<a href="https://kyzylorda-news.kz/">Kyzylorda-news.kz</a>&nbsp; Әлеуметтік медициналық сақтандыру қоры азаматтардың МӘМС жүйесіндегі медициналық көмекке үздіксіз қол жеткізуінің негізі – аударымдар мен жарналарды уақтылы төлеудің маңыздылығын еске салады.&nbsp;«Сақтандырылған» мәртебесі тек соңғы 12 ай ішінде төлемдер үзбей жүргізілген жағдайда ғана беріледі. Ал үзіліс болған жағдайда мәртебе уақытша тоқтатылады, бұл МӘМС жүйесіндегі медициналық көмекке қолжетімділікті шектейді.Жарналар мен аударымдар ай сайын төленуі тиіс. Олардың толық әрі уақтылы төленуін мемлекеттік кірістер органдары бақылайды. Мерзімдер бұзылған жағдайда өсімпұл есептеледі, сондай-ақ салықтық әкімшілендіру шаралары қолданылады.&nbsp;Мемлекеттік кірістер комитеті Әлеуметтік медициналық сақтандыру қорымен бірлесіп, МӘМС жүйесіне аударымдар мен жарналарды төлеу бойынша міндеттемелердің орындалуын тұрақты түрде мониторингтен өткізеді.2025 жылдың қорытындысы бойынша жұмыс берушілер, жеке кәсіпкерлер және жеке практикамен айналысатын тұлғалар арасында жарналар мен аударымдарды уақтылы төлемеу жағдайлары жиі тіркелген.Шектеулердің алдын алу және медициналық көмекке қолжетімділікті сақтау үшін төленбеген кезеңдердің бар-жоғын тексеріп, қажет болған жағдайда өткізіп алған айлар үшін төлем жасаған жөн.Фото: ru.freepik

МӘМС жүйесіндегі төлемдерді уақтылы төлемеу: мерзімді сақтаудың маңыздылығы

<a href="https://kyzylorda-news.kz/">Kyzylorda-news.kz</a> Өңірде 24-30 сәуір аралығында «Вакциналар әр ұрпақ үшін жұмыс істейді» ұранымен иммундаудың еуропалық апталығы өтеді. &nbsp;Бұл туралы өңірлік коммуникациялар қызметінің ақпарат алаңында белгілі болды. Жиынға Қызылорда облысының денсаулық сақтау басқармасы басшысының орынбасары Мирзанова Мая Миранбайқызы және облыстық санитариялық-эпидемиологиялық бақылау департаменті басшысының орынбасары Әбдіқайымова Әлия Мүтәліпқызы қатысып, өңірдегі иммундау жұмыстарының маңызына тоқталды.<blockquote>«Жыл сайын сәуір айының соңғы аптасында өткізілетін Дүниежүзілік және Еуропалық иммундау апталығы барлық жастағы адамдарды жұқпалы аурулардан қорғауда вакцинацияның аса маңызын арттыруға бағытталған. Вакцинация - жұқпалы аурулардың алдын алудың ең тиімді жолы. Соңғы 50 жылда вакциналар 150 миллионнан астам адамның өмірін сақтап қалуға ықпал етті. Уақытында екпе алу әр адамның өз денсаулығына деген жауапкершілігі. Иммундау нәресте өлім-жітімін едәуір азайтып, миллиондаған асқынулардың алдын алуға мүмкіндік беріп отыр. Бүгінде балалардың аман-есен өсіп, дамуына вакцинацияның үлесі зор», - деді Мая Мирзанова.</blockquote>Ал Әлия Әбдіқайымова вакцинацияның қоғам үшін маңызын атап өтті.<blockquote>«Профилактикалық екпелер елімізде Ұлттық екпе күнтізбесіне сәйкес жүргізіледі. Ол 21 инфекцияға қарсы қорғанысты қамтиды. Қазіргі таңда облыста 215 екпе кабинеті жұмыс істейді, ал шалғай елді мекендерге 44 жылжымалы бригада қызмет көрсетуде. Вакцинадан бас тарту көбіне әлеуметтік желілердегі жалған ақпараттарға байланысты. Тұрғындарды тек ресми дереккөздерге сүйенуге шақырамын. Иммундау апталығы аясында халықтың ақпараттылығын арттыру, ата-аналармен түсіндіру жұмыстарын жүргізу және білім беру ұйымдарында насихат күшейтілмек», – деді ол.</blockquote>Мамандардың айтуынша, екпе тек жеке адамның емес, тұтас қоғамның қауіпсіздігін қамтамасыз ететін маңызды құрал. Сондықтан әрбір азамат уақытылы вакцина алып, өз денсаулығы мен жақындарының амандығына жауапкершілікпен қарауы тиіс.<img src="https://knadmin.beoblood.kz/uploads/Immundau_aptaly_y_brifing_ee5fa9f960.jpg" alt="Иммундау апталығы брифинг.jpg">Фото: Pexels

