<a href="https://kyzylorda-news.kz/">Kyzylorda-news.kz</a> &nbsp;Өңірде медициналық ұйымдар арасында ақпараттық-түсіндіру жұмыстары жалғасуда. Әлеуметтік медициналық сақтандыру қорының&nbsp;Қызылорда облысы бойынша филиалының мамандары медициналық қызмет көрсетушілермен онлайн және офлайн форматта кездесулер өткізді.Іс-шаралар барысында медициналық қызметкерлерге МӘМС жүйесіндегі жаңашылдықтар, Пациенттерді қолдау және ішкі бақылау қызметінің міндеттері, пациенттермен өзара іс-қимыл нормалары, сондай-ақ жұмыс ұйымдастыруға қатысты өзге де өзекті мәселелер жан-жақты түсіндірілді.Қор филиалының мамандары елде медициналық қызметтердің сапасын арттыруға, медициналық ұйымдардың қызметін бағалауға және халықтың сенім деңгейін көтеруге бағытталған реформалар белсенді түрде жүзеге асырылып жатқанын атап өтті. Олардың айтуынша, денсаулық сақтау жүйесіндегі жаңашылдықтардың іске асырылуы медициналық ұйымдардың жұмыс үдерістерін жетілдіруге және бәсекеге қабілеттілікті арттыруға дайын болуына тікелей байланысты.Негізгі міндет&nbsp;- халықты МӘМС жүйесімен барынша қамту және сапалы медициналық көмектің қолжетімділігін қамтамасыз ету екені атап өтілді.Қазіргі таңда облыста Қормен 124 медициналық ұйыммен келісімшарт жасалған, оның ішінде 93-і – жекеменшік, 31-і - мемлекеттік.

МӘМС: түсіндіру жұмыстары күшейтілді

<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қорының Қызылорда облысы бойынша филиалына сұрақтар түсуде. Бірқатар өзекті мәселелерге ӘМСҚ облыстық филиалының директоры&nbsp;Жақсылық Абдусаметов жауап берді.Жұмыс істеймін, бірақ ресми жұмыс орналасқан сәттен бері 8 ай ғана өткендіктен, сақтандырылған мәртебем жоқ. Маған қазір бейінді дәрігердің консультациясы әрі ем алуым қажет. Не істеу керек?Сақтандырылған мәртебесі өткен 12 немесе алдағы 12 ай үшін ай сайынғы төлемдер болған кезде беріледі. Демек, бұл жағдайда сақтандырылған мәртебесін екі жағдайда ала аласыз:1) өткен 12 айдың ішінде жетіспейтін 4 ай үшін (әрқайсысы үшін 4250 теңгеден) дербес төлеуші ретінде жарналар төлеу қажет;2) жұмыс берушіден жарналар мен аударымдар түсуін, оның қорытындысы бойынша қатарынан 12 төлем алу үшін 4 айдың өтуін күтіңіз.Қызметкер қазір медициналық көмекке мұқтаж болғандықтан, мәртебе алу үшін бірінші нұсқаны таңдағаны жөн.Бала 18 жасқа толғаннан кейін сақтандырылған мәртебесін жоғалта ма?18 жасқа дейінгі балалар МӘМС жүйесінде мемлекет есебінен сақтандырылған. Сондықтан ата-аналарда бала кәмелет жасына толғаннан кейін оның сақтандыру мәртебесі сақтала ма деген сұрақ жиі туындайды.Сақтандырылған мәртебесі келесі жағдайларда сақталады:1. Егер бала 18 жасқа толса, бірақ оқуын күндізгі бөлімде (мектеп, колледж, жоғары оқу орны) жалғастырса, ол жеңілдік санатына жатады және мемлекет жарна төлеуді жалғастырады.2. Егер мүгедектігі болса, жасына қарамастан, мемлекет жарналарды төлейді, себебі мүгедектігі бар адамдар жеңілдік санатына кіреді.3. Егер 18 жастан кейін адам оқымаса және жұмыс істемесе, ол ресми түрде жұмыссыз ретінде тіркеле алады. Бұл жағдайда жарналарды жергілікті атқарушы орган төлейді.Егер кәмелетке толған азамат ресми түрде жұмысқа орналасса немесе жеке кәсіпкер ретінде тіркелсе, ол жұмыс беруші есебінен немесе өз жарналары есебінен сақтандырылады.Басқа жағдайларда сақтандырылған мәртебесін сақтау және МӘМС аясында медициналық көмек алу құқығына ие болу үшін, 18-ге толған азамат дербес төлеуші ретінде жарналарды өзі төлеуі қажет (2026 жылы – айына 4 250 теңге).Жеке кәсіпкер декретке шыққаннан кейін МӘМС үшін жарна төлей ме?«МӘМС туралы» Заңның 26-бабында мемлекет жарна төлейтін 15 санат айқындалған. Олардың қатарында үш жасқа дейінгі баланы/балаларды тәрбиелеп отырған жұмыс істемейтін адам (баланың заңды өкілдерінің бірі) бар. Аталған бапта жұмыс істемейтіндер ретінде кәсіпкерлік немесе еңбек қызметін жүзеге асырмайтын және табысы жоқ адамдар белгіленген.Соған сәйкес қызметі ресми түрде тоқтатылмаған және жұмыс істеп тұрған ЖК бар декреттегі әйел жеңілдікті санатқа енбейді. Сондықтан МӘМС-ке жарна төлеуі тиіс.Ол сондай-ақ кәсіпкерлік қызметті ресми түрде жабуына немесе тоқтата тұруына болады. Бұл оған жеңілдік санатына енуге мүмкіндік береді.Фото: freepik.com

