<a href="https://kyzylorda-news.kz/ru">Kyzylorda-news.kz</a>&nbsp; Бүгін Шиелі аудыны Бидайкөл ауылында аудан әкімі Нұржан Ахатовтың қатысуымен қызанақ өңдеу цехының ашылу салтанаты өтті.Ашылу салтанатына аудан әкімінен бөлек Қызылорда облысы Кәсіпкерлер палатасының директоры Пірмұхаммед Айтбайұлы және Облыстық мәслихат депутаты Дәулет Егембергенұлы қатысты.Құттықтау сөз алған аудан әкімі аймақта кәсіпкерлік саласын қолдаудың түрлі шаралары ұйымдастырылып жатқанын айтты. Соның бірі "Ауыл аманаты" жобасы аясында беріліп жатқан 2,5 пайыздық несиелеу бағдарламасы. Аталған бағдарлама арқылы Шиелі ауданынан жалпы соммасы 584 млн. теңге болатын 79 жоба қолдау тапқан. Аталған жобалардың арасындағы ірі жобаның бірі осы томат өңдеу цехы.Жеке кәсіпкер Қанат Мұсаев төрағалық ететін «Барлыбай и K» өндірістік кооперативі бұл кәсіпті қолға алғанына көп бола қоймаған. Жалпы жобалық құны 48 млн. теңге болатын цехтың жұмысын бастамақ болған кооператив "Ауыл аманаты" жобасын естіп, жоба арқылы төмен пайызбен 27, 6 млн. теңге қаражат алған.Бүгінде цехта 6 адам жұмыс істейді. Жаз айларында 15 адамға дейін жұмыспен қамтып, өндірісті кеңейтуді көздеп отыр.<figure class="image"><img src="https://knadmin.beoblood.kz/uploads/406490965_1670700766793709_3984661752491447779_n_123002e41a.jpg" alt="406490965_1670700766793709_3984661752491447779_n.jpg"></figure>&nbsp;<figure class="image"><img src="https://knadmin.beoblood.kz/uploads/406430585_1670700886793697_424479748266753136_n_39f5907c6a.jpg" alt="406430585_1670700886793697_424479748266753136_n.jpg"></figure>&nbsp;<figure class="image"><img src="https://knadmin.beoblood.kz/uploads/406415499_1670701010127018_2544220148899249061_n_b90ee7564a.jpg" alt="406415499_1670701010127018_2544220148899249061_n.jpg"></figure>

