<a href="https://kyzylorda-news.kz/ru">Kyzylorda-news.kz.</a> Кейбір адамдарды күз басталса мерзімдік аллергия жиі мазалайды. Бірақ кейде аллергияны суық тиюмен шатастырып жатады. Аллергиялық иммунолог Андрей Продеус аллергия мен суықтың белгілерін қалай ажыратуға болатынын түсіндірді.Сарапшының айтуынша, күзде зең сияқты аллерген жиі кездеседі. Бұл тітіркендіргішке реакция ЖРВИ белгілеріне ұқсас болуы мүмкін.Дәрігер аллергияның негізгі белгісі ринорея, яғни мұрынның ағуы, оның бітелуі және көздің қызаруы екенін айтты.<blockquote>"Күзде жиі кездесетін вирустық және жұқпалы ауруларда дене қызуы көтеріліп, буындар ауырады және жалпы ыңғайсыздық болады", - деді аллерголог иммунолог.</blockquote>Сонымен қатар, дәрігер аллергияда дене қызуының көтерілуі сирек кездесетінін түсіндірді.Оған қоса, аллергия мен суық тию кезінде мұрыннан ағатын судың айырмашылығы бар көрінеді.<blockquote>"Аллергия кезінде мұрыннан сұйық "су" ағады. Инфекция кезінде ол көбінесе ақшыл-сарғыш немесе сарғыш-жасыл болады", - деп қосты маман.</blockquote>Ақпарат дереккөзі: <a href="https://massaget.kz/basty-zhaalytar-438/93501/">Massaget.kz&nbsp;</a>

Аллергияны суық тиюмен шатастырмаңыз

&nbsp;Kyzylorda-news.kz. Биыл 26 ​​сәуірі мен 6 желтоқсаны аралығында ҚР Президентінің жанындағы Әйелдер және отбасылық-демографиялық саясат жөніндегі Ұлттық комиссияның қолдауымен "Самрұқ-Қазына" және Денсаулық сақтау министрлігімен бірлесіп &nbsp;ауқымды әлеуметтік «Саламатты Қазақстан» медициналық пойызы әлеуметтік жобасы іске асырылуда.Еліміздің барлық өңiрлерiне тоқтаған медициналық пойыз 18 қазан мен 3 қараша аралығында Қызылорда облысының елді мекендері тұрғындарына тегін медициналық, психологиялық, құқықтық көмек көрсетті.Атап айтар болсақ, шалғайдағы станция тұрғындары негізгі медициналық мамандарынан, яғни білікті терапевт, стоматолог, офтальмолог, отоларинголог, хирург, уролог, невропатолог, гинеколог дәрігерлерiнен тегін тексеру және емдеуден өттi.Сондай-ақ, "Саламатты Қазақстан" жобасына алғаш рет биылдан бастап кәсіби және тәжірибелі медиаторлар мен заңгерлер тартылып, олар тұрғындардың әртүрлі топтарына медиация, заңгерлік және әлеуметтік тұрғыда тегін көмек көрсетуде.Дәрігерлердiң аймақ тұрғындарына медициналық қызмет көрсету шарасына облыстық денсаулық сақтау басқармасы басшысының орынбасары Мирзанова Мая Миранбайқызы да қатысып, мамандармен пiкiр алмасты.&nbsp;«Саламатты Қазақстан» медициналық пойызы заманауи диагностикалық және медициналық жабдықтармен (УЗИ, флюорография және т.б.), шағын операциялық бөлмемен, зертханамен, интернетке сымсыз қосылуға арналған байланыс құралдарымен жабдықталған.Медициналық пойыздың тағы бiр айта кетер ерекшелігі - мұндағы мамандар сақтандырылмаған тұрғындарға да тегін медициналық көмек көрсетедi.