МӘМС: Қызылордалықтардың көкейтесті сұрақтарына жауап берілді

<a href="https://kyzylorda-news.kz/">Kyzylorda-news.kz</a> Онкологиялық ауруларды ерте анықтаудың ең дәл әдістерінің бірі – ПЭТ/КТ зерттеуі енді Қызылорда тұрғындарына да қолжетімді. Тексеру Orhun Medical компаниясының жаңа медициналық орталығында тегін медициналық көмектің кепілдендірілген көлемі (ТМККК) аясында жүргізіледі.Қызылорда қаласының тұрғыны Гүлсім Жанпейісова тексеруден тұрғылықты жері бойынша өту мүмкіндігі үшін және онкологиялық ауруы бар науқастарға көрсетіліп жатқан қамқорлық үшін алғысын білдірді.<blockquote>–&nbsp;Жеті жылдан бері онкологиялық ауру бойынша диспансерлік есепте тұрмын. Бұрын тексеруден өту үшін Алматы мен Астанаға баруға тура келетін. Бұл жол шығындарын көбейтеді әрі науқас адам үшін ұзақ сапар өте қиын. Енді қымбат тұратын тексеруден өз қаламда тегін өте аламын. Ауруым анықталғаннан бері емді уақытылы алып келемін,&nbsp;– деді пациент.</blockquote>Позитронды – эмиссиялық томография компьютерлік томографиямен бірге жүргізілгенде жасушалық деңгейде патологиялық өзгерістерді анықтауға мүмкіндік береді. Бұл әдіс қатерлі ісік ісіктері мен метастаздарды клиникалық белгілер пайда болмай тұрып анықтауға көмектеседі.<blockquote>–&nbsp;Биыл біз онкологиялық ауруы бар шамамен екі мың пациентті тексеруден өткізуді жоспарлап отырмыз. Аталған аппараттың артықшылығы&nbsp;- метастаздарды және қатерлі ісіктің әртүрлі сатыларындағы ісіктерді анықтауға мүмкіндік беруі. ТМККК аясында тегін тексеруден өту үшін пациент онкологиялық диспансерлік есепте тұруы және емхананың&nbsp;аймақтық дәрігерінің жолдамасы болуы қажет,&nbsp;– деді сәулелік диагностика дәрігері Дінмұхамбет Тұрсын.</blockquote>2027&nbsp;жылы медициналық орталық сүйек тініндегі метастаздарды анықтауға мүмкіндік беретін ОФЭКТ/КТ аппаратын орнатуды жоспарлап отыр.

Онкология: жеңу жолы – ерте анықтау 

<a href="https://kyzylorda-news.kz/">Kyzylorda-news.kz</a> &nbsp;Қызылордада облыс әкімі Нұрлыбек Нәлібаев, Денсаулық сақтау министрі Ақмарал Әлназарова, Сыртқы істер министрінің орынбасары Әлібек Қуантыров, Парламент Мәжілісінің депутаттары Мұрат Әбенов, Мархабат Жайымбетов, Мұрат Ергешбаев, құқық қорғау органдарының бірінші басшылары, облыстық мәслихат депутаттары, зиялы қауым өкілдері және ардагерлердің қатысуымен Orhun Мedical медициналық орталығының ашылу рәсімі өтті.Аймақ басшысы өз сөзінде өңірдің денсаулық сақтау саласындағы жетістіктерге тоқталды.<blockquote>«Мемлекет басшымыз Қасым-Жомарт Кемелұлы «Ұлт саулығы жақсы болса, қоғам орнықты дамиды» деп, салаға әрдайым айрықша көңіл бөліп келеді. Сыр өңірінде тұрғындардың медициналық қызметке қолжетімділігін арттыру, инфрақұрылымды одан әрі жетілдіру шаралары кешенді түрде жүргізілуде. Өздеріңізбен бірге өңіріміз үшін маңызы зор нысан Orhun Medical медициналық орталығының ашылуында бас қостық. Орталықтың негізгі бағыты – позитронды-эмиссиялық және компьютерлік томографияны біріктіретін жоғары технологиялық диагностика.Құны 4 млрд. теңге болатын бұл жоба онкологиялық ауруларды ерте анықтауға, дерттің таралу деңгейін бағалауға, емдеу тиімділігін бақылауға мүмкіндік береді. Тұрғындарымыз ендігіде Астана, Алматы қалаларына, шетелдерге бармай-ақ, сапалы медициналық қызметтерді жергілікті жерде алады. Ел игілігіне табысталатын медициналық орталық дәрігерлері келушілерге қызмет етіп, науқастың дертіне дауа, көңіліне рауан беріп, халықтың ықыласына бөленеді деп сенеміз. Жауапкершілігі жоғары салада уақытпен санаспай, күні-түні жасаған қызметтеріңіз табысты, мәртебелеріңіз биік болғай!», – деді Н.Нәлібаев.</blockquote><img src="https://knadmin.beoblood.kz/uploads/yzylordada_Orhun_Medical_zho_ary_tehnologiyaly_mediczinaly_ortaly_y_ashyldy_017a0ba9b3.webp" alt="Қызылордада «Orhun Medical» жоғары технологиялық медициналық орталығы ашылды.webp">Ашылу рәсімінде Ақмарал Әлназарова, Әлібек Қуантыров сөз сөйлеп, сала ардагері Абдулла Шүленбаев бата берді. Аймақтың денсаулық сақтау саласының дамуына үлес қосқан азаматтар облыс әкімінің Алғыс хатымен марапатталды.​Айта кетейік, медициналық орталықтың жылдық жобалық қуаты айтарлықтай жоғары. Мұнда жылына 3 500 позитронды-эмиссиялық және компьютерлік томография зерттеуі жүргізіледі. Сонымен қатар, 16 000 магниттік-резонанстық томография, 20 000 компьютерлік томография, 25 000 рентгенологиялық зерттеу және 10 000 маммография жасауға мүмкіндік бар. ​Қызылорда қаласындағы орталық – Orhun Medical компаниясының Қазақстан өңірлерінде жоғары технологиялық онкологиялық көмекті дамытуға бағытталған жобасының екінші кезеңі. Ұлытау, Түркістан, Ақтөбе тұрғындарына да қызмет көрсетеді. Бірінші кезеңде Ақтау қаласында осындай орталық іске қосылған. Зерттеулер тегін медициналық көмектің кепілдендірілген көлемі аясында жүргізіледі.​Бұдан бөлек, медициналық орталықта МРТ, КТ, рентгенография, маммография, ультрадыбыстық диагностика, бейінді мамандардың кеңестері, зертханалық зерттеулер және емшара бөлмелерінің қызметтері халыққа қолжетімді болады.

