<a href="https://kyzylorda-news.kz/">Kyzylorda-news.kz</a> &nbsp;Қызылорда облысының газдандыру деңгейі 75 пайызды құрады. Бұл бағытта 24 жобаға республикалық және облыстық бюджеттен және «Самұрық-Қазына» АҚ тарапынан қаржы бөлінген.<blockquote>– Жыл басынан бері алты елді мекен газға қосылып, облыс бойынша газдандырылған елді мекендердің саны 41-ге артты. Жыл соңына дейін бес ауылдық елді мекенге табиғи газ беріліп, облыстың газбен қамту деңгейі 78 пайызға, газдандырылған елді мекендер саны 46-ға жеткізілетін болады, - деді Өңірлік коммуникациялар қызметінде өткен брифингте облыстық энергетика және тұрғын-үй коммуналдық шаруашылық басқармасының басшысы Медет Усаин.</blockquote>Айта кетейік, келесі жылы Шижаға, Ақтан батыр, Дүр Оңғар, Шаған, Н.Ильясов, Ортақшыл, Баймұрат, Талдыарал, Сабалақ ауылдарын табиғи газға қосу жоспарлануда.&nbsp;Брифинг барысында облыстық энергетика және тұрғын-үй коммуналдық шаруашылық басқармасының басшысы Медет Усаин жаңа электр орталығың жұмыс барысын баяндады.Басқарма басшысының айтуынша электр орталығындағы негізгі қондырғыларды дайындауға шетелдік компанияларға тапсырыс беріліп, бүгінде газотурбиналық қондырғылар мен жылу қазандығы құрылыс алаңына жеткізілген. Жаңа жылу электр орталығы облыс аумағын электр энергиясының қажеттілігін толығымен қамтып, артылғанын басқа өңірлерге жіберуге мүмкіндік береді.<blockquote>– Мемлекет басшысының тапсырмасына сәйкес оңтүстік өңірлерде электр энергиясының тапшылығын болдырмау мақсатында Қызылорда қаласында қуаттылығы 240 мегаватты құрайтын жаңа жылу электр орталығы құрылысы жүргізілуде. Жобаның инвесторы «Акса Энерджи» түрік компаниясы болып табылады. Бүгінгі таңда инвестор тарапынан жылу орталығының құрылысына инвестиция салынды. Станцияны 2025 жылдың 4 тоқсанында іске қосу жоспарлануда,- деді басқарма басшысы.</blockquote>Бұдан бөлек, бюджет есебінен жылу электр орталығын газбен қамтамасыз ету жобасы іске асырылуда. Бүгінгі күнге жұмыстар 80 пайызға орындалды.&nbsp;Аймақ тұрғындарын орталықтандырылған ауыз сумен қамту үлесі 98,4 пайызды құрайды. Облыс аумағында 4 қала және 230 ауылдық елді мекен бар. Барлық қалалар 100 пайыз ауыз сумен қамтылған. Бұл туралы баспасөз алаңында айтылды. Жыл басынан атқарылған жұмыстарын баяндаған облыстық энергетика және тұрғын-үй коммуналдық шаруашылық басқармасының басшысы Медет Усаин 26 елді мекенді 2025 жылдың соңына дейін сапалы ауыз сумен қамту мақсатында жол картасы әзірленгенін айтты.<blockquote>– Жол картасы аясында 5 елді мекенді топтық су құбырына қосылып, 4 елді мекенге су тұщытқышын орнатылады. 3 елді мекенде ішкі су жүйесінің құрылысы жоспарланған. Биылға жоспарланған жобалар бойынша барлығы 88 шақырым ауыз су және 23 шақырым су бұру желілеріне жаңғырту жұмыстары жүргізілуде. Келесі жылы 28 жобаны іске асыру жоспарлануда, - деді басқарма басшысы.</blockquote><img src="https://knadmin.beoblood.kz/uploads/466140852_2141217599607074_2570856163068818006_n_741e679c36.jpg" alt="466140852_2141217599607074_2570856163068818006_n.jpg">

