<a href="https://kyzylorda-news.kz/">Kyzylorda-news.kz</a>.&nbsp;Бүгін облыс әкімі Гүлшара Әбдіқалықованың төрағалығымен су тапшылығы жағдайында егін шаруашылығын әртараптандыру жөнінде мәжіліс өтті. Жиынға мемлекеттің орган, ғылыми-зерттеу институттарының өкілдері, шаруашылық басшылары мен онлайн режимде «Ұлттық аграрлық ғылыми-білім беру орталығы» АҚ басқарма төрағасының м.а. Айбын Төреханов, қала және аудан әкімдері қатысты.
<blockquote>
 «Қызылорда облысының басты ерекшелігі – бұл инженерлік жүйеге келтірілген егіс алқаптары, алтын қоры деп айтсақ та болады. Бүгінгі күні облысымызда 236 мың га суармалы жер болса, оның 178 мың га инженерлік жүйеге келтірілген. Жылда 180 мың гектардың үстінде ауыл шаруашылығы дақылдары егіледі. Мемлекеттік қолдаулардың арқасында облыстың ауыл шаруашылығы өндірісінің дамуында оң нәтижелер қалыптасты. Ағымдағы жылдың 10 айында ауыл шаруашылығы өнімдерінің өндірісі 128,5 млрд. теңгеге жетті. Есепті кезеңде ауыл шаруашылығы саласына тартылған инвестиция 10,6 млрд. теңгені құрап, өткен жылдың осы кезеңімен салыстырғанда көрсеткіш 1,9 есеге, тамақ өнімдеріне салынған инвестиция көлемі 1,2 млрд. тг құрап 1,6 есеге өсті. Дегенмен, соңғы жылдары ауа райының өзгерістері мен су тапшылығы облыста егін шаруашылығын әртараптандыруды қажет етіп отыр. Егіс көлемін әртараптандыру бағытында соңғы бес жылда мал азықтық дақылдар көлемі 4 мың гектарға, ал, күріштен басқа дәнді дақылдар көлемі 7,5 мың гектарға көбейгенімен, әртараптандыру жұмыстары әлі де баяу жүруде. Су тапшылығы жағдайында біз негізгі дақыл күріш егістігінің көлемін белгілі бір деңгейге дейін тұрақтандыруын, оның өнімділігін арттыруды және суды үнемдеуге мүмкіндік беретін басқа дақылдар көлемін ұлғайтуды қарастыруымыз қажет», – деді облыс әкімі Гүлшара Әбдіқалықова.
</blockquote>
Бүгінгі күні жаңбырлатып, тамшылатып суару және аквагельді пайдалана отырып ауыл шаруашылығы өнімдерін өндіруге ерекше назар аударылуда. Осы бағытта Жаңақорған ауданда «Orbis Agro» компаниясы 3 мың га жерге тамшылатып суару арқылы қызанақ, Шиелі ауданында «Тың Өріс» компаниясы 10 мың га жерге жаңбырлатып суару әдісімен жоңышқа, Қазалы ауданында «РЗА-Агро» серіктестігі 87 гектарға жаңбырлатып суарумен жүгері егу жобалары қолға алынған.
Сонымен қатар, биылғы жылдан бастап тәлімді жерлер игерілуде. Келесі жылы аталған жұмыстарды атқаруға Жаңақорған ауданында аквагельді қолдану арқылы 500 га мақсары дақылы мен 200 га жаздық бидай егіледі деп жоспарлануда.
Мәжілісте сала ғалымдары әртараптандыру кезінде суармалы суды үнемдеудің жаңа технологияларын енгізу, суармалы жерлерінің деградациясы және оларды төмендету жолдары, күріш ауыспалы егісін әртараптандыру және күріш алқаптары мен егістігінің жағдайына ғарыштық мониторинг жүргізу мәселелерін сөз етті.
2021 жылы егілетін дақылдардың егіс көлемінің сызбасы Қызылорда қаласы мен аудан әкімдіктерімен және тиісті мекемелерімен келісіліп, бөлінетін су көлемі лимиті шегінде жасалынды. Сызбаға сәйкес, ауыл шаруашылығы дақылдарын 187,3 мың гектарға орналастыру межеленсе, оның ішінде негізгі дақыл күріштің көлемі 85,7 мың гектарды құрап отыр.
Жиын соңында аймақ басшысы су тапшылығы жағдайында әртараптандыруды жүзеге асыру үшін егіншілік мәдениетіне ғылымның озық жетістіктерін енгізуді және егіншілік саласын пайдалы кәсіпке айналдыру қажет екенін атап өтті.
<img src="https://kyzylorda-news.kz/wp-content/uploads/2020/12/131053054_2962490900520626_930879195827898589_o.jpg" alt="" />

