрайды. Аудан орталығындағы тозығы жеткен қолданыстағы 12,68 шақырым электр желілері ауыстырылады. Бас мердігері – «Энергомера» ЖШС, өткен жылы Ұлттық қордан нысаналы трансферт есебінен 100 млн теңге бөлініп, 6 учаскеге электр бағаналары орнатылып, 3,5 шақырым желі жүргізіліп, бөлінген қаржы толықтай игерілді. Биылға 619 млн теңге қаралып, наурыз айында 75,6 млн теңге игерілді.Шиелі ауданының құрылыс, сәулет және қала құрылысы бөлімінің басшысы Дана Аман – мемлекеттік қызметтің бірнеше баспалдағынан өткен тәжірибелі маман. Жоғарыда айтылған сәулеттендіру мәселелері жөніндегі ойларын жинақтай келе, алдағы жұмыс жоспары туралы айтты.<blockquote>– Құрылыс саласына бөлінген қаржыны өз мерзімінде игеріп, нысанның сапалы салынуына аса мән береміз. Жоғарыдағы мәліметтерге тағы да қосарымыз, Шиелі ауданындағы халықтың әлеуметтік жағынан әлсіз топтарына арналған 21 тұрғын үйді сатып алуға 266 млн теңге қаралды. «Ақмая», «Алғабас», «Бәйтерек», Ы.Жақаев, «Бәйгеқұм», «Алмалы», «Еңбекші» ауылдарының даму сызбаларын түзетуге аудандық бюджеттен қаржы қаралып, толықтай игерілді, – деді ол.</blockquote>Сондай-ақ биылға облыстық бюджеттен берілетін трансферттер есебінен 139,8 млн теңге Шиелі кентінің бас жоспарына түзету енгізуге, 14 ауылдық елді мекеннің дамыту және салу схемаларына (оңайлатылған бас жоспарларына) түзетулер енгізу жұмыстарына қаралды. Шиелі кенті кәріз жүйелері мен тазарту қондырғысы құрылысы бойынша жоба-сметалық құжаттамасын әзірлеп, ведомстводан тыс кешенді сараптаманың оң қорытындысын алғанға дейін сүйемелдеуді әзірлеуге өткен жылға аудандық бюджеттен 15 млн теңге бөлініп, толықтай игерілді. Биыл аудандық бюджеттен 41,9 млн теңге қаралып, «Батыс Гранд» ЖШС жоба-сметалық құжаттарын дайындауда. Мұның бәрі – ауқымды жұмыстар.Алғашқы тоқсандағы құрылыс жұмыстарының аса қарқынды екені аңғарылды. Демек, ауданда жаңа бастамалар уақыт талабына сай жүргізіліп, оның нәтижелі болуына толық мүмкіндік бар. Қорыта келгенде, қоғамның ортақ іске ұйысуы арқылы ел бірлігінің нығая түсеріне негіз бар. &nbsp;

Өркендеу жолындағы өнімді қадам

Қармақшыда өңдеу өнеркәсібі дамып келеді

<a href="https://kyzylorda-news.kz/">Kyzylorda-news.kz</a>&nbsp; Өткен жылы «Қызылорда қаласының құрылыс бөлімі» коммуналдық мекемесіне бюджеттік жоспары 35&nbsp;628,1 &nbsp;миллион теңгеге бекітілген. Оның 34&nbsp;999,7 миллион теңге қаржысы, яғни 98 проценті игерілген. Бүгінде игерілмеген қаржы көлемі 628,4 миллион теңгені құрайды. Бұл туралы Қызылорда қаласының құрылыс бөлімінің басшысы Дінмұхаммед Сырлыбаев өткен жылы атқарылған жұмыстар &nbsp;туралы есебінде баяндады.Бөлімге бөлінген бюджеттің басым бөлігін тұрғын үй құрылысына жұмсалатыны белгілі. Былтыр «Тұрғын үй құрылысы» бағдарламасы аясындағы бюджеттік &nbsp;жоспар 11&nbsp;404,3 миллион теңгені құрап, оның 11&nbsp;303,8 миллион теңгесі игерілген. Сонымен қатар 2022 жылы аяқталмаған СПМК-70 мөлтек ауданы №2 тұрғын кварталында қабылданбаған 50 пәтерлі №8 тұрғын үй қабылданған. &nbsp;Сондай-ақ, 2022 жылы басталған Сырдария өзенінің сол жағалауында №2-ші шағын ауданында 470 пәтерлі ипотекалық 10 тұрғын үйдің құрылысы аяқталған.Бүгінде Қызылорда қаласы, Сырдария өзенінің сол жағалауы №3 мөлтек ауданында 7 қабатты 84 пәтерлі 6 тұрғын үйдің құрылысы жүргізілуде. Бұл тұрғын үйлерді салу бойынша бөлінген қаржының 100,0 миллион теңгесі 84 пәтерлі 6 тұрғын үйдің атқарылған жұмыс көлемі бойынша игерілмеген.