<a href="https://kyzylorda-news.kz/">Kyzylorda-news.kz</a> Облыстық денсаулық сақтау басқармасының ұйымдастыруымен облыстық перинаталдық орталығында медицина қызметкерлері арасында «Ана сүтімен қоректендіруді қорғау, қолдау және ынталандыру» бағдарламасы бойынша байқау сайысы болып өтті.Іс-шараға облыстық денсаулық сақтау басқармасының бас педиатры Сақтағанова Ғазиза Әбдіғаппарқызы, облыстық перинаталдық орталығы бас дәрігерінің міндетін атқарушысы Сәуле Жақанова, «Балалар шағындағы ауруларды ықпалдастыра емдеу» бағдарламасы бойынша тренинг орталығының меңгерушісі Ж.Абенова, «Ана сүтімен қоректендіруді қорғау, қолдау және ынталандыру» бағдарламасының облыстық өңірлік үйлестірушісі Нұргүл Скакова және медициналық мекемелердегі жалпы тәжірибелік дәрігер, педиатр, неонатолог дәрігерлерi қатысты.3 кезеңнен құралған байқаудың I кезеңiнде медицина қызметкерлерінiң «Ана сүтімен қоректендіруді қорғау, қолдау және ынталандыру» бағдарламасы бойынша білім деңгейін тексерсе, II кезеңде талапқа сәйкес портфолио дайындау, өзін таныстырудан, ана сүтімен қоректендірудің 10 қадамы, практикалық білімін көрсету үшін презентация, видеоролик көрсету және іске асырылған жұмыстары туралы ақпарат беру, III-шi кезең «Шеберлік сабағы» атты рөлдік ойынннан тұрды.Барлығы 17 дәрігер қатысқан сайыс қорытындысы бойынша І орынды - Жаңақорған аудандық орталық ауруханасы алса, ІІ орынды - 3 қалалық емхана,ІІІ орынды - Қазалы Теміржол ауруханасының қызметкерлерi иемдендi. Шара соңында қазылар алқасы жеңімпаздарды бағалы сыйлықтармен марапаттады.&nbsp;

Облыс дәрігерлері арасында байқау ұйымдастырылды

<a href="https://kyzylorda-news.kz/">Kyzylorda-news.kz</a> Денсаулық сақтау министрлігінің баспасөз қызметі азаматтарға тырысқақ ауруына байланысты ескерту жасады.Денсаулық сақтау министрлігі қазақстандық туристерге тырысқақ ауруы бойынша қолайсыз елдерге (Африка, Азия, оның ішінде Үндістан, Ауғанстан, Пәкістан елдері) бару кезінде мынадай кеңес береді:қайнатылған немесе бөтелкедегі суды ішу;әр түрлі сусындарды салқындату үшін мұзды пайдаланбау;⁠өнімдерді тұтыну алдында тиісті термиялық өңдеу;жемістер мен көкөністерді қайнатылған немесе бөтелкедегі сумен мұқият жуу;тамақ ішер алдында және дәретханаға барғаннан кейін қолды сабынмен мұқият жуу;тек рұқсат етілген су айдындарында шомылу және оның суын жұтпау;аурудың алғашқы белгілері пайда болған кезде өздігінен емделуге болмайды, дереу медициналық көмекке жүгіну керек.Денсаулық сақтау министрлігінің мәліметінше,&nbsp;Қырғызстан азаматшасы&nbsp;Делиден Алматы арқылы үйіне бара жатқан. Санитарлық-карантиндік бақылау мамандары дер кезінде әйелді медициналық тексеруден өткізді. Тест нәтижелеріне сәйкес әйелге тырысқақ диагнозы қойылды.Министрлік мәліметінше, эпидемиологиялық қызметтердің инфекция ошағын уақтылы анықтауы және оқшаулауы ел ішінде тырысқақтың таралуының алдын алды.&nbsp;Тырысқақ (холера) –&nbsp;Vibrio cholerae түрінің бактерияларынан туындайтын&nbsp;аса қауіпті&nbsp;ішек инфекциясы. Дененің тез сусыздануы гиповолемиялық шок пен өлімге әкеледі.Фото: Нұрболат Нұржаубай