Жыл соңына дейін 5 елді мекен табиғи газға қосылады

<a href="https://kyzylorda-news.kz/">Kyzylorda-news.kz</a> Биыл облыс бойынша ветегациялық кезең сәтті өтті. Сырдария өзенінің сулылығы болжамына сәйкес Арал-Сырдария бассейндік инспекциясы тұрақты суаруға 3,7 млрд метр куб су пайдалану лимитін белгілеген. Осыған байланысты филиал 965 су пайдаланушылармен 127,1 мың гектар егіс алқабына 3,04 млрд метр куб су көлемін жеткізіп беруге келісім-шарт жасалған. Бұл туралы &nbsp;Өңірлік коммуникациялар қызметінің ақпарат алаңында “Қазсушар” РМК Қызылорда облысы бойынша филиалы директорының орынбасары Айдос Асанбаев айтты.<blockquote>– Биыл біздің облыс шаруалары су үнемдеу технологияларын енгізудің нәтижесінде 200 млн текше метрге жуық суды үнемдеді. Бұл су Арал теңізіне жіберілді. Айта кетейін, осы жылы өңірдің дихандары 55 мың гектар күріш алқабына лазерлік тегістеу жұмыстарын жүргізді. Облыс бойынша күріш алқабының жалпы ауданы 84 мың гектарды құрады. Осылайша, биылғы жылғы суару маусымында теңізге шамамен 1 млрд текше метр су жіберілді. Бұл өткен жылмен салыстырғанда 3 есе көп болып отыр. Вегетациялық кезеңде Шардара су қоймасынан Сырдария өзенінің төменгі ағысына вегетациялық кезеңде жоспар бойынша келетін су көлемі 500-550 м³/с болып белгіленсе, нақты 600-650 м³/с-қа дейін су түсті. Сонымен қатар, суару маусымы аяқталғаннан кейін, су тасқынын өткізуге дайындық үшін пайдалану ережелеріне сәйкес, 24-28 қазан аралығында барлық гидротехникалық құрылыстардың шандорлары кезең-кезеңімен көтеріліп, су қоймалары босатылып, қысқы жұмыс режиміне ауыстырылды. Су жеткізіп беру қызметін оңтайлы жүргізу және су шаруашылығы нысандарының қалыпты жұмыс жасауын қамтамасыз ету үшін теңгерімдегі 120,6 шақырымды құрайтын 23 дана каналдарға механикалық тазарту, 49 дана гидротехникалық құрылымдарды ағымдағы жөндеуге және 26дана су өлшеу бекеттерін қалпына келтіру межелеген болатын, – деді Айдос Әлібекұлы.</blockquote>Егістікке су алу кезеңіне дейін 73,4 шақырымды құрайтын 22 каналға механикалық тазарту жұмыстары жүргізіліп 605 мың м3 топырақ шығарылса, 19 дана гидротехникалық құрылымды ағымдағы жөндеу және қажеттілікке байланысты 31 дана су өлшеу бекеттерін қалпына келтіру жұмыстары толық орындалды.<img src="https://knadmin.beoblood.kz/uploads/7_d5072081db.jpg" alt="7.jpg">Фото: www.osce.org

Биыл облыстағы вегетациялық кезең сәтті өтті

<a href="https://kyzylorda-news.kz/">Kyzylorda-news.kz</a> &nbsp;Аймақ басшысының тапсырмасымен Қызылорда қаласында каналдарды тазалау жұмыстары қарқын алуда. Солардың бірі – ұзындығы 9,5 шақырымды құрайтын «Қызылжарма» каналын арнайы техникалармен күл-қоқыстардан аршу, механикалық тазалау жұмыстары жүргізілуде.Бұл жұмыстарға «КазСтройПроект» ЖШС-нің 2 арнайы техникасы мен 15 жұмысшы күші жұмылдырылған. Тазалау барысында атқарылатын каналдың түбін тереңдету, аясын кеңейту жұмыстары арнаның су өткізу мүмкіндігін арттыруға септігін тигізбек.Айта кету керек, осы канал арқылы Шанхай, КБИ, Коммунизм, Титов, Гагарин тұрғын аудандары мен Қызылжарма ауылдық округі аяқ сумен қамтамасыз етіледі.