Ал «Инженерлік инфрақұрылымды дамыту» бағдарламасына аясында бекітілген бюджет 6&nbsp;805,0 миллион теңгені құрап, оның 6&nbsp;359,7 миллион теңгесі игерілген. Игерілмеген қаржы 445,3 мың теңге. Ал республикалық бюджеттен 633,983 миллион теңге бөлініп, оның 592,1 миллион теңгесі игерілген. Игерілмеген қаржы 41,9 миллион теңге (32,5 миллион теңге аяқталмаған жоба, 9,4 миллион теңге үнемделген). Бұдан бөлек ҚР Ұлттық Қор есебінен 1&nbsp;541,1 миллион теңге бөлініп 1&nbsp;293,8 миллион теңге игерілген. Игерілмеген қаржы 247,3 миллион теңге жыл соңында «Қызылорда қаласының Бәйтерек шағын ауданында тұрғын үйлерді газбен жабдықтау және сумен жабдықтау желілерінің инженерлік-коммуникациялық инфрақұрылымын салу» жобасына бөлініп жұмыс көлемі басталмағандықтан бұл қаржы толықтай игерілмеген. Облыстық бюджеттен 4&nbsp;529,8 миллион теңге бөлініп игерілгені 4&nbsp;401,9 миллион теңге, игерілмегені 127,9 миллион теңге. 2022 жылы басталған Қызылжарма ауылдық округіндегі 35 көшеге тас төсеу жобасына Ұлттық қор есебінен 250,0 миллион теңге бөлініп, толықтай игерілген. Қызылорда қаласы СПМК-70 мөлтек ауданы №3 тұрғын кварталынынан 21 пәтер сатып алынып, бөлім тарапынан 2021 жылы 60 пәтерлі №3 тұрғын үй қабылданып «Отбасы банкіне» өткізілмеген. Осы тұрғын кварталдың инженерлік желілерін жүргізіп аяқтауға 371,6 миллион теңге бөлініп, оның 350,5 миллион теңгесі игерілді. Игерілмеген қаржы 21,1 миллион теңге аулааралық жұмыстары мен газ жүйесі қабылданбаған. 2021ж-2022 жылы СПМК-2 мөлтек ауданы &nbsp;№2 тұрғын кварталында салынып бүгінгі күнге пайдалануға берілген барлығы 580 пәтерлі ипотекалық тұрғын үйлердің абаттандыру жұмыстары қабылдау актісі тапсырылмай 35,1 миллион теңге игерілмей қалған. Сырдария мөлтек ауданындағы №5 тұрғын кварталында сатып алынып жатқан тұрғын үйлердің инженерлік жұмыстарына 1&nbsp;126,3 миллион теңге бөлініп, 59,9 миллион теңгесі игерілмеген (ауыз су және кәріз желісі мен абаттандыру жұмыстарынан), №2 мөлтек ауданданында 2023 жылы пайдалануға берілген 470 пәтерлі ипотекалық тұрғын үйлердің инженерлік жұмыстарына 1&nbsp;081,2 миллион теңге бөлініп аулааралық жұмыстары 2024 жылға өтпелі тек газ жүйесі қабылдау актісімен тапсырылмай 32,5миллион теңге игерілмеген. Қызылорда қаласы Ғ.Мұратбаев көшесі №4,4а бойында орналасқан ғимараттарға инженерлік жүйелерін жүргізуге 444,0 миллион теңгеге шарт жасалынып жұмыстар атқарылды. 2022 жылы басталып 2023 жылға өтпелі Еңбек (6,1км), Жас Алаш (2,6км) және Теректі (0,4км), Орбита (12,4км), Эдельвейс (26,3км), Болашақ бау-бақша (4,1км) саяжайларына барлығы 51,9 км ауыз сумен қамту үшін 85,9 миллион теңге, Ақжарма (48,8км) және Қарауылтөбе (12,8км) а/о электр желісін жүргізуге 45,4 миллион теңге бөлініп, бұл жобалар &nbsp;толық аяқталған.Бұдан бөлек бөлім тарапынан «Қызылорда қаласының Бәйтерек тұрғын ауданындағы тұрғын сектордың инженерлік-коммуникациялық инфрақұрылымы. Ұңғымалар бұрғылаумен су жинағыш салу» үлкен жобасы сәуір айында халық игілігіне пайдалануға берілген. Сондай-ақ Тасбөгет кентіне малтатас жол құрылысы (6,2км), Сабалақ саяжайына малтатас жол құрылысы (5,5км), Бірқазан елді мекеніндегі орталық көшелеріне тас төсеу (0,5км), Сарысу көшесі (1,2км) және Шорғазы (1,0км) тұйығына тас төсеу барлығы 14,4 км малтатас төсеу үшін облыстық бюджеттен қаржы бөлініп аяқталған. Қызылорда қаласы Сырдария өзенінің сол жағалауында орналасқан №4 тұрғын кварталында 40 пәтерлі №16 тұрғын үйдің аулааралық жұмыстары мен телефон желісіне&nbsp; 65,9 миллион теңге бөлініп, тиісті жұмыстар жүргізілген. Қорқыт ата аэропорты терминалына жылумен қамту үшін 295,8 миллион теңге, электр желісін жүргізуге 782,0 миллион теңге, ауыз су жүйесін жүргізуге 796,9 миллион теңге, телефон желісіне 190,7 миллион теңге бөлініп тек ауыз су жүйесі қабылдау актісімен тапсырылмай 38,2 миллион теңге игерілмеген. Өндірістік мақсаттағы электрмен жабдықтау (көкөніс сақтау) «Арай ФУУД» жұмыс жобасына &nbsp;48,5 миллион теңге бөлініп қабылдау актісімен тапсырылмай 4,9 миллион теңге игерілмеген. Облыстық бюджеттен 2024 жылға жоспарланып жатқан 5 этажды 400 пәтерлі 10 тұрғын үйдің инженерлік жүйелеріне 59,1 миллион теңге және 84 пәтерлі 10 тұрғын үйдің инженерлік желілеріне 75,9 миллион теңге жоба-сметалық құжатын әзірленіп, сараптама оң қорытындысын алуға бөлінген. Оған қалалық бюджеттен 100,2 миллион теңге бөлініп, 72,1 миллион теңге игерілген. СПМК-70/2 т/кв аулааралық жұмыстары (доиспользование) 28,1 миллион теңге қабылдау актісі тапсырылмай, бөлінген қаржы игерілмеген. 