Қызылордада «Orhun Medical» жоғары технологиялық медициналық орталығы ашылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, Денсаулық сақтау министрі Ақмарал Әлназарова, Парламент Мәжілісінің депутаттары Мұрат Әбенов, Мархабат Жайымбетов, Мұрат Ергешбаев бір ауысымда 100 келушіні қабылдайтын емханасы бар 300 төсектік көпбейінді аурухананың (онкологиялық бөлімшесімен) құрылыс алаңына барып, жұмыс барысымен танысты.Облыс тұрғындары үшін аса маңызды әлеуметтік нысан Мемлекет басшысының тапсырмасымен салынуда. Аурухана заманауи техникалық шешімдерді ескеріп жобаланған, ең озық технологиямен қамтамасыз етіледі. Диагностика және емдеу бойынша заманауи стандарттарға сай келетін жоғары технологиялық инновациялар енгізіледі, бұл медициналық көмектің сапасы мен қолжетімділігін арттырады. Осылайша Қызылордада шетелдік клиникалардан еш кем түспейтін заманауи медициналық кешен пайда болады.«Мелиоратор» серіктестігі қолға алған жобаға 36 млрд 416 млн теңге қаржы қаралған. Бұл – аймақтағы халықаралық стандарттарға сай, ең ауқымды жобалардың бірі. Аумағы 57 мың шаршы метр, 7 гектар жерге орналасқан. Нысан 10 блоктан тұрады: емхана, пансионат, конференц-зал, асхана, физиотерапия, қабылдау бөлімі, әкімшілік, реанимация, химиотерапия және радиотерапия, операциялық бөлім.<img src="https://knadmin.beoblood.kz/uploads/whatsapp_image_2026_02_19_at_21_52_34_313d8421f7.webp" alt="Қызылордадағы көпбейінді аурухана жыл соңына дейін пайдалануға беріледі">Құрылысы екі жыл бұрын басталған ғимаратты салу барысында осы уақытқа дейін 21 млрд. теңге қаражат игеріліп, жұмыстың 70 пайызы еңсерілді. Қалған 16 млрд. теңге осы жылы республикалық және облыстық бюджеттен бөлінген. Қазіргі таңда бетон жұмыстары толық біткен, ал кірпіш қалау аяқталып қалды.Жақын арада құрылысшылар терезесін салып, қасбетін бастайды. Сонымен қатар, жылу құбырлары орнатылып, қажетті тораптарға қосылуда. Электр желісі тартылып, тарату нүктелері дайындалды. Құрылыс кестеге сәйкес жүргізілуде. Жоспар бойынша күшейтілген жұмыс режиміне көшіп, жыл соңына дейін құрал-жабдықтарын орнатып, пайдалануға береді.Бүгінде құрылыс басында 200-ге жуық адам, 15 техника бар. Газоблог, инженерлік жүйелерге қажетті материалдар жеткілікті.Айта кетейік, Мемлекет басшысының тапсырмасына сәйкес 12 облыста заманауи перинаталдық орталықтар салу көзделген. Бүгін Қызылорда қаласында халықаралық тәжірибе мен озық медициналық технологиялар енгізілетін 200 төсектік перинаталдық орталықтың іргетасы қаланды. Нысанға 2,7 гектар жер телімі бөлініп, 48,8 млрд теңге қаражат қаралған.Фото: Қызылорда облысы әкімінің баспасөз қызметі

