*<a href="https://kyzylorda-news.kz/">Kyzylorda-news.kz</a>. Шиелі ауданының әкімі Қ.Мүбараковтың қатысуымен Ы.Жақаев ауылындағы “Алтын дән ” шаруа қожалығының егіс алқабында алғашқы дән себу “ДАЛА КҮНІ – 2021” шарасы аталып өтті.*
Шара Екі мәрте Социалистік Еңбек Ері, даңқты диқан, атақты күрішші Ы.Жақаев атамыздың басына құран бағыштаудан басталды. Биыл даңғайыр диқан Ы.Жақаевтың 130 жылдығы.
Егіс алқабында аудан әкімі Қ.Мүбараков сөз сөйлеп, егіс жұмыстарының барысы, алдағы жоспарлар жайлы айтты. 
Одан соң сөз кезегін Ы.Жақаев атамыздың ұлы Сейітбек Ыбырайұлы, Шиелі ауданының Құрметті азаматы Р.Мауеяв сөз сөйлеп, диқаншыларға ақ батасын берді.
<img src="https://kyzylorda-news.kz/wp-content/uploads/2021/04/fb_img_1619065766726.jpg" alt="" />
<img src="https://kyzylorda-news.kz/wp-content/uploads/2021/04/fb_img_1619065770163.jpg" alt="" />

Шиеліде егін даласына алғашқы дән себілді

<a href="https://kyzylorda-news.kz/date/2021/04/21/?doing_wp_cron=1618989415.2240319252014160156250">Kyzylorda-news.kz.</a>&nbsp; Бүгін Қызылорда облысының әкімдігі, «Астана» Халықаралық қаржы орталығының» Жасыл қаржы орталығы» және «Еуразия даму банкі» араларындағы «Қызылорда облысында жасыл және әлеуметтік жобаларды іске асыруға бағытталған өзара тиімді ынтымақтастық орнату» туралы меморандум жасалды. Шарада аймақ басшысы Гүлшара Әбдіқалықова бүгінгі келісімнің өңірдегі экологияны, жасыл және әлеуметтік жобаларды жақсарту мәселелерінде алға қойылған мақсаттарды шешуге үлкен қолдау боларын сөз етті.
<blockquote>
 «Бүгінгі күні Президент тапсырмасына сәйкес Үкіметпен 2021-2025 жылдарға арналған «Жасыл Қазақстан» ұлттық жобасының тұжырымдамасы әзірленуде. Оларды жүзеге асыру ғылым мен бизнестің әлеуетін біріктіруді, сондай-ақ қоғамның мемлекетпен, халықаралық ұйымдармен жүйелі диалог орнатуын талап етеді. Бүгін «Астана» халықаралық қаржы орталығының» еншілес ұйымы Жасыл қаржы орталығының бас директоры Айдар Қалымтайұлы Қазыбаев және Еуразия даму банкінің Басқарма Төрағасының орынбасары Аманкелді Сағандекұлы Исенов Қызылорда облысында жасыл және әлеуметтік жобаларды іске асыруға бағытталған өзара тиімді ынтымақтастық орнатуға келіп отыр. Біздің өзара әріптестік орнатуымыз тиімді нәтижелер береді деп үміттенеміз», – деді облыс әкімі Гүлшара Әбдіқалықова.
</blockquote>
Шарада «Астана» халықаралық қаржы орталығының» еншілес ұйымы Жасыл қаржы орталығының бас директоры Айдар Қазыбаев осы ынтымақтастық аясында Сыр өңірінде бірнеше жобаны жүзеге асыруға ниетті екенін жеткізді.
<blockquote>
 «Біздің орталық әлеуметтік жобаларды дамытумен ғана шектелмейді, өзге де ірі жобаларды жүзеге асырамыз. Бүгінгі меморандум аясында біз Еуразия даму банкімен бірлесіп, мемлекеттік жекеменшік әріптестік тетігі арқылы Қызылорда облысында жасыл және әлеуметтік жобалардың санын ұлғайтуды көздейміз. Сондай-ақ Арал өңіріндегі экологиялық жобаларды іске асыру мәселесінде де жәрдемдесуге ниеттіміз. Өңірде ауылшаруашылық саласы ең маңыз ие, сондықтан біз осы салаға көп көңіл бөлеміз. Табиғи энергия көздерін де дамытуға күш саламыз», – деді Айдар Қазыбаев.
</blockquote>
Ал, Еуразия даму банкінің Басқарма Төрағасының орынбасары Аманкелді Сағандекұлы Исенов меморандум шеңберінде облыстың экономикалық әлеуетін арттыру бағытында біршама жұмыстардың атқарылатынын айтты.
Үш жақты ынтымақтастықтың жобасы мен маңыздылығы талқыланғаннан соң, облыс әкімінің орынбасары Бақыт Жаханов, «Астана» Халықаралық қаржы орталығының» Жасыл қаржы орталығының Бас директоры Айдар Қазыбаев және «Еуразия даму банкі» Басқарма Төрағасының орынбасары Амангелді Исенов маңызды құжатқа қол қойды.
<img src="https://kyzylorda-news.kz/wp-content/uploads/2021/04/02-1.jpg" alt="" />