Қызылжарма каналы тазартылуда

<a href="https://kyzylorda-news.kz/">Kyzylorda-news.kz</a> Биыл Сыр өңірінде бірнеше елді мекен газбен қамтылды. Соның ішінде Қызылорда қаласына қарасты «Қосшыңырау» ауылдық округі де бар. Ауыл тұрғындары бүгінде «көгілдір отынның» игілігін көруде.&nbsp;Қазіргі таңда 4500-ден астам халық тұратын Тасбөгет кентіне қарасты «Сабалақ» саяжайын да газ&nbsp;тасымалдау жүйесін дамыту бағдарламасы шеңберінде газ тарту жобасы бойынша құрылыс жұмыстары жүруде. Жобаны 2025 жылы аяқтауға энергетика басқармасына бюджеттік өтінім толықтай жолданған. Жоба құны – 3 млрд теңге. Мамандардың айтуынша, бұл жоба үш кезеңнен тұрады. Әр кезең бойынша саяжайдың ішкі газ желілерінің жоба-сметалық құжаттамасы әзірленіп, сараптама қорытындысы алынған.Бас мердігер «АЕS end limited» компаниясының арнайы техникалары мен мамандары жұмысты бастады.Құрылыс бөлімі берген мәліметке сүйенсек, біршама жұмыс атқарылған.Қалаға қарасты елді мекендердің арасынан «Қызылөзек» ауылдық округіне газ жүйесін тарту үшін жобалау жұмыстары басталады.«Қызылорда қаласы, «Қызылөзек» ауылдық округіне қарасты 3 елді мекенге газ құбырын және кварталішілік газ тарату желілерінің құрылысы» жобасының жоба-сметалық құжаттамасы әзірленуде. Жобалаушы мердігер – «Досстройпроект» ЖШС. Жоба аясында ауылдық округ бойынша 633 тұргын үй газ желісімен қамтылады.Қазіргі уақытта &nbsp;Қызылорда қаласындағы орамішілік газ құбырлары желісін салу жобасы бойынша мердігер мекеме «Сырэнергогазстрой» ЖШС &nbsp;қазіргі таңда «Гагарин», «Титов», «СПМК-70», «Арай», &nbsp;«Шұғыла» аудандарында газдандыру жұмыстарын аяқтауға жақын. Ендігі кезекте қалаға қарасты елді мекендердің арасынан Қызылөзек ауылдық округіне газ жүйесін тарту үшін жобалау жұмыстары басталмақ.&nbsp;Фото: Оrenburg.kp.ru

«Сабалақ» газбен қамтылады

<a href="https://kyzylorda-news.kz/">Kyzylorda-news.kz</a> Су үнемдеу технологияларын енгізудің нәтижесінде Арал теңізіне 200 млн текше метр су жіберілді, – деп хабарлайды <a href="https://massaget.kz/">Massaget.kz</a>&nbsp;Қызылорда облысының шаруалары су үнемдеу технологияларын енгізудің нәтижесінде 200 млн текше метрге жуық су үнемдеді. Бұл су Арал теңізіне жіберілді. Айта кетейік, биыл өңірдің диқандары 55 мың гектар күріш алқабында су үнемдеу технологияларын қолданды. Ал Қызылорда облысындағы күріш алқаптарының жалпы ауданы 84 мың гектар.Осылайша, 2024 жылғы суару маусымында теңізге шамамен 1 млрд текше метр су жіберілді, бұл өткен жылмен салыстырғанда 3 есе көп.Жыл басынан бері Солтүстік Аралға шамамен 2 млрд текше метр су жіберілді. Бүгінгі таңда теңіздегі судың жалпы көлемі 22 миллиард текше метрге жетті.<blockquote>«Су дипломатиясы мен Орталық Азиядағы әріптестерімізбен тығыз жұмыстан бөлек, Арал теңізіне су жіберуге үнемді технологияларды енгізу де маңызды рөл атқарады. Оларды қолдану жүздеген млн текше метр су үнемдеуге және оны теңізге бағыттауға мүмкіндік береді. Ол үшін біз шаруалардың су үнемдеу технологияларын енгізуге жұмсаған шығындарын субсидиялау көлемін 50%-дан 80%-ға дейін ұлғайттық. Алдағы үш жылда су үнемдеу технологияларымен суармалы суды пайдаланатын шаруа қожалықтары үшін субсидия мөлшері 50%-дан 85%-ға дейін ұлғаяды», – деді Су ресурстары және ирригация министрі Нұржан Нұржігітов.</blockquote>Еске салайық, бұған дейін Аралда балық көбейе бастағанын жазған едік. Соңғы 5 жылда алғаш рет Аралға су жіберу жоспары 100 пайызға жуық орындалған.Су ресурстары және ирригация министрлігінің мәліметінше, биыл вегетация кезінде Арал теңізіне 977 млн текше метр су жіберді. Бұл жоспарланған көлемнің 98 пайызы. Айта кету керек, соңғы бірнеше жылда суару маусымында теңізге 350-400 млн текше метрдің айналасында ғана су жіберіліп келген болатын.Ал жыл басынан бері Аралға 2 млрд текше метрден астам су келді. Министрлік жыл соңына дейін тағы 500 млн текше метр су жіберуді жоспарлап отыр. Аралдан бөлек, биыл алғаш рет суару кезеңінде теңіз маңындағы Ақшатау-Сорғақ және Қамыстыбас көлдер жүйесіне 45 млн текше метрден астам су жіберілді. Бұл балық шаруашылығы мен туризмді дамытуға тиімді әсер етіп отыр.Фото: Су ресурстары және ирригация министрлігінен

