<a href="https://kyzylorda-news.kz/">Kyzylorda-news.kz</a> &nbsp; Санитарлық дәрігерлер «Балдәурен» бөбектер бақшасында санитарлық нормалардың бұзылғанын анықтаған. Азық өнімдерін сақтауға, кесу құралдарын таңбалауға, сондай-ақ дезинфекциялық режимге қатысты кемшіліктер <a href="https://kaz.inform.kz/news/balalar-tamaktan-ushingan-balabakshanin-brneshe-kizmetker-zhumistan-shettetld-5132b5/">тіркелген.</a>Павлодар облысы Шарбақты ауданындағы «Балдәурен» бөбектер бақшасында тамақтан ұшынған бір топ балаға алдын ала қойылған диагноздар расталмаған.<blockquote>– Балаларға алдын ала қойылған «Анықталмаған гастроэнтерит пен инфекциялық колит және басқалары» диагноздары расталмады. Оларға «Ас қорытудың анықталмаған функционалды бұзылуы» және «Ротавирустық энтерит» диагноздары қойылды, - деп хабарлады өңірлік санитарлық-эпидемиологиялық бақылау департаменті басшысының орынбасары Зәмзагүл Досжанова.</blockquote>Санитарлық қызмет мамандары аталған балабақшада кейбір санитарлық нормалардың дұрыс сақталмайтынын анықтаған. Атап айтқанда, азық-түлікті сақтау, кесу құралдарын таңбалау, дезинфекциялық режимге қатысты кемшіліктер тіркелген.<blockquote>– Медициналық тексеруден уақтылы өтпеген қызметкерлер бар екені белгілі болды. Олар жұмыстан уақытша шеттетілді. Тексеру шаралары әлі аяқталған жоқ, - деп қосты басқарма өкілі.</blockquote>Фото: pixabay.com

Балалар тамақтан ұшынған балабақшаның бірнеше қызметкері жұмыстан шеттетілді  

<a href="https://kyzylorda-news.kz/">Kyzylorda-news.kz</a> Балалар инфекциялық аурулар дәрігері, жоғары білікті педиатр, Астана қаласының №3 қалалық балалар ауруханасы директорының медициналық бөлім жөніндегі орынбасары Роза Өтегенқызы Баженова ЖРВИ және тұмау белгілері кезінде ата-аналарға қайда жүгіну керектігін, қандай асқынулар байқалатынын және баланы вирус маусымында қалай қорғау керектігін егжей-тегжейлі айтып берді.<ul class="todo-list"><li style="text-align:justify;"><label class="todo-list__label"><input type="checkbox" disabled="disabled">Дәрігерге жүгіну шегі кешкі уақытта – сағат 18:00-ден кейін, ата-аналар баланың жоғары температурасын көріп, дереу инфекциялық ауруханаға барады.</label></li></ul>Бірақ көп жағдайда бұл қажет емес, деп атап өтті дәрігер.Алғашқы белгілердегі дұрыс бағыт – күн сайын сағат 8.00-ден 20.00-ге дейін жазылусыз қабылданатын емханалардың сүзгі-кабинеттері мен жедел жәрдем кабинеттері. Сондай-ақ, қажет болған жағдайда мобильді бригаданы шақыру үшін учаскелік дәрігермен байланыста болу керек.Егер баланың жағдайы нашарласа, жиі құсу, құрысулар пайда болса, бала тамақ пен ана сүтінен бас тартса, дереу жедел жәрдем шақыру керек.Өзбетінше емдеуге болмайды!Қазір балаларда қандай асқынулар байқалады?Осы маусымда А тұмауы вирусы(H3N2) таралады. Ол агрессивті ағыммен ерекшеленеді.Негізгі белгілері:* ыстықты түсіретін дәрі әсер етпейтін жоғары дене қызуы, тұрақты қызба,* тырысулар - тіпті қосалқы аурулары жоқ мүлдем дені сау балаларда да байқалады,* ларингит, көмейдің ісінуі,* іштің ауыруы және асқазан-ішек жолдарының зақымдануы,* жалпы уыттану, әлсіздік .Асқынуларға келетін болсақ, Роза Баженовна түсіндіргендей, бұл жоғары температура, айқын ларингит, Рей синдромының даму қаупі (әсіресе дұрыс емделмеген жағдайда), мұрыннан қан кету, құсу, іштің ауыруы мүмкін.Дәрігер ыстықты түсіретін дәрілерге мұқият болуды ұсынды!Парацетамол мен ибупрофенді қатаң түрде жас мөлшерінде қолдану керек.Парацетамолдың артық дозалануы бауырдың зақымдалуына және басқа да ауыр асқынуларға әкелуі мүмкін.Балаларға аспирин бермеңіз-Рей синдромының қаупі бар.Балалар инфекционисті ата-аналарға вирустармен күресуге көмектеспейтін балаларға антибиотиктерді өзбетінше тағайындаудан сақтандырады. Сондай-ақ, вирусқа қарсы препараттарды бақылаусыз қабылдауға болмайды, тек дәрігердің нұсқауы бойынша және қатаң көрсетілімдер бойынша ғана қабылдау қажет.Егер дене қызуы түспесе, дозаны арттырмай дәрігерге қаралу қажет.Эпидемиологтар қатаң түрде мынадай ұсынымдар беретінін естеріңізге сала кетейік:* адамдар көп жиналатын жерлерден аулақ болу,* қоғамдық орындарда маска кию,* қолды жиі жуып, бөлмелерді желдету<a href="https://t.me/DenMinPR">https://t.me/DenMinPR</a>Фото: pixabay