Өңірде иммундау апталығы өтпек

<a href="https://kyzylorda-news.kz/">Kyzylorda-news.kz</a> Қызылша – өте жұқпалы вирустық аурулардың бірі. Бұл дерт көбіне балалар арасында таралғанымен, ересектерге де жұғуы мүмкін. Ауру ауа-тамшылы жол арқылы тарайды, яғни науқас адам жөтелгенде, түшкіргенде немесе сөйлескенде вирусты қоршаған ортаға таратады.Қызылшаның алғашқы белгілері тұмауға ұқсас болып келеді: дене қызуының көтерілуі, әлсіздік, мұрыннан су ағу, жөтел, көздің қызаруы байқалады. Бірнеше күннен кейін денеде бөртпе пайда болып, ол біртіндеп бүкіл денеге таралады.Бұл аурудың қауіптілігі – оның асқынуында. Қызылша өкпе қабынуына, ортаңғы құлақтың қабынуына, тіпті жүйке жүйесінің зақымдануына әкелуі мүмкін. Әсіресе, иммунитеті әлсіз балалар үшін аса қауіпті.Қызылшаның алдын алудың ең тиімді жолы – вакцинация. Екпе алу арқылы адам ағзасында осы ауруға қарсы иммунитет қалыптасады. Балаларға қызылшаға қарсы екпе Ұлттық егу күнтізбесіне сәйкес салынады. Сондықтан ата-аналар балаларының уақытылы екпе алуын қадағалауы қажет.Сонымен қатар, аурудың алдын алу үшін жеке бас гигиенасын сақтау, қолды жиі жуу, адамдар көп жиналатын орындарда сақтық шараларын ұстану маңызды. Егер қызылша белгілері байқалса, дереу дәрігерге қаралып, өз бетінше емделмеу қажет.Қорытындылай келе, қызылша – алдын алуға болатын, бірақ салдары ауыр дерттердің бірі. Әрбір азамат өз денсаулығына жауапкершілікпен қарап, екпе алу арқылы өзіне және қоғамға қауіп төндірмеуі тиіс.Абылай Бұйраев,Мәдениет дәрігерлік емханасының жалпы тәжірибелі дәрігеріФото: freepik.com

Қызылша ауруының алдын алу – әрбір ата-ананың міндеті

<a href="https://kyzylorda-news.kz/">Kyzylorda-news.kz</a> Шиеліде өткен «Ашық есік» күні тұрғындар үшін тиімді мүмкіндікке айналды. Жолдамасыз және тегін ұйымдастырылған қабылдау барысында бір күннің өзінде 142 адам дәрігер қарауынан өтті.7 сәуір – Дүниежүзілік денсаулық күніне орай Шиелі аудандық көпбейінді орталық ауруханасында «Ашық есік» күні ұйымдастырылды. Іс-шараның мақсаты – тұрғындардың денсаулығын нығайту, аурулардың алдын алу және профилактикалық тексерулердің маңыздылығын арттыру.Шара барысында онколог, уролог, гинеколог, жалпы тәжірибелі дәрігерлер мен ультрадыбыстық зерттеу (УДЗ) мамандары қабылдау жүргізді. Тұрғындарға тегін медициналық тексеруден өтіп, өз денсаулық жағдайын бақылауға мүмкіндік берілді.Айта кету керек, қабылдау медициналық сақтандыруға қарамастан, жолдамасыз негізде ұйымдастырылды. Қажет болған жағдайда пациенттерге тиісті медициналық кеңестер берілді.<img src="https://knadmin.beoblood.kz/uploads/nyus_densauly_2_1_9a4f909f04.jpg" alt="ньюс денсаулық (2) (1).jpg">Ашық есік күні аясында барлығы 142 адам әртүрлі сала мамандарына қаралып, профилактикалық тексеруден өтті.Ақмая ауылының тұрғыны Күнсұлу Камалова шара туралы өз әсерімен бөлісті:<blockquote>«Ашық есік күнінің ұйымдастырылуы өте жоғары деңгейде өтті. Қажетті кабинеттерге кіріп, тексеруден өтіп, дәрігерлік кеңестер алдық. Осындай шаралар алдағы уақытта да жиі өткізілсе екен», – деді ол.</blockquote>Сонымен қатар, аудан мектептерінде оқушыларға арналған ақпараттық-түсіндіру жұмыстары жүргізілді. Атап айтқанда:«Ауырып ем іздегенше, ауырмаудың жолын ізде»&nbsp; «Зиянды әдеттің денсаулыққа зияны»&nbsp; «Салауатты өмір салтын ұстан»&nbsp; «Тиімді тамақтану» &nbsp; тақырыптарында семинарлар өткізіліп, бейнероликтер көрсетіліп, флешмобтар ұйымдастырылды.Шара аясында №48 Ә.Қоңыратбаев атындағы мектеп-лицейінің жоғары сынып оқушыларына арнайы семинар ұйымдастырылды. Кездесуде АИТВ/ЖИТС-тің алдын алу, жұғу жолдары, қорғану шаралары және жауапты мінез-құлықтың маңыздылығы түсіндірілді. Оқушылар өздерін толғандырған сұрақтарын қойып, мамандардан нақты жауаптар алды. Сонымен қатар ақпараттық материалдар таратылып, салауатты өмір салтын ұстану қажеттігі айтылды.Мақсұт Ибрашев