«Өлімге әкеледі»: Денсаулық сақтау министрлігі ескерту жасады

<a href="https://kyzylorda-news.kz/">Kyzylorda-news.kz</a> &nbsp;Ауырмаудың жолын іздейтін елміз. Себебі «бірінші байлық – денсаулық». Саулық – тән, рухани және әлеуметтік игіліктің жиынтығы.7 сәуір – Дүниежүзілік денсаулық күні. Бұл атаулы күн Дүниежүзілік денсаулық сақтау ұйымының құрылған күнінде аталып өтіледі. 1948 жылы құрылғаннан бері әлемнің екі жүзге жуық мемлекеті Дүниежүзілік денсаулық сақтау ұйымына мүше болып отыр. Бұл күнді жыл сайын атап өту 1950 жылдан бастап дәстүрге айналды. Ұйым әр жылды медицинадағы аса көкейкесті мәселелердің біріне арнап отырады.Ал Қызылорда облысында медицина саласында ауқымды жобалар жүзеге асуда. Денсаулық сақтау саласына қажетті қызметтік көліктер алынып, заманауи құрал жабдықтармен қамтамасыз етуде оң өзгерістер бар. Жақында көпбейінді облыстық аурухана базасында жаңа МРТ аппараты іске қосылды. Бұл сала мамандарының жоғары деңгейде жұмыс атқаруына оң септігін тигізеді.<blockquote>– Мемлекет басшысы денсаулық сақтау саласын басым бағыттардың бірі ретінде белгілеп, халыққа арнаған Жолдауында нақты талаптар қойды. Осыған орай көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Бұрынғы аппарат бұзылып, ауруханада 2016 жылдан бері мұндай құрал-жабдық болған жоқ. Мәселенің шешімін табу үшін бюджеттен қаржы бөліп, биыл бағасы 646 млн теңге тұратын МРТ аппараты алынды. Жаңа құрал өңір халқының игілігіне, аурудың алдын алу, анықтау жұмыстарын ілгерілетуге қызмет етеді, – дейді сала мамандары.</blockquote>Мұндай қамқорлықтың нәтижесінде облыстық көпбейінді ауруханада күрделі ота жасау мүмкіндігі туындап отыр. Өткен жылдың желтоқсанында бүйрек ауыстыру отасын А.Сызғанов атындағы Ұлттық ғылыми хирургия орталығы басқарма төрағасы, медицина ғылымдарының докторы, профессор Болатбек Баймахановтың басшылығымен қызылордалық дәрігерлер сәтті атқарып шықты.<blockquote>– Елімізде 2011 жылдан бері бүйрек және бауыр трансплантациясы кең ауқымда жүргізіліп келеді. Бүгінге дейін 1000-ға тарта ота жасалды. Оның 700-і бүйрекке қатысты болса, қалғанын бауыр трансплантациясы құрайды. Бұл – өте күрделі іс, оған әрбір дәрігер үлкен жауапкершілікпен қарайды. Тәжірибесі жоғары болуы ескеріледі. Біз облыстық көпбейінді аурухана дәрігерлерінің ұсынысын қабыл алдық. Аурухана оған қажетті медициналық құрал жабдықтармен қамтамасыз етілген. Ота төрт сағаттан астам уақытқа созылды. Жалпы, бұл өте жіті назарда болады. Барлығы алдын-ала зерттеледі, – дейді Болатбек Баймаханов.</blockquote>Айта кетсек, өңірдің медицина саласында ауқымды жобалар жүзеге асуда. 2022 жылы 45 жедел жәрдем көлігі алынып, облыстық медициналық жедел жәрдем стансасы 100% автокөлікпен қамтамасыз етілді. Өткен жылы денсаулық сақтау ұйымдарына 512,5 млн теңгеге 25 жаңа санитарлық автокөлік табысталған.Сонымен қатар өткен жылы тамыз айында Қызылорда қаласының сол жағалауында құны 2 млрд 700 млн теңгені құрайтын Қан орталығының іргетасы қаланды. Нысан жылына 5000-10000 адамға қызмет көрсете алады. Орталықтың салынуы – аймақтың денсаулық сақтау саласы үшін маңызды әрі ұтымды шешім. Бұл – облыс тұрғындарының денсаулығын сақтау және қорғау бағытындағы нақты іс-шараның бірі.Тұрғындар сұранысына сәйкес, биыл өңірдің барлық елді мекендеріндегі денсаулық сақтау мекемелеріне 200 санитарлық автокөлік сатып алынады Оған қоса 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда. Бұл жұмыстарға 3 млрд 700 млн теңге қаралды.Жақын күндері Жаңақорған ауданындағы көпбейінді аудандық орталық аурухана базасында «Қамқорлық» оңалту орталығы ашылады. «Қазақстан халқына» қоғамдық қоры кейінгі екі жылда аймақтың денсаулық сақтау саласына 2 млрд теңге қаржы бағыттады. Оған облыстық балалар ауруханасы базасында «Қамқорлық» реабилитациялық орталығы ашылып, аса қымбат дәрі-дәрмектер алынды. Сондай-ақ қор республика бойынша 3 облыста ғана бар, құны 1 млрд 100 млн теңге тұратын онкологиялық скрининг жүргізуге арналған жылжымалы медициналық кешенмен қамтамасыз етті.Мамандардың біліктілігін арттыру мәселесі де назардан тыс қалған емес. Дәрігерлердің республикалық орталықтарда ғана емес, шет елдерде де біліктілігін арттыруға жергілікті бюджеттен 80 млн теңге бөлінді. Сәуір айында Стамбул қаласындағы Қазақстанның бас консулының қолдауымен Түркиядағы «Мемориал» клиникасына 10 реаниматолог және 5 кардиолог біліктілік арттыруға барады. Бұл бағыттағы шаралар жыл көлемінде жалғасын табады.&nbsp;Фото: bangkokbook.ru