«Саламатты Қазақстан» медициналық пойызы Қызылорда облысына келді

Kyzylorda-news.kz. Облыста 6 қарашадан бастап 1 жасқа толмаған балаларға қызылшаға қарсы қосымша иммундау жұмыстары &nbsp;жүргізіледі. &nbsp;Ал 2-4 жас аралығындағы балаларға екпе егу жұмыстары 5-ші желтоқсанда басталады.Бұл туралы Өңірлік коммуникациялар қызметінің ақпарат алаңында облыстық санитариялық-эпидемиологиялық бақылау департаменті басшысының орынбасары Әлия Әбдіқайымова хабарлады.<blockquote>Қызылша індетіне шалдыққандардың басым бөлігі - ауруға қарсы екпе алмаған жандар. Сондай-ақ, уақытылы вакцинацияланбаған балалар қызылшаға жиі шалдығады. Осыған сәйкес, қызылша ауруының эпидемиологиялық ахуалын тұрақтандыру үшін қажетті шаралар қолға алынды. Қазақстан Бас санитар дәрігердің қаулысына сәйкес, қызылшамен ауырған &nbsp;науқаспен байланыста болған 30 жасқа дейінгі адамдар шұғыл вакцинацияланады және медициналық бақылауға алынады. Сонымен қатар тұрақты тіркелмеген, қызылшаға қарсы егілу дерегі жоқ азаматтар келісім бойынша бір рет иммундалады. Қызылшаға қарсы егілмеген 55 жасқа дейінгі медицина қызметкерлері де екпе алады. Бұдан бөлек, халық арасында ақпараттық түсіндірме жүргізіледі, - деді Әлия Мүтәліпқызы.</blockquote>Облыстық жұқпалы аурулар ауруханасының бас дәрігері Айна Мұхамбетова қызылша ауруының белгілеріне тоқталып өтті.<blockquote>-Қызылша – кең таралған инфекциялық ауру. Көбіне қызылша балалар арасында кездеседі. Аурудың белгілері - дене қызуының көтерілуі, мұрынның, көздің және тамақтың шырышты қабығы қабынады және теріде бөртпелер пайда болады. Бұл инфекция ауа арқылы беріледі. Сондықтан аурудың алдын алып, уақытылы екпе қабылдаған жөн, - деді Айна Қарабұзауқызы.&nbsp;</blockquote>Айта кетейік, жыл басынан бері облыста қызылша ауруының 708 дерегі тіркелді. Оның 611-і 14 жасқа дейінгі балалар арасында анықталды. Ал 1 жасқа толмаған &nbsp;нәрестелер арасында 163 жағдай орын алды.&nbsp; Ескеретін жәйт, облыста былтыр қызылша ауруына шалдыққандар тіркелмеген.

1 жасқа толмаған балаларға қызылшаға қарсы екпе егіледі

<a href="https://kyzylorda-news.kz/ru">Kyzylorda-news.kz.</a> Қазан айының соңында егде жастағы әйелді Шиелі ауданы Тартоғай ауылындағы аялдамада көлік қағып кеткен. Көптеген дене жарақаттарымен, ес-түссіз күйдегі әйел ауыр жағдайда Шиелі аудандық көпбейінді орталық ауруханасына жатқызылды.Жансақтау және қарқынды терапия бөлімінің меңгерушісі Берік Болатовтың айтуынша, науқастың миы шайқалған, жамбас сүйектері мен қолдарының көптеген сынықтары бар. Науқас ауыр жағдайдан шығарылды, Гофман құрылғысы орнатылды (аяқ-қолдың мен жамбас сүйектерінің ұзын сүйектерінің сынықтарын қысу және дистракциялау &nbsp;құрылғысы).Бүгінгі таңда 63 жастағы әйелдің өміріне қауіп төніп тұрған жоқ. Шиелілік дәрігерлердің нақты әрі үйлесімді жұмысының арқасында науқастың денсаулық жағдайы жақсарып келеді. Одан әрі емделу үшін көпсалалы облыстық ауруханасына жіберілді.<blockquote>«Жыл басынан бері бөлімге 811 адам келіп түсті. Көбінесе науқастар инсульт және әртүрлі жарақаттармен түседі. Жақында облыстық аурухананың нейрохирургтарымен бірлесіп инсульт алған 67 жастағы ер адамның миына ота жасадық. Әзірге ол комада жатыр. Емнің оң динамикасы байқалуда», - дейді Берік Болатов.</blockquote>Биылғы жылдың 9 айында Шиелі аудандық ауруханасында 8,5 мың адам ем алды. Осы мақсаттарға Әлеуметтік медициналық сақтандыру қорынан шамамен 1,5 млрд. теңге бөлінді.<figure class="image"><img src="https://knadmin.beoblood.kz/uploads/3_dab722f007.jpg" alt="3.jpg"></figure>&nbsp;