«Бұны балаларға бермеңдер»: дәрігерлер қазақстандық ата-аналарға ескерту жасады

<a href="https://kyzylorda-news.kz/">Kyzylorda-news.kz</a> Елімізде 2021 жылдан бастап Мемлекет басшысының тапсырмасы бойынша “Аңсаған сәби” арнаулы бағдарламасы іске қосылды. Арнаулы жоба қосалқы репродуктивті технологиялардың көмегімен отбасылық-демографиялық проблемаларды шешуге жәрдемдеседі. Биыл облыста аталған бағдарлама бойынша мұқтаж отбасыларға 310 квота бөлінген. Бұл туралы Өңірлік коммуникациялар қызметінің ақпарат алаңында облыстық денсаулық сақтау басқармасы басшысының орынбасары Мая Мирзанова мәлімдеді.<blockquote>- “Аңсаған сәби” арнайы бағдарламасы бойынша 2015 жылдан бастап биылға дейін берілген квотаның саны 8 есеге өскен. Өткен жылы бөлінген 270 квота толық игеріліп, экстракорпоральды ұрықтандыру арқылы 92 бала өмірге келсе, қазіргі таңда 51 әйел жүкті. Ал биыл облысқа 310 квота бөлінсе, оның 285-іне жолдама беріліп, орындалу үлесі 91,9 пайызды құрап отыр. Бүгінгі күні 455 отбасы квота кезегін күтуде. Кезекте тұрған отбасылардың барлығы өңірлік комиссия арқылы қаралып, қолданыстағы бұйрықтарға сәйкес жолданады,- деді Мая Миранбайқызы.</blockquote>Фото: Қызылорда облысының Өңірлік коммуникациялар қызметі

 Биыл облыста “Аңсаған сәби” бағдарламасы аясында 310 квота бөлінді

<a href="https://kyzylorda-news.kz/">Kyzylorda-news.kz</a> Қызылорда&nbsp;көп бейінді&nbsp;қалалық ауруханасында Ұлттық ғылыми онкологиялық орталықтың мамандарының шеберлік сабағында жамбас буынының тозған эндопротездерін ауыстыру бойынша бірқатар&nbsp;бірлексен оталар жасалды.Пациенттердің бірі,&nbsp;Арал қаласының 72 жастағы тұрғыны Орындық&nbsp;Өтембетоваға&nbsp;жамбас буынының имплантын ауыстыру&nbsp;отасы сәтті&nbsp;өтті.<blockquote>-&nbsp;Екі жыл бұрын моншада тайып жығылып, жамбас сүйегімді сындырып алдым. Сол кезде эндопротездеу жасалған болатын. Биыл қайта ауырсыну пайда болып, жүре алмай қалдым. Имплантты ауыстырды.&nbsp;Осының бәрі МӘМС аясянда&nbsp;тегін,&nbsp;– дейді Орындық апа.</blockquote>Дәрігерлердің айтуынша, мұндай оталардың құны имплантпен бірге шамамен 2,5 миллион теңгені құрайды. Дегенмен, сақтандырылған азаматтар үшін хирургиялық араласудан бастап медициналық оңалтуға дейінгі емдеудің &nbsp; барлық кезендері МӘМС жүйесімен толығымен қамтылған.<blockquote>- Пациенттің импланты өз орнынан жылжып, соның салдарынан қабыну пайда болған. Тозған эндопротезді ауыстыру үшін ота жасадық. Мұндай оталар орта есеппен 3–5 сағатқа созылады. Бірнеше күннен кейін пациенттер өздігінен жүріп-тұра алады, – деді көп бейінді қалалық ауруханасының травматологы Қуаныш Кенжебеков.</blockquote>Буындарды эндопротездеу – МӘМС арқылы тегін<blockquote>- Бүгінде Қазақстанда эндопротездеу бағыты қарқынды дамып келеді, сондықтан шетелдік мамандарға жүгінудің қажеті жоқ. Біз МӘМС аясында заманауи, жоғары сапалы импланттарды қолданамыз. Бұл эндопротездерді ауыстыру оталарына да қатысты, - деп атап өтті Ұлттық ғылыми онкологиялық орталықтың ортопед-остеоонкологы Саят Әлмежанов.</blockquote><img src="https://knadmin.beoblood.kz/uploads/osms_1_8c1758d14c.jpg" alt="осмс (1).jpg">

Буындарды эндопротездеу – МӘМС арқылы тегін

<a href="https://kyzylorda-news.kz/">Kyzylorda-news.kz</a> Қазақстандықтар инфекциялық ауруханалардағы орын тапшылығына шағымданып жатыр. Әлеуметтік желілерде Астана тұрғындары стационарлардың толып тұрғанын және науқастар санының, әсіресе балалар арасында, өскенін хабарлады.Бір қала тұрғыны 40 градус температурамен баласын жатқызуды бірнеше сағат күткенін айтты. Оның сөзінше, түнде инфекциялық бөлімде бос палаталар болмаған, бірақ кейін орын табылған.Осы мәселеге қатысты ztb_kazakhstan редакциясы министрлікке сауал жолдады. Денсаулық сақтау министрлігі ОРВИ мен тұмаудың маусымдық өсуі байқалатынын, алайда алаңдауға негіз жоқ екенін мәлімдеді.<blockquote>«23–29 қазан аралығында республикада 106 930 ЖРВИ жағдайы тіркелді. Бұл өткен 2024–2025 жылдардағы эпидемиялық маусымның сол аптасымен салыстырғанда 1,5% төмендеу көрсетеді. Қазіргі жылдың 1 қыркүйегінен 29 қазанына дейін 1 128 140 ЖРВИ жағдайы тіркелген. Өткен маусыммен салыстырғанда, бұл көрсеткіш 1,2 есе азайған. Эпидемиялық маусым басталғаннан бері 45 жағдай лабораториялық түрде расталған А типті тұмау (H3N2) тіркелді. Республикада тұмауға қарсы 1 689 178 адам егілді, вакцинация жалғасуда.», - делінген хабарламада.</blockquote>Фото: Нұрболат Нұржаубай