Қызылордада су тапшылығы жағдайында егін шаруашылығын әртараптандыру жөнінде мәжіліс өтті

<a href="https://kyzylorda-news.kz/">Kyzylorda-news.kz</a>. ҚР Ұлттық экономика министрі Руслан Дәленов өңірлердің инвестиция тарту көрсеткіштері туралы айтып берді, деп хабарлайды <a href="https://lenta.inform.kz/kz/kazakstannyn-kay-onirleri-kobirek-investiciya-tartty_a3728460">ҚазАқпарат</a>.
<blockquote>
 «Негізгі капиталға 10,6 трлн теңге сомасында инвестиция тартылды. 13 өңірде инвестициялардың өскені байқалды. Оның ішінде ең жоғары көрсеткіштер Түркістан (66,7%) облысында және Шымкент қаласында (56,4%) байқалып отыр. 4 өңірде төмендеу тіркелді. Олар – Батыс Қазақстан (-28,2%), Қызылорда (-26,7%), Атырау (-23,1%) және Қарағанды (-15,5%) облыстары», – деді Руслан Дәленов Үкімет отырысында.
</blockquote>
Министрдің айтуынша, кен өндіру өнеркәсібін есепке алмағанда, инвестициялар көлемі артып жатыр. Олардың өсуі 17,3%-ті құрады.
<blockquote>
 «10 айда сыртқы сауда айналымы 70,5 млрд долларды құрады. Экспорт 39,2 млрд доллар, импорт – 31,3 млрд доллар болды. Осылайша, 7,9 млрд доллар деңгейінде сауда теңгерімінің оң сальдосы сақталды», – деді ҰЭМ басшысы.
</blockquote>

Қызылордада инвестиция тарту жағы төмен екені белгілі болды

<a href="https://kyzylorda-news.kz/">Kyzylorda-news.kz.</a>&nbsp;Бүгінгі күнге дейін Сыр бағбандары жеміс ағаштарының көшеттерін көршілес Түркістан облысына қарасты Сарыағаш және Қазықұрт аудандарындағы тұқым шаруашылықтарының питомниктерінен сатып алып келген еді.
Дегенмен, ол жақтың ауа райы жергілікті жердікімен сәйкес келмеуінен және топырағының ерекшеліктеріне байланысты еккен көшеттердің 40-50 пайызы жергілікті жерге жерсіне алмай, қурап қалуда.
Осыған байланысты облыстық ауыл шаруашылығы басқармасы мамандарының бастамасымен өткен жылдың тамыз айында Жаңақорған ауданына қарасты “7 KZ Сыр табиғаты” ЖШС-гі базасында элиталық көшет өндіріп-өсірумен айналысатын аттестатталған тұқым шаруашылығы ашылған болатын.
Бұл – облыс бойынша жеміс ағаштарының элиталық көшеттерін өндіріп – өсірумен айналысатын бірден-бір тұқым шаруашылығы. Мұнда өсіріліп, жергілікті жердің ауа райы мен топырағына жерсіндірілген көшеттер алдағы жылдары облыс аумағына тиімді бағамен сатылатын болады.
Қазіргі таңда “7 KZ “Сыр табиғаты” ЖШС-гінің питомнигінде алма, өрік, шабдалы, алмұрт ағаштарының және жүзімнің 150 мыңға жуық элиталық көшеті өсірілуде. Бағалары да қолжетімді болмақ. 
Бұдан басқа аталған шаруашылықта грек жаңғағы мен миндаль (бадам) ағаштарының және арша ағаштарының бірнеше сорттарының көшеттері өсірілуде.
Жеміс ағашын өндірістік негізде өсірем дейтін шаруашылықтарға және кәсіпкерлерге “Тұқым шаруашылығын қолдау” бағдарламасы бойынша элиталық көшеттерге 50 пайыз субсидия төленбек (2020 жылы 002 “Тұқым шаруашылығын дамытуды субсидиялау” бағдарламасы аясында бір шаруашылық 3500 дана элиталық көшетке 1204,0 мың теңге субсидия алды).
Облыс бағбандарын жерсіндірілген элиталық жеміс ағаштарының көшеттерімен толық қамтамасыз ету үшін 2021 жылы Жаңақорған ауданынан тағы да бір элиталық көшет өсірумен айналысатын тұқым шаруашылығын ашу жоспарлануда. Осы мақсатта тұқым баққа жер бөлу үшін тиісті сала мамандарымен жұмыстар жүргізілуде.

