<a href="https://kyzylorda-news.kz/">Kyzylorda-news.kz</a>&nbsp; Тәуелсіздік алған алғашқы жылдарда елімізде тұрғын үй-коммуналдық шаруашылығы саласының күйі мүшкіл болды. Өйткені, Кеңес үкіметінен ескі тұрғын үйлер мен ескі коммуналдық желілер мұраға қалған еді. Сондықтан, ел үкіметінің алдында тозығы жеткен тұрғын үй-коммуналдық шаруашылығы саласын аяғынан тік тұрғызу міндеті тұрды.Алға қойылған міндетті орындау мақсатында, Үкімет 1997 жылғы 16 сәуiрде Қазақстан Республикасының "Тұрғын үй қатынастары туралы" Заңын қабылдады. Аталмыш заң тұрғын үй коммуналдық шаруашылығы саласында қордаланған мәселелерді шешуге бағытталды. Дегенмен, сол кездегі елдің экономикалық әлеуеті тұрғын үй коммуналдық шаруашылығы төңірегінде қордаланған мәселелерді оңтайлы шешуге қолбайлау болды. Салдарынан тұрғын үй-коммуналдық шаруашылығы саласына тиісті дәрежеде қаржы бөлінбеді. Бұл тұрғын үй коммуналдық шаруашылығы саласын дамытуға кедергі келтірді. Десе де, Қазақстан Үкіметі жүзеге асырған шаралар нәтижесінде тұрғын үй коммуналдық шаруашылығы төңірегіндегі бірқатар мәселелер шешімін тапты. Алайда, тұрғын үй коммуналдық шаруашылығы саласындағы қордаланған мәселелер әлі де көп еді.Үкімет Қазақстан Республикасының тұрғын үй-коммуналдық шаруашылығын жаңғыртудың 2011-2020 жылдарға арналған бағдарламасын қабылдады. Бағдарлама аясында атқарылған жұмыстар нәтижесінде тұрғын үй қатынастары оңтайланды. Мыңдаған тұрғын үй бой көтерді. Коммуналдық инфрақұрылымдар жаңғыртылды. Халыққа көрсетілетін қызмет сапасы артты. Терможаңғырту және кондоминиумның ортақ мүлкіне күрделі жөндеу жүргізу жұмыстары жүзеге асырылды. Аталмыш бағдарламаның мерзімі аяқталған соң Үкімет Тұрғын үй-коммуналдық дамудың 2020-2025 жылдарға арналған "Нұрлы жер" мемлекеттік бағдарламасын бекітті. Бағдарламада көзделген мақсат – тұрғын үйдің қолжетімділігі мен жайлылығын арттыру және тұрғын үй инфрақұрылымын дамыту болып табылады.Электр желілері жаңғыртыладыҚазалы аудандық тұрғын үй коммуналдық шаруашылығы жолаушылар көлігі және автомобиль жолдары бөлімінің қызметкерлерінің мәліметтері бойынша, Қазалы ауданы, Қазалы қаласының электр желілері мен қондырғыларын қайта жаңғырту жобасы бойынша 2024 жылы жұмысты бастауға республикалық бюджеттен 52191,0 мың теңге, облыстық бюджеттен 59238,0 мың теңге бөлінді. Сатып алу қортындысмен мердігер: «КРЭК» жауапкершілігі шектеулі серіктестігі, авторлық қадағалушы «Мекен и К» жауапкершілігі шектеулі серіктестігі, техникалық қадағалаушы «АқтауСтройпроект) жауапкершілігі шектеулі серіктестігі жеңімпаз болып табылды.Қазіргі таңда, облыстық сәулет құрылыс бақылау басқармасынан құрылыс жұмыстарын рұқсат алу жұмыстары жүргізілуде. Сонымен қатар, «Қызылорда облысы, Қазалы ауданы, Қожабақы елді мекеннің электр желілерін қайта құру» жобасы 2024 жылы жұмысты бастауға республикалық бюджеттен 50,0 миллион теңге қаржы бөлініп, мемлекеттік сатып алу қортындысмен мердігер: «Энергомера» жауапкершілігі шектеулі серіктестігі, авторлық қадағалау «Строй-проект-инвентаризация» жауапкершілігі шектеулі серіктестігі, техникалық қадағалау бойынша конкурс жүргізілуде.«РЗА» акционерлік қоғамының Қызылорда облысы, Қазалы ауданында 184,29 гектар (дақылдарды егу үшін) суармалы жер учаскесін құру» жобасы бойынша сыртқы инфрақұрылым обьектілерін салу (сорғы станцияларын, жаңбырлатқыштарды электрмен жабдықтау)»2024 жылы жұмысты бастауға республикалық бюджеттен 52,7 миллион теңге қаржы бөлінді. Мердігері – «Энергомера» жауапкершілігі шектеулі серіктестігі, автор: «Строй-проект- инвентаризация» жауапкершілігі шектеулі серіктестігі, Тех: «Стройтехнопроект KZ A и K» жауапкершілігі шектеулі серіктестігі.Сондай-ақ, Қазалы ауданы, Сарбұлақ елді мекенінің ВЛ-10/0,4 кВ электр желілерін қайта жаңғырту құрылыс жобасы 2024 жылы жоба-сметалық құжаттарды әзірленді.