«Жасыл Қазақстан»: Қызылордада үшжақты меморандум жасалды

<a href="https://kyzylorda-news.kz/">Kyzylorda-news.kz</a>. Биыл «Қорқыт ата» әуежайының жаңа жолаушылар терминалының құрылысы бойынша жұмыстар басталады. Бұл туралы Өңірлік коммуникациялар қызметінің ақпарат алаңында өткен брифингте облыстық жолаушылар көлігі және автомобиль жолдары басқармасы басшысының орынбасары Дамир Тілеуов мәлімдеді.
<blockquote>
 «Қазіргі таңда әуежайдың жаңа жолаушылар терминалы құрылысы жобасын іске асырудың тиімді нұсқасы – қолданыстағы әуежай терминалын кеңейту болып отыр. Ол үшін жергілікті бюджеттен тиісті қаржы бөлініп, жобалық-сметалық құжаттамасы әзірленді. Қазір мемлекеттік сараптамадан өтуде. Аталған жұмыстар бітсе, терминалдың көлемі қазіргіден екі есеге, яғни, шамамен 1400 шаршы метрге кеңейеді. Ал кеңейтілген әуежай терминалында барлық халықаралық стандарт талаптарына сай жолаушыларға қызмет көрсетуге қажетті жағдайлар қарастырылатын болады», – деді Дамир Маратұлы.
</blockquote>
Бүгінде «Қорқыт ата» әуежайы арқылы аптасына 23 тұрақты рейс қатынайды. Оның ішінде Нұр-Сұлтан қаласына – 10, Алматыға – 13 рейс. Жалпы, биылғы жылдың 3 айында әуежайдан 32,1 мың жолаушы жөнелтілді.
Айта кетейік, облыс «қызыл» аймаққа өткен жағдайда әуежайға кіріп-шығу талаптары күшейтіліп, жолаушыларды шығарып салушылар мен күтіп алушыларды терминалға кіргізу шектелетін болады.

«Қорқыт ата» әуежайының  жолаушылар терминалы кеңейтіледі

<a href="https://kyzylorda-news.kz/">Kyzylorda-news.kz.</a>&nbsp; Бұл туралы Қызылорда облысы кәсіпкерлер палатасының алаңында өткен кездесуде облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова айтты.
Шарада Гаухар Қалмақова «Еңбек» мемлекеттік бағдарламасы аясындағы «Алғашқы жұмыс орны» жобасымен таныстырып шықты.
Аталған жоба өткен жылы пилоттық режимде енгізіліп, биыл толық қолданысқа енген.
<blockquote>
 «Жоба жұмыс берушілерге де, жас мамандарға да тиімді болмақ», – деген басқарма басшысы бизнес өкілдерін белсенді қатысуға шақырды.
</blockquote>
«Алғашқы жұмыс орны» жобасы – жұмыссыздарды жұмыспен қамтуға жәрлемдесудің қосымша шарасы ретінде қабылданған. Мақсаты еңбек нарығындағы жастардың бәсекеге қабілетін арттыру және қажетті еңбек дағдыларын беру.
Жобаға алғаш рет жұмыс іздеп жүрген түлектер, жиырма тоғыз жастан аспаған, жұмыс тәжірибесі жоқ, жұмыс іздеп жүрген NEET санатындағы жастар қатыса алады.
Жұмыс беруші ретінде жобаға меншік нысанына қарамастан барлық кәсіпорын, ұйымдар қатыса алады. Ол үшін жұмыс беруші салық және әлеуметтік аударымдарды жүйелі жүргізіп отырған, жалақыға қарызы жоқ мекеме болуы керек.
Жобаға қатысқысы келетін кәсіпкер оқуды аяқтағанына үш жыл болмаған, көпбалалы және табысы аз отбасылардың балаларын, сондай-ақ мүмкіндігі шектеулі арнаулы орта және жоғары оқу орындарын бітірген түлектерді тұрақты 24 ай немесе 2 жыл жұмыспен қамтуы керек. Жұмыс берушіге қолдау үшін мемлекет жас маманның жұмысының бірінші жылы үшін еңбекақыны субсидиялайды. Экологиялық үстемақылар бойынша төлемдерді есепке алмағанда субсидияның 1 айдағы мөлшері 20 АЕК немесе 58&nbsp;340 теңге.
Жобаға қатысқысы келетін кәсіпкерлер жұмыспен қамту орталығына бос жұмыс орны туралы мәлімет ұсынса жеткілікті.
Қосымша мәлімет алғысы келетін кәсіпкерлер үшін Қызылорда облысы кәсіпкерлер палатасының Адами капиталды дамыту бөлімі кеңес беруге әзір. Байланыс нөмірі. 8 /7242/ 40-09-81 (ішкі 4317).