Қызылордадағы көпбейінді аурухана жыл соңына дейін пайдалануға беріледі

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласынның сол жағалауында облыс әкімі Нұрлыбек Нәлібаев, Денсаулық сақтау министрі Ақмарал Әлназарова, Парламент Мәжілісінің депутаттары Мұрат Әбенов, Мархабат Жайымбетов, Мұрат Ергешбаев, құқық қорғау органдарының бірінші басшылары, мәслихат депутаттары және зиялы қауым өкілдері, ел ағаларының қатысуымен 500 келушіге арналған емхананың іргетасы қаланды.Аймақ басшысы сол жағалауға қоныстанушылардың сұранысына сәйкес құрылысы басталған жаңа нысан тұрғындардың медициналық қызметке қолжетімділігін арттыратынын атап өтті.<blockquote>«Сыр өңірінде Президентіміздің, Үкіметтің ерекше қолдауымен, жерлестеріміздің бекем бірлігінің арқасында байыпты бастамалар қолға алынып, жасампаз жобалар іске асырылуда. Денсаулық сақтау инфрақұрылымын одан әрі жетілдіру шаралары кешенді жүргізіліп келеді. 2022-2025 жылдары салаға 50 млрд. 100 млн. теңге қаржы бөлінді, 26 млрд. 400 млн. теңгеге 40 медицина нысаны салынып, пайдалануға берілді.«Ауылда денсаулық сақтауды жаңғырту» ұлттық жобасы белгіленген жоспарға сәйкес толығымен орындалып, 10 млрд. 700 млн. теңгеге салынған 28 нысан халық игілігіне қызмет етуде.Жаңадан бой көтеретін емхана да шипа іздеген жандарға жылулық сыйлайтын орынға айналсын! Рамазан айы баршамызға құтты болсын! Оразаларыңыз қабыл болсын!», – деді Нұрлыбек Нәлібаев.</blockquote>Рәсімде Ақмарал Шәріпбайқызы, Мұрат Нәлқожаұлы құттықтау сөз сөйлеп, Қазақстанның еңбек сіңірген дәрігері Асылбек Тоқмырзаұлы бата берді.Айта кетейік, сол жағалауда бой көтеретін 500 орындық емхана тұрғындарға амбулаториялық-емханалық, диагностикалық және күндізгі стационарлық медициналық қызмет көрсететін көпсалалы мекеме болады. Мұнда жалпы және акушерлік-гинекологиялық тіркеу, педиатрия, мамандандырылған және шұғыл медициналық көмек, профилактика және мектеп медицинасы бөлімдері қарастырылған.<img src="https://knadmin.beoblood.kz/uploads/whatsapp_image_2026_02_19_at_21_47_01_01b662fa13.webp" alt="Қызылордадағы жаңа шағын ауданда 500 келушіге арналған емхана құрылысы басталды">Сонымен қатар, нысан 50 төсектік күндізгі стационар, дәрілік қамтамасыз ету бөлімі, орталық стерилизация, кір жуу орны, медициналық қалдықтарды сақтау, оқу кабинеттері, 50 орындық аудитория, 200 орындық конференц-зал және инженерлік-техникалық инфрақұрылыммен толық қамтамасыз етіледі.Фото: Қызылорда облысы әкімінің баспасөз қызметі