«Ауыл аманаты»: Шиеліде қызанақ пастасын шығаратын цех ашылды

Фото: azattyq-ruhy<a href="https://kyzylorda-news.kz/ru">Kyzylorda-news.kz</a>&nbsp; Балық шаруашылығы батыл қолдауды қажет етеді. Бүгінде өңірімізде балық шаруашылығына маңызы бар Кіші Арал мен Сырдария өзенімен қатар 201 көл тізімге алынған. Өңірлік коммуникациялар қызметінің ақпарат алаңына келген облыстық табиғи ресурстар және табиғат пайдалануды реттеу басқармасы басшысы Марат Құрманбаев балық шаруашылығын дамыту бағытындағы атқарылған жұмыстарды мәлімдеді.Осы жылдың 10 айында облыс бойынша 4576,5 тонна балық ауланған.Аймақта балық өңдейтін 10 зауыт жұмыс істесе, оның төртеуінде «Еврокод» Еуропалық сапа стандартын растайтын белгісі бар. Мұнда балықтың 14 түрі экспортталады.2023 жылдың 10 айында 2463,6 тонна балық өнімдері 13 шет елдеріне экспортталды. Жиында басқарма басшысы тауарлы балық өсіруді дамыту жұмыстарына да тоқталып өтті.<blockquote>«Қызылорда облысында балық шаруашылығын дамытудың 2021-2030 жылдарға арналған өңірлік бағдарламасына сәйкес, 2022 жылға облыс бойынша 409 тонна балық өсіру көзделсе, тауарлы балық өсіру көлемі 526,4 тоннаға жетіп, 117,4 тонна балық өсіру көлемі артығымен орындалды. Сонымен бірге 1 сумен қамтамасыз ету циклі тұйықталған балық өсіру шаруашылығы (УЗВ), 8 тоғанда балық өсіру шаруашылығы толығымен іске қосылып, көл-тауарлы балық өсіру шаруашылықтарының саны 75-ке жетті», - деді Марат Ердәулетұлы.</blockquote>Балықтың адам ағзасына пайдасы орасан. Өңірдің балық саласының әлеуеті жоғары. Арал мен Сырдария және басқа да су айдындары Сыр жұртшылығын ғана емес, өзге аймақтарды да балықпен қамтамасыз етіп отыр десек қателеспегеніміз.Сыр өңірінде су шаруашылығын дамыту шаралары ілгерлеп келеді. Жыл басынан бері су тапшылығының алдын алу мақсатында ауылдық елді мекендерге 23 дана насос қондырғылары жеткізіліп, 28 каналдың жобалық-сметалық құжаттамасы әзірленген. Сондай-ақ, 9 каналға тазалау жұмыстары жүргізілді.&nbsp;<blockquote>«Бүгінде облыстық коммуналдық меншікке 233 су шаруашылығы нысаны алынған. Осы меншіктегі су шаруашылығы нысандарын тазалау, жөндеу жұмыстары кезең-кезеңімен жүргізілуде. Сонымен қатар, облыстық бюджет есебінен елді мекендерді аяқ сумен қамтамасыз ету мақсатында 79,3 шақырымдық 10 каналға, елді мекендердерге насос қондырғыларын жеткізуге және 28 каналдың жобалық-сметалық құжаттарын әзірлеуге тиісті қаражат бөлінді. Өздеріңіз білетіндей, өңір үшін өте өзекті мәселенің бірі – су тапшылығын төмендету. Осыған орай, Мемлекет басшысы Сырдарияның жоғары ағысындағы мемлекеттермен келіссөз жүргізіп, тиісті көлемде су бөлінуіне жағдай жасауда. Одан бөлек, су тапшылығы жағдайында елді мекендерді суармалы сумен қамтуға ҚР Су ресурстарын басқару жүйесін дамытудың 2024-2029 жылдарға арналған жобасы жүзеге асырылмақ. Сондай-ақ, су саласын дамытудың 2024-2029 жылдарға арналған кешенді жоспар әзірленіп, облыс әкімдігімен ұсыныс жасалды. Осыған сәйкес 76 жоба республикалық бюжеттен іске асырылмақ», - деді басқарма басшысы Марат Құрманбаев.</blockquote>