Инфекциялық ауруханаларда орын тапшы: балалар арасында науқастар саны өскен

<a href="https://kyzylorda-news.kz/">Kyzylorda-news.kz</a> «Мен емханаға бармаймын және МӘМС-ті пайдаланбаймын», «Учаскемді де, дәрігерімді де білмеймін, олар мені іздемейді де». Өкінішке орай кейбір азаматтардан осындай пікірлерді естіп жатамыз. Енді біреулер тегін медициналық көмекті алу қиын, оған көп уақыт пен күш кетеді деп есептейді. Осыған орай, емханаға не үшін бару керек және МӘМС жүйесінің мүмкіндіктерін қалай пайдалануға болатынын зерттеп көрдік.&nbsp;Емханада тіркелген азаматтарға алғашқы медициналық-санитарлық көмек (МСАК) көрсетіледі. Бұл – медициналық көмектің базалық деңгейі. МСАК тіркелген тұрғындарды есепке алады, профилактикалық тексерулер өткізіп, флюорографияға түсіреді. Ауруларды ерте сатысында анықтауға, созылмалы науқастардың жағдайын бақылауға, асқынулар мен шұғыл госпитализацияны болдырмауға, жалпы халық денсаулығын тұрақты бақылауда ұстауға көмектеседі.Сайып келгенде, &nbsp; МСАК – сіздің учаскелік дәрігеріңіз және сіз тіркелген емханаңыз. Кез келген алғашқы шағымдар пайда болған кезде профилактикалық мақсатта немесе бақылау үшін сол жерге жүгінесіз. Сондықтан өзіңіздің қай емханаға тіркелгеніңізді және дәрігеріңіздің кім екенін білу маңызды.Учаскелік дәрігерге бару үшін МӘМС жүйесінде сақтандырылу шарт па?Жоқ. Пациенттер учаскелік терапевтке немесе жалпы тәжірибе дәрігеріне «cақтандырылған» мәртебесінің бар-жоғына қарамастан бара алады. Бірақ кейін МӘМС пакеті аясында бейінді мамандардың кеңесі немесе медициналық қызметтер қажет болса, «cақтандырылған» мәртебесін алу керек.Бейінді мамандарға жазылу үшін неге учаскелік дәрігерге бару керек?&nbsp;Бейінді мамандарға жазылу терапевт арқылы жүргізіледі. Себебі ол бастапқы тексеру жүргізіп, алдын ала диагноз қояды және әрі қарайғы тексерудің қажеттілігін анықтайды. Пациентті қай маманға жолдау керектігін шешіп, қажетті талдаулар мен зерттеулерге жолдама береді. Мұндай тәсіл өздігінен емделудің алдын алып, негізсіз жүгінулерді азайтады және пациенттердің ағынын оңтайландырады. Осылайша, бейінді мамандар өз көмегіне шын мұқтаж жандарға көбірек уақыт бөле алады.Анализдер мен диагностикаға жолдаманы қалай алады?&nbsp;Кез келген кеңес беру және диагностикалық қызметті емдеуші дәрігер тағайындайды. Ол пациенттің жағдайын, шағымдарын және белгілерін қарайды. Егер тиісті көрсеткіштер болса, дәрігер зертханалық және өзге де зерттеулерге жолдама береді. Міндетті әлеуметтік медициналық сақтандыру жүйесінде қызмет алу үшін пациенттің «сақтандырылған» мәртебесі болуы шарт.Медициналық қызметкерлер профилактика, диагностика, емдеу және оңалтудың ең тиімді әдістерін таңдау кезінде клиникалық хаттамаларды басшылыққа алады. Талдаулар мен диагностикалық зерттеулерге жолдаманы тіркелген жеріңіздегі дәрігерден алуға болады. Әдетте бұл – терапевт, ол көрсеткіштер бойынша немесе профилактикалық тексеру аясында зерттеу тағайындайды.Жеке клиникада МӘМС есебінен операция жасауға болатыны айтылды. Оған жолдаманы қалай аламын?Ауруханаға жатқызу көрсеткіштері пациенттің жағдайына байланысты әртүрлі болуы мүмкін. Бірақ әдетте жедел ауырсынулар, созылмалы аурулардың асқынуы, жарақаттар немесе стационарлық бақылауды қажет ететін өзге жағдайлар жатады (ҚР Денсаулық сақтау министрінің 2022 жылғы 24 наурыздағы № ҚР ДСМ-27 бұйрығы «ҚР стационарлық жағдайларда медициналық көмек көрсету стандарты туралы»).&nbsp;Ауруханаға жату үшін не істеу керек?<ul><li style="text-align:justify;">Тіркелген емханадағы дәрігерге жүгіну. Егер көрсеткіштер болса, маман тексеру жүргізіп, диагноз қою үшін қажетті зерттеулерді толық көлемде тағайындайды;&nbsp;</li><li style="text-align:justify;">Емхана жағдайында қажетті минималды тексеруден өту;&nbsp;</li><li style="text-align:justify;">Ауруханаға жатуға жолдама алу. Медициналық ұйымды өз дәрігеріңізбен бірге таңдай аласыз;</li><li style="text-align:justify;">Ауруханаға жату талонын алу. Ол арқылы «Емдеуге жатқызу бюросы» сайтында (https://bg.eisz.kz/) өз кезегіңізді бақылауға болады.</li></ul>Жоғары технологиялық медициналық көмек көрсету (ЖТМК) үшін тіркелген медициналық ұйым профильдік маманның қорытындысына сүйене отырып, пациенттің құжаттарын ЖТМК жөніндегі комиссияға жолдайды.Пациент тіркелген медициналық ұйым оған тиісті бейін бойынша осы қызметтерді көрсететін өзге ұйымды таңдау мүмкіндігі бар екенін хабарлауы тиіс.ЖТМК жөніндегі комиссия жергілікті денсаулық сақтау басқармасының басшысы бұйрығымен жасалады және пациентті тиісті медициналық ұйымға жолдау мәселесін шешеді. Тегін медициналық көмектің кепілді көлемі (ТМККК) тізбесіне кірмейтін мамандандырылған медициналық көмек МӘМС жүйесінде немесе ақылы негізде көрсетіледі. Мамандандырылған көмектің көлемі, соның ішінде зертханалық және диагностикалық зерттеу әдістері, клиникалық хаттамаларға сәйкес айқындалады (Қазақстан Республикасы Денсаулық сақтау министрінің 2020 жылғы 8 желтоқсандағы № ҚР ДСМ-238/2020 бұйрығына сәйкес).Егер маған жолдама беруден бас тартса не істеу керек?Егер пациенттің қандай да бір медициналық қызметке көрсеткіштері бола тұра дәрігер жолдама немесе көмек &nbsp;беруден бас тартса емханалар мен ауруханаларда құрылған Пациенттерді қолдау және ішкі сараптама қызметіне жүгіне алады. Бұл қызмет «осында және қазір» қағидаты бойынша мәселелерді шешуге арналған.&nbsp;МӘМС жүйесіндегі сақтандыру мәртебесін тексеру жолдары:<ul><li style="text-align:justify;">Қор сайты <a href="https://msqory.kz/;">https://msqory.kz/;</a>&nbsp;</li><li style="text-align:justify;">Telegram арнасында &nbsp;https://t.me/SaqtandyryBot сілтемесі арқылы;</li><li style="text-align:justify;">Kaspi Bank, Halyk Bank, Банк ЦентрКредит (BCC.KZ), Freedom Bank, Bereke Bank, HomeCredit Bank, Еуразиялық Банк және</li><li style="text-align:justify;">Damumed мобильді қосымшалары арқылы.</li></ul>МӘМС жарналары мен аударымдарын төлеу, көрсетілетін медициналық көмектің сапасына қатысты сұрақтар бойынша хабарласу арналары:<ul><li style="text-align:justify;">Қор сайты <a href="https://msqory.kz/;">https://msqory.kz/;</a></li><li style="text-align:justify;">Telegram арнасында &nbsp;https://t.me/SaqtandyryBot сілтемесі арқылы.</li></ul><img src="https://knadmin.beoblood.kz/uploads/UZI_a30e430385.jpg" alt="УЗИ.jpg">

