<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының 2023 жылға дейінгі экономикалық даму жоспары аясында 265 жобаны жүзеге асыру жоспарланған болатын. Өткен жылдың өзінде 89-ы іске қосылып, 1047 жұмыс орны ашылды. Мұнан бөлек, тағы 404 жобаны жүзеге асыру көзделуде.
<blockquote>
 «Экономиканы дамыту мақсатында іске асырылатын жобаларға талдау жасалып, 500-ге дейін арттыру көзделуде. Сондай-ақ, биыл 13,8 млрд. теңгені құрайтын 96 жобаны жүзеге асыру жоспарладық. Бүгінгі күнге жалпы құны 510 млн. теңгені құрайтын 29 жоба жүзеге асырылды, оларда 137 жұмыс орны құрылды. Бұл әрине ауқымды үлкен жобалар емес, дегенмен пандемия кезеңінде халықты жұмыспен қамту арқылы тұрақты табыс көзіне айналып тұрмыс тіршілігінің жақсаруына ықпал еткені анық. Бұл бағыттағы жұмыстар жалғасуда», – деді облыстық экономика және бюджеттік жоспарлау басқармасының басшысы Нұрғали Қордабай.
</blockquote>
Биыл «Ауыл-Ел бесігі» арнайы жобасы шеңберінде Қазалы, Қармақшы, Жалағаш, Сырдария және Шиелі аудандарына қарасты ауылдық елді мекендерде 13 инвестициялық жобаны іске асыруға республикалық бюджеттен 1,9 млрд теңге қаралды. Жоба аясында 3 307 тұрғын үйге газ желісі жүргізіледі. сондай-ақ 26,6 шақырым көше жөндеуден өтіп, 117 жұмыс орыны құрылатын болады.

Қызылордада 500-ге жуық жоба жүзеге асырылады

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp; 2021 жылғы қаңтар-сәуір айларында ЖІӨ өсу қарқыны өткен жылдан бері алғаш рет 0,7%-ды көрсетті. Бұл туралы ҚР Ұлттық экономика министрі Әсет Ерғалиев Үкімет отырысында мәлім етті, деп хабарлайды &nbsp;<a href="https://primeminister.kz/kz/news/kazakstanda-ekonomikanyn-osu-kurylymynda-sapaly-ozgerister-baykalady-1244012">primeminister.kz</a>.
Министрдің айтуынша, Қазақстан экономикасы қалпына келу серпініне өтіп жатыр. Қызмет көрсету саласы өсіп, ішкі сұраныс жақсаруда. Өңдеу өнеркәсібі салаларында да тұрақты өсу байқалады. Сонымен бірге экономиканың өндіруші емес салаларында негізгі капиталға инвестициялар айтарлықтай өсуде.
<blockquote>
 «Жалпы алғанда, экономика өсімінің құрылымында сапалы өзгерістер байқалады. Экономика дамуының басты драйвері – қазіргі жағдайда нақты сектордың тұрақты өсуі болып отыр. Жыл басынан бері тау-кен өндірісі өнеркәсібін есепке алмағанда, нақты сектордағы өсім 7,9%-ды құрады. Құрылыс, ақпарат пен байланыс, өңдеу өнеркәсібі, сумен және электрмен жабдықтау, ауыл шаруашылығы салаларында жоғары өсу жалғасуда. Бұл ретте, өңдеу өнеркәсібі соңғы 10 жылдағы ең жоғары өсуді көрсеткенін айта кеткен жөн», – деді ұлттық экономика министрі.
</blockquote>
Биылғы қаңтар-наурыз айларында сыртқы саудадағы тауар айналымы 19,7 млрд долларға жеткен, оның ішінде экспорт – 11,5 млрд долларды құрады. Бұл ретте шикізаттық емес тауарлар экспорты 15%-ға өсіп, 4 млрд долларға жетті. Ал тауарлар импорты 8,2 млрд долларды құрады. Оң сауда балансы 3,3 млрд доллардан асқан.
Бас экономистің айтуынша, жалпы өңдеу өнеркәсібіндегі өсім 7,7%-ға дейін жеделдеген, 13 өңір оң өсім көрсетті. Ең жоғары өсім Алматы мен Нұр-Сұлтан қалаларында және Алматы облысында тіркелген. Көптеген өңірлерде жоғары инвестициялық белсенділік сезіледі. Ең жоғары көрсеткіштер Алматы, Нұр-Сұлтан қалаларында, Түркістан және Жамбыл облыстарында байқалады.
Құрылыс саласы жоғары өсу динамикасын көрсетуде. Орындалған құрылыс жұмыстарының көлемі 12,5%-ға ұлғайды. Мұнда Батыс Қазақстан облысын қоспағанда, барлық өңірлерде өсім бар. Құрылыс-монтаждау жұмыстарының жоғары қарқыны Түркістан, Қызылорда облыстарында және Алматы қаласында байқалады. Биылғы қаңтар-сәуір айларында тұрғын үйді пайдалануға беру 13,3%-ға өсіп, 3,5 млн шаршы метрді құраған.
Ауыл шаруашылығы саласында өнім шығару 3%-ға ұлғайды. 13 өңірде оң серпін байқалып, Ақмола облысы ең жоғары өсім көрсеткен.
<blockquote>
 «Жалпы, тұрақты өсу қарқыны мемлекеттік қолдау шараларымен қамтамасыз етіледі. Олар ауыл шаруашылығы өңдеу саласын инвестициялауды ынталандыруға, ауыл шаруашылығы техникасының лизингіне, экономиканың өзіндік жеткіліктілігін арттыру бойынша инвестициялық жобаларды іске асыруға бағытталған», — дейді министр.
</blockquote>
Сөз соңында ол орталық және жергілікті атқарушы органдарға бірнеше шараны атқару қажеттігін айтты.
<blockquote>
 «2021 жылға арналған экономикалық өсімді қалпына келтіру жөніндегі өзектендірілген кешенді жоспарды тиімді іске асыру керек. Экономиканың басым секторларында ірі компаниялармен инвестициялық келісімдерді іс жүзінде орындау қажет. Ауыл шаруашылығы және құрылыс-монтаж жұмыстары маусымын белсенді өткізіп, «Жұмыспен қамтудың жол картасы» және «Еңбек» бағдарламалары шеңберінде таргеттелген тұрақты жұмыс орындарын құру керек. Жаңа «өсу факторларын» дамыту және өңірлердің экономикалық байланысын күшейту қажет», – дейді Әсет Ерғалиев.
</blockquote>
Министрдің айтуынша, жоғарыда көрсетілген шараларды іске асыру экономикалық белсенділікті ынталандыруға және осы жылғы экономикалық өсімді қамтамасыз етуге мүмкіндік береді.