Шиеліде 142 адам бір күнде тегін медициналық тексеруден өтті

<a href="https://kyzylorda-news.kz/">Kyzylorda-news.kz</a> 7 сәуір – Дүниежүзілік денсаулық күніне орай Қызылорда қаласындағы Назарбаев Зияткерлік мектебінде салауатты өмір салтын насихаттауға бағытталған бірқатар іс-шаралар өтті.Таңертең мектеп ауласында сергіту жаттығулары ұйымдастырылды. Дене шынықтыру пәні мұғалімдері оқушыларды, педагогтер мен мектеп қызметкерлерін түрлі спорттық белсенділіктермен қарсы алды. Қатысушылар доппен жүгіру, секіртпемен секіру, ләңгі ойнау, «футбол жүрісі» сынды қимыл-қозғалыс жаттығуларын орындап, бой сергітті.Күннің екінші бөлігінде оқушылар кезең-кезеңімен футбол алаңына жиналып, флешмоб арқылы салауатты өмір салтын насихаттады.Ұйымдастырушылардың айтуынша, мұндай бастамалар денсаулық мәдениетін қалыптастыруға ықпал етіп, тұрақты түрде дене белсенділігімен айналысудың маңыздылығын еске салады.<blockquote>«Мектеп болып бірлесе қозғалу – ерекше энергия беріп, белсенді өмір салтын ұстануға ынталандырады. Денсаулық – ең басты байлығымыз, оны сақтау күнделікті қарапайым әдеттерден басталады», – дейді оқушылардың өзін-өзі басқару ұйымының спорт министрі Ару Махамбетова.</blockquote>

Қызылордалық зияткерлер Дүниежүзілік денсаулық күнін атап өтті

<a href="https://kyzylorda-news.kz/">Kyzylorda-news.kz</a> Қызылорда облыстық көпбейінді ауруханасында заманауи ситуациялық орталық ашылып, жасанды интеллект негізінде радиологиялық-ақпараттық жүйе жобасы іске қосылды. Бұл бастама өңірдегі денсаулық сақтау саласын цифрландыруға бағытталған маңызды қадам болып саналады. &nbsp;Жоба аясында ТМД елдерінде теңдесі жоқ жүйе құрылып, 27 медициналық нысан бірыңғай ақпараттық платформаға біріктірілді. Нәтижесінде радиологиялық зерттеулер орталықтандырылып, диагностиканың сапасы мен жеделдігі айтарлықтай артпақ.Әлеуметтік маңызы бар ауруларды ерте анықтау және олардың алдын алу, қатерлі ісікпен күресті күшейту, бюджет қаражатын тиімді пайдалану және радиологиялық қызметтердің сапасын арттыру мақсатында ашылған жоба DigitalEL тізіміне енгізіліп, Дүниежүзілік денсаулық сақтау ұйымы тарапынан ұсынылған. Бұл оны Қазақстандағы медицина саласын цифрландырудағы үздік жобалардың бірі ретінде айқындайды. &nbsp;Аталған жобаға ПАКС (PACS) жүйесі енгізіліп, x-Eye Mammo, Toraks, Ribout Pneumonia секілді жасанды интеллект шешімдері қолданылуда. Бұл технологиялар медициналық кескіндерді жоғары дәлдікпен талдауға мүмкіндік береді. &nbsp;Жобаға облыстық онкология орталығы мен облыстық фтизиопульмонология орталығы қамтылған. Медициналық мекемелер заманауи құрал-жабдықтармен толықтырылды: 57 жұмыс станциясы мен дербес компьютер, әр дәрігерге арналған UPS және принтерлер, 28 жоғары ажыратымдылықтағы медициналық монитор, сондай-ақ Agfa 15X цифрландырғышымен жабдықталған 7 рентген аппараты іске қосылды. Бұдан бөлек, цифрландырғыш құрылғыларға 13 лицензия орнатылды. &nbsp;Жасанды интеллектті енгізудің нәтижесінде ағзадағы ісікті 1 мм көлемінен бастап анықтау мүмкіндігі пайда болды. Сонымен қатар, қашықтан диагностика жүргізу жолға қойылып, адами фактор әсері 95 пайызға дейін төмендеді. Бұл уақыт пен ресурстарды тиімді пайдалануға жол ашады. &nbsp;Жоба шеңберінде цифрлық мұрағат қалыптастырылып, пленкасыз технология енгізілді. Нәтижесінде жылына 300 млн. теңгеге дейін үнемдеу мүмкіндігі туындап, зерттеу сапасы артып, клиникалық есеп жүргізу жүйесі жеңілдетілді.