«Алғашқы жұмыс орны» жобасына қатысқан кәсіпкерлерге субсидия беріледі

Kyzylorda-news.kz. Облыс әкімі Гүлшара Әбдіқалықова Қармақшы ауданында болып, атқарылып жатқан жұмыстарды көрді. Аймақ басшысы аудандық емханаға барып, ауданның коронавирус инфекциясына қарсы күрес шараларымен танысты.
Гүлшара Әбдіқалықова медицина қызметкерлеріне пандемия уақытында босаңсуға болмайтынын айтып, індетті ауыздықтауға бағытталған шараларды күшейтуді жүктеді.
<blockquote>
 “Соңғы уақытта Covid-19 вирусы бүкіл әлемде қайта өршіп, адам өміріне үлкен қауіп төндіруде. Біздің аймақ та жақында «Сары аймаққа» енді. Сондықтан біз індетке қарсы жұмыстарды күшейтуіміз қажет. Тұрғындарға сақтық шаралары мен вакцинация туралы ақпараттарды кеңінен таратып, оларға вирустың қауіпті екенін әлде де түсіндіруіміз керек. Әлем ғалымдары коронавирусты жеңудің жалғыз жолы екпе екенін мойындап отыр. Сол себепті, халықтың екпеге деген оң көзқарасын тезе арада қалыптастыру міндеті тұр”, – деді Гүлшара Әбдіқалықова.
</blockquote>
Мұнан соң өңір басшысы Жосалы кентіндегі Абай көшесі мен орталық алаңдағы абаттандыру жұмыстарымен танысты. Жалпы «Жұмыспен қамту жол картасы» бағдарламасы аясында ауданда 3 млрд. теңге қаржы көлемінде 40 жоба іске асырылған. Кент келбетіне түнгі уақытта көрік беру мақсатында орталық алаңдағы коллонада мен 6 дана аркаларға жарықтандыру жұмыстары жүргізілген.
Жұмыс сапар барысында облыс әкімі жоспардан тыс «Дәметкен ана» балалар оңалту орталығына барды. Оңалту орталығының басшысы Дина Исмаилова аймақ басшысынан мемлекет тарапынан қолдау көрсетуді сұрады. Гүлшара Әбдіқалықова аудан әкімі Мұса Қалдарбековке тиісті шараларды қабылдауды тапсырды.
Аудандағы кәсіпкерлік нысандар да аймақ басшысының назарынан тыс қалған жоқ. Кенттегі сауда үйінің жұмысымен танысты.
Өткен жылдың басында басталған әлемдік індет көптеген кәсіпкерге қиындық келтіргені рас. Әсіресе, тойханалар жұмысын тоқтатып, кейбір кәсіптік нысандар бағытын өзге салаға бұрды. Жосалыдағы Ж.Бұқпанованың 300 орындық мейрамханасы да бүгінде балалар ойын-сауық кешеніне айналды. Облыс әкімі Гүлшара Әбдіқалықова кәсіпкердің жұмысына оң бағасын беріп, мемлекет тарапынан кәсіпкерлерге қолдаулар жасалып жатқанын жеткізді.
<blockquote>
 “Қазіргі таңда пандемияның барлық салаға кері әсерін тигізіп отырғаны жасырын емес. Қызмет көрсету орталықтарының көбі жұмысын тоқтатты. Біз осы саладағы кәсіпкерлерге кәсібін өзге бағытқа ауыстыру жөнінде ұсыныс жасадық. Бүгінде кәсіп иелері кафе мен тойханаларды өндірістік орындарға ауыстыруда. Мемлекет тарапынан да оларға қолайлы жағдайлар жасалды. Сондықтан, бұл шараларды өзге де кәсіпкелер түсінуі тиіс”, – деді облыс әкімі.
</blockquote>
Сапары барысында аймақ басшысы Қармақшы ауылына да барды. Ондағы «Жұмыспен қамту жол картасы» бағдарламасы аясында ағымдағы жөндеуден өткен №13 «Балбөбек» бөбекжайының жұмысымен танысты. Одан соң ауылдық округтегі №113 мектепте ауылдың тұрғындары және белсенді жастарымен кездесіп, ауылдық округтің әлеуметтік-экономикалық көрсеткіштерімен танысты. Сондай-ақ, өңір басшысы тұрғындармен коронавирус инфекциясынан сақтану, екпе салдыру мәселелерін талқылады. 
Облыс әкімі Гүлшара Әбдіқалықова аудандағы жаз-қыс мезгілдерінде балалар демалысына арналған лагерь құрылысын да назарға алды. Аталған нысанға 2021 жылға облыстық бюджеттен құрылысын аяқтауға қажетті 783, 3 млн. теңге қаржы бөлінген. Аймақ басшысы мердігер мекемеге жұмысты уақытында әрі сапалы жүргізу қажеттігін жеткізді.
<img src="https://kyzylorda-news.kz/wp-content/uploads/2021/04/fb_img_1618581090956.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618581087112.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618581082525.jpg" alt="" />