Шиелі ауданының дәрігерлері көлік қағып кеткен әйелдің өмірін сақтап қалды

<a href="https://kyzylorda-news.kz/">Kyzylorda-news.kz.</a>&nbsp;МӘМС жүйесі енгізілгелі дәрігерлердің консультациялары, зертханалық талдаулар және аспаптық диагностиканың саны 7 есе артты, деп хабарлайды Әлеуметтік медициналық сақтандыру қоры.Биыл МӘМС аясында консультациялық-диагностикалық қызметтер көрсетуге 290 млрд теңгеге шарттар жасалды. Бұл өткен жылмен салыстырғанда 20%-ға артық. 3 жыл ішінде бұл қызметтердің көлемі 7 есе өсті. 2019 жылы, міндетті әлеуметтік медициналық сақтандыру жүйесі енгізілгенге дейін 18 млн консультациялық-диагностикалық қызмет көрсетілсе, 2022 жылдың қорытындысы бойынша ол 142 млн-ға жетті.&nbsp;<blockquote>«Пациенттер консультациялық-диагностикалық қызметтерге көп жүгінеді. Олар МӘМС бойынша бейінді дәрігерден тегін кеңес алу, талдаулар тапсыру және жолдама бойынша КТ/МРТ өтуге болатынын біледі. Азаматтардың қажеттіліктерін ескеріп, жыл сайын қызметтерге қаржы көптеп бөлінеді әрі Қормен жұмыс істеуге ниет білдірген медициналық ұйымдардың саны да артып келеді. 2023 жылдың бірінші жартыжылдығының қорытындысы бойынша МӘМС аясында &nbsp;126,7 млрд теңгеге консультациялық-диагностикалық қызмет көрсетілді. Оған зертханалық талдаулар, диагностика (УДЗ, ЭКГ, КТ/МРТ және т. б.), стоматологиялық қызметтер, жылжымалы медициналық кешендердің, жастар денсаулық орталықтарының жұмысы кіреді», – деп хабарлады Қордың баспасөз қызметі.&nbsp;</blockquote>МӘМС жүйесінің негізгі міндеті – денсаулық сақтау саласын қаржыландыру көлемін біртіндеп арттыру. Егер 2019 жылы азаматтардың медициналық қызметтерге қажеттілігіне 1,03 трлн теңге (ТМККК) бөлінсе, 2023 жылы 2,5 трлн теңгеден астам қаржы (өсім 2,5 есе) қарастырылған.&nbsp; Медициналық көмек алу кезінде қосымша сұрақтар немесе мәселе туындаған жағдайда өз клиникасындағы Пациенттерді қолдау және ішкі сараптама қызметіне жүгіну қажет. Егер жағдайды сол жерде шешу мүмкін болмаса, Әлеуметтік медициналық сақтандыру қорының келесі байланыс арналарының біріне өтініш қалдыра алады:&nbsp; • &nbsp; Qoldau 24/7 мобильді қосымшасы • &nbsp;fms.kz ресми сайты • Telegram-дағы @SaqtandyrýBot • 1414 байланыс орталығыСондай-ақ Damumed, Halyk, BCC.KZ, Kaspi.kz мобильді қосымшалары МӘМС жүйесіндегі мәртебені тексеруге мүмкіндік береді. Сондай-ақ, электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесі аясында көрсетілетін медициналық қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі мәртебені тексеруге және жүргізілген төлемдер туралы ақпарат алуға болады.<figure class="image"><img src="https://knadmin.beoblood.kz/uploads/OSMS_1_f64b163d4d.jpeg" alt="ОСМС (1).jpeg"></figure><figure class="image"><img src="https://knadmin.beoblood.kz/uploads/OSMS_2_c73d1d7e85.jpeg" alt="ОСМС (2).jpeg"></figure><figure class="image"><img src="https://knadmin.beoblood.kz/uploads/OSMS_3_534044a45b.jpeg" alt="ОСМС (3).jpeg"></figure>