Қызылорда облысында құрылыс көлемі ұлғайды

<a href="https://kyzylorda-news.kz/">Kyzylorda-news.kz</a>. Қызылорда облысы халқының 98,9 пайызы орталықтандырылған су жүйесіне қосылған. Жалпы, аймақта 234 елді мекен бар. Елді мекендердің 85 пайызы Арал-Сарыбұлақ, Октябрь, Жиделі топтық су құбырлары және ішкі су тарату жүйесі бар скважиналар арқылы орталықтандырылған су жүйесіне қосылған. Ал барлығы 10 мыңға жуық халық 35 ауыл скважиналардан, құдықтардан су ішіп отыр.
Биыл Қазалы ауданы Жанқожа батыр, Майдакөл елді мекенде сервистік су желісі, Қармақшы ауданы Төретам кентіне су жүйесінің құрылысы, Байқоңыр қаласының кәріз жүйесін жаңарту, Жаңақорғандағы Төменарық, Сунақ ата, Екпінді ауылдарының су жүйесін жаңарту және кеңейту жұмыстары басталады.
<blockquote>
 «Арал ауданындағы Абай, Тоқабай және Ақбасты ауылдарын «Арал-Сарыбұлақ» топтық су құбырына қосу жұмыстарын бастауға республикалық бюджеттен қаржы бөлінді. Жобалардың қаражаты ауқымды болғандықтан құрылысы кезең-кезеңмен іске асады. Жаңақорған ауданының 27 ауылын ауыз сумен толық қамтамасыз ету үшін 2019 жылдың соңында Сырдария топтық су құбыры іске қосылды. Ал Талап топтық су құбырының құрылысы ағымдағы жылы аяқталады деп жоспарлануда», – деді облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жоламанов.
</blockquote>
Қызылорда қаласының тұрғындарын ауызсумен Қызылжарма және Қызылорда жер асты су кені арқылы қамтамасыз етіледі. Қазіргі таңда тәулігіне 77-79 мың текше метр ауыз су 74 ұңғыма арқылы өндірілуде. Жаз мезгілінде бұл көрсеткіш 95-100 мың текше метрге дейін ұлғаяды.
<blockquote>
 «Мекемелердің пайдаланған суын қашықтан бақылайтын бағдарламамен жұмыс жасап жатырмыз. «Атлас» деп аталатын жоба мемлекеттік мекемелерге орнатылды. Бұл жүйені заңды тұлғаларға орнату үшін лицензиясы бар мекемелермен келіссөздер жүргізудеміз», – деді «Қызылорда су жүйесі» МКК басшысы Марат Жамиев.
</blockquote>

Қызылорданың 98,9 % орталықтандырылған су жүйесіне қосылған

<a href="https://kyzylorda-news.kz/">Kyzylorda-news.kz</a>. Цифрлық даму, инновациялар жəне аэроғарыш өнеркəсібі министрі Бағдат Мусин «Протон» зымыран-тасығышы ұшыру қай жылы толықтай тоқтайтынын айтты, деп хабарлайды ҚазАқпарат.
Ресей тарапы «Байқоңыр» айлағынан «Протонды» ұшыруды қысқартып жатыр.
<blockquote>
 «Жалпы, «Протон» зымыран-тасығышын ұшыруды қысқартуға тоқталсақ, 2016 жылы тиісті уағдастыққа қол жеткізілді. Осы орайда жыл сайын «Протон» зымыран-тасығышы бес реттен артық пайдаланылмайтыны және 2026 жылға қарай бұл зымырандарды пайдалану толықтай тоқтатылатыны ескерілген», – деді министр депутаттардың сауалына жауап бере отырып.
</blockquote>
Оның сөзіне қарағанда, 2020 жылы «Протон» зымыран-тасығышы бір рет ұшырылған. Ал 2021 жылға аталған зымыран-тасығыш бойынша Ресейдің жоспары әзірге ұсынылмаған.
<blockquote>
 «Қазір жылына бес рет пайдалану көрсеткішіне жетпейді. Олар бұл зымыран-тасығыштарды ұшыруды өздері қысқартып жатыр», – деді Бағдат Мусин.
</blockquote>