&#8220;7 KZ Сыр табиғаты&#8221;: Жүзімнің 150 мыңға жуық элиталық көшеті өсірілуде

<a href="https://kyzylorda-news.kz/">Kyzylorda-news.kz</a> «Абзал и К» серіктестігіне «Nur Otan» партиясының жанындағы «Аграрлық сектор» бағытындағы аймақтық комиссия мүшелері жұмыс бабымен барды. Онда еңбек ұжымымен кездесіп, ауыл шаруашылығы бағыттағы жұмыстарды жетілдірудің жәй-жапсарын талқылады.
Өңірімізде мемлекеттік қолдаудың арқасында ауыл шаруашылығы өндірісінің дамуында оң нәтижелер жетерлік. Сыр диқандары су тапшылығының туындауына қарамастан, биыл күріштің әр гектарынан орташа 61,8 центнерден өнім алып, 551 мың тоннадан астам ел қамбасына астық құйып, кезекті рекордтық көрсеткішті жаңартып отыр. Аграрлық салада өндірілген өнім көлемі 94,4 млрд. теңгеге жетіп, өткен жылдың осы кезеңімен салыстырғанда 3,2 пайызға артқан.
Бұл тұста «Абзал және К» серіктестіктің ауылшаруашылық саласында, оның ішінде еліміздің күріш индустриясы саласында көрсеткіші жоғары. Компания республика бойынша күріш өндірісі үздіктерінің үштігіне кіреді. Сонымен қоса компания күрішті өндіру және өңдеу қызметімен айналысуда және ауыл шаруашылық саласына инвестиция құюда.
Бүгінде аталмыш серіктестік «Янтарь», «Лидер», «Анаит», «Фаворит» ақ күріштерін, «Камолино» күріш жармасын түр-түрімен, күріш ұсағы, күріш жемі, туралған және туралмаған күріш қауызын өндіреді. «Абзал және К» қарқынды жұмысының арқасында Елбасының қолынан республикалық «Алтын сапа» сыйлығының «Азық-түлік ауылшаруашылық өнімін шығаратын үздік кәсіпорын» номинациясын иеленген болатын.
Айта кетейік, кездесу барысында еліміздегі Жер Кодексіне енгізілетін өзгертулер мен толықтыруларға байланысты шаруа қожалықтарының ұсыныс пікірлерін тыңдалып, ауылшаруашылық бағыты бойынша айналысу жолдары, бос жұмыс орындарының мамандарын қайта оқыту, жер-су мәселесі бойынша сұрақтар көтерілді. Кездесуде тиісінше әрбір сұраққа тұшымды жауаптар қайтарылды.

Ауыл шарушылығы &#8211; тұрақты экономиканың көзі

<a href="https://kyzylorda-news.kz/">Kyzylorda-news.kz</a>. Қызылорда облысында экономика саласын дамыту мақсатында 265-тен астам жоба жүзеге асырылуда. Оның ішінде, тамақ өнеркәсібі бойынша 23 жоба енгізілді. Сондай-ақ, «Бизнестің жол картасы 2025» мемлекеттік бағдарламасы аясында жалпы құны 125,8 млн. теңгені құрайтын 4 жобаға субсидия берілді.
Ал, «Қызылорда» өңірлік инвестициялық орталығы арқылы тамақ өнеркәсібі саласында 97,7 млн. теңгені құрайтын 17 жоба шағын несиеге қол жеткізді.
Сонымен қатар, өңірдің тауар өндіруші кәсіпкерлерінің өнімдеріне жаңа сұраныс көздерін ашу және маркетингтік қолдау көрсету мақсатында облыстың ірі көтерме сауда орталықтарымен келіссөздер жүргізілді.