Аймақта балық өңдейтін 10 зауыт жұмыс істейді 

<a href="https://kyzylorda-news.kz/ru">Kyzylorda-news.kz</a>&nbsp; Қазіргі таңда Байқоңыр қаласында көпқабатты 351 үй бар. Тұрғын үй мәселелерін шешу үшін Қазақстан Республикасының қаражаты есебінен 2021 жылдан бастап Байқоңыр қаласының 7 «А» мөлтек ауданында «Нұрлы жер» бағдарламасы аясында елу пәтерлі бес тұрғын үйдің құрылысы жүргізілуде. Сонымен қатар, сумен жабдықтау және су бұру жүйелерін қайта құру және жаңғырту мақсатында 2021 жылы 11,4 шақырым кәріз желілері қайта жаңғыртылды. Келер жылы да жұмыстарды жалғастыру жоспарланған. Осы және өзге де атқарылған жұмыстар жөнінде Өңірлік коммуникациялар қызметінің баспасөз алаңында Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай тарқатты.<blockquote>«Облыс әкімінің тапсырмасына сәйкес, қаладағы тұрғын ұй қоры мен инфрақұрылым жүйелеріне тексеру жұмыстары жоспарланған. Тиісті жұмыс тобы құрылып, Байқоңыр қаласы әкімшілігімен бірлескен жұмыстар жүргізілуде. Айта кету керек, Байқоңыр қаласы толық газдандырылған. Мемлекет басшысының елді мекендердің әлеуметтік инфрақұрылымын жақсарту мақсатындағы тапсырмасына сәйкес, 2022 жылы қалаға іргелес Төретам және Ақай елдімекендерінде газдандыру жұмыстары басталған болатын. Қазіргі таңда, Ақай ауылына газ тарту жұмыстары толығымен аяқталып, «ҚазТрансГаз Аймақ» мекемесі арқылы тұрғын үйлер табиғи газға қосылуда. Ал, Төретам кентін табиғи газға қосу жұмыстарын жыл соңына дейін аяқтау жоспарлануда», - деді Қайрат Ырзақұлұлы.</blockquote>Байқоңыр қаласында 57,4 мың адам тіркелген. Оның 40,6 мыңы ҚР азаматтығы бар тұрғын. Қаланың өзекті мәселесі – өндіріс орнының болмауы, кәсіпкерліктің әлсіз дамуына байланысты жаңа жұмыс орындарын құруда қиындықтар тууда. Мәселені шешу мақсатында 2021-2025 жылдарға арналған кәсіпкерлікті дамыту жөніндегі ұлттық жоба шеңберінде шаралар қабылдаунда.&nbsp;<blockquote>«Қалада жұмыспен қамтуға жәрдемдесу шаралары «2021-2025 жылдарға арналған кәсіпкерлікті дамыту жөніндегі ұлттық жоба» шеңберінде көрсетіледі. Жыл ішінде тұрақты жұмыс орындарына 281 адам жұмысқа орналастырылды. «Бастау бизнес» кәсіпкерлік негіздерін оқыған 50 тұрғынға 69 миллион теңге сомасына өтеусіз грант берілді.Сонымен қатар, Қызылорда облысының әкімдігімен «Байқоңыр» кешенінің жалдан шығарылған нысандар негізінде кәсіпкерлік объектілерін ашу үшін Қызылорда облысының коммуналдық меншігіне беру бойынша тұрақты негізде жұмыстар жүргізуде.Мәселен, әкімдік жаңа кәсіпкерлік нысандарын ашу үшін жалдан шығарылған 9 нысанды мүдделі инвесторларға беру бойынша жұмыс жүргізуде» - деді Қайрат Ырзақұлұлы.</blockquote>Байқоңыр қаласында 12 мектеп бар. Оның 5 мектебі қазақстандық білім беру стандарты бойынша жұмыс істейді. Жалпы, оқушылардың саны 8933 құрайды. &nbsp;Облыс әкімімен және салалық министрлермен «Қызылорда облысы Байқоңыр қаласының 2023-2026 жылдарға арналған білім беру жүйесін дамыту бойынша жол картасы» бекітілді. Жол картасымен жалпы 29 іс-шара бекітілген. Қазіргі таңда, жол картасын іске асыру мақсатында салалақы басқармалармен шаралар қабылдануда.<blockquote>«Қалада мектепке дейінгі білім беру ұйымдарының санын арттыру мақсатында жалдан шығарылған 2 нысан негізінде жыл соңына дейін балабақша ашу жұмыстары аяқталатын болады.Сонымен қатар, «Байқоңыр» кешені жөніндегі Қазақстан-Ресей. Үкіметаралық комиссияның 8-ші және 9-шы отырыстары шеңберінде Байқоңыр қаласында орналасқан РФ орта мектептерінде «Қазақстан тарихы», «Қазақ тілі мен әдебиеті» пәндерін оқудан тыс белгіленген тәртіппен ұйымдастыру жөніндегі жұмыстарды жалғастыру туралы бірлескен шешім қабылданды, - деді Қайрат Ырзақұлұлы.</blockquote>Қазіргі таңда, Байқоңыр қаласы әкімшілігіне қарасты М.К. Янгель атындағы №7 орта мектебінде аталған пәндер факультатив ретінде оқытылуда. Басқа мектептерге аталған пәндерді оқыту бойынша облыстық білім басқармасымен жұмыстар жүргізілуде.