2026 жылдан бастап «Протон» зымыран-тасығышы Байқоңырдан ұшырылмайды

<a href="https://kyzylorda-news.kz/">Kyzylorda-news.kz</a>. Қазақстанда тұрғын үй нарығындағы бағалар бір жыл ішінде 9,2 пайызға өсті. Өсім бүкіл өңірде байқалады.
Ұлттық статистика бюро деректеріне сүйенсек, бір жыл ішінде&nbsp;Павлодардағы&nbsp;бастапқы жылжымайтын мүлік едәуір қымбаттаған (29,2 пайызға). Екінші орында&nbsp;Орал&nbsp;(16,7 пайызға), үшінші орында –&nbsp;Қарағанды&nbsp;(15 пайызға).
Нұр-Сұлтанда&nbsp;мердігер компаниядан пәтер сатып алу 14,3 пайызға,&nbsp;Алматыда&nbsp;– 4,4 пайызға өскен, дейді сарапшылар.
Бір ай ішінде (2021 жылдың наурызынан сәуіріне дейін) жаңа тұрғын үйдің орташа бағасы 0,8 пайызға өскен:
<ul>
<li>Көкшетауда (2,7 пайызға);</li>
<li>Қостанайда (2,2 пайызға);</li>
<li>Нұр-Сұлтанда (1,7 пайызға);</li>
<li>Алматыда (0,6 пайызға);</li>
<li>Ақтау мен Атырауда (0,5 пайызға).</li>
</ul>
Өскеменде&nbsp;теріс динамика байқалған (8,2 пайызға аз).
<img src="https://kaz.tengrinews.kz/userdata/u279/2021-05/resize/ae7384ae9243a81bc0317372bdecd715.jpeg" alt="" />
Сәуірде жаңа тұрғын үйдің шаршы метрі орташа есептегенде 327 мың теңгеден сәл асқан.
Ең қымбат пәтер Нұр-Сұлтан (1 шаршы метрге 426 мың теңге), Алматы (372,8 мың) және Шымкент (320 мың) қалаларында. Ең арзаны Таразда (150 мың) және Қызылордада (159 мың) “Нұрлы жер” мемлекеттік бағдарламасы бойынша салынып жатқан пәтерлер есебінен сатылады.
<a href="https://kaz.tengrinews.kz/">Tengrinews.kz</a>

Қызылордада тұрғын үй арзан

<a href="https://kyzylorda-news.kz/">Kyzylorda-news.kz.</a> Айдынды Арал ауданында жақсы дамыған кәсіптің бір түрі – балық шаруашылығы десек қателеспейміз. Бұл кәсіппен ертеден айналысатын ағайындар балықты аулап қана қоймай, оларды көбейту жолын да ұмытпаған. Бұл сөзімізге «Қамыстыбас балық питомнигі» анық дәлел бола алады.
Қазалы ауданының әкімі Мұрат Ергешбаев көршілес Арал ауданында арнайы іссапармен барып, балық шабақтарын өсіру шаруашылығымен айналысатын мекемелердің жұмысымен танысты.
Аудан басшысы алдымен Қосжар ауылындағы «Қамыстыбас балық питомнигіне» барды. Ол жерде Арал ауданының әкімі Мұхтар Оразбаев көршілес аудандағы балық шаруашылығы туралы кеңінен әңгімелеп берді.
Ал, «Қамыстыбас балық питомнигі» РМҚК директорының орынбасары Айдос Есепбаев 1966 жылдан бері жұмыс істеп келе жатқан мекемеде балықтың 3 түрі өсірілетін жеткізді.
Қазіргі таңда мұнда ақ амур, дөңмаңдай және сазанның (карп) 15 млнға жуық шабағы өсірілуде. Аталған питомник Қызылорда облысы аймағындағы мемлекеттік тапсырыспен Арал өңірінің, Сырдарияның төменгі құйылысындағы балық аулау кәсіпшілігіне ыңғайлы табиғи су қоймалары мен көлдерді балықтандыру мәселесімен айналысып келе жатқан мекеме.
Аудан басшысы келесі кезекте ат басын тіреген нысан Ақшатау ауылындағы балық өсіретін инкубациялық цех болды. Өткен жылы пайдалануға берілген цехты қазалылық кәсіпкер Төребек Игіліков Арал ауданындағы серіктестерімен бірігіп ашқан.
Төребек Игіліковтың айтуынша, жалпы құны 40 млн теңге болатын цех ғаламдық экологиялық қордың қаржылай қолдауымен салынған. Жобаны жүзеге асыру үшін 11 млн қайтарымсыз грантқа да қол жеткізген.
Бүгінде балық өсіретін инкубациялық цехта көксерке, сазан, дөңмаңдай және ақ амур шабақтары өсіріліп жатыр. Заманауи құрал-жабдықтар Ресейден сатып алынған балық уылдырығынан алынған дернәсілдер теңіздің Арал және Қазалы аумағындағы айдындарына жіберілетін болады.
<img src="https://kyzylorda-news.kz/wp-content/uploads/2021/05/4.jpg" alt="" />
<img src="https://kyzylorda-news.kz/wp-content/uploads/2021/05/1.jpg" alt="" />
<img src="https://kyzylorda-news.kz/wp-content/uploads/2021/05/3.jpg" alt="" />