Қызылорда облысында медицина саласында ауқымды жобалар жүзеге асуда

<a href="https://kyzylorda-news.kz/">Kyzylorda-news.kz</a>&nbsp; Егер қандай да бір науқасқа шалдығатын болсақ, алдымен маңдай тірейтін жеріміз медицина орталығы болса, ол жерде міндетті түрде дәрігер мен медбикенің қарауынан өтеміз. Бірі – ауруды түп тамырымен жою үшін диагноз қоюға ілім-білімін сарқыса, бірі – оның әрі қарайғы ем-домына, қадағалау іс-шараларына, сынама, қан анализдерін тапсыру секілді қызметтеріне басымдық береді. Сол себепті де кейде дәрігер мен медбикенің қызметін бір-бірінен бөліп қарау жөнсіздей көрінеді. Әлбетте екеуінің мойнына жүктелген жауапкершілік екі түрлі болғанымен, екеуінің де илегені бір терінің пұшпағы. Осы ретте науқасымен бірге «ауырып», онымен бірге «жазылатын» мейірбикелік жұмыстың жүгін арқалап жүрген ақ халатты абзал жандардың қызметіне тоқталмақпыз. Оның ішінде ауылдық жерлерде қызмет көрсететін дәрігерлік-амбулаториялардың халық денсаулығы үшін жасап жатқан еңбегін дәріптеуді жөн көрдік. Мұндай игілікті істі Қармақшы ауданы, ІІІ Интернационал ауылына барған сапарымызда амбулаториядан ем қабылдап жүрген науқастардың сала қызметкерлерінің атына жолдаған жылы лебіздерінен байқаған болатынбыз. Оның қатарында осы мекемеде бірнеше жылдан бері абыройлы еңбек етіп келе жатқан ақ халаттының бірі – Лаура Ералиева да болған-ды.Ол Қармақшы ауданына қарасты Жаңажол ауылындағы үлгілі Ералиевтер отбасында өмірге келген 4 баланың тұңғышы. Әкесі Төлеу Ералиев «Жаңажол» жауапкершілігі шектеулі серіктестігінің бас агрономы әрі аудандық мәслихаттың депутаты болса, анасы Зада Қошқарова тәрбиеші болып еңбек етеді. Орта мектепті ойдағыдай бітірген жас қыз 2005 жылы Қызылорда медициналық колледжінің «Мейірбике ісі» мамандығына оқуға түсіп, оны сәтті аяқтап шығады. Одан соң теориялық білімін тәжірибемен ұштастырып, облыстық психоневралогиялық ауруханасында еңбек жолын бастайды. 2013 жылы ІІІ Интернационал ауылына келін болып түскен ол Ғалымжан Ақылов есімді азаматпен шаңырақ көтереді. Отбасылық жағдайға байланысты ауылдағы дәрігерлік-амбулаториясына жұмысын ауыстырады. Қазір берекелі шаңырақта ата-ене және 4 ұл-қызымен бақытты өмір сүріп жатқан жайлары бар. Жары да медицина саласынан алыс емес, &nbsp;аудандық аурухананың қаржыгері.Жас адам қашан да еліктегіш келетіні бар ғой. Лаураның да медицина саласына деген іңкәрлігі бала кезінен басталғанға ұқсайды. Ол оны өзі күлімсіреп былайша жеткізеді.&nbsp;<blockquote>– Өмірлік таңдауға теледидардың да әсер ететінін айтқым келеді. Жалпы таңертеңнен кешке дейін көгілдір экранның алдында отыратынның санатынан емеспін. Дегенмен, маған көптеген телесериалдың арасынан өзіме сондай жақын әсер еткен бір фильм болды. Ұмытпасам, «Лайф» клиникасы" ғой дейімін. Фильмде дәрігер, медбикелердің жұмысы қарбаласып, түрлі жағдайда ауруларға көмек &nbsp;көрсетіп жатады. Онда адамгершілік, кәсіби шеберлік пен адам тағдыры талқыға түсіп жатады. Оған дейін де медицинаға қатысты деректі, танымдық контенттер көретінмін. Бірақ осы фильмнен соң түбегейлі шешім қабылдап, медбике болуды таңдағанымды айтқым келеді. Оған қоса, медицина саласында жұмыс істейтін әпкем бар еді. Сол кісіге де еліктейтін едім. Жанына шипа іздегендерге екпе салып, дәрі шанышқанда бұрынғыдан да бетер мейірбике болғым келіп кететін. &nbsp;Салада қызмет етіп, шешім қабылдауыма осы нәрселер түрткі болды, – дейді жас маман.</blockquote>Мейірбике бүгінде дәрігерлік-амбулаторияда химизатор болып жұмыс істейді. Қарапайым сөзбен айтқанда, өкпе ауруына қарайтын медбике. Ауылдағы науқастардың уақытылы рентгенге түсуі, егер де рентген қорытындысы дұрыс болмаған жағдайда анализдерін тапсыртып, оны қадағалау – Лаураның тікелей жауапкершілігінде.&nbsp;«Қанатсыз құс, армансыз адам болмайды» дегендей, жас маманның да алдына қойған арман-мақсаты толайым.&nbsp;<blockquote>– Келекшекте де осы жұмысымды жалғастырып, дертке шалдыққан жандарды тексерістен өткізіп, өкпе ауруының алдын алу іс-шараларын жүргізе беретін боламын. Ең бірінші мақсатым – ауылдың тұрғындарына адал қызмет етіп, алғыстарын алу. Ауырған жандардың сауығып кетуіне себебімді тигізу. Осы мақаланы пайдаланып, дәрігеріміз Зульфия Алдажарқызына, аға медбике Бақыткүл Меңлібаеваға және аға буын өкілдері – Рабиға Аманова, Афида Мададова және ұжымдағы басқа да апайларыма шын жүрегімнен алғысымды айтамын, – дейді Лаура Төлеуқызы. &nbsp;</blockquote>

Лаура Ералиева: Ауыл тұрғындарына адал қызмет етіп келемін

<a href="https://kyzylorda-news.kz/">Kyzylorda-news.kz</a> &nbsp;Міндетті әлеуметтік сақтандыру жүйесін іске асырудағы өзекті мәселелердің бірі – халықты жүйелі түрде сақтандыру болып табылады. Бүгінде Қызылорда облысында аталған жүйеде сақтандырылған азаматтар саны – 695 мыңнан асады. Тиісінше, бұл жалпы халықтың 85 пайызын құрап отыр.Ал, сақтандырылмаған азаматтардың жалпы үлесі 15 пайыз. Дегенмен, нәтижелі атқарылған жұмыстардың арқасында Мәмс жүйесінде сақтандырылмаған азаматтар саны айтарлықтай төмендеп келеді. Бұл жөнінде Өңірлік коммуникациялар қызметінің ақпарат алаңында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.<blockquote>– Өздеріңіз білетіндей, қазіргі таңда Мәмс жүйесіне азаматтарды сақтандыру шаралары қарқынды жүруде. Жыл сайын медициналық сақтандыру қаражаты есебінен тұрғындарға кардиохирургия, нейрохирургия, урология, травматология, онкология және хирургия бойынша оталар тегін жасалуда. Мәселен, былтыр біздің аймақта 55 кардиохирургиялық, 36 нейрохирургиялық, 18 урологиялық және 6 травмотологиялық оталар жасалды. Бұдан бөлек, Мәмс жүйесіндегі басым бағыттардың бірі – оңалту қызметтері де халыққа тұрғылықты қызмет көрсетуде. Жыл сайын оңалту қызметтерін алу мүмкіндігі жақсарып, медициналық құрылғылардың да, емдеу әдістерінің де саны артып келеді. Оңалту қызметтерін көрсету үшін былтыр 40 медициналық ұйыммен келісім шарттар жасалды. Сонымен қатар, стоматологиялық көмек көрсету қызметтері де сәтті жүзеге асырылуда. Былтырдан бастап әлеуметтік медициналық сақтандыру қоры стоматологиялық қызмет көрсету үшін арнайы клиникалармен тікелей келісімшарттар жасай бастады. Бұрын бұл келісімдер емханалар арқылы жасалған еді. Соның арқасында биыл 61 медициналық ұйым стоматологиялық қызмет көрсетеді. Оның ішінде 10 – мемлекеттік, 51 – жекеменшік медициналық ұйым. Осылайша емделушілер тікелей стоматологиялық клиникаларға жолдамасыз жүгіне алады, тек әлеуметтік медициналық сақтандыру қорымен шарты болуын нақтылау қажет, – деді Бақыт Торғайбайұлы.</blockquote>Фото: Қызылорда облысының Өңірлік коммуникациялар қызметі