МӘМС: 2023 жылы консультациялар мен диагностикаға 20%-ға көп қаражат бағытталды

<a href="https://kyzylorda-news.kz/">Kyzylorda-news.kz.</a> 1 қараша күні Жаңақорған ауданы Екпінді ауылына «Саламатты Қазақстан» медициналық пойызы келеді.Аудан тұрғындары білікті медицина мамандарға қаралып, тегін тексеруден өтуге мүмкіндік алады.Пойызда терапевт, хирург, стоматолог, отоларинголог, офтальмолог, маммолог, педиатр уролог және заңгер мамандары бар.Әлеуметтік жобаның мақсаты – ел аймақтарының шалғай станциаларында тұратын азаматтарға тегін медициналық, психологиялық, құқықтық және медиативтік (татуласу) көмек көрсету.«Саламатты Қазақстан» медициналық пойыз заманауи диагностикалық және медициналық жабдықтармен (УЗИ, флюорография және т.б.), шағын операциялық бөлмемен, зертханамен, интернетке сымсыз қосылуға арналған байланыс құралдарымен жабдықталған.Қызмет көрсету уақыты: 1-2 қараша күндері 9:00-ден 18:00-ге дейін. 13:00-14:00 түскі үзіліс.Алдағы 3-4 қараша күндері денсаулық пойызы Аққұм ауылына да тұрақтайтын болады.Аудан тұрғындарын тегін ақпарат алып, ем-шара қабылдауға шақырамыз.