Қызылордада 4 жобаға субсидия берілді

<a href="https://kyzylorda-news.kz/">Kyzylorda-news.kz</a>. Энергетика министрі Нұрлан Ноғаев пен аймақ басшысы Гүлшара Әбдіқалықова облыс орталығында орналасқан «Қазгермұнай» БК» ЖШС қызметімен оның ішінде, «Зияткерлік кен орны» жобасының жұмысымен танысты.
1993 жылы қызметін бастаған аталған мекеменің бағыты мұнай және газ өндіру. «Қазгермұнай» БК» ЖШС балансында 5 бөлек мұнай және газ кен орындары бар, 746 адамды жұмыспен қамтып отыр. Атап айтқанда, Орталық Ақшабұлақ, Шығыс Ақшабұлақ, Оңтүстік Ақшабұлақ, Нұралы және Ақсай.
2019 жылы мұнай өндіру көлемі 2,2 млн.тоннаны құрады. Ағымдағы жылдың жоспары бойынша 1,5 млн. тонна мұнай өндіру қажет, 10 айда 1,3 млн.тонна өндірілді.
ҚР Энергетика министрлігінің отын-энергетика кешенін цифрландыру бойынша бекітілген Жол картасы аясында «ҚазГерМұнай» БК» ЖШС өткен жылы «Зияткерлік кен орны» цифралық технологиясын енгізді.
Аталған технологияны енгізу мұнай өндіруді 1-2%-ға дейін, айлық есептік көрсеткішті 700 күнге дейін ұлғайтуға, операциялық шығындарды 10%-ға дейін қысқартуға және басқару шешімдерінің тиімділігін 20%-ға дейін арттыруға ықпал етеді.
Энергетика министрі мен облыс әкімі «Энергосервис» ЖШС-ға барып, төлем жүйесі, бірыңғай төлем құжаты, сервистік қызмет көрсету секілді қызметтерімен танысты.
Кәсіпорынның басты бағыты тұтынушыларды электр энергиясымен қамтамасыз ету. «Энергосервис» ЖШС қызметін 1998 жылы бастаған, бүгінгі күні мекемеде 92 адам жұмыс істейді.
Кәсіпорын өз қызметінде ақпараттық технологиялар мен төлемнің заманауи әдістерін белсенді қолданады. Тұтынушыларды хабардар ету үшін смс-хабарландыруды және қоңырау шалу, сондай-ақ тұтынушы ақпаратты компанияның веб-сайты және мобильді қосымша пайдаланылады. 2017 жылы «Энергосервис» ЖШС Бірыңғай есептеу орталығы ретінде үш коммуналдық қызметпен (жарық, су және жылу) бірыңғай төлем құжатын енгізуді бастады.
Біріңғай төлем қағазы –Telegram-bot, смс, АВТО қоңырау шалу, онлайн төлемдер, веб-сайт және жеке кабинет, екінші деңгейдегі банктердің мобильді платформалары және өзіне-өзі қызмет көрсету терминалдары кіретін қызметтер кешені. 2019 жылдан бастап БТҚ-ға Мемлекеттік кірістер департаменті үшін мүлік салығы, жер салығы және көлік құралдары салығы туралы ақпарат енгізілді.
Сондай-ақ, делегация «ПетроҚазақстан Құмкөл Ресорсиз» АҚ барып, жұмыс барысын көрді. Бұл кәсіпорын жұмысын 1986 жылы бастаған. «ПетроҚазақстан Құмкөл Ресорсиз» АҚ – Оңтүстік Торғай бассейніндегі барлау блоктарынан, яғни, Құмкөл (оңтүстік-шығыс бөлігі), Оңтүстік Құмкөл, Шығыс Құмкөл, Солтүстік Нұралы, Арысқұм, Қызылқия, Солтүстік-Батыс Қызылқия, Майбұлақ, Оңтүстік-Батыс Қарабұлақ мұнай кен орындарын игеруді жүзеге асыратын мұнай өндіруші компания. Жалпы 1560 азаматты жұмыспен қамтып отыр. 2019 жылы мұнай өндіру көлемі 933 мың тоннаны құрады. 2020 жылға арналған жоспар 691,5 мың тонна. Ағымдағы жылдың 10 айында 625 мың тонна мұнай өндірді. 
ҚР Энергетика министрі бастамаларға сәттілік тілеп, көтерілген ұсыныстарға қолдау көрсетілетінін атап өтті.
<img src="https://kyzylorda-news.kz/wp-content/uploads/2020/11/769b8a9b7ccd35f63b14b18daf04ba9d_original.795272-scaled.jpg" alt="" />
<img src="https://kyzylorda-news.kz/wp-content/uploads/2020/11/2fdf96968bf6bc87841f9d88692afd2c_original.893613-scaled.jpg" alt="" />

