<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Судың тапшылығына қарамастан, Сыр елінде күріш өндіру көлемі өткен жылмен салыстырғанда 15 мың тоннаға артық жиналды. Гектарына 61,8 центнер өнім алынып, 550 мың тоннадан астам күріш қамбаға құйылды. Бұл туралы Нұр-Сұлтан қаласында облыс әкімі Гүлшара Әбдіқалықованың қатысуымен өтіп жатқан брифингте белгілі болды.
Экономиканы әртараптандыру арқылы өңірде жаңа өнім өндіріліп, экспортқа шығатын тауарлар көбейді. Мәселен, биылдан бастап алғаш рет Ресейге мұздатылған көкөніс пен қызанақ жеткізілді. Ал, Германияға 420 тонна қамыс жіберілген. Жалпы, әлемнің 17 еліне ауыл шаруашылығы өнімдерінің 11 түрі экспортталды.
Облыс әкімі Гүлшара Әбдіқалықованың айтуына қарағанда, аймақта ауыл шаруашылығы өнімдерінің эскпорты біршамаға жоғарылаған. Пандемияның қиындығына қарамастан, сыртқы нарыққа өнім өндіру 12 пайызға көбейген. Оның 98 пайызы қайта өңделген өнім.
Келесі жылы Қазалы ауданында жаңбырлатып суғару тәсілімен егілетін 87 гектар жүгері, Жаңақорған ауданында томат пастасы өндірісін ашуға бағытталған 3 мың гектар қызанақ егу бірінші кезекте іске асырылмақ.

Сыр елінде әртараптандыру арқылы жаңа өнімдер өндірілуде

<a href="https://kyzylorda-news.kz/">Kyzylorda-news.kz.</a> Қызылорда облысы мал шаруашылығы бойынша алда келеді. Мәселен, Сыр өңірінде мал шаруашылығы бойынша 33 жоба жүзеге асырылуда. Бұл туралы Орталық коммуникациялар қызметіндегі брифингте облыс әкімі Гүлшара Әбдіқалықова айтты.
Облыс әкімінің атап өтуінше, мал шаруашылығында өткен жылы өңірде ірі қара мал саны – 4,4%, қой мен ешкі – 5,5%, жылқы – 8,5%, түйе – 5,3%-ға өскен.
<blockquote>
 «Негізгі міндет – жайылымдық шаруашылықта пайдалануға болатын жайылымдардың тиімділігін арттыру. Ол үшін пайдаланылмаған жайылымдардағы 452 су көзін жөндеуді жоспарладық. Бұл үшін шамамен 7 миллион гектар жерді пайдаланамыз. Мұнан бөлек, мал шаруашылығы өнімдерін өндіру мен қайта өңдеу бойынша жалпы сомасы 10 миллиард теңгеден астам 33 жоба жүзеге асырылуда», – деді брифингте Г.Әбдіқалықова.
</blockquote>

Сыр өңірінде мал шаруашылығы саласында 33 жоба жүзеге асырылуда

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова елордада Орталық коммуникациялар қызметінде өтіп жатқан брифингте аймақта балық шаруашылығын дамытудың өңірлік бағдарламасы қабылданғанын айтты.
<blockquote>
 «Балық аулау өнеркәсібінде биыл біз 2030 жылға дейінгі балық шаруашылығын дамытудың өңірлік бағдарламасын жасадық, оны іске асыруға 28 миллиард теңгеден астам қаржы бөлінеді. Бұл тауарлық балық көлемін 34 есеге ұлғайтуға мүмкіндік береді, ал балық өнімдерінің экспорты қазіргі 4,2 мың тоннадан 8,5-ке дейін артады. 55 тауарлы балық аулау фермасы, 10 тоған, 4 торлы ферма салынады», – деді облыс әкімі.
</blockquote>

Г. Әбдіқалықова: «Қызылорда облысында 55 тауарлы балық аулау фермасы салынады»