Басты мақсат &#8211; балық шаруашылығын дамыту

<a href="https://kyzylorda-news.kz/">Kyzylorda-news.kz.</a> «Қарапайым заттар экономикасы» мемлекеттік бағдарламасы аясында өңірде биыл 300 млн. теңгені құрайтын 10 жоба қолдау тапты. Тағы 2,3 млрд. теңге болатын 9 жоба қаржы институттарының қарауында. Жалпы бағдарлама қолға алынғаннан бері облыста 8,6 млрд. теңгенің құрайтын 119 жоба қаржыландырылды.
<blockquote>
 «Осы жобаларды іске асыру арқылы бетон құбырлары, жемшөп өнімдері, ұзақ уақыт сақтауға арналған ұннан жасалған кондитерлік өнімдер өндірісін құру, жиһаз өнімдерінің ассортиментін кеңейту күтілуде», – деді облыстық индустриялық-инновациялық даму басқармасының басшысы Ринат Сұлтангереев
</blockquote>
Облыста Индустрияландыру бағдарламасы аясында құны 542,9 млрд.теңгені құрайтын 41 жоба жүзеге асырылуда. Бұның ішінде биыл 48,5 млрд. теңгені құрайтын 4 жобаны іске қосу жоспарлануда. Атап айтсақ, шыны зауыты, түйе сүтінен құрғақ ұнтақ жасау өндірісі, құс фабрикасы, және ас тұзы өндірісі.