Емханаға жүгінгенде нені ескерген жөн?

<a href="https://kyzylorda-news.kz/">Kyzylorda-news.kz</a> Бүгінде облыс бойынша жедел респираторлық вирусты инфекциясы және тұмау бойынша эпидемиологиялық жағдай тұрақты. 1 қазаннан басталған жаңа эпидмаусымда ЖРВИ-дің 16 786 жағдайы тіркеліп, өткен жылдың осы кезеңімен салыстырғанда көрсеткіш бір деңгейде қалғаны анықталды. Өңірлік коммуникациялар қызметінің ақпарат алаңында тиісті сала мамандары вирустың алдын алу шаралары жөнінде ақпараттармен бөлісті.<blockquote>&nbsp;– ЖРВИ-ге шалдыққандардың 63,1 пайызы – 14 жасқа дейінгі балаларды құрап отыр. Республика аумағында, сондай-ақ облыста тіркелген тұмаудың түрі – А типті (H3N2) гонконг тұмауы. Бұл жаңа вирус емес, маусымдық тұмаудың жыл сайын қайталанатын әрі бұрыннан белгілі түрі. Дегенмен, ол халықтың әлсіз топтары үшін қауіпті саналады және адамдар арасында тез таралуымен, аурудың ауыр ағымда өтуімен ерекшеленеді. Бастапқы медициналық-санитариялық көмек көрсету ұйымдарында 124 сүзгі кабинеттері, 52 ішек инфекциясын алдын алу үшін ПОР кабинеттері, білім беру ұйымдарында термометрия, ЖРВИ белгілері бар оқушыларды оқшаулау жұмыстары атқарылуда. Емханалардағы мобильді бригада қызметі түнгі сағат 00:00-ге дейін ұзартылып, 75 жедел медициналық жәрдем бригадалары 81-ге дейін көбейтілді. 200 төсекке арналған қайта жаңғыртудан өткен облыстық жұқпалы аурулар ауруханасы қосымша 100 төсек-орынға кеңейтілді. Ал, көпбейінді облыстық балалар ауруханасында жоспарлы емге қабылдайтын бөлімшелер жұмысы уақытша тоқтатылып, пульмонология бөлімшесі 80 төсекке кеңейтілді. Қажетті қорғаныш құралдары мен дәрілік препараттар қоры жеткілікті,- деді облыстық денсаулық сақтау басқармасы басшысының орынбасары Мая Мирзанова.&nbsp;</blockquote>ЖРВИ-мен сырқаттанушылықтың ауыр ағымындағы 239 науқастың сынамасы ПЦР әдісімен тексеріліп, нәтижесінде зертханалық жолмен A типті (H3N2) 35 тұмау ауруы нақтыланды.&nbsp;<blockquote>– Тұмаудың алдын алу мақсатында эпидмаусымға жергілікті бюджет есебінен 85 006 доза вакцина сатып алынып, бүгінгі күні 84 мыңға жуық азаматқа тұмауға қарсы вакцина салынды. Тұмаудан бөлек тұмау емес вирустарды анықтау мақсатында 202 сынама зерттеумен қамтылды, нәтижесімен 7 тұмау емес вирус анықталды,- деді Қызылорда облысы бойынша санитарлық-эпидемиологиялық бақылау департаменті басшысының орынбасары Әлия Әбдіқайымова.</blockquote>&nbsp;Облыстық жұқпалы аурулар ауруханасында емделіп жатқан науқастардың 66,8 пайызы ЖРВИ аурулары бойынша тіркеліп отыр.&nbsp;<blockquote>– Тиісті мерзімде науқастардың көбеюіне байланысты қабылдау бөлімінде 3 бригада 24/7 жұмыс істеуде. Науқастар еміне қажетті вирусқа қарсы осельтамивир қоры, капсула, бір реттік медициналық маска, симптоматикалық, дезинтоксикациялық, антибактериальды дәрілік препараттар қоры жеткілікті,- деді облыстық жұқпалы аурулар ауруханасы бас дәрігерінің орынбасары Шарипа Алиева.</blockquote>Облыстық медициналық жедел жәрдем стансасы бойынша қазіргі таңда барлығы 75 жедел жәрдем тобы жұмыс атқаруда.&nbsp;<blockquote>– Оның ішінде ОМЖЖС құрамында 75 топ, ал БМСК ұйымдарының жанында 31 мобильдік топ қызмет көрсетеді. Эпидемиологиялық маусым кезінде тұрғындарды сабырлыққа және алдын алу шараларын сақтауға шақырамыз. Аймақтағы жағдай тұрақты, барлық қажетті медициналық қызметтер мен жедел көмек құралдары толық қамтамасыз етілген. Дүрбелеңге еш себеп жоқ, бастысы гигиеналық талаптарды қатаң сақтап, дәрігерлердің кеңесіне құлақ асу керек және аурудың алғашқы белгілері байқалған жағдайда уақытылы медициналық көмекке жүгіну қажеттігін ескертеміз,- деді облыстық жедел жәрдем стансасы бас дәрігерінің орынбасары Ғалия Нұрсейітова.</blockquote>Фото: Қызылорда облысының Өңірлік коммуникациялар қызметі