ҚР Энергетика министрі Қызылорда қаласындағы бірқатар нысандарды аралады

<a href="https://kyzylorda-news.kz/">Kyzylorda-news.kz</a>&nbsp; “Nur Otan” облыстық филиалының мәжіліс залында онлайн режимде “кәсіпкерлікті қолдау” бағыты бойынша “Кәсіпкерлік – тұрақты қоғамның негізі” тақырыбында айқамқтық кеңестің отырысы өтті.
Оған Кеңес мүшелері, партия филиалының қызметкерлері, облыстық кәсіпкерлік және туризм, облыстық ауыл шаруашылығы басқармаларының, “Қызылорда” өңірлік инвестициялық орталығының, “Қадам маркет” ЖШС өкілдері мен кәсіпкерлер қатысты.
Кеңес мүшесі Ғани Қарғабай алғыс сөз сөйледі. Ол кәсіпкерлік саласы жұмыспен қамту және халықтың әл-ауқатын арттыруда маңызды рөл атқаратынын атап өтті. Мемлекет бүгінде кәсіпкерлікті дамыту үшін жағдай жасап отыр. Бірақ соған қарамастан, пандемияның салдары әлі де байқалады, бұл бизнестің экономикалық белсенділігінің төмендеуіне айтарлықтай әсер етті. Әсіресе, экономиканың бөлшек және көтерме сауда, қонақ үй бизнесі, қоғамдық тамақтандыру секілді секторларына кері әсер еткенін айтып, алдағы уақытта кәсіпкерлікті қолдаудың тағы қандай тәсілдері мен құралдары белсенді пайдаланылауға болатынғы жөнін ортақ ой тастады?
Кеңес отырысында осы және басқа да сұрақтарға облыстық кәсіпкерлік және туризм басқармасы басшысының орынбасары Мұрат Тасқараев, облыстық ауыл шаруашылығы басқармасы басшысының орынбасары Ғалым Баимбетов жауап берді. Олар қатысушыларды кәсіпкерлікті қолдау шаралары және пандемия кезінде бизнес үшін жағдайды жақсарту бойынша жүргізіліп жатқан жұмыстар туралы, сондай-ақ, ауыл шаруашылығы құрылымдарына, мемлекет тарапынан жеке кәсіпкерлерге көрсетілетін қолдау туралы хабардар етті.
Отырысқа қатысушылар өз ұсыныстарын ортаға салып, пікір алмасты.
<img src="https://kyzylorda-news.kz/wp-content/uploads/2020/11/127718477_1049568872122289_1213250996505986393_o.jpg" alt="" />

Кәсіпкерлік – тұрақты қоғамның негізі

<a href="https://kyzylorda-news.kz/">Kyzylorda-news.kz</a>. Кәсіпкерлер палатасы мен облыстық прокуратура ұйымдастырған кездесуде аймақ кәсіпкерлері өзекті мәселелерін ортаға салды.
Шараға Кәcіпкерлер палатасының директоры Ғалымбек Жақсылықов, облыс прокуроры Нұрлан Бижанов, Өңірлік кеңес төрағасы Қайрат Боранбаев, мүдделі мемлекеттік орган басшылары мен өңір кәсіпкерлері қатысты.
Кездесуде қоғамдық тамақтану саласындағы кәсіпкерлер карантиндік режим уақытында мониторингтік топтардың жұмысы қиындық тудыратынын айтса, фарм саласындағы бизнес өкілдері көрсеткен қызметтеріне ақшаларын ала алмай жүргендерін жеткізді.
Кәсіпкерлердің өзекті мәселесі талқыланған мәжілісте Кәсіпкерлер палатасының директоры Ғалымбек Жақсылықов пен облыс прокуроры Нұрлан Бижанов кәсіпкерлік саласындағы проблемалық сұрақтарды шешуге арналған Жол картасына қол қойды.
Жол картасында карантин шараларының сақталуын бақылау жөніндегі мониторингтік топтар қызметінің заңдылығына, мемлекеттік сатып алу саласындағы әкімшілік кедергілерді, жер учаскелерінің&nbsp; пайдалану мақсатын өзгертуге байланысты проблемалық сұрақтар, жеке кәсіпкерлік субъектілеріне жүргізілген тексерулердің заңдылығына баға беру қарастырылуда.
Айта кету керек, Кәсіпкерлер палатасы заңгерлері кәсіпкерлерге құқықтық, адвокаттық қызметтерді белсенді жүргізуде. Ауызша кеңес алып, құқықтық көмек алған кәсіпкерлерді қоспағанда, биыл Палатаға ресми құқығын қорғауды сұраған 230 арыз түсті. Оның 41 пайызын заңгерлер оң шешті. Қалғаны қаралуда. Осылайша, 10 айдың өзінде Палата заңгерлері бизнес өкілдерінің 1,2 млрд.теңге қаржысын сақтап қала алды.
<img src="https://kyzylorda-news.kz/wp-content/uploads/2020/11/img_9925-scaled.jpg" alt="" />
<img src="https://kyzylorda-news.kz/wp-content/uploads/2020/11/img_9976-scaled.jpg" alt="" />