2024 жылға іске асыруға жататын жобаларға жоба-сметалық құжаттар әзірлеп, сараптама оң қорытындысын алуға 65,0 миллион теңге бөлініп, игерілген.Қызылорда қаласында кезекте тұрған отбасыларға &nbsp;909 пәтер сатып &nbsp;алуға республикалық бюджеттен 3&nbsp;967,8 миллион теңге, ҚР «Ұлттық Қор» есебінен 3&nbsp;842,8 миллион теңге, облыстық бюджеттен 3&nbsp;238,3 миллион теңге барлығы 11&nbsp;048,9 миллион теңге бөлініп, игерілген қаржы 11&nbsp;019,4 миллион теңгені құрап отыр. Облыстық бюджеттен бөлінетін 29,5 миллион теңге қаржы кеш отыруына байланысты игерілмеген. 2023 жылы барлығы 908 пәтер сатып алынды.Ал «Сумен жабдықтау және су бұру жүйесін дамыту» бағдарламасы шеңберінде 4&nbsp;159,8 миллион теңге бөлініп қаламызда тозығы жеткен ауыз су және кәріз су желілерін қайта жаңғыртуға жоспар ҚР Ұлттық Қор есебінен 96,1 миллион теңге, республикалық бюджеттен 3&nbsp;492,1 миллион теңге және облыстық бюджеттен &nbsp;439,5 миллион теңге, қалалық бюджеттен 132,1 миллион теңге бөлініп жыл соңында 4&nbsp;123,5 миллион теңге игерілген. Атап айтқанда, Қызылорда қаласындағы қуаттылығы 70 мың м3/тәу модульді биологиялық тазарту станциясының сыртқы инженерлік желілері (электр және газбен жабдықтау), Қызылорда қаласындағы кәріздік сорғы станцияларын қайта құру және жаңарту жобалары іске қосылған. Қызылорда қаласы Универсам, Шымбай аумағында сумен жабдықтау және су бұру желісін қайта жаңғырту жобасы, Қызылорда қаласында ағын суларды тазарту қуаты тәулігіне 70,0 мың м3 биологиялық тазарту станциясын жаңғырту және автоматтандыру жобасы, Қызылорда қаласының кәріздік сорғы станцияларын реконструкциялау және жаңғырту жобасы, Рабочая көшесінің бойындағы 3 агрегатқа арналған №13 «Гагарин» КСС жобасы басталып, құрылыс жұмыстары биыл аяқталуы тиіс. Сондай-ақ ҚР Ұлттық Қор есебінен Астана даңғылы Көшербаев көшесі Жеңіс көшесі Әбдрешов көшесінен КНС №29-ға дейін кәріз жүйесін жүргізу жұмысы қабылдау актісімен қабылданған. Осы орайда облыстық бюджеттен 36,4 миллион теңге игерілмей қалған. Енді 2024 жылы тиісті қаржы қайта сұратылмақ.&nbsp; &nbsp; &nbsp; &nbsp; Құрылыс бөлімінің берген мәліметіне сүйенсек, өткен жылы «Спорт объектілерін дамыту» бағдарламасы аясында 514,5 миллион теңге Қызылорда қаласы Тасбөгет кентінде дене шынықтыру-сауықтыру кешенінің құрылысы пайдалануға берілген. Сонымен бірге «Газ тасымалдау жүйесін дамыту» бағдарламасына 724,4 миллион теңге бөлініп, толықтай игерілген. 2021 жылы басталған Қызылорда облысы Маханбет және Наурыз кентінің ішкі орамды газ құбырын салу жобасын аяқтауға облыстық бюджеттен &nbsp;57,5 миллион теңге бөлініп, &nbsp;жоба өткен жылы мамыр айында пайдалануға берілген. Қызылорда қаласы Қосшыңырау &nbsp;ауылдық округінің Абай,Досан елді мекендерінде «Газ құбыры желілерін салу» жобасына Ұлттық қордан 566,3 миллион теңге және облыстық бюджеттен 62,9 миллион теңге бөлініп, халық игілігіне пайдалануға берілген.«Ауыл ел бесігі» бағдарламасы аясында 672,2 миллион теңге бөлініп 657,7 миллион теңге игерілген. Игерілмеген қаржы 14,5 миллион теңге үнемделген. Талсуат және Қарауылтөбе ауылдық округі 150 орындық клуб құрылысы 2022 жылы басталып, 2023 жылы аяқталып халық игілігіне берілген. Қосшынырау ауылдық округіне қарасты Досан елдімекенінде ауылішілік және Абай ауылындағы №3 көшесіне қиыршық тас жол (3,9 км) құрылысына 144,9 миллион теңге бөлініп 130,3 миллион теңге игерілген. Игерілмеген қаржы 14,6 миллион теңге жұмыс көлемінен үнемделген. Қарауылтөбе ауылдық округіне қарасты кіре беріс жолдың бойында орналасқан жаңа қоныс аумағын қиыршық тас жол құрылысына Ұлттық қор есебінен 284,5 миллион теңге және облыстық бюджеттен 31,6 миллион теңге бөлініп 8,8 км тас төселініп пайдалануға берілген.А.ӘлімФото: &nbsp;Pixabay com