Байқоңыр қаласы инфрақұрылымын дамыту бойынша жұмыстар жүргізілуде

<a href="https://kyzylorda-news.kz/ru">Kyzylorda-news.kz</a> &nbsp;ҚР Премьер-министрі Әлихан Смайыловтың төрағалығымен өткен Үкімет мәжілісінде автожол саласын, сауда биржаларын дамыту мәселелері қаралды.Ведомство басшылары мен кейбір өңір әкімдері атқарылған жұмыстар және алдағы міндеттер жайлы хабарлама жасады.&nbsp; Жиында қызылша ауруының күрт өсуі күн тәртібінен тыс қаралды. Премьер-министр елімізде аурудың таралуын мүмкіндігінше тезірек тоқтату керектігін атап өтті.Үкімет жиынынан кейін облыс әкімі Нұрлыбек Нәлібаев арнайы мәжіліс өткізіп, &nbsp;аталған мәселелер бойынша негізгі жұмыс бағыттарын белгіледі.<blockquote>«Биыл жол инфрақұрылымын дамытуға бюджеттен 37,1 млрд. теңге бөлініп, 603 шақырым автомобиль жолдары, көшелер және көпір өткелдері жөнделуде. Бүгінгі күнге бөлінген қаржының 71 пайызы игерілген. Келесі жылға мемлекеттік бағдарламалар аясында республикалық бюджетке 53 млрд теңгенің 84 жобасы ұсынылды. Әзірге 14,3 млрд. теңгенің 31 жобасы қолдау тапты. Алдағы жылға межеленген индикаторлық көрсеткішті 90%-ға жеткізу үшін республикалық бюджеттен қосымша қаржы тартуға салалық министрлікпен жұмыс жүргізу қажет», – деді аймақ басшысы.</blockquote>Қала, аудан әкімдері мен жауапты мекеме басшылары облыста жол жөндеу және бюджеттен бөлінген қаражатты игеру барысын баяндады.&nbsp;Жиын қорытындысымен Қызылорда қаласы және аудан әкімдеріне жол құрылысы жобаларына қаралған қаржыны жыл соңына дейін толық игеріп, автомобиль жолдары мен көшелерді салу, қайта жаңғырту, жөндеу, күтіп-ұстау жұмыстарының сапасын қатаң бақылауға алу тапсырылды.&nbsp;Күн тәртібіндегі екінші мәселе бойынша Президент тапсырмасына сәйкес әзірленген сауда биржаларын дамыту жөніндегі заң жобасын облыстағы орта және ірі кәсіпкерлік субъектілерімен бірлесе қарап, қажетті ұсыныстар енгізу міндеттелді. Мұнан бөлек, брокерлер мен клирингтік орталықтарды қаржы мониторингінің субъектісі санатына енгізу үшін зерделеу жұмыстарын жүргізу қажет.Үкімет отырысында күн тәртібінен тыс қаралған мәселе бойынша Нұрлыбек Машбекұлы жауапты сала басшыларына қызылшамен күрес жұмыстарын күшейтуді &nbsp;тапсырды.<figure class="image"><img src="https://knadmin.beoblood.kz/uploads/akim_1_c87ab9f47b.webp" alt="аким 1.webp"></figure>

Қызылорда: Жол инфрақұрылымын дамытуға бюджеттен 37,1 млрд. теңге бөлінді

<a href="https://kyzylorda-news.kz/ru">Kyzylorda-news.kz</a> Қызылорда облысының әкімі Нұрлыбек Нәлібаевтың төрағалығымен аймақтағы өзекті мәселелер талқыланған мәжіліс өтті.Жиында өңірдегі құрылыс нысандарының уақытылы пайдалануға берілуі, коммуналдық қызметтердің үздіксіз жұмыс істеуі және жылу беру маусымының кедергісіз өту мәселелері қаралды.<blockquote>«Күз айларында ауа райы жайлы болғанымен, қыстың суығы әлі алда. Сондықтан құрылыс алаңдарындағы жұмыстар дер кезінде аяқталуы тиіс. Коммуналдық қызметтер де сақадай сай болуы керек»,- деді аймақ басшысы.</blockquote><figure class="image"><img src="https://knadmin.beoblood.kz/uploads/406284670_649273760727205_542604_d8b2f879c6.webp" alt="406284670_649273760727205_542604.webp"></figure>Мәжілісте жауапты сала басшылары хабарлама жасап, атқарылған жұмыстар туралы баяндады.Облыс әкімі халықтың жайлы тұрмыс-тіршілігін қамтамасыз ететін қызметтердің жұмысын жүйелі ұйымдастыру қажеттігін атап өтіп, тиісті сала басшыларына бірқатар тапсырма берді.