Қазалы ауданы Әйтеке би кентіндегі «Вокзал аумағын» және «Жеңіс паркін» абаттандыру үшін аудандық бюджеттен жоба-сметалық құжаттарын әзірлеуге қаржы бөлініп, мемлекеттік сатып алу конкурсы өткізілді. Жобалаушы мекемелермен 6400,0 мың теңгеге шарт жасалды.«Жеңіс паркі» абаттандыру &nbsp;"Мекен и К" жауапкершілігі шектеулі серіктестігіне – 3351,0 мың теңге бөлінді. Теміржол «Вокзал маңын» абаттандыруды "ГорСервисПроект" жауапкершілігі шектеулі серіктестігі – 3049,0 мың теңгеге атқаратын болды.Қазалы қаласының Мәдениет үйі мен Әкімшілік ғимаратын газға бейімдеу Жобалаушы "ТМ ПроектСтрой" жауапкершілігі шектеулі серіктестігі тарапынан жоба сметалық жоспары әзірленіп, сараптамадан өтуде.Баспанасыз өмір сұрықсызТұрғын үй саласындағы кезектілікке байланысты Қазалы ауданы бойынша бүгінгі күнге мемлекеттік тұрғын үй қорынан тұрғын үйге мұқтаж ретінде «Kezekte.kz» ақпараттық жүйесінде 2023 азамат(ша) кезекте тұр.Қазақстан Республикасы «Тұрғын үй қатынастары туралы» Заңының 71-бабы 5 тармағына сәйкес, коммуналдық тұрғын үй қорынан тұрғынжайға мұқтаждар есебінде тұрған азаматтарды «Кезекте.kz» ақпараттық жүйесін пайдалана отырып, түгендеу жұмыстары &nbsp;жүргізіліп, жыл басынан бері 17 азамат(ша) кезектен шығарылды.Жатақханаларды ағымдағы жөндеуден Қазалы ауданы көлемінде тұрғын үйге мұқтаж азаматтарды уақытша тұрғынжаймен қамтамасыз ету мақсатында екі жатақхана жұмыс жасауда. Бүгінгі күнге, 92 отбасы (Я.Михайлюк №5Г-43 отбасы, Біржан сал көшесі №1В-49 отбасы) уақытша тұрғынжаймен қамтамасыз етілген.Ағымдағы жылы, Я.Михайлюк №5Г, Біржан сал №1В жатақханаларын ағымдағы жөндеу жұмыстарына аудандық бюджеттен 10,0 миллион бөлініп, мемлекеттік сатып алу конкурсы жүргізілуде. Жоба бойынша жатақханалардың 19 жылу батареяларын ауыстыру, ішкі кәріз жүйелерін жөндеу, ақау пайда болған жерлерін сылап, әрлеу және 19,8 шаршы метр терезелері ауыстырылады.Көппәтерлі тұрғын үйлерді ағымдағы жөндеу ағымдағы жылы Әйтеке би кенті, Желтоқсан көшесі №60 және Т.Бөріқұлақов көшесі №2Б көппәтерлі тұрғын үйлерді ағымдағы жөндеу жұмыстарына аудандық бюджеттен 14,9 миллион бөлініп, мемлекеттік сатып алу конкурсы жүргізілуде. Жоба бойынша көппәтерлі тұрғын үйлердің қасбетін сылап, әрлеу және шатыр жабыны ауыстырылатын болады.Жол қадірін жүрген білерҚазіргідей өркениетке ұмтылған кезеңде жолдың сапалы болуы әрбір тұрғын үшін маңызды. Көше асфальттанып, оның бойы жарықтандырылса, халыққа қолайлысы да сол. Сондықтан жыл сайын жолды жөндеуге мемлекеттік қаржыдан тиісті қаражат бөлініп, барлығы жоспар бойынша кезектілігімен іске асуда.2024 жылы Қазалы қаласының 10 көшесіне Шағын және моноқалаларда бюджеттік инвестициялық жобаларды жүзеге асыру бағдарламасы аясында қайта жаңғырту (реконструкция) жұмыстары басталып, облыстық бюджеттен 69,0 мың теңге қаржы бөлініп, мердігер мекеме «Болашақ» жауапкершілігі шектеулі серіктестігі тарапынан жоба бойынша қаралған көшелерге тротуар төсеу, бордюр орнату жұмыстары жүргізілуде. Атап айтқанда, Әйтеке би, Ж.Бәкішев, М.Рахашұлы, Т.Сегізов, Хегай Гер Сек, Шоқан Уалиханов, Ыбырай Жахаев, М.Ерлепесов, Жамбыл Жабаев, Е.Қожаназаров көшелеріне жөндеу жүргізіледі.Қазалы ауданы, Әйтеке би кенті Жаңқожа батыр және Әйтеке би көшелерін қайта жаңғырту жобасы бойынша «Строй Модуль Астана» мердігер мекеме тарапынан Жаңқожа батыр көшесінің жол жиегіндегі бордюрлерін ауыстыру, аялдамаларды орнату жұмыстары, сондай-ақ, Жаңқожа батыр - Бөрқұлақов және Жаңқожа батыр, Пірімов көшелерінің қиылысына жол айрықтарын салу жұмыстары жүргізілуде.Ағымдағы жылы Әйтеке би – Басықара, Әйтеке би – Қазалы, Әйтеке би кентіне кіре беріс аудандық маңыздағы автомобиль жолдарына жол жолақ сызықтары қайта сызылды. Осы жұмыстар уақытылы атқарылса, нәтижесі аудандағы жолдар сапасы жақсаратынына сенім мол.Фото: https://365online.kz/?p=2563

