<a href="https://kyzylorda-news.kz/">Kyzylorda-news.kz.</a> Мәскеуде Қазақстанның цифрлық даму, инновациялар және аэроғарыш өнеркәсібі министрі Бағдат Мусиннің “Роскосмос” ғарыш қызметі жөніндегі мемлекеттік корпорацияның бас директоры Дмитрий Рогозинмен жұмыс кездесуі өтті, деп хабарлайды қазақстандық ведомствоның баспасөз қызметі.
Кездесу барысында 2004 жылдың 22 желтоқсанындағы Қазақстан үкіметі мен Ресей үкіметі арасындағы “Байқоңыр” ғарыш айлағында “Бәйтерек” ғарыш зымыран кешенін құру туралы келісімге өзгерістер мен толықтырулар енгізу туралы хаттамаға қол қойылды.
Тараптар ғарыш саласындағы Қазақстан мен Ресей ынтымақтастығының өзекті мәселелерін, оның ішінде “Байқоңыр” кешенін одан әрі дамытуды, сонымен қатар “Бәйтерек” (“Назарбаев старты”), “Гагарин старты” жобаларына қатысты мәселелерді талқылады.
Бұдан бөлек, “ЦЭНКИ” АҚ бас директоры Андрей Охлопков және “Бәйтерек” Қазақстан-Ресей бірлескен кәсіпорны “АҚ бас директоры Қуат Мұстафинов “Бәйтерек” ғарыш зымыран кешенін құру бойынша қызметтер көрсетуге арналған келісімшартқа қол қойды.
Бәйтерек – экологиялық қауіпсіздіктің жоғары деңгейімен, ресейлік “Союз-5” зымыран-тасымалдағышымен ғарыш аппараттарын ұшыруға арналған кешен.
Бұл жобада Ресей тарапы “Союз-5” зымыран тасығышын, техникалық және ұшыру кешендерінде бақылау-тексеру аппаратурасын жасауды, сондай-ақ, үдеткіш блоктың, ғарыш аппараты мен ғарыш бас бөлігінің техникалық кешенін жаңғыртуды қамтамасыз етеді.
Қазақстан тарапы “Зенит-М” ғарыш зымыран кешенінің жерүсті инфрақұрылымы нысандарын қайта құрады және жаңғыртады.

Қазақстан мен Ресей &#8220;Бәйтерек&#8221; жобасына қатысты келісімге қол қойды

<a href="https://kyzylorda-news.kz/date/2020/10/30/">Kyzylorda-news.kz</a>. 29 қазанда «Атамекен» Ұлттық кәсіпкерлер палатасының VII Съезі өтті. Мемлекет басшысы, ҚР Премьер-Министрі, «Атамекен»-нің басшылары, республика көлемінде кәсіпкерлер онлайн қатысқан шараға Қызылордадан облыс әкімі Гүлшара Әбдіқалықова, Кәсіпкерлер палатасы Өңірлік кеңес төрағасы Қайрат Боранбаев, Палата директоры Ғалымбек Жақсылықов және өңірлік кеңес мүшелері қатысты.
<blockquote>
 «Бұл жолғы шара осы уақытқа дейін өткен съезден онлайн өтуімен ерекше болды. Кәсіпкерлердің басты шарасында жыл көлемінде жиналып қалған заңнамалық деңгейде өзгеріс енгізуді қажет ететін, Мемлекет басшысы, Үкіметтік деңгейде шешуді қажет ететін мәселелер қаралды. Кәсіпкерлер тарапынан көтерілген мәселелер шешімін табады деген сенімдемін. Ол үшін Президент Үкіметке тиісті тапсырмаларды жүктеді. Мұнан өзге, шарада «Атамекеннің» жыл көлемінде жасаған жұмысы қорытындыланып, атқарылған тірліктерге баға берілді. Бұл съезд шағын және орта бизнестің дамуында, өңірдегі кәсіпкерліктің өркендеуінде жаңа серпін береді деп ойлаймын», – дейді Қызылорда облысы кәсіпкерлер палатасы Өңірлік кеңесінің төрағасы Қайрат Боранбаев.
</blockquote>
Съезде талқыланған мәселелер мен Президенттің берген бағасы туралы ақпаратты <a href="https://atameken.kz/kk/news/39167-glava-gosudarstva-dal-vysokuyu-ocenku-urovnyu-vzaimodejstviya-nacional-noj-palaty-predprinimatelej-atameken-i-pravitel-stva-rk">мына жерден</a> оқи аласыздар
Ұлттық кәсіпкерлер палатасының саланы дамытуға рөлі туралы Өңірлік кеңес төрағасы: «Құрылғанына 7 жыл болған «Атамекен» кәсіпкерлердің өмірінде ғана емес, сондай-ақ ел экономикасында да аса маңызды рөл атқаратын дәлелдеді деп айта аламын. Бүгінде «Атамекен» – бизнес өкілдеріне де мемлекеттік органдарға да бас қосып, мәселені бірге шешу мүмкіндігін ұсынған аса қажетті алаңға айналып отыр», – дейді.&nbsp; &nbsp;
<blockquote>
 «Осы жолғы Съезд кәсіпкерлер үшін қиын кезеңде өтіп жатыр. Дүние жүзінде орын алған пандемия салаға айтарлықтай зиянын тигізіп отыр. Сондықтан да съезде алдағы уақытта «бизнес өкілдері қалай жұмыс жасайды?», «Шектеу шараларынан қалай шығарамыз? Жалпы бизнесті қалай дамытамыз?» деген сауал төңірегіндегі мәселелер талқыланды. Ол үшін алаң ұсынған «Атамекенге», шешу жолдарын қарастырған Президент пен Үкіметке алғысымызды айтамыз. Съез делегаты ретіндегі біздің міндетіміз енді осы қабылданған шараларды елдегі кәсіпкерлерге жеткізіп, түсіндіру жұмыстарын жүргізуіміз керек», – дейді Өңірлік кеңес мүшесі, «Сыр маржаны» ЖШС директоры Мінәжадин Өтеев.
</blockquote>