<a href="https://kyzylorda-news.kz/">Kyzylorda-news.kz.</a> Биыл Сыр елінің дихандары суармалы суға байланысты көп қиындық көргені белгілі. Енді, осы өзекті мәселені шешу мақсатында өңірде 6 су қоймасы салынбақ.
Бұл туралы Қызылорда облысының әкімі Гүлшара Әбдіқалықова елордадағы ҚР Президенті жанындағы Орталық коммуникациялар қызметінде өтіп жатқан брифингте кеңінен әңгімелеп берді.
<blockquote>
 «Биыл күріш өсірушілеріміз гектарына 61,8 центнер өнімнен 550 мың тоннадан астам күріш жинап, тағы да жоғары нәтижеге қол жеткізді. Суармалы суға байланысты суды аз талап ететін дақылдардың егістіктерін кеңейту туралы шешім қабылдадық. Суармалы суға байланысты өзекті мәселелерді азайту үшін көлемі 2,3 миллиард текше метрді құрайтын 6 су қоймасын салуды жоспарлап отырмыз. Сонымен бірге, Қызылорда су торабын, Әйтек су торабын қайта жаңғырту, Жиделі су қоймасын жөндеу, Жалағаш ауданындағы ирригациялық дренаж жүйесін жетілдіру (15 мың га) бойынша ірі инфрақұрылымдық жобаларды іске асыру жұмыстары басталды. Сондай-ақ, Мемлекет басшысының тапсырмаларын орындау мақсатында 143 мың гектар аумақтағы алқаптың ирригациялық және дренаждық жүйесін, 29 мың гектар суармалы жерлерді қалпына келтіру және айналымға енгізу жобалары іске асырылатын болады. Біз қазіргі заманауи суару жүйелеріне ерекше мән береміз. Мысалы, пилоттық режимде Жаңақорған ауданында күздік бидай себілген 80 гектар жерге аквагель қолданылды. Бұл гектарынан орта есеппен 18 центнерден өнім жинауға мүмкіндік берді», – деп атап өтті облыс әкімі Гүлшара Наушақызы.
</blockquote>

Қызылорда облысында 6 су қоймасы салынады

<a href="https://kyzylorda-news.kz/">Kyzylorda-news.kz.</a> Қызылорда облысында биыл әлемнің 17 еліне ауыл шаруашылығы өнімдерінің 11 түрі экспортталған. Бұл туралы Орталық коммуникациялар қызметіндегі брифингте облыс әкімі Гүлшара Әбдіқалықова айтты.
<blockquote>
 «Қызылорда облысында өндірістің өсуі ауыл шаруашылығы саласында да байқалады. Соңғы 5 жылда жалпы өңірлік өнімдегі агросектордың үлесі 4%-ға дейін өсті.Бұл инвестициялардың өсім қарқыны мен жаңа технологиялардың енгізілуіне байланысты. Мысалы, 2019 жылы агроөнеркәсіптік кешеннің негізгі капиталына 6,7 млрд.теңге инвестицияланса, тек 9 айда көрсеткіш 8 млрд теңгеден асты. Бұл ретте, ауыл шаруашылығы өнімдерінің экспорты шамамен 12%-ға өсті, оның ішінде 98%-қайта өңделген өнім. Алғаш рет Ресейге мұздатылған көкөніспен жаңа піскен қызанақ жеткізуді бастадық, Германияға алғашқы 420 тонна қамыс жіберілді. Жалпы, биыл әлемнің 17 еліне ауыл шаруашылығы өнімдерінің 11 түрі экспортталды», – деді Г.Әбдіқалықова.
</blockquote>