Облыс халқының 85 пайызы МӘМС жүйесіне сақтандырылған

<blockquote><a href="https://kyzylorda-news.kz/">Kyzylorda-news.kz</a> &nbsp;Конго-Қырым қызбасы көктем мен жаз мезгілдерінде өршиді. Ауру белгілері кене шаққаннан кейін бір апта ішінде білінеді. Бүгінде облыста 48 күдікті жағдай анықталып, оның 13-нің диагнозы расталды. Қазіргі таңда аталмыш ауруға қарсы залалсыздандыру жұмыстары қарқынды жүргізілуде. Бұл туралы Өңірлік коммуникациялар қызметінің ақпарат алаңында облыстық санитарлық-эпидемиологиялық бақылау департаменті басшысының орынбасары Әлия Әбдіқайымова хабарлады.</blockquote><blockquote>– &nbsp;Қазіргі таңда облысымызда Конго-Қырым қызбасының алдын алу шаралары басталды. Бүгінде облыс бойынша 115 елді мекен қолайсыз деп танылды. Атап айтқанда, Аралда – 11, Қазалы мен Қармақшыда – 16, Жалағаш пен Сырдария – 11, Жаңақорғанда –18, Шиеліде – 20, Қызылорда қаласында – 12 елдімекен есепке алынды. Сондықтан кенеден қауіп көп деген сөз. Яғни, біздің климаттық жағдайымыз осы кенелердің өмір сүруіне өте қолайлы болып есептеледі. Әсіресе, далалық аймақта жұмыс істейтін адамдар үшін ауру жұқтырып алу қаупі арта түседі. Бұл ретте сақтық шараларының қатаң орындалуы аса маңызды, - деді Әлия Мүтәліпқызы.</blockquote>Брифинг барысында жауапты сала мамандар Конго-Қырым геморрагиялық қызбасына қарсы жүргізіліп жатқан шараларға тоқталып, қолға алынған негізгі шаралар туралы баяндады.– Биыл өңірде кенелерден қолайсыз аймақ ретінде 115 елді мекен анықталған болатын. Осы аймақтарда көлемі 2 886 841 м құрайтын қора және 762 992 бас мал саны бар. Осы қолайсыз елді мекендерді залалсыздандыру жұмыстары 9 сәуір мен 8 маусым аралығында жүргізіледі. Сондай-ақ, арнайы «ЦИПЭК-10%» препараты қолданылатын болады. Қазіргі таңда Жаңақорған және Шиелі аудандарында залалсыздандыру жұмыстары басталды, - деді облыстық жұмылдыру дайындығы басқармасының басшысы Марат Ердәулетұлы.Конго-Қырым геморрагиялық қызбасының жасырын кезеңі 2-14 күн.&nbsp;<blockquote>– Науқас адамның қаны арқылы жұққанда 9 күнге дейін қысқаруы мүмкін. Негізгі клиникалық белгілері: науқастың дене температурасының кенеттен 39-40 градусқа дейін көтерілуі, қатты бас ауруы, көздің қызаруы және мойын, арқа, бел ауруы, жүрек айну немесе құсу, іштің ауыруы. Аурудың одан әрі дамуымен қан қысымы, бетте, мойында және дененің жоғарғы бөлігінде бөртпелердің пайда болады. Сондай-ақ, мұрыннан, қызыл иектен, асқазаннан, жатырдан қан кету, инъекция орындарында көгерулер пайда болады. Сондықтан далалық аймақтарда жүргенде барынша сақтанған абзал, - деді облыстық денсаулық сақтау басқармасы басшысының орынбасары Жаңыл Абубакирова.</blockquote>&nbsp;Осы елді мекендерді кенеге қарсы ветеринариялық препараттармен егу жұмыстары басталды<blockquote>– . Өткен жылы 194,4 мың бас ауылшарушылығы жануары кенеге қарсы егілді. Сонымен қатар, басқарма тарапынан залалсыздандыруға арналған барлық қажетті препараттар сатып алынып, тиісті елді мекендерге жолданатын болады, - деді облыстық ветеринариялық басқармасының басшысы Шахмардан Қойшыбаев.</blockquote>Фото: Қызылорда облысының Өңірлік коммуникациялар қызметі