Облыстық көпбейінді ауруханасында радиологиялық-ақпараттық жүйе жобасы іске қосылды

<a href="https://kyzylorda-news.kz/">Kyzylorda-news.kz</a> Қызылордадағы көпбейінді облыстық ауруханасында 30 төсек-орынға арналған ревматология бөлімшесі ашылды. Оған облыс әкімінің бірінші орынбасары Данияр Жаналинов қатысты.Жаңа бөлімше Денсаулық сақтау министрлігінің медициналық профильді бөлімшелерді кеңейту бағдарламасы аясында іске қосылды. Облыс тұрғындарына сапалы әрі уақытылы медициналық көмек көрсету, ревматологиялық ауруларды ерте кезеңде анықтау және тиімді ем жүргізу, сондай-ақ асқынулардың алдын алу мақсатында ашылған бөлiмде ревматологиялық ауруларды диагностикалау мен емдеудің заманауи тәсілдерін енгізуге мүмкіндік берiп, нәтижесінде пациенттерге кешенді және үздіксіз медициналық көмек көрсету деңгейі артатын болады.&nbsp;Статистикалық мәліметтерге сәйкес 2025 жылы Қызылорда облысында қаңқа-бұлшықет жүйесі және дәнекер тін ауруларымен 40 771 науқас тіркелген, оның ішінде 18 629 жаңа жағдай анықталған. Сонымен қатар, дәнекер тіннің жүйелі аурулары 642 жағдайды құрады.Көпбейінді облыстық ауруханасында 2025 жылы 282 науқас стационарлық ем қабылдап, орташа ем қабылдау ұзақтығы 13,5 күнді құраса, қазіргі таңда 44 адам жоспарлы госпитализацияны күтуде.Осыған байланысты ревматология бөлімшесінің ашылуы өңір халқы үшін жоғары мамандандырылған медициналық көмекті қолжетімді етіп, ауруларды ерте анықтау мен тиімді ем жүргізуге мол мүмкіндік береді.

Қызылордадағы көпбейінді облыстық ауруханасында ревматология бөлiмшесi ашылды 

<a href="https://kyzylorda-news.kz/">Kyzylorda-news.kz</a> Қазақстан Үкіметінің 2026 жылғы 11 наурыздағы қаулысымен денсаулық сақтауды дамыту тұжырымдамасына өзгерістер енгізілді. Құжатқа сәйкес, тұжырымдаманы іске асыру мерзімі 2029 жылдың соңына дейін <a href="https://kaz.inform.kz/news/kazakstanda-densaulik-saktaudi-damitu-tuzhirimdamasi-2029-zhilga-deyn-uzartildi-b1d6fc/">ұзартылды.</a>Жаңартылған тұжырымдама денсаулық сақтау жүйесінде анықталған мәселелер мен халықаралық тәжірибені ескере отырып әзірленген. Құжатта саланы одан әрі дамытудың бағыты айқындалып, тиімді әрі орнықты денсаулық сақтау жүйесін қалыптастыру көзделген.Негізгі бағыттар ретінде медициналық көмектің қолжетімділігі мен сапасы арасындағы теңгерімді сақтау, халық денсаулығын кешенді басқаруды дамыту, емделушіге бағытталған қызмет көрсету үлгісін енгізу және саланы цифрландыруды кеңейту белгіленген.Сондай-ақ медициналық ғылымды дамыту, кадр әлеуетін арттыру, инфрақұрылымды жаңғырту және фармацевтика өндірісін күшейтуге бағытталған шаралар қарастырылған.Негізгі қағидаттар қатарында медициналық көмекке тең қолжетімділікті қамтамасыз ету, аурудың алдын алу мен денсаулықты сақтауға басымдық беру, басқарудың ашықтығы, шешім қабылдауда деректерді тиімді пайдалану, сондай-ақ қоғамдық денсаулық саласындағы дағдарыстарға жүйенің дайын болуы көзделген.Сонымен қатар тұжырымдаманы іске асыруға арналған іс-қимыл жоспары бекітілді. Күтілетін нәтижеге сәйкес, 2029 жылға қарай Қазақстанда халықтың орташа өмір сүру ұзақтығы 77 жасқа дейін ұлғайып, негізгі жұқпалы емес аурулардан болатын мерзімінен бұрын өлім-жітім деңгейі төмендеуі тиіс.Фото: Pexels