Қызылордада кәсіпкерлердің мәселелері енді жол картасы аясында шешілмек

&nbsp;<a href="https://kyzylorda-news.kz/">Kyzylorda-news.kz</a>. Сыр елінде агросаланы автоматтандыру процесі қарқынды жүруде. Еңбек өнімділігі мен өңделген өнім экспортының көлемін арттыру үшін Агроөнеркәсіптік кешенді цифрландырудың тиімділігі зор.
Аймақта агроөнеркәсіптік кешенін цифрландыру мақсатында егіншілік саласы бойынша «нақты егіншілік» элементтерін енгізу және мал шаруашылығы саласы бойынша «ақылды фермалар» құру жұмыстары жүргізілуде. Сонымен бірге Шиелі ауданында «Ақмая» шаруа қожалығының базасында «нақты егіншілікке» арналған «Akmaya Smart Farm» цифрлық платформасы жасалып, жоба іске асырылды. Жоба аясында шаруашылықтың 800 гектар егіс алқабына цифрландыру жұмыстары жүргізіліп, алынған деректер өңделді.
Өңделген деректер негізінде алқаптың электрондық картасы және алынған топырақ үлгілері бойынша топырақтың агрохимиялық картограммалары әзірленген.
Шаруашылықтың қолда бар барлық ресурстарына кешенді аудит (техника, қызметкерлер, егіс алқаптары мен олардың пайдалану тарихы, өнімділігі, дақыл сорттары және т.б.) жүргізілді. Жоғарыда аталған барлық деректер «Akmaya Smart Farm» цифрлық платформасына жинақталды. Нәтижесінде шаруашылықтың өндірісі артып, тыңайтқыштарды оңтайлы пайдалану есебінен 14 млн. теңге қаржысы үнемделді.
«Ақмая» пилоттық шаруашылығы аймақтағы барлық фермерлер үшін демонстрация алаңына айналып, әрбір фермерге өз табысын қалай арттыруға болатыны, көбірек түсім алуы, тәуекелдерді басқаруы, техникамен жұмыс істеуі мәселелерін шешуге мүмкіндік берді.
Сонымен қатар, облыста «Мағжан и К» ЖШС-мен елімізде бірінші сандық күріш өңдеу зауытының құрылысы бойынша жоба іске асырылды.
Ауыл шаруашылығы техникаларының бірыңғай мемлекеттік тізілімін қалыптастыру мақсатында «Автопоиск» бағдарламасы іске қосылып, жобалық деңгейде қызмет көрсетуде. Мұнан бөлек, күріштің егістік алқаптарының жай-күйін ғарыштық мониторингілеу жобасы басталған. Жоба өз кезегінде жерді қашықтықтан зондтау, күріш егісі алқабының электронды карта-сұлбасын әзірлеп, мониторингілеу арқылы күріш себу мерзімдерін және нақты егілген көлемін анықтауға, егіс алқабындағы жылу ресурстарының жиналу динамикасын зерделеуге, күріш егістігінің ластануы мен тұздануын спутниктік бағалауға мүмкіндік береді.
Мал шаруашылығы бағытында жылжымалы станок-фиксатор, ауыспалы жүктемелік, автоматты суарғыш жылытатын құрылғылар, баламалы энергия көздері және GPS-навигаторлары пайдаланылуда. Сонымен қатар, ауыл шаруашылығы өнімдерінің электронды саудасын жүйелендіру және агроөнеркәсіп кешенінің экспорттық әлеуетін арттыру мақсатында «Агробиржа» электрондық сайты жұмыс жасауда.