Қайрат Боранбаев: «Атамекен» &#8211; мәселені бірге шешу мүмкіндігін ұсынушы алаңға айналды

<a href="https://kyzylorda-news.kz/date/2020/10/29/?doing_wp_cron=1603954660.9408171176910400390625">Kyzylorda-news.kz.</a> Бүгін облыс әкімі Гүлшара Әбдіқалықоваға Қызылорда облысының балық шаруашылығын дамытудың 2021 – 2030 жылдарға арналған өңірлік бағдарламасы таныстырылды. Аталмыш бағдарлама Үкімет басшысының тапсырмасына сәйкес әзірленген.
Бағдарламаның іске асыру жөніндегі іс-шаралар жоспары 5 бағыттан тұрады. Атап айтқанда, тұрақты сумен қамтамасыз ету, мемлекеттік қолдау, инфрақұрылымды құру, балық ресурстарын қорғау, халықаралық ынтымақтастықты дамыту, саланы ғылыми сүйемелдеу және кадрлармен қамтамасыз ету жөніндегі шаралар.
Елбасы Нұрсұлтан Назарбаевтың бастамасымен «Сырдария өзенінің арнасын реттеу және Арал теңізінің солтүстік бөлігін сақтау» жобасының жүзеге асырылуы нәтижесінде облыста балық шаруашылығын дамуына үлкен мүмкіндіктер жасалды.
Облыс аумағында Сырдария өзені, Кіші Арал теңізі және 207 көл бар. Балық өнімдерін өңдеумен және экспортпен айналысатын жылдық қуаттылығы 12,5 мың тонна құрайтын 9 балық өңдеу зауыттары жұмыс істеуде.
Ғылыми-ұйымдардың зерттеулеріне сәйкес облыстағы 207 көлдің 95-сі тауарлы балық өсіруге қолайлы. Сондықтан, 2030 жылға қарай өңірде тауарлы балық өсіруді 5 мың тоннаға жеткізу жоспарлануда. 
Балық шаруашылығына қазіргі таңда балық өсіру кезінде пайдаланылатын азықты сатып алуға жұмсалатын шығындардың 30% өтеу және ауданы 50 гектардан кем емес көл-тауарлы балық өсіру шаруашылығы үшін жабдықтар мен техниканы сатып алуға жұмсалған шығындардың 25% субсидиялау сияқты мемлекет тарапынан қолдау көрсетіліп келеді.
Алдағы уақытта, 50%-ға дейін акваөсіру субъектілері үшін балық өсіру-биологиялық негіздемені әзірлеу, балық өсіру материалын, дәрілік препараттарды сатып алу, бағалы балық түрлерінің толықтырушы-аналық табындарын сатып алу және күтіп ұстау кезіндегі, сондай-ақ балық өсіру шаруашылықтарын құруға инвестициялық салымдар кезіндегі шығындарды өтеуге бағытталған субсидиялау түрлері кеңейтіледі.
Сонымен қатар, Үкімет деңгейінде балық өсіру шаруашылықтарының орналасуын, оларға қызмет көрсету жөніндегі құрылыстардың (базаның) құрылғыларын ескере отырып, инфрақұрылымды жүргізу үшін жағалау аймағында және су қорғау белдеуінде жер учаскелерін бөлу мәселесі пысықталады.
Бағдарламаны іске асыру үшін 30,6 млрд.теңге қаржы қарастыру жоспарланып отыр. Соның ішінде, балық шаруашылығын қолдау мақсатында, «Байқоңыр» әлеуметтік кәсіпкерлік корпорациясына 2021 жылы облыстық бюджеттен 1 млрд.теңге қаржы бөлінеді. 
Атап өту керек, 2030 жылға дейін, тауарлық балық өндірісінің көлемін 5 мың тоннаға дейін ұлғайту индикаторына қол жеткізу үшін облыста мынадай шаралар қабылданады: 
– 4 шарбақтық балық өсіру шаруашылықтары құрылатын болады (600 тонна/жыл); 
– тауарлық балық өсіретін 10 тоған шаруашылықтары соғылады (787 тонна /жыл); 
– 3 тұйық жүйелі сумен қамтамасыз ету құрылғысы іске қосылады (400 тонна/жыл); 
– көл-тауарлы су айдындары саны 55-ке жетеді (3,2 мың тонна/жыл); 
– құрама жем зауытында тәулігінде қуаттылығы 80 тонна жем өндірісі қамтамасыз етіледі; 
– пластикалық қайықтар шығаратын цех салынады; 
– Қамыстыбас балық питомнигін қайта жаңғыртылады. 
Сондай-ақ, бағдарлама аясында 45 көлге электр жүйесін жеткізу және 49 дана гидротехникалық қондырғылар орнатылады. 
Нәтижесінде, 2030 жылға дейін облыстың балық экспорты 2 есеге, тауарлы балық өндіру көлемі 34 есеге өседі, 500-ден аса жаңа жұмыс орны құрылады, балық өңдеу зауыттары толығымен шикізатпен қамтамасыз етіледі. 
Жиынға қатысқан балық шаруашылығы саласының ғалымдары, кәсіпкерлері мен табиғат пайдаланушылары бағдарлама жобасы бойынша өз ой-пікірлерімен бөлісті. 
Жиын соңында облыс әкімі Гүлшара Әбдіқалықова «Балық шаруашылығын дамытудың 2021 – 2030 жылдарға арналған өңірлік бағдарламасын бекіту туралы» облыс әкімдігінің қаулысын әзірлеп, ұсынуды тапсырды. 
Айта кетейік, Қызылорда облысы республика бойынша алғашқы болып балық шаруашылығын дамытудың өңірлік бағдарламасының жобасын әзірлеп, Экология, геология және табиғи ресурстар министрлігінен келісім алды.
<img src="https://kyzylorda-news.kz/wp-content/uploads/2020/10/123135864_2854687584634292_3194670558555543221_o.jpg" alt="" />
<img src="https://kyzylorda-news.kz/wp-content/uploads/2020/10/123105139_2854687611300956_3960348307632762065_o.jpg" alt="" />