Қызылордадағы жаңа шағын ауданда 500 келушіге арналған емхана құрылысы басталды

<a href="https://kyzylorda-news.kz/">Kyzylorda-news.kz</a> 2026 жылдан бастап Қазақстанда онкологиялық скринингтер барлық азаматтарға, МӘМС жүйесіндегі сақтандыру мәртебесіне қарамастан, қолжетімді болды. Бұл – онкологиялық аурулармен күрестегі маңызды қадам.Сұхбат барысында Шиелі аудандық көп бейінді&nbsp;орталық&nbsp;ауруханасының онколог-дәрігері Сәуле Жансарина&nbsp;ерте диагностиканың мүмкіндіктері, қатерлі ісік даму қаупін арттыратын&nbsp;себептері және өзін-өзі емдеудің қауіптілігі туралы айтып берді.– Қатерлі ісік&nbsp;аурулардың пайда болу себептері қандай?– Қатерлі ісік&nbsp;– ағзадағы мутацияға ұшыраған жасушалардан дамитын ауру.&nbsp;Бүгінгі күні оның пайда болуының бір ғана нақты себебі анықталған жоқ. Алайда негізгі қауіп факторларына дұрыс тамақтанбау, темекі шегу, иммунитеттің әлсіреуі, созылмалы қабыну аурулары, радиация мен ультракүлгін сәулелердің әсері жатады.Мысалы, қорғанышсыз ұзақ уақыт күн сәулесінің астында болу тері қатерлі ісігіне әкелуі мүмкін. Сондай-ақ Helicobacter pylori микроағза созылмалы гастрит пен асқазан жарасын тудыратыны белгілі. Егер ол уақытында емделмесе, асқазан қатерлі ісігінің дамуына ықпал етуі мүмкін.Дені сау ағзада қатерлі&nbsp;ісіктер дамымайды. Түрлі созылмалы аурулар мен уақытында емделмеген жаралар қатерлі ісіктің дамуына негіз болуы мүмкін.Соңғы жылдары онкологиялық аурулардың «жасаруы» байқалуда. Қатерлі ісік жас адамдарда да жиі анықталуда. Сондықтан әрбір адамға медициналық тексеруден жүйелі түрде өту өте маңызды.–&nbsp;Шиелі ауданында онкологиялық аурулармен есепте тұрған науқастар саны қанша?–&nbsp;2025 жылы ауданның шамамен 700 тұрғыны диспансерлік есепте тұрса, оның 156-сы алғаш рет анықталған науқастар. Жыл сайын 100-150 жаңа жағдай тіркеледі.&nbsp;Бірқатар&nbsp;пациенттердің бес жылдық өмір сүру шегінен&nbsp;асып кеткені қуантады.&nbsp;Алайда, өкінішке орай, аурудың кеш сатысында, ағзада қайтымсыз өзгерістер басталған кезде жүгінетіндер де бар. Біздің дәрігерлер әр пациенттің өмірін сақтап қалу үшін бар күш-жігерін салуда. Ауданда онкологиялық аурулардың басым бөлігі – өкпе обыры. Одан кейін сүт безі және асқазан-ішек жолдарының ісіктері жиі кездеседі.Бұрын өңеш қатерлі ісігімен ауыратындар көп болатын. Ол кезде тұрғындар самаурыннан шай ішетін. Айта кету керек, өте ыстық сусындарды ішуге болмайды. Өңешті күнделікті күйдіру ауыр ауруларға әкелуі мүмкін.Тағы бір мәселе – фастфуд пен майлы тағамдар. Бізде бір жағдай болды. Көкшетау қаласындағы жоғары оқу орындарының бірінің 1 курс студентіне асқазанның қатерлі ісігі диагнозы қойылды. Ол тез дайындалатын кеспелерді жиі тамақтанатынын айтты. Өкінішке қарай, диагноз қойылғаннан кейін үш айдан соң ол қайтыс болды.Сонымен қатар алкоголь, вейп, кальян және темекі шегу онкологиялық аурулардың дамуына әсер етеді.– 2026 жылғы 1 қаңтардан бастап онкологиялық скрининг барлық азаматтарға қолжетімді болды.&nbsp;Кімге және қандай скринингтік тексеруден өту қажет?–&nbsp;2026 жылдан бастап онкологиялық скрининг МӘМС жүйесіндегі мәртебесіне қарамастан Қазақстан азаматтарының барлығына тегін жүргізіледі.40 - 70 жас аралығындағы әйелдер әр екі жыл сайын сүт безі қатерлі ісігін анықтауға арналған скринингтен өтеді.30 - 70 жас аралығындағы әйелдер әр төрт жыл сайын жатыр мойны обырына скринингтен өтеді.50 - 70 жас аралығындағы ерлер мен әйелдер әр екі жыл сайын колоректальды қатерлі ісікке скринингтен өтеді.Тоқ ішек қатерлі ісігін анықтау үшін гемокульт-тест жүргізіледі. Бұл нәжістегі жасырын қанды анықтайтын экспресс-талдау. Ол белгілер болмаған кезде қан кету көзін анықтауға мүмкіндік береді. Жасырын қан ісік қалыптасудан бірнеше жыл бұрын пайда болуы мүмкін. Нәтиже оң болған жағдайда пациентке колоноскопия жасалады.– Онкологиялық ауруларды анықтау және емдеу үшін қандай заманауи медициналық құрал-жабдықтар бар?– Бүгінде Қызылорда облысы кажетті заманауи диагностикалық жабдықтармен жақсы қамтамасыз етілген. Шиелі ауданында компьютерлік томограф жұмыс істейді. Эндоскопиялық зерттеулер, биопсия материалдарының цитологиялық және гистологиялық талдаулары қолжетімді.Қатерлі ісікті емдеудің үш негізгі әдісі бар: химиялық препараттармен, хирургиялық әдіспен және сәулелік терапия. Қазіргі ғылым тұрғысынан ісікті оның түбірімен бірге хирургиялық жолмен алып тастау ең жақсы нәтиже береді.– 2026 жылдан бастап бірқатар әлеуметтікмаңызы бар ауруларды, оныңішінде қатерлі ісіктердідиагностикалау және емдеутегін медициналықкөмектің кепілдік берілген көлемі аясында қол жетімді. Яғни, егернауқаста қатерлі ісікке күдік болса, ол барлық медициналыққызметтерді тегін ала ма?– Иә, МӘМС жүйесіндегі мәртебесіне қарамастан, онкологиялық ауруы бар пациенттерге барлық диагностикалық және емдік шаралар тегін тағайындалады. Айта кету керек, Қазақстан - онкологиялық ауруларды емдеу тегін жүргізілетін бірегей ел. Басқа мемлекеттерде бұл қызметтер ақылы және «медициналық туризм» ретінде көрсетіледі.Оңтүстік Корея, Израиль және Германияда медициналық туризм кеңінен дамыған.Егер 10 жыл бұрын Қазақстанда қатерлі ісіктің I–II сатылары 45–46% жағдайда анықталса, бүгінде бұл көрсеткіш 60%-дан асты. Бұл дәрігерлердің үйлесімді жұмысының нәтижесі. Шетелде бұл көрсеткіш шамамен 70%-ды құрайды.– Неліктен өзін-өзі емдеуге болмайды?–&nbsp;Кейбір тұрғындар дәрі-дәрмектерді қолдану немесе халық емшілеріне жүгінуді оңайырлақ деп санайды. Алайда өзін-өзі емдеу қымбат уақытты жоғалтуға әкеледі.Қатерлі ісік ерте сатысында анықталса, сәтті емделеді және асқынулардың алдын алуға болады. Сондықтан дәрігерге уақытылы жүгініп, профилактикалық тексерулерден өту өте маңызды.– Әңгімеңізге рахмет!