Қазақстанда денсаулық сақтауды дамыту тұжырымдамасы 2029 жылға дейін ұзартылды  

<a href="https://kyzylorda-news.kz/">Kyzylorda-news.kz</a> Арал аудандық көп бейінді орталық ауруханасында аз инвазивті оталар кеңінен қолданылуда.&nbsp;Лапароскопиялық емдеу әдістері жоғары тиімділігін дәлелдеп, асқыну қаупін азайтуға және пациенттердің қалпына келу мерзімін едәуір қысқартуға мүмкіндік береді. Оталар тегін медициналық көмектің кепілдік берілген көлемі мен МӘМС жүйесі аясында жүргізіледі.Жаңақұрылыс ауылдық округінің тұрғыны Бекболат Орынбасаров жедел жәрдем бригадасымен аудандық ауруханаға қатты ауырсыну шағымымен жеткізілді. Тексеру барысында дәрігерлер өт қабында тас бар екенін анықтады.&nbsp;Пациентке&nbsp;өт қабын алып тастауға арналған лапароскопиялық холецистэктомия сәтті жасалды.<blockquote>«Ауруханаға қатты ауырсыну ұстамасымен түстім.&nbsp;Шұғыл&nbsp;ота&nbsp;жасалды, тез арада&nbsp;қалпыма келдім. Көмек көрсеткен дәрігерлер мен медицина қызметкерлеріне алғысым шексіз. МӘМС жүйесінде сақтандырылғанмын,әрі қарай ем алып жатырмын», – дейді Бекболат Орынбасаров.</blockquote>Хирургтердің айтуынша, бұрын тек облыс орталықтарында жасалатын көптеген&nbsp;оталар бүгінде аудандық аурухана деңгейінде де қолжетімді.<blockquote>«Мысалы, біз холангиостомия жасаймыз – бұл бауырдың өт жолдарына өттің ағуын қамтамасыз ету үшін дренажды түтік орнату&nbsp;ота. Сондай-ақ адреналэктомия, яғни ісіктер кезінде бір немесе екі бүйрек үсті безін алып тастау&nbsp;отаны жүргіземіз. Бұдан бөлек, шап жарығында лапароскопиялық герниопластика жасалады. Сонымен қатар күрделі көп сынықты сүйек сынуларында остеосинтез – сүйектерді бекітуге арналған хирургиялық әдіс қолданылады. Осы және басқа да&nbsp;оталардың түрлері біздің ауруханада сәтті жүргізілуде», – деді Арал аудандық көп бейінді орталық ауруханасының бас дәрігері Бауыржан Қуанышбаев.</blockquote>Арал көпсалалы орталық аудандық ауруханасында шамамен 300-ге жуық науқас ем қабылдауда. 2026 жылы аудандық ауруханаға медициналық көмек көрсету үшін Әлеуметтік медициналық сақтандыру қорынан 8,4 млрд теңге бөлінді.