«Қарапайым заттар экономикасы»: Қызылордада 10 жоба қаржыландырылды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың төрағалығымен кеңейтілген жиын өтті. Отырысқа әкім орынбасарлары, салалық басқарма басшылары мен онлайн селекторлық режимде қала, аудан әкімдері қатысты.
Кеңейтілген жиында екі мәселе қаралды. Алғашқысы жылу маусымын қорытындылау және алдағы міндеттерді айқындау бағытына арналды. Облыстық энергетика және тұрғын үй коммуналдық шаруашылық басқармасының басшысы Руслан Нұрмағанбетов аймақтағы жылу беру маусымы кезеңіндегі атқарылған негізгі жұмыстарды баяндады.
Жыл ішінде облыстағы 1185 әлеуметтік нысан мен орталық жылуға қосылған 784 қөпқабатты тұрғын үй жылумен қамтылды. Бұл ретте әлеуметтік нысандарға қажетті 40 мың тонна көмір, 26 мың тонна дизельдік отын қоры мерзімінде жасақталып, тұрғындарға қажетті 164 мың тонна көмір отыны толық жеткізілген.
Руслан Нұрмағанбетов электр энергияларынан болатын ақаулардың мәселелері, тұрғын үйлерге жылу, су, электр есептеуіш құрылғыларды орнату бойынша нақты жағдайды тізбектеді. Сондай-ақ, алдағы жылу беру кезеңінде іске асырылатын жұмыстарға тоқталды. Алдағы жылу маусымында 5 шақырым жылу, 1447 шақырым электр, 2 шақырым су және кәріз, 2307 шақырым газ желілері жөнделеді. Мұнан бөлек, Қызылорда жылу электр орталығы мен 13 қазандық жөндеуден өтпек.
Отырыста аймақ басшысы бірқатар жылу-энергия кәсіпорындары басшыларына негізгі проблемалық мәселелерді айқындап алуды, нақты механизмге сай жұмыс жасау қажеттігін қаперге салды.
Жылу, энергетика бағытындағы жұмыстарды саралаған облыс әкімі сала басшыларына бірқатар тапсырмалар берді. Атап айтқанда, 2020-2021 жылғы жылу беру маусымында жіберілген кемшіліктерге талдау жасап, алдағы жылу беру маусымына дайындық жұмыстарының кестесін әзірлеп, тиісті шараларды ағымдағы жылдың 1 қазанына дейін толық аяқтауды, әлеуметтік нысан қазандықтарын қолданыстағы нормаларға сәйкестендіру жұмыстарын жүргізуді тапсырды. Сондай-ақ, әлеуметтік нысандар бойынша қажетті отын қорын жасақтауды, коммуналдық төлемдерді жинақтау, мекемелер арасындағы берешек қарыздарды болдырмау мақсатында тиісті жұмыстардың жүргізілуін бақылауға алуды жүктеді. Тізбектелген тапсырмалардың орындалуын бақылауға алуды орынбасары Серік Сүлейменовке тапсырды.
Жиында қаралған екінші мәселе – мүгедектігі бар адамдардың құқықтарын қамтамасыз ету және өмір сүру сапасын жақсарту. Оның ішінде мүгедектігі бар адамдарға облыс аумағындағы нысандарды бейімдеу мәселесі қаралды. Бұл бағытта облыстық жұмыспен қамту және әлеуметтік бағдарламалар басқармасының басшысы Гаухар Қалмақова негізгі басымдықтарға тоқталды.
Жалпы облыста 30 мыңнан астам мүгедектігі бар адамдар бар. Биылдан бастап мүгедектігі бар адамдар техникалық оңалту құралдары мен қызметтерін толығымен Әлеуметтік қызметтер порталы арқылы алуда. Облыста жеке оңалту бағдарламасы әзірленген 11061 мүгедектігі бар адамдардың 9013-і электронды цифрлық қолтаңбамен қамтамасыз етілген. Нәтижесінде, әлеуметтік қызметтер порталына жіберілген жеке оңалту бағдарламаларының орындалуы 65%-ды құрап, республика бойынша өңір 3-ші орынға шықты.
Жиында облыс аумағындағы нысандарды бейімдеу жұмыстарының барысы талқыланды. Өңірде ерекше қажеттілігі бар адамдар үшін бейімдеу және әлеуметтік инфрақұрылым обьектілерін жақсарту жұмыстары жүргізілуде. Бұл бағытта 2021-2025 жылдарды көздейтін әкімдік пен Еңбек министрлігімен 1294 инфрақұрылым объектілерін бейімдеуден өткізу жоспары бекітілген. Оның ішінде биылғы жылға жоспарланған 258 объектінің 243-і мемлекеттік мекеме, қалғаны жеке сектордың үлесінде.
Нысандардың қолжетімділігі мониторинг жүргізу бойынша Қызылорда қаласы мен аудан әкімдіктері жанынан жұмысшы топтар құрылған. Нәтижесіне қарай бейімдеуге қажетті қаржы көлемі нақтыланатын болады. 
Кеңейтілген жиынды қорытындылаған облыс әкімі сала басшысына жұмысты үйлестіру бағытында бірқатар тапсырмалар берді.
<blockquote>
 «Облыс аумағындағы нысандарды бейімдеу жұмыстары бойынша Қазалы, Қармақшы, Жалағаш, Сырдария, Жаңақорған аудандары мен Қызылорда қаласы әкімдеріне жыл аяғына дейін жоспарланған объектілердің бейімделуіне қажетті қаржы көлемін нақтылап, тартылатын қаржы көздерін шешуді тапсырамын. Бұл жұмыстарды үйлестіруді орынбасарым Балжан Шәменоваға жүктеймін»,-деді Гүлшара Әбдіқалықова.
</blockquote>

Гүлшара Әбдіқалықова әлеуметтік бағыттағы мәселелер бойынша кеңейтілген жиын өткізді

<a href="https://kyzylorda-news.kz/">Kyzylorda-news.kz</a>. Бүгін аудан әкімі Мұрат Ергешбаев Жалаңтөс батыр ауылында ұйымдастырылған «Дала күні» шарасына қатысты. Онда аудан басшысы алқапқа алғашқы дән сеуіп, жаппай күріш егу науқанын бастады.
<blockquote>
 &nbsp;«Көктемнің әр күні жылға азық» дегендей, қазір жұмыстың нағыз қызған шағы. Күн жылынып, жер арқасы жібіген шақ шаруа адамының да білек сыбана қарбалас тірлікке кірісетін кезі. Сәл кешіксе болғаны, еңбегі еш кететінін қаперге ұстайтын шаруалар тамшылата тер төгіп, егіс алқаптарында таң сәреден, кеш батқанша еңбек етуде. «Не ексең, соны орарсың» деп тегін айтылмаған, көктемгі тынымсыз еңбектің өтемін күзде, жиын-терім кезінде көретініміз анық», – деді аудан әкімі Мұрат Нәлқожаұлы.
</blockquote>
«Дала күнін» өткізген диқандарға «Ақмаржан Қазалы» ЖШС директоры Төремұрат Тәжімұратов бата беріп, егіннің бітік шығып, күзде қырманның астыққа толуын тіледі.
Алғашқы дән себу рәсімінде аудандық ауыл шаруашылығы бөлімінің басшысы Нұрлан Аманбай аудандағы егіс көлемі және дайындық барысы туралы қысқаша айтып берді.
Бөлім басшысының айтуынша биыл ауданда17 685 гектар жерге ауылшаруашылығы дақылдарын орналастыру жоспарлануда. Оның ішінде негізгі дақыл – күріштің көлемі 6637 гектар. Одан бөлек, 125 гектар майлы дақылдар, 2250 гектар картоп, көкөніс, бақша дақылдары да егіледі.
Көктемгі дала жұмыстарының уақытылы басталып, сапалы жүргізілуі үшін қажетті шаралар қабылданған. Аудан дикандары минералды тыңайтқыш және тұқыммен қамтамасыз етілуде.Бүгінгі таңда 462 тонна арзандатылған дизель отыны жеткізілді.