Қызылордада балық шаруашылығын дамыту жөніндегі өңірлік бағдарлама таныстырылды

<a href="https://kyzylorda-news.kz/date/2020/10/29/">Kyzylorda-news.kz.</a> Биыл Қызылорда өңірінде суармалы су тапшылығы бұрынғыдан да өткір болып отыр. Бірақ, суармалы суды тиімді пайдаланудыңарқасында уақтылы қабылданған шаралар залалды азайтуға мүмкіндік берді.
Сонымен қатар, облыс аграрийлері ағымдағы жылы жақсы өнім жинап қана қоймай, күріштің шығымдылығы мен жалпы түсімі бойынша рекорд орнатты, орташа есеппен 1 гектардан 61,8 центнерден күріш жинап, осылайша, ел&nbsp;қоймасына 551 мың тонна күріш салды.
Салыстыру үшін, 2019 жылы Қызылорда облысының аграрийлері 1 гектарданорта есеппен 60,3 центнерден күріш жинап, күріш дәнінің жалпы өнімін 530,5 мың тоннаға дейін жеткізуге мүмкіндік берді.
<img src="https://kyzylorda-news.kz/wp-content/uploads/2020/10/122947718_2854512697985114_1205392371247875712_n.jpg" alt="" />

Қызылорда облысының күріш өсірушілері күріш өнімділігі бойынша жаңа рекорд орнатты