МӘМС есебінен аз инвазивті ота жасалады

<a href="https://kyzylorda-news.kz/">Kyzylorda-news.kz</a> &nbsp;Цифрлық ғасырдақұлаққаптар күнделікті өмірдің ажырамас бөлігіне айналды. Жолда музыка, серуен кезінде подкасттар тыңдау, онлайн-жиналыстар немесе&nbsp;телефон қоңыраулары болсын гарнитуралар бізбен тәулік бойы&nbsp;жұмыс істейді. Бұл ыңғайлы әрі айналадағы адамдарға кедергі келтірмейді. Бірақ құлаққапты үнемі пайдалану есту қабілетіне қалай әсер етеді? Қандай белгілер алаңдатуы тиіс? Пациенттерге қандай тексерулер қолжетімді?&nbsp;Осы және өзге де сұрақтарға көп бейінді облыстық аурухананың оториноларинголог дәрігері Елжас Өтеген жауап берді.– Облыс тұрғындары арасында есту қабілетінің бұзылуы қаншалықты жиі кездеседі?– Әлемдік статистика бойынша, әрбір он адамның үшеуі белгілі бір деңгейде есту қабілетінің бұзылуына тап болады. Қазақстанда есту мүшелерінің аурулары шамамен халықтың 5-7%-ында кездеседі.Көп жағдайда бұл орта және егде жастағы адамдар - жастың ұлғаюына байланысты есту қабілетінің табиғи төмендеуі әсер етеді. Алайда науқастардың едәуір бөлігі созылмалы қабыну процестерінің, әсіресе созылмалы отиттің асқынуынан зардап шегеді.Өкінішке орай, кейбір науқастар дәрігерге қаралмай, халықтық ем-дом тәсілдерімен өз бетінше емделуге тырысады. Соның салдарынан жедел қабыну созылмалы түрге ауысып, дабыл жарғағында перфорация (тесік) пайда болады.&nbsp;Бұл біртіндеп есту қабілетінің төмендеуіне әкеледі. Сондықтан маманға уақытылы жүгіну мұндай асқынулардың алдын алуға мүмкіндік береді.– Қандай алғашқы белгілер адамды алаңдатуы тиіс?– Құлақтағы қабыну ауруларының ең жиі кездесетін белгілері - құлақтың ауыруы, бітеліп тұрғандай сезім, естудің төмендеуі немесе күрт нашарлауы. Сондай-ақ құлақтағы шуыл немесе шыңылдау, бір жақ құлақпен нашар есту де алаңдатуы тиіс.Айта кету керек, отит тұқым қуалайтын ауру емес. Ол, мысалы, суық тиюден кейін пайда болуы мүмкін: адам басы дымқыл күйде сыртқа шықса, жел өтінде отырса немесе көлікте терезе ашық күйде ұзақ жүрсе.Көбіне бізге пациенттер отиттің созылмалы түрімен немесе холестеатомамен келеді. Холестеатома - ортаңғы құлақтағы қатерсіз, бірақ қауіпті болуы мүмкін ісік тәрізді түзіліс. Жақында біз ортаңғы құлақтағы полипке байланысты науқасқа ота жасадық. Бұл шырышты қабықтың грануляциялық тінінің қатерсіз өсіндісі. Пациентке полипотомия жасалды.Ең бастысы — құлақта қандай да бір жайсыздық пайда болса, өздігінен емделмей, дәрігерге қаралу қажет.– МӘМС жүйесінде қандай тексерулер мен емдеу түрлері қолжетімді?– Міндетті әлеуметтік медициналық сақтандыру (МӘМС) жүйесі аясында пациенттерге медициналық қызметтердің кең спектрі ұсынылады.Алғашқы қабылдауды жергілікті дәрігер жүргізеді, қажет болған жағдайда оториноларингологқа жолдайды. Мамандар отоскопия жүргізеді, &nbsp;яғни құлақты тексеріп, сонымен қатар мұрын мен тамақты қарайды.Диагностикалық әдістерге жатады:&nbsp;аудиометрия (есту қабілетін бағалау),&nbsp;тимпанометрия,&nbsp;компьютерлік томография (КТ),&nbsp;магниттік-резонанстық томография (МРТ).Аудиометрия қажетті жабдықтармен қамтамасыз етілген бірқатар емханаларда жүргізіледі. Дәрігер жолдамасы бойынша пациенттер КТ мен МРТ тексерулерінен тегін өте алады.Бұл қызметтерді алу үшін МӘМС жүйесінде сақтандырылған мәртебесі болуы қажет. Ал балалар, қарттар, мүгедектігі бар адамдар және басқа да әлеуметтік осал топтар мемлекет тарапынан сақтандырылған.– Есту мүшелеріне жасалатын хирургиялық&nbsp;оталар МӘМС аясында жүргізіле ме?– Иә, МӘМС аясында жоспарлы&nbsp;оталар жасалады.&nbsp;Тимпанопластика - дабыл жарғағының және қажет болған жағдайда ортаңғы құлақтағы есту сүйекшелерінің тұтастығын хирургиялық жолмен қалпына келтіру. Ота дабыл жарғағындағы тесікті жабуға, қабынған ошақты тазартуға және есту қабілетін жақсартуға мүмкіндік береді.&nbsp;Бұл кезде науқастың өз тіндері немесе арнайы импланттар қолданылады.2025 жылы тимпанопластика өңірде алғаш рет облыстық балалар ауруханасында жасалды. Қазіргі уақытта ересек пациенттер қажет болған жағдайда квота арқылы еліміздің жетекші медициналық орталықтарына жіберіледі. Болашақта бұл тәжірибені өңірде кеңейту жоспарланып отыр.Стапедопластика&nbsp;- отосклероз кезінде жасалатын жоғары тиімді микрохирургиялық&nbsp;ота. Бұл кезде қозғалмай қалған есту сүйекшесі (үзеңгі) протезбен алмастырылады.&nbsp;Ота көбіне жергілікті анестезиямен, микроскоп арқылы есту жолы арқылы жасалады. 80-90% жағдайда естуді айтарлықтай жақсартуға мүмкіндік береді.Сонымен қатар кохлеарлық имплантация&nbsp;- ауыр есту қабілетінің төмендеуінде қолданылатын естуді қалпына келтіру әдісі. Алайда стапедопластика мен кохлеарлық имплантация әзірге өңірде жүргізілмейді, пациенттер квота арқылы еліміздің басқа медициналық орталықтарына жіберіледі.Өңірде мастоидит кезінде шұғыл&nbsp;оталар жасалады. Бұл самай сүйегінің емізікше өсіндісінің бактериялық қабынуы. Ол ортаңғы отиттің ауыр асқынуы болып табылады және құлақтың артындағы қатты ауырсынумен, ісінумен, қызарумен, дене қызуының көтерілуімен және естудің төмендеуімен көрінеді. Ауру қауіпті болғандықтан, шұғыл хирургиялық емді қажет етеді. Мұндай&nbsp;оталар тегін жасалады.Сондай-ақ&nbsp;Емдеуге жатқызу бюросы арқылы полиптер, холестеатома және басқа да қатерсіз түзілістер кезінде&nbsp;оталар жүргізіледі.– Құлаққапты ұзақ жылдар пайдалану қандай салдарға әкелуі мүмкін? Есту қабілеті бұзылған адамдар саны арта ма?– Құлаққапты пайдалану мәселесі қоғамда жиі талқыланады, әсіресе оларды шектеу туралы сөз қозғалғанда. Бірақ құлаққаптың өзі қауіпті емес. Негізгі қауіп&nbsp;- дыбыс деңгейінің тым жоғары болуы және ұзақ уақыт тыңдау.Музыканы орташа дыбыс деңгейінде тыңдап, әрбір бір сағаттан кейін үзіліс жасау қауіпсіз болып саналады. Егер адам бірнеше жыл бойы күн сайын музыканы өте қатты дыбыспен тыңдаса, бұл ішкі құлақтағы сезімтал жасушалар мен есту жүйкесінің біртіндеп зақымдануына әкеледі.Бұл әсер бірден байқалмайды, уақыт өте келе жиналады. Мұны тамшы судың тасты біртіндеп тесетінімен салыстыруға болады. Алғашқы белгі көбіне құлақтағы шуыл немесе шыңылдау (тиннитус) болады. Уақыт өте келе тұрақты есту қабілетінің төмендеуі дамуы мүмкін.Қазіргі кезде есту қабілеті бұзылған&nbsp;адамдардың «жасарып» келе жатқанын байқап отырмыз. Бұрын құлақтағы шуыл мен естудің төмендеуіне көбіне 60 жастан асқан&nbsp;кісілер шағымданатын болса, қазір 25-30 жастағы пациенттер де жиі келеді. Оның бірнеше себебі бар, бірақ құлаққапты ұзақ уақыт бойы жоғары дыбыспен пайдалану&nbsp;-&nbsp;қауіп факторларының бірі.Ерте кезеңде біз есту функциясын сақтауға бағытталған қолдаушы ем тағайындаймыз. Бірақ ішкі құлақтың зақымданған жасушалары қалпына келмейтінін түсіну маңызды. Сондықтан алдын алу&nbsp;- дыбыс деңгейін бақылау және құлаққапты дұрыс пайдалану аса маңызды.– Пациенттерге берер кеңесіңіз…– Ең бастысы&nbsp;- дәрігерге баруды кейінге қалдырмау. Шағым болмаса да, есту қабілетін жылына кемінде бір рет тексеріп тұрған жөн.Егер қандай да бір күмәнді белгілер пайда болса, өздігінен емделмей, маманға жүгіну қажет. Қазіргі медицинада тиімді диагностика мен емдеу әдістері жеткілікті&nbsp;- ең бастысы, оларды уақытында пайдалану.– Сұхбат үшін рақмет!