Сыр елінің ауыл шаруашылық өнімдері әлемнің 17 еліне экспортталуда

<a href="https://kyzylorda-news.kz/">Kyzylorda-news.kz.</a> Қызылорда облысында жұмыс істеп тұрған кен орындары сарқылып келеді. Осыған орай аймақта жаңа кен орындарын зерттеу жүргізіліп жатыр. Бұл туралы Орталық коммуникациялар қызметіндегі брифингте облыс әкімі Гүлшара Әбдіқалықова мәлімдеді.
<blockquote>
 «Жұмыс істеп тұрған кен орындарының сарқылуына байланысты мұнай өндіру көлемінің азаю үрдісі сақталып отыр (82,9%), бұл өнеркәсіптегі өнім өндірісінің көрсеткішіне (88,2%) әсер етуде. 9 айда 750 мың тоннадан астам өнім өндіруден айрылдық, жер қойнауын пайдаланушылар болжамына сәйкес, жыл қорытындысы бойынша 1 млн.тоннадан астам мұнайды өндіре алмаймыз, осы себепті, Шу-Сарысу шөгінді бассейнінің жер қойнауын зерттеу бойынша жұмыстар басталды», – деп атап өтті облыс әкімі.
</blockquote>

Қызылорда облысында жаңа кен орындарын зерттеу жүргізіліп жатыр

<a href="https://kyzylorda-news.kz/">Kyzylorda-news.kz.</a> Қызылорда облысында 2020 жылдың 9 айында өнім өндіру 3,5%-ға артып, пайдалануға берілген тұрғын үй саны да көбейген. Бұл туралы Қызылорда облысының әкімі Гүлшара Әбдіқалықова елордадағы ҚР Президенті жанындағы Орталық коммуникациялар қызметінде өтіп жатқан брифингте мәлімдеді.
<blockquote>
 «Өңдеу өнеркәсібінде өнім өндіру осы жылдың 9 айының қорытындысымен 3,5%-ға, ауыл шаруашылығында 3,1%-ға артты. Жұмыс істеп тұрған шағын және орта бизнес субъектілерінің саны 5,4%-ға (45-тен 47,4 мыңға дейін) өсті», – деп атап өтті облыс әкімі.
</blockquote>
Сондай-ақ, облыс әкімі биыл Сыр өңірінде 485 мың шаршы метрден астам тұрғын үй пайдалануға берілгенін атап өтті. Бұл – өткен жылдың сәйкес кезеңімен салыстырғанда 0,4%-ға артық.
Сонымен қатар, өңірде өткен жылға қарағанда инвестиция көлемі 69,5%-ды құраған.
<blockquote>
 «Төмендеудің объективті себептері бар. Өткен жылы бірнеше ірі инвестициялық жобаларды іске асыру аяқталды, олардың үлесіне жылдық инвестициялар көлемінің шамамен 30%-ы тиесілі болды. Биыл енгізілген шектеулерге байланысты жалпы экономикаға инвестициялар көлемі қысқарды, бұл құрылыс жұмыстарының көлеміне де әсер етті (50,8%)», – деді бұл тұрғыда Г.Әбдіқалықова.
</blockquote>