«Саламатты Қазақстан» медициналық пойызы Жаңақорғанға келеді

<a href="https://kyzylorda-news.kz/">Kyzylorda-news.kz.</a>&nbsp; Ұзақ еңбек демалыс кезінде қызметкер МӘМС жүйесінде қалай сақтандырылады? Кім тегін дәрі-дәрмекті алуға құқылы? Осы және басқа да сұрақтарға Әлеуметтік медициналық сақтандыру қоры филиалының, облыстық денсаулық сақтау басқармасының мамандары Жаңақорған ауданының тұрғындарымен есептік кездесу барысында жауап берді.Ауданда 75 мыңнан астам адам тұрады, халықтың 15,1% - ы міндетті әлеуметтік медициналық сақтандыру жүйесінде сақтандырылмаған, бұл 11 347 адамды құрайды. Сақтандырылмаған ауыл тұрғындарының көпшілігі соңғы 12 ай кезеңінде төлем жасамағандар.<blockquote>«МӘМС жүйесіне азаматтарды өзектендіру - бұл біздің ортақ міндетіміз. Жергілікті атқарушы органдар сақтандырылған азаматтардың қатарына жалдамалы жұмыскерлерді тарту мәселелеріне ерекше назар аударуы қажет. Ауданның ұйымдары мен мекемелерінің 3 мыңға жуық қызметкері МӘМС жүйесінен тыс қалды», - деді Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.</blockquote>Сонымен қатар, ауыл тұрғындары бірқатар сауалдарын қойды. Егер қызметкердің МӘМС-ке 1 айдың төлемі болмаса, неге мәртебесі «сақтандырылмаған» болып шығады? Спикердің айтуынша, «МӘМС туралы» Заңның 30-бабының 1-тармағына сәйкес жұмыскерлердің, оның ішінде мемлекеттік және азаматтық қызметшілердің аударымдарын және (немесе) жарналарын есептеуді (ұстап қалуды) және аударуды жұмыс беруші ай сайын жүзеге асырады. Тиісінше, бірнеше айға демалысқа шығатын қызметкерге біржолғы төлемді төлеу арқылы сақтандыру мәртебесін сақтау үшін МӘМС бойынша аударымдар мен жарналарды әр айды жеке көрсете отырып, әртүрлі төлем тапсырмаларымен төленеді. Яғни, егер демалыс бірнеше кезеңді (бір айдан астам) қамтитын болса, онда төлемдерді кезеңге бөлу қажет.Сондай-ақ тұрғындар келесі сұрақты қойды: тегін дәрі-дәрмек кім алуға құқылы? Бақыт Исмаханбетов атап өткендей, тегін дәрі-дәрмек алу үшін пациент диспансерлік есепте болуы керек. Дәрі-дәрмекпен қамтамасыз ету № ҚР ДСМ – 75 бұйрығына сәйкес жүзеге асырылады (бұйрыққа сілтеме: <a href="https://adilet.zan.kz/kaz/docs/V2100023885).">https://adilet.zan.kz/kaz/docs/V2100023885).</a>&nbsp;Жиынды қорытындылай келе, спикер барлығын уақтылы скринингтерден, медициналық тексерулерден өтуге және әрқашан МӘМС-те сақтандырылуға шақырды. &nbsp;

МӘМС: Кімдер тегін дәрі-дәрмекті алуға құқылы?

<a href="https://kyzylorda-news.kz/">Kyzylorda-news.kz.</a>&nbsp;МӘМС жүйесінің өзекті мәселелері, ауыл тұрғындарын сақтандыруды өзектендіру бойынша жергілікті атқарушы органдармен өзара іс-қимыл ақпараттық-түсіндіру тобының назарында. Оның құрамында Әлеуметтік медициналық сақтандыру қоры филиалының, облыстық денсаулық сақтау басқармасының өкілдері бар. Шиелі ауданында аудан әкімінің орынбасары Алмат Алдабергеновтың төрағалығымен активпен жиын өтті.Ауданда 78 мыңнан астам адам тұрады, халықтың 13,9 % МӘМС жүйесінен тыс. 11 мыңға жуық сақтандырылмаған ауыл тұрғындарының басым бөлігін 12 айға төлемдері жоқ тұрғындар мен ұйымдар мен мекемелердің қызметкерлері құрайды.<blockquote>«Сақтандырылмаған тұрғындардың арасында ай сайынғы төлемі жоқ азаматтар бар. Олардың арасында МӘМС жарналарын мемлекет төлейтін азаматтардың 15 жеңілдік санаты бар, бірақ олар бұл туралы білмейді. Және &nbsp;жүйеден тыс ұзақ еңбек демалысына шыққан мұғалімдер, сондай-ақ маусымдық жұмысы бар шаруа қожалықтарының қызметкерлері. Оларды МӘМС жүйесінде өзектендіру қажет», - деп атап өтті Бақыт Исмаханбетов.</blockquote>Осыған орай аудан әкімінің орынбасары Алмат Алдабергенов ауылдық округ әкімдеріне, салық органының мамандарына, әлеуметтік сала қызметкерлеріне ауыл тұрғындарын МӘМС жүйесіне тарту бойынша нақты жұмыс жүргізуді тапсырды. МӘМС-ке уақтылы және ай сайын төлеген жағдайда мәртебе үнемі «сақтандырылған» болатыны баса айтылды.<figure class="image"><img src="https://knadmin.beoblood.kz/uploads/4_62da2e82d9.jpg" alt="4.jpg"></figure>