Қызылордада агросаланы автоматтандыру арқылы өнім өндіру көлемі артуда

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Қызылордалық кәсіпкер Сағи Сүйеніш «Қарапайым заттар экономикасы» бағдарламасы аясында 400 орындық студенттер жатақханасын салды. Бағдарлама шеңберінде алған несиесі 210 млн теңге.
Заман талабына сай бой көтерген студенттер үйінің әр бөлмесінде жеке санитарлық торап, жуынатын орын бар. Бір секцияда екі жатын бөлме орналасқан. Әрқайсысында 4 адамнан жататын болады. Одан бөлек арнайы ас дайындайтын бөлме де қарастырылып, газ пеші, тоңазытқыш, ас столы сияқты қажетті құралдармен жабдықталған. Жатақханада медициналық және ем қабылдау, теледидар көретін, кір жуатын, киім үтіктейтін бөлмелері де бар.
<blockquote>
 «Студенттер үйін салудағы негізгі мақсат – басқа қалалардан, аудандардан келетін студенттердің тұруына, әлеуметтік-тұрмыстық жағдай жасау. 2018 жылы Қызылордадағы Кәсіпкерлер палатасының кеңесімен осы жобаны бастап кеттім. Үлкен асханадан өзге әр қабатта студенттерге арналған шағын асханалар бар. Сондай-ақ, бос уақыттарын төменгі қабатта орналасқан спорт залында, жаттықтыру залында өткізе алады», – дейді кәсіпкер Сағи Сүйеніш.
</blockquote>
Одан бөлек, коворкинг орталығы, кітапхана, интернет орталығы, жұмыс жасап, жатақхана wi-fi-мен қамтамасыз етіледі.
<blockquote>
 «Студенттер үйі 5 қабатты ғимаратта орналасқан. 3 қабаты жатақхана мақсатында қолданылса, 2 қабаты коммерциялық мақсатта қолданылады. Аталмыш аумақта асхана, фитнес, жаттықтыру залдары, монша, шаштараз, офистерге арналған аудандар бар», – дейді кәсіпкер.
</blockquote>
Кәсіпкер жатақхана салғаны үшін шығындарының бір бөлігін мемлекеттік-жеке меншік әріптестік қағидаты аясында қайтара алады. Ол үшін 2019 жылы республикалық мемлекеттік-жеке меншік әріптестік орталығымен келісімге отырып та қойғанын жеткізді.
Айта кету керек, «Қарапайым заттар экономикасы» бағдарламасы бойынша облыста жалпы сомасы 16,5 млрд.теңгені құрайтын 160 жоба бар. Оның ішінде: 110 жоба (9,0 млрд.теңге) – банктермен және Аграрлық несие корпорациясымен мақұлданды. 10 жоба (5,6 млрд.теңге) – қаржы институттарының қарауында. Қалған жобалар бойынша құжаттар жинақталуда.

Қызылордалық кәсіпкер 400 орындық жатақхана салды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Өңірде жыл соңына дейін 969 пәтерді құрайтын 74 тұрғын үй пайдалануға беріледі. Сонымен қатар, халықтың әлеуметтік осал топтары үшін жергелікті бюджет есебінен Жаңақорған кентінде 18 пәтерлі бір үйді сатып алу жоспарлануда.
<blockquote>
 «Нұрлы жер» мемлекеттік бағдарламасы аясында тұрғын үй құрылысына инженерлік-коммуникациялық инфрақұрылымдар жүргізу үшін 4,8 млрд.теңге бөлінді. Бұл қаржыға облыс бойынша 19 жоба жүзеге асырылуда. Яғни, жыл соңына дейін 13 жобаның құрылысы толық аяқталып, жаңа жер учаскелеріне 145,8 шақырым инженерлік- коммуникациялық инфрақұрылым желілері жүргізілетін болады,- деді облыстық құрылыс, сәулет және қала құрылысы басқармасы басшысының орынбасары Арнұр Нұрмағанбетов.
</blockquote>
<img src="https://kyzylorda-news.kz/wp-content/uploads/2020/11/arnwr-nwrmagambet.jpg" alt="" />
Сондай-ақ, жыл соңына дейін 698 пәтерді құрайтын 15 тұрғын үй халық игілігі үшін жалға беріледі.

