<a href="https://kyzylorda-news.kz/">Kyzylorda-news.kz</a> 2026 жылдан бастап МӘМС жүйесі жергілікті бюджеттер қаражаты есебінен қосымша әлеуметтік әл-ауқатының дағдарысты және шұғыл деңгейі бар (Д және Е санаттары) шамамен 1 млн азаматты қамтитын болады. Бұл ел халқының тағы 5%-ы үшін жоспарлы медициналық көмекке қол жеткізуді қамтамасыз етеді.Бұрын хабарланғандай, азаматтардың осы санаттары үшін жарналарды жергілікті атқарушы органдар медициналық көмекке жүгіну фактісі бойынша төлейтін болады. Сондай-ақ, жергілікті бюджеттерге ресми тіркелген жұмыссыздар үшін жарналарды төлеу бойынша шығыстар жүктеледі (қазір мемлекет республикалық бюджеттен жұмыссыздар үшін жарналар төлейді).

Медициналық сақтандырумен +1 млн әлеуметтік осал азаматтарды қамтуды кеңейту

<a href="https://kyzylorda-news.kz/">Kyzylorda-news.kz</a> «Әлеуметтік медициналық сактандыру қоры» КЕАҚ Қызылорда облысы бойынша филиалында Сыбайлас жемқорлықтың қоғам өмірінің түрлі салаларына тигізетін кері әсері, оның салдары, сондай-ақ сыбайлас жемкорлықпен байланысты құқық бұзушылықтардың алдын алу және оған қарсы іс-қимыл, сыбайлас жемқорлыққа қарсы мәдениетті насихаттау мәселелері талқыланды.Филиалдың заңгері Олжас&nbsp;Шаманың сыбайлас жемкорлықпен байланысты құқық бұзушылықтардың алдын алу және оған қарсы іс-қимыл, сыбайлас жемқорлыққа қарсы мәдениетті насихаттау мәселелері және корпоративтік этика жөніндегі баяндамасы тындалды. Сондай-ақ, сыбайлас жемқорлыққа қарсы тестілеуде келтірілген мысалдар негізінде практикалық жағдайлар, қатысушылар мүдделер қақтығысы, лауазымдық өкілеттіктерді теріс пайдалану, сондай-ақ әкімшілік немесе қылмыстық құқық бұзушылық белгілері бар іс-әрекеттер бойынша нақты мысалдарды заңнама тұрғысынан талқылады.Сонымен қатар, Филиал қызметкерлерімен сыйлықтар, заңсыз ақшалай, материалдық сыйақы алу және беру фактілеріне және заңдарда көзделмеген басқа да игіліктер мен артықшылықтар алу фактілеріне (оның ішінде үшінші тұлғалар тарапынан ықтимал арандатушылық әрекеттерге) жол бермеуге, қызмет барысында, жеке тұлғалармен немесе медициналық мекемелердің өкілдерімен тілдесу барысында өзін дұрыс ұстап, сыбайлас жемқорлық сипатындағы әрекеттеріне дайын деген ойға алып келетін сөздерге жол бермеу қажеттігі түсіндірілді.

«Сыбайлас жемқорлыққа қарсы іс-қимыл шаралары» талқыланды

<a href="https://kyzylorda-news.kz/">Kyzylorda-news.kz</a> 2026 жылдан бастап Қазақстанда денсаулық сақтау жүйесінде тегін медициналық кепілдендірілген көмек көлемі мен міндетті әлеуметтік медициналық сақтандыруға қатысты ауқымды өзгерістер күшіне енеді. Бұл туралы Өңірлік коммуникациялар қызметінің баспасөз алаңында облыстық денсаулық сақтау басқармасының басшысы Олжас Искаков пен «Әлеуметтік медициналық сақтандыру қоры» КеАҚ Қызылорда облысы бойынша филиалының директоры Жақсылық Абдусаметов баяндады.<blockquote>"Жаңа өзгерістер Мемлекет басшысының Жолдауында берілген тапсырмаларға сәйкес медициналық көмектің бірыңғай пакетін қалыптастыруға бағытталған. Басты мақсат азаматтардың сақтандыру мәртебесіне қарамастан әлеуметтік маңызы бар аурулар бойынша медициналық көмектің қолжетімділігін арттыру және МӘМС жүйесінің қаржылық тұрақтылығын қамтамасыз ету", – деді облыстық денсаулық сақтау басқармасының басшысы Олжас Искаков.</blockquote>Қызылорда облысында бүгінгі таңда 818 мыңнан астам адам тіркелсе, олардың 83,6 пайызы сақтандырылған. Ал сақтандыру мәртебесі жоқ азаматтарды қамту үшін жаңа тетіктер енгізілмек.<blockquote>"Енді дағдарыстық және шұғыл жағдайдағы әлеуметтік осал азаматтардың, сондай-ақ ресми жұмыссыздардың МӘМС жарналары жергілікті бюджет есебінен төленеді. Бұл сақтандырылмағандар санын айтарлықтай азайтады", – деді филиал директоры Жақсылық Абдусаметов.</blockquote>Сонымен қатар, кемінде бес жыл қатарынан жарна төлеген азаматтар уақытша төлем тоқтаған жағдайда алты айға дейін сақтандырылған мәртебесін сақтай алады. Бұл норма жұмысынан айырылған азаматтарға медициналық көмекті үздіксіз алуға мүмкіндік береді.2026 жылдан бастап онкологиялық аурулар, инфаркт, инсульт, вирустық гепатиттер секілді бірқатар әлеуметтік маңызы бар дерттер бойынша диагностика мен скринингтер сақтандыру мәртебесіне қарамастан тегін жүргізіледі. Ал қант диабеті мен жүрек-қан тамырлары аурулары сияқты созылмалы сырқаттарды емдеу толықтай МӘМС пакетіне ауыстырылады.<img src="https://knadmin.beoblood.kz/uploads/603869577_2486111638451000_3866245832591395122_n_a3f999f557.jpg" alt="603869577_2486111638451000_3866245832591395122_n.jpg"><blockquote>"МӘМС жүйесі азаматтарды миллиондаған теңгеге жететін емдеу шығындарынан қорғайды. Ай сайынғы салыстырмалы түрде аз жарна арқылы тұрғындар медициналық көмектің толық пакетін ала алады", – деп түйіндеді филиал директоры.</blockquote>Спикерлердің айтуынша, МӘМС жүйесіндегі мәртебені уақытылы рәсімдеп, тұрақты сақтап отыру әр азаматтың денсаулығы мен әлеуметтік қауіпсіздігін қамтамасыз етудің тиімді жолы.Фото: freepik.com

МӘМС: Жаңа жылдағы өзгерістер халыққа қандай мүмкіндік береді? 