Облыстағы эпидемиологиялық ахуал тұрақты

<a href="https://kyzylorda-news.kz/">Kyzylorda-news.kz</a> &nbsp;Бүгін&nbsp;Арал&nbsp;ауданы әкімдігінің мәжіліс залында аудан әкімі Аманжол Оңғарбаевтың төрағалығымен аппарат мәжілісі өтіп, күн тәртібіндегі бірқатар мәселелер қаралды.Мәжіліс барысында Үкімет отырысында қаралған геология және жер қойнауын пайдалану саласын дамыту мен цифрландыру шаралары, сондай-ақ халықты дәрі-дәрмекпен және медициналық бұйымдармен қамтамасыз ету мәселелері талқыланды. Аудан әкімі бірқатар көрсеткіштерге тоқталып, кемшіліктерді жою және жұмысты жандандыру қажеттігін атап өтті.Денсаулық сақтау саласында жүргізіліп жатқан құрылыс жұмыстарына ерекше назар аудару керектігін айтқан аудан басшысы жауапты тұлғаларға нақты тапсырмалар берді.Жиын барысында Аманжол Сақыпұлы аудан көлемінде атқарылатын өзге де маңызды шараларды жоғары деңгейде ұйымдастыру қажеттігін айтып, жоспарлы жұмыстардың уақытылы әрі сапалы орындалуын бақылауда ұстау керектігін атап өтті. Сонымен қатар, тазалық мәселесін назардан тыс қалдырмай, анықталған кемшіліктерді дер кезінде жоюдың маңыздылығына тоқталды.Жауапты бөлімдер мен мекеме басшыларына нақты міндеттер жүктелген жиын соңында аудан әкімі Аманжол Сақыпұлы берілген тапсырмалардың орындалуы ұдайы бақылауда болатынын жеткізді.Фото: Арал ауданы әкімінің баспасөз қызметі

