<a href="https://kyzylorda-news.kz/">Kyzylorda-news.kz</a> Денсаулық сақтау министрінің 2025 жылғы 19 мамырдағы бұйрығымен белгілі бір аурулары бар азаматтардың жекелеген санаттарына тегін және жеңілдікпен амбулаториялық қамтамасыз ету үшін дәрі-дәрмек пен медициналық бұйымдардың тізбесіне өзгерістер енгізілді. Бұл туралы <a href="https://kaz.inform.kz/news/kepldendrlgen-tegn-meditsinalik-komek-ayasinda-berletn-dar-darmek-tzm-zhanartildi-b02e19/">kaz.inform.kz</a> хабарлады.&nbsp;Динамикалық бақылауда тұрған барлық санаттағы пицентке:Ригексифенидил Хлорпромазин Левомепромазин Трифлуоперазин Галоперидол, майлы ерітінді (инъекцияға арналған) Клозапин Оланзапин Рисперидон, ұзақ әсер ететін бұлшықет ішіне енгізуге арналған суспензия дайындауға арналған ұнтақ, ішуге арналған ерітінді. Палиперидон, ұзақ әсер ететін бұлшықет ішіне енгізуге арналған суспензия. Диазепам Амитриптилин Венлафаксин, капсула Амисульприд, ішуге арналған ерітінді Опиоидты агонисттермен демеуші терапия алатын пациенттерге: Метадон, ішуге арналған ерітінді 2-4 деңгейлі қауіп дәрежесіндегі артериялық гипертензия (динамикалық бақылауда тұрған барлық санаттағы пациент үшін): Индапамид, капсула Метопролол Бисопролол Амлодипин Кандесартан Эналаприл Периндоприл Диуретиктермен біріктірілген периндоприл Фозиноприл Негізгі терапия тиімді болмаған жағдайда Моксонидин 2-4 деңгейлі қауіп дәрежесіндегі артериялық гипертензия (динамикалық бақылауда тұрған балалар үшін): Индапамид капсула Метопролол Бисопролол Амлодипин Кандесартан Эналаприл Периндоприл Диуретиктермен біріктірілген периндоприл Фозиноприл Негізгі терапия тиімді болмаған жағдайда Моксонидин.Аталған бұйрық 2025 жылғы 4 маусымнан бастап күшіне енеді.&nbsp; Еске салайық, кепілдендірілген тегін медициналық көмектің бірқатары енді сақтандыру есебінен көрсетілетіні туралы жазған едік.Фото: freepik.com

Кепілдендірілген тегін медициналық көмек аясында берілетін дәрі-дәрмек тізімі жаңартылды 

<a href="https://kyzylorda-news.kz/">Kyzylorda-news.kz</a> Бес жыл бұрын әлемді дүр сілкіндірген “Омикрон” штамы Азияда қайта күшейіп келеді. Әсіресе Гонконг пен Сингапурде жағдай ушығуда. Қазіргі таңда 14 мыңнан астам адамнан “LP.8.1” деп аталатын вирустың жаңа нұсқасы анықталған. Жаңа толқынның таралуы жаһан жұртын алаңдатып отыр. Эпидемиологиялық ахуал нашарлай берсе, вакцина салу жұмыстары қайта басталуы ықтимал, - деп хабарлайды <a href="https://dauletten.kz/articles/aziyada-covid-tin-zhana-turi-taraluda">Dauletten.kz.</a>Гонконг, Сингапур, Қытай және Таиландтағы жағдай көңіл көншітпейді. Гонконг дәрігерлері “Омикронның” жаңа толқыны басталғанын растады. Тек осы айдың өзінде 30-дан астам адам көз жұмды. Сингапурде ай басталғалы бері 14 мыңнан аса науқас тіркелген. Күн сайын шамамен 130 адам ауруханаға түсуде. Олардың көбі — 65 жастан асқандар.Отандық мамандар вирустың жаңа штамының белгілерін атап өтті.<blockquote>- COVID-тің жаңа түрі баяу таралуда. Бұл – “Омикрон” штамының мутацияланған нұсқасы. Қазіргі таңда ол аса қауіп төндірмейді. Иә, шағын толқын байқалады. Бұл мутация вирустың белок құрылымына әсер еткен. Белгілері — тамақтың ауырсынуы, мұрынның бітелуі, түшкіру және құрғақ жөтел”, – дейді медицина ғылымдарының докторы Дмитрий Еделев.</blockquote>Сонымен қатар, әлсіздік сезіліп, дене сырқырай бастайды. Бірнеше күннен кейін температура 39 градусқа дейін көтеріліп, жағдай күрделене түсуі мүмкін. Биыл Қазақстанда 329 жағдай тіркелген, өлім-жітім жоқ. Бұл көрсеткіш былтырғыдан төрт есе аз. Елдегі эпиджағдай бақылауда болғандықтан, үрейленуге негіз жоқ, дейді жауапты мекемелер.Мамандардың айтуынша, “Омикрон” бұрынғыдай қауіпті емес, науқастарда ауру жеңіл түрде өтеді. Адамзатқа тікелей қатер төндіріп тұрған жоқ. Қазақстанда жағдай тұрақты. “Алаңдауға, дүрбелеңге түсуге себеп жоқ”,–дейді ҚР Денсаулық сақтау министрлігі Санитарлық-эпидемиологиялық бақылау комитеті басқармасының басшысы Жасұлан Алпысбаев.Айта кетейік, Дүниежүзілік денсаулық сақтау ұйымы COVID-19 пандемиясын жариялағанына биыл бес жыл толды. Осы уақыт ішінде әлем бойынша 700 миллионнан астам адам вирус жұқтырып, 7 миллионы қайтыс болды. Бұл індет адамзат тарихындағы ең қауіпті эпидемиялардың бірі болып есептеледі. Бұрын-соңды болмаған шектеулер енгізіліп, халық ұзақ уақыт карантинге жабылған еді. Сондықтан халықтың алаңдауы – орынды.Фото: Нұрболат Нұржаубай

Азияда COVID-тің жаңа түрі таралуда

<a href="https://kyzylorda-news.kz/">Kyzylorda-news.kz</a>&nbsp; Премьер-министр Олжас Бектеновтің төрағалығымен өткен Үкімет отырысында оқу жылын аяқтау және каникул кезеңінде оқушылардың сауықтыру демалысын, бос уақытын және жұмыспен қамтылуын ұйымдастыру мәселесі қаралды, - деп хабарлайды <a href="https://dauletten.kz/articles/elimizdegi-mektepterde-stomatologiyalyq-kabinetter-ashylady">Dauletten.kz.</a>Денсаулық сақтау министрі Ақмарал Әлназарова елімізде 7 мыңнан астам мектеп жұмыс істейтінін, олардың әрқайсысы емханаға бекітілгенін хабарлады. Бүгінгі таңда 95% медбикелермен қамтамасыз етілген.<blockquote>– 2024 жылдың қорытындысы бойынша оқушылардың 90%-ы профилактикалық тексеруден өтті, бұл өткен жылғы деңгейден 9%-ға жоғары. Балаларды динамикалық бақылаумен қамту 3%-ға өсті. Көбінесе ас қорыту, көру, тыныс алу ағзаларының аурулары, сондай-ақ стоматологиялық проблемалар анықталады, – деп атап өтті министр.</blockquote>Цифрландыру вакцинация мен тексерулерді автоматтандыруды, өтініштерді онлайн-тіркеуді, eGov және СМС арқылы 1414-ке ата-аналармен байланысты, "Күнделік", "Bilim.Class", "Білімал",&nbsp;"EDUS.Mektep"&nbsp;платформаларымен интеграцияны қамтиды. &nbsp;Басқа ведомстволармен бірлесіп "Денсаулық сабақтары", жарақаттанудың алдын алу жөніндегі жол карталары, "Денсаулыққа ықпал ететін мектептер"&nbsp;бастамасы және 2030 жылға дейінгі мектеп медицинасын ғылыми зерттеу жобалары іске асырылуда.Фото: Нұрболат Нұржаубай

Еліміздегі мектептерде стоматологиялық кабинеттер ашылады

<a href="https://kyzylorda-news.kz/">Kyzylorda-news.kz</a> &nbsp; Бүгін Қызылордада облыс әкімі Нұрлыбек Нәлібаевтың қатысуымен «Қазақстан Республикасында тәуелсіз мейіргерлік қызметтің озық тәжірибелерін енгізу» тақырыбында халықаралық ғылыми-тәжірибелік конференция өтті. Оған Денсаулық сақтау министрі Ақмарал Әлназарова, Дүниежүзілік денсаулық сақтау ұйымының Қазақстандағы сақтандыру кеңсесі басшысы Скендер Сыла, онлайн режимде Дүниежүзілік денсаулық сақтау ұйымы Еуропалық аймақтық бюросының директоры Ханс Клюге, Германия, Қырғызстан, Латвия, Өзбекстан, Ресей, Түркия, Финляндия мемлекеттерінің өкілдері, ғалымдар, барлық өңірдің денсаулық сақтау басқармасының басшылары, дәрігерлер, мейіргерлер, медициналық оқу орындары мен клиника басшылары қатысты.Конференцияда аймақ басшысы денсаулық сақтау саласының қызметкерлеріне арналып 100 пәтерлік жаңа тұрғын үй салынатынын айтты.<blockquote>«Өңірде медицина қызметкерлерін шетелде оқыту үрдісі 5 жылдан соң қайта жаңғыртылып, қолға алынды. Саланы білікті кадрлармен қамтамасыз ету де басты назарымызда. Былтыр жергілікті бюджет қаражаты есебінен мамандар біліктілігін арттыруға 144 млн теңге бөлінді. Облыстың медициналық ұйымдарының 30 дәрігері хирургия, эндоскопия, неврология, кардиохирургия, неанаталды хирургия, балалар ортопедиясы бойынша Түркия, Ресей, Беларусь Республикаларының жетекші клиникалық-академиялық базаларында білім жетілдірді. Колледж оқытушыларының өзге елдерде тағылымдамадан өтіп, жастардың да тәжірибе алмасуы ертеңгі күні өз жемісін береді. Аймақта медицина мамандарын даярлауға, біліктілігін арттыруға әркез қолдау көрсете береміз. Бүгінгі жас маман – ертең адам өмірі мен денсаулығының сақшысы.Өңірге аса қажетті медицина мамандықтары бойынша 176 резидент облыс әкімінің грантымен білім алуда. «Жалпы тәжірибелі дәрігер» мамандығы бойынша маман даярлауға облыс әкімінің 177 білім беру гранты бөлінді. Халықаралық байланыстың артуы болашақ тәжірибелі мамандар даярлауға зор үлес қосуда.Жалпы әлеуметтік сала қызметкерлерінің тұрмысына баса назар аударып, материалдық қолдауды тұрақты көрсетіп келеміз. Өткен жылы мәдениет саласының қызметкерлеріне алғаш рет көпқабатты тұрғын үй салынып, 40 жаңа қызметтік пәтер табысталды. Бүгінгі халықаралық маңызды шарада денсаулық сақтау саласының қызметкерлеріне де 100 пәтерлік жаңа тұрғын үй салу жөнінде шешім қабылдадық. Жақын арада құрылысы басталып, жыл соңына дейін табысталады», – деді Н.Нәлібаев.</blockquote>Айта кетейік, соңғы екі жылда облыстың барлық елді мекеніндегі денсаулық сақтау мекемелеріне 225 жаңа санитарлық автокөлік табысталды. Халық сұранысына сәйкес 45 жедел жәрдем көлігі алынып, облыстық медициналық жедел жәрдем стансасы 100 пайыз қамтамасыз етілді. Осылайша санитарлық автокөлікпен қамту мәселесі толық шешімін тапты.<img src="https://knadmin.beoblood.kz/uploads/Densauly_sa_tau_salasyny_yzmetkerlerine_100_p_terlik_zha_a_t_r_yn_j_2_d3781385df.jpg" alt="Денсаулық сақтау саласының қызметкерлеріне 100 пәтерлік жаңа тұрғын үй 2.jpg">Аймақтың медицина саласын өркендетуге бюджеттен тыс ресурстар да тартылуда. «Қазақстан халқына» қоғамдық қоры соңғы екі жылда өңірдің денсаулық сақтау саласына 4 млрд. теңге қаржы бағыттады. Бұл қаржыға облыстық балалар ауруханасы базасында «Қамқорлық» орталығы ашылып, қажетті дәрі-дәрмек алынды. Қор облыстық онкология орталығын құны 1 млрд. 100 млн. теңге тұратын скрининг жүргізуге арналған жылжымалы медициналық кешенмен қамтамасыз етті. Мұндай кешен республиканың 3 өңірінде ғана бар. Қазір шалғай елді мекендердегі тұрғындарға тұрақты қызмет етуде.<img src="https://knadmin.beoblood.kz/uploads/Densauly_sa_tau_salasyny_yzmetkerlerine_100_p_terlik_zha_a_t_r_yn_j_1_fbc21f9bdc.jpg" alt="Денсаулық сақтау саласының қызметкерлеріне 100 пәтерлік жаңа тұрғын үй 1.jpg">Атқарылған жұмыстар нәтижесіз емес, өмір сүрудің орташа ұзақтығы облысымызда 74,5-тен 75,2 жасқа артты.Фото: Қызылорда облысы әкімінің баспасөз қызметі

Облыс әкімі: «Денсаулық сақтау саласының қызметкерлеріне 100 пәтерлік жаңа тұрғын үй салу жөнінде шешім қабылдадық»

<a href="https://kyzylorda-news.kz/">Kyzylorda-news.kz</a> Бүгін Мемлекеттік қызмет істері агенттігінің төрағасы Дархан Жазықбай Президенттік жастар кадр резервіне кезекті іріктеудің ерекшеліктері мен кезеңдері туралы айтты.Агенттік төрағасы, Президенттік жастар кадр резерві – дарынды, бастамашыл, кәсіби білікті жастарды мемлекеттік басқару жүйесіне тартуға бағытталған маңызды жоба екендігіне назар аударды. Мемлекет басшысы Президенттік жастар кадр резервінің форумында атап өткендей, «еліміздегі бизнес, ауыл шаруашылығы, қаржы, медицина, білім және басқа да секторларда табысты еңбек етіп жүрген адамдар жеткілікті. Нақты нәтижеге ұмтылып, тұтынушының қажеттілігін өтеу үшін жұмыс істейтін осындай мамандардың әлеуетін жұмылдыру керек».Бұған дейін 2019, 2021 және 2023 жылдары өткен іріктеулерге қатысуға жалпы 60 мыңнан астам қазақстандықтар қызығушылық танытты. Іріктеулер қорытындысы бойынша резервке 400 адам қабылданды. Бүгінде олардың 318-і жауапты қызметтерге тағайындалып, экономиканың түрлі салаларында еліміздің дамуына өз үлестерін қосуда.Атап айтқанда, 167 – орталық мемлекеттік органдарда, 37 -жергілікті атқарушы органдарда, 62 – ұлттық компанияларда, 52 – өзге ұйымдарда қызмет атқаруда. Сондай-ақ 39 резервші саяси лауазымдарда, 3 – «А» корпусының лауазымдарында, 2 – Мәжіліс депутаты, 1 – мәслихат депутаты болып қызмет етуде.Дархан Жазықбайдың айтуынша, биылғы іріктеудің басты ерекшелігі – әр бағыт бойынша кандидаттардың біркелкі санын қамтамасыз ету мақсатында әрбір кезеңде пропорционалды іріктеу өткізу. Резервтің әр салалық бағыты бойынша квоталар қарастырылып, іріктеу сол салалық бағыт бойынша ғана жүргізілетін болады. Бұл әдіс салалар арасындағы теңгерімді қамтамасыз етіп, нақты бағыттар бойынша үміткерлерді іріктеуді қамтамасыз етеді.Іріктеу мемлекеттік аппараттың салалық кадрларға қажеттілігін ескере отырып, инфрақұрылым, өнеркәсіп және сауда саясаты, агроөнеркәсіптік кешен және қоршаған орта, сыртқы саясат және инвестициялар; экономикалық және қаржылық саясат, цифрландыру, әлеуметтік саясат және азаматтық қоғам сынды 6 негізгі сала бойынша жүргізіледі. Кандидат тіркелу кезінде көрсетілген салалық бағыттардың бірін таңдауы қажет.Үміткерлерге қойылатын талаптар өзгеріссіз қалады: іріктеуге жасы 35-тен аспаған, жоғары білімі және 5 жыл жалпы жұмыс тәжірибесі бар, мемлекеттік тілді В1 деңгейінен төмен емес меңгерген Қазақстан Республикасының азаматы қатыса алады.Президенттік жастар кадр резервінің мүшесі болу үшін үміткерлер 6 кезеңнен тұратын кешенді іріктеуден өтуі тиіс.Құжаттарды қабылдау – 1-30 маусым аралығында pkrezerv.gov.kz ресми платформасында онлайн режимде жүзеге асырылады. Іріктеудің объективтілігін қамтамасыз ету үшін кандидаттардың деректері жеке нөмір беру арқылы жасырылады. Бағалаушылар үшін үміткердің кім екендігі беймәлім болады.Мәтіндік және сандық ақпаратпен жұмыс істеу қабілетін бағалау – тестілеу прокторинг жүйесімен, аудио және бейнефиксациямен өтеді, әділдік пен ашықтық қамтамасыз етіледі. Талаптарға сәйкес келетін барлық кандидаттар мәтіндік ақпаратпен жұмыс істеу қабілетін бағалаудан өтеді. Бұл ретте сандық тестілеуге әр салалық бағыт бойынша ең көп балл жинаған кандидаттардың 50%-ы жіберіледі.Ситуациялық тапсырмаларды шешу кезеңі – кандидаттардың таңдаған салалық бағыттарына байланысты нақты проблемаларды шешу бойынша ұсыныстарын бағалауға бағытталған. Бұл кезең онлайн-режимде эссе жазу форматында өтеді.Ассессмент-орталығы мен құзыреттер бойынша сұхбат – офлайн форматта, Президент жанындағы мемлекеттік басқару академиясында өтетін бұл кезеңде үміткерлер мінез-құлық индикаторлары және кәсіби құзыреттер бойынша топтық және жеке тапсырмалардан өтеді. Онлайн форматтағы жеке сұхбат кәсіби HR-менеджерлермен өткізіледі.Сарапшылық комиссиямен әңгімелесу – арнайы комиссиямен сұхбаттасу түрінде жүзеге асырылады. Оның қорытындысы бойынша Ұлттық комиссия отырысына 100-ден аспайтын кандидаттар тізімі ұсынылады.Ұлттық комиссияның отырысының қорытындысымен үздік 50 кандидат Президенттік жастар кадр резервіне қабылданады.Іріктеудің ашықтығы мен әділдігін қамтамасыз ету мақсатында кандидаттарды бағалау нәтижелері олардың жеке кабинетінде және кезең қорытындысы бойынша ақпарат ресми сайтта жарияланады.Агенттік төрағасы ел мүддесіне қызмет етемін деген белсенді жас азаматтарды Президенттік жастар кадр резервіне қатысуға шақырды.<blockquote>«Білімді, еңбекқор, отанға қызмет етуді парыз санайтын жастар – еліміздің тұрақты дамуының басты қозғаушы күші. Жастардың білімін, әлеуеті мен күш-жігерін ел игілігі үшін тиімді пайдалану, қоғамдық мүдделерге негізделген кәсіби мемлекеттік қызметшілердің жаңа буынын қалыптастыру – Агенттік жұмысының басты бағыттарының бірі», – деді Дархан Жазықбай.</blockquote>

1 маусымда Президенттік жастар кадр резервіне кезекті іріктеу басталады

<a href="https://kyzylorda-news.kz/">Kyzylorda-news.kz</a> &nbsp; Бүгін Қызылордада облыс әкімі Нұрлыбек Нәлібаевтың қатысуымен «Қазақстан Республикасында тәуелсіз мейіргерлік қызметтің озық тәжірибелерін енгізу» тақырыбында халықаралық ғылыми-тәжірибелік конференция өтті.Оған Денсаулық сақтау министрі Ақмарал Әлназарова, Дүниежүзілік денсаулық сақтау ұйымының Қазақстандағы Елдік кеңсесінің басшысы Скендер Сыла, онлайн режимде Дүниежүзілік денсаулық сақтау ұйымы Еуропалық аймақтық бюросының директоры Ханс Клюге, Германия, Қырғызстан, Латвия, Өзбекстан, Ресей, Түркия, Финляндия мемлекеттерінің өкілдері, ғалымдар, барлық өңірдің денсаулық сақтау басқармасының басшылары, дәрігерлер, мейіргерлер, медициналық оқу орындары мен клиника басшылары қатысты.Конференцияның мақсаты – халықаралық тәжірибені ескеріп, тәуелсіз мейіргерлік қызметті дамыту, орта медициналық қызметкерлердің денсаулық сақтау жүйесіндегі рөлін арттыру, олардың басқарушылық, сараптамалық, клиникалық құзыреттілігін нығайту.Облыс әкімі Мемлекет басшысының тапсырмаларын жүзеге асыру барысына, Сыр медицинасындағы жаңашылдықтарға тоқталды.<img src="https://knadmin.beoblood.kz/uploads/aza_stan_Respublikasynda_t_uelsiz_mejirgerlik_yzmetti_1_ecba3462dc.webp" alt="«Қазақстан Республикасында тәуелсіз мейіргерлік қызметтің 1.webp"><blockquote>«Президентіміз Қасым-Жомарт Кемелұлы 2025 жылды «Жұмысшы мамандықтар жылы» деп жариялап, «Біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз. Бұл «Адал азамат – Адал еңбек – Адал табыс» қағидатына толық сай келеді», – деген болатын.Өңіріміздің медицина мекемелерінде 12 мыңға жуық мейіргер еңбек етеді. Олардың халық денсаулығын жақсартуға қосқан үлесі өлшеусіз деп айтуға болады. Дені сау ұрпақ – Әділетті Қазақстанның келешегі. Ұлт саулығын нығайтып, сапалы медициналық қызмет көрсету – мемлекеттің басты міндеттерінің бірі.Өткен жылы аймақтың денсаулық сақтау саласының бюджеті 146 млрд. 200 млн. теңгені құрады. «Ауылда денсаулық сақтауды жаңғырту» ұлттық жобасы аясында барлық ауданда 28 медициналық нысан салынды. Жылына 10 мың адамға дейін қызмет көрсетуге мүмкіндігі бар жаңа Қан орталығы ашылып, ел игілігіне қызмет етуде. Ана мен бала өмірін қорғауда көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Облыс орталығында емханасы мен онкологиялық бөлімшесі бар 300 орындық көпбейінді аурухана құрылысы жүруде. Бұдан бөлек, ұлттық жоба аясында 4 көпбейінді аудандық орталық аурухана жанынан қосымша құрылыс салынуда. Өткен жылы 8 медициналық нысанға күрделі жөндеу жұмыстары жүргізілсе, енді 6 нысанның жылу жүйесі газға ауыстырылады. Қажетті медициналық құрал-жабдықтар сатып алынып, жабдықталу деңгейі 87,1 пайызға артты. Медицина саласын білікті кадрлармен қамтамасыз ету де басты назарымызда. Былтыр жергілікті бюджет қаражаты есебінен мамандар біліктілігін арттыруға 144 млн теңге бөлінді.Халықаралық ғылыми-практикалық конференцияда жасалған баяндамалар, айтылған ой-пікірлер, ұсыныстар сарапталып, оң нәтиже береді деп сенеміз», – деді Н. Нәлібаев.</blockquote>Конференцияда Ақмарал Әлназарова, Ханс Клюге, Скендер Сыла сөз сөйлеп, медицина саласындағы жетістіктерге тоқталды. Денсаулық сақтау министрлігі С.Қайырбекова атындағы денсаулық сақтауды дамытудың Ұлттық ғылыми орталығының басқарма төрағасы, медицина ғылымдарының кандидаты Гүлнар Құлқаева, Қызылорда жоғары медициналық колледжінің директоры, медицина ғылымдарының кандидаты Жанар Қалмақова баяндама жасады.<img src="https://knadmin.beoblood.kz/uploads/aza_stan_Respublikasynda_t_uelsiz_mejirgerlik_yzmetti_2_4980c00575.webp" alt="«Қазақстан Республикасында тәуелсіз мейіргерлік қызметтің 2.webp">Басқосуда Қызылорда облысының денсаулық сақтау саласының дамуына қосқан үлесі үшін мамандар «Еңбек ардагері» медалімен, «Денсаулық сақтау ісіне қосқан үлесі үшін», «Денсаулық сақтау ісінің үздігі» төсбелгісімен, облыс әкімінің Алғыс хатымен марапатталды. Сондай-ақ, Дүниежүзілік денсаулық сақтау ұйымының Алғыс хаты, медициналық колледж cтуденттеріне шетелдік оқу орындарына жолдамалар табысталды.Іссапар аясында Денсаулық сақтау министрлігінің делегациясы, республикалық медициналық ұйымдар мен өңірлердің денсаулық сақтау басқармасы басшылары облыс орталығы мен аудандардағы медицина ұйымдарының жұмысымен танысып, тәжірибе алмасуда.Фото: Қызылорда облысы әкімінің баспасөз қызметі

«Қазақстан Республикасында тәуелсіз мейіргерлік қызметтің озық тәжірибелерін енгізу» тақырыбында халықаралық ғылыми-тәжірибелік конференция өтті

<a href="https://kyzylorda-news.kz/">Kyzylorda-news.kz</a> Кеше ҚР Денсаулық сақтау министрлігі делегациясының, республикалық медициналық ұйымдар мен өңірлердің денсаулық сақтау басқармасы басшылары Қызылорда облысына жұмыс сапарымен келді.Сапар барысында делегаттарға аймақ бас дәрігері Олжас Искаков Жаңақорған ауданындағы "Қамқорлық" оңалту орталығы, "Төменарық", "Алмалы" ауылдық амбулаториялары және Шиелі аудандық көпсалалы орталық аудандық ауруханасы ғимаратының қосымша блогының құрылысымен таныстырды.Жұмыс сапарында медицина ұйымдарының басшыларына таныстырылған "Қамқорлық" оңалту орталығында балалардың сауығып кетуіне барлық жағдай жасалған. Атап айтқанда орталық емдік дене шынықтыру бөлмесі, массаж, ойын бөлмелері мен оңалту құралдары секілді керек-жарақпен толық қамтамасыз етілген. Одан бөлек монтессори педагогикасы науқастардың үй жағдайына бейімделуіне көмектеседі.15 төсек орынға арналған "Төменарық" дәрігерлік амбулаториясы өткен жылы ашылған болатын. Дәрігерлiк орталық Төменарық аумағында орналасқан Сүттіқұдық, Сунақата, Екпінді, Еңбек, Қожамберді, Жайылма елді мекендерінің 10 мыңнан аса тұрғындарына медициналық көмек көрсетуде.«Ауылдық денсаулық сақтауды жаңғырту» пилоттық ұлттық жобасына сәйкес, Шиелі аудан аралық ауруханасы көп бейінді аурухана болып өзгеруіне байланысты медициналық қызмет түрлерін кеңейту мақсатында да көптеген жұмыстар атқарылуда. Денсаулық сақтау министрлігі тарапынан МРТ (құны 650 млн. тенге) медициналық аппаратымен жарақтауды жоспарлап қойды. Бүгінде аудандық аурухана жанынан қосымша корпус құрылысы аякталды. Магнитті резонансты томаграфия жыл соңына дейін алынады деп күтілуде."Алмалы" дәрігерлік амбулаториясы да 2024 жылы «Ауылдық денсаулық сақтауды жаңғырту» пилоттық ұлттық жобасына сәйкес пайдалануға берiлді. Қазіргі таңда 1373 халыққа жалпы дәрігер бөлмесі, күндізгі бөлім, емшара және егу бөлмелерi секілді 14 кабинет қызмет көрсетеді.Айта кетейік, 16-17 мамыр күндерi каламызда «Қазақстан Республикасында тәуелсіз мейіргерлік қызметтің озық тәжірибелерін енгізу» тақырыбында халықаралық ғылыми-тәжірибелік конференция өткiзiлмек. Аймағымыздың медицина саласы үшін бұл іс-шараның маңызы зор болмақ.&nbsp;<img src="https://knadmin.beoblood.kz/uploads/Haly_araly_konferencziya_delegattary_Zha_a_or_an_Shieli_audandy_auruhanalaryny_zh_mysymen_tanysty_1_7ba5b4fa9f.jpg" alt="Халықаралық конференция делегаттары Жаңақорған, Шиелі аудандық ауруханаларының жұмысымен танысты 1.jpg">

Халықаралық конференция делегаттары Жаңақорған, Шиелі аудандық ауруханаларының жұмысымен танысты

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жауапты сала басшыларымен бірге Дүниежүзілік Денсаулық сақтау ұйымының Қазақстандағы сақтандыру кеңсесі басшысы Скендер Сыламен, аталған ұйымның еліміздегі өкілдігінің ұлттық үйлестірушісі Лаура Өтемісовамен кездесті.Аймақ басшысы халықаралық ұйыммен ынтымақтастық еліміздің медицина саласының дамуына серпін беретінін айтты.<blockquote>«Президентіміз Қасым-Жомарт Кемелұлының қолдауымен елімізде денсаулық сақтау саласына, медицина қызметкерлерінің мәртебесін көтеруге және олардың құқықтарын қорғауға әрдайым баса назар аударылады.Мемлекет басшысының бастамасымен Қазақстанның Дүниежүзілік денсаулық сақтау ұйымымен әріптестік байланысы өте жоғары деңгейге жетті. Соңғы жылдары мейіргер мамандар рөлі едәуір артты. Елімізде тәуелсіз мейіргер ісін дамыту – денсаулық сақтау жүйесінің тиімділігін арттыруға, тұрғындарға қолжетімді, сапалы қызмет ұсынуға бағытталған маңызды қадам. Озық тәжірибелерді енгізу арқылы мамандардың кәсіби дамуы мен рөлі арта түсетініне сенімдімін», – деді Н.Нәлібаев.</blockquote>Басқосуда Скендер Сыла ауқымды жобаларды бірлесіп жүзеге асыруға дайын екенін жеткізді.Айта кетейік, ертең Қызылордада «Қазақстан Республикасында тәуелсіз мейіргерлік қызметтің озық тәжірибелерін енгізу» тақырыбында халықаралық ғылыми-тәжірибелік конференция өтеді деп күтілуде. Аймағымыздың медицина саласы үшін бұл іс-шараның маңызы зор.<img src="https://knadmin.beoblood.kz/uploads/Ajma_basshysy_D_niezh_zilik_Densauly_sa_tau_jymyny_aza_standa_y_sa_tandyru_ke_sesi_basshysymen_kezdesti_1_00a4e9be21.jpg" alt="Аймақ басшысы Дүниежүзілік Денсаулық сақтау ұйымының Қазақстандағы сақтандыру кеңсесі басшысымен кездесті 1.jpg">Фото: Қызылорда облысы әкімінің баспасөз қызметі

Аймақ басшысы Дүниежүзілік Денсаулық сақтау ұйымының Қазақстандағы сақтандыру кеңсесі басшысымен кездесті

<a href="https://kyzylorda-news.kz/">Kyzylorda-news.kz</a> Облыстағы барлық емханалар мен стационарлардың кеңес беру бөлімдерінде тұрғындарға көрсетiлетiн медициналық көмектің қолжетімділігін арттыру мақсатында "Ашық есік" күні өтті."Ашық есік" күнінде тұрғындар скринингтiк, профилактикалық, флюорографиялық тексерулерден өтiп, көрсетілім бойынша күндiзгi және тәуліктік стационарға жолданды. Сонымен қатар мiндеттi профилактикалық екпе жұмыстары да жүргізілдi.&nbsp;Сондай-ақ, алыс-шалғай елді мекендердегі сақтандырылмаған мәртебесi бар тұрғындарға да жылжымалы медициналық кешен қызметiмен қамтылды, яғни маммографиялық, ультрадыбыстық зерттеу түрлерінен тегін өтуге мүмкіндік берiлдi.&nbsp; &nbsp;Атап айтсақ, "Ашық есік" күнiнде 1134 тұрғын дәрігерге дейінгi және 603 адам скринингтiк тексеруден өтсе, 750 пациент тар буынды мамандармен қаралды. Сонымен қатар, 434 лабораториялық анализдер тексеруден өтсе, 942 диагностикалық тексерулер жасалынып, 94 тұрғын диспансерлiк бақылауға алынған. Одан бөлек 58 адам дәрi-дәрмекпен қамтылып, 4 адам стационарлық көмекке жолданды.

Емханаларда ашық есік күні өтті

<a href="https://kyzylorda-news.kz/">Kyzylorda-news.kz</a> Қызылорда қаласындағы №3 емханада жоғары ажыратымдылықтағы УДЗ аппараты ауруларды ерте кезеңде анықтауға көмектеседі. МӘМС жүйесінің аясында ультрадыбыстық зерттеу қолжетімді әрі сапалы медициналық көмектің ажырамас бөлігіне айналды.38 жастағы Жарасхан Бегімбаев бүйрек тұсындағы ауырсынуға шағымданып, емханаға жүгінді. Учаскелік дәрігер пациентті УДЗ-зерттеуге жолдады.<blockquote>— Жұмыс істеймін, МӘМС жүйесінде сақтандырылғанмын. Тиісінше, медициналық қызметтерді тегін аламын. Қуантатыны – қазір УДЗ-ге кезек жоқ. Жолдама берілді, бірден тексеруден өттім. Медициналық сақтандыру арқылы көптеген қызметтер қолжетімді, – дейді Жарасхан.</blockquote>Емханада үш УДЗ аппараты жұмыс істейді. Соның бірі – заманауи Samsung Medison HERA W10 құрылғысы. Бұл аппарат анық бейнелеуді және жетілдірілген визуализацияны қамтамасыз етеді.<blockquote>— Аталған құрылғы арқылы жүктілік кезіндегі скрининг, жүрек, сүт бездері, барлық ішкі ағзалар бойынша зерттеулер жүргіземіз. Сондай-ақ, қатерлі түзілістерге күмән болғанда толық тексеру өткіземіз. Әрине, МӘМС аясында ультрадыбыстық зерттеудің қолжетімді болуымен ауруларды ерте анықтау деңгейі артты. Бұл әсіресе әлеуметтік осал топтар үшін өте маңызды, – дейді УДЗ дәрігері Айнұр Тұрманова.</blockquote><figure class="image"><img src="https://knadmin.beoblood.kz/uploads/OSMS_2_64d23846ab.jpg" alt="ОСМС2.jpg"></figure>

Ультрадыбыстық диагностика: МӘМС жүйесінің аясында қолжетімділік

<a href="https://kyzylorda-news.kz/">Kyzylorda-news.kz</a> Бүгін, 12 мамыр, Қазақстанда және бүкіл әлемде Халықаралық мейіргер күні &nbsp;– 141 елдің мейіргерлер қауымдастығын біріктіретін кәсіби мереке атап өтілуде.Бүгінде еліміздің денсаулық сақтау жүйесінде 190 мыңнан астам орта буын медицина қызметкері, олардың 146 мыңнан астамы – мейіргер жұмыс істейді, ал ауылдық жерлерде шамамен 55 мың маман еңбек етуде.Соңғы жылдары еліміздің денсаулық сақтау жүйесінде мейіргерлердің рөлі едәуір артты. Қызмет аясын кеңейту және өкілеттіктерді беру арқылы мейіргерлер медициналық көмекті командалық үлгіде көрсету жүйесінің ажырамас бөлігіне айналды.Бұл дәрігерлердің жүктемесін азайтуға, пациенттер ағынын тиімді үйлестіруге, сондай-ақ медициналық қызметтердің қолжетімділігі мен сапасын арттыруға мүмкіндік берді.Бүгінде кеңейтілген практика мейіргерлері өз бетінше келесі қызметтерді атқарады:• пациенттерді бастапқы қабылдау және динамикалық бақылау; • медициналық құжаттар мен электрондық жазбаларды жүргізу; • дәрігердің тағайындауы бойынша ақпараттық жүйелер арқылы тегін рецепт жазу; • пациенттер ағынын реттеу және сұрыптау, қабылдауға жазу; • активтерді тіркеу және тұрғындарды МСАК ұйымдарына тіркеу.Мейіргерлердің жауапкершілік саласына сонымен қатар:• диспансерлік есептегі пациенттермен жұмыс; • созылмалы ауруларды басқару бағдарламасы және әмбебап-прогрессивті патронаж моделі шеңберінде консультация беру, оқыту және патронаж; • вакцинациялау мен скринингтерді қоса алғанда профилактика шаралары; • медициналық көмек көрсетудің барлық деңгейдегі халықтың денсаулығын нығайтуға қатысу жатады.Денсаулық сақтау министрлігі мамандарды даярлаудың сатылы жүйесін енгізді: стандартты деңгейден бастап мамандардың құзыреттеріне қойылатын талаптарға сәйкес келетін «бакалавриат – магистратура – докторантура» академиялық дәрежелеріне дейін.Қазақстанда мейіргерлерді 94 медициналық колледж даярлайды, оның ішінде 22-сі – мемлекеттік, 72-сі – жекеменшік. Олардың 39-ы – жоғары медициналық колледж мәртебесіне ие.Жыл сайын елімізде 23 000-нан астам жалпы бейінді маман даярланады, ал соңғы алты жылдың ішінде қолданбалы бакалавриат дипломы бар 20 000-нан астам мейіргер денсаулық сақтау мекемелеріне жұмысқа орналастырылды.Мейіргер ісін дамыту жұмыстарын үйлестіру мақсатында еліміздің 20 өңірінде өңірлік үйлестірушілер тағайындалды. Олардың қатарында – практикалық денсаулық сақтау саласының, білім беру ұйымдарының және басқару органдарының өкілдері бар.Қазақстан Республикасы Денсаулық сақтау министрлігі барлық мейіргерлерге халықтың денсаулығын сақтау ісіне қосқан баға жетпес үлесі, біліктілігі, жанашырлығы мен адалдығы үшін шын жүректен алғыс білдіреді. Тек мейіргерлер ғана әрқашан пациенттің жанынан табылады, өмірдің ең қиын әрі жауапты сәттерінде қолдау көрсетеді.Кәсіби мерекеге байланысты 14-16 мамыр күндері Түркістан қаласында «Мейіргер қызметінің инновациялары мен даму перспективалары» атты халықаралық форум және Қызылорда қаласында «ҚР-да тәуелсіз мейіргер ісінің &nbsp;ең үздік практикаларын енгізу» тақырыбында халықаралық ғылыми-практикалық &nbsp;конференция өтеді.Фото: gov.kz

Мейіргерлер күні: Қазақстандағы орта буын мамандарының рөлі мен мәртебесін арттыру туралы

<a href="https://kyzylorda-news.kz/">Kyzylorda-news.kz</a> Қазақстанда жүрек-қан тамырлары аурулары әлі де аурушаңдық пен өлім-жітімнің басты себептерінің бірі болып саналады. МӘМС жүйесі аясында емдеудің сапасы мен қолжетімділігін жақсарту мақсатында А.Н.Сызғанов атындағы Ұлттық ғылыми хирургия орталығының кардиолог мамандары Қызылорда облыстық көпсалалы ауруханасында кеңес беру жұмыстарын жүргізіп, шеберлік сабақтарын өткізді.Пациенттердің бірі 21 жастағы Перизат Сматқызы 14 жасынан бері дәрігерлердің бақылауында. Қызды ентігу, жүрек соғысының жиілеуі, әлсіздік және бас айналу мазалайды. Бұған дейін ол Астанада квота бойынша ота жасатқан болатын. Бұл жолы кардиологтар Перизатқа күрделі тахикардия диагнозын қойып, Емдеуге жатқызу бюросы порталы арқылы CARTO атты үшөлшемді электроанатомиялық карта жасау жүйесі арқылы диагностика мен емделуге Алматыға жолдады.<blockquote>«Бұл әдіс жүректің анатомиялық құрылымын үш өлшемде көруге және тахикардия ошақтарын нақты анықтап, оларды жоюға мүмкіндік береді. Мен МӘМС жүйесінде сақтандырылғанмын, жұмыс істеймін. Барлық медициналық қызметтерді тегін аламын. Жалпы, медсақтандырудың арқасында емделуге үлкен көмек алдым», – деді Перизат.</blockquote>Алматылық кардиохирургтар жүрекке катетерлік абляция жасау әдісін қолданды: катетер қан тамыры арқылы жүректегі аритмия көзіне жеткізіледі және бұзылған ырғақ көзі радиожиілік импульсінің көмегімен жойылады.<blockquote>«МӘМС жүйес озық технологияларға қол жеткізу ғана емес, сонымен қатар медициналық ұйымдар арасында бәсекелестіктің артуына ықпал етуде. «Қаражат пациентпен бірге жүреді» қағидаты оң нәтижесін беруде», – деді А.Н. Сызғанов атындағы Ұлттық ғылыми хирургия орталығы бөлімінің меңгерушісі Әділ Баимбетов.</blockquote><img src="https://knadmin.beoblood.kz/uploads/osms_d38e845988.jpg" alt="осмс.jpg">

Қазақстан және Қызылорда облысының жаңалықтары: Денсаулық