Қазалыда алғашқы дән себілді

<a href="https://kyzylorda-news.kz/">Kyzylorda-news.kz</a>. Бүгін қала әкімдігінде облыс әкімінің орынбасары Серік Сүлейменовтің қатысуымен мәжіліс өтті. Бірқатар басқарма басшылары, қалалық бөлімдер мен коммуналдық мекемелердің және пәтер иелері кооперативтерінің басшылары қатысқан мәжілісте коммуналдық мәселелердің өзекті тұстары талқыланып, оны шешу жолдары сараланды.
Күн тәртібінде жол, тұрғын үй құрылысы, газ, жарық, жылу және тасымалдау саласы бойынша түйткілді мәселелердің түйіні тарқатылды. Алдымен шаһардағы тұрғын үй құрылысы, осы салаға қатысты проблемалық мәселелер талқыланды. Бұл ретте облыс әкімінің орынбасары апаттық үйлер кезегінде тұрған азаматтар мен көп балалы аналарды тұрғын үймен қамту мәселесін тезірек шешу керектігін баса айтты.
Одан әрі қаланың сәулеттік келбеті туралы сөз болып, алдағы жоспарлар мен атқарылатын жұмыстар да айтылды. Жоспарға сай жүзеге асатын ауқымды жұмыстардың қатарында сол жағалаудан салынатын Гүл бульвары бар. Жиында 12 гектар аумаққа орналасуы тиіс жаңа бульварды салу жоспары тағы бір мәрте пысықталды.
Мәжілісте қалаға қарасты ауылдық округтерді газбен қамту мәселесі де қаралды. Бұл мәселеге қатысты хабарлама жасаған облыстық энергетика және тұрғын-үй коммуналдық шаруашылығы басқармасының басшысы Руслан Нұрмағанбетов ағымдағы жылы Ақсуатты газбен қамту жұмыстары басталатындығын айтып, Абай ауылын газдандыру жобасы бойынша мемлекеттік сатып алу конкурсы ұйымдастырылып жатқандығын атап өтті.
Отырыста ортаға салынған келесі тақырып жол құрылысы. «Өткен жылы қалада жүргізілген қарқынды жұмыстар негізінде көптеген тұрғын жол азабынан құтылып, жаңа жолдың игілігін көрді. Биыл да бұл жұмыстар қарқынды түрде жалғасады» – деген, қала әкімі Ғанибек Қазантаев мәжілісті қорытындылай келе басқосуда көтерілген мәселелердің шешілуі, берілген тапсырмалардың хаттамаға с әйкес облыстық басқармалармен бірлесе атқарылуы қатаң бақылауында болатындығын жеткізді.
<img src="https://kyzylorda-news.kz/wp-content/uploads/2021/04/01-2-scaled.jpg" alt="" />
<img src="https://kyzylorda-news.kz/wp-content/uploads/2021/04/02-2-scaled.jpg" alt="" />

Ақсуат ауылын газбен қамту жұмыстары басталады

<a href="https://kyzylorda-news.kz/">Kyzylorda-news.kz</a>. «Атамекен» Қазақстан Республикасының Ұлттық кәсіпкерлер палатасы Қазақстан Республикасы Президентінің «Алтын сапа» сыйлығын алуға арналған байқауды ұйымдастырушы ретінде 2021 жылғы 29 сәуірінде, 13 және 27 мамырында, 3,10, 17, және 24 маусымында сағат 14.30-ден 17.30-ға дейін «Алтын сапа» байқауының әлеуетті қатысушылары үшін вебинар өткізеді.
<a href="http://www.altynsapa.kz/?fbclid=IwAR3JFTT92IR4-rsSa5MZQadamKAsh1ZE-USkMrcnUpvNAs3iQFgepKzVhL4">www.altynsapa.kz</a> сайтында «Оқыту семинарлары» бөлімінде байқаулар бойынша бейне дәрістер орналастырылды. Байқауға қатысуға ниет білдірушілерге барлық бейне дәрістерді қарап, вебинарға қатысуды ұсынамыз.
Бейне дәрістер Қазақстан Республикасы Үкіметінің 2009 жылғы 31 шілдедегі № 1167 қаулысымен бекітілген Қазақстан Республикасы Президентінің «Алтын сапа» сыйлығын алуға арналған конкурсқа қатысушылардың материалдарын ресімдеу, ұсыну және алдын ала бағалау ережесіне сәйкес жасалған оқыту бағдарламасына сәйкес жазылған.
Бейне дәрістер келесі мәліметтермен таныстыруға бағытталған:
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – «Алтын сапа» байқауының нормативтік құқықтық негізіне;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – байқауға қатысу үшін өтінім беру;
– ұйымның өзін-өзі бағалау әдістемесі.
Тыңдаушылар ұйым қызметін модельдеу негіздерімен танысады, өзін-өзі бағалау бойынша есепті әзірлеу үшін қажетті білім мен мысалдар алады. Бейне дәрістер ақпараты тыңдаушыларға ұйымды диагностикалаудың тәсілдерін түсінуге, модельді практикада құрал ретінде нәтижелі қолдануға, үздік компаниялардың тәжірибесін зерделеуге, жақсартуды тәжірибеге енгізуге, сапа саласындағы байқауларға белсенді қатысуға ынталандырады.
Вебинарға altynsapa.kz сайтында өтінім берген «Алтын сапа» конкурсының әлеуетті қатысушылары қатыса алады. Өзіңізге ыңғайлы кез-келген күні бір рет қатыса аласыз.
Вебинарға қатысқысы келетіндерге сілтеме алу керек, оны алу үшін вебинар басталғанға дейін бірнеше сағат бұрын +7 701 925 14 64 телефон нөміріне WhatsApp-қа «вебинар» сөзін жазыу арқылы және/немесе сіздің өңіріңіздегі ӨКП жауапты тұлғасына хабарласу қажет. Қызылорда облысы кәсіпкерлер Палатасына жауапты сарапшысы: Танатова Гульдана +7 (724)-2-400981 (ішкі. 4311).