<a href="https://kyzylorda-news.kz/date/2020/10/29/">Kyzylorda-news.kz.</a> Даму қоры істің көзін тауып, бизнес бастаған кәсіпкерлердің алғашқы «арқасүйері». Халыққа тиімді, сұранысқа ие кәсіпті қолдауға дайын тұрар аталған қор елімізде 20 жылдан бері үздіксіз қызмет етіп келеді. Бүгінде мемлекеттің қолдауына ие болып, кәсіпкерлік саласын дамытуға арналған қордың арқасында бизнесін өрге дөңгелеткен кәсіпкерлер өте көп. Аталған қор тарапынан түрлі жобалар қолға алынып, ел игілігіне жүзеге асып келеді.&nbsp;&nbsp;
Биылғы жылы Кәсіпкерлікті несиелендіруді қолдау бойынша мемлекеттік бағдарламаларды іске асыру шеңберінде “Даму” кәсіпкерлікті дамыту қоры Қызылорда облысының кәсіпорындарына несие сомасы 4 млрд теңгені құрайтын 136 жоба бойынша пайыздық мөлшерлемені субсидиялау түрінде қаржылық қолдау көрсетті. Несиелерді кепілдендіру бойынша 3 млрд теңгеге 104 жоба қолға алынды.
2001 жылдан бері кәсіпкерлік саласының дамуына үлес қосып келе жатқан «Даму» қорының Қызылорда облысы бойынша атқарылған жұмыстарын ақпараттандыру мақсатында баспасөз туры ұйымдастырылды.
Баспасөз турының алғашқы нысаны қор тарапынан қолдау тауып, қазіргі уақытта Қызылорда облысында ірі кәсіпорынға айналған”Dalatex” ЖШС тігін фабрикасы болды.
<img src="https://kyzylorda-news.kz/wp-content/uploads/2020/10/8549e9ed-0433-4295-8e7d-1f25cb3aa4d1.jpg" alt="" />
“Dalatex” ЖШС компаниясының негізін қалаушы Ділмұхамед Әбизов тоқыма өнімдерін өндірумен 20 жылдан бері айналысып келеді. Бүгінгі таңда кәсіпкер ерлер жейдесін тігіп, республиканың барлық аймағына өз өнімін таратуа. Әлемді шарпыған коронавирус пандемиясы кезінде тігін цехы бетперде тігуді қолға алып, тәулігіне 10 000 дана маска шығарып, өнімдерді жергілікті жұмыс орындарына таратты. Сондай-ақ Сыр өңірінен шыққан маска өзге аймақтарға да жеткізілді.
<img src="https://kyzylorda-news.kz/wp-content/uploads/2020/10/whatsapp-image-2020-10-29-at-09.59.00.jpeg" alt="" />
Екі айдан астам уақыт бетперде тіккен кәсіпорын қазіргі таңда мұнайшыларға арналған арнайы жұмыс киімін тігу үстінде. «ҚазГермұнай» ЖШС-нің тапсырысына сәйкес, 400-ден аса арнайы киімнің қыс және жаз мезгіліне арналған түрлері тігіледі. &nbsp;
<blockquote>
 «Қазіргі таңда жергілікті мұнай компаниясының тапсырмасына сәйкес жұмыс жүріп жатыр. Цехта 55-ке жуық мамандар жұмыс істейді. Оның 40-ы тігінші мамандар. Цех алғашқыда ерлер жидесін тігіп бастап, қазіргі күні арнайы киімдер мен күштік құрылымдардың тапсырысына сәйкес, форма түгуді де жүзеге асырып келеді. Сонымен қатар былтырғы жылы облыс әкімінің тапсырмасына орай аймақтағы бірінші сынып оқушыларына арналған мектеп формасын тігіп, оларды қамтамасыз еттік», – дейді&nbsp; тігін цехының атқарушы директоры Нұргүл Қосаева.
</blockquote>
Цех басшысының айтуынша, кәсіпкерлікті алғаш бастаған жылдары «Даму» кәсіпкерлікті дамыту қорының қолдауымен “Бизнестің жол картасы 2020” бағдарламасы аясында жылдық 14 пайызбен 51 млн теңге несие алған. Оның 7 пайызын “Даму” қоры субсидиялаған.
<blockquote>
 «Бастапқы кезде кәсіпкерлікті дамытуға несие алынды. Қазіргі таңда кәсіпорынның өз қаражаты есебіне кәсіп алға басуда», – деді Нұргүл Қосаева.
</blockquote>
Цехтағы тігіншілердің ең төменгі жалақасы 80 000 теңге. Тігіншілер мұнда жасаған еңбегіне қарай жалақы алады. Мәселен, қолы жылдам, тапсырысты тез бітірген тігіншілер 200 мыңға дейін айлық алады.
<blockquote>
 «Dalatex» тігін цехына 2016 жылдың тамыз айынан бастап жұмысқа қабылдандым. Сол уақыттан бері үздіксіз жұмыс істеп келемін. Алғашықада ерлер жидесін тіктік, қазір арнайы мамандардың қыстық жаздық кимдерін тігудеміз. Жалақыны уақытылы аламыз. Өзім бір күнде екі үш арнайы киім тігіп өткіземін. Себебі бұл киімнің әрбір детальдарына дейін өзіміз пішіп, құрастырып, тігіп шығамыз. Сондықтан біраз уақыт оның қалтасын, бауларын жинауға кетеді», – деді цех тігіншісі Майра Асылбекқызы.
</blockquote>
Тігін цехында ерлер жидесі көтерме бағамен 3000 теңгеден басталады. Өнімдер Қазақстанның барлық аймағына таралып, Ресейге экспортталады.
<img src="https://kyzylorda-news.kz/wp-content/uploads/2020/10/e24ad30b-a548-4038-8beb-362eb6ba9c55.jpg" alt="" />
Баспасөз турының келесі бағыты “Жан-Арай” ЖШС күріш өсіру кәсіпорны болды.
“Жан-Арай” ЖШС 2015 жылы іске қосылды. Компанияның негізгі қызметі серіктестік пен шаруа қожалықтарының фьючерстік келісімшарттары бойынша қаржыландыру, сондай-ақ күрішті жинау және өңдеу болып табылады.
<img src="https://kyzylorda-news.kz/wp-content/uploads/2020/10/397d348c-bfd1-4f7f-932a-a962266de82b.jpg" alt="" />
Компания қазіргі уақытта облыстың алдыңғы қатарлы күріш өсіру құрылымдарының қатарына кіреді.
Серіктестік “Бизнестің жол картасы 2020” бағдарламасы бойынша мемлекеттік қолдауға ие болып, 300 млн теңге жеңілдетілген несие алды. Жылдық мөлшерлемесі 14 пайызды құрайтын несиенің 4,2 пайызын «Даму» қоры субсидиялайды. Он гектар аумақты алып жатқан серіктестіктің күріш ақтау зауыты, қоймасы, зертхана, макарон цехы және мейрамханасы бар.
Жан Арайдан ақталған күріш республиканың көршілес елдеріне экспортталады. Қазіргі таңда Ресей, Өзбекстан және Қырғызстан мемлекеттеріне серіктестік өнімі жеткізілуде.
<img src="https://kyzylorda-news.kz/wp-content/uploads/2020/10/8a524bb7-ebcb-471a-82ea-d1776781d793.jpg" alt="" />
Серіктестіктің директоры Мұрат Айменовтың айтуынша құрама жем зауыты неміс технологиясы бойынша жұмыс жасайды.
<blockquote>
 «Құрама жем зауытының құрылыс монтаж жұмыстарына 375 млн теңге жұмсалды. Греманиядан әкелінген құрылғы 250 млн теңгені құрады. Күріш ақтау зауытының құрал-жабдықтары 600 млн теңгені құрады. Жуырда өз тойханамызды аяқтадық. Мұнда қонақ үй, хостелдер, конференция зал да бар», – дейді серіктестік директоры Мұрат Айменов.
</blockquote>
«Жан Арай» ЖШС алдағы уақытта жылыжай өндірісмен де айналысатын болады. Төрт гектар аумаққа жоспарланған жылыжай құрылысының жоба сметалық құжаттары дайындалуда.
<blockquote>
 «Дәл қазіргі уақытта жылыжайдың жоба сметалық құжаттары дайындалуда. Нақты қаржысы белгіленген жоқ. Дегенмен, бұл кәсіпке біздің жобамыз бойынша 800-900 млн теңге қажет», – дейді директор.
</blockquote>
Құрама жем зауыты тәулігіне 80 тонна жем шығарады. Ал күріш ақтау зауытының қуаттылығы тәулігіне 150 тоннаны құрайды. Егін науқанының енді аяқталуына байланысты құрама жем ақтау зауытының жұмысы уақытша тоқтап тұр.
<img src="https://kyzylorda-news.kz/wp-content/uploads/2020/10/3467035c-010c-476c-86f0-b837619cd143.jpg" alt="" />
Баспасөз турының соңғы аялдамасы “Сапа К” жеке кәсіпкерлігінің “QOLONER” ұлттық киім және кәдесыйлар өндіру цехы болды. Ұлттық киімдер мен қолөнер бұйымдарын және кәдесый өндірумен айналысатын цех «Даму» кәсіпкерлікті дамыту қорының қолдауына ие болған.
<img src="https://kyzylorda-news.kz/wp-content/uploads/2020/10/39843449-9708-4545-a649-9490857ae5fd.jpg" alt="" />
Өткен жылы цехтың жұмысын кеңейту мақсатында кәсіпкер Аида Керімқұлова “Қарапайым заттар экономикасы” бағдарламасы шеңберінде жылдық 15%-дан 19 млн теңге несие алуға өтінім берген. Мемлекеттің көмегіне ие болған кәсіпкер кесте тігу құрылғысы мен қосымша жабдық сатып алды. “Даму” қоры цехты дамытуға алынған несиенің жылдық 9% субсидиялауды ұсынып, қалған 6% кәсіпкер өзі төлейді.
Қазіргі таңда цех ұлттық нақыштағы киімдер тігуде. Сонымен қатар түрлі стильде бетперде тігуді де жалғастырып келеді.
Динара ЖАҚСЫБАЙҚЫЗЫ
Суреттер автордыкі