Нұрлыбек Нәлібаев: Құрылыс алаңдарындағы жұмыстар дер кезінде аяқталуы тиіс

<a href="https://kyzylorda-news.kz/ru">Kyzylorda-news.kz</a> Бүгінде аграрлық саланы қарқынды дамыту үшін мемлекет тарапынан көптеген қолдау көрсетіліп келеді. Тиісінше биыл осы саланы дамытуға 18,5 млрд.теңге қаржы қарастырылса, оның 14.0 млрд.теңгесі субсидиялауға бөлінді. Бұл туралы Өңірлік коммуникциялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев хабарлады.<blockquote>Жыл басынан бері мемлекеттік қолдаудың нәтижесінде ауыл шаруашылығы саласының жалпы өнімі өткен жылмен салыстырғанда 2,6 пайызға артты. Сондай-ақ, саланың негізгі қорына 9,4 млрд.теңге инвестиция салынып, өсім көрсеткіші 36,6 пайызға ұлғайды. Ал тамақ өнімдерін өндірудің негізгі капиталы 3,1 есеге артты, - деді басқарма басшысы Талғат Тұрсынұлы.</blockquote>Биыл аталмыш салада экспорт әлеуеті де артқан. Стастикалық мәліметтерге сүйенсек, осы жылдың 1 қазанына дейін 40,9 мың тонна ауыл шаруашылығы өнімі әлемнің 21 мемлекетіне экспортталған. Барлық экспортталған өнімнің 84,8 пайызы негізгі дақыл - күріш өніміне тиесілі. Жалпы есепті кезеңде 34 703,9 тонна Сыр салысы шет мемлекеттерге экспортталды.

Биыл ауыл шаруашылығы саласына 9,4 млрд теңге инвестиция тартылды

<a href="https://kyzylorda-news.kz/ru">Kyzylorda-news.kz</a> Қызылорда облысында жыл басынан бері 4 елді мекен табиғи газбен қамтамасыз етілді. Газдандырылған ауылдық елді мекеннің саны 26-ға артып, газдандыру деңгейі 11,3 пайызды құрады. Жыл соңына дейін облыстың газдандыру деңгейін 75 пайызға жеткізу жоспарлануда.&nbsp;Толығырақ Өңірлік коммуникациялар қызметінің баспасөз алаңында облыстық энергитика және тұрғын-үй коммуналдық шаруашылық басқармасының басшысы Болатбек Ысмағұлов айтты.<blockquote>«Биыл 26 газбен жабдықтау жобаларын жүзеге асыруға 9,3 миллиард теңге бөлінді. Бұл қаржыға былтыр 7 жоба басталған болатын. Сол жобалар жалғасын табады және 19 жаңа жобаның құрылысы басталады. Ал, ауыз су мәселесі бойынша сөзімізді сабақтасақ. Облыс бойынша барлық 230 ауылдық елді мекеннің 198 немесе халық санымен алғанда 98,1 пайызы орталықтандырылған ауыз су жүйесіне қосылған. Мемлекет басшысының 2021 жылғы жолдауында Үкіметке алдағы бес жыл ішінде халықтың 100 пайызын таза ауыз сумен қамтамасыз ету тапсырмасы бойынша өңірімізде кешенді жоспар әзірленіп, тиісті жұмыстар атқарылуда. Сонымен-қатар, облыста10 мың шақырымнан астам электр желілері мен кернеуліктері әртүрлі 1867 қосалқы станция бар. Олардың тозу деңгейі 68% пайызды құрайды. Бұл мәселені шешу мақсатында тиісті министрліктермен жұмыс істеу арқылы «Ауыл-ел бесігі» және басқа да бағдарламалар аясында қаржы бөлінуде», - деді Болатбек Әбдулхайысұлы.</blockquote>