Гүлшара Әбдіқалықова Қармақшыға барды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Мемлекет басшысы еліміздің әлеуметтік-экономикалық даму мәселелері жөнінде кеңес өткізді, деп хабарлайды &nbsp;<a href="https://www.akorda.kz/kz/memleket-basshysy-elimizdin-aleumettik-ekonomikalyk-damu-maseleleri-zhoninde-kenes-otkizdi-1535340">Ақорданың</a>&nbsp;баспасөз қызметі.
Президент Қасым-Жомарт Тоқаевтың төрағалығымен өткен жиында ел дамуының жаңартылған болжамы және республикалық бюджетті нақтылау жөніндегі ұсыныстар талқыланды. Отырысқа Премьер-Министр Асқар Мамин, Президент Әкімшілігінің Басшысы Ерлан Қошанов, Ұлттық банк төрағасы Ерболат Досаев және басқалар қатысты.
<img src="https://www.inform.kz/radmin/fotofiles/2021/04/15/2104151811285741g.jpg" alt="" />
Отырыс барысында Үкімет әлеуметтік-экономикалық дамуға қатысты болжамдарын және әлемдік экономикадағы ахуалды, тауар нарығындағы үрдістерді ескере отырып, осы жылға арналған республикалық бюджетті нақтылау жөніндегі ұсыныстарын, сондай-ақ, биылғы І тоқсанның алдын ала қорытындыларын ұсынды. Атап айтқанда биыл ішкі жалпы өнімнің нақты өсімі бекітілген көрсеткіштен 0,3 пайызға артып, 3,1% деңгейде болады деп болжануда. Инфляция деңгейі 4-6% аралығында сақталып отыр.
Бюджетті нақтылаудың негізгі міндеті – Мемлекет басшысының Жолдауында айтылған тапсырмаларды орындау және «Nur Otan» партиясының сайлауалды платформасын жүзеге асыру. Осыған байланысты бюджеттің кірісінде де, шығысында да өсім болады деп күтілуде.
Автомобиль жолдарын дамытуға, «Ауыл – ел бесігі» жобасын одан әрі іске асыруға, экономиканың неғұрлым зардап шеккен салаларындағы кәсіпкерлік субъектілерін қолдауға, «Жұмыспен қамтудың жол картасын» жүзеге асыруға және агроөнеркәсіптік кешенді дамытуға қосымша қаражат бөлінетін болады.
Пандемиямен күреске бөлінетін қосымша қаржы дәрігерлерге үстемеақы және медициналық қызметтердің ақысын төлеуге жұмсалады. Сонымен қатар әскери қызметшілерді тұрғын үймен қамтамасыз етуге, су тасқынына қарсы іс-шараларға, сумен қамтамасыз ету және су тарту жүйелерінің құрылысы мен оларды жаңғыртуға қаржы бөлу жоспарланған.
Жиын қорытындысы бойынша Президент Қасым-Жомарт Тоқаев бюджет шығындарын оңтайландырып, кірісін арттыру, мемлекеттік сатып алу жүйесін жетілдіру, инфрақұрылым мен цифрландыруды дамыту, сондай-ақ, Жекешелендірудің кешенді жоспары аясында мемлекеттің экономикадағы үлесін азайту жұмыстарын жандандыру жөнінде тапсырма берді.

Президент еліміздің әлеуметтік-экономикалық даму мәселелері жөнінде кеңес өткізді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Аймақта 895 жұмыс орнын қамтитын 96 жобаны іске асыру жоспарлануда. Жоба құны – 13,8 млрд. теңге. Қазірге дейін 173,6 млн. теңге құрайтын 15 жоба іске асырылды.
<blockquote>
 «Бүгінде өңір экономикасына инвестициялар тарту, жаңа жұмыс орындарын құру, салықтық базаны арттыру бағытындағы жұмыстар қарқынды жүруде. Мәселен, биыл 2023 жылға дейінгі облыстың экономикалық Даму жоспарына толықтырулар енгізіп, жобалар санын 265-тен 404-ке дейін арттырдық. Оның басым бөлігі ауыл шаруашылығы өнімдерін қайта өңдеуге, дайын азық түлік және құрылыс тауарларын шығаруға бағытталған жобалар», – деді облыстық экономика және бюджеттік жоспарлау басқармасының басшысы Нұрғали Қордабай.
</blockquote>
Сондай-ақ, биыл «Ауыл-Ел бесігі» арнайы жобасы шеңберінде Қазалы, Қармақшы, Жалағаш, Сырдария және Шиелі аудандарына қарасты ауылдық елді мекендерде 13 инвестициялық жобаны іске асыруға 1,9 млрд. теңге қаржы қаралмақ. Жобалар жүзеге асса, 117 жаңа жұмыс орны құрылатын болады.

Биыл Қызылорда облысында 96 жоба жүзеге асады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Индустрия және инфрақұрылымдық даму вице-министрі Қайырбек Өскенбаев ауылда салынатын үйлердің құрылыс шығындарын өтеу тәртібін түсіндірді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Ауылда тұрғын үй салу тетігін енгізу ұсынылады. Оған сәйкес, ауылдағы қызметкерлер үшін тұрғын үй салу кезінде жұмыс берушілердің шығындарын 50 процентке субсидиялау қарастырылған”, – деді орталық коммуникациялар қызметінде өткен онлайн брифингте.
</blockquote>
Оның айтуынша, жұмыс беруші алдымен ауылға қажетті мамандарды анықтайды. Сосын тізімін жергілікті әкімдікке береді. Ал әкімдік оны индустрия және инфрақұрылымдық даму министрлігіне көрсетеді. Орталық мемлекеттік орган рұқсат бергеннен кейін үй салуға болады. Артынан құрылысқа кеткен шығындардың жартысы қайтарылады.
Талапқа сәйкес, үйдің ауданы 100 шаршы метрден, ал бағасы 10 миллион теңгеден аспауы қажет. Еңбек шарты 5 жылға рәсімделуі шарт. Осы уақыттың ішінде ауылға барған маман үйдің 50 процентін өтеп, оны өз атына аудара алады.
Бүгінде республика бойынша 76 ауданның әкімдігі министрлікке ұсыныс жіберді. Әзірше, 3 мыңға жуық коттедж салу қажет. Оған республикалық бюджеттен 14,3 миллиард теңге керек болады.