Есту қабілетін қалай қорғауға болады? Дәрігер кеңесі

<a href="https://kyzylorda-news.kz/">Kyzylorda-news.kz</a> 2026 жылғы 1 қаңтардан бастап Қазақстан Республикасының «Міндетті әлеуметтік медициналық сақтандыру және медициналық қызмет көрсету мәселелері бойынша кейбір заңнамалық актілерге өзгерістер мен толықтырулар енгізу туралы» Заңы күшіне енді. Негізгі жаңашылдықтардың бірі – халық үшін медициналық қызметтердің қолжетімділігін арттыруға және көлемін кеңейтуге бағытталған Бірыңғай медициналық көмек пакетін қалыптастыру болды.Бірыңғай пакет аясында әлеуметтік маңызы бар аурулар бойынша консультативтік-диагностикалық көмектің қалай көрсетілетінін таныстыру мақсатында Әлеуметтік медициналық сақтандыру қорының Қызылорда облысы бойынша филиалы өңірдегі медициналық ұйымдарға баспасөз турын ұйымдастырды.Алғашқы нысан – №3 қалалық емхана. 2025 жылы мұнда құны 79,1 млн теңгені құрайтын AR-Mammo цифрлық маммографы орнатылды. Бұл сүт безі ауруларын жоғары дәлдікпен скринингтен өткізуге және диагностикалауға арналған заманауи модульдік жүйе. Құрылғы кисталар, фиброаденомалар және қатерлі ісіктерді қоса алғанда, патологияларды ерте кезеңде анықтауға мүмкіндік береді. Аппарат жоғары сапалы цифрлық кескіндер алуды қамтамасыз етеді және жаппай скринингтік тексерулерге де, тереңдетілген диагностикаға да қолданылады.Дәрігер-рентгенолог Әлімжан Сағымбайұлы жабдықтың мүмкіндіктері туралы айтып берді:- Бұл аппаратта тексеру жергілікті дәрігердің жолдамасы бойынша тегін медициналық көмектің кепілдендірілген көлемі аясында жүргізіледі. Маммография нәтижелері 5–10 минут ішінде дайын болады. Күн сайын 40-70 жас аралығындағы 30-ға дейін пациент қабылдаймыз. Біздің міндетіміз – онкологиялық ауруға күдіктің бар-жоғын анықтау. Күдікті өзгерістер анықталған жағдайда пациент әрі қарай тексерілу үшін онкологиялық орталыққа жолданады.Бұдан кейін журналистер Орталық қалалық емхананың диагностикалық бөліміне барды. Мұнда құны 146,52 млн теңгені құрайтын сараптамалық деңгейдегі ультрадыбыстық зерттеу (УДЗ) аппараты орнатылған. GE Voluson Signature 18 және Signature 20 жүйелері Core/Unity озық архитектурасымен және жасанды интеллект элементтерімен жабдықталған. Бұл деректерді жоғары жылдамдықпен өңдеуге және 2D/3D/4D форматындағы кескіндерді дәл алуға мүмкіндік береді.Жабдық акушерлік және гинекологияда, құрсақ қуысы ағзаларын зерттеуде, педиатрия мен неонатологияда, қалқанша және сүт бездері ауруларын диагностикалауда, урология, кардиология салаларында, сондай-ақ тірек-қимыл аппаратына зерттеу жүргізуде қолданылады. Орта есеппен аппарат күніне 25-ке жуық пациентке қызмет көрсетеді. Тексеруден қала тұрғыны Зухра Сермағанбетова да өтті.- Емханамнан жүктілік бойынша пренаталдық скринингтің бірінші кезеңі аясында тексерілуге жолдама алдым, – деді ол. – Диагностикалық орталықта заманауи аппарат бар екенін естігенмін. Тексеру дәл осы құрылғыда жүргізілгеніне қуаныштымын. Енді сәбиімнің дамуы жүктілік мерзіміне сәйкес екеніне сенімдімін.Ультрадыбыстық диагностика дәрігері Қайрат Жұмағұловтың айтуынша, бұл жабдық жүктіліктің ерте кезеңінде-ақ ұрықтың сүйек жүйесін, аяқ-қолдарын, жүрегін және басқа да ағзаларын бағалауға мүмкіндік береді. Бұл туа біткен патологияларды уақытылы анықтап, әрі қарайғы медициналық шешімдерді қабылдауға ықпал етеді. Сонымен қатар аппарат ішкі ағзалар ауруларын диагностикалауда, соның ішінде бүйрек пен өт қабындағы тастарды, кисталар мен жаңа түзілімдерді анықтауда қолданылады. Осындай аппарат перинаталдық орталықта да орнатылған.Филиалдың бас сарапшысы Айгүл Аханованың айтуынша, Бірыңғай пакет аясында әлеуметтік маңызы бар сегіз ауруға күдік болған жағдайда консультативтік-диагностикалық көмек тегін көрсетіледі. Олардың қатарында туберкулез, АИТВ-инфекциясы, созылмалы вирустық гепатиттер мен бауыр циррозы, қатерлі ісіктер, психикалық және мінез-құлықтық бұзылыстар, орфандық (сирек) аурулар, жедел миокард инфаркті және инсульт бар. Бұған дейін тегін консультативтік-диагностикалық көмек тек АИТВ-инфекциясы мен туберкулезге күдік болған жағдайда ғана көрсетілетін.Осылайша, Бірыңғай медициналық көмек пакетінің енгізілуі заманауи диагностиканың қолжетімділігін арттыруға және әлеуметтік маңызы бар ауруларды дер кезінде анықтауға тең мүмкіндіктер қамтамасыз етуге бағытталған маңызды қадам болды.