Қызылордада жыл соңына дейін 74 тұрғын үй пайдалануға беріледі

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылорда облысының 2023 жылға дейінгі «Экономикалық даму Картасы» әзірленді. Оның аясында экономиканың түрлі салаларында 271 млрд. теңгені құрайтын 265 жоба іске асырылады. Бұл өз кезегінде 4600 тұрақты жұмыс орнын ашуға мүмкіндік береді. Биылғы жылға 26 млрд. теңгені құрайтын 110 жобаны жүзеге асып жатыр. Нәтижесінде, 2 мың азамат жұмысқа қамтылады.
<blockquote>
 «Аймақта төрт түлік малдың еті, сүті, жүнін кәдеге асырып, оны қайта бағыттау бизнесі жолға қойылып келеді Сонымен қатар біздің өңірде 25644 көпбалалы ана бар. Оларды да бизнеске тартудамыз. «Еңбек» бағдарламасы арқылы аналардың бизнес идеяларын жүзеге асыру мақсатында 602 көпбалалы анаға грант бердік»,-деді облыс әкімі Гүлшара Әбдіқалықова.
</blockquote>
Мұнымен қоса, ерлер жейделерін тігумен айналысатын “Далатекс” ЖШСмен бірлесіп маңызды жоба іске асырылуда. Атап айтсақ «Еңбек» бағдарламасы аясында 123 әйел тігін шеберлігіне оқытылуда. Оларға тігін машиналары мен басқа да жабдықтарды сатып алуға 555 мың теңгеден гранттар беріледі. Оқыған азаматшалар жеке кәсіп ашып, аталған компаниямен келісімшартқа қол қойып, үйде жұмыс істей алады.

Қазақстан және Қызылорда облысының жаңалықтары: Экономика

Қызылордада су тапшылығы жағдайында егін шаруашылығын әртараптандыру жөнінде мәжіліс өтті

Қызылордада инвестиция тарту жағы төмен екені белгілі болды

“7 KZ Сыр табиғаты”: Жүзімнің 150 мыңға жуық элиталық көшеті өсірілуде

Ауыл шарушылығы – тұрақты экономиканың көзі

Қызылордада 4 жобаға субсидия берілді

ҚР Энергетика министрі Қызылорда қаласындағы бірқатар нысандарды аралады

Кәсіпкерлік – тұрақты қоғамның негізі

Қызылордада кәсіпкерлердің мәселелері енді жол картасы аясында шешілмек

Қызылордада агросаланы автоматтандыру арқылы өнім өндіру көлемі артуда

Қызылордалық кәсіпкер 400 орындық жатақхана салды

Қызылордада жыл соңына дейін 74 тұрғын үй пайдалануға беріледі

Қызылорда өңірінде 2023 жылға дейін 265 жоба іске асады

Қазақстан және Қызылорда облысының жаңалықтары: Экономика

Қызылордада су тапшылығы жағдайында егін шаруашылығын әртараптандыру жөнінде мәжіліс өтті

Қызылордада инвестиция тарту жағы төмен екені белгілі болды

&#8220;7 KZ Сыр табиғаты&#8221;: Жүзімнің 150 мыңға жуық элиталық көшеті өсірілуде

Ауыл шарушылығы &#8211; тұрақты экономиканың көзі

Қызылордада 4 жобаға субсидия берілді

ҚР Энергетика министрі Қызылорда қаласындағы бірқатар нысандарды аралады

Кәсіпкерлік – тұрақты қоғамның негізі

Қызылордада кәсіпкерлердің мәселелері енді жол картасы аясында шешілмек

Қызылордада агросаланы автоматтандыру арқылы өнім өндіру көлемі артуда

Қызылордалық кәсіпкер 400 орындық жатақхана салды

Қызылордада жыл соңына дейін 74 тұрғын үй пайдалануға беріледі

Қызылорда өңірінде 2023 жылға дейін 265 жоба іске асады

“7 KZ Сыр табиғаты”: Жүзімнің 150 мыңға жуық элиталық көшеті өсірілуде

Ауыл шарушылығы – тұрақты экономиканың көзі