Қызылордада былтыр үй кезегіндегілерге 908 пәтер сатып алынған

<a href="https://kyzylorda-news.kz/">Kyzylorda-news.kz</a> Соңғы жылдары аймақта жергілікті тұрғындар картоп, көкөніс, бақша өнімдерімен өз-өзін қамтамасыз етуі үшін егістік жер дайындалып берілуде.&nbsp;Сәтті іске асқан жоба биыл да жалғасын таппақ. Бұл туралы облыс әкімі Нұрлыбек Нәлібаев Сырдария ауданындағы «Мағжан және К» ЖШС-нің егіс алқабында өткен «Дала күні» семинар-кеңесінде айтты.Бүгін&nbsp;«2022 жылы егіс егуге ынталы отбасыларға 1,8 мың гектар жер берілді. Облыс тұрғындары бұл бастамаға аса жоғары қызығушылық танытып, сұраныс артты. Өткен жылы да 5 500 отбасыға ауылдардан 3 300 гектар жер дайындалды. Бұл қадам әр үйдің өз-өзін азық-түлікпен қамтамасыз ету, отбасы бюджетін еселеу мүмкіндігін арттырды. Қажет болса, тұрғындарға арнайы техникалармен атыздарды тазалауға, жеке көкөніс сақтау қоймасын қазуға қолдан келгенше көмектесу қажет. Үлескерлердің жерін пайдаланатын шаруашылықтар да бұл жұмыстарға ынталы болуы тиіс», – деді аймақ басшысы.Негізі өңірде егін егуге ынталы азаматтарға жер беру мәселесі назардан тыс емес. Сондай-ақ, облыста азық-түлік қауіпсіздігін қамтамасыз ету мақсатында ауқымды жұмыстар атқарылған.Нұрлыбек Машбекұлы қала, аудан әкімдеріне жер дайындауға баса мән беріп, жұмысты ұтымды ұйымдастыруды тапсырды.Фото:&nbsp;Қызылорда облысы әкімінің баспасөз қызметі

Егін егуге ынталы отбасыларға жер телімдері берілмек

<a href="https://kyzylorda-news.kz/">Kyzylorda-news.kz</a>. Кейбір жағдайларда ересектердің өзінде жалақыдан ақша қалдырып қою дағдысының болмауы және жоспарланбаған сатып алудан өздерін тежей алмайтын жағдайлар кездеседі. &nbsp;Ал баланы &nbsp;қаржылық тәртіпке баулу – бұл одан да күрделі міндет. Fingramota.kz балаңызға ақшаны қалай дұрыс басқаруға үйрету туралы бірнеше ұсыныстар береді.Қызықты факт – 2023 жылы ҚР Қаржы нарығын реттеу және дамыту агенттігі жүргізген қаржылық сауаттылық жөніндегі әлеуметтік зерттеуге сәйкес, қазақстандықтардың үштен бірі (30,2%) әртүрлі шығындарға отбасылық бюджеттен ақша бөлу жөніндегі шешімді өз бетінше қабылдайды екен.Сауалнамаға қатысқандардың төрттен бірі (24,3%) отбасылық бюджетке ата-аналарының иелік етулерін қалайтындар. &nbsp;Респонденттердің тек азғана &nbsp;ғана бөлігі, яғни 3,1% -ы &nbsp;балаларына өз қаржысына жауапкершілік береді.Отбасылық бюджетті бөлу жөнінде азаматтарға жүргізілген сауалнама &nbsp;кейбір отбасылардың балаларды ақша мәселесінен қорғап, «оларды отбасының материалдық жағдайына араластыру дұрыс емес» деген пікірді ұстанатынын анықтады.Әлеуметтік зерттеуде «Ата-ананың «бала-ақша» шектеуші түріндегі рөлі олардың қаржылық біліктілігінің қалыптаспауына, балалардың ақшаға балалық тұрғыдан қараудан шыға алмаудың &nbsp;алғышарты болуы мүмкін», - деп айтылған. Отбасылық бюджетті бөлу тақырыбы бойынша азаматтарға жүргізілген сауалнама сондай-ақ, кейбір отбасылардың балаларды ақша мәселесінен қорғау қажет деген пікірді ұстанатынын анықтады. Зерттеушілердің пікірінше, бұл қоғамды құрудың социалистік идеологиясынан бастап, балаларды отбасының қаржысына араластыру әдепсіз деп саналған кездегі сенім. Бұл кеңес үкіметі кезеңінде өскен ересектерге де әсер етті, өйткені 30 бен 49 жас аралығындағы топтың 36%-ы өз ақшаларын ата-аналарына беретін. Зерттеуде мұндай іс-әрекет «ақшаға қатысты қалыптаспаған қаржылық құзыреттіліктің, инфантилизмнің» көрсеткіші болуы мүмкін екендігі айтылады.