Қатерлі ісік: Ерте диагноз – өмірді сақтаудың кепілі

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов ауданға жұмыс сапарымен келген Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаевпен бірге Қазалы арнаулы әлеуметтік қызмет көрсету орталығының жұмысымен танысты.Орталықты аралау барысында ондағы қызмет алушыларға көрсетіліп отырған тұрмыстық және әлеуметтік қызметтердің сапасы, олардың тұру жағдайлары жан-жақты зерделенді. Атап айтқанда, қызмет алушылардың бөлмелері, тамақтану сапасы, төсек-орын жабдықтарының жай-күйі, санитарлық талаптардың сақталуы қаралды. Сонымен қатар медициналық көмектің қолжетімділігі, қызмет алушылардың қауіпсіздігі, оқшаулау талаптарының сақталуы, сондай-ақ олардың қорғану және өз құқықтарын қорғау мүмкіндіктерінің қамтамасыз етілуі де назарға алынды.Қазіргі таңда орталықта қамқорлықты қажет ететін, I және II топтағы психоневрологиялық аурулары бар, 18 жастан асқан мүгедектігі бар 99 азамат арнаулы әлеуметтік қызметтермен қамтылған.Орталықтың жұмысын көрген аудан әкімі Алмасбек Әбілқасымұлы мен басқарма басшысы Ғабит Жұмабекұлы орталық директорына әлеуметтік қызметтердің сапасын арттыру, материалдық-техникалық базаны нығайту және қызмет алушыларға сапалы қызмет көрсету, орталықтың санитарлық тазалығына қатысты бірқатар тапсырмалар берді.Айта кетейік, Қазалы қаласында орналасқан Қазалы арнаулы әлеуметтік қызмет көрсету орталығы 2003 жылдан бастап жұмыс жасап келеді. Орталықта барлығы 122 қызметкер жұмыс жасайды.

Аудан әкімі Қазалы арнаулы әлеуметтік қызмет көрсету орталығының жұмысымен танысты

<a href="https://kyzylorda-news.kz/">Kyzylorda-news.kz</a> Денсаулық сақтау министрлігі медициналық қызмет тұтынушыларын есепке алу және міндетті әлеуметтік медициналық сақтандыру жүйесінде медициналық көмек алу құқығын беру қағидаларына өзгерістер әзірледі, деп хабарлайды <a href="https://baq.kz/densaulyq-saqtau-ministrligi-mams-zhuyesindegi-shygyndardy-retteydi-200031108/">BAQ.KZ </a>тілшісі.&nbsp;Жоба міндетті әлеуметтік медициналық сақтандыру (МӘМС) жүйесінде сақтандырылған азаматтарды есепке алу тәртібі мен жарналарды қаржыландыру мәселесін реттейді.Өзгерістер бюджеттік жоспарлаудың нақтылығы мен ашықтығын арттыруға бағытталған. Бұл ретте азаматтардың медициналық көмек алу құқығына ешқандай шектеу қойылмайды.Бұған дейін МӘМС туралы заңнамаға мемлекет соңғы үш айда зейнетақы жарнасын аудармаған және өмірлік қиын немесе төтенше жағдайға тап болған жұмыссыз азаматтар үшін жарналарды төлейтіні туралы норма енгізілген еді.Енді мұндай азаматтардың аумақтық тиесілігін нақтылау ұсынылып отыр. Ол олардың тұрақты тіркелген жері бойынша анықталады. Бұл шығындарды дұрыс есепке алуға және өңірлер арасындағы қаржылық жүктемені әділ бөлуге мүмкіндік береді.Министрлік өкілдері өзгерістер азаматтардың медициналық көмекке қолжетімділігіне әсер етпейтінін атап өтті. Әлеуметтік тұрғыдан осал топқа жататын азаматтар МӘМС жүйесінде сақтандырылған және бастапқы медициналық көмектен бастап мамандандырылған емге дейінгі қызметтердің толық көлемін алуға құқылы.Ұсынылып отырған өзгерістер техникалық әрі нақтылаушы сипатта. Олар жүйені тиімді басқаруға бағытталған. Мемлекет медициналық көмекке ерекше мұқтаж азаматтарды қамтамасыз ету жөніндегі міндеттемелерін орындауды жалғастырады, – делінген негіздемеде.Құжат 20 ақпанға дейін "Ашық НҚА" порталында қоғамдық талқылауға шығарылды.Фото: freepik.com