Қазалы: Бірнеше саланы қамтыған бөлім

<a href="https://kyzylorda-news.kz/">Kyzylorda-news.kz</a> Көктем мезгілі басталысымен далалық аймақтарда өрт қаупі күшейетіні рас. Осыған орай, төтенше жағдайлар департаментінің мамандары далалық аймақтарда барынша сақтық ережелерін сақтауды ескертеді. Жалпы, жыл басынан бері облыс аумағындағы 33 гектар жерді құрайтын далалық аймақта 9 өрт оқиғасы тіркелген. Алайда, бұл өткен жылмен салыстырғанда 18 пайызға төмен. Бұл жөнінде Өңірлік коммуникациялар қызметінің ақпарат алаңында облыстық ТЖД Мемлекеттік өрт бақылау басқармасының бастығы Асхат Оразбеков хабарлады.– Жыл басталғалы бері облыс бойынша 118 өрт оқиғасы тіркелді. Осыған сәйкес, қазіргі таңда өрт оқиғаларының алдын алу жұмыстары күшейтілген бағытта жүргізілуде. Сонымен қатар, өрт қаупі кезеңінде жергілікті атқарушы органдар, орман шаруашылығы және полиция департаментінің қызметкерлерімен бірге қала және барлық аудандарда 23 рейдтік шара ұйымдастырылды. Қазіргі таңда облыс бойынша 28 өрт сөндіру бекеті бар. Бұл бекеттер 101 мыңнан астам тұрғыны бар 89 елді мекенді өрт қауіпсіздігімен қамтамасыз етуде. Өрт сөндіру бекетін көбейту мақсатында «2021-2025 жылдарға мемлекеттік өртке қарсы қызметі жоқ елді мекендерде кезең-кезеңімен өрт бекеттерін құру» жоспарына сәйкес биыл Сырдария ауданында 2 өрт сөндіру бекетін салу жоспарлануда, – деді Асхат Оразбеков.Фото:&nbsp;Қызылорда облысының Өңірлік коммуникациялар қызметі

Аймақта өрт сөндіру бекеттері көбеюде

<a href="https://kyzylorda-news.kz/">Kyzylorda-news.kz</a> Сырдария аудандық мәдениет үйінде «Бюджет қаражатын басқарудың және пайдаланудың тиімділігін арттыру» тақырыбында семинар-кеңес өткізілген болатын. Семинар-кеңеске Қызылорда облысы бойынша тексеру комиссиясының мүшесі Н.Қордабай, облыстық ішкі мемлекеттік аудит департаменті басшысының орынбасары М.Өмірбаева, жоспарлау, есептілік және сапа бақылауы бөлімінің бас инспектор-мемлекеттік аудитордың ассистенті Ә.Иманкұлов бөлім басшылары Ж.Қалиев, С.Ержанұлы, Сырдария аудандық қазынашылық басқармасының басшысы З.Рахымшаева, облыстық мемлекет­тік сатып алу басқар­масының бөлім басшысы Н.Аймаханов, дер­бес бөлім басшылары, ауыл әкімдері мен тиісті сала мамандары қатысқан еді.Келелі жиынды аудан әкімінің орынбасары Талғат Нұртазаев ашып, семинар-кеңестің маңыздылығына тоқталып, бюджет қаражатын басқару бойынша атқарылған жұмыс ауқымды екенін тілге тиек етті.<blockquote>– Қызылорда облысы бойынша тексеру комиссиясының ұйытқы болуымен ауқымы кең кеңесте бас қосып отырған жайымыз бар. Ауданда бюджет қаражатын тиімді басқаруға байланысты маңызды іс-шаралар қабылдануда. Жүйелі жұмыстың жасалуына себепкер атанған сала мамандары тексеру нәтижесін шығарып, мәселенің шешімін табуға қатысты өз ұсыныстарын ортаға салуға ауданымызға арнайы келген еді. Шын мәнінде, сала мамандары сан сала бойынша жүзеге асыралған мәселелерді егжей-тегжей баяндайттын болады. Жалпы, семинар-кеңесті ұйымдастырудың негізгі мақсаты – мемлекеттік және квазимемлекеттік сектор субъектілерінде қаржылық бұзушылықтардың алдын-алу, қаржылық тәртіпті нығайту және бюджет қаражатын пайдаланудың тиімділігін арттыру, – деді аудан әкімінің орынбасары.</blockquote>Өз кезегінде мемлекеттік аудит, қазынашылық органдарының, мемлекеттік сатып алу саласының өкілдері баяндама жасады. Жалпы, сала мамандары келтірген мәліметке сүйенсек, былтыр тексеру комиссиясы 21 аудиторлық іс-шара бойынша 157 аудит объектісін тексерген. Оның ішінде, 60 үстеме тексеру бар. Аудитпен қамтылған қаражат 191,2 млрд теңгені құраған. Атап айтқанда, республикалық бюджет қаражаты – 35,8 млрд теңге, жергілікті бюджет қаражаты – 155,4 млрд теңге екені жан-жақты сараланған. Мемлекеттік аудит нәтижесімен, 37,7 млрд теңгенің бұзушылықтары анықталған. Қаржылық бұзушылықтар – 4,8 млрд теңге, тиімсіз пайдаланылған бюджет қаржысы, мемлекет активтері – 8,1 млрд теңге, тиімсіз жоспарлау – 24,8 млрд теңгені құрады. Тексеру барысында білім, денсаулық, аудандарға қарасты бөлімдер және басқа да бірнеше сала қамтылған. Орын алған заң бұзушылықтар бойынша сот, уәкілетті органдар қарауына 1114 әкімшілік материал жолданып, 313 тұлғаға 32,1 млн теңге әкімшілік айыппұл салынса, 753-іне «Ескерту» түріндегі әкімшілік жаза қолданылған. Орын алған бұзушылықтар мен кемшілікті жою бойынша 90 нұсқама қабылданып, тиісті мемлекеттік мекемелер мен ұйымдарға 207 тапсырма мен ұсынымдар берілген. Биыл 24 аудиторлық іс-шара бойынша 140 аудит объектісін қамтуды жоспарланыпты. Атап айтқанда, білім, денсаулық, спорт салаларын және квазимемлекеттік сектор субъектілерін тексеру жоспарға енгізілген.Семинар-кеңес қорытындысымен есепші мамандарды арнайы курстарға оқытып, біліктілігін арттырып отыру бойынша ұсыныс мемлекеттік мекемелер мен квазимемлекеттік сектор басшыларына ұсынылды. Сонымен қатар жиналған көпшілік жиында көтерілген мәселелерге қатысты сауалдарын жолдап, сала мамандарынан тұщымды жауап алды.