<a href="https://kyzylorda-news.kz/">Kyzylorda-news.kz</a> 2026 жылға арналған ең төменгі жалақы мөлшері бұрынғы деңгейде бекітілгендіктен, негізгі санаттар бойынша МӘМС-ке төленетін жарналардың мөлшері сақталады. Алайда заңға енгізілген түзетулерге байланысты өзгерістер бар. Бұл туралы Әлеуметтік медициналық сақтандыру қорында түсіндірді.Жарна өсімі – тек мемлекеттік төлемдерге қатысты2025 жылғы шілде айында Мемлекет басшысы МӘМС және медициналық қызметтер көрсету сұрақтары бойынша өзгерістер мен толықтырулар енгізу туралы заңға қол қойды. Оның бір бөлігі денсаулық сақтау жүйесінің қаржылық тұрақтылығын қамтамасыз етуге бағытталған – мемлекет, жұмыс берушілер және азаматтардың ортақ ынымақтастық жауапкершілігін арттыру арқылы.&nbsp; &nbsp; &nbsp; &nbsp; &nbsp;Осы мақсатта әлеуметтік осал санаттағы халық үшін (олардың саны 11 миллионнан асады) мемлекет төлейтін жарналарды кезең-кезеңімен арттыру көзделген: 2027 жылы – 2,2%-дан бастап, 2037 жылға қарай – 4,7%-ға дейін. Қазіргі уақытта мемлекет жарналарының мөлшерлемесі есептеу объектісінің 2%-ын құрайды және бұл мөлшерлеме 2026 жылы да сақталады.Айта кетерлігі, бұл өзгеріс жеңілдік санатындағы азаматтардың өздеріне еш әсер етпейді. Олар бұрынғыдай автоматты түрде сақтандырылған болып қала береді, себебі жарналарды мемлекет төлейді.Жоғарғы шектің өзгеруі нені білдіреді?Денсаулық сақтау жүйесінің тұрақтылығын қамтамасыз ету мақсатында 2026 жылғы 1 қаңтардан бастап қызметкерлердің жарналары мен жұмыс берушілердің аударымдарын есептеу үшін қолданылатын табыстың жоғарғы шегін арттыру енгізілді.&nbsp;Ал пайыздық мөлшерлемелер өзгеріссіз қалады.Қазір &nbsp;аударымдардың ең жоғары мөлшері 25 500 теңгені құрайды (10 ең төменгі жалақы мөлшеріндегі шекті табыстың 3%). 2025 жылы жарнаның ең жоғары мөлшері – 17 000 теңге (10 ЕТЖ-ның 2%-ы).&nbsp; &nbsp; Енді жұмыс берушілер жарналарды 40 ЕТЖ-дан аспайтын табыстан, ал қызметкерлер 20 ЕТЖ-ға дейінгі табыстан төлейтін болады (бастапқыда екі төлем бойынша да шекті 50 АЕК-ке дейін арттыру ұсынылған, алайда заң жобасын талқылау барысында олар төмендетілді).Демек, бұған дейін айлық табысы 850 мың теңгеден асатын қызметкерлер (1–2 млн теңге және одан жоғары табыс алатындар) 17 000 теңгеден артық жарна төлемейтін. Себебі есептеу базасына шектеу қолданылатын. Бұл белгіленген мөлшерлемеге пропорционалды түрде аз болып, айлығы 850 мың теңгеден төмен және жалақысының дәл 2%-ын төлейтін қызметкерлерге қатысты әділетсіз еді.Өзгерістерден кейін қызметкердің ең жоғары жарнасы – 34 000 теңге (1,7 млн теңгенің, яғни 20 ЕТЖ-ның 2%-ы), жұмыс берушінің ең жоғары аударымы – 102 000 теңге (3,4 млн теңгенің, яғни 40 ЕТЖ-ның 3%-ы) болады.Айта кету керек, бұл өзгеріс ай сайынғы табысы 850 мың теңгеден асатын жалдамалы қызметкерлердің небәрі 9%-ына ғана әсер етеді. Ал айлығы 3,4 млн теңгеден асатын қызметкерлер саны – бар болғаны 20 мың адам (0,3%). Қалған 91% жұмыс істейтін азаматтар үшін ештеңе өзгермейді.Қалған төлеушілер үшін жарна мөлшерлемелеріБірыңғай төлем төлеушілер&nbsp; &nbsp; &nbsp; &nbsp; &nbsp;Бірыңғай төлемді жеке кәсіпкерлер мен заңды тұлғалар өз қызметкерлері үшін төлейді.&nbsp;Ол жеке табыс салығын, жұмыс беруші мен қызметкердің міндетті зейнетақы жарналарын, әлеуметтік аударымдарды, сондай-ақ МӘМС бойынша жарналар мен аударымдарды қамтиды.2026 жылғы 1 қаңтардан бастап бірыңғай төлем мөлшері есептелген табыстың 24,8%-ын құрайды.Жеке кәсіпкерлер, шаруа қожалықтарының иелері және жеке практикамен айналысатын тұлғаларБұл санаттар МӘМС-ке 1,4 ЕТЖ-ның 5%-ы мөлшерінде жарна төлейді. 2026 жылы ең төменгі жалақы мөлшері өзгермегендіктен, МӘМС жарнасы да бұрынғыдай – айына 5 950 теңге болып қалады. Бұл табыс деңгейіне қарамастан төленетін тұрақты жарна.&nbsp; &nbsp; &nbsp; &nbsp; &nbsp;Айта кету керек, егер жеке кәсіпкер бір мезгілде басқа ұйымның жалдамалы қызметкері болып, ол үшін МӘМС төлемдері аударылып тұрса да, жеке кәсіпкер ретінде өзі үшін жарна төлеуден босатылмайды. Тек қызметін ресми түрде тоқтатқан немесе әрекетсіз деп танылған жеке кәсіпкерлер ғана жарна төлеуді тоқтатады.Дербес төлеушілер&nbsp; &nbsp; &nbsp; &nbsp; &nbsp;Дербес төлеушілер санатына тұрақты жұмысы жоқ және жеңілдік санаттарына кірмейтін азаматтар жатады.&nbsp; &nbsp; &nbsp; &nbsp; &nbsp;2026 жылы олар үшін МӘМС бойынша ай сайынғы жарна мөлшері 1 ЕТЖ-ның 5%-ын құрайды, яғни 4 250 теңге.&nbsp; &nbsp; &nbsp; &nbsp; &nbsp;Сақтандырылған мәртебесін алу үшін олардың өткен немесе алдағы 12 ай қатарынан төлемдері болуы тиіс. Жарналарды әр айға жеке-жеке төлеу қажет.

2026 жылы МӘМС бойынша төлемдер өзгере ме?

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қазалы ауданына жұмыс сапары кезінде орталық ауруханаға жапсарлас салынған 42 төсектік қосымша ғимараттың жұмысымен танысты.Аталған жоба Мемлекет басшысының тапсырмасына сәйкес, «Ауылда денсаулық сақтауды жаңғырту» ұлттық жобасы аясында қолға алынған. Ол бойынша 42 төсектік кардиология және инсульт орталығының құрылысы толық аяқталып, пайдалануға берілді. Құрылысты «СМП-Қызылорда», «Мекен и Компания», «АрхДизайнСтройИнжиниринг» серіктестіктері жүргізген.Ғимараттағы 42 төсек қорының 21-і кардиологиялық, 21-і инсульт бағытында жасақталып, аурухананың жалпы төсек қоры 196-дан 238-ге дейін ұлғайды. Толығымен қайтарылған активтер есебінен қаржыландырылды.<img src="https://knadmin.beoblood.kz/uploads/2_Ajma_basshysy_ortaly_auruhana_zhanynda_y_osymsha_imaratty_k_rdi_31b82e425f.jpg" alt="2Аймақ басшысы орталық аурухана жанындағы қосымша ғимаратты көрді.jpg">Алдағы уақытта мұнда аудан тұрғындары үшін аса өзекті болып келген МРТ құрылғысы орнатылып, мамандар біліктілігін арттыру көзделген. Бұдан бұрын облыс әкімінің жеке қабылдауына келген Қазалы ауданы Әйтеке би кентінің тұрғыны аурухананы компьютерлік томограф аппаратымен қамтамасыз ету мәселесін көтерген болатын. Биыл жергілікті бюджет есебінен 326,7 млн теңгеге «Philips» маркалы, 64 срезді компьютерлік томограф сатып алынды. Қазіргі уақытта КТ орналасатын бөлме дайындалуда.Аймақта «Ауылда денсаулық сақтауды жаңғырту» ұлттық жобасы аясында 10 млрд 763 млн теңгеге 27 медициналық нысан салынып, бүгінде тұрғындарға қызмет көрсетіп келеді.Фото: Қызылорда облысы әкімінің баспасөз қызметі

Аймақ басшысы орталық аурухана жанындағы қосымша ғимаратты көрді

<a href="https://kyzylorda-news.kz/">Kyzylorda-news.kz</a> &nbsp;2026 жылғы 1 қаңтардан бастап медициналық көмек пакеттеріне және оны көрсету тәртібіне қатысты бірқатар өзгерістер күшіне енеді. Әлеуметтік маңызы бар аурулар бойынша диагностика, бақылау және емдеу ТМККК аясында көрсетіледі. Ал созылмалы аурулары бар азаматтарға медициналық көмек МӘМС жүйесі шеңберінде көрсетіледі. &nbsp;Әлеуметтік медициналық сақтандыру қорында бұл өзгерістер туралы толығырақ түсіндірді.Мемлекет басшысының 2024 жылғы Жолдауындағы тапсырмалардың бірі – бюджет мүмкіндіктерімен теңгерілген және азаматтарға қажетті медициналық қызметтердің қолжетімділігін қамтамасыз ететін Бірыңғай базалық мемлекеттік медициналық көмек пакетін құру болды. Осы бағыттағы жұмыстар бір жыл бойы жүргізілді. Ал 2025 жылдың шілде айында Президент МӘМС және медициналық қызметтер көрсетуне қатысты өзгерістер мен толықтыруларды көздейтін Заңға қол қойды. Жаңашылдықтардың бір бөлігі биыл күшіне енсе, әлеуметтік маңызы бар және созылмалы аурулар тізбесіне қатысты нормалар 2026 жылғы 1 қаңтардан бастап қолданысқа енгізіледі. Осыған байланысты пациенттерді бірқатар сұрақ мазалайды: бұл өзгерістер оларға нақты қалай әсер етеді, олар медициналық көмексіз қалмай ма, сондай-ақ сақтандыру мәртебесі керек пе?Күдік пайда болды – тексерді Ең маңызды өзгерістердің бірі – әлеуметтік маңызы бар ауруға күдік болған жағдайда (бекітілген тізбе бойынша) қажетті тексерулер сақтандыру мәртебесіне қарамастан тағайындалады. Бұрын ол &nbsp;тек туберкулез немесе АИТВ инфекциясына күдік болған кезде ғана мүмкін еді.&nbsp; Ал қатерлі ісік немесе бауыр циррозы қаупі анықталған жағдайда тексерулер тек сақтандырылған азаматтарға ғана көрсетілді. Себебі бұл қызметтер МӘМС пакетіне кірді. 2026 жылдан бастап ТМККК аясында тексеру және емдеу келесі әлеуметтік маңызы бар аурулар бойынша көрсетіледі: • туберкулез; • АИТВ инфекциясы; • қатерлі ісіктер; • созылмалы вирустық гепатиттер және бауыр циррозы; • психикалық және мінез-құлықтық бұзылыстар; • орфандық аурулар; • жүйке жүйесінің дегенеративті аурулары; • орталық жүйке жүйесінің демиелинизациялаушы аурулары; • эпилепсия; • жедел миокард инфаркті (алғашқы 6 ай ішінде); • инсульт (бір жыл ішінде). Әлеуметтік маңызы бар және кең таралған ауруларды ерте анықтау мақсатында скринингтік тексерулер, оның ішінде қатерлі ісікке арналған скринингтер де сақтандыру мәртебесіне қарамастан ТМККК аясында жүргізіледі.Диагностика, бақылау және емдеу – сақтандыру мәртебесінің қорғауындаМіндетті әлеуметтік медициналық сақтандыру пакетіне диспансерлік есепте тұрған азаматтардың бірқатар созылмалы аурулары бойынша бақылау мен емдеу енгізіледі. Бұл тізімге келесі ауру түрлері кірді:&nbsp; - қант диабеті; - балалардың церебралды сал ауруы; - дәнекер тіннің жүйелі аурулары; - ревматизм; - артериялық гипертония; - жүректің ишемиялық ауруы және өзге де жүрек аурулары (жүрек жеткіліксіздігі, жүрек ырғағының бұзылыстары); - төменгі тыныс жолдарының созылмалы аурулары; - Бүйрек аурулары, оның ішінде гломерулярлық аурулар, созылмалы бүйрек ауруы;&nbsp; - ас қорыту жүйесінің аурулары; - сүйек-бұлшықет жүйесі мен дәнекер тін аурулары.Бұл диагноздары бар адамдарға амбулаториялық және стационарлық жағдайларда, соның ішінде дәрі-дәрмекпен қамтамасыз етуді, қымбат дәрі-дәрмектерді қоса алғанда, барлық қажетті ем түрлерін алуға мүмкіндік береді.&nbsp;Мысалы, Қазақстанда 1,5 миллион адам артериалды гипертензия бойынша есепте тұр. &nbsp;&nbsp;Аталған ауру түрі алғашқы медициналық-санитарлық көмек деңгейінде басқарылатын ауруларға жатады және динамикалық бақылауды дұрыс ұйымдастырған жағдайда толық бақылауда болады. Мұндай пациенттерге кардиологқа уақытылы қаралу, жағдайын бағалау және дәрілік терапияны тағайындау үшін қажетті тексерулерді өту қажет. Мысалы, электрокардиография, Холтерлік мониторинг, тәулік бойы артериалды қысымды бақылау. Денсаулық сақтау саласының заңға енгізілген өзгерістер бойынша жұмыс жасаған мамандарының айтуынша, созылмалы аурулар жиі асқынулар тудырады, себебі пациенттер өз тарапынан дәрігердің тамақтану, ұйқы режимі, дәрі-дәрмек қабылдау, аралық қабылдауларға келу сияқты ұсыныстарын жеткілікті деңгейде сақтамайды.&nbsp;Сонымен қатар, жыл сайын мидың қан айналымы мен жүрек бұлшықетінің бұзылуының (инсульт, инфаркт) 50 мыңға дейінгі жағдайы тіркеледі.&nbsp;Аталған ауруларды емдеу құны заманауи жоғары тиімді технологияларды қолдануға байланысты 7 миллион теңгені құрайды, бұл көптеген азаматтар үшін күтпеген шығын болары сөзсіз.Амбулаториялық диализ алатын бір пациенттің орташа шығыны жылына шамамен 5 миллион теңгені құрайды. &nbsp;МӘМС жүйесінің негізгі міндеттерінің бірі – медициналық көмек алу барысында азаматтарды кенеттен туындайтын жоғары шығындардан қорғау. Олар жүйеге 51 000 теңге көлемінде жарна төлеп, барлық медициналық қызметтердің толық тізіміне қол жеткізеді.&nbsp; Осылайша күтпеген жоғары шығындардан өзіңізді қорғап, денсаулығыңыздың жай-күйін бақылауда ұстау үшін МӘМС жүйесінде мәртебеңізді дер кезінде рәсімдеп, кейін жарналарды тұрақты түрде төлеу маңызды.Айта кету керек, аталмыш диагноздары бар азаматтардың көпшілігі жеңілдік санаттарына кіреді және мемлекет есебінен сақтандырылған. Тағы бір бөлігі D және E санаттарына жатады, олар келесі жылдан бастап жергілікті атқарушы органдардың жарналары есебінен сақтандырылмақ.Сондай-ақ, экономикалық тұрғыдан белсенді азаматтар өз денсаулығы үшін жауапкершілікті бөлісуге қабілетті.Жалпы, енгізілген түзетулер денсаулық сақтау жүйесінің қаржыландыру моделін сақтандыруға негізделген жүйеге жақындатуға мүмкіндік береді, бұл модельді әзірлеу кезінде бастапқыда жоспарланған бағытқа сәйкес келеді.

Емханада есепте тұрған азаматтар МӘМС туралы нені білу керек?

<a href="https://kyzylorda-news.kz/">Kyzylorda-news.kz</a> &nbsp;Өңірде «Міндетті әлеуметтік медициналық сақтандыру туралы» заңға енгізілген жаңа өзгерістерге қатысты халық арасында ақпараттық-түсіндіру жұмыстары күшейтілді. Осы күндері арнайы мобильді топ аймақтағы медициналық ұйымдардың ұжымдарымен кездесулер өткізуде. Оның құрамына Әлеуметтік медициналық сақтандыру қоры филиалының, облыстық денсаулық сақтау басқармасының және Республикалық электрондық денсаулық сақтау орталығы филиалының мамандары кірді.Кездесулер барысында медицина қызметкерлеріне МӘМС жүйесіндегі негізгі жаңалықтар жан-жақты түсіндірілуде. Атап айтқанда, 2026 жылдан бастап тегін медициналық көмектің кепілдік берілген көлеміне (ТМККК) әлеуметтік маңызы бар аурулардың 11 тобы бойынша профилактика мен диагностика енгізілетіні атап өтілді. Бұған дейін мұндай қызметтер тек АИТВ-инфекциясы мен туберкулезге күдік болған жағдайда ғана көрсетілетін.<img src="https://knadmin.beoblood.kz/uploads/mo_obhod_de5025f48f.jpg" alt="мо обход.jpg"> Енді тізім қатерлі ісіктермен, созылмалы вирустық гепатиттермен және бауыр цирозымен, психикалық және мінез-құлықтық бұзылыстармен, орфандық аурулармен, жүйке жүйесінің дегенеративті ауруларымен, демиелинизациялайтын аурулармен, эпилепсиямен, жедел миокард инфарктісімен (алғашқы 6 ай), инсульттермен (1 жыл ішінде) толықты.Сонымен қатар ТМККК-ға артериялық гипертония, ишемиялық жүрек ауруы, глаукома, қант диабеті, В және С вирустық гепатиттерін ерте анықтауға арналған скринингтер енгізілді.&nbsp; Аталған шаралар дер кезінде диагностика жүргізуге және ауруларды ерте анықтауға мүмкіндік беріп, емдеу нәтижелері мен пациенттердің өмір сапасын арттыруға оң әсерін тигізетіні атап өтілді.<img src="https://knadmin.beoblood.kz/uploads/med_aj_erke_c7951c617f.jpg" alt="мед ай ерке.jpg">Сондай-ақ 2026 жылдан бастап бірқатар созылмалы ауруды, оның ішінде артериялық гипертензияны, қант диабетін, церебралды сал аурын, ревматизмді, дәнекер тінінің жүйелі зақымдануларын, бүйрек ауруларын емдеу және бақылау емхана мен стационарда МӘМС пакетіне ауыстырылады. &nbsp;Ақпараттық-түсіндіру жұмыстары жалғасуда.

МӘМС жүйесіндегі өзгерістер туралы мобильді топ түсіндіруде

<a href="https://kyzylorda-news.kz/">Kyzylorda-news.kz</a> Жаңақорған ауданы медицинасының дамуына қырық жылдан астам уақыт үлес қосып келе жатқан ақ халатты абзал жан Молдахмет Бидашұлы – қазір «Жан Арай» шипажайының бас дәрігері. Білікті маманмен сұхбатымызда урологиялық сырқат түрлері мен ер-азаматтардың денсаулығына қатысты өзекті мәселелер сөз болды.– Дәрігерлікті таңдауыңызға не себеп болды?<blockquote>– Балалық шақ – аппақ қағаз секілді, не өрнек түссе, өшпестей жазылып қалады. Әлі есімім де қойылмаған шарана күнімде үйге соққан атақты дәрігер Модахмет Бақбаевтың құрметіне «Молдахмет» деген есімді еншілеппін. Бәлкім, осы кісіге ұқсауға тырыстым. Бұл жолдың ауыр екенін де, жауапкершілігін де сезіндім. Алғашқы еңбек жолымды аудандық ауруханада хирург болып бастадым. Қызмет барысында аудан ауруханасына жансақтау бөлімінің аса қажеттігіне көз жетті. Сол үшін Украинаның Запорожье қаласында оқып келіп, ауданда жансақтау бөлімінің ашылуына тер төктім. Кейін 2004 жылы Алматы қаласында білімімді жетілдіріп, сол қаладағы №12 ауруханада тәжірибеден өтіп, урологияны меңгердім. Содан бері медицинаның урология саласында еңбек етіп келемін. Бүгінде «Жан-арай» ЖШС-де бас дәрігер әрі уролог дәрігер ретінде қызмет атқарып жүрмін. Урология тек емдеуді емес, жан-жақты ойлануды, дәлдікті, хирургиялық дағдыны, психологиялық дайындықты қажет етеді. Аурудың сипаты жасырын жүреді, ер-азаматтар көп жағдайда дәрігерге дер кезінде қаралмайды. Сондықтан осы саланың маманы болу – өзіңе ғана емес, бүкіл қоғамға деген жауапкершілік деп ойлаймын. Урология – ерлер денсаулығымен қатар, жалпы адам ағзасының зәр-жыныс жүйелерін зерттеп, емдейтін кең ауқымды сала. Оның ішінде бүйрек, қуық, несеп жолдары, ерлердің репродуктивтік жүйесі – бәрі біздің бақылауымызда. Урологияның ерекшелігі – диагноз қоюда өте мұқият болу қажет. Ұсақ-түйек белгі үлкен аурудың басы болуы мүмкін. Мысалы, қарапайым белдің ауырсынуы кейде бүйректегі тас ауруының белгісі, ал жиі зәр шығару – қант диабеті немесе простатиттің алғашқы симптомы болуы ықтимал. Бұл салада қателесуге болмайды. Урологтың алдына келгендер ашыла бермейді. Сондықтан дәрігердің этикасы, сабырлылығы, психолог ретіндегі қабілеті өте маңызды.</blockquote>– Қазіргі уақытта ер-азаматтардың урология саласына деген көзқарасы қандай? Дәрігерге қаралу мәдениеті өзгерді ме?<blockquote>– Соңғы жылдары айтарлықтай өзгеріс байқалады. Бұрын ер адамдар көбіне «бәрі өзінен-өзі жазылады», «еркек адам ауруын айтпайды» деп жүре беретін. Ал қазір ерлер арасында урологтың көмегіне жүгінетіндер бар. Бірақ көп емес. Ауруы асқынып кеткенде ғана келеді. Әсіресе қуықасты безінің қабынуы немесе бүйрек-тас аурулары бар науқастар көбіне асқынған кезде ғана келеді. Бұл – дұрыс емес. Науқас неғұрлым ерте келсе, ем соғұрлым жеңіл әрі тиімді. Әсіресе жастар жағы денсаулыққа көбірек мән бергені абзал.</blockquote>– Урология саласында ең жиі кездесетін аурулар мен олардың себептері қандай?<blockquote>– Ең жиі кездесетіндер – простатит, бүйрекке тас байлану, цистит, пиелонефрит, несеп-жыныс жүйесінің инфекциялары, эрекцияның бұзылуы, бедеулік мәселелері. Суық тию – ол ерлер арасында простатиттің басты себебі. Екінші, артық салмақ пен дұрыс тамақтанбау бүйрек ауруларына әкеледі. Үшінші, қимылсыз өмір, яғни аз қимыл қан айналымын нашарлатып, урологиялық аурулардың қаупін арттырады. Төртінші, стресс – барлық ерлер ауруларының жасырын триггері. Жыныстық жолмен берілетін инфекциялар – үлкен проблема. Мысалы қазіргі уақытта жастардың арасында да урологиялық аурулар жиілей бастады. Себебі жұмыс көбіне компьютер алдында, қозғалыс аз, ұйқы режимі бұзылған.</blockquote>– Бүгінгі күннің алаңдатарлық мәселесі – ерлер бедеулігі жөнінде не айтар едіңіз…<blockquote>– Иә, соңғы жылдары ерлер бедеулігі өте өзекті мәселеге айналды. Бұрын адамдар бедеулік туралы кінәратты тек әйелден іздейтін. Ал қазір статистика көрсеткендей, бедеуліктің ерлер тарапынан болуы әйелдермен бірдей. Ерлер бедеулігінің себептері көп. Мәселен, жас кезден көп суықтау, созылмалы инфекциялар, гормондық бұзылыстар, варикоцеле, стресс, дұрыс өмір салтын ұстанбау, ішімдікке әуестену осының барлығы себеп болуы бек мүмкін. Бірақ бұл емделмейтін дерт емес. Ең бастысы, дер кезінде тексеріліп, дұрыс ем қабылдау. Урологияда ең үлкен қателік – науқастардың өз бетімен ем қабылдауы. Мысалы, простатитке қарсы дәрілерді шамадан тыс ішіп қойса, керісінше ағзаның гормондық жүйесін бұзуы мүмкін. Тағы бір үлкен қателік – интернеттен оқып, өздеріне диагноз қойып, емделу. Бұл дұрыс емес. Интернеттегі ақпарат көзінің қайдан алынғаны белгісіз. Дұрыс қабылданбаған ем үлкен қателіктерге соқтыруы мүмкін. Сондықтан ең алдымен дәрігерге қаралу міндет.</blockquote>– Шипажайдың емдік ерекшелігі жөнінде не айтасыз…<blockquote>– Адамның денсаулығы – адам тағдырының тетігі. Емделушілер қатарында 19 және 17 жыл бойы бала сүймеген ерлі-зайыптылардың осы жерден ем алғаннан кейін сәбилі болған қуанышымен бөлісуі біздің де еңбегімізге шабыт сыйлағанын айтқым келеді. Көптеген ер азаматтар дәрігерге қаралудан ұялады. Бұл қате түсінік. Осы саладағы бірнеше жылдық тәжірибемде менің түсінгенім урология саласында тек емдеу емес, ағарту, түсіндіру, психологиялық қолдау көрсету де маңызды.</blockquote>– Ер-азаматтардың денсаулығын жақсарту үшін қандай кеңестер берер едіңіз…<blockquote>– Жылына кемі бір рет урологқа қаралу маңызды. Суыққа отырмауға, аяқ-қолды жылы ұстауға тырысу керек. Дұрыс тамақтану – майлы, тұзды тағамды азайту, күніне кемі 1,5-2 литр су ішу, қозғалысты арттырып, спортпен айналысуды да дағдыға айналдырса деймін. Бүгінде жастардың урологиялық ауруларға шалдығуы жиі байқалады. Бұл дұрыс тамақтанбау мен қозғалыстың аздығынан дер едім.</blockquote>– Ауруды ауыздықтауда қандай кешенді шаралар қажет?<blockquote>– Бізге жас мамандардың тәжірибесін шыңдайтын орталықтарды көбейту қажет. Заманауи аппараттар, сапалы диагностика барлық аудан-ауылдарда қолжетімді болуы тиіс.</blockquote>– Отбасыңызда өзіңіздің ізіңізді жалғаған балаларыңыз бар ма?<blockquote>– Бізді «дәрігерлер отбасы» деп атаса болады. Өйткені, келіншегім 40 жылға жуық аудандық емханада мейірбике болды. Ұлым Бейбіт Қызылорда қаласындағы СЭС-тің басшысы болса, қызым Ақсәуле аудандық аурухананың балалар бөлімінің меңгерушісі, қызым Ақжелен «Қызылқұм» өндірісінде дәрігер. Тек бір ұлым ғана темір жол саласында қызмет атқаруда.</blockquote>– Жастарға қандай тілек айтасыз?<blockquote>– Ер азамат – отбасының, елдің тірегі. Денсаулық – Алланың берген аманаты. Сол аманатты күту әр адамның өз қолында. Қазақта «Ауырып ем іздегенше, ауырмайтын жол ізде» деген нақыл бар. Уақытында тексеріліп, жоспарлы қаралып тұру – ер адамның өз отбасына деген жауапкершілігі. Барша ер-азаматқа зор денсаулық, қажымас күш, шалқар ғұмыр тілеймін.</blockquote>Айсұлу АЛДАНАЗАР

Деннің саулығы – жанның байлығы

<a href="https://kyzylorda-news.kz/">Kyzylorda-news.kz</a> «Ауылда денсаулық сақтауды жаңғырту» ұлттық жобасы аясында өңірдің барлық аудандарында 28 медициналық нысан салынды. Бұл туралы ОКҚ алаңында аймақ басшысы Нұрлыбек Нәлібаев айтты.<blockquote>«Қызылорда қаласында 300 орындық көпбейінді аурухана орталығы салынуда. Төрт аудандағы орталық ауруханалар жанынан жаңа қосымша ғимараттар бой көтерді. Екі ауданда жұқпалы аурулар бөлімшесінің жаңа ғимараттары салынып, ел игілігіне пайдалануға берілді. Қан орталығы ашылды. Жақын күндері облыс орталығында 200 орындық перинаталдық орталық ғимараты мен 500 орындық емхананының құрылысы басталады. Сонымен қатар, Қызылорда қаласында 400 орындық емхананың құрылысы қолға алынады», - деді спикер баспасөз конференциясы барысында.</blockquote>Оның айтуынша, барлық елді мекендердегі денсаулық сақтау ұйымдары арнайы қызметтік автокөліктермен 100% қамтамасыз етілді.Фото: @ortcom_kz

Қызылорда облысында денсаулық сақтау инфрақұрылымы жаңғыртылуда

<a href="https://kyzylorda-news.kz/">Kyzylorda-news.kz</a> Тағы 7 адам еліміздегі медициналық ұйымдарда шетелден шақырылған мамандардың қатысуымен ем қабылдады. Мұндай медициналық көмекті алу тәртібі туралы Әлеуметтік медициналық сақтандыру қоры басқарма төрағасының орынбасары Светлана Пономарева айтып берді.Көпшілік Қазақстан азаматтарын шетелде емдеуге жіберу және шетелдік дәрігерлерді Қазақстанның медициналық ұйымдарында ем жүргізу үшін тарту жөнінде арнайы бағдарлама бар екенін біле бермейді. Мұндай емдеу Тегін медициналық көмектің кепілдік берілген көлемі (ТМККК) қаражаты есебінен қаржыландырылады. Жұмысшы орган ретінде Әлеуметтік медициналық сақтандыру қоры айқындалған. Қор пациенттердің құжаттар пакетін қалыптастырып, оларды шетелдік клиникаларға жолдайды, емдеу бағдарламалары бойынша ұсыныстар алады, содан кейін шешім қабылдау үшін Денсаулық сақтау министрлігі жанындағы комиссияның қарауына ұсынады. Пациенттерді осындай емге жіберу тәртібі Қазақстан Республикасы Денсаулық сақтау министрлігінің №45 бұйрығымен бекітілген Қағидалармен реттеледі.Бұл емге кімдер үміткер бола алады?Светлана Пономареваның айтуынша, 18 жасқа дейінгі балалар Қазақстанда көрсетілмейтін жоғары технологиялық медициналық көмекке көрсеткіштері болған жағдайда шетелге емделуге жіберілуі мүмкін.Ал ересек азаматтар белгілі бір аурулар бойынша ғана шетелдік клиникаларға жіберіледі. Олардың тізбесі Денсаулық сақтау министрлігінің бұйрығымен бекітілген.Пациенттердің үшінші санаты – қызметтік міндеттерін атқару кезінде ауыр жарақаттар мен зақымдар алған құқық қорғау органдарының қызметкерлері мен ҚР Қарулы Күштерінің әскери қызметшілері. Ерекше жағдайларда, яғни Қазақстанда бұндай жоғары технологиялық медициналық көмек көрсетілмейтін кезде Қазақстан Республикасы Президентінің немесе Премьер-Министрінің тапсырмасы бойынша шетелде емделуге жіберіледі.2025 жылдың аралық қорытындыларыОсы жылдың 1 желтоқсанындағы жағдай бойынша, бюджет қаражаты есебінен бағдарлама шеңберінде 77 пациент ем алды. Оның 70-і шетелдік клиникаларда, ал 7-еуі шетелдік мамандардың қатысуымен Қазақстандағы медициналық ұйымдарда өткен шеберлік сағаты аясында ем алды.«Олардың емделуіне 1 млрд теңгеден астам қаржы жұмсалды. Бір жағдайдың орташа құны шамамен 13 млн теңгені құрайды. Алайда бұл ауру түріне және жүргізілген емге байланысты. Мысалы, қан ауруымен ауырған бір пациентке мемлекет шамамен 35 млн теңге, несеп-жыныс жүйесі аурулары бойынша – 32 млн теңге, неврологиялық аурулар бойынша – 17 млн теңгеге жуық&nbsp;қаражат жұмсады. Бұл бір отбасы көтере алмайтын шығын. Сондықтан тегін медициналық көмектің кепілдік берілген көлемі есебінен қаржыландырылатын бұл бағдарлама азаматтарымыз үшін таптырмас қолдау», – деді Қор өкілі.Жалпы осы кезеңде ең көп емделгендер туа біткен ақаулары бар (32 адам) және онкологиялық аурулары бар (26 адам) азаматтар болды.Қолданылған емдеу технологияларына тоқталсақ, 24 жағдайда туа біткен тамыр ақауларына операция жасалған, 9 жағдайда онкологиялық ауруларды емдеу үшін протондық терапия қолданылған, 7 жағдайда радиоактивті йодпен ем жүргізілген. Сонымен қатар 6 жағдайда бауыр трансплантациясы мен кардиохирургиялық операциялар жасалды, сондай-ақ басқа да жоғары технологиялық емдеу әдістері қолданылды.2025 жылы пациенттерді емдеу үшін ең жиі таңдалған елдер – Германия (24 жағдай),&nbsp;Түркия (17 жағдай)&nbsp;және&nbsp;Үндістан (13 жағдай). Сондай-ақ пациенттер Ресей Федерациясына, Беларуське және Испанияға жіберілді.ӘМСҚ өкілінің айтуынша, шетелде емделуге үміткер пациенттердің құжаттарын өңірлік денсаулық сақтау басқармалары дайындап, республикалық деңгейде қарауға ұсынады. Сондықтан бағдарлама талаптарына сай келетін пациенттер ең алдымен өз өңіріндегі денсаулық сақтау басқармасына жүгінуі қажет. Айта кету керек, егер азаматтар шетелге өз бастамасымен (республикалық комиссияның шешімінсіз) барып емделсе, мемлекет олардың шығындарын өтей алмайды.

2025 жылы 70 қазақстандық мемлекет есебінен шетелде емделді

<a href="https://kyzylorda-news.kz/">Kyzylorda-news.kz</a> «МСАК&nbsp;көшбасшысы»&nbsp;республикалық&nbsp;байқауының&nbsp;қорытындысы бойынша Қызылорда&nbsp;облысының&nbsp;үздік&nbsp;емханалары&nbsp;белгілі&nbsp;болды. Байқаудың ұйымдастырушысы – Әлеуметтік медициналық сақтандыру қоры.1 қыркүйек пен 30 қараша аралығында өңірдегі медициналық-санитарлық алғашқы көмек көрсету ұйымдары арасында, Қор филиалының медициналық қызмет көрсетушілері болып табылатын 24 медициналық ұйым үздік атағы үшін бақ сынасты.Байқау нәтижесі бойынша:I орын – №6 қалалық емханаға,II орын – №4 қалалық емханаға,III орын – Шиелі аудандық көп бейінді орталық ауруханасына берілді.Сонымен қатар, байқауға&nbsp;белсенді&nbsp;қатысқаны үшін Сырдария&nbsp;аудандық&nbsp;ауруханасының&nbsp;маманы&nbsp;Әсел Аябекова Алғыс&nbsp;хатпен&nbsp;марапатталды.Облыстық Қор филиалының директоры Жақсылық Абдусаметовтың айтуынша, байқаудың басты мақсаты – міндетті әлеуметтік медициналық сақтандыру жүйесінің артықшылықтарын кеңінен насихаттау және МСАК ұйымдарының жұмысын жандандыру.Байқау ережесіне сәйкес, медициналық ұйымдар бес индикаторлық көрсеткіштер бойынша бағаланды. Атап айтқанда:МӘМС жүйесінен тыс қалған азаматтардың санын азайту;Пациенттерді қолдау және ішкі бақылау қызметінің жұмысы туралы ақпараттық материалдар мен түсіндірмелер саны;МӘМС мүмкіндіктері жайлы өз парақшаларындағы, БАҚ-дағы жарияланымдары;Қор филиалына МСАК ұйымына түскен шағымдардың саны;Тәуліктік стационарларға шұғыл түрде жатқызылған диспансерлік есепте тұратын пациенттердің үлес салмағын азайту;Сайыстың нәтижесі Қордың, Қор филиалының, Денсаулық сақтау басқармасының, Медициналық және фармацевтикалық бақылау комитетінің және «Денсаулық сақтау жүйесі қызметкерлерінің «SENIM» салалық кәсіподақ ұйымы» филиалы өкілдерінен тұратын комиссия шығарды.Қор филиалының директоры Жақсылық Абдусаметов жеңімпаз ұжымдарға алғыс білдіріп, халыққа сапалы медициналық көмек көрсетудегі еңбектеріне жоғары баға берді.Еске сала кетейік, «МСАК көшбасшысы» байқауы 2024 жылы басталған. Алғашқы жеңіс тұғырына «ALEXEY SULTAN-AKHMET» ЖШС ұжымы ие болған еді.<img src="https://knadmin.beoblood.kz/uploads/lidery_2025_09221fabd6.jpeg" alt="лидеры 2025 ++.jpeg">

Емханалар арасындағы байқаудың қорытындысы белгілі болды

<a href="https://kyzylorda-news.kz/">Kyzylorda-news.kz</a>&nbsp; Мейірбике – денсаулық сақтау саласының ең маңызды тұлғаларының бірі. Ақ халатты абзал жан ретінде ол науқасқа тек ем-дом ғана емес, мейірім мен жан жылуын да сыйлайды. Мейірбикенің сабырлы мінезі мен жауапкершілігі науқастың тез сауығуына үлкен әсер етеді.Мейірбике дәрігердің тапсырмаларын мұқият орындап, науқастың жағдайын үнемі бақылауда ұстайды. Оның жылы сөзі, қамқорлығы мен күлімсіреген жүзі кез келген жанға үміт сыйлайды. Бұл мамандық үлкен төзімділік пен адамгершілікті талап етеді.&nbsp;Ақ халатты абзал жан – мейірбикелердің еңбегі қашанда құрметке лайық. Олардың адам өмірін сақтаудағы еңбегі баға жетпес.&nbsp;<blockquote>Адамға екінші өмір сыйлай білетін ақ халатты абзал жандардың еңбегін ескерусіз қалдырғанымыз жөн болмас. Біздің бүгінгі кейіпкеріміз 40 жыл бойы медицина саласында еңбек етіп келе жатқан – Ания Ораққызы.</blockquote>&nbsp;Өз қадір-қасиеті мен ар-ожданын биік ұстайтын Ания Серікбаева 1964 жылы 17 қазан күні Арал ауданы Бөген ауылдық округінде дүниеге келген. Ол 1972-1982 жылдар аралығында №15 орта мектептен білім алған. Кейін бала кезінен медицина қызметкері болуды арман етіп, сол мақсатына жету үшін 1983-1986 жылдары Алматы қаласындағы Республикалық медицина училищасын тәмәмдаған. Алғашқы еңбек жолын 1986 жылы "Балалар кеңес беру орталығында" аймақтық аяжан қызметінен бастайды. Ал 1986-1992 жылдары хирургия бөлімшесінде пост аяжаны болып жұмыс істейді. 1992 жылдан қазіргі күнге дейін Диагностика бөлімшесінің Узи кабинетінде Аға мейіргер болып еңбек етіп келеді. Аяжан Ораққызы өзінің бұл салаға келуі жайында:<blockquote>– Өзімнің үлкен Қағаз Серікбаева есімді әпкем қазіргі күні Алматы қаласында министерлікте қызмет етеді. Яғни, еліміз бойынша туберкулезге қарсы мекемелердің үстінен қарайды. Міне мен сол кісіге қызықтым. Біз бала күнімізде ол кісі Алматы қаласынан медицина саласы бойынша білім алып Аралдағы туберкулезге қарсы диспансерінде қызметте болды. Одан кейін әпкем әрі қарай білімін жетілдіру мақсатында оқуын жалғастырды. Сол кісі секілді болсам, үстіме ақ халатты киіп, адамдарды емдесем деп армандайтынмын. Қазір бала арманым орындалды деп толықтай айта аламын,– деді кейіпкер.</blockquote>Қиындығы мен қызығы қатар жүретін бұл салада түрлі оқиғалар болатыны анық. Расымен де, күнделікті неше түрлі диагнозбен келетін науқастар болады. Медицина саласы қызметкерлерінің әр күні қарбаласқа толы өтетінін айтпаса да барлығымызға белгілі.<blockquote>– Адам өмірін аман алып қалу бірінші Жаратушымыздың қолында болса, екінші медицина саласы қызметкерлерінің қолында екені анық. Алдыңа науқас қиналып келген кезде оның жан-қиналысының өзін жүрекпен сезіне білудің өзі нағыз маманның ісі деп ойлаймын. Осы уақытқа дейін қаншама науқастың өмірін аман алып қалып, алғысқа бөленіп те келемін. Менің еңбек жолымдағы барлық күндерім қиналсам да, қуансам да өзімді сол маман иесіне сай ұстадым деп ойлаймын. Қазіргі жұмыс барысым да оңай емес. Жалпы диагностика бөлімшесі 2000 жылы ашылды. Бүгінде мұнда 17 кабинет бар, қысқаша атап өтсек, компьютерлік томография, УЗИ, ЭКГ, рентген және физиотерапия секілді кабинеттерден науқастар уақытылы ем алады. Мен осы аталған кабинеттерде Аға мейіргерлік қызметімді атқарып, уақытымен дәрі-дәрмектерін жеткізіп, құрал-жабдықтарын толықтырамын. Алдыма келген әр ем алушыға жылы қабақ танытып, құрмет көрсетіп келеді бөлімшеміз. Сонымен бірге үлкен лабараториялық бөліміміз бар. Ол жақта біз анализдерді тексереміз, –деді Ания Серікбаева өз жұмысы жайлы.</blockquote>Кейіпкеріміз бүгінде 4 баланың анасы болса, 7 немеренің ақ жаулықты әжесі атанып отыр. Жұрт қызығарлықтай бұл отбасында да медицина саласына қызмет етіп, адам жанының арашасы болып жүрген абзал жандар да бар. Ания Ораққызының жолдасы Алдаберген Қалиұлы алғаш 1986 жылы Арал ауданында реанимация бөлімшесін ашқан. Еңбек жолын осы салаға арнады және әлі де қызметте. Үлкен баласы жедел-жәрдем бөлімінде жұмыс істесе, ал үлкен қызы Ақтөбе қаласындағы медициналық академияда декан қызметінде.<blockquote>&nbsp;– Шеберлік пен білімді ұштастырған мейіргерлер қызметі көпке үлгі. Бізге жұмыс барысында ешқашан қателесуге болмайды. Сол үшін ұдайы тәжірибелік білімімізді жетілдіріп, ізденіс үстінде жүреміз. Міне, осы үшін де дертке шипа, жанға дауа сыйлай білген әріптестерімнің қоғамдағы орны маңызды,–деді Ания Ораққызы.</blockquote>А.НҰРЛАНОВА

Қазақстан және Қызылорда облысының жаңалықтары: Денсаулық