Қызылорда облысында жыл басынан бері 4 елді мекен табиғи газға қосылды 

Фото: ortcom.kz<a href="https://kyzylorda-news.kz/ru">Kyzylorda-news.kz</a>&nbsp; Биыл «Ауыл аманаты» жобасын жүзеге асыру үшін облысқа 3,0 млрд.теңге қаржы бөлінді. Бағдарламада қарастырылған негізгі 5 бағыт бойынша 600 жобаға қолдау көрсетілмек. Осының нәтижесінде, 636 жаңа жұмыс орнын ашу көзделуде. Бұл жөнінде Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев хабарлады.<blockquote>«Қазіргі таңда жоба бойынша қаржыландыру бағыттары анықталып, барлық ауылдық елді мекендерде халыққа түсіндірме жұмыстары жүргізілуде. Бұл бағдарлама өңдеу, егін коорперативтерін жабдықтау, мал шаруашылығы және басқа бағыттағы бизнес жобаларға арналған. Бүгінде 342 жобаның құжаттары несие комитетімен мақұлданды. Ал 142 жоба бойынша қарастырылған несие 18 коорператив пен 124 жеке кәсіпкерге берілді. Осының нәтижесінде 288 жұмыс орны ашылады», - деді басқарма басшысы Талғат Тұрсынұлы.</blockquote>«Ауыл аманаты» жобасын сапалы іске асыру мақсатында негізгі басымдық өндірістік жобаларға берілуде. Бұл ретте, жеке қосалқы шаруашылықтардың жұмысына тиімді қолдау көрсетіледі. Атап айтқанда, шағын цехтар, жылыжай өндірісі, омарта, балық және құс шаруашылығын дамытуға бағытталуда.

«Ауыл аманаты»: Қызылордада 342 жоба қолдау тапты

<a href="https://kyzylorda-news.kz/ru">Kyzylorda-news.kz.</a> Биыл облыс бойынша 193,4 мың гектарға ауыл шаруашылығы дақылдары егіліп, егіс көлемі 4,8 мың гектарға ұлғайған. Бұл туралы Өңірлік коммуникциялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев мәлімдеді.Ал егістік басындағы еңселі жұмыстардың нәтижесінде биыл 89 мың гектарға ақ күріштің дәні себілді. Ала жаздай бейнеттен бел жазбай еңбек еткен диқандардың арқасында 503,3 мың тонна өнім қамбаға құйылды. Бұл ретте су тапшылығы тығырыққа тіресе де, тіршілігін тоқтатпаған диқаншылар қауымның еңбегі орасан.<blockquote>-Өздеріңіз білетіндей, егіншілердің басты мәселесі - су тапшылығы. Осыған сәйкес, егіс көлемін әртараптандыру бағытында 3 мың гектарға ауыл шаруашылығы дақылдары егілді. Су үнемдеу технологиясын пайдалану арқылы да тиісті жұмыстар қолға алынды. Жалпы күзгі егін жинау науқанына 4 287 бірлік техника жасақталып, толық егін егу науқанына қатысты. Осы атқарылған шаралардың нәтижесінде, 521,2 мың тонна дәнді дақыл, оның ішінде 503,3 мың тонна ақ күріш қамбаға құйылды. Сондай-ақ, 4,8 мың тонна майлы дақыл, 94,4 мың тонна картоп, 398,7 мың тонна көкөніс пен бақша өнімдері жиналды, - деді басқарма басшысы Талғат Тұрсынұлы.</blockquote>