Балаларды одан сақтау үшін оларды мектепке дейінгі жастан бастап ақшаға деген дұрыс көзқарасты қалыптастыру арқылы қаржылық сауаттылыққа үйрету керек.Неден бастау керек?Бала оңай игеруі үшін білімді ойын түрінде ұсынуға болады. Мысалы, кәдімгі ақшаны таныстырудан бастаңыз. Банкноттардың көмегімен сіз олардың қайдан шыққанын және қалай жұмыс істейтінін түсіндіре аласыз. Балалар кез келген нәрсені сатып алу ата-ана еңбегінің нәтижесі екенін түсінуі керек.Бір ойыншық сатып алу үшін сізге бірнеше сағат жұмыс істеу қажет екенін балаңызға түсіндіріңіз. Егер сіздің балаңыздың сұранысы «қымбат» болса, ол затты сатып алу үшін көбірек еңбектеніп, тіпті демалыс күні де жұмыс істеу қажет болатынын түсіндіру керек.Бұл істе артық кетпеу және балада кінәлі болу сезімін тудырмау маңызды. Ата-анам күні бойы жұмыста болады және сол себепті маған уақыт бөле алмайды деп баланың өзін кінәлауына жол бермеңіз.Бастауыш мектепте оқитын балаларға ақшаны қалай үнемдеуге және сол арқылы ақша жинауға болатыны туралы айтуға болады.Бала ақша жинап, кейіннен оны ойыншықтар, кітаптар сатып алуға немесе сүйікті ойындары үшін ақы төлеуге жұмсай алатындай «үй банкін» жасаңыз. Үлкен жинақ сандықша сатып алыңыз да, баланы «банкир» етіп тағайындаңыз. «Банкті» қалта ақшадан қалдырып жинап отыратын бала да, ата-ана да толтыра алады. Мұндай тәсіл тапқан ақшаны жұмсап қана қоймай, сақтап, арттыруға болатынын түсінуге мүмкіндік береді.Балаларға міндетті түрде кірісті бөлу қағидатын түсіндіріп отырыңыз, мұны үлгі ретінде көрсеткеніңіз жөн. Су, газ, жылу, азық-түліктер, киім және ойын-сауық – мұның барлығы тегін емес. Балаларға сіз еңбекақыңыздың қандай бөлігін отбасының қажеттіліктеріне, ал қандай бөлігін қалдыруға мүмкін болатынын айтып отырған маңызды.Бір мезетте балаға таңдау жасауды үйретіңіз: ол жинақталған ақшаны қайда жұмсағысы келетінін талқылаңыз. Үлкенірек балаға банк картасын ашуға болады. Кейбір банктерде балаларға арналған картаны 6 жастан бастап ашады. Сауда жасаған жағдайда шығыстарды бақылап отыру үшін және одан әрі банктік шоттардың немесе нақты шығыстары бар картаның үзінді көшірмелерімен салыстыру үшін чектерді жинау қажет екендігін де балаға түсіндіріп отыру қажет. Чектерді сақтау әдеті сауда жасаудың нақты есебін жүргізуге мүмкіндік береді және бюджетті тиімді құруға және қаржыны басқаруға ықпал етеді.Балаға біртіндеп инвестициялар туралы айта бастаңыз. Өз ақшаңды бөтен адамға неліктен сеніп тапсыруға болмайтынын түсіндіріңіз. Өйткені баланың қолына ақша түскен кезде ол бірден алаяқтардың объектісіне айналады. Цифрлық гигиенаның негізгі қағидалары туралы айтуды ұмытпаңыз: карточканың деректерін Желіге жарияламау, өз дербес деректерін ешкімге бермеу, қаскүнемдер өздерін кез келген атты бүркеніп таныстыра алатындықтан, әлеуметтік желілердегі бейтаныс адамдарға және телефон қоңырауларына сенбеу.Балаға күнделікті шығындарға қанша ақша беру керек?Күнделікті шығындарға арналған ақша – бұл балаға өз қаражатын дұрыс басқаруды үйретудің ең жақсы тәсілі. Тіпті 5-7 жастағы баланың өзі өздігінен кішігірім сауда жасай алады, бұл болашақта оның ақшаға деген қарым-қатынасына оң ықпал ететін болады.Есіңізде болсын, басты мақсат – балаға өз бюджетін сауатты әрі өз бетінше жүргізуді үйрету. Ұлыңыз немесе қызыңыздан олардың өз ақшаларын қалай жаратқаны туралы үнемі сұрап отырыңыз. Дұрыс шешімдері үшін мақтап қойыңыз және орынсыз жұмсалған ақша үшін оларды сынға алмаңыз, өйткені әрбір қателік – практикалық тұрғыдан үйренудің бір баспалдағы.