Бюджет қаражатын басқарудың тиімділігін арттыруға байланысты семинар өтті

<a href="https://kyzylorda-news.kz/">Kyzylorda-news.kz</a> &nbsp;Бүгін &nbsp;қала әкімі Серік Қожаниязовтың қатысуымен Қарауылтөбе ауылдық округіндегі «Ыбырай Жақаев атындағы Қазақ күріш шаруашылығы ғылыми-зерттеу институты» ЖШС-нің тәжірибе алқабында биылғы алғашқы дән себу рәсімі өтті.​Ерте көктемнен бері дархан даланы дүбірге бөлеген диқан қауымы осы күнді асыға күткені анық. Олардың қуанышына ортақтасып, береке негізін қаласуға байырғы күрішшілер, батыр аналар да келді.&nbsp;«Биылғы жылы күріштен мол өнім аламыз» деген үкілі үмітін жағып ардагерлер де дән себу шарасына белсене араласты. Игілікті істің бастауында ауыл ақсақалдары ақ пейілден ақтарылған батасын берді. Өз кезегінде шаһар басшысы дала диқандарының қажырлы еңбектеріне сәттілік тіледі.<blockquote>​– Жері күрішті, елі ырысты қаланың ауылшаруашылығы саласы жыл сайын толайым табыстарға қол жеткізіп келеді. Мұның бәрі ауыл еңбеккерлерінің ынтымақ, бірлігінің жемісі. Бүгінгі Жер-Анаға себілген дән – ертеңгі диқан дәулеті, елдің ырзық-несібесі. Дала диқандарының дамылсыз еңбегіне бақ-береке тілеймін, – деді Серік Салауатұлы.</blockquote>​Шара барысында ауыл шаруашылығы техникалары, күріш сорттары, тыңайтқыштар мен су үнемдеу технологиялары таныстырылып, науқанға дайындық барысы пысықталды. Биылғы жылдың үлкен жаңалығы – Сыр өңірінің климаты мен жер жағдайына жерсінетін «Айсара» дейтін күріштің жаңа сорты таныстырылды. Оны күріш институтының ғалымдары ойлап тапқан. Бір жағынан мол өнім беретін және тауарлық сапасы жоғары күріш сорты биыл алғаш рет өндіріске енгізілмек. Қала басшысы мұны молшылықтың негізі деп бағалады.​–Ендігісі ақ күріштің атасы Ыбырай Жақаев айтқандай, «егінші мәрт, жер жомарт» болсын деп тілейік, – деді шаһар басшысы.​Жалпы, биылғы егіске күріш тұқымының 4,4 пайыз отандық, 95,6 пайыз ресейлік сорттардан дайындалған. Қалаға қарасты ауылдық округтерде&nbsp;8 677 гектарға ауыл шаруашылығы дақылдарын орналастыру, оның ішінде 3 614 гектарға күріш егу жаспарлануда. Мұнымен қатар, суды аз қажет ететін малазықтық, майлы дақылдар мен картоп, көкөніс көлемін арттыру көзделген. Егіске 3010,7 тонна минералдық тыңайтқыш қажет болса, бүгінде ол толығымен сатып алынды. Ал, көктемгі дала жұмыстарына 157 дана ауыл шаруашылығы техникасы қатысуда.