Қызылорда облысында егіс көлемі 4,8 мың гектарға ұлғайды

<a href="https://kyzylorda-news.kz/ru">Kyzylorda-news.kz.</a> Сенбі күні облыс әкімі Нұрлыбек Нәлібаев қытайлық «Peng Sheng Group» компаниясы өкілдерімен кездесіп, өңірдегі инвестициялық жобаларды таныстырды.Аймақ басшысы қызылордалықтар жаңа іскерлік байланыстар орнатып, өзара тиімді қарым-қатынастарды дамытуға әрдайым ашық екенін жеткізді.<blockquote>«Қызылорда облысына қош келдіңіздер! Біздің өңірге қызығушылық танытып, арнайы сапармен келгендеріңіз үшін ризашылығымызды білдіреміз. Облыс аумағында қытайлық компаниялардың қатысуымен бірқатар ірі индустриялық жобалар тиімді жүзеге асырылуда. Атап айтқанда, жылына 197 мың тонна шыны өндіретін еліміздегі алғашқы «Орда Гласс» шыны зауыты және жылына 1 млн тонна цемент өндіретін «Гежуба Шиели Цемент» зауыты жұмыс жасауда. Бүгінгі күні аталған компания өнімдері ішкі нарықты қамтамасыз етумен қатар, сыртқы нарықтарға кеңінен экспортталуда», - деді Нұрлыбек Машбекұлы.</blockquote>Өз сөзінде облыс әкімі ауыл шаруашылығы және оның өнімдерін терең өндеуге бағытталған жаңа жобаларды жүзеге асыруға мүдделі екенін атап өтті. Сонымен қатар егін шаруашылығы техникаларын құрастыруға бағытталған өндіріс ашу мүмкіндіктерін қарастыруды ұсынды.«Peng Sheng Group» компаниясы Өзбекстан Республикасында өз инвестициялары есебінен индустриялық кешен құрып, бірқатар жобаны жүзеге асыруда. Қазіргі таңда компания Қазақстан Республикасында мақта өсіру үшін заманауи қытайлық ауыл шаруашылығы технологияларын енгізу, былғары шикізатын қайта өңдеу және ірі қара мал өнімдерінен желатин өндірісін ұйымдастыруды жоспарлауда.

Облыс әкімі қытайлық инвесторлармен кездесті

<a href="https://kyzylorda-news.kz/">Kyzylorda-news.kz.</a>&nbsp; ҚР Премьер-министрі Әлихан Смайыловтың төрағалығымен өткен Үкімет мәжілісінде «Ауылдық денсаулық сақтауды жаңғырту» ұлттық жобасының жүзеге асырылу барысы қаралды.ҚР Денсаулық сақтау вице-министрі Жандос Бүркітбаев өңірлердегі нысандар құрылысы туралы баяндады. Облыс әкімдері атқарылған жұмыстар және алдағы уақытта салынатын нысандар жайлы хабарлама жасады.Қызылорда облысының әкімі Нұрлыбек Нәлібаев аймақта 2023 жылға жоспарланған құны 6,5 млрд. теңге болатын 15 дәрігерлік амбулатория құрылысы туралы айтты. Оның 12-сі 30 қарашада, 3-еуі 5 желтоқсанда халық игілігіне пайдалануға беріледі. Алдағы жылға жоспарланған 11 нысанның жоба-сметалық құжаттамасы әзірленіп, мемлекеттік сараптама қарауына жіберілген. Қорытындысы желтоқсан айында шығады.Үкімет отырысынан кейін аймақ басшысы арнайы мәжіліс өткізіп, облыс аумағында бой көтерген 15 дәрігерлік амбулаторияның жыл соңына дейін пайдалануға берілуін қамтамасыз ету қажеттігін атап өтті.<blockquote>«Үкімет басшысы ұлттық жобаны жүзеге асыруға қатысты бірқатар өзекті мәселелерді көтерді. Әсіресе, биыл салынған денсаулық сақтау нысандарының сапасы мен мерзімінде пайдалануға берілуін қатаң бақылауға алып, тиісті жұмыстарды жүйелі ұйымдастыруды тапсырды. Біз 15 дәрігерлік амбулаторияны жыл соңына дейін пайдалануға беруіміз керек. Осы аптада жауапты мердігер мекеме басшыларымен кездесіп, тиісті тапсырмалар жүктеген болатынбыз. Бұл тек құрылыс басқармасының ғана міндеті емес, аудан әкімдері де жұмысқа жұмылуы қажет. Ұлттық жоба аясында салынған барлық нысандар халыққа ыңғайлы, жайлы, ең бастысы, жан-жағының тазалығы, қасбеттері талапқа сай болуы тиіс», – деп ескертті аймақ басшысы.</blockquote>Нұрлыбек Машбекұлы құрылыс басқармасына ғимараттардың сапасын мұқият қадағалауды тапсырды. Атап айтқанда, жан-жағы талапқа сай абаттандырылуы, ауласына өңірдің климаттық жағдайына бейімделген ағаштар отырғызылуы қажет. Облыстық денсаулық сақтау басқармасы жаңа дәрігерлік амбулаторияларды тиісті медициналық құрал-жабдықтармен қамтамасыз етіп, олардың сапасына мән беруі керек.Еске салайық, Қызылорда облысында «Ауылдық денсаулық сақтауды жаңғырту» ұлттық жобасы аясында салынатын жалпы құны 11,0 млрд. теңгені құрайтын 27 нысан (24 дәрігерлік амбулатория, 2 фельдшерлік-акушерлік бекет, 1 медициналық бекет) тізімі Үкімет қаулысына енгізілген.<figure class="image"><img src="https://knadmin.beoblood.kz/uploads/404997279_647575610897020_4681304242901792323_n_be04c763ad.jpg" alt="404997279_647575610897020_4681304242901792323_n.jpg"></figure>