Денсаулық сақтау министрлігі МӘМС жүйесіндегі шығындарды реттейді

<a href="https://kyzylorda-news.kz/">Kyzylorda-news.kz</a> &nbsp;Өңірде жұқпалы аурулардың алдын алу бағытында кешенді жұмыстар жүргізілуде. Соның ішінде тұрғындарды вакцинациялау, медицина қызметкерлерінің біліктілігін арттыру және халық арасында ақпараттық-түсіндіру шаралары тұрақты түрде ұйымдастырылып келеді. Бұл бастамалар қоғамдық денсаулықты нығайтуға, сондай-ақ вакцинамен басқарылатын инфекциялық аурулардың таралуының алдын алуға бағытталған.&nbsp;Осы ретте сала мамандары профилактикалық екпелердің маңыздылығына ерекше назар аударып отыр. Қызылшаға қарсы күрес турасында Қызылорда облысының санитариялық - эпидемиологиялық бақылау департаменті басшысының орынбасары Алия Абдикаимова және облыстық денсаулық сақтау басқармасы басшысының орынбасары Мая Мирзанова мен облыстық жұқпалы аурулар ауруханасының бас дәрігерінің орынбасары Шарипа Алиева маңызды мәліметтерімен бөлісті.<blockquote>- Біздің басқарма тарапынан жасалып жатқан бастамалардың бірі - ҚР Денсаулық сақтау министрлігімен бекітілген дәрігерлермен бірлесіп жұмыс жүргізу. Сол дәрігерлермен біз арнайы онлайн және оффлайн семинарлар өткізіп, өңірдегі медицина қызметкерлерінің біліктілігін арттыруға ерекше көңіл бөліп келеміз. Бұл семинарлар барысында ана мен бала денсаулығын сақтау, ерте диагностика, асқынулардың алдын алу және заманауи емдеу әдістері кеңінен талқыланады. Сонымен қатар, тәжірибе алмасу алаңдары ұйымдастырылып, нақты клиникалық жағдайлар бойынша пікірлер ортаға салынады. Аталған жұмыстардың барлығы өңірдегі медициналық қызмет сапасын жақсартуға бағытталған,- деді Алия Муталипқызы.</blockquote><img src="https://knadmin.beoblood.kz/uploads/Aliya_706f79c19c.jpg" alt="Алия.jpg">&nbsp;Елімізде тұрғындарды вакцинациялау Ұлттық егу күнтізбесіне сәйкес 21 инфекциялық ауруға қарсы тегін жүргізіледі.<blockquote>– Соңғы 15 жылда вакцинамен басқарылатын бірқатар жұқпалы аурулар тіркелмеген. 2025 жылдың қорытындысы бойынша облыста 16 жасқа дейінгі балалар мен жасөспірімдерді профилактикалық екпемен қамту көрсеткіші 96,8 пайызды құрады. Дегенмен екпеден бас тартушылар азаймай отыр. Мамандардың айтуынша, салауатты өмір салты иммунитетті күшейткенімен, инфекциядан толық қорғай алмайды. Әсіресе қызылшаға қарсы екпе алмаған адамдар үшін жұқтыру қаупі жоғары. Осыған байланысты санитариялық-эпидемиологиялық бақылау департаменті тұрғындарға егу мәртебесін тексеріп, вакцинация алмаған жағдайда емханаларға жүгінуге кеңес береді,- деді Мая Миранбайқызы.</blockquote><img src="https://knadmin.beoblood.kz/uploads/Maya_95d7172714.jpg" alt="Мая.jpg">&nbsp;Вакцинация баланың ағзасына аурумен күресуді үйретеді.<blockquote>– Яғни, бала ауырмай тұрып, иммунитет қалыптастырады. Бұл - ғылымның үлкен жетістігі. Егілген бала қызылшамен ауырса да, ауру жеңіл өтеді немесе мүлде жұқпайды. Вакцинация салдырған адамда реакция болады. Қызуы көтеріліп, жайсыздық болуы мүмкін. Бірақ дұрыс бағытта. Ата-ана ретінде біз баламызды қалай тамақтандырамыз, қалай киіндіреміз - бәріне мән береміз. Сол сияқты вакцинация да баланың денсаулығына жасалған ең маңызды қамқорлық деп білемін,- деді Шарипа Жақсылыққызы.</blockquote><img src="https://knadmin.beoblood.kz/uploads/Sharipa_7028eff869.jpg" alt="Шарипа.jpg">Фото: freepik.com