«Даму» &#8211; кәсіпкердің «арқасүйері» (ФОТО)

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықованың қатысуымен Қызылорда облыстық мәслихатының 49 сессиясы өткізілді. Сессияның күн тәртібінде 4 мәселе қаралып, депутаттардың назарына ұсынылды.
Аймақ басшысы 2020 жылғы облыстық бюджеттің нақтылануын қажет ететін бірқатар мәселелерге тоқталып, ұсынылған қаржыларды әлеуметтік маңызы бар және кезек күттірмейтін басым бағыттағы әлеуметтік салаға яғни денсаулық сақтау, білім, спорт, мәдениет&nbsp;салаларына бағытталатынын атап өтті.
<blockquote>
 “Облыс бюджеті өзінің әлеуметтік бағыт-бағдарын сақтап келеді. Білім беру саласында 2020-2021 жылдарға арналған оқу жылында сынып кешенін ұлғайтуға, техникалық және кәсіптік колледждер мұғалімдерінің еңбекақысын ұлғайтуға және коммуналдық шығындарын өтеуге 134,2 млн.теңге қаралуда. Ал, денсаулық сақтау саласына 166,1 млн.теңге көлемінде қаржы ұсынылды. Бұл қаржыға денсаулық сақтау мекемелерін ағымдағы жөндеуге, ауылдық жерлерде жұмыс жасайтын дәрігерлер санын көбейтуге, маусымдық жылу науқанына дайындық жұмыстарын жүргізуге, медициналық жабдықтар сатып алынатын болады”,-деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/10/123144836_2852933821476335_4239485241297728427_o.jpg" alt="" />
Сонымен бірге өңірде короновирус инфекциясымен күресу үшін дәрі-дәрмекпен қамтамасыз ету қорын қалыптастыруға, Қызылорда қаласында 200 төсектік орынға арналған тез салынатын модульдық жұқпалы аурулар ауруханасының құрылысына қажетті қаралып отыр.
Сессияда облыстық экономика және бюджеттік жоспарлау басқармасының басшысы Нұрғали Қордабай «2020-2022 жылдарға арналған облыстық бюджет туралы» шешіміне өзгерістер мен толықтырулар енгізу, «2016-2020 жылдарға арналған Қызылорда облысының даму бағдарламасын бекіту туралы» шешіміне өзгеріс енгізу туралы мәселені баяндап, бюджеттің үнемделген, қысқартылуы және толықтырылуы тиіс қаржылар туралы тоқталды. Сондай-ақ, «Қызылорда облысын басқару схемасын бекіту туралы мәселесін Қызылорда облысы әкімі аппаратының басшысы Ерлан Райғаниев хабарлады.
Сессиясының соңғы мәселесі «Қызылорда облыстық сайлау комиссиясының құрамын сайлауға арналды. Облыстық мәслихат хатшысы Қылышбай Бисенов сайлау комиссиясының жаңа құрамын баяндады. 
Сессияда қаралған мәселелерді депутаттар бірауыздан қолдап, тиісті шешімдер қабылдады.
<img src="https://kyzylorda-news.kz/wp-content/uploads/2020/10/122961342_2852933808143003_8204724907318983403_o.jpg" alt="" />

Қызылорда облыстық мәслихатының 49-сессиясы өтті

<a href="https://kyzylorda-news.kz/date/2020/10/28/?doing_wp_cron=1603882934.8675000667572021484375">Kyzylorda-news.kz</a>. Мал шаруашылығын тұрақты мемлекеттік қолдаулардың арқасында аймақта асыл тұқымды мал басы саны артып келеді.
Бүгінгі күні облыста 352,6 мың бас мүйізді ірі қара, 761,9 мың қой мен ешкі, 1,9 мың шошқа, 153,8 мың жылқы, 53,2 мың бас түйе, 124 мың бас құс тіркелген.
Облыстағы асыл тұқымды малдардың саны шаруашылықтардағы малдарды өз төлі есебінен көбейту арқылы және агроөнеркәсіптік кешен саласын дамытудың мемлекеттік бағдарламасы аясында асыл тұқымды мал сатып алу арқылы көбеюде.
Асыл тұқымды мал сатып алу бағыты мемлекет тарапынан субсидиялауға жатады. 
Осыған сәйкес шет елден сатып алынған асыл тұқымды 1 бас МІҚ малының аналығына 225 мың теңге, отандық МІҚ малының 1 бас аналығына және бұқасына 150 мың теңге, асыл тұқымды отандық қойдың 1 бас аналығына және қошқарына 15 мың теңге, жылқының асыл тұқымды 1 бас айғырына 100 мың теңге және түйенің асыл тұқымды 1 бас бурасына 100 мың теңгеден субсидиялау жолдары қарастырылған.
Сондай-ақ, мемлекет тарапынан мүйізді ірі қара мен қой малдарының селекциялық және асыл тұқымдық жұмыстары субсидияланады. Атап айтқанда, субсидиялау нормативтері бекітілді: 
– асыл тұқымды МІҚ аналығының 1 басыны 15 мың теңге; 
– асыл тұқымды қойлардың 1 бас аналығын 4 мың теңге; 
– тауарлы МІҚ аналығының 1 басына 10 мың теңге 
– тауарлы қойлардың 1 бас аналығын субсидиялауға 2,5 мың теңгеден субсидиялау нормативтері бекітілген.
Осындай қолдаулардың арқасында қазіргі таңда өңірде асыл тұқымды 8385 бас мүйізді ірі қара, 78642 бас қой, 6882 бас жылқы және 3225 бас түйе тіркеліп, олардың үлес салмағы өткен жылдың осы кезеңімен салыстырғанда мүйізді ірі қара 4,4%-ға, қой мен ешкінің басы 5,5%-ға, жылқы 8,5%-ға, түйе 5,3%-ға, құс 1,4%-ға көбейді. 
Облыста асыл тұқымды мүйізді ірі қара мал басы негізінен 30 шаруашылықтың меншігінде шоғырланған. Олардың 7-сі сүт бағытындағы, қалған 23 шаруашылық ет бағытында өсірумен айналысады. Сүт бағытындағы біздің облысқа «Голштино-фриз», «Қарала», «Әулиекөл», «Алатау», «Симменталь» тұқымдары аудандастырылған.
Аймақта асыл тұқымды қой өсірумен 103 шаруашылық айналысады. Қой тұқымдары бойынша «Еділбай», «Қазақтың қылшық жүнді құйрықты қойы», «Ордабасы», «Гиссар» және «Қаракөл тұқымдары». 
Өңірде жылқы мен түйенің өнімділік бағыттағы тұқымдары өсіріледі. Бұлар «Мұғалжар», «Жабы», «Көшім» тұқымды жылқылар болса, түйеден «Аруана» және «Қазақтың айыр өркеш» тұқымдары көбейді.