Арал теңізіне 200 млн текше метр су жіберілді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Қазалы ауданының Абай ауылын газ желісіне қосу рәсімі өтті.Аймақ басшысы ауыл тұрғындарын көптен күткен игіліктің іске асуымен құттықтады.<blockquote>«Бүгін мерейлі мереке қарсаңында Қазалы ауданында нысандар ашылып, Абай ауылына «көгілдір отын» желісі қосылуда. Бұл – расында да, көптен күткен игілік.Қазір Қазалы ауданының газдандыру көрсеткіші 65 пайызға жетті. Биыл мұнда 2 млрд. 200 млн. теңгеге 3 жоба жүзеге асуда. Алғашқысы – осыдан бір жыл бұрын басталған Абай ауылын газдандыру жобасы. Жұмыс толық аяқталды, енді ауылдағы 193 тұрғын үй мен 8 әлеуметтік нысан «көгілдір отын» тұтынатын болады.Екінші жоба – Ақтан батыр, Жанқожа батыр, Бекарыстан би, Майдакөл, Ү.Түктібаев ауылдарына магистральды газ құбырын тарту. Бүгінде жұмыс қарқынды жүруде.Үшіншісі – Ақтан батыр ауылына орамішілік газ тарту. Бұл жұмыс басталып кетті. Сәтін салса, жыл аяғына дейін аяқталады деп жоспарлануда. Бұдан соң елді мекендерді газбен қамту көрсеткіші 68 пайызға жетпек.Осы уақыт ішінде Қазалы ауданында 600 шақырымнан астам газ құбыры тартылып, 10 763 тұрғын үй мен 350 мекеме-кәсіпорынға қосылды.Елдің дамуы ауылдың гүлденуінен басталады. Ал, ауылдың дамуы, келешегі сіздердің еңбекқорлықтарыңыз бен бірліктеріңізге байланысты. Баршаңызға бүгінгі қуаныш құтты болсын!», – деді Нұрлыбек Нәлібаев.</blockquote>Іс-шарада Парламент Сенатының депутаты Наурызбай Байқадамов құттықтау лебізін жеткізіп, Қызылорда облысының Құрметті азаматы Самұрат Имандосов батасын берді.Сонымен қатар, ауылдың өсіп-өркендеуі жолында қажырлы қызмет еткен сала мамандары мен ардагерлерге облыс әкімінің Алғыс хаты табысталды.Газ қосу рәсімінен кейін аймақ басшысы ауыл тұрғындарымен кездесіп, атқарылған жұмыстар, алдағы бағыт-бағдар туралы айтты. Әсіресе, қолға алынған инфрақұрылымдық жобаларға, әр саладағы жаңашылдықтарға тоқталды, кездесуге келушілердің ой-пікірлерін тыңдады.<img src="https://knadmin.beoblood.kz/uploads/Gaz_1_b48f9f7c2b.jpg" alt="Газ 1.jpg">Фото: Қызылорда облысы әкімінің баспасөз қызметі