Ұлттық жобаны іске асыру барысы қаралды

<a href="https://kyzylorda-news.kz/">Kyzylorda-news.kz.</a> Ауыл шаруашылығындағы егін саласы бойынша Қызылорда облысында атқарылған жұмыстармен танысу мақсатында өңірлік коммуникациялар қызметінің ұйымдастыруымен баспасөз туры өткізілді.Биыл Қызылорда облысында ауыл шаруашылығын қолдауға 18,5 миллиард теңге қаржы бөлінді. Оның ішінде субсидиялауға 14 миллиард теңге игерілді. Мемлекеттік қолдаудың нәтижесінде биыл 10 айлық көрсеткіш ішінде ауыл шаруашылығы саласында 202,9 миллиард теңгенің өнімі өндіріліп, өсім көрсеткіші 2,6%-ға артты. Ал, тамақ өнімдерін өңдеу көлемі 87,3 миллиард теңгені құрап, өткен жылдың сәйкесті кезеңімен салтырғанда 100 пайызды құрады.&nbsp;<blockquote>Биыл облыс бойынша 193,4 мың гектарға ауыл шаруашылығы дақылдары егілді. Негізгі дақыл күрiштің көлемі 89 мың гектар құрады. Жалпы, дақылдардың егіс көлемдері өткен жылмен салыстырғанда 4,8 мың гектарға ұлғайды. Облыста егіс көлемдерін әртараптандыру бағытында да жүйелі жұмыстар жүргізіп келеді. Мәселен, дән жүгері 1,2 мың гектарға, сүрлем жүгері 1,4 мың гектарға, күнбағыс 179 гектарға, соя 64 гектарға, қант құмайы 195 гектарға, қант қызылшасы 5 гектарға егілді.Сонымен қатар, егіншілердің басты мәселесі су тапшылығы. Осы су үнемдеу технологиясын қолдану арқылы барлығы 872,5 гектар жерге ауыл шаруашылығы дақылдары егілді. Тамшылатып суару 577,5 га, жаңбырлатып суару әдістерін қолдану арқылы 295 га орналастырылды, - деді облыстық ауыл шаруашылығы және жер қатынастары Талғат Дүйсебаев.</blockquote>Әрі қарай Сыр өңірінде күріш кәсібін дөңгелетіп, бүкіл елді қамтуға үлес қосып отырған Абай-Дәулет ЖШС-нің жұмысымен баспасөз өкілдері танысты.<figure class="image"><img src="https://knadmin.beoblood.kz/uploads/403849440_1899330160462487_5641155439579159264_n_5f324fc51b.jpg" alt="403849440_1899330160462487_5641155439579159264_n.jpg"></figure>

Қазақстан және Қызылорда облысының жаңалықтары: Экономика