Дән – диқанның дәулеті

Аймақта абаттандыру жұмыстары қарқынды жүргізілуде

Киелі мекен Жанкент ауылы қарқынды дамуда

&nbsp;<a href="https://kyzylorda-news.kz/">Kyzylorda-news.kz.</a> &nbsp;Жақсы тұрмыстың өлшемі көп. Алайда халық үшін зәулім үй, жайлы төсек, қымбат көлік, сәнді киімнен бұрын шаңырағында тіршілікке қажетті қарапайым игіліктердің болғаны маңыздырақ. Солардың ішіндегі ең маңыздысы – ауызсу. «Нұра топтық су құбыры» шаруашылық жүргізу құқығындағы мемлекеттік кәсіпорынға қарасты Арал-Сарыбұлақ топтық су құбырын пайдаланушы Қазалы өндірістік бөлімшесі аудан тұрғындарын тіршілік көзімен толық қамтуды мемлекеттің негізгі міндеті деп қана қоймай, өздеріне берілген меженің үдесінен шығуға әрдайым тырысып келеді.Бүгінде тұтынушылардың тілегін толық қамтуға күш жұмсап жүрген мекемеде185 адам қызмет етеді.Бөлімшеге қарасты 23 насос стансасы, 2 дана су қыспақты мұнарасы, 298 шақырым магистралды су құбырлары, 399 шақырым ішкі су тарату және 388 шақырым сервистік су желілері бар. Аталған құбырлар мен тарату желілері Әйтеке би кенті мен Қазалы қаласы, сондай-ақ 22 елді мекен бойынша 15 181 үйде тұратын 83 860 адамды, 106 бюджеттік және 374 шаруашылық қызмет жүргізетін өзге де мекемелерді ауыз сумен қамтуда.Жауапты жұмысты қалтқысыз орындап жүрген мекеме қызметкерлері мезгіл талғамай, маңызды міндетті жүйелі орындап жүр. Бұл сөзімізге аталған ұжымның жыл көлемінде жоспарланған межені 106,4 пайызға орындағаны дәлел болса керек. Яғни өткен жылы таратылатын ауыз судың көлемі 1 668 718 текше метр болса, ол артығымен орындалып, 1 775 118 текше метр ауызсу таратылған. Оның 1 711 618 текше метрі тұрғындарға жеткізілген.Арал-Сарыбұлақ топтық су құбырын пайдаланушы Қазалы өндірістік бөлімшесі халықты үзіліссіз және сапалы ауызсумен қамтамасыз етуде қыруар жұмысты шама-шарқынша атқаруда. Әйтсе де кез келген жұмыс барысында өзіндік қиындықтар болатыны жасырын емес. Дәл осындай кедергімен мұндағы қызметкерлер берілген судың ақысын өндіріп алу кезеңінде ұшырасып жатады. Дегенмен олар өздеріне жүктелген міндеттен жаңылмай, тұрғындарды тұтынған су мөлшеріне сай өз еріктерімен төлемақы жасауға жұмылдырып, уақытынан кешіккен тұрғындарға ескертпе жасап, түсіндірме жүргізуді де ұдайы ұйымдастырып келеді.Бөлімше басшысы Дәулетбек Тұяқбаевтың айтуынша, ауыз суды пайдаланып отырған бюджеттік және өзге де мекемелерді, жеке кәсіпкерлерді қоспағанда, тұрғындардан су есептегіш құралымен текше метрі 30 теңгеден, су есептегіш құралынсыз текше метрі 40 теңгемен жеңілдетілген тарифпен төлем жиналған. Ал қалған тариф айырмасы бюджет есебінен субсидия түрінде төленген. Көше колонкасынан тасып ішетін тұрғындар бекітілген норматив бойынша адам басына тәулігіне 50 литр ауызсу тұтынады. Осыған сәйкес ауыз суды көшеден тасып ішетін 64 үйдің 140 тұрғынына, адам басына шаққанда 60 теңгеден төлем жүргізілді, – дейді бөлімше басшысы.Арал-Сарыбұлақ топтық су құбырын пайдаланушы Қазалы өндірістік бөлімшесінің басшысы Дәулетбек Тұяқбаев ауызсуды белгіленген мөлшерде артық тұтынған жағдайда тұтынушылардың наразылық тудырып, төлем жасауға құлықсыздық танытатынын айтып қалды. Бұл көбіне олардың тарифті дұрыс түсінбегенінен орын алатын көрінеді. Осы орайда ол көптің көкейіндегі сауалдарға жауап беру үшін, ауызсуды белгіленген мөлшерден тыс тұтынғанда қалай төлем жасау керектігін толыққанды түсіндіріп берді. Сөзіне сенсек, Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаментінің 2023 жылғы 27 қазандағы №48-НҚ бұйрығымен 2023 жылдың 1 желтоқсаннан бастап 1 текше метр ауыз суды магистралды құбыр жолдары және таратушы желілер арқылы беру қызметіне ҚҚС-сыз 341,71 теңге, ҚҚС-мен 382,72 теңге мөлшеріндегі тариф қолданысқа енгізілді. Қазақстан Республикасының Индустрия және инфрақұрылымдық даму министрінің 2021 жылдың 27 шілдедегі №394 бұйрығымен бекітілген ауыз сумен жабдықтау құнын субсидиялау Қағидаларына өзгерістер енгізілуіне байланысты бір адамға тәуліктік ауыз су нормасы 140 литр немесе айына 4,3 текше метр көлемінде бекітіліп, 2021 жылдың 16 тамызынан бастап қолданысқа енді. Осыған байланысты жаңа Қағида қолданысқа енген уақыттан бастап, тұтынушылар белгіленген норма шегінде ауыз су тұтынған жағдайда текше метріне 30 теңгемен, нормадан асып кеткен жағдайда артық көлеміне толық бағамен 382,72 теңгемен төлем жасайды, – дейді ол.