Қызылорда облысында өнім өндіру 3,5%-ға артқан

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;ХХІ ғасырдың ортасына қарай Қазақстан жастарының үштен екісі қалаларда тұрады және ұлдар саны қыздарға қарағанда сәл жоғары болады. Сарапшылардың мұндай болжамын «Еңбек ресурстарын дамыту орталығы» АҚ келтіріп отыр.
Еңбек ресурстарын дамыту орталығының демографиялық болжамына сәйкес, 2030 жылға қарай Қазақстанда халық саны 11,8% өседі (2019 жылмен салыстырғанда) және шамамен 20 млн 692 мың адамды құрайды.
«Бұл ретте, шамамен 12,7 млн адам (61,2%) қалалық жердің тұрғындары болады. Ал ауыл тұрғындарының саны 8 млн-нан асады (38,8%).
Сондай-ақ, демографиялық көрсеткіштер серпінінің ағымдағы деңгейін сақтай отырып, 2050 жылға қарай халықтың болжамды саны шамамен 25,4 млн адамды құрайды. Бұл, 2030 жылғы деңгейден 22,7% және 2019 жылғы көрсеткіштен 34,3% артық. Оның ішінде 16,7 млн адам (65,7%) қалаларда, ал 8,7 млн адам (34,3%) ауылдық жерлерде тұратын болады», – делінген Еңбек ресурстарын дамыту орталығының ақпаратында.
<blockquote>
 «2030 жылға қарай халықтың 27,4%, ал 2050 жылға қарай 36% астамы республикалық маңызы бар Нұр-Сұлтан, Алматы және Шымкент қалаларында тұратын болады. Біздің болжамымыз бойынша, өңірлерге келетін болсақ, 10 жылдан кейін Алматы және Түркістан облыстарында 2 млн адамнан тұрады. Ал Қарағанды, Шығыс Қазақстан және Жамбыл облыстарында 1 млн-нан астам тұрғын болады. 2050 жылға қарай Ақтөбе, Атырау, Маңғыстау және Қызылорда облыстары да миллион тұрғыны бар өңірлерге айналады», – деп бөлісті ЕРДО Болжамдау департаментінің директоры Дмитрий Шумеков.
</blockquote>
Сондай-ақ, халықтың орташа жасы да артатыны атап өтілген. 2019 жылы орташа жас 31,4 жасты құраса (ерлер үшін 29,7 жас, әйелдер үшін 32,9 жас), 2030 жылға қарай бұл көрсеткіш 32,7 жасты (ерлер үшін 30,9 жасты және әйелдер үшін 34,4 жасты) құрайтын болады, ал 2050 жылға қарай орташа жас 32,4 жасқа (ерлер үшін – 30,8 жас және әйелдер үшін – 34,1 жас) теңеледі.
<blockquote>
 «Өлім-жітімді, тууды және көші-қонды өткен жылдар деңгейінде сақтай отырып, 2030 жылға қарай 14-29 жас аралығындағы жастар саны өткен жылмен салыстырғанда 26% өседі және 4,4 млн адамды құрайды деп болжап отырмыз. Ал 2050 жылға қарай бұл көрсеткіш шамамен 5,1 млн-ды құрайды», – деп атап өтті сарапшы.
</blockquote>
Болжамдарға сәйкес, Түркістан облысы 2030 жылы жас тұрғындар бойынша көшбасшы болады: аталған уақытқа қарай осы өңірдегі жастардың саны 516 мың адамды құрайды да, үлесі 24,3% дейін өседі. Алматы облысы ұлдар мен қыздардың 488 мыңкөрсеткішімен – екінші орынды, ал Алматы қаласы жастардың 479 мың көрсеткішімен үшінші орында болады.
Сонымен бірге, сарапшылар 21 ғасырдың ортасына қарай Қазақстан жастарының үштен екісі қалаларда тұрады және ұлдар саны қыздар санынан сәл асады деп санайды.
<a href="https://lenta.inform.kz/kz/kazakstanda-er-balalar-sany-artady-demografiyalyk-bolzham_a3720226">ҚазАқпарат</a>

2050 жылға қарай Қызылорданың халқы миллионға жетеді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қазалы ауданына қарасты Бекарыстан би ауылында «Ауыл – Ел бесігі» бағдарламасы аясында 17 жоба жүзеге асырылуда.
Оның ішінде ауылға сервистік ауыз су желісін тарту мен Кеңес Одағының батыры Үрмәш Түктбаев атындағы №24 мектеп ғимаратына күрделі жөндеу жұмыстары қарастырылған.
Сондай-ақ, 10 көше асфальттанып, 9 көше жарықтандырылды. 
Бұдан бөлек, «Жол картасы» мемлекеттік бағдарламасы арқылы ауылдағы 3 көшеге тротуар салынды.