Қызылордада асыл тұқымды мал саны артып келеді

<a href="https://kyzylorda-news.kz/">Kyzylorda-news.kz</a>. САРАТС жобасының екінші кезеңін жүзеге асыруды бастау жұмыстары жүргізілуде. Екінші фаза 8 компоненттен тұрады. Ол екі кезең бойынша жүзеге асырылады. Бірінші кезеңге енгізілген 6 компоненттің 4-і республикалық бюджет есебінен қаржыландырады. Қалған жұмыстар Дүниежізілік Банк есебінен жүзеге асады. Ол «Өңірлік дамыту және Арал теңізінің солтүстік бөлігін қалпына келтіру» жобасы деп аталатын болды.
<blockquote>
 “Дүниежүзілік Банктің қарыз қаражатын тарту бойынша рәсімдердің созылуына байланысты, ел Үкіметі бірінші кезеңге енгізілген 4 компонентті республикалық бюджет есебінен бастау жөнінде шешім қабылдады. Яғни, Қармақшы, Қазалы аудандарындағы қорғаныс бөгеттерін нығайту, Жалағаш ауданында Тұрымбет және Қорғанша учаскелерінде Сырдария өзенінің арнасын түзетуді және Қызылорда су торабын кешенді жөндеу облыстың әлеуметтік-экономикалық дамытудың 2019–2022 жылдарға арналған кешенді жоспарына енгізілді. Ал Қазалы ауданында Бірлік елді мекені тұсында көпір салу Өңірлерді дамыту бағдарламасы шеңберінде жүзеге асырылмақ. «Қызылорда су торабын қайта жаңғырту» компоненті бойынша «Қазсушар» РМК қаржысы есебінен жобалық-сметалық құжаттамасы әзірленді”, – деді облыстық табиғи ресурстар мен табиғат пайдалануды реттеу басқармасының басшысы Бауыржан Шәменов.
</blockquote>
<img src="https://kyzylorda-news.kz/wp-content/uploads/2020/10/123090928_1152324995163011_2635167283319014739_o.jpg" alt="" />
Дүниежізілік Банкпен қаржыландырылатын жобаның компонентеріне қосымшы ұсыныстар енгізілетін болады. Бүгінде ҚР Экология, геология және табиғи ресурстар министрлігі осындай ұқсас жобаларды әзірлеуге мамандандырылған халықаралық компанияларды іріктеу бойынша жұмыстарды жүргізуде.

САРАТС: 4 компонент республикалық бюджеттен қаржыландырылады

<a href="https://kyzylorda-news.kz/date/2020/10/28/?doing_wp_cron=1603882934.8675000667572021484375">Kyzylorda-news.kz.</a> Қызылорда облысында кәсіпкерлер мемлекет ұсынған қайтарымсыз грант алу арқылы өңірге қажетті кәсіп түрлерімен айналысуда. Биыл «Бизнестің жол картасы 2025» мемлекеттік бағдарламасы аясында 315 шағын кәсіп иелері грант алу конкурсына қатысқан. Оның 120-сы жас кәсіпкерлер. Аймақтың ерекшелігі мен сұраныс деңгейіне орай 58 бизнес өкілінің жобалары қолдау тауып, 131,5 млн. теңге грант қаражатымен қаржыландыру алған. Оның ішінде, жас кәсіпкердің 27 жобасына 64,5 млн. теңге қаражат бағытталды.
Қайтарымсыз грантқа ие болған кәсіпкерлер облыстық кәсіпкерлік және туризм басқармасы, “Даму” КДҚ” АҚ-ы арасында үш жақты келісім шарттар жасайды. Мамандардың айтуынша, грант қаражатын алған кәсіпкерлер құрылыс материалдарын шығару, қолөнер, жиһаз бұйымдарын шығару, сондай-ақ құс, мал және омарта секілді ауыл шаруашылығы салалары мен өзге де өндірістік жобаларды іске асыруы тиіс. Мәселен, биылғы жылдан бастап автокөліктер үшін арнайы чехолдар шығару, автошампуньдар мен автокосметикалар өндірісі, автокөлік кілттерін цифрлық қосымшалар арқылы көшірмелерін жасау, одан бөлек бір реттік қолданылатын ыдыстар өндірісі, жемістерден чипсы жасау сияқты жаңашыл жобалар іске қосылмақ.
Ерекше айту қажет, биыл халықтың әлеуметтік осал топтағы кәсіпкерлердің 8 жобасы қайтарымсыз грант алған. Яғни әлеуметтік топтағы мұндай азаматтар мүйізді ірі қара малын бордақылау, құрама жемін өндіру, тігін, жиһаз және құрылыс материалдарын шығару цехтарын ашу, жартылай фабиркат өнімдерін шығару, сондай-ақ спорт саласында арнайы орталықтарды ашу кәсіптерімен айналысады.
Бағдарлама талабына сәйкес, мемлекеттің қайтарымсыз грант жеңімпазы болған азамат 1,5 жылда жобаларын толығымен іске қосуға міндеттеме алады. Бұл ретте, жобалардың іске қосылуы, жұмыс орындарының құрылуы, қаражаттың мақсатты жұмсалуына мониторинг жұмыстары жүргізіледі.
Сарапшылардың сөзінше, конкурстық іріктеуге Қазалы, Қармақшы және Сырдария аудандары, Қызылорда қаласының кәсіпкерлері белсене қатысқан.