Конго-қырым қызбасы: Сала мамандары барынша сақ болуды ескертеді

<a href="https://kyzylorda-news.kz/">Kyzylorda-news.kz</a> &nbsp;Міндетті әлеуметтік сақтандыру жүйесін іске асырудағы өзекті мәселелердің бірі – халықты жүйелі түрде сақтандыру болып табылады. Бүгінде Қызылорда облысында аталған жүйеде сақтандырылған азаматтар саны – 695 мыңнан асады. Тиісінше, бұл жалпы халықтың 85 пайызын құрап отыр. Ал, сақтандырылмаған азаматтардың жалпы үлесі 15 пайыз. Дегенмен, нәтижелі атқарылған жұмыстардың арқасында Мәмс жүйесінде сақтандырылмаған азаматтар саны айтарлықтай төмендеп келеді. Бұл жөнінде Өңірлік коммуникациялар қызметінің ақпарат алаңында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.&nbsp;– Өздеріңіз білетіндей, қазіргі таңда Мәмс жүйесіне азаматтарды сақтандыру шаралары қарқынды жүруде. Жыл сайын медициналық сақтандыру қаражаты есебінен тұрғындарға кардиохирургия, нейрохирургия, урология, травматология, онкология және хирургия бойынша оталар тегін жасалуда. Мәселен, былтыр біздің аймақта 55 кардиохирургиялық, 36 нейрохирургиялық, 18 урологиялық және 6 травмотологиялық оталар жасалды. Бұдан бөлек, Мәмс жүйесіндегі басым бағыттардың бірі – оңалту қызметтері де халыққа тұрғылықты қызмет көрсетуде. Жыл сайын оңалту қызметтерін алу мүмкіндігі жақсарып, медициналық құрылғылардың да, емдеу әдістерінің де саны артып келеді. Оңалту қызметтерін көрсету үшін былтыр 40 медициналық ұйыммен келісім шарттар жасалды. Сонымен қатар, стоматологиялық көмек көрсету қызметтері де сәтті жүзеге асырылуда. Былтырдан бастап әлеуметтік медициналық сақтандыру қоры стоматологиялық қызмет көрсету үшін арнайы клиникалармен тікелей келісімшарттар жасай бастады. Бұрын бұл келісімдер емханалар арқылы жасалған еді. Соның арқасында биыл 61 медициналық ұйым стоматологиялық қызмет көрсетеді. Оның ішінде 10 – мемлекеттік, 51 - жекеменшік медициналық ұйым. Осылайша емделушілер тікелей стоматологиялық клиникаларға жолдамасыз жүгіне алады, тек әлеуметтік медициналық сақтандыру қорымен шарты болуын нақтылау қажет, - деді Бақыт Торғайбайұлы.Фото:&nbsp;Қызылорда облысының Өңірлік коммуникациялар қызметі

Облыс халқының 85 пайызы Мәмс жүйесіне сақтандырылған

<a href="https://kyzylorda-news.kz/">Kyzylorda-news.kz</a> &nbsp;Жас ғалымдар отандық ғылымның дамуына сүбелі үлес қосуда. Алыс-жақын шетелдердегі ғылыми&nbsp;орталықта тәжірибе жинақтаған қызылордалық жастар да жаңа зерттеу жұмыстарымен, халықаралық рейтингтегі көрсеткіштерімен қуантуда. Ал оларға қандай қолдау бар?2022 жылы елімізде ҚР Ғылым және жоғары білім министрлігінің құрылуы бұл саланың дамуына, ғалымдардың нәтижелі еңбек етуіне серпін берді. Қорқыт ата атындағы Қызылорда университетінің Ғылыми жұмыстар және халықаралық байланыстар жөніндегі проректоры Майнұр Бөрібаева ғылымда жүрген жастарға мүмкіндік көп дейді.<blockquote>– Министрлік тарапынан жыл сайын жас ғалымдарға арналған гранттық қаржыландыру жобасы аясында конкурстар өтеді. Бұл конкурстар жылына 3 рет ұйымдастырылуда. Мұнан кейін постдокторанттарға арналған «1000 жас ғалым» жобасы аясында гранттық қаржыландыру арқылы министрліктің ғылым комитеті тарапынан ғалымдарға қаржы бөлінбек. Докторантура бітірсе де диссертация қорғай алмай жүрген ғалымдар үшін постдокторантураға жолдама деуге болады. Сондай-ақ министрлік пен «Отбасы банк» АҚ алғаш рет жас ғалымдарға қолжетімді кредит берудің бірлескен бағдарламасын іске қосты. Бағдарлама 2023 жылдың желтоқсанынан бастап күшіне еніп, елімізде жас ғалымдардың бірқатары пәтер алды, – деді Майнұр Әбілтайқызы.</blockquote>Бұл пилоттық жоба Мемлекет басшысының 2023 жылғы сәуірде Ғылым және технологиялар жөніндегі ұлттық кеңестің отырысында берілген тапсырмасын орындау шеңберінде іске асып жатыр. Университет проректоры министрлік тарапынан талантты жас ғалымдарға арналған Д.Қонаев атындағы сыйақы барын да атап өтті. Жас ғалымдарды қуантқан тағы бір жоба бар. Мемлекет басшысы ҚасымЖомарт Тоқаев 2020 жылы «Жаңа жағдайдағы Қазақстан: іс-қимыл кезеңі» атты Жолдауында ғылым саласын дамыту бойынша нақты тапсырмалар берген болатын.<blockquote>– Үкіметке жыл сайын әлемнің жетекші ғылыми орталықтарында 500 ғалымның тағылымдамадан өтуін қамтамасыз етуді, сондай-ақ «Жас ғалым» жобасы аясында зерттеу жүргізу үшін 1000 грант бөлуді тапсырамын, – деген болатын Президент.</blockquote>Бүгінде «500 ғалым» бағдарламасы ғалымдардың әлемдегі беделді ғылыми орталықтарда тағылымдамадан өтіп, шетелдік зерттеушілермен ынтымақтастық байланыс орнатуына мүмкіндік берді. Жас ғалымдарды қолдау жұмыстары жоғары оқу орындарында да жүзеге асуда. Қорқыт ата атындағы Қызылорда университетінде жас ғалымдардың ғылыми-зерттеу жұмысын жүргізуге арналған ректор гранты конкурсы 3 жылдан бері ұйымдастырылып келеді. Былтыр үздік деп танылған 8 жобаның авторына 1 млн 250 мың теңгеден грант сертификаты табысталды. Жас ғалымдарға арналған ішкі грант 2021 жылы – 4, 2022 жылы 6 жас ғалымға берілді. Конкурсқа қатысушылардың саны жылдан жылға артып келе жатқан соң келесі жылдан бастап грант қаржысы 20 миллионға дейін көбеймек.Қызылордалық ғалымдар күріштің қауызынан биочар, целлюлоза алу технологиясын әзірлеп, Нова Лиссабон университетінің (Португалия) ғалымдарымен бірге Альцгеймер және Паркинсон ауруларының алдын алу үшін дәрі-дәрмек дайындауда.Сондай-ақ, университет ғалымдары бағдарламалы-нысаналы қаржыландыру жобасы аясында Қызылорда облысында су тапшылығы жағдайында мал азықтық дақылдары мен ағаш екпелерін суару үшін сарқынды суларды қауіпсіз утилизациялау технологиясын әзірлейтін болады. Жобаның жалпы құны – 750 млн теңге.Бұл ғылыми зерттеу жұмыстарының жүруіне жас зерттеушілердің қосқан үлесі зор. Жас ғалымдарға бөлек грант тағайындау, жеңілдетілген шарттармен пәтер алуға мүмкіндік берілуі – ғылымға серпін ала келетін жастарды қолдау деген сөз. Демек, отандық ғылымның көкжиегі әлі де кеңейе түспек.&nbsp;Фото: Қорқыт ата университетінің медиа орталығы