Қазалы ауданының Абай ауылы газ желісіне қосылды

<a href="https://kyzylorda-news.kz/">Kyzylorda-news.kz</a> Қазан айының үшінші жексенбісі – орман шаруашылығы қызметкерлерінің кәсіби мерекесі. Бұл күн – табиғаттың байлығын сақтап, оны ұрпақтан-ұрпаққа аманат ету жолында еңбек етіп жүрген жандарға деген құрметтің белгісі. Бүгінде облыс аумағындағы мемлекеттік орман қоры жерлерінің жалпы көлемі 7,0 млн гектарды құраса, оның 3,8 млн гектары орманды алқаптар. Бұл туралы Өңірлік коммуникациялар қызметінің ақпарат алаңында облыстық табиғи ресурстар және табиғат пайдалануды реттеу басқармасы басшысының орынбасары Мәріп Акбар мәлімдеді.<blockquote>&nbsp;– Облыстағы ормандарды қорғау, сақтау және молықтыру мақсатында 8 орман шаруашылығы мекемелері жұмыс істейді. Онда барлығы 729 қызметкер бар.Мемлекет басшысының 2021-2025 жылдар аралығында Арал теңізінің құрғаған ұлтанында 1,1 млн гектар сексеуіл екпелерін ұлғайту жөнінде тапсырмасын орындау мақсатында облыстық деңгейде 2024 жылы 100 мың гектар фитоорманмелиорациялық жұмыстары жоспарланды. Биылғы жылдың көктем айында 50 мың гектар жерге сексеуіл көшеттері отырғызылды. Қалған 50 мың гектар жерге себу жұмыстары агротехникалық талаптарға сәйкес қараша – желтоқсан айларында орындалатын болады. Экологиялық жағдайды жақсарту мақсатында Арал теңізінің табанында биыл 610 мың гектар алқапқа ормандандыру жұмыстары жүргізілді. Орман шаруашылықтары күнделікті жұмыс барысында табиғатты қорғау, қорды күзету жұмыстарымен қатар оны молайтып өсірумен айналысады. Орманды көгалдандыру жұмыстарына қажетті сексеуіл мен саялы ағаш көшеттерін өсіретін 158 гектар орман тұқымбақтары ұйымдастырылуда. Онда 12 түрлі жергілікті жерге жерсіндірілген көшеттер өсіріледі,- деді Мәріп Шәріпұлы.</blockquote><img src="https://knadmin.beoblood.kz/uploads/azan_ajyny_shinshi_zheksenbisi_orman_sharuashyly_y_yzmetkerleri_k_ni_d9aa112208.jpg" alt="Қазан айының үшінші жексенбісі – орман шаруашылығы қызметкерлері күні.jpg">Фото: Қызылорда облысының Өңірлік коммуникациялар қызметі

Қазан айының үшінші жексенбісі – орман шаруашылығы қызметкерлері күні

<a href="https://kyzylorda-news.kz/">Kyzylorda-news.kz</a> &nbsp;Түркия үкіметінің Төтенше жағдайлардың алдын алу және табиғи апаттарды басқару басқармасының (AFAD) хабарлауынша, жерасты дүмпулері жергілікті уақыт бойынша сағат 10.46-да <a href="https://kaz.inform.kz/news/turkiyanin-malatya-kalasinda-59-baldik-zher-slkns-boldi-7c0d94/">тіркелген</a>, деп жазады <a href="https://www.aa.com.tr/ru/%D1%82%D1%83%D1%80%D1%86%D0%B8%D1%8F/%D0%B2-%D1%82%D1%83%D1%80%D0%B5%D1%86%D0%BA%D0%BE%D0%B9-%D0%BC%D0%B0%D0%BB%D0%B0%D1%82%D1%8C%D0%B5-%D0%BF%D1%80%D0%BE%D0%B8%D0%B7%D0%BE%D1%88%D0%BB%D0%BE-%D0%B7%D0%B5%D0%BC%D0%BB%D0%B5%D1%82%D1%80%D1%8F%D1%81%D0%B5%D0%BD%D0%B8%D0%B5-%D0%BC%D0%B0%D0%B3%D0%BD%D0%B8%D1%82%D1%83%D0%B4%D0%BE%D0%B9-5-9/3363625">Анадолы.</a>Жер сілкінісінің ошағы Кале қаласында 10,7 км тереңдікте орналасқан.Азаматтар үйлері мен кеңселерін тастап, жақын маңдағы саябақтар мен алаңдарға жиналды.Жерасты дүмпулері Шанлыурфа, Адыяман, Килис, Газиантеп және Кахраманмараш провинцияларында да сезілді.Фото: pexels.com