Үйрету процесі одан да қызықты болу үшін баланың ақша табуына мүмкіндік беріңіз. Ол үшін оның «қызметтері» үшін тарифтер белгілеңіз. Мысалы, қызыңыз сіздің жұмысыңызға арналған таныстырылым жасауға көмектесті, ал ұлыңыз құжатты қайта басып шығаруға көмектесі және оны түрлі-түсті принтерде шығарып берді. &nbsp;Бірақ балаларды қоқыс шығару, үй жинау және басқа да үйдегі міндеттер үшін марапаттау қажет емес. Түбінде бұл баланың ешнәрсені тегін істегісі келмейтініне әкеп соғуы мүмкін, ал күнделікті шығындарға ақша берудің мүлдем тәрбиелік әсері болмай қалады.&nbsp;Баламен қаржы мәселесін талқылау сіздің отбасыңыздың әдетіне айналсын. Әрбір күннің немесе аптаның қорытындысын шығарыңыз – баланың қаржылық мақсаттары қандай, ол үшін оған қанша ақша керек, ол қанша ақша жаратын қойды, күнделікті шығындарға берілген ақша неге жетті.Үлкендер отбасы бюджетін өздері бөлетін, осы процеске тартылған және орынды үнемдеуді ұстанатын болса, аталған ұсынымдарды сақтау оңай болады.Ағылшындарда мынада мақал бар: «Балаларды тәрбиелемеңіз – олар бәрібір сізге ұқсайтын болады. Өзіңізді тәрбиелеңіз». Мұнымен келіспеуге болмайды, өйткені балалар расында көп жағдайда ата-аналарының іс-әрекеттеріне қайталайды.Сондықтан басты кеңес – қаржылық тұрғыдан сауатты болыңыз. Егер сіз бюджетті жоспарлаудың қарапайым ережелерін білмейтін болсаңыз, сіздің балаларыңыз да ұзақ мерзімді жоспарлау дегенді түсінбеуі мүмкін. ал егер сіздің отбасыңызда қаржылық тәртіп болатын болса, онда бала да болашақты сондай тәртіп орнатады.Fingramota.kz-пен бірге қаржылық сауаттылығыңызды арттырыңыз!

Балаларды жеке қаржысын дұрыс басқаруға қалай үйретуге болады?

<a href="https://kyzylorda-news.kz/">Kyzylorda-news.kz</a> Ресей Қазақстанға 2025 жылдан кейін Байқоңыр ғарыш айлағынан "Протон" зымыран тасымалдағышын ұшыруды жалғастыруды ұсынды. Бұл туралы Хруничев атындағы зымыран орталығының бас директоры Алексей Варочко мәлімдеді. Келісім бойынша Ресей тарапы екі жылдан кейін Қазақстан аумағынан "Протонды" ұшыруды тоқтатуға&nbsp;тиіс.&nbsp;Бұл туралы <a href="https://stan.kz/resey-baykonirdan-zimiran-yshiru-merzimin-yzartkisi-keledi-399127/">Stan.kz</a> ақпарат агенттігі хабарлайды."Роскосмос" және "Протон" зымыран өндірушісі – Хруничев атындағы орталық зымыран тасымалдағыштарын Байқоңырдан 2025 жылдан кейін де ұшыруды жалғастыруды ұсынды."Хруничев атындағы орталық пен "Роскосмос" мемлекеттік корпорациясы тарапынан ұсыныстар пысықталып, қазақстандық әріптестерімізге жолданды. Қазір&nbsp;бұл мәселені, оның ішінде "Байқоңыр" кешені бойынша үкіметаралық комиссия шеңберінде іске асыру жолдарын іздеу процесі жүріп жатыр", – деді Варочко.Варочконың айтуынша, он "Протон-М" зымыран тасымалдағышы түрлі дайындық деңгейінде. Олардың кейбіреулері ресейлік ғарыш бағдарламасын жүзеге асыру үшін, ал кейбіреулері коммерциялық ұшыру үшін пайдаланылады. Геосаяси жағдайға байланысты зымырандардың бір бөлігі ешқашан пайдаланылмады."Осыған байланысты Хруничев орталығы Роскосмоспен бірлесіп, ішкі және сыртқы нарықта тегін зымыран тасымалдағыштардың пайдалы жүктеме нұсқаларын зерттеп жатыр", – деп қосты Варочко.2015 жылы Қазақстан мен Ресей "Протон" зымырандарын ұшыруды 2025 жылдан кейін тоқтатамыз &nbsp;деп келісті. Ресей тарапы "Протон" өндіруді тоқтатып, оны толығымен экологиялық таза Ангара зымыранымен алмастыратынын айтты. Өйткені улы гептилді отын үшін "Протонға" шағымданушылар көп.Бұқаралық ақпарат құралдарының хабарлауынша, "Протон" Ресейдегі ең қуатты зымыран. Ол мемлекеттік және коммерциялық бағдарламалар бойынша әртүрлі ғарыш аппараттарын ұшыруға арналған. Оның алғашқы ұшырылымы 1965 жылы 16 шілдеде өтті. Осы серияда барлығы&nbsp;400-ден астам зымыран ұшырылды.Айта кетейік, Ресей 1994 жылдан бері Қызылорда облысында орналасқан "Байқоңыр" ғарыш айлағын жалға алған. Жалдау мерзімі 2050 жылға дейін. Ресей Байқоңырды жалға алғаны үшін жыл сайын 115 миллион доллар төлейді.Фото: Роскосмос