Қызылшаға қарсы күрес: өңірде вакцинация жұмыстары жүргізілуде

<a href="https://kyzylorda-news.kz/">Kyzylorda-news.kz</a>&nbsp; 2025 жылы Әлеуметтік медициналық сақтандыру қорына кері байланыс арналары арқылы&nbsp;Қызылорда облысының тұрғындарынан&nbsp;медициналық қызметтерді алу бойынша&nbsp;2 669 &nbsp;&nbsp;өтінім келіп түсті. Олардың қатарында пациенттердің алғыстары, шағымдары мен ұсыныстары бар.Қор филиалының мәліметінше,&nbsp;өтініштердің басым бөлігі кеңес беру сипатында болды. Азаматтарды МӘМС жарналарын төлеу тәртібі, медициналық қызметтер мен дәрі-дәрмекпен қамтамасыз ету, жолдамалар мен еңбекке уақытша жарамсыздық парақтарын рәсімдеу, сондай-ақ медициналық көмекті көрсету шарттары, жеңілдік санаттары мен тізімдердегі өзгерістерге қатысты түсіндірулер қызықтырған.2025 жылдың 12 айының қорытындысы бойынша Қор жүйесіне барлығы&nbsp;736&nbsp;шағым түскен. Бұл 2024 жылдың сәйкес кезеңімен салыстырғанда&nbsp;111 &nbsp;шағымға немесе&nbsp;11,9%-ға аз.&nbsp;Алдыңғы кезеңмен салыстырғанда қайтарып алынған шағымдардың үлесі 51,1% -дан 56,3%-ға дейін өсті. Атап айтқанда, 736&nbsp;шағымның 415-і (56,3%) пациенттерді қолдау қызметтері мен медициналық ұйымдардың ішкі сараптама бөлімдері арқылы «осы жерде және дәл қазір» қағидаты бойынша қайтарып алынған немесе шешімін тапқан.Қызылордалықтар ең көп шағымды келесі мәселелер бойынша жолдаған:медициналық көмектің сапасыз көрсетілуі – 294 (39,9%); медициналық көмек көрсетуден бас тарту – 238 (32,3%); ТМККК және МӘМС шеңберінде дәрілік заттарды беруден бас тарту –&nbsp;94 (12,8%). &nbsp;Осылайша, өтініштердің негізгі бөлігі медициналық көмектің қолжетімділігі мен сапасына, сондай-ақ пациенттерді дәрілік заттармен қамтамасыз етуге байланысты.&nbsp;«МӘМС жүйесі іске қосылғалы Қорда кері байланыстың бірнеше арнасы жұмыс істейді: msqory.kz ресми сайты, Qoldau 24/7 мобильді қосымшасы және 1414 байланыс орталығы. Азаматтардан түскен барлық өтінімдер міндетті түрде қаралады және толық шешілгенге дейін бақылауда болады», – деді Әлеуметтік медициналық сақтандыру қорының Қызылорда облысы бойынша филиалының директоры Жақсылық Абдусаметов.&nbsp;Сондай-ақ Қор филиалында азаматтардың өтініштерін талдау денсаулық сақтау саласындағы жүйелі мәселелерді анықтауға, сондай-ақ МӘМС пен ТМККК аясында медициналық көмектің ашықтығын, қолжетімділігі мен сапасын арттыру үшін халықтың кері байланысын тиімді пайдалануға мүмкіндік беретінін атап өтті.

Қызылорда облысы тұрғындарының медициналық қызметке шағымы азайған

<a href="https://kyzylorda-news.kz/">Kyzylorda-news.kz</a>&nbsp; «Жібек жолы» сауда-ойын-сауық орталығында Әлеуметтік медициналық сақтандыру қорының Қызылорда облысы бойынша филиалының ұйымдастыруымен жыл сайынғы «Денсаулық аралы» акциясы өтті.Іс-шара аясында №3 қалалық емхананың мамандары тұрғындарға қауіп факторлары мен ауруларды ерте кезеңде анықтау мақсатында тегін медициналық қызметтер көрсетті. Қала тұрғындары экспресс-тексеруден өтті. Атап айтқанда, дәрігерлер қан қысымын, бойы мен салмағын өлшеп, қандағы қант пен холестерин деңгейін анықтады, сондай-ақ саламатты өмір салтын ұстану бойынша кеңес берді.Көптеген тұрғындар өз денсаулығының жай-күйін тексеріп, созылмалы аурулардың алдын алу бойынша кәсіби кеңес алу мүмкіндігін пайдаланды.Қордың облыстық филиалы мамандарының айтуынша, 2026 жылдан бастап диспансерлік есепте тұрған пациенттер үшін бірқатар созылмалы аурулар бойынша емдеу мен бақылау&nbsp;МӘМС&nbsp;пакетіне енгізіледі. Сонымен қатар мамандар сақтандырылған мәртебесін алу тәртібін, жүйедегі өзекті өзгерістерді, медициналық сақтандырудың артықшылықтарын, жарналар мен аударымдарды төлеу қағидаларын түсіндіріп, туындаған сұрақтар бойынша қайда жүгіну керектігін айтты. Барлық&nbsp;қатысушыларға ақпараттық буклеттер таратылды.Қор филиалының сарапшысы Алия&nbsp;Убисултанованың айтуынша,&nbsp;МӘМС жүйесі аясында сақтандырылған азаматтарға медициналық қызметтердің кең спектрі қолжетімді. Медициналық сақтандыру қаражаты есебінен қымбат тұратын&nbsp;оталар да жүргізіледі.«Денсаулығыңызға уақытылы көңіл бөліп, сапалы медициналық көмек алу үшін&nbsp;МӘМС жүйесінде сақтандырылған болу маңызды», – деп атап өтті ол.

Қазақстан және Қызылорда облысының жаңалықтары: Денсаулық