«Мемлекет 50 процентін өтейді»: вице-министр ауылда салынатын коттедждер жайлы айтты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Бүгін облыс әкімі Гүлшара Әбдіқалықованың қатысуымен облыстық мәслихаттың кезектен тыс 3 сессиясы өтті.
<blockquote>
 «Өздеріңіз білетіндей, 2021 жылға арналған облыстық бюджет 411,6 млрд.теңге көлемінде бекітілді. Бүгін міне, облыстық мәслихат сессиясының қарауына 2021-2023 жылдарға арналған облыстық бюджетті 18,9 млрд.теңге сомасында алғашқы нақтылау мәселесін ұсынып отырмыз. Бұл қаржылар 2021 жылдың 1 қаңтарындағы жағдай бойынша облыстық бюджет қаражаты қалдықтарын қайта бөлу, кіріс көзінің ұлғаюы, бюджеттік бағдарлама әкімшілерінің пайдаланылмаған және үнемделген қаржысы есебінен қалыптасып отыр. Атап өтетін жәйт, осы нақтылауда энергетика, құрылыс, автомобиль жолдары, әлеуметтік салалар бойынша алдағы уақытта құрылысы жоспарланып отырған жаңа бастамалардың жоба-сметалық құжаттарын әзірлеуге және мемлекеттік сараптамадан өткізуге қаржы қаралуда», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/04/173886155_3282237148545998_1768736288207811104_n.jpg" alt="" />
Күн тәртібінде 6 мәселе қаралды. Атап айтсақ, «2021-2023 жылдарға арналған облыстық бюджет туралы» Қызылорда облыстық мәслихатының 2020 жылғы 11 желтоқсандағы № 519 шешіміне өзгерістер мен толықтырулар енгізу, «Қызылорда облысы әкімдігінің дербес құрамын келісу туралы» Қызылорда облыстық мәслихатының 2016 жылғы 31 тамыздағы № 51 шешіміне өзгеріс енгізу, «Азаматтардың жекелеген санаттарына амбулаториялық емдеу кезінде тегін және (немесе) жеңілдікті шарттармен тегін медициналық көмектің кепілдік берілген көлемін, оның ішінде дәрілік заттарды, арнайы емдік өнімдерді, медициналық бұйымдарды қосымша беру туралы» Қызылорда облыстық мәслихатының 2020 жылғы 21 қазандағы № 474 шешіміне өзгерістер мен толықтырулар енгізу, «Әлеуметтік маңызы бар қатынастардың тізбесін айқындау туралы» Қызылорда облыстық мәслихатының 2016 жылғы 10 ақпандағы № 352 шешіміне өзгеріс енгізу, Қазақстан Республикасы Үкіметінің жанындағы Республикалық ономастика комиссиясының қарауына «Қызылорда облысының білім басқармасының Қызылорда қаласы бойынша білім бөлімінің «№ 11 мектеп-лицейі» коммуналдық мемлекеттік мекемесіне Әбубәкір Тыныбаевтың есімін беру жөніндегі ұсынысты енгізу және «Қызылорда облыстық сайлау комиссиясының құрамын сайлау туралы» Қызылорда облыстық мәслихатының 2019 жылғы 11 қаңтардағы № 290 шешіміне толықтыру енгізу туралы сөз болды.
Күн тәртібіндегі бірінші мәселе бойынша облыстық экономика және бюджетті жоспарлау басқармасының басшысы Нұрғали Қордабай баяндама жасады.
«Қызылорда облысы әкімдігінің дербес құрамын келісу туралы» Қызылорда облыстық мәслихатының 2016 жылғы 31 тамыздағы № 51 шешіміне өзгеріс енгізу туралы облыс әкімінің аппарат басшысы Ерлан Райғаниев сөз сөйлесе, үшінші мәселе бойынша облыстық денсаулық сақтау басқармасының басшысы Сабит Пазылов баяндады. 
2020 жылы Республикалық бюджеттен қаржы бөлініп, амбулаториялық дәрілік препараттармен тегін қамтамасыз етілген. Алайда, соңғы жылдары кейбір дәрілік препараттар атталған бұйрыққа енгізілмеуіне байланысты жергілікті бюджет есебінен қамтамасыз етіліп келеді. Осы орайда, Сабит Пазылов 2021 жылға әлеуметтік осал топтар арасынан науқастарды нозологиялық аурудың ауырлық деңгейіне байланысты тегін және (немесе) жеңілдікпен берілетін дәрілік заттармен қамтамасыз ету туралы шешімге өзгерістер мен толықтырулар енгізуді сұрады.
<img src="https://kyzylorda-news.kz/wp-content/uploads/2021/04/173421023_3282238388545874_749394374533398667_n.jpg" alt="" />
Ал, облыстық жолаушылар көлігі және автомобиль жолдары басқармасысының басшысы Мұрат Тілеумбетов күн тәртібіндегі төртінші мәселе бойынша баяндады.
Қоғамның әлеуметтік-экономикалық жағдайына ықпал ететін және тарифтердің қолжетімділік деңгейі мен Қазақстан Республикасының аумағы бойынша халықтың еркін жүріп тұру мүмкіндігін қамтамасыз ету мақсатында ұйымдастырылатын тұрақты қатынастардағы жолаушыларды тасымалдау әлеуметтік мәні бар тасымалдар деп танылады. Басқарма басшысы ауданаралық бағыттар тізбесін әлеуметтік маңызы бар қатынастар ретінде айқындауды ұсынды.
<img src="https://kyzylorda-news.kz/wp-content/uploads/2021/04/173473815_3282237711879275_1259354315548979616_n.jpg" alt="" />
«№ 11 мектеп-лицейі» коммуналдық мемлекеттік мекемесіне Әбубәкір Тыныбаевтың есімін беру жөніндегі ұсыныс бойынша облыстық ішкі саясат басқармасының басшысы Мира Қазбекова хабарлама жасады. 
Күн тәртібіндегі соңғы сұраққа қатысты облыстық мәслихаттың хатшысы Наурызбай Байқадамов сөз сөйледі.
<img src="https://kyzylorda-news.kz/wp-content/uploads/2021/04/173582154_3282238035212576_8202482200911667633_n.jpg" alt="" />
Облыстық сайлау комиссиясының құрамына «Ауыл» халықтық-демократиялық патриоттық партиясы Қызылорда облыстық филиалынан Болат Накиповтың кандидатурасы қолдау тапты.
Жиын соңында облыстық мәслихат депутаты Қылышбай Бисенов өңірдегі балабақшаларды қаржыландыру мәселесін қозғаса, Шахизада Әбдікәрімов көпқабатты тұрғын үйлер құрылысына қатысты бірқатар ұсыныс айтты.
<img src="https://kyzylorda-news.kz/wp-content/uploads/2021/04/173812204_3282238538545859_2424834901831728047_n.jpg" alt="" />