Ресей Байқоңырдан зиян отын тұтынатын зымыран ұшыру мерзімін ұзартқысы келеді

«СКЗ-U»: Өндірісті өңірдің өрісі кең

<a href="https://kyzylorda-news.kz/">Kyzylorda-news.kz</a>&nbsp; Сыр күріші – ел ырысы екені баршаға аян. Осы қанатты сөз облыс орталығынан бастап, аймақтың әр ауданында ілулі тұр. Себебі аграрлы аймақ үшін егін шаруашылығының маңызы ерекше. Оның үстіне Қызылорда – күріш егуге бейімделген, халқы да осы кәсіпке машықтанған бірден бір өңір саналады. Сондықтан дала академигі атанған Ыбырай Жақаевтың ізін жалғаған диқандар егін егу мен оны жинау кезеңін асыға күтетіні мәлім.Соңғы жылдары су тапшылығына байланысты егілетін күріш көлемін қысқарту мен ауыл шаруашылығын әртараптандыру жұмысы қолға алынған болатын. Мемлекет басшысының, Үкіметтің қолдауымен және облыс әкімдігінің ұйытқы болуымен диқандарға нақты көмек пен қолдау көрсетілуде. Өңір шаруаларының өзекті мәселелері Парла­мент­те де көтеріліп, Үкіметке, сала­лық министрліктерге депутаттық сауалдар жолдануда. Нақты мәліметке сүйенсек, депутаттық сауалдардың басым көпшілігі оңтүстік және батыс аймақтардағы су тапшылығы мәселе­сін шешуге бағытталу үстінде.Облыстық ауыл шаруашылығы және жер қатынастары басқармасының мәлі­метін­ше, ҚР Үкіметі мақұлдаған индикаторлар бойынша биылғы жы­лы облыста 187,5 мың гектарға ауыл­ шаруашылығы дақылдары егіледі деп жоспарланған екен. Оның ішінде, дәнді дақылдар көлемі 91,6 мың га болса, майлы дақылдар 4,8 мың, мал азықтық дақылдар 71,6 мың, картоп, көкөніс, бақша 19,5 мың гектарға егілмек. Ал негізгі дақыл күріш 78,3 мың гектарға егіледі деп межеленген.Соңғы жылдары жергілікті тұрғын­дарды әлеуметтік маңызы бар азық-түлік өнімдерімен қамтамасыз ету үшін қосымша егістік жер берілуде. Биыл облыс бойынша қосымша 3179 гектар жер дайындалуда. Мамыр айына дейін егін егуге ынта білдірген отбасылар саны нақтыланып, егіс көлемі әлі де артатын болады. Осы ретте биылғы жылдың көктемгі егісіне қажетті ауыл шаруашылығы дақылдарының тұқым­дары 100%-ға толық қамтамасыз етіл­генін айтып өткеніміз жөн. Дайындалған күріш тұқымының 2,4 пайызын отандық сорттарды, 97,6 пайызын Ресейлік және Украина сорттарды құрайды. Мине­ралдық тыңайтқыштармен қам­­­ту­­­­ға келсек, 63,6 мың тонна тыңайт­қыштың 56,0 мың тоннасы сатып алынған. «Шаруашылықтар минералдық тыңайтқыштарды отандық тыңайтқыш өндіруші зауыттар мен облысқа жеткізуші мекемелер арқылы сатып алуда» дейді басқарма мамандары. Көктемгі егіс егу мен дала жұмыс­тарын жүргізуге 12,9 мың тонна арзандатылған дизель отыны бөлінген.Облыста көктемгі дала және ерте егілетін дақылдарды егу жұмысы нау­рыз айының бірінші онкүндігінде бас­талды. Негізгі дақыл күрішті егу ауа-райы жағдайына байланысты сәуір айының 3-інші онкүндігінде басталады деп жоспарланған. Ал аудан бойын­ша биыл жалпы 32829 гектарға ауыл­шаруашылық дақылдары егіл­мек. Оның ішінде күріш көлемі – 20451 гектар. Көктемгі дала жұмыс­тарын жүргізуге барлығы 780 тех­­ника қатысуда. Мұнан бөлек шаруа­шылық­аралық канал­дар­дың 11,9 шақырымы, ішкі су жол­дарының 185,6 шақырымы таза­ланып, 15 гидробекет, 48 су тартатын қондырғы жөн­дел­ген.&nbsp;Фото: Нұрболат Нұржаубай

Сыр өңірінде  егін егуге 3179 гектар жер дайындалуда