Қайтарымсыз грант алған кәсіпкерлер ерекше бизнес түрлерімен айналысады

<a href="https://kyzylorda-news.kz/date/2020/10/28/">Kyzylorda-news.kz.</a> Ауылшаруашылығы саласындағы субсидия төңірегіндегі сауалдарға Қызылорда облысы кәсіпкерлер палатасының Агроөнеркәсіптік кешен бөлімінің бастығы Жасұлан Серіков жауап береді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Биыл ауылшаруашылығы саласына мемлекет тарапынан берілетін субсидияларда өзгерістер бар ма? Әсіресе, соңғы кезде өңір кәсіпкерлері мал шаруашылығына қатысты көбірек сұрап жүр.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – &nbsp;Сәлеметсіз бе. Мемлекет тарапынан ауыл шаруашылығы секторын қолдауға арналған субсидиялар жеткілікті. Ережесін шығаратын Ауыл шаруашылығы министрлігі. Соның бірі мал шаруашылығын қолдауға арналған субсидия ережесі. Осы жылдың шілде айында өзгерістер енгізілді. Тамыз айында әр облыс өз деңгейінде қаулылар қабылдап, қыркүйектен бастап қаулыға сай жұмыс жасауда. Ереже талабында айтарлықтай өзгеріс жоқ. Дегенмен, енгізілген өзгерістегі жақсы жаңалық – малды өсіруге кететін шығындардың бірі жем-шөбіне, яғни азыққа кететін қаржыны субсидиялау. Егер де бір кәсіпкерде елу бастан асатын ірі қара мал болса, оның әр басына жем-шөбі үшін жергілікті бюджеттен 30 мың теңге субсидия төленетін болды. Кәсіпкердің кемінде 300 бас қойы болса, әр қойға азығы үшін 5 мың теңге субсидия қаралған. Бұл өте жақсы қолдау. Бірақ проблемасы да бар. Субсидияның бұл түрі жергілікті бюджетте ақша болса ғана беріледі, яғни республикалық бюджеттен аталмыш мақсатқа ақша бөлінбейді. Сондықтан әр облыс өзінің мүмкіндігі аясында ғана шешім қабылдайды. Ең басты мақсатымыз – кәсіпкерлерге бұл ақпаратты жеткізу. Қолдау тетіктерінің бар екендігі жөнінде хабардар болғанын қалаймыз.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Аталмыш субсидияны алу үшін тек мал басына қатысты талапты сақтаса жеткілікті ме, әлде…?
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Сауалыңыз орынды. Бұл талаптан өзге әр малда радио толқынды биркалар – шаруалардың тілімен айтсақ «сырғалар» болуы керек. Бұрын да ол сырғалар болды. Ол биркаларда компьютермен жазылған саны ғана тұратын, бірақ олар сканерленбейді. Қазіргі Ауыл шаруашылығы министрлігі әзірлеген ереже талабына сай әр малда RFID системасы бар биркалар болуы қажет. Сол кезде ғана жем-шөпке арналған субсидияна ала алады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Кәсіпкерлер инвестициялық субсидияға қатысты да соңғы кезде жиі сұрауда… &nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Ауыл шаруашылығы министрлігі тарапынан сала кәсіпкерлеріне арналған қолдаудың бірі – инвестициялық шығынға кеткен қаржының бір бөлігін субсидия ретінде қайтарып беру. Оны агроөнеркәсіптік кешендегі кәсіпкерлер «инвест.субсидия» деп те атайды. Аталмыш субсидияға қатысты 1 тамызда ереже талабына өзгерістер енгізілді. Қазір жаңа ереже қолданыста. Соның ішінде бірнеше өзгерістер бар. Жалпы, инвестициялық субсидия дегеніміз – шаруашылықтың техникаға немесе қондырғыға кеткен шығынының бір бөлігін 25 пайыздан 50 пайызға дейінгі мөлшерде мемлекеттің субсидия арқылы қайтарып беруі. Бұрын мал шаруашылығымен айналысатын шаруалар үшін шаруашылығындағы шопанға арналған вагон, күн паннелі және су ұңғымасына кеткен шығынның 80 пайызына дейін субсидияланатын. Жаңа ережеге сай, күн паннеліне кеткен шығын субсидияланбайтын болды, ал вагон мен су ұңғымасына кеткен шығын 50 пайызға дейін субсидияланатын болды. Алғашында ереженің жобасында 25 пайыз деп көрсетілген болатын. Біз кәсіпкерлердің ең болмаса 50 пайызға дейін субсидиялауды көтеруді сұраған өтініштерін Орталық аппаратқа, министрлікке жолдадық. Нәтижесінде өтінішіміз қабылданды.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Жалпы ауыл шаруашылығы мақсатындағы жобаларды біздің өңірде қандай қаржы институттары қаржыландыруда?
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Ауыл шаруашылығымен айналысқысы келіп, мемлекеттік бағдарлама аясында жеңілдетілген несие алғысы келетін азаматтар «Ауыл шаруашылығын қаржылай қолдау қоры» АҚ-ның облыстық филиалына, «Аграрлы несие корпорациясы» АҚ облыстық филиалына, «Қызылорда» Өңірлік инвестициялық орталығына жүгінулеріне болады. Аталмыш қаржы институттары бүгінде мал және егін шаруашылықтарына қатысты жобаларды қаржыландыруда.
<img src="https://kyzylorda-news.kz/wp-content/uploads/2020/10/zhaswlan.jpg" alt="" />
Қызылорда облысы кәсіпкерлер палатасының Агроөнеркәсіптік кешен бөлімінің бастығы Жасұлан Серіков