 Арал: Көрсеткіштер сараланып, кемшіліктер назарға алынды

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаевтың 2025 жылғы 8 қыркүйектегі Қазақстан халқына арнаған «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында ұлт саулығын нығайту бағытындағы басым бағыттар белгіленді. Бұл бастамалар тұрақты және тиімді денсаулық сақтау жүйесін қалыптастыруға негізделген. Оның ішінде әрбір азаматтың қолжетімді әрі сапалы медициналық көмек алуын қамтамасыз ететін міндетті әлеуметтік медициналық сақтандыру жүйесін құруды көздейді.&nbsp; &nbsp;МӘМС жүйесінің Қызылорда облысында қалай жүзеге асырылып жатқаны жөнінде «Әлеуметтік медициналық сақтандыру қоры» КеАҚ Қызылорда облысы бойынша филиалының директоры Жақсылық Абдусаметов айтып берді.&nbsp; – Үкіметтің 2024 жылғы 7 шілдеде өткен кеңейтілген отырысында Мемлекет басшысы «Әлеуметтік осал санаттарға жататын азаматтар үшін медициналық сақтандыруға аударымдар жергілікті бюджет есебінен төленуі тиіс»&nbsp;деп&nbsp;жергілікті атқарушы органдардың жауапкершілігін арттыруды тапсырған болатын. Жақсылық Әбілқасымұлы, осындай мемлекеттік қолдаумен өңіріміздің&nbsp;қанша тұрғыны қамтылады деп жоспарлануда?&nbsp; &nbsp; – Иә, шынында МӘМС жүйесіне халықты көптеп тартуға бағытталған жаңа іс-шаралар қабылданды. Енді әлеуметтік әл-ауқаты төмен азаматтар – нақты айтқанда, &nbsp;дағдарыс және төтенше санатқа (D және E) жататын адамдар үшін жарнаны жергілікті атқарушы органдар төлейтін болады.&nbsp; &nbsp; 2025 жылғы 04 қарашасындағы мәлімет бойынша өңірдің бастапқы медициналық-санитарлық көмек ұйымдарына 819 024 адам тіркелген. Соның &nbsp; &nbsp; &nbsp; &nbsp;677 738-і&nbsp;(82,7%) сақтандырылған, 141 286 адам (17,3%) сақтандырылмаған. Сақтандырылмаған азаматтардың шамамен 40 мыңы қиын жағдайға тап болғандар. Олардың медициналық қызметті қоса алғандағы базалық қажеттіліктерді жабу үшін тұрақты табысы жоқ немесе әлеуметтік жағдайлары төмен азаматтар.&nbsp; &nbsp; &nbsp; Алдағы жылдан бастап бұл азаматтардың барлығы шартты түрде сақтандырылады. Олар медициналық ұйымға жүгінгеннен бастап жергілікті атқарушы органдар есебінен жарна төлене бастайды.– &nbsp; &nbsp;2024 жылғы 2 қыркүйектегі Жолдауында Президент мемлекеттік медициналық көмектің бірыңғай пакетін әзірлеуді тапсырды. 2026 жылдан бастап еліміз жаңа үлгіге кезең-кезеңімен көше бастайды. Денсаулық сақтау жүйесінде қандай өзгерістер күтіледі?&nbsp; &nbsp;- «МӘМС туралы» Заңдағы өзгерістерге сәйкес бірқатар жаңалық қолданысқа енгізіледі. Оның ішінде тегін медициналық көмектің кепілдік берілген көлемі мен міндетті әлеуметтік медициналық сақтандыру пакеті арасындағы айырмашылық айқындала түседі.&nbsp; &nbsp; Бірыңғай медициналық көмек пакеті ауруды ерте сатысында анықтауға мүмкіндік береді. Бұл ретте 8 әлеуметтік мәні бар ауруға (туберкулез, АИТВ, созылмалы вирусты гепатиттер мен бауыр циррозы, қатерлі ісіктер, психикалық және мінез-құлықтық бұзылыстар, орфандық аурулар, жедел миокард инфаркті, инсульт) күдік туындаған жағдайда консультативтік-диагностикалық көмек те тегін көрсетіледі.&nbsp;2026 жылдан бастап амбулаторлық диализ, сондай-ақ динамикалық бақылауды қажет ететін созылмалы аурулардың 12 тобы бойынша консультативтік-диагностикалық көмек, амбулаториялық дәрілік қамтамасыз ету, жоспарлы түрде стационарлық және стационарды алмастыратын көмек МӘМС-тің базалық пакетіне кіреді.&nbsp; Аталған аурулар тізбесіне келесі дерттер кіреді: бауыр аурулары; қан мен қан түзуші ағзалар аурулары; жоғарғы асқорыту жолдарының аурулары; инфекциялық емес энтерит пен колит; артропатиялар, дорсопатиялар; қалқанша безі аурулары; қуық асты безінің гиперплазиясы; сүт безінің қатерсіз дисплазиясы; әйелдердің жыныс мүшелерінің қабынусыз аурулары; бронхөкпе дисплазиясы; жүректің туа біткен ақаулары; даму ақаулары.&nbsp;Енді онкологиялық скринингтер барлық пациенттерге тегін болады. Сүт безі, қатерлі ісігіне, жатыр мойны және тоқ ішек қатерлі ісігіне скринингтік тексерулерді МӘМС төлемдері болмаса да, емханада өтуге болады.&nbsp; Президент өз Жолдауында медициналық қызмет сапасы мен көлеміне мониторинг жүргізу мақсатында жасанды интеллекті қолданысқа енгізудің маңызын атап өтті. Жақсылық Әбілқасымұлы, бұл тәжірибеде қалай жүзеге асырылып жатыр?&nbsp;– Қор қазірден бастап көрсетілген медициналық қызметтің сапасын автоматты түрде тексеруге ықпал ететін «Мониторинг» модулін енгізді. Пациенттің емханадан сатционарға дейінгі бүкіл жолы осы жүйеде көрінеді. Медициналық қызмет көрсетілгеннен кейін деректер жүйеге түсіп, қолданыстағы нормативтік-құқықтық актілер мен қызмет көрсету стандарттарына сәйкестігі тексеріледі. Сәйкессіздіктер анықталса, жүйе ақауларды тіркеп, жеткізушілер бойынша талдамалық есептер жасауға мүмкіндік береді.Пилоттық жоба 2025 жылдың наурызында Ақмола облысындағы медициналық ұйымдарда іске қосылып, нәтижесінде ақау азайып, стандарттардың бұзылуы төмендегені байқалды. Бұл жүйенің, медициналық қызмет көрсетушілер тарапынан, талаптардың орындалуына оң ықпал етіп отырғанын көрсетеді.&nbsp; &nbsp;Біздің мақсат – жазалау емес, медициналық көмек сапасын арттыру. Біз медициналық ұйымдардың бірыңғай және ашық түрде жұмыс істеуіне көмектесуге тырысамыз.&nbsp;– Сонымен қатар МӘМС-тің қаржылық тұрақтылығын бекіту әлі де маңызды бағыттар қатарында. Бұл тапсырманы қалай орындау жоспарланып отыр?&nbsp;– 2026 жылдан бастап жұмыс берушілер мен жұмысшылар үшін жарна төлеудегі табыстың жоғарғы шегін ең төменгі жалақының 10 еселенген мөлшерінен 50 еселенген мөлшеріне дейін ұлғайту көзделуде. Сондай-ақ мемлекеттің қаржыландыру үлесінің кезең-кезеңімен өсуі нәтижесінде жарна мөлшері биылғы 2,2%-дан 2037 жылға қарай 4,7%-ға дейін артады деп күтілуде. Бұл ТМККК жүйесінің тұрақтылығын сақтап, бизнес пен азаматтарға түсетін жүктемені азайтуға, яғни тепе-теңдікті сақтауға мүмкіндік береді.&nbsp;&nbsp; &nbsp; &nbsp; &nbsp;Әңгімеңіз үшін рахмет!Сұхбаттасқан Айгүл Аханова