Жас ғалымдарға қолдау жоғары

<a href="https://kyzylorda-news.kz/">Kyzylorda-news.kz</a> &nbsp; Қазіргі таңда аймақ басшысының тікелей тапсырмасы аясында облыстық жұқпалы аурулар ауруханасы ғимаратына күрделі жөндеу жұмыстары жүргізілуде.&nbsp;Нысанның шатыры, кәріз-жүйелері және есік-терезелері толықтай ауыстырылып, қабырғалары жаңартылуда.Бүгін облыстық денсаулық сақтау басқармасының басшысы&nbsp;Олжас Искаков облыстық жұқпалы аурулар ауруханасының күрделі жөндеу жұмыстарының барысымен танысып, мердігер мекеме өкілдеріне тиісті тапсырмаларын бердi.<blockquote>"Құрылыс жобаларын уақытылы әрі сапалы орындау басты міндет. Жұмысты жүйелі жүргізу, оны сапалы әрі дер кезінде аяқтауды қадағалау маңызды", – деді Құрылыс жұмыстарының барысымен жіті танысқан Олжас &nbsp;Ермекұлы. &nbsp;</blockquote>Пайдалануға 35 жыл бұрын берілген аурухана ғимаратының күрделі жөндеу жұмыстары үстіміздегі жылдың наурыз айында басталған болатын.&nbsp;Мердігер мекеме облысымызға белгілі "Абу - Сер" ЖШС. Жөндеу жұмыстарына барлығы 70 құрылысшы, 1 кран және 1 жүк көлігі жұмылдырылған.Мердігер мекеме басшысы, техникалық қадағалау мекемесі өкілдері және жоба авторларымен сөйлесіп, тиісті тапсырмаларын берген аймақтың бас дәрігері күрделі жөндеу жұмыстарының басқарма бақылауында болатындығын жеткізді.&nbsp;