Түркияның Малатья қаласында 5,9 балдық жер сілкінісі болды

<a href="https://kyzylorda-news.kz/ru">Kyzylorda-news.kz</a>&nbsp; Бүгінгі Үкімет отырысында Премьер-министр Олжас Бектенов Қызылорда облысында қолданылған су үнемдеу тәжірибесін басқа өңірлерге тарату туралы тапсырма берді. Бұл әсіресе, вегетация кезеңінде су тапшылығы қатты сезілетін оңтүстік өңірлерге қатысты.Облыс әкімі Нұрлыбек Нәлібаев су шаруашылығындағы мәселелерге орай нақты міндеттерді айқындады.<blockquote>«2022 жылдың қазан айында Арал теңізіндегі су көлемі 18,5 млрд. текше метрге дейін азайған болса, биыл 22 млрд. текше метрге дейін жетті. Алдағы қыс мезгілінде Шардара су қоймасынан Сырдария өзеніне түсетін мол суды тиімді пайдаланып, теңізге көбірек жіберіп, көлдер жүйесін, шабындықтар мен жайылымдарды суландыру қажет.Мемлекет басшысының тапсырмасына сәйкес «Арна» коммуналдық мемлекеттік мекемесі құрылды. Аталған мекеме елді мекендердегі су нысандарын тазалап, гидротехникалық құрылыстарды жөндейді. Алайда, әлі күнге дейін суға төлем төлеу баяу жүруде. Аудан әкімдері, мәселені тұрақты бақылауға алып, қарызды 1 қарашаға дейін толық өтеу шараларын қабылдаңыздар», – деді Нұрлыбек Нәлібаев.</blockquote>Облыс әкімі су саласын дамытудың 2024-2028 жылдарға арналған кешенді жоспарына енгізілген жобаларды іске асыруда Су ресурстары және ирригация министрлігімен нақты жұмыс жасауды, Ислам Даму банкінің қаржыландыруымен жүргізілетін «Қараөзек» су қоймасы құрылысын 2025 жылы бастау жұмыстарын үйлестіруді жүктеді.Егістікке су үнемдеу технологияларын кеңінен енгізіп, қыстағы мол суды Арал теңізі мен көлдер жүйесіне жіберу, шабындықтар мен жайылымдарды суландыру, 2025 жылдың вегетациялық кезеңіне дейін каналдарды тазалау, жөндеу керек.Жиында Шардарадан жіберілетін судың тиісті көлемін алуды, қауіпсіз өткізуді ұйымдастыру міндеттелді. Сондай-ақ, аймақ басшысы «Қызылорда су торабындағы» жөндеу жұмыстарын осы жылдың 10 қарашасына дейін аяқтауды тапсырды.<img src="https://knadmin.beoblood.kz/uploads/5_acf304978e.jpg" alt="5.jpg"><img src="https://knadmin.beoblood.kz/uploads/6_652df13948.jpg" alt="6.jpg"><img src="https://knadmin.beoblood.kz/uploads/4_5be5fbb3aa.jpg" alt="4.jpg"><img src="https://knadmin.beoblood.kz/uploads/2_63665daad7.jpg" alt="2.jpg"><img src="https://knadmin.beoblood.kz/uploads/3_bb1923de9a.jpg" alt="3.jpg">Фото: Қызылорда облысы әкімінің баспасөз қызметі

Қызылорда облысында қолданылған су үнемдеу тәжірибесін басқа өңірлерге тарату тапсырылды

<a href="https://kyzylorda-news.kz/ru">Kyzylorda-news.kz</a> Күз келіп, күн салқындаған сайын облыста жылу беру маусымына дайындық шаралары қарқынды жүргізілу үстінде. Жылу беру маусымының уақтылы әрі тиімді басталуы үшін тиісті сала мамандары үздіксіз жұмыс істеп жатыр. Сәйкесінше, облыс көлемінде үйлер мен мекемелерге жылу беру жұмыстарын сапалы ұйымдастыру үшін барлық қажетті шаралар қолға алынған. Бұл туралы Қызылорда облысының Өңірлік коммуникациялар қызметі мәлімдеді.Облыстық энергетика және тұрғын-үй коммуналдық шаруашылық басқармасының Өңірлік коммуникациялар қызметіне берген мәліметінше, аймақтың жылу беру маусымына арналған көмірдің жалпы қажеттілігі 162,5 мың тоннаны құрайды. Оның ішінде, тұрғындар үшін 134,6 мың тонна, ал әлеуметтік нысандарға 27,9 мың тонна көмір қарастырылған. Бүгінгі күнге дейін өңірге 68,8 мың тонна көмір жеткізілген. Бұл жалпы қажеттіліктің 42,3 пайызын құрайды. Қазіргі уақытта қала мен аудан көлеміндегі көмір қоймаларында 32,9 мың тонна нақты көмір қоры сақтаулы тұр. Сондай-ақ, облыс аумағында тұрғындарды қатты отынмен қамтамасыз ету мақсатында 26 өңірлік оператор жұмыс істейді. Бұл операторлар тұрғындар мен әлеуметтік нысандардың көмір қажеттілігін үздіксіз қамтамасыз етуде маңызды рөл атқарады.Фото: ашық дереккөзден алынды!