Шиелі ауданы халқының 14 пайызы МӘМС жүйесінде сақтандырылмаған

<a href="https://www.ferra.ru/news/techlife/paracetamol-sdelal-lyudei-riskovannee-10-09-2020.htm">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Қазір Қазақстанның кез келген дәріханасынан "парацетамолды" оңай табуға болады. Басқа дәрі-дәрмектер сияқты бұл дәрінің де ағзаға жанама әсері бар. Дәрігер Дебора Лидің айтуынша, парацетамолды қабылдайтын кейбір адамдардың ішек жұмысында өзгеріс болуы мүмкін, - деп хабарлайды Massaget.kz.Диарея және іш қатуМаман мәліметінше, танымал дәрінің жанама әсері болып саналатын диарея мен іш қату препаратты қолданушылардың 1-10 пайызында кездеседі.&nbsp;<blockquote>"Сонымен қатар, пайдаланушылар іштің ауруы, жүрек айнуы, құсу және асқазанның бүруіне шағымданады", - деді дәрігер.</blockquote>Бір қуантарлығы, рұқсат етілген доза сақталған жағдайда, парацетамол жанама әсерді сирек тудырады. Білмеген болсаңыз, стандартты порция 24 сағат ішінде 500 мг парацетамолдың 1 немесе 2 таблеткасын ішуге болады.Дәрігер аурудың бетін тезірек қайтару үшін бірнеше таблетканы бірден ішу өте қауіпті, деп ескертті.<blockquote>"Бірнеше артық таблетка тіпті өлімге әкелуі мүмкін", - дейді Дебора Ли.</blockquote>Егер сіз дәріні тым көп қабылдасаңыз, сізде бауыр жеткіліксіздігі пайда болуы мүмкін, ал бұл дәретханада сезілетін мәселеге алып келеді.Балшық түсті нәжісДәрігер парацетамолдың артық дозасы теріні және көздің ағын сарғайтуы мүмкін екенін түсіндірді. Оған қоса, ол түсі балшыққа ұқсайтын ашық, сұр не ақ болып көрінетін нәжіске де әсер етеді. Дәрігер мұндай белгілер әдетте парацетамолдың дозасы артық қабылданғаннан кейін бірнеше күн ішінде пайда болатынын айтты.Қара түсті нәжісЕкінші, парацетамолға қатысты тағы бір мәселе - мелена.<blockquote>"Мелена - сирек болса да, парацетамолды үнемі қолданатындарда байқалатын қара, шайырлы нәжіс.&nbsp;Нәжіске асқазан-ішек жолдарының жоғарғы бөлігінде (әдетте өңеш немесе асқазанда) пайда болатын қан араласады, қызыл қан ішек арқылы өткенде өзіне тән қара түске өзгеретіндіктен, нәжіс қара болып көрінеді", - деді маман.</blockquote>Дәрігер егер танымал ауырсынуды басатын дәрі қабылдаған кезде ішектің жұмысындағы өзгерістерді байқасаңыз, оны қабылдауды тоқтатуыңыз керек, деп кеңес берді.<blockquote>"Егер нәжістің түсі қара болса немесе қызыл қанды көрсеңіз, бұл туралы дереу дәрігерге хабарлаңыз. Себебі мелена шұғыл медициналық көмекті қажет етеді", - деп ұсынды ол.</blockquote>Айта кетейік, бұған дейін дәретханада байқалатын өлімге әкелуі мүмкін қатерлі ісіктің 3 белгісі туралы хабарланған еді.&nbsp;&nbsp;&nbsp;