«Ауыл – Ел бесігі»: Қазалыда 17 жоба жүзеге асырылуда

Kyzylorda-news.kz. Қызылорда облысының әкімі Гүлшара Әбдіқалықова Ұлттық валюта – Теңге күнімен және Қазақстан Республикасы қаржы органдары қызметкерлерінің кәсіби мерекесімен құттықтады.
ҚҰРМЕТТІ ҚАРЖЫГЕРЛЕР!
Сіздерді Ұлттық валютамыз – Теңге күнімен және Қазақстан Республикасы қаржы органдары қызметкерлерінің кәсіби мерекесімен шын жүректен құттықтаймын! 
1993 жылы Елбасымыз Нұрсұлтан Әбішұлы Назарбаевтың Жарлығымен Ұлттық валюта – Теңге айналымға енді. Бұл күн Қазақстан тарихындағы атаулы күндердің біріне, ал, Теңге – біздің ел Тәуелсіздігі мен мемлекеттілігінің басты белгісіне айналды. 
Ел экономикасын дамыту туралы сөз қозғағанда оның күретамыры – жүз жылға жуық тарихы бар қаржы жүйесін айналып өту әсте мүмкін емес. Себебі, қаржыгерлердің қатысуынсыз бірде-бір саланың толыққанды қызметін көзге елестете алмаймыз. 
Осы жылдар ішінде Сыр өңіріндегі қаржыгерлік мектебі де қалыптасып, өсіп-өркендеді. Камал Шөкенов, Бименді Баймаханов, Құттықожа Ыдырысов есімдері бүгінгі күні өңірдің қаржы тарихына алтын әріппен жазылып қалса, Қалқазбек Әжібеков, Сейітсұлтан Әйімбетов, Дайрабай Ысқақов, Мырзахмет Ауанов, Болатбек Жасақбаев, Майдан Мәселеева, Райхан Искаковалар қоғамдық деңгейде белсенді үлес қосуда. 
Қымбатты қаржыгерлер, Сіздерді кәсіби мерекелеріңіз – Қаржыгер және Ұлттық валютамыз – Теңге күнімен тағы да құттықтай отырып, ел мүддесі жолындағы еңбектеріңізге табыс тілеймін! 
Тәуелсіз Қазақстанымыздың және Сыр өңірі экономикасының қаржылай ахуалын нығайту жолындағы істеріңіз берекелі болсын! 
Сіздерге мықты денсаулық, отбастарыңызға амандық тілеймін! 
Сыр өңірінің қаржы қазаны ортаймасын, еліміздің ырыс-құты арта берсін, несібеміз мол болсын!