Бірыңғай медициналық көмек пакеті: кеңейтілген диагностикалық көмек

<a href="https://kyzylorda-news.kz/">Kyzylorda-news.kz</a> Елімізде қызылшаның таралуына жол бермеу және эпидемиологиялық жағдайды тұрақтандыру мақсатында ҚР Бас мемлекеттік санитариялық дәрігерінің ұйғарымымен қаулы қабылданған болатын. Құжатта республика аумағында қызылшаға қарсы санитариялық-эпидемияға қарсы және профилактикалық іс-шараларды ұйымдастыру мен жүргізу тәртібі айқындалған. Осы мақсатта аймақта атқарылатын жұмыстар тізбегін Қызылорда облысы санитариялық-эпидемиологиялық бақылау департаментінің басшысы Әлия Әбдіқайымова мәлімдеді.<blockquote>Құжатта қызылшаға, қызамыққа және паротитке қарсы иммундауды кеңейту көзделген. 6 айдан 10 ай 29 күнге дейінгі балаларды жағдай тұрақтанғанға дейін егу жұмыстары жүргізілетін болады. Сондай-ақ 30 жасқа дейінгі егілмеген, егілгені туралы деректері жоқ, ақпараттандырылған келісімді алғаннан кейін осы инфекцияға қарсы жаппай иммундау барысында егілмеген денсаулық сақтау ұйымдарының медицина қызметкерлері де екпе қабылдайды. Қаулыға сәйкес балаларды стационарларға, ұжымдық ұйымдарға қабылдауға қатысты бірқатар күшейту шаралары белгіленді. Айта кетейік, қызылша жағдайларының тіркелуі кезінде екпе алмаған балалар мектепке дейінгі ұйымдарға және мектептерге барудан уақытша шеттетіледі. Қызылшамен ауыратын науқастармен байланыста болған, ауру белгілері бар не инфекциялық аурулардың ошақтарынан келген әскерге шақырылушылар әскери бөлімдерге келген кезде 21 тәулікке оқшауланатын болады,- деді Әлия Мүтәліпқызы.</blockquote><img src="https://knadmin.beoblood.kz/uploads/yzylsha_a_arsy_auly_negizinde_yzmetter_zh_rgizilude_fd28a89bd1.jpeg" alt="Қызылшаға қарсы қаулы негізінде қызметтер жүргізілуде.jpeg">Фото: freepik.com

Қазақстан және Қызылорда облысының жаңалықтары: Денсаулық