Қызылорда облыстық мәслихатының кезектен тыс 3 сессиясы өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қызылорда облысының әкімі Гүлшара Әбдіқалықова Қызылорда қаласындағы бірқатар бизнес және әлеуметтік бағыттағы нысандарды аралап, жұмысын тексерді.
Алдымен аймақ басшысы «КазАгроМир» жылыжай кешенінің, ет өнімдерін шығаратын «Танкаман» шаруа қожалығының жұмысымен танысты. Жалпы ауданы 2,2 гектар жерде орналасқан жылыжай кешені жылына 1000 тонна қияр және қызанақ өндіреді.
Ал, «Танкаман» шаруа қожалығында жылқы малдарын өсіреді, бордақылайды және қымыз өнімін өндіреді. Мұнда 15 азамат жұмыс істеуде.
Мұнымен қоса, облыс әкімі қаладағы бірнеше шағын өндіріс орындарына барды. «Хуа Ю Интернационал» химиялық реагенттер шығаратын зауыттың, «ВЕГА-ПРОМ» желім (клей), ЖК «Қалымбетова» шұжық, «Аруана-Агролидер» ет өнімдерін шығаратын цехтарының, «Dalatex» тігін фабрикасының жұмысымен танысты.
«Хуа Ю Интернационал» химиялық реагенттер шығаратын жылына 1000 тонна өнім шығарса,, «ВЕГА-ПРОМ» желім шығаратын цех тәулігіне 50 тонна желім өндіреді. Ал, шұжық шығару цехында 12 азамат тәулігіне 5 тонна шұжық өнімін шығарады.
Құны 50 млн.теңгені құрайтын «Аруана-Агролидер» ет өнімдерін шығаратын цех тәулігіне 800 тонна консервіленген ет өнімдерін әзірлейді. Ал, «Dalatex» тігін фабрикасында сағатына 7 тонна өнім тігеді. Мұнда 23 тұрғын жұмыспен қамтылып отыр.
Аймақ басшысы Гүлшара Әбдіқалықова шағын бизнес иелеріне жұмысты одан әрі жандандырып, өнім көлемін арттыра отырып, шығарылатын өнімдерді сапалы әрі стандартқа сай етіп өндіруді тапсырды. Бұл жұмыстардың іске асырылу барысын бақылауды орынбасары Нұрлан Тілешовке жүктеді.
Мұнан кейін облыс әкімі жалпы ауданы 41,1 мың шаршы метрді құрайтын СПМК-70 тұрғын ауданында жаңадан салынып жатқан 14 кредиттік тұрғын үйдің құрылыс барысын көрді. 630 пәтерлік үйлерді салуға 8 млрд. 245,7 млн теңге бөлінген.
Аймақ басшысы Гүлшара Әбдіқалықова қала әкімі Ғанибек Қазантаевқа тұрғын үй құрылысына қажет құрылыс материалдарының сапасына аса мән беруді және уақытылы аяқтауды міндеттеді.
Сондай-ақ, өңір басшысы «Жұмыспен қамтудың 2020-2021 жылдарға арналған
Жол картасы» аясында Ғ.Мұратбаев көшесіндегі стадион аумағын абаттандыру және «Қызылорда су жүйесі» мекемесіне жүргізілген ағымдағы жөндеу жұмысын тексерді.
Абаттандыру жұмыстарына 195,0 млн. теңге бөлінген. Бағдарлама аясында 75 данатүнгі жарық шам, 67 дана орындық, 67 дана қоқыс жәшігі, 1 дана су бұрқақ орналастырылып, 17 000 шаршы метр жерге брусчатка төселуде. Ал, «Қызылорда су жүйесі» мекемесінің өндірістік техникалық базасына ағымдағы жөндеу жұмыстарын жүргізуге 109,7 млн. теңге бөлінген. Жоба аясында 35 адам жұмыспен қамтылды. 
Аймақ басшысы қала әкіміне мемлекеттік бағдарламалар арқылы бөлінген қаржының мақсатты жұмсалып, тиісті жұмыстарының сапалы атқарылуын қатаң бақылауға алуды жүктеді.
Нысандарды аралау барысында облыс әкімі қалалық жұмыспен қамту, әлеуметтік бағдарламалар және азаматтық хал актілері бөлімінің жұмысын тексерді. Ғимарат 3 қабаттан тұрады. 1 қабатта – мүгедектігі бар азаматтарға қызмет көрсету және сауықтыру, 2 қабатта – мемлекеттік қызметтер көрсету, 3 қабатта – «Бақытты отбасы» отбасын қолдау блогтары орналасқан.
<blockquote>
 «Бүгінгі күні әлеуметтік сала өзекті салалардың бірі. Жұмыссыздарды тіркеу, мемлекеттік атаулы әлеуметтік көмекті ұйымдастыру, жұмыспен қамтудың төлемдерін жүргізу, қоғамдық қабылдау өткізуаса жауапты қызмет. Тұрғындарға жоғары деңгейде қызмет көрсетіп, дер кезінде көмек беру керек. Мемлекеттік бағдарламалардың сапалы жүзеге асырылуына аса мән беріңіздер», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/04/5dd2e2b3ebddc98c6d858bf253dabd79_1280x720.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618248537463.jpg" alt="" />