«Алтын сапа» байқауына қатысуға ниетті қызылордалық кәсіпкерлерге семинар өтеді

<a href="https://kyzylorda-news.kz/">Kyzylorda-news.kz</a>.&nbsp; Қызылорда облысында балық саласын дамытуға потенциал жоғары. Жергілікті сала өкілдері Балық шаруашылығын дамытудың мемлекеттік бағдарламасы аясында балық өсіру көлемін арттыруға дайын екендерін жеткізді.
Бұл туралы ҚР Экология, геология және табиғи ресурстар министрі Мағзұм Мырзағалиевтің жұмыс сапары аясындағы жиында айтылды.
Балықшылардың сөзінше, Қызылорда облысында қуаттылығы 12,5 мың тонна болатын 9 балық өңдеу зауыты бар. Олардың өндірістік қуаты өңірдің балық саласын саласын дамытуға және өндіріс көлемін екі есе арттыруға мүмкіндік береді.
Айта кетейік, Үкіметтің Балық шаруашылығын дамыту бағдарламасына сәйкес балық өсіру көлемін 270 мың тоннағадейін жеткізу жоспарлануда, оны 16 мың тоннасы Қызылорда облысына тиесілі болады.
<blockquote>
 «Балық шаруашылығына ерекше мән беру жөнінде Қазақстан Республикасының Президенті Қасым-Жомарт Тоқаев «Жаңа жағдайдағы Қазақстан: Іс-қимыл кезеңі» атты Қазақстан халқына арнаған Жолдауында атап өткен болатын Үкімет басшысының тапсырмасына сәйкес өткен жылы қазан айында Экология, геология және табиғи ресурстар министрлігімен және балық шаруашылығы ғылыми-өндірістік орталығымен бірлесе отырып, балық шаруашылығын дамытудың өңірлік бағдарламасын республика бойынша алғашқы болып бекіттік», – деді Гүлшара Әбдіқалықова.
</blockquote>
Балық шаруашылығы комитетінің төрағасы Нариман Жүнісов аталған межеге қол жеткізу үшін облыс аумағында балық өсіруге қолайлы су айдындар бар екенін, бұнымен тауарлы балық өсіру көлемін көбейтуге болатынын атап өтті.
<blockquote>
 «Қызылорда облысының табиғи-климаттық факторларын, Арал теңізін көлемін, күріш егу алқаптарында балық өсіру мүмкіндігін ескере отырып, өңір жылына жиырма бес мың тонна балық өсіруге қабылетті. Сондықтан, жергілікті тұрғындарды балық өсірумен айналысуға шақырамыз. Ол үшін өңірде теңіз де, тәжірибе де бар. Саланы мемлекеттік қолдау түрлері көбеюде. Біріншіден, тауарлы балық шаруашылығымен айналысу мерзімдері қырық тоғыз жыл болып белгіленді. Бұл бизнеске сеніммен инвестиция салуға және ұзақ мерзімді жоспарлар құруға мүмкіндік береді. Ал кәсіпшілік балық аулау үшін бұрынғы мерзімдер қалып, бес жылдан қырық тоғыз жылға дейін беліленді. Сондықтан тауарлы балық шаруашылығымен айналысу – тиімді», – деді комитет төрағасы .
</blockquote>
Қызылорда облысы аумағында Кіші Арал теңізі, Сырдария өзені және жергілікті маңызы бар 207 көлдер бар. Балық қорын сақтау және оларды жасанды жолмен молайту мақсатында Экология, геология және табиғи ресурстар министрлігіне қарасты Қамыстыбас балық питомнигінде жыл сайын 15 млн. дана балық шабақтары өсіріліп, балық шаруашылығы маңызы бар көлдерге және Кіші Арал теңізіне жіберілуде.
<blockquote>
 «Балық шаруашылығы бағдарламасын жүзеге асыруға 29 млрд.теңге қаржы тартылады. Осыған сәйкес 2030 жылға қарай, облыстың балық экспортын 2 есеге, тауарлы балық өндіру көлемін 111 есеге арттырып, 500-ден астам жаңа жұмыс орындары құрылады деп жоспарлап отырмыз. Нәтижесінде, облыста 16 шарбақтық балық өсіру шаруашылықтары, 12 тауарлы балық өсіретін тоған шаруашылықтары құрылып, 3 тұйық жүйелі сумен қамтамасыз ету құрылғылары іске қосылатын болса, көл-тауарлы су айдындарының саны 55-ке жеткізіледі», – деді жиында Қызылорда облысының табиғи ресурстар және табиғат пайдалануды реттеу басқармасының басшысы Б. Шаменов.
</blockquote>
Өңірде балық шаруашылығы саласында 6 млрд. теңгені құрайтын 9 инвестициялық жобаны іске асыру басталмақ. Осы жобалардың ішінде, жалпы құны 900 млн.теңгеге жылдық қуаттылығы 7 мың тоннаны құрайтын жаңадан 3 балық өңдеу зауыттары салынып, балықты терең өңдеу кешені кеңейтіледі. Өңірлік бағдарламаға сәйкес облыс бойынша өсірілетін 16 мың тонна балықтың 5950 тоннасы (37%) Қамыстыбас көлінің үлесіне тимек. 
Аралдағы жиналыста жергілікті балық шаруашылығы саласы өкілдері жүзеге асырып жатқан жобалары туралы да баяндады. Мысалы, «Арал СДО» ЖШС алдағы уақытта балық өңдеу цехын кеңейтіп, тауарлы балық көлемін арттырмақ.
<blockquote>
 «Кіші Арал теңізінде 5 учаскенің табиғат пайдаланушысымын. 1854 тонна балық аулау лимиті бекітілген. 20 адамды тұрақты және 100 адамды маусымдық негізде жұмыспен қамтамасыз етіп отырмын. Сонымен қатар, Арал ауданындағы «Тауарлы балықты өсіру және өңдеу кешенін кеңейту» жобасын қолға алып, балықты өңдеу цехы кеңейтіп, көксерке балық шаруашылығы мен тоғандық шаруашылықты дамытуды жоспарлап отырмын»,- деді шаруашылық басшысы Ә.Аимбетов.
</blockquote>
Ал жылына 2000 тонна балық өнімдерін шығаратын жеке кәсіпкер Игіліков биыл 5-6 млн шабақ өсіруді жоспарлап отыр.
<blockquote>
 «Өткен жылы, Түркістан облысының тауарлы балық өсіру жұмыстарымен танысып, тәжірибе алмасып қайттық. Балық өсірудегі Түркістан облысының оң тәжірибесіне қызығушылық танытып, өңірімізде енгізуге дайынбыз. Өңірімізде қабылданған балық шаруашылығын дамыту бағдарламасы, балық шаруашылығы саласында еңбек етіп жүрген біздерге көп көмегін тигізетініне сенеміз», – деді Т.Игіліков.
</blockquote>