МӘМС – 2026: азаматтарға арналған жаңа мүмкіндіктер мен кепілдіктер

<a href="https://kyzylorda-news.kz/">Kyzylorda-news.kz</a> &nbsp;Өңірімізде еңбек адамдарының қоғамдағы беделін арттыру және олардың еңбегін кеңінен насихаттау бағытында жұмыстар жүйелі түрде жүргізілуде. Әр салада еңбек етіп жүрген азаматтар өз ісіне адалдық танытып, аймақтың әлеуметтік-экономикалық дамуына үлес қосуда. Ауыл шаруашылығы, әлеуметтік қызмет, ветеринария және энергетика салаларының өкілдері өңірдің өркендеуіне бағытталған еңбектерімен ел игілігі жолында табанды жұмыс атқаруда. Бұл туралы Өңірлік коммуникациялар қызметінің ақпараттық алаңында «Абай-Даулет» ЖШС агрономы Өтепберген Қалиев, Арнаулы әлеуметтік қызметтер көрсету балалар орталығының әдіскері Айгерім Кәрібаева, Қосшыңырау ауылдық округі ветеринария пунктінің меңгерушісі Алтынбек Абдраманов, және Қызылорда жылу электр орталығының диспетчері Қарлығаш Шукбарова баяндады.<blockquote>- Еңбек - адамның өміріндегі ең үлкен құндылықтың бірі. Ауыл шаруашылығында жұмыс істеу - үлкен жауапкершілікті талап етеді. Әрбір егіс маусымы біз үшін сынақ сияқты, себебі жерге салған дәннің нәтижесі - халықтың наны мен ырысы. Соңғы жылдары агросалада жаңа технологиялар енгізіліп, өнім сапасын арттыру бағытында көптеген жұмыстар атқарылуда. Біз үшін ең бастысы - жердің құнарын сақтау, еңбек өнімділігін арттыру және тұрғындарды сапалы өніммен қамтамасыз ету. Бұл - тек менің емес, мен секілді мыңдаған ауыл еңбеккерлерінің күнделікті еңбегі,-деді Өтепберген Алмасұлы.</blockquote>&nbsp;Әлеуметтік салада еңбек ету - тек мамандық емес, бұл жүрек қалауымен атқарылатын ізгі іс.<blockquote>&nbsp;– Біз ерекше күтімді қажет ететін балалармен жұмыс жасаймыз, олардың өмірге деген құлшынысын арттыру, қоғамға бейімделуіне жағдай жасау - басты мақсатымыз. Балалардың әрбір жетістігі - біздің еңбегіміздің жемісі, ең үлкен қуанышымыз. Қазіргі таңда мемлекет тарапынан әлеуметтік қызметкерлерге қолдау күшейіп, орталықтарымыздың материалдық-техникалық базасы нығайып келеді. Бұл бізге өз ісімізді тиімді әрі сапалы атқаруға мүмкіндік береді,- деді Айгерім Мұхтарқызы.</blockquote>&nbsp;Мал шаруашылығы - ауыл өмірінің өзегі.&nbsp;<blockquote>– Ветеринар мамандығының жауапкершілігі өте жоғары. Себебі малдың саулығы - халықтың тұрмысымен, табысымен тікелей байланысты. Біздің жұмысымыз тәуліктің кез келген уақытында жалғасады. Кейде түннің ортасында, кейде таң қылаң бергенде шақырту аламыз. Ондайда ауа райына да, жол қиындығына да қарамай, көмекке асығамыз. Әр мал иесінің ризашылығы мен алғысы - біздің еңбегіміздің ең үлкен бағасы. Ауылдың әрбір тіршілігі малмен байланысты болғандықтан, ветеринардың жұмысы үздіксіз жүреді. Кейде шалғай қыстақтарға дейін барып, екпе жұмыстарын жүргіземіз, ауру малдарға ем-шара қолданамыз. Бұл – тек кәсіби міндет қана емес, ауыл алдындағы борышымыз. Халықтың сенімін ақтау, малдың амандығын сақтау - біздің ең басты мақсатымыз,-деді Алтынбек Мейрамбекұлы.</blockquote>&nbsp;Қала тұрғындарының үйі жылы, көңілі жай болсын десек, ол - біздің еңбегіміздің нәтижесі.&nbsp;<blockquote>– Жылу беру маусымында жұмысымыз ерекше қарбалас кезеңге айналады. Диспетчерлік қызметтің міндеті – бүкіл жүйенің тұрақты жұмысын қамтамасыз ету, әрбір ақауға дер кезінде әрекет ету. Бұл - көзге көрінбейтін, бірақ аса жауапты еңбек. Күн мен түннің айырмасына қарамай, әр сәтті бақылауда ұстаймыз. Біздің жұмысымыздың басты мақсаты - тұрғындарға үздіксіз жылу беру, қаланың тынысын тоқтатпау. Әр үйдің терезесінен жылу сезіліп, тұрғындардың алғысын естіген сәтте еңбегіміздің нәтижесін сезінеміз. Бұл - үлкен мақтаныш әрі шабыт көзі. Себебі нағыз еңбек - адамдардың игілігі мен өмір сапасын жақсартуға бағытталған іс деп білемін,-деді Қарлығаш Алданазарқызы.</blockquote>