Басқарма басшысы күрделі жөндеу жұмыстарының барысымен танысты

&nbsp;<a href="https://kyzylorda-news.kz/">Kyzylorda-news.kz</a> &nbsp;Қашан көрсеңіз де, бір қалыпта жүретін осы бір замандастың мінезіне іштей қызығатындар көп. Білесіз, медицина саласының жұмысы қай кезде де қат-қабат, қым-қуыт шаруадан тұрады. Бір орында отырып істейтін жұмыс емес. Ол медбике қызметі болса тіпті де екі еселенеді. Бұлай айтуымыздың өз себебі бар. Үй аралау, науқастардың жағдайын білу, қабылдауға келгендердің құжаттарымен айналысу да – осы нәзік те жауапкершілігі жоғары мамандық иелерінің құзырында.&nbsp;Біз сөз еткелі отырған мамандық иесінің бірі – Ләззат Пірманова Тұрмағамбет ауылының тумасы. Сонда 1968 жылы дүниеге келген. Ол Жосалы кентіндегі &nbsp;жүз жылдан аса тарихы бар Шоқан Уәлиханов атындағы №26 орта мектепте білім алған. Сол мектеп қабырғасында жүріп, оның медицина саласына қатты қызығушылығы басталады. Өйткені саланың қай маманын көрсе де мұнтаздай тазалық, аппақ түсті киім үлгісі мен темірдей тәртіп жасөспірімнің медицинаға деген көңілін біржолата аударып жіберген-ді. Ақ халатты ару болуды қалаған бойжеткен 1984 жылы Қызылорда медициналық училищесіне оқуға түсіп, оны «Медбике» мамандығы бойынша жақсыға бітіріп шығады. Бітірген 1987 жылдың шілдесінен бастап аудандық Балалар емханасына учаскелік медбике болып жұмысқа орналасып, осы уақытқа дейін сәбилердің денсаулығы үшін аянбай күресіп келеді. Қазір қарап отырсақ, содан бері де арада өткен 37 жылда тынымсыз еңбек етіп, бір дамылдауды білмепті. Жүрегі жұмсақ, жүзінен мейірім самалы есіп тұратын маманның осынау жылдары ізденіске, зор қарбаласқа, маңдай терге толы. Олай дейтініміз – қырық жылға жуық еңбек өтілінде талапқа сай, үнемі білімін жетілдіріп, халыққа сапалы қызмет көрсетуде өзін қамшылап отырыпты. Негізгі жұмысымен қатар, емхананың қоғамдық істеріне де белсене атсалысыпты.&nbsp;Қай жұмыста да аға буынның өзінен кейінгі жас толқынды мамандыққа баулып, оның сыры мен қырына үйрету – қадірменді іс саналған. Біздің кейіпкеріміз де ұжымдағы жастарға осы кезге дейінгі қызметінен жинаған тәжірибесін іспен көрсетуден де, ауызбен насихаттаудан да шаршаған емес. Уақыт бір орында тұрмайды. Жылжып жатқан сағаттар. Өзі де кеше ғана емханаға сымдай тартылған балауса бойжеткен болып келсе, бүгінде ұжымның аға буынының алды. Жастар бой түзейтін, жақсы көріп, сыйлайтын, құрметтейтін әпкесі, кейбіреулеріне екінші анасы іспетті. Сол үшін де білгенді ұжымға беру, жас мамандарға қолдау білдіру – Ләззат Бостанқызы адамгершілігі алдындағы адал парызы есептейді. Ұрпақтармен сабақтасып жататын өмірдің заңдылығы да осы деп ұғады ол.&nbsp;Ол еңбек ететін «Шипагер» емханасында болып, білікті маманның қазіргі таңда атқарып жүрген шаруасы, елге көрсететін қызметі жайлы өз аузынан сұрап білген едік. &nbsp;<blockquote>– Сырт көзге қарағанда медбикенің жұмысы елеусіздеу көрінетіні бар. Бірақ оның атқаратын жұмысы аз емес. Өз аймағымызда жас сәбилердің денсаулығын бақылап, түрлі аурудың алдын алу іс-шаралар жүргіземіз. Жас аналармен сырласып, аурудың алдын алуда екпелер жасаймыз. Манту сынамалары, қандай да бір науқастылықтың алдын алуда скринингтік профилактикалық тексерулерді жүзеге асырамыз. Оның уақытында жүргізілуі де біздің қадағалауымызда болады. Қазір «Әмбебап-прогрессивті» модель әдісімен 5 жасқа дейінгі балалардың дұрыс өсіп, психо-социалдық дамуы мен отбасындағы әлеуметтік жағдайының оң болуына насихат жүруде. Баланың &nbsp;дұрыс тамақтануы, жанұяда қауіпсіз болуы, зорлық-зомбылық және жүкті әйелдер денсаулығындағы қауіп-қатерді анықтап, профилактикалық жұмыстар жүргізу де медицина бикесінің міндетіне кіреді. Тәжірибеміз бар, қолдан келгенді аяп қалып жатқанымыз жоқ. Бастысы – халықтан алғыс арқаласақ, – дейді өз ісінің шебері.&nbsp;</blockquote>Алғыс демекші, білікті мейірбикеге тұрғындар арасынан алғыс айтушылар да жетерлік. Солардың қатарында Мұстафа Шоқай көшесі, №5 үйдің тұрғындары, Қалдашбаевтар отбасын айтқан болар едік. Олар – «Денсаулық – &nbsp;зор байлық» дегенді халқымыз бекер айтпаған. Немерелеріміздің денсаулығы отбасы үшін маңызды. Осы ретте аймақтық мейірбикеміз Ләззат Бостанқызының еңбегін бағалауды жөн санаймыз. Маманның елгезектігі, мейірімділігі, сәбиге деген сүйіспеншілігі бөбектерді ауруынан тез сауықтыруына септігін тигізуде. Уақытпен есептеспейтін маманға біз отбасымызбен ризашылығымызды айтып отырамыз» десе, осы көшенің тағы бір тұрғыны Роза Бақтыбаева да алғысын былайша жаудырады.&nbsp;<blockquote>«Ләззат Бостанқызы біздің аймақтық медбике. Жас пен кәріге, жалпы адамзаттың бәріне көмек қолын созып, жанын қоярға жер таптырмай азаптаған ауруынан айықтырып, ақ халатты періштедей көз алдында көлбеңдей жүріп, жанына дауа, тәніне шипа болардай ем беріп жүрген мықты маман. Жылы сөзімен науқастың көңілін көтеріп, өмірге деген құлшынысын арттырып, ертелі-кеш ерінбей, барлық адамдар үшін еңбек етіп жүрген жан. Халықтың алғыс-сауабын арқалаған ақ халатты абзал медбике. Біздің учаскенің барлық тұрғынын түгендеп, отбасылық медбике ретінде жанын беруге әрдайым дайын адам. Еңбегінің жемісін көріп, биік белестерді бағындыруына шын жүректен тілектеспіз», – дейді ол.&nbsp;</blockquote>Ләззат ұжымында сыйлы әріптес болса, жанұясында ардақты жар, аяулы ана. Жұбайымен бірге отбасында 3 бала тәрбиелеп өсіріп отырған бақытты жан. Ұлдарын ұяға қондырып, бүгінде шаңырақта көз қуанышы болған &nbsp;немерелерінің асыл әжесі. &nbsp; &nbsp;