Ауыз су жеткізуші болып табылатын «Арал-Сарыбұлақ топтық су құбыры» өндірістік бөлімшесінен Әйтеке би кентіндегі №1 су көтеру бекетіндегі жалпы сыйымдылығы 21750 текше метрлік су қоймаларына тәулігіне 7500-8500 текше метрге дейін ауыз су қабылданып, кент, қала және ауылдық елді мекендер тәулік бойы үздіксіз ауыз сумен қамтамасыз етілді.2023 жылы ауыз су шығындарының жалпы көлемі – 14 663 текше метрді құрады. Оның ішінде су құбырларында орын алған ақаулардың су шығыны – 1613 текше метр, жоспарлы түрде су қоймалары мен ауыз су жүйелерін көктемгі жуып-шаю және залалсыздандыру жұмыстарына – 10200 текше метр, өрт сөндіру шығындарына – 667 текше метр, ауыз су нысандарының ауласын көгалдандыруға – 2 183 текше метр шығындалды.Бөлімшеге қарасты ауыз су жүйелерінің қалыпты жұмыс істеуін қамтамасыз ету мақсатында жыл сайын жоспарлы алдын ала жөндеу жұмыстарының кестесі бекітіледі. Осы жоспарлы алдын-ала жөндеу жұмыстарына кестеге сәйкес кент, қала, ауылдық елді мекендер бойынша су тарату бекеттерінің ауласындағы және ішкі су тарату құбырлары бойында орналасқан 5980 дана көру құдықтарының іші лайдан тазартылып, ішіндегі ашып-жабу арматураларына, өрт гидранттарына техникалық күтім жасалды.Күтім кезектен тыс жасалғанымен су тарату ісінде кедергі келтіріп тұр. Өйткені су тарату бекеттеріндегі су қыспақты мұнаралардың көбінінң нормалық тозығы жеткен. Тіпті алдағы уақытта ауыстыруды да қажет етеді.Бүгінде Әйтеке би кенті №1 су көтеру бекеті мен Басықара ауылы №12 су тарату бекеті аралығындағы ұзындығы 16 шақырым, диаметрі – 225/160/110мм магистралды су құбырына, Әйтеке би кенті №1 су көтеру бекеті мен Қазалы қаласы №13 су тарату бекеті аралығындағы ұзындығы 10 шақырым, диаметрі 315мм магистралды су құбыры қайта құрымдауды қажет етіп, ауыстырудың кезегін күтіп тұр.Мекемеде жоспарлы жұмыстарды ұйымдастыру да жолға қойылған. Мысалы, жыл сайын көктем-күз мезгілдерінде Қазалы ауданы №9 өрт сөндіру бөлімі тарапынан бөлімшеге қарасты өрт гидранттарының техникалық жағдайына тексеру жүргізіледі.Жоспарлы түрде көктемгі-күзгі маусымдарға байланысты аудандық санитарлық-эпидемиологиялық бақылау басқармасының қызмет­керлерімен бірлесе отырып, барлық магистралды су құбырларына, ішкі су тарату желілеріне, су қоймаларына жуып-шаю және залалсыздандыру жұмыстары жүргізілді. Сонымен қатар барлық насос стансаларының аумағында санитарлық тазалық жұмыстары жүргізіліп, темір-бетон қоршауларын әктеу, темір қақпаларын сырлау және насос қондырғыларына, электр трансформаторларына техникалық күтім жасау жұмыстары атқарылады.Ұйымшыл ұжым «Таза қаланың тынысы кең» деген сөзді ұран етіп, ауданда ұйымдастырылатын ауқымды тазалық жұмыстарынан да қалыс қалған емес. Барлық ауыз су нысандарының аумағын жасыл желекке айналдырып, тазалық жұмыстарын кеңінен жүргізуде. 26 нысан бойынша 1 737 дана ағаш отырғызып, бұрыннан көктеп тұрған 8 910 дана ағаш күтімге алған. Бүгінде барлық &nbsp;ағаш саны – 10 647 дананы құрайды.Бөлімшеде тұтынушыларға ауыз су тарату қызметімен қатар бекітілген калькуляцияға сәйкес сервистік су құбырын жүргізу, су есептегіш құралын орнату, су есептегіш құралын ауыстыру, көру құдығынан құбырға қосу, аула ішілік су құбырларына техникалық қызмет көрсету тағы басқа да өзге қызмет түрлері көрсетіледі.Су – ырыс көзі, тіршілік бұлағы болғандықтан аудан тұрғындарын ауызсумен қамту мәселесінің қарқынды жүргені құптарлық. Алдағы уақытта бөлімше бойынша жоспарланған жұмыстар өз дәрежесінде атқарылып, тұтынушыларды сапалы ауыз сумен тұрақты қамтамасыз ету үздіксіз жалғаса береді.Меже мен міндетті қатар үйлестіріп, халық үдесінен шығуды басты мақсаты санайтын бөлімшенің жұмысы одан әрі жанданып, жұртшылықты ризашылыққа бөлері сөзсіз.Арайлым ЖҮСІПОВА