Дәрігер парацетамолдың қаупі туралы ескертті  

Kyzylorda-news.kz. Нашақорлыққа және есірткі бизнесіне қарсы күрестің 2023-2025 жылдарға арналған Кешенді жоспарын іске асыру мақсатында Қызылорда облысы ПД ЕҚҚІҚБ, Қызылорда облысының білім басқармасымен бірлесіп, "Есірткісіз әлем ғажайып...» тақырыбында &nbsp;граффити &nbsp;байқауын ұйымдастырды.Байқауға жалпы білім беретін оқу орындарының оқушылары қатысты. Байқаудың негізгі міндеті - қандай да бір арнайы қаражатсыз жастар мен жасөспірімдерді позитив іздеуге бағыттау және кәмелетке толмағандар арасындағы нашақорлық проблемаларын түсіндіру, осындай тәрізді іс-шараларға белсенді тарту мен қатысушылардың ақпаратты қолжетімді ұсыну жолымен жеке пікірлерін баяндау мүмкіндігін анықтау болды.Байқаудың бірінші кезеңі аймақтарда өтті, екінші облыстық кезеңге 12-18 жас аралығындағы 48 жұп сайыскер қатысты, олар өздерінің граффитиінде нашақорлық проблемасына көзқарасын білдірді.Қатысушылар граффити суреттерін қабырғаға емес, импровизацияланған материалдарға: қағазға, матаға, кенепке, баннерлерге және тіпті картонға салды. Қатысушыларды орындау техникасы, жұмыстың сапасы мен тазалығы, сурет салу идеясы, суретті жалпы қабылдау бойынша бағалады. Сайыстық комиссияның шешіміне сәйкес 24 сайыскер жұп ынталық үшін алғыс хат иеленсе, 24 жұп жеңімпаз деп танылып, олар сыйлық пен дипломдар алады. "Үздік граффити" номинациясына және 1 орын иегеріболып бірнеше жұп аталды, олар: Сансызбаева Самал мен Абдилхамит Сафиянұр - Шиелі ауданы №49 орта мектеп, Бейбутова Дана мен Бесемби Адэля - Қызылорда қаласы N211 орта мектеп, Серік Асылжан, Бектасқызы Жансая мен &nbsp;Нұрлыбек Дамир, Нұрлыбек Аяулым - Жалағаш ауданы №№201 мектеп-лицей мен N246 орта мектеп, Көбеген Нұрай, Жиенеев Дәулет - Арал ауданы N73 орта мектеп, Мұхан Ақгүл мен Орақов Абай - Қармақшы ауданы №279 мектеп-лицей өқушылары.

"Есірткісіз әлем ғажайып...» тақырыбында  граффити  байқауы өтті

<a href="https://kyzylorda-news.kz/">Kyzylorda-news.kz.</a> «Байқоңыр» кешенінде қызылша ауруына байланысты эпидемиологиялық жағдай нашарлады. Бұл туралы Байқоңыр қаласы әкімшілігінің баспасөз қызметі хабарлады.<blockquote>«Қазақстанда жыл басынан бері тіркелген қызылша ауруының саны 7 мыңнан асты. Қазақстан Республикасында қызылша бойынша қалыптасқан эпидемиологиялық жағдай (жақын маңдағы кенттерді қоса алғанда) «Байқоңыр» кешенінде де нашарлаған. Қаланың ведомствоаралық санитарлық-эпидемияға қарсы комиссиясының мүшелері қызылшаға қарсы вакцинация жұмыстарын күшейту туралы шешім қабылдады», - делінген хабарламада.</blockquote>Ғарыш айлағы мен аттас қаланы қамтитын Байқоңыр кешені Ресейге 20 жылға жалға берілді. «Байқоңыр» кешенін жалға алу кезеңінде елді мекен федералды маңызы бар қалаға сәйкес мәртебеге ие, объектілердің, кәсіпорындар мен ұйымдардың, сондай-ақ азаматтардың қауіпсіз жұмыс істеуінің ерекше режимі бар.