ІІІ интернационалдық антына адал мейірбике

<a href="https://kyzylorda-news.kz/">Kyzylorda-news.kz</a> Қоғамға оқу-ағарту, білім, әлеуметтік ахуал қаншалықты қажет болса, денсаулық та соншалықты маңызды фактор атқарады. Өйткені дені сау ұлт қана болашақты жасай алмақ. Біздің қоғамның саламатты көрінісі де ондағы адамдардың денсаулығымен өлшенбек. Оның ішінде ауылдық жерлердегі тұрғындардың денсаулығы, саламатты өмір салты – мемлекеттің басты назарында.&nbsp;Жуырда бірнеше ұлттың алтын бесігіне айналған «Достық мекені» деген балама ат иеленген Қармақшы ауданындағы ІІІ Интернационал ауылында болып, игі жаңалықтарымен танысып қайтқан болатынбыз. Оның арасында елді мекендегі дәрігерлік-амбулаториясына да атбасын тірген едік.&nbsp; «Өткенсіз бүгін, бүгінсіз ертең жоқ» демекші, әрбір өткен жол &nbsp;қатталып жазылған тарих. Аға буынның жүріп өткен абыройлы жолы. Сол себепті де алдымен шағын мекеменің өткеніне аз-кем көз жіберіп, тарихына тоқталып өтелік.&nbsp;Алғашында амбулаторияның іргетасы сонау 1938 жылы қаланып, ауылдық учаскелік Наурызбай ауруханасы болып құрылған. Сол кезде 1 фельдшер, 4 медбике және 1 акушер тұрғындарға денсаулық саласы бойынша қызмет көрсетіп бастаған. 1950 жылы 25 төсектік болып ұлғайтылса, ал 1975 жылы 50 төсектік болып қызмет көрсету аясын кеңейте түскен. Атап айтсақ, рентген кабинеті, әйелдер босандыратын бөлімше болған. Осы уақытта медициналық қызметкер саны 50 адамға жетіп, толымды жұмыс істеген. Оның ішінде 7 дәрігер, 4 акушер, 28 медбике еңбек еткен. Сол кездегі бас дәрігер Әбдіжәміл Сыдықов, дәрігерлер Күлан Ахметова, Жәдігер Әбжаппаров, Құттыбала Сатылғанова, Людмила Ан, Бақыт Қуатова және гинеколог Марат Ермұратовтар жемісті еңбек үлгісін көрсетсе, акушерлер – марқұм Айтан Әлишарипова, Дәметкен Жайсанбаева, Айдаркүл Исаманова, медбикелер – Аршагүл &nbsp;Шүйтенова, Ақжаркүл Тұрабаева, Раунақ Әлжанова, Нелли Кузнецова, Орынкүл Төлегенова, Қаным Бөлекбаева, лаборант Рабиға Сәрсеновалар бар саналы ғұмырын денсаулық саласына арнап, білікті мамандар екенімен көзге түсті.&nbsp;Қазіргі таңда ардагер медбикелер Айымкүл Әбсатова, Сартиназ Байрақтарова, Бибайша Есаманова, Елена Ким, Аслый Мададова, Гүлжамила Тоқтарбекова, Роза Ли, әпкелі-сіңлілі Ақшекер, Бақыт Ізтілеуовалар, акушер Алмира Дауылбаева және мектеп медбикелері – Мария Ким, Зайда Чиквадзе, шаруашылық меңгерушісі Алимаш Байгетеева, аспазшы Гүлнар Төремұратова, ауруханаішілік дәріхананың меңгерушісі Гүлмахарам Бадаевалар саланың ыстық-суығын көтере білген жандар.&nbsp;Бүгінде дәрігерлік-амбулаторияда 1 дәрігер, 11 медбике, 1 шаруашылық бикесі, 3 кіші медқызметкер және басқа да техникалық персоналдар қызмет жасайды. Медициналық қызмет көрсету мекемесін аға дәрігер Зульфия Муханбетова басқарады.&nbsp;Зульфия Алдажарқызы ІІІ Интернационал ауылының тумасы. 1998 жылы Ақтөбе Мемлекеттік медицина акедемиясынан «Емдеу ісі» мамандығы бойынша бітіріп шыққан. Жолдамамен әуеліде Қармақшы аудандық ауруханасына отбасылық дәрігер болып жұмысқа қабылданса, 1999-2000 жылдар аралығында қабылдау бөлімшесінің меңгерушісі және бұл қызметпен қоса жедел жәрдем бөлімшесінің де дәрігері болып қатар қызметтер атқарған. Одан соң туған ауылына дәрігер-терапевт болып келіп, дәрігерлік жұмысын жалғастырған. 2003 жылы білімін жетілдіру арқылы балалар дәрігері ретінде қайта оқудан өтіп, табаны күректей 10 жыл балалар дәрігері болады. Осы жылдар ішінде білікті маман мол тәжірибе жинақтап, басшылық тарапынан үлкен сенімге ие болған. Осындай сенімнің арқасында ол 2013 жылдан бастап қазіргі күнге дейін осы басшылық қызметте абыроймен келеді. З.Муханбетова тәжірибелі дәрігер болумен қатар, ұжымның ұйытқысы да. Қарамағында жұмыс істейтін қызметкерлердің ұйыстырушысы, қай істе болсын алға жетелеп, жол көрсетушісі, бағыт-бағдар берушісі. Бірлігі жарасқан ұжым елді мекен тұрғындарына сапалы қызмет көрсетіп, алғысын арқалауда. &nbsp;Сондай-ақ оның саладағы елеулі еңбегі ескеріліп, 2007 жылы Қазақстан Республикасы «Медицина саласының үздігі» төсбелгісінің иегері атанады. Өткен жылы Қазақстанның "Алтын кітабына" есімі еніп, әріптестеріне өнеге көрсетеді. Емі шипалы дәрігер халықтың сүйіктісіне айналған. Өмірлік серігі Заадин Гейдаровпен бірге 1 ұл, 1 қыз тәрбиелеп отырған бақытты ана.<blockquote>– Медицина – мемлекетіміздің басты назарында тұрған саланың бірі. Біздің де осы реттегі мақсатымыз – халыққа сапалы қызмет көрсету, аурудың алдын алуда скринингтік тексеру, насихаттық жұмыстарын жүргізу. Шағын мекемеде аға медбике Бақыткүл Меңлібаева, жалпы тәжірибелі медбикелер – Қарлығаш Есова, Рысты Қашақбаева, Тұрсынай Қозыбақовалар өз ісінің мықты маманы болса, зертханашы Рабиға Аманова, әлеуметтік қызметкер Света Серікбаева, медбикелер – Хадиша Мададова, Баали Рагибова, Лаура Ералиева, Афида Мададова, Салтанат Жаңабаевалардың да есімдерін ерекше атап өткен болар едім. Амбулатория 2014 жылы заманауи келбетте салынған жаңа ғимаратта орналасқан. 2017 жылы 10 төсектік күндізгі стационар болып белгіленсе, былтырдан бастап 5 төсектік күндізгі стационарға науқастар қабылдап, ем-дом шараларын жасап жатырмыз. Алдағы уақытта да ауыл жұртшылығына саламатты өмір салтын насихаттап, сапалы қызмет көрсете беретін боламыз, – дейді дәрігерлік-амбулаторияның меңгерушісі Зульфия Алдажарқызы бізбен әңгімесінде.&nbsp; &nbsp;</blockquote>

Ауыл медицинасы алға басып келеді

<a href="https://kyzylorda-news.kz/">Kyzylorda-news.kz</a> Жүйе іске қосылған 2017 жылдың 1 шілдесінен 2024 жылдың 1 сәуірге дейін Қызылорда облысының тұрғындары Әлеуметтік медициналық сақтандыру қорына 72,5 млрд. теңге аударды. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.&nbsp;Аударылған қаржының 43,6 млрд. теңгесі жұмыс берушілердің аударымдары болса, қалған 28,9 млрд. теңге - жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.&nbsp;Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.&nbsp; &nbsp;Фото: Нұрболат Нұржаубай

Қазақстан және Қызылорда облысының жаңалықтары: Денсаулық