Еңбек адамдары – ел дамуының тірегі

<a href="https://kyzylorda-news.kz/">Kyzylorda-news.kz</a>&nbsp;Медициналық және фармацевтикалық қызметті бақылау комитеті облыс бойынша департаментінің басшысы Ляззат Айтымбетова &nbsp;партия алаңында қоғамдық қабылдау өткізді.Қабылдауға келушілер дәрі-дәрмектер бағасы мен арнайы медициналық аппараттарды дәріханалардан сатып алу заңдылықтары бойынша кеңес сұрап, саланы жетілдіру бойынша ұсыныстарын ортаға салды.Департамент басшысы &nbsp;өз кезегінде мәселелер бойынша заңнама аясында түсіндірме жұмыстарын жүргізді. ҚР ДСМ 2021 жылы 5 тамыздагы Nº ҚР ДСМ - 75 бұйрығына сәйкес, белгілі бір аурулары (жай-күйлері) бар азаматтардың жекелеген санаттарын тегін және жеңілдікті амбулаториялық қамтамасыз етуге арналган дәрілік заттар мен медициналық бұйымдардың тізбесі бекітілгені, тізбеде көрсетілген жағдай мен диагноз бойынша қант мөлшерін бақылауға арналған арнайы аппарат тегін берілетіні бойынша түсіндірме берілді.&nbsp;ҚР ДСМ Медициналык және фармацевтикалық бақылау комитетінің Қызылорда облысы бойынша департаменті өз құзыреті шегінде бөлшек және көтерме саудада өткізу үшін дәрілік заттың саудалық атауна шекті бағаларды мемлекеттік реттеуді жүзеге асыратыны айтылды.Дәрілік заттың саудалық атауына шекті бағалар «Дәрілік заттың саудалық атауына өндірушінің шекті бағаларын, бөлшек жене көтерме саудада өткізуі үшін дәрілік заттың саудалық атауына шекті бағаларды бекіту туралы» ҚР ДСМ міндетін атқарушысының 2021 жылы 27 тамыздағы №º ҚР ДСМ-94 бұйрығымен 5 мыңға жуық дәрілік заттарға бөлшек және көтерме саудада өткізу үшін шекті баға бекітілген. Сонымен катар, барлық дәрілік заттарға шекті бағалармен «DARI.KZ» мобильді қосымшасын жүктеу арқылы танысуға болады.&nbsp;Денсаулық сақтау ұйымдарымен дәрілік затарды өткізу бағасы бекітілген шекті бағадан асқан жағдайда Департаментке (Қызылорда қаласы, Абай даңғылы, 27) жазбаша түрде немесе «DARI.KZ» мобильді қосымшасы арқылы шағымдануға және туындаған сұрақтар бойынша Департаменттін 23-40-35 байланыс нөміріне хабарласуына болатыны түсіндірілді.

Азаматтарға медицина саласы бойынша түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz</a> &nbsp;Аймағымызда денсаулық сақтау саласының инфрақұрылымын жаңарту мен қолжетімді медициналық қызметті қамтамасыз ету бағытындағы жұмыстар қарқынды жүргізілуде. Соңғы жылдары өңірде жаңа ауруханалар мен емханалар салынып, ауылдық елді мекендерде алғашқы медициналық көмек нысандары пайдалануға берілді. Сондай-ақ көпбейінді аудандық ауруханаларда қосымша корпустар салу арқылы жаңа бөлімшелер ашу жоспарланған. Бұл шаралар өңір халқының сапалы медициналық қызметке қолжетімділігін арттыруға бағытталған. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасы басшысының міндетін атқарушы Жаңыл Абубакирова хабарлады.<blockquote>- Бүгінгі күні Қызылорда облысында денсаулық сақтау саласының инфрақұрылымын дамыту жұмыстары «Қызылорда облысының денсаулық сақтау инфрақұрылымын дамытудың 2024–2033 жылдарға арналған өңірлік перспективалық жоспары» аясында жүйелі түрде жүзеге асырылуда. Бұл жоспар аймақ тұрғындарына сапалы әрі қолжетімді медициналық қызмет көрсетуді қамтамасыз етуге бағытталған. Қазіргі таңда облыс бойынша заңды мәртебесі бар 32 мемлекеттік медициналық ұйым жұмыс істейді, олардың қарамағында 261 нысан бар. Оның ішінде 17 ауруханалық және 237 дәрігерлік-емханалық ұйым халыққа қызмет көрсетіп отыр. Соңғы он жылда өңірде жалпы 116 жаңа нысанның құрылысы жүргізіліп, пайдалануға берілді. Соңғы жылдары төрт аудандық аурухана мен алты аудандық емхана жаңадан салынып, ел игілігіне берілді. Ауыл тұрғындарына медициналық көмектің қолжетімділігін арттыру мақсатында 2023–2024 жылдары алғашқы медициналық-санитарлық көмек көрсету саласында үлкен жұмыстар атқарылды. Осы кезеңде барлығы 27 жаңа нысан - дәрігерлік амбулаториялар, фельдшерлік-акушерлік және медициналық бекеттер салынып, пайдалануға берілді. Нәтижесінде 46 мыңнан астам ауыл тұрғыны сапалы әрі уақтылы медициналық көмек алуға мүмкіндік алды. Бұл - ауылдағы денсаулық сақтау қызметінің сапасын жаңа деңгейге көтерген маңызды қадам. Бұдан бөлек, облыстың төрт ауданында – Арал, Қазалы, Шиелі және Жаңақорғанда көпбейінді аудандық орталық ауруханаларды дамыту бағытында ауқымды жобалар іске асырылуда. Бұл ауруханаларда жаңа қосымша ғимараттар салынып, инсульт және кардиологиялық орталықтар ашу, заманауи КТ, МРТ, ангиографиялық жабдықтар орнату жоспарланған. Барлық жобалар бойынша жобалық-сметалық құжаттар дайындалып, мемлекеттік сараптаманың оң қорытындысы алынды. Сондай-ақ, балаларды оңалту саласына ерекше көңіл бөлініп отыр. Арал ауданында бұрынғы туберкулез диспансері ғимаратын қайта жаңғырту арқылы «Қамқорлық» балалар оңалту орталығы ашылып, толық пайдалануға берілді. Бұл орталық мүмкіндігі шектеулі балаларға жан-жақты оңалту көмегін көрсетуге бағытталған. Ал жыл соңына дейін облыстық көпбейінді балалар ауруханасы базасында «Қамқорлық» Ерте араласу орталығы іске қосылмақ. Біздің басты мақсатымыз - облыс тұрғындарына медициналық көмектің барлық түріне уақтылы және сапалы қолжетімділікті қамтамасыз ету. Денсаулық сақтау саласының материалдық-техникалық базасын нығайта отырып, мамандардың әлеуетін арттыру арқылы өңір медицинасының дамуын жаңа деңгейге көтеруді көздеп отырмыз, - деді Жаңыл Исақызы.</blockquote>

Қазақстан және Қызылорда облысының жаңалықтары: Денсаулық