Жылу беру маусымына дайындық жүйелі

<a href="https://kyzylorda-news.kz/">Kyzylorda-news.kz</a>&nbsp; Бүгінде Сырдария ауданын табиғи газбен қамтамасыз ету деңгейі 35 пайызды құрап отыр. Өткен жылы С.Сейфуллин мен А.Тоқмағамбетов ауылдарын газдандыру жұмыстары басталса, алдағы күндері бұл елді мекендер толығымен көгілдір отынға қосылатын болады. Одан бөлек биыл Шаған мен Н.Ілиясов ауылдарын да газдандыру жұмыстары қолға алынды.<blockquote>– Аасқар Тоқмағамбетов ауылдық округіне көгілдір отын кіргізу жұмыстары өткен жылы басталды. Қазіргі таңда ауылда 356 тұрғын үй болса, соның 104-ін газға қосуға дайындап қойдық. Алдағы уақытта 100 пайыз қамтимыз деп жоспарлап отырмыз. Жалпы, ауылдың қазіргі жағдайы өте жақсы. 2013 жылы ауыз су кіргізілсе, келер жылы электр желісін жаңғырту жоспарда бар. Ал, ауылдағы 16 көшенің 13-іне тас жол төселсе, қалған 3 көшенің жоба сметалық құжаттары дайындалу үстінде. Ауылды жандандыру бойында тиісті жұмыстар алдағы уақытта да өз жалғасын табатын болады, – деді А.Тоқмағамбетов ауылының әкімі Ғабдолла Алданазаров.</blockquote><img src="https://knadmin.beoblood.kz/uploads/Syrdariyada_gazdandyru_zh_mystary_ar_yn_aldy_4d81d64e56.jpg" alt="Сырдарияда газдандыру жұмыстары қарқын алды ..jpg">Фото: Қызылорда облысының Өңірлік коммуникациялар қызметі

Сырдарияда газдандыру жұмыстары қарқын алды

<a href="https://kyzylorda-news.kz/">Kyzylorda-news.kz</a> &nbsp;Бесарық ауылында «Таза Қазақстан» акциясына ауыл тұрғындары мен ауылдағы шаруашылық құрылымдары белсене атсалысуда. Ауыл инвесторы «Абай-Дәулет» ЖШС-і ауылды аббатандыру шараларына белсене қатысуда.<blockquote>– Меценат «Абай-Дәулет» ЖШС басшысы Мұрат Сәрсенбаевтың демеушілігімен ауылды қарқынды абаттандыру жұмыстары жүргізілді. Біздің Бесарық қазір бау-бақша іспетті, айналасы жасыл желекке оранған, гүлдері мен жас ағаштары жайқалып тұр. Серіктестік ауыл тұрғындарына жайлы демалыс орнын жасау мақсатында орталық алаң мен көшелерді абаттандырды. Бірқатар маңызды әлеуметтік нысандар қайта жаңғыртылды, жаңа өндіріс орындары ашылды. Осының барлығы ауыл тұрғындарының көңіл-күйіне, әлеуметтік жағдайының жақсаруына оң әсер етуде, – дейді ауылдық Қоғамдық кеңес төрағасы А.Ақжігітов.</blockquote>Экологиялық акция басталғалы Сырдария ауданында ауқымды жұмыстар атқарылды. Каналдар мен су қоймалары, қарт ауыл тұрғындарының аулалары, көптеген әлеуметтік нысандар мен кәсіпорындардың аумақтары қоқыстан тазартылды. Мыңдаған ағаштар отырғызылды. Біздің еріктілеріміз де туған жердің тазалығы үшін өзгелерге үлгі боларлық.

Қазақстан және Қызылорда облысының жаңалықтары: Экология