Аймақ басшысы Қызылорда қаласындағы бірқатар бизнес және әлеуметтік нысанды аралады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; 2025 жылға қарай Байқоңыр қаласы мен мұндағы ғарыш айлағына жылына 250 мыңға дейін турист тарту жоспарлануда. Бұл тарихи мекеннің әлеуеті жоғары: мұнда ғарыш саябағын салып, туристік пойыз жүргізуге және автожарыстар ұйымдастыруға болады, деп жазады <a href="https://sputnik.kz/">Sputnik Қазақстан</a>.
<h3 id="">Туристер отбасымен демалысқа келуі керек</h3>
“Байқоңыр” туристік аймағы 2019-2025 жылдарға арналған туристік саланы дамытудың мемлекеттік бағдарламасы бойынша келешегі зор он бағыттың ішіне кірді.
<blockquote>
 “Қала мен ғарыш айлағының аумағына келген қонақтар орналасатын орындар тапшы екенін жақсы түсінеміз. Барлығы жеті қонақ үй болса, оның бесеуі қалада, екеуі ғарыш айлағының аумағында орналасқан. Жалпы саны 550 жатын орын бар. Бұл өте аз”, – дейді Ержан Еркінбаев.
</blockquote>
Kazakh Tourism қонақ үйлердің құрылысына инвесторлар тартуды көздеп отыр. Оның айтуынша, Байқоңыр қаласы мен ғарыш айлағына туристердің отбасымен 3-4 күн демалысқа келуіне қолайлы инфрақұрылым қажет.
<img src="https://sputnik.kz/images/07e5/04/0c/16768118.jpg" alt="Председатель правления национальной компании Kazakh Tourism Ержан Еркинбаев" title="Председатель правления национальной компании Kazakh Tourism Ержан Еркинбаев" />
Kazakh Tourism ұлттық компаниясының басқарма төрағасы Ержан Еркінбаев
<blockquote>
 “Ғарыш айлағындағы алаңдар өзара дамыған теміржол жүйесімен байланысып тұр. Қазір бұл темір жол сервистік, қызмет көрсетуші, техникалық мақсатта ғана қолданылып жүр. Қосымша вагондар сатып алу арқылы алаңдар арасында туристік пойыз жүргізуге болады. Сол вагондардан зымыранның ұшуын көруге болады. Маневрлі тепловоз туристер үшін нағыз қолайлы жылдамдықта жүре алады”, – деді Еркінбаев.
</blockquote>
<h3 id="-1">Бақылап-өткізуді жеңілдету ұсынылды</h3>
Kazakh Tourism ұлттық компаниясының басқарма төрағасы бақылау-өткізу орындарындағы кей рәсімдерді цифрландыруға болатынын айтты.
<blockquote>
 “Біз ресейлік тарапты бұл процсті бірлесіп қарастыруға шақырдық. Әрине, технологиялық процестер мен қауіпсіздікті елеусіз қалдыруға болмайды. Бірақ кей процестерді жылдамдату қажет деп ойлаймын. Ол үшін барлық техникалық қауіпсіздікті ескере отырып, цифрландыруды енгізу керек”, – деді Еркінбаев.
</blockquote>
Оның пікірінше, Байқоңыр туристерге арналған музей емес, ол ең алдымен ғарыш айлағы екенін естен шығармау керек.
<blockquote>
 “Оны жалпыға қолжетімді орынға айналдыруға болмайды. Бірақ ақылға қонымды шаралар, жоспарлар және ең бастысы туризмнің дамуы үшін бұл процестерді жеңілдетуге бағытталған екі ел арасындағы диалог бар”, – деп атап өтті басқарма төрағасы.
</blockquote>
<h3 id="-2">Байқоңырда ғарыш саябағы пайда болады</h3>
Еркінбаев серіктестермен бірлесіп ғарыш айлағын дамыту жоспары әзірленгенін айтты. Ол ғарыш айлағы музейінің аумағына орналастырылады.
<blockquote>
 “Алдын ала есеп бойынша аумағы 50 гектар шамасында. Онда жабық ғарыш музейі мен ашық аспан астындағы музей орналасады. Оған заманауи аттракциондар, цифрлық, компьютерлік шешімдер, күмбезді кинотетар мен &nbsp;басқа да нысандар салынады. Бұл туристерді тартуға ықпал етеді”, – деді ол.
</blockquote>
Kazakh Tourism басшысы атап өткендей, басқа елдердегі ғарыш айлақтары елге бір жарым миллион туристі тартып, экономикаға 300 миллион долларға дейін табыс кіргізіп отыр.
<h3 id="-3">Аэродромда автожарыс өткізу мүмкін бе?</h3>
Еркінбаев Юбилейный аэродромын туризм дамыту бойынша әлеуеті жоғары орын деп санайды.
<blockquote>
 “Юбилейный аэродромы ғарыш айлағының функционалынан шығарылған. Бірақ ол жақта аумағы үлкен ұшу-қону жолағы бар. “Буран” ғарыш кемесі осы орынға қонған болатын. Бұл орынды жоғалтуға болмайды. Оны “Формула-1″ секілді автожарыстар өткізу үшін пайдалануға болады. Егер стратегиялық серіктес пен трансұлттық компаниялар қызығушылық танытса, онда әлемдік деңгейде туристер тарту 50%-ке қамтамасыз етіледі. Бұл ғарыш айлағындағы бір ғана элемент көрсеткіші”, – деді ол.
</blockquote>
Алайда, Еркінбаев осы аталған шаруалардың барлығы тек жоспар екенін еске салды. Қазір келіссөздер жүріп жатыр.
<blockquote>
 “Нұр-Сұлтанға қайтқаннан кейін Red Bull, Burning Man секілді әлемдік фестивальдердің авторлары саналатын әлемдік брендтермен байланысатын боламыз”, – деді ол.
</blockquote>
Сондай-ақ, Еркінбаев Байқоңырға өз балаларын алып келуді армандайтынын айтты.
<blockquote>
 “Мұнда адамның ой-санасы өзгереді. Адамның мүмкіндіктеріне басқаша көзқараспен қарай бастайсың”, – деді ол.
</blockquote>
Ол ғарыш айлағы өзінің тартымдылығын жоғалтпауы үшін Байқоңырда зымырандарды ұшыру жүйесі қарқынды дамуы керек екенін атап өтті.