<a href="https://kyzylorda-news.kz/">Kyzylorda-news.kz</a> Адам денсаулығы ауыз судың сапасына тікелей тәуелді. Жер бетіндегі әр түрлі мақсаттарға пайдаланылатын тұщы судың қоры қаншама мол болғанымен, жалпы есеппен алғанда, ішуге жарамды су табиғатта аз. Әлемдегі су ресурсын адамзат баласы қалай пайдаланса да аздық етпейді, бұл жердегі проблема – ағзаға зиянын тигізбейтін таза суда, ішетін ауыз суда болып тұр. Мәселе – тұщы судың мол қорында емес, оның химиялық құрамы қандай элементтерден тұратындығында.Осы орайда, 2024 жылдың 04 сәуірінде Тұрақты даму бойынша ЮНЕСКО кафедрасы (<a href="www.kaznu.kz">www.kaznu.kz</a>) жыл сайын өтетін "Фараби әлемі" Халықаралық студенттік конференциясы аясында "Су ресурстарын қорғау (ТДМ 6)" тақырыбында дөңгелек үстел өткізді. Дөңгелек үстелге қатысушылар еліміздегі су ресурстарын басқарудың ағымдағы жай-күйі мен жүйесіне талдау жүргізді.&nbsp;Соныменқатар,&nbsp;ауыз су жағдайы мен санитариялық талаптар дақарастырылды.Қазіргі уақыттағы аса өзекті мәселелердің бірі болып отырған ауыз су мәселесі туралы жағдай &nbsp;баяндалды.Жер шарының 74 пайызын су алып жатыр. Соған қарамастан, бүкіл әлемде су тапшылығы бар. Соның ішінде, әсіресе таза ауыз су мәселесі өзекті.Сарапшылардың айтуынша, жер бетінде 780 миллионнан астам адам таза ауыз суға қол жеткізе алмай отыр. Ал 1,7 миллиард адам тұщы су көздеріне зәру. Әлемде жыл сайын таза судың жоқтығынан, соның салдарынан болатын антисанитариядан мыңдаған адам көз жұмады.Стратегиялық жоспарлау­және реформалар агенттігі Ұлттық статистика бюросының соңғы бес жылда халықты сумен қамту деңгейі қалада 98,4%-ға де­йін, ауылдық елді мекендерде­ 55%-дан 94,5%-ға артқанын мәлімдейді. Аталған мәліметтерге қарағанда, қай өңірді алсақ та даму қарқындылығы бар, ал шалғай ауылдағы тұрғындар осы дамудың нәтижесін көріп отырмағаны анық. Олар әлі де болса, су тапшылығын тартып келеді.Елімізде орталықтандырылған сумен қамту деңгейі өткен жылдың қорытындысына сәйкес 96,8%-ды құраса, қалған 3,2% іске аспаған. Былай қарағанда пайыздық көрсеткіш аз болғанымен, бұл 600 мыңға жуық адамды сумен қамтамасыз ету жағы өте төмен деңгейде деген сөз. Ал тартылып жатқан су құбырына қосыла қоймаған ауылдағылар суды тасып ішуге мәжбүр.Қазақстан Республикасында ауыз су сапасының индексі 100-ден 55,8 көрсеткішін құраған. Әлем елдерінің тұтынылатын судың сапасы денсаулыққа кері әсер етуі мүмкін клиникалық тіркелген оқиғаларды есепке алатын рейтингінде Қазақстан 179 орынның ішінде 54-ші орында тұр.Сонымен қатар,Қазақстандағы ауыз су мәселелері пысықталып,ауыз сумен аз және де жақсы қамтылғанған аумақтар және аймақтардағы ауыз су ресурстарының жалпы санитариялық жағдайы жайлы айтылып өтті.Су ресурстарын пайдалануды реттеу және қорғау жөніндегі Балхаш-Алакөл бассейндік инспекция маманы Мамықбаев Мұхаммедуали су шаруашылығын ұтымды пайдалануды бақылау қызметтері жайлы қатысушыларды ақпаратпен таныстырды. Білім алушылар өз қызығушылықтарын танытып,сұрақтар қою арқылы белсене қатысып отырды.Іс-шара соңында кафедра студенттеріне сергіту сұрақ – жауап ойыны өткізілді. Белсенді қатысқан студенттерге шара ұйымдастырушылары атынан сыйлықтар табысталды. Дөңгелек үстелге қатысушылар шараны қорытындылап, іс-шараға қатысушыларға алғысын білдірді.Қорытындылай келе, іс-шара өте ақпараттық-танымды түрде өтті. Шара барысында қатысушылар ауыз су сапасының адам өміріндегі маңызы мен қолжетімділік жайлы мәліметтермен хабардар болды.Ауыз суға деген қолжетімділікті арттырудың негізгі жолдарының бірі - оны үнемдеу мен артық ысырап қылмау қажеттілігі түсіндірілді.Әл-Фараби атындағы ҚазҰУТұрақты даму бойынша ЮНЕСКО кафедрасының“Геоэкология және табиғатты пайдалануды басқару”&nbsp;мамандығының 1 курс магистранты Әділхан С.О.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;оқытушылары: Мұқанова Г.А.,Құрбанова Л.С., Түсүпова Б.Х.,&nbsp;&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Қазақстан және Қызылорда облысының жаңалықтары: Экономика