Гүлшара Әбдіқалықова Ұлттық валюта күнімен құттықтады

Kyzylorda-news.kz. Сыр өңіріне жұмыс сапарымен ҚР Индустрия және инфрақұрылымдық даму министрі Бейбіт Атамқұлов келді.
Алдымен министр мен облыс әкімі Гүлшара Әбдіқалықова Шиелі ауданындағы «Гежуба Шиелі Цемент Компаниясы» ЖШС цемент зауытына барды.
Цемент өнімдерін өндіретін зауыт 2018 жылдың желтоқсанында пайдалануға берілген, қуаттылығы жылына 1 млн. тонна. Кәсіпорын 250 адамды жұмыспен қамтып отыр. Жалпы ауданы 520 мың.кв.метрді құрайды. Зауыт өткен жылы 6,1 млрд. теңгеге 380 мың тонна өнім шығарып, оның 40,6 мың тоннасы Өзбекстанға экспортталды. Ал, биылғы жылдың 10 айында 350 мың тонна өнім өндіріп, 41 мың тоннасын аталған көрші елге экспорттаған.
Сонымен қатар Индустрия және инфрақұрылымдық даму министрі Б. Атамқұлов пен облыс әкімі Г.Әбдіқалықоваға «Балауса фирмасы» ЖШС-нің «Бала-Сауысқандық» кен орнындағы қара тақтатастарды автоклавты қайта өңдеу» жобасын іске асыру барысы таныстырылды.
Жеке кәсіпорын 2016 жылдан бастап аммоний метаванадатын өндіріп, Ресей, Ұлыбіритания секілді шет елдерге экспорттайды. Қуаттылығы жылына 1 млн. тонна кен өндіру және өндеу. 161 адамды жұмыспен қамтып отыр. Электр қуатын арттыру үшін қуаты сағатына 3 МВт электр беретін желі салынуда.
Мұнан соң, министрдің жұмыс сапары Жаңақорған ауданындағы «Шалқия Цинк LTD» АҚ кен орнында жалғасты. 
Кәсіпорын қорғасын – мырыш кенін өндірумен айналысады. 2025 жылға дейін 4 млн.тонна өнім өндіреді деп жоспарлануда. Кәсіпорынның жалпы ауданы-22,5 шаршы км. құрайды. 617 тұрғын жұмыспен қамтылған.
«ШалкияЦинкЛТД» АҚ директорлар кеңесінің шешімімен 2020 жылғы 13 мамырда жобаны жоспарлау-жобалау-құрылыс арқылы кезең-кезеңімен іске асыруды көздейтін жобаны іске асырудың жаңа стратегиясы бекітілді. 
Сонымен қатар, Б. Атамқұлов пен Г.Әбдіқалықова Қызылорда қаласында орналасқан «OrdaGlass LTD» ЖШС шыны зауытының іске қосылатын 4 кешенінің құрылыс барысымен танысты.
Зауыттың құрылысы 2015 жылы басталған. Өндіріс тәулігіне 600 тонна немесе жылына 197,1 мың тонна табақ шыны өнімін шығарады деп жоспарлануда. Жалпы ауданы 500 мың.кв. метрді құрайды. Қазіргі уақытта шыны зауытының құрылыс жұмыстары 69,7% орындалды.
Монтажтехнологиялық жабдық – 33,8%. Негізгі жұмыс балқыту ваннасы мен күйдіру пешін орнатумен байланысты. 
Сондай-ақ, индустрия және инфрақұрылымдық даму министрі стент арқылы «Арал Сода» ЖШС-нің қуаттылығы жылына 300 мың тонна құрайтын кальцийлендірілген сода зауыт құрылысының» жобасын іске асыру барысымен танысты.
Жұмыс сапары соңында министр мен аймақ басшысы облыс орталығының сол жағалауында орналасқан жаңа көпірге және «Рухани жаңғыру» орталығына барды. Орталықта жаңа қаланы игеру жобасы, «Нұрлы жер», бағдарламаларының орындалуы, «Жұмыспен қамту жол картасы», «Ауыл ел бесігі», «Өңірлерді дамыту», «Нұрлы жол» мемлекеттік бағдарламалары аясында жол көлік инфрақұрылымын дамыту бойынша атқарылып жатқан және орталықтандырылған жылу жүйелерінің жұмыстарымен танысты.
Сырдария өзенінің сол жағалауындағы аумақта жаңа қала бұл – 1532 га аумақ. Оның ішінде 537 га тұрғын үй құрлысына арналған. Жалпы 3 млн.шаршы метрден астам тұрғын үй болады деп жоспарлануда. Оның ішінде 1 млн.шаршы метр тұрғын үй 2025 жылға дейін пайдалануға беріледі. Нәтижесінде 50 мыңға жуық адам жаңа пәтерлермен қамтамасыз етіледі. Жоба толық іске асырлыған жағдайда 155 мыңнан астам қала тұрғыны үй-жаймен қамтамасыз етіледі. Сонымен қатар, жоба бойынша 16 жаңа мектеп, 12 балабақша, 4 денсаулық сақтау мекемесі, сондай-ақ спорттық және әлеуметтік-мәдени ғимараттар салу жоспарланды.
«Нұрлы жер» мемлекеттік бағдарламасы аясында тұрғын үй құрылысы мен инженерлік-коммуникациялық инфрақұрылым желілерін дамытуға мемлекеттік бюджеттен қаржы бөлінген. 
Сатып алу құқығынсыз жалға берілетін тұрғын үйлердің құрлысына бөлінген қаржыға 815 пәтерді құрайтын 20 тұрғын үйдің құрлысы жүргізілуде. Оның ішінде, Қызылорда қаласында 725 пәтерді құрайтын 15 тұрғын үй, Шиелі ауданында 90 пәтерді құрайтын 5 үй. Кредиттік тұрғын үйлер бойынша барлығы 755 пәтерді құрайтын 68, жеке коммерциялық құрылыс салушылар есебінен барлығы 376 пәтерді құрайтын 10 тұрғын үйдің құрылысы жүргізілуде. 
Б. Атамқұлов көтерілген мәселелер бойынша индустрия және инфрақұрылымдық даму министрлігі тарапынан қолдау көрсетілетінін айтты.
<img src="https://kyzylorda-news.kz/wp-content/uploads/2020/11/fb_img_1605384600382.jpg" alt="" />
<img src="https://kyzylorda-news.kz/wp-content/uploads/2020/11/fb_img_1605384592669.jpg" alt="" />
<img src="https://kyzylorda-news.kz/wp-content/uploads/2020/11/fb_img_1605384575832-1.jpg" alt="" />