Кәсіпкерлер назарына: Жем-шөпке кететін шығын жергілікті бюджеттен субсидияланатын болды

<a href="https://kyzylorda-news.kz/date/2020/10/28/">Kyzylorda-news.kz.</a> Қызылорда облысы күріш егуші өңір ретінде белгілі. Алайда, су тапшылығына байланысты жыл сайынғы проблемалар суды қажет ететін дақылдардың егісін азайту қажеттілігін туындатады.
Сондықтан, ғылыммен бірге ылғал тұтынатын дақылдардың, атап айтқанда, күріштің егіс алқаптарын қысқарту және дәстүрлі күріш өсіруден алшақтай отырып, ауыл шаруашылығы тауарын өндірушілерге тұрақты табыс алуға мүмкіндік беретін ылғалды аз сіңіретін дақылдар – соя, жүгері және басқа да дақылдарға ауыстыру жұмыстары жүргізілуде.
Жаңа заманауи суғару жүйелерін – тамшылатып және жаңбырлатып суғару жүйелерін, аквагельдерді пайдалануға ерекше көңіл бөлінеді. 
Облыстың Жаңақорған ауданында аквагельдерді пайдалану бойынша жақсы жұмыс тәжірибесі бар. Күздік бидай себілген 80 га жерден орта есеппен гектарынан 18 центнерден өнім алынды. Енді бұл тәжірибені облыстың өзге өңірлеріне тарату жоспарлануда.

Қызылорда облысында ауыл шаруашылығы өндірісін әртараптандыру жұмыстары жүргізілуде

<a href="https://kyzylorda-news.kz/date/2020/10/27/">Kyzylorda-news.kz</a>. Жыл сайын облыстан тыс жерлерге 100 тоннаға жуық түйе жүні, 65 мыңға жуық ірі қара терісі және 130 мыңнан астам ұсақ қара мал терісі сатылады, ал, олардың көпшілігі жай ғана өртеледі.
Өңірде оларды өңдейтін кәсіпорындар жоқ, ал, өңделген терінің экспорттық бағасы өңделмеген теріден 4 есе жоғары. Сондықтан, өңірде жеке өңдеу өндірісін дамыту мақсатында монғолиялық компаниялармен жүн мен былғары өңдеу жобасы пысықталуда. Жобаның құны – 2 млрд.теңге.

Қазақстан және Қызылорда облысының жаңалықтары: Экономика

Қазақстан мен Ресей “Бәйтерек” жобасына қатысты келісімге қол қойды

Қайрат Боранбаев: «Атамекен» – мәселені бірге шешу мүмкіндігін ұсынушы алаңға айналды

Қызылордада балық шаруашылығын дамыту жөніндегі өңірлік бағдарлама таныстырылды

Қызылорда облысының күріш өсірушілері күріш өнімділігі бойынша жаңа рекорд орнатты

«Даму» – кәсіпкердің «арқасүйері» (ФОТО)

Қызылорда облыстық мәслихатының 49-сессиясы өтті

Қызылордада асыл тұқымды мал саны артып келеді

САРАТС: 4 компонент республикалық бюджеттен қаржыландырылады

Қайтарымсыз грант алған кәсіпкерлер ерекше бизнес түрлерімен айналысады

Кәсіпкерлер назарына: Жем-шөпке кететін шығын жергілікті бюджеттен субсидияланатын болды

Қызылорда облысында ауыл шаруашылығы өндірісін әртараптандыру жұмыстары жүргізілуде

Қызылорда облысында жүн мен былғары өңдеу өндірісі құрылады

Қазақстан және Қызылорда облысының жаңалықтары: Экономика

Қазақстан мен Ресей &#8220;Бәйтерек&#8221; жобасына қатысты келісімге қол қойды

Қайрат Боранбаев: «Атамекен» &#8211; мәселені бірге шешу мүмкіндігін ұсынушы алаңға айналды

Қызылордада балық шаруашылығын дамыту жөніндегі өңірлік бағдарлама таныстырылды

Қызылорда облысының күріш өсірушілері күріш өнімділігі бойынша жаңа рекорд орнатты

«Даму» &#8211; кәсіпкердің «арқасүйері» (ФОТО)

Қызылорда облыстық мәслихатының 49-сессиясы өтті

Қызылордада асыл тұқымды мал саны артып келеді

САРАТС: 4 компонент республикалық бюджеттен қаржыландырылады

Қайтарымсыз грант алған кәсіпкерлер ерекше бизнес түрлерімен айналысады

Кәсіпкерлер назарына: Жем-шөпке кететін шығын жергілікті бюджеттен субсидияланатын болды

Қызылорда облысында ауыл шаруашылығы өндірісін әртараптандыру жұмыстары жүргізілуде

Қызылорда облысында жүн мен былғары өңдеу өндірісі құрылады

Қазақстан мен Ресей “Бәйтерек” жобасына қатысты келісімге қол қойды

Қайрат Боранбаев: «Атамекен» – мәселені бірге шешу мүмкіндігін ұсынушы алаңға айналды

«Даму» – кәсіпкердің «арқасүйері» (ФОТО)