Қазақстан және Қызылорда облысының жаңалықтары: Экономика

Қызылордада 500-ге жуық жоба жүзеге асырылады

Қызылорда облысында құрылыс көлемі ұлғайды

Қызылорданың 98,9 % орталықтандырылған су жүйесіне қосылған

2026 жылдан бастап «Протон» зымыран-тасығышы Байқоңырдан ұшырылмайды

Қызылордада тұрғын үй арзан

Басты мақсат – балық шаруашылығын дамыту

«Қарапайым заттар экономикасы»: Қызылордада 10 жоба қаржыландырылды

Гүлшара Әбдіқалықова әлеуметтік бағыттағы мәселелер бойынша кеңейтілген жиын өткізді

Қазалыда алғашқы дән себілді

Ақсуат ауылын газбен қамту жұмыстары басталады

«Алтын сапа» байқауына қатысуға ниетті қызылордалық кәсіпкерлерге семинар өтеді

Қызылорда облысында балық өсіру көлемі 16 мың тоннаға жетеді

Қазақстан және Қызылорда облысының жаңалықтары: Экономика

Қызылордада 500-ге жуық жоба жүзеге асырылады

Қызылорда облысында құрылыс көлемі ұлғайды

Қызылорданың 98,9 % орталықтандырылған су жүйесіне қосылған

2026 жылдан бастап «Протон» зымыран-тасығышы Байқоңырдан ұшырылмайды

Қызылордада тұрғын үй арзан

Басты мақсат &#8211; балық шаруашылығын дамыту

«Қарапайым заттар экономикасы»: Қызылордада 10 жоба қаржыландырылды

Гүлшара Әбдіқалықова әлеуметтік бағыттағы мәселелер бойынша кеңейтілген жиын өткізді

Қазалыда алғашқы дән себілді

Ақсуат ауылын газбен қамту жұмыстары басталады

«Алтын сапа» байқауына қатысуға ниетті қызылордалық кәсіпкерлерге семинар өтеді

Қызылорда облысында балық өсіру көлемі 16 мың тоннаға жетеді

Басты мақсат – балық шаруашылығын дамыту