Байқоңыр кешенінде қызылша жұқтырғандар көбейді

<a href="https://kyzylorda-news.kz/">Kyzylorda-news.kz.</a> 15 қыркүйекте алғашқы медициналық-санитарлық көмек ұйымдарына еркін тіркелу бойынша жыл сайынғы науқан басталды. Ағымдағы жылдың 15 қарашасына дейін сақтандырылған азаматтар Әлеуметтік медициналық сақтандыру қорының жеткізушілері ішінен емхананы таңдай алады. Шетел азаматтарына қалай тіркелуге болады? Осы және басқа да сұрақтармен біз Қордың Қызылорда облысы бойынша филиалының директоры Бақыт Исмаханбетовке жүгіндік.Спикердің ақпараты бойынша, еңбек заңнамасы және Халық денсаулығы мен денсаулық сақтау жүйесі туралы кодекске енгізілген өзгерістерге байланысты емханаларға тіркелу ережелері мен иммигранттарға медициналық көмек көрсету ережелері өзгерді. Бұйрықтарға енгізілген өзгерістер тек ЕАЭО-ға мүше елдердің (РФ, Беларусь, Қырғызстан, Армения) бірінің азаматтығы бар, ҚР-да уақытша тұратын шетелдіктерге – еңбек мигранттарына және олардың отбасы мүшелеріне (балалары мен жұбайларына) қатысты. Жаңа қағидаларға сәйкес, бұл шетелдіктер емханаға ерікті медициналық шарт (ЕМС) немесе алғашқы медициналық-санитариялық және шұғыл стационарлық көмекке жүктелген медициналық сақтандыру шарты (ЖМС) негізінде тіркеледі. Кейін шарт жасасқан мерзімі өткен жағдайда медициналық ұйымнан автоматты түрде шығарылады.Қор филиалының директоры түсіндіргендей, емханаға тіркелу үшін оның басшысының атына қазақ немесе орыс тілінде еркін түрде өтініш жазу қажет. Өтінішпен бірге жеке басын куәландыратын құжатты (немесе шетелдік паспортты), ЕМС немесе ЖМС шартын тапсырады. Олардың заңды өкілі өтініш берсе, отбасы мүшелерінің келісімі қоса берілуі керек. &nbsp;Өтініш беруші медициналық ұйымға өзі жүгіне алады немесе оны сақтандыру компаниясы жасайды. Тіркелуге болатын емханалардың тізімі шарттың қосымшасында (ЕМС немесе ЖМС) көрсетілуі тиіс.Айта кету керек, әлеуметтік медициналық сақтандыру қорымен шартқа отырған алғашқы медициналық-санитариялық көмек көрсететін медициналық ұйымдарға тіркелуге болады.ЕАЭО шартында шетелдіктердің денсаулық сақтау саласындағы құқығы ғана емес, міндеттері де жазылған. Олардың қатарына ауруларды ерте анықтау үшін профилактикалық скринингтерден уақтылы өту, әйелдерді жүктілік бойынша уақтылы есепке қою (12 аптаға дейін), созылмалы және әлеуметтік маңызы бар ауруларды динамикалық байқау және т.б. кіреді. Сондай-ақ, Қазақстанда уақытша тұратын шетелдіктер айналасындағыларға қауіп төндіретін аурулар кезінде көрсетілетін медициналық көмекті қоспағанда, республикада тұрақты тұратындарға ғана көрсетілетін тегін медициналық көмектің кепілдік берілген көлемі (ТМККК) шеңберінде медициналық көмек ала алмайды.ҚР азаматтары, қандастар және ҚР аумағында тұрақты тұратын шетелдіктер үшін емханаға тіркелу тәртібі өзгеріссіз қалады.&nbsp;<figure class="image"><img src="https://knadmin.beoblood.kz/uploads/Prikreplenie_inostranczev_kaz_948ccdcdc5.jpg" alt="Прикрепление иностранцев каз .jpg"></figure>

Қазақстан және Қызылорда облысының жаңалықтары: Денсаулық