Байқоңырда ғарыш саябағы пайда болады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Түркістан қаласында Орталық Азиядағы ең ірі «Керуен-сарай» көпфункционалды туристік кешенінің ашылу рәсімі өтті. Инвестициялық жобаны «Turkistan Tourism City» компаниясы іске асырды, кешен құрылысы 2019 жылы желтоқсан айында басталды.
Нысан Қожа Ахмет Яссауи кесенесіне қарама-қарсы «Әзірет Сұлтан» мәдени қорығының буферлік аймағында 20,5 га аумақта орналасқан. Мұнда 4 мыңнан астам тұрақты жұмыс орны құрылды. Кешенге Жібек жолы дәуіріндегі саудагерлер мен қолөнершілер көшесі, «ұшатын театр», ат шоуын өткізуге арналған амфитеатр, Шығыс базары, сауда сөрелері мен бутиктер, қонақ үйлер мен мейрамханалар, СПА және фитнес-орталық, кинотеатр, отбасылық ойын-сауық орталығы кіреді. Бұл ретте, барлық құрылымдар су арнасы арқылы байланыстырылған, онда судағы «қайық шеруі» театрландырылған шоуы өткізіледі. «Керуен-сарай» кешенінің Орталық Азияда баламасы жоқ және ол Қожа Ахмет Яссауи кесенесінен кейін өңірге туристер мен инвестицияларды тартатын басты орталыққа айналуы тиіс.
«Керуен-сарай» кешенінің ашылу салтанатына Премьер-Министр Асқар Мамин, Түркістан облысының әкімі Өмірзақ Шөкеев, мәдениет және спорт министрі Ақтоты Райымқұлова, сондай-ақ инвестор компанияның өкілі Қуанышбек Құдайберген қатысты. А. Мамин Түркістандағы Қазақ музыкалық драма театрына барды.
Ғимараттың жалпы ауданы 11 мың шаршы метрден асады. Бұл аса жаңа жабдықтармен және театр жұмысына қажетті барлық бөлмелермен жабдықталған заманауи кешен. Көрермендер залының сыйымдылығы 510 адамды құрайды.Үкімет басшысы облыстық ғылыми-әмбебап кітапханамен танысты. Бұл ақпарат пен шығармашылыққа арналған бірегей хаб. Ғимараттың үш қабаты оқу залдары, коворкинг-орталықтары, фото-, бейне- және аудиожазба, каллиграфия, қыш өнері студиялары, шеберханалары, оның ішінде 3D-модельдерді жасауға арналған шеберханалары, сондай-ақ киноконцерт залы, кофеханалары, кітап кәдесыйлары мен қолдан жасалған бұйымдар дүкендері қамтылған зоналарға бөлінген.
Кітапхананың ғылыми-зерттеу орталығында кітап сақтау қоймасы, сирек кездесетін кітаптар мен көне заманғы қолжазбаларды сақтауға арналған бөлім, құжаттарды, кітаптарды цифрландыру және консервациялау цехтары, оның ішінде Орталық Азиядағы тотығуға қарсы жабдықпен жабдықталған бірден-бір цех бар.
Жұмыс сапары аясында Премьер-Министр сондай-ақ Түркістан қаласында басқа да инвестициялық жобалардың іске асырылу барысын тексерді.
<img src="https://kyzylorda-news.kz/wp-content/uploads/2021/04/171831578_3760779087371736_5449109305228828888_n.jpg" alt="" />
<img src="https://kyzylorda-news.kz/wp-content/uploads/2021/04/171530487_3760722050710773_7587846627225887014_n.jpg" alt="" />
<img src="https://kyzylorda-news.kz/wp-content/uploads/2021/04/172226223_3760779060705072_575265620045942261_n.jpg" alt="" />

Қазақстан және Қызылорда облысының жаңалықтары: Экономика