Қызылордаға ҚР Индустрия және инфрақұрылымдық даму министрі Бейбіт Атамқұлов келді

Kyzylorda-news.kz. Облыс әкімі Гүлшара Әбдіқалықова «Бизнеске арналған Үкімет» кеңсесінің жұмысымен танысты. 
Өңір кәсіпкерлеріне «бір терезе» қағидатымен қызметтер көрсету мақсатында кәсіпкерлік саласындағы бірқатар мекемелер орталықтандырылып, «Бизнеске арналған Үкімет» кеңсесіне шоғырландырылған. Бұл жөнінде облыстық кәсіпкерлік және туризм басқармасының басшысы Фердоуси Қожабергенов аймақ басшысын жалпы Кеңсе жұмысымен таныстыру барысында мәлімдеді.
«Бизнеске арналған Үкімет» кеңсесінің жұмысымен таныстыру алдымен «Атамекен» өңірлік кәсіпкерлер палатасының жанынан ашылған Кәсіпкерлерге қызмет көрсету орталығынан басталды. Орталықтың негізгі қызмет бойынша Палата директоры Ғалымбек Жақсылықов таныстырды.
Одан кейін аймақ басшысына «Бизнеске арналған Үкімет» платформасының жұмысы баяндалды. 
Айта кету қажет, «Бизнеске арналған Үкімет» платформасы – бизнеске барынша қолайлы жағдай жасау бағытында Мемлекет басшысының ағымдағы жылдың 
24 қаңтарындағы Үкіметтің кеңейтілген отырысында берген тапсырмасы аясында іске асырылды.
Мекеме директоры Батыржан Аймағамбетов бүгінге дейін Платформа аясында өңір кәсіпкерлері мен инвесторларға 31 мыңға жуық қызметтер көрсетілгендігін атап өтті. 
Одан әрі облыс әкімі «Бизнеске арналған Үкімет» ғимаратында орналасқан облыстық кәсіпкерлік және туризм басқармасы, «Қызылорда» Өңірлік инвестициялық орталығы», сондай-ақ «Халық банкі» және «ВТБ банкі» Қызылорда филиалы және «Азаматтарға арналған Үкімет» мекемесінің жұмыстарымен танысты.
Таныстырылым соңында, аймақ басшысы Гүлшара Әбдіқалықова сала басшыларына қиын кезеңде кәсіпкерлерге барынша қолдау көрсетілу керек екенін атап өтіп, «Бизнеске арналған Үкімет» кеңсесінің жұмысын тиімді ұйымдастыруды тапсырды.
<img src="https://kyzylorda-news.kz/wp-content/uploads/2020/11/fb_img_1605327698105.jpg" alt="" />
<img src="https://kyzylorda-news.kz/wp-content/uploads/2020/11/fb_img_1605327687977.jpg" alt="" />
<img src="https://kyzylorda-news.kz/wp-content/uploads/2020/11/fb_img_1605327675975.jpg" alt="" />

Қазақстан және Қызылорда облысының жаңалықтары: Экономика