Қазалы ауданын ауызсумен қамтамасыз етіп отырған  мекеменің жұмысы жүйелі

<a href="https://kyzylorda-news.kz/">Kyzylorda-news.kz</a> &nbsp; Алдағы мамыр айында Қызылорда облысында ауа температурасының орташа айлық көрсеткіші +21,2+23,1 градус болады деп күтілуде. Тиісінше, бұл нормадан 1 градусқа жоғары. Сондай-ақ, өңірде мамыр айында жауын-шашып мөлшері аз болып, шаңды дауыл жиі болады деп болжануда. Бұл жөнінде Өңірлік коммуникациялар қызметінің ақпарат алаңында «Қазгидромет» РМК Қызылорда облысы бойынша филиалының бөлім басшысы Айгерім Жөкелова хабарлады.<blockquote>-Мамыр айының бірінші онкүндігінде облыста ауа температурасы түнде +7+12 градустан +12+17 градусқа дейін болса, күндіз +23+28 градус болады деп болжануда. Ал аймағымыздың оңтүстігінде + 37 градусқа дейін жоғарылайды. Айдың екінші онкүндігінде түнде +5+10 градус, оңтүстік аймақта +13 градус, солтүстік-батыста + 20 градусқа дейін төмендеуі болжанып отыр. Дегенмен, екінші онкүндіктің ортасында ауа температурасы күндіз + 35+40 градусқа дейін, ал оңтүстік аймақта +43 градусқа дейін жоғарылайды деп күтілуде. Осындай ауа райы кезінде барынша сақтық шараларын ұстаған жөн. Өйткені жоғары ауа температурасы адам ағзасына әсер етеді. Ал айдың үшінші онкүндігінде ауа температурасы түнде +15+20 градус шамасында болса, күндіз +31+36 градус болады. Оңтүстік аймақта түнде +23 градустан +18 градусқа дейін, күндіз +39 градустан +31 градусқа дейін ауытқуы болжануда, - деді Айгерім Болатбекқызы.</blockquote>Сондай-ақ, жаңбыр, найзағай бірінші онкүндіктің соңында және үшінші онкүндіктің ортасында күтіледі. Ал шаңды дауыл бірінші онкүндіктің ортасында және екінші онкүндіктің соңында, үшінші онкүндіктің ортасында болжанады. Жел секундына 15-20 м/с бір ай бойы жиі күтіледі деп болжануда.Фото: Нұрболат Нұржаубай

Мамыр айында ауа температурасы жоғарылайды

Қызылорда: Мамыр айында кенеге қарсы өңдеу жұмыстарының екінші кезеңі басталады

<a href="https://kyzylorda-news.kz/">Kyzylorda-news.kz</a>&nbsp; Стратегиялық жоспарлау және реформалар агенттігі&nbsp;Ұлттық статистика бюросы төртінші апта қатарынан жұмыртқа бағасының төмендегенін мәлімдеді.&nbsp;Бұл туралы<a href="https://stan.kz/kazakstanda-zhymirtka-bagasi-tagi-da-ozgerdi-399323/"> Stan.kz </a>ақпарат агенттігі хабарлайды.Республика бойынша тауық жұмыртқасының құны 16 сәуір мен 23 сәуір аралығында орта есеппен 1,8%-ға арзандады. Бұған дейін алты айдан астам уақыт бойы баға жоғары болған еді.Мұның бәрі тауықтардың күз бен қыста нашар жұмыртқалайтындығына байланысты. Өнімнің бағасы Қазақстанның жеті қаласында өзгермеген, ал Астана, Шымкент және Атырауда аздап өскен.Айта кетейік, жұмыртқа жыл басындағыдан шамамен 3,5%-ға&nbsp;қымбатырақ.Еске салайық, бұған дейін Ауыл шаруашылығы министрі Айдарбек Сапаров жұмыртқа бағасы өспейтінін айтқан еді.Сондай-ақ&nbsp;Қазақстанға автомобиль тасымалына қатысты жұмыртқа тасымалдауға жарты жылға шектеу қойылған еді.&nbsp;Фото: pixabay.com

Қазақстанда жұмыртқа бағасы тағы да өзгерді

<a href="https://kyzylorda-news.kz/">Kyzylorda-news.kz.</a> &nbsp;Соңғы жылдары Қызылорда облысының жол инфрақұрылымы саласында оң динамика қалыптасып, айтарлықтай нәтижелерге қол жеткізуде. Мәселен, биыл жергілікті жолдардың деңгейін жақсарту мақсатында республикалық және облыстық бюжеттен тиісті қаржы бөлініп, ұзындығы 266 км құрайтын автомобиль жолдары, көпір өткелдері және көшелерді қайта жаңғырту жоспарлануда. Осының нәтижесінде, индикаторлық көрсеткішті 92% жеткізу межеленіп отыр. Бұл жөнінде облыстық жолаушылар көлігі және автомобиль жолдары басқармасының басшысы Жәнібек Сыздықов хабарлады.– Мемлекет басшысы өз Жолдауында еліміздегі автожол құрылысына, оның ішінде жергілікті жолдардың сапасына баса мән беру керектігін айтқан болатын. Осыған сәйкес, 2025 жылға дейін жергілікті маңызы бар жолдардың жақсы және қанағаттанарлық деңгейін 95 пайызға дейін жеткізу көзделді. Бүгінде Қызылорда облысы аумағында жергілікті маңызы бар автомобиль жолдарының жалпы ұзындығы – 3580,5 км құрайды. Оның 1014,5 км - республикалық, 555 км -облыстық, 2011 км - аудандық маңыздағы автомобиль жолдары. Қазіргі таңда ұзындығы 266 км құрайтын автомобиль жолын қайта жаңғырту жұмыстары жүргізілуде. Бұдан бөлек, осы жылы қаладағы Жаппасбай батыр көшесін 4 жолақтыға кеңейту жұмыстары басталады. Ал Яссауи көшесі қайта жаңғыртылып, тұрғындарға табысталатын болады. Сонымен қатар, Жанқожа батыр көшесінен темір жол асты көпірінің құрылыс-монтаждау жұмыстары қолға алынып, «Қызылжарма» каналы арқылы өтетін автожол көпірінің құрылысы жүргізілмек. Бұдан бөлек, өздеріңіз білетіндей аймағымызда жолаушылар тасымалы да жанданып келеді. Солардың бірі - құны 975 млн теңгені құрайтын жаңа автовокзал жақында ғана ел игілігіне табысталды. Сондай-ақ, Қорқыт ата әуежайының жаңа терминалы да көп ұзамай пайдалануға берілетін болады. Жаңа нысан арқылы Қорқыт ата әуежайынан Ақтауға қарай рейс ашылады деп күтілуде. Одан бөлек, халықаралық әуе қатынастарын ұйымдастыру жұмыстары қарқынды жүргізілуде, - деді Жәнібек Шәкімбайұлы.Облыстың экономикалық дамуына әсер ететін негізгі фактордың бірі – республикалық маңызы бар жолдардың сапалы жүргізілуі. Бұл ретте Қызылорда облысын еліміздің орталығымен байланыстыратын «Қызылорда-Жезқазған» күре жолының құрылысы қарқынды жүргізілуде.– Қазіргі республикалық маңызы бар «Қызылорда-Жезқазған» тас жолының 190 шақырымына абаттандыру жұмыстары жүргізіліп, іске асырылып жатыр. Бүгінгі күні құрылыс көрсеткіші жақсы деңгейде деп айтуымызға болады. Аталған жолдың сапалы әрі қанағаттанарлық деңгейде орындалуы үшін бекітіліген жоспарға сәйкес орындайтын боламыз. Құрылыс жұмыстары 2025 жылы аяқталды деп жоспарлануда, - деді “Қазавтожол” ҰК АҚ облыстық филиалы басшысының орынбасары Ерсайын Мұзафар.Фото:&nbsp;Қызылорда облысының Өңірлік коммуникациялар қызметі

Қызылорда облысында жол құрылысы қарқын алды

<a href="https://kyzylorda-news.kz/">Kyzylorda-news.kz</a> &nbsp;Шиелі ауданына жұмыс сапары кезінде облыс әкімі Нұрлыбек Нәлібаев Жансейіт, Ақтоған ауылының тұрғындарымен кездесті. Халықтың талап-тілегін тыңдап, сауалдарына жауап берді.Биыл Шиелі ауданының бюджеті 15,8 млрд теңгеге жетті. Бұл қаражат ауқымды инфрақұрылымдық жобаларға бағытталуда. Басты мақсат – халықтың тұрмыс қажеттілігін, яғни жол, су, жарық, газ мәселесін шешу. Осы жылы Қызылорда облысында 12 елді мекен «көгілдір отынға» қосылады. Наурыз мерекесі қарсаңында Шиелі ауданының Бестам, Телікөл ауылдарына, бүгін Ақтоған және Алмалы ауылдарында табиғи газ жеткізілді.Кейінгі кезде тұрғындар тозығы жеткен электр желілеріне қатысты түйткілді кездесулерде жиі көтеретін. Осы орайда, Шиелі кентіндегі электр желілерін қайта құрылымдауға өткен жылы 100 млн теңге, биыл 619 млн теңге қаржы қаралып, ескірген трансформаторлар мен желілер ауыстырылуда. Жобалық құны 4,5 млрд теңге болатын Шиелі кентіндегі қосалқы станцияны қайта жаңғыртуға Ұлттық қор есебінен 1,5 млрд теңге бөлінген.«Ауыл – ел бесігі» жобасы аясында Бидайкөл, Жиделіарық, Ә.Тәжібаев ауылдарының сыртқы электрмен қамту желілерінің құрылысына республикалық бюджеттен 153 млн теңге қаралды.Шиелі ауданында 3 млрд 250 мың теңгеге 21 шақырым жол жөндеуден өтеді. Оның ішінде, аймақ тұрғындары көптен бері мәселе етіп көтерген «Самара-Шымкент-Жөлек» жолы орташа жөнделеді. Аудандық маңызы бар «Шиелі - Қодаманов» жолындағы көпірді күрделі жөндеуге 311 млн теңге бөлініп, қазір жұмыс қарқын алған.Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында Шиелі ауданының 5 елді мекенінде (Ортақшыл, Алмалы, Бестам, Ә. Тәжібаев, Тартоғай а/о) дәрігерлік амбулатория, Шиелі кентіндегі ауданаралық көпбейінді аурухана жанынан қосымша нысан салынады.«Жайлы мектеп» ұлттық жобасы аясында Шиелі ауданына 1 мектеп салу жоспарланған. Жансейіт ауылында жаңа мектептің құрылысы басталды. Шиелі кентінде спорт кешені мен Бестам ауылында 150 орындық ауылдық клубтың құрылысын бастау үшін тиісті қаржы бөлінді.Мұнан бөлек, барлық 7 ауданда музей, кітапхана, архив, неке қию залы, ардагерлер және аналар, жастар орталықтарын біріктіретін, типтік үлгідегі «Руханият» орталықтарын салу қолға алынуда. Бұл – әртүрлі бағытта қызмет көрсететін мекемелерді бір орталыққа оңтайландыру арқылы бюджет қаражатын үнемдеу, әкімшілік шығындарды азайтуға мүмкіндік беретін тың жоба. «Руханият» орталықтарындағы кітапханалар тәулік